لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 15-08-08, 12:52 AM   المشاركة رقم: 16
المعلومات
الكاتب:
اللقب:
ليلاس متالق


البيانات
التسجيل: Nov 2006
العضوية: 17808
المشاركات: 1,263
الجنس أنثى
معدل التقييم: angel911 عضو بحاجه الى تحسين وضعه
نقاط التقييم: 14

االدولة
البلدBahrain
 
مدونتي

 

الإتصالات
الحالة:
angel911 غير متواجد حالياً
وسائل الإتصال:

كاتب الموضوع : angel911 المنتدى : القصص المكتمله
افتراضي

 

البارت الثامن


الجرح


الجرح ماهو خاطر شوي ويروق
الجرح حتى لوتشافى يعلك




× فــــــــهــــــد ×
من بعد ماصليت العصر ركبت سيارتي واتجهت للمكان الي حدده سعد اخوي للقاء .. بيني وبينكم ماكنت ابي اروح لكن صوته بالتلفون كان باين عليه انه تعباان ومحتاج لي فعلاا .. وصلت المقهى الي اتفقنا عليه ..دخلت وصرت واقف ع البااب ادور عليه بعيني ..ماحصلته ..رن مبايلي وكان هو المتصل ..رديت عليه وينك فيه
جاوبني : فوقك .."رفعت راسي شفته جالس بالدور الثاني " اشر لي ..اصعد لي
صعدت له كانت ابتسامته شااقه الحلق اما انا بصراحه ماكلفت نفسي ابتسم له نص ابتسامه .. وقفنا متقابلين قرب مني وضمني وهو يسلم ..بصراحه سلمت عليه بطريقه جافه
سعد ياشرلي ع الكرسي : اجلس فهد علاامك واقف
قلت له وانا بعدني واقف : : نعم سعد ممكن اعرف وش الي تبيه ؟!
سعد : اجلس بالاول
جلست لان شكلي بالوقوف صاير غلط : وهذي جلسه اخلص لو سمحت
سألني : مستعجل ولا ماتبي تقعد معاي
جاوبته بصراحه : الاثنيين
تغيرت ملامح موجهه : افا يافهد لها الدرجة ؟!
قلت له : سعد بلاش شغل العتاب والخواطر المكسوره قل الي عندك بصراحه ووضوح
بلع ريقه : مها يافهد
سألته : وش فيها ؟!
جاوبني : ابي اردها
قلت له بلا مبالة : وانا وش دخلني بالموضوع
قالي بنرفزه : وش دخلك ؟! انت مب اخوي ؟! منت بولد عمها
قلت له بسخريه : تصدق توني ادري ...
سعد بعصبيه : فهيدان تكلم زي الناس
ناظرته من فوق لتحت : وش تبيني اقولك ؟! تبي تردها !! هذا هو الطريق قدامك تعرف زين وين بيتهم
صح ؟! واذا انت مب عارف او نسيت ترى مب مشكله اسأل أي احد وين بين الذيب وبيدلك عليه ..وكملت بحسره .. بيت الذيب الي اهنته بيت الذيب الي مسحت بكرامته الارض بيت الذيب الي خليت الكل يتكلم على اهله بيت الذيب الي الكل كان يتمنى يناسبونه الي بناته يثاقلن بالذهب وصار بفضلك مايسوى شي وصارن بناته علك بفم الناس تعرف ذا البيت ؟!
سعد باحراج وااضح وانكسار: بس يافهد الي جاني كفاني
قلت له وانا احاول قدر الامكان مااعلي صوتي: كافي ؟! انت اصلا وش الي جاك ؟! انطردت من البيت ؟! انفصلت من شغلك بس هذا كل الي جاك ...خذيت نفس ...وش يجي هذاا ياسعد قادام الي صار لبنت عمك وش يجي قدام الي سويته بمها ؟! اهانتها .ضربها وهي عروس مامر عليها 48 ساعة؟! وش يجي يااسعد يوم ماصاارت مطلقه بعد ليلة وحده ؟! انت تدري وش سويت فيها ؟! دفنتها وهي حيه ..خليت الراس الي عمره ماانحنى الا لربه بالارض قولي ياخوي الي جرالك امر والا الي جرالها ؟!
سعد وعيونه بالارض : تهورت واللي صار صار ...فهد حط نفسك بمكاني ..حط نفسك يافهد واحكم بعدين ..تخيل بان الليله الي مفروض تكون احلى ليالي العمر.. الليله الي تكون مرتي بين ايدي ..اكون اول من يلمسها اتفاجا انها مب بكر وان في غيري
عصبت وقاطكعته : حدك ياااسعد كلمه بعد واقص رقبتك
سعد : فهد هذا كان تفكيري سااعتهاا ...سكت شوي ...ورجع كمل بحسره ...فهد تربينا انه ذا ماشفنا الاثر البنت مب بكر
حاول اهدي نفسي: الاثر ؟! سعد انت انسان متعلم وش خليت للجهله ..كل مره يااسعد له خوصوصيتها لها طبيعتهاا واعتقد انك فاهم هالشي زين الوقت الي كنت تضيعه بالمجلات الهابطه والكتب الرخيصه كان قريت فيه كتاب علمي موثق كان جيت عندي يااخوي وسالتني انا دكتور قدامك مو رجل كرسي ..تنهدت ..يااسعد الشرف اكبر من اثر تشوفه العين الشرف مبادىء قيم اخلاق وكملت بحسره اعتقد تعرف زين عن عمليات الترميم ؟
غير كذا انت مااخذت وحده من الشاارع انت اخذت بنت عمك الي تربيت انت وياها سوى تعرف اخلاقها تعرف تربيتها ليه مافكرت لو للحظه بذا الشي ليه مااحطيته بحسبااانك ؟! خلني افرض جدالا انهاا ماكانت شريفه واكرم عليها بنت الذيب ماتسويهااا ليه ماسترت عليهاا ؟! ليه ماقلت هااذي بنت عمي شعرت وجهي الي يمسهاا يمسني ؟! ياخي كان صبرت ..وطلقتها بعد فترة ..ليه الفضيحه ؟! واللحين وش استفدت اهي طلعت بريئة وعفيفه وانت خسرتها وخسرت ابووك وكل اهلك
قالي: ندمان والله ندمان ياافهد
هزيت راسي بحسره : بعد شنو ؟! بعد ماصرت ماتسوى ذباابه بعينهاا ؟! بعد ماغضب عليك ابوك ؟! بعد شنو ؟!
سعد برجاء: ساعدني يااخوي
قلت له : اسف ..انا بالذاات مااقدر اسااعدك
قاطعني : تكفى فهد
قلت له : سؤال وبكل صرااحه لو ان حصه جاتك ثااني يوم من عرسهاا مضروبه وزوجها مشكك بشرفهاا وش كان رح يكون موقفك ؟! بتخليها ترجع له ؟! بتسكت عنه ؟! لعلمك ترى انت حي لين اليوم اكرام لابوي ولا كان مذبوح ذبح النعاج من زمااان







× راكـــــــــــان ×
من يوم ماطلعنا من البيت كان شكله سرحاان ومرتبك ... دخلنا وصلينا العصر وبعدها اخذنالنا تااكسي لاننا متفقين مع الشبااب بنروح البحر
سألته : تروك وش فيك
تركي : هااا ؟!
قلت له : تركي وش فيك حالك مقلوب
تركي : سلاامة رااسك مافيني شي
سألته : كلمت راشد ؟!
قالي بحسره : لاااا
سألته وانا التفت عشان اشوف وجه زين لاني كنت جالس جنب السواق : لييييييييييه
قالي : راكان خلك عاقل ..انا الى الان ماثبت بوظيفه ولا تخرجت شلون اروح اخطب عند النااس
قلت له : انتت بتروح تخط مب تملك ...ع الاقل احجز البنيه
هز راسه : لا ياراكان انا لو عندي خوات ماارضى بذا الشي والي ماارضاه على اهلي مارضاه لبنات النااس
غير كذا اناا ماابي راشد ينحرج ويوافق علي لانه صاحبي ابغى اروح واخطب واناا مالي ثووبي
ابتسمت له : والله ياتركي انت أي احد يتشرف بنسبك وانت مالي ثوووبك من غير اي شي
مسك وجهه بكفوفه وصار يلعب لي رموشه بطريقه عبيطه : مدحووني
ضحكت انا وياهااا من قلوبناا وضحك معاناا السواق الي مو عارف وش السالفه بالاصل








× خــــالــــــد×
كنت ارتجف ... ارتجف بقوة والعرق مالي وجهي ... والالم .. الالم كان شي ماينوصف ..الم حاد كنت احسه متغلغل بكل خليه من خلايا جسمي المهتز ..لصقت بركن من اركان الغرف الفااضي الي حتى مافيها سجاااد كانت ع البلاط وجدرانها بلون اسمنتي كئيب ...لصقت وانا ضاام رجولي لجسمي وماسكها بقووة يمكن يوفت الاهتزااز يمكن يخف الالم ..لكن لا ابد لا خف ولا توقف ..اااااااااااااخ راااسي بينفجر ياااناااااااس بينفجر مديت كفووف يالمرتجفه وصرت اضغط على رااسي اضغط واضغط ضغطي لو كان لاي شي ثااني كان رح يدمره يحوله لحطاام ...لكن مع وجع راسي مااكان شي يذكر ..فقدت الامل بالضغط ماكان قدامي الا حل واحد صرت اخبط رااسي بالجدر اخبطه واخبطه بقووة ...يمكن يخف الصدااع شوووي خبطت وخبطت ماتوقفت الا يوم بحسيت بشي داافي يسيل على رقبتي من الخلف وشوي شوي صرت احس فيه على ظهري مديت اصابعي تحسست السائل الداافي كااان لزج لوونه احمر فركته بين اصاابعي ..ايه هذا الي يقولون عليه دم ..حسيت بجسمي بدأ يرتخي والالم يخف تدريجياا بدت الغرفه تدور وتدور ..غمضت عيني ..ورجعت فتحتها لقيت نفسي مثبت بالارضوسط صحرا قفراا شمسهاا تحرقني ..وفوقي النسووور تحووم ..شفت نسر من النسور جاااي يهجم علي ...صرخت لاااااااااااا
قمت من نوومي مفزووع تعوذت من ابليس وصرت امسح وجهي الي كله عرق ..اعوذ بالله كان حلم ..ايه
حلم ..الحمدالله حلم ... طالعت ساعة الغرفه شفت انه وقت المغرب ..قمت اتوضا واصلي وقومت معي ابو مشاااري




× نــــــوال ×
صرنا المغرب اللحين وخلاص جهزت للخرجة ... انا لبست ثوب باللون العودي والذهبي لميت شعري كله على ورى بشكل شنيون وزينته بدبوس شعر فخم ..لبست الطقم الي اهداني اياه عمي يوم ملكتي انا وفهد
كان من الذهب الاصفر يتلائم مع لبسي وكان بصراحه مره فخم ... لبست دبلتي الي حمدت ربي ان محد بالصبح انتبه اني ماااكنت لابستها حطيت لي مكياج وهالمره كان ثقيل شوي وحطيت لي جلوس فاااااااااتح مره تعطرت بدهن العود المفضل عندي وخذيت عباااتي وشيلتي وورحت جهت غرفت مهاااوي طقيت باابهاا
اول مادخلت غرفت مها صفرت لهاا : وااااااااااااااااااااااااو جد تهبليييييييين
مهاا : لا يااشيخه
قلت لها : انا نوال مب شيخه
مها : مايضحك ويك ويك
قلت لها وانا اجلس ع السرير : متى اشتريتي جلابيتك مااشفتك يوم اخذتيهاا ؟!
قالت لي وملامحها متغيره : هااذي اخذتها يوم كنت ادبش
قلت لهاا وانا احاول اتجنب الكلام عن عرسها : اها والله حلووه ... تبين اجيب لك المبخره ؟!
قالت لي : لا ماله داعي ... انتي تبخرتي
قلت لهاا : افكوورس وبخرت شعري كمااان ..تعرفيني ثلاث اشياء مااستغني عنهاا .. الكحل وال
مها صارت تكمل : والعود والصقر
ضحكت : ههههههههه ياعني ع الحافظه
قالت لي وعلى شفايفها ابتسامة مكر .: بكره رح تصير الكحل والعود وفهد
زميت شفاايفي : يخسي يااخذ مكان اخوي
قلت لها : ولاتزعلي والصقر كمان اربع اشياء حلوه
سالتها وانا اشوفهاا وهي تتعطر بعد ماا انتهت من حط جلوسهااا الوردي الي يتماشى مع شدو عينهاا وجلابيتها الفوشي : تهقين اني بحبه بيوم ؟!
التفتت علي : معقول يانوال لسى ماحبيتيه ؟!
قلت لهاا : ماله قبول بقلبي ابد ياامهاا ... صدقيني مو قادره اتقبله من اشوفه احس ميت عفريت لابسني
مها هزت راسها وراحت تاخذ عباتهااا من الدولاب : هذا اكبر دليل انك غبيه .. المره الي يكون عندها زوج زي فهد تبوس ايدها وجه وقفى مو تتبطر .. مااقول غير خسارة حبه فيك
ضحكت بسخريه : حبه ؟! مها تضحكين على منو ؟! تدرين زين انه مااايحبني وانه ماتزوجني الا عشان يكسر خشمي بعد مارفضته من قبل واستغل الي صاار لي عشان يحقق الي يبيه ويظهر قدامكم بصورة الفارس الشهم
مهاا قالت لي بصدمه : انتي وش تخرفين؟!
قلت انهي الحوار : وين الصقري تأخر ؟!!
مهاا فهمت تصرفي: تلاقينه جاي بالطريق اكيد راح يصلي بالمسجد
خذينا عبايااتناا ونزلنا الصاله ..تقريبا خمي دقاايق الا والصقر جااي ..كن شكله تعباان شووي
الصقر : مااشاء الله اشوفكم جاهزين
مها : صقر فيك شي؟!! يعورك شي ؟!
ابتسم لها : لا حبيبي مافيني شي
قلت له: صقر شكلك تعباااان ؟!
هز راسه : ياوسوستكم انتو الثنتين ترى مافيني شي بس كله لاني مانمت العصر ..انا بطلع اخذ دش بسرعه وببدل ملاابسي يعني ربع سااعه
مهاا : زين اطلع وانا اللحين بجهزلك المبخره
باسها ع راسها : الله لايحرمني منك يالغاليه
تنحنحت : احم احم نحن هناااا
هز راسه : اوهوو تصدقين احسبك هنااااااك
قلت له واناا متخصره : لاا يااشيخ ؟! تستهبل حضرتك
قالي : نزلي ايدك اشوف ... نزلت ايدي بسرعه وانا منحرجه منه
قالي : اقول دوري شوي
قلت له : نعم ؟!
قالي بلهجة امره : اقول دووري
درت زي مااقااال لي ..وغمزني : بصرااااحه كششششششششخه كل هذا لفهيداان
ماادري وش صاارلي ..حسيت بحراااره بكل جسمي تسري ..عمر الصقر ماعلق علي بذي الطريقه
مها تضحك : صقر حراام احرجتها شوف وجها كنه طماطم
قلت لهم : مالت انا اصلا طول عمري شياااكه واتشيك لنفسي مو لاحد
ضحكو : هههههههههههههههههههههههههه
قلت له : اقول اطلع اتروش " تسبح " قبل لاياذن علينا العشى واحنا لسى بالبيت



× حــــصـــة×
جاتني الشغاله تقول ان بيت عمي جوناا اخيراا ... وقفت قدام مراايتي اتأمل شكلي ..حلو علي اللون الفيروزي طالع شي الصرااحه... خذيت مسفعي معاي ونزلت ..شفت بنات عمي جالسااات بالصاله ومعاهم امي
سلمت عليهم : هلا والله بناات العم .. تو مانور البيت
مها بذوقها المعهود : منور باهله ياااحصه
التفت لنوال : نورتي مرت اخوي
نوال جاوبتني من غير نفس كالمعتاد : تسلمي
كان نفسي اسأل عن الصقر لكن مااقدرت فسألت امي : وين ابوي ؟!
جاوبتني امي : راح المسجد مع الصقر ..
سألتها وانا متعمده انااظر نوال : وفهد وينه ؟!
امي : من طلع من العصر ماشفته
مها : لايكون عرف اننا جاين وهج من البيت
ضحكنا على اسلوبهاا بالكلام ...رديت عليها : صدقيني لو درى انكم جاين مااكان فارق الصاله
مها وتغمز لي: تقولين لي
قمت اباشرهم بالقهوه ... عطيت امي طبعا بالاول بحكم كبر سنهاا وبعدها مهااوي ومديت فنجان لنوال : سمي
نوال : سم الله عدوك
ابتسمت وانا احط الدله ع الطاوله وسألتها : ها عروستناا خصتي جهاااز لعرسك ؟!
نوال : مابديت اصلااا ؟!
بصراحه كنت متوقعه اجابتها : ليش؟! ترى مابقي ع الزواج شي كلها شهرين
نوال : ادري
قلت لها وانا احاول اكون باارده وهاديه قدر المستطاع : ودامك تدرين ليه ماجهزتي ؟!
مها حست بالتوتر : حصه ترى يمديها تجهز بالرااحه
قلت لها : بنشووف
تبادلنا انا ونوال نظرات نااريه ..يااناس والله قااهرتني قهر ..والله اخوي برقبتهاا ..مالت صدق لاقالو الحب اعمى ولا وش عجب فهيداان فيهاا لا زود حلاا ولاا مال ..اخ والناس فيما يعشقون مذاهب
سمعنا نحنحه عند البااب كان ابوي ومعاه الصقر .. حطيت شيلتي على رااسي وغطيت شعري مضبووط
دخل الصقر مع ابوي .. مااشااء الله عليه .. كان كاشخ على سنقت عشرة زي مايقولون ..وهذا شي مو جديد عليه طول عمره كشيييخ .. اذكر يوم كان يجي يااخذني انا ونوالوه من الجامعه كيف البنااات يتنحون فيه من وسامته .. بشرته السمرة جبينه العريض نوعا ماا دقنه الباارز عيونه ونظرتها الحااااده بالضبط كانها نظرة صقر بيهجم ع فريسته .. رخامة صووته ... كل شي فيه حلو غير كذا عليه رزه تااخذ العقل
... مااشاء الله عليهم اصلاا عيال عمي سواء الصقر ولا خالد او حتى .. المهم كلهم مزايين
الصقر سلم على امي : شلونك ياعمه ؟!
امي : بخير ياولدي شلونك انت
الصقر: الحمدالله ..مبارك عيدك
امي : وعيدك مبارك
الصقر: كل سنة وانتي طيبه ياحسه
جاوبته : وانت طيب
ابوي كان ملتهي ببناات اخوه ويسولف معاهن ..لكنه قام بعد مااخلص من سلاماته
ابوي : صقر قم ياولدي للمقلط ..حصه يباا القهوة
قلت له : ان شا ءالله








× فــــــــهــــــد ×
وقفت قدام البحر .. كان البحر بحالة هيجان... هيجان يشبه هيجام بحر ذكرياتي .. يوم قال سعد تخيل نفسك مكاني يااافهد ... سعد كان بس يشك .. اناا مو اشك اناا شفت بعيني من غير لاحد يقولي ..."مر بباله ذكرى مؤلمة ..ذكرى مالها سنتين تقريبا ...تذكر زين شلون كان بذاك اليوم اسعد مخلوق بالدنيا .. اسعد انساان مشت رجله ع الارض كان يومتهاا راايح يخطب نوال .. حب يطلبها من الصقر ويعرف راايها بالاول من غير لايدري ابوه عشان لايسبب احراج لاي احد تذكر شلوون كان هو وفهد جالسين بالمقلط لحالهم ..تذكر شلون تغير وجه صقر وصار يسب ويشتم وفجاة خرج من البيت ..مااقدر الا انه يلحقه ..وليته مالحقه .. وصلوو لشاليهات ع البحر .. وكان الصقر نازل من سيارته زي المجنوون وراح اتجاه شاليه معييين كان بااابه مفتووح
دخل وهو زي المجنون وهو لحقه ..ناداه اكثر من مره لكن لاحياة لمن تنادي الصقر كااان معمي ماايشوووف قدامه شاف الصقر وااقف قدااام وحده من الغرف وهو منصدم متجمد .. اول ماااامتدت عينه عالي بالغرفه انصدم اخر شي توقع يشوفه بنت عمه بين يدين شخص غريب تجمدت كل احواسه ... اتذكر زين صريخ نواال ونواااحها وبكاااهااا وتذكر زين الولد وهو كان يقوول الكلمااات القذره
منصور : اخيرا جيت ياااولد الذيب ..لا ومعك ضيووف بعد
الصقر: نوال ؟!!!
نوال جرت عليه : صقر الحقني يااخوي صقر هذا كان يبي وصارت تبكي
الصقر مسكهاا من شعرها : ليييييييييييييييش ؟!!!لييييييييييييييييييييييش
نوال : انا انا ..رماها ع الارض بقرف
وهجم ع الولد : يالخسييييييييس
منصور : خسيس ؟! حبيبي بنتكم جات برضااهااا انا مااضربت احد على ايده
نوال صرخت : كذاااااااااااااااااااااااااااااااااااااااااااااااا اااااااب
فهد كان وااقف بمكانه صدمته اكبر من انه يتكلم ..طول عمره كان راسم لنوال صورة الطهر والعفه مو قادر يستوعب ان الي من شوي كانت بحضن منصور هي ...
الصقر صاار يتضااارب معاااااااااااااه وفهد كان يضرب نواااال ضربهاا غصب عنه يوم جات وتبيه يفكهم مااقدر يمسك ايده ويمنعهاا ..ماهتم لدموعهاا وتوسلاااتهااا
تذكر شلوون سحب منصور سكين من سلة الفواكة الي كانت ع الطاوله وكان ياشر بها جهت وجه الصقر
وكان الصقر يتلافهاا لكن منصور قدر اخيرا يجرح الصقر جرح برقبته نزف واااايد
لكن فهد قدر يضربه من الخلف الين طاح الولد ع الارض .. الصقر اخذ السكين الي طاحت وكان ناوي يذبح الولد لكن فهد منعه : لا ياااصقر لاتضيع نفسك بواحد مااايسوى
الصقر بغيض: هذا لعب بسمعتناا
الولد الي كان نص صااحي : اوجعتكم يااعيال ال... ليه ولدكم ماقدر هالشي يوم لعب بسمعتنا ولا لاننا فقرناا ينداس عليناا
فهد : وش تقصد ؟!!!
قال : زي مالعب خالد ببنتناا انا بعد لعبت ببنتكم
هجم عليه فهد : يالكلب وصاار يضربه ... وبدل لاايصرخ من الالم منصور كان يضحك بشمااته
اماا الصقر جمد مكااانه كااانت صدمته اكبر من انه يتكلم ..اخوه واخته ..الاثنيين بيووم واحد شي مايقدر يوصفه ولا يتخيله ... " غمض عيونه وهو يسمع صووت اذان العشى اتجه جهت المسجد وصلى وقرر يرجع بيتهم







× ســـــــــراب×
جننتني فرح من كثر ماااتزن وتحرطم : فرووح وبعديين
فرح بقهر : ليه يروح يتشمى واحنا جالسين بالبيت ؟! مفروض يمشينا احناا
هزيت راسي واناا احط الشاي ع النار: يابنت الي يسمعك يقول رايح ملاهي ولا استراحات كلهاا جلسه ع البحر وبس..يعني ماعندك شي تنقين عليه
فرح : حتى ولو يكفيه انه جالس قدام البحر وخلص من جو البيت
جاوبتها : وش فيه جو البيت ؟
فرح بضيقه وهي تحط الجبن ع الصحن : يخنق مافي وي الطلعات
جاوبتها : ياقلبي انت بنيه والبنت مالها الا البيت
جات شادن بذا الوقت المطبخ :ماما تثوين عسى
ضحكت ع الحرووف الطايره عند بنتي : عشى عشى
شادن ياقال معصبه : عسسسسسسسسسسسسسسسسسى
فرح : الاخت ماجاورت الهنود كثير
قلت لها : هي لا تعايبين على بنتي ترى حتى انتي كنتي كذا بصغرك
فرح : انا بسم الله علي اكون زي هالاشكال وضربت راس شادن بخفه
شاادن : اووووووووف فلوووووووووووووح وعضتها برجلهاا
فرح : اااااي برويك يااوجه العنز ان ماربيتك صبر بس .... وصاارو يتجارون بالطبخ ويدورن حولي
قلت : بس بينكب الشاهي على وحده فيكن
شادن : ههه فلوح هبله ...هههه فلووح يادوبااا
فرح : تعااالي ياام لسااان
شادن تمد لسانهاا وهي وراي بغيض: ههههههههه دوبااااااااااااااااااااا
فرح منغاضة : شااااااااااااااااادوووووووووووونه
والله اني ضحكت على فرح اللي فعلاا كانت منقهره من شااادن







× نــــــوال ×
دخل علينا فهد كان راجع من برى ..كان شكله مبهدل مو عادته دوم اشوفه كااشخ ..سلم علي انا ومهاا ببروود طيب انا يحب يغايضني ويرفع ضغطي لكن مهاا على طول يحب يمزح معااهاا..اكيد به شي
عمتي : يمه فهد بك شي
فهد ابتسم لامه : سلاامتك الغاااليه ولا شي
عمتي : اجل يمه روح لابوك والصقر بالمقلط
جاوبها : ان شاء الله بس بطلع اتسبح بالاول
وفعلااا طلع يتسبح ...مها همست لي : وش فيه رجلك ؟!
قلت لها : وش يدريني عنه
مها : ليه ماتقعدين معاه وتسألينه وش فيه
صعقتني بصراحه : انهبلتي انتي ؟!!هذا الي باقي







× الصـــــقــر×
جلسنا انا وعمي بالمقلط سولفناا عن الشغل شوي ..حسيت بعمي يبي يقولي شي وانه يدور ويحوم حول الموضوع ومو عارف وش يقول
قلت له : عمي خير في شي شاغلك ؟!
عمي : صقر ما انت ناوي تزوج ؟!!
بلعت ريقي: عمي راحت علينا خلاص
عمي : وش تقول انت توك بعز شباابك والرجال عمر سنه ماايعيبه ... وهذي حصه بنتي خذها عطيه مامن وراها جزية
انصعقت من عمي : عمي انااا بصراحه حصه بنتك صغيره علي و
دخلت بالوقت حصه وشكلها سمعت كلامناا ...حطت القهوة ع الطاولة وداارت بتطلع من غير لاتقول كلمه الا انها فجأة وقفت عند الباااب وقالت : اسمع ياااولد العم لعلمك لو كنت باخذك بس لان ابوي عطااك
ولا النفس مالها خاطرن فيك .. والتفت على ابوها بلووم ليه يااايبااا ليه ؟! ليه ؟!
قلت لها : حصه انتي مابك قصور يابنت عمي لكنك
مدت ايدها بشكل تسكتني : الصقر لااتعذر مايهمني اعرف اسباابك وسحبت خصله من شعرها والله ياااصقر لو اعقده شيب مااخذتك وكفني اولى فيني من ثوب يزفوني فيه لك
وطلعت من المجلس ..حسيت عمي تضاايق واايد .. اما انا حسيت نفسي صغير واااايد ونذل لابعد درجة بصرااحه ..غير كذا كلام حصه جرحني برجوولتي


تنبيه
البعض منكم ممكن يستغرب من جرئتي بطرح قضية مهاا .. احب اقولكم ان اللي صار لمها قصة حقيقيه طبعاا مع تغير بعض الاشياء بالقصه بما يتناسب مع حبكت روايتي ... اتمنى انكم تنتبهون للمغزى ورى قصة مهاا
ولاتعتقدون اني اوردت هالشي فقط من بااب خالف تعرف او تجاوز الخط الاحمر الي صار لمهاا يصير لالاف البنااات بالمجتمع وتوصل للذبح احيانااا كثييييييييييييييييره
بالنسبه لفهد انتو تقرون القصه من وجهة نظرة هو يعني ماتعرفون شي الا من طرف وااحد


 
 

 

عرض البوم صور angel911   رد مع اقتباس
قديم 19-08-08, 12:19 AM   المشاركة رقم: 17
المعلومات
الكاتب:
اللقب:

البيانات
التسجيل: Apr 2008
العضوية: 71991
المشاركات: 23
الجنس أنثى
معدل التقييم: ابتسامة الربيع عضو بحاجه الى تحسين وضعه
نقاط التقييم: 11

االدولة
البلدSaudiArabia
 
مدونتي

 

الإتصالات
الحالة:
ابتسامة الربيع غير متواجد حالياً
وسائل الإتصال:

كاتب الموضوع : angel911 المنتدى : القصص المكتمله
افتراضي

 


قصه رائعه جدا .....سلمت يمينك أخت أينجل
علي هذا النقل الرائع
وعلي الحبكه الرائعه والمميزه للكاتبه الرائعه بدويه عنيده
وعندي فقط بضعه أسئله.....هل هذه قصتها الجديده.....
أم انها قصه كامله......وما موعد تنزيلها
أعتبريني متابعه منذ اليوم
وفقك الله ورعاكي

 
 

 

عرض البوم صور ابتسامة الربيع   رد مع اقتباس
قديم 09-09-08, 12:40 AM   المشاركة رقم: 18
المعلومات
الكاتب:
اللقب:

البيانات
التسجيل: Dec 2007
العضوية: 59802
المشاركات: 9
الجنس أنثى
معدل التقييم: ghanoma عضو بحاجه الى تحسين وضعه
نقاط التقييم: 10

االدولة
البلدKuwait
 
مدونتي

 

الإتصالات
الحالة:
ghanoma غير متواجد حالياً
وسائل الإتصال:

كاتب الموضوع : angel911 المنتدى : القصص المكتمله
افتراضي

 

السلام عليكم
قصة اكثر من رائعة وطبعا هذا اسلوب بدوية واحنا عارفينه من زمان الله يوفقك دوم وتسلم يمناكوانت يا انجل مشكورة حبيبتى على النقل ما قصرتى ويلا ننتظر بقية القصة سلام

 
 

 

عرض البوم صور ghanoma   رد مع اقتباس
قديم 10-09-08, 12:48 AM   المشاركة رقم: 19
المعلومات
الكاتب:
اللقب:

البيانات
التسجيل: Jul 2008
العضوية: 85052
المشاركات: 33
الجنس أنثى
معدل التقييم: روج فوشي عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
روج فوشي غير متواجد حالياً
وسائل الإتصال:

كاتب الموضوع : angel911 المنتدى : القصص المكتمله
افتراضي

 

واااااااااااااااااااااااااااااااااو يسلموووووووووووووو مررررررررررررررره رووووعه القصصصصصصصصصصه

 
 

 

عرض البوم صور روج فوشي   رد مع اقتباس
قديم 10-09-08, 12:51 AM   المشاركة رقم: 20
المعلومات
الكاتب:
اللقب:
عضو راقي


البيانات
التسجيل: Feb 2008
العضوية: 62940
المشاركات: 1,517
الجنس أنثى
معدل التقييم: **أميرة الحب** عضو على طريق الابداع**أميرة الحب** عضو على طريق الابداع**أميرة الحب** عضو على طريق الابداع
نقاط التقييم: 247

االدولة
البلدItaly
 
مدونتي

 

الإتصالات
الحالة:
**أميرة الحب** غير متواجد حالياً
وسائل الإتصال:

كاتب الموضوع : angel911 المنتدى : القصص المكتمله
افتراضي

 

تسلم اديج يالغلا قصة قمة في الروووعة
تحاتي لج

 
 

 

عرض البوم صور **أميرة الحب**   رد مع اقتباس
إضافة رد

مواقع النشر (المفضلة)

الكلمات الدلالية (Tags)
لا تشتكي من همومك للناس, لا تشتكي من همومك للناس للكاتبه بدويه عنيده, الكاتبه بدويه عنيده, بدويه عنيده, قصة لا تشتكي من همومك للناس
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 12:09 AM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية