كاتب الموضوع :
angel911
المنتدى :
القصص المكتمله
الجزء التاسع والعشرون
الفصل الاول
اول ماوصل المستشفى ...شاف فهد عند لاستقبال ..مشي معاه وهو يشرح له اخر التطورات بحاله شادن
فهد : الحمدالله استجاباتها كلها طبيعيه تمااماا ..مافي شي يخوف الجروح بتندمل مع الايام وكسر ايدها بيجبر
سأله : متأكد مافي أي شي ثااني
فهد : اكيد متاكد لو في شي كان قلت لك
سأله : في احد عندها ؟!
جاوبه : مدري وش تقرب لها ..بس سمعت بنت اخوك تقولها ماما
مرو على محل الحلويات واشترى سبت مره كبيييير من الشوكلاته ..واتجهو لغرفة شادن
دق فهد البااب ودخل ووراه صقر : السلام عليكم
فرح الي تغطت : وعليكم السلام ..واول مالمحت صقر ايل يحط الحلاوة ع الطاولة الجانبية انقبض قلبها ..ورحمة الله وبركاته
فهد : رجعت نامت
فرح بخوف : تصحى وترجع تنام كل شووي
فهد وهو يشوف نبضها : لا تخافي هذت شي طبيعي
صقر قرب ومسح على شعرهاا : متى تقدر تطلع من المستشفى
فهد : يعني بعد يوميين ؟! بالكثيير
فرح : والجبس ؟!
فهد : هذا بياخذله شهر تقريبا ..زوجك متى بيجي ؟! فياوراق لازم يوقعهاا
فرح : زوجي ؟!! تقصد راكان اخوي
فهد انحرج : اسف
<استغل الصقر انشغال فرح وفهد بالكلام ومن غير لا ينتبهون حط فلوس تحت مخدة شادن >
فرح : بكرة الصبح ان شاء الله جاي
فهد : لو سمحتي اول ماايجي خليه يمر مكتبي
طلع الصقر وفهد من غرفة شادن .. فرح غطت شادن الي دفت البطانيه للمرة العشرين وعدلت خدتها زيين ومع تعديل المخدة طاحت الفلوس ع الارض
اول مااشاافت الفلووس حست بقهر كبيير: اكييد مافي غيييره ...عم الغفله الي طلعلنا مدري من ووين
رجعت غطت وجهاا وطلعت تدور عليه ..نزلت اليين الدور الارضي شاافته وهو يطلع من المستشفى
لحقت وراهااا ..كانت تبيه يوقف ..المشكله انها نسيت اسمه ..مما اضطرها تمشي وراه الي ماوصلت لموقف سياارته : هي انت
التفت عليها : انا
فرح وهي تاخذ نفس: ايه انت
الصقر: امري اختي
فرح وهي ترمي الفلوس ع كبوت السيارة : نسيت فلووسك
ومشيت من غير لاا تعبره ولا تنتظر جواابه
الصقر انقهر منها : هي انتي ...وقفي
فرح حست بخووف يووم نادى ..صوته هزهااا ..وغصب عنها وقفت
الصقر : والله الفلوس مو لسواد عيوونك الفلووس لبنت اخووي
فرح : وهي مب قاصرهاا شي ..انا افضل اشحذ عن اخذ منكم رياال ..ولو سمحت انت غير مرغووب فيك ماابي اشووف رقعت وجهك هناا مره ثاااانيه ..ومثل ماكنتم نااسينهاا كل هالسنيين انسوهاا العمر كله
الصقر دمه غلي : ومنو انتي عشان تحددين علاقتناا فيها ؟!! يكون بعلمك بس تخرج من المستشفى رح تخرج على بيت ابوهاا ..وان شفتيهاا بعدها ابقي قابليني
فرح التفت بغيض عليه : انت تحلم
الصقر بتريقة : احلم ؟!! بنشووف منو الي يحلم
فرح رجعت للمستشفى بسرعه ..رجعت وهي ترتجفف بدااخلهاا من الخووف ...عيونه سببت لهاا رعب ماله اول من تالي ..دخلت الغرفه ..وكانت شاادن لسى ناايمه ...صارت تمسح ع شعرهااا ..تمسح بيد ترتجف
فرح : ماابيااخذك ..لو هو اخر يوم بعمري مااياااخذك
< <<<<<<<<<<
<عرس المهاا وشاهين >
حصه : نوال ووين الطقم ؟!!
نوال : يؤيؤؤ والله نسيته ..اصلا هو بالبييت ماجبته
حصه : بالله من متى ان اكلمك ؟!!كان اشتريت لي طقم اصرف والله
نوال : والله نسييت ..بعدين انا حقي والله ماالبسته من شريته .. اسمعي انا كذا ولا كذا لازم ارجع البييت ..نسيت حلقاني بجيب الطقم لك معااي اووكي
حصه : فهد بيجيك ؟!!
هزت راسها : لاا فهد عنده دوام ..خالد بيوديني
حصه : اووكي انا بروح الفندق مع مهاا وامي ..لا تتاخري
نوال : شووفي هذا خالد يدق مع السلامة
طلعت من بيتهم ورايحه على بيتهااا ..واخذت فستانها معاهاا
خالد وهو يحطها : اسمعي لا تتاخريين ..بروح احلق ارجع القاك جاهزة
نوال : تحلق ؟! متى بتخلص ؟!!
خالد : دقنيييييييي برتبهاااا بس دقني ..اسمعي بسرعه لا تتاخري ..ترى صقر من العصر بالفندق ورجني بالاتصالات
نوال : طيب
نزلهاا ..واتاكد انا دخلت بيتهااا وحرك سيارته ع الحلاق
نوال دخلت بيتهاا ..حست بحنيين قووي لها المكااان .. شافت كاسة قهوة محطوطة ع الطاولة رمت عباتها ع الكرسي وصارت ترتب الصاله ودخلت المطبخ لقيت كمن ملعقة وكم كااسة مع كمن صحن ..غسلتهااا وحطتها بالمنشر ..
نوال تكلم نفسهاا : والله البيت يبيله تنظيف ..شلون فهد قاعد كذاا
طلعت غرفتهااا بعد مااخذت فستانهاا ..حطت الفستان ع السرير ..وراحت وفتحت دولابها ..نزلت شنطة مجوهرااتهاا ...طلعت حلقانها المااسية الطويلة ..وكان فهد اهداها لهاا يوم ماتخرجت من الجامعه ...واخذت خاتمين دبلتها الماسية العريضه ...وخاتم ثاني من حصه كان هدية الزواج منهاا وطلعت علبة الطقم الي طالبته منهاا حصه ..كان طقم من البلاتين الابيض على شكل زخارف مرصوصه فوق بعضها البعض لى شكل طبقاات رفييعه وينتهي من اطرافه باحجار كريمه ومعاه اسورة رفيعه وخاتم انيق وحلقان متوسطة الطوول
خذت الي تبيه ورجعت الشنطة للدولاب
< <<<<<<<<<<
الصقر : انت وووينك ؟!!
خالد : عند الحلاق
الصقر : وهذا وقت حلاق ؟!!
خالد : صقر شكلي مبهدل نص سااعه اجيب اختك واجي
الصقر معصب : مهاا اليين اللحين محد جاابها من عند الكوفيرا .......وانا ريحتي خااايسه ومافي احد يشرف ع العمال .شاهين راح يبدل ..اقطع نفسي
خالد : طيب طيب
الصقر : مع السلامة ... قفل الجوال .. وعيونه معلقة علي يشوفه داخل من البااب اليين مااستقر قدامه ..ومد ايده يصافحه
سعد : شلونك ؟
صقر: الحمدالله وش تسوي هني
سعد : جيت ابااارك
صقر من غير نفس : مشكور
سعد وهو يلتفت حووله : ايش لسى مااخلصوو
صقر وهوو يرج شعره على ورى : لسى
سعد ويناظر سااعته : الناس مابقي عليها الا وتجي ..شف شكلك كييف
صقر : وش اسوي
سعد : رح بيتكم غير وبدل واناا بقعد معااهم
صقر: نعم ؟!!!!
سعد الي سمعته : رح وانا بقعد ..الااذا بقلبك شي لسى
صقرصح لسى يحس بالغضب بداخله بس ماحب ينبش موضوع قديم ..وخصوصااا ان مهاا اليوم خلاص عرسهااا
صقر: بس مو حلوه شاهين يجي ويشوفك انت مهما كان
قاطعه سعد : شاهين كذا ولا كذاا بيشوفني اناا ص مطلق مهاا لكني ولد عمهااا ..الدم مايصير مااا
صقر: طيب انا برووح كلها سااعه وااجي ..خالد بعد ماابيتاخر
سعد طلع من ايده علبه صغيره : قولهاا مبرووك
اخذهاا منه صقر: الفال لك
< <<<<<<<<<<
رجع من المستشفى على بيته يادوب يغير ملابسه ويلحق يروح العرس ...ماانتبه لعباتها المرمية بالصاله ..ولا حتى لترتيبهاا على طول طلع الدرج بسرعه وانصدم يوم شافها
فهد : متى جيتي ؟!!و شتسووين ؟!!
نوال الي تفاجأت : فهد ؟! متى جيت
قلت : من يسال الثاني
نوال : جابني خالد ..كنت ابي اغراض لي وراح يحلق دقنه عند الحلاق بين مااخلص..........توك مخلص ؟
قال لها : ايه توني جيت اتسبح عشان الحق ع العرس
كانت متزينه ومتكشخه ..شكلها جايه من الكوفيراا على هنااا..كانت رافعه كل شعرهاا .. ولابسه فستان بلون فوشي ضارب للحمار انقهر يوم شفت قصته كان عرياان ومن عند الصدر نازل على شكل V اليين قرب سرتها وبنص الصدر في مشبك فضي الفستان كان طاايح على كل جسمهااا
قلت لهاا : مااتشوفينه مفتووح زياااادة ؟!!
قالت لي : عند حريم مره عاااادي
ماابغى يتجادل معااهاا ...اصلاا كره الفسااتين وسنيينهاا ..
شافهاا تفتح الدولاب تطلع ملابس له ...ثياب داخليه ..ورجعت للجهة الثاانية وطلعت له ثووب
قال لها : وش تسوي ؟!
قالت له : مو بتتسبح ؟!! ماتبي ملابس
قلت لها : لا تتعبني نفسك ..عندي يدات ..
رن جوالها رفعت : هلاا خالد ... ايه فهد هناا ..خلاص انت رووح اناابجي معاااه ... انتظر بعطيك الطقم اعيطه حصه ..
قال لهاا وهو ياخذ المنشفه : ليه ماارحتي معااااه ؟!
قالت : وليه ماااروح معك ؟!
طنشهاا ودخل يتسبح .. وهي نزلت الطقم لخالد .. يوم خرج شفها واقفه قدام التسريحه وتلبس حلقاانهاا
لبست ثووبه ونشف شعره ...وبدأ يعدل شماغه ..جابت له المبخره من بعد ماحطت فيها قطعت العود وقربتها من يتبخر ...بهذي اللحظة بالذات يقدر فهد يقسم بالله ان النار الي تشتعل بالعوود نتيجة نفخ نوال عليه تحرق قلبه مو العود ... من بعد مابخرته اخذت دهن العود وفركته بيدها وجات بتحطه عليه مسك ايدها يمنعها تلمسه هو من غير لمس يحس بناااار اجل لااحطت ايدهاا وشلون بيكون حاله
نوال بعيون لوامه : تردني ؟؟
سحب ايدها الي لسى ماسكها وحطها على خده ..ابتسم برضى ..هالبسمه تسوى عنده كثيير وتنسيه كل هموومه والامه ..حتى جرحهاا يخف
سالته : فهد لسى زعلان
جاوبها وهو يعطيها ظهره يعننه يطالع بالمرايا ويعدل شماغي: الي يسمعك يقول مهتمه بزعلي
قالت له : وا1ذا قلت لك عشان الي ببطني ؟
قالت لها بقسوة : الي ببطنك هو الي مصبرني ..
نوال بقهر : وليه تصبر..؟ترى بعدنا فيها
التف عليها : يظهر ماصدقتي ؟!
جاوبته : ماله داعي نكثر حكي اذا تبي تطلق محد ماسكك ارتااح ورييح ... ونزلت تحت
نزل فهد لقيها لبست عباااتهاا وكانت جالسه تهز رجلها
قال لهاا : امشي
طول الطريق ماتكلموو مع بعضهم اصلاا هم متعوديين ..دوم يفجررون قنابلهم بوجيه بعض ويتصرفون ولاكأن شي صاار ...كل واحد يخااف اكثر من الثاني من المواجهه
< <<<<<<<<<<
خالد جاب مهاا وحصه من عند الكوفيراا
نزلت مهاا من السيارة ووراااهاا حصه الا ان خالد ناداهاا
حصه : نعم ؟!
خالد : مد ايده بعلبة الطقم : هذي من نوال
حصه : هي وينها ؟!
خالد : بتجي مع زوجهاا
خالد من غير أي مقدمااات : : حصه تتزوجيني ؟!!
حصه بكل بروود : نجوم السما اقرب لك
وصفقت بااب السياارة ..خالد ضرب الطاارة بعصبييه .
خالد لنفسه : حتى ماا اخذت ثوااني عشان تفكر ..على طوول ردت .ليش؟!!!
< <<<<<<<<<<
اتفاجأ ابو سعد يوم شاف ولده موجوود وشاف على وجه شاهين علامة الضيقة
اكيد لازم يتضايق مو معقول يشوف طليقها قدام عيوونه ..انا نفسي مابي اشوف رقعة وجه
ابو سعد : وش تسوي هني ؟!
سعد وهو يبوس راس ابوه : شلونك يبااا
ابو سعد بحدة : بخير قبل لا اشوف رقعة وجهك ..وش تسوي هني
سعد : عرس بنت عمي ياايباا
ابو سعد : توك متذكر انها بنت عمك ..ماتذكرت يوم سودت وجهنااا قدام النااس ؟!
سعد كان يستنجد بخالد الي جا ووقف وراه ..خالد : وجهك طول عمره ابيض يااعمي ولا جابته امه الي يسوده لك
ابو سعد : عشت ياااولدي . سعد انت مالك مكان هني ..اذا انا مالي قدر عندك احشم صهرنا
سعد : قدرك محفوظ يباا ..وانا ان جيت مااجيت الا لجل اوريه ان بنت عمي وراهاا رجال حتى انا الي يوم كنت زوجهاا " قالها وغص فيهاا " ظهر وسند لهاا
خالد : عشت ياولد العم
< <<<<<<<<<<
حصه قاابلت نورة الي كانت موجودة من بدري مع امهاا ...
نور وهي تدور حولهاا : وش راايك ؟!!
حصه وهي تاخذ نفس بصعوبة : حلووو
ام حصه : ووين حلووو طالعي كيف مفتح ؟!!!
مهاا : ههههه عمتي كلهم يلبسون كذااا
نورة : عمتي دقة قديييمه
نورة كانت لابسه تنورة لو وست حريريه على ستايل هندي بلون اسوود ومقصبه باللون الفضي وبلوزة قصيييييره كت تربط من قدام ولبست اكسوارات هنديه من الفضه
حصه : انا ليه احسك مضيعه الطريق؟!! ترى هذي جدة مو مومبااي
نورة : hiiiiiiiiiii
مهاا : اتركييك منهم والله شكلك حلوو عاد شعرك لو طوويل كااان احلى واحلى
ام حصة : الحمدالله والشكر
دخلت ام شاهين : السلام عليكم
الكل : وعليكم السلام ورحمة الله وبركاته
ام شاهين باتجاه مهاا ماشاء الله تبارك الله قمر
مها استحت ..جاتها بفستانهاا الموف الغاامق بصدرة المخملي وشريطة عريضه تفصل الصدر عن الوسط العالي من الاورجنزا والصدر تزينه ورود بالموف الفااتح
حلا : hi bride
مها : hi
حلا : you look Great
مها : thanks you tooo
ام شاهين لام سعد : يالله يوخيتي النااس بتجي وحنا هناا
طلعوا ن عند البنااات ورااحت نورة معااهم .عشان تشوف العرس السعودي على قولتهاا
حصه تدق على جوال نوال : وينك ؟!
نوال : عند البااب
نوال دخلت وكان شكلهاا متضاايق .....: السلام عليكم
ردو : وعليكم السلام
مهاا : ووينك هذا كله مع فهد
حصه : شكلها ماصدقت تشووفه
نوال ابتسمت ابتسامه صفرا وقالت لمهاا : السواق راح يجيب المصورة .. البسي فستاانك
مهاا : طيب اطلعوو انتوو
طلعوا من الغرفه وتركوهاا ودخلوو غرفة ثاانيه من جنااح مهااا
حصه لنوال السرحانه : وش فييك ؟!!
نوال ماافيني شي ..
حصه : ماافيك شي شكلك مقلوب فووق تحت
نوال مااقدرت تمسك نفسهاا ودمعت عيونها : اتركيني لوحدي لو سمحتي
حصه : نوال
نوال : بصوت مخنوق ..فهد ..فهد طلقني
حصه صرخت : وشووووووو
نوال : الي سمعتيه طلقني
حصه بغصبيه : متى وليش
جاوبتها : تهاوشنا بالبييت ..وبالسيارة قلت له يطلقني وطلقني
حصه : انتم شنو مجانيين ؟!! طلقني انتي طالق بكل بسااطة ؟!!
الجزء التاسع والعشرين
الفصل الثاني
بعد مرور شهرين
× الـــــــصقر×
صحيت من نومي ادور عليها مالقيتهاا ... ومكانهاا مرتب ..الظاهر انها مانامت هناا البارحه بعد ...زفرت بتعب وقمت خذيت لي دش بااارد يفوقني ..ويمكن يخفف الصداع ..بعد ماتسبحت لبست ثوبي وطلعت من الغرفه ..بيني وبينكم ملي نفس حتى اروح الشغل اليوم ..مريت من جنب غرفة شاادن وكنت اسمع صوت فرح وهي تصارخ عليها : فرح ..: شاااااادن وبعدين مابتنزلين يعني
شادن :لااااااااااااااااااااا
فتحت البااب كنت ابي اشوفها وش تسوي ..لقيتها واقفه فوق سريرهاا وتنط نط عليه وشعرها حولهامنثوور اول ماشاافتني جاات جري عليه وانا بدوري انحنيت لمستواهاا وفتحت له ذرااعي
شادن : باااااابااااااااااااا
ضميتها لصدري ورفعتهااا : عيوووووووونه ...صبااح الخييير
شادن : صباح النول وباست خدي
رفعت عيني لفرح الي واقفه جنب السرير وابتسمت : صبااح الخير
فرح ماردت ابتسامتي : بجهز لكم الفطور
وجات باتجاهي تبي تطلع اعطتني ملابس شاادن الي بدينها : خلها تبدل ملابسها ...وكملت طريقهاا
نزلت شادن واعطيتها ملابسها وقلت لها بحده : البسي بسرعه
وطلعت من الغرفه الحق فرح ناديتها : فرح
وقفت على راس الدرج : نعم .. وماالتفتت علي
قلت وانا اقرب منهاا : يوم اكلمك لا تعطيني ظهرك
التفتت : لا تشره علي بزر
قلت لها : فرح كانت زلت لسان انا ماقصدت
فرح قالت لي بقهر : انت كنت قاصدهاا لا تكذب على نفسك ولاعلي ...عن اذنك
كنت اشوفها وهي تنزل وانا حاس بلوم مااتووقعت ابد ان الكلمه تكون حازة بنفسهاا .. ياغباائي اكيد بتحز بنفسهاا ... انا وش كان لي بالزواج كله من تحت رااسك يامها
حسيت بيد ناعمه صغيرونه تمسك كفي الكبير الخشن حنيت راسي : باباا ياللا
قلت لهاا : مشيناا
× فـــــــــــرح ×
رحت اجهز الفطور..وفعلاا كن زعلانه ...مااقدر انكر .. كلمته حزت بنفسي .. وليته قالها لي بيني وبينه الا قدام اخته
كنت تسمعه اهو واخوه وهم يتهاوشون ..
الصقر : انت شلون تكسر كلامي ؟!!
خالد : انت تعرف ان ماكنت اقصد اكسر كلامك
الصقر : كان بمكااانك تناقشني قبل لا يجي الموظفيين مو تطلعني غبي وماافهم شي قداامهم
خالد : نا ماامداني اشوفك ...جيت من ارض المشروع ع الاجتماع طوالي حتى مكتبي ماطبيته
الصقر : المهم كلمه وماابي اثنيهاا ... سواتك لا تعيدهااا وش يقولون علينا الموظفين يتعاندوون ؟!!
خالد : يعني شنو لو شفت الكلام ماعجبني اقعد مثلي مثل الكرسي
الصقر عصب منه : انت تعرف ان مو هاذاا قصدي
خالد : ولا حتى يكون قصدك ..مايهمني وطلع من المكتب حتى من غير لايتنحنح
مهاا تناديه : خااالد ...خالد
خرج ولا حتى رد عليهاا ...وصقر خرج ورااه وهو معصب
فرح لصقر: الله يهديك ياصقر مو كذا التفاااهم
الصقر معصب : انتي مايخصك يالبزر
مها : صقر
فرح : العذر والسموحه منك ياكبير يااعااقل
وطلعت لغرفتهاا ...وهي منقهره منه مهاا : انهبلت انت ؟!!
تنهدت وانا اشيل الصحون للطاولة وساعدتني الشغاالة .. رتبت الصحون على الطاولة وجلست جنب شاادن
شادن : ماما بنلوح انا وبابا بنشتري العاب وبعدين بيوديني عن حلاا
ابتسمت لشادن : عمه تدري حبيبي ؟!
الصقر: هي مكلمتني امس اجيبها لهاا
مارديت عليه ..كملنا الفطور ..وطلبت من شادن تروح تغسل يدهاا ..قلت لصقر وانا ارفع الصحون : و لوسمحت لا تجيبلها العاب ..الي عندها يكفيها ... لا تعودهاا كل مابغت شي تاخذه
مسك ايدي وجلسني ع الكرسي : فرح وبعدين انا قلت اسف ..ماله داعي الزعل
رفعت حاجبي: لا والله يعني انا لو كنت قلت لك يالشاايب ماكنت زعلت ؟!
الصقر حب يستخف دمه علي: عادي قوليها انا شااايب
قلت بقهر من تريقته : شاايفه وقت مزح ؟!!
الصقر : اناا كنت معصب من خالد وانتي جيتي بوجهي
قلت له : واذا جيت بوجهك انا زوجتك مفروض انك تحترمني وتحترم راي مو تهيني ...ليته كان بيني وبينك الا اختك كانت موجودة ..انتلو شفت طريقتك كلامك معي مابقي الا كف على وجهي
الصقر جاوبني : يعني وش تبيني اسوي احب على رجولك عشان ترضي
وقفت وانا منقهر : ابيك تحترمني وكثر الله خيرك
ومشيت من عنده وناديت الشغاله ترفع السفره
× راكان ×
كنت اضحك على شكلها وهي بالمطبخ حاايسه .. وشعرها الي طال كان مضايقهاا قربت منهاا ورجعت شعرهاا ورى اذنهااا
نور بطفش : بدال ماااترجع شعري تعال سااعدني
قلت لها : بالله عليك و ش تسوين انتي اصلا كلها نواشف وبيض مايبيلهاا شي
نورة : وهي تناولني الصحون : في امريكا الرجال يساد حرمته
قلت لهاا: هذااااك بامريكاا
اخذت الصحون وحطيتهاا ع الارض
نورة وهي تجلس: متى رح تشتري بالله سفره مين ياكل ع الارض
طنشتها ولا كأنهاا تتكلم ..سالتني : متى بتطلقني
قلت لها وانا احط الجبن بالعيش: انا قلت لك من اول يوم لنا مع بعض طلااق انسيه
نورة بقهر : بس انت وعدتني الطلقني احنا كان بينا اتفااق
قلت لهاا اعاند : اعتبريني نذل
نورة : بس اناا مااابيك تعرف يعني شنو ماابيك
قلت لهاا : يعني عاد انا الي ميت عليك
نورة : يعني لا تبي تسفرني ولا تبي تطلقني ؟!!!والله حرام عليك
قلت لها : لا تحرمين شي
نورة بقهر : انا كنت مفكرتك رجال لكنك طلعت حقير وماتسوى وقامت وتركتني
كنت مبسوط وانا اشوف الشرر بيطلع من عيونها .. ماهمتني اهانااتهاا ..قدر ماانا ابي اربيهااا واعلمهاا ان الله حق ...بوريها التخلف على اصوله ...ليتني بالرياض كان طلعتك البر وعيشتك بخيمه يالمتحضره
طلعت واخذت سيااارتي ورايح لموقع المشروع الي انفذه وهو تابع لشركتنا الصغيره
× نــــوال ×
كنت احط الفطور لفهد وخالد الي من تزوج صقر وهو ساكن معاناا
خالد : اخيراااا ماابغيتي
فهد : تعبناا وحنا ننتظر
رفعت حاجبي : كان دخلت انت وياه وجهزتوه ..ماتستحون شوفو كرشي قدامي وانتم تتشرطون
خالد لفهد بهمس : ليه احسهاا بتذبحناا
فهد وهو يهمس له : اخاف تاكلنا
سألتهم : وش تساسرون ؟؟
فهد : ولاشي ياقلبي
قلبك ..همست بهاا بيني وبين نفسي .. فهد يعااملني احسن معاملع يوم يكون خالد هناا بالبيت ..لكن يوم نكون انا ويااه لوحدناا ..زين منه اذا التفت علي ..صااار بااااارد ..كأنه قالب ثلج متحرك ..مو فهد الي كله حنااان وعااطفة .. محد من اهلي يدري اني وياه متطلقيني واني انتظر انتهاء عدتي بمجرد ماااولد ..حطيت ايدي اتلمس بطني الي بدت تظهر .. كلها اربع اشهر واولد ..وكل شي يربطني بفهد رح ينتهي ..غصب عني مثل مابدأ غصب عني .. حاولت بكل الطرق اتقرب منه .. حاولت ومااقربت .. تصدقون حااسه نفسي منذله بطريقة ماااتتخيلوونهاا ..انا اصلاا استاااهل من قالي اسمع كلام حصه ..كان روحت بيتناا وافتكيت
حصة : ببساطة طلقني انتي طالق ؟!! شلون كذاا ؟!! انيت من اسااسه شلون تطلبين الطلاق ؟!!
قلت بحرقة : ومن قال اني بغيته
رفعت حاجبهاا باستنكار: في وحده تقول طلقني وهي ماتبي تطلق
قلت : ايه انا
استعجبت : لا يااشيخه ...الطلاق لعبه
اخذت نفس : انا كنت ابي اضاايقه بس ..كنت ابي اقهره ..بعد مااقلي انه مو بااقي علي الا عشان الي ببطني ...كنت ابي اعرف اذا لسى لي مكان بقلبه ..ماهقيته مااارح يصدق ..ويطلقني ..
قلت لي : اللحين هو الغلطان ؟!!... لا تفكرين اني بدافع عنه لانه اخوي ..اذا هو اخوي ترى انتي بنت عمي اذا كان في احد بالدنياا يعرف شكثر فهد يحبك ..فهو اناا ..نوال فهد يمووت علييك .. كان دووم يقووولي متى يااحصه اخلص واتزوجهاا ..كنت اقوله حيرهاا .يقول لاا ...صغيره اخااف انهم يغصبونهاا ... اخاف بعدين اغير رااي " وقالتهاا بغصه " كان خايف يكون عقاب ثااني ..نوال اناا مااكنت غبيه ولا حتى فهد ...كنت اشوف بعيونك نفوورك منه ...كنت اقوله فهد عز نفسك واتركك منهاا ..لكنه كان يطنشني ...صحيح اني مااعرف خفاياا حياتكم بعد الزواااج ...احيااان كنت اشوفه مهموم واحيان اشووفه مبسوووط ...كان نفسي اعرف اذا حبيتيه بعد ماعاشرتيه ...لكن سطيحة علاقتناا اعطتني الجرأة اني اسألك .. تعرفين يووم دري انك حااامل جااناا وهو شوي بيطير من الفرح ...حتى الكلام ماصار يطلع معاه بوضوح ..كان يقوول ...حملت ..ولد...حملت ...قدرناا نستووعب بالنهاايه انك حااامل ....تعرفين كاان حاز بنفسه مع كل فرحته انك ارسلتي له الخبر برساله ..حتى ماااكلمتيه ... ترى هو ماااقالي لاتستغربين ...انادريت بالصدفة يووم كنت العب بجواله وهو يتوضا ...ويوم سالته ..حكاالي علي صاار بمحل الفساتيين وحكاالي عن طبيعه علاقتكم ..وبصراحه عتبت عليك ..الا زعلت ...لأانك اهنتي اخووي ... لمته صحيح انه مد ايده ..لكن بنفس الوقت عذرته ...نوال فهد تحمل وااايد ..و تعب مااعاد عنده طاقة يتحمل..
قلت لهاا : حصه والله ادري اني غلطااانه
سالتني : يعني انتي تبينه
قلت لهاا : اكيد هذا سؤال
حصه : اجل ليه ماتوطين ريشك الي ناافخته .. وهالمنشاار " تقصد لساانها " متى بتحطينه بحلقك
قلت لها : حصه
حصه : نوال ياابخت من بكاني ولاضحك الناس علي
قلت لهاا : طيب انتي لو مكاني وش تسووين ؟!! والله اخواني يدفنووني بالحيااا
قالت لي : بتسوين الي اقولك عليك ؟!!
قلت لهاا : اكيد بسوي بس يرجعني
قالت : اجل قومي ..وكملي العرس ولا كأن شي صاار
استتغربت منها : نعم
حصه : انتي قوومي وسوي الي قلت لك عليه ..ولا احد يدري عن الطلاق ابد ..وبعد العرس تخلين واحد من اخوانك يوصلك بيتك ..بحجة ان فهد رااح عليك ..
قلت لها: تبيني ارووح له ؟!! شلون مطلقني
حصه : هي ترى تقدرين ترجعين له انتت تعتبرين بالعدة ومفروض تعتدين ببيتك .. ولعلمك فهد له كل الحقوق الي كانت قبل لا يطلقك ماعدا بلعت ريقهاا بحياة المعاشره لو صارت اعتبرتي رجعتي بالعربي انتي لسى زوجته
سالتها : وش اسوي
حصه : حبيتبي وش تسوين رااضينه .. قوليله فهد انا احبك ..وابيك ..وانا كنت هبله وهالخرااابيط
ومسكتني من ايدي ..قومي خلينا نشووف اختك
فعلاا سويت مثل مااقالت لي بالضبط وبعد ماانزفت مها وركبناهاا سيارتة زوجهاا ..خليت خالد يوصلني
مسكين كان شكله تعبااان مره ..بس ماااحب يكسفني ...فعلا رحت بيتي وطلعت خذيت شور سريع
ولبست قميص نومي لي لبسته اول يوم زواج لي ..وبخرت طبعا شعري ..
جاني مسج من حصه ..."ترى اخرته قد مااقدرت ...اسرعي لا يجي وانتي مب جاااهزة "
فهد جا بعد استلامي المسج بربع ساااعة
اول ماادخل الغرفه الي كانت لنبااتهاا مطفيه وانفتح النور وشاافني
فهد : بسم الله الرحمن الرحيم نوال ؟!! وش تسووين ؟
قلت له : هذا بيتي طبيعي اكون فيه
قالي : واناا طلقتك
قلت له بلهجة عتب ممزوجه بدلع متعمد وانا اقرب منه : بالله هونت عليك !!
قالي : والله انتي الي بغيتيه
قربت اكثر منه وقلت له وان افك ازراار ثوبة العلوي : لانك كنت قااسي معااي .."وخر ايدي بقرف وانا رجعتهاا " انا انقهرت منك ..مااكنت اتوقع ان الولد هو بس الي يربطنااا
تنهد : نوال ترى كل الي كنت ارتجيته كلمه طيبه منك..تطيب خااطري .. لكن يوم ورى الثااني كنتي تبعدين اكثر واكثر .. مااقدر ابد انسى اهانتك لي ..مقارنتك لي مع اخوانك تصغيرك من شاني... الكف الي عطيتك ايااه .. كان بدال كلمة طالق الي كانت على طرف لسااني ...ومااكذب عليك ...لو ماعرفت بحملك كان مداك مطلقه من زماان .. لكني ماكنت ابي ولدي يعيش بمكان وانااا بمكااان ...كوني خفت عليه مو عيب ... واذا بقيت عليك عشاانه مووو عيب ..هذاا ولدي.. ع الاقل بكون متاكد انه بيحبني..مو يوم راضي يوم ناافر ...ويوم قلتي ريح وارتااح ...عقب ذي الكلمة تبيني ابقى ؟...ليه ملاك ؟؟غلطاانه ...حسي مره بالحرقه ..حسي بالقهر شووي ...حسي باللي في صدري ...كملي عدتك يااحلووة ..ولا كملتيهاا ماابي اشووفك ببيتي
يوم شفته مقفي عني ...مالقيت نفسي الا وانا جارية عليه ..تمسكت فيه بقوووة
وقلت له : فهد لا تخليني ؟!!انا ..انا احبك يااافهد ..والله احبك
التفت علي : نعم ؟!! تحبيني ؟!!!
قلت له بتاكيد : ايه والله اناا احبك ...من زماان احبك ...حتى يوم ماقلت لي .. انك تحبني .كانت على طرف لساااني..بس ماقدرت... كنت اخاف اقولك ... ماكنت ابي اكون ضعيفة قداامك .. خفت .خفت تكون مثلة ..كان يرووح ويغيب ...ويرجع لامي ..لانه كاان يعرف انهاا تحبه ..ذلهاا لااانهاا حبته ... انا مااابي اكون مثلهاا ..ماابي اكوون مثلهاا
قلت له بسخرية : لاا تتعبين نفسك يامادااام خلي مشااعرك مثل مااكانت ميييته النفس خاافتك
رجعني للواقع صووت فهد وهو يقولي : نوال ماتسمعين اخوك ؟!
رديت : هااا؟!
فهد عرف انها ماكانت معاه : خالد بيترك البيت
كنت احسبه مسافر : ليه ووين بتروح
ابتسم : استلمت بيتي
اسغربت : بييتك ؟!!!!
قالي : ايه بيتي ليه مستغربه
فهد قاله : ليه خالد انت مو مرتاح هنا جاك منا شي
خالد ابتسم : والله اني مرتاح معااكم وحاس نفسي ببيتي
فهد : طيب ليه بتتركناا
خالد : يااخي طفشت منك ومن حرمتك ابي افتك منكم شوووي
قلت له :لااااااااا
جاوبناا : اسمعو اليوم او بعده كذا كذا اناا لاازم اطلع ..واستقر بحياااتي ...ولاتنسون انا اليوم عازب بكرة رح يكون عندي زوجه وعيال ..اجيبها هي بعد هنا
فهد : العين اوسعلك يااخاالد
خالد : تسلم ماقصرت ياااولد عمي
قلت له : مرت اخوك ماعندهاا سالفه كان لبست طرحه مافيها شي
قالي : نوال هذا شرع رب العباد مانقدر نعترض عليه
وقف فهد : يالله استاذن وراي دوام
خالد وهو يوقف معاه : خذني معااك
قلت لخالد : خالد ترى اتصل صقر يقولك افنح جوالك تعب وهو يتصل عليك والجوال مقفل
خالد : ماقالك وش يبي مني ؟!
قلت له : والله مااقال ..
خالد : اوكي
× مها×
كان يتعطر ...ويطالعني بالمرايااا
قلت له : شفيك تطالعني
قالي : معجب
ضحكت : ههههه ترى اشوف نفسي عليك
قالي وهو يسحب خشمي : سويهاا..وانتي رح تندمي
تخصرت بمزح : يعني وش رح تسوي ؟!!
قالي يغايضني : بدور على بدالك
قلت له : لو لقيت مثلي ابقى قاابلني
ضحك : ههههه اموت اناا ع الوااثقه
قلت له : طبعااا انا المهااا مو حيا الله
قالي : انتبهي بس لا يطيح نصك
قلت له : شاهين ليه ماتاخذ عمتي وتطلع معاهاا
سالني : ليه تبي شي من برى ؟
قلت له : من غير لا تبي ياشااهين ..انت لام تطلعهاا وتقعد معااهاا مثل اكنت تقعد اول .. ماابيهاا تحس اني خذيتك منها او انك اهملتهاا
ابتسم : والله معاك حق ... تدرين ماني رايح الشركة بخرجهاا اليووم
نزلنا الصاله وشفنا عمتي تتقهوى وحلااا تلعب على جنب ...جلسنا معاهاا وتقهوينااا
عمتي : شاهين وشفيك مارحت شغلك
قالها ماني رايح اليوم
عمتي بخوف : تشتكي من شي
شااهين يلعب عليهاا : قلبي ياايمه
عمتي بخوف : وش فيه قلبك ؟ قلي الوجع قوي ؟..مها منتي شايفه رجلك متوجع اتصلي على اخوك يجي يوديه المستشفى
قلت لهاا : عمتي يكذب عليك ماافيه شي
عمتي : شلون مافيه شي شوفيه ايده على صدره
طالعت بشاهين بقهر : شااهين حرام عليك عمتي ماتتحمل
شاهين يضحك : فديت الي خايفه علي واخذ يدهاا يبي يبوسها الا انها ضربته بخفه
عمتي : حسبي الله على بليسك ...هذاا مزح
شاهين : قلت اقيس غلاي عندي
عمتي : وقسته
شاهين وقام باس راسهاا : حقك علي يايمه
قلت لها : عمه لااتزعلين عليه..عشان خاطري
عمتي: ماني بزعلانه عليه عشااانك بس
شاهين : افاا يمه اللحين مهاا لها خاطر وانا الي ولدك ماعبرتيني
مديت له لسااني : يالغيووووووور
عمتي : اكيد لهاا خااطر هذي المهااا
شاهين : لناا الله ...اقول يمه ماااودك تطلعين ؟
عمتي : وين اروح
قلت لهاا : وش رايك اوديك نعتمر
عمتي : ياليت والله يااوليدي نفسي بعمره
قلت لها : اجل قومي توضي واحرمي وانا باحرم
عمتي : من جدك
قالها : اكيييد يللا ولا ترى ابطل
عمتي : وحرمتك
قلت لها : انا معذورة يااعمه .. وبعدين هاذي طلعه لك مع ولدك انا اترز فيها ليه
عمتي : اجل ننتظرك
قلت لها : والله ماتنتظرين ... انا ان شاء الله بطلع وقت ثااني معااك
عمتي : الله يهديك يابنتي ليه تحلفين
شاهين : يلاااا يايمه
قامت عمتي تبدل وتحرم
شاهين ابتسم لي : الله يكملك بعقل
جات حلااا : باباانا بجي معاك
قلت لها : لا حببتي انتي بتجلسين هناا ..وبعدين شادن بتجي يصير تخلينهاا
حلاا : بابا خلااص رووح ... ورجعت تكمل لعبها
شاهين : احسن شي سويتيه نتي وبنت اخوك انكم نطقتوهاا عربي
قلت له : الي يسمع يقول انها كانت مييح
قالي : بالله ماتذركرين يوم زواجناا
قلت له وانا اتذكر : هههههه انت فااكر
حلا : welcome home
ابتسمت : thank you
اخذت ايدي وصارت تسحبني معااها وانا اسحب فستاني بدوري: I'll show you our home
ناظرت بشاهين وابتسم لي ..مشيت معاهاا : this is my granny room , this is main and this my father room
سالتهاا : واناا
جاوبتني : its for you also .you are his wife ,are not you ?
ابتسمت : yes iam
قالها : sweety you should to be in your bed
قالت بلهجة رجاء : I want to be with the bride
قالها : والله حتى اناا
استحيت وانا اشوف عيوونه وقلت لها : خليهاا شوي
قالي : وانااا ؟!!
انحيت لمستوى حلاا : ليه ماتتكلمين عربي ؟!!
حلاا : ماائئرف
ابتسمت : انا اعلمك ومشيت مع حلاا لغرفتها وبديت معاها اول دروس العربي
شاهين : اضحكي اضحكي ..رحتي لحلااا وتركتيني اعد الجدراان
قلت له : انت لسى فااكر ..؟!
شاهين : لا والله شلون تبيني انسى انك تركتيني باول ليلة زواجنا بلحالي
قلت له : كنت مستحيه منك
شاهين بخبث وهو يقرب مني : يعني الي اللحين ماتستحيين
قلت له وانا ابعد : وش راايك تروح تحرم
شاهين : يالله ...نسيت وطلع بسرعه لغرفتناا
× حـــــصة ×
كنت نازله انا وامي ورايحين الطبيب ... انا وامي الحمدالله علاقتناا صارت احسن بكثييير..قربناا من بعض بشكل ماتتخيلونه ...انا نفسي ماتوقعت اني رح اصير قريبه منهاا .. تدرون وش قربني منها ؟!! عزاء ام وحده من زميلاتي ..يوم رحت العزاء تقطع قلبي ع البنيه ...كانت تبكي بحرقة ...كنا نقولهاا اصبري هذا قضاء الله وقدرة ..قالت لناا انتم ماتعرفون يعني شنوو امكم تموت ..هذي مو بس امي ..هذي كل دنيتي .. تدرون انا كل يووم اجلس معاهاا ..نتقهوى ونسولف ..واول ماابدأ احش تقولي لساانك يااابنت لا يكون هلااكك .. ورفعت ايدها توريني اصبعها ..طالعوو سويت لها حناا ...كان نفسهاا فيهاا ..ااااخ ياايمه . ليتني انا بدااالك ..حاولناا نصبرها قدر مانقدر ..ٌحثينهاا على ان تبرهاا ميته مثل مابرتها حيه تدعي لهاا ..
خايف عليها من الثرى غطاها..
وإلا الحصى حافيه أخاف أذاها..
أكرم عليها بالكفن يامطوع
.. بالبيت ظل فراشها وغطاها..
أكرم عليها بالكفن هذي(أمي )..
وأشهد عليها بما عطت يمناها..
هذا الضحى والليل يتحرونه ..
هذي السماء ونجومها تنعاها..
هذي السوالف مثلنا تبكيها..
والأرض تنشد عن أثر لخطاها..
هذي الكبيره كبر هذي الدنيا..
هذي العظيمه جل من سواها..
أبكي عليها مو نهار وليله..
ولا سنه تمشي وأعد قضاها..
أبكي عليها كثر ماشالتني..
وكثر الحنين اللي أختلط بغناها..
وكثر الاسامي وكثر من سموها..
وكثر النجوم وكثر من يرعاها..
أبكي عليها من القهر يادنيا..
من لي أنا..من لي عقب فرقاها..
من فتحت عيني ولا خلتني ..
شوفو ولدها بالقبر خلاها..
هل التراب بوجهها ماقصر..
شوفو ولدها كيف هو جازاها..
لو انها بمكاني ماسوتها..
لكن أعز عيالها سواها..
"يالدووود" شفها ذابله جنبها..
أنا ولدها وحاضر وأفداااها..
قطعني هاك اللي تبي من جسمي
.. بس الكريمه لاتجي بحذاها..
أوصيك أمانه قلها تعذرني..
وتكفى ترووح تحب لي ماطاها..
أبيها تغفر لي مثل ماكانت..
كل خطوه مني تصيبها ترضاها..
يالله عساها بالنعيم الخالد ..
وعسى في جنة عدن سكناها..
يافضي هذا الكوون ياهو خااالي ..
ياضيق هذي الدنيا يامقساها..
يامر طعم فراقها يامره..
ماني مصدق أرجع وماألقاها..
ياليتها ماراحت وخلتني..
أو"وسعت لي بالقبر وياهااا"..
> تدرون اول مره سمعت هالقصيده بكيت ..اثرت فيني واااايد بشكل ماتتخيلوونه والشاعر ماشاء الله مبدع والقاءة كان جميل ..صح لسانك يالحميدي الشمري>
يوم طلعت من العزاء كنت احس بنوع من الحسد اتجاها شلون علاقتها بمها كانت قوية .. حتى اخوها الرجال كان يبكي ..مدري شلون جا على بالي ..ان لو كانت الميته امي ؟!!شلون رح تكون مشاعري ؟! بفرح ؟!! بحزن ؟!!وليه يكون عزاهاا ممكن يكون عزاي ..شلون ياحصه لومتي وانتي مزعلتهاا ..لو بيووم وانتي تجادلينهاا وترفعين صوتك عليهاا ..ربي قبض روحك ولا وحها وهي غضبانه عليك ..وش بتستفيدين ؟! لا تقولين توني صغيره انتي تعرفني زيين ان الموت مايعرف كبير ولا صغيير ..وقت مايجي ماله مرد .. حناا نجامل النااس ونحسن اخلاقناا معهم واهلناا اخلاق بالارض معهم ..دووم نخاف على صورتناا بعيون الناس واهلهاا مو مهم .. اذا اهلنااماتحملوناا من بيتحملناا...سبحان الله مب كاننا من الابتدائي حافظين } واخفض لهما جناح الذل من الرحمه { شفتو جناح ..الطاير يوم انه ينهزم ينزل جنااحه ويفرده للقووي .. تعرفون شنو يصير بالطير منقاره وراسه يعفره التراااب ..يعني اهلك لو شنو ماكااانوو لازم تنحني لهم ..تخضع كل الخضووع ..لكن احنا بغبغاءات نحفظ ونردد من غير لاا نفهم .. عرفت ان الجفاء عمرة ماكان منها اناا السبب فيه انا الي كنت بعيده عنها .. ولا عمري فكرت اقرب منهااا .. كنت دووم اعزل نفسي عنهاا ....لكن يووم شفت خالتي واهمالها لنوره ..هي حتى ماكلفت نفسها تحضر عرسهاا ..من يوم ماقالت لها نوره انها بتتزوج وافقت على طوول شلون طاوعها قلبهاا انها تترك بنتها بيوم عرسهاا ...امي هي الي جهزتهاا وهي الي زفتها ..صحيح ان نوره حتى سوت عرس ..لكن امي كانت معااهاا بكل خطوة ... هالبنيه مجنونه ...زواجها كان فجأة واتزوجت بواحد مو من ثوبهاا ....الغريب انها فري مره وهو على حد كلام فرح اخته انه محافظ سبحان الله دنيا صغيره راكان الي عرفته نورة قبل الكل ...يطلع ولد خال شاادن
× نورة ×
دخلت غرفتي وصفقت البااب ورااي ..الحقير النذل ...انا استااهل .. انا الي جبته لنفسي ..من قالي اروح واتزوجه ..شديت شعري.. وانا شيدريني انه بيطلع مخادع ومو قد كلمته .. كله من غباااائي ..ياليتني مااتنيلت على عيني وكلمته ذااك اليوم ..كله منك يااحصه ..
اقنعتني اروح معااها اشوف البنت الصغيره مااكنت اعرف سبب اصراارهاا على شوفتهاا كل الي فهمته ان البنت الصغيرونه بنت اخو مرت فهد ..يااغبااائي اكيد بنت خطيبلهاا..رحت معااهاا
رحت معاهاا ..كانت طول الطريق سااكته ..احترمت صمتهاا ..وصلنا المستشفى ورحناا على طول لغرفة البنيه ماعرفت من ووين جابت الرقم ..دخلنا اناا وياااهاا من بعد ماستاذناا ..استغربت اول مااشفت راااكان الي عرفني وبان عليه الذهول يووم شاافني ...طلع بسرعه من الغرفه
حصه : السلام عليكم
ردت فرح: وعليكم السلام
حصه وعينها معلقة بالبنت : شلونها ؟!
ردت : الحمدالله اليوم احسن ...اعذريني ماعرفتك
حصه كان شكلها مضايقة : انا حصه بنت عم عقاب الله يرحمه
فرح : هلا والله انا فرح بنت خالها
حصه : هلا فيك
قلت لها : وانا نورة
فرح : هلااا
قلت لحصه : she is so beautiful
ماعلقت حصه : عيونها كانت معلقه ع البنيه ولا حتى كانت تسمع فرح الي تكلمهاا ماكملت عشر دقايق الا وحنا طالعيين من عندهاا
كنت اقدر اعرف ان حصه تبكي من طرحتها المبلوله
سالتها : حصه وش فيك
حصه : شفتيها يااانوره ..شفتي شلوون حلووه ..هذي بنته يااانورة ...بنته الي كااان مفروض تكون بنتي ..تعرفين شنوو بنتي ؟!! .. تشبهه كثير ...تمنيت يااانوره اضمهاا .. او حتى امسح على شعرهاا ..لكني خفت ..خفت يااانوره اشم ريحته فيهاا ... اشم ريح غدره ..ليه يااانورة تركني ..ليه جرحني .. وش لقي ببنت الفراش ومالقيه فيني ؟!!
حزنت عليها مسكت ايدها : حصه لا تتعبين نفسك بذي الاسئلة ولا تعذبينهاا .. الي صار صااار ..ولا يمكن تغيرينه
قالت بشي من السخرية : هذاا وانا الي قلت اني نسيته وانه ماايفرق معااي
وصلتها البيت سالتني : مارح تنزلي
تذكرت راكان : لاا برووح اجيب اغراض من المكتبه يعني كم كتاب يسليني
حصه: تبين فلوس
قلت لها : لا معاااي
حصه : انتبهي لنفسك
هزيت رااسي ...طلبت من السواق يرجعني المستشفى ونزلت ادور على راكان ..شفته واقف يكلم فهد برى الغرفه ..فغطيت وجهي عشااان لاا يعرفني واول مااخلص منه رحت له وناديته
راكان : امري اختي
قلت له : انا مو اختك انا نورة
فتح عينه : نورة ؟!! وش تسوين هناا ؟!
قلت له : can we took
سالني : عن ايش؟!
قلت له : هنا ؟!!
اخذني ع الكافترينا وجلسنا بمكان العاايلات
سالني : وش عندك انا ماصدقت طلعتي من حياااتي
قلت له : انا ابي مساعدتك
رفع حاجبه : نعم ؟!! في ايش ان شاء الله ناوية تهربين مره ثاانيه ؟!
قلت له : ابي ارجع امريكاا
جاوبني : ارجعي احد ماسكك
قلت له : تدري اني مااقدر ارجع
قالي : وانا شدخلني قالولك وزير الخارجيه ؟!
قلت له : تزوجني
فتح عيونه : نعم ؟!!
قلت له : هي وطي صوتك ..بعدين لا تنفجع هذا زواج كذا وكذاا
تسائل : كذا وكذا ؟!!
قلت له : ايه اتزوجك وبعد مانتزوج تسمحلي اغادر السعودية وبعدها تطلقني
قالي : بالبساطه هااذي
ابتسمت من غبائي : ايه
وقف : انتي اغبى مخلوقة على وجه المعموره
قلت له : راكان بلييز اناا محتاجه مساعدتك
قالي : وانا اعتذر مااقدر اخدمك
ومشي بيطلع قلت له : رح اتهمك انك حاولت الاعتداء علي
التفت علي: نعم ؟! انخبلتي انتي ؟!!
قلت له باصراار وانا احس نظرته تايه : ايه انخبلت ..اذا ماتزوجتني رح اتهمك انك خطفتني وانك حاولت تعتدي علي
قالي : ومن رح يصدقك
قلت له : رح يصدقني الكل ..خصوصا وان اهلي كانو عاملين بلاغ عن اختفائي وكان متسجل بمحاظر الشرطه اني كنت مخطوفة
ضرب ع الطاولة : انتي شنو ؟! شيطانه ؟!!
قلت له : اجلس وخلينا نتفااهم
جلس ..قلت له : اسمع انا مو طالبه المستحيل ..كل الي طلبته زواج لمدة يومين تسفرني امريكا ونطلق
قالي : مافكرتي باهلك الناس وش تقوول ؟!
قلت له مايهمني احد ؟!
سالني : اهلك رح يوافقون ؟! شكلك بنت عز
جاوبته : ماعليك من اهلي
قالي : اذا وافقو اهلك انا موافق
تنهدت من قلبي ..كان شال هم اهلي ..اهلي حلوه الكلمه .. امي وابوي انا الي فاتحتهم بالموضوع وكل الي سألو عنه اذا كان كويس او لاا ..وراكان الي تكرم من وزير الداخليه لشجاعته والمهندس المعمااري ماينرفض
خصوصا وان ابو ي من النوع الي يؤمن بالعصاميه ..زوج عمتي كان عنده تحفظ لكن طبعا مااكان يقدر يعترض بالنهاية انا مو بنته ... ولاني ماطلبت عرس وكنت مستعجله اتزوج عشان الحق اتطلق اهلي ماكلفو خاطرهم يحضرون العرس وحمدوا الله اني لقيت سعودي يقبل فيني ...اخ لكن السعودي الي كنت افكرة غبي طلع لئيم ومخاادع ..صارلنا من يوم ماتزوجنا شهر وشوي وهو حتى الان لا راضي يطلقني ولا يسفرني
× خالد ×
اول ماوصلت الشركة فتحت جوالي ..ولقيت رساله من صقر
" اول ماتوصل الشركة تعال مكتبي " اوووف وش عنده اليوم بعد اخذت المصعد لدور السابع ..واتجهت لمكتب صقر .. السكرتير بلغني انه وصل متاخر اليووم ..وان ماعنده احد ..طقيت الباب ودخلت
سلمت : السلام عليكم
صقر كان باين عليه مجهد : وعلكيم السلام ..اجلس
جلست ع الكرسي : تبي نسكاافية ؟!
قلت له : لا شكر .. طلب له نسكافيه
سالته : خير وش فيه ؟!
سالني : ليه مقفل جوالك ؟!
قلت له : ماكان لي مزاج اكلم احد
سالني : وانا أي احد
سالته : صقر اذا ماعندك شي اناا بروح مكتب يتوني جاي من الموقع والشمس مدوختني
قالي : رح مكتبك اجل
وقفت : عن اذنك ومشيت بطلع
قالي : خالد انا اسف ماكنت اقصد ..سكت وكمل ..جهز نفسك للسفر للشرقيه عشان تباشر المشروع بنفسك
ماحبيت ارد عليه اكتفيت بالخروج من المكتب .. الاعتذار مو شي سهل خصوصا بالنسبه لشخص مثل صقر اخوي ..واعترف وهالكلام سر بيناا ..طريقتي بالكلام معاه بالاجتماع كانت باايخه
× راكان ×
طلعت من البيت راايح لموقع المشروع ألي بااشره .. خليهاا مقهورة ... خليهاا تتادب .. انا اربيهاا ..ركبت سياارتي ..تعرفون حتى الان مو مستوعب فكرة اني تزوجتهاا .. احيان كثيره اقول وشلي بذي اللبشه .. لكنها والله احلى لبشه ..هههههه لسى اتذكر شكلها يوم زواجناا كانت لابسه فستان ابيض نااعم وبينهاا بنيه كلهاا انوثه ..مو وحده من الشااارع مثل ثيابها الي بالاول
قلت لهاا بعد ما طلعت خالتها ووصتني عليهاا : نورتي بيتك
نورة الي ماكان فيها ذرة خجل : اقول لا تصدق ..ترى رااحو التمثيلية مالهاا دااعي
حطيت مشلحي : أي تمثيليه ياااقلبي ؟!!
نورة فتحت عيونها : رااكان وبعدين ؟!! ...وسكتت وجلست ع السرير
نورة : لو سمحت اطلع ابي ابدل
قلت لها : بدلي مسكتك اناا
نور : نعم ؟!!!راكاان what's wrong with you ?
قلت لهاا ببرود وانا اقرب منها واحط ايدي على خدها : ماافيني شي يااقلبي
نورة دفت يدي بقوة ولمحت طيف الخوف بعيونهاا : وخر
كنت استمتع وانا اشوف الخوف بعيونهاا : حبيبي تادبي ..انا اللحين زووجك يعني your husband
نورة مثل الملدوغه : زواج صوووري ...انت زوج ع الورق
قلت لهاا : ليه رخمه ؟!!مب رجاال
نورة : بيناا اتفاااق ...انت ..انت وافقت عليه
قلت لها بشماته : وانا رجعت بكلامي
نورة : يعني ؟
قلت : يعني زوجتي وحلالي وطلاق ماني منطلق
نورة : انت حقييييير
مسكتها من شعرهاا : ايااني واياااك تطولييين لسااانك
حاولت تفك نفسها وتضربني الا اني مسكتها بقوة ولويت ايدهاا ورى ظهرهاا وهمست جنب اذنهاا : العن مااينفع يااقلبي ومشيتهاا اتجاه الدولاب ..وسحبت روب نووم حتى من غير لا انتبه شلون شكله وعطيتها ايااه
البسيه وقسم بالله ان قفلتي الباب كسرته فوق راسك
والله طلعت مطيعه ..دخلت الغرفه وكااانت مغيره وكانت جالسه ع السرير ومتكورة على نفسهاا كانهاا تبي تغطي نفسها بنفسهااا.. انتبهت ان الروب كان قصيير .. حسيت بخجل واحراااج ...وحتى هي مااقدرت ترفع عينهاا فيني ... وعشان مااحرجهاا طلبت منها تناام .. وانا نمت بالجهه العااكسه
يومتها لمت نفسي على طريقتي الجافه بالتعامل معاهاا ..وصحيح اجبرتها تغير ..بس يومتها ماقربت منهاا مستحيل اقربها واناا اهنتهاا .. بالنهاية اهي زوجتي مو جاريتي ..تشاركناا السرير وكل واحد معطي الثاني ظهره ..كانت تبكي بصوت مكتووم .. حسيت بلووم حرم عيوني النوووم ...وماصدقت ياذن الفجر قمت على طول توضيت وع المسجد ...احيان بيني وبن نفسي احس ان فرح كان معاهاا حق
فرح : راكان البنيه لا من ثوبنا و نحن من ثوبهااا
جوبتها: عاد الصقر الي كانمن ثوبناا
جاوبتني : انا كان لي اسباابي ياااا راكان لو ماتزوجته كاان حرمني من شاااادن .. انت شفت يوم اخذها اسبوع بغيت انجن ... ولااا يوم مااضاااعت .. رااااكان اناا من غير شاادن مااقدر اعيش ... لكن هالبنيه ماتناسبك يااخوي
قلت لها : فرح انا الي بتوجهاا مو انتي ...واناابيها
فرح : براااحتك لكن بعدين لا تجي تشتكي
× فهد ×
كنت وانا اكشف على مرضاي الصغار مبسوط الاخير ..يالله كله كمن شهر وبيصير عندي بنت ولاا ولد .. بمرحلة من المراحل ..كنت خلاص تعبت من مشاااكلي مع نوال .. تعبت من الصد وكنت ناااوي ع الطلاق ..خصوصا من عد مااهنتي بمحل الفسااتنيين ..الي يسمعني يقول اني قصرت انا ضربتهاا ...ماتوقعت انها بتقول لاخوانهاا ...خصوصا وانهاا كتووومه من نااحيه المشاااكل ..لكن يووم قابلت خالد بعد ماجبنا شاادن الي طلعت من المستشفى عقب يومين من زواج مهاا
خالد : فهد ممكن
طلعت معاه للحديقة وماحسيت الا وذاك البكس على وجهي
عصبت عليه ومسكته مع ثوبة : انخبلت انت
خالد بنظرة حااادة : ضربت اختي ياافهد
ارتخت ايدي ونزلت عيني بالارض وقلت له : اختك تجاوزت حدهاا
خالد: الاصول ياولد عمي ان بنتناا لا غلطت تجيها لناا حنا اولى بتاديبها ... مو تمد ايدك عليهاا ..ومشي تعال ندخل ماابي احد يحس بشي
حطيت ايدي على مكان البوكس عطاني والله مدري وش بتسوون لو دريتو اني مطلقهاا
تخيلو انا مطلق نوال ..نوال حبيبتي ..هواي الي اتنفسه مطلقهااا ...صحيح اني احبهاا .. لكن لكل شي حدوود واناا خلاص بلغت حدي ..ماعاد عندي قدرة اتحملهاا اكثر .. كل الي انتظرة تنقضي عدتهاا وتروح بيت اهلهاا وينتهي كل شي بينااا ..وتنقط اخر شعره تربطنا .. ماتوقعتهاا بترجع البيت ماتوقعتهاا انهاا بتعتد ببيتهاا قلت خلاص ماعاد بشوفها لكنها صعقتني يوم شفتها بغرفتنااا وبقميص نومهاا .. تعرفون بيني وبين نفسي حسيت بشي من الفرح ..انها لسى تبيني ... لكن مثل مايقولون النفس طاابت ..وماعد لي رغبة بنوال
× نواال ×
مااحبه مااابيه يغث .....قالتها وهي تتريق علي
قلت لها : هي بس تريقة
مها : تريقة ؟!! هذا مو كلاامك
قلت لها : والله فهد حبوب ومافي زيه
مها : والله الي يسمعك يقول ميته بغرامه مو طول زواجك وانتي متهاوشة معاااه
قلت لها وانا اكذب واحس بغصة بحلقي : حبيبتي هذااك اول الحين بسم الله مااشااءالله لا نتهااوش ولا يحزنوون
مهاا: الحمدالله ..ان شاء الله ايامكم كلها فرح بفرح
اممت من قلبي : اميييييييين
سالتها : الا شلون مرت اخووك ؟!!
مها : ماشاء الله ماعليها
قلت لهاا : والله فرووحه تجنن وحبووبة ..بس اخوك الثور خليه يعطيها رييق حلوو مثل الاوادم
مهاا : ايه والله ..الله يهديه وربي انه جااف مره معاهاا ولا كانه الصقر الحنون الي نعرفة
قلت بدفاعية : يمكن لانه يحس نفسه مجبور عليها
قالت لي: حتى ولو ياشيخه مو ذا الاسلووب .... اخوك ياعملها على انها بزر مو مره طول بعرض
قلت لها : يظهر اخوك يبيلة كوورس في التعامل مع النسوان
قالت : والله اليوم عطيته كورس عاد مدري يفيد ولا لا
سالتهاا : متى شفتيه ؟!
ردت : اليووم مر علي الصبح
اعترضت : وليه ماامر علي ؟! شمعنى انتي ؟!
قالت : ياربي من الغيييره ...مرني لانه جاب شدوونه عندي
قلت وانا اتذكر شكل شدوونة : ياقلبي عليهاا عضيها بخدها تكفيين
ضحكت : ههههههههه يالمجرمه
سالتها: تعالي انتي تتكلمين من ساعه عيب عمتك وشتقوول
قالت : عمتي مع شااهييين راحو يعتمرون
قلت لهااا : وليه مارحتي ..عمره ماتتعوض
قالت لي : هو بيرووح مع امه ارز وجهي ليه ؟!!
قلت لها : معاك حق
مهاا : اقول بقفل بقوم بشووف البنااات ...مع السلامة
قلت لهاا : في امان الله
|
26-02-09, 02:36 PM
جديد مواضيع قسم القصص المكتمله
العرض العادي
