لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 24-06-08, 09:36 AM   المشاركة رقم: 16
المعلومات
الكاتب:
اللقب:
ليلاس متالق


البيانات
التسجيل: Apr 2008
العضوية: 70270
المشاركات: 721
الجنس أنثى
معدل التقييم: أسيرةبحرالأماني عضو بحاجه الى تحسين وضعه
نقاط التقييم: 15

االدولة
البلدSaudiArabia
 
مدونتي

 

الإتصالات
الحالة:
أسيرةبحرالأماني غير متواجد حالياً
وسائل الإتصال:

كاتب الموضوع : أسيرةبحرالأماني المنتدى : القصص المكتمله
افتراضي

 

ع الصبح
بو سعود وسعود هم الوحيدين كانوا واعيين .. من الصبح
بو سعود: يـاااا مب شيء بدون أمك كل يوم الصبح أصبح بويهـا
سعود:خخخخ الله ع الحب ما نقدر عليه
بو سعود: أكيد مـا بتقدر عليه خخخخخ
سعود: كوماري وين عصير برتقال
كوماري: صبر شوي
بو سعود: ألا وينهم البنات؟
سعود: البنات سهرانات البارحه كله بالصريخ والضحك
بو سعود: والله عيل أنا ما سمعت شيء
سعود:حظك مو أنـا .. حسهم كان واصل لغرفتي
بو سعود:هالأثنين يوم يجتمعون محد يقدر يمسكهم


منى كانت راقـده بـس رنة موبايلهـا هو اللي وعهــا ..
منى متغصص: آهـوووو
من غير مـا تشـوف الرقـم ردت على المتصل: ألـو
آمنه: راقـده شو؟
منى: منو أنتي
آمنه: أمج يا نعسـانه
منى: أمـايه ..
أول مـا قـامت من الحمـاس صرخت: آآآآخ ظهري
آمنه: وش فيج حبيبتي
منى: ولا شيء بس عشان مغيره السرير ظهري عورني
آمنه: أنتي بعدج راقده
منى: هيه سهرنه لين الفجر
آمنه: شيء أكيد هذا
منى: ألا شو أخباركم وأخبار ابوي وعمتي عسى الهند عجبتكم
آمنه: لا باس ..
منى: لا باس أفـا أنـا قلت ألحين بكون كشخه
آمنه: بكون أحلى إذا كلنا كنا مع البعض
منى:مب مشكله في الإجازات بنــروح مع بعض
آمنه: إن شـاءالله .. بالأول تروحين شهر العسل مع زوج المستقبل
منى تغير مزاجهـا و طـار الرقـاد من عينهـــــا
منى: أمـايه وين ابوي
آمنه: أبوج راح ييب لينـا الفطور
منى: عليكـم بالـعـافيـه

بعـدمـا سكـرت مـن عنـد امهـــا ,, حـاولـت تنـــام لكنهــــا مــا قـــدرت ..
قـامـت ورجعــت المـوســـده لمكـانه ... لكنهــا يـوم شــافت طيف راقــده مـرتــاحـــه وهــي عـــانــت .. خـذت المـوسـده وفــرت عـلى ويهــــا
مـا حســت شـــيء البنـــت
خـذت مـلابسهــــا وراحـــت الحمـــــــــام ... تغتسـل وتسبـــح

خلصــت مـن السبـاحـه .. واستغـربـت يــوم مــا لقـــت طيـف عـلى فـراشهـــا
منى: ويـن راحــت هـــذي
نشفــت شعـــرهــــا ... بـالفـوطـه وبينمـــا كـان تسحي شعـرهـــا .. دخلت عليهـــا طيف
منى: هـلا والله
طيف: أهلين
منى: وين كنتي
طيف: شفتج محتله الحمام رحت اتسبح واتغسل حمام غرفة والدي
منـى: عساج ارتحتي في الرقاد
طيف: أفـا بس هالسـؤال أنا لازم أسأله لج
وبكل براءه قـالت لهــا: عساج ارتحتي في الرقاد
فرت عليهــأ المشط: كله منج كسرتي لي ظهري
طيف خذت المشط وقـامت تسحي شعرهـا: أفا بس ليش
منى:بسألج أنتي يوم تنامين شو تحلمين
طيف: أووووه اشياء وايده مثلا يعني
منى: دخيلج سكتي
طيف: أفـا بس سمعي شو أحلم بتندمين تراج
خـذت وقـايتهـا بينمـا طيف ترمسهـا ... لبست على السريع .. وطلعت من غرفتهــا
طيف: بل سوتني طـاف (طالعت نفسها على المنظره):مب مكشله أنته بتسمعني صح

نـزلت .. في البدايه استحت .. لكنهـا في خاطرهـا قـالت : من الله أهلي
مع ابتسامه تفتح النفس: صباح الخير
استغربوا الأثنين
منى: قلنا صباح الخير
بو سعود: صباح نور يا بنتي
منى: ليش مستغربي
بو سعود: أنتوا مب نايمين متأخرين .. فشو موعنج هالحزه
يلست مجابلتهم ويه بويه: مممم تقدر تقول الرقاد طار أول ما اتصلت فيني أمي
بو سعود: دقوا لج .. رغم إني قايل لهم إنكم راقدين
منى: أمي ما تستغنى عني
بو سعود: وطيف واعيه
منى:هيه بتنزل قريب
سعود: شيء مب طبيعي قاعد يصير الجنكليه واعيه
طيف من وراه: جنكلي محد غيرك
باست راس أبوهـا .. وطلعت لسانهـا لسعود ... يلست حذال منى
طيف: يا أخي وعينـا فيهـا شيء
سعود: لسانج يباله قص
حطت كوماري عصير البرتقال .. مدت يدهـا منى وفي نفس الوقت سعود بعد مدت يدهـا
منى: أوبس .. ما كنت أعرف العصير لك
سعود: مب مشكله خذيه
منى: لا لا كوماري (بشكل طفولي): بلييييز سوي لي عصير برتقال
كوماري:5 دقايق
سعود: يا سلام وأنا مخلتني أتريـاهـا
بو سعود: أطلب منهـا بكل احترام بتسمع كلامك (صد صوب منى):أشربي هالعصير (مانجـا)
طيف:منى ما تحب أي عصير غير عصير برتقال
بصوت واطي قالت: نفس سعود
ضربتهـا عشان تسكت
منى: مب مشكله عمي كوماري بتسوي لي

سعود مستغرب من نفسه مب عارف ليش عيونه كلهـا كانت تتطالع منى .. حتى لو ما يريد كله كان يطالعهـا
البنت متعيره أكثر من قبل .. صايره هاديه ومب مثل أول تلعوزه
بل العكس ما صارت تتكلمني مثل قبل .. ما تنلام الصراحه كنت قاسي معاهـا

منى كانت منشغله مع طيف وكانوا يضحكون من الخاطر وبو سعود معاهم
وبينمـا كانت تضحك رفعت راسهـا وألتقت عينهـا بعين سعود
اللي يمكن نقدر نقوله اول مره يبتسم لهـا
رغم إنهـا ابتسمت له بس في داخلهــا حست يقشعريه غريبه
بس الحمدلله إنهـا تعرف تمـسك نفسهـــا واللي في قلبهـا ما يطلع في ويهـــا

بعدمـا وصلت كوماري بالعصير .. سألهم بو سعود شو يبون ع الغدى
بو سعود: اليوم الغدى على ذوق منى
منى: أنا .. أنا ما يخصني اختاروا انتوا
طيف: يبى نصيحه لا تسألهـا صدقني ما بيعجبك
بو سعود: انطبي أنتي .. خليهـا تاخذ راحتهـــا
طيف: نصحتك بعدين لا تقول ما قلت لك
منى: صدقهـــا طيف اللي بتسووون خير ونعمه
بو سعود: كله منج خليتي البنت تهون
طيف: أنته تعرف شو كانت بتطلب .. كانت بتطلب برياني واللي اعرفه إنك ما تحب برياني
اول ما قالت طيف برياني رفع راسه سعود .. لأنه في بيتهم محد يحب البرياني غير سعود وأمه
بو سعود: صـدق منى
منى ابتسمت: هيه
طيف: والمسكينه أمهـا طلعت نفس اخوهـا بعد ما يحبون البرياني
من جذي ما يسووونه وايد في بيتهم
بو سعود: خخخخخ
منى: وحظي اكتمل بأخت طيف كل ما نقولهـا خلنـا نطلب تقولي لا
بو سعود: مب مشكله بنخليها تسوي برياني ومجبوس
منى: لا حرام بتتعب
بو سعود: ما عليج .. راني بشكارتكم بتساعدهـا بدال ما أدق سوالف معاهـا
طيف: زين عيل اليوم أنتي وسعود كلوا البرياني لأنه هو بعد يحب البرياني

طربااااااااااخ .. قلبهـا قام يدق .. حاطه في بالهـا عن يظن إنهـا تعمدت تسوي كل هذا .. يسويهـا هـالأهبل

لكن سعود مب هذا في باله صح إنه هو كان مستغرب كيف كانوا يتشابهون
في الــذوق

طيف: منى قومي نروح بيت ريم
منى تتطالع وتغمز لطيف كيف جابت سيرة ريم جدام أخوهــا
طيف طلعت لسانهـا:يمكن تكون راقده ألحين
بصوت واطي: وشو اللي صلحتي يعني
طيف: ما تلاحظين ردة فعل سعود طبيعيه كانت يعني مـا تأثر
منى: يمكن ما عاد يهمه
طيف: تعتقدين صدق ما يهمه
منى: ما ادري أنا بقوم وبروح أنام شوي
طيف: بروح معاج
منى: لا دخيلج لا تروحين معاي
طيف:ليش .. يبى شوفهـا تطردني من غرفتي
بو سعود: أنا متأكد عندها سبب مقنع
منى: صدقت يا عمي بنتك هذي رفستني رفاس ما قدرت أنام حتى شليت كشتي ونمت على الكنبه
بو سعود: طيــــــــــــــف؟!
طيف: يا ابوي أنا أتحرك وايد شو اسوي بعد
سعود: مره ثانيه يوم بتنام ربيطيهـا بالحبل
طيف:هـا هـا الأخ الممل اليوم قام ينكت
منى مسكت ضحكتهــا
سعود: الآنسه السخيفه اليوم متغايضه مني
طيف بسخريه: هـا هي هـا هي
منى خلاص مب قادره تمسك نفسهـا نقعت من الضحك
والكل ضحك على ضحكتهـــا
خلال وقت بقاء منى في بيتهم .. علاقة سعود بمنى تحسنت .. يعني صاروا يسولفون مع بعض .. مب وايد بس كانوا يسولفون ويبتسمون لبعض ومنى نست بالمره إنهـــا بترتبــط مـــع عمــــر وكــانت حـــدهـــا مسـتـانســـــه
و زادت فــرحتهــــا بعــــودت أهلهـــــــــــا

بعـد يــومين من عـــودتهــــم مـــن الهنـــــد
منى راحت الجـامعـــه وكــانت لابســـه تنـوره هنـديه لكنهــا كـانت ستايل
على قميص كت وفيه فصوص صغيره جدا
وألتقت بطيف اللي كانت نازله من سياره أخوهـــا
منى: هلوهلوهلو بطيفو
طيف: يا سلام يا سلام شو هالتنوره .. (وشوي كانت بتكشف على قميصهـا لكن منى مسكتهــا)
منى: شو تسوين
طيف: سوري بغيت اشوف لبسج
سعود:خبله تحمليهــأ
ابتسمت منى: صدقت
تقلدهـا طيف: صدقت
ضربتهـا منى: طوفي جدامي أحسن لج
ضحك عليهم سعود وتحرك من عندهـــم

طيف: شو ها شو ها البنت مستانسه وايد هالأيام
منى: والله ..لا انتي تتوهمين
طيف: يس يس اتوهم
منى:خلينا نلحق على محاضرتنـا
طيف:صــدقتــــي ..يــلا (سحبتهـــا)
منى: زيييييــــــــن


بعــد الجـــامعـــــه

منى حدهـا مستانسه: السلام عليكم
آمنه: وعليكم السلام
منى كانت بتركب الدري لكن أمهـــا نــادتهـــــا
منى: هـلا مومي
آمنه:منى أبوج تكلم مع عمر وقـال إنه هو بيحضر مع اخوه على الأسبوع الياي
تغير مزاجهـا وبمـا إنهـا شاطره في إخفاء مشاعرهـا .. فأكتفت إنهـا تهـز راسهـــا بس
آمنه: وهيه صح نسيت اقولج ابوج شاري مزرعه في الذيد ويوم الخميس كلنا بنروح هناك
منى: مزرعه في الذيد؟
آمنه: على قولته نغير الجو نحن وقوم عمتج بنسير
في خاطرهـا: أكتملت
آمنه:روحي بدلي وتعالي بنتغدى
منى:إن شاءالله
صعــدت لغرفتهـــــا وبـالهـــا لأول مره ينشغل جــــذي
كيف نست سالفة عمر ... واصلا كيف استانست مجرد إنه سعود ابتسم لهـــا يمكن مجرد احترام مب حــــب ... لا لا أنا استخفيت وقعدت
السالفه ما يباله تفكير عمر يحبني وأنا أحب .. سكتت
تغصـصـت : آآآآآآآآآآآه سعود متى بقدر أنســــــــــــاكـ
ذبحتنـــــــــــــــي


طيف دخلت مع أخـــوهــــــــا البيت
مسكتهــــا أم سعود: طيف كنتي تعرفين إنه عمر ناوي يخطب منى
طيف: آآآآآآآ منو قـــالج
سعود أول ما سمع تم واقف
أم سعود: آمنه قالت لي إنه المذيع عمر ناوي يخطب منى
طيف:هيه .. بس ما اعرف متى
أم سعود: آمنه قالت بعدمـا نرجع من المزرعه
طيف: أي مزرعه
أم سعود: خالج اشترى مزرعه ويبـانـا كلنـا نـــروح
استانست طيف: واللـــــــــــه يا سلام صج إنه خالي فتكـــــــــــه أمــــــــايه كوني مثله
كانت بترضبهــــــــا بس شــــردت لغرفتهـــــــــــــا
أم سعـــــــــود تدارك نفسهــــــــــا وصعـد لغرفته
يكلم نفسه: أكيد ما يهمني .. أصلا أنا ما يخصني فيهــــــــا

فتح أزراه:عيل ليش أحس بضيق أول ما سمعت السالفه
والله إنه حالتي يرثى لهــــــــــــــا


عمــر رجـــع مـــن الأستــديـــوا على العشـــــــــــــا
راح تســبـــح لأنه كــــــــــان بيطـــلع مع ربعــــــــــــــــــــه
وهـــو طـــالع من الحمـــــــــــــــام لقـــى أخــــــــــوه يستعمــــــــــل عطــــــــــره
عمــــــر: شو تســــــــــوي؟
محمـــــــــد: مثـل مـا تشـــــوفنــــــــي
عمـــــــر: ريال طول وعرض وفـوقه تشتغـــل مب قادر تشتري لك عطر
محمد: كل مره انسى .. وأنـــا متعـــــــــود استعمـــل اغــراضك يا اخي
عمر يمط خدوده: وتقولها بكل فخر يعني
محمد:خخخخخ
عمر: على وين طالع متكشخ
محمد: أم ريم عزمتني أتعشى عندهم وعقبال ما يعزمونك اهل حرمتك بعد
عمـر:هههههه
محمد:وش فيك
عمر: ما أدري يا ريال احس منى ما تبادلني المشاعر
محمد: سهله إذا كنت مو متأكد مب لازم تروح نخطبهـا بعده شيء وقت
عمر: أقولك شيء أنته مب ويه تساعد
يـــوم الخميس
آمنه: يـاللـه تـــاخــــرنـــــــــــــا
منى: زيـــــــــــن يمــــــــــه قــاعده أدور على جوتي
آمنه:ألبسي أي نعـــــــال إنـــزين
منى: يمــــــــــه هنـــــــــاك حشرات وهالسوالف لازم البس جوتي و كويتي و..
آمنـــه: خلاص إنــــــــزين خلصي أغراضج وإنـــــزلــــــــــي
بـس بـســـــــــرعــــــــــــه

 
 

 

عرض البوم صور أسيرةبحرالأماني   رد مع اقتباس
قديم 24-06-08, 09:39 AM   المشاركة رقم: 17
المعلومات
الكاتب:
اللقب:
ليلاس متالق


البيانات
التسجيل: Apr 2008
العضوية: 70270
المشاركات: 721
الجنس أنثى
معدل التقييم: أسيرةبحرالأماني عضو بحاجه الى تحسين وضعه
نقاط التقييم: 15

االدولة
البلدSaudiArabia
 
مدونتي

 

الإتصالات
الحالة:
أسيرةبحرالأماني غير متواجد حالياً
وسائل الإتصال:

كاتب الموضوع : أسيرةبحرالأماني المنتدى : القصص المكتمله
افتراضي

 


منــــــــــى: زيــــــــــــن

نـزلـت آمنــــه ولقــت وصـلـوا بـاقـي الأهـــــل ,,
آمنه: حيـاكم
طيف: وينهــــــــــا منـــــــــــــى
آمنــــه: يـامـامـا روحـي ليهــــــــا فــــــــوق وخبريهـــــــــا تخلص بســــــــرعه
طيف:أوجـــــــــــــــي

بعــد 10 دقــــــايق نـزلــوا
آمنه: مــــــــا بغيتـــــــــــــــوا

الكل ركب السيـاره وتــوجهـــوا للــذيــــــــد

بعــــــدمـــــــــــا وصـــلـــــوا الــــــــذيــــد ... أول وحده فتحت البـاب هـي طيف
مـــدت ذراعيهــــــــــا : أخيـــــــــــرا
نزلت من من سيارتهــــــــم : هـذي هي المزرعه
سعيد: هيه شو رايج
منى: شكلها من برع كبيره ... بنروح نفحصهـــا من الداخل
مسكت يد طيف وسحبتهـــا للــــداخــــــل


طيف:هيه صح ما خبرتـج سعود عرف عن عمر
كانت سابقتهـا في المشي لكن يوم سمعت طيف شو قالت وقفـت
منى: شو تقولين أنتي
طيف:هيه أمي كان تكلمني وسمعنـا وأقولج ويه تغير
استغربت منى: وليش يتغير أنتي تتوهمين مب بينـا شيء
حطت يـدهـا على خـدهـا: مب فاهمه شيء أنـا مره جذي ومره جذاكـ
سبحتهـا من يـدهـــا: طـوفي وأنسي السالفـه

مـا لاحظـوا شخص وراهـم كـان واقـــف ... وهالشخص كـان سعــود
وفي خاطره:هذي على كيفهـا تقول ويهي تغير


أجتمعوا كلهم في مكان واحـــد
سعيد: هـا شو رايكم بالمكـان؟
بو سعود: مـا عليـه كلام الصراحه ...
آمنه: هيه والله صدقت
طيف: يفتح النفس
منى: حدي تعبانه أحد يدلنا على غرفنـا
سعيد: على اليمن غرفتج أنتي وطيف أما على اليسار غرفتك يا سعود .. ونحن فـوق
منى: حبيبتي أنتي بتروحين الغرفه صح
طيف: هيه
منى: شلي معاج شنطتي هي شنطه وحده
طيف: اشتغل عندج أنا
منى: أفــا طيف تراني تعبانه ولا كان ما طلبت منج
طيف: طلبي من راني مالكم ... ولا عبالهـا صدق راني
منى: تعرفين إنج وايد ترمسين
شلتهـــا بنفسهـــــــــا وراحـوا لغـرفتهــــــــــــــم... وهــم رايحيـــن يضـــاربــــــون
ومن بعدهم الكــل راح لغـرفتـــه عشــــان يــــرتـــــاحــــــون

منى حـاولت إنهــــا تنــــــام لكنهــــا مــــا قــــدرت ...ع الأقـــل تنـــــام ليـــن العصـــر لأنهـــــم تقـــريبــــا ع ســـــاعــه 10 الصبــح واصليــــن
حـاولت توعـــي طيف اللي كـــانت راقـــده رقـــاد ثقيـــــــل
بس مـا شـيء فـــأيـــــده الأخت مـا يفيــد معـــاهـــا أي شـــــيء

حطت وقـايتهـــا على ركبتهــــا وطلعت من غرفتهـــا ... طلعت بـرع البيت اللي في االمزرعه تبى تشوف الجو كيف برع ...
وكان جو حلو والسماء صافيه
وهي طـالعـه لقت سعود كــان مستلقي برع
احتـارت تـروح له ولا لا .. فكرت ترجع .. ويوم قررت ترجع بشكل لا شعوري راحت له .. لبست وقايتهـــا وقفت فوقه .. لقته مغمض عينه
منى تتأمل فيه: والله يجنن
أعوذ بالله شو قاعده اقول أنـا .. بكون على طبيعتي
منى: أحم أحم مـا شيء غرفه شو؟
فتح عينه ولقاهـا واقفه فوق راسه ... عــدل نفســـه (قـام وقعـد): منـــى؟!
صــدت يميـن ويسـار وبكل استعبـاط: مـا أشوف أحد غيري
ابتسم : تستعبطين شو؟
منى: قـاعده أحـــاول
سعود: مـا رقـدتي ؟
منى: لا رقـدت بـوقت البارحه وبصراحه المزرعه تجنن فمـا حبيت اضيع الوقت في الرقاد .. وأنــــــــت؟
سعــــود: أنـــــــــا ؟! عنــدي اشيـاء افكر فيه وعجبنـي الوقت قلت اطلع برع واقعد افكر
منـى: مـن صـدقك جو يجنن وتضيعه بالتفكير
سعـود: شو تبيني أسوي يعني
منى: قوم استكشف المكـان .. مب خاطرك تروح لجانب الثاني
سعـــود: جانب الثاني
منى: هيه .. سمعت ابوي يقول إنه فيه حيوانات هناك دياي و تيس تعرف هـالأشياء
سعـــود:ومنى مب معاهم؟
سكتت وطـالعتـه بنظـرات مـا قـدر يفهمهـا سعـود .. بس إحساس يقول إنهـا عصبت فكـان بيعتـذر .. لكنهـــا سبقتـه بضحكه من خـاطر
يطألعهــا مستغرب وهي كـانت مستمره في الضحك وتضحك وتضحك وتضحك لين مـا ضحك معاهـا رغم إنه مب فاهم شيء بس ضحكتهـا كـانت تضحكه
ويوم شبعوا من الضحك سألهـا: على شو كنتي تضحكين
ضحكت مره ثانيه لكن هالمره قدرت تتكلم: سعود لا غيره ينكت هالشيء لازم ينكتب في التاريخ ومب أي نكته بعد لا .. نكته قويه شبهني بالحيوانات
طـالعهــا متعجب: وهالشيء يضحك
منى: مم تقريبـا .. إذا عبالك بزعل فتطمن أنا مب من نوع اللي يزعل على هالسوالف عندك اختك أطيح فيهـا طيحه وهي لين ألجين تحاول أطيحني بس ماقدرت لكني اتمنى لهـا التوفيق
سعود يطالعهـا كيف كانت ترمس وتحرك يدهـا وفي خاطره: صح وايد ترمس بس سوالفهـا حلوه
فـضحك على الخيف
منى: لكن المسكينة لين يومك هذا ما قدرت علي بس اتمنى يتحقق أحلامهـا
فديتهـــا والله ههههههههههههه
يوم حست إنه كان يطالعهـا بنظرات مب طبيعيه ... فكرت ترجع الغرفه
فتصرفت بشكل طبيعي: تـصدق إنه ياني رقاد
سعود:هيه حتى انا سالفتج كانت وايد طويله
منى: هههه عاد هذي ما تضحك
سعود يقلدهـا: قـاعد أحــــاول
منى: تـصدق ذكرتني بسعود الأولي .. اللي كان يضحك على أي شيء سعود اللي كان عمره بين 12 و15 مب ألحين سعود العصبي اللي صاك الأربعين
سعود: نعم نعم منو اللي صاك الأربعين .. تتكلمين عن نفسج أنتي
منى: لا أتكلم عن واحد اسمه سعود الشيبه
طلعت له .. لســانه وتحركت .. لكنه هو مسكهـا بيدهـــا ولوهــــا
عورهــا: آخ سعود شو تسوي
سعود: منو الشيبه ألحين
مستحيه على ألم على عناد وفيهـا ضحكه مب عارفه حالتهـــا وفوق هذا مب مستسلمه: أنت الشيبه
زادهـــا أكثر ...
منى: آخ آخ خلاص مو أنته
سعود يضحك عليهـا: قولي أنا السخيفه وما عندي سالفه
منى بألم: أنت السخيف وماعندك سالفه
سعود: شو قلتي
منى: آي آي أنته اللي طلبت مني أقول
سعود: كنت أقصدج أنتي
منى: خلاص إنزين أنا العيوز وانا التافه والسخيفه بس اترك يدي الله يخليك
تركهــــا وطالعهـــا بنص عين: إن غلطتي علي مره ثانيه بكسرهـا لج يدج
مـاسكه يدهـــا وتفركـــــه ... طـالعته بنظــرات غضب
سعود:زعلتي شو؟
ابتعدت عنه وبشكل فجــائي فرت كبوستـــه (قعته) .. وشردت وقفت على الباب وتمت تضحك: قلت لك إني ما ازعل
طلعت لسـانهـــــــــا وشردت
لقط كبوسته وتم يضحك عليهـــــــــا

أمـــا منى فركضت لغرفتهــــــــا وصحكت الباب ... تنفسهــا كان سريع .. والأبتسامه مب مفارقتنهــــــــا

منى يوم تكون معاهـ تنسى نفسهـــا وتعيش كل لحظه معـــاه ... تفكـــر بشيء وتسوي شيء ...

على العشـا
الكل مجتمع ويالسين على صفرة الأكل ...
بو سعود: يـالله حطوا أنا حدي يوعان
سعود: هيه حتى أنا
طيف تهمس لمنى: اليوم الأخ مزاجه راقي
منى: خليه في حاله الريال
دزتهـا بيدهـا: شو هذا شو هذا
منى: انطبي

سعيد: باجر بنروح نسبح في الحوض
طيف: اللــــــــــــــــــه
سعيد: أنتي ليش مستانسه الحوض بس للشباب
طيف: لا لا عيل نحن ليش يايين حق الملل شو
بو سعود: عيل شو مفكره تسوين
منى: لا .. مب عدله
سعيد: كنت عارف إنكم بتسون يوله من جذي طلبت لكم بنشيات
استانسـوا وقامن يصرخن: يـاااااااااااي
آمنه: يا ينات شو تسون
أم سعود: بنات هـالأيـــام غير شكل بعد
منى وطيف يغنن: لا لال الا هوهوهوهو لا لالا هوهوهو مومومو شوشوشو
هههههه خخخخخخخ
أغنيه من تأليفــــهــــــــــــــم
جميع الحقوق محفوظه لهم

ومثل مـا متوقعين طيف ومنى ركبن البانشي من العصر مره يتسابقون ومره يدورون على المزرعه
اما الشباب فراحوا يسبحون .. والحريم فكرن يطبخن برع البيت

منى وقفت فجأه .. وقفت حـذالهـــا طيف:وش فيج وقفتي
منى: خاطري أعرف هناك شو في
طيف: وليش تبين تعرفين
منى: مب خاطرج تروحين
طيف: لا .. يخوف الصراحه
منى: هذا لأنه ألحين قرب المغرب وتحسين يخوف
طيف: لا يكون ناويه تروحين
منى: هيه شو رايج
طيف: لا لا مب رايحين
منى : خوافه
طيف: هيه خوافه بس مب خسرانه
طالعتهـــا منـــى بـاستغــــراب
حركت طيف البانشي مالهــا : آخر وحده هي حمارة الفريج
تحــركـــت عنهــــا ... ومنى بعــــد يوم شــافتهـــا سبقتهــــا .. زادت على السرعه ولحقتهــــــــــــــا

على العشـــا
الكـل اجتمـــع لكن هالمره مب داخل البيت هالمره مفرشين برع .. والكل مجتمع ياكل و يثـرثـرووووون
منى: أحلفي أنتي بس
طيف:أقولج والله قـالت لي جذي
منى: ومتى إنزين
طيف: البارحه
منى: كيف البارحه وانتي معانا من البارحه فمتى قالت لج
آمنه: منو اللي قال وشو اللي أنقـــال
يطـالعون بعض ويضحكون:هههههههههه
أم سعود: الحمدلله والشكر
سعيد: شو عندكم تضحكون
آمنه: سألتهم سؤال وقامن يضاحكن
منى:خخخخخ لأنه يا حلوه يا أموره نحن نفسنا مب عارفين شو السالفه بس جذي كنا نرطن
طيف: ما عندنا سوالف قلنا نطلع من عندنا
سعود: هههه والله إنكم حـالـه
منى: يبى بسألك صوب الثاني من المزرعه شو في
سعيد: ما ادري بعدنـا ما نعرف شيء عنـا
طيف: البنت ناويه تغامر هنـاك
سعيد: لا تفكرين تروحين اول شيء ظلمه وبعدين الله يعلم شوهناك
منى: ومنو قال إني بروح هذي تخرف ما عليك منهـــا
آمنه: يالله كلوا بالعافيــه
منى ضربت طيف: محد يقولج شيء أنتي

اليوم الأخير في المزرعه (العصر)
نـاويين بعد الصلاة المغرب يطلعون من المزرعه
أم سعود: حطيتو كله الأغراض
طيف:تقريبا وبنخلص
ام سعود: زين عيل أنا بعد وراي وايد أغراض
منى: هيه عاد عمو من قدهـا ما خلت خيار وبرتقال وما اعرف شو ما شلت معاها
أم سعود بأفتخـار: وليش ما اشل دام المزرعة مال أخوي .. بوري رفيجاتي وبمدحه جدامهم
منى:ههههههههه عمو انتي بعد غير يا ليت لو بنتج نفسج
طيف بسخريه: ها ها ها ما يضحك
أم سعود: بسكم من الثرثره ويالله لموا أغراضكم

بعـدمـــا راحـــــت أم سعود .. منى تذكرت المكان خاطرهـا تروح وتشوف لو 5 دقايق .. شافت ساعتهـــا : في وقت

طيف:في وقت لشو؟
منى: هـا ؟! ماشيء أنتي أم قوال إذا قلت لج بتروحي تقوالين لهم
طيف: لا لا مب قايله قولي شو عندج
منى: دام إنه في وقت أفكر اكشف على ذاك المكان بسرعه
طيف:يـااااه صدق متفيجه أنتي
منى: شوفي أنا بروح وأنتي غطي علي
طيف: لا لا ما يخصني
منى: نفذي الكلام وبس .. يالله جـــاو .. باستهــا على الخد وراحت
طيف: منى منى (نادت عليها بس ما فاد لوحت لها بيدهـا وراحت عنهـا)

 
 

 

عرض البوم صور أسيرةبحرالأماني   رد مع اقتباس
قديم 24-06-08, 09:44 AM   المشاركة رقم: 18
المعلومات
الكاتب:
اللقب:
ليلاس متالق


البيانات
التسجيل: Apr 2008
العضوية: 70270
المشاركات: 721
الجنس أنثى
معدل التقييم: أسيرةبحرالأماني عضو بحاجه الى تحسين وضعه
نقاط التقييم: 15

االدولة
البلدSaudiArabia
 
مدونتي

 

الإتصالات
الحالة:
أسيرةبحرالأماني غير متواجد حالياً
وسائل الإتصال:

كاتب الموضوع : أسيرةبحرالأماني المنتدى : القصص المكتمله
افتراضي

 


وصلت المكان .. ظلت واقفه شوي وصدت لوراهــــا
منى: مـا في أحد 10 دقايق بس اروح وارجع محد بيعرف
تحركت عشان تروح لكن صوت وقفهـا
سعود:محد بيعرف هـا يا اللصه
طلعت لسانهـا وبكل براءه: هاي سعود
سعود يبتسم لهـا: هاييين .. (يأشر لهـا بحواجبه يقصد فيه شو عندهـا)
منى: ولا شيء .. تقربت صوبه: مب خاطرك تستكشف المكان
سعود يطالع المكان:ممممم خاطري بس خالي منع أحد يدخله
منى تبى تقص عليه: يالله عاد إلي يقول الحين أنته شخص مطيع
طالعهـا بنص عين
منى: لا .. لا يروح بالك بعيد اقصد يعني مب لازم على كل شي نطيعهم دقايق بس نروح ونرجع محد بيعرف .. ها شو رايك
سعود: والله إنج داهيه .. طوفي 10 دقايق بس
منى سوت بأصابعهـــا: 10 وبس

تحركوا ... وهم يمشون مستغربين إنه مافي أحد بالمره هدوء بشكل فضيع
سعود: مكان هادي صح؟
منى: هيه .. يخوف نوعا ما
سعود: أنتي خايفه
منى: منى ما تخاف من شيء
سعود: إنزين يالله نرجع عن أحد يسأل عنـا
منى: اوجي

وهم راجعيـــن .. إلا يشوفون كلب متوحش ياي صوبهم
منى مرتبكه: مب كأنه ياي صوبنـا
سعود: هيــه .. اركضــي
منى تركض: يمــــــــــــا

طيف: وينهـــا هذي تأخرت
آمنه: طيف خلصتوا
طيف مرتبكه: هيه
آمنه: إلا وين منى
طيف: منى ؟! هيه منى في الحمام
آمنه: عيل طلعوا شنطتكم برع
طيف:إن شاءالله
بعــدمـــا راحــــــت .. خذت تلفونهـــا ودقت على منى .. لكن للأسف منى تاركه تلفونهـــا في الغرفه
طاحت على السرير: شو اسوي ألحين ..
فرت التلفون: خلني أنام لا .. ما بصير شيء يعني
بترجع وإن مسكوهـا بلومنهـا هي بس
بنــــــــام أحسن لي (صدق مزاجهــا راقي هالبنت)
لكن في صوب الثاني المزاج كلش متعكر
منى: كيف ألحين
سعود: أنا بنـزل وبشـوف لج الدرب
منى: أوجي بس تحمل على نفسكـ

الحبـايب عشان يشردون من الكلب الشرس صعدوا فوق الشجره
وكل ما ينزلون يرجع الكلب وينبح عليهم

يـوم وصل تحت على الأرض ..
طـالع يمين ويسار ومـا له حس للكلب
سعود:يـاللـه إنـزلـي بسرعه
منى تأشر بيـدهـا: مـا أظنهـا فكره حلوه
سعود: ليش ليش
منى: صد وراكـ
يـوم صــد وراه لقـى الكلب رجـع وكان يركض بسريع .. حتى المسكين سعود من الخوف ركب بسرعه وطـاح مـوبـأيـلـه من جيبه

منى مدت يـدهـا عشان تساعده في تسـلـق
يوم وصل بأمـان تنفس: الحمدلله
طالع الكلب وعصب عليه: غربل إبلسيك شو تبى فينـا
منى: ألحين لين متى بنتم على هـالحـاله
سعود معصب: وانا شو عرفني
طالعته وما اهتمت له حاولت تلقط الإرسال فكانت تمد يدهـا مره يمين ومره يسار ومره فوق وتحت المهم تلقط إرسال
ضرب الغصن بقوه:موبايلي طايح تحت وهالحشره مب راضي يسكت
انطب انطب يا الجلب
منى:خخخ سبيته عدل
طالعها معصب: تضحكين على شو انا ما نكت
منى: وش فيك معصب
سعود: وليش معصب أنتي السبب لو ما اصرارج كان نحن ما كنا هنا
منى عصبت معاه: أخبرك محد جبرك تروح معاي
سعود: صدقتي ما عندي سالفه قررت اروح معاج
منى: ألحين تعرف إنك ما عندك سالفه
سعود: منى احترمي نفسج وانته اسكت حشرتني
زعلت منه وتمت ساكته


أذان المغرب

أم سعود: طيف طيف يالله قومي صلي ومنى وينهـا
طيف تفرك عينهـا: هـا منى يمكن في الحمام
أم سعود: إنزين صلن المغرب عشان بنطلع بعد الصلاه
أم سعود وهي طالعه ترمس: وهذا اخوج مأادري وين راح بعد

طيف تتطالع ساعتهـا:هذي من صدقهـا بعدهـا ما رجعت
يـا ويلهــا ويا ويلي


منى وسعود بعدهم ما يرمسون بعض .. وكل واحد عاطي ظهره لثـاني
والكلب يدور على الشجره مره يقعد ومره يتحرك ويوم حس بالملل تحرك

نـزل سعود من غير مـا يكلمهـا ... وهي تطـالعه بخلسه
ظـل واقـــــف لين 10 دقـأيـق ويوم حس إنه الكلب مـاله حس تطمن
وبـدون نفس: تقدرين تنزلين يا الأميره
نــزلت وشوي بتوصل على الأرض جان تنقز لكنهـا كانت شوي وبطيح بس سعود مسكهـــا
سعود:مب كل مره بقعد أسـاعـدج
سحبت يدهـا: ومحد طلب منك تساعدني جان تركتني أطيح
تجـاهلته وتحركت عنه ...
ضحك عليها ضحكه خفيفه ولحقهـــا

ماسكه يد بنتهـا بقوه: وليش ما تقولين من الزمان
آمنه: يا ام سعود شوي شوي على بنتج
أم سعود: الطيبه ما تنفع معاهم
طيف: وأنا شو درابي إنها بتتأخر جذي
أم سعود: هالكلام قولي جدام أبوج
طيف: لا لا انا ما يخصني زين

منى تمشي: آخ .. ما يبين شيء
ترمس نفسها: الحمدلله إني لابسه بوت ولا رحت وطي
سعود:لا تتذمرين وايد
منى: وأنا ما كلمتك أنته فلا ترز ويهك
سعود:ألحين الأهل أكيد يحاتون

سعيد: قوم خلنا نروح اندور عليهم
بو سعود: هذا سعود كيف رضا يروح
طيف: رايحين يستكشفون المكان
بو سعود: أنطبي انتي عن اسوي فيج شيء
انخشت ورا آمنه

بو سعود: قوم خلنا نروح اندورهم
سعيد: نشل معانا المصابيح وبطلب من حارس المزرعه يروح معانا
بو سعود: يالله عيل خلنا نروح

طيف: اظنهم بخير انتوا مكبرين السالفه
أم سعود: انطبي قبل لا اضربج
أنخشــت وراه آمنــــــــــــــــه

منى في خاطرها: ظلام ما اشوف شيء وهذا ساكت بعد ما ادري امشي معاه ولا قـاعده امشي لحالي
فجــأه دعمت بسعود
منى: بسم الله ليش وقفت
سعود: نحن قاعدين نمشى ومب عارفين وين رايحين
منى: الحل يعني
سعود: أنا اقول نقعد لين ما أحد من الاهل يدور علينا
منى: نقعد هنا؟
سعود: هيه .. يكون احسن لأنا احتمال نحن نبتعد عن درب الصحيح ونضيع في هالظلام
منى: كلامك صحيح
سعود: نقعد
منى: نقعد وأمرنا لله
قبل لا يقعدون سعود فتح موبايله عشان النور اللي طالع من الموبايل يقدر يطالع هم على شو بيقعدون


كـسـر سعود السكوت اللي بينهم
سعود: عيل بعد ما بنرجع بتنخطبين
منى: على الله
سعود: أنتي مرتاحه
منى: وأحد يرتاح في هـاالمكــان؟
سعود: لا اقصد مرتاحه بسالفه الخطبه يعني متأكده إنج موافقه
في خاطرها: وش في هذا قام يرمس عن هالسالفه
ردت عليه: دام اهلي مرتاحين فانا بعد مرتاحه وبعد عمر ما عليه كلام
سعود:أهـا فهمت الله يوفقكم
منى: وأنت ما فكرت تزوج
سعود: أظن مالي حظ في الزواج
منى: لا تقول جذي بتلقى له وإن لقيت اتمنى إنك ما تضيع الفرصه
سعود في خاطره: أكيد كانت قاصده بكلامهـا هذا

منى: سعود
سعود: نعم
منى: تـذكر يوم كنا صغار شو كنا نسوي
ضحك سعود: اشياء وايده ما اذكر الا شوي واللي أتذكره يوم لقينـا
وزغ ميت
منى: يااااع دخيلك لا تقول
ضحك اكثر: لا لا أحلى شيء يوم سوينا له جنازه انتي تميتي تبكين عليه
منى: هههههه حرام عليك وين بكيت
سعود: لا تنكرين مب صحتي على السحليه
منى: هههههههههه كنت صغيره اشوف الناس تصيح في العزا فقلت أقلدهم واصيح عليه
سعود:خخخخخخخ يعني كنتي تصيحين بدون أي مشاعر
منى:هههههه عيل تباني اصيح صدق شو
سعود: لا وطيف تمت تضرب نفسها
منى:ههههه تقلد اللي في التلفزيون كنا شايفين مسلسل وقامت تقلدهم
سعود:خخخخخخخخخ مخبل أنتي وياهـا ولين ألحين بعد ما تغيرتوا
منى: لكن أنت تغيرت واااااااااايد ما نشوف ضحكتك إلا بالقوه
ظل سـاكت سعـــود ... ومنى عشان تغير الجو سمعته نكته
منى: اسمع هالنكته
سعود: يـالله قولي
منى: نسيـــت
سعود:ههههه والله إنج مجنونه
منى: الجنون ينفع أحياننـا

سعيد: منــــــــــــى سعـــــــــــــــود
بو سعود: منـــــــــــــــى سعـــــــــــــــــــود


سعود: منى سمعتي
منى: هيه كأنه صوت ابوي وأبوك
سعود: هيه يالله قومي
قـاموا الأثنين وتموا واقفين .. ويوم شافوا نور من بعيد تمو يصرخون

سعيـد: هذا مب كأنه صــوتهـــــــــم
بو سعود: هيه وينهـــم وبس
سعيد: أنتــــــــــوا ويـــــــــــــن؟

سعـــــــــود: نحــــــــــــــــــن هنــــــــــــا
منى : خلنا نفتح موبايلنـا يمكن يشوفون شيء
سعود: هيه صـــح
فتحوا موبايلهـــم وتموا يلـوحـون بجـوالاتهـــــم

 
 

 

عرض البوم صور أسيرةبحرالأماني   رد مع اقتباس
قديم 24-06-08, 09:46 AM   المشاركة رقم: 19
المعلومات
الكاتب:
اللقب:
ليلاس متالق


البيانات
التسجيل: Apr 2008
العضوية: 70270
المشاركات: 721
الجنس أنثى
معدل التقييم: أسيرةبحرالأماني عضو بحاجه الى تحسين وضعه
نقاط التقييم: 15

االدولة
البلدSaudiArabia
 
مدونتي

 

الإتصالات
الحالة:
أسيرةبحرالأماني غير متواجد حالياً
وسائل الإتصال:

كاتب الموضوع : أسيرةبحرالأماني المنتدى : القصص المكتمله
افتراضي

 

سعيـــد: شــوف هنــــاك
بو سعود:ويــــن
سعيـد: هنـــــــاك
بو سعود: يمكن يكونون هم
ركضوا صـــوبهــــــم .... وارتــاحــوا يـــوم لقـــوهـــــم ...
منى حضنت أبوهـــا
سعيد: أنتي بخير
منى: الحمدلله
بو سعود كان معصب من خاطر وكان بيصفع سعود بس سعيد مسكه
بو سعود: ما عندك عقل شو .. كيف سمحت له نفسك تسوي جذي
منى: مب غلطته انا
قـاطعهــا: بـس يالله جــدامي
حضنت ابوهـا يوم صرخ عليهـــا ...
سعيد: اهم شيء سلامتهم يا بو سعود .. يالله نرجع البيت الحريم يتريونـا هنـاك

ويوم وصلوا البيت سمعوهم تــوبيـــخ ... ما له نهـايه حتى وهم راجعين سمعوهم كلام بعد ..
وبعــد مـا وصلوا البيــــت منى ما سلمت من توبيخ أمهـــا
منى: أوهـووو أمـايه بس عاد
سعيد: طايحه فيها من البارحه خفي عليها
منى:هيه والله
آمنه بجـديـه: اتصل في عمر وخله يي يخطبهـا بسرعه

بليل تمت تفكـر بسعـــود .. ونفس الحـال مـع سعـــود تم يفكر فيهــــا
سعود:اتصــل فيهـــــــــــا ولا كيــف
تــــــذكـر كــلامــــهــــا (لا تقول جذي بتلقى له وإن لقيت اتمنى إنك ما تضيع الفرصه )
اتصـل فيهـا وقبل لا يرن .. صك التلفون
سعود: لا مب وقته يمكن تكون راقده .. باجر إن شاءالله بقولهـا على كل شيء
ومثل ما طلبت آمنه .. سعيد اتصل فيه عمر
وتمت الخطبه بينهم ومنى رضت بالأمر الواقع مو بيدهـا حيله .. فرحه أهلها كانت ما توصف .. وسعود من عـرف السـالفـه ألتزم السكوت رغم إنه كان ناوي يعترف لهـا ويخطبهـا .. وكل ما يشوفهـا يلتزم بسكوت ويحس بحرقه يوم يشوفهـا مع عمر تضحك ومستانسه

بعـــــــــــــد سنـــــــــــــــــه
منى طالعه من الجامعه مع طيف وريم
على الفكره ريـــم تــزوجــــت ....
طيف: ريم حبيب القلب وصل
ريم: بس عاد كل ما تشوفيني تحرجيني
طيف: حو وأنا قلت شيء
منى: بلاج طايحه في البنت خليها تروح عند حبيب قلبهـا
ريم: انتي بعد .. اشرد منكم أحسن لي يوم بي دورج بتولاج عدل
ضرب محمد هرن
طيف: روحي عن يشوف له وحده ثانيه
ريم:خخخخ


منى: أوصلج البيت
طيف: لا ثانكيو يا الغاليه أنا سعود بيوصلني
منى: تعلمي السواقه وارحمي اخوج
طيف: أخاف يا اختي من السواقه
منى: على راحتج أنا حدي تعبانه وابغي ارجع البيت فوقفي أنتي بروحج
طيف: محد بيخطفني
منى: اللي بيخطفج بيندم بقول هذي منو بسكتهـا
طيف:هههه ما يضحك
منى: ههههه يالله يالله بروح

وهي في سيارتهـا رايحه للبيت اتصل فيها عمر
منى: هلا عمر
عمر: يا هلا والله يعذب هالصوت الصراحه
منى ألتزمت بالسكوت
عمر: قولي تسلم قولي شكرا على الأقل
منى: بغيت شيء
عمر: هيه بغيت اشوفج
منى: اسمح لي عمر أنا تعبانه اليوم
عمر: منى خفي علي شوي كل ما اقول ابغي اشوفج تقولين لي شيء
حتى يوم اروح بيتكم نادر ما ألقاج
منى: لا تتشكى وايد خلاص وين تبانا نلتقي بس عاد يكون مكان عام
عمر: اطمني اللي بقوله كلام يقرر مصير حياتنا يالله اشوفج في المطعم .... سكر عنهـا
منى: يقرر مصير حياتنا ؟! شو عنده اخـاف الا قرر نتزوج بسرعه
مـا ينلام مره سنه على خطوبتنـا ما اظنه بيصبر أكثر

سعود: طيف شو الجامعه اليوم
طيف: ماشيء الحال
سعود: واخبار منى؟
طيف: هيه بعد بخير مب كأنك وايد تسأل عنهـــا
سعود: من خطبت ما نشوفهــا وايد حتى يوم امر عليج الجامعه بعد ما اشوفهـا
لا يكون كبر راسها يوم انخطبت
طيف: لا راسها مثل ما هو تطمن ..
كان بروح لغرفته بس طيف وقفته بسؤالهـا
طيف: سعود أنته تحبهـا
سعود: هـا ليش هالسؤال
طيف: لا تستعبط ذبحتني كثر ما تسأل عنهـا لو تعرف إنك تسأل عنها جي عادي تترك الولد وتركض عندك
سعود استانس: صدق
طيف: بلاك فرحت
سعود: ومنو قالج إني فرحت عادي ما فيني شيء بس انتي مكبره الأمور
قـالهـا هالكلام وغادر من غرفتهــا
طيف: يوم كان تركض وراه ما قدرها وألحين يوم صارت لغيره حاط عينه عليها

في المطعم
عمر:أوبس تأخرت
منى: لا عادي
عمر: طلبتي شيء
منى: لا
عمر: زين بنطلب مع بعض
منى:أنا ما اريد شيء بس إذا أنته تبى اطلب
عمر: مممم لا ما اريد شيء
منى: على راحتك .. إنزين ما قلت لي شو بغيت تقول لي
عمر: مممم بصراحه مر سنه على خطوبتنا صح
منى: هيه
عمر: بقولهـا بشكل سريع
مر سنه على خطوبتنا وانا طولت وا اصريت على الزواج لأنه قلت عسى يمكن تحبيني كنتي تضحكين معاي وتسولفين معاي هذا يوم نكون مع أهلج
أما يوم نكون لحالنا ما تبتسمين إلا بالقوه
منى: عمر انـــا .. قاطعهــا
عمر: خليني اكمل وأنا صدقيني ما ألومج بس هذي مسألة حياه مع بعض ومب ليومين أو يوم لفتره طويله والحب اهم عنصر في هالرابط وانتي في الحقيقه ما تحبيني تعزيني صح بس الحب كلش ما اشوفه في عينج
منى: شو تقصد
عمر: باختصار اظن إنه لازم ننفصل وترتبطين مع اللي تحبينه
ويحبج والحب من طرف واحد ما ينفع

منى ما عندها شيء تسوي غير إنهـا تسكت وتسمع على اللي يقوله كله اللي يقوله صحيح ..

عمر مسك بيدهـا وهي تطالعه مستغربه: أنتي بنت حلوه وطيبه لكن أنا بعد شاب وسيم وطيب( يوم قال جذي ابتسمت وابتسم معاها) (كمل كلامه): وما أظن نحن الأثنين نستاهل نعـاني صح
هزت راسهـا بالموافقه
فضخ الخاتم من أصبعهـا : خلي هالأصبع خالي للي تحبينه
وبالتوفيق معاه
قام وقبل لا يروح : وهيه صح أنا بنصح سعود يلحق عليج قبل لا يلحق عليج واحد ثاني
يوم قال هالكلام فجت حلجهـا
عمر:دخيلج حبكم واضح بشكل فضيع .. حتى اخوي محمد قالي ويوم سألت ريم هي بعد خبرتني فبتوفيق معاه
مع السلامه وإن شاءالله نلتقي وما ننسى بعض

ظلت يالسه في مكانهـــا
أمـــا عمر فأول ما ركب السياره دمعت عينه .. مسك نفسه بقوه بس شو يسوي هذا هو الخيار الوحيد البنت ما تحيه وتذكر كلام أخوه

محمد: عمر أقولك شيء وما تزعل
عمر: قول وانته مرتاح
محمد: ارتباطك مع منى غلط .. لا تطالعني جذي خلني أكمل
عمر: كمل
محمد: أحس البنت يوم تكون معاك تروح في عالم ثاني بالها كلش مب معاك
ونظراتهـا لو تلاحظ مليىء بالحب لكن للأسف مب لك لي شخص ثاني
ويوم استفسرت من زوجتي خبرتني إنهـا كانت معجبه بسعود

ضحك على نفسه .. طالع نفسه على المنظره مال السياره: مب مشكله أنا عمر المذيع المشهور أكيد بلقى لي وحده تحبني واحبه
صـج أنا إنسان متفائل خخخخخ

بعد شهرين

منى كانت تتريا طيف في السياره وكانت ما تبغي تنزل بس عشان ما تشوف سعود
لكن تأخر طيف ذبحهـا فنزلت من السياره وهي تتمنى ما تشوف سعود

دخلت الصاله ومحد كان في
منى: الحمدلله
صعدت الدري ألا تفاجأت سعود جدامهـــا
ابتسمت بتوتر: سعود؟!
سعود: اخبارج منى؟
مى: الحمدلله بخير ألا طيف وينهـا
سعود: طيف داخل
منى: عيل استأذن بروح اشوفهــا
مسكهـا بيدهــــــــــــا : أنتي تتهربين مني
منى: لا بس اترك يدي
سعود: لا لين ما اقول إللي عندي
منى: إنزين اترك يدي اول شيء
سعود: اوجي بس بتتركيني أقول اللي في قلبي
منى: هيه هيه اتركني بس
سعود: أنا ناوي اخطبج من أهلج موافقه؟
منى: ها شو تقول أنته
سعود: اللي سمعتي أنا مب مضيع هالمره
منى: سعود
طيف من وراهم: موافقه موافقه ما عليك منها
منى: شو تقولين أنتي
طيف: ما عليك منها تتغلى مأذتني في الجامعه متى أخوج بحس فيني مو بس وايد طول (هي ترمس وتمشي صوبهم)
فمنى حطت يدهـا على حلج طيف: انطبي خلي احد يوديج السوق ألحين
تركتهـا ومن الخجل ركضت لسيارتهـا
طيف: خلني الحق عليها عن تروح عني
بااااااااااااااااااااااي

وبالفعل تمت الخطبه بينهم والملجه كانت بعد شهر
والكل عاش بالسعاده ههههههههههه

اعرف الكثير تمنى منى تكون لعمر .. بس انتوا حسو في عمر البنت قلبها . روحها وبالها كله عند سعود حبها الاول فمب عدله ياخذ وحده ما تحبه وهو بعد وسيم وطيب فبيلقى له وحده تحبه وتعزه أما عن سعود فريال ندم وما فيها شيء عرف قيمتها ألحين مثل ما يقولون ما نحس بقيمه شيء إلا بعد ما يضيع منا شيء من هالقبيل
أختكم احلى ظبيانيه

 
 

 

عرض البوم صور أسيرةبحرالأماني   رد مع اقتباس
قديم 24-06-08, 10:38 AM   المشاركة رقم: 20
المعلومات
الكاتب:
اللقب:
عضو ماسي


البيانات
التسجيل: Oct 2007
العضوية: 53753
المشاركات: 10,534
الجنس أنثى
معدل التقييم: ارادة الحياة عضو ذو تقييم عاليارادة الحياة عضو ذو تقييم عاليارادة الحياة عضو ذو تقييم عاليارادة الحياة عضو ذو تقييم عاليارادة الحياة عضو ذو تقييم عاليارادة الحياة عضو ذو تقييم عاليارادة الحياة عضو ذو تقييم عالي
نقاط التقييم: 740

االدولة
البلدIraq
 
مدونتي

 

الإتصالات
الحالة:
ارادة الحياة غير متواجد حالياً
وسائل الإتصال:

كاتب الموضوع : أسيرةبحرالأماني المنتدى : القصص المكتمله
افتراضي

 

السلام عليكم ورحمة الله وبركاته

شكرا شكرا اسور
القصة جدا اعجبتني على الرغم من بساطتها
الاان للكاتبة اسلوب مشوق تشد القارئ وتجعله يندمج معها
ننتظرك دائما حتى تضيفي قصة اخرى الى منتدانا

خالص شكري وتقديري لك وفقك الله

 
 

 

عرض البوم صور ارادة الحياة   رد مع اقتباس
إضافة رد

مواقع النشر (المفضلة)

الكلمات الدلالية (Tags)
للكاتبه أحلى ظبيانيه, الكاتبه أحلى ظبيانيه, حبنى أحسن لك, حبنى أحسن لك للكاتبه أحلى ظبيانيه, قصة حبنى أحسن لك للكاتبه أحلى ظبيانيه
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 01:39 PM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية