وفي السياره
طيف متحمسه: يا سلام ما صدق فزنا تذكرة سفر
منى: أنا اللي فزت وليش أنتي مستانسه منو قال حقج
طيف: مب على كيفج التذكره لشخصين يعني أنا وانتي
منى: إلي ييقول أهلنا بخلونـأ
طيف: بروحون معانا إنزين
منى: بس تذكره سفر لبلاد الهند
طيف: إنزين
منى: الهند يقولج ؟!
طيف: تغيرت يا ماما مب مثل أول كله وساخه ألحين تغيرت وايد ما تشوفين عالم يرحون هناك
منى: ما ادري على الله

وصلن بيت طيف وقبل لا تنزل طيف منى طلعت من شنطتها مذكره وعطت طيف
منى: خذي من اليوم انا وانتي بنكتب مذاكرتنا ونعبر كل شيء فيه
طيف: بس انا ما احب أكتب
منى: تكتبين غصبن عليج
طيف: إن شاءالله سيدتي
منى: يالله انجلعي


كل وحده فيهن صلن العشا وقامن يكتبن عن أحداث اليوم في المذكره
وسعود يالسه في غرفته ومتشوق لليوم اللي بتروح أمه بيت ريم وتخطبهـا له
سعـــود متخبل وقاعد يحن على أمه: يــاللــه أمـــايــه تــأخــرتـــي عليهـــــم
ادور على عبـاتهــا: إنزيـــن ذبحتنــا تــراكـ
سعـــود: كـل شــيء لابـسـه بعــد شــو أدوريــن
أم سعـــود: على عبــاتـي مــا أدري وين راح؟
سعـــود: سبقـــج عندهم وانتي بعدج
ضحكت عليه أم سعود ويوم لقت على عباتهــا لبسهـــا بســــرعـــــه
وخلهــــا تــــروح .. وهــي طــالعـــه دخـلت طيـــف
طيـــف: السـلام عليــكم
وقفـــت أم سعـــود عشـــان تـــرد عليهـــا الســـلام .. بس سعــــود سبقهــــا:السلام عليكـــم يـاللـــه يــاللـــه أمـــايــــه
أم سعــود :خـلا ص إنــزين
بعــدمـــا راحــت أم سعـــود .. طيـف عــاد فيهــــا فضـــــول وتمــت تتطــالـــع سعــــود وتبتـســـم
شــافهــــا سعـــود: وش فيج؟
طيـــف: أمـــي ويـــن رايــحـه جـذي مستعيـلـه
سعـــود: يـــوم بتــرجــع أمـــج ســأليهــــا
طيــــف: صـدقـــت لأنـــه أنــت مــب منـــك فــايده
سعـــود: شــــو قلتــــي (ركض صوبهـــا عشـــان يضــربهـــا, وشـردت هـي بعـــد)

بـو سعــود: متخبل عيـــل هــا؟
أونــه عاد استح سعـــــود ... مســح عــلى شعـــره وطـــلع .. أمـــا سعــــود مـــن الفـــرحـــــه شــل الريمــــوت وتــم يــرقص على شكـل يـــولـــــه
تفــاجـأه بــرنــت تلــفــون البيـــت حــتى الريمـــوت طـاح مــن يـــده
رجع الريمـــوت مكـــانــــه وراح يـــرد عــلى تلفـــون
سعـــــود: هـــلا
منـــى في خـــاطرهـــا:وييي هــذا سعــــود إيش علي منــــه
سعــــود:ألـــو؟؟
منـــى: أوه سعـــود أهليــــن شو أخبــاركـ؟
سعـــود: بخيـــر أنتـــي أحــوالــج
منــى بكـل الثقـــه: الحمـدللـــه بخــيـــر وينهـــــــا طيـــــف؟
سعـــــــــود: لحـظـه بنــاديهــــا لــج
تــرك السمـــاعـــــه وهـــو يصعــــد الـدري تــم يـرمـس نفسـه: زيـــن واللــه منــى من بعد اللي صار تغيرت وايد صارت عاقله و ...... وحلوه بعد

طيــف: منو هـذي الحلوه؟
رفع راســـه: هـــا؟ أنتي هنـــا
طيف: ما قلت لي من هاي الحلوه
سعود: ما يخصج روحي إتصال لج من...
طيف: قولهم محد لأني أبى أدق لمنى
سعود: يا الغبيه الاتصال من حبيبة قلبج منى
طيف: قــول والله
ركضت بسرعه حتى دزته من طريقهـــا وراحـــت لتلفووووون
طيف: أهليييييييييييييييييييييييييييييييييييييين
سعـــود يطـالعهــا: الحمدلله والشكـر هذي تموت فيهـــا

منــى: طيفــوا سمعي آخر الاخبار
طيف: هلا يالله بسرعه قولي
منى: خبرت امي عن تذكرة السفر ما بتصدقين
طيف متخبله: شو إنزين قولي
منى: ابوي قال بسافر فيه مع امي
طيف: شو؟؟ بس هذا حقنا
منى: شكلج ناسيه وراج جامعه وين بتسافرين
طيف:هيه واالله من الحماس اللي فيني نسيت
منى: واااايد عليج
طيف:وانتي شو بتسوين
منى: شو بعد أبوي ما رضى اتم لحالي البيت وقال إني ابات عندكم لين اسبوع
طيف فرت السماعه وتمت تصرخ ياااااااااااااااهووووووو

منى: طيف طيف خخخخخ صج مينونه هذي
رجعت طيف تاخذ السماعه: احلفي واقسمي لي
منى: أنتي من صدقج احلف واقسم تصدقين أنتي لازم تروحين مستشفى الأمل
طيف:خخخخخخخخخخخخخ
منى:ههههه لا تستانسين وايد هذا مجرد اقتراح والباقي على امي لانها بعدها مب مقتنعه
طيف:والله هذي فرصة عمر ليش ما بتى تروح .. عل الاقل يعتبرونهــا شهر العسل
منى:هههههه هيه والله ما عليج أبوي بقنعهــــا
طيف:إنزين تعالي بتتحملين تجابلين سعود
منى: حبيبتي أنا منى وأنا قويه يا الغاليه واعتبري هذا أمتحان لي عشان اجتاز حبي الاول
طيف:تصدقين الريال اليوم وايد مستانس ما ادري شو عنده؟
منى: والله!! ان شاءالله دوووم
طيف:جاوبيني بالصراحه ما فيج فضول؟
منى: عبالج أنا وانتي واحد .. استريحي يا حبيبتي
طيف:وااااااااااع
منى:وااااااااااااعين
طيف ومنى:خخخخخخخخخخ
منى: يالله إنزين فارجي
طيف:انجلعي
منى: قلبي ويهج
طيف:فكيني منج
منى:خخخخخخخخخ
سمعي هالصوت
طوطوطوطوطوطوط
طيف: خخخخخخخخ وياء ويهج

بعـدمــا سكـــرت مـــن عنــد طيـــف ... نــادتهــــا أمهـــــــا
آمنـــــــه: منـو حبيبتــي أنــا بـروح الجمعيـــه تبيـــن شــيء
منــى:ممممم لا .. لأني بروح معــاج
آمنـه: روحي ألبسي عباتج ولا تتأخـررين
منى: صااااروووخ بكون بس عشانج

ونفس ما قالت صاروخ رجعت لها ربطت شعرها بسرعه ونزلت بعباتهــا
طلعت مع أمهـــا للجمعيــــه

ويـوم وصلوا الجمعيه منى خذت العربه
آمنه:هاتي أنـا بسحبـه
منى: مومي هذا حقي من زمان ما اشتريت لي شيء
آمنه:إنزين بس ما وصيـج
منى: هيه أعرف ما بشتري حلويات
آمنه: إنزين يالله عيل ويوم بتصل فيج ردي علي
منى: وييي لا من كبرها الجمعيه خخخخ



عمر في سيارته: يوسف صج مي متفيج بروحي تأخرت على موعدي
يوسف:بالستر من الله موعد مع طبيب اسنان لو مع رئيس امريكا شو بتسوي
ذليتنا يا أخي
عمر:خلاص إنزين شو تبى؟
يوسف: توك عمور الطيب حبيبي اسمعني جيب معاك صابون وشامبو مب أي شامبو ابغي كلينر تذكر كلينر
عمر:أخبرك لا يكون عبالك حرمتكـ , ألحين مضيع وقتي بس عشان هذا

يوسف: يا عم ألحين بتروح ولا كيف
عمر: أمرنا لله أنا المذيع المشهور اروح اشتري اغراض
يوسف:بالمره اشتر لك اغراض ترى بيت شو كبره ومافي شيء مب حلوه
عمر:اخبرك شيء وايد ترمس واغراضك بيوصلك
سكر على ويه .. عادي يوسف متعود ونفس الحال مع عمر

منى:ممم هذا لا هذا بعد لا ايوا صابون دوف يمدحونه الصراحه
)تقلدهم: (للجمال الطبيعي ..خخخخخ
وصلت عند شامبو خذته وتمت تقرأ التعليمات
منى:شكله يديد .. نجرب مب خسرانه شيء
تمت تمشي وتتطالع على البضايع .. ونفس الوقت عمر كان وراهـا
عمر طلع موبايله واتصل ليوسف مره ثانيه: تعال يا ريال ماشيء الشامبو اللي تقول عنه
يوسف:أقولك شيء دور عليه مستحيل ما بتلقى
عمر: ماشيء اقولك

منى: بل منو هذا المزعج مب مصدق عنده موبايل
صدت وراهــا وأول ما شافت منو كان .. صدت جدام بسرعه
منى: وييي هذا شو يسوي هنا

عمر: لو سمحتي أختي
منى: عرفني شو .؟ لا ما شافتي اتغشى احسن لي
عمر: تعرفين وين ألقى شامبو كلير

بعدما تغشت صدت عليه ألتزمت بالسكوت وأشرت بيدهــا
عمر ابتسم:هيه والله ... شكرا
ما ردت عليه وحركت عربتها بسرعه وراحت عنه
بعدت الغشاوه من ويهــا وتنفست: بل هذا شو يابنه هنا؟
ولا بعد يشتري لربيعه والله إنه غريب
وفجأه :بسم الله
رن تلفونهــا كـانت أمهـــا ...
منى:هلا مومي
آمنه: تعالي أنا بروح أحسب
منى: ما اشتريت شيء
آمنه: وشو كنتي تسوين من مساعه
منى:ها ما اعرف بس عطيني هشر دقايق وبكون عندج

بعد عشر دقايق
تمشي مع عربتهــا لين ما وصلت وين ما يحاسبون ولقت أمهـا واقفه تحاسب وجدام أمهــا كان ولد واقف
منى: تقولين لي تعالي وبعدج ما بديتي تحاسبين
آمنه: ما توقعت الطابور بكون هالقد
صد الشاب وراهم وأول ما شاف منى تشقق من الفرحه
آمنه تقول لمنى:وش فيه هذا.؟ تصدقين مب غريب علي
عمر: خالتي إذا ماعندج مانع تقدرين تاخذن مكاني مب مستعيل
آمنه: والله ؟! تسلم الله يخليك لأهلك
منى: موم مب لازم
آمنه تتطالع عمر: هيه صح مب لازم أنت أغراضك مب وايده حاسب أنته أول شيء
عمر: لا لا لا أنا مصر
آمنه: خلاص يا منى دامه مصر وبرضاه ما نقدر نرده
تجدمت أمه وهو رجع وراه ... منى يوم شافت تقابلته ويه بويه .. خافت وراحت عند امهـــا
آمنه ومنى يترون دورهـم .. ومنى كانت تصد لوراهــا وتشــوف عمر يعده يطالعهــا .. وبشكل فجائي لوح لها بيدهـا .. صدت آمنه فجأه ارتبك وتظاهر إنه يبعد الذباب
آمنه : مب غريب أنت
منى بسخريه: ما عرفتي هذا المذيع عمر اللي يطلع معانا ما ادري شو؟
عمر:معانا ضيف استفهام استفهام استفهام؟
آمنه:هيه صح برنامج جميل الصراحه
عمر:تسلمين
منى: أمايه انتي متى شفتي عشان تقولين البرنامج جميل
آمنه: وأنتي تراقبين 24 ساعه اطالعه في غرفتي , حتى أبوج بعد يعجبه
عمر:خخخخخخخخخ
منى:أمايه دورنـا
رجعت آمنه تحاسب أغراضها وبعدين حاسبت اغراض منى .. فعمر يوم شاف أغراض منى أشر عليهـا إنهـا بتكون دبه
قالت بصوت غير مسموع بس ينفهم: ما يخصك
ضحك عليهــا
بعدما خلصت من المحاسبه ... تجدم عمر عشان يحاسب
آمنه: عمر صح؟
هز راسه بالموافقه
آمنه: أتمنى لك التوفيق إن شاءالله
حتى وهم رايحين لوح بيده وسوى لهـا بباي ... بعدين تذكر شيء طلب من المحاسب يحسب بسرعه
تذكر ربيعه يوسف والأهم موعده مع طبيب الأسنان


في السياره
بما إنهـا مـا تروح ترمس مع طيف جدام أمهـا فكان التواصل بينهم عن طريق المسجات
آمنه:حشرتيني تراج
بعدما حولته لصامت: اراسل طيفوا
آمنه: كلميها وفكينا من حشرت النغمه
منى: لا عادي خلاص حولته لصامت

رجعت أم سعود من بيت قوم ريم ... فراح لها سعود
سعود:ها امايه بشري
تفسخ عباتهـا: من ناحية أم ريم استانست وقالت بتستشير بنتهـا
وبعدين تخبرنا
سعود: يعني بعدكم ما كلمتوا ريم
أم سعود: أكيد لا ما يصير أصلا لازم الام تكلمها على راحتهـا ولحالهم مب جدامي يمكن عندها راي ثاني
سعود ارتبك: كيف يعني راي ثاني تحسن إنهـا مب موافقه
أم سعود: لا أنت بعد أنا أقول كفتراض يعني .. لازم تتوقع كل شيء
سعود: لا ما أظنهـا بترفضني
أم سعود: وأنا أقول بعد جذي ما فيك عيب يا حبيبي
سعود: الله يخليج لي إن شاءالله
أم ريــم: ها حبيبتي شو قلتي
ريـم: أنتي غاليه علي فما تهونين علي
أم ريم: شو تقصدين؟
ريم: أنا حاليا رافضه سالفه الزواج نهائيا
علامات الاستغراب ملاء ويهــا: ليش يمه؟
ريم: بس رافضه
أم ريم: تخافين على دراستج
ريم:لا مب جذي السالفه بس اني ما اريد أتزوج أبدا
ظلت ساكته وتتطالعهـا

ريم مسكت بيد أمهــا: لا تخافين علي يا يمه صدقيني ما فيني شيء
أم ريم: في أحد في بالج
ريم ظلت ساكته
أم ريم: اعتبر سكوتج إنه في أحد في بالج
إنزين شو اسمه
ريم منزله راسها وبصوت واطي: محمد
أم ريم : ارفعي راسج اعتبريني صديقتج مب أمج وكلميني بكل صراحه
علامات راحه بان على ويه ريم رفعت راسها وجاوبت على أمهــا: اسمه محمد
أم ريم: محمد؟! لا يكون محمد ولد جيرانـا لبيتنا القديم
ريم:هيه
أم ريم: اهــــــــا من متى؟
ريم: مــن مــن 4 سنوات
أم ريم: 4 سنوات ؟!
ريــم: أمــايه اطمني ما صار بينا شيء حرام وهو قال يوم بيرجع بيخطبني
أم ريم: صدقينـــي يا ريم لو أنـا كنت مـا أعرف محمد كنت أبدا ما وافقت
ولأنج غاليه علي و وحيدتي فمـا أقدر اغصبج على شيء
لكن فكري ترى سعود بعد ما عليه كلام

ريم: أمـايه لا تخليهم يتريون وعطيهم جوابي إني ما أفكر بالزواج ألحين
وتبين الحقيقه في وحده تحب سعود
أم ريم: منو؟!
ريم: منى الحب واضح في عيونهـــا .. أول ما تشوفه الفرحه يغمر في ويهــا
وبصراحه تفاجأت يوم قلتي لي سعود يباني المسكينه إذا عرفت شو بتسوي أخاف تكرهني
أم ريم: الريال ما يحبها واختارج أنتي ... قاطعتهــا ريم
ريم: وأنـا أخترت محمد وهذا آخر كلام عندي



محمد:أقولك أنا راجع قريب
عمر :قول والله متى؟
محمد:متى مب قايله لك بخليهـا مفـاجـأه
عمر:كيفك والله بعدين لا تلومني
محمد: لا تروح مكان ويوم أرجع ما ألقى أحد في البيت
عمر: يعني تباني اترياك واترك الأشغال وراي
محمد:خخخخ ليش لاء أنا اخوك الكبير فلازم
عمر: بس بس حبيبي بخليك وراي شغل
محمد:انجلع عيل

سكر من عنده التلفون ...وأول ما شاف منى طالعه من الجامعه وكانت بتركب السياره بس هو وقفهــا
صدت وراهــا وكـان عمـر ..

طالعته بنظرات غضب : أنت؟؟!
عمر: اصبري والله ثم والله خوفا على سمعتج ما نزلت بس أنا بختصر الكلام
تجاهلته وكانت بتركب السياره .. وهو أول ما شافهـا بتركب نزل من السياره بسرعه
مسك يدهــا :لحظه إنزين
منى طالعته باستغراب وبخوف وعلى حيره .. سحبت يدهــا
وبكل غضب: أقول أنت شو تبى فيني خلك محترم يا قليل الحيا
عمر: من حقج تعصبين وانا أعتذر كله اللي بغيته أقول إني أبى أخطبج من أهلج عشان تعرفين إني جاد وإني محترم جدا جدا جدا

منى: أنت من صدقك
عمر: 100 بالـ 100
طلع بطاقته وعطاهـا: خذي وخلي أي أحد من أهلج يكلمني
عطـاهــا وراح عنهـــا ... تمــت واقفه لين مـا راح

في غرفتهـا
راقـده على بطنهــا .. ماسكـه البطـاقـه تتأملـــه وتفكر في كلامه
وفي خاطرهـا: من صدقه هذا؟
وبشكل سريع قلبت نفسها ونامت على ظهرهـا وريول على الريول
تكلم البطاقه:
ريال ما عليه كلام وفوقه مشهور لا لا شو قاعده أفكر أنا
بس أنا مـا أحبه ولا شيء
وبنبره حزينه: وشو استفدت من الحب يعني
قامت ويلست:إيييييييييييييييييييييي
احترت الصراحه ما أعرف
فتحت الدرج وخشت البطاقه داخل الدرج

قـامت بتنزل عند امهــا وكـانت لابسه قميص وبنطلون شورت
فيوم نزلت لقت أمهـا يالسه مـع حرمه
فرجعت بهـدوء لغرفتهـــا
رن تلفونهـــا ويوم شافت المتصل كانت طيف استانست
منى:هلا بـ حبيبة قلبي هلا
طيف: أهلين بحياتي كله أهلين
منى: هلا وغلا بعيون وقلبي
طيف: غلا وهلا بروحي وبعد جبدي وكليتي
منى: ههههههههههه
طيف:خخخخخخخخخخ وييي نسيتيني ليش كنت متصله
منى: شو عندج؟
طيف: تذكرين يوم قلت لج سعود مستانس وحالته حاله
منى:هيه
طيف: بقولج بس ما بتزعلين
منى: قلت لج أخوج ما عاد يهمني
طيف: متأكده
منى:كيفج والله
طيف: يقولج الأخ خطب ريم
منى ظلت ساكته حست بوخزه في قلبهـا لكنهـا تظاهرت إنه الأمر مـا يهمـهـا
طيف:اليوم هو بنفسه خبرني وأنا أقول الأخت ريم ليش ما حضرت اليوم
منى: والله زين والله مبروووووووك
طيف: الله يباركج وعقبالنا إن شاءالله
منى: شكلج متخبله تبين تعرسين
طيف:أكيد حبيبتي
منى:خخخخخخخخ يا رب تلقين واحج يصلبج ويمنعج من الطلعه
صرخت طيف:لا لا لا لا
منى:خخخ طريتي إذني يا الخبله
طيف: عيل أدعين علي بريل يحرمني من الطلعه
منى:خلاص عيل يا رب تلقين على ريل يطلعج ويطلعج ويطلعج
طيف:هي هذا المطلوب
منى:خخخخ وياء ويهج يالله أنجلعي

اول مـا سكرت من عندهــا .. طاحت على السرير ومن غير ما تحس عينهـا دمعة ..
طاحت الدمعه على يدهـا .. تمت تتأمل دمعتهـا مسحته بيدهـا الثاني ومسحت من على خدهـا بعد
طلعت البطاقه من الدرج وطلعت من غرفتهــا ... ما اهتمت للحرمه اللي كانت قاعده في صالتهـم
تقربت من عندهم وسلمت
منى: السلام عليكم .. (بتعجب): خالوا أنتي؟
أم ريم: منى؟!
آمنه: تعرفون بعض
أم ريم: منى بنتج؟
آمنه: هيه للأسف خخخخ
منى:خخخخ أمايه؟!
ضمتهــا آمنه: هيه هذي بنتي الوحيده بس ما قلتوا لي كيف تعرفون بعض
منى: أمـايه هذي أم ريم تعيش حذال بيت عمو
آمنه: والله
أم ريم: هيه
منى: بس ما قلتوا لي كيف تعرفتوا على البعض
آمنه : أنا و ميثه نعرف بعض من أيام الثانويه ودرسنا مع بعض في الجامعه
منى: أمايه أنتي رحتي الجامعه؟
ضربتهـا على ريولهـا: ايش عبالج عيل بس أنتي مثقفه
أم ريم: ألحين عرفت منى طالعه على منو في خفة الدم
آمنه: اليوم وأنا رايحه جمعيه الخيريه شفتهـا هنـاك طلعت الأخت مديرة الجمعيه الخيريه

منى تذكرت فجأه سبب نزولهـا وبشكل لا شعوري أول ما استوعبت منو تكون ميثه تغير مزاجهـا
منى: أمايه وين ابوي
آمنه: قاعد في الميلس ليش؟
باست خدهـا وراحت عنهـا من غير ما تجاوب لها

أم ريم: منى بنتج تجنن
آمنه: من ناحية الجنون صج تجنن
أم ريم: شكلج نسيتي عمرج تذكرين مقالبج على المدرسين
آمنه: ويـــه بعدج تذكرين دخيلج لا تقولين هالكلام جدامهـا ما بتصدق ترى

دقت على الباب
سعيد: تفضل
دخلت منى: هلا باباتي
سعيد: تعالي فديتج أنتي وينج اليوم كلش ما شفتج
منى: طلعت مب هين أنته اللي 24 ساعه مشغول وترد علي أنا
سعيد: خخخخ ما يفوتج شيء الجواب يكن عندج جاهز
منى:هههه طالعه عليك
سعيد: بغيتي شيء
هزت راسهـا بالموافقه
سعيد: آمري أدللي
منى :واحد خطبني
طالعهـا باستغراب : وين المستحى وين الخجل سيدا واحد خطبني
منى ضمت أبوهـا: وليش استحي ترى نحن ربع
سعيد:هيه صح ربع ومنو ها تعيس الحظ
منى بدلع: أبوووووووي
سعيد:خخخخخخخ (ضمهـا بقوه): كنت اتمصخر إنزين مب أنتي تقولين نحن ربع يعني ما بينا أي حواجز صح
منى: صح
سعيد: إنزين ما قلتي لي منو؟
منى: ممم أنته تعرفه ألا قول الكل يعرفه
سعيد: منو إنزين
منى: اسمه عمر ويشتغل في مجال الإعلام
سعيد: تقصدين عمر ما غيره المذيع
منى:هيه
سعيد: ووين شفتي و كيف عرفج
منى: لحظه .. قامت تغني:طب وحده وحده وبلاش كله ده
سحبهـا خلاهـا تقعد: أنتي بالعه مسجل شو على كل شيء تغنين
منى نقعت من الضحك وبعدما شبعت ضحك خبرت أبوهـا بالتفاصيل
سعيد: جذي السالفه عيل
منى: يس جذي السالفه
سعيد: وانتي شو رايج
منى: ما ادري الصراحه راي من رايك جان بيعجك ما عندي مانع
سعيد: خلاص عيل عطيني بطاقته
بعدما عطته .. سألت أبوهـا: ابايه بسألك سؤال
سعيد: أسألي
منى: بعدما قلت لك ردت فعلك كان غير يعني ما كفختني ما قلت لي يا جليلة الحيا شو عرفج فيه خلاص ما تروحين الجامعه
سعيد:هههه وشو استفيد يوم بقول هذا يعني إذا صار لج أي ما بتخبريني
من بعدما سمعت شكاوى ربعي في دوام عن عيالهم عرفت السلاح الوحيد
لتقرب من هالجيل إنك تكون مثلهم وتسايرهم في كل شيء
لكن لكن في هالكل شيء لازم نطلع الخطأ والصواب صح؟
منى استانست من تفكير ابوهـا: يس يس
سعيد: وألحين خليني اطالع المباره خربتي علي
منى: إنزين شو بتسوي مع عمر
سعيد: أول سؤال بسأله كيف أخترت بنتي قلن البنات شو؟
منى بدت تصرخ: آآآآآآآآآآآآآآآآآآآآآآآآآ
بروح أخبر عليك أمي
سعيد: وين رايحه ما تتحملين الغشمره
منى:ههههههههه كنت استعبط أكيد مب مخبره أمي أنا أخاف على حياتك
سعيد:خخخخخخخخخ

بينمـا كـان تتطـالع المباره مع أبوهـا غفلت ونامت في الميلس
دخلت عليهم آمنه : شو تسوون ؟؟
أشر عليهـا توطي من صوتهـا .. بندت على التلفزيون وطلع من الميلس
آمنه: خلني أوعيهـا تروح تنام في غرفتهـا
سعيد: خليهـا ما تشوفينهـا كيف نايمه
آمنه: بس
سعيد: يا حرمه خليهـا أحس البنيه فيهـا شيء لو إنهـا تضحك بس الحزن واضح في عينهـا
آمنه: قوم عيل خلني أروح شو فيهـا
سعيد:لا حول أقولج خليها إذا فيهـا شيء بنفسهـا بتقول بس تعـالي عندي لج شيء
مب راضيه تتحرك فاضطر يسحبهــا

آمنه: ها قعدنـا شو عندك
سعيد: واحد خطب بنتج
آمنه فجت حلجهـا
سعيد مد يدهـ وصكـ حلجهـا: بلاج فجيتي الحلج جذي
آمنه: هـا؟ ولا شيء بس منو هذا ومن وين
خبرهــا سعيـــد بكـل شـيء
آمنه: وشو ناوي تسوي ألحين
سعيد:الولد شكله محترم بس أنا عشان اطمن بتصل فيه وبخلي يمر علي المكتب ومن هناك بنروح نتغدى مع بعض
وإن ارتحت له بوافق عليه وبنسوي الخطبه قبل لا نسافر الهند
آمنه: ويييي بعدك تفكر في السفره
سعيد:الفكره في بالي ومب مغيرنه
آمنه: يا بو منى شو بنسوي نسافر
سعيد:نغير يا حرمه
آمنه: روح أنته أنا مرتاحه في بلادي
سعيد: أفــــــا بس يهون عليــج تخليني أروح لحالي وابتعد عنج
آمنه: يوم أنته مب راضي تقتنع
سعيـد: ياء تروحين معاي ياء اروح لحالي وارجع معاي بعديلتج
آمنه: بســم اللـه لا بوي خلاص اروح معاك وامري لله
سعيد: ما تون إلا بالتهديد

سعود: يمه مب كأنهم طولوا
أم سعود: تراك ذبحتني ما مر إلا 3 أيام وأنته تقول طولوا
سعود: حاس السالفه فيهـا شيء مب مرتاح
أم سعود: ليش يعني؟
طيف:يمكن البنت مب عاجبنهـا سعود
ام سعود:وفي أحد ما ينعجب في ولدي سعود
طيف: هيه أنا
سعود: إذا أنتي فمب محتاج لإعجابج
طيف:أحسن
أم سعود: أنطبوا أنتوا الثنتين
سعود: أمـأيـه عشان خاطري روحي تأكدي
أم سعود: يعني أنته مصر تفشلني .. ما تروم تصبر
سعود: قلبي ينغزني حاس في شيء
أم سعود: تعوذ من الشيطان وخل عنك هالوسواس
صدت عند طيف: إلا طيف وينهـا منى ما اشوفهـا تمر علينا مثل قبل
طيف: ما أدريبهــا
أم سعود: لا يكون زعلتيهـا
طيف: وأنا أقدر أزعلهـا بس هيه بروحهــا مزاجيه متى ما تبى نطت عندنـا
أم سعود: أنزين أنتي شو قاعده تكتبين
سعود:هيه والله 24 ساعه الا ماسكه هالدفتر وتقعد تكتب
طيف:هذا مذكراتي .. منى عطتني انا وهي بنكتب مذكراتنـا ألحين
سعود: مذكرات أونه صج انتن البنات عليكن حركات
طيف تكتب وتتكلم في نفس الوقت: عندي اخ متغايض عشان عندي مذكره شو اسوي فيه
سعود: إيه شو تكتبين عني
قام .. وقامت هيه بعد ركضت لغرفتهـا
سعود:محد مخرب مخهـا غير منى
أم سعود:وشو سوت ألحين منى ؟أنته شو سالفتك معاهـا تكرهـا شو؟
سعود:هـا؟ أكرهـا ؟! ليش أكرهـا هيهما سوت فيني شيء
أم سعود:عيل ليش كله طايح فيهـا
سعود: ما تشوقينهـا كيف مأثره في أختي
أم سعود: أنته مكبر السالفه على الفاضي ما فيهـا شيء اختك

في الجامعه
طيف: احلفي؟
منى:والله
طيف: قولي والله
منى: تستعطين شو كم مره احلف لج
طيف: مب مصدقه صدق يعني سويتهـا
منى: قلت لج إني نسيت أخوج
طيف: لا ما نسيتي أنتي يوم عرفتي إنه هو خطب ريم اتخذتي هالقرار
منى ظلت ساكته
طيف: ما فكرتي إنج قاعده تقصين على نفس خلي نفسج بس ليش قاعده تلعبين بمشاعر عمر
منى: يمكن كلامج يكون صحيح بس يمكن حب عمر ينسيني حب أخوج
ومثل ما يقول المثل لاتندم على من حبيته وباعك اندم على من حبك وبعته
طيف: كلامج مقنع نوعا ما بس يعد
منى: لا بعد ولا قبل خلنا نروح الكافتريا انا يوعـانه حيل
طيف: أوجي


شخص يضرب بقو على باب غرفة عمر .. من جذي اضطر عمر يقوم عشان
يفتح الباب
يمشي وساحب معاه اللحاف اللي محطنه فوق راسه
فتح الباب
وبلامبالاه: أوه محمد
رجع يرقــــــــــــد ...
لكنه فجأه قـام : محمــــــــــد؟!!!
صـــــــد وراه ..مب مصــدق .. فرك عينه أكثـــر من مـــره
عمـــر استانس: حمـــــــــــوده
محمد: لا حمــــــــــــوده خخخخخخخخخخخ
قـــام عمر ونقز بيـن أحضـــان أخـــــــــوه ... محمد شـالنـــه وقـاعد يدور فيـــه
عمر طـايح بوس في ويه أخوه: وييييي حمود اشتقت لك فديتك متى وصلت
محمد نزل عمر :خخخخخخخخخخخخ خخخخخخخخخخخخخخ
عمر: بلاك تضحك
محمد: ما تشوف حالك كيف مستوي
عمر: يا اخي مستانس اخوي حبيب قلبي جدامي مب مصدق
قــرصــه على يــده
عمــــــــر: آآآآآآآآآخ
محمد: وألحين صــــدقت
عمــر: صدقت يا عم صدقت متى وصلت
محمد:أول شيء انا تعبان حيل ابغي انام
عمر: أفا عليك
سحبه معاه : اليوم انت راقد معاي أنا بعد فيني رقاد حيل
محمد: من صدقك انت
عمر: تستحي شو
محمد: مب جذي السالفه أقولك تعبان وانت تعرف كيف تنام بترفسني رفس وأنا أبى ارتاح
عمر: والله مب رافسنك يا اخي مشتاق لك
محمد: أنام معاك وأمري لله

رجع سعود من الدوام ومعاه كانت طيف .. الأثنين راحوا عند امهم اللي كـانت يالسه وبالهـا في مكان ثاني
سعود: السلام عليكم
قلنـا السلام عليكم يا حلوه
ام سعود: هـا؟ شو قلت
سعود: عسى ما شر يا يمه
ام سعود: هو مب شر هو قسمه ونصيب
مستغرب:قصمه ونصيب
أم سعود: أنا أعرف إنك متعلق في البنت بس بتلقى غيرها وأحسن عنهـا
سعود: شو تقصدين انا ما فهمت
أم سعود: البنت رفضتك وتقول إنهـا ما تفكر في الزواج
سعود: شو؟ وليش؟
أم سعود: ما أعرفهـا رغم إني حاولت أقنعهم بإنه مب مشكله بنترياهـا متى ما تريد
لكن ماشيء فايده البنت مصره على كلامهـا
قـام سعود: جذي عيل
أم سعود: وش فيك وقفت
بكل غضب قـاله: مالاه داعي ترمسينهم أكثر ومثل ما قلتي هذا قسمه ونصيب
طيف بسخريه: والله حاله ناس يشترونك ويبيعونهم برخيص
أم سعود: انتي شو تقولين من اللي باع ومنو اللي اشترى
طيف: أمـايه اللي يبى يفهمـهـا بيفهمـهـا وهي طايره خلينـا من لعبة قسمة ونصيب شو الغدى
كانت تقصد سعود بكـلامهــا
أم سعود: مجبوس دياي
طيف: زين عيل
سعود: أنا بروح غرفتي
أم سعود: لا تتأخر على الغدى
سعود: مب مشتهي أتغدى كلوا بروحكم
أم سعود: ترى السالفه ما تسوى تحرم نفسك من الغدى
طيف: السالفه تسوى يا أم سعود السالفه فيهـا بيع وشراء صح سعود؟
طالعهـا سعود بنظرات غضب
أم سعود: أنتي ناويه تفتحين دكان شو طايحه فينا بيع وشراء
طيف: حلوه ههههههههه بصراحه أمايه تعرفين تنكتين
سعود: ما اريد أتغدى ومأ أريد أحد يزعجني
قـالهـا بكـل جــديه وراح عنهم
أم سعود: حسبي الله ونعم الوكيل
ضربت طيف: وأنتي راعي شعور أخوج على الأقل
طيف: أنا يوعـااااانــــــــــــــه

فر غترته على الكرسي وتم يفتح أزرا كندروته بقسوه
يلس على السرير: كيف ترفضني
ليش أصلا ؟ أنا مب ولد ناس؟ مب مالي عينهـا شو؟
قـام وسار صوب الشرفه وتم يطالع شرفتهــــا: يمكن تحب واحد
ولا ليش بترفضنـــــــــــي
آآآخ انــا صــج معصـــب من خــــــــــاطـر
ضربت الجدار بيـده بقـوه: آي


في دوام سعيد
قرب إنتهـاء الدوام .. قرر يتصل في عمر
سعيد: مرحبـا
عمر: مرحبتين
سعيد: الآخ عمر
سعيد: هيه منو معاي
سعيد: معاك سعيد بو منـــى
فز من مكــانـه: بو منـــــــــى؟ تقصــد منــى ما غيرهـــا
سعيد يضحك عليه: نعـــم؟!
عمر: أعذرنــي مب مصدق
سعيد: إذا ما عندك مانع تقدر تمر علي الدوام .. ومن هنـاك بنطلع نتغـــدى
عمر قــام ولبس الشبب مـاله: أكيـــــد عطنـــي 10 دقايق وأكون عنــــدك

بعــدمــا سكـــر عنــــه ..تلخبـــــط .. كــان نــاوي يـــروح ببـدلـــة نـــوم اللي لابسنــــه لــو مــا أخــــوه منعــــه
محمد: هـا الأخ على وين؟
عمر: بعيدن أخبرك
محمد: يا ريال روح غير ملابسك إنزين
طالع نفسه: هيه والله زين يوم ذكرتني
محمد: أذكرك بعد لازم تغتسل على الأقل
عمر: ياااااااي شكلي بتأخر على الريال
دخل الحمام قبل لا يسأله محمد أسئله ثـانيـه



في بيت بو سعود
بو سعود: يا بنت شوي شوي على عمرج الاكل مب طاير
طيف: ابى آكل بسرعه واروح أنام
أم سعود: ما خبرتك ي بو سعود البنت رفضت سعود
بو سعود: والله ؟! أفـا بس ليش؟ يعني
أم سعود: دلع بنات بعد شو أونه ما تفكر تزوج ألحين
طيف: يمكن تحب شخص ثاني
بو سعود: شو بعد هالخرابيط
طيف: يبى أنت مب عايش في هالزمن
بو سعود: وشو يعني؟ والله لو كانت بنتي وقالت لي هالخرابيط لأقطع لسانهـا
طيف في خاطرهـا: ويييي فرق بينه وبين بو منى
أم سعود: هيه والله صدقت
طيف: إنزين إنزين خلوا من تقطيع اللسان ما خبرتكم أحتمـال خالي وحرمته يسافرون الهند
أم سعود: الهند؟
طيف: هيه احتمـال عاد انا اقول لأنه منى تقول أمهـا مب راضيه
أم سعود: والله زين إذا بروحوا خاطري اشتري اغراض من هناك
بو سعود: شو تقصدين ناويه تروحين معاهم إذا قرروا يسافرون
أم سعود: هيه فيهـــا شيء؟
بو سعود: لا ما فيهـــا شيء
طيف تضحك: أبوي مـا يقـدر على أمي
بو سعود: شو قلتي؟
طيف: هـا ولا شيء .. الحمدلله شبعت
بو سعود: قومي عيل



منى في غرفتهـــا تفكـر
مـا أدري أبوي اتصل في عمر ولا لا؟
شو قاعده أسوي أنـــا ؟؟ خلني أتصل في ابوي وامنعه
خــذت تلفونهـــا عشــــان تتصــل لأبـــوهـــا
منى:هلا أبوي
سعيد: هلا منى
منى: يبى أنت مشغول؟
سعيد: هيه أنا مع عمر يالسين في مطعم
بلعت ريجهـا: بهـا السـرعه؟!
سعيد: ليش بغيتي شيء؟
منى: لا سلامتك بس بغيت أسألك ليش ما تغديت معانا اليوم
وعرفت الجواب
سعيد: فديتج والله تحاتيني يعني اطمنى أنا مب راجع البيت الا وانا متغدي
منى: عليك بالعافيه
سكرت منه .. وبشكل لا إرادي قامت تعض اظافرهـا: شو سويت كيف تسرعت
يارب ابوي ما يعجبه ويتكنسل كل شيء
فزت يوم وصلهـا مسج
فتحت المسج : تصدقين إنه ريم رفضت سعود
بعدين بقولج التفاصيل أنـا فيني رقـــاد ألحين

بعــدمـا قرت المسج توترت أكثر: هذي من صدقهـــا ترفضـه
وأنـا ليش تسرعت يمكن سعود بحس بقيمتي ألحين
بعد 10 دقـايـق وصلهــا مســج ثـــاني
واستغربت يوم قرت المسج من سعود
غمضت عينهـــا: أكيد كاتب عن ندمه
بفتح الرساله وبشوف ...
فتحت المسج وفتحت عينهـا شوي شوي
قرت المسج وكان مكتوب بكل غضب: فرحتي ألحين أكيد المراسله طيف
خبرتج عن السالفه وأنا متاكده إنه عجبج .. هذا كله من حوباتج وحسدج
الله يسامحج

بعدمــا قرت المسج .. قرته مره ثانيه وثانيه وثانيه ... مب مصدقه
وهالمره صـــدق عصبـــت بـدال مـا تحـــزن
منى: هذا شو يظن نفسه عباله أنا ميته فيه
ألحين بوريــــه سعودوووو هذا

فتحت الرساله القصيره وبدت تكتب
يا الخقاق يا المغرور شو شايف نفسك
لا يكون عبالك محد في الدنيا غيرك أنته
تطمن لقيت على غيرك ويحبني بجنون بعد
كتبت رقمه ... وأختـارت الخيارات .. ويوم وصلت على الإرسال
ترددت
منى: أطرش له .. لااااااااا اللي فيه كافي توهـا بنت رفضته
بدت تضحك: أكيد الخقاق كرامته تمزقت ألحين وإزيده أنا ؟
لا مب حلوه .. أنا منى بنت طيبه واللي يحب شخص ما يأذيه
طالعت نفسهـا على المنظره: صحيح؟
ابتسمت وسوت إلغاء للمسج وانحفظ في المسوده
فرت التلفون وبكل إصرار قالت: لكن هذا مب معناته بسكت عنك برد عليك لكن بأسلوب مختلف يا متخلف
عشان تعرف منى مب هينه وما ترضى احد يستهين فيهــا


في الصـالـه
آمنه: هيه هذا أخوج مصر نسافر يا اختي انا مب متفيجه ما ادري قلبي مب مطاوعني اترك منى
أم سعود: ترى منى بتكون بين أيادي آمينه خليهـا تبـات عنـدنـا ليـن مـا نـرجـع
آمنـه: نـــرجع؟!
أم سعود: هيه أول ما خبرتني طيف إنكم بتسافرون قلت انقز معاكم بعد
آمنه: خخخخخ والله إنج
أم سعود:قطعهم يجنن الصراحه وما اقدر اصبر أكثر
آمنه:هههههه صــدقتـي زين عيل حياج الرفقه معاج حلوه
أم سعود: انتي الاحلى يا حرمة اخوي بس مـا قلتـي لي متى بتسافرون
آمنه: هو الموعد الاسبوع الجاي يوم السبت أنا مب متأكده بس أنتي اتصلي في أخوج وشوفي
ام سعود: يالله عيل بروح اتصل فيه قبل لا يفوت الفوت
آمنه:خخخخخخ روحي ألحقي عليه

بعدمــا سكــرت مـن أم سعـــود تمــت تضحــك
منـى مـن وراهـــا: على شـو تضحكيــن؟
طـالعتهــا آمنـــه: مــا يخصــــج
تقربت منهــا وبـدت تسـايـرهــا: أفــا بس أنـا بنتـج الغاليه الأمووووره
يهون عليج ما تخبريني
آمنه: صج إنج فضوليه السالفه بما فيهـا حرمة خالج ناويه تسافر معانا
منى: يعني خلاص قررتوا تسافرون
آمنه: إذا تقدرين تقنعين ابوج يهون جان بتسوين فيني خير
منى: لا ليش اقنعه ابوي مستانس إنه هو بسافر معاج
آمنه: الكلام معاج ضايع
منى: ألا أمايــه ابوي اتصل فيج
طـالعتهــا أمنه بنص عين: ليش تبين منه شيء
منى: هـا لا ولاشيء بس جذي مجرد سؤال
آمنه: مجرد سؤال هـا.؟ مب علينا يا منى سعيد
منى ارتبكت: لا يروح بالج بعيد
آمنه: مب محتاج يروح صج إنج ممثله مخليه عمرج ما تعرفين شيء
لا وإلا يوم كنا في الجمعيه اونج عاد كارهتنـه و ... قـاطعتهـــا
منى: يمـــه بس عــاد مب سؤال سألنـاج أروح غرفتي ابرك لي
مسكتهــا آمنــه: تعالي وين رايحـه
منى كانت جـدامهــا فـألتـوت عليهــا من ورا: هو الصراحه الولد ما عليه كلام
استحت منى: أروح احسن لي
ضمته بقوه: حوو ليش تستحين إنزين
منى: ومنو قالج إني مستحيه
آمنه: عيل ليش ما تبين تسمعين عنه
منى: بس جذي
آمنه: تصدقين إذا ابوج وافق عليه نفكر نسوي الخطبه بعدما نرجع من السفره
صدت منى على أمهــا: من صــدقكم بهـا السـرعه
آمنه: مجرد خطبه عشان تتعرفون على بعض اكثر
منى: أهل مطوره الصراحه إذا رفيجاتي عرفوا بقولون لي حظج
آمنه: لا تصدقين عمرج وتعدين حدودج هذا لأنه نحن واثقين فيج
منى: ثقتكم على عين والراس يا اغلى والديــن في الكون

في الطمعم
سعيد:خخخخخخخخخخ عليك سوالف مب طبيعيه الصراحه
عمر: تسلم عمي .. عادي أناديك بعمي صح
سعيد: مصروح لك دامنـا كبرنا في السن
عمر: أفا بس اللي يشوفك ما يقول عنك كبير في السن
سعيد: تعال قول هالكلام لبنتي منى اللي 24 ساعه تذكرنا بعمرنـا
عمر: ههههههههههه
رن تلفون سعيد
سعيد: يا حرمه أقولج بعدين بدق ألحين أنا مشغول
خلاص فهمت تبين تسافرين معانا مب مشكله ألحين يالله فارجي
بعدمــا سكـــر من عنـد أخته
سعيد: الحريم إذا يبون شيء محد يقدر يمنعهم
عمر: هههه صدقت
سعيد: خلاص عيل لازم ارجع البيت ألحين تأخرت عليهم
عمر: في حفظ الله عمي
عمر ألحين متخبل فيه فضول يبى يعرف راي سعيد عنه
فيوم طلعوا من المطعم مع بعض عمر ما قدر يتحمل وسأل سعيد
عمر: عمي إذا ما عندك مانع ما قلت لي شو رايك فيني اصلح اكون زوج لـ
أنت فاهم صح؟ مب مشكله إذا ما تبى تقول (توتر أكثر):خذ راحتك
مب مجبور
سعيد:خخخخخخخخ خف على عمرك
حط يده على كتفه: تطمن من ناحيتي ما عندي مانع بس الباقي على امهـا وعلى منى
ارتاح عمر يوم سمع هالكلام من سعيد
واول ما تأكدت إنه سعيد ركب سيارته وراح ... صرخ: يس
قام يصفر ويدور يفتح باب سيارته بستايل

منى تتصل في طيف لكن كيف مب راضيه ترد عليهـــا .. فطرشت لهــا مســـج
(يا الغافلـــه بسج رقـــاااااااااااد)
يـوم مــا لقـــت منهـــــــا الـــرد استسلمـت : أعـرفهــا مـا بتقــوم شـو مـا يصيـــر
شـــو أســـوي ملل
دخـلت على البريـد الوارد وتمت تقـرا المسجـات لين مـا وصلـت عند مسـج سعود
قرته مره ومرتيـــن
منـى بسخـريـه : مـا أدري شـو محسـب نفسـه
وبشكـل سـريـع مسحتـه المســـج

وفي صوب ثـانـي مـن سمـع الخبـر ... صـكـ عـلى عمـره ومطفـي الأضـواء
وعينـه عـلى جـوالـه ..
سعود:غي ليش طـرشـت لهـا المسكينـه مـا يخصهـا
طلعـت حـرتـي عليهـا ... والغريبـه إنهــا مـا ردت علـي .. اتمنـى مـا يـوصلهـا المسـج

وفـــي عــالم الحــب

ريــــم:والله متى ؟
محمد: قريب إن شاءالله تعرفين إنه ما عندي في هالدنيا غير أخوي عمر
ريـــم: وانا وين رحت؟
محمد: أنتي يالغاليه لج مكانه خاص في قلبي

تفــاجـأ من عمــر: منو هذي اللي لهـا مكانه خاصه في قلبك
محمد: بتصل بعدين
بعدمــا سكــــرعنهــــــــا تظـاهـر بزعـــل: ألحين ياي حضرتك تاركني لحالي وهذا أنا اليوم راجع من السفر لو كنت راجع من زمان شو بتسوي فيني بتنسـانـي
عمـر: أوب أوب الأخ ماخذ في خاطره
محمد: أكيد يا أخ عمر
عمر: يا ريال كان عندي لقاء بقرر مصير حياتي
باستغراب: مصير حياتك؟
هز راسه بالموافقه : لا تغير السالفه كنت ترمس ريم صح؟
ابتسم محمد: هيه
عمر: بعدك معاهـا شكلك جاد في السالفه
محمد: أكيد جاد عبالك أنا وانت واحد
عمر: ومن متى مسكت علي أغازل أخبرك أنا شخصيه مشهوره ومحترم ماعندي هالسوالف
قاطعه محمد:بربر بربر .. يا أخي ذليتنـا بشهـرتـك
عمـر: دام إنـك جـاد فليش مـا تـروح تخطبهــــــــا
محـمـد: هـذا االلـي نـاوي أسـويـه
عمر: واللـه عيـل شو تتـريـــا ؟ مـن اللـه تأخرت عليهـــا وايــــــــد
محمد: هيه كلمــت أمهــــا وأمهــــــا قـالـت بتكلـــم عمهــــــــا تعــرف مـا عنـدهـــم أحـــد غيــر عمهــــم
عمـــر: يــاللـه بالتوفيق ومبروووك مقـــدمـــــــــا
محمد: الله يبــاركك وعقبألك إن شاءالله


سعيـــد معصب: وينهــــــــا هذي ياللي مــا تستحـــــــــي
آمنه خـافت: وش فيك شو صــار؟ ليش أنت معصـــب
سعيد: متفيجه أنتي كم أسئله تسأليـــن
آمنه: إنزين على الأقل قولي وش فيك
سعيــد:أول شيء نــاديهـــــــا هذي بسرعه
آمنه: لا مـا اسمح لك تصرخ عليهــا لين مـا تقـول لي وش فيك
سعيد: يعني ما بنـاديهـــا مب مشكله أنا بنـاديهــــا
سعيد: منـــــــــــــــــى ... منـــــــــــــــــــــــــى

سمعت صـراخ أبوهـــــــــا .. وطلعـــت مـن غرفتهـــــــــا بســــــــرعه
منـــى : بسـم اللـه شـو صـار؟
سعيد: إنزلـــــــي أول شـــــــــيء
آمنـــه:شـوي شـوي على البنت
نزلت منـى ونظرات الحيـره على ويهـــا ... تقــرب منهـــأ سعيـــــــد
وكان ويـه مليىء بـالغضــب
منــى مرتبكـه: شـو سـ سـالفـه
رفــع يـــده وهـي غطت ويهــا بيــدهــــــــا
آمنـــه صـرخت: سعيـــــــــــد
لكنهـــــــــا تفـــــــــــاجـأت يـــوم سعيـــد بـدال مـا يصفعهـــا حظنهــــــــا
بكـل استغـراب: سعيـــد؟!
منـى فتحــت عيـونها شوي شوي ولقـت أبـوهــا حاضننهــا
تتطـالـع امهـــأا باستغــراب
أمــا سعيـد فكـان نـاقـع مـن الضحـك ...
ابتعـد عنهـا شـوي: أشكـالكـم تضحـك
آمنه: كنت تتصمخر شو؟ طيحت قلبنـا
سعيد: ههههههه
ضحكت معاه من غير ما تعرف شو السالفه: مـا أعرف شو سالفه بس أبوي طلعت مب هين عرفت تفزعنـا عدل ههههههه
آمنه: الاب والبنت مجانين شو يضحك يعني حطيت في بالي عبالي بتضربهـا
سعيد: مزاااااااااجي اليوم راقي حتى ناوي اعزمكم العشا
منى في خاطرهـا: شو سوى عمر مع ابوي
آمنه: خبرنـا شو السالفه إنزين
سعيد: مسـتـانس إنه بنتي أختيـارهــا كــان مـــوفق
آمنه: كيف يعني
سعيد: باختصا ر أنا موافق على عمر الشاب ما عليه كلام
بس الراي الاخير عند منى
آمنه استانست:هههه الله يهديك بس خوفتنـا وأصلا منى أكيد مب رافضه دام الكل مستانس .. صح منى
منى ابتسمت غصب عنهـا واكتفت إنهـا تهز راسهـا بس
بصوت عالي : أعـــرفج بنتـي طـالعـه علـي
باست راسهـــا: مبروك حبيبتي (صدت صوب سعيد): ومتى ناوي يمرون علينـا
سعيد:بتصل فيه وبيحضر مع اخوه الوحيد
آمنه : ما عنده اهل
سعيد وآمنه انشغلوا يكلمون عن عمر .. أما منى فكانت تبتسم جدامهـم بس في داخلهـا مشاعر غريبه مب فاهمه تتطالع الفرحه اللي على ويه أهلهـــا
اللي مب تاركنهـا ترفض
المشكله إنهــا مـا عندهـــا أي مشـــاعر صوب عمر ...
قـاطعهـــا ابوهـــــــا: يالله روحوا تجهزوا بنروح نتعشى برع
تظاهرت منى إنه كل شيء بخير: يـااااااااااااي
آمنه: ألحين بتصيرين عروس اعقلي دخيلج
منى: بعدني شـابـه وحتى بعد العرس بتخبل أكثر
آمنه: ما اقول غير الله يعنيه هالمسكين
سعيد:خخخخخخ

بعـدمـا رجعـوا مـن العشــا .. مست عليهـم وراحــت تنـــام
لكـن النـوم جـفهـــا وتمـت تتقـلب يمين ويسار ومرات تتلحف ومرات تفر اللحـاف
لين مـا صـرخت: يـااااااااااااي
منى: ليش مـا فينـي رقـاد
رفعت شعرهــا اللي كان مغطي على ويهــا .. ورجعــت تحـاول تنـام ... لكـن مــا فـــاد ... ورجعــت مـره ثـانيـه تقــوم وهـالمـره قـامـت مـن سـريـرهــا,,

راحــت الحمــام وغسـلـت فـي ويهـــا ... وطلعــت مــن غـرفتهـــا ..
قعـدت فـي الصـالـه .. شغـلـت التلفـزيـون وتمـت تقـلـب فـي القنـوات .. ليـن مـا وقفـت عـلى القنـاه اللـي كـانـوا يعرضـون فيـه البـرنـامج عمـر ..
وكـانـوا حـاطيـنـه إعـاده
ظـلـت تتـأمـل فـي ويـه عمـر واسـلـوبـه فـي كـلام
وكيـف كـان يضحـك
الغـريـب إنهـا مـاكـانت تحـس بـشـيء .. وهـي تتـأمــل فـيـه
تنهـدت وطـاحـت تنـام عـلى الأريكــه: شـو هـذا
مسكـت قلبهـــا: آخ يا قلبي اللـي لازم يحـس مـب راضـي يحـس
طـلعـت مـن عينهـــا دمعــــــه


آمنــــه: منـى قـومـي قـومــي شـو عنـدج نـايمـه فـي الصـالـه
منـى: مـا يـانـي رقــــاد
آمنــــه: إنـزيـن قـومـي صـلـي وبعـدين نـامـي فـي غـرفتـج
فـي غـرفتـج مـب فـي الصـالـه
قـامـت بكسـل: إنـزيـن إنـزين
بنـدت آمنـه التلفـزيـون وراحـت عنهـــا ... أمـا منـى فتمــت تمـشـي ببطـء ببطـء
صعـدت لغـرفتهـا وراحـت تصـلـي

طيـف: وينهـم أحبـاب قلبي وينهـم
ضربتهـا عـلى راسهـا: شـو عنـدج تغنيـن فـي الصبـح
طيـف:آخ أمـأيـه يعـور
يلست حـذالهـا:عيـل تغنيـن مـن الصبـح
طيف: مـزاجـي راقـي اليـوم
آم سعـود: ليـش؟
طيف:بـس جـذي
أم سعـود: إن شـاءاللـه دووم
طيـف: الله يسـمه منـج
أم سعـود: ألا اخوج وينه
طيف: اخوي من رفضته ريـم عايش في جو الغضب
سعود: منو اللي عاش في الغضب
طيف:هـا ولا أحـد
قـامـت بـسـرعـه : أنـا رايحـه لجـامعتـي
سعود: نـاسيـه الأخـت إنـي أنـا اللـي أوصلهـا
طيف: تطمن صديقتي العـزيزه اليوم بتوصلني
بـاسـت على خـد أمهـا وهمـسـت عـلى إذنهـا:الحمدلله إني اليوم طلبت من منى توصلني
سعود: ليش يعني
طيف:بس جـذي يـا عـم
أم سعـود:سعـود تعـال تـريـق
سعـود: لا مـا أريـد

منى دخلـت بيتهـم بينمـا كـانت طيف بتطـلـع
طيـف: أوه
منى: قـلـت أسـلم على أمج لأنـي أعـرفهـا إنهـا واعيـه
طيـف:لازم يعنـي
منـى: أكيـد
سعـود : إذا خلصتـوا ممكـن تبتعـدون
طيف ومنى: أكيـــــد
طـالع منـى بنظـرات اشمئزاز وطلع من عندهـم
منى:وش فيه اخوج شايف نفسه
طيف:حـالات من رفضوا
منى: ما علي منه
راحت عند عمتهــــــــا وسلمــــت عليهــــــــــــا

في سيـــــــاره
سعــــود: مـب عـارف ليش اتصرف معـاهـا جـذي
شغـل السيـاره وتحـرك وبينمـــا كـان يتحـرك شـاف ريـم طـالعـه من بيتهـــم مبتسمـه وفـرحـانه ... ابتسـم عـلى حـالـه بسـخـريـه: واللـه حـالـه ألحيـن هـذي مستـانسـه بحيـاتهـا ومـب هـامنهـا شـيء وأنـا مبـوز وحـالتـي حـالـه
دور على أي شـريطـ حطـه وتـم يغنـي معـاه مـع المغنـي

منـى كـانت تضحـك بصـوت عـالـي: عمـو واللـه إنج تضحكيـن
طيـف: ههههه عبـالج أنتـي الـوحيـده اللي تتمصخـريـن
أم سعـود: شـو أنتـوا مـب نـاوييـن تـروحـون لجـامعتكـم شـو؟
طيـف: هيـه واللـه
منـى: كـلـه منـــــج
قـامـن بسـرعـه مـن مكـانهــــا ... حتـى طيـف بغـت أطيـح


محـمـد: عمـر قـوم قـوم
عمـر: وش فيك
محمـد: ريـم متصـلـه فينـي وقـالـت إنه أمهـا رمسـت أهلهـا وطلبـوا منـي أمـرهـم بعـد يـوميـن ..
عمـر نعـسـان عـلى آخر: إنـزين مبـروك مـبـروك
محمد: قـوم يـا ريـال
عمـر: لازم يعنـي اقـوم
محمد: يـا أخـي عبر عن فرحتك تـرى
عمـر قـام مـن فـراشـه و وقـــف: مـبـروووووووووووووكـ
يـا أزعـــج أخ فـي العـــالــــــم
خـلاص ارتـاحــت
محمــد ابتسـم: ههههههه هيه ألحين ارتحـــت

في الجامعه
طيف: تصـدقين ريـم مـاتبين
منى: هيـه والله يوم كـانت تحضـر بس مـا أطوف جدامج مستحيه
منج
طيف: ويي ما عندهـا سالفه أنـا إنسـانه مرحه فرحـه مـا عنـدي هـالـرسميـات
منى: هيه صح عندي شيء اريد اخبرج عنه
طيف: شيء خطير يعني
منى: تقريبا
طيف:عيل بعدما نخلص من هالكلاس الممل
منى:أوجي

آمنه دخلت غرفة بنتهـــا واستغربت من غرفتهـــا
آمنه: شو مسويه هـذي بغرفتهـا ..
لأنهـا واعيه متأخره اليوم فملابسهـا في كل مكان منتشره لين ما تختار الآنسه لهـا ملابس ..
مسكت راسهـا: آه من هالبنت
نـادت على راني: راااانــــــــي راااانـــــــــــــــي

في الجامعه
منى: شوي شوي علي
طيف: يالله خبريني
منى: إنزين إنزين
كـانت بتـرمس بس صـوت بنت قـاطعهـم: هــــــــاي
صـدوا وراهــــــــــــم وكــانت ريــــم واقفـــــــه
طيـف: هـــــاااااي وينـــــــــــــج قطيعـــــه
منـى:هيـه والله اختـفيـتـي بـالمـــره
ريـــــــم: آآآآآآه تقـدريـن تقـولون ظـروف
طيف:اسـم الظـروف هـذا سعـــود
ريـــم طـالعــت منــى: نـوعـا مــــا
طيف: عن نفسي تطمني أنـا مب زعلانه منج هـذا قسمـه ونصيبـه
مو بيـد حيلـه
منى: كـلام طيف صحيح
ريــم: مـا تقصـريـن حبيبـتي
منـى: ريـــم إذا كنتـي متفيجـه خلنـا نـروح الكـافتيـريـا
ريـم: أكيـد ليش لا


كـانـوا يـالسيـن في كـافتيريــا
والسوالف بينـهـم مـب راضي يخلص .. لكن بين هـالسوالف طيف متخبله تبى تعرف شو اللي بغته تقولهـا منى .. لكـنهـا بتصبـر ليـن مـا ريـم تـروح عنهـــم
مـرت عليهـم عنـود وشلتهـــــا
طيف: منى شوفي عنـود كيف تتطـالـعج
منـى: تتـوقعيـن لازم أعتــــذر منهــــــــــا
ريـم: ليش هيه بعـــدهـــا معصبـــــه
طيف: مــا أظــن شــوفـي نظـراتهـــــا كيــــف كلـه حب وحنـــــــــان
منى: متفيجـــه أنتـــــــي
ريــــم:خخخخ لا صــدقهــــا طيف ... حتـى شـوفي ليـن ألحين بعــدهـــا تتطـــالــعـج
منـى: واااع غيـروا السـالفـه

بعد الجامعه
هم طـالعين لبرع يتكلمون
منى: اكيد يا الغاليه اخوج مب ياي اليوم مهتمد عليج اليوم
طيف: ما عندي مانع شرط توصليني بسلامه لبيتنا مب تسوين فيني شيء
ضربتهـا بالكتاب اللي على يدهـا:شو تقصدين يعني
طيف: افهميها على الطاير
ريم:خخخخخ صج مخبل
منى: وينه حليو ما وصل اليوم
ريم:حليو؟
طيف: تقصد سايقهم لو تشوفينه بتقولين صج حليو
ريم: بل ارحموا السايق على الاقل
طيف منى:خخخخخخخ

ريم: بما إنه سايقي بعد تأخر فعندي شيء اقوله لكم اليوم
منى وطيف: شو؟ شو؟
ريم:خخخخخخ
منى: ضج فضول هالبنت
طيف: ناسيه نفسها الاخت
ريم:خخخخ لا تضاربون نتفق ونقول أنتوا الأثنين فضوليات
منى:أنا ما عندي مانع
طيف: وانا بعد
طيف . ريم , منى:هههههههههههخخخخخخخخخخخ
ريم: قريب بتسمعون خبر خطبتي
طيف متعجبه: والله
منى: ومنو هذا ؟ ومتى صار؟
ريم:هههههه شوي شوي علي
منى: مـب مصدقه
ريـم:أنتوا اصبروا وبيوصلكم الاخبار .. وبشكل فجـائي قالت: عمـــر؟!
منى تطـالعهـا باستغراب: عمر؟!
طيف: يالغبيه اسم خطيبهـا عمر
منى: والله
عمر: أكيد لا لأنه عمر بياخذ .. قبل لا يكمل صدوا الأثنين
طيف مب عارفه شو تسوي مستانسه مستغربه: عمر ؟! منى هذا صج عمر؟
منى: تراني اشوف مب حوله
عمر: هلا بنات
طيف شوي وبيغمى عليها: أهلين
منى:مسكي نفسج
ريم: فتره ما شفتك .. رغم إنك حضرت آخر مره الجامعه بس بعد ما قدرت اشوفك
عمر مستغرب: انتي تدرسين هنـا ؟ أوه أكيد تدرسين هنا دامج شاله معاج هالكتب
منى وطيف يعالعونهم ومستغربين
منى: احد يفهمنـا شو السالفه ؟ وأنت حضرتك شو اللي يـايبنكـ هنـا
طيف: إيه كيف ترمسين معاه جذي
منى: ما يخصج
عمر: ههه خليها تاخذ راحتهـــا
طيف تهمس: إيه شو يقصد هذا
منى: هذا اللي بغتيه اقولهـا لج
طيف: شو تقولين
ريم: الخبر الحلو اللي قلتكم يرتبط بعمر
طيف: ما فهمنا
عمر: أخوي بيخطبهـا
منى: أنا راسي بينفجر ألحين طيف هذا الحليو وصل خلنا نروح
عمر: لحظه منو كنتي تقصدين بالحليو
منى: متفيج أنت
تجـاهلـته وركبت السياره .. لكنهـا اضطرت تنزل عشان تسحب طيف اللي كانت واقفه وتتأمل في عمر

بعدمـا راحـــن .. سألته ريم: هيه صح شو اللي يابنك هنـا
عمر: آخ نسيت كان عندي كلام أقوله لمنى
ريم:كلام؟! ومع منى؟!
عمر: هيه .. ترى بعد خطبتج من اخوي بتكون خطوبتنـا
ريم:احلف
عمر: والله
ريم: بس منى .. سكتت
عمر: تعرفين منو كانت تقصد بالحليو
ريم: تطمن كانت تقصد سايقهم .. منى دمها خفيف وكل شيء عندها مصخره
عمر: إلا معاي تكون غير
ريم: لازم بتغصص دامك بتحضر الجامعه عشان تشوفهـا مثل مـا أنا متضايقه ألحين خخخخ
عمر:كاش على ويه هـا
ريم:خخخخ
عمر: مب مشكله أنا مروح ألحين


طيف صرخت في السياره بعدما عرفت السالفه
منى: إيه تخبلتي شو؟
طيف: كل هذا صار وما تبيني أتخبل
منى: مو باليد حيله
طيف: بس أنتي لا تحبينه ولا شيء
منى: اللي يقول ألحين أنا استفدت من الحب
طيف: بس لازم يكون بينكم الحب
منى: يصير الحب بعد الزواج
طيف: يعني مصره
منى: ما اعرف شيء اللي بكتبه لي النصيب بتقبله
طيف: ما اقول غير فكري عدل


بعـد اسبوع صارت خطبة محمد وريم ... وكانت حفله عاديه رغم إنه ريم عزمت طيف ومنى لكن ولاوحده فيها قدرت تحضر لأنه نفس الوقت سعيد . أمنه وأم سعود كانوا بسافرون .. فكل كان رايح المطار

بو سعود:لازم تسافرين معاهم لازم يعني تكونين رزه
أم سعود:ما عندهم مانع هم فأنت ليش تعترض
طيف: حبا فيج يا مومي أبوي مب قارد يستغنى عنج .. صح ابوي
بو سعود: هيه صح صح حياتي بتكون ولاشيء بدونج
استحت أم سعود: يالله عاد من الله اسبوع
بو سعود: ما شيء فايده طيف مافي شيء بغير رايها تروحين بسلامه وترجعين مستاتسه و بسلامه بعد
طيف: شو هالدعاء العجيب بعد

آمنه:سعيد فكر مره ثانيه لازم نسافر يعني
سعيد: هيه أكيد
منى: يبى تعرف إنك وايد تشبه عمتي اللي ريلها صاير ليه من مده يحاول يقنعهـا ما تروح معاكم بس بعدهـا مصره
آمنه:ألحين تعرفين إنه راسهم يابس
سعيد:شو فيهـا إنزين
منى: لا تعصب .. ويا حبيبتي مومي مافيهـا شيء روحي غيروا الجو وخلوا علاقتكم تجدد يونو فريش فريش يكون
سعيد: جيه هو عصير شو
منى:خخخخخ حلوه هذي

قاطعهم: يالله عيل خالي تروحون وترجعون بالسلامه
آمنه:منى حبيبتي اهتمي بعمرج ولا تلعوزيهم وايد
ضمتها طيف من ورا: اطمنوا منى بنخليها بشكاره في بيتنا
منى: شو؟ (تمت تضربهـا في كل مكان)
بو سعود:شو عندكم فشلوتنـا الكل قاعد يطالعنـا
منى: خلهم يحطون في بالهم الرئيسه تضرب بشكارتهـا
طيف:خخخخخ كان لازم اعصب بس يضحك الصراحه
سعود: أنتوا بتظلون يهال طول اعماركم شو؟
طيف:مممم سؤال صعب الصراحه
في خاطره: غريبه ما ردت علي

نـداء الأخيـر .....
منى ماسكه دموعهـا: يالله روحوا روحوا بسرعه
آمنه: زين زين ما صدقتي نسافر
حضنتهـا منى: فـديتج لا تنسين القطع
قرصتهـا آمنه ..
دعوا آخر مره ...
تموا واقفين لين مـا أختفوا من انظارهـــم
بو سعود:يالله نروح

في السياره
طيف تكلم منى .. لكن منى كانت تضحك غصب عنهـا .. بالهـا في سالفه الخطبه مع عمر .. وتمت تذكر الكلام اللي قالت لهـا أمهــــا
آمنه: شو رايج منى الخطوبه بتكون بعد ما نرجع من السفر
منى مبتسمه :اللي تشوفونه
آمنه: صحكني أبوج يوم قالي إنه عمر تخبل يوم عرف إنج موافقه وكان يبى يخطبج رسمي بأسرع ما يمكن .. صج الولد مجنن عليج
منى بكل ثقه: شيء أكيد اللي يشوفني يتخبل علي
آمنه:الله على الثقه بس
منى:ههههههه
و يوم طلعت عنهـا أمهـا .. كل تعابير الفرحه اختفى من ويهـــا

أنقطع حبل تفكيرهـا .. يوم سألتهــا طيف: منى وين سرحتي
منى:ها؟ ولا مكان
طيف بصوت منخفض قالت: عند عمر صح؟
منى:انطبي
السالفه محد يعرف إلا طيف وريم وأهل منى طبعا .. لين ما يحضر عمر ويخطب منى رسميا

يـوم وصـلوا البيت صـادفـوا بسيايير تغادر من البيت ريم
فطيف اقترحت يرحون يباركون ريم
سعيد:ارجعوا بسرعه
طيف:إن شاءالله

راحـوا لهـا البيـت ومـا طـلوا عندهــا وايـد بـاركـوهـا ع السـريـع ورجعـوا ..

في غرفة طيف
طيف: منو شو رايج نسهر على أفلام اليوم
منى: شو عندج من الأفلام
طيف: عندي فلم جميله و الوحش وسندريلا
منى: آآآآآآآآآآي اسكتي الله يخليج شو هالافلام ما عندج شيء رعب
طيف:لا .. بس سعود عنده
منى: تظنين بيعطيج؟
طيف: بروح أحاول .. تعالي معاي
منى: لا روحي بروحج
طيف: مب مشكله

راحت قرب غرفة اخوهــا ...
وقبل لا ادق على الباب .. سعود فتح الباب
مبتسمه:هاي اخوي
سعود بكل جديه: شو عندج
طيف:ولا شيء بس بغينا منك شرايط أفلام أكشن ورعب
لو سمحت يعني
أشر عليها تدخل الغرفه
استانست: ثانكس
وهو طلع ... نزل المطبخ عشان يروح ياخذ له كوب ماي قبل لا يرقد
رجع غرفته ولقى كل شيء مبعثر ... الاخت كانت ادور ولا كانت تسوي بحث
سعود: أنا الغلطان

طيف: منى فتحي الباب
منى قامت: شو هذي ما قادره تفتح الباب
يوم فتحت الباب استغربت من السيديات والشرايط اللي يابتنه
منى: شو عندج
نزلت طيف اللي بيدها على سريرهـا
طيف:كل اللي في غرفته جبت معاي
منى: وما قالت شيء
طيف: هيه صح اقفلي الغرفه
منى: ليش
طيف: وايد تسألين انتي
راحت تقفل الغرفه
منى: شو مسويه لايكون كسرتي الباب وسرقتيهم
طيف: يوم اقول إنج وايد متأثره بأفلام أنتي
منى:عيل بتقولين شو السالفه ولا لازم اضربج يعني
طيف: وأنا كنت أدور على الأفلام احترت شو اختار قلت ليش ما اشلهم كلهم .. ويوم شليت جان يطيح كم من الأغراض من المكتبه
منى: وألحين خايفه من السيد يسوي فيج شيء
طيف:يس
منى: ما اظن لو كان بسوي فيج شيء كان من زمان أنتي طايحه تنزفين
وانا من زمان كنت بضحك عليج
طيف:هههه تعرفينه زين ما زين
هنا سكتت منى ... طيف حست فحبت تغير الجو ...
طيف: يالله اختاري
منى: بغمض عيني واصبعي اللي بيختاره بنشوفه
طيف: اوجي
غمضت عينهــا وأصبعهـا طاح على سيدي لفلم saw111
ومن حطن الفلم وهم كله صراخ وتنقيز .. ومره يجدمون الفلم من كثر ما يلوع ومره يرجعون المشهد مره ثانيه
تموا يسهرون على افلام لين ما اذن الفجر .. صلوا الفجر واخمدوا رقـاد
منى: طيف نامي عدل
طيف: آآآآ
منى: شو هالبنت
كل ما تحاول تبعد ريولهـا أو يدها ترجع تحط على راس منى ومره ترفسهـا
منى: حسبي الله ... أروح أنام تحت أحسن لي
قـامت وخذت الموسده .. لكنهـا بدال مـا تنـام على الأرضيه نـامت على الكنبه أريح على الأقـل