لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > قسم الارشيف والمواضيع القديمة > الارشيف
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

الارشيف يحتوي على مواضيع قديمة او مواضيع مكررة او محتوى روابط غير عاملة لقدمها


أنــا وأمي وزوجهــا .... ليتني عرفتك...

السلام عليكم ورحمة الله القصه: انا وامي وزوجها... الكاتبه: اصون الي يخون.الحسناء عنابة. بحبووحه وفي النهايه هي انا.... توني اكتشفت اني مشتركه هنيه...لاني مره

 
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 18-06-08, 09:42 PM   المشاركة رقم: 1
المعلومات
الكاتب:
اللقب:

البيانات
التسجيل: Nov 2007
العضوية: 57220
المشاركات: 5
الجنس أنثى
معدل التقييم: نـوسـه عضو بحاجه الى تحسين وضعه
نقاط التقييم: 10

االدولة
البلدBrazil
 
مدونتي

 

الإتصالات
الحالة:
نـوسـه غير متواجد حالياً
وسائل الإتصال:

المنتدى : الارشيف
افتراضي أنــا وأمي وزوجهــا .... ليتني عرفتك...

 

السلام عليكم ورحمة الله



القصه: انا وامي وزوجها...


الكاتبه: اصون الي يخون.الحسناء عنابة. بحبووحه وفي النهايه هي انا....

توني اكتشفت اني مشتركه هنيه...لاني مره يييت وخذت برشات فوتوشوب وماطاع يفتح الصفحه الا بتسجيل....فسجلت نفسي عالسريع بالاسم هذا ^^...



آه واويلاه مــــــــن عمن ظـــــلوم...بعد مـــا ابويه رقد تحت الــــــــتراب
القمر لو غاب ماتفيد النجـــــــــــوم...وعسى بيتن عقب عمــره خــــراب
كيف ابهجع وأهتني في حــل نوم...وأمسح ادموعن مثل طش السحاب
بعد ماحلت على اسرتنا عمـــوم....صرت أنا بعـــيونهم مثل الذبــــــاب
أرتدي في مجلـــــسه رث الهدوم...وبنت عمي ترتدي أغلى الثيـــــاب
إن طلبته حاجتن فيـــــها لـــــــزوم...صد عني دون يعطينــــي جــــواب
طال همي وأغترابي واللـــجـــــوم...آه يادنيا التعاســـــــه والعـــــــذاب
ومرحباً يا قبر في كفــــــــن رحـوم...واعسى يجـــزاه ربي بالثــــــــواب
ليت من قبره ولو ساعه يقــــــــوم...يشهد اللي صابني فعز الشبــاب
فوق ماعندي من أحزان وهمــــوم...زوجوني شايبن رث الثيــــــــاب
الدقيقه جنها تسعـــــــــــــــين يوم...ليتني ارقد معه تحــــــــت التراب



يلست افكر فهالابيات يمكن للمره المليون..الله يرحمك يابو سعود...ايه عقبك الدار ظلمه وحيل ما تنطاق...سرحت بفكري لماضي مش بعيد ذاك الزود...تعبت تعبت من كل شي...رفعت راسي...لعبت بسبابتي ببطء عطرف الورقه..بس انا قويه لا هذا ولا خوانه وعمامه الي بيهزونيه...تطلقت وخير يعني...من زينه..يحمد ربه ان خذته....ولا انا بدر البدور انا الملاك..هههه طرت عبالي كلمات اغنيه بدر البدور لي تغنيه بنت حداد...ابتسمت بمهل...الحينه انا في العده..من البارحه...شي جميل....واخواني وامي كلهم مستهمين...صح بخبركم من اكون..انا عفرا...عمريه 21 سنه...عندي 7 خوات واخ...اخوي وعرفتوا وش اسمه "سعيد..17" اما خواتي فهن بالترتيب عذيجه 20 سنه..عاليه..18 سنه .. غاليه18 سنه باختصار هن توأم عاشه 16 سنه وعيده 14 سنه وعزه 13 وعزيزة 12 سنه ... واخر العنقود غلا..10 سنوات..وامنا هي مريم..ابويه توفى من 9سنين...الله يرحمه....قمت من مكاني...طالعت الساعه بمهل...لقيته اربع الصبح..نزلت لتحت..طبعا نحن كان عدنا بشكاره..بس من ما طلعنا بيت اروحنا قررت اماا انها تتنازل عن البشكارة...خوفا من الي تسمعه هالايام...امي انسانه متعلمه...بس فكرها شوي...نزلت تحت...نظفت البيت...اصلن هو نظيف بس شليت شويه وصاخه كانت غلويه فارتنهن علارض...دخلت المطبخ...رديت ظهرت..تميت اتمشى في الصاله بلا هدف...رديت طالعت الساعه بعد مده لقيته اربع ونص...تنهدت...يلست عالارض وتميت اسبح واستغفر...مر الوقت ببطء..سمعت صوت اذان الفير..قمت تيددت وصليت..بعد ما خلصت من الصلاه..وعيت ماماه..وخواتي...خلاف سرت صوب بروذر اوعيه...
نش وهو دهمان: عفروني تصدقين حلمت بانج تطلقتي...
رديت عليه وانا مبتسمه: لالالا..صدق تطلقت..
وخليته وهو يفرك بعيونه الي مارحم حالهن...سرت للمطبخ اعابل ريوقم..وراهم نشه عالصبح..كل واحد ودراسته...هههههههه استويت سندريلا..ههه تخيلت خواتي وهن نفيسه ودريه والشريره امهن ههههه...وسرحت ..ماوعيت الا عصوت امااايه...


اماايه: عفرا...امي روحي استريحي...من البارحه ما غمض لج جفن...
ابتسمت لها باريحيه: لالا عادي...
امي وبحزن: روحي ارتاحي..
ابتسمت وطعت شورها
وانا ظاهره...دخلت عذيجه ضربتها عن عماد بجتفي...
عذيجه: عفروه مالي خلق خبال عالصبح...
عيونها مورمه
الله يعينك يا شهاب....اسميك بتنجلط عالصبح..هههههههه
حركت لها حوايبي بطريقه استفزازيه
ومشيت
رحت صوب حجرتي
ويلست عالشبريه
وغفيت...















في مكان اخر في الخليج




تحديدا في قطر..



صقر



نزلت من البنتلي ودخلت لفيلا خالتي
مشيت ببطء للفيلا
وقفت عن الباب...
انا بصوت جهوري: يا ولد..دررررررررررررررررب..درررررررررررررب...
خالتي: حياك حياك...
دنقت وبستها عراسها..
ودخلت...
جلست على اقرب كرسي لي..
انا : كيف حالتس خالتي..اربتس بخير..
خالتي: زينه زان حالك وليدي...وانت كيف حالك..؟؟
انا: بخير من شفناتس..
ابتسمت بحنان...
تذكرني بامي الله يرحمها
صحيح ما تعرفوني
انا صقر
عمري 24 سنه
عازب
اسمر
ملامحي عاديه
مافي شي يميزني غير شخصيتي القويه
وحيد امي وابوي
ابوي رجال شايب
وهو من السعوديه
اما امي الله يرحمها فاصولها قطريه
جاي للدوحه...والسبب عقد صفقه جديده وزياره خالتي وجدتي
اما جدي فعطاكم عمره...
دقيقه ودخلت جدتي وهي متكيه على عصاتها..
وقفت احتراما لها...ومشيت لحد عندها
وسلمت عراسها
جدتي: اشلونك...
انا: الحمدلله عايشين..كيف صحتس...بخير..؟؟
جدتي: الحمدلله..طيبه...
جلست جدتي جنبي...
واما عن خالتي راحت ما دري لوين...
جدتي: واخباره الشايب..
ضحكت : طيب يسال عنتس..
جدتي: ايه سالت عنه العافيه..
مسكت الفنجال الممدود..
جدتي: ولغايه كم يوم بتظل عندنا..؟؟؟
انا: ماعرف والله...بس احتمال لمده اسبوع وارجع...ابوي حالته ما تطمن..
جدتي : هيه راحت علينا...خلاص كبرنا...ننتظر الموت يجي ويدق الباب..
انا: بسم الله عليتس..
خالتي وهي تقاطع كلامنا..
خالتي: حياس نوره تفضلي..محد غريب..هذا صقر ولد خالتك فضه..
اهتزيت من داخلي وانا اسمع اسمها
رفعت راسي وشفتها واقفه بجلالها ومغطيه وجهها بالنقاب...
نزلت راسي وانا ارتجف...
سالتها بصوت مهزوز: كيف حالتس بنت خالتي..
ردت وهي ترتجف مثلها مثلي: زينه زان حالك ياولد خالتي..
مشت وكرشتها تسبقها
قمت ابغي اطلع..
مسكتني خالتي..
خالتي: انسى ياولدي انسى..
هزيت راسي..
خالتي: ابوها غلط..والحين بنته تدفع ثمن غلطته..
سالتها بقهر: وانا وش فيني ....ليه يرفضني يمه ليه....
سكتت خالتي...
جدتي: شاهييين...خلاص...الينت في ذمه رجال ثاني..ترى ماهي بعلوم رجال..
لفيت بوجهي: خلاص يمه..خلاص..ماقلت شي..الله يوفقها معاه...
جدتي: تعال اجلس..
طالعت في معصمي وشفت الوقت لقيت نفسي لازم اطلع..
انا: بكره بجيكم..
خالتي:ما يصير تطلع من دون ما تتعشى..
انا: يمه...مواعد رجال...
خالتي: على راحتك...
دنقت وبستها على جبهتها...
وطلعت من قصرهم







في الرياض..








مطلق


وقفت وانا اطالعه ورى القزاز
لفيت بوجهي لابوي الي جالس وهو حاط راسه على ايدينه
مشيت لحدعنده ووقفت..
انا: يبه...
ابوي: .................
انا يبه لازم نخبر صقر عن حاله ابوه...ما يصير كل ما اتصل نكذب عليه...
ابوي: لا....
قلت له: يبه...هذا ابوه...الدكتور قالك..احتمال ما يعيش لبكره...
ابوي: قلت لك...يعني لا..انت ما تفهم يا ولد...
شحت بوجهي عنه...
انا مطلق صديق صقر الصدوق
وابويه هو ولد عم ابو صقر
اهتز جوالي...رفعته
شفت رقم صقر
ارتبكت
ماعرفت ارد عليه ولا لا..؟؟
وان رديت وش اقووله
تعال ابوك يحتضر
ما بين الموت والحياه
ضربت بقبضتي عالجدار بياس
احاول استمد القوه
وماني بقادر
احس نفسي خااين
صقر امني وقال لاصار في ابوي شي خبرني
وانا لساني منلجم...ماني بقادر اقووله
واسبب له اي كدر
وش السواه
وش الحل..
انتبهت ان الممرضه تطلع من غرفه عمي ضاحي وهي تهرول..
ماعرف كم مضى من الوقت
ودخلوا الدكاتره معاهم اجهزه لغرفه عمي
يحاولون يسعفونه
صدره المكشوف المليان بالشيب...
والملئ بالاسلاك المثبته...
ما رحمو شيبته وضعفه
وعطوه صدمات كهربائيه
لان قلبه توقف عن الحركه
دقيقه ومرت اختها
وطلع الدكتتوور وبنبره حزينه
الدكتور وهو يكلم ابوي: لله ما اخذ وله ما عطى....احتسب الاجر عند الله...
تركنا ومشى
جلس ابوي على الارض
وتنهد: تقدر تتصل في ولد عمك..وتخبره..
تلعثمت...
ورحت للحمام اكرمكم الله وافرغ جام غضبي
بكيت وبكيت
والحكي معقود في لساني
مانيب بعارف كيف اخبره
وش اقوووله
طلعت جوالي وكتبت له

صقر متى شفت ابوك اخر مره

مرت دقيقه

شفته قبل ما اسافر...يعني امس

ارسلت له رساه ثانيه

ابحلق شواربي لا شفته مره ثانيه

ارسلي

وش تقصد

ارسلت له

احسن الله عزاك..ابوك يطلبك تبيحه...



لحد هنا...



ما قدرت ..ولا هو قدر...اتصل...ولا رديت عليه...
خذلتك يابن عمي خذلتك...
ما قدرت اخبرك بوضعه...
ماقدرت اقول انه تعب علينا في اللييل وجبناه ..
ما قدرت..




--------------------------------------------------------------------------------

الجزء الاول

البارت الاول


عواصف هوجآء


عفرا

ما قدرت اتنفس
احس بصعووبه
وين انا
الدنيا ظلمه وسودا
احس بالعرق عويهي ينصب
لساني منلجم ابا اصاارخ
هب قاادره ليييه..؟؟!
فجأه جفت جدامي ابويه
ربعت صووبه
ربعت وهو واقف وفاتح ايده
ربعت وربعت وربعت
وصلت عنده
رفع راسه
لآلآلآلآلآلآلآلآلآلآلآلآلآلآلآ
هب هو
طلع
طلع
طلع
بطي
لا
بيظربني بطي الخاايس
الحقير
ربعت ابا ابتعد عنه
سمعته يقوول
وين بتروحين يعني
مردج لي
لالالالالالالالالالالالالالالالالالالالالالالالا
قمت وانا مفزوعه من حلمي هذا
تلفت يمين يسار
وحطيت ايدي عقلبي
اشوه يمممممج في بيت امي
خلالاص بطي ما يقدر يسوي شي
طلقني الف الحمدلله والشكر
عدلت من روحي ويلست
ومديت بوزي شبرين
صار لي من تطلقت حوالي مممممممم 3 ايام
ايه الحمدلله
خير
وقفت
وخذت الفوده وحدرت الحمام
وقفت تحت المرشاش
صح انتوا ما تعرفون عنا كل شي
انا لي خال واحد
وما عندي اي خاله
واعمامي هم 4 اعمام
وجودهم مثل عدمهم
وعمه وحده
عقرررررررربه
الله يسلمكم هل ابويه
سحر وهالخرابيط تسري فدماهم
ماعرف جيف عايشين
والله يسلم غاليكم
انا كنت في ذمه ولد عمي الي هو بطي
وابوه صالح
احقر من الحقير
الموهيم
سنه وتطلقت
اااخ لو كاان عندي اخو عوود
كان عندي
وللاسف الله يرحمه
مات وهو صغير
>.<"
رجعت بفكري لذكرى اليمه
تحديدا قبل 5 شهور
كنت راقده على الشبريه
وهو فارش عالارض
الساعه 3 من بالليل
سمعت صوت ضحكه فتحت عيوني
سمعته
هيه سمعته
يضحك بنعومه
وبحنان...
ويتكلم بهمس
اهتزيت من داخلي
صديت صوبه
شفته مندمج
ولا حاس فيني
اااخ يالقهر
عمره ما مسك ايدي
عمره ما نطق باسمي
ياخذ الي يباه غصب
ولا يفكر بمشاعري
اكررررررررررررررررهه
اكرررررررررررررررهه
بندت المرشاش
وطلعت ادور عن عذووج
اطفر بها قبل ما تروح لبيت شهاب







في طرف اخر




صقر


سلمت على اخر واحد خرج من المجلس
هزني صوت ابو مطلق وهو يامرني
ابو مطلق: يا صقر الحقني على مكتب ابوك..
لحقته بصمت وانا مكتأب
دخل هو لمبنى البيت
وانا دخلت وراه
ابو مطلق: قفل الباب وراك..
قفلته
وشفته جالس ورى المكتب
ابو مطلق: استريح..
جلست انا في مكاني
ابو مطلق: شو رايك اسمعك حكايه..؟؟
ابتسمت ببلاهه..
ابو مطلق: كان يا مكان في قديم الزمان..كان هناك اثنينه...اصدقا..وجمعتهم صله رحم...
في يوم قرروا انهم يروحون البر...وكان واحد فيهم رجال متزوج..ومرته في شهرها الاخير..
طلعوا البر يقنصون....مر يوم ويومين والثاني
وهم يمشون لقوا ولد صغير في لفافته...
حمله المتزوج في حضنه ..ووخر اللفافه عنه...
ورجعوا لخيمتهم وهم محتارين..
وفي نفس اليوم ورحمه من الله..
ولدت زوجته...
لكنها ولدت بنت ميته
واضطروا الدكاتره انهم يشيلون عنها رحمها
ياس هو ولكنه تذكر هالولد الي فحضنه
رجع للرياض ومعاه الطفل ذا
عطاه لحرمته
وسجله باسمه
ولهالسبب قاطعوه اخوانه
وهو رحم هالطفل الصغير
ورباه وصار ولده الي شرب من لبن زوجته
كبر على عيونه...وصآر كل من يعرفه يشهد بان ولده نشمي على ابوه
رباه عالاصاله
عكل شي زين
تعرف من الولد ..؟؟
هزيت راسي بالنفي..
بو مطلق: هذا انت يا صقر..هذا انت..انت الي لقيناك في البر وعمرك ما تجاوز شهور...
وقفت وانا عيني اليسار يرمش
بو مطلق: هدي اعصابك...
محد يعرف غيري انا وابوك وعمك عقاب وعمك ذياب وعماتك نور ونورس
جلست وانا احس بعرق في رقبتي ينبض
ابو مطلق: انا عارف انه اعمامك بيجون وبيطالبون بالحلال كله...بس
انا وبصوت متهدج : بس ويش..؟
عمي بو مطلق: ابوك خلاهن باسمك...بيع وشراء...محد له حق عندنا
رفعت راسي
وانا عيوني غرقانه دموووع
يعني انا ويش..؟؟
انا ويش..؟؟
من هم اهلي..؟؟
انا لقيط...
معقووله..!!
وقفت وانا شبه مترنح
وطلعت من القصر
وركبت سيارتي
ومن غير هدى
ما عرفت لوين اتوجه









في العين




سيف


وقفت اناظر في اختي
الله الليله ملجتها من ولد خالي^^
ابتسمت وانا اجوفها فرحانه
قربت صوبها وبستها عراسها
ومشيت صوب ولد خالي
عند اذنه همست: مبروك منك المال ومنها العيال
همس هو: ما يقولونه جيه..يقولون بارك الله فيكما وبارك الله عليكما وجمع بينكما في الخير..
ضحكت وقلت له: مطووووع وبتبقى مطوووع
ابتسم وهو يقوول: عالعموم الله يبارك في حياتك...وهذا يسمونه التزام ^^
ابتسمت ورحت اسلم على خالي وابارك له
اخيرا ولده الوحيد ملج
قربت صوبه وحبيته عراسه
خالي: الفال لك يا سيف..
انا: لالالا...عقب عقب..
خال وهو يبتسم: متى يومك بتصك الثلاثين..؟؟!!
انا: ممم لالا...خلني اجوف الدنيا..بعدني صغير
ضحك خالي وهو يقول: الله يهديك...
ظهرت برع
وانا اضحك
وبينما انا امشي
اذ صادفت حلم حياتي
ابنه عمي
حمده
ولكنها كانت اسرع مني فدخلت للبيت بهدوء<<<عاشت الفصحى



التعريف بالشخصيات



عائله المرحوم باذن الله سالم الـ،،،،،

الام: مريم 47 سنه
الابن:سعيد...والثاني محمد وهو متوفي
البنات:
عفرا 21
عذيجه 20
التوأم عاليه وغاليه 18 سنه
عاشه16
عيده14
عزة13
عزيزة12
غلا10


عائله خالد الـــ،،،،
خالد وزوجته فضه متوفين ولا يوجد لديهم غير
صقر



عائله محمد بن بندر الــ،،،،
محمد: بو مطلق رجل ستيني
زوجته: نور عمه صقر
ابناءه هم:
مطلق 24 سنه
خالد: 20 سنه
ريتاج: 18 سنه


عائله هزاع الــ،،،
هزاع: رجل ستيني مقعد
زوجته متوفيه
ابناءه هم
سيف 28 سنه
ميره 25 سنه ومتزوجه
شيخه 20 سنه عقد ابن خالها قرانه عليها

عائله عبدالرحمن الــ،،،
عبدالرحمن: رجل في الخمسين من عمره
لديه ابن وحيد وهو
عبدالله وعمره 23 سنه


باقي الشخصيات سنتعرف عليها على مهل في القصه



بعد مرور اكثر من شهر

وقفت قدام باب الفيلا
يووووه
ودخلت وانا متنرفز
سلمت على عمي بو مطلق
قلت له بصوت حزين: جبت اللسته..
وطلعت صوره احتفظت فيها لنفسي..
وقعدت اقرا كل اسم واشوف الصورة واقارنها بالصورة الي معي
جلست ادور في الصفحات والصفحات
مالقيت صوره تشابهها
انا: ياعم مانيب لاقي شي في الملف
ابتسم عمي: نحن ما لقيناك في الرياض
انا: اجل وين
عمي: عند الحدود ما بين قطر والامارات
انا: وش السواه...اروح يعني لقطر..؟؟
عمي: لا..خل هذا علي....بس ...
انا: بس ويش..؟؟؟
عمي: اليوم عمك عقاب جا لهنا وهددني قال انه بيرفع قضيه نسب وبياخذون حلالك كله...
انا: خل ياخذه وانا اش علي منه...
عمي: وصيه ابوك انك تحتفظ بمالك..وتدور عن اهلك...
انا: طيب وش رايك ابيعك الحلال كله بيع وشراء بالاسم...اليم ما تنتهي القضيه...
عمي: لا..
انا: طيب ليه..؟؟!
عمي: الشيطان وسواس خناس..
انا: اجل وش السواه..؟؟
عمي: وش رايك تملك على بنتي ريتاج وتخلي الحلال كله باسمها...
انا وبتشكك: الوسواس خناس...
عمي وهو يضحك: لا تخاف...انت تنازل وبعد كذا خذ منها توكيل عام...
قلت وانا اتذكر النور بنت خالتي: لا ياعمي مالي بحاجه في صنف الحريم شي...
عمي وهو يناظرني: صقر...انا رجال بموت...وماعرف متى الموت بيجيني...انا ما قلت الي قلته من فراغ...ابوك هذا شوفه عينك مات قدامك
وقبل ما اموت ابغي اتطمن على مستقبل بنتي مع رجال يصونها
ومانيب لاقي واحد مثلك
وما رفضت انك تحول ممتلكاتك باسمي وحلالك الا لاني ابغيك تاخذ بنتي وتستر عليها..
حسيت برجاء في صوته
قلت له وانا احاول اصرف الموضوع: يصير خير يا عم..
عمي: عندك من اليوم لبكره...
انا: اجل انا موافق
ضحك عمي وابتسمت له
ايه يالنوري ايه
خلاص ماعاد في امل
انتي زوجة لرجال
وانا رجال ابغي لي زوجه
ودام انها جتني برجولها
ليش ارفض
وهي بدال ما تصير مصيبه
صارت اثنين
ادور عن اهلي
واتزوج ريتاج
والله يعيني
ماعرف عن هالريتاج شي
غير انها اخت مطلق الدجه




في الامارات



عذيجه

وقفت احط الماسكرا
واعدل شوي من الجحال
ضربتني عفروه عجتفي: يالهييس الف مره قلت لج ماسكرتي لا تستخدمينها
انا وبلا مبالاه: يعني انتي الي بتستخدمينه....
عفرا: عذيجه..هب معناته اني في العده ما بظهر منها ابد الابدين...روحي شهابجد تحت يرقبج....
حسيتها زعلت
اوووف
خليتها عراحتها
وظهرت
اشوف شهابي عقولتها
ممممم
انا عذبجه
ادرس في كليات التقنيه العليا
ادرس ااي تي
وشهاب هو ريلي
عمره 23 سنه
يشتغل في الجيش
وهو ولد ربيع ابويه
وصار لنا مالجين تقريبا ست شهور
بس الين اتخرج بنعرس
مشيت ووقفت جدا المنظره اجوف اخر لوك لي
خذت من العطر ورشيت شويه عروحي
وطالعت البدله
كنت لابسه قميص اسود نص كم بورقبه وقطعته حرير
والتنوره جينز
شعري فاجتنه عطوله
مشيت صوب الميلس بهدوؤء
كان يالس يتامل في الكوب
وانا وراه واقفه
حطيت ايدي على عيونه
شهاب وبصوت هادي: عذوج
ضحكت وبسته عخده
ويه استوى احمر
يستحي مني
هع هع هع
قالبين الدور فيدتنا
شهاب وهو منحرج: شحالج...
زخيت ايده وحطيته عصدري: مشتاااقه...
نزل راسه وهو مرتبك
انا: فديت الي يستحي..
رفع راسه بحده
ضحكت...
وعقيت روحي عصدره
حاوطني بايدينه
شهاب وبصوت واطي: الف مره قلت لج حركاتج هذي تخبل بي....ما بتسكتين الين ما اتهور..
قلت له: تهور..ومن زاخنك..
رفعت راسي ايا اجوفه مستحي..
بس
جفته منصدم...وفاج حلجه
ضحكت
قلت له: خبله صح....
شهاب: الا الخبال بعينه...
ضربته عجتفه..
ومشيت يلست عالكرسي

 
 

 

عرض البوم صور نـوسـه  

قديم 18-06-08, 09:45 PM   المشاركة رقم: 2
المعلومات
الكاتب:
اللقب:

البيانات
التسجيل: Nov 2007
العضوية: 57220
المشاركات: 5
الجنس أنثى
معدل التقييم: نـوسـه عضو بحاجه الى تحسين وضعه
نقاط التقييم: 10

االدولة
البلدBrazil
 
مدونتي

 

الإتصالات
الحالة:
نـوسـه غير متواجد حالياً
وسائل الإتصال:

كاتب الموضوع : نـوسـه المنتدى : الارشيف
افتراضي

 

الفصل الاول

البارت الثاني


مهلآ يا قدري..!!






الساعه ال6 صباحا بتوقيت الرياض


في غرفه واسعه...تشع منها الوان البهجه التي اكتست جدرانها...ورسمت بالوان الذهب الاصفر..
نعم..الوان مبهجه..ولكن القلب يحمل هموما فوق طاقه صاحبه..!!
صقر
قمت وانا اتثاءب..
راسي ثقيييل والهموم مثقلاته بزياده...
رجعت خصلات شعري الاسود لورى...
حطيت كفوف يديني عراسي وانا جالس مربع رجولي..
الي صار امس في المحكمه...
اذهلني..
انكشفت الاقنعه
وكلن طلع لي بحقيقته
ومثل ماقال بوفارس:
اليا بغيت تعرف النفوس ارم الفلوس
ترجع الاذناب اذناب وتبقى الروس روس
مدري
كيف...
كيف ابوي كان اخ لهم...
وكيف عمتي نور هي اختهم..؟؟!!
رجعت راسي على الوراء استذكر الي صار امس...
والي صار قبل اسبوع...



مد كفه ليلامس كف زوج عمته ووالد صديقه
استمع لكلمات اهتزت له جوانبه
محمد: زوجتك ابنتي ريتاج .......
وسرح بفكره الى مدينه الدوحه...تاركا روحه تسرح هناك دون جسده...
انتبه للشيخ وهو يقول: ولدي..منته بموافق..؟؟؟
صقر: ااسف..
الشيخ : يعني..؟؟
صقر: موافق..؟؟
الشيخ: اجل على بركه الله...
وتعالت صيحات الفرحه وهتافاتها
وبعد ذلك بايام قلائل
وصلته ورقه تطلب فيه المحكمه ان يمثل فيها امام القضاء
وكانت الطامه الكبرى لاعمامه
ان جميع الممتلكات اصبحت بيد ريتاج..ولكن المسؤول عن ممتلكاتها
هو
صقر
والصقر هنآآ صقر..



هزيت راسي باسف..
كذا الدنيا تعمي القلوب...
كذا النفوس صارت خبيثه..
لجل فلوووس
تروح وترجع
مآ هقيت فيوم اني بوقف في الموقف هذا قدام من الي حسبتهم اعمامي من دمي
دمي..
دمي..
مانيب بعارف من هم اهلي ودمي وناسي
بالحرام جيت انا ولا بالحلآل
قمت من مكاني
ودخلت للحمام وانتوا بكرامه
تروشت وبالي مشغول
وفكري سالي
عمي محمد قال انه لقى طرف منه نعرف من اكوون..؟؟
يالله ترى
كيف شكل ابوي
وامي من تشبه
انا اشبه من فيهم
اشبه امي اكثر
ولا ابوي
بس...
بس...
لو طلعت من اللقيطين
وش بيكون مصيري..؟؟!!
انا..
من هو انا..؟؟؟
انا ليه عااايش..؟؟؟!!
ضربت بكفي عالجدار
ما جنيت من الضربه ذي غير الالم...
قمت وطلعت بسرعه وانا لاف الفوطه في وسطي
لبست تي شيرت اسود وبرمودا بيضا عالسريع
ومشطت شعري ورجعته لورى
انا مانيب بابيض..
انا اسمر
ومقبول شكلي
هو جميل اكثر منه للقبح
يعني
بس خلاص
انا بطلع ذالحين
وراي ارجع ممتلكاتي لنفسي






في الامارات وفي هذه الاثناء...

عبدالرحمن

يلست عالكرسي وقلاص القهوه جبالي
يلست اقرى في الجريده بمهل وتاني
وانا افرفر الاوراق
دخل ولدي عبدالله
عقب ما سلم علي وحبني على راسي...
عبدالله: شصبحت..؟؟
انا: الحمدلله...بحمد ونعمه من الله....
عبدالله: شو ما بتروح الشغل اليوم..
انا وبدون ما اجوفه: لالا...عقب بروح...
عبدالله: ابويه..
انا: هلا...
عبدالله: ابويه بجدم العرس ترانيه..
انا: هلا هلا...اشحقه بعد..؟؟
عبدالله: ابوويه...انت تعرف..
انا: عن الجذب ماعرف..
عبدالله: محتاي لحرمه..
انا: هلا هلا...اقولك وانا ابوك...لاحج تراك عصدعه االراس...
عبدالله: ابويه عاد..بنت اختك تراها..
انا: ويعني....
عبدالله: ابويه تراني مستعيل ماروم اصبر زياده
انا: تريا بس كم شهر...بعرس هياك..
عبدالله: قول والله...ابوويه الله يخليك..احلف..
عقيت الجريده وبعصبيه مفتعله: لالالالا...
طالعني وهو يضحك: ابويه..
ابتسمت: لا...بعيد الشر..
عبدالله: ابويه الله يخليك..عرس...
صرفت الفكره باشاره من ايدي...
عبدالله: انزين ليش..؟؟.؟
انا: مافي وحده تستحق انها تحمل اسمي من عقب امك...
قمت من مكاني
وانا ارتجف..










بعد مرور 3 اشهر من الحادثه




وقف وهو يطالع البيت بتاني
قلبه يدق بالقو...
..مب عارف هل يفرح يبكي شو يسوي مب عارف شو احساسه الحينه..
صاحب البيت هذا الي بيدله على مكان امه وابوه الي شاكين في انهم امه وابوه...
دقوا الباب شوي شوي
انفتح الباب...
وطلع لهم ريال في العقد الخامس من عمره...
فارس: السلام عليكم...بو عبدالله اشحالك...
عبدالرحمن: طيب طاب حالك...منو الريال..؟؟
فارس: فارس ولد مبارك بن صالح الـــ،،،،،
عبدالرحمن: والنعم بك...اقرب اقرب...
وقرب بهم للميالس...




صقر..


دخلت لبيت الرجال وانا ارتجف...
من ما وطى رجلي الامارات وانا ارتجف...
جينا لعند صديق عمي محمد وهو الي دلنا لبيت مبارك بن صالح الـ،،،
من ما شفت صورتي في ملف قديم كانت موجوده في قسم البلاغات عن مفقودين....
انهرت...
انا لي ام واب زي باقي البشر
انا جيت لدنيانا بالحلال...
رفعت راسي وانا اشوف الرجال الي قدامي وهو يحكي
رجال ابيض
ومكتسي الشيب صدغه
شكله طيب وحنون
انتبهت لكلامهم
عمي محمد: والله نحن جايينك من بلاد الحرمين...وكلنا رجى انك تساعدنا...
بو عبدالله: فالك طيب....الي تامر بع...رقبتي سداده..
عمي محمد:ما يامر عليك عدو.. وهذي هي الهقوه فيك ياخوي...نحن ما جيناك نطلب منك فلوس ولا شي...الحمدلله خير الله مغطينا...
شفته يطالع في عيون بو عبدالله كانه يطلب منه الكلام...
وبو عبدالله ساكت ويستمع..وينتظر انه يسمع مطلب عمي بو مطلق..
عمي : والله يا بوعبدالله...نحن جيناك...لجل تدلنا على بيت سالم بن محمد بن احمد الــ،،،،
صديقك...
شفته يعدل من جلسته...وسال باهتمام..
بو عبدالله: ما طلبت الساع...بس حق شو بغيته...يعني ليش..؟؟
عمي : نحن...والله...شفت هذا الي جالس هنيا..(اشر علي)
بو عبدالله وهو يشوفني بنظره تفحص واهتمام...وتشكيك: نعم جفته...بس لحظه..
اقترب مني اكثر...
وتم جالس كذا قرابه ال5 دقايق يطالع في وجهي بشكل غريب...
بو عبدالله وهو يلف على عمي: هيه جفته بلاه الريال..؟؟
عمي : هذا الله يسلمك..(طلع له ورقه من الشنطه الي معه)اقرى الورقه ذي وبتفهم انت مقصد جيتنا لكم..
مد الورقه عمي له...
وبوعبدالله شله من ايده...
وانا في مكاني ارتجف
مانيب قادر
احس نفسي مخنووق
يالله وسعها لا ضاقت هي علي
ناظرته بطرف عيني
وشفت وجهه انقلب
بو عبدالله: يعني....انت قصدك..ان هذا...
عمي وهو يقاطع: ايه قصدي انه ولد سالم الــ،،،،، الي ضاع..
بو عبدالله: انت متاكد..؟؟
عمي وهو يطلع الصورة ويقارنها بالي موجوده في الملف..
عمي: وانت وش رايك..؟؟؟
بو عبدالله: ماغبي عنك....انيه شبهته بسالم الله يرحمه...والصوره هذي اكدت...و الفحص الوراثي...ننتظر بس اننا تاكد من خلالهم....
قلبي وقف
طلع ان عندي اهل
صحيح اني ارتحت
بس انا مانيب متقبل
فكره ان ابوي ماهوب بابوي خالد
وان امي فضه ماهيب بامي..
بو عبدالله: الحينه انتوا تغدوا..وخلاف بسرح بكم صوب بوظبي...تجوفون هله...
جلست وانا منصاع وكاره الوضع الي فيه
وتمنيت لو اني انا مكان امي ولا ابوي نايم..




الساعه ال4 في الرياض



ريتاج


طلعت لي برمودا سبورت...والبلوزه بيضا ساده
طبعا البرمودا بيضا كمان
رفعت خصلات شعري الغجريه
وثبتتها فوق بكليبس عشكل وردة طبعا بيضا
يسموني ميس اتيكيت^^
وانا اتيكيت
غرفتي ورق جدران...
باللون العنابي
ومطعمه بالون الذهبي
لاني ملكه...
ملكه الدجه والرجه
كونت لنفسي مملكه في قصرنا
قسم كبير لي انا وبس
يشمل 3 غرف من غير غرفه النوم
غرفه لملابسي
وغرفه للالعابي
وغرفه فاضيه
بتعرفون مهمتها
يوم بفضى لكم ان شاء الله
الموهم
انا ذالحين
اتصل فيه وما يرد
ماعنده احساس
هالرجال بيفقع لي مرارتي
تخيلوا اتصل
واتميلح
ونهايتها يقولي: كيف اخدمتس...
جاب لي الضغط
لا وانا الهبله ارد واقول: لا ابد سلامتك...مانيب محتاجه لشي..
رجعت وقفت قدام المرايا...
لبست حلقاتي
والسويره
لبست شبشب ابيض وانتوا بكرامه
ونزلت تحت
اشوف راعايا هذا الصرح الكبير
مممممممم
قبل ما انزل
فتحت جوالي
وارسلت له
] اذا حبيبك عسل لا تلحسه كله....اهداء لنفسي..امسح الكلام الي بعد كله وارسله لي ثاني....وش اسوي اذا رجلي ما يرسل لي..[
هع هع هع
نزلت تحت والجوال مخبيته هناك..>.<"
مشيت...
واذا بالوحش الكاسر امامي
مطلق التمساح
مطلق وهو ماسكني من اذني
مطلق: الف مره قلت لك...لا تلبسين كذا في البيت..
انا: ياخي البيت بيت ابوي..ليش تتحكم...
مطلق: لاصرتي في بيت رجلك البسي على كيفك..
انا: ياخي انت ليه ما تتزوج وتفكنا...ريح واستريج
مطلق: اقول رتوجه...ليه ما تدخلي المطبخ وتعملي لنا خفايف..
انا: ايه..وانا اقول وراه اخوتس من الصبح ناشب لتس نشبه في البلعوم..ودك بخفايف ها
وفجأه
وبلا مقدمات
رن الهاتف النقال
واذا باخي
الوحش
يبحث عن مصدر الصوت
فاجري باحثة عن مخرج
فدخلت لقسمي
واخرجته بهدوء
واذا بها رساله من بعلي العزيز
مضمونها
] [

رساله فاضيه
ااااخ
يالقهر...
مردك تلين يا صخر
اذا الحديد لان بايد الانسان
قلبك وهو قلبك
ما بيلين بايدي يا صقر
..؟؟؟







في الامارات
بعد مرور ساعه ونصف
وقفت سياره بيضاء امام منزل
اسره المرحوم سالم الـ،،،،
وذلك في تمام الساعه 7 مساءا
طرقوا الباب..اقصد رن جرس البيت...
خرج سعيد مسرعا ليفتحه
وما ان فتحه
حتى وجد صديق والده القديم
برفقه رجال غرباء
...



سعيد

مرحبا اشحالكم
انا سعيد بن سالم
مممممم عمري 17 سنه ^^
تريوا شوي اسلم عالحضور
بديت اوايه الماجودين
حبه حبه
ودخلتهم لميالس بيتنا
ظهرت برع اقوم بالواجب
واضيفهم
واول من جابلت اختي المصرقع
غاليه..
انا: غاليه شي ضيوف...نبا الفواله...
غاليه وهي تقرى المجله: سيرف يور سيلف بي يور سيلف...فهمت شي...
انا: عبط...
غاليه: اوك...
انا وبحده: غااااااااااااليه..
نقزت...
غاليه: ايه شوي شوي...
انا: غاليه...سوي جاي...
ورحت عنها
دخلت للميلس..
ويلست حذال عمي بو عبدالله
عمي بو عبدالله: اشحالك سعيد...
انا: طيب طاب حال غاليك..من جداك عمي...
عمي: بخير دامك بخير...
دقيقه ورن جرس البيت من ايديد...
رحت وفتحت الباب...
دخل خالي الوحيد
الي هو
منصور
دخلته للميلس
وسرت اييب الجاي
لقيتهن كلهن في المطبخ
الي تسوي الفواكه وترتبهن
والي تعدل القهوة
والي الجاي
والي معابله الصحون والقلاصات
والي والي
الحمدلله جيش بنات
ينفعن في الاوقات الصعبه ^^
رجعت للميلس..
ودخلت على الحوار الساخن..
خالي: انت متاكد...
بو عبدالله: هالك الاوراق والصور وجووف...وهذا هو فحص ال دي ان ايه..الي هو مسونه..
زخ خالي هالاوراق بيد مرتجفه...
وبدى يطالع ويقارن
طلع
وطلعت انا وراه ابا افهم السالفه
خالي وبصوت مهزوز: ازقر امك يا سعيد..ازقرها...
دخلت وانا هب فاهم شي...
سرت..عند امايه
لقيتها يالسه تتامر في خواتي..
انا: اميه خاليه يزقر عليج..
لحقتني امايه
وسرنا جدا خالي...
وقف خالي وهو مرتبك..
امي: هلا بو محمد...اامر...
خالي: مريم...ولدج محمد...ولدج محمد هنيه...
امي تهاوت...بس زخت روحي بان زخت مقبض الكرسي
امي: منصور..مانيب حمل مزاح....
خالي: وانا جد مزحت هياج ياحرمه..
امي: ولدي مات...حصلوا ثيابه مقطعه...
خالي: ولدج هنيه داخل...
امي: وانت بتصدق اي واحد اييك ويقول لك انا ولد سالم..؟؟؟!
خالي: اقوولج هنيه..جوفي هالاوراق..وهالصوره...وهالفحص...جوفيهن يا حرمه..
يودت امايه الاوراق وهي ريلاكس..
بدت تقلب فيهن...
اميه: شوف يا بومحمد....مانيب معترفه فيه الا من عقب الفحص..الي اعرفه ان ولديه توفى ...وهذا ياي عقب 20 سنه ويقول انا ولدج...
ما يدخل المخ هذا...
خالي : الريال يقول انهم محصلينه في البر يوم انج وريلج نسيتوه....ورباه واحد من كباريه القوم...وكبر وهو شايل اسمه....
اميه: الي في الجدر بيظهره الملاس...وياخبر بفلوس باجر بيبقى ببلاش..والجذاب بنلحقه لعند باب بيته...انت قولهم ان نحن بنسوي الفحص وخلاف
يحلها الف حلال...
طلع خالي من يديد للضيوف
وطلعت هيايه
وقلبي خايف ومستانس
ابااه
ابااه يكون اخويه
وخايف انه يطلع غير الي اباه
مانيب قادر على هالحمل بزياده
8 خوات
محتايات لسند
وام
محتايه لظهر
قوي






بعد ايام


في المختبر
وقفوا جميعا بانتظار النتيجه




صقر...

مرتبك وحدي خايف
مانيب عارف افرح ولا احزن
طلعت الممرظه
وهي ماسكه الورقه بيدها
وقلبي فز من شافها
الممرضه وهي تكلم الي المفروض يكون خالي: النتيجه ايجابيه...الفئتان متطابقتان..
هنا..
صدمت
لالالالا
ما ابغي
اعرف من اكوون
انا ولد فضه
مانيب ولد وحده ثانيه
ماكلفت نفسها حتى انها تدور عني
واكتفت بالي قالوا لها
اني مت
بديت ارتجف
وصدمني
شخص
حضني
ودموعه ملت محاجره
رفع راسه وطالعني برجاء
سعيد: اخووووويه..اخيرا..تحقق حلمي...
طالعته بجمود
وتعابير وجهي قاسيه
رفع مستواه...
وباسني على راسي
والكل بارك لي...
وعلى هالمنوال
طلعنا








مريم



وقفت ارقبه وانا قلبي طبووول
اتصل بي منصور يقول انهم قريييب
عند الدوار
طلعت له في الحوش
وبانتي واقفات
وقفت
ومرت دقايق
كانهن ساعات في حسابي
و
سمعت حس هارن
دخل اخويه وولديه سعيد
ودخل هياهم
شخص
ظنيته سالم الله يرحمه
مشيت وبصمت
حضنته...
وانا دموعي هميله...
رفعت راسي اشوفه...
لقيته جامد...ونظراته غريبه...
فجني عنه بهدوء....
وحب راسي...
رجعت على ورى...
وجذبني صوت عذيجه وغاليه وهن يرمسن:
عذيجه: انا عذوج
غاليه: انا غاليو...وهذي عاليو ماي توينز
عذيجه : وهاي عزه والي حذالها عزيزه..وهذي عاشه....واخر العنقود الغلا
صح نسينا لعوده
واشرت على عفرا الي واقفه عطرف
غاليه: ورئيسه العصابه...عفرا
رفع راسه يجوف عفرا
وتجدم لجل يسلم عليها مثل ما سلم على باجي خواته...
مد ايده يصافحها
ردته...
عفرا: لييش رديت الحينه...ويييينك...لييش...وينك يوم احتايييت لك...وينك يوم انضرب وكرامتي تنداس..وينك يوم سعيد يتمنى الموت الف مره لانه مايروم يدافع عنيه...
لييش رديت هاا...لييش....
وربعت للداخل وانا
من قهري
حسيت بالدنيا ظلمه



الفصل للثاني




بعد هذه المقدمة المختصره للاحداث المهمه
لقصتنا نبدأ بالفصل الثاني


البارت الاول

زعزعة مشـآعر



بعد أسبوع


زخ قبضه شنطه سفره وهو يعدل من شماغه
ناظر في الوجيه الي حوله...
دموع ونظرات استرحام
عدى نظرات عيون ذباحه
نظرات فيضها كراهيه وحقد
نزل راسه وصرف النظر عن هالعيون
مشى ببطء وسلم على عضيده
وحول وبدى يسلم على الجيش الي ظهر فجأه في حياته



صقر...


بغيت اطلع وعطيتهم قفاي...
سمعت صوتها وهي تقول: محمد...تم .... لآتروح..
انا : اسمي صقر....كم مره قلت لك...
امي مريم: محمد...لا تهدني...
انا: قلت لك يمه...مانيب بمهاجر...راجع لك قريب..شويه مشآغل وارجع لكم...
قطعني صوت: الا قول شارد ومفتك من مسؤوليه وحمل ماني بقده...
لفيت بسرعه لصاحبه الصوت
تلاقت نظراتنا
انا وبحده: عفرا...تلايطي....
عفرا: اسكت بس الله يخليك..
اشرت لي بايدها باشاره ابتعد...ومشت راحت واختفت..
رجعت وطالعت في وجه امي وقلت بهمس: اجل تبغيني اجلس عندك وبنتك ماهيب طايقتني...
امي وهي تمسك يديني: اختك منصدمه...من ما طلقها ريلها وهي تتعالج من الاكتئاب الي صابها والاحباط..
انا: وانا وش سويت...قلت له طلقها...؟؟!!
امي: محمد تم....والي يعافيك تم...
انا: اوهووو...عندي شغل قلت لك...كلها اسبوع وراجع لك...
امي: قول والله....
قلت بامتعاض: ما احلف كذب....
امي: يعني ما بترد...
انا: يمه.....انا مادري بالغيب ولا لي علم به...احتمال تطرأ ظروف تجبرني عالجلسه..
امي: على راحتك...
لفت وجهها وهي حزينه..
طالعت في البنتين الي دخلوا قلبي بسرعه
عذيجه وغاليه
واخر العنقود الدلوعه غلا
اما الباقيات فلي جلسه تعريفيه معكم عنهن ان شاء الله بس مو الحين اول ما اطلع من البيت...
سلمت على خواتي
عذيجه وهي تبوسني على ايدي: لو تسمح اخي العزيز ...ازل عن راسك هذه السفره فانها تزيدك جمالا على جمال...
ابتمست بحياء هذي البنت ما تستحي....
كل ما اتذكر موقفها مع زوجها
احس بحرج...
سلمت عليهن بسرعه وطلعت
وصلني سعيد لعند الباب وهو مهموم...
وقبل ما اركب السياره مسك ايدي...
سعيد: الله يخليك يا صقر...رد...والله....والله انا...انا محتاي لك
واجهش بالبكا...
ضميته وانا قلبي يعتصر
ماعرف
مانيب ناوي ارجع
فكني بسرعه وعني ابتعد
وانا بدوري ركبت للسياره
جلست في المقعد الخلفي
لاني راكب مع سواق الليمونزين
هو الي بيوصلني لمطار دبي الدولي
رجعت راسي على الوراء
وانا افكر
في اخواتي
كل وحده عالم ثاني
دوله لوحدها
مع ان الام هي نفسها
والاب نفسه
والتربيه الي تلقوها
نفسها
بس كل وحده عالم بذاتها
عندكم عفرا
اختي الي تصغرني ب3 سنوات
مليئه بالحقد والكراهيه...تكرهني ماعرف ليه...
مع انها طيبه مع سعيد
ومع الكل الا انا
احس بها عنيده
استقلاليه
جريئه
ولكن
في شي
كسرها
هل معقووله طلاقها
وشهو سبب هالطلاق..؟؟!!
نروح لاختي عذيجه
مرحه
جريئه لابعد حد
مطيعه
وجميله جدآ
خدومه
والاهم انها استقبلتني
هي والاخت غاليه
نسخه منها سبحان الله
مو المفروض ان عاليه هي توأمها
غريبه
عاليه نقيض لتوأمها
حالمه
انطوائيه
ومفكره..اي انها تنتقد...
هههههههه تذكرت عزيزع وعزه وعايشه
الثلاثي الكوكباني
شخصيات اقرب للطفوليه منها للمراهقه...
يحبن الانيمي واليابان
ويجمعن كل شي متعلق عن هالبلد
اما الغلا
دلووعه
وذكيه
ولماحه
وهي تسمع كلام عفرا كثير
لذا
هي تبتعد عني كل ما حاولت اني اقترب منها
تبغي ترضي عفرا
على حسابي انا
تنهدت
وانا اتذكر كلمات اخوي
هذا اخوي الوحيد
ما اقدر
ارجع
ولا
اقدر اكسر بخاطره








في طرف اخر من الكون في الدوحه




جاسم


وقفت وانا اناظر في وجهها بغيض
كل ما احاول اقترب منها شبر تبتعد عني باع
وش فيها ذي
شلت الشماغ والعقال ومفتاح سيارتي وطلعت
مانيب قادر اجلس معها في نفس الغرفه
نزلت تحت
ولقيت اختي العنود
جالسه تقرى مجله الحوادث في صاله البيت
جلست وانا انافخ
العنود: بسم الله...شو فيك...
انا: بنت عمج نوره...ترفع الضغط وتفقع المراره..
العنود وبلا مبالاه: خلها عراحتها حاامل..
انا: الين امتى....تراني رجال ما اقدر اصبر...
العنود وهي ترمي المجله عالطاوله وتناظر فوجهي باهتمام: جاسم...في بطنها ولدك...
انا: ولدي ولدي ولدي...صجيتوني تراكم...بنت عمج ذي موب ناويه ترسيها على بر...
العنود: سايسها..
انا: كيف...
العنود: شوف يا جاسم...الازواج 5 انواع عند حدوث اي مشكله ...يوم اقولك الازواج اقصد النوعين...الرياجيل والحريم...
الانواع الخمسه هم كالتالي واسمعني بقلبك قبل اذنك يا جاسم...وتذكر بان هالانواع تطلع مع ظهور اي مشكله على الساحه الزوجيه...اسمع وافهم..
انا وباهتمام: اامري..
وقربت من اختي اسمعها بوضوح...
العنود: اول نوع...نسميه القرش...
ضحكت انا: القرش...
العنود: ئي القرش...حلو موو..
ابتسمت: حلو...
العنود: هالنوع سميناه في علمنا بشخصيه القرش كون انه يتخذ الموقف الدفاعي اي انه يدافع عن نفسه بشراسه سواء كان هو صح ولا كان عالغلط عااايش..
ويحرص على انه يتهم بالفاظ قويه ...وغالبا ما يستخدم هاللفظ..انت وانت وانت...ويهاجم بدون ما يعطيك مجال للدفاع
اي انه بين انك انت الغلطان...
انا: ئي..و بعد..
العنود: لا تقاطع..خلني اكمل على هون...
انا: صار..
العنود: وثاني نوع...هو شخصيه السلحفاه..وهو بالضبط مثل السلحفاه يدخل راسه للقوقعه ويتخبى فيه عن الهجوم
اي ان احد الزوجين في هذه الحاله يفضل الانسحاب..والصمت على الدفاع
اي يكون سلبي ولا يتكلم
نجي للشخصيه الثالثه ويسمونه شخصيه الدب الوديع وهو الي يهمه سلامه العلاقه الزوجيه مهما تكون النتيجه سلبيه او ايجابيه المهم ان المشكله تنحل ولو جات على راسه هو..
المهم عنده ان علاقته بالطرف الثاني تظل قائمه وما تتعرض لاي خطر وكدر
نروح للشخصيه الرابعه وهي الثعلب المكار
وصاحبها يتميز بالخديعه والمكر والخبث
ويتعمد انه يطلع بنتيجه معينه ولو كان هو الغلطان وان ناقشته ياخوي ما بتظفر منه بنتيجه
نروح لاخر شخصيه
وهي شخصيه الحمامه الحكيمه
وهي رمز الدهاء والذكاء...تعرف وش تسوي ومتى تسوي هالشي....بالاصح واختصارا للوقت...تعرف كيف تتصرف...وكيف يتكلم ويتصرف مع المشكله...
فهمتني...
انا وباريحيه: قصدج ان افضل شخصيه وفضل طريقه لحل مشكلتي اني اتقمص شقصيه الحمامه..؟؟!!
العنود وبمراره: لآلآلآلآلآلآلآلآلآ
انا: اجل..؟؟!!
العنود: كل شخصيه من الشخصيات السباقه نستخدمها في موقف معين...ما نقدر نعمم...لان كل موقف محتاج لشخصيه معينه...بناءا على شخصيه الي قدامك..وحالته النفسيه..فهمتني...
انا: ايوا....فهمت الحين..
العنود وهي تمسك ايدي: ساعات يا جاسم يكون من الحكمه انك تتقمص شخصيه السلحفاه....تسكت وتنسحب...وساعات
مثل الحمام...كون حنون....وحل مشكلتك بحكمه...
انا: بنت عمج....اتعبتني...
العنود: انتوا في بدايه زواجكم...لو قلت لك يا جاسم عن الحالات الي تجيني وش بتسوي...
انا وباهتمام: وش يجيج..
العنود وبخبث: اسرار المهنه هع هع هع ...
مسكت المجله ولفتها...
وضربتني بطرفها ومشت عني وهي تهز راسها بشويش...^^




(على فكره هالشخصيات نستخدمها نحن لحل المشكلات....من بعد تحليل المشكله..باختصار الكلام المكتوب هو كلام علمي بحت)





عفرا


دخلت لغرفتي وانا اشاهق
ما اقدر اصيح
لا....
ليه
ماعرف
كيف
جييه
حطيت قلبي عصدري
وانا حسه من زود ما يحتقر هالاخ
بيطلع من مكانه
كورت قبضتي وضربت به عصدري
اااخ
يالقهر
مشيت ببطء ويلست عالكرسي
رجعت راسي عالوراء
ليت واقعنا نفس القصص والروايات
ليت اغمض عين وافتح عين
والقى مشكلتي محلوله
ليت وليت وليت
للاسف ليت يفتح باب الشيطآن
وانا كرهي له بليا حد
تدرون احس به يشبه بطي
نفس الملامح الشيطانيه
نفس الحقاره
الي سارت تسري بجميع بني ادم
كلهم سوا
كل الريايل
ضربت بريلي عالارض
بطي طلقني
واخوي
الي يسمونه صقر
محمد
وت ايفير
شرد وهب راضي يتحمل المسؤوليه
قهر والله قهر
بس هين يا صقور
يا حمود
الي هو
ان ما خليتك
تهج
وترجع
من مكان ماييت
ماكون عفرونه
تساندت عاليدار ويلست عالارض كورت ايدي
الصوت مازال يردد نفسه
ما اقدر انسى
............................: حرام عليك ارحمني
....................................: جاب لاه...جلبي ويهج قتلج
ضميت نفسي ودفنت راسي
هب قادره ابعد الصوت عن راسي
لو حاولت ماراح اقدر طول العمر








بعد ايام






عبدالرحمن


قررت خلآص ومافي اي تراجع
وقفت بتشجع وبديت ادق بآب حجره ولدي
عبدالله
فتح الباب ووقف قبالي وهو مبتسم
شكله توه مخلص صلاه الضحى
ابتسم عبدالله: هلا ابويه حياك...تو مانور القسم
رديت على ابتسامته بابتسامه
دخلت وسرت يلست عالكنبه...
عبدالله وهو واقف عند راسي: اامر بويه بغيت حاايه....
انا: عبدالله....
عبدالله: امر...
انا وبتوتر: تحيد ذاك اليوم يوم انك تقولي عرس..
عبدالله وبابتسامه : هيه...
انا وبتلعثم: انا...انا قررت اعرس...
عبدالله وهو طاير من الوناسه: والله بويه..اخيرا ما بغيت..
اانا: لتكون انت المعرس وانا ماعرف...
عبدالله وبعتاب: ابويه انت بتييب لي ام...تعرف شو يعني ام...
سكت انا وما قلت شي...
عبدالله: ومن هي سعيده الحظ ان شاء الله....
انا وبارتباك: ام...ام محمد....
عبدالله: منو ...؟؟؟
انا: ارمله سالــم...الـــــــ،،،،،
عبدالله: ابويه بس عندها عيال....
انا: وشو تبانيه اخذ ياهل في العشرين...
عبدالله: لا بويه بس خذ وحده ماعندها عيال...
انا: لا بويه ...هالحرمه الكل يمدحها..ادب واخلاق وعرفت تربي بناتها وولدها...وانا لا خذتها واخترتها تراني هب مختارها من فراغ
عبدالله: والله برايك المهم تكون مقتنع...
ضحكت: حلوه بس لا تعيدها...
عبدالله: والله سوالف الشيبه
انا وبحده: شابت ضلوعك
عبدالله وبخوف: لا تدعي يابويه عليه....عن يستجاب
انا وبخوف: سم الله عليك...
ابتسم...وابتسم...
حبني عراسي..
قمت وانا اقوله: يالله لا تتاخر....انا بسبح عاسا نلحق عصلاه اليمعه.....
عبدالله: ان شاء الله
ظهرت وانا مرتاح
الحمدلله طلع صدق يباني اعرس
الدور والياي على عيال ام محمد
عسى بس يقتنعون ان شاء الله
ياخوفي من هالي وصل الحينه
شكله ماهوب هين



وفي نفس الوقت في طرف اخر من الامارات الحبيبه



سيف


وقفت عالسيف وانا ابتسم
تذكرت شكل حمدوه الدبه
اااخ يا عذابي وهي فاله شعرها
ليتني بس ارووم اوصل لها والمسه
لفيت ويهي وصديت صوب ربيعي حمود
قربت منه وهو مندمج يرمس فلآنه بالتيلفون
وفجأه
بووووووووووووووووو
عق تيلفونه حمود ونقز
حط ايده عصدره
انا: افففااااا...يالرخمه بلاك تناقز..
حمود وهو معصب: مسود بويهك ابوك...تضحك بعد..
انا وانا اضحك: هيه بعد شو..؟؟
حمود: ضحكت بليا ضروس الهرم..
انا: افااا...
حمود: جب لاه...خلني اتفقد احوال رعيتي...يغربلك....توني متعرف عليها وكنت بواعدها...بس ااخ عليك
هادم اللذات ومفرق الجماعات...
انا: جب ...ياخي اعقل اعقل..هب ياهل انت....عندك خوات خاف عليهن..
حمود وبلا اهتمام: والله محد ضربهن عايدهن وقال لهن ارخصن باعماركن وتعالن رمسن...
انا: ومحد ضربك عايدك وقال رقم...
حمود وهو فاج عيونه الذبوحيه: الله يخليك هذا ويه واحد يرقم..
طالعته وانا اضحك...شكله برئ لو كنت بنيه صدق بتخبل علبه...
انا وبتشكيك: كل هالزين وتقوول مارقم...
حمود وهو نافخ صدره: هيه فديتني مزيون من يومي...
انا: لا تغير السالفه....عيب عليك....بنات الناس هب لعبه...
حمود: والله ايام اول كنت ارقم بيني وبينك سيفوه يعني..بس الحينه البنيات هن قامن يرقمني..
طالعته بتشكيك...
حمود: والله...
انا: ما اصدق..
حمود: تبا تتاكد...
انا: لالالا...خلني بعيد احسلي واحسلك...عن تيرني لدربك الوصخ ها...
حمود وبعتاب: افاا...احينه انا وصخ...
انا وبصرااحتي المعوده: جوف حميدان...ترى اي واحد يلعب بعرض غيره شو ماكان فعيني هو وصخ وبيتم وصخ شو ما سوى وشو ما سبح وتنظف..
حمود وهو يحج حنجه بطرف صبعه: لا يكون عبالك اني....اسوي شي غلط هياهن.....
انا وبحرج: الللبيب من الاشاره يفهم..
حمود: والله يعلني الموت قبل لا اسويها....انا بس اتسلى ..لكن الحرام ما باطيه بريولي..
انا وباشاره اصرف فيها الفكره: شي راجع لك..لكن الزنا دين...
صديت عنه...ورفعت طرف كندورتيه...
دخلت للما بريولي
وانا محتآآآآآآر
من هالبنات الي قامن يرخصن باعمارهن
البنيه جوهره...دانه
دااانه الفرض ما تنكشف الا لراعيها
دانه ما يوصلها الا الطواش
الا الي يستاهلها
وعقوله بو سلطان:
كيف افرط في الهوى دانه






بعد ايام


عندمـآ تكره شخص..ويكرهك نفسه وبني جنسه ...تعيش في عآالم مظلم...عآالم ملئ بالاحقآآد على من هم من نوعه...


وقفت وهي كاتمه لغيضها...وتقذف السم من فيها


عفرا

وقفت وعيوني طالعه من المحجر من الغيظ...
انا وبحده : لالالالالالالالالا...
خالي: انزين شوي شوي...عطيني سبب واحد مقنع...
قلت وانا كارهه نفسي: بس جيه..خشمه عوود ما اباه...
خالي وبحده: الحينه تعيبين الريال لشكله...
انا: اووووف...ماباه..خلالالاص....
امي: عفرا...
انا وبصوت هادي: هلا امي..
امي: بتاخذينه....
انا: امي..ما...
امي: يوم بيرد اخوج من هناك....بيملج بج لافي...
حسيت نبضات قلبي تزيد
قلبي يتراقص في يوفي
اعضاء جسمي بدت ترتخي
رديت عورى
وضربت الطاوله
وما حسيت الا ان الدنيا ظلام....
وبايدي لي صبوعه تطايقن فجأه دون سابق انذار..
























الفصل الثاني

البارت الثاني





ظلمة ليل في وضح النهار..!!












بعد ايام


عندمـآ تكره شخص..ويكرهك نفسه وبني جنسه ...تعيش في عآالم مظلم...عآالم ملئ بالاحقآآد على من هم من نوعه...


وقفت وهي كاتمه لغيضها...وتقذف السم من فيها


عفرا

وقفت وعيوني طالعه من المحجر من الغيظ...
انا وبحده : لالالالالالالالالا...
خالي: انزين شوي شوي...عطيني سبب واحد مقنع...
قلت وانا كارهه نفسي: بس جيه..خشمه عوود ما اباه...
خالي وبحده: الحينه تعيبين الريال لشكله...
انا: اووووف...ماباه..خلالالاص....
امي: عفرا...
انا وبصوت هادي: هلا امي..
امي: بتاخذينه....
انا: امي..ما...
امي: يوم بيرد اخوج من هناك....بيملج بج لافي...
حسيت نبضات قلبي تزيد
قلبي يتراقص في يوفي
اعضاء جسمي بدت ترتخي
رديت عورى
وضربت الطاوله
وما حسيت الا ان الدنيا ظلام....
وبايدي لي صبوعه تطايقن فجأه دون سابق انذار..



مريم

ربعت وطلعت على طول لحجرتيه
شليت عباتي...والشيله والغطى
ومريت بسرعه على حجره عفرا
وشليت اغراضها وطلعت
لقيت منصور سابقني لموتره
لبستهن بسرعه وظهرت
ركبت ورى
وحطيت راس بنتي في حظني
ومن العيله نسيت اخبر بناتي عن ختهن وعن الي صار
ظهرت الغلا وانا فتحت جامتي وزاعقت: قولي لخواتج انا سرحنا صوب المفرق ختكن طاحت علينا من ايديد...
رد منصور ريس..وانا بديت اقرى عليها من يديد...
ماعرف مع اني اعرفها انها راضيه بقسمتها وانها تعرف ان كل شي قسمه ونصيب
بس حاله الاضطراب هالي عايشتنه شو سبته
ليش عايشه في احباط واكتئاب
ليييييش
وصلنا للمستشفى ونزلنا
شلوها بشبريه
ودخلنا
يلست انا عالكراسي
وراح منصور يجوف الاجراءات من بطاقه واوراق
والدكاتره والممرضات
مر وقت فيه كل شوي عذيجه وغاليه يتصلن فيه علينا
وياكلن هزبه من منصور
اما سعيد فمره اتصل وخلاص
ظهرت الدكتوره وهي تسال: لو تسمحون...ممكن ولي الامر...
تجدمت انا صوبها: هلا ختيه...
الدكتوره: ممكن اعرف السبب الي خلى المريضه تطيح عليكم...
انا وباحراج: ظرف عائلي...
الدكتورة: ظرف عائلي..؟؟!! شو هو بالضبط..؟؟
انا: لو بغيتج تعرفين كان رمست ولا عممت...
الدكتورة وهي منحرجه: اااسفه...بس الظاهر ان المريضه تلقت صدمات بما فيه الكفايه....والي صار لها من هالظرف العائلي عقولتج خلا
عقلها الباطن يترجم الصدمه ورده الفعل لها بان تفقد الوعي...انا ما اقدر اعطيج الاسم العلمي لها او الوصف التام لاني دكتورة عامه ومختصه فقط للحالات الي تي للطوارئ
انا عطيت المريضه ابره منومه وهي تحت الملاحظه بتكون لمده 24 ساعه...شكل اعصابها تلفانه...
تصنمت في مكاني...
وينك يا محمد
قصيت علي وكذبت
قلت بترد لي
وصار لك اكثر عن عشر ايام وانت مختفي
كل ما اتصل
يرد علي سكرتيرك ويقول بانك مشغول ولا في اجتماع ولا مسافر
ويييييييييييييييييينك..؟؟؟!!



بعد هذه الحادثه وفي الطريق السريع في الرياض
والذي يصل ما بين الررياض والمنطقه الجنوبيه
بدأت تلك السياره تنحرف..من نوعيه الجيب..
وقبل ان يدير الدسكون رن هاتف النقال..




صقر


مسكت الجوال وانا عيني عالطريق..
رديت عليه وانا مخصص له نغمه
انا وبصوت جاد: الو
مطلق: الو مين...
انا: انا عمو
مطلق: عمو مين...أؤلوه مين بيكلموه
انا: وجع...وش عندك..اهرج وخلصني...
مطلق: ههههه...يا شينك يوم تقلبها جد...
انا:قل وش عندك واخلص...
مطلق: تسوق...
انا: ايه اسوق...
مطلق: وين...
انا: بروح اشوف امي صيته...من زمان عنها وعن ابوي واهلي...
مطلق: ايه قلت لي...ابغي اخبرك بحاجه اخاف تتكدر وتزعل...
انا: قل وش عندك...
مطلق: الصراحه...اهلك وخواتك متصلين...امك اتصلت وهي تبكي...
انا: لا حول ولا قوة الا بالله...
مطلق: يا صقر وش فيك....ذولا هم اهلك...دمك...
انا وبحده: خلالاص...عرفنا انهم اهلي...
سكرت الخط بوجهه
ودخلت لقرقر
وبديت امشي ووراي الغبار يتصاعد
ماني بقادر اتقبل وجودهم في حياتي
بعد مده طويله وانا بين نارين...بين نار حبي لاهلي الي ربوني وبين نار العرق وحنانه للاصله والدم الي يمشي فيه
شفت من بعيد ظلال ورعان وبزران يلعبون وحولهم الحلال من بعران وغنم وغيرهم
وقفت سيارتي ونزلت منها وانا متلثم بشماغي
ورافع كم الثوب لفوق
مشيت وفتح عساف ايده الصغيره...
عساف: عمي صقر....
انا وانا اشيله بيديني الكبيره: حي الله عساف...
عساف: الله يحيك...نزلني ياعم..ماني ببزر لجل ترفعني لفوق...
ضحكت على كلامه البرئ...
انا وبخبث: اجل انت ويش..؟؟
عساف: انا رجال...
مسحت على شعره الي كان مغبر بشكل فظيع
مشيت عنه لخيمه الرياجيل بهدوء
مستغربين جيتي لهنيه...اكيد موو...
انا الله يسلمكم عشت طفولتي في الباديه...
في البر
في النقاء
في الصحراء...الي يطلع من صلبه رجال
ابوي
اقصد...ابوي خالد الي رباني
بغاني اتربى عالرجوله..من صغري
والرجوله ما تجي الا من مهدها
وهي الصحرا
راحه الظميان
الصحرا
راحه المهموم
وهنيه ربتني مره اسمها صيتا وشربت من لبنها عامين وتربيت عندها لمده 7 سنين
وفي هالفتره امي كانت تزورني بين فتره وفتره
هم اخوال ابوي الله يرحمه..ويصيرون اخوال امي بعد..
وبعد ما كبرت وصار عمري 7 سنين جا ابوي واخذني
ودخلت للمدرسه وعشت مع امي احلى سنيني
الى ما ان اخذ ربي امانته بعد 6 سنين وماتت
وانا في ال14 من عمري
وهذا انا
وصلت للي وصلت له الحين
خلنا على ارض الواقع
نبتعد عن الماضي وذكرياته
دخلت وسلمت عليهم
ودنقت على راس جدي وسلمت عليه ونفس الشي على راس ابوي
جلست جنب ابوي
مد لي شيبان بالفنجال..
شيبان: سم ..
انا:سم الله عدوك(ماعرف كيف ينقال عندكم بس انا قلت جيه هع )
جدي وهو يكلمني: اجل لقيت اهلك....
انا وبتوتر: ايه ياجد...
جدي: ايه...مد فنجاله لمستوى ناظر عيونه ..قعد يطالعه بشكل غريب وفجأه سكب القهوه الي فيه ناظرني بنظره غريبه وقال: عمره الدم ما يروح هدر...وعمره ماكان مثل المويه...
نزلت راسي كانه عارف بالي خاطري فيه....كانه دخل لمخي وعرف وش افكر فيه...
سكت انا وبديت ارمش...
جدي: اسال ابوك ...وهو اعلم منك ...
ابوي وهو يتكلم من بعد ما اذن له جدي: يا ولدي...انا ما تصلت فيك الا من بعد ما طلب عمك اني اتدخل..وانا عارف ااني راح امون عليك..وان كلمتي تمشي...
ومثل ما انت شايف..مافي حد غريب...كلنا هنيا اهلك ذولي خوانك والي تربيت وسطهم
انا وبصوت هادي: وش تامر به يابوي...انا من ايدك ذي لايدك ذي...الي تامر به يصير..
ابوي: مانيب بمتامر عليك...لان مالي الحق اني اتامر عليك...ولكني بنصحك...والنصيحه ان خذتها خذتها..وان تخليت عنها ..تخليت عنها
وانت ابخص بامورك
ابوي: عمك عقاب...ما اقدر اهرج مثل ما هرجلك ابوي ان دمكم واحد..اولا لان اصلا انت ما نت بولدهم..لانك ولد خالد وفضه وبس بلبن شربته من صدر فضه الله يرحمها..
وثانيها ان عقاب اخو ابوك من ابوه...
بس اسمع انت لهرجي واحكم
اسمع وانا بوك...اسمع لقلبك ولدمك الي اختلط بلبن امك وصار يمشي في عروقك ذي ...لا تسمع من حد ثاني...بيجونك ناااس ونااس تبغي رضاك لفلوسك..ولمنصبك..وانت بعقلك
بتعرف من يحبك لنفسك ومن يحبك لمالك....
عمانك اذووك كثير...مثل ما وصلت اذيتهم لنااس وناااس
بس خل قلبك انت الكبير وسامح عمك..وتنازل عن القضيه...
انا وبقهر الدنيا: كلمتك عالعين والراس يابوي...بس عمره الرجال الحق ما يتنازل عن حقه...ولو بالدم يجيبه...
سكت ابوي وسكت جدي...
رفع ابوي راسه من جديد: الله يهديك...
وقفت وانا مره محترق في داخلي ...
ابوي: والله ما تتحرك قبل الغدى...
جلست وانا كاظمن لغيظي وقهري







في منطقه اخرى


ريتاج

وقفت مثل المهبوله
اسمع لمطلق وهو يهرج لامي
مطلق: ولد اخوتس ذا...يتهرب منهن...مسكينات والله قلبي معاهن...
امي: والله ااذا اختك المسكينه يتهرب منها وهي مرته ومن ابوك الي يقوله عجل بالزواج...مابيخلي حريم ماصار له ايام وعرفهن....
مطلق وبشفقه: بس هن بلحالهن...ما عندهن غير اخ عمره 17 سنه...
امي: ماعرف وش صارله الشاهين كذا قلب فجأه....
رجعت بخطوتي للوراء
ورجعت لغرفتي
ما مو انا الي ببكي
لا
انا ريتاج
الرجه والدجه
ابكي
لالالالالا
عمره دمعتي مانزلت برخيص
قمت وانا مخططه للي راح اسويه
اجل يحقرني واسكت
لا يابابا
انا ريتاج والاجر على الله
قمت من محلي وانا اتميلح
تزلت وانا عامله نفسي كاني ما سمعت للهرج الي هرجوه
ودخلت لعندهم

وبدلال قلت لاخوي مطلق: طلوقي حبيبي...
مطلق وهو عارف حركاتي المكشوفه: خيير...
انا: مممممممم وش رايك تعزم صديقك...
مطلق: قصدتس تركي...
انا وباستهبال: ايوا...من زمان ياخي عنه...
امي وبحده: ريتاج...
انا: عيونها...
امي: استحي انتي في ذمه رجال...
انا وبحكمه: وانا وش قلت..ذا ولدتس...الي يستهبل يعني بالذمه لا قلت له اعزم صديقك...بقصد بكلمتي صديقك ذي من غير رجلي وتاج راسي...
ابتسمت امي..
مطلق: ايوا...وليه ما تعزمينه انتي..
انا: اوني استحي منه...
ضحك مطلق: انا اشهد انه ما يعرفتس...
انا : لا بالله يعرفني...
مطلق وضحكته تتزايد: لالالا
سويت نفسي زعلانه ومشيت..
لحقني..ومسكني من كتفي: زعلانه...
انا: لالالا
مطلق: اجل
انا وبلؤم: صديقك ذا..مفقع مرارتي..وحان وقتي انتقم منه..
مطلق: اجل خلينا نصلي الجنازه عليه...
شهقت وقلت بخوف: باسم الله عليه..ياجعل يومي قبل يومه...فالك ذا مره ما قبلناه...
ابتسم مطلق: تحبينه...
انا وبحيا غريب: ما للمرا مفر عن رجلها...والي تحب غيره...ماهيب ببنت رجال...
حظني مطلق وقال: يابخته فيتس...
ابتسمت ومشيت اركض لغرفتي...وانا اسمع صدى صوته وهو يقوول: ااخ يا قلبي متى راح احب كذا وانحب...
ااخ شكلي خربت باخلاق اخوي وقعدت هع
ما بقى غير اني ارتب باقي اموري
طلعت لي فستان حرير لونه اصفر
وطلعت مجموعه مسك من بودي شوب
ونزلت لتحت
ارتب امور العشى







في الليل...



في بوظبي

فتحت عيونها بالم...

تلفتت يمين ويسار مالقت احد
تذكرت الي صااار
وحست من يديد بتوتر
كيف تتصرف هي ما تعرف
رجعت غمضت عيونها بياس
واستسلمت من يديد للرقاد




في الدوحه


الساعه 8 مساءا وصل من مركز عمله لبيته وهو تعب
متفاءل
سيدخل للبيت وسيحكي لزوجته الكثير عن انجازات هذا اليوم
وسيلقى الكثير من المدح والثناء: جزاك الله خير...الله يوفقك..
ولكن مهلا يا جاسم هل نسيت
نورة ونسيت علاقتك بها...!!!
حقا انك عجولٌ بطبعك..



جاسم..


دخلت القسم بكل هدوء وانا متفاءل
اليوم طبقت شخصيه السلحفاه وانسحبت بهدوء مثل ما قالت العنود لي
قمت الصبح وسلمت عليها...
وهي طبعا مثل عوايدها من بدايه الزواج تنفر مني تلقي علي انا اقسى العبارات
ما قلت لها شي
ومشيت لجل سلامه علاقتنا
وبعد مده وانا في راس شغلي
دزت لي مسج اعتذار
وطنشتها
لقيت القسم بارد
ودخلت للغرفه
لقيتها مظلمه
وهي نايمه عالكرسي....
مشيت ببطء...
سلمت على راسها
وحملتها برفق
وحطيتها عالسرير..
فتحت عيونها: مين الي قالك تشلني....
لا حول ولا قوه الا بالله قلنا تغيرنا...بس الصبر زين يمدحونه
اناوبهدوء: خفت علي فبطنج
نوره: ايوا...ولدك
انا: نوووورة ماله داعي للمشاكل...ولا حنيتي من جديد للمشاكل بعد الاعتذار...او يمكن ندمتي على الاعتذار وحنيتي للي فقلبج من جديد...
حسيت بها انحرجت... شفتها تدخل للحمام وانتوا بكرامه...
قمت ورحت للحمام الثاني بدلت بسرعه قبل لا تطلع ورجعت تغطيت
طلعت نورة من الحمام...
دقيقه وسمعت صوت الباب وهو يسكر وراها
اخ يالقهر
وش اسوي
فكر يابومحمد
فكر عدل
ايوا
انت اصلن حبتين
انت اصلن احسن واحد
طلعت من القسم ومشيت لعند الدرج
سمعت صوت نورة وهي جالسه مع العنود اختي
مسكت جوالي ودزيت مسج للعنود
(انا مريض ابغي دوى)
ورجعت ركض لغرفتي
ابتسمت وجلست على ذا الحال مده لاباس فيها
الى ان دخلت العنود وبيدها صينيه
اختفت الابتسامه ذي
انا وبصوت كئيب: وينها بنت عمج ....العوبا...!!
العنود: عيب يا جاسم..
انا: ليه ما تجيبه هي مو زوجها انا..ولا على ايدينها نقش الحنا بنت راشد..
العنود: جااسم...انت مريض...
انا وبلا نفس: لا...
العنود: تختبر غلاك عندها...
انا: لا..
قعدت جنبي وهي تبتسم:
جاسم...اعرف انك ما نسيت صقر للحين...واعرف بانك تذكرها مثل ما انت تتذكر هالشي...بس ممكن انك تسمح لي اني اذكرك بانك انت نفسك رضيت انك تاخذ وحده
امر قلبها مو بيدها بيد ربها...بيدها انها تصونك...بيدها انها تحفظ عرضك وتخدمك..لكن امر قلبها لا تلومها...
رفت راسي لها وانا اتالم...
العنود وهي تكمل:
صدقني ياخوي...ان الحب يجي بالعشره...والكره يجي بالعشره بعد...
ناظرتها منصدم وانا اتمتم بصمت: بس مثل ماقلتي قلبها لغيري...
العنود:
اقدر اسالك سؤال ياخوي..؟؟
انا: نعم...
العنود:
ليش المره يوم زوجها يموت عنها وتتزوج من جديد تحب رجلها الجديد...
انا وانا اهز كتوفي: ليه....ماعرف...؟؟
العنود وهي تضحك:
لان هالشي فطري..من ربك رحمه...يخلي المره تحب رجلها...مهما كان..مانكر ان في بعض الحالات تكون فيه كراهيه بين الزوجين...
لكن انت تقدر تخلي زوجتك تحب التراب الي تاطيه برجولك....
ناظرتها بنظره متساءله...
العنود وهي تكمل :
مممممممممم نورة حبت ولد خالتها ....هذي مشكلتها ومشكلتك انك تبغي تسيطر عليها وتحبك انت وبس
هذي اول مشاكلكم
والمشكله الثانيه انها ماهيب فاهمه احتياجاتك لها ولا انت بفاهم حاجاتها لك
وانتو الاثنين مانتوا بفاهمين للحياه الزوجيه تمام
غير مشاكل
ثانيه ماهيب عالسطح..
انا: والحل...؟؟
العنود: والله ياجاسم...بذكرك اول شي بربك...ادعيه دايما في صلاتك ولا تنسى قيام الليل والصدقه ...
واذكرك بهالحديث والي يقول:
:رحم الله رجلا قام من الليل وأيقظ امرأته فان أبت نضح فى وجهها الماء -ورحم الله امرأة قامت من الليل وأيقظت زوجها فان أبى نضحت فى وجهه الماء "رواه أبو داوود باسناد صحيح
وفوايده كثيره منها:
اهمها انه يوحد القلب ويورث الرضا في القلوب في الله تعالى وبقضاءه وقدره
وتذكر ان اجتماعك بزوجتك ذا تحفه الملائكه وتزيد من بركه البيت والرزق ورحمه تنزل عليك من ربك وتنكتب انت وزوجتك من الذاكرين والذاكرات ليلتها...
والصدقه تدفع عنك البلاء....
انا: ان شاء الله..
العنود وهي تكمل:
جاسم..انت بنيت احلام ورديه وامال قبل زواجك وهالشي طبيعي...وبعدها انصدمت...ومثلك مثلها..يمكن هي ما بنت احلام لانها تحب كانت....
بس اي اثنين تو يرتبطون ببعضهم البعض اكيد بيتصادمون...
انت غلطتك انك تنتقدها كثير..وهي غلطتها انها لامباليه وانها تعصيك...
وانتو الاثنين غلطانين...
انا: ذالحين الغلط طاح عراسي..؟؟!!
العنود وهي تهديني: السموحه من ياخوي...
بس خلني اكمل...
انا وبياس: كملي...
العنود: جاسم ليه ما تكون انت البادي وتغير من نفسك..ليه ما تبني بينك وبينها جسر مشاعر ومحبه وتواصل..؟؟
انا: وكيف ابنيه وبنت عمج تكش مني..؟؟
العنود: عبر لها عن الي في خاطرك...قولها...قول انا احس بحزن..احس بالم..طلع الي فداخلك من الام...وهي بتشاركك ولو صدتك مره او مرتين...
لا تنتقدها هي بذاتها مثل ما تسوي دايما بكلامك الجارح...قول لها انا ماحب سلوكج ذا سلوكج يخليني احزن اتضايق ولا انا احبج لانج نوره...
هزيت راسي ببطء...
وقفت عنود وهي تبغي تطلع...
سالتها بتوتر: العنود..؟؟
العنو وهي تدنق مني: هلا...
انا: انتي قلتي ان نورة لها احتياجات خاصه تحتاجها مني وش هي...قالت لك...
ابتسمت العنود وقالت: عام 96 في الكويت كان في استبيان شارك فيه حوالي 200 شخص من المتزوجين قديما وحديثا والاسئله المنطرحه كانت لهدف واحد
ماهي حاجات الرجل من المرأه والعكس..؟؟؟
في اشيا اشتركوا فيها واشيا اختلفوا فيها
وانا بذكرلك الاختلاف
هي محتاجه منك انك تثق فيها وانك تحسسها بالامان...
يوم اقولك تثق فيها يعني لا تحسسها بانها نكره احترم رايها وقراراتها...شاركها في مشاكلك..ما اقولك انك تمحي شخصيتك بس انت زوجها وشريك حياتها مو شريك فراشها وبس...
يعني في ازواج يشوفون ان من الرجوله انهم هم الي يقررون ولو الزوجه اصدرت قرار او شي في البيت يلغونه ويستهزءون فيها وهذا اكبر غلط..
ويوم قلت لك الامان الزوجه ما تحس بالامان مع زوجها ليه...لانه يهددها بالزواج بزوجه ثانيه ولا لانه عصبي فتتوقع انه بيطلقها باي وقت...او لان كثير ما تسمع بان فلانه تطلقت او فلانه
جااسم...حاول انك تحتويها برحمه ..وتذكر انها ما بتتغير بين يوم وليله وان هالتغير يجيك بعد مده..قصيره ولا هي طويله...
ابتسمت لها بقهر ورجعت ونمت
من القهر والله






في الرياض


الرياح تتلاعب باطراف الستائر المخمليه الخارجه من هذه الشرفه...
وصاحبه الشرفه هذه واقفه امام المرأه
لتزيد من انوثتها انوثه
فهي الانثى الشيطانيه
اخذت من احمر الشفاه الفاقع..ولطخت بها شفتيها المغريتين...
لم تكحل عينيها سوى بالاثمد
وتركت خصلات شعرها لتنسدل بنعومه على جسدها
انها ريتاج
وما ادراك من هي ريتاج..؟؟!!



صقر


جلست اكلم مطلق ....بعد ما طلع عمي من عندنا...
مطلق وهو يضحك: الله يقطع سوالفك....ذالحين انت بتخلي خالي عقاب يتوب..؟؟!!
انا وبقهر: اجل وش تتوقع...اخليه يسوي الي يبغيه على حسابي انا..؟؟!!
مطلق: الاحسن انك تنسى خالي وتتفرغ لمشاكلك الثانيه..
رجعنا للطير يالي...
قلت له بقهر: مطلق...ارجوك...ماني بمصدق اني ما فكرت فيهم من الصبح الى ذالحين تجي انت تذكرني فيهم..؟؟ّّ
مطلق: احسن لك انساهم وعيش حياتك..
طالعته باستغراب...
مطلق: ايه..انساهم...كلمت امي اليوم..وهي قالت مادامك مانت بقادر تتقبلهم...الافضل انك تنساهم..
انا وبمراره غريبه: ايه الافضل انساهم...
فتره صمت مرت علينا فيه تخللت الكثير من الذكريات ذاكرتي الي صار مالها مكان لذكريات جديده
حياتي انقلبت
وماعرف من يشبه حياته حياتي
جزء من قصه هي
ولاهي حلم يقظه اعيشها بتفاصيلها الممله
ولا هي واقع مرير
من موت الام الي تربيت في حضنها
وفقد الحبيبه الي تمنيتها لنفسي
الى الاب الي مات وانا بعيد عنه
للعائله الجديده الي طلعت لي من تحت الارض
والاعمام الي كلوا فيني وعضوا
والزوجه الي انجبرت فيها
ومشاكل ما تنعد
ما اقدر غير اني اكون قدامها صخر ما يتحرك بسهوله
انتبهت ان مطلق محد
وقفت وبديت امشي في واتامل في ديكورات الغرفه بهدوء
مجلسهم كبير
مادخلته غير مرتين مره جيت لعزيمه مع ابوي الله يرحمه
ومره يوم ملكتي على ريتاج
ايه ريتاج
تصدقون لو قلت لكم اني ما قيد شفتها
ايه اذكر
شفتها
يمكن من 6 سنين
يوم كان عمرها 12 سنه او اصغر
وبعد كذا ما شفتها
حتى في الملكه ما شفتها
من زمان عنها وعن هبالها بالجوال
احس نفسي ظلمت البنت معاي
وقفت اتامل في قطعه اللازورد الخام الي حاطينه عالستاندر
دامج الالوان بشكل غريب
سبحان الله
لفيت وجهي
بعد ما سمعت صوت
واصدمت بجسم صغير
حضنت الجسم قبل لا يطيح...
انتبهت انه في شعر على ايديني ومغطيتها
وفجأه رفع الجسم راسه
وافتحت فمي مثل المهبول "’<
شفااايف حمرااااا
وخد ابيض بياض اللبن وناعم
انتبهت لصووت البنت
البنت: اووه اااسفه...ثوبك لطخته بالاحمر...
انا وبتوتر وااضح: ماله داعي للاسف يا......
ماعرفت الاسم فسكتت.
ريتاج وبدلع: ريتاج...
وقفت وانا منصدم...
ذي مرتي...
بديت اقيمها من راسها لرجولها
قدها متساوي...ومغري
الطول والعرض الي يسيح بالعقل
والعيون الحورا
كله كوم وشعرها كوووم
قربت مني ببطء وهي تحط ايدها على صدري...
ريتاج: ومن الي كنت متوقعها غيري...
تلعثمت وما عرفت كيف ارد عليها...
انا: ما..مـ،،،ــ،،اعرف.,..
ماعرف...كيف سحبت يدينها من على صدري وركضت للخارج وهي زعلانه...
ناظرت من جديد لمحل لطخه الروج الاحمر...
حسيت بنفسي يتقطع
كيف اهتز كياني وتلخبطت
ذي اول نظره...اول مره اشوفها...وانا الي عايفنها قبل ما اشوفها..ومسلم امر قلبي لغيرها
كيف..؟؟!!
انا اكيد من صدمه قربها مني بجرأه متوتر
بس المهم ذا الحين
انها خذت فكره خاطئه عني
وزعلت مني
.....؟؟!!





ثاني يوم...


رجعت فتحت عيونها بس المنظر غير


عفرا

حسيت بالم قااتل وصداع غريب ماله اثر او ماله مكان محدد
حلقي ناشف تلفت يمين حصلت امي وعاليه
ويسار حصلت غاليه وعزيزة
فتحت حلقي وقلت بالم: وينه بطي...
شفت نظره انكسار في عيون الكل
دفنت عزيزة راسها عصدري وقالت بالم: عفروه انتي مطلقه من شهور ولا نسيتي...
ايه صح..بطي طلقني
طلقني وباعني برخيص
ليييش
ليش خدعني وتزوجني من اساسه
ليش رضى برمسه ابوه...
شخصيته عدم
لجل يرضيه خذني ولجل يرضيه طلقني
لجل شهواته ونفسه الي حبها اكثر عن غيره
حطم حياتي
حطم سمعتي
هز كبريائي
وقتل كل حلم راودني
ما وعيت الا وبيدين عزيزة وهي تمث عني دموع القهر
صديت براسي وقلت بصوت مهزوز: ابا اطلع من هنيه
امي : الدكتور...
قلت وانا اصارخ: هب عكيفه...قلت انا ابا اطلع يعني انا ابا اطلع...
زختني امي تبا تهديني
بديت اصارخ بالقو: ما ابا ايلس هنيه
طلعووووووووووووووووووني
دقايق ودخلت الممرضه
ومع غرزه ابره قاومتها
غبت من يديد والدنيا اسودت





سيف



زخيت مقبض القاري الي ابويه يالس عليه وبديت ادزه عالخفيف...
انا وهو متعودين نتمشى سوى عالصبح
رواحنا
من ما انشل وريوله ماعادت تشلنه
صرت انا امشيه واطلعه هيايه بين فتره وفتره
ابويه وبصوت هادي: ريل اختك هذا عبود هب ناوي يظوي بختك...
انا وانا عارف طبع ابويه الصعب: لا..هب الحينه...
ابويه: عيل امتى...لا حجت البقره على قرونها ..؟؟
انا وبنفاد صبر: ابويه الريال عنده ظروف امكن...تريا عليه...
ابويه: دام ان ماعنده بيزات اشحقه ايي ويملج الحينه...
انا: لا اله الا الله...هب انت الي قلت املج..هو قالك خطوبه انت الي اصريت عالملجه...
ابويه وباستنكار: الحينه انا ....ماقووول غير انك مستوي عااق هالايام...
ردينا للطير ياللي....
سكت عن ننشب فبعض..
خلاص تعودت عالحياه الي جيه...
ابويه دوومه كافرن للعشير واحيد ان هالصفه نعتوها بالحريم
هزيت راسي ابعد هالافكار عنها
خفت اتجرأ وافاتحه بالماضوع..
هل افاتحه
ام ارقب الين ما يهدي واجله للعصر
ماعرف
بس خوفي منه يردني..
معقووله
لا ما اعتقد
اكيد بيفرح...
ابووويه وهو يزاعج: الحقنيييييييييييي يا صبي............!!




ردودكم ^^

 
 

 

عرض البوم صور نـوسـه  
قديم 18-06-08, 10:34 PM   المشاركة رقم: 3
المعلومات
الكاتب:
اللقب:
ملكة الرومانسية


البيانات
التسجيل: Dec 2007
العضوية: 58271
المشاركات: 3,072
الجنس أنثى
معدل التقييم: فروحه عضو بحاجه الى تحسين وضعه
نقاط التقييم: 25

االدولة
البلدUnited Arab Emirates
 
مدونتي

 

الإتصالات
الحالة:
فروحه غير متواجد حالياً
وسائل الإتصال:

كاتب الموضوع : نـوسـه المنتدى : الارشيف
افتراضي

 

السلام عليكم ورحمة الله وبركاته


هلا ومسهلا بـــ اصون الي يخون ...


حياك الله في ليلاس وخصوصا منتدى قصص من وحي قلم الاعضاء

اسعدنا انضمامك وتواجدك بينا ...

وان شاء الله تلقين كل الي يسرك ويرضيك .. من متابعة وتشجيع ..

وتلقين مبتاغك وغايتك هنا ...


(فرووحه)

 
 

 

عرض البوم صور فروحه  
قديم 19-06-08, 08:26 PM   المشاركة رقم: 4
المعلومات
الكاتب:
اللقب:

البيانات
التسجيل: Nov 2007
العضوية: 57220
المشاركات: 5
الجنس أنثى
معدل التقييم: نـوسـه عضو بحاجه الى تحسين وضعه
نقاط التقييم: 10

االدولة
البلدBrazil
 
مدونتي

 

الإتصالات
الحالة:
نـوسـه غير متواجد حالياً
وسائل الإتصال:

كاتب الموضوع : نـوسـه المنتدى : الارشيف
افتراضي

 

اقتباس :-   المشاركة الأصلية كتبت بواسطة فروحه 22 مشاهدة المشاركة
   السلام عليكم ورحمة الله وبركاته


هلا ومسهلا بـــ اصون الي يخون ...


حياك الله في ليلاس وخصوصا منتدى قصص من وحي قلم الاعضاء

اسعدنا انضمامك وتواجدك بينا ...

وان شاء الله تلقين كل الي يسرك ويرضيك .. من متابعة وتشجيع ..

وتلقين مبتاغك وغايتك هنا ...


(فرووحه)

وعليج السلام والرحمه من الله

هلا بج زود ختيه

الله يحييييج ويبقيج...اشكرج ختيه عالترحيب الطيب

والله اتمنى انيه الاقي الترحيب...بس الي متفاجأه منه انه 24 عضو حدر للماضوع ومافيه الا ردج..!!



اشكرج من جديد عالتشجيع الطيب اختي



دمتي بود

 
 

 

عرض البوم صور نـوسـه  
قديم 22-06-08, 11:52 AM   المشاركة رقم: 5
المعلومات
الكاتب:
اللقب:

البيانات
التسجيل: Nov 2007
العضوية: 57220
المشاركات: 5
الجنس أنثى
معدل التقييم: نـوسـه عضو بحاجه الى تحسين وضعه
نقاط التقييم: 10

االدولة
البلدBrazil
 
مدونتي

 

الإتصالات
الحالة:
نـوسـه غير متواجد حالياً
وسائل الإتصال:

كاتب الموضوع : نـوسـه المنتدى : الارشيف
افتراضي

 

الفصل الثاني

البارت الثالث




هروووب...ومواجهه







سيف



زخيت مقبض القاري الي ابويه يالس عليه وبديت ادزه عالخفيف...
انا وهو متعودين نتمشى سوى عالصبح
رواحنا
من ما انشل وريوله ماعادت تشلنه
صرت انا امشيه واطلعه هيايه بين فتره وفتره
ابويه وبصوت هادي: ريل اختك هذا عبود هب ناوي يظوي بختك...
انا وانا عارف طبع ابويه الصعب: لا..هب الحينه...
ابويه: عيل امتى...لا حجت البقره على قرونها ..؟؟
انا وبنفاد صبر: ابويه الريال عنده ظروف امكن...تريا عليه...
ابويه: دام ان ماعنده بيزات اشحقه ايي ويملج الحينه...
انا: لا اله الا الله...هب انت الي قلت املج..هو قالك خطوبه انت الي اصريت عالملجه...
ابويه وباستنكار: الحينه انا ....ماقووول غير انك مستوي عااق هالايام...
ردينا للطير ياللي....
سكت عن ننشب فبعض..
خلاص تعودت عالحياه الي جيه...
ابويه دوومه كافرن للعشير واحيد ان هالصفه نعتوها بالحريم
هزيت راسي ابعد هالافكار عنها
خفت اتجرأ وافاتحه بالماضوع..
هل افاتحه
ام ارقب الين ما يهدي واجله للعصر
ماعرف
بس خوفي منه يردني..
معقووله
لا ما اعتقد
اكيد بيفرح...
ابووويه وهو يزاعج: الحقنيييييييييييي يا صبي............!!
مشيت صوبه وانا كاتمن ضحكتيه
اونه زعل ودز بتاير القاري وطاح في الزراعه
مديت ايدني القويه وشليته...
زخيته بيد..وعدلت القاري بيد ويلسته
ابوويه: يغربلك من صبي..على امك..
تاففت..
ودزيته
مستغربين صح...
ابويه اتزوج على زوجته الاوليه وخذ امي بالغصب...
لان حرمته الاوليه ما اتييب عيال
وهي بنت عمه
اما امي...
خذاها بالغصب....
وبعد ما تزوج ابويه امي..وحملت
ماتت زوجته من القهر
وذاقت امي اصناف العذاب من ايدينه....
وهو للحين ما نسى
حتى بعد ما ماتت
صرنا نحن ضحاياه
رجعت للواقع عصوت شواخه ختيه
ابويه: وانتي اشحقه صابغه ويهج وعافستنه...؟؟
ارتبكت شيخه..
انا وبحزم: ابووويه بوديك صوب بيت الشعر..
مشيت به صوب الخيمه ويلسته...
اووووف...
خل ربعه ايوون ويفكوني من صدعته
رجعت ورحت صوب البراحه من يديد
لقيتها وااقفه بعدها...
مشيت وحضنتها
شيخه بصوت متهدج: ابويه ليش جيه..؟؟!
انا: تعرفين حالته...صعب...صعب ان الواحد يفقد هيبته وصعب انه يعتمد عغيره من عقب ما كان هو المتحكم والي كان الغير يعتمد به...
سكتت شيخه...
رفعت راسها بصبعي وتاملتها بحنان
انا: الله..كل هالكشخه حق عبووود....
شيخه وبعذوبه: لا تقول عبود اسمه عبدالله..
ضحكت انا..
وفجيتها..
اشرت لها بباي...
ورحت







فتحت عينيها بعد ساعاتٍ خمس مضت على اطباقها للاجفان المحترقه باللام العناء


عفرا

فتحت عيوني بالم
احس بغثيان وصداااع مؤلم
حاولت احرك ايدي اليمين بس حسيت بالم ونغزه
تفلت اجوفه لقيت اللابره مغروزة فيه
تنهدت بصوت عالي
واظن على النتهيده صحت عذيجه..
عذووج: بسم الله علييييج شوفيييج عفورتي..
وبدت تدمع...
ابتسمت لها بوهن...
عذيجه: ارمسي الله يخليج قولي شي...
قلت بصوت متقطع وواهن: الساعه كم...؟؟!!
عذيجه: هنتين الفير...
غمضت عيوني بالم...
انا: ابا ارد البيت...
عذوج: عفاري....الله يخليج...ارتاحي....الدخاتره ما بيظهرونج قبل اسبوع من الحينه...
شحت بنظري عنها لبعيييد..
عذيجه وهي تهمس في اذني:حرام عليج عفرووه..طلعي الي فخاطرج ..عالاقل ارمسي جانج ما تبين تصيحين...بس لا تكبتينه في داخلج..
هب زييين هب زييييييييييييييين...
انا بوهن: صكيهــ....ــاا من,..من..,دعنه....الله..الله يخلييـــ....ــج...
سكتت عذووج..
وانا رحت بذاكرتي لسنه من الحينه
لسنه من هاليوم
شليت باقه الورد...
ابا اعتذر له على كلمتي..
انا قلت له في لحظه غضب...
كريه...
وهالكلمه كبيره بالنسبه لي...
كيف اكرهه وهو حبيبي
وبيتم رغم كل الي صار حبيبي وقره العين
رغم عيوبه
خياناته
رغم كل شي
بيتم هو نبض الفواد


مسكت الباقه..
كانت بالوانها تفتح النفس
البرتقالي الدافي
مختلط بالوان الورود البيضا الباهته
تتخللها خرزات وكريستالات
وفراشات مثبته عاطراف بعض الورود
حضنت هالباقه كانها تحضن قطعه منها
مشت باطراف اصابعها لغرفته المنفصله
دقت الباب مرتين..
وما ان بغت تدق الثالثه
حتى فتح الباب...
وباستفهام...
عفرا: انا...انا...اااسفه..عاللي صار...
بطي وبلا مبالاه: لا عادي...ماصار شي..
حست بقهر...شو مايهمه شي هذا..
مايهمه اذا حبيته ولا لا..مايهمه وجودي..؟؟!!
عقب الباقه عالارض ومشت بقهر صوب حجرتها
ارتعدت فرايصها من صوته...
بطي: عفراااااااااااااااااااااااااا....
وقفت بدون ما تصد له...
بطي:. عفرا شلي الباقه وبلا دلع ماااصخ...هب متفيج لج انا....
نزلت دموعها...وبدى كيانها يتزلزل...
شلت الباقه بقهر ودخلت لحجرتها
عقت الباقه عالارض
وبدت تصيييييح من الخاطر


تنهدت وانا امسح هالذكريات من راسي
ااااخ...
عذيجه: يالله ارقدي باجر امي بتي لهنا وبتيب لج ثيااااب..
ارتعدت فرايصي
سري بينكشف...
لا....
المغلف البني
مابا احد يعرف عنه شي
تجمدت وانا اسالها: عذوووج ....لا...مابا....ثياب مابا....خلني جييه..انا....انا..انا مرتاحه...
استغربت عذووج مني..
بررت لها تصرفي بشرحي السخيف: تعرفين..ماحب البس اي شي..الا عذوقي..
عذوج: بس كل ثيابج عذووقج...
انا: ماحب وخلاص...
صديت بويهي وغمضت عيوني
وانا كل تفكيري منصب عالمغلف..
اخااف
اخاااف
حد يشوفه
ويعرف
يعرف سر الطلاق
ويعرف ليش
انا
انا...
خلالالالالاص
استسلمت للرقاد من يديد







في اليوم التالي





الرياض...




صقر...


لبست الجزمه وانتم بكرامه
بديت اربط الحبال بمهاره..
وانا فكري مشغووول
بالي راح اسويه اليوم
مانيب عاارف الحل...؟؟؟!!!
شبكت اصابعي والسبابتين قربتهن لشفايفي
ورميت كل ثقلي عذارعي الي تساند بركبي
وش الحل يا صقر
عمرك ما دخلت لدوامه مثل ذي
وش صاير لك...؟؟!!
انت الي كلمتك تهز رجال
صرت تهتز..بليا اسباب
كيف بليا اسباب
لا
اسبابي واضحه
عائله مانيب قادر اتقبل وجودها رغم انهم استثاروا شفقتي
زوجه مانيب عارف طبيعه مشاعري لها ومانيب عارف نهايه هالمهزله الي رضيت انا فيها ورسمتها بريشتي...
اعمام..او خيال اعمام يتصيدون الغلطه مني ....يبغون لي الدمار..
غير المشاكل الي راح اواجهها
مشاكل
مشاكل
مشاكل
اوهو لآلآلآلآلآلآلآلآلآلآلآلآلآلآلآ
انا صار لآزم اخذ لي استراحه من كل المصايب ذي....
قمت على طولي
ورتبت من هندامي وثيابي
رشيت من عطر لاكوست
ومشيت
خذت شنطه الشغل...
وملف الاوراق...
وطلعت من الجناح من بعد ما تاكدت من قفلي للباب
عبرت الصاله
ووصلت للدرج بديت انزل خطوه خطوه وانا بالي مو معي
انتبهت اني وصلت لاخر درجه..
وقفت جيسي
مدبره البيت...
ناديتها: جيسي....
جيسي: يس مستر..
انا: ما برجع للغدى..
جيسي: اوكيه سير...
طلعت من الفيلا للشركه على طول...
وقفت سيارتي بموقفي الخاص
ترجلت منها ومشيت للداخل
عند البوابه سلمت عالسيكيوريتي
وخذ الفراش الشنطه مني وسبقني لمكتبي
نزلت نظارتي الشمسيه
وانا امشي ببطء
كل من يشوفني من الموظفين يبتسم ويسلم
وانا فكري مشغوووول
بنورة ريتاج
سعيد وامي الي طلعت لي من تحت الارض
غاليه
عذيجه<<وش ذا الاسم
غلا
والبنات
صرفت الافكار يوم جيت اجلس عالكرسي
فتحت الزر الوحيد الي كنت عاقمنه<<وانقرضت اللغه ياشين الوحده يوم تبا تكتب بلهجه غير لهجتها تخرب الدنيا
حمود الفراش: اجيب لك القهوه طال عمرك..
انا: اي نعم...
وطلع من عندي...
رفعت سماعه التلفون...
انا: حولني عاللاستاذ مطلق..
سامي: دقايق طال عمرك..
دقيقه وصوت مطلق خرق طبلتي: سم طال عمرك...
انا: يا شينك لا قلبتها جد... الدور ماهوب لا يق عليك...
مطلق: ونا قلت كذا...خير وش عندك عالصبح..؟؟!!
انا: الخير بوجهك....غير كل ارقامي...وانا طالع اجازة...
مطلق: نععععععععععععععععم..!!
انا: قلت لك غير ارقاامي كلها..وانا طالع باخذ لي اجاازة....
مطلق: على وين ان شاء الله..؟؟!!
انا وبنرفزه: للجزيرة....
مطلق: ايوا...
انا: لا تقوول لابوك....اني بغير ارقامي ولا تقووله السبب..وااكد على عمتي...
مطلق: غالي والطلب رخيص..
انا وبتردد: وريتــ...وريتاج..ما بغيها تعرف برقمي الجديد...
مطلق وبضيق: امرك طال عمرك...
عرفت انه تضايق من طلبي الاخير...
اخته ما اقدر الومه
بس
ابغي راحه اعصابي
انعشتني ريحه القهوه العربيه
قلت له براحه: مطلق...
مطلق: سم..
انا: مطضر اخليك...بشرب قهوتي...
مطلق وبدى هبالته عالصبح: انا اشرب قهوتي مره لانك في الحلا زايد ولا اشربها بالمره....
انا: الا وانت متواجد...
ضحك مطلق وهو يقوول: اجل كيف تشربها وانا عنك بعيد...
ابتسمت: صوتك يكفي...ولا انت شاك بقدراتك..؟؟!!
مطلق: لا...لا...اشربها عليك بالعافيه ياخويه...
انا: يالله اخليك ذالحين..ناشبي انت نشبه...
وسكرت عنه قبل ما يتكلم...
رفعت الفنجان بحذر
وقربته من شفايفي
وبديت ارشف منه



في الدوحه




الساعه 8


العنود

نزلت من النيسان باترول
تاكدت من شكل النقاب
ومشيت بخطوات واثقه لمكتبي
وصلت لمدخل العماره ووقفت عند المصعد
في نفس الوقت
جا واحد ووقف جنبي
طبيعيا رجعت على الوراء
وهو انحرج ووقف بعيد عني...
فتح المصعد
وذلفت انا للداخل وضغطت على زر الاغلاق
ما انتظرته يدخل
وذا الي ناقصني
ضغطت على زر الطابق السادس
وتحرك المصعد للطابق المطلوب
انفتحت الابواب
وطلعت انا اروح لمكتبي
مشيت ببطء
وسلمت على موظفه الاستقبال
وضحا: اشلونتس العنود...
انا: زينه من شافناج..؟؟انتي اشلونج...شخبارج..؟؟
وضحا: منيحا.....
ضحكت ورحت لمكتبي
دخلت وحطيت الاوراق...
وانا انتظر المدير الجديد...
نحن مؤسسه خاصه يمتلكها احد المواطنين ويمولها على حسابه بالشراكه مع مواطنين اخرين
ولكن حصه اسهمه اكبر
نحن عباره عن مؤسسه اصلاح اسري
اي ارشاد اسري
ونحن محتاجين في كل منطقه لمثل هالمؤسسه وللدعم
المهم نرجع لمحور حديثنا
بما اني احدى الاستشاريات الاسريات وبالضبط استشاريه للحياه الزوجيه
لازم اني احضر الاجتماع الاول مع المدير الجديد
الي اكيد بيغير اشياء كثيره وكثيره
طلعت الملفات وبديت ارتب الاوراق
قبل ما اروح الاجتماع الي يمكن يبتدي مبكر او متاخر
فلازم استعد للاول مسترشد او للاول حاله
رتبت الكراسي
وجبت سله الشوكولا
ورتبت الصوفا والمفارش الي عليها
وجلست في مقعدي
انتظر
وانا فكري مشغوول بحال اخوي وزوجته
كيف احل مشكلتهم
المفروض ان المعالج ما يتدخل
بل انه يساعد المتعالج بانه يطلع الحلول الي في داخله
وهو ناسيها في فوضى مشكلته
حركت راسي ابعد هالافكار
لازم انسى مشاكل البيت وانا في شغلي
انتبهت لصوت الباب
دخلت وضحا
وضحا: عنيدي...قومي....المدير يبيتس الاجتماع ذالحين بيبتدي...
انا: ايه....بحلقج اسبقيني....
وضحا: لا ...رجلي عرجلتس....ودتس اقابل خشه سويرة لوحدي....دا فبعدتس...
ضحكت عليها وقمت....
نحن موظفتين اقصد استشاريتين و3 استشاريين
وموظفتين استقبال
وضحا ونهله
نهله في اجازة
اما وضحا فموجوده
مشيت وانا امسك بيد وضحا
ودخلنا مع بعض لغرفه المدير
ويا للهول
لم تصدق عيناي ما تريانه









الساعه 12




عفرا



قلت بصووت غااضب: امي قلت لج ابا اظهر
امي وبرحمه: لا....عدج...
وقفت وباعدت الايدي الممدوده....وبديت امشي وشوي بربع
الدكتورة: شوبنا عفرا...ماهيك الناس ببتصرف...
انا: لو سمحتي...اذا ما ظهرتيني اليوم والله والله بتجوفين الخبال بعينه...
الدكتورة: لا تخليني انده للتيرسات خلون يدوكي ابرا...
قلت بتسلط: جربي وجوفي من بيغرز الابار في من..؟؟!!
الدكتورة: لك يابنتي...
قاطعتها: قسم بالله ما فيني شي...ولهت عالبيت والي يعافيج ابا اظهر
الدكتورة: لك يابنتي...
انا وبهدووووء: هب بنتج...ظهريني ولا روحي بظهر وما يهمني حد...
الدكتورة: وبدك تتحملي مسؤوليتيك..
انا: هيه بتحمل مسؤوليه طلعتيه...
الدكتورة: متل ما بدك.....بنطلعك بس بدك توقعي على شويه اوراق
انا: وببصم كانج تبين بعد...
طلعت الدكتورة من هنيه واستلمتني امي من هنيه..
امي: اشحقه تبين تظهرين...
ما رديت عليها...
وقمت ادور على عباتي
وهي تتحلطم فوق راسي
طنش تعش
دخلت الدكتورة بعد 20 دقيقه وهي شاله اوراق بيدها
الدكتورة: وقعي هوني..
مسكت القلم وبديت اشخط عليه...
خلصت الاوراق
ويتني الممرضه وشلت الابره عني...
وعلى نهايتها
طلعنا...









في الوقت ذاته


رن هاتفه النقال
فاذا به يرى رقما من الامارات العربيه المتحده
دوله الاحرار
استغرب
ولكنه ضغط على الزر الاخضر ليجيب على المتصل


محمد(بو مطلق)

انتظرت دقيقه...وبعد كذا وبصوت واثق..
انا: السلام عليكم...من معي...
المتصل: وعليكم السلام والرحمه...منصور الــ،،،،،،،
منصور...منهو منصوور..!!
انا: يا هلا بك .....
منصور: هلا بك زود...اشحالك بو مطلق....ربك الا بخير..
انا: زين زان حالك....اسمحلي اخوي ماعرفتك..؟؟
منصور: ..مسمووح...انا خال محمد...اقصد صقر...
اوه تذكرت...
انا: ياهلا يا هلا....وشلونك...
منصور: بحمد وسهاله ما نشكي باس...
انا: جعله من حالن مديم...
منصور: هياك....
فتره سكون عمت....
فحبيت اكسرها: واشلون العيال...؟؟
منصور: بحمد الله...طيبين...من صوبكم اشحاله صقر...
انا: والله كلهم بخير...انتم اشلونكم..
(كله اشحالكم وعلومكم ياخي غيرو السالفه)
منصور: والله الحمدلله....الغالي بغيت اتخبرك عن صقر...له مده ما يتصل...
انا وبصدمه : هو بخير....انتم ما اتصلتوا فيه..؟؟!!
منصور: والله نحن نتصل به كله مش موجود او برع ومشغول...واليوم كل ارقامه مش مستخدمه ومغلقه...
حسيت بوجهي الوان....
انا: بشوفه لك وبرجع اتصل فيك...
منصور: يزاك الله الف خير..امه تحاتيه حليلها......
انا: طمنها...وما يكون خاطرها الا طيب...
منصور: مشكور الغالي...سامحنا عطلناك..
انا: مسموح....ومشكور عالاتصال....
منصور: العفو.....اخليك عاده تكمل اشغالك...
سكر عني قبل ما تكلم
ذا الولد وش فيه...
ليه ما يرد عليهم
ليه
الهرج ما يفيد معه




الساعه 3 ظهرا


في الطريق ما بين الرياض و الطائف
كان يقود سيارته بسرعه جنونيه...
متجاهلا رنات جواله




صقر


تجاهلت الجوال...وركزت في السواقه..
اتصلت في الجزيره الي امتلكها وقلت لهم لو احد اتصل فيكم قولوله اي نعم وصل
بس قافل على نفسه
في الكوخ
وما يكلم احد
ووصانا ما نحول له ولا مكالمه
تبغون تعرفون وين انا رايح
رايح لمزرعتي
في الطائف
محد يعرف عني
وعن اجازتي الي بقضيها في المزرعه
بدل عن الجزيره
الي اوهمت مطلق وعمي محمد بها
ضربت عالدركسون براحه ايدي
تماشيا مع نغمات الاغنيه الصداحه
ساعه بالكثير وانا في المزرعه
خففت من السرعه
في محطه بنزين قريبه
ابغي انزل واخذ لي شي
قربت منه
ووصلت له
وقفت سيارتي
ونزلت
دخلت للمحل
وخذت لي عصير فراوله
بالحليب
وقطعه بان كيك
وغلفه مويه
رجعت للسياره
وانطلقت من جديد للهدف
مرت الدقايق علي كانهن ساعات
ووصلت لمدخل المزرعه
اندهش الحارس مني
وفتح الباب....
اقصد الباب الكبير..
وقفت عنده ...
انا: واشلونك يا صابر..
صابر: فل الفل يابيه....
انا: صابر....اذا جاك حد او اتصل...انا مانيب موجود...
صابر: حاضر يا بيه..اوامر تانيه....
انا: قول لفهمي(الحارس الثاني) وفهمه الي قلت لك عنه....
صابر: على امرك يا بيه...
ووضربت على البنزين اكمل
مشيت حوالي ميه متر لقدام...
في طريق ترابي
تحفه من الجانبين شجره الديماس
ووصلت للمزرعه
ميدان واسع
فوسطه نافورة
وقبال هالنافوره فيلا
وعلى جانب الايمن للفيلا ببعد سبعين متر تقريبا الاسطبلات
وعلى يسار الفيلا
بنص كيلو متر اي خمسين متر
حضاير الغنم والنوق وقفص الحمام
والطاوووس والنعام
والعمال وغرفهم
حطيته في اخر المزرعه
بعيييد عن الفيلا
مشيت بسيارتي ووقفتها ورا الفيلا
في الحديقه
اسف اسف كثير يا ورودي
ويا اعشاب توك ما نبتي
دست...عليتسن
والمتتسن
بس غصب عني
غصب عني
ترجلت من سيارتي
الساعه 4
والجو ياخذ العقل في الطائف
حطيت الكاب في سيارتي
ولبست نظارتي
جلست امشي بين هالعشب والورود
الحديقه الي ورا الفيلا
من تصميمي
خليتها مفتوووحه
ومحفوفه عالاطراف بشجيرات ورود الجوري
وعلى اقصى يمين هالحديقه
حطيت لي شجره سنديان كبيره وعملاقه
وعليه
علقت مرجيحه
بحبل متين وثقيل
مشيت لعنده
وومسكت طرف هالحبل
وفجأه
لمعت ذكرى النوري بنت خالتي
كانت لمن تجي لعندنا
هي وامها
كنت اجيبهم لهنا....
وكانت تجلس على الحبل ذا
تتمرجح
وساعات
كنت المحها
وهي تضحك بفرح
وبضحكتها
اضحك انا....
والقهر
انها صارت لغيري
وانا
ماعرف وش جنيت بنفسي
ماعرف
هل ظلمت نفسي
ولا ظلمت البنت الي مالعا ذنب
لكن...الذنب ماهوب بذنبي
الذنب ذنب ابوها
الي زوجنيها
عرضها علي
وانا من خجلي
ورجولتي
ما قدرت ارفض
ماقدرت ارفض طلب رجال عرض بنته علي
ومن هي بنته
وحيدته قلبه الي ينبض
ماعرف وش هي نهايه قصتي
وش الي بيصير



في طرف ثاني

الرياض


بعدما خرج من غداء العمل الذي ذهب اليه في سبيل تمهيد الصفقه التي سيعقدها مع الشركه الاستراليه توجه فورا لمنزله...
وعند وضعه لرجله الاول لتخطي عتبه باب المنزل صارخ قائلا: مطلق....مطلقققققققق يازززززززززففففففففففت.........

مطلق
جريت وانا مفزوع...
جاني احساس بحرب العالميه الثالثه..!!
نزلت ولقيته واقف ووجهه ما يبشر باي خير...
ذا الحين بالله عليكم
الوجه البرئ ذا زفففففت
الجمال الطبيعي ذا زفت
الله يسامحك يبه
وقفت باحترام
راميا دجتي ورجتي وراء ظهري
لكيلا اتعرض لصدمات نفسيه
اجبته برفق: سم يبه...ذاني جيت..
ابوي: تعال وراي المكتب..
طالعت وراي ولقيت ريتاج ماسكه يدها على قلبها
اشرت لي ب امش
ابتسمت لها
وطلعت لها لساني(وانتوا بكرامه)
ومشيت
دخلت المكتب بكل هيبتن ووقار
ووقفت امام مكتبه الضخم
وهو جالسن وراء كومه الاخشاب هذه
سالني بصوت مرتفع مملوء بمزيج من الغضب والغرور:
صقر...غير ارقامه...؟؟؟
ااخ لقد وقعت في المصيده...حسنا لاواجه العدو وحدي
وساصفي حسابي معك...يا ابن خالي العزيز لاحقا
انا: ايه يبه....غيرهن...
ابوي: ولييييييييييييييييييييييييييييه ان شاء الله.....
انا : والله مدري...
ابوي: لا..اذا انت ما تدري اجل من الي يدري...
حسنا حسنا..فلتتمهل...لست انا بصاحب هذه الارقام اللعينه...لاغيرها بارادتي
ابوي: ما بكرر سؤالي.....
انا: يبه...اساله بنفسك...
ابوي: وانا وين القاه لجل اساله..؟!!
انا وانا احك راسي : مدري يبا...
ابوي: لا....رجعنا لمدري وتدري وادري....بتستغفلني انت....تحسبني ما ادري عنك وعنه...
انا وباستسلام..حسنا لقد فاز الرجل العجوز..واصبح هرقل زمانه
انا: الجزيره...
ابوي وباستغراب: الجزيرة...
انا: راح للجزيره..يبغي يرتاح له كم من يوم هناك..
ابوي: يرتااااح..؟؟!!
احسست بنفسي غبيا وانا امثل دور الابله
انا: اي يبا هو ما قالك انه بيمشي للجزيره..؟؟!!
ابوي: هو قال لي اجازة ايام بس ماقال انه بيذلف للجزيرة..؟؟؟!!
انا: حسبتك تدري يبا....
ابوي: ذالحين ابغي افهم...ولا تقول ما ادري...
يا الهي لقد تركني ذلك المعتوه في وجهه المدفع لوحدي لاجابه العدو
حسنا حسنا
انا: سم يبا..وش الي ما قدرت تفهمه..؟؟!!
ابوي: ليه ما يرد على امه وخواته...هن يتصلن وهو لاهي عنهن..لييييه..؟؟؟
ااااخ...لقد لمس الوتر الحساس..
انا وبتردد: ما..ماعرف يبا...
ابوي وبتجهم واضح: ما تعرف هاا....اجل....انا الي اعرف....
سكت فتره
وقال وهو يقووم: كم رقم الهيلق ..؟؟؟
قلت له بتردد:***********
سجله على نوته
وطلع
جلست في مكاني وانا مشدوووه
الله ياخذك يا ابليس
ما توقعته عصبي
دقيقه ودخلت ريتاج
ريتاج بصوتها الهادي: وش صاير....
انا : رجلتس....
ريتاج : وش فيه...؟؟؟
انا: تركني في مصايب...ونفد بجلده...
ريتاج: مطلق....تكلم..قوول وش صااير...
انا: تارك خواته...وتاركني مع ابوتس اواجه غضبه لوحدي..
ريتاج: الله يهديك يا صقر...الله يهديك...
مشت وهي تهز راسها باسف
للاسف
لقد تركني
وانا لا اعي
شيئا مما يدور في خاطره
ويجول في راسه
ذلك الصقر
اتعبني




في اليوم التالي...



الحاديه عشر صباحا...



عفرا...
يلست اسمعهم وش يقولون
خالي منصور: هذا رقمه********
امي: فديته وربي..عطني عطني بتصل به...
شلت التيلفون عنه واتصلت
رن
رن
ولا اجابه
قريت الحزن والاحباط في عيون امي
احسن
خلهم يعرفون معدنه
هه
غاليه: اماايه يمكن هو مشغغول
امي: هيه مشغوول..اكيد...فديته...
هييل الي يسمونهم الاغبياء
رفعت راسي وقلت بحده:ههههههههههههههههههههههههه.....مساكين...وبتمووون طول عمركم مساكين...
طالعتني امي..
وعذيجه حطت يدها على فمها..
وقفت وانا اكمل: عمركم ما بتاخذون حقكم...عمركم ما بتقدرون انكم تدافعون عن اعماركم
غاليه: عفرو شفيج..؟؟!
انا: يعني قاصين على اعماركم ...ظاهر مثل الشمس...ما يباكم...ما يبا قربكم...ندم ليش انه عرف اصله
ندم ليش انه هب ولد الي ربوووه...
افهموها مايبااااااااااااااااااااكم...
كلهم ساكتين
انا: لا تطالعونيه ....اقوول الحق...دومكم تظنون بالناس الخير....الله خلق النفوس....النفس المطمئنه...اللوامه والاماره بالسوء...
نسيتوا هالنفس الاماره بالسوء...
اذكركم بخيباتكم...اذكركم باعمامي الي ظنيتوا بهم الخير
الي عطيتوهم وكاله عامه
وبلعوا كل شي
وزين ان هالبيت باسمج اماايه
كان بلعوه بعد
اذكركم بمالكم
بحلالكم
اذكركم
ببنتكم الي رميتوها على ولد عمها
اذكركم بالامي
اذكركم بسهر الليالي
اذكركم
بالسحر الي سحروني
به
التلبس الي تعرضت له
شتبوني اخبي
اخبي القهر
الحزن
وش اخبي...
وهذا هو ولدهم
فيه عرجهم
ما راح لبعيد...باعكم وهو بعده ما تعرف على قومه عدل..بعده ما تعرف على بطي واخوانه..
خالي: خلصتي ..؟؟
انا: لالالالالالا...ما خلصت.....تبون ولدكم...روحوا تلصقوا به...شرى لصق العنزروت....
روحوا له....
طالعتهم بقهر...
ورحت لغرفتي
علني افج هالضيقه
مشيت بياس صوب الكبت
شليت الثياب المجسفه
وسحبت الغلاف البني الي تحته
بتردد بغيت افتحه
لكن لا...
رجعته من يديد لمكانه
ااااااااااااااااااه







الساعه 6 في ابوظبي


كان جالسا في براحه بيته(الشغل عدل هنيه)
بجانبه يجلس جابر(يابر) ابنه البكر والذي يبلغ من العمر 19 عاما
وابنه ناصر الذي يبلغ من العمر 14 عاما
وابنته خلود 11 عاما
واخر العنقود فيصل 2 سنه
وزوجته حمده
هو منصور



منصور


خذت الفنيال من يد الحرمه
ويلست ارشف منه بشويش
ربع فيصل ويلس في حضني
حطيت ايدي عراسه وبديت العب بشعره وانا مستانس...
رن تيلفوني
شفت رقم بو عبدالله
شليته ببطء
وانا اوخر فيصل عن حضني
رعصت عالزر الخضر: السلام عليكم
بو عبدالله: وعليك السلام والرحمه...شحالك بو يابر..
انا: بحمد وسهاله...من صوبك..؟؟؟ربك الا بخير...
بو عبدالله: الحمدلله طيبين والله...مشغوول ولا..؟؟
انا: لا والله....
بو عبدالله: عندك حد..
انا: لا والله...الاهل..
بو عبدالله: عيل بتصل بك خلاف....
انا: لالا..الحينه بقووم من مكاني..
قمت ورحت صوب الشيره العوده شيره اللوز
ويلست تحته
انا: صرت روحي...ارمس تفضل...
بو عبدالله: زاد فضلك....
مرت فتره سكوت بيني وبينه...
بو عبدالله: يا بو يابر ما عرف جيف ابتدي برمستيه...
انا وكسبيل تخفيف: تفضل باي طريقه تعيبك هي..
بو عبدالله: انت تعرف بانيه ريال مالي حرمه...وانيه محتاي لحرمه...وولديه صار ريال وبيعرس جريب..وانا محتاي لوحده تونس وحدتيه واونس وحدتها
حسيت بروحي لتخبط
ليكون ياي يخطب عفرا...
بيخطبها...!!!
بو عبدالله وهو يكمل: الصراحه..انت تعرفني عدل وتعرف انيه ربيع المرحوم سالم ان شاء الله...وتعرفني زين....
انا وببفاد صبر: هيه اعرفك...
بوعبدالله: زين..الصراحه طالب القرب منكم..بغيت...............



يا ترى هل ينجح صقر في نسيان ريتاج..امه وخواته..؟؟


من التي سيخطبها ابو عبدالله...؟؟!!

وهل ستوافق عفرا..؟؟؟!!



سيف....الى متى سيخفي عن ابيه حبه لحمده..؟؟؟

والى متى سيتحمل هذا الاب..؟؟!!وحبروته..؟؟

 
 

 


التعديل الأخير تم بواسطة نـوسـه ; 22-06-08 الساعة 12:41 PM
عرض البوم صور نـوسـه  
 

مواقع النشر (المفضلة)

الكلمات الدلالية (Tags)
ليتني عرفتك, أنــا وأمي وزوجهــا
facebook



جديد مواضيع قسم الارشيف
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 08:17 AM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية