كاتب الموضوع :
الرومانسى الحزين kolawa
المنتدى :
الارشيف
اقتباس :-
المشاركة الأصلية كتبت بواسطة الرومانسى الحزين kolawa  |
الحلقة الثانية : من برنامج لقاء مع سحلية ....( بدون زعل )
الرومانسى : وينتجدد اللقاء بكم اعزائى التماسيح وعزيزاتى السحالى مع برنامجكم ( لقاء مع سحلية ) ...... وحلقتنا اليوم مع سحلية عزيزة جدا على قلوبنا .... تقلدت الكثير من المناصب العليا ...... رحبوا معى برئيسة مراجيح مولد النبى والشاعرة الكبيرة لميس ....... مرحبا بكى لميس .
لميس : انا اولا بحب اتشكرلك على الفرصة النضيفة دى ..... وبدحرج التماسى على جمهورى الفريش ...... مساء السلطة ياحبايبى .
الرومانسى : احم ...... استاذة لميس كلمينا عن اخر اعمالك .
لميس : انا بالصلاة عالنبى بحضر قصيدة شغاله اسمها يابت بموت فيكى ...... حوار بين واد والبت بتاعته .
الرومانسى : طيب ممكن نسمع جزء منها .
لميس : اه وماله ميضرش .... اسمع ياكوتش ....... الواد بيقول للبت ايه : يابت بحبك وحبك زود همى ..... ردى عالنوبايل حرام ماتحرقيش دمى .
الرومانسى : الله الله .
لميس : البت بقى بتاعته تقوله ايه : قلبى بماسورته طفح طرطش على كمى ..... ادينى ميسد كول وارحم عذاب امى .
الرومانسى : الله الله ...... طيب حضرتك ايه انواع الشعر اللى بتحبيه .
لميس : ياعينى على شعر العتاب .... مثلا الشاعر نوفل ابو خطوة قاللك ايه : كان بينا شوق ومحبة راحت بلوية بوزك .... الله يحرق المحبة ويحرق اللى يعوزك .
الرومانسى : الله الله ..... كفاية ارجوكى هعيط ....... طيب حضرتك مبسوطة فى منصبك الجديد كمديرة لمراجيح مولد النبى .
لميس : والله يااسطى مش جايبه همها عشان كده فتحت صالون حلاقة يوكلنى .
الرومانسى : طيب ممكن حضرتك تكلمينا شوية عن حياتك .
لميس : زى ايه مثلا يابرنس .
الرومانسى : ههههههههههههههه حياتك العاطفية مثلا .
لميس : اخ منك ..... ولو انها حاجات خصوصية بس هقولك ..... فى الحقيقة انا مخطوبة وعندى ولد وبنت .
الرومانسى : نعم ؟؟؟؟ ازاى مخطوبة وعندك ولد وبنت .
لميس : لا ياحاج متفهمش غلط الله لايسيئك ..... انا كنت متجوزه قبل خطيبى ومات جوزى وقتلت خطيبى .... قصدى خطبت خطيبى .
الرومانسى : طيب حضرتك تحبى تختمى البرنامج بأى حاجه .
لميس : اه طبعا ببيت شعر .
الرومانسى : ابوس ايدك بلاش ..... خللى الحلقة تنتهى على خير .
لميس : اسمع بس دى حاجه راقيه .
الرومانسى : امرنا لله ومنه لله اللى كان السبب .
لميس : الشقاوة حاجه حلوة .... والغباوة حاجه شينه ..... والحياة مليانه حب ...... والبلاوى كتير علينا ...... بس برضه هفضل اقول ..... شعر ياما وربنا ينجينا .
الرومانسى : والله ربنا ينجينا فعلا ..... نشكرك ونتمنى لكى سهرة سعيدة .
لميس : هى سهرة سعيدة بعون الله ..... هروح المطعم اضرب واحد كشرى وقزازتين بيرة يانجم .
الرومانسى : شكرا والى اللقاء .
|
هههههههههههههههههه جامد حوارك والله ..
مع اني مش متابعة البرنامج ...
بس ماحدش يفتكر اني تبع التماسيح .
طبعا تبع السحالي الحلوة هههههههههههههههه
|
07-06-08, 10:39 AM
جديد مواضيع قسم الارشيف
العرض العادي
