المنتدى :
الشعر والشعراء
وين انت ؟؟؟
وين انت يالي كل ماغبـت عنّـي
احس نفسي فاقـد ٍ كـل حاجـه
كنك النعاس لجفن عينـي وكنّـي
اطلب لجفني مع نعاسـك مواجـه
ابتمنـى لـو مـافـاد التمـنـي
حتى يجي للسيل منـك اندراجـه
الى متى والحـظ معـك امتدنـي
والا مع غيـرك يولـع سراجـه
واطياف زولك لأقبل الليـل جنـي
ياقوم حتى الطيف ماصعب مزاجه
وانا امتهني دامك انـت متهنـي
مع مزاجـك للضميـر اندماجـه
مانيب بمن هو من فضاوه يغنـي
اللي يضيّع صيدته فـي عجاجـه
انت الوحيد الـي بهمـه شغلنـي
لو هو مرض ماني مدور علاجـه
لنك على شفـي وذوقـي وظنـي
والناس كل ٍ عارف ٍ وش خراجه
بس الوكاد ان العـذر دوم منـي
اصبر ولا كني اشـوف العواجـه
غلاي لك عن رغبتـي ممتحنـي
بيني وبين منازعك تقـل صاجـه
عجزت اجامل ناس واضحك بسني
يامن على الاحساس حكّم سياجـه
ارجع يامن هو كل ماغاب عنـي
احس نفسـي فاقـدً كـل حاجـه
|
26-05-08, 11:58 AM
جديد مواضيع قسم الشعر والشعراء
العرض الشجري
