المنتدى :
الحوار الجاد
مشكلتي .. وياريت تساعدوني في حلها
السلام عليكم حبايبي ...
انا مشكلتي عويصة شوية او يمكن انا اللي مخلياها كدة مش عارفة المهم انا احكلكم واشوف رايكم
عندي واحدة صحبتي هي بصراحة من اعز اصدقائي .. او كانت من اعز اصدقائي ..
بس هي بصراحة تصرفتها ترفع الضغط .. يعني انا بؤمن ان مفروض نستحمل الصديق بعيوبه ..
بس لو عيوبة غير محتملة ؟؟؟؟؟؟
يعني صحبتي ديه مرة انتقدتني زيادة عن اللزوم او هو مش انتقاد ديه كانت سخرية.. لدرجة ان انا عيطت مش عارفة ايه الحساسية اللي نزت عليا فجأة مع انا دايما ادخل من الودن ديه اطلع من الناحية التانية ..يعني عمري ما زعلت من حد...
واليومين اللي فاتوا كانت تصرفتها بصراحه لا تطاق .. يعني بتدخل في حاجات مالهاش دعوة بيها .. يعني اكلم صحبتي التانية في حاجة تقولي بتكليموا في ايه وتفتكرني بتكلم عليها .. الواحد يعمل ايه بقى معاها اقنعها اني ما بتكلمش عليها بس ما فيش فائدة ... وبجد انا ما بتكلمش عليها ..
وبعدين فكرت انا اقولها ان تصرفتها ديه بتزعجني بس مهما تقوليلها مافيش فائدة ..تقولك اسفة وبعدين ترجع تاني ..
انا من يومين بصراحة فكرت اني اقطع علاقتي معاها ... بس المشكلة ان هي معتبراني اعز صديقة ليها وخايفة تنجرح جامد ... وكمان المشكلة التانية مامتها وهي صاحبة ماما وهي بتتدخل في كل حاجة بيني وبين صحبتي .. يعني لو قاطعتها هتروح تقول لمامتها وتعملها مشكلة كبيييييرة .. وكمان تروح تكلم ماما وتقولها ان انا جرحت بنتها جامد ...
يعني بجد مش عارفة اعمل ايه قولولي ..لو انتم في موقفي ده تعملوا ايه؟؟؟؟؟؟؟؟؟؟
|