لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > قسم الارشيف والمواضيع القديمة > الارشيف
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

الارشيف يحتوي على مواضيع قديمة او مواضيع مكررة او محتوى روابط غير عاملة لقدمها


بلابل على اطلال العشق المهجورة .......

اصدقائى واخوانى واخواتى ....... يشرفنى الانضمام لقسمكم الرائع ...... ربما عندما يرى احدكم اسمى يتذكر التقصير والاهمال ........ اعذرونى ...... اعلم

 
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 22-05-08, 05:45 PM   المشاركة رقم: 1
المعلومات
الكاتب:

البيانات
التسجيل: Jun 2007
العضوية: 32542
المشاركات: 3,158
الجنس ذكر
معدل التقييم: الرومانسى الحزين kolawa عضو بحاجه الى تحسين وضعه
نقاط التقييم: 23

االدولة
البلدEgypt
 
مدونتي

 

الإتصالات
الحالة:
الرومانسى الحزين kolawa غير متواجد حالياً
وسائل الإتصال:

المنتدى : الارشيف
افتراضي بلابل على اطلال العشق المهجورة .......

 

اصدقائى واخوانى واخواتى .......



يشرفنى الانضمام لقسمكم الرائع ......



ربما عندما يرى احدكم اسمى يتذكر التقصير والاهمال ........




اعذرونى ......



اعلم اننى كنت اكتب جزء بسيط من القصة او الرواية ولا اكملها ولكن اعدكم ان اكمل هذه الرواية وفيها ان شاء الله ماتحبونه ........



وجدير بالذكر من جانبى اننى تعلمت الكثير منكم خاصة الاخت اقدار والاخت قال الزهر آآآه ....



ارجو متابعتى ولن اتأخر عليكم ابدا ان شاء الله وسألتزم فى هذه الرواية بأذن الله ..........



تحياتى لكم ...... واترككم مع الرواية ......














اسم الرواية / بلابل على اطلال العشق المهجورة .


كاتب الرواية / الرومانسى الحزين kolawa




المقدمة :




الحب ......


كلمة من حرفين ..... حرفين فقط ..... الا ان كل حرف يأخذنا لعالم اخر .....



فالحاء .... حنان وحنين وحياة وحرية ولكنه ايضا حزن وحسرة وحرقة ........



والباء .... بناء وبشارة وبراءة ولكنه ايضا بكاد وبعد وبغض ......



ولما كان الحب صانع للمعجزات ويبث فى الروح الامل ويطيل ساعات السعادة ويدفع بنا لمجد كان فى الماضى مجرد حلم واهى ........ لذا يقترب من اراجه كل القلوب ..... نعم ..... فالحب ابراجه عاليه ....... الحب بناء ضخم لبنته الاولى لحظة عشق وقبول .......



ولكن ماذا لو هدم هذا الصرح العالى وصار اطلالا ؟!!! ....... عندئذ ستبتعد القلوب لوهلة خوفا من ضياعها وسط اطلال هذا الصرح ولكن سرعان ماستجتمع تلك القلوب ثانية وستدعو كل بلبل شهد على لحظات الحب الوردية ...... وسيبدأ العمل ...... ولن تبدأ الصورة فى البزوغ والاكتمال الا عند بدءاول مشهد فيها فقط ......



انه المشهد الاول الذى يبدأ كلما تهدم صرح الحب وكلما سقطت نفس اللببنه التى لاتنكسر ابدا ...... مشهد قديم ....... قديم جدا ...... الا انه بات المشهد الاول فى كل صورة اردناها واضحة لتأتى القلوب ثانية وتسكن صرح الحب العظيم ........ مشهد اختفى فيه الجميع الا بعض البلابل ...... انها بلالل لطالما شهدت معجزات صنعها هذا الصرح الرائع ...... وهاهى تظهر عند كل مشهد يعيد بناء هذا الصرح المتهدم مؤقتا .......



انها ( بلابل على اطلال العشق المهجورة )









الجزء الاول ( حياتها وحياتى )




جلس حسن على شاطئ البحيرة كعادته يفكر ..... كيف يؤمن الناس بكلمة حب على الرغم من كونها كذبة كبيرة ؟ ...... تحيطها هالة لامعة تسر الناظر اليها .... كيف يصدقون وجود تلك الكلمة اصلا ؟ ...... كيف يجعلون القلب لها موطنا وهو لايعرفها ؟



امسك حسن قطعة صغيرة من الحجر ورماها فى البحيرة ولا زال يفكر ...... ان كان للحب وجود فعلا .... فلماذا لم يقع فى هذا البحر الطيب كما يصفه الجميع ؟ ....... كيف لم يتذوق قلبه طعم هذا الحب على الرغم من وسامته ومطاردة الفتيات بالنظرات والهمسات له كلما جال فى مكان ما ؟....



قطع حبل افكاره صوت اخته نورا وهى قول بمرح : ( ايه ياسى حسن .... اللى واخد عقلك ياسيدى )



ابتسم حسن وهو يقول : ( اهلا نورا .... تعالى اتفضلى ..... خير ..... اى رياح طيبه بعتتك لينا ياست الكل ) .



تتابع نورا بنفس المرح : ( الحاجه ياسى حسن .... الست الوالدة حضرت الغدا وبتسأل عن الدكتور حسن ) .



حسن يضحك ويقول : ( ياه .... دكتور ..... انتى هتخلينى دكتور بالعافية ..... ماخلاص راحت ايام الطب لحالها ) .



نورا بتعجب ومرح : ( انت اول واحد اشوفه يبقى خريج طب ورافض لقب دكتور ) .



حسن بجدية : ( مش مهم ابقى خريج طب وخلاص يانورا ..... المهم انا بمارس المهنه دى فعلا ولا لا ..... بطبق اللى اتعلمته واساعد بيه الناس عشان ينفعهم ولا لا ) .



نورا بشفقة وتعاطف : (هو مش انت قدمت طلب عشان تشتغل فى مستشفى المدينة اللى اتباعت لدكتور كبير من مدة قريبة ) .



حسن بيأس : ( وايه يعنى ..... دى مش اول مرة .... انتى ناسيه انى قدمت تلات مرات قبل كده واترفضت ؟ ) .



نورا بتفاؤل جم : ( بس انا بقى حاسه ان ربنا هيكرمك ان شاء الله ....... خاصة وان المدير الجديد بيدور على الدكاتره الشابه ) .



حسن بنفس اللهجة اليائسة : ( اتمنى ) .



نورا بأشمئزاز مختلق : ( ياساتر عليك يااخى ....... بلاش التشاؤم اللى فيك ده ) .



حسن بأبتسامة باهتة : ( والله ماهى حكاية تشاؤم او تفاؤل يانورا ...... كل مافى الموضوع انى ببص للأمور بنظرة واقعية ..... يعنى مابحبش ابنى احلام وفى الاخر اصحى الاقيها كومة تراب ) .



نورا : ( طيب وليه متحلمش وتحاول تحقق الحلم ده ...... يعنى مثلا انت اشاب الوحيد اللى شفته محبش لغاية دلوقتى ) .



حسن بسخرية : ( حب ؟!! ..... اهو دا اللى ناقص .....اسيب حياتى بقى واقعد اجرى ورا كلام فارغ وحاجات هايفة ) .



نورا بجدية : ( الحب عمره ماكان حاجه هايفة ياحسن ....... ياما ناس كانت حياتها ظلام وضلال وموت وجه الحب احياهم من جديد .... وياما كان فيه مستحيلات والحب بس هو اللى حولها لحقيقة ) .



حسن بأبتسامة : ( الله الله ...... دا انتى بتقولى شعر بقى ياست نورا ....... اللى يشوفك كده وانتى بتتكلمى يقول انك بتحبى فعلا ) .



نورا بمرح : ( انت بتقول فيها يااخويا ....... بس للأسف بقى لسه ملاقيتش الراجل اللى يستحق انه يملك قلبى ...... بس وعد ..... ووعد الحر دين عليه ...... لو لاقيت ياحسن الراجل ده هتبقى انت اول واحد يعرف ) .



حسن يضحك : ( ياريت ياشيخه ييجى بسرعة عشان نخلص من فلسفتك اللى واجعه بيها دماغنا دى ) .



نورا تضحك : ( بقى كده ياسى حسن ...... طيب تصدق ان انا غلطانه انى جيت اقولك انى عاملالك صينية البطاطس باللحمة اللى بتحبها ........ بس احنا فيها ..... ابقى قابلنى لو خدت حتة واحدة حتى ) .



حسن يضحك وينهض واقفا ويقول : ( بجد ؟! ...... بطاطس باللحمة ؟ ....... طيب يالا نلحقها بسرعة ) .



نورا تشير بسبابتها بمرح طفولى وتقول : ( لا يادكتور ...... انسى ....... مش قبل ماتقدم اعتذار رسمى موثق بفلسفتى وعبقريتى الملحوظة ) .



حسن يجلس على ركبته ويلوح بيديه بطريقة مسرحية : ( اشهدى ياشمس الحياة اننى ابصم بالعشرة ان الاستاذة نورا فيلسوفة محترمة وعبقرية ..... كما اتقدم لها بأسمى ايات الاسف وارفع معانى الاعتذار لما بدر منى فى حقها ) .



نورا تضحك وتقول بمرحها الطفولى المعتاد : ( اخجلتم تواضعنا ياابنى ...... كلامك دا خلانى اتنازل واسامحك واسمحلك بطبق صغير من البطاطس وقطعة لابأس بها من اللحمة ...... بس ياريت نقوم بسرعة عشان الحاجه واخواتك مش هيخلوا الصينية اصلا .... انت عارف طبيخى بقى ) .



حسن يقوم ويشد اخته ويجرى وهو يقول : ( طيب يالا بسرعة ) .



يضحك الاثنان ويسيران نحو منزلهما ......




*********************************************



نشوى تصلى صلاة الصبح وتجلس على مكتبها تحضر بعض الاوراق ..... وتدخل عليها امها ......



الام بأبسامة كبيرة : ( صباح الخير يانشوى ) .



نشوى ترد عليها بأبتسامة انيقة وتقول : ( صباح النور ياماما ...... اتفضلى ) .



الام : ( انا بس لاقيت نور اوضتك منور قلت اجى اصبح عليكى ) .



نشوى بهدوء : ( اصلى بحضر اوراق طلب نقلى لمستشفى المدينة الجديدة ياماما ....... مدير المستشفى اللى انا شغاله فيها وافق مبدأيا على نقلى لمستشفى المدينة ) .



الام بقلق : ( والله يابنتى انا مش شايفه مبرر للنقل ده ..... انتى شغاله كويس فى المستشفى دى ...... وبتاخدى مرتب بيكفيكى الحمد لله ....... لازمته ايه النقل ده بس ) .



نشوى بأبتسامة كبيرة : ( ياماما ..... المسألة مش مسألة فلوس او راحة فى الشغل .... انا دكتورة ياماما ........ ولازم اكون موجوده فى اكتر مكان اقدر اقدم فيه المساعدة ...... ومستشفى المدينة كبيرة ومفيهاش خبرات ...... ومين عارف جايز ربنا يكرمنى فى المستشفى دى ) .



الام بأستسلام : ( هقولك ايه بس يابنتى ..... انتى ادرى بمصلحتك منى ........ ربنا يكرمك يارب ويوقفلك ولاد الحلال ) .



نشوى بأبتسامة كبيرة وبقبلة على رأس الام تقول : ( ربنا يخليكى ليت يااحلى ام فى الدنيا يارب )







اصدقائى انتهى الجزء الاول من الرواية



انتظروا قريبا الجزء الثانى وارجو ان تنال اعجابكم



تحياتى لكم جميعا

 
 

 

عرض البوم صور الرومانسى الحزين kolawa  

قديم 22-05-08, 06:00 PM   المشاركة رقم: 2
المعلومات
الكاتب:
اللقب:
كاتب
عضو قمة


البيانات
التسجيل: Jan 2008
العضوية: 61073
المشاركات: 2,843
الجنس ذكر
معدل التقييم: شرف عبد العزيز عضو على طريق التحسين
نقاط التقييم: 52

االدولة
البلدEgypt
 
مدونتي

 

الإتصالات
الحالة:
شرف عبد العزيز غير متواجد حالياً
وسائل الإتصال:

كاتب الموضوع : الرومانسى الحزين kolawa المنتدى : الارشيف
افتراضي

 

مرحبا بك اخي الرومانسي الحزين ، اهنئك بدخولك عضو في منتدى القصص من وحي الاعضاء وكاتب فاضل ، ويسعدني كثيرا ان أرى روايتك في هذا القسم ، بداية قبل كل شئ انت شاعر فاكيد ستصبح روايتك في غاية الرقة لانك تحمل كلمات الحب والعشق والهوى والقهر والشغف في قبضة قلمك البناء ، جذبتني بداية الرواية واكدت لكل من سيقرأها بانك شاعر متمكن وكلماتك رقيقة ، لكن لدى تعليق حول اسلوب الكتابة اي سرد القصة ، هناك نقطة اسمحلى ان اوضحها لك ، حضرتك كتبت الرواية بالاسلوب العامي رغم ان حضرتك تمتلك الكلمات كلها وتستطيع ان تكتبها باللغة العربية لست اقصد الفصحى بل بلغة ليست عامية ، في الادب ولاسيما في الفن الروائي تنقسم الرواية الى قسمين اولا الكتابة الادبية ، والكتابة الغير ادبية الا وهي اللغة العامية ، بالتأكيد هناك روايات وقصص نجحت وحازت على جوائز عدة وكتبت باسلوب الكتابة الغير ادبية ، لكن اخى انت تمتلك موهبة جميلة ليس اي انسان يمتلكها لما لا تستخدمها في رواياتك، .............. اتمنى الا اكون ازعجتك برأيي وبشكرك كثيرا على قصيدتك التى اهديتها لى باسم حاسك ، تعليقي على الرواية سأتركه حتى الانتهاء من قرائها كاملة تقبلي مروري وشكرا

 
 

 


التعديل الأخير تم بواسطة شرف عبد العزيز ; 22-05-08 الساعة 06:06 PM
عرض البوم صور شرف عبد العزيز  
قديم 22-05-08, 06:10 PM   المشاركة رقم: 3
المعلومات
الكاتب:

البيانات
التسجيل: Jun 2007
العضوية: 32542
المشاركات: 3,158
الجنس ذكر
معدل التقييم: الرومانسى الحزين kolawa عضو بحاجه الى تحسين وضعه
نقاط التقييم: 23

االدولة
البلدEgypt
 
مدونتي

 

الإتصالات
الحالة:
الرومانسى الحزين kolawa غير متواجد حالياً
وسائل الإتصال:

كاتب الموضوع : الرومانسى الحزين kolawa المنتدى : الارشيف
افتراضي

 

مرحبا شرف

بداية اشكر لك كلامك الانيق ولوحتك الجميلة التى عبرت عما يدور بداخلك نحوه والذى احترمه واقدره لك بشدة

ثانيا اسمح لى ان اوضح لك السبب
السبب ببساطة اخى انها التجربة الاولى العامية لى واريد ان ارى رأيكم

وخاصة اننى قصرت فى حق هذا القسم تحديدا بالتقصير الدائم فى كتاباتى وانوى بصراحة الالتزام مع هذه النخبة الرائعة

وان ان كنت اعشق الشعر والخواطر الا اننى امجد الرواية ايضا واحاول ان اكون قريبا منكم بالاسلوب العامى المصر


اما عن القصص المكتوبة بالفصحى
فانا الحمد لله كتبت من قبل سلسلة اسمها القلب الباكى

وفى مجال المسرح كتبت لمسرح الجامعة عندنا مسرحية بأسلوب الادب العالمى


مشكلتى اخى اننى ضعيف جدا فى الروايات والقصص واحاول ان اتعلم من المبدعين هنا امثال اقدار وقال الزهر آآآه

هم اساتذة بحق


ومشكلتى اننى اعشق القلم وليس الكيبور
لذلك معظم مااكتب على الورق فقط


تحياتى وشكرا لمرورك اخى الحبيب

 
 

 

عرض البوم صور الرومانسى الحزين kolawa  
قديم 22-05-08, 06:22 PM   المشاركة رقم: 4
المعلومات
الكاتب:
اللقب:
كاتب
عضو قمة


البيانات
التسجيل: Jan 2008
العضوية: 61073
المشاركات: 2,843
الجنس ذكر
معدل التقييم: شرف عبد العزيز عضو على طريق التحسين
نقاط التقييم: 52

االدولة
البلدEgypt
 
مدونتي

 

الإتصالات
الحالة:
شرف عبد العزيز غير متواجد حالياً
وسائل الإتصال:

كاتب الموضوع : الرومانسى الحزين kolawa المنتدى : الارشيف
افتراضي

 

اخي الرومانسي ، اشكرك على ردك وانا على استعداد كامل في مساعدتك في اي شئ تحتاجه لتنمية موهبة كتابة الرواية والقصة ، ولا اكذب عليك باني في البداية كتبت بالاسلوب العامي واستخدمت نفس اسلوبك بالضبط لكن بفضل قرائتى المستمرة حول الفن الروائي وتعلمي على يد كتاب عظام وورش كتابة ساعدتني كثيرا حتى اصبحت استطبع الكتابة باي اسلوب واصبحت اجيد كتابة السيناريو ايضا وانت على علم بأنه يحتاج الكتابة بالاسلوب العامي فبذلك استخدمها ايضا في كتاباتي ، مع العلم اني لم اكتب شعر طيلة حياتي وقرائتي فيه قليلة ونادرة ولم اجيد فن المسرح اطلاقا لكن احترمه كثيرا واقدره .......... اتمنى ان اقرأ مسرحية من تأليفك .......... احترامي لك وشكرا

 
 

 

عرض البوم صور شرف عبد العزيز  
قديم 22-05-08, 06:31 PM   المشاركة رقم: 5
المعلومات
الكاتب:

البيانات
التسجيل: Jun 2007
العضوية: 32542
المشاركات: 3,158
الجنس ذكر
معدل التقييم: الرومانسى الحزين kolawa عضو بحاجه الى تحسين وضعه
نقاط التقييم: 23

االدولة
البلدEgypt
 
مدونتي

 

الإتصالات
الحالة:
الرومانسى الحزين kolawa غير متواجد حالياً
وسائل الإتصال:

كاتب الموضوع : الرومانسى الحزين kolawa المنتدى : الارشيف
افتراضي

 

ان شاء الله اخى الحبيب

قريبا انزل سيناريو اكشن وكوميدى ومسرحية

تحياتى لكى

وشكرا لعرض المعاونة

 
 

 

عرض البوم صور الرومانسى الحزين kolawa  
 

مواقع النشر (المفضلة)
facebook



جديد مواضيع قسم الارشيف
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 04:34 AM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية