كاتب الموضوع :
أمـ مجروح ـل
المنتدى :
القصص المكتمله
--------------------------------------------------------------------------------
) الفـــــصل العاشـــــر (
الجــــــزء الاول
عند السياره وبعيد عن اجواء الفوضاء
رد حمد بهدوء : كنت متوقع انك راح تدقين
000: 00
حمد: شخبارك؟
00000000
حمد : اذا ما تكلمتي راح اسكر
ميـــــلاف بدلع : وش تبيني اقول
حمد : انا سألتك شخبارك ما رديتي علي
ميلاف بدلع : تمام
حمد: أي الحين حلوه 00طيب قولي لي وش اسمك
ميلاف : لازم يعني
حمد : يعني وش تبيني اناديك 00طيب لا تقولين لي اسمك الحقيقي بدري عليه قولي لي أي اسم تحبينه
علشان اناديك فيه
ميلاف ( جا في بالها اسم دلال وعلى طول قالته ) : دلال 00هذا اسمي الحقيقي 00انا ما احب تناديني
غير باسمي الحقيقي
حمد وكانه مو مصدق : يعني مصره ان هذا اسمك الحقيقي
ميلاف : ليه مو مصدقين 00والله هذا اسمي الحقيقي 00يعني ليه بكذب عليك
حمد : خالص صدقيني صدقتك 00عاشت الاسامي يا دلال
ميلاف : تسلم 00طيب انت قول لي وش اسمك
حمد : انا حمد 00وينادوني بو حميد
ميلاف : اسمك حلوو
حمد : انتي احلى 00طيب قول لي كم عمرك
ميلاف ( لازم تقوله كم عمرها الحقيقي علشان تضبط الخطه ) : انا عمري 19 سنه
حمد : اهاااا ( حب يغير السالفه لانه خاف تسأله عن عمره ) : طيب الجوال الي تكلميني منه جوالك
ميلاف : أي هذا جوالي يعني جوال من بكون
حمد : طيب تبيني كل يوم انا ادق عليك ولا انتي تدقين
ميلاف : ما عندي مشكله تدق انت ادق انا 00بس اذا دقيت وعطيتك مشغول معناتا جنبي احد
ما اقدر اكلمك
حمد : طيب
ميلاف : يالله انا استأذن بغفل
حمد : تو الناس 00خليكي معي شوي
ميلاف بدلع : الايام بينا 00يالله الحين تصبح على خير
حمد : وانتي من اهل الخير
لما غفل حمد من دلال (ميلاف ) الخط ما حب يدخل عند الشباب ما له خلق تعلقاتهم 00وما له خلق يضحك
على طول ركب سيارته ومشى لما وصل على الخط العام وبعد عن جهة الظلمه والمزارع سمع الاذان
يأذن 00وقف عند اقرب مسجد لان بيتهم بعيد وخاف يتأخر على الصلاه وتطلع الشمس
دخل المسجد وصلى وطلع وركب سيارته وكمل طريقه للبيت 00وهو في السياره جالس يفكر في دلال
الي توه من شوي مكلمها 00صحيح المكالمه الاوله ما تعطي انطباع واضح لشخص 00لكن يبقى لها
حلى غير 00عند الاشاره مسك جواله وقرر يرسل لها 00علشان يذكرها ان انتي على باله
صباح الخير
صباح الورد
صباح الحب
صباح الفل
صباح النور
صباح الامل
صباح العسل
صباح الجمال
صباح الدلال
اقـــول :
اختاري الصبــــــاح اللي يعجبك
لانك بصراحه تستاهلهم كلـــهم
تـــم ارسال الرساله
وصل البيت الساعه 6 الصباح وقبل مر بقاله وشر له قوطي بيبسي وثلاثه كتكات كان البيت هادء هو اغلب الايام
يجي ابكر من كذا يعني الساعه 4 هو في البيت بس هذي الايام قام يتأخر في الرجعه ركب الدرج بهدوء قبل لا يصح ابوه ويروح المزرعه 00يخاف يشوفه ويسويله سالفه
وسين وجيم 00دخل غرفته بهدوء وجلس يشرب البيبسي وياكل الكتكات وعلى الطاوله جنبه كان حاط جواله عنده امل ان ترد على رسالته برساله
لكن شكله ما في امل خليني احط راسي وانام وبكره اذا جلست من النوم اكلمها
0
0
0
0
الســــــاعه 4 العـصر فـي بيت بو تــركي
طرقات على باب غرفة حمد بقوه تكاد ان تكسر الباب ومن قوتها اهتز الباب لتوغض حمد ببرود
وعصبيه
حمد وهو يغطي وجهه بالبطانيه علشان يخفف من سماع الصوت : يوو من ذا الفاضي الي مزعجنا
عبدالرحمن من خلف الباب معصب : يعني هذا كل ما جا بينام يقفل عليه باب غرفته خليني اروح
اجيب المفتاح السبير من تحت واجي افتح عليه الباب 00مافي الا كذا
جاب عبدالرحمن المفتاح من تحت وفتح عليه الباب وعلى طول اتجه الى الستائر وفتحهم بقوه مما
خل النور يضفي على كل شيء في الغرفه ولتفت على سرير حمد شافه مغطي روحه بالبطانيه ومو بين من جسمه شيء
بدون أي كلمه قرب من السرير ورفع البطانيه بقوه مما خلى حمد يفتح عيونه بعد ماحس برعشت برد
حمد بصوت كله نوم : يوو وش تبي انت
عبدالرحمن معصب : قلي متى راجع امس قصدي اليوم
حمد بصوت كله نوم : الحين انت وجهك مسوي زلزال على الباب وهجوم كاسح على الغرفه علشان
تسألني هسأل 00يعني متى رجعت الصباح
عبدالرحمن معصب : هذا اخر لك مره ترجع بهذا الوقت 00سامعني 00واذا عدتها مره ثانيه
بتشوف مني شيء ما عمرك شفته
حمد ويغمض عيونه : حاظر 00طيب الحين ممكن تتكرم وتطلع بره وتخليني اكمل نومي
عبدالرحمن واخذ نفس علشان يهدأ : طيب 00حمد 00حمد
حمد وهو مازال مغمض عيونه : خير قول وش تبي 00اسمعك
عبدالرحمن : افتح عينك 00اقول عمي وافي مادق عليك امس او اليوم
حمد فتح عيونه : لا يعني وش يبي فيني يدق علي اساس انا وش ابي فيه خله بعيد عني احسن
عبدالرحمن : تكلم بادب عن عمك للحين اجيك بكف يطير النوم منك اسبوع كامل
حمد : طيب الحين وش المطلوب مني
عبدالرحمن : عمي وافي من امس العصر ما بين الا حد الحين وما اتصل وما ندري عنه شيء
حمد : بزر هو علشان نحاتيه يمكن راح بيتهم يمكن مسافر ويمكن ويمكن 0
عبدالرحمن : بس عمي وافي مو بالعاده 000والله اني من جد قلقان عليه
حمد : يااخي لاتحاتي 00الحين شوي واكيد راجع 00وخلني اكمل نوم وتفضل من غير مطرود
اذا بين عمك وافي سلم عليه وقله من طول الغيبات جاب الغنايم
عبدالرحمن هو طالع من الباب : طول عمك 00مستهتر 00منفلت
فــــــي الصاله كانت سجى جالسه تبدل بين القنوات بسرعه وتهز رجلها بتوتر
وتجي على بالها افكار غريبه واكثرها سوداويه ليكون عمي صار له حادث يارب لالا ما اقدر
طيب يمكن راح بيتهم ونام نومه طويله من العصر الى عصر اليوم وبعدين انا كلمت عمتي وقالت لي
ما جا البيت ولا حتى اتصل عليهم 00طيب يمكن في بيت احد من ربعه 00لا ما هي معقوله عمي مو من النوع الي يطول في الجلسه عند ربعه يراعي خصوصية اصحاب البيت 00يعني وين هو 0
ويقطع هجوم الافكار السوداويه صوت عبدالرحمن الي داخل الصاله
عبدالرحمن جلس على الكنب بعصبيه واسند ظهره وغمض عيونه علشان يهدا شوي 00
سجى يوم شافته كذا بهذي الحاله فضلت انها ما تتكلم وقصرت شوي على صوت التلفزيون علشان يكون الجو مناسب لتهد اعصاب عبدالرحمن الي واضح عليه ان ما نام عدل من محاتات عمه
قامت سجى توها بتطلع من باب الصاله جاها صوت عبدالرحمن من الخلف
عبدالرحمن : سجى وين رايحه
سجى ببتسامه خفيفه : بروح اجيب لك كاس مويه
عبدالرحمن وياشر بيده بمعنات اجلسي : لا ما يحتاج لان توني جاي من المطبخ وشربت ماي تعالي جلسي 00الله يعطيك العافيه 00
سجى وهي تجلس : جلست حمد ولا عيا يجلس
عبدالرحمن : رفع ضغطي 00انفجرت مرارتي منه 00احر ما عندي ابرد ماعنده 0انا قلت اكيد عمي وافي ما كلمه يعني معقوله يخلينا كلنا وما يكلم الا حمد بس
حبيت اتأكد قلت يمكن يعني 00عنده خبر 00طيب ما دقت عليك عمتي
سجى : الا دقت من ربع ساعه 00وما في جديد 00تقول ان هي تحاتيه كثير
عبدالرحمن : توني مكلم اعز اصدقاءه يقول من يومين ما شافه 00ولا مر عليه واخر مره كلمه اول امس
ويرن جوال سجى وتناظر بسرعه في الشاشه
عبدالرحمن بهتمام : من المتصل
سجى : هذي صاحبتي دلول
عبدالرحمن : ما بتكلمينها
سجى : وانا اقدر ما اكلمها 00الحين برد عليها
سجــــى ردت على دلال وهي قايمه تطلع من الصاله علشان تأخذ راحتها اكثر معها
دلال بعصبيه : ســـــــاعه على ما تردين علي
سجى : كنت جالسه مع اخوي دحومي بالصاله فطلعت بره علشان ارد عليك 00شخبارك ؟
دلال : والله احس اليوم ضايق خلقي مدري ليه 00من جلست من النوم
سجى بهتمام : وش الي مضيق خلقك قولي لي
دلال بنبرت ضيقه : مدري والله 00ما في شيء محدد 00يمكن امس كثرت اكل وعلى طول حطيت راسي ونمت
او يمكن لاني ما صحيت الي الساعه 3 وانا مو من عادتي اصحى بهذا الوقت 00احس بضيقه
سجى : والله حتى انا مو على بعضي من جلست من النوم 00حتى ما لي نفس آكل
دلال : خير 00وش فيك 00في شيء شاغل بالك
سجى : والله عمي وافي من امس العصر ما بين الى حد الحين وانا ودحومي نحاتيه لان ولا مره
سواها 00مو بالعاده
دلال تذكرت موقف امس ( ياالله ليكون صار فيه شيء ) : لا تحاوتونه يمكن 00يعني عند واحد من ربعه أي شي كذا
سجى : بس يادلال تصدقين 00ان هو حتى لو بيتأخر ساعه عن البيت يعطينا خبر 00عمي معودنا ان
أي شيء يسويه يعطينا علم 00ان شألله يتعشى لازم يدق علينا يشوفنا تعشينا ولاما تعشينا يطلب لنا عشى ويجيبه لنا اذا ما تعشينا 0
حتى اذا راح العمل يخلص دوامه يكلمنا 00احيانا حتى قبل لا ينام يكلمني يطمنا عليه ويطمن علينا
يعني معقوله يختفي كذا فجأه 00الا اذا كان صاير له شيء
دلال وحست ان سجى بتبكي وحبت تهدأها : سمي بسم الله ان شألله ما راح يصير له شيء 00انتي بعدي هذي الافكار عنك 00وصدقين ما راح يصير فيه شيء 00صدقيني
سجى بتنهيده : ان شألله 00الله يسمع منك
دلال : طيب انا اخليك الحين 00ومثل ما قلت لك انت لاتخافين وان شألله الحين بيرجع 0
( ترددت تقول لها اذا جا طمنيني ولا ما تقول لكن لقت نفسها قالتها ) 00سجى اذا جا عمك طمنيني
اوكي
سجى : ان شألله
سجى حست براحه لما تكلمت مع صديقتها دلال 00لكن للحين في خوف شوي رجعت مره ثانيه
الصاله واجلست جنب اخوها عبدالرحمن الي جالس يدور بجواله
عبدالرحمن بدون ما يرفع عيونه عن شاشة الجوال : شكلك ارتحتي لما كلمتيها
سجى ببتسامه خفيفه : كثيير 00انت وش جالس تسوي
عبدالرحمن : اشغل خدمة ابحث عن صديقك
سجى : ههههههه ليه طيب
عبدالرحمن ببتسامه : علشان نبحث عن عمك 00يمكن ضايع
سجى : هههههههه ههههههه هههه معقوله يضيع
عبدالرحمن : هههههههه لا تستبعدين شيء من عمك
خف صوت الضحكات لما اسمعو احد يفتح الباب ويدخل ويسكر الباب ظلو مكانهم بدون حركه
ينتظرون احد يدخل من باب الصاله 00اسمعو صوت تصفير كلما ويقترب من مدخل الصاله لما وصل
عند الباب وقف وكانت المفاجأه
000: هاااااا الدب القطبي وسجوي جالسين بالصاله ( ما لقى منهم رد 00مجرد نظرات استغراب )
000: وش بلاكم 00كانكم شايفين جني
عبدالرحمن بستغراب : عمي وافي 00من وين طلعت
وافي وهو يجلس جنب عبدالرحمن : من تحت الارض
سجى وتناظر في عمها وافي بستغراب ازرار ثوبه مفتوحه الى النص وانقلب لون ثوبه من ابيض الا اصفر 00وفي بقع وسخ 00وتراب 00والريحه ريحت غبار وكانه نايم بثوبه في الشارع وشعره
منكوش ومبعثر 00بس لما سجى شافت شكله كذا 00ابتسمت 00والله طالع يجنن هههههه ههههههه
عمي متى شفته مو حلووو في جميع حالته 00يهبل وحتى وهو كذا
سجى ببتسامه : عمي 00نايم على الرصيف
وافي : هههههههه ههه لا وش شايفتني مجنون
عبدالرحمن بجديه وشوي عصبيه : اجل وينك من امس مو مبين جلسنا نحاتيك
وافي ببتسامه : ليه تحاتوني بزر انا 00يحليلكم يا عيال اخوي
سجى : لا بس امس فجاء ما سمعنا عنك خبر ولا دقيت علينا مو من عوايدك
وافي : أي صحيح 00حقكم علي
عبدالرحمن ومقهور : احر ما عندي ابرد ما عندك 00انا المفروض الوم نفسي جالس احاتيك
وما ذقت النوم 00وانت مثل العفريت تنطط من مكان الى مكان 00طيب قلي حظرتك وين كنت
وافي بتسامه : هد اعصابك لا يطق لك عرج ونبتلش فيك 00 والله امس الله يسلمك لما طلعت من
المستشفى (وعلى طول تذكر الموقف الي صار له امس بالمستشفى ) >>لحظة صمت
عبدالرحمن : أي طيب كمل ولما طلعت من المستشفى امس وين ذلفت
وافي ويكمل : وين وصلنا 00اها لما طلعت امس من المستشفى الله يحفظك 00وانا على الخط العام
داعس برجلي على البانزين ما شلتها 00ما حسيت بنفسي الى قاطع اشارتين 00وما وعيت الا وسيارة
الدوريه وراي 00عاد اسمع صوتها يا صاحب الكامري مديل 2006 رقم الوحه *** اصفط على جنب
عاد انا ما لي خلق اشيل رجلي من البانزين واصفط على جنب خليتهم يلحقوني حتى الشارع الثاني
وبعدين صفط لهم على جنب 00وانا نازل رافع اكمامي ومالي خلقهم نفسي بخشمي قالي 00الشرطي الله يخليه لاهله 00انت وش فيك مطيور 00لا تقول ما شفتنا ولا سمعتنا 00قلت لهم الا شفتكم بس ما سمعتكم كنت مطول على صوت الراديو على الاخر ما اسمع الا نفسي 00طبعا كتب لي مخالفتين مرتبين 00وعزمني معهم على القسم بصراحه ما حبيت ارده في احد يرد الحكومه حتى قال لي تفضل معنا السياره قلت له ما ابي اضايكم بلحقكم بسيارتي
رحت معهم القسم عاد لزمو علي ابات عندهم ليله في النظاره 00عاد انا قلت جات بوقتها محتاج
اغير جو اجلس مع نفسي صحيح المكان ما كان بالمستوى المطلوب بس هو المكان الوحيد الي تحس
انك منعز عن العالم 00ولا يمكن أي احد يوصلك 00وتقدر تفكر براحه
عبدالرحمن : خخخخ خخخخ قال عاد عزموك معهم طيب كان قلت لهم لحظه ادق على
ولد اخوي واعزمه
وافي : تتمسخر انت وجهك 00اقول قوم جيب لي كاس مويه
عبدالرحمن ويناظر سجى : قومي يا سجوي جيبي لعمك بو الوفا كاس مويه
وافي : لا والله ما تقوم الا انت تجيب لي
عبدالرحمن وهو قايم : يا ريتهم الشرطه مخلينك تبات عندهم ليله بعد زياده
وافي : هههههههه هههههه ادري انها من ورا قلبك
سجى وهي تناظر في عمها : عمي كيف نومت السجن تمام
وافي : لا والله 00لو السجن فندق خمس نجوم يكفي انه سجن وانعزال عن العالم الخارجي
دخل عبدالرحمن وسلم كاس الماي لعمه وافي وجلس جنبه
عبدالرحمن ويناظر في سجى : اقول سجوي دقي على عمتي قولي لها ان عمي جا
وافي : ليه انتو مخبرينها اني ما رجعت البيت
عبدالرحمن : مو هي بس الي قلنا لها 00كل اخويائك وعيال عمي ما تم احد ما درى
وافي : احم احم 00لهذي الدرجه انا شخصيه مهمه ما تقدرون على بعادها
سجى : كلنا نتفق معك بهذي النقطه 00ما نقدر على بعادها
ابتسم وافي ابتسامه عريضه 00صحيح الانسان يعرف معزته عند اهله ولكن لما يشوف اهتمامهم وخوفهم وحبهم له الظاهر في تصرفاتهم 00
يحس بشعور غريب شعور بالفرحه شعور بالاعتزاز بالفخر 00والله قله في هذا الزمن الناس
الي تبين مشاعرهم في تصرفاتهم 00وما عنهم تناقض بين الاثنين بين تصرفاتهم وما يحسون فيه
رن في هذي الحظه جوال عبدالرحمن وكان المتصل تركي اخوه
عبدالرحمن : مرحباااا
تركي : هلاااا عبدالرحمن ها قل لي رجع عمي وافي
عبدالرحمن ببتسامه : هو جنبي الحين
تركي : الحمدلله 00والله امي ومرت عمي جالسين يحاتونه
عبدالرحمن : طمنهم 00قول لهم وافي بخير
تركي : عبدالرحمن 00ترى ناديه بتطلع اليوم من المستشفى وبوديها بيت عمي بو مشاري علشان
تكون امها قريبه منها وتدري بالها عليها 00قول لسجى خل تجهز لها الاغراض الي تحتاجهم
ودها انت وسجى بيت عمي بو مشاري لان ما ني جاي البيت اخذ الاغراض على طول بروح بيت عمي 00عبدالرحمن فهمت علي
عبدالرحمن : أي فاهمك الحين اقول لسجى
تركي : ابي الاغراض تكون في بيت عمي قبل الساعه 8
عبدالرحمن : ابـــــشر
تركي : الله يعطيك العافيه
عبدالرحمن : الله يعافــــــيك
عبدالرحمن لما سكر من تركي الفت على سجى
عبدالرحمن : يقولك تركي 00جهزي اغراض ناديه علشان نوديهم بيت عمي بومشاري
سجى بحيا : بيت عمي بو مشاري
عبدالرحمن ببتسامه : أي بيت عمي بمشاري 00يالله بسرعه لان تركي يبيهم يكونون هناك قبل
الساعه 8
سجى : طيب 00الحين اصعد فوق شقة تركي واجهز لها اغراضها
وافي : تعالي انتي تعرفين وش تبي 0وش محتاجه
سجى : امس لما كنت عندها بالمستشفى قالت لي وش محتاجه وش اجهز لها
وافي : خلاص 00انا بوديك بيت اخوي بومشاري 00لان ابي اسم على اخوي من زمان ما شفته
عبدالرحمن ببتسامه : يعني خلاص اطلع منها 00(وهو قايم يكمل )00 يالله انا بصعد غرفتي بروح انام
وافي : عبدالرحمن 00قبل لا تحط راسك وتنام 00جيب لي بنطلون وبلوزه من عندك ويفضل يكون
قميص اسود وبنطلون جينز
عبدالرحمن : خلصو بدلاتي ما تم بدله ما لبستها 00ما خليت لي شيء البسه 00طيب خذ من بدلات حمد
وافي : بدلاته مو ستايلي 00كل بنطلونات وساع من تحت ومدري كيف جايين وعليهم رسمات وشخابيط وحركات كاني واحد مدري من وين جاي 00وبلايزه الوانها صارخه
عبدالرحمن : امري لله الحين اجهزهم لك
وافي ببتسامه : لا تنسى الحزام للبنطلون تدري علشان يضبط ما يطيح هههههههه
عبدالرحمن : ههههههه هههههههه
وافي وهو يناظر في سجى : يالله سجوي جهزي الاغراض 00وجهزي نفسك 00بس اخذ لي
دش على السريع وماشين
سجى وهي قايمه ببتسامه : من عيـــــــوني
0
0
0
0
فــــي بيت بو بـــدر
وتحديدا فــــــي غرفة دلال
الـــــي كانت انغام الموسيقى الكلاسكيه تختلط مع جزيئات الهواء في جو الغرفه كالعاده في كل
مســـــاء 00دلال عاشقه للموسيقى هي تأمن برابط القوي بين الموسيقى وحالت النفس مابين الاستقرار 00والتشتت 00لما تكون فرحانه ومرتاحه ومبسوطه تفضل الموسيقى الي فيها صوت
البيانو ظاهر بوضوح والمقطوعه ذات الاقاع السريع والمتفاوت والي يقلب عليه الدقه الشرقيه
واما لما تكون متضايقه وحزينه ومهمومه 00تحب تسمع الموسيقى الكلاسكيه الهادءه والي يكون
فيها صوت الجيتار واضح وذات الاقاع البطيء وعلى نفس السلسله الموسقيه 00كما هي تسمع
الان 000
ما زالت دلال واقفه امام المرايه 00من نص ساعه تقريبا 00ترسم شفايفها بالاحمر الصارخ
وتنظر الى شكلها قليل فتأخذ المنديل وتمسحها 00جربت رسم شفايفها بلون الزهري الفاتح
ايوه هذا افضل بكثير من الاحمر 00ياالله مرت ساعه وشوي من كلمت سجى وماردت دقت علي
مدري 00ليكون عمها وافي صار له شيء 00مدري ليه احس اني انا السبب 0بس انا ماسويت شيء
ياترى وين راح 00استغربت لما قالت لي سجى عنه قبل لايتعشى يدق عليهم وقبل لاينام وحتى وهو
بالعمل والله حلوو شكل العلاقه بينهم قويه ما كانها علاقة عم بعيال اخوه 00ياالله ما احب هذا الشعور
شعور الذنب بدون ذنب 00مدري ادق على سجى وسألها 00ولا انتظرها لما هي تدق علي 00طيب
لو اني بنتظرها بغرفتي 00مت خليني انزل تحت الصاله ولا اروح المسبح اجلس هناك الجو اكيد بره حلووو 00وباخذ جوالي معي يمكن تدق
طلعت من غرفتها طفت الانوار وخلت بس نور خفيف مع صوت الموسيقى
وهي نازله من الدرج طبعا كالعاده البيت هادء 00كانت تتمنى يمر يوم وتزل تشوف البيت فوضه
وفي صوت اطفال يلعبون 00والله الاطفال هم روح البيت 00وهم الي يملون هذي المساحات الواسعه
باصواتهم 00وقفزاتهم 00تذكرت مره اقترحت على ابوها يفتح لها روضه بالبيت علشان تستمتع مع الاطفال الي هم بهجت هذي الدنيا ما رضا 00
لما وصلت الى منتصف الصاله 00وقفت تفكر وش تسوي الحين وين تروح
فضلت تروح المطبخ تسوي لها فشار وتاخذ معها عند المسبح مع عصير ليمون بارد
وهي متجها للمطبخ شافت الخدامه وار صمياطي طالعه من المجلس
دلال : وار صمياطي
الخدامه : نعم
دلال : من هذا في مجلس
الخدامه : بابا بدر مع سلطان
دلال : اهاااااااااااااااا طيب روح جيبي لفتي وعباتي
الخدامه : حاظر
جابت الخدامه عباتها والبستها امام المرايه الي كانت قريبه من مدخل المجلس حطت اللفه على شعرها بدون ما تلفها ورتبت قذلتها من قدام ورشت لها عطر كان محطوط على المرايه قدامها
ودخلت المجلس سلمت وجلست جنب بــــــدر
سلطان : هلاااااااا دلولو من زمان ما شفتك 00وينك ما تسألين عن عيال عمك ولا تدقين تسلمين
علينا 00اشتقنا لطلتك
دلال ببتسامه : تشتاق لك العافيه 00انت اخبارك وكيف الدراسه والشغل معك
سلطان : والله تمام 00بس مليت 00ابي اغير جو
دلال : طيب سافر 00غير جو
سلطان : توني اقول لبدر 00خلينا بكره نروح نحجز لنا على بريطانيا او امريكا مثل كل سنه بالصيف
بدر : أي والله 00تصدق هذي السنه كلن لاهي ما حد جاب طاري السفر حتى دلول الي كل سنه اول
وحده ترتب شنطتها 00هذي المره ما اشوفك قلت تبين تسافرين
دلال : مدري انا طبعا ما شلت السفر من بالي بس مأجلته شوي
سلطان : ليه طيب
دلال : اخاف اسافر ويفوتني التسجيل للجامعات
سلطان بستغراب : ليه ناويه تقدمين على جامعات الممكله 00ليه طيب ما تكملين دراسه بالخارج
دلال : مدري احسها صعبه 00وخاصه ان كل لكم استقريتو هنا
بدر : طيب 00بدرسين بجامعة الملك فيصل ولا الجامعه المفتوحه
دلال : لا اكيد جامعة الملك فيصل
سلطان : وش ناويه تدرسين
دلال : والله مدري للحين ما فكرت
سلطان ويناظر دلال بهتمام : دلول كأنك غيرتي صبغة شعرك
دلال استغربت من كلامه مو خابرته يدقق كثير : لا هذي هي بس سويت خصل لون فاتح
سلطان ببتسامه : اهاااا طالعه عليك تجنن
دلال : تسلم 00 يالله انا استأذن
بدر : ليه خليك جالسه معنا الحين بيبتدي الفلم 00لا يفوتك تو كان معروض بالسينما الاسبوع الي راح
دلال : يعيدونه الساعه وحده باليل بطالعه في الاعاده
دلال وهي طالعه من المجلس صحيح انها تضايقة من سلطان هذي اول مره يعلق على شعرها هي
طبعا 00ما تهتم من ناحيت الحجاب كثير وخاصه عن عيال عمها لانها تعتبرهم مثل بدر مثل خوانها
متربين مع بعض 00ومتعودين على بعض لكن الي لاحظته اليوم على سلطان نظرات الاهتمام والتفحص 00جالس طول الوقت يناظر فيها بنظرات قريبه 00اول مره تحس انها تستحي منه
وان جلستها معاه مو مريحه 00ففضلت انا تقوم وتطلع من المجلس وتروح تجلس في المسبح
تنتظر مكالمت سجى الى طالت00
0
0
0
0
يالله وش فيه هذا مايرد صار لي ثلاث ساعات ادق عليه ما يرد بدق عليه الحين اخر مره واذا مارد
ماراح ادق عليه بنتظره لما هو يدق علي
رن اربع مرات وفي الرنه الخامسه جاه صوت حمد
حمد : هلاااااا وغلااااااا بدلول
ميلاف بدلع : انت وينك 00والله خفت عليك
حمد : ياقلبـــي على الي يخافون 00شخبارك
ميلاف بدلع : بخير 00انت اخبارك
حمد : لما سمعت صوتك صرت بخير
ميلاف بدلع : ليه ما رديت علي ما تشوف مكالماتي من زمان وانا ادق عليك
حمد : والله كنت نايم وتوني من ساعه جالس عاد دخلت اخذ شور وتوني طالع عاد انا قلت
مايصير اكلمك وانا صوتي مقلق 00 وكله نوم 00الافضل اصحصح واكلمك توني بكلمك الا
انتي سبقتيني
ميلاف : يالله انا بغفل الحين
حمد بستغراب : ليه 00توك مكلمتني 00على طول بتغفلين اذا خايفه على رصيدك انت سكري
وانا ادق عليك
ميلاف : لااااا والله بس الحين بطلع
حمد : وين رايحه
ميلاف : بروح بيت عمي مسوي عزيمه
حمد : اهاااا 000طيب اقدر اكلمك باليل
ميلاف : اكيد راح اكلمك باليل اذا رجعت من بيت عمي
حمد : خلاص اجل اسمع صوتك اليله
ميلاف بدلع : اوكي 00حمد دير بالك على نفسك
حمد ببتسامه : طيب وانت بعد حطي بالك على نفسك
ميلاف : بااااااااااي 000وسكرت قبل لا تسمع الرد لان شافت امها داخله غرفتها
ميــلاف بعصبيه : يماه ليه ما تطقين الباب قبل لا تدخلين
ام عبدالعزيز ما ردت على ميلاف : انت الحين من كنتي تكلمين
ميلاف بهدوء : كنت اكلم صديقتي
ام عبدالعزيز : طيب 00جهزتي للعزيمه
ميـــلاف : ايوه تقريبا خلصت بس بقى البس اكسسواراتي واكون جاهزه
ام عبدالعزيز وهي تناظر في ميلاف من فوق الى تحت : ليه ما لبستي بدلتك الجديده
احلى من هذي
ميلاف : انا قلت انها عزيمه يعني ما يستدعي البس بدلتي الجديده
ام عبدالعزيز : لبسيها 00علشان تصيرين احلى لاني سمعت من ام شهاب توني من شوي مكلمتها ان بو ضاري مسوي بوفي مفتوح
00وحاطه في الحديقه وعازم بعد ام انفال وزوجها واخوان انفال فلازم تصرين احلى وحده 00هو اكيد حتى لو تروحين ببجامتك بتقطين على انفال 00والله انا مدري وش شايف فيها شهاب وقال
يبيها 000ماني خابرته ما عنده ذووق
ميــلاف : طيب الحين البسها
ام عبدالعزيز : وثقلي مكياجك شوي صاير طافي وحطي ضل عيون اشجع من هذا
ميــلاف ببتسامه : طيب الحين اضبطه
ام عبدالعزيز : انا الحين بنزل تحت بدق على عبدالعزيز علشان يجي وانتي كوني جاهزه
0
0
0
0
فـــــي سيارت وافي الي متجه لبيت بومشاري
سجى : عمي والله طالع تجنن بلون الاسود مع الجينز
وافي ببتسامه : والله عيونك الحلوووه 00قولي لدب القطبي يوم حنا بالبيت اقوله وش رايك
بشكلي 00يقولي الون الاسود مو حلوو علي مسمرني ومضعفني 00عاد انا ما سألت الا واحد
الذوق وين وهو وين ما سألت اصحاب الذوق امثالك
سجى بتردد وبحيا : عمي دقيت على مشاري وقلت له
وافي ببتسامة خبث : وش اقول له 00انا حنا بنجي
سجى لما شافت ابتسامت وافي ارتبكت وقالت : لا يعني قصدي علشان يفتح لنا الباب
وافي ببتسامه : يعني محد بيفتح الباب الا هو في الخدامه 00ليلى 00واخوي 00على
العموم انا معي الفتاح يعني ما يحتاج نرن الجرس
اوقفت السياره عند باب بيت بو مشاري حست سجى برعشه في جسمها ماتدري ليه
هذا البيت له رهبه فضيعه
انزلت مع عمها وافي وكان البيت هادء ما في احد
راحت سجى غرفة الضيوف ورتبتها مع الخدامه وبدلت غطا السرير وعطرت الغرفه ورتبت
اغراض ناديه على الطاوله 00
اما وافي راح يسلم على اخوه بو مشاري لان من زمان ما شافه
لما خلصت سجى من ترتيب الغرفه وضعت فيها اخر لمساتها واصبحت الغرفه جاهزه لراحت ناديه
واستقبال الضيوف 00طلعت وخلت باب الغرفه مفتوح علشان تتهواء الغرفه وتطلع ريحت العطر
وجلست تتجول في البيت براحه وخاصه لما سألت عن مشاري وقالو لها طالع مع انها كان ودها
تشوفه لانها من زمان ما شافته ومشتاقت له حيل 00استقلت هدوء البيت وقبل لا يوصل تركي مع
ناديه وامها ومرت عمها واصعدت الدور الثاني على طول على الجهة اليمين الى غرفة مشاري
حركة الباب شافته مقفول 00يوه يامشاري يعني الحين يوم اني مشتاقه لك تحرمني من شوفتك
وهم بعد من غرفتك وريحت ثيابك 00انحت بجسدها الى اسفل وبحركه سريعه ادخلت الرساله من
تحت الباب 00 وقفت تتامل الباب المغلق
000: وش جالسه تسوين عند غرفة مشاري
التفتت سجى بذهول وحطت يدها على قلبها لما شافت ليلى
سجى وتتنفس بعمق : يووه الله ياخذك 00وقعتي قلبي 00( وكملت بتوتر ) 00انا كنت ادور عليك ما
شفتك تحت
ليلى : بس انا غرفتي بالقسم الثاني الي على جهتك اليسار مش اليمين
سجى : مدري تلخبطت 00طيب تعالي ننزل تحت الحين اكيد اخوي تركي وناديه على وصول
0
0
0
0
فــــــــي حاره اخرى 00وتحديدا فـــــي بيت هيام
فـــــي الصاله 00
كانت هيام تكلم 00انفال
انفال : والله تمنيتكم معي اليوم
هيام : ان شأ لله مره ثانيه
انفال : عاد يوم الملكه ضروري تجون
هيام : اكيد 000طيب ما قلت لي وش مناسبت العزيمه الي مسويها ابوك
انفال : بمناسبة الخطوبه 00بسوي بوفي مفتوح لرجال بحطه في الحديقه وللحريم في
غرفة الطعام 00عاد تصدقين احس اني خايفه مدري يمكن لاني اول مره باشوف مرت عمي وعمي بعد ما درو بالخطوبه 00وبعد عمتي وبناته
00مدري خايفه من ردت فعلهم اتجاهي
هيام : اكيد لازم تخافين 00بس هذا الشعور لحظه ويزول بعد ما تشوفينهم وتسلمين عليهم وبعدين
بتشوفين الوضع عادي
انفال : كلمتي سجى 00 ودي اكلمها بس ما لي وجه لان ما رحت زرت ناديه مرت اخوها بالمستشفى
ولا حتى كلمتها وتحمدت لها بالسلامه
هيام : لا تشيلين هم سجى ما تزعل 00ولا تشيل بخاطرها 00بكره كلميها 00اساسا حتى انا مارحت
المستشفى لها حدي دقيت على سجى وتحمد لها بالسلامه
انفال : كويس 00لازم بكره بكلمها 00واذا عندي وقت بحاول ازورها
هيام ( كان ودها تسأل انفال وش لبست ومين الي عمل لها الميكب بس استحت وخاص انها ما عمرها
تخيلت انفال تلبس شيء عدل ذووق اذا انا الي على قد حالي البس احلى منها وهي الي ابوها غني
ما تلبس عدل 00ففضلت انها ما تسأل )
انفال بفرحه : يالله هيام اخليك شكل امي وصلت مع عمي واخواني 00والله اني فرحانه حيل
هيام : طيب 00دير بالك على نفسك 00وانبسطي
انفال بفرح : سلمي على دلال 00لها وحشه ما دقت علي اليوم افتقدتها بس لو تدري ان عندنا عزيمه
كان فرحت لي 00وجات 00ههههههه اعرفها تحب هذي السوالف
هيام : ههههههه أي والله يحليلها دلول موتها العزايم والحفلات 00وخاصه اذا فيها اكل ههههههه
انفال بفرح : طيب اخليك 00سلمي على المامه
هيام : يبلغ
سكرت هيام وهي تقول والله الدنيا حظوظ ولا من كان متوقع ان انفال ياخذها ولد عمها الغني وينقلها
من حال الى حال 00اخ بس لو يطلع لي ولد عم ولا ولد خال غني 00يالله الله يوفقها ويسعداها
والي عطاها ان شألله يعطينا 00ونطلع من عيشت الهم الي عايشينها 00وين تجي راحت البال مع خال مثل هذا الي ما يرحم 00وين تجي السعاده مع قلب كله جروح
00وين يجي الخير وانا كلما افتح باب يسكر بوجهي بقوه 00وكلما قلت هانت تزيد 00وكلما قلت
هذا الصح يطلع اكبر خطأ 00الحياه صارت ما تنطاق بهذا البيت وخاصه اني الحين قمت اكتم بداخلي
كل اهاتي 00وينك يا سعود الي كلما صار شيء دقيت عليك صحيح ان احيانا ما كان يسمعني لكن على اقل كان يهون علي بكلامه العسل
قطع حبل افكار صوت امها
ام هيام : وين سرحانه يابنتي 00ودمعتك في عينك
هيام : لا يما ما ني سرحانه بس جالسه افكر
ام هيام : وش الي تفكرين فيه يما
هيام بتنهيده : افكر هدنيا 00وش مخبيه لنا
ام هيام : ان شألله كل خير
هيام بصوت واطي : ما اعتقد
ام هيام : هيام 00طلبتك لا ترديني
هيام : آمري يما
ام هيام متردده : اليوم خلصت البضاعه الي عندي بالغرفه ودقت لجارتنا وقالت لي ان هي عندها بضاعه
في بيتهم عاد قلت لها تجيبهم لي لان مكلميني حريم يقولون بمرووني بعد ساعه علشان يشترون
عطورات ودهن عود 00فشله اقول لهم لا تجون 00محد يا بنتي يرد رزقه
هيام : طيب وش المشكله 00خل احد من العيال يجيب البضاعه
ام هيام تتأمل ملامح هيام بخوف : المشكله ان محد من العيال هنا ولا حتى اعيال جارتنا تقول
طالعين رايحين المزرعه مع ابوهم 00( وكملت بخوف ) 00عاد انا قلت وش رايك تروحين
تجبينهم
هيام وصارت ملامحه اكثر قساوه وقامت بعصبيه : لالالا والف لا سمحيلي يما ما اقدر
ام هيام : هدي يا بنتي
هيام وهي تناظر في امها بحزن : محد يمشي على جروحه يما
ام هيام : الي صار خلاص صار 00والحين حنا عيال اليوم
هيام : بس جرحي للحين ينزف يما
وراحت هيام غرفتها تجر احزانها وراها 00
0
0
0
0
فـــــــي سيارت وافي وهم راجعين من بيت بو مشاري فضلت سجى ترجع مع عمها وافي
لان ابوها رجع بدري وتركي شكله بطول في بيت عمها وامها ارجعت مع ابوها علشان
تجهز له العشا
رن جوال سجى ( عسى دايم نكون احباب )
ردت سجى بفرح : ياهلااااااا بهصوت
دلال بعصبيه : هذا الي تقول بتدق علي ما اشوفك دقيتي قلت ادق انا اشوف وش فيها وش صار
على عمها 00ليكوون صار له شيء
سجى ببتسامه : لا ما صار له شيء 00وهذا هو جنبي
دلال ارتاحت : طيب ليه ما دقيتي علي تطمنيني
سجى : اسفه 00انشغلت وما دقيت عليك
دلال : مو مشكله اهم شيء هو رجع 00
كانت السياره في هذي الحظه واقفه عند الكفتريا
وافي ويلتفت على سجى : وش اطلب لك
سجى وتكلم دلال : لحظه دلولو بس شوي
وتكلم عمها وافي : أبي شورما مع سفن
وافي : طيب
لما نزل وافي من السياره ارجعت سجى تكلم دلال
دلال تذكرت لما قالت لها سجى ان عمها يتصل عليهم قبل لا يتعشى واذا هم مو متعشين يطلب لهم عشى
دلال بفضول : سجى انت طالعه مع عمك وين رايحين
سجى : كنت في بيت عمي بومشاري اودي اغراض ناديه وارتب الغرفه والحين تونا طالعين
عاد قلت لعمي اني جايعه وما شتهيت اكل ببيت عمي لان عشاهم ما عجبني قال لي اذا طلعنا بوصلك
البيت بطلب لك عشا بالطريق
دلال : اهااااااا 00طيب ناديه بتجلس بيت اهلها
سجى : ايوه مع ان امي موجوده 00بس هي قالت تبي جنب امها ما تبي تكلف على امي
دلال : طيب ما قلت لي عمك وين كان مختفي
سجى : بعدين اقولك 00الحين هو جاي بيركب السياره اذا وصلت البيت اكلمك اوكي
دلال : اوكي 00يالله بالعافيــــــــه
سجى : الله يعافيك
سكرت سجى وحطت جوالها على السيت ( الكرسي ) جنبها واستسلمت لريحه الي تفتح النفس اكثر
مما هي مفتوحه ما تحملت للبيت كلت الشورما بالسياره
عند بـــــاب بيت بو تركي وقفت سيارة وافي
سجى انتظرت لما عمها يطفي السياره وينزل معها استغربت لما ما طفاها
سجى : عمي منت بنازل معي البيت
وافي : لا والله بروح البيت بسلم على خواتي وبنام هناك بغرفتي من زمان ما نمت فيها
جايه على بالي نومه مريحه بعد ليلة السجن
سجى ببتسامه : سلم على عماتي 00ودير بالك على الطريق
وافي ببتسامه : يالله نوم العوافي 00مع السلامه
كمل وافي طريقه
حس براحه 00واخذ نفس عميق بعد التشنج الي من لحظات لما كانت سجى تكلم دلال هو عارف
انها دلال وعارف بعد ان هو كان المقصود بالحوار مدري افرح ولا احزن 00ليه ما افرح مو هي
اسألت عني 00وتذكر ليلة السجن وحواره مع نفسه ان لازم يشيلها من باله وما يفكر فيها ويحاول
يبتعد 00ولا يخلق لقاءات بينهم 00لان كرامته فوق كل شيء وعزت نفسه اهم بس كانت مشاعره
لها النصيب الاكبر من التفكير 00طيب ومشاعري 00كيف اوصل لها مشاعري بدون ما تجرحني او
التقي فيها 00كيف كيف اخذ حريتي بتعبير بدون خوف او حواجز 00مبين من تصرفاتها انها ما تحمل لي أي مشاعر 00كيف اخليها تحبني
00كيف اخلق المشاعر بالقوه بداخلها واخليها تفكر فيني 00انا ما ني مخليها في حالها 00مدري اخلي سجى توصل لها مشاعري 00لا مو حلوه وبعدين انا ما ابي
سجى تعرف بشي ولا تحس بشي 00وحتى لو درت اكيد بترفض انها تساعدني وتاخذ مني موقف
مدري وش راح تقول عني اخاف اطيح من عينها 00مدري اروح لها بيتهم هههههه اغني جنب الباب
وازعج الحاره لمن تطلع لي وتقولي خلاص بلاش فضايح احبك هههههههههه مثل الافلام
اخ 00لو حياتنا مثل الافلام 00ولا عاد الفلم الاجنبي الي من كم يوم شفته المرعب الي وين ما تلف
تلقى رساله منه كأنه عايش معها في البيت يعرف كل تصرفاتها وروحاتها وجياتها 000مسبب لها
ازمه مسكينه وفي النهايه قتلها 000لا عاد انا ما ابي تصير لهذي النهايه جعل يومي قبل يومك
يا دلال
قطع حبل افكاره صوت اغنية عسى دايم نكون احباب يالله هذي الغنيه معقوله خيالي قام يصدر
اغاني 00لا ما هي معقوله 00هذي اكيد صوت جوال سجى شكلها نسته في السياره
خليني اوقف على جنب واشوف وينه
صفط السياره على جنب وبحركه سريعه من يده شغل الانوار علشان توضح الرايه
دخل يده في السيت الي جنبه يدور على الجوال ولما شافه فرح
مكالمه لم يدر عليها =1
ضغط عليها من عيني ضمانه 000 هذي اكيد دلال طيب كيف اتأكيد انها دلال
والله فكره خليني اروح سجل المكالمات واشوف المكالمات المستلمه اخر وحده اذا كانت عيني ضمانه
معناته دلال
ولما تأكد فرح 0000يالله هذي هي مدري اكلمها 00لا يا بوالوفا خلك ثقيل تكلمها وش تقول لها
امس مشرشحتك اليوم تكلمها 00والله عينك قويه
طيب وش اسوي 00الله احس ان هذا الجوال هديه من القدر وانا بصراحه مو من عادتي رد الهدايه
خذ جواله وسجل الرقم عنده
وعلى طول بدون تفكير وببتسامه عريضه رسل لها رساله 000
وافـــي وش رسل لدلال ؟
وكيف راح تكون ردت فعل دلال من الرساله ؟
العزيمه الي صارت في بنت بو ضاري بمناسبة الخطوبه كيف جرت الامور
فيها وتقبل الاشخاص لهذي الخطوبه كيف كان ؟
هيام وش قصتها مع بيت الجيران وليه ارفضت انها تروح عندهم ؟
|
17-05-08, 10:43 AM
جديد مواضيع قسم القصص المكتمله
العرض العادي
