لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > قسم الارشيف والمواضيع القديمة > الارشيف
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

الارشيف يحتوي على مواضيع قديمة او مواضيع مكررة او محتوى روابط غير عاملة لقدمها


 
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 14-05-08, 11:26 AM   المشاركة رقم: 11
المعلومات
الكاتب:
اللقب:
ليلاس متألق


البيانات
التسجيل: Oct 2007
العضوية: 45521
المشاركات: 165
الجنس أنثى
معدل التقييم: زيونه الحلوه عضو بحاجه الى تحسين وضعه
نقاط التقييم: 12

االدولة
البلدBahrain
 
مدونتي

 

الإتصالات
الحالة:
زيونه الحلوه غير متواجد حالياً
وسائل الإتصال:

كاتب الموضوع : زيونه الحلوه المنتدى : الارشيف
افتراضي

 

الجزء الثالث


اشرقت الشمس وتعلن عن يوم اخر
هذا اليوم يحمل السعاده للبعض والبعض الاخر التعاسه
اشارق يوم جديد وامل جديد في الحياه والسعي

صحت دانه و خذت لها شور بعدها طلعت ماجافت احد في البيت اخوانها الي في المدرسه والي الروضه والي في الحضانه
جافت اليسي قاعده تنظف
دانه: صباح الخير
اليسي : صباح النور مسس تبي سوي فطور
دانه : لا شكرا اليسي وين لاكيشا
اليسي : لاكيشا داخل عدل غرف
دانه : اها اوكي
وراحت المطبخ بنفسها وقعدت تسوي لها فطور جهزت لها مرتديلا و جبن و لبنه وزعتر و سوت لها كاس عصير و رتبتهم على الطاوله الي في المطبخ وقعدت تاكل
اليسي الي دخلت المطبخ: مس ليش انته سوي بروحك انا يقول سوي لك
دانه؟: انه ابي اسوي لي بروحي
اليسي: بس انا هني شتغل فانه يسوي
دانه: مو مشكله مره ثانيه انزين شنو بتسوين على الغدى
اليسي: مدام يقول اسوي لازانيا وباستا ويبي ورق عنب
دانه: اهاا وقامت من الطاوله وكانت بتشيل الصحون
بس اليسي ماخلتها دانه خلتهم وطلعت
راحت تتمشى شوي في الحديقه وحست بطفش فقررت تبدل وتطلع
راحت الغرفه واختارت لها جينز و تيشرت ابيض
و لبست كبس ونظاره و تعطرت وطلعت من البيت
وقفت عند الباب احتارت وين تروح
سمع شخص يناديها التفتت على مصدر الصوت
دانه بصوت قريب من صوت الشباب : هلا هلا باحمد شخبارك
احمد: اهلين تمام وانتي سوري اقصد انت
دانه: هل مره لاتغلط سامع
احمد: هههههه ايه
دانه: الا اليوم ماوراك دوام
احمد: لا خذت اجازه مرضيه
دانه : يعني عياره
احمد: هههههههه ايه ها شوراك
دانه : ولا شي طفشان حدي
احمد: خلاص تيي معاي نروح مجمع نتمشى ونتغدى
دانه تفكر و تقول في داخلها (( اروح احسن لي و اصلا جذي وجذاك امي ماتسال ولا تدري عني كاني ولا موجوده )) : يا الله جدامي خلنه نروح

خالد والاوراق جدامه و عنده اشغال وايد رن الجهاز الي بين مكتبه ومكتب السكرتيره :خير
ريما : استاذ في واحد برع عم يستناك
خالد: من
ريما : مابعرف بس هو ئال ضروري بده اياك
خالد : خليه يتفضل
دخل رجل كبير في السن: سلام عليكم شخبارك يا ولدي
قام له خالد وسلم عليه وخلاه يتفضل وقعد يمه على الكرسي
خالد: امر يا عمي
الرجل نزلت من عينه دمعه
خالد: افا ليش هل ادموع يا عم
الرجل : يا ولدي انا طالبك طلب
خالد: امرني وارقبتيي سداده
الرجل : فيك الخير يا ولدي بالصراحه انا محتاج شغل شغلي الاولي قاعدوني وانا محتاج للشغل عندي يهال صغار
خالد: مايحتاج تكمل يا عم الشغل موجود قبل كنت تشتغل في شنو
الرجل : كنت اشتغل في قسم الحسابات في شركه ....
خالد: خلاص بعينك مثل ماكنت
الرجل مسك يد خالد وكان ببوسها
خالد شالل يده: افا يا عم مايصير تذل نفسك
الرجل : تسلم اليد الي ربتك والله مااعرف شاقول لك يا ولدي انته حليت لي ازمه
خالد: انزين ماتعرفنه عليك يا عم
الرجل : يقلون لي بو بدر
خالد : اهلين فيك يا بو بدر
بوبدر : ولدي احين انا اترخص منك
خالد: في حفظ الله وتقدر من باجر تستلم الشغل
بو بدر : كثر الله خيرك

اتصل خالد بعدها في يده.: شخبارك يبه ان شاء الله بخير
يده: ها شنو سويت
خالد: كل خير شغلته مثل ماقلت لي وامرني بعد
اليد : زين سويت هل ريال ساعدني ولازم ارد له جميله يا الله يبه تحمل بروحك وسلم على امك وابوك واخوانك
خالد: الله يسلمك يبه فمان الله

رجع يكمل شغله بعدها طالع الساعه وكانت 11 ونص قال بخلي الشغل وبيطلع
و في طلعته من الشركه ياله صبي صغير في العمر
الشاب : لو سمحت ممكن تشغلني عندكم
خالد : اقول ماني فاضي لسوالفك تبي روح قط اوراقك في دوان الموظفين الي عندنه
الشاب : بس انا محتاج للشغل
خالد: ليش جايفني فاتح جمعيه حق اساعد الناس
ومشى عنه وركب سيارته السبورت
ومشى شغل له اغنيه London bridge
وصل للمنطقه الي يسكن فيها
جاف واحد واقف عند بابا البيت
وصل لين الباب و بطل له البواب باب الكراج
وقف وفتح الدريشه خالد: هي انتي شتبين
المره : يا ولدي ساعدني والله يرزقك ويغنيك دنيه واخر
خالد: اقول لا تخربطين علي بالكلام بطل بوكه وطلع منه مبلغ و قطه في ويها ودخل
المره في داخلها حسبي الله عليك لولا الحاجه ماطلبت منك وتذلنه فيها
شال اغراضه ودخل البيت
و قعد على اقرب كرسي و غمض عيونه
في هل لحظه دخل مبارك البيت
مبارك: سلام
خالد فتح عين وطالع و غمض عينه ولا كانه شافه
مبارك : قلنه السلام رد
خالد رجع فتح عينه و قام من محله
مبارك : هي انت شل نفس الخايسه الي عليك
خالد : اقول بروك مالي نفس لك سامع الي فيني مكفيني واقول خلصت لعبك ياي احين روح جابل اشغالك احسن لك
مبارك: اقول مالك خص سامع
خالد: اقول اسمع الكلام الي اقوله تره انته الي بتخيس من دوني الدوام ماتروح و تحتاج فلوس وابوي مايعطيك فلاتراددني سامع
ومشى عنه
مبارك : صج حقير يذلنا والله لااكسر خشمك يا خلود بتجوف في يوم

قعد مبارك على الكرسي وفي هل لحظه دخلت جود البيت
جود : بروك هني وانا اقول البيت منور
مبارك : هلا جود شخبارج
جود : تمام وينك ماتبين لك جم يوم
مبارك: كنت في لندن
جود: شنو تسوي
مبارك : اغير جو
جود: اهاا عيل قوم نطلع نتغدى انا عازمتك
مبارك: لا انا الي باعزمج
جود: اوكيه شوراي انا اهم شي اكل
مبارك: ابي اعرف انتي وين تودين كل هل اكل على طول تاكلين جنج عنزه كله تجترين
جود: قول لا الا الله محمد رسول الله ، شب وملح وعود في عين كل حسود
مبارك: ههههههههههه تحجت يدتي
جود: ويهك يا الله جدامي
مبارك : اقول خليني اتسبح وعقب تبين اروح بخياسي هناك بعدين البنات بشردون
جود: هههههههه احسن عشان يصير يوم تاريخي ان مبارك ماغازل فيه
مبارك: سمعي بروح اتسبح ابي اطلع اجوفج جاهزه
جود: افا عليك

بعد ربع ساعه طلعو من البيت واهم رايحين المول
دخلو وقعدو يتمشون
دانه: احمدو امش نقعد ونطلب لنه شي
احمد : يا الله
في هل لحظه كان مبارك وجود طايفين عليهم ولمح دانه
مبارك في نفسه ( ياربي مو غريبه علي بس ...)
قاطعته جود : بروك امش شفيك واقف
مبارك : ها لا ولا شي يا الله
ولما رجع التفت اختفو عن عينه لانهم قعدو وكان واحد واقف ويسد عليهم
جود: بروك خل نقعد هناك
مبارك: يا الله
وقعدو
جود: اليوم فاتك جفت وحده قطعه تناسبك
مبارك : حلفي عيل باجر بوصلج وبجوفها
جود: ههههههه تبي اروايك صورتها
مبارك:ايي افكورس ويبيلها سؤال
طلعت تلفونها وراوته صورة عيوز و تخرع
مبارك رفع حاجب وفلت التلفون عليها : هذي الحلوه
جود: ههههههه قطعه
مبارك : اقول اكلي وانتي منطمه
جود: اوكي
مبارك كان وياها وجود تسولف وتسولف بس عقله مع البنات الي وراها قاعدين
كان يبتسم لهم و اهم يردون الابتسامه
خلها وقام عنها
جود: هي انت على وين
مبارك ياشر لها لحظه
وراح عند البنات
مبارك: مساء الخير، مساء الورد، مساء الحب شخبار الحلوين
وحده من البنات : خير اشتبي واهي تتكلم بدلع
مبارك: ابي همس منج يا حلوه و بالصراحه انا معجب فيج واذا ماعليج امر ابي رقمج
البنت : اوه انت صريح ودايركت تبي الرقم
مبارك: شنو اسوي قلبي تعلق فيج من اول نظره يا قمر
البنت : ههههههه يحليلك بس سوري انا مااعرفك عشان اعطيك رقمي
مبارك: يعني تزعليني يا الغاليه خلاص براحتج عن اذنج بس هذي رقمي و ان شاء الله اسمع صوتج اليوم يا الله مع السلامه وتحملي بروحج وطالعها بنظره ساحره ورجع حق اخته
جود: اقول ليش راجع بعد روح بسط وياهم احسن تره
مبارك: اوكيه يا الله باي
جود مسكت يده: هي انت صدقت اقول انرزح محلك ولا تره بكفخك
مبارك: ههههههههههه انتي يا النتفه بتكفخيني
جود : ايه ليش مو عاجبتك
مبارك زاد في الضحك : هههههههههه اقول كملي اكلج احسن لاتحلمين وايد
مبارك: اقول جوجو
جود : امر
مبارك : ابي منج خدمه
جود : شنو
مبارك : ابيج تطلبين من ابوي مبلغ لان حدي مفلس واهو مو ر اضي يعطيني يقول لي دااوم وانا مالي بارض حق الشغل احين قلت له باخذ اجازه قال مافي قلت بخذ وخذتها فقطع عني المعاش
جود : وانت الفلوس الي تاخذها من امي وين توديهم
مبارك : اصرفهم علي
جود: عليك ولا على البنات
مبارك: جود مالج خص في شنو اصرفهم اهم شي تدبرين لي
جود: ليش ماقلت لخالد
مبارك: اخوج هذي المغرور يذلنه عشان الفلس
جود: بالعكس خلود مافي احسن منه
مبارك : وياج بس اما الكل وياهم خايس نفس
جود: انزين اسمع بدبر لك الف دينار
مبارك: بس
جود: اي بس ماعندي اكثر اعطيك حق الخرابيط
مبارك: اوكي خلاص بس نرج البيت عطيني اياهم
جود : اوكي

خالد قاعد في غرفته وحاس بالملل البيت محد فيه
طبعا هذي حال بيتهم طول الوقت
رفع السماعه واتصل في ابراهيم
بعد فتره شاله
ابر اهيم : هلا اخوي
خالد : اهلين شخبارك وشلونك
ابراهيم: بخير نسئل عنك وانت
خالد: الحمدالله تمام الا الليله شعندك
ابراهيم : اممم مااظن عندي شي
انقزته روعه
روعه بصوت غير مسموع: بنطل اليوم انت وعدتني
بس خالد سمعها : ههههههههه هلا روعه شخبارج
ابراهيم : خالد يسلم عليج
خذت التلفون من عنده
روعه : هلا والله باخو الغالي شخبارك وشلونك
خالد: بخير وانتي
روعه: تمام حياك تعال ويانه
خالد: مشكوره ماابي اثقل عليكم
روعه: افا يا خالد ترى مابنطلع الا ريلك على ريلنه و الطلعه تحلو معاك
خالد: خلاص عيل حسبوني وياكم
روعه : ننتظرك عيل اليوم
خالد: اوكيه عيل سلمي على برهوم يا الله فمان الله
روعه : مع السلامه

دانه : يا الله احمد خل نمشي
احمد: اوكيه
في السياره
احمد: ممكن سؤال
دانه : تفضل
احمد :شلي غيرج
دانه: مايخصك هل شي سامع
احمد : مشكوره هذي واحنه ربع
دانه بعصبيه : بس هل شي خاص فيني سامع
احمد: سوري بس مااظن الموضوع يحتاج كل هل اعصاب
دانه: اقول وقف السياره بنزل هني
احمد: وين تنزل هني
دانه : عيل مش وانت ساكت
لما وصلو جريب من المنطقه
دانه وقف هني برجع مشي
احمد: بس
دانه : من دون بس
وقف ونزلت من السياره وراحتت تتمشى
ومرت من عند بيت خالد
كان خالد توه طالع من باب البيت ومشى على الشارع لمحها
واهو ماشي بالسياره غير مساره ورجع بس اهي اختفت
خالد وقف وضرب السكان : هل حقيره وين راحت لاكني بحصلها في يوم و بتجوف لاخليها ذليله تحت ريلي

و مشى راح في دربه
دانه دخلت البيت جافت شنط و ابوها كان في الصاله مع اخوانها ويسالفون ويضحكون
جذبها الصوت وقفت بعيد و اشتاقت للماضي يوم كانت وياهم حست ان الدموع احجبت الرؤيه وكانت بتمشي صوت
عمر الي وقفها
عمر : دانه دانه تعال اقعد ويانه
ام علاء : عمر اقعد محلك
عمر: ابي دانه
ام علاء طالعته بنظره رجع قعد
بو علاء: مافي الحمدالله على السلامه او شي
دانه: الحمدالله على السلامه يبه وراحت لين عنده وباست راسها ومشت
بو علاء : على وين وماقلت لج هل لبس ماابيها عليج
دانه: انا حره في لبسي
ام علاء : خلها الي مو متربيه اقول ذلفي عن ويهنه
دانه راحت تركض غرفتها و قفلت الباب و قعدت على سريرها تصيح
بو علاء : اقول خفي عليها شوي وايد قاسيه عليها
ام علاء: وانت تجوف الي سوته عدل خلها تولي
بوعلاء: بس احنه وايد قسينى عليها
ام علاء : الي صار من دلعك لها وجوف شنو سويت سود الله ويها سودت ويهنه واحين جوفها سيدها قيدها تلبس الي تبي وجنها ولد وتطلع تقعد ويا الصبيان
انا وحده من الي وياي يشتغلون كانت تبيها حق ولدها لما جافتها جي هونت
بوعلاء :اهي عوده احين و تفهم وتعرفين مااقدر اجبرها لو نزوجها يمكن
ام علاء : من يبي ولده مثلها مثل الشباب
بوعلاء : انتي اكثر وحده تعرف ان دانه مو جي اهي تسوي هل بالعماله وانتي تعرفين يعني تعتدل واهي تبي من يشجعها ان ترجع مثل ماكانت انتي امها بدال ماوقفتي يمها صرتي كل ضدها وانا ريال يعني تستحي مني بالذات بعد الي صار
ام علاء: من دلعك صار الي صار
بو علاء : يعني تحمليني الذنب وانتي بعد كنتي تدلعينها سمعي يا مره يودي مبنتج وكلميها سامعه وابي اجوفها معتدله

عند ابراهيم و روعه
كان خالد قاعد وياها والجو كان حلو ضحك و قشمره
خالد: تسلم يدج يا الغلا على هل اكله
روعه: الله يسلمك
كان ابراهيم قاعد يم روعه وحاط يده على جتفها ويطالع خالد على صوب
خالد: والله طباخج حلو مثلج
روعه: هههه هذي من ذوقك
ابراهيم : اقول كمل كمل مغازل في زوجتي
خالد: هههههههه احين امدحها تقول اغازل
ابراهيم: خلود مو جنك طولت متى بتذلف
روعه: ابراهيم
ابراهيم: يااخي ابي ارقد الناس ظهر واحين وقت راحه
خالد: روح ارقد محد ميودك
ابراهيم: اوكيه قومي روعه
روعه: اقعد محلك واخوك قاعد بتمشي عنه
ابراهيم : قلتي اخوي مو غريب البيت بيته
خالد: انزين خلها تسولف وياي
ابراهيم: تدل وين بيت امك وابوك يا الله روح
خالد: هههههه خلاص قمنه يا الله فمان الله
ابراهيم فمان الكريم تدل الباب اظن يا الله اقلب ويهك
خالد: اراويك يا الدب مع السلامه روعه
روعه: اقعد معليك منه وطالعت زوجها بنظرات اعتاب
خالد: معليج انا بروح برضاي لو ابي اقعد بقعد ماعلي منه
روعه: اكيد
خالد: ايه يا الله فمان الله

بعد ماطلع خالد
روعه: ابراهيم شل حركه البايخه الي سويتها
ابراهيم: ماسويت شي عادي
روعه :دام ماسويت شي وعادي اقول ارقد هني احسن لك لاتيني داخل سامع
ومشت عنه دخلت الغرفه وقفلت الباب
ابراهيم يطق الباب : حياتي شفيج زعلتي اهو مازعل
روعه: لا تحاجيني سامع
ابراهيم: ياربي عليج ابي افهم احين ليش زعلانه تره الموضوع مايستاهل
روعه بطلت الباب : من قال لك تطرده وتقول ابراهيم اهو لو مايحبك ويبيك مايانه اصلا اهو على طول ايي لا تخليه يمل منك لانك كل تطرده وبعدين يقطع و تخسره
ابراهيم: لا تخافين خلود يعرفني احبه ويعرف اسلوبي واحين اهو قال لج لو مايبي يروح جان ماراح
روعه: بس مو عدله بعد اهو يرتاح هني اكثر من الباقي


في بيت جاسم ....

مي : مامي .. مامي
ام حمود : مي تعالي هني انا في المطبخ
مي: مامي .. انتي شنو تسوين هني
ام حمود: اجوفهم شنو يسون واراقبهم
مي: مامي خليهم اهم بروحهم لو صديقاتي يجوفونج او احد شنو بقولون
ام حمود: المره السنعه لازم تجابل الاكل وكل شي مو تهيت
مي: بس مامي انتي زوجة جاسم و عندج من الخدم بدال وحده 10 ليش بروحج تجوفين خليهم اهمه
ام حمود: حتى لو عندي مليون انا اجابل بيتي والاكل بعد ماتدرين شنو يحطون لج
مي: اوه المهم تعالي ابيج تختارين معاي فستان
ام حمود: حق شنو مو توج مسويه واحد وايد تصرفين اجوفج لاتبذرين حرام
مي: اوه مامي بسوي حفله ولازم ابي فستان راقي الي سويته بلبسه اذا سوت حق صديقاتي بس
ام حمود: انتي وحفلاتج الي ماتخلص انا مشغوله عقب بيي وبجوف وياج
مي: لااحين
ام حمود:ي ابنت قلت بعدين
مي : اوف خلاص اوكيه
واهي كانت تتمشى بتركب الدرج عشان تروح الرغفه
كان حمود نازل الدرج واهو يركض
مي : ياربي شل ادمي الهمجي
حمود وقف : سمعتج خير شتبين
مي: ماابي شي واهي راكبه الدري
حمود: عدال بس لاتعورين وانتي تركبين
مي: اقول اسكت سامع اخر من يتكلم اهو انت يا الهمجي الفاشل
حمود طنشها ومشى متعود على كلامها

دانه كانت في غرفتها وقاعده تطالع البوم الصور قديم لها اهي وامها وابوها
من كانت صغيره لين صار عمرها 18 سنه
كانت تقلب فيه و دموعها تاخذ مجراها على خدها

تمنت لو يرجع الوقت وتغير كل شي و كانت ماغلطة غلطتها لاكن بعد مايفوت الفوت ماينفع الصوت
دانه:آآآآآآآآآآآآآه

في هل لحظه كانت نوف تطق الباب تبي تدش
قامت دانه فتحته وشافت نوف حامله دب صغير
دانه: هلا والله وحملتها وباستها على خدها
نوف حطت راسها على جتف اختها
دانه: يا عمري والله
و حطتها على السرير وخلتها في حظنها وقعدت تقول لها قصه
الاميره و الامير (( قصصنه لما كنا يهال ماعندنه الا امير واميره اهم شي في الصقه))
لين نامت بعدها حملتها ودتها غرفتها و حطتها على السرير و طلعت بسرعه قبل امها ماتجوفها

جافت الساعه كانت 4 ونص العصر
واهي حاسه بالملل بدلت ملابسها و طلعت عند البيت سمعت واحد يناديها
......: ديم .. ديمو
دانه: هلا هلا علوي شخبارك
علي: بخير ومن صوبك
دانه: تمام
علي : ها شرايك تيي ويانه على الموتر سيكل
دانه: لالا خلها مره ثانيه
علي: تعال غير لك جو
دانه بعد تفكير: اوكيه بس انا ماعمري سقتها
علي : افا عليك بنعلمك وعندي وحده في البيت بعطيك تمشيها
دانه: جوف اذا كنسلتها لك
علي: هههه فداك
دانه: خلاص عيل مشنا

خالد رجع البيت وشاف باب البيت مفتوح و فيه سيارتين واقفين وينزلون منهم شناط
دخل داخل
ونزل راح عند باب البيت وسمع صوت ابوه
خالد: سلام الحمدالله على السلامه يبه وباس راس ابوه
و راح حضن امه وباسها
بو جاسم: هلا يبه شخبارك وشخبار الشغل
خالد: كل شي تمام ويدي يسلم عليكم
بو جاسم: الله يسلمه ويسلمك ام جاسم تامريني بشي
ام جاسم: سلامتك يا الغالي بس اقعد ارتاح
بو جاسم: وراي اشغال لازم اكملها وماجلها من زمان يا الله مع السلامه
ام جاسم : في حفظه
جود: ماما شنو يبتي لي
خالد يقلدها: مام شنو يبتي لي ..هي انتي تراج بقره مو ياهل تقولين ماما
جود: كيفي ومدت له لسانها
رفع حاجب واهو يطالعها: هذي بقصه لج سامعه
جود: يمه جوفيه
ام جاسم: يا عيال عقلو وخالد خل اختك على راحتها

مبارك: هلا هلا وانا اقول ليش البيت منور اثاري ست الحسن والدلال منورته
ام جاسم: ههههههه هلا يا نظر عيني تعال فديتك
خالد يتحلطم : اي اهو فديتك و نظر عيني وانا لا
ام جاسم : هههههههههه وانت بعد عمري ونظر عيني
جود: اي خلود مادريت
خالد: لا مادريت باسلوب استهزاء
مبارك : خلج بقول له اسمع تراك مو ولدنه
خالد: عيل ولد الجيران
جودك لا ابوي محصلك عند باب المسيد
خالد راح قعد عند امه: اقول اذا جفتوني ياهل قصو علي
مبارك: هههههههه والله في ناس كانو يصدقون ويرحون يصيحون
جود: اوه كنت ياهل ماافهم
خالد: هههههههههه تعرف روحها
جود: كنت ياهل وانتو يا التيوس تقصون علي
مبارك مسكها من شعرها: من تيوس
جود: محد
مبارك: عيل
جود : محد محد
خالد: ههههه تعرف لو ذي بنت اخوك جان بتصيح وبتقول لك عمو قصصت شعري
مبارك:ههههه اي والله من زمان ماادري عنها وعن حفلاتها
ام جاسم: انا ماادري شلون جاسم يرضى على هل حفلات ابوك جم مره كلمه يقول لهتطور الله يستر عليها بس
مبارك: وهذي احلى شي حفلاتها
خالد: حق سواد ويهك مو لله
مبارك: مالك خص سامع
ام جاسم: شفيكم و ليش تقول حق اخوك هل كلام
خالد: لا يمه ولا شي لاتفكرين في الكلام مافيه شي اخوي
طالع اخته وقام من محله وبا راس امه وطلع
ام جاسم: شفيهم اخوانج وليش اخوج يقول حق اخوه حق سواد ويهك بروك شنو مسوي واحنه ماندري
جود: لا يمه ولا شي
ام جاسم : يابنت اذا تعرفين شي تحجي
جود: يمه مااادري شفيهم وفي نفسها( يمه لوتدرين بس جان بتحطين يدج على راسج الله يستر يا رب ويهديه)

دانه وعلي الي كانو يفترون على الموتر سياكل
علي: جوف هل قطع الي تمشي
دانه: اقول امش وخل بنات الناس في حالهم احسن
علي: يا اخي وين بحصل قطع جي
دانه: دام انا وياك قلت لك خلهم في حالهم سامع لو بتحب مو مشكله لاكن تلعب لا
علي : خلاص فكنه من المحاظرات و جدم عنها و اهي كانت وراه


مبارك كان في رغفته رن تلفونه
جاف رقم
مبارك: اول مره اجوفه يارب تكون الي في بالي الوو
الطرف الثاني : مساء الخير
مبارك : مساء النور و الورد والحب هلا والله براعية الصوت الحلو
الطرف الثاني ترد بخجل : اهلين فيك
مبارك: فديتج والله حرام عليج انتظر اتصالج من اسبوع حرام عليج لاليلي ليل ولا نهاري نهار كله من يوم جفتج
البنت : .....
مبارك : الا ماقلتي لي اسمج شنو
البنت: ريم
مبارك: اسم على مسى شخبارج
ريم: بخير اسئل عنك وينك ماتبين
مبارك: انا زعلان عليج لانه كل يوم كنت ايج وماتعطيني ويه
ريم: ماعاش من الي يزعلك بالصراحه افتقدتك وقلت بتصل عليك دام عندي رقمك
مبارك: ماتفقدين غالي يا نظر عيني
ريم استحت وماردت عليه
مبارك: لاتسكتين وخليني اسمع صوتج الي يرد الروح
ريم: انته شلون تحبني وماتعرفين بس جفتني جم مره
مبارك: اول ماجفتج ملكتيني وحسيت اني اعرفج من زمان
ريم: الا شنو اسمك
مبارك: اسمي فهد وعمري 24
ريم: العمر كله وانا عمري 18 سنه اوكي فهودي بخليك احين وبكلمك عقب
مبارك: ماشبعت من صوتج ولا منج
ريم: مره ثانيه يا الغاليه مع السلامه
مبارك: بطلب منج طلب
ريم: امر
مبارك: غطي ويهج اذا تطلعين تره اغار وماابي احد يجوفج
ريم: حاضر باي
مبارك: باي

مبارك: والله حصلت لك صيده يديده وشكلها من النوع الغبي الي يصدق وتسوي روحها ثقيله علي غبت اهي اتصلت تدورني


بعد ما افترو شوي دانه وعلي
دخلو فريجهم
وجافو شاب يتعرض لاحد بنات الفريج (( الشباب عندنه بنات فريجهم مايرضون عليهم وبعد مايغازلونهم وان جافو احد يتعرض لهم مو احسن له بس مو كلهم عاد))
دانه وقفت صوب واحد وراحت للشاب ودفعته
دانه: هي انت ماعندك خوات وتخاف عليهم
الشاب : مالك خص سامع ليش خواتك
دانه: ايه خواتي وخاف ربك يعني الي تسويه احين غيرك بسويه في خواتك
الشاب : لاتيب طاري خواتي سامع
دانه شالت الخوذه من على راسها ورمتها بعيد واهجمت عليه لكمته
و الشاب دافع عن نفسه بس لحقو عليهم لانه وحده من البنات جافت شباب ونادتهم
شابين مسكو الشاب و علي مسك دانه
الشاب: مابقى الا انتي تمدين يدج ولا بعد طلعتي بنيه
دانه: هدني عليه اعلمه قدره عدل
علي: ديم هد اعصابك
الشاب : بعلمج قدرج عدل وبنسى انج بنت
دانه: ايه مصدق عمرك لو تمس شعره مني بدفنك
علي ابعد دانه والشباب ابعدوه

علي: شفيك عصبت ولاتدخل عمرك في هل سوالف تره بعدين بتنطق ومحد بدافع لك
دانه وكانت تلهث: اقدر ادافع عن نفسي سامع
علي:بس لاتنسين انج بنت في الاخير
دانه : انزين انزين فكني
علي رمى علهيا الخوذه: البسها والحقني وبسك مشاكل تراك مو قدها
دانه: لاتستهين فيني سامع
علي : ادري انك تلعب الكاراتيه بس ب مو كفايه بعد بتظلين بنت
دانه راحت صوب الدراجه وركبتها: لاتستهينون سامع
ومشت
ولحقها راحو لين بيت علي و نزلت وعطته الدراجه ومفتاحها وراحت بيتهم
جافت امها قاعده
ام علاء : وين كنتي وتوج مشرفه البيت
دانه: طلعت اغير جو
ام علاء : احين الساعه جم
دانه: سبع ونص بالليل
ام علاء : سمعي طلعه من البيت مافي وهل ثياب ماابيج تلبسينهم سامعه
دانه: انزين ليش يعني بعد في واحد متقدم وتبون تلصقوني فيه وتفتكون
ام علاء: تكلمي عدل سامعه وابيج مثل ماكنتي و مسكتها من ذراعها و راحت لغرفتها وفتحت الكبت جوفي هل ثياب ابيج تلبسينهم سامعه
دانه: ارجع مثل ماكنت مافي امل
ام علاء: انتي الي يبتي حق نفسج سامعه و حمدي ربج انه ماذبحتج
دانه وعينها مغرقه بالدموع: ياليت جان ارتحت
امها حضنتها دانه كانت محتاجه لهل حضن وقعدت تصيح
دانه: يمه انا اسفه بس الي صار غصب عني
امها ماخلتها تكمل لانه ان قالت بترد الذكريات وامها اكرتها بسبب الي صار
بعد نص ساعه نامت و غطتها امها وطلعت من الغرفه
صادفت زوجها
بوعلاء: ها شصار
ام علاء احضنت زوجها : نامت
بوعلاء: كلمتيها
ام علاء بدت تدمع عيونها
بوعلاء: تعالي الغرفه احسن نتكلم
وفي الغرفه
ام علاء: قلت لها ابيج ترجعين قالت لي مافي امل وزاسلوبها نرفزني قلت لها انتي الي بتيه حق روحج وقلت حمدي ربج ماذبحتج
بوعلاء: فاطمه انتي امها وتقولين جي لها احين احنه مانقدر نسوي شي وتره محد يدري بالموضوع
ام علاء: اعرف بس نفسيا
بوعلاء: المفروض توقفين يمها احنه قومنه الحرب عليها بمافيه الكفايه وبنتنه انحرفت وايد
ام علاء: يعني انا مرتاح ان بنتي نحرفت من بنت الى ولد بس انا وانت نعرف ان اهي تسوي جي عشان محد يتقدم لها
بوعلاء: انا اعرف بس الناس يجوفون الظاهر
ام علاء: اناا ادري اني قاسيه بس غصب عني الي صار هد حيلي
بوعلاء: والله مو بس انتي انا كسرت ظهري و حسيت روحي بتطلع
دخل عليهم عمر يصيح لانه متهاوش مع اخوه و خلاهم يسكتون
بوعلاء: افا البطل يصيح
عمر: بابا الاءوو يتقني (( بابا علاء يطقني ))
بوعلاء شال ولده : تعال حبيبي معاي و احين بكلمه لك و اهو ماشي فطيم تجربي منها عشان تقدرين تكسبينها مره ثانيه


اتمنى ان ينال اعجابكم
ادري ان تبون تعرفون غلطتها بس اقول لكم لاتستعيلون كل شي في وقته حلو وبتعرفون غلطتها عقب ان شاء الله

ان شاء الله يعجبكم
وقرائه ممتعه للجميع ...

 
 

 

عرض البوم صور زيونه الحلوه  
قديم 14-05-08, 04:44 PM   المشاركة رقم: 12
المعلومات
الكاتب:
اللقب:
ليلاس متالق


البيانات
التسجيل: Feb 2008
العضوية: 63670
المشاركات: 2,146
الجنس أنثى
معدل التقييم: الحلو اللاذع عضو بحاجه الى تحسين وضعه
نقاط التقييم: 27

االدولة
البلدSaudiArabia
 
مدونتي

 

الإتصالات
الحالة:
الحلو اللاذع غير متواجد حالياً
وسائل الإتصال:

كاتب الموضوع : زيونه الحلوه المنتدى : الارشيف
Congrats

 

زيووووووووووووووووووووووووووووووووونة


كيفك أخبارك


ماصدقت رواااااااااااية جديدة ومنك واااااااااااااااااااااااااااااو





قرئت ال 3 أجزاء وكل جزء آحلى من الثاني


لا اااااااااا كله ولا الأبطاااااااال


شئ جديد علينااااااااااا


خااااااااااااااااااالد ودييييييييييم / دااااااااانة هل هما البطلان ؟؟؟؟؟؟؟


لم يعجبني في صفته الغرور وحتى مواقفه مرررررره وحششششششششششه


دييييييييم ماذا حدث لها وحولها من أنثى الى بوووووويه صددددددددددمه !!!!!!


ابراهيم و روعة زوجين كغيرهم من الأزواج بأختلاف الوقت والمشاعر والمشكلة


جووووووود متحمسة لهاااااااااا مررررررررررره


مباااااااااااارك اخص اخص على الرجالة اللي زي كده




ومتابعاك من الآن يالغلا الى النهاية







ومنتظرة القااااااااادم بكل شوووووووووووق





تحيااااااااااااااااااااااااااااااااااااااااااااااتي

 
 

 

عرض البوم صور الحلو اللاذع  
قديم 14-05-08, 04:52 PM   المشاركة رقم: 13
المعلومات
الكاتب:
اللقب:
ليلاس متالق


البيانات
التسجيل: Feb 2008
العضوية: 63670
المشاركات: 2,146
الجنس أنثى
معدل التقييم: الحلو اللاذع عضو بحاجه الى تحسين وضعه
نقاط التقييم: 27

االدولة
البلدSaudiArabia
 
مدونتي

 

الإتصالات
الحالة:
الحلو اللاذع غير متواجد حالياً
وسائل الإتصال:

كاتب الموضوع : زيونه الحلوه المنتدى : الارشيف
Congrats

 

سوووووووووووووووووووووووووري



علاء وعمر ونوف يجننوااااااااااااااااااااااااااااااااااااااااااااااااااا



يانااااااااااااااااااااس فديت عموووووووووووووووري


كله ولا

عمر: بابا الاءوو يتقني


وه وه وه

بسسسسسسسسسس



يزنننننننننننننننننننننن


ومي ماعجبتني ابدااااااااااااااا


والشباب احمد علي عثمان ياهووووووووووووووو كلاااااام كثييييييييييييير


وموقف ديممممممممم من اللي غازلو بنات فريجهم كده الرجاللللللللة خخخخخخخخخ


سوري البناااااااااات



في شئ لفت أنتباهي


في هل لحظه كان مبارك وجود طايفين عليهم ولمح دانه
مبارك في نفسه ( ياربي مو غريبه علي بس ...)


لااااااااااااا تقوووووووووووووووووولي أنه هو السبببببببببببب


تراااااااااااا أذبحه







ومشكووووووووووووووووووووووووووووووورة

 
 

 

عرض البوم صور الحلو اللاذع  
قديم 16-05-08, 09:03 PM   المشاركة رقم: 14
المعلومات
الكاتب:
اللقب:
ليلاس متألق


البيانات
التسجيل: Oct 2007
العضوية: 45521
المشاركات: 165
الجنس أنثى
معدل التقييم: زيونه الحلوه عضو بحاجه الى تحسين وضعه
نقاط التقييم: 12

االدولة
البلدBahrain
 
مدونتي

 

الإتصالات
الحالة:
زيونه الحلوه غير متواجد حالياً
وسائل الإتصال:

كاتب الموضوع : زيونه الحلوه المنتدى : الارشيف
افتراضي

 

هلا والله
بالحلو اللاذع

اكثر متابعه لي

وحشتيني يا الغلا

مشكوره على المرور
وتعقيبج على كل شخصيه

وان شاء الله في الاجزاء اليايه بتعرفين شنو اهي غلطتها
و بتعرفين اكثر عن الشخصيات
مشكوره عنوني على المرور نورتي



زيونه الحلوه

 
 

 

عرض البوم صور زيونه الحلوه  
قديم 16-05-08, 09:21 PM   المشاركة رقم: 15
المعلومات
الكاتب:
اللقب:
ليلاس متألق


البيانات
التسجيل: Apr 2008
العضوية: 71606
المشاركات: 326
الجنس أنثى
معدل التقييم: لميس133 عضو بحاجه الى تحسين وضعه
نقاط التقييم: 23

االدولة
البلدBahrain
 
مدونتي

 

الإتصالات
الحالة:
لميس133 غير متواجد حالياً
وسائل الإتصال:

كاتب الموضوع : زيونه الحلوه المنتدى : الارشيف
Congrats

 

هااااااااااااااااااااااااااااي زينونه الحلوه..
آنه متابعه معاااااااااااااااااااااااااااك..
وآنه معجبه بشخصية ديم وااااااااااايد..
مشكوووووووووووووووووورة يا الغاليه على كتاباتك الرووووووووووووووووووووووعه
متابعه..
متابعه..
متابعه..
تحياتي:..بنت الظاعن

 
 

 


التعديل الأخير تم بواسطة لميس133 ; 16-05-08 الساعة 09:37 PM
عرض البوم صور لميس133  
 

مواقع النشر (المفضلة)
facebook



جديد مواضيع قسم الارشيف
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 03:39 PM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية