لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > قسم الارشيف والمواضيع القديمة > الارشيف
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

الارشيف يحتوي على مواضيع قديمة او مواضيع مكررة او محتوى روابط غير عاملة لقدمها


 
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 07-05-08, 12:08 PM   المشاركة رقم: 6
المعلومات
الكاتب:
اللقب:
ليلاس متألق


البيانات
التسجيل: Oct 2007
العضوية: 45521
المشاركات: 165
الجنس أنثى
معدل التقييم: زيونه الحلوه عضو بحاجه الى تحسين وضعه
نقاط التقييم: 12

االدولة
البلدBahrain
 
مدونتي

 

الإتصالات
الحالة:
زيونه الحلوه غير متواجد حالياً
وسائل الإتصال:

كاتب الموضوع : زيونه الحلوه المنتدى : الارشيف
افتراضي

 

جزء الثاني
خالد بدل ثيابه وطلع من البيت راح المكتب يمكن جم شغله عليه

واهو في شغله اتصل عليه اخوه
خالد : هلا بروك شفيك ..
مبارك : يااخوي ابي منك مساعه بسيطه
خالد: امر شتبي بسرعه ماعندي وقت
مبارك : ابي منك بس خمس الاف دولار
خالد : وحق شنو
مبارك : اوهو انت عطني وعقب برجعهم لك
خالد : اوكيه خلني اخلص وباجر الصبح بطرشهم لك الا في وين انت
مبارك : باجر طيارتي الساعه 6 في الليل وبروح فرنسا تبي اتيي حياك
خالد : انا مو فاضي لسوالفك يا الله باي
مبارك : باي مو تنسى
خالد : لاتخاف فمان الله


قعد يقلب في الاوراق و طرت على باله دانه : اففففففف
وفي هل لحظه رن موبايله على نغمة London bridge
وشاف الشاشه كان صديقه حمد
خالد : هلا والله
حمد : اهلين شخبارك يا القاطع
خالد : بخير نسئل عنك
حمد : اي باين انك تسال المهم ها اليوم بتيي
خالد : اكيد لاعت جبدي من الشغل احين بطلع من الدوام
حمد : حشى انته الناس في بيتها احين وانت مداوم
خالد : ياخوك لازم اخلص الاشغال لانه امس ماداومت واليوم اجازه قلت افتك
حمد: عيل الليله ننطرك اوكيه
خالد: اوكي يا الله فمان الله
حمد : فمان الكريم

رتب الاوراق بعده ماكملهم لاكن مخه مشغول بدانه ان شلون يوصل لها وينتقم

دخلهم داخل الخزنه وقفل عليهم واخذ المفاتيح معاه

رجع البيت وخذ له شور و بعدها راح المسجد صلى المغرب ورجع البيت شاف جود
قاعده في الصاله وتطالع فلم رعب حب يخرعها يعرفها خوافه
كان في يدها عصير وتاكل نفيش ( فوشار) واهي مندمجه
جرب منها وحط يده في شعرها بحركه خلها تنقز من محلها و سكبت عليه العصير والنفيش
جود : يمهههه
خالد : ههههههههههههههههه وسوه روحه معصب طالعي لعوزتيني
جود : تستاهل يا البايخ يا السخيف طيحت قلبي
خالد : هههههههه ماتعور لما طاح رجعيه محله
جود : هي هي بايخ
خالد: جوفي لعوزتيني احين شلون اطلع
جود: مشكلتك عشان هل مره تخرعني
خالد : محد قال لج صيري خوافه ولا بعد تطالع فلم رعب ويهج ويه رعب حدج تطالعين سبيستون ويمكن تتخرعين
جود : ويهك عاد محد يطالعها الا انت عبالك ماادري اجوفك تطالع توم وجيري
خالد: كيفي ابي اعرف شحارج انتي
جود: ريال طول وعرض وهيبه ويطالع توم وجيري
خالد : اقول ذلفي زين بروح اتسبح مره ثانيه والسبه انتي
جود : تستاهل محد قال لك


في بيت دانه كانت في غرفتها قاعده تقرى لهال روايه رومنسيه
وفي نفسها ( آخ ياربتني مثل هل بطله عايشه احلى عمرها )
وتبطل الباب وكان علاء حامل نوف وفلتها على السرير
دانه : تعال ليش يايبها
علاء : اف ماتخلنه نلعب مانبيها اخذيها
دانه : هههههه اوكي خلاص علاء
علاء: شنو
دانه: اذا واحد عود كلمك قول نعم امي هني
علاء : انزين لامحد طالعه وبابا اليوم سافر
دانه : ادري
طلع علاء وقعدت تلعب اختها وطلعت العاب اهي تحتفظ فيهم ودببه وقعدت تلعبها
بعد صلاة العشى مباشره يكون موعد العشى
اجتمعت العايله كلها ماعدا دانه وابوها
لان اهي محرم عليها تقعد وياهم على الطاوله وابوها لانه مسافر

ام علاء : علاء لاتطلع صوت وانته تاكل
علاء : ان شاء الله
... شوي ..
ام علاء : علاء اقعد عدل وعدل ظهرك
علاء بملل : حاضر
ام علاء التفت على عمر : ولد لاتطلع صوت وانته تشرب
عمر : .........
ام علاء : عمر .. احاجيك
عمر : ان شاء الله ماما
نوف كانت تمشي حوالين الطاوله
ام علاء : لاكيشا .. لاكيشا
لاكيشا يات لهم تركض : يس مدام
ام علاء : عشيتيها
لاكيشا : ايه مدام من شويه انا يعطي ياكل
ام علاء : اوكيه اخذيها وسبحيها ويدها غرفتها ونيميها
لاكيشا : حاضر مدام
ام علاء : علاء جم مره قلت لك اذا خلصت لاتلعب في الصحن و بعدين قول الحمدالله
علاء بملل : اوكيه مامي انه خلصت اقوم
ام علاء : روح خ لك شور و بعدين نام سامع
علاء بصوت عالي : حاضررر
عمر : ماما انا اقوم
ام علاء : روح الحق اخوك
عمر راح لامه وباسها ومشى
قعدت تفكر في عيالها وان اهي في هل فتره صايره قاسيه زياده عن اللزوم بس خوفها اهو السبب
تخاف تدلعهم ويصير مثل ماصار مع دانه لان كانت تدللها وايد و بوسة عمر لها ذكرتها في دانه كانت في الروحه والجيه تبوسها اهي وابوها و تحضنهم

و قامت من على الطاوله وراحت المكتب وقعدت تقرى في الاوراق الي عندها



نروح لعند مبارك ...
الي عايش الجو رقص واغاني وشرب وبنات
وحده على يمينه والثانيه على يساره
مبارك يكلم رفيجه واهو في حالة سكر: البنات زينة الدنيا ويا محلاهم
رفيجه : صادق يااااااابوو الشباب بدونهم مانسوى
مبارك : اقول لك بعدل مزاجي جم يوم بعدها بروح حق البنت الي قلت لك عنها بضبطها و بصرف عليها شوي بعدين نفلتها
رفيجه : هههههههه والله انك شري
مبارك : افااا عليييييييك يا الله خلني اروح مع هل قمور عن اذنك التفت على الي يمه ( جنبه) let we go my sweet lady
البنت : can we remaining for a few minutes
مبارك رفع حاجب : why ?
البنت : I want remaining with my friend , because she will traveling tomorrow
مبارك : she, can came with us
البنت : no she couldn't came
مبارك: ok I will go , you can remain with your friend
تركها وراح

بس طبعا مايعوقه شي عنده البنت بدالها الف وحدهع وحصل له وحده ثانيه وطلع معاها يكمل سهرته

دانه قاعده في الغرفه طالعت الساعه كانت تشير للثامنه والنصف
وتحس بالملل فتحت الكبت و طاحت عيونها على فستان شرته حق حفلة كانت بتسويها في البيت وهل فستان محتفظه فيه من سنتين و كم شهر
طلعته والبسته و دروت على علبة الميك اب طلعتها من تحت السرير و حطت لها ميك اب و كحلت عيونها و المسكره كانت ناشفه لانها قديمه و اكتفت بالقلوس
طالعت نفسها انوثتها صارخه و شكلها صار مثير و قعدت تفكر بعدها نزلت دمعه من عينها دخلت الحمام غسلت ويها و بدلت الفستان وطلعت جينزو ولادي و تي شرت ولادي على رسمة جمجمه مرسومه باللون الذهبي و لبست قبعه (( طبعا اهي تبدل حالها من سنتين يعني من بنت دلوعه الي بويه وبعدين بنعرف سبب التغير اهي ويا بيتهم عاديه بس عند الناس ))

طلعت جافت الشباب قاعدين صوب واحد ويلعبون الورق
راحت صوبهم
دانه : سلام عليكم
الكل : وعليكم السلام
جمال : هلا هلا حياك تلعب وانكسر راسهم
دانه : افاا عليك انا قدها
احمد : تخسون اليوم احنه بنغلب وبتجوفون
وقعدو يلعبون و سوالف وضحك
لين صارت الساعه 11 ونص
دانه : اوكي يا الله شباب استاذن
جمال : تو الناس على وين
دانه : يااخوك تعبان حدي وقايم من فير الله يا الله بالاذن
الكل : فمان الكريم
جمال: خلنه نجوفك
بعد ماراحت عنهم
احمد : جمال انا اخبرها قبل دلوعه شلي قلبها
جمال : الله اعلم
احمد : بس تعرف انا كان ودي اتقدم لها و احس ان بتترك هل لبس وهل اسلوب الدفش بس امي قالت مالقيت الا ذي
جمال : بالعكس والله مافي احسن منها لاتنسى انا اعرفها من ايام ابتدائي كانت معاي في نفس المدرسه و ابوها صديق ابوي اذكر لما انه كنت في الاعدادي ( متوسطه ) كانت حدها دلوعه بس مثل مايقول لك دوام الحال من المحال والله اعلم شلي قلبها مره وحده
عثمان : اقول خلو سيرة البنت عنكم احين تره مو زين تتحجون عنها


خالد دخل البيت جاف جود قاعده وتتابع فلم رومنسي
وكان شكلها وايد مندمجه ومتاثره
خالد : لحوول انتي كله ويا هل افلام يا رعب يا رومنسيه يا كومدي
جود: كيفي الا اقول راد من وقت اشعندك
خالد : يمه اي من وقت الساعه 12 الا ثلث و تقولين من وقت انا عادتا 11 في البيت لاتنسين باجر دوام
جود : انزين ماقلت شي انا الا اقول خلود حبيبي انته وروحي اخوي حبيبي
خالد: اقول قولي شتبين بدون لف ودوران
راحت عنده : ابي تطلعني اتعشى حدي يوعانه ومومشتهي من البيت خاطري اطلع اتعشى برع
خالد: انا تعبان ومالي خلق
جود : بلييييييز سو خير في حياتك لو مره وحده
مشى عنها وقعد على الكرسي و حط ريله على الطاوله و قعد ياكل من الجبس الي في الصحن
جود : خلود يا الله عاد قوم طلعني
خالد : امممم جوفي عندج خمس دقايق بس تروحين تبدلين و تيين ان تاخرتي دقيقه وحده بكنسل
اهي بس خلص الجمله راحت طيران تلبس العبايه لان ماعندها وقت تجوف شنو تلبس و اخذت الشيله وموبايلها والشنطه ونزلت بسرعه

خالد : اقول عمتي بتروحين بالشبشب المطعم
جود : اوه نسيت سوري وكانت بتركب مره ثانيه
خالد : هي هي وين رايحه يا الله جدامي واظن عند مدخل البيت في نعل لج
جود : ايي صح زين قلت نسيت
خالد : لازم تنسين وين اغراضج دام كل مكان فالتتهم اي على صح طاري اغراضج شنو تسوي طبجه شبشبج في حجرتي
جود : ههه وانا اقول وين راحت امم ولا شي بس دشيت هناك فصخته امم مااذكر ليش وعقب طلعت و خذيت واحد الثاني دورته ماحصلته
قعد يطالعها بنص عين خالد: الله يعقل الحمدالله والشكر
جود : ليش جايفني مينونه
خالد: انتي مينونه لا من قال انتي ام العقل اقول يا الله جدامي


روعه : برهوم قوم اسهر معاي
ابراهيم: تعبان خليني ارتاح
روعه : عاد بس شوي
ابراهيم : مره ثانيه
روعه اوكي براحتك وقامت عنه مسكها
ابراهيم: افا الحلوه ازعلت علينه
روعه: لامازعلت عادي
ابراهيم: طالعيني
صدت عنه صوب ثاني
ابراهيم : جفتي زعلانه
رجعت التفت عليه وكانت عيونها مدمعه : ابراهيم ابي اعرف شلي صار عليك
انت وايد متغير علي و بالذات في الليل كله بعيد ابي اعرف ليش قول لي
ترك يدها و صد عنها : انا تعبان وابي انام
روعه : جفت هذي حالك كل يوم قول لي ليش ريحني .. عشان سالفة العيال
ابراهيم: اووه انتي ازعجتيني لو سمحتي سدي هل موضوع
روعه : عيل الموضوع سالفة العيال .. ابراهيم انا مو مستعده اخسرك . اذا على سالفة اليعال انا افضل اعيش معاك بدونهم بس اهم شي ترجعه مثل ماكنت
انت قبل ماعمرك صرخت علي وان طلبتك طلب تقول حاضر احين كله لا
ابراهيم : بس ياروعه ولي يسلمج سدي السالفه
روعه بانفعال : لا مو ساكته سكت لك وايد انا قلت لك العيال مو هاميني كثرك انت انا عشت قبل مع واحد ذوقني الويل وياه انا حملت منه وكرهت الياهل لانه بيربطني فيه بس حملي ماظل لانه ضربني
كانت تتكلم واهي ترجف وتصيح
ماهانت عليه وايد بالذات حالها يصير سياي ان تذكرت زواجها الاول
قام وحضنها: بس حياتي انا اسف على كل شي انتي لاتصيحين ماتعرفين دموعج تعذبني
كانت بترد بس حط اصبعه على فمها : خلاص ياقلبي لاتخافين مابصير شي وانا ماببتعد عنج لو شنو صار واوعدج اصير مثل ماتبين بس انتي لاتزعلين وتكدرين عمرج

(( خل اقول لكم عن روعه 29سنه ... اهي كانت متزوجه قبل ولد عمها ... كان سكير و كلن على طول يطقها بسبب و بدون سبب عاشت مع ولد عمها سنتين و كانت ضايقه منه الويل احملت منه مرتين و طبعا اهو لما يعرف ان حامل يزيد في ضربها وبسبب ان ابوها متوفي محد قدر يسوي لها شي اخر شي ولد عمها طلقها وسافر بعدها تمت ترفض كل الي يتقدمون لها وبعد اربع سنوات اشتغلت في شركة مع ابراهيم و كانت السكرتيره بعدها صار بينهم قصة حب و تزوجو بعض وصار لهم 3 سنوات ))


قرائه ممتعه للجميع
وان شاء الله ينال اعجباكم

زيونه الحلوه

 
 

 

عرض البوم صور زيونه الحلوه  
قديم 09-05-08, 09:57 AM   المشاركة رقم: 7
المعلومات
الكاتب:
اللقب:
ليلاس متألق


البيانات
التسجيل: Apr 2008
العضوية: 71606
المشاركات: 326
الجنس أنثى
معدل التقييم: لميس133 عضو بحاجه الى تحسين وضعه
نقاط التقييم: 23

االدولة
البلدBahrain
 
مدونتي

 

الإتصالات
الحالة:
لميس133 غير متواجد حالياً
وسائل الإتصال:

كاتب الموضوع : زيونه الحلوه المنتدى : الارشيف
افتراضي

 

زينونة الحلوة..
ابدعتي..عن ولا اروع من كذا..
اعجبتني علاقة جود بأخوها خالد..
واعجبيتني شخصية ديم وااااااااااااااااايد..
اتمنى لك التقدم..
تحياتي:بنت الظاعن

 
 

 

عرض البوم صور لميس133  
قديم 10-05-08, 09:25 AM   المشاركة رقم: 8
المعلومات
الكاتب:
اللقب:

البيانات
التسجيل: Oct 2007
العضوية: 47452
المشاركات: 30
الجنس أنثى
معدل التقييم: زين الحلا عضو بحاجه الى تحسين وضعه
نقاط التقييم: 10

االدولة
البلدPalestine
 
مدونتي

 

الإتصالات
الحالة:
زين الحلا غير متواجد حالياً
وسائل الإتصال:

كاتب الموضوع : زيونه الحلوه المنتدى : الارشيف
افتراضي

 

في بارت جديد وانا ما بعرف

لك شو هدا بجد بارت كتير حلو وامتعتينا خيتي

بس شو قصه دانه وانقلابها

اتوقع هي بس قدام لالناس عامله حالها بوي

بس بينها وبين نفسها تحس نفسها بنوتة بكل معنى الكلمة

الا صاير معها شي حادث او موقف ؟؟؟؟؟؟؟؟؟؟؟؟

بالنسبه لخالد اتوقع راح بيعجب فيها


تقديري

بانتظارك يا عسل

 
 

 

عرض البوم صور زين الحلا  
قديم 14-05-08, 11:24 AM   المشاركة رقم: 9
المعلومات
الكاتب:
اللقب:
ليلاس متألق


البيانات
التسجيل: Oct 2007
العضوية: 45521
المشاركات: 165
الجنس أنثى
معدل التقييم: زيونه الحلوه عضو بحاجه الى تحسين وضعه
نقاط التقييم: 12

االدولة
البلدBahrain
 
مدونتي

 

الإتصالات
الحالة:
زيونه الحلوه غير متواجد حالياً
وسائل الإتصال:

كاتب الموضوع : زيونه الحلوه المنتدى : الارشيف
افتراضي

 

هلا والله والله
بلميس نورتي يا الغلا

اسعدني مرورج يا الغاليه

 
 

 

عرض البوم صور زيونه الحلوه  
قديم 14-05-08, 11:25 AM   المشاركة رقم: 10
المعلومات
الكاتب:
اللقب:
ليلاس متألق


البيانات
التسجيل: Oct 2007
العضوية: 45521
المشاركات: 165
الجنس أنثى
معدل التقييم: زيونه الحلوه عضو بحاجه الى تحسين وضعه
نقاط التقييم: 12

االدولة
البلدBahrain
 
مدونتي

 

الإتصالات
الحالة:
زيونه الحلوه غير متواجد حالياً
وسائل الإتصال:

كاتب الموضوع : زيونه الحلوه المنتدى : الارشيف
افتراضي

 

زين الحللا انتي
الاروع ياقلبي نورتي القصه بمرورج غاليتي

اسعدني مرورج

 
 

 

عرض البوم صور زيونه الحلوه  
 

مواقع النشر (المفضلة)
facebook



جديد مواضيع قسم الارشيف
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 12:23 PM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية