لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 11-04-08, 05:11 PM   المشاركة رقم: 11
المعلومات
الكاتب:
اللقب:
ليلاس متالق


البيانات
التسجيل: Oct 2007
العضوية: 47688
المشاركات: 1,443
الجنس أنثى
معدل التقييم: دموع يتيمة عضو بحاجه الى تحسين وضعه
نقاط التقييم: 30

االدولة
البلدSaudiArabia
 
مدونتي

 

الإتصالات
الحالة:
دموع يتيمة غير متواجد حالياً
وسائل الإتصال:

كاتب الموضوع : دموع يتيمة المنتدى : القصص المكتمله
افتراضي

 

الجزء الحادي عشر

:أخطبـــــــــــــــــــــها؟!!!!
بدريه:...أنا شايفه انها الزوجه المناسبه لك
بدريه ليه تقتلين اخر امل لي إنه للحين حبي عايش بضلوعك انتبهت اني قلتها بقلبي تنهدت بحزن والالآآآآآم:مابغى اتزوج
بدريه:خلني اكمل
عقدت حواجبي:كملي
بدريه: انا شفت تعاملها مع امي كويس حتى الصينيه ماتخليها تشيلها وهي جالسه حتى غزاله كذا مره وانا اشوفها من غير ماتحس اني اشوفها توكلها في المطبخ وتنومها وتسكتها اذا بكت وحتى لما سالتها عن رايها فيك قالت انها طول عمرها مافكرت في انسان غيرك
:الجوهره قالت لك كذا
بدريه: تذكر يوم دخلت المستشفى اول ماملكت ع ساره
:ايه
بدريه: تقول انها من الصدمه كلت الحبوب من غير تحس
:......................
بدريه: انا عارفه انك تغليني واثق من ذوقي وعارفه انك بتقبل البنت اللي اخترتها لك بغض النظر عن الاسباب اللي قلتها لك
: بس انا مافكر بالزواج
بدريه: وليش ماتفكر فيه ياسر والله مهو عاجبني وضعك وانا خايفه انك تفكر تتزوج وتجي غزاله زوجة ابو تظلمها فبغاك تتزوج الجوهره لاني عرفت انها حنونه ع غزاله وبتصير لك زوجة تسعدك وبتصير لامي البنت اللي ماجابتها
:.........
بدريه تسوي بعيونها حركات تستعطفني: تكفى ياسر
ناظرت بدريه بحب: بوافق بس عشان انك اللي اخترتيها لي
بدريه:بس مابغاها تدري اني اللي قلت لك اخطبها ابغاها تحس ان انت اللي خطبتها من نفسك
:ان شاء الله
بدريه:نقول مبروك
ضربت جبهتي:يوووووه نسيت ان امي قالت لي اتعشى معهم
بدريه: انا قلت لامي اني عازمه اخوي ياسر ع عشاء وقالت ناخذ لهم عشاء واحنا راجعين
:خلاص انا شبعت
بدريه: وانا بعد
وقفنا واخذنا عشاء لهم ورجعنا البيت ورحت للاستراحه وباركت لاحمد اللي ملك ع بنت خاله واخيرا بيتزوج وبيودع العزوبيه وكان تركي جالس
همست: مشالله وصرنا نسهر لحد الساعه 10
تركي: بركات نصايحك الله يجزاك خير
:عساك مبسوط
تركي: اكثر من ماتتصور
:الله يدوم عليك هالسعاده
اتصل فيني عمي
:هلااااااا ومرحبا ببوي اللي مقاطعني
عمي محمد:هلا ياسر
:كيف حالك ياعمي
عمي محمد: تعال لي اللحين ضروري
حطيت ايدي على قلبي:خير ياعمي عسى ماشر
عمي محمد: انت تعال وبتعرف
طلعت من الاستراحه مستعجل ركبت سيارتي وصلت لبيت عمي محمد نزلت من السياره ودخلت المجلس لقيت سديم بدون غطا وهي تبكي منهاره
ناظرت عمي اللي قال: تبغى تنحاش وتفضحنا
:تنحااااش؟!!
عمي محمد:عنود اختها سمعتها وهي تكلم واحد وتواعده تطلع معه وجت لي وخبرتني
سديم بصراخ:انا مابغاااااااكم ابغاه هو
جلست ع ركبتي وقلت وانا مسكر ع اسناني:انت اسكتي ولا كلمه ولك عين تتكلمين
ام سديم وهي تبكي:كانت بتفضحنا وتسود وجوها
ناظرت عمي: كمل ياعمي
عمي:وشفت السياره وقفت عند الباب واخذت رقم اللوحه وهي طلعت بشنطتها بس مسكتها قبل تطلع
سديم:احبه وابغى اروح معه انتو مالكم دخل فيني
مسكتها من شعرها: انتي ولا كلمه لا اقص لسانك
عمي:انا كبير وامها كبيره ومانقدر عليها
وقفت وغمزت بعيني لام سديم:خلنا نذبحها نفتك قبل تجيب لنا العار
ام سديم فهمت علي:الموت اهون ولا الفضحيه
سديم:يمه لاااااااااااااااا مابغى اموت
مسكتها من ذراعها ووقفتها وقلت:وين تحسبين نفسك يا آنسه في امريكا مثلا تروحين تعيشين مع واحد غريب ولا مراهقه عمرك 14
سديم:يممممممه تكفين لاتخليني اروح
مسكتها وسكرت ع فمها وركبتها في السياره وفمهت عمي وزوجة عمي اني بس بخوفها ماراح اسوي لها شي وبخليها في بيتنا كم يوم خذيت رقم اللوحه من عمي
وعطيته صاحب لي في المرور وطلع لي الاسم مشيت بالسياره للبر ومشيت مشوار طويل نوع ماء في البر نزلتها من السياره ع الارض:خلك هنا تموتين ولاحد بيدري
عنك
سديم:لا تكفى ياسر اخاف الظلمه
: والطريق اللي عايشه فيه مهو اظلم
سديم:طلال احبه انتم مالكم دخل هذي حياتي وانا حره
:خلاص انتي حره اجلسي في هالمكان وتعرفين انك حره والمكان كان مظلم وركبت سيارتي وبعد شوي عنها وسكرت الليت سياره عشان تحس بالخوف 10 دقايق ورجعت لها
كانت تزحف لاني رابط ارجولها ويديها
سديم كانت ترتجف فقلت لها: هاه بتسوين اللي في راسك
سديم: ابوس ايدك ما ابغى اجلس هنا الله يخليك
جلست ومسكتها من شعرها:انا ما امد يدي على البنات لانها مهي برجوله لكن انتي بتخليني اغير سلوبي واذبحك مره وحده ونفتك منك
سديم وهي بين دموعها:ابوس ارجولك فكني رجعني بيتنا
مسكتها من يدينها وركبتها في السياره وهي تبكي طول الطريق شغلت القران عشان تهدئ شوي لاني شكلي لو تاخرت عليها شوي صار فيها شي
سديم: انا خايفه انا بموت من الخوف لا انا الخوف كله
التفت لها: اذكري الله
سديم وهي ترتجف:لا اله الا الله
ماحب القسوه بس لازم تعرف ان وراها احد يقدر عليها عمي كبير وشايب ندري بس لازم احد يوعيها وصلت البيت وفكيت ايدها ورجولها
:ما ابغاهم يدرون وش سالفتك فدخلي محترمه نفسك لاتنفضحين
اول مانزلت رجلها على الارض اهربت بس مسكتها قبل تبعد:وتبغين تنحاشين بعد؟!!!! دخلتها البيت وانا اسحبها
اول مادخلت الكل وقف وديتها لغرفة جدتي ودفيتها داخل وقفلت عليها الباب وهي تصارخ وتضرب الباب اقوى ماعندها
قلت وانا اناظر البنات وامي:خلوووووها هنا ما ابغى احد يتكلم معها
امي:يااااااسر
:هذي وحده لازم لها تربيه وانا اللي بإدبها
امي:لا تسوي في نفسها شي
صح وين راح عن بالي هالشي ربطت يديها ورجولها وخليتها في الغرفه: اذا عرفتي تحافظين ع نفسك فتحت الباب
كانت تصارخ باعلى صوتها طلعت وقفلت الباب والمفتاح معي
قلت وانا اناظر البنات:انا بنام لو سمعت ان وحده منكم تكلمت معها لاتلوم الا نفسها
رحت لغرفتي فاتصل عمي وطمنته انها عندنا وخبرته انها كانت بتنحاش
عمي محمد: الله يوفقك ياولدي ويسعدك دنيا واخره
:الظلم ياعمي ظلمات في الدنيا والاخره
عمي محمد:.............
: حلال هاليتامى ياعمي
عمي محمد: مع السلامه
:الله يسلمك
قفلت منه وحطيت راسي ونمت وصحيت الساعه 5 صليت ونزلت تحت ورحت لغرفة سديم وحصلتها صاحيه سديم بصوت عالي:خيييييييييييير
خذيت كرسي وجلست وقلت بهدوء:لاتعلين صوتك
سديم:اووووووووووف وش تبغى
:ليش سويتي اللي سويتيه
سديم:احبه
: واللي تحب تسوي سواتك
سديم:كيفــــــــــــــــــــــــــي وش دخلك فيني
حسيت اني بركان غضب وانفجر نزلت من الكرسي عطيتها كف قووووي
قالت سديم بعناد:اضربني اضــــــــربني عادي مــــاني خايفــــــه انا احب طلال احبه فاهم احبه
مسكت شعرها وانهلت عليها ضربت تمت تصارخ لاحد ما صحت اهل البيت كلهم جتني امي ومسكتني
سديم:اكرهك ياسر والله ينتقم منك
الجوهره مسكت سديم وهي تقول:خلاص اسكتي
سديم:حتى انتي مسويه شريفه لاتخليني اقول عن فضايحك
ابعد الجوهره عنها ونظرات عيونها الخايفه فضحتها طلعت من الغرفه وامي خذتني معها للصاله وبعدتني عنها جلست في الصاله وانا احس اني ماني قادر اتنفس مقهووور الدانه جت تركض وبيدها كأس:اشرب
ناظرتها وانا في قمة عصبيتي ومارديت عليها:............
الدانه بخوف حطيت ايدها على عيوني:يممممممه لاتخوفني اشرب بس
ابتسمت وخذيت المويه:شكراً
الدانه بدفاشتها:ترى نصه انكبت في الطريق لاني اركض
:هههههههه
الدانه وهي تغمز:ايه خلك كذا تخسي سديم تعصب في اخوي
وقفت مارديت عليها وطلعت ركبت سيارتي وسندت راسي على ورى وانا مغمض عيوني مشيت وماعندي جهه بضبط اروح لها وقفت عند باب اللي ياما خففت عني وصارت من ضمن ذكرياتي اللي لو اعيش العمر الف مره ماراح لاقي وحده تحبني اكثر منها ضعفت نفسي ودقيت رقمها با اصابع مرتجفه جاني صوتها الحنون النايم المبحوح غزلان:هلااااا وغلاااااا
:غزلان
غزلان:ياعيون غزلان انا بحلم ولا بعلم ياسر رجع لي
:انا متضايق
غزلان:ياجعل الضيقه تسكن بصدري ولاتعرف طريقك ابد
:انا اسف ياغزلان اتصلت فيك بس انا متضايق وماعندي الا انتي
غزلان:وليش تتأسف ماتعرف كيف مكالمتك هذي فرحتني
:مرتاحه مع زوجــ وسكتت
غزلان:هو يتمنى يراضيني بأشي بس انا مابي الا انت
:يعني مرتاحه منه
غزلان:والله هو مايقصر معي ويكفي انه يحمل بعض من صفاتك وهو الاحترام والخوف من الله
:الله يوفقك وانشالله تحبينه اكثر مني
غزلان تنهدت:لا يمكن ومستحيل انا باحاول اسعده لكن ياخذ غلاتك ما اتوقع
ندمت اني اتصلت فيها لاني بكذا اساعدها على عدم نسياني:طيب انا اسف اللي اتصلت فيك بس حبيت اتطمن عليك ولاني لمن تضايقت تروح ضيقتي بسماع صوتك
غزلان بحزن:بتقفل
:ايه خلاص ياطماعه
غزلان:خاطري ازور الجوهره عشان اشوفك وغير كذا وحشتني غزاله
:حياك البيت بيتك وصاحب البيت حلالك وتنورينه باي يوم
غزلان:مشكور
:تأمريني بشي
غزلان:سلامتك
:مع السلامه
رجعت للبيت لقيت امي وهي شكلها تعبانه بالصاله :وين سديم
امي:جالسه بالغرفه وماتبي تاكل
:طيب يمه ارجعي نامي انا بتصرف معها
دخلت ولقيتها مثل حالها جلست على الكرسي وانا اتصنع الهدوء
:ممكن تقولين لي وش السبب اللي يخليك تنحاشين
سديم بدموع وقهر:مليونير بيتزوجني وبيعشني احسن عيشه
:وليش ماخطبك من عند ابوك
سديم: اهله ماراح يرضون عشان كذا قال انه يتزوجني بسر وابوي مستحيل يرضى اني اتزوج بسر
:هو يداري ع اهله وانتي ما اهتميتي لاهلك
سديم:هو يحبني اكثر من اهله
:طيب ليش لما صادك ابوك انحاش
سديم:خاف
:طيب ليش ماقال انا ابغى اتزوجها هو يحبك ع قولة
سديم: عنده ظروفه
:طيب ممكن تعطيني رقمه واشوف اذا هو يحبك بزوجك اياه
سديم:لا اكيد تبي تفرق بيني وبينه
:قسم بالله بس بتكلم معه ترى عندي اسمه كامل وماني منتظر لحد ماتفتح شركه الاتصالات واخذ الرقم
عطتني سديم الرقم رفعت الجوال فتصلت وخليته سبيكر:طلال
طلال بصوت نايم: نعم
:انا اخو سديم اللي بيغت تنحاش معها اليوم
طلال برتباك:خيــــــــــــر
:انت تحب سديم وتبغى تتزوجها
طلال:هي اللي تحبني انا عادي عندي حالها من حال غيرها
سديم حطت ايدها ع فمها بصدمه واشرت لها تسكت: طيب ليش ماتبغى تتزوجها
طلال:وحده تعرفت عليها من الشارع وحبتني من ورى اهلها لا وبغت تروحمعي بدون صفه رسميه مستحيل اامن لها واصلا مهي كفو تصير زوجتي وام عيالي ولا تشرفني قدام اهلي
:طيب ليش تتكلم وكنك تكلم واحد من ربعك مهو كنك تكلم واحد لعبت في عرضه وعادي ومنت خايف
طلال: رقمي بدون اسم ولانا خايف تعرفني
:اسمك طلال فهد ال..... مهو بصح
طلال:هاه؟
: ع بالك بنات الناس لعبه انا واصل لك واصل
طلال:هاه... انـ ـ ـ ـا مسـ ـ ـ ـ افـ ـ ـ ـ ـر اللحين
قلت بسخريه وانا اناظر سديم:ليش وحبيبتك سديم بذبحها اذا ماتزوجتها
طلال: موّتها اشنقها اذبحها اهم شي انا الحياه مره وحده بااااااااي
وقفل بوجهي ناظرتها وكانت منهاره تبكي فكيت ايدها وارجولها وقلت:عرفتي حقيقته,,,, حضنت رجولها وانفجرت تبكي
:اسمعي مستحيل اقول لاحد عن اللي انتي سويته لانها تهمني سمعتنا واللحين عرفتي تفكير الشباب قرري تبغين تنحاشين لحين
سديم وهي تبكي: خلني في حالي
:ياسديم الحب اللي قاعده انتي وبنات هالوقت تدورونه عن طريق التلفون او النت او المراسله هذا حب وهمي سعاده وهميه الحب اكبر من كذا
سديم:خلاص كفايه الله يخليك
طلعت من الغرفه ورحت للصاله ونمت سمعت حس احد قدامي بس تعبان طول الليل وانا افكر في سديم مانمت زين فتحت عيوني بشويش وكانت الجوهره او يتهئ لي انها الجوهره تلحفني رجعت غمضت عيوني تعبان وماني مركز صحيت ع اتصال جوالي رديت بكسل وانا مغمض عيوني:هلا
عمي: ياسر انا عند الباب تعال افتح لي
وقفت وكانت الساعه 10 طلعت وفتحت له الباب سلمت عليه ودخلته المجلس ورحت للمطبخ وكانت الجوهره فيه : تكفين الجوهره ابغى قهوه وفطور لعمي تراه مافطر
الجوهره: ان شاء الله دقايق بس
رجعت له وقلت اللي صار بضبط بيني وبين سديم انتهاء بسديم اللي تركتها تبكي
عمي: تهقى انها ماراح تعيدها
:عمي الجرح اللي انجرحته طول عمرها ماراح تنساه واكيد بتفكر في الخطوه قبل تسويها الف مره قبل تفعلها
عمي وهو يحط ايده ع ايدي: الله يجزاك كل خير
:انا ولدك ياعمي ماسويت شي
عمي وهو يمد لي ثلاث بطاقات ائتمانيه:هذي حلال عيال عمك والماسه لازم زوجها يكون معي عشان اعطيها حقها
حبيته ع خشمه:الله يخليك لنا
دخلت الجوهره وسلمت ع عمي وقلت لها ان عمي رجع لها حلالها فخذتها من يدي وحطتها ع الارض وداست عليها: هذي اللي في يوم قسيت علي عشانها انا ما ابغاها وراحت
عمي وهو منزل راسه يناظر البطاقه:ماراح يسامحوني
:من نعم الله اللي اعطاها الانسان النسيان وان شاء الله بتنساها
عمي:ان شاء الله
قلت بدون مقدمات:عمي انا خاطري في الجوهره وابغاها زوجه لي
عمي متفاجئ: هذي الساعه المباركه اللي بتسكت الناس عنها
:عمي اسال الجوهره ورد لي خبر انا بروح اشوف سديم وانادي الجوهره بطريقي
رحت للصاله وكانت الجوهره جالسه وغزاله معها خذيت غزاله:عمي يبغى يكلمك في المجلس
الجوهره هزت راسها وراحت له وانا رحت لسديم ضربت الباب عليها دخلت عليها بعد ماتغطت مديت لها غزاله خذتها: صباح الخير
سديم:صباح النور
: شخبارك اللحين
سديم وهي تبوس غزاله: تمام من شفت غزاله
:سديم عمي موجود وش رايك بتروحين معه
سديم:مالي وجه اشوفه
:قلت لك ماراح نقول لاحد و محد يعرف الا اهلك
سديم وقفت ومدت لي غزاله:مشكور ياسر
ابتسمت وطلعت من الغرفه وانا رحت لعمي بلمجلس جلست: هاه ياعمي وش قالت
عمي: وفيه بنت ماتتمناك اكيد وافقت
حضني عمي: مبروك ياسر منك المال ومنها العيال
: الله يتمم ع خير
عمي: متى مابغيت المكله قول
:خلنا نخليها الاسبوع الجاي يكونون البنات استلمو نتايجهم ونخلي الفرحه فرحتين
دخلت سديم: أي فرحه
عمي:ولد عمك خطب الجوهره ووافقت
حسيت في عيونها خيبة وقالت بصوت متقطع: مبـ ـ ـروك
: الله يبارك فيك وعقبالك
سديم: بعد اللي سويته ما اتوقع احد يبغاني له زوجه
:الله يستر ع عبيده والحمد الله ان حنا كنا ع البر
سديم:يعني انت بتقبل فيني زوجه
عقدت حواجبي ومارديت:.......
سديم تنهدت وقال عمي: انا استاذن
:لا ياعمي تغدى معنا
عمي: لا ام سديم طول الليل مانامت تحاتيها
عمي خذ سديم وراحو رحت لغرفة امي عشان ابشرها وسمعت الجوهره وانا مار ع غرفتها تتكلم: باركي لي يابشاير واخيراً خطبني...وسكتت وكملت..ولد عمي ياخبله لا هذاك لايمكن افكر فيه؟!!!.... شفتي لو اني سويت نصيحتك وقلت له اني احبه كان من المستحيلات يفكر فيني....اكيد مستحيل اصلا انا مقدر اقوله لو اموت اني احبه حتى لو انحرمت منه....حتى لو مثل ماقلتي تزوج وعنده بنت يكفي انه في الاخير رجع لي وبنته بنتي وامه امي وهو حبيبي
من جد انبسطت من كلامها هذي الزوجه اللي الف واحد يتمناها بس من هذاك اللي لايمكن تفكر فيه ؟!!!!
طقيت ع امي غرفتها ودخلت:كانت جالسه توها صاحيه
صبحت عليها:غريبه يمه العاده من الصباح صاحيه
امي: صراخ بنت عمك ماخلانا نصحى والجوهره حلفت انها تسوي الفطور
: يمه انا خطبت الجوهره من عمي وهي وافقت
امي بفرحه: صحيح يمه
:ايه يمه
امي: احسن ماخترت يمه
: منتي زعلانه مني عشاني ما استشرتك
امي: لو انك ماقلت لي كان انا اللي قلت لك
:واتفقنا ان الملكه اذا طلعت نتيجهم
امي:بتسوي حفله وعمك توه متوفي
:لابنسوي ملكه سكاتي وانشالله برضيها بالعرس
امي:الله يوفقك ويوفقها حتى هي حبوبه وتستاهل
: بعطيك مهرها وانتي عطيها اياه
امي:ياسر
:لبيه
امي:الى متى وانت مقاطع خالك هو ماغلط زوج بنته والابو يبي الخير لبنته وحتى ساره ماتشوف بنتها الا اذا كنت بالعمل مايصير يمه هذي ام وهذا خالك هي ماغلطت يوم تزوجت هي جاءها نصيبها والحيا ارزاق
:يعني وش المطلوب
امي:اتصل في خالك واعزمه على زواجك
:لا بروح له البيت احسن
امي حطت ايدها على ايدي:الله يوفقك ويسعدك مثل ماتدور رضاي
طلعت للصاله وجلست اناظر التلفزيون وطلعت بدريه وهي لابسه عبايتها وقفت قدامي تنتظر مني اسالها وين رايحه التزمن الصمت لاني عارف وين بتروح فقالت:نايف ينتظرني برى
ناظرت التلفزيون ومارديت عليها:.............
بدريه:أمانه عندكم رهوفه
وقفت:ليه تتكلمين وكنك منتي راجعه لي
بدريه وهي تعدل لثمتها:والله مدري عن نايف يحب السرعه اخاف يصيير لي شي
هزيتها من اكتافها:والله ماتروحين معه
بدريه:ياسر يبغاني بس انظف البيت ومشتهي غداء انا اسويه
قلت بصوت عالي:فيه عقله ولا ارجع له عقله
بدريه:ياسر هدئ هو يقول من امس ماشرب خلاص يعني فيه عقله
:طيب ليه توصين على رهوفه
بدريه:لانها اول ماتصحى اكيد بتدور لي
جلست بكسل على الكنب:خلاص في عيوني روحي
بدريه:الله لايحرمني من طيبتك
سندت راسي على الكنب وغطيت عيوني بيدي:خلاص روحي ولاصحت رهف خليتها تكلمك
هدوء عم الصاله عرفت ان بدريه طلعت نص ساعه مرت علي وانا ساكت والهدوء هو الاجواء من حولي نبضات قلبي هي الوحيده المسموعه بدريه خايفه على رهف من بعدها ليه ما خافت علي لاني بموت لو لاسمح الله صار لها شئ
هزت ايد صغيره على صدري رفعت ذراعي عن عيوني وكانت غزالتي شلتها وجلستها على بطني وقلت:غزاله تبغين ماما
غزاله:ماما
:ايه امك ساره تبغينها
غزاله مدت شفايفها بدون ماتتكلم:........
بستها:فدددددديت غزالتي
طلعت رهوفه هي وشوشتها المنفوشه:وووين ماما
:هههههههه قالت بدريه تعالي
رهوفه وهي تجلس على طرف الكنبه:عمووو وين ماما
:وين بوسه عمو
رهوفه باستني بخدي:وين ماما
طلعت الجوال واتصلت ببدريه وحطيته بإذنها وصارت تكلم امها وشوي شوي صارت تبكي جلست وخليت غزاله بجنبي وخذيت الجوال منها
بدريه هي تكلم رهوفه:خلاص رهوفه االلحين بجيك
قاطعتها:لا بروح انا وهي وغزاله للبقاله
بدريه:تبكي تعاتبني ليه اروح واخليها
:لا تحاتينها بعيوني
بدريه:الله يخليك لنا
رهوفه وهي تخبي وجها الصغير بصدري:ابي ماما
:وماما بتجيك ليه تبكين
رهوفه:بروح معك لماما
:عيوني لك
وناديت الشغاله تلبسهم ركبت السياره انا وغزاله ورهوفه وقفت عند باب بيت خالي ضربت الجرس وطلع لي طلال سلمت عليه دخلت المجلس وحبيباتي معي رهف وغزاله
طلال بوّس رهوفه بحب وقال وهو يشيل غزاله:فددديتها بنت اختي
غزاله وهي شوي وبتبكي وهي تناديني وتسوي حركات بيدينها:بابا
طلال:كله منك ياسر تحس ان حنا اغراب منك حارمنا منها كبرت وحنا مانشوفها
حسيت كلماته مثل السكين بقلبي ابتسمت بمراراه:بنتك ياطلال كان جيت وخذيتها
طلال:التقصير منا ومنك كلنا قصرنا
:ابد لاحسيت انك مشتاق لها ماعليك الا تتصل فيني
طلال:الله يخليك لها انا بروح اوصي على قهوه
:وناد خالي بطريقك
رهوفه:انا احب طلال
:وحتى طلال يحبك
رهوفه:بس ماحب خاله ساره
عقدت حواجبي:ليه
رهوفه:هي تضربني
:اكسر يدينها اذا مدتها عليك
رهوفه:انا احب ماما
:وحتى أنا
ساره:مشاالله يالوافي للحين وانت تحبها
وقفت وقلت بدهشه:سـ ـ ـ ـاره
ساره وهي تحضن غزاله وتبكي:حسبي الله عليك فرقتني عن بنتي الله ياخذ حقي منك
:انتي اللي اخترتي بعدها
ساره وهي تحضن غزاله بحب وحنان وغزاله مثل المخدره مابكت:غزاله أنا ماما
غزاله وهي تمسح عيون ساره الباكيه:ماما
:بنتي حنونه طالعه علي
ساره:واضح الحنان ياويلك من الله قطعت ام عن بنتها
:ساره
ساره ناظرتني بنظره كره وحقد:الله لايسامحك
:انا غلطان واناني ادري
ساره:باخذ غزاله معي وبخليها تنام معي اليوم
:في بيت زوجك لأ
ساره التفت لي وقالت بقهر:لأ ابشرك تطلقت
وطلعت من المجلس ورهوفه ماسكتني من ثوبي دخل خالي:وووينك ياولدي معاد نشوفك
:مثلك عارف بعد عزء المرحوم وانا مشغول
خالي:الله يرحمه
:خالي انا خطبت بنت عمي وملكتي الاسبوع الجاي
خالي ويده على كتفي:الله يوفقك ولا نقصك شي لايردك الا لسانك
حبيته على جبينه :الله لايخلينا منك انت اول المعزومين
طلعت من بيته ورحت للبيت مر الاسبوع سريع وطلعت نتيجه الدانه وناجحه بجيد المهم في نظرها انها نجحت والسلام اما الجوهره تخرجت بتقدير جيد جداً صحتني امي: ياسر يمه قوم
فتحت عيوني بكسل:.....
امي: قوم الساعه صارت 9 وعمك يبغاك وجوالك ماترد عليه
صحيت وتروشت وصليت ونزلت لعمي ورحت معه لبيت الشيخ خذيناه وكان احمد وتركي وعادل في البيت يعني عزمنا جيرانا ع غداء خطوبتي ملكت
احمد حضني وعادل وتركي باركو لي دخلت لامي اللي قابلتني بدموع الفرحه والدانه وسعود بسلام حاربدريه صافحتني وفرحة الدنيا بعيونها آآآآآآه يابدريه لاخر يوم اتمنى اشوف بعيونك ندم شوق لهفه لكن الفرحه مرسومه على محياها الغالي رهوفه ماسكه ايد بدريه شلتها ودرت فيها
:رهوفه قولي مبروك عشان يتبارك زواجي
رهوفه:مربوك
الدانه:يؤيؤ قولي مبروك وش مربوك ويييييو ماتعرف تتكلم
رهوفه:انتي وع
الدانه:وع انتي
سعود:رهوفه وسخه
رهوفه معقده حواجبها ومترفزه:عمو ياسر انا ماحبهم
بدريه:بس كلهم يحبونك
نزلت رهف وشلت غزاله وحضنتها من قلب ومسحت على شعرها بحنان
رجعت للمجلس وبعد الغداء الكل راح بيته وجتني امي تقول ان لازم ابارك للجوهره جيت لها وكانت جالسه بصاله الثانيه وكانت مثل الاميره في الفستان الوردي جميله وناعمه بملامحها جلست بجنبها وبستها بخدها حسيت انها استحت: مبروك عليك انا
ناظرتني بخجل وعتب:ومبروك علي احلى بنات الكون
ابتسمت ابتسامه حلوه مثلها مسكت ايدها:قولي وش تمنين في هاللحظه
سكتت الجوهره:............
: طيب عشاني تكلمي
الجوهره:..........
:عشاني
الجوهره تنهدت وقالت بحزن: ابغى ابوي معنا
عقدت حواجبي:لاعاد قولي شي معقول
الجوهره نزلت راسها وسكتت:..............
:طيب ناظريني
ناظرتني بعيونها الحلوه في عيونها بريق جذبني لها: انا ماقلت ناظريني قلت غمضي
ناظرتني وغمضت طلعت من جيبي العقد اللي اقطعته غزاله بعد ماصلحته عند محل مجوهرات مسكته بيدي: يله افتحي
الجوهره وهي تناظره في ايدي: هذا العقد اللي اشتراه لي ابوي لماتخرجت
:وقطعته غزاله
الجوهره جت بتاخذ من ايدي فقلت لا انا بلبسك اياه ولبستها همست في اذنها:الله يقدرني واشوف الفرحه في عيونك دايم
الجوهره: دامني معك اكيد بكون سعيده
قطع علينا ضرب دفش ع الباب وانفتح فجت الدانه صافحتني: مبروك عليك اختي وناظرت الجوهره ومبروك عليك اخوي
دخلت امي وباركت للجوهره وسعود والماسه وعيال اختها الصغار وبعدهم الغاليه الحبيبه المستحيله اللي قتلت اخر أمل في حياتي بخطبتها للجوهره لي
بدريه: مبروك ياخوي مبروك ياجوهره
: الله يبارك فيك عقبال رهوفه
بدريه: بسم الله ع بنتي
:ههههههه ليه الزواج يخرع
:كذا تعقدين الجوهره
الجوهره ابتسمت لبدريه:............
بدريه: لا مهو كذا قصدي انها بزر
الماسه: مبروك ياسر مبروك الجوهره الله يجمع بينكم بلخير
الجوهره ساكته وتناظرنا مبتسمه مع انها تعرف اني كنت ومازلت احب بدريه الا انها مهي متضايقه لانها واثقه من حبها لي وهذا يكفيها
دخلت دبدوبتي غزاله وصار تسحب ثوبي شلتها وجلستها بجنب جوهره:خلاص من اليوم هذي بنتك انا متبري من هالدبه
الجوهره ضحكت بخجل:......
غزاله التفت للباب:ماما
جت ساره بأحسن لبس وعطرها القوي المعروف متاجهله الكل وبدون ماتسلم على احد الموجودين قالت بكبر وغرور:مشالله ياسر وتزوجت
:الله يبارك فيك
ساره بضحكة سخريا:لايمكن ابارك لك بدعي عليك مثل ماحرمتني بنتي ربي يحرمك الغالين
الجوهره منزله راسها بدون ماتتكلم:........
بدريه:ساره تعالي بلاش فضايح
ساره وهي تأشر على بدريه بستحقار:انتي تبين تنصحيني
طلعت ساره بعد ماجت لها غزاله وحضنت رجولها بطفوله شالتها وطلعت برى الكل طلع ومابقى غيري انا والجوهره
رفعت وجها اللي يناظر لتحت تلاقت عيوني بعيونها:وش مضايقك
الجوهره:..........
:أنا ابغيى اعرف وش مضايقك بالضبط
الجوهره:للحين تحبها
:الجوهره وليش هالسؤال
الجوهره:اذا في حياتك شخص غيري وبنافسني للوصول لقلبك قولي او فيه من هو يمنعي من دخول قلبك
غمضت عيوني وقلت بالم:صدقيني من اسبوع بضبط وانتي الوحيده اللي مسيطره على مشاعري ومسوي حصن منيع على قلبي وانتي الوحيده اللي عندك مفتاحه تبغين تدخلينه ولا بس عاجتك ميدلية المفتاح
الجوهره ابتسمت ابتسامه حلوه:اكيد ابغاه
مر اليوم من احسن مايكون فرحان ومبسوط والفرحه الي اشوفها في عيون الجوهره مفرحتني اكثر
اليوم الثاني عزمنا عمي محمد بمزرعته ورحنا كلنا لها والكل يلعب ومبسوط وانا طلعت من المجلس رايح لامي : نعم يمه
امي:نسيت حليب غزاله في البيت
:طيب خلاص بروح لصيدليه قريبه وباخذ لها اللي تبي
امي: الله عطيك العافيه
طلعت الجوهره من المطبخ اول ماشافتني جت لعندي وقالت: احم احم اكيد تدور علي
:هههههههههههه مشكله الثقه
الجوهره:اكيد واقف عند صاله الحريم اكيد انك تبغاني او تبغى امي
:لا امي تبغاني اروح اخذ لغزاله حليب لانها نسته
الجوهره: بس انا مانسيته وخذيته معنا
:صدق الله يجزاك خير كفتيني شر العنوه
الجوهره وهي تضربني ع كتفي بنعومه:هذا بدل ماتقول الحمد الله عشان تشرب حليبها وتشبع تقول عشان تكفيني تعب المشوار
:انا قايل هالبنت ماتسكت الا شي في فمها ماتشوفينها دبيه
الجوهره:حرام عليك هذا اللي محببني فيها
قربت منها وهمست: اكيد
الجوهره بخجل: وعشانها بنتك
رجعت للمجلس تغدينا وبعد الغداء استاذن عيسى بيرجع للشرقيه هو وزوجته وعياله اتصلت في الجوهره وقلت لها ابغاها وقفت عند باب المجلس وسندت ظهري على الجدار ونزلت راسي اناظر تراب الارض اللي منه خلقنا واليه نعود اسمع الجوهره تقول احم احم بس سويت نفسي ماسمعتها الجوهره بعدم تحمل: ياااااسر
:ياعيونه
الجوهره: من ساعه وانا هنا
:ادري
الجوهره: شلون دريت
:وهل يخفى القمر
الجوهره:ياحبك لاحراجي
مسكت ايدها تعالي معي افرجك ع مزرعة عمي عارف انك مليون مره شفتيها
الجوهره: بس معك بتكون لها مكان بقلبي غير
مشيت معها لداخل المزرعه وكان فيه جراده كانت ع كتف الجوهره
:اممممم الجوهره
الجوهره:هلا
:وش هلا قولي لبيه ياقلبي
الجوهره بدلع:يااااسر
:هههههه ياحبني لك
الجوهره سكتت بخجل::.........
:تعرفين الحشرات صح
الجوهره:اكيد وفيه احد مايعرفها
:مدري على بالي قعدة المدن نستكم الحشرات
الجوهره:تكفى ياللي ساكن بالبر اللحين
:ههههههه طيب لو قلت لك ان المزرعه مليانه حشرات
الجوهره:بقول وش علي لابسه جزمه يعني ماراح المسها
:وان قلت انها على كتفك
اول ماشافتها صرخت وحضنتني ومسكتني بقوه وكني بطير مثلاً مسكت الحشره وخليتها بيدي وخليت ايديني ورى ظهري وقلت لها
:هههههه خلاص وخرتها
الجوهره وهي ترفع وجها عن صدري: يمه اخاف منها
:بس مادريت انك خوافه
الجوهره: لا يعني مهو مره اخاف من الحشرات
:عندي لك هديه
الجوهره :صدددق
افتحي يدك وغمضي عيونك فتحت يدها وغمضت عيونها حطيت الجراده في يدها وقلت افتحي عيونك احلى هديه لاحلى قويه
صرخت وصارت تمسح يدها ع تنورتها وهي منقرفه منها وانا اضحك ع شكلها الخايف
الجوهره: حرام عليك خوفتني
:ههههه لازم تقولين انك ماتخافين ههههههه
الجوهره وعيونها تغرقت دموع : ماحب الحشرات
مسحت دموعها: امزح معك ياقلبي
الجوهره:لاعادي حلالك
:يعني اعطيك حشره ثانيه لانك حلالي
الجوهره بخوف: لا امانه
مسكت ايدها وبستها: امزح عليك
الجوهره نزلت راسها بخجل:...................
: تبغين تسوقين سيارتي
الجوهره: ماعرف
:انا اعلمك
الجوهره: صدق
:ايه ياقلبي
رحت معها لسيارتي وكانت سديم واقفه وكعادتها طلعت بوجهي بدون ماتدري وكانت كاشخه على الاخر
سديم هي مره قريبه مني رفعت راسها وقالت:اووووه اسفه ورجعت
حبيت انرفز جوهره:ياحلاتها بنت عمي
الجوهره تضايقت وخرت وجها للجه الثانيه لفيت وجها لي وقلت:بس ماتجي بحلات جوهرتي
الجوهره:يعني هذا قسم الرجال هي وش تبي فيه
رفعت اكتافي:والله مدري روحي اساليها
الجوهره:..........
:جوهره تغارين علي
الجوهره اسكتت وهي متضايقه:..............
ضربت حواجبها بصبعي خفيف:خلاص فكيها واركبي سيارتي
وخليتها خطوه خطوه لحد ماعرفت تمشي السياره لحد ماوقفتها
:هاه شرايك وناسه
الجوهره: من جد وناسه وباستني بخدي مشكور حبيبي
:صدق
الجوهره: وش هو
:اني حبيبك
الجوهره نزلت راسها: والله حبيبي
:يابختي
الجوهره: يابختي انا
:يابختنا كلنا
رن جوال الجوهره ومارديت سالتها:ليه ماتردين؟
الجوهره:هذي غزلان صديقتي اكيد بتزعل لاني ماقلت لها اني ملكت
حسيت نفسي ارتبكت:وناظرت كل شي الا وجه الجوهره
الجوهره:غزلان هذي من اغلى صاحباتي وماتتصور ياسر كيف هي طيبه ومحترمه
وباره با أمها تعرفت عليها اول مادخلت الكليه وللحين مستمره علاقتي معها
سرحت وانا احس بألم واحس بحساس غزلان لما بتعرف بزواجي من الجوهره صديقتي متزوجه حبيبي وش قد بتألمين يا غزلان اذا عرفتي وحتى الجوهره بتنجرح اذا عرفت انه كان بيني وبين غزلان علاقه تنهدت بحزن وانا اناظر الجوهره اللي قالت:جالي مسج تبيني ضروري عادي ادق عليها
اشرت براسي بلموافقه:........
ناظرت الجوهره اللي تكلم غزالتي:هلا غزاله ...الحمدالله بخير...وانتي اخبارك...من قالك؟!!!...وربي كل شي صار بسرعه وكان ودي انك تكونين اول الناس بس وربي ماكان فيه احد وان شاء الله نعوضها بالزواج...ايه ياسر وش عرفك بأسمه....اها قالت لك بشاير ....طيب.... التفت لي وقالت :غزلان تقول مبروك
ابتسمت بحزن:الله يبارك لها جروحنا
جوهره:أيــــش
:هاه ولا شي انا نازل اذا خلصتي مكالمه ارجعي داخل
نزلت وانا اسمعها تقول:مدري وش فيه تضايق
مشيت لداخل المزرعه رميت شماغي على كتفي وصلت للغالي معاند اللي اتأمله ولا احس بالملل مسحت على رقبته ونزل راسه لي كنه يواسيني وغزلان من يواسيها وانا متزوج صديقتها وكيف تنساني وانا بيكون في حياتها دام الجوهره بحياتها انا لايمكن انساها ولا حتى بحاول انساها لان الغاليه غزاله بنتي بأسمها سميتها
:ياقلبي ياغزلان الله لحاله عارف بمدى جرحك لما عرفتي بزواجي من صديقتك الجوهره
التفت للصوت اللي قال:وانا اقول وش اللي خلى ياسر يطول بنظراته للغزلان ذاك اليوم وهو المحترم والعاقل
:سدددددديم
سديم:ايه سديم
برتباك:وش تقولين
سديم:طلعت تحب غزلان واحنا حارمنا من الحب
رجعت اناظر معاند:تغطي بعدين تعالي حاسبيني
سديم:ماني متغطيه وش بتسوي
التفت لها وانا اخفي خوفي وارتباكي بعصبيتي:سديــــم لاتنرفزيني
سديم:وليه تتنرفز أنا بنظره اطيح عشره تجيني انت وتقول ماتبغى تشوفني كانك ماتبغى تشوفني الف واحد يتمنى يشوفني
ليه انا حظي يطيحني على سديم واشكالها مسكتها من اكتافها وقلت باعلى:سدددديم
غمضت عيونها وماتكلمت وقلت وانا بقمة قهري منها:الكلام اللي تقولينه تقول وحده حقيره وواطيه ماتقوله بنت رجال
سديم وهي توخر يديني:بروح اقول للجوهره هدية خطوبتك زوجك له علاقه مع صديقتك غزلان
حسيت اني اضعف واحد وحسيت ان يديني مقيده اشوفها وهي تمشي ببطئ وشعرها تلعب به نسمات الهوى كنها تقول ياسر ناديني وقول لأ تروحين رجعت للواقع فقلت:سديــــــــــــــــم
سديم ارجعت لي ولما وصلت قدامي قالت:غيرت رائك
:وش مطلوب مني
سديم:طلق الجوهره
:وليه
سديم:لأنها ماتستاهلك
:ليه انا من كوكب ثاني
سديم:لأ بس طلقها
:طيب وان طلقتها وش بتسفيدين
سديم:لأني اكرها اكرها بمعنى الكلمه الكره من لما.... وسكتت فجاءه
:قولي ليه سكتي
سديم برتباك:مالك دخل؟!!!!!! وراحت تركض
عقدت حواجبي بدى كل شي يتشتت قدامي
قطع علي حبل افكاري صهيل معاند رفعت راسي وكانت الجوهره واقفه قدامي
الجوهره حطت ايدها على فمها:معاند فضيحه
:يخاف على من تخريعك لي
الجوهره بحنان:مستحيل يخاف عليك اكثر مني
ابتسمت بدون ما اتكلم:...........
حضنت يدينها بيديني وقالت بنزة حزن:وش اللي مضايقك خلاص ماتبغاني اكلم صاحباتي والله ما اكلمهم اهم شي عندي رضاك
مسحت على خدها بحنان:.....
الجوهره:انا مابغى الا رضاك
:وانا ابغى جوهره بس
الجوهره تمسح دمعه فرت من عيونها:طيب ليه تضايقت من شوي
كنت بقولها بس خفت على مشاعرها هي عكس ساره ساره تزوجتني وهي تدري اني احب بدريه لكن الجوهره لأ قبلت فيني لانها متوقعه ان بدريه حبها اختفى من قلبي يعني هي لما حبتني لانها متوقعه اني لها هي بس محد ينافسها على قلبي:واذا قلت لك اني ماحب دموعك
الجوهره:بقول لك ماراح تشوفها ثانيه
:واذا قلت لك تحبيني وش بتقولين
عطتني ظهرها: بقول ياحبك لحراجي
حضنتها وحطيت وجهي على كتفها:عمري ماحسيت لبنت في الدنيا للي احسه لك اللحين
الجوهره:وش قصدك
:اقصد اني اخاف على شعورك من نسمة الهوى اخاف تنجرحين وتنصدمين فيني
الجوهره:مستحيل ياليت كل الناس بحنانك
التفت للي جت تركض ابعدت الجوهره عني
الدانه وهي تنتفس بسرعه:ريم مدرستي هنا
ضربت جبهتي:أيـــه انا عازم تركي وزوجته
:طيب انا بروح له
الدانه غمزت بعينها:عايشين بربيع هنا والناس داخل قالبه الدنيا عليكم
الجوهره ضحكت بخجل وحبيت احرج الدانه:ليه منقهره منها تبيني ازوجك
الدانه بخجل:يوووه بسم الله علي
:مالك الا عامل المزرعه شايب ومسكين ويبي يتزوج سعوديه وش قلتي
الدانه:ولا أنت وش رايك بشغالة بدريه ترى والله حبيبه وطيبه وتبي سعودي
الجوهره ضربت دانه خفيف على كتفها:بسم الله على ياسر
حبيت احرج الجوهره:ياحبك لي يالجوهره ماقدرتي تسكتين حتى من الشغاله تغارين
الدانه:ويييييو فشلوها
الجوهره:من فشلت ياسر
:لأ انتي ولا هي معاند
ورحت عنهم دخلت المجلس وكان تركي جالس مع عمي سلمت عليه وجلست بجنبه
تركي:ياخي وينك
:كنت بعيد
تركي يغمز بعينه:اعترف من كنت معه
:هههههههههه
عمي محمد:أنا استاذن ياعيال
تركي:وين رايح
:يتفقد المزرعه كعادته
تركي:هاه وش قولتك بالعرس
:والله هذي ثاني تجربه لي ماني مثل بعض الناس وحده ومسيطره عليه
تركي:وحده وياله نقدر نرضيها تبيني اخذ ثنتين
:هههههههه في هذي صدقت غزاله ورهف موريني نجوم النهار
تركي:الا ترى غزلان محجوزه لعبد العزيز
:من عبد العزيز
تركي:ولدي
:لا محجوزه لسعود
تركي:من زين بنتك الدبيه تمن فيها
:وانت وش عرفك بالبنات شينات صغار بس تعال لهم لاكبرو
تركي:اخاف اقولك زوجني اياها واسحب على عبد العزيز
:وينك يام عبد العزيز اسمعي تركي
تركي بخوف:تكفى اسكت ماصدقت على الله تتعدل
:هههههههههههه
دخل سعود وهو يلهث من الركض:ياسر الحق علينا
قمت أنا وتركي ماندري وش السالفه رحت ورى سعود اللي اخايف رحت وراه لحد حمام السباحه وكانت اخر شخص توقعته يصارع الحياه في المويه تحاول تطلع ماصرت اشوف قدامي الا دعوة ساره الله يحرمك اللي تحب.......؟!!!

 
 

 

عرض البوم صور دموع يتيمة   رد مع اقتباس
قديم 11-04-08, 05:12 PM   المشاركة رقم: 12
المعلومات
الكاتب:
اللقب:
ليلاس متالق


البيانات
التسجيل: Oct 2007
العضوية: 47688
المشاركات: 1,443
الجنس أنثى
معدل التقييم: دموع يتيمة عضو بحاجه الى تحسين وضعه
نقاط التقييم: 30

االدولة
البلدSaudiArabia
 
مدونتي

 

الإتصالات
الحالة:
دموع يتيمة غير متواجد حالياً
وسائل الإتصال:

كاتب الموضوع : دموع يتيمة المنتدى : القصص المكتمله
افتراضي

 

الجزء الثاني عشر
والاخيـــــــــــــــــــــر
لااااااااااا الاغزااااااااااااااااله
وكانت الدانه تحاول تطلع غزاله اللي ماصرت اشوف قدامي الا دعوة ساره الله يحرمك اللي تحب
رميت نفسي في حمام السباحه وطلعت معها من المسبح مددتها بحضني وصرت اضغط على صدرها وأنا عيوني تذرف دموعها بدون توقف اهزها ومافيها حياه فقدت الاحساس باللي حولي ماصرت اشوف الا غزاله اللي طايحه بلاحراك ثواني لالحظات وصارت غزاله تكح وتكح رفعت راسها بحنان ناظرت الدانه اللي تبكي وهي ماسكة ايد الجوهره وامي اللي واقفه باكيه ورهوفه اللي ايدها على كتفي
مسحت على شعرها بحنان:سلامتك ياعيون ابوك
شلتها وعيون الكل تناظرني امي حاولت توقفني لكن انا ما التفت لها
الجوهره:ياااااسر وين رايح
التفت لها وحطيت اصبعي على فمها: ششششش انتي بذات لاتتكلمين
وقفت مصدومه وانا كملت مشواري ركبت سيارتي ومشيت بسياره لاي مكان اكون فيه انا وغزاله ناظرت غزاله اللي اللون الاحمر كاسي عيونها وانفاسها السريعه احسها خدرانه ماتتحرك كثير نبضات قلبي متزايده خوفي من اني افقد غزاله كبير
معرفت وش اسوي رحت للمستشفى اتطمن عليها كنت بنزل وتذكرت اني كل ملابسي مويه فقلت: غزاله
غزاله:بابا
دغدغتها صارت تضحك حضنتها من قلب فرحان بسلامتها رحت معها للبيت طلبت من الشغاله تلبسها وانا طلعت لغرفتي حطيت ايدي بجيبي جوالي اخترب اكيد لكن أنا متأكد اني سمعته يرن مو مهم اووووه واكيد بوكي تغرق كل اوراقي راحت علي رميتهم على السرير ودخلت الحمام وتروشت بسرعه وطلعت لبست ملابسي على السريع ونزلت تحت وكانت الشغاله بالمطبخ:ووين غزاله
الشغاله:نوم داخل غرفة مدام
صرخت بوجها:وليــــــــــــش تخلينها تنام
رحت لغرفة امي بخطوات سريعه لها لقيتها مغمضه عيونها بسلام تمددت بجنبها حطيت ايدي تحت راسها وايدي الثانيه على قلبها عشان ارتاح اني اسمع نبضاتها
هزيتها بقوه: غزاااااله غزااااااااله
غزاله فتحت عيونها بالغصب وقالت:ايييب (عيب)
شلتها بفرحه :غزااااله خلاااااص يابابا اصحي
غزاله تبكي تبي ترجع تنام رحت لتلفون الثابت اللي يرن بإستمرار رفعت الخط وكان صوت رجالي:سم
الطرف الثاني:أنا عبدالله
عرفته عبد الله ولد خال الجوهره:هلا وغلا
عبدالله:اتصل بجوالك ومقفل
:ايه جوالي مخترب أمر
عبد الله:مايأمر عليك ظالم أقدر اشوفك اليوم
:حياك تعال أنا في البيت
عبدالله:لأ ابغاك في موضوع مهم وما ابغى
:تعال لي البيت مافيه احد وكلهم في المزرعه
عبدالله:مسافة الطريق بس
:حياك
ناديت الشغاله تصلح لنا قهوه ورفعت غزاله اللي احسها فيها خمول رحت معها لغرفة امي وخذيت العابها ورحت معها للمجلس ننتظر عبدالله وبعثرتها مثل ماهي تحب تلعب فيها وجلستها بوسطها
شغلت التلفزيون على قناة غزالة المفضله سيلفيجين كلها حيوانات غزاله تركت العابها وتكئت على كتفي والشفايف مادتها شربين خايفه من التماسيح
غزاله وهي تحط اصبعها بفمها:ادا همممم
:هذا حلووو غزاله
غزاله:لاااااااع ادا هممم (يعني بياكلها)
:طيب أنا اكبر تمساح ليه ماتخافين اكلك>> أنا همممم غزاله وعضيت ايديها خفيف
غزاله عضت كتفي ولا أبره سويت نفسي ابكي
غزاله اجلست بجنبي وخبت وجها بحضني وبكت:خلااااص يادلوعه تعضيني وماتبيني أتالم
دخل عبد الله المجلس سلمت عليه وجلس
عبدالله:مبروك ياسر
:الله يبارك فيك عقبالك
عبدالله:ولو أنك ماعزمتني
:في العرس انتم اول المعازيم
عبدالله:انا بقولك اللي عندي بدون لف ودوران
:سم
عبدالله:أنا كان ابغى اخطب الجوهره عشان اسكت الناس عنها وعشانها بنت عمتي اليتيمه منك ولما عرفت إنك خطبتها قلت الخيره بما اختاره الله وهي من نصيبك
عقدت حواجبي:ايه وبعدين
عبدالله:سبق وخطبتها من عمك الا انه قال بنتي صغيره على العرس وما وافق
:انت خطبت الجوهره قبلي
عبدالله:خطبتها قبل فتره وكان ابو سعود الله يرحمه مايبغاها لي
:طيب وش المطلوب
عبدالله:انا رجال وموظف واقدر افتح بدل البيت بيتين
من جد لحس مخي:ايه
عبدالله:وابغى اخطب من بنات عمك محمد
بغيت اقوله خذ سديم والمهر علي:وش معنى جيت لي أنا
عبدالله:سبق وجيت انا والولد لعمك سالم الله يرحمه وكان في بيته محمد وخطبنا الجوهره وقال سالم ان بنته صغيره قال محمد تعال وازوجك لكن ابوي تهرب منه وما اظن لو نجيه اللحين بيوافق وجيتك عشان تكلمه
قلت بقلبي جيت بوقتك ولا لو جاي قبل اسبوع وانا اعرف إنك كنت عايفها والله ما ازوجك اياها:ابد خل الموضوع علي ومالك الا اللي يرضيك
عبدالله:لا خلى ولاعدم انا استاذن
طلعت مع عبدالله للشارع وقبل يطلع صافحني:أنا آسف على اللي صار ذاك اليوم
حطيت ادي على كتفه:حنا عيال اليوم
عبدالله:مع السلامه
رجعت للمجلس اللي غزاله تلعب فيه وجلست اناظر التلفزيون مر الوقت وانا ناسي الناس بوجود غزالتي معي
دخلت الشغاله:مدام يبغى أنت
:وينها
الشغاله:في الصاله
وقفت وقلت لها اجلسي مع غزاله رحت للصاله لاني توقعت التلفون لكن المفاجاءه الاكبر لما شفت ساره جالسه
:سااااااره؟!!!!!
ساره وقفت:ايه ساره ولاعلى بالك بنسى بنتي وبخليها تعيش تحت رحمة زوجة ابو ظالمه والله ياسر كل يوم قبل ما انام ادعي ان الله يحرمك من تحب مثل ماحرمتني بنتي اللي ماعندي غيرها
وقف مقابلها:تدرين إن غزاله كانت بتروح مني اليوم
ساره وايدها على قلبها:حسبي الله عليك
حطيت ايدي على فمها وقلت بقهر:كله من دعواتك كنت بفقد غزاله
ساره وهي توخر ايدي:ياويلي على بنتي
مسكتها من ذراعها ووديتها للمجلس وقلت:هذي بنتك يامحترمه دعواتك جت عليها وكانت بتموت وتروح من يدينا
ساره راحت للغزاله اللي اول ماشافتها قامت تركض لأمها حسيت نفسي اشفقت على ساره اللي حاضنه غزاله وتبكي من قلب والتفت لي بعيون حمراء:وش اللي صار
:طاحت في حمام السباحه اللي في مزرعه عمي
ساره زادت في البكاء وهي حاضنه غزاله ناظرت الشغاله وقلت لها :جيبي مويه
غزاله تمسح دموع أمها جلست وقلت:خلااااص ساره صلي على النبي
ساره:اللهم صلي وسلم عليه
:اجلسي مع غزاله البيت بيتك لحد ماروح مشوار نص ساعه وراجع
ساره:لا الله يخليك باخذ غزاله معي اليوم عبدالعزيز ينتظرني برى
:مين عبدالعزيز
ساره:زوجي بعد مين
:مو انتي تقولين تطلقتي
ساره:سؤ تفاهم مر على خير
:ساره البنت مو كل يوم لها زوج حافظي على حياتك
ساره: بتخليني اخذ غزاله
:اليوم لأ بكرى أنا برسم الخدمه بجيبها لحد بيتك
ساره:طول عمرك حنون
ابتسمت:شهادة اعتز فيها
ساره رجع لها شرها:بس ماراح أسامحك وطلعت برى المجلس
غزاله ببراءه:بابا ماما اووح (روح)
:ايه ياعيون بابا راحت نروح للحلوى
غزاله تسحبني من ايدي:حواوا
قلت للشغاله تعطيني اغراضي اللي بغرفتي خذيت اغراضي
مسكتها من يدها وطلعت معها رحت لمحل جولات واخذ جوال ركبت الشريحه جاني مس كول برقم بدريه وامي والجوهره 15 مره معقوله مازعلت مني وانا اللي اتذكره اني حمقت عليها اتصلت فيها جاني صوتها الحزين:هلا ياسر
:هلا قلبي
الجوهره:كيف غزاله
:الحمد الله تمام وهذي هي بجنبي تاكل شاورما
الجوهره بنبره حاولت فيها تخفي زعلها:بالعافيه
:قايل لك دبه ماتسكت الا وشي في فمها
الجوهره:مشالله
:مشالله مشالله لاتعصبين
الجوهره :والله انا مالي ذنب والله انا طلعت وراها وهي زلقت وطاحت بالماي
واول ما طاحت رفعتها الدانه بس انت عصبت علي
:معليش تحمليني اذا زوجتي ماتحملتني مين بيتحملني
الجوهره:وينك
:جاي لكم
الجوهره:توصل بالسلامه
:البسي عبايتك ابغاك تروحين معي
الجوهره: بعد العشاء لان ريم وزوجها للحين عندنا
:يؤيؤيؤ نسييييت تركي
الجوهره:ريم تحاتي غزاله
:فيها الخير يلا انا داخل مع بوابة المرزعه سلام
الجوهره:باي
دخلت المجلس وقام عمي وتركي وتحمد لي بسلامة غزاله
تركي:بغت تروح منا زوجة عبدالعزيز
:ابد خلاص هي لعبدالعزيز نفسك قويه بغت تروح مني
تركي:الله يخليها لك
:الله يسلمك ويخلي لك عبدالعزيز وأمه
تركي:اهم شي أمه
:خخخخخخ
عمي:الحمد الله على سلامتها
:الله يسلمك استاذن بروح داخل وبرجع
تركي:اخذ راحتك
دخلت واتصلت با أمي وجت لي خذت غزاله وهي تصيح بستها على راسها:الله يخليك لنا يمه
امي:انا الغلطانه ماوديت شغالتها معنا تمسكها
بدريه من ورى امي:مقدر ومكتوب
:مثل ماقلتي مقدر
بدريه وهي تبوس غزاله بخدها:بسم الله عليك ياحبيبتي
الدانه جت تركض ومسكت خد الدانه وشدته بقوه:انتي ليش تروحين للمسبح
غزاله وعيونها فيها دموع:ايييييب
دانه:عيب انتي
الجوهره وزوجة عمي وسديم واريج وعنود كلهم جو
الجوهره خذت غزاله من يدين امي الكل تحمد لي بالسلامتها خذيت غزاله من يدينها وعطيتها بدريه
مسكت الجوهره من ذراعها قدام الكل وبعدت عنهم بين الاشجار وقفتها مقابلتي ويديني على اكتافها:زعلانه مني
الجوهره منزله راسها:.......
رجعت خصله من خصل شعرها اللي تناثرت حول وجها لانها منزله راسها ورى اذنها وقلت:جوهوه
رفعت راسها:ياسر ادري إني غلطانه
:لأ منتي غلطانه وعارف انك تحبين غزاله مثل لو هي بنتك
الجوهره:وربي أنا رحت وراها بس هي زلقت
:لأنها دبه فقدت التوازن وفحطت واطاحت في المويه
الجوهره ضحكت من قلب:هههههههههههه هههههههههههه هههههههههه
:ليه تضحكين ضحكيني معك
الجوهره:حلوه فحطت
:وانا صادق خرعتنا الله يهديها
الجوهره:اهم شي سلامتها
قلت بدون مقدمات:عندي موضوع ابغا اتكلم معك فيه
الجوهره:متى
:بعد العشاء بوصلهم للبيت وبروح معك مشوار صغيرون
الجوهره ابتسمت:.........
:ياحبك لي كل هذي فرحه انك بتروحين معي
الجوهره:ههههههههههه هههههههههههه يامغرور
:دوووووم يارب هالضحكه
رن جوالي بأسم أحمد رديت بفرحه:هلاااااا
احمد:هلا بك وينك يارجال من اسبوع ماشفناك
:والله موجود في مزرعه عمي
احمد:ياخي ماتنشاف
:تعال لي في المزرعه وتشوف طلتي اللي ذبحت بنات واجد وانا اناظر الجوهره
الجوهره ابتسمت وهي تناظرني حلوه كلها على بعضها تجنني
احمد:طيب تعال لنا بالاستراحه الشباب كلهم فيها
:تركي عندي وعادل بيجي بعد واذا تبي اكلم الشباب واعزمهم كلهم
احمد:لاخلاص جايك
الجوهره بهمس: خليه يجيب اهله معه
:احمد تعال انت واهلك معزومين من قبل حرمنا المصون
احمد:هههههههه عقبال مايعزمون الناس حرمنا
:يلا تراك مخرب جوي
احمد:الله يهنيك
:مع السلامه
قفلت وقالت الجوهره:يعني راحت علي السهره معك اليوم
:هههههههههه قايل لك ياحبك لي
الجوهره عطتني ظهرها وقالت بدلع:وياحبك لاحراجي
رجعت للمجلس وجلست مع تركي سولفنا لحد مادخل احمد وولد اخته خالد معناها إن مها موجوده في المزرعه سلمت عليهم ودخل عادل ناظرت ومالقيت سعود استاذنت منهم اني اروح للمطبخ اجيب القهوه دخلت المطبخ وكانت شغاله بدريه فيه قلت لها تصلح القهوه وانا واقف بالمطبخ قربت من النافذه اللي تطل لى المزرعه من الجهه المقابله للخيل متاكد فيه نبرة صوت مهي غريبه علي قربت من النافذه وجتني ضحكتها اللي لو أنسى الناس ما أنساها:ههههههههه الله يوفقك يالجوهره وربي انك وياسر تستاهلون كل خير
الجوهره:وحتى أنتي واستاذ فتحي يستاهل كل خير
غزلان:اسكتي لاتذكريني بأسمه
الجوهره:هههههههههههههه هو صحيح لك عليه شوي هالاسم مايدل على ان حامله سعودي بس المهم الاخلاق
غزلان:ايه تهزي من قدك وش حلاته اسم زوجك
الجوهره:ياسر كل شي فيه حلو مهو بس اسمه
تمنيت اني قدام غزلان واشوف ملامحها والجوهره تمدحني قدامها
غزلان بنبره حاولت تخفي حزنها فيها:ايه مشالله عليك حبيتي واحد وتزوجتيه
الجوهره :والله في يوم من الايام توقعت انه من المستحيلات اني اتزوجه
غزلان:محد يدري وش مخبي له القدر من يتوقع اني بتزوج استاذ فتحي
الجوهره:استااااذ ياحليك ياغزلان مابعد تتعودين تقولين فتحي بدون رسميات
غزلان:حتى هو يقول لي ليه تقولي ن استاذ بس وش اسوي متعوده
الجوهره:اهم شي مرتاحه معه
غزلان:والله احس اني بديت اميل له
الجوهره:الله يوفقك من قدك متزوجه استاذ ومعيد بالكليه وحتى ياسر فديته ماتكبره بقلبي شهاده
حسيت الابتسامه شقت وجهي وانا اسمع كلامها
غزلان :وكلها كم شهر بروح معه استراليا يكمل الدكتوراه
الجوهره بصدمه:لأأأأأأ لاتقولين
غزلان:والله بعدين وش عندي اخسره هنا
:وحنا صديقاتك
غزلان:بتصل فيكم واذا اشتقتي لشوفتي فيه الماسنجر
:واخوانك وخواتك
غزلان:وش فيك تتكلمن كني بقعد هناك العمر كله هي بس فتره دراسته والاجازات اكيد برجع لديرتي
شغالة بدريه:ياسر
اخترعت:هاه...........!!!
الشغاله:خلاص قهوه
كان ودي اسمع وش يقولون اكثر بس خلاص مقدرت خذيت الدله وانا طالع كانت مها مع بنت عمي عنود على طول دخلت تلاقت عيوني بعيون مها اللي اول ماشافتني تغطت وعطتني ظهرها سبحان مغير الاحوال
رحت للشباب وسولفت معهم جاء العشاء وتعشينا وبعد العشاء جتني دبدوبتي ومعها صديقتها الصدوقه رهوفه(بومبا=غزاله وتيمون==رهوفه)غزاله اجلست بحضني ورهوفه بجنبي اتصلت فيني امي
:هلاااا يمه
امي:يالله يمه رجعنا للبيت الكل راح لبيته وحتى عيال عمك
:الناس راحو ولا فيك النوم
امي:لا مافيني النوم
:قولي يمه لتكابرين ^_*
امي:خل عنك هالكلام يالله حنا لابسين وجاهزين
:طيب يالغاليه ولا تعصبين
ركبت السياره ولما وصلنا البيت نزلت امي
قلت:الجوهره انزلي معهم
الجوهره:ليه
:عشان تركبين بجنبي ولا تبغين تركبين ورى واصير انا سواق
الدانه+بدريه:هههههههههه
الدانه بشطانتها:سهره موفقه
نزلو وركبت الجوهره قدام مشيت في الشوارع مالي وجه محدده وصوت ناصر القحطاني الذاهبه هو المسموع
الجوهره ملت من سكوتي وشكل القصيده ذكرتها بذكريات اليمه فقالت:ياسر
:هلا
الجوهره تنهدت بحزن:ابوي يحب هالقصيده
:ليه
الجوهره وهي تمسح دموعها: كان يقول انها تحكي احساسه في امي
مسكت ايدها وحطيتها على صدري:جوهره مابيك تكونين حزينه وانا معك
الجوهره:ياسر مدري ليه انا خايفه افقدك
:لأ إن شاء الله أنا معك والعمر كله بس أبغى منك شغله وحده توضحين لي الصوره في موضوع معين وبعدها اوعدك اني لك ولحالك بعد
الجوهره:أي موضوع
قلت وانا اطفي السياره:بنزل باسكن روبنز وش تبين اجيب لك معي تحلين فيه
الجوهره:أي شي
:طيب وش رايك بميلك شيك
الجوهره:ايه ياليت ابي اذوقه
:ليه فيه احد مدحه لك
الجوهره:في قصة طال سكوتي ومالصمتي مطاليب لـ صمتي سبب وحدتي البطله تحب الميلك شيك
:اها خلاص اذا انتهت صمتي من قصتنا بقراء قصتها الاولى
الجوهره:لأ لأ اغار عليك تقراء احاسيس صمتي
:طيب معناها تبغيني لك لحالك صح
الجوهره:اكيد
خلاص بجيب لنا الميلك شيك وبرجع بس اذا تبيني لك تجاوبين اسألتي
ابتسمت الجوهره خذيت لنا ميلك شيك فانيليا بتوفي
ركبت ومشيت بالسياره لأبعد مكان عن الناس وقفت السياره
الجوهره بخوف:ياسر ليش وقفت هنا
:وش الاشياء اللي سديم ماسكتها عليك وتسميها فضايحك
الجوهره حسيت بملامحها تغيرت:هـ ـ ـ ـاه؟
:قولي يالجوهره مافيه مخلوق كامل وانا بسمعك للاخر
الجوهره:توعدني ماتتخلى عني مهما كانت الحقيقه
:أوعدك اسمعك ولا اتهور
الجوهره:لا ابغاك توعدني ماتتخلى عني
:قولي يالجوهره وابغاك صادقه ومابي احس انك تكذبين علي لاني بصدقك ولو اكتشفت انك تكذبين ماراح اسامحك
الجوهره نزلت راسها وهي تفرك يدينها مع بعض حضنت ايديها بيديني:وش هو اللي مخوفك
الجوهره:اخاف افقدك
:لأ تخافين قولي وش الفضايح
الجوهره:عبدالله
فكيت ايدها:أي عبد الله
:ولد خالي
عقدت حواجبي:وش فيه
الجوهره:قول والله ما اتهور
:والله ما اتهور بس كملي
الجوهره:هو سبق وخطبني
:ايه ادري
الجوهره:وش دراك
قلت بجديه:مهو بهذا موضوعنا وبعدين كملي
الجوهره:سديم كانت تحبه لانها شافته مره كان جالس يسولف معنا بالصاله
:يجلس معكم؟!!!
الجوهره:ايه مثلك انت وبدريه
:طبعاً متغطيات صح
الجوهره:لأ بس لابسه شيله
:حتى ولو متربي معكم المفروض ماتجلسين معه
الجوهره:بدريه تجلس معك
:أنا غير وعبدالله غير
الجوهره:صح أنت غير لانك ماتناظرهم نظره غير أنها نفس اختك حتى لو بقلبك لها محبه
حسيت اني منذهل:ليه وش سوى لك
الجوهره:ماسوى شي اصلاً مايقدر
:طيب كملي
الجوهره:المهم إن سديم كلمته بالجوال وهو مايدري أنها سديم وكانت تحبه وكنت انا اقولها اخباره لحد هذاك اليوم....... وسكتت
رفعت صوتي شوي:كملي
الجوهره وهي عيونها غرقانه دموع:أنت قلت والله ما اعصب
تنهدت:طيب كملي
الجوهره: كان جاي لي لاني طالبه منه اوراق من المكتبه وقال لي وهو راجع من الاستراحه بيجيبها معه
وجاء لحد باب اللي برى لانه كان مشغول ويبي ينام
:وبعدين
الجوهره:طلعت له برى لانه قال انه مشغول وسديم كانت سهرانه معي انا ماقلت لسديم اني طالبه منه خدمه المهم وهو يمد لي الاوراق مسك ايديني وسديم شافتني وانا اوخر يديني منه وتهيأ لها إني اضحك معه
صوتت لي وقالت جوووووهره عبدالله طلع من البيت مخترع
وهي جت لي وقالت يالخاينه انا عارفه انك تحبينه وغيرانه مني ودفتني عن الباب وراحت بيتهم
وبعد هالسالفه جلس عبد الله يومين وخطبني وهذا اللي خلاها تكرهني وتقول إن بيني وبينه علاقه والله ياسر أني
قلت بقهر:لاتتكلمين ولاتحلفين
الجوهره وهي تبكي:أنا كنت عارفه انك ماراح تصدقني ليش خليتني اتكلم
:طيب اسكتي لاتبكين
الجوهره: بس هذي كل السالفه اللي على قولتها تقول فضايح
مسكتها من ذراعها:ليه انتي تشوفينها شوي اللي صار
نظراتها المنصدمه وعيونها الحمراء:ياسر من 3 سنوات وانا ما اتكلم مع عبدالله وزعلانه معه لو اني اشوفه شوي كان رجعت اجلس معه
:.............
الجوهره:ياسر والله عمري مافكرت في إنسان غيرك لاتتخلى عني
مسحت دموعها:خلاص ياقلبي ابتسمي وماصار شي
:ممكن اعرف وش اللي خلاك تفتح الموضوع
:عبدالله خطب مني سديم
الجوهره:صددددق؟
:ايه والله اليوم جاء وكلمني في وحده من بنات عمي محمد
الجوهره:طيب خليني اتصل في سديم اقولها يمكن ترجع علاقتي معها
مسحت على شعرها بحنان:يااابعد عمري يالجوهره طول عمرك طيبوبه
الجوهره ابتسمت بخجل:........
:طيب اتصلي فيها وش تنتظرين
طلعت جوالها واتصلت فيها وقلت لها تخليه سبيكر جاء صوت سديم:ايوا ميين
:هلا سديم شخبارك
سديم:الحمدالله بس انتي مين
:انا الجوهره
سديم:بنت عمي؟!!!!!!!!!
:ايه
سديم:خير وش تبغين
:عندي لك شي حلووو بيفرحك
سديم:ما اظن يجي منك شي يفرح
رفعت راسها وناظرتني وفي وجها خيبة امل ابتسمت لها مشجع عشان تكمل:طيب ممكن تسمعيني للاخر
سديم:لأ مشغوله
:معليش سديم بس 10 دقايق بس من وقتك
سديم:يالله قولي اللي عندك
:عبدالله ولد خالي
سديم بلهفه:وش فيه
:يقول لي ياسر انه خطبك منه اليوم
سديم بسخريا:ههههههه اكيد مؤامره منك ومنه عشان ما اقول فضايحه لك ولا يمكن مؤامره منك عشان ما اقوله عن سواد وجهك
الجوهره بعدت الجوال عنها متخوفه من قلب سديم الاسود خذيت الجوال:سديم مهوب ياسر اللي يخاف واذا منتي موافقه عليه بقوله يشوف وحده غيرك ولا بقول عمي يزوجه عنود لانه رجال كفوو
سديم:هاه؟ ايش
:مافيه هاه ولا ايش انا كلمت عمي في موضوعه وعمي ماعنده مانع واذا تبغينه وافقي ماتبغين براحتك
سديم بقلة حياء:اكيد ابغاه وموافقه عليه
:بعدين اسمعي جوهره اشرف بنت ولاتحاولين انك تهددينها سلاااام وقفلت في وجها
الجوهره وهي تمسك يدي:الله يخليك لي
:ويخليك لي ولبنتك غزاله
الجوهره:دبدوبتي فديتها
:فداااااك الكون يابعد عمر ياسر
الجوهره:سلامت عمرك الباقي ياقلبي
مسكت ايدها وانا العب بخاتمها :طيب ليه ما سألتيني وش سديم ماسكه علي
الجوهره :مايهمني ماضيك كثر مايهمني حاضرك ومستقبلك
:يعني عادي لو انا احب غيرك
الجوهره:المهم عندي انك وعدتني انك بعد ماتعرف الحقيقه تكون لي لحالي محد بيشاركني بقلبك
ابتسمت لها:طيب لو اخونك وش بتسوين
الجوهره وهي مغمضه بعيونها:لأ اناواثقه فيك لو تغرقني في البحر بقول اكيد في الموت مصلحتي
ضربتها على جبينها:يامجنوتني
الجوهره:هههههههه
:أنا فاتحت عمي بموضوع عبدالله وان شاء الله ترضى تتزوجه لانها عنيده
الجوهره:لا اكيد بتوافق لانها مقاطعتني كم سنه عشان هالسبب
رن جوال وكان المتصل امي مدري ليه تزايدت نبضات قلبي فرديت:هلا يالغاليه
امي:ياسر تعال يايمه بدريه تعبانه ونايف مايرد على جواله
قلت بخوف:هاه خلاص دقايق بس
الجوهره:خير عسى ماشر
قلت وانا اركز في الطريق بدريه تعبانه
الجوهره بخوف لكن مايعادل خوفي على بدريه:سلامتها
وقفنا عند اشاره والجوهره ماتتكلم واحسها مبحره في شي ما ادري وش هو :الجوهره
الجوهره:هلا
:صح تغارين من بدريه
الجوهره بصدمه:لا طبعاً بدريه اختي وهي اللي قالت لي اذا خطبك ياسر لاتضيعينه من يدينك لانه مايتعوض
فرحت:احم احم وتذكرت انها مريضه وتضايقت الله يقومها بسلامه لنا كلنا
الجوهره:امين
وقفت عند باب البيت وركبت بدريه والجوهره راحت معنا وامي جلست في البيت عشان البنات وقفنا عند المسشتفى وعلى طول اسعفو بدريه اللي يديها على بطنها وتبكي:خلاص يابدريه ان شاء الله مافيك الا العافيه
دخلوها الغرفه وانا والجوهره وقفنا برى قلت بخوف:الجوهره تتوقعين وش تعبها
:مدري بس هي تقول من طاحت غزاله وهي تقول بطني يعورني
:ادعي لها الله يقومها بالسلامه
الجوهره بحنان:امين يارب
دقايق وطلعت لنا الدكتوره رحت لها:هاه بشري
الدكتوره: هي محتاجه شوية راحه وفيه خوف عليها وعلى الجنين من الحركه
:لا هي ماتطلع من لبيت وماتتحرك كثير
الدكتوره:هي تعرضت لصدمه وهي اثرت عليها محتاجه تجلس بالسرير بدون حركه على الاقل مدة ثلاث شهور
:طيب متى تقدر تطلع
الدكتوره:انا بكتب لها على فيتامينات وتقدر تطلع معك اللحين
ركبنا السياره وقلت لبدريه:الحمد الله اني رجال ثلاث شهور بتجلسين بالسرير
بدريه:عساهم يصيرون بارين فينا اذا كبرو
:ازرع خير تلاقي خير وعيالك على حسب ماتربينهم
مريت على الصيدليه وخذيت ادويه بدريه مديتها لها فقالت:الله يخليك لنا ياخوي
:الله يقومك بالسلامه
شغلت قصيدة تنساني لناصر القحطاني
عليك عيون ناس وكل قلبٍ ضاق بشعورة
تمنتك العيون .. وجيت ياعيني تمناني

أحبك .. كيف ماأحبك ..وانا اللي لك بنى سورة
على جمرٍ .. يدفي بارد اشجانك من اشجاني

حبيبي .. والمشاعر فيك مختالة ومغرورة
تدلل.. وانت في ساحة غلاي اليوم وحداني

واذا ملت خطاك الدرب .. مسموحة ومعذورة
تناساني ..دخيل الحب.. لوتقدر تناساني.
وقفنا عند البيت ولقيت الدانه وامي ورهوفه مانامت تتنتظر امها
جت الدانه تركض وحضنت بدريه الجوهره ضربت دانه خفيف على كتفها :بشوووويش يالدفشه توها طالعه من المستشفى
الدانه: وش اسوي احبها ماتشوفين شر يابدريه
رهوفه وهي تحضن رجول امها:ماما ليه تروحين وانا لأ
بدريه:هههههههه من قدي رهوفه والدانه خايفين علي
امي:وحتى انا يمه بشريني عنك
بدريه وهي تبوس راس امي:الحمد الله بخير
:يمه ترى الدكتوره تقول لاتخلينها تمشي كثير وخليها تنام على السرير 3 شهور
الدانه:ايه هين اتحدى اذا تحملتي يابدريه
بدريه تنهدت بحزن:وش اسوي حكم ربي

بعد مرور ثلاث شهور

مرت الشهور الثلاثه واحنا فرحانين الجوهره بدت تبني لها غلاة بقلبي وبدريه هي المتربعه ع عرش قلبي لحد ماصحيت من النوم ونزلت وكان الكل مجتمعين بصاله ولقيت اغراض بدريه مجهزه
قلت بحزن:بدريه خلاص بتروحين
بدريه: امس لما رحت مع نايف للدكتوره قالت الحمد الله مافيه خطوره ع الحمل وانه ثبت
تنهدت: الله يقومك بسلامه
جت الشغاله وشالت شنطها وسلمو عليها البنات والجوهره تبكي لانها بتفقدها
رحت معها لحد الباب فقالت بحزن: ياسر اوعدني انك تسعد الجوهره
: ان شاء الله ابشري
بدريه: ترى هي اكثر وحده تستاهل حبك
:اهم شي انتبهي لنفسك وللي في بطنك وان شاء الله مابيصير الا اللي تبغينه
بدريه: ترا انا اللي خطبتها انا عارفه اني ماراح اندم لاني اعرف حنانك
جت رهوفه وحضنتني بيديها الصغيره:بشتاق لك عمو
شلتها وحضنتها:حتى انا بدريه تعالي لنا بنشتاق لك
بدريه:نايف كلمني متنرفز ومهوب على بعضه وان شاء الله وعد بكرى اقدر اجيكم
:طيب ليه تروحين وهو معصب عليك
بدريه:زوجي وابو رهف مع اسلامه ياخوي
:مع السلامه يالغاليه
رهوفه:مع اسلامه
:مع السلامه فديتك
طلعت هي وامها وعيوني تتبعها ركبت مع زوجها في سيارتهم الكراون فكتوريا وابتعدت السياره لحد ما اختفت
دخلت وكان الكل جالس وحاط يده ع خده: وش فيكم فلوها بدريه بتجينا انشالله
امي: بتوحشنا هي وبنتها
سكت لاني عارف انها بتوحشني بالحييييل ورحت لغرفتي نمت لاني مابغى افكر في روحة بدريه مدري ليه احس نفسي متضايق اليوم بزياده نمت نووومه طوووليه صحيت ع الساعه 2 صليت ونزلت اول مانزلت سمعت صوت صراخ دخلت كانت امي تبكي والجوهره تهديها
تنفست بصعوبه:وش فيكم
سعود: بدريه بالمستشفى
حطيت ايدي ع قلبي: أي مستشفى
الدانه: (*****)
ركبت سيارتي ورحت بسرعه جنونيه لها اما اموت واسبقها والا اشوفها قبل تموت
اول مادخلت استفسرت عنها وقالو لي عنها رحت للقسم اللي هي فيه شفت ام امي (جدتي) وخالي وساره وام نايف وابو نايف والكل متجمع
طلع الدكتور جت له: الله يخليك بشرني
الدكتور:للاسف السائق الخمر في دمه 55% وشكله كان فاقد لعقله ويسوق بسرعه جنونيه لذالك ماركز وصدم
:بدريه بدريه انا سالك عنها الله يخليك وش فيها
الدكتور: للأسف كل الركاب توفو انا لله وانا اليه راجعون

جـــــــاني خـــــــبر وهــــــز القـلب ودقــاته ...
يوم قالوا حبيبك مـات والحق صلاتــــــــه

رحت ودعيت بصــــــدق وانا بصــــــــلاتــه ...
عسى الله يغفر بدعواي مــاضي حياتــــــه

رفــــعــــت الـنعش وعلـى كتـفــي ثباتــــــه ...
وكل همـي الفـــــردوس تصبــح جـزاتــــه

انحنيت عند قبره على ركبتــــي من غــلاته ...
وبكيت والناس يقولون من يسوي سواته

مادروا ان حبيبي تحت التراب اصبـح مباته ...
وحبيبه فـــــــوق التـــراب تتـثاقل خطاتــه

اصبحت مجنون مستغرب من الميت سكاته ...
ينتظر كلمـــة ويـمسح لأجـلها دمعاتـــــه

وســـألت الناس وش هــو سبب وفــــاتــــه ...
واستغربوا وقالوا من تكون انت بحياتـه

قلــــت انا مــن كــان نبض قلبــه ودقـاتـــه ...
وزارع الشــوق فــي قلبــه ونبضـاتـــــه

وصــديت وقلت ليتني ميت مــع مـماتــــــه ...
واشوفه محشورمع الحورعند ربي بجناته

خارت قواي وطحت ع الارض: لااااااااااااااااااااااااااااااااااااااااااااااااا ااااااااااا الا بدريه حبي بدريه تموت لا تكفى ياموت اخذني بدالها
طلعوها من الغرفه ع سرير ابيض يدفونها لمثواها الاخير وكانت في السرير اللي بعدها رهوفه اللي وجها وجسمها كله رضوض لا رهوفه توك صغيره ماعشتي حياتك اعطيك حياتي بس ترجعين انتي وامك هزيت بدريه اللي كانت جسد بلا روح تكفين بدريه ارجعي لي والله ماخليك تروحين معه تكفين يابدريه انا مقدر اعيش بدونك تخلين ياسر مجنونك في الدنيا لحاله بدريه تكفين قومي تكفين يابدريه والله مابي الاشوفتك تمشين بدريه انا مقدر اعيش بدونك تكفيــــــــــن قومي
وهزيتها بدريه انتي وعدتيني تجينا بـــــــــــــدريه ليه ماتردين بدريه امي تبغاك والجوهره وكل بيتنا يبغاك اذا الدنيا ماتبغاك انا ابغاك والله اعطيك عمري بس ترجعين
ساره: صل ع النبي ياسر
التفت لها بحزن : انتي السبب في موتها الله لايسامحك لادنيا ولا اخره
ضميت رهوفه اللي ماكانت فيها حياة رهوووفه ارجعي واوديك للي تبين ارجعلي تكفيــــــــــــــن تخلين اختك غزاله لحالها وابوك ياسر حزين رهووفه مسكت خدودها البارده رهف رهف تكفين ردي علي ضاقت فيني الوسيعه وعفت الحياه طحت على الارض بحييييل مهدود هده الحزن وفقدان الاحباب
وقفني خالي :ياسر خلك رجال
ليه الرجال مايحزن على موت حبيبته ودنيته كلها وقفت ومشيت ببمرات المستشفى
وانا اترنح مهو من تاثير خمر لا تاثير حزن بقلبي اااااااه بدريه متي وخليتي مجنونك في الدنيا لحاله التفت لصوت بدريه اللي ناداني باسمي :لبيه يابدريه
خالي: بسم الله عليك
:خالي انا اسمع بدريه تناديني خلني اروح لها
خالي:ياااااااااااسر
اشر على اذني:وش فيك اقولك انا اسمع بدريه هاه اسمع تقول ياسر انا ما مت انا عايشه
وضربت صدري بقوووه: عايشه هنا بدريه مامتي بدريه حبيبتي صح ماماتت ياخالي
خالي مسكني من ذراعي:لا اله الا الله
رحت معه وانا جسد وروحي راحت مع بدريه ركبني سيارتي وصلني للبيت ودخلني ع امي اللي مثلي حزينه لا مهي مثلي حزني ع بدريه لايجاريه حزن ااااااااه يابدريه ماني مصدق اني خلاص ماراح اشوفك العمر كله آآآآآآآآه يابدريه
كله من عجوز قريح والله ما اسامحها حرمتني بدريه في حياتها ومماتها بدريه ارجعي لي الله يخليك
طحت ع الارض ابكي مثل الطفل اللي انحرم امه جتني الجوهره وحاولت توقفني وهي تسمي علي ناظرتها بحزن:الجوهره صح بدريه ما ماتت
الجوهره: بسم الله عليك
طلعتني معها الدرج وونومتني بسريري وانا ارتجف:بدريه حبيبتي ماتت لااااااا موب مصدق بدريه لاتروحين
الجوهره وهي تبكي: خلاص ياسر
حطيت ايدي ع فمها وانا في اصعب حالاتي: اسمعي بدريه تقول انها ماتت
الجوهره وهي تسمي علي:سلامت عمرك ياسر من الحزن
دفنو بدريه وانا ماكنت معهم ولاحتى صليت عليها بتخوني نفسي وبقول ادفنوني معها بدريه روحي والجسد مايعيش من غير روح بعد مادفنوها الكل جاء لغرفتي يعزيني كل اصحابي واقرابي ع موت بدريه مهي اللي ماتت اللي مات هو انا واي واحد يبغى يتكلم اقوله اسكت:احد يعزي واحد في موته اللي مات هو انا مهي بدريه
3 ايام ووالكل يجي ويروح وانا فاقد الرغبه في الحياة حتى الاكل ما اكل انا مات احساسي بموت بدريه دخلت علي الجوهره وبيدها شوربه جلستني وسندت راسي ع صدرها وصارت توكلني وكل ماقلت بس قالت عشان خاطر بدريه قد سمعتو بزوجه تقول لزوجها عشان خاطر وحده حبيبتك اكل عشان خاطر حبيبتك اشرب شربتني المويه ومسحت ع شعري بحنان:الله يشفيك ويرجعك لي مثل اول
حطيت راسي ع صدرها وانهرت بكاء ماني قادر اتخيل اني انحرمت من بدريه وللابد الكل عزاني الا امي لان حزنها اكبر من انها تعزي احد بموت بنتها بدريه
الجوهره:خلاص حبيبي صاحبك احمد بيجيك
رفعت راسي من صدرها وغطيت وجهي باللحاف:ما ابغى اشوف احد
شالت الغطاء من على وجهي وباست جبيني وغطتني وقامت عني بعد اربع دقايق سمعت صوت احمد:ياسر
رفعت الغطاء وقلت بحزن: وفر ع نفسك الكلام تكلم انسان ميت تراك
احمد:انت رجال ومسوي في نفسك كذا اجل امك بنعذرها اللي حزنها حزنين حزنها ع بنت اختها وع ولدها في نفس الوقت
قلت بحززززن: انت اكثر واحد تعرف وش تعني لي بدريه
احمد: واكثر واحد عارف شقد حزنك عليها بس مافكرت في زوجتك اللي الناس تتكلم عليها في الروحه والجيه
:............
احمد:يحب بنت خالته وعايفها ومالها قدر عنده ومن هالكلام اللي يخلي الحجر ينطق وهي ساكته ومتحمله ويوم جيت بدخل قال سعود زوجة ياسر تقول خلني اغديه بعدين تعال يعني مهتمه فيك ولا عليها من كلام الناس
:.........
احمد:انا من رااي انكم تسافرون تغيرون جو
:وين اروح وحبها ساكن فيني
احمد:عادل عنده رحله على الاذقيه وبعطيني خصم عشانه كابتن الرحله والاذقيه طبيعه حلوه وجو احلى وع بحر وخبري فيك تحب البحر واقعد هناك كم يوم وانت والاهل غير جو بس هاه ترا مصاريف اقامتكم عليك بعدين قابلت واحد ينقاله محمد ال.... عند الباب وقال انه يبغاك ضروري مدري وش يبغى فيك
:وش قلت له
احمد:قلت له ياسر تعبان وبعدين بقوله يجيك
قلبت للجه الثانيه بحزن مقابل الجدار:ماراح اجيه لا اللحين ولا بعدين قوله ياسر مات بموت حبيبته
احمد قام وهو يصفق بيده:لاحول ولا قوه الا بالله
اسبوع يتبعه اسبوع يتبعه اسبوع وانا في اعداد الاموات الكل كان يدخل ويطلع ولاني مهتم ولاني يمهم انا عايش مع ذكرى بدريه
ليه مايقتنعون اني مت بموت بدريه ااااه يالغاليه صوتها وضحكتها دلعها دموعها كلها اشوفها ليل ونهار ياليت الايام ترجع والله ماخليك تروحين معه قمت بتعب من ع فراشي ورحت للحمام وتروشت بمويه بارده لعل وعسى تخفف الم غيابها اللي احس فيه هذا حالي اذا تذكرت اني مامنعتها انها تروح وانا طالع كانت الجوهره نايمه ع الارض ببراءه وهذا حالها من طحت وهي ماتنام الا ع الارض تخاف احتاج شي وفتحت دولاب وكان دفتر رهوفه لتعليم الحروف الابجديه فتحته وجتني ريحه الغاليه وخط ايدها وخذتني ذكراها
رهووفه:ماما ماحب اكتب
بدريه: بس تحبيني
رهوفه: واحب عمو ياسر بعد
:حتى عمو ياسر يموت فيك
بدريه: خلاص اكتبي كذا أ ح ب ي ا س ر وكتبتها في الدفتر
سكرت الدفتر وضميته وجلست ع الكرسي بحيل مهدود وبكيت بحسره وقلت بصوت مسمووع ااااااه يابدريه وينك رحتي وخليتي مجنونك لحاله في هالدنيا
الجوهره صحت مخترعه وجتني قلت بحزن:بموت يالجوهره بمووت
الجوهره:وانا من يبقى لي
:بدريه مقدر اعيش بدونها سنين سنيـــــــــــن وانا احبها واتمناها فجاءه كذا خلتني وماعدت اشوفها ومستحيل اشوفها ثانيه
الجوهره حطت راسي ع صدرها وهي تقول :امر الله يا ياسر
:اااااااااااه ياموت ليه خذيتها
الجوهره وهي تجلس ع ركبتها وتحط راسها بحضني وعيونها تدمع:خلاص تكفى انت تذبحني بكلامك الله يخليك حس فيني اللي تحسه لبدريه انا احسه لك
وقفت ورجعت لسريري وغطيت وجهي متجاهل دموع الجوهره وبدريه وذكرياتها هي الوحيده اللي مسيطره ع تفكيري
اليوم الثاني دخل علي احمد:هلا ياسر
قلت بدون نفس:نعم
احمد:بكرى رحلتكم
:ومن قالك اني بروح
احمد:عشان خاطر امك واهلك لازم تروح انت قاعد تذبح نفسك شوف جسمك اللي نحف شوف لحيتك اللي متبعثره ع وجهك با اهمال كنك مدمن مخدارات
:...............
احمد: ياسر الدنيا ماشيه سواء حبيتها اوكرهتها ياخي ارحم هالمسكينه اللي ماتهنت معك وبهدلتها يتيمه ومالها الا الله ثم انت
:..................
احمد:محمد ال.... في المجلس ينظرك
:قول له ياسر مات
احمد:قوم يله الرجال يبغاك ضروري وكم مره وانا اصرفه بس اليوم ملزم
وقفت بتعب بدلت ونزلت له سلمت عليه
محمد ال.... وهو يمد لي اوراق:تفضل
:وش هذي
محمد:هذي اوراق بيع العماره لعيال عمك
:كيف قدرت تسترجعها
محمد: لي كم يوم وانا ادور عليك قبل يومين شفت عمك عند الباب فخبرته سالفه العماره وقلت له يطالب في العماره واكيد مرزوق بيرفض
واذا مرزوق رفض يعطيك العماره أنا بجيه بحكم اني رجل اعمال ومعروف بالرياض بساومه على العمارات اللي عنده يعني بوهمه اني بشتري عمارات من عنده عشان اذا جاء عمك يطالبه في العماره قدامي مايرفض لانه طمعان في المبالغ اللي بعطيه اياه مقابل خدماته لي
والوقت اللي بروح لمرزوق فيه يجي عمك ومعه المحامي عشان يسترجع العماره ومايكون لمرزوق عذر يرفض لاني بكون في مكتب مرزوق وبيخاف يخسر رجل اعمال مثلي ومقدم له عروض خياليه
ويطالبه في العماره بدون مايقول انه خذها بلخداع ولما دخل عمك محمد تغيرت ملامحه وقال هاه يامرزوق خلنا نوقع ع بيعية العماره ومكان من مرزوق الا انه يوافق لانه طمعان في المبالغ اللي بياخذها من وراي مقابل العمارات اللي بشتريها..ماخذ بلحيله يسترد بها ومن فضل الله ثم ام عبدالعزيز وتخطيطها
:الله يجزاك خير
محمد:وعمك وقع بحكم انه ولي امر البنات
:اخدمك بالافراح
محمد: انا قدمت خدمه لخو دنياي سالم الله يرحمه
شكرته وودعته وورحت داخل امي اول ماشافتني حضنتني وصارت تبكي بكيت معها حزني ولامي ع حبي بدريه ناظرتهم فقلت جهزو انفسكم كلنا بكرى بنسافر للاذقيه ماحسيتهم فرحو وما الومهم فراق بدريه صعب ع الكل رجعت لغرفتي وجلست فيها صحيت ع الساعه 6 الفجر والكل كان مجهز اغراضه جهزت اغراضي بسرعه ركبت معهم السياره وتوجهنا للمطار ركبنا الطياره
ولما قربت الطياره تنزل امي مارمت غطاها طبعاً وبدريه اقصد الجوهره والدانه رمو الغطا واكتفو بالعبايه والشيله يمكن لو انا بظروف غير هالظروف ماراح اوافق لكن انا في نفسيه ماتسمح لي اني اهاوش او اعلق
ووصلنا للاذقيه بعد مشوار قصير
وقفت عند الاستقبال اخذت مفاتيح الغرف واعطيت كل واحد مفتاحه الجوهره وسعود بغرفه وامي والدانه وغزاله بغرفه
الجوهره دخلت معي للغرفتي:ياسر ارتاح وانا بس برتب اغراضك
تنهدت بحزن وقلت:ارتاح؟!!!!!!! وشلون ارتاح وحب قلبي من الدنيا راح !!!!
وقفت في التهويه مقابل البحر ودخلت ايدي بجيوب البنطلون و المطر ينزل بغزاره خلو البرد يموتني واللحق بدريه انا فقدت الرغبه في اني اعيش بدونها
الجوهره: ياسر
قلت من غير ماناظرها:نعم
الجوهره: ياسر حبيبي الجو بارد هنا لازم تلبسه
:لا ما ابغى
الجوهره: اذا انت ماتبغى نفسك انا ابغاها
:وش تبغين في واحد قلبه مع غيرك
الجوهره:بصبر ومصير الايام تخليه يحبني
ناظرتها بتعجب:............
الجوهره:تكفى ياسر البسه
خذيته من يدها ولبسته وهي راحت ناديتها: الجوووووهره
جت لين وصلت قدامي:ياعيون الجوهره
حطيت ايدي ع خدها: ليه تبكين
الجوهره:لاني احبك ومنت حاس فيني
:من قالك
الجوهره: تصرفاتك وحزنك ع بدريه
تنهدت ورجعت اناظر البحر اما الجوهره كانت تناظرني وهي حزينه ما قدرت اميز اذا كانت تبكي او لا لان المطر كان مغرقها
الجوهره:ياسر
:امممم
الجوهره وهي مغمضه عيونها:ياليتني اللي مت وبدريه بقت لك ولا اشوفك حزين
كلماتها دخلت قلبي وكأنها السكين اللي نغرزت فيه مسكتها من اكتافها وخذيتها بحضني صرت امسح ع شعرها :سلامتك من الموت
الجوهره:بس أنت ماتحبني
وحطيت ايدي ع ذقنها وخليتها تناظرني قربت منها لحد ماصار وجهي مقابل وجها وقلت لها من اعماق قلبي : احبــــــك
اسكتت وشفت فرحة الدنيا بعيونها وسندت راسها ع صدري وقالت:وبدريه
:لاتتعبيني يادوء القلب والروح
لاقلت احبك اسكتي واحضنيني
ماجيت ادور فيك لوعات وجروح
جيتك وانا كلي اكل تسعديني

بعد مرور 13 سنوات
مسحت دموع الجوهره بحنان:الله يقومك بالسلامه لي ولغزاله ولسالم
الجوهره:خايفه اموت
:لا قبل قدرتي تجيبن الاسد سلوم وانشالله المره هذي بتجيب احمد صغير
وقبل يدفونها الممرضات لغرفة الولاده الجوهره:لو مت امانه عندك غزاله وسلوم امانه ياسر امي واخواني
ابتسمت لها:الله يخليك لي
دخلت الدانه وهي شايله ولدها ياسر سمته علي^_*:هاه ياسر بشرني ولدت الجوهره
:لا والله لسى
الدانه: انا خايفه عليها
:اسكتي ترى امي محرقه جوالي اتصالات خايفه عليها
الدانه:سعود راح يجيبها لان غزاله موته نفسها تبكي
بعد 20 دقيقه دخلت امي وغزاله وسالم ولدي عمره 4 سنوات غزاله وهي تجلس بجنبي وتحط راسها ع كتفي:يارب امي تجيب لي بنوته صغيره
سلوم:لا وع ابغى ولد
سعود اللي زاده شنبه رجوله وهو بعيني اخوي الصغير اللي اعتبره ولدي اكثر من اخوي قال بتميلح شباب:لا العيال وع البنت احلى وان شاء الله تطلع حلوه وتشابه غزاله
غزاله اللي حمرت خدودها حضنت ذراعي وقالت بدلع:يبـــــه
الدانه:سعود وجع ابوها قاعد لايقوم ويكفخك
سلوم:حالي أنا ماحبك
الدانه:انت انطقها زين بعدين قول حالي ماحبك
:ههههههههه للحينك على شطانتك يالدانه ماكبروك عيالك
غزاله:جده صح تبغين بنت
امي:ان شاء الله بنت
سلوم:لااااا مابغى بنت
امي:طيب ان شاء الله تقوم الجوهره بسلامه واللي يجي من الله حياه الله
بعد ساعتين من الانتظار المطول طلعت لنا الممرضه:مبروك بنت
الكل هتف وصفق من جد حسيت ان المنتخب هو اللي فاز وقفت وقلت:اوامها
الممرضه:مرهقه شوي تعالو لها العصر
رجعنا البيت كلنا وبعد 5 ساعات رجعنا للمستشفى ودخلنا وكانت الجوهره جالسه ومبتسمه التفت للي بجنبها وكانت اخر شخص توقعت اشوفه
جدتي من 13 سنوات مقاطعها ولا ادري عنها بشي اول ما شافتني وقفت ع عصاتها وجت لين صارت مقابلتني وقالت:مبروك ماجاك ياسر
التف لامي ومارديت عليها فقالت:مبروك بنتك الجديده اللي أنا سميتها لك بدريه راحت بدريه وجت بدريه بدالها
الجوهره:ياسر ترى جدتي من ساعه وهي عندي وتطلبني اني اسميها بدريه واصلاً انا موافقه بدون ماتطلبني اللي تبغونه انا موافقه عليه
حضنت جدتي من قلب لانها مهما كان جدتي وكبرت وتحملت التعب وجت تبارك لزوجتي وسمت بنتي بدريه عشان ترضيني واصلا حتى أنا كبرت والماضي صار ذكرى ماغابت عن بالي يوم بست راسها:الله يخليك لنا لاخلى ولاعدم ان شاء الله
غزاله رمت نفسها في حضن الجوهره تبكي خايفه عليها التفت لنيرس اللي جابت بدريه الصغيره خذيتها
واول ماطاحت عيوني على ملامحها زاد نبضي وحسيت برجفه بجسمي وتنفست الصعداء سبحان الله نسخة بدريه الراحله المستحيله نفس العيون والشفه والخدود تشابه بالحيل بدريه حضنتها وكني احضن الراحله المستحيله حسيت حب بدريه الصغيره يمشي بدمي ووصل لقلبي وتربع على عرشه مثل ماكانت بدريه الراحله فيه ورحت معها لعند النافذه وناظرت السماء قلت بقلبي ربي خذ مني شي غالي وعوضني بشي نفس غلاته هذي هبة من خالق السماء لواحد ضاقت به الدنيا على فراق انسانه اعتبرها نبضات قلبه وروحه
التفت لعيونهم اللي تناظرني:خلونا كلنا ندعي لبدريه الغاليه بالرحمه
الكل:الله يرحمها

لا تنتظر حبيباً راحل
وانتظر ضوءاً جديداً يمكن أن يتسلل إلى قلبك الحزين
فيعيد لأيامك البهجة ويعيد لقلبك نبضه الجميل
لا تحاول البحث عن حلم خذلك
وحاول أن تجعل من حالة الإنكسار بداية حلم جديد
لا تقف كثيراً على الأطلال
خاصة اذا كانت الخفافيش قد سكنتها والأشباح عرفت طريقها
وابحث عن صوت عصفور
يتسلل وراء الأفق مع ضوء صباح جديد

تمت

 
 

 

عرض البوم صور دموع يتيمة   رد مع اقتباس
قديم 11-04-08, 05:16 PM   المشاركة رقم: 13
المعلومات
الكاتب:
اللقب:
ليلاس متالق


البيانات
التسجيل: Oct 2007
العضوية: 47688
المشاركات: 1,443
الجنس أنثى
معدل التقييم: دموع يتيمة عضو بحاجه الى تحسين وضعه
نقاط التقييم: 30

االدولة
البلدSaudiArabia
 
مدونتي

 

الإتصالات
الحالة:
دموع يتيمة غير متواجد حالياً
وسائل الإتصال:

كاتب الموضوع : دموع يتيمة المنتدى : القصص المكتمله
افتراضي

 

وبكذا انتهت ماساه رجل عشق فتاه مستحيله حسيت اني تسرعت في إختيار اسم الروايه وتمنيت اني استبدلته
بـ

مأساة رجـــل عشــق فتـــاة مستحيلــــه

همســـة
لكل من قال أن الشخصيات اللي في القصة مستحيله ومالهم وجود في الواقع
مشكلة إن لم يفهم البعض ما أعنيه..
فهذه قناعاتي .. وهذه افكاري .. وهذه كتاباتي بين يديكم ..
أكتب ما أشعر به .. وأقول ما أنا مؤمنه به..
وليس بالضرورة ما أكتبه يعكس حياتي الشخصية ..
فهي في النهاية مجرد رؤيه لأفكار لها وجود في الواقع وباستمرار يراها الجميع...
واشخاص موجودين في مسرحية الحياه قد تختلف الاحداث التي حدثت في الواقع عن ماكتبتها وصورتها ولكن مضمون القصه هو ما أنا اردت توضيحه

ياسر:شخص موجود في الحياه الله يخليه لكل احبابه ويطول بعمره على طاعه ويخلي احبابه له
بدريه:كثير من امثال بدريه اللي طيبه تملئ قلوبهم وحب الخير للغير لكن للاسف اكثرهم مايستمرون في الحياه لان الدنيا تعجز عن استظافة الطيب ولا تطول بها استضافته والطيب والمحبوب والعزيز كلعاده يروح مايستمر مع احبابه الله يحفظ لي ولكم احبابكم
اللهم آمين
وكل الشخصيات موجودين في الواقع
باحداث اخرى واسماء اخرى وموصفات اخرى وبلدان اخرى

مضمون القصه واقعي وادخلت عليه الكثيييير الكثيييير من الخيـــــــــــــال

نحن لسنا ملائكة ولاندعي ذلك والكمال لله وحده كل ابن آدم خطاء، وخير الخطائين التوابون

تحياتي واحترامي للجميع

لن اقول الوداع لانها تقتل الامل باللقاء ثانيه ولكن سا اقول الى اللقاء وانا وانتم

على وعد ان شاء الله في روايه جديده تحكي احاسيسي واحاسيسكم

اختكم/صمتي سبب وحدتي

 
 

 

عرض البوم صور دموع يتيمة   رد مع اقتباس
قديم 11-04-08, 07:54 PM   المشاركة رقم: 14
المعلومات
الكاتب:
اللقب:
ليلاس متألق


البيانات
التسجيل: Jul 2007
العضوية: 35088
المشاركات: 1,546
الجنس أنثى
معدل التقييم: سعوديه وكلي عز عضو بحاجه الى تحسين وضعه
نقاط التقييم: 15

االدولة
البلدSaudiArabia
 
مدونتي

 

الإتصالات
الحالة:
سعوديه وكلي عز غير متواجد حالياً
وسائل الإتصال:

كاتب الموضوع : دموع يتيمة المنتدى : القصص المكتمله
افتراضي

 

مشكوووره دمووع على نقل هالقصه الروووعه


جواااهر مرة قاهرتني ,, بس فكه منها

دمتي بود

اختك

سعوديه وكلي عز

 
 

 

عرض البوم صور سعوديه وكلي عز   رد مع اقتباس
قديم 12-04-08, 12:37 PM   المشاركة رقم: 15
المعلومات
الكاتب:
اللقب:
عضو ماسي


البيانات
التسجيل: Oct 2007
العضوية: 53753
المشاركات: 10,534
الجنس أنثى
معدل التقييم: ارادة الحياة عضو ذو تقييم عاليارادة الحياة عضو ذو تقييم عاليارادة الحياة عضو ذو تقييم عاليارادة الحياة عضو ذو تقييم عاليارادة الحياة عضو ذو تقييم عاليارادة الحياة عضو ذو تقييم عاليارادة الحياة عضو ذو تقييم عالي
نقاط التقييم: 740

االدولة
البلدIraq
 
مدونتي

 

الإتصالات
الحالة:
ارادة الحياة غير متواجد حالياً
وسائل الإتصال:

كاتب الموضوع : دموع يتيمة المنتدى : القصص المكتمله
افتراضي

 

السلام عليكم دموع يتية
اختيار موفق جدا هذه القصة احدى القصص التي قرءتها وهي رائعة جدا
اسلوبها جدا حلو رومانسية ممزوجة بالفكاهة والحوار الذي يدور على لسان الابطال سلسل جدا وممتع للقارئ
دموع عزيزتي اتمنى لك التوفيق واريدج دائما متواجد وتزويدينا باحلى ما اثار اعجابك
تحياتي الج عزيزتي

 
 

 

عرض البوم صور ارادة الحياة   رد مع اقتباس
إضافة رد

مواقع النشر (المفضلة)

الكلمات الدلالية (Tags)
الكاتبةصمتي سبب وحدتي, روايات, قصة رجل عشق من النساء واحدة وعشقنه النساء جميعاً
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 04:18 PM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية