لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 11-04-08, 04:59 PM   المشاركة رقم: 6
المعلومات
الكاتب:
اللقب:
ليلاس متالق


البيانات
التسجيل: Oct 2007
العضوية: 47688
المشاركات: 1,443
الجنس أنثى
معدل التقييم: دموع يتيمة عضو بحاجه الى تحسين وضعه
نقاط التقييم: 30

االدولة
البلدSaudiArabia
 
مدونتي

 

الإتصالات
الحالة:
دموع يتيمة غير متواجد حالياً
وسائل الإتصال:

كاتب الموضوع : دموع يتيمة المنتدى : القصص المكتمله
افتراضي

 

الجزء الخامس


من بعد ماتعرفت على مها وكل ما دق احمد حطيت ايدي على قلبي
: هلا والله
احمد: وينك يارجال اسبوعين لا بينت ولا شفتك
:مشاغل
احمد: مشاغل ها!!! وينك اللحين خلنا نجيك
: انا وتر كي في المطعم(****) وقفلت منه
تركي: احمد بيسافر لدوله افريقيه يمدحون بناتها
: من جدك
تركي: لا من خالي
:خخخخخ
تركي: امس متصل علي يقول بتسافر معي قلت والله ان درت المدام ان ترفع علي قضية خلع
:هههههههههههههههه هذا احمد مايخلي طبعه قايل له يتزوج بس ماطاع
دخل علينا احمد ناظرت تركي: مداه يجي
تركي: اكيد انه يغازل في المجمع اللي قريب المطعم
:هههههههههههههه
احمد:وش يضحكك انت وخشتك
: نضحك عليك
احمد:اضحكو على انفسكم تو 4 بنات مرقميني
قلت بسخريه:يابختك عطني وحده
احمد: لا لا لاتحاول روح معي للدوله اللي بروح لها وعقب بعطيك البنات اللي اعرفهم لاني بأصل مليتهم
:لا والله انا اللحين عندي بنت
احمد: غزاله بزر
: والبزر بيجيه يوم ويكبر
احمد: تكفى ياسر والله اني ابغى خوتك
: لا تتكفى فيني خلاص بشاور الوالده وبرد لك خبر
احمد: هذا العشم
رن جوالي وكان عمي سالم
: مرحبا
عمي سالم:الله يسلمك
: كيف حالك
عمي سالم: بخير يامال خير وينك يابوك ماعاد شفناك
: مثلك عارف الدوام واول ما اجي مشاوير الوالده والبنت
عمي سالم: ماهو بعذر تعال اليوم العشى عندنا عشان اني تقاعدت
:مبروك ياعمي ياجعل ربي يعطيك الصحه
عمي:ابغى اشوفك ع العشاء وامك بعد خلها تجي معك البنات يبغونها
:ابشر عقب صلاة العشاء بجيك
عمي: حياك الله فمان الله
قفلت منه رن جوال احمد وراح يرد عليه وبعد فتره رجع
: من اللي متصل
احمد: بنت اختي تقول ابي اسافر معك قلت لها خويي ياسر بيروح معي قالت عادي انا مسافره مع خالي
قلت بقلبي ان كيدهن عظيم: وش قلتها انت
احمد:وافقت وانا اقدر على حنة مهوي بعدين مهاااوي بزر
قلت بقلبي بزر ههههههههه ياليت تعرف ان اللي تسويه في بنات خلق الله رجع عليك..
تركي:بتشوف فضايحك وبتعلم امها
: لا وابشرك يوم رحنا المغرب ما يرجع للفندق الا بالسحب سكران ولايقدر يعدل راسه
تركي:لا يا احمد خلها تقعد وش لها بالسفره تنصدم في خالها
احمد: مها بنت اخت ياسر مثل ماهي بنت اختي اكيد ماراح يخليها تشوفني
: طيب ليش وافقت انها تروح معك
احمد: وش اسوي ابوها كلمني وطلبني انها تروح معي
:وابوها ليش يوافق
احمد:بنته الكبيره واكيد انها لحت عليه لين كلمني
تنهدت: خلاص تذكرتي انا وهي عليك واقامتنا هناك علي
احمد: وش معنى التذكره علي
: تبغاني اساعدك ع المعصيه
تركي: تكفى يالمطووووع
رن جوالي وكانت مها ماعرفت ش اسوي قمت وانا مرتبك بعدت عنهم
:انا مع خالك يامها بعدين كلميني
مها: لحظـــــــه لحظــــــــــه لحظـــــــه انا بقولك
: اذا وصلت البيت بتصل فيك بليزززززز مها
مها: انتبه لنفسك حبيبي
قفلت منها وانا احس اني بورطه من جد انتي يامها نشبه
لما رجعت قال احمد بسخريه: هذا اللي مايبي يساعدني ع المعصيه
تركي: خله ع راحته لاتحرجه
بلاك ماتدري انها بنت اختك يا فالح جاء الغداء وماعطيتهم وجهه ((عند البطون تعمى العيون)) وبعد الغداء رحنا للاستراحه وبعد صلاة المغرب وصلت تركي بيته ورحت لامي اللي قلت لها تجهز لين امرها ركبت معي امي وغزالتي معها ومشينا متجهين لبيت عمي سالم
دخلت وقام عمي سالم كلعادة الطيبه وحضني وينك يارجال معاد شفناك
سلمت ع عمي محمد ورحب فيني ترحيب لايقل عن ترحيب عمي سالم لكن الفرق واضح عمي سالم ترحيبه صادق فيه ولا عمي محمد باين انه نفاق
جلست وجاء ولد عمي سالم سعود وحبني ع خشمي وجلس بجنبي عمره 8 سنوات وهو الولد الوحيد بين 3 بنات
سعود ولدعمي: شفت بنتك حلوه انا احبها
: خلاص وانا اخوك اذا كبرت زوجتك اياها
سعود: لا صغيره
:والصغيره بيجي يوم وتكبر
عمي سالم: والله ياسر وانت ماحلفتني انه كل يوم يسال عنك
ناظرته: وليش ماكلمتني
سعود: ماعندي جوال
: بس جوال بروح انا وانت بعد العشاء وباخذ لك جوال وشريحه وش تبي بعد
سعود: واقدر اكلمك واكلم زملائي
: عشان لابغيتني تتصل فيني انا اخوك الكبير
عمي محمد: تشتري لذا البزر جوال((هذا عمي محمد اغلى ماعنده الفلوس))
عمي سالم: لا والله ماتشتري له
:ليه ياعمي منت عادني ولدك
عمي سالم:والله العالم انك بغلاة ولدي
:اجل لاتقول بيصرف علي فلوس بطاقات شحن جواله فاتوره وانا اللي بدفعها
عمي سالم: لا يابوك لاتكلف ع نفسك
:خلاص ياعمي انا قايل لك سعود اخوي
سعود: باخذ اخر جوال كاميرا
: اكشخ اخر جوال بعد ولا يهمك تامر امر
دخل زوج بنت عمي الكبيره وسلمنا عليه ورجال وراى رجال لاحد ماصار المجلس مزحوم رجال
عمي : ياسر يابوك وصيت سعود يجيب القهوه وتاخر
: ابشر
طلعت من المجلس وصلت للمطبخ ناظرت من النافذه ماكان فيه احد وصلت للباب اول ماوصلت الباب الا وصدددمه قويه راس ع صدري كانت بتطيح الدله من الصدمه لكن ربي ستر ومسكتها نزلت راسي اشوف من صدمني
بنت ماعرفتها قالت بارتباك:هــ ــ ــ ــاه اسفــ ـــ ـــ ــه موقصدي وانخشت ورى الباب
سعود:ههههههههه اختي جوهره مطفوقه بغت تكب القهوه عليك
وقفت متجمد بمكاني شوي اللي شفته معقوله تكون الجوهره سبحان مغير الاحوال بعد ماكنت شيفه وشينه احلوت هذا هم البنات شينات صغار ولما نشوفهم اذا كبرو ننصدم بجمالهم
وقبل ارجع للمجلس قلت بصوت مسموع: سامحيني يابنت عمي ماشفت احد في المطبخ من النافذه ودخلت ما استاذنت ورجعت للمجلس جلست مع الرجال وفكري كله شاغلته جوهره سبحان الله كيف احلوت لا وخجوله يابعدهن يابنت عمي
بعد العشاء طلعو الرجال وعمي محمد استاذن وراح لبيته مابقى الا انا وعمي سالم
عمي سالم:لا تقطع يابوك
ابشر ياعمي وناظرت سعود: ناد امي خلها تطلع
ركبت السياره وركبت امي ومدت لي غزاله وصارت تمسكني من اذاني وتبوسني
: يمه شيليها حاستني وطيحت شماغي
امي:شالتها جوهره
اول ما قالت امي اسمها فز قلبي
امي كملت:وبنتك الشيطانه قطعت عقدها وحلفت جوهره انها ماتاخذه من غزاله
: يمه وش عقدها
امي: ذهب ابيض تقول عمك شراه لها لما نجحت في ثالث ثانوي
: وهي أي صف اللحين
امي: في رابع سنه في الكليه تخصص انجليزي
قلت بقلبي شوفو الصدف حتى غزلان رابع سنه وتخصص انجليزي
: ياحرام يمه عطتها عقدها اكيد ذكراه غاليه عليها
امي:اقولك قطعته يعني ماعاد ينلبس
: عطيني اياه بصلحه وبرده لها
امي:ايه والله ياوليدي يكسرون الخاطر يتامى يوم جيتهم الدانه طول الوقت هي جالسه بجنبي والجوهره حضنتني حتى الكبيره لما جيت رحبت فيني احسن ترحيب اما بنات عمك محمد وامهم زين اللي قامو يسلمون
:ماعليك منهم بس ترى بنات عمي سالم محتاجين ام تسال
امي: انا وعدتهم اني كل مافرغت اتصل فيهم
: زين يمه اعجبتك سيارتي ماودك تنزلين لبيتك
امي: الله يقطع بليسك
نزلت ورى امي متوجه لغرفتي تذكرت مها لانها طول ما انا عند الرجال وهي تتصل لين حولته صامت اتصلت فيها
مها: نعععععم
: الله ينعم عليك
مها: مليووووون مره اتصل وماترد
:انتي ماتفهمين كنت معزوم
مها: طيب لاتعصب
: تخلين التمثال يعصب
مها:ههههه حلوه
: وش اللي حلوه
مها: ان التمثال يعصب
: طيب وش كنتي تبغين على هالاتصالات
مها:مشتاااااااااقه لك يعني حرام اكلمك
:................
مها: وش فيك سكتت
قهرتني: مدري عنك على بالي ان فيه جريمه صارت وانا السبب فيها على هالاتصالات
مها: خلاص ماتبيني اكلم باي
وقفلت من جد انبسطت كنت بقوم ارقص لانها عقلت وتركتني لكن يافرحه ما تمت اتصلت ثانيه مها
:هلا
مها: اهلين
: قلتي ماراح اتصل عليك
مها: ليش منت راضي تقتنع اني احبك
: انا مقتنع
مها: ليش تتعامل معي بهالتعامل
:وانتي ليه ماتريحيني
مها:اريحك بوشو
:انتي بنت اخت احمد يعني مثل اختي تكفين يا مها ابعدي عني
مها:لا ما ابغى
:وشو اللي ماتبغين ليش تفكيرك محدود
مها بصوووت عالي:وشوو محدود انا احبك انت ماتفهم
موتي ولا انسان يرفع صوته بوجهي:مهااااا اذا انا ساكت مهو معناه ترفعين صوتك علي اقص لسانك واخليك طول عمرك ماتتكلمين فاهمه وقفلت الجوال بوجها
اتصلت وعطيتها مشغول واتصلت وعطيتها مشغول ارسلت مسج
((والله اذا مارديت اني لا اموت نفسي وانت تعرفني اني ما اهدد ولا اكذب))
لاني ضعيييييييف وخايف تموت نفسها حتى لو هي ماتعني لي شي ويصير ذنبها برقبتي واتم بتعذيب الضمير طول العمر والاهم اني ضعيف اتصلت عليها
:مها
مها:.........
:ليش ترفعين صوتك علي
مها باكيه:اسفه
الدموع سلاح البنات لا ثارة شفقه الرجال وانا من النوع اللي اضعف اذ انسان بكى قدامي:طيب حصل خير قومي غسلي وجهك
مها:ياسر ليه ماتحبني
:من قال اني هالكلام لو انا اكرهك كان قلت احسن خلها تموت وافتك منها
مها:...........
:والله انا اذكرك لما دخلتي اولى ابتدائي كنت انا واحمد نوصك للمدرسه يعني احسن اني انسان حقير وتافه اذا كلمتك لاني يا بنت احترمك قبل احترم اهلك اللي نطعنهم بالظهر
مها: طيب طيب خلنا من هالسالفه اللي تعور القلب بتسافر مع خالي
:انشالله
مها: وااااااااااااااااو وناسه
:كل هذا عشاني
مها: اكيد ياقلبي عمري ماتوقعت اني بحب واحد نفسك
:شكرا
مها: اوكيك حبيبي صاحبتي معي خط ثاني خلني ابشرها انك بتروح معي
:مهووووووووووي
مها: بسم الله وش فيك
: قلتي لها ان صاحب خالي يكلمني
مها: وش قالو لك انا غبيه قلت لها واحد تعرفت عليه في الشات
:واللي تتعرفين عليهم بشات تطلعين معهم
مها:يوووه خلني ارد عليها
:مهاااااااااااا
مها:سم
:خلي صاحبتك تحترمك وتاخذ عنك فكره طيبه ليش تبينين لها انك تكلمين واحد وتفتخرين قدامها وهو مهو فخر العكس صحيح
مها:رايك اني ما اقول لها
:لا طبعاً لاتقولين لها تكفين
مها:طيب حبيبي مع السلامه
: طيب سلام
قفلت منها وانا متضايق منها تذكرت جوهره الخجوله وابتسمت من جد كبرتي عيني الله يثبتك على منتي عليه
ارست غزلان(( شخبارك اللحين عسى نفسيتك تمام))
ارسلت لها(( دام فيه احد يحاتيني اكيد بصير تمام ))
ارسلت غزلان((اذا ماحاتيت حبيبي من احاتي ))
ارسلت لها(( تسلمين لي يالغاليه))
وبعدها ع طول نمت وصحيت اليوم الثاني الصباح رحت للدوام وانا راجع خذيت شريحه وجهاز لسعود مريت ع بيتهم ظربت الجرس
جاني صوت الجوهره: ميــــــــن
حبيت اتميلح:ولد عمك ياسر
فتحت الجوهره الباب فتحه بسيطه: هلا ياسر ابوي عند جارنا
: ومن قالك اني ابي عمي
الجوهره بجديه: من تبغى اجل
: ابغى اخوي
الجوهره بعصبيه: ماعندنا لك اخوان
: يالانانيه وسعود اخوك لحالك هو اخوي بعد
الجوهره: سعود راح مع ابوي
مديت لها الكيس من فتحة الباب اذا رجع قولي له اخوك ياسر جاب لك الجوال اللي وعدك فيه
الجوهره:انشالله تامر امر
وقبل اروح جاء صوتها الحنون منادي باسمي: يااااااااااسر
: سمي
الجوهره: اسفه نافخت عليك((رفعت صوتي))
: مسموحه يابنت عمي
الجوهرة من ورى الباب:فمان الله ومشكور على هدية سعود
: وانتي بحفظ الله وانتم اهلي مافيه داعي للشكر انتظر مكالمه سعود
ركبت سيارتي ورجعت للبيت لاني تعبان باللحيل الساعه7 المغرب وانا من 9 الصباح وانا مرتز في ذا الدوام اول مادخلت البيت كانت ام احمد جالسه في الصاله عند امي
اول مادخلت رحبت فيني حسيت نفسي ناقص او بالاصح احتقرت نفسي لو تدرين اني اكلم بنت بنتك مارحبتي فيني كل هالترحيب
ام احمد: احمد ومها بيسافرون الاثنين
ناظرت امي: يمه احمد طالبني اني اروح معه وش رايك
امي: والله اني خايفه عليك انت وخويك من هالسفرات
: افا عليك يمه رجال طول بعرض وتخافين علي
امي: بتقعد عندي امي لين ترجع بالسلامه
: والله اني مالي خاطر في هالسفره لكن احمد ملزم
ام احمد: الله يهديه يمه لا راضي يعقل ولا راضي ازوجه
: خليه ع راحته ياخالتي
ام احمد: ياخوفي ان اللي هو شايفه راحته توديه في داهيه
: احمد رجال ولا عليه خوف
امي: يعني بتسافر بعد يومين
:باذن الله
امي: ياسر يمه ماتغديت
: لا ولالي نفس ابي انام تعبان
امي: نوم العوافي يمه
رحت لغرفتي ورحت بسابع نومه وصحيت الساعه 4 الفجر شبعت نوم ناظرت جوالي وكان اتصالين من غزلان و27 اتصال من مها و4 اتصالات من سعود ولد عمي ومسج من غزلان((نوم العوافي يالغالي))
ومسج من مها(( عارفه انك ماتبي تكلمني الله العالم من انت مشغول معه؟!!!!!!!))
مسج من سعود شكل خواته اللي كاتبينه له((مشكور ياخوي اغلى هدية جتني في حياتي)) رحت للمسجد صليت ورجعت البيت سمعت صوووت وحده تبكي
دخلت بشويش لحد ماثبت وعرفت الصوت ماكان الا صوت حبي بدريه رحت من الحديقه للمطبخ وكانت جالسه ويدينها ع وجها
وقفت قبالها وجلست ع الارض:بدريه وش يبكيك
بدريه رفعت راسها وناظرتني بحزن:مافيني شي
: اجل وش جابك في هالوقت المتاخر
بدريه وقفت وقالت بعبره وحزن: انا عندكم من الساعه1
: تكفين يابدريه قولي وش اللي يبكيك
بدريه ناظرتني واشرت ع قلبها: ماعاد يقدر يتحمل عذاب الدنيا
جيت ومسكتها من اكتافها:لييييه ماتنطقين من اللي يسوي فيك كذا والله ان يبطي في المستشفى من اللي بسوي فيه قوووووولي هو ناااااااااااااااااايف
بدريه غطت وجها بيديها ورجعت تبكي كنت بروح لنايف لاني اضعف اضعف اذا شفت الغاليه تبكي
لكن يدينها الصغيره مسكتني من ذراعي : والله سبب دموعي هالمره مهي من نايف
:اجل مين
بدريه:خلاص خلني ارتاح وبكرى بقولك
: لاتكفين لاتنامين وانتي في هالحاله
ابتسمت بسخريه: من متى وانا انام مبتسمه؟
: انتي اللي جايبه الهم لنفسك ولا قلبي قبل بيتي مفتوح لك
بدريه:الدنيا مهي سايبه اكيد ابوي بياخذني اعيش عنده وزوجة وعياله ما يحبوني او جدتي لايمكن تستقبلني مطلقه اذا هي ماتحملتني وانا بنت وحده بتحملنا واحنا ثنتين
:والله ماحد ياخذك دام راسي يشم الهواء
بدريه بالم:ياسر الحق معه
:وشو حقه انهم يعذبونك بحياتك بدريه انتي ماتعرفين وش يصير فيني اذا شفتك حزينه انا اموووت فداء ضحكتك وشوفتك مرتاحه
بدريه:كل مره اجلس عندكم فيها يكلمني ابوي يقول ارجعي ولا ترى برجعك غصب وانا احفظ ماتبقى لي من كرامه وارجع لنايف اذا اتصل يطلب رضاي اااه ياسر انا ابي اموت واتارح واريح
:بسم الله عليك الله يخليك لنا كلنا....اممممم طيب وش رايك نصحي امي وتروح معنا امشيكم ومنها البنات ينبسطون وانتي بعد
بدريه:جعل يومي قبل يومك طول عمرك حنون ياخوي
((عورت قلبي مرتين مره لماتمنت تموت قبلي ومره لما قالت اخوي))
قلت بالم: بسم الله عليك هاه وش قلتي
بدريه ابتسمت:.............
:خلاص مسحي دموعك وصحي امي والبنات وخلينا نطلع شرايك
بدريه: امي صاحيه وتقرء الاذكار بس يمكنك تبغى تنام
: لا انا نايم من 8 وصحيت شبعان بعدين يله امشو يمكن اغير راي
ابتسمت وراحت بخطوات كنها غصن البان يميله الهواء يمين ويسار ااااه يابدريه حسبي الله على اللي فرقنا لو انا اللي متزوجك والله ماخلي دمعه تنزل من هاللعيون الناعسه واني لخلي كل ايامك فرحه
رحت للصاله وتمددت على الكنبه وشغلت التلفزيون وجلست اناظره لحد ماحشرتنا غزاله بصراخها جابتها بدريه ومدتها لي: خذذذ بنتك هالشريره صحت بنتي مخترعه
:هههههههه طالعه ع ابوها
ابتسمت وقالت بحنان: وفيه مثل طيبة قلب ابوها
: احم احم احرجتم تواضعنا
بدريه: لاتصدق نفسك
:اوووووووه طيحتي وجهي
بدريه:ههههههههههه
: ياجعل ضحكتك وابتسامتك دوم
سكتت ورجعت لامي وانا شلت غزاله خبت وجها برقبتي ونامت وانا اعلي على التلفزيون عشان تصحى لكن مافيه قلت غزاله تروحين معي للسياره وماردت قلت غزاله تروحين معي للحلوى رفعت راسها وناظرتني بعيونها الحلوه كلمتها الوحيده بــــابــــــا كبرت غزاله وللحين ماتتكلم
: ايه يابابا بنروح بجيب لك حلاوى
دخلت امي بست راسها وصبحت عليها جتني رهف وضمت رجولي عمووو
رفعتها: هلا ياعمووو وبستها
رهف: اختك ماحبها
عقدت حواجبي: من اختي وانا وحيد امي
رهف اشرت ع غزاله:هذذذذذذذي
: افا هذي ماتحبينها ليش
رهف: تبكي تبكي تبكي
الكل:هههههههههههههه
ركبنا السياره واحترت وين نروح وكانت الساعه 5 ونص
امي: وين بتودينا
: اللي تبون
امي ناظرت بدريه: وين تبغين تروحين
:وش رايكم ناخذ لنا فطور ونروح للحديقه نفطر فيها
امي وبدريه: موافقين
مريت محل معجنات واخذت عصاير ورحت معهم لحديقه عامه وجلسنا نفطر مع بعض لو اكتب ما كتبت ما اقدر اوصف شعوري وانا اشوف ضحكت بدريه اللي انحرمت منها سنين وبعد ما فطرنا قامت بدريه واخذت غزاله ورهف راحت تلعبهم بالمراجيح ناظرت امي : يمه لما رجعت من صلاة الفجر لقيت بدريه تبكي ماقالت لي سبب دموعها
امي: حماتها الله يهديها تقول لها احملي وهي ما ودها تجيب لها عيال يربطونها في نايف اكثر
قلت بفرحه: يعني هي ماتحب نايف
امي: هذا زوجها اكيد انها تحبه لكن ماتبي تجيب عيال تخاف تعقدهم تبغاه لين ينصلح حاله وحماتها تسمعها كلام يجرح في الطلعه والنزله
: ليه ماتروحين لها وتقولين لها ترى بدريه وراها رجال يكسر راس اللي يتعرض للبدريه
امي:انا قلت لبدريه لاتردين عليها لكن بدريه حساسه وكل كلمه توجعها
:بدريه في بيت لحالها وش دخل عجوز النار
امي:تقول ابي اشوف عيال لولدي
: قولي لها ان بدريه ساتره فضايحكم ولا تقول عن ولدكم لاحد
امي: الحمد الله الله لايبلانا فضيحته يعرفها الاولي والتالي
:كله من امك
امي: الله يسامحها
حسيت اني تضايقت بقووووووه لما اشوف حاله بدريه حبيبتي الوحيده اليتيمه اللي مالها ظهر ولا سند انتظركم بالسياره
ركبو وصلنا البيت لبست ملابس الدوام ورحت للدوام مر اليوم بطئ غير اني متعب بالهموم قدمت ع اجازه وافقو رجعت للبيت وكانت الساعه 2 ونص الظهر طالع بدري
دخلت وكانت امي والشغاله يرتبون السفره
امي:ياسر غريبه يمه راجع بدري
: مافيه هلا
بدريه: هلا والله
:اسمعي يمه الكلام الزين
امي: يله يمه بدل ملابسك وتعال تغد
: لا والله بروح انام
امي: ماراح نتغدى الا اذا تغديت معنا صح يابدريه
بدريه: صح يمه هاه وش قلت ياسر
: وانا اقدر عليكم خلاص10 دقايق بالكثير وراجع
طلعت بدلت ونزلت تحت تغديت وبدريه توكل بنتها وغزاله وين الاقي ام حنونه لغزاله غيرك لكن ماكل مايتمناه المرء يدركه
مدت لي بدريه عصير احلى عصير ذقته بحياتي يمكن لانه من ايد بدريه رن جوالي وقامت رهف وعطتني اياه وكان احمد رديت: هلا والله احمد
احمد:كيف حالك
:ابشرك بخير
احمد:طيارتنا بكرى 4 الفجر
: خلاص يصير خير
قفلت منه وناظرت امي : يذكرك بموعد السفره
بدريه بصدمه: وين بتروح
: بسافر مع صاحبي وبنت اخته
بدريه: بتطول
: لا كلها كم يوم ورادين
بدريه: انتبه لنفسك امانه
: ابشري وانتي الله الله في امي خليكم عندها غيري جو وتونسينها لين اجي
بدريه: امي في عيوني
: وكل واحده منكم هديتها محفوظه
بدريه: هديتنا شوفتك راجع بالسلامه
: ماوصيك ع غزاله ياخوفي رهوفه تضرب اختي اذا رحت
رهوفه: لا عمو انا احب غزاله
: توك الصباح قلتي ماحبها
رهوفه:انا احب عمو ياسر
: فديتك يابعد عمر عمك ياسر
رن جوالي وكان سعود
رديت: مرحباااااااااااا
سعود:كيف الحال
: بخير دامك بخير
سعود:مشكور ياسر جوالي حلووووو
:تكسره بالعافيه
سعود: لا ليش اكسره انا بزر
: لا رجال ولد رجال واخو رجال
سعود:ابوي يبي يكلمك
عمي سالم:كيف حالك ياسر
: والله بخير يالغالي
عمي سالم:جعل ربي يطول عمرك فرحت سعود ماكان كلفت ع عمرك وانا ابوك
: انتم هلي مافيها كلافه مريت عليك البارح ومالقيتك
عمي:اللحين انا في البيت حياك يابوك تقهوى عندي
:مشغول ياعمي
عمي:لا يابوك تقهوى ماني بقايل تغد لاني داري انك تغديت
: خلاص انشالله ساعه وبجيكم
عمي: سعود يبغى يكلمك
سعود: ياسر خلي غزاله تجي معك
:لا ياخوك بتزعجني
سعود:انا احبها وحتى الجوهره تحبهاااا مرره
مدري ليه حسيت برجفه: خلاص بجيبها
قفلت منه وناظرت امي: يمه خلي الشغاله تبدل لغزلان بروح انا وهي لبيت عمي طالبينها
امي:وش رايك يابدريه كلنا نروح لهم
بدريه: لا ياخالتي ماعرفهم
: لا بنات عمي ينحبون
امي: وانت من وين عرفتهم
: هاه
بدريه: وش اللي هاه
:انا حبوب اكيد انهم طالعين علي
بدريه:ههههههههههههههه
يانااااااااااس يالعالم اموت فداء لهالضحكه: يالله البسو خل اوديكم معي
بدريه وهي قايمه:دقايق والا انا جاهزه
امي وهي قايمه: ببدل لغزاله وبلبس عبايتي
بدريه: لا والله خلك جالسه انا ببدل لغزاله ولرهوفه وانا جايه باخذ عبايتك
امي: ياجعل ربي يسعدك يابدريه
ابتسمت بتسامتها اللي تهز حتى الجبل ناظرت امي: لو اني متزوجها كان مهوب احسن لي من غيرها
امي: النصيب وانا امك
: الله لايسامح اللي كانت السبب
امي: ياسر تدعي ع امي
تنهدت بحزن: لا ادعي لها
استكتت امي وحسيت انها تضايقت صح اني زودتها المفروض احترم وجودها لكن انا احس سككاكين تقطع قلبي اذا تذكرت انها زوجة لغيري والسبب امها اااااه يالقهر
قمت وحبيت امي ع راسها: اسف يالغاليه لاتتضايقين
امي: الله يرضى عليك ياوليدي
دخلت بدريه والبنات: خلااااااااص جهزت يالله ومدت عبايت امي لها
ابتسمت:يالله نروح
غزاله: اوح
كلنا ناظرنا بعض وقالت بدريه:ياحياااااااااااااااااااتي تقول نروح
امي تناظر غزاله: فديت عمرك مابغيتي تنطقين
: غزاله قولي نروح
غزاله: بابا
: اقولك قولي نروح تقولين بابا عنيده طالعه ع جدتك من ابوك
امي: الا طالعه ع ابوها
رفعت ايدي ايدي باستسلام:ما ابغاها تشبهني خلاص طالعه ع بدريه
بدريه: حظي يوم غزاله تشبهني
: الله لايحرم غزاله طيبتك ولا يحرمنا كلنا منك<<مهو كني غازلتها عينك عينك
بدريه نزلت راسها وقالت امي: ياااااسر
: سمي
امي بجديه:يله نروح
سكتت وركبنا السياره وكانت غلاي راكبه وراي مشينا وطول الطريق كل ما طاحت
عيني ع بدريه تزايدت خفقات قلبي وربي اني احيانا اخاف تكون بدريه تسمعها
وصلنا لبيت عمي ضربت الباب وفتح سعود او ماشافني حضني
: هلا بالبطل سعود
سعود يسلم ع امي وبدريه بدريه كانت شايله غزاله
سعود: خليني ابوس غزاله
نزلتها لمستواه وباسها وبعدها رجع لي بعد ما بعدت امي وبدريه متوجهين للباب الخاص بالحريم: زوجتك حلووه وطيبه
: الله يسمع منك وتجمعني معها الايام
توقعت ان بدريه ما سمعته لكن المفاجاءه لما وقفت ناظرتني بحده

 
 

 

عرض البوم صور دموع يتيمة   رد مع اقتباس
قديم 11-04-08, 05:02 PM   المشاركة رقم: 7
المعلومات
الكاتب:
اللقب:
ليلاس متالق


البيانات
التسجيل: Oct 2007
العضوية: 47688
المشاركات: 1,443
الجنس أنثى
معدل التقييم: دموع يتيمة عضو بحاجه الى تحسين وضعه
نقاط التقييم: 30

االدولة
البلدSaudiArabia
 
مدونتي

 

الإتصالات
الحالة:
دموع يتيمة غير متواجد حالياً
وسائل الإتصال:

كاتب الموضوع : دموع يتيمة المنتدى : القصص المكتمله
افتراضي

 

الجزء السادس
توقعت ان بدريه ما سمعته لكن المفاجاءه لما وقفت ناظرتني بحده
حطيت ايدي ع فمي: خلاااص يا اخت بدريه ماراح اعيدها
بدريه اشرت لي لما قربت منها:نسيت حليب غزاله
تنهدت بارتياح وبعدها ضحكت:بس كذا ماراح نتاخر عندهم ولا ناويه تنامين عندهم
قولي كنك ناويه ارجع اروح اجيب لها حليب
بدريه تضربني خفيف ع كتفي: ياثقل دمك
:ههههههههههههه وياخف دمك
راحت بخطوات ثابته كنها تشمي ع رمشي وخايف عليها من الهوى انها تطيح ياليت يابدريه تدرين بغلاتك على كثر ما شفت وانعجبت الا انتي ماتجي بنت امها بجنبك اااااه ياليتك تدرين والله لاتفاخرين فيه وتقهرين عبله محبوبة عنتره
سعود مسكني من ايدي:ابوي يناديك
دخلت المجلس وحبيت عمي ع راسه وجلست بجنبه مد لي سعود قهوه تقهويت وقلت لعمي
: انا بسافر مع خويي لدوله(.......)
عمي: وليه وانا ابوك مالك حاجة بالسفرات
:والله اني مالي خاطر بهالسفر لكن هو لزم علي
عمب: احرص ع نفسك من الحريم وانا ابوك ومن الامراض
: افا عليك ياعمي توصي واحد بعمري
عمي: كانك تبغى العرس بنات عمك كثير ومهر زواجك علي
احرجتني طيبة قمت وحبيته ع خشمه: الله يخليك لنا ذخر
عمي:ماوصيك ياولدي الله الله بنفسك
دخل سعود ونادى عمي وقال ان فيه واحد يبغاه عند الباب استاذن عمي وانا جالست انتظره
جاء سعود وجلس بجنبي مد جواله وقام يوريني اشياء بجواله خذها من خواته ومن عيال الجيران لكن المفاجاءه لما وصلنا لصورة ملاك في صورة انسان الجوهره وهي نايمه لابسه بجاما بيضا بدون اكمام وبحضنها دبدوب مامنعت نفسي اني اتامل براءتها كل براءه الدنيا فيها لحظات لا ثواني وحسيت كان بزلزال زلزلني ماعجبتني هالشي ناظرت سعود: من اللي صورها
: انا صورتها وهي نايمه وانفجر ضحك وماقلت لها عشان ماتعصب
قلت بصوت عالي: فيه احد ارسلتها له
سعود بخوف: لا
قلت له بصوت عالي: ارسلتهاااااااااااااااا ولالأ
سعود وهو شوي وبيبكي: والله مارسلتها
قلت له بحده: ان صورتها ثانيه والله لازعل عليك وقفت
ورحت لجهة المطبخ وقلت لسعود روح ناد الجوهره وقل لهاتغطى ابغى اكلمها وقول لها لاتقولين لامي ولبدريه
سعود وهو زعلان: طيب
جلست 5 دقايق لو انا ما كلمت عمي وماعزمني وماعطاني سعود جواله
لو واحد من جيرانهم اخذ جواله وارسلها له وانتشرت صورتها ضربت الجدار ضربه ورى ضربه لحد ماحسيت اني ايدي ماعدت احس فيها وانا الوم نفسي انا السبب لاني اعطيت سعود البزر جوال بخاصية كاميرا فقدت الاحساس بالعالم من حولي من قهري انا مقهوووووور
حسيت فيه ايد مسكتني من ذراعي: كفاااااااااايه خلااااص الله يخليك
التفت:انتي الجوهره >>سؤال غبي الدانه ماتتغطى
الجوهره بعيون خايفه: ايه الجوهره خير وش فيك سعود يبكي وانت تضرب الجدار والله خرعتوني ابوي فيه شي
تنهدت ومسكتها من ذراعها:شوفي صورتك يافالحه
حطت ايدها ع فمها:.......................
: لو ان سعود ارسلها لجيرانكم وللناس اللي بالشوارع وصارت صورتك في كل بيت وسمعتك بتراب من بتجي في راسه
الجوهره وعيونها غرقانه دموووووع صرخت عليها: تكلممممممممي مين بتجي في راسه
الجوهره قالت بصوت خايف مرتجف: يعني انا انفضحت
:.............
الجوهره:تكفى الله يخليك تكلم
تنهدت: لا محد شافها الا انااااا
الجوهره صارت تبكي وانا واقف ماني عارف وش اسوي: خلاص انا هزئته وما اتوقع انه بيسويها مره ثانيه
الجوهره ناظرتني بعيون حمراء: والله اني مالي ذنب
:واضح من الصوره...... غمضت عيوني بالم قالت بخوف: ياااااسر وش فيك
:إيــــــــدي
الجوهره: ياااااااااااااااسر ناظر يدك
ناظرت ايدي اللي متفخه بشكل يخوف وقلت لها وبالم: لا تقولين لامي وتخوفينها بروح للمستشفى وخذي الجوال ولاتعطينه سعود لين يحس بالغلط اللي سواه ولا يكرره
الجوهره بخوف:انتبه لنفسك
طلعت وكان عمي ويتكلم مع واحد ركبت سيارتي اشر لي عمي اني انتظر
نزلت النافذه: دقاااااايق وراجع
اشر براسه موافقه رحت للمستشفى قريب من بيت عمي ومن جد ايدي توجعني وماني قادر ارفعها وقفت سيارتي ورحت للاستقبال واكانت بنت^_* لكن في غايه الاحترام
البنت:عندك موعد
:وش موعده ناظري يدي
اول مارفعت راسها قالت بحنان: وش جابك هنا ليش مارحت للطواري
:انا معرف بالمستشفى هذا بس لانه قريب من هنا جيته
البنت:خلالالالاص ولايهمك وراحت معي للدكتور
وسوى لي اشاعه ووصف لي شد للايد لاني تسببت بتشعر في العظم طلعت من غرفه الدكتور وتنهدت برتياح ومريت من جنب الاستقبال
البنت: اشرت لي لو سمحت
عقدت حواجبي:سمي
البنت:ليس الشديد بالصرعه وابتعد عن المشاكل عشان ماتتاذى
>>على بالها متهاوش:ههههههههههههه هههههههههههههه هههههههههههه
البنت:ليش تضحك؟
:تعرفين اللي يحاول بس يرفع صوته علي اكسر اصابع ايدينه وارجوله بعد انا عنتر بس ابيض وبدريه عبله بس بدريه احلى،،،،
قلت بقلبي... ((مادح نفسه يبغى له بوسه)) مثل جديد من تاليفي خخخخخخ
البنت:ايش؟!!!
: احم احم سلامتك
البنت:الحمد الله على السلامه
:يسلمك ربي
وانا طالع كان فيه واحد كبير شوي بسن نازل من سياره الاسعاف وعلى عكاز ويدف ولد وثنتين وراه منقبات يبكون فجعني المنظر شكل الولد الصغيرمغمض عيونه ومافيه حياه والحريم اللي يبكون والشايب اللي معتفس رحت وراهم ماقدرت اروح مع اني مافي يدي حيله لكن انا رحت وراه على طول دخلوه الطفل العنايه وبقن الحريم والشايب وقفت بعيد شوي عنهم يمكن 10 دقايق ماني عارف وش اسوي رحت بخطوات متردد
:خير ياعم عسى ماشر
الشايب: تكلمني
:والله ياعمي ماقدر اروح وانا اشوف حالتك
الشايب بحزن:ربك بيحلها
:اللي داخل ولدك
الشايب:ولد بنتي
مقدرت اقول وش فيه بس فيه شي بقلبي حن على هالشايب وعلى الطفل جلست بالكرسي اللي بجنبه وحولت جوالي صامت لان مها تتصل
:ماني طالع لاحد ما اتطمن عليه الله يقومه بالسلامه
الشايب:فيك الخير والله يسمع منك
ثانيه ورى ثانيه ودقيقه ورى دقيقه لحد ماصارت ساعه ونص وصوت بكاء امه واللي معها هو الحديث المسيطر جاء واحد وقال بقهر:انا الغلطان اللي خليت ولدي عندك
وحده من البنات:انا امه مثل منت ابوه
الرجال: ولا كلمه فاهمه
الشايب:صل على النبي
الرجال:مصلي عليه قبل اشوفك انت وبنتك
سويت فيها قوي عشان اوقف الرجال اللي داخل متفرعن على الشايب مايدري ان كل قوي الله اقوى منه:هيه هذا مستشفى محترم ومشاكلكم برى المستشفى
الرجال يقصد الشايب:حسبي الله عليك انت وهي
وراح بعيييييد ووقف يشرب دخان التفت للشايب:هذا ابوه
الشايب:طليق بنتي وماذينا كل يوم والثاني متصل يبغى ولده واليوم اتصل وراحت ترد عليه ونست ولدها في البانيو ولقته غرقان فيه
تضااااايقت بقوه فكيت ازار ثوبي اللي فوق:يعني هو غريق
الشايب:لا كان يتنفس بصعوبه وانا مثل ماتشوف يله امشي ولاعندي عيال يسوقون اتصالنا بلاسعاف وعلى ماجاء والله انه يتنفس بس بصعوبه
البنت:ياحسرتي عليك ياولدي حسبي الله عليك يا فهد(زوجها)
:............
الرجال:حسبي الله عليك انتي وتتحسبين علي بعد
وقفت:اسمع والله ان ماحترمت نفسك لاخلي الامن يرميك برى ترى حزنها مثل حزنك ويمكن اكبر ادعي لولدك بدل ماتدعي عليها
الرجال عقد حواجبه وراح لاستراحه الرجال
طلع الدكتور وقفت بلهفه:هاه بشر
الدكتور :تعدي مرحله الخطر
الشايب حضني:الحمد الله
الحرمه:اقدر ادخل عليه
الدكتور:احسن بكرى
الحرمه:الله يخليك بس شوي
الدكتور دقيقتين
الحرمه:انشالله
:دكتور يعني الغرق ما اثر عليه
الدكتو:لاا اللحين بخير بس لازم انه يراجع التدليك الصحي لانه جاء له ارتخاء في المفاصل
:وهذي تطول
الدكتور:لا بس يمكن شهرين وراح يرجع طبيعي
التفت لابو الطفل اللي كان واقف:ولدك اللي تطالب فيه بغى يروح منك والسبب انت اللحين هو بحاجتكم انتم الاثنين ولازم تفكر فيه قبل تفكر بنفسك
الشايب:الغريب عليه وعلينا صار احن منك
:ماغريب الا الشيطان استاذن ياعمي
الشايب:روح ياولدي ربي يوفقك
عطيته رقمي وقلت لابغيت شي انا ولدك والناس لبعضها ورحت نازل سمعت صوت نسائي لو سمحت التفت يمكن المقصود انا
اشرت على صدري:انا
البنت وقفت وهي تنتفس بسرعه شكلها كانت تركض:انا خاله الولد اللي من شوي
عقدت حواجبي:هلا امري
البنت:فيه منك شخص ثاني
:مافهمت؟!!
البنت:فيه برجولتك واحد ثاني ولا انت حالة نادره
: ههههههههه الكل فيه خيره وانا في نظر بعض البنات رخمه ((ضعيييف))
البنت:لا وربي انك واحد نادر وجوده
:مشكوره شهادتك وسام على صدري
البنت:انا عمري 25 ولا افكر اني اتزوج بسبب زوج اختي وكنت متوقعه ان كل الرجال مثله وانت اثبت لي العكس
حسيت بالاحراج وهي قاعده تمدح فيني:احم احم
البنت:قول امين
:ليه
البنت:قول وبس
:امين
البنت:ياااااااااارب اتزوج واحد مثلك في رجولتك وحنانك وطيبه قلبك ووسامتك
وعطتني ظهرها وراحت تاركتني وانا كلي صرت علامة استفهاااام كبيره
انا ماحررت فلسطين؟!!!! انا سويت اللي أي واحد مكاني بيسويه بس شكل فيها عقده من الرجاجيل سويت الشي للي املاه علي ظميري اني شفت واحد على عكاز وكبير في السن وطفل بين الحياه والموت وحرمتين ظعوف يبكن اكيد ماراح امر مرور الكرام
ركبت سيارتي وتنهدت ومسكت ايدي اللي تعورني هذا انا كل ما انقهر احط قهري في اشيائي او و في نفسي مهما كبرت ابقى انا ياسر الطفل اللي اذا انقهر يصب قهره ع أي شي قدامه اااااااااااااه يالقهر للمره الالف ااذي نفسي مشيت بالسياره متوجه لبيت عمي
اول مادخلت المجلس لقيت عمي
عمي وقف بخوف: عسى ماشر يابوك اتصل وماترد علي
:لا ماشر طحت على ايدي وتعورت
عمي:الحمد الله ع السلامه
: الله يسلمك الا ياعمي من الرجال اللي جالس تكلمه
عمي حسيت انه يتهرب:يسلم علي
:يسلم عليك ليه مادخلته ماخبرك تسلم ع اصاحبك وانت برى
عمي: بقولك ومابغاك تقول لاعمك محمد
: خير ياعمي
عمي: هذا مقاول عماره بنيتها ويبغى قروشه
:عندك عماره
عمي:خبرك سعود ماكمل 7 سنوات وبناتي ماعندهم خوان ابي اخلي لهم شي يبنفعهم بعد موتي
:الله يعطيك طولة العمر وتشوف عيال عيالهم واذا تبغاني اتابع المقاول تراي ولدك
عمي:لا ابشرك جهزت
: مبروك ياعمي والله يعطيك خيرها ويكفيك شرها
جاني مسج من جوال سعود((مشكور ياولدعمي مدري لو ان الله ماخلاك تشوف صورتي كان رحت فيها الله يجزاك عني كل خير))
ارسلت لها: ((مثل ما قلتلك لا تعطين سعود الجوال لين ارجع من السفر طيب))
ارسلت: ((انشالله والله يجزاك عني كل خير))
اتصلت فيني امي
: هلا
امي: يله يايمه بنتك تبكي ونسينا ناخذ لها حليب
:ياحب بنتك للحليب
امي: الله واكبر عليك قول مشالله
:بسم الله علي ومشاء الله عليها انا قايل ان غزاله بنتك وانا ولد الجيران
امي:وماحبيتها الا من حبك
: اجابه دبلوماسيه
امي: يله يمه
: خلاص يله انتظركم برى
عمي: وين وانا ابوك
: غزاله جوعانه وازعجتهم تبكي
عمي:هاتها خل اسلم عليها
:انشالله
طلعت لامي
اول ماشافت يدي: يممممه ياسر وش فيك\
: مافيني شي
امي: ويدك
:طحت عليها وكسر بسيط
امي: بسم الله عليك ومتى هالكلام
:تو من ساعه يمكن
بدريه: سلامتك ماتشوف شر
: الله يسلمك خلاص يمه فيه اسئله ثانيه عمي يبغى يسلم ع غزاله
خذيت غزاله من ايد بدريه وسلمت ع عمي وطلعنا ورجعنا للبيت وطول الطريق وصوت غزاله وهي تبكي ماسكت صدعت روسنا
اول ماوصلنا البيت رحت للمسجد صليت المغرب ورجعت لغرفتي لان غزلان اتصلت علي وعطيتها مشغول بعدين انا مسحيل اسافر وانا ماخبرتها
غزلان: هلا والله
: هلا بهالصوت
غزلان:وووينك طولت ماتصلت
:وش اسوي اول ماتصلتي كنت ببيت عمي وبعدين في المسجد واللحين فضيت واتصلت فيك
غزلان: انا توقعتك مشغول بالداوم ليش طالع بدري عسى ماشر
: مقدم ع اجازه وعطوني وبعدها استاذنت
غزلان: ليييييييش
: بسافر مع خويي
غزلان: احمد
: وش دراك
غزلان: عرفت من كلامك ماحد يحب السفرات غيره
:لا وبنت اخته بتروح معنا
غزلان:مهاااااااااااا
:ايه
غزلان:تكفى ياسر لاتروح
: وش اسوي والله اني رفضت بس احمد لزم علي
غزلان:اخاف هالسفره تقربكم من بعض
: لا مستحيل وحده ارخصت بنفسها وكلمت واحد من غير علم اهلها لايمكن انها تملك قلبي
غزلان:................
للمره المليون اجرح غزلان بس والله مهو قصدي:غزلان
غزلان:................
:انتي غير وربي انك غير
غزلان بصوت باكيه:ياليت انا لك بنت عم ومحجوزه لك
: خلاص عشاني لاتبكين وربي مهو قصدي
غزلان:متوقع اني افتخر بنفسي وانا اخون نفسي قبل اخون اهلي اخون نفسي لاني اسوي شي غير عن اللي تربيت عليه وغير عن قناعاتي واخون اهلي لانهم اعطوني ثقه ماني قدها انا خاينه للكل
:............................
غزلان: خلاص مع االسلامه وقفلت بوجهي
ناظرت الجوال وقلت ماالومها تصرف طبعي لوحده جرحتها حتى لوكان من غير قصد لكن هذي الحقيقه مهما بلغ حب غزلان وحتى لو ان قلبي يثق فيها لكن الواقع ضدنا والواقع والمجتمع يرفض العلاقات المشبوهه حتى لو احنا نشوف مافيها شي نحب والحب مهو بحرام من وجهة نظر العشاق
انتظرت صلاة العشاء صليت ونمت
صحيت 3 ع اتصالات مها
رديت بصوت متعب:نعم
مها: الله ينعم عليك
:هاه شتبغين
مها: يله قووووووووووووووووم ياخوفي تروح علينا الطياره بسرعه قوم جهز اغراضك
: طيب
مها: ياسر حبيبي قوم
جلست: خلاص صحيت
مها: قوم تروش عشان تصحصح
: اوكي باي
اول ماقفلت منها الا احمد يتصل
:هلا احمد
احمد: صحيت
: ايه البركه في مـ..........<< سكتت لان شكلي كنت بعميها
احمد:البركه في ام ياسر الله يطول لنا في عمرها
:ايه وانت صادق
احمد: نص ساعه وبمر عليك
: طيب
قفلت منه وحمدت ربي اني ماغلطت وقلت اسمها رحت للحمام تروشت لبست بنطلون جنز وتي شرت اسود ما حب ابد البدل واحب الزي الرسمي الثوب والشماغ بسافر انا ووجهي يازين شكلي رايح لها الدوله بثوب وشماغ
المهم جهزت اغراضي بشنطه وجوازي ونزلت تحت اكل شي جوعااااان خليت شنطتي بالصاله رحت للمطبخ اخذت ابريق مويه عشان تغلي لاني بسوي لي شاي
سمعت صوت بدريه لكن ما اميز الكلمات اللي قاعده تقولها قربت من الباب الخارجي للمطبخ كانت تقول >> ياغزاله نامي نامي تكفييين نامي
طلعت من المطبخ لقيتها شايله غزاله بحضنها وتغني لها شعرها الحرير اللي يطيره الهوى عيونها اللي مغمضتها لان شكلها تعبانه كل شي فيها فريد نوعه وغزاله ازعجتها مامنعت نفسي اني اناظر لوحة من اجمل لوحات العالم اتقان
صدق الشاعر سعد علوش
((حبيبتي تحفه من النوع الفريد لاجيت ابي امدحها اخاف اذمها))
آآآآآآآه يابدريه حسبي الله على اللي فرقني عنك وحرمني اياك جلست اتاملها بالصمت ياليت لارمشت اشوفك ولافتحت اشوفك ااااه انا وش قاعد اقول
بصراحه في شي منعني اني استمر في النظر لها مع ان شوفتها ماتنمل والنظر لها اكبر متعه كنها متعتي يومي بزر اذا ناظرت توم وجيري((وش جاب توم وجيري لبدريه حبيبتي وش عرفني في الوصف انا وجهي))
فقلت : احــــــــــم احــــــــــــم
بدريه فتحت عيونها وغزاله فتحت فمها غطت شعرها ووقفت بكسل ومدت لي غزاله خذ بنتك انا تعبانه ابغى انااام والانسه شكلها ماراح تنام
اول ما شافتني غزاله سكتت وصار تناديني بابا شلتها وحضنتني وقفت بدريه بحزن وتعبت من السهر: متى بتسافر
:بعد شوي بيمر صاحبي
تذكرت المويه اللي ع نار:بدريه الله يخليك المويه ع النار شكلها غلت ابغى بس شاي
بدريه واشرت ع عيونها: تأمر ورحت بغنجها اللي اموت فيه يوم عن يوم يزيد حبك اللي بقلبي حتى لو انتي اصحبتي لغيري
ناظرت غزاله وكانت في سابع نومه كنها عارفه انها بتفقدني ومانامت الا بحضني دخلت بدريه وفي ايدها كوب الشاي اول مانزلت الكوب ع الطاوله مديت لها غزاله وهمست: نامت
بدريه:بوديها لفراشها امانه لاتروح قبل اجي
: تامرين بس لاتتاخرين اخاف احمد يصدم و يكسر سور البيت
بدريه:ههههههههه خلاص دقيقتين
شربت الشاي وكنت احس ان طعمه احلى اكيد لان بدريه اللي قدمته دخلت بدريه وبيدها شنطتي:الحمد الله انك مارحت
:مجنونه انتي؟!!!! اروح وانتي تبغين تكلميني
بدريه ناظرتني بحزن وسكتت:.................
مقدرت اقاوم نظراتها وخفت اضعف فقلت: احم هاه اقصد آمري
بدريه: امانه امانه تنتبه لنفسك من بنات الحرام
معقوله بدريه تغار علي بس انا احسها تحب زوجها رغم معاملته لقاسيه:افا يابدريه تشكين فيني
: لا بس خايفه ع اخوي فيها شي
حطمتني والمت قلبي:وانا عند وعدي لك
بدريه مدت الشنطه: ترجع لنا بالسلامه يارب
صوت بوري:هذا احمد وصل
تركت الشاي فقالت بدريه: ليه ماكملت الشاي ماعجبك
:لا بلعكس بس سكره زايد
بدريه: والله اني ماحطيت الا نص ملعقه
:لانك عسل لمستك للكوب زادت في سكر الشاي
بدريه:ياااااااااااسر
:هههههههههههههه مع السلامه
بدريه ابتسمت:مع السلامه انتبه لنفسك
لما وصلت للباب قالت بدريه وفي عيونها شوق مثل شووقي لما غابت عني سنه:الله يحفظك
ابتسمت وطلعت سكرت الباب ركبت مع احمد: سلام
احمد: ساااااااااااعه يارجال زين ماطارت الطياره
:هههههههههه لا باقي عليها نص ساعه اسرع ولا راحت علينا
مها: كيف حالك ياسر
: الحمد الله بخير وانتي
مها: ماشي الحال
سكتنا لحد ماوصلنا المطار نزلنا واحمد مستعجل المهم خلصنا كل شي قبل تطير الطياره جلست مها بجنب النافذه واحمد بجنبها وانا بجنب احمد لما جلسنا تنهد احمد تنهيده بغت تطيرنا التفت له وانا فاطس ضحك:ياخي انا ماقد شفت احد ملهوف ع السفر مثلك
احمد:لو انها طارت ماكان لقينا حجز قبل شهر او 20 يوم
: وطيارات رجال الاعمال
احمد: وجهي انا وياك وجيه رجال اعمال
:هههههههههه في هذي صدقت وجهك مهو وجه رجل اعمال حتى وظيفه سكرتير واجد عليك
احمد: خلنا نوصل وتعرف من اللي وجه مهو وجه رجل اعمال ونشوف من اللي البنات بيركضون وراه
: ورى جيبك وقروشك وانت صادق ولا مهو من زين خشتك
مها: خاااااااااالي
احمد بتردد: اقصد اااااا اقصد
: مايقصد شي لاتدققين كثير يامها
احمد: تراي وديتك معي ياويلك لو سمعتك تقولين لاحد كلام هنا ولاهينا
مها: ولو ياخالي سرك في بير
احمد: عفيه عليك بنت اختي
مها: خالي تراي برمي عبايتي
احمد:براحتك
: وليه ترمينها
مها:احنا متعودين اذا طلعنا برى السعوديه نرمي عبايتنا حتى مع ابوي لما سافرنا ماليزيا في الصيف رميت عبايتي وامي بعد وحتى خالي كان معنا صح خالي
احمد:ياسر خلها براحتها
سكتت وانا مقهور يعني في السعوديه ربي يشوفها واذا طلعت لا انا حتى ساره لما سافرنا ماخليتها ترمي عبايتها ولا شيلتها لو حنا مسافرين دولة اوربيه كان صح لانه بيصير شكلها بالعبايه ملفت للنظر لكن مسافر لدولة مسلمه مثلنا تعرف عادتنا وتقاليدنا صحيح ان ساره زعلت وقلبت الدنيا لكن في النهايه رضت لانها تعرف اني مستحيل ارضى ان الكل يتمتع بشكلها وانا واقف مكتف ايديني قولو رجعي معقد غيووور وقولو اللي تقولونه لكن طبعي ماغيره ومن وجهة نظري اشوفها غريزه في كل رجال .
طول الاربع ساعات وانا ساكت واحمد نايم ومها تكتب في دفتر معها مدري شتكتب بس شكلها تكتب مذكراتها لما قربت الطياره تنزل قامت مها واستاذنت ولاحظت ان اللي كانو معنا بالطياره ولا وحده منهم لابسه حجاب الكل رمى حجابه كان احنا مسافرين امريكا استغربت منهم رجعت مها وكانت لابسه تنوره لنص الساق سوداء وتي شرت اصفر فيه صوره بنت بالاسود وشعرها المدرجات مخليته ع اكتافها ماقدرت اناظرها فنزلت راسي مرت علي وريحة عطرها زلزلت كياني فاتنه يامها حتى لوكان سنك صغير ابتسمت لي وغمزت بعيونها انتبهت لعيوني اللي فاتحها على الاخر وشكلي اللي مفهي شكلها سحرتني انتبهت لانفسي فقلت احم احم ضحكت مها بدلع من جد احس اني مسحور عند جمالها ماتوقعتها كذا انا شفتها قبل هالمره بمطبخ بيتنا لكن ماتوقعت انها فاتنه لهالدرجه
((قلب الرجل لايسكنه سوى واحده وعينيه تسكنها الملاييين))
جاء صوت الكاتبن معلن ان الطياره وبتنزل وعيلنا ربط احزمة الامان نزلنا وخلصنا جوازنا وركبنا بتاكسي انا قدام واحمد وبنت اخته ورى وقفنا عند فندق نزلنا وحجزت لنا غرف خذيت المفاتيح وكل واحد راح لغرفته نزلنا شنطنا اما انا فمازال جمال مها سارقني مهو معناه انها عجبتني اعجااااااااب فقط لاغير
مهو معناه اني حبيتها الحب للبدريه جعل يومي قبل يومها
نمت لان الساعه توها بتوقيتهم 7 الصباح وصحيت ع الساعه 1طلعت من الغرفه ابغى اكل شي لاني جوعااااااان لقيت احمد طالع من الغرفه ويكلم واحد اول ماخلص كلامه جاء لي
احمد: تكفى ياسر خذ مها وديها أي مكان ملاهي سينما أي شي بس خليها تروح عني
: ليش وش بتسوي
احمد: تكفى ياسر سوي لي هالخدمه
:ابشر ماطلبت شي بس من الرجال اللي تكلمه من شوي
احمد: مدير الفندق وطالب منه خدمه المهم مابغى اشوف خشتك انت ومهوي الا اذا اتصلت فيك طيب
:هههههههههههههههه قايل لك تزوج وفك عمرك
احمد:انت روح ولاعليك مني
طلعت مها:خالي انا جوعانه
احمد وهمس:خذها تكفى مدري شلي خلاني اوافق واخذها
:قااااايل لك ماله لازم تجي معنا
احمد:زوج اختي طلبني الله ياخذه
:اللحين وش السواه
احمد:صرفها الله ياخذها
:طيب خلاص بروح معها
احمد: مها اناتعبان
مها:طول الطريق وانت نايم وبعدين انت واعدني تمشيني
احمد: ياسر بيمشيك انا بنام
مها:خااااالي بروح مع ياسر لحالي
<<غرررريب امري على كثر البنات اللي عرفتهم وكيدهن الا اني مافقدت الثقه في الحريم لكن بنت تعطي انطباع خاص فيها
احمد:ياسر اخوي وعتبريه انا
مها: طيب ماعندي مانع
تضااااااااايقت من الثقه اللي عطاني اياها احمد وانا ما استاهلها
ابتسمت لي وانا رحت معنا ركبنا الاصنصير وهي مثل الطاوؤس بجنبي لما وصلنا للباب الخارجي للفندق ناظرتها: وين تبغين تروحين
مها:ماعندي مكان محدد أي مكان المهم اني معك
سكت وركزت قدام لاني اخاف اضعف قدام عيونها الحلوين:بنركب مع التاكسي وبنساله عن الاماكن الحلوه اللي هنا
مها: اوكي
ركبنا بالتاكسي انا قدام وهي ورى ماعجبها الوضع وزعلت لكن مستحيل اخون احمد واجلس بجنبها هو مأمني ع بنت اخته ماراح اسوي شي مايعجبه ويعجبها
سالت التاكسي عن الاماكن الحلوه قال ان حديقة الحيوانات من احلى الاماكن واكثر اناس الخليجين يروحون لها
قلت وانا مناظر لقدام: هاه بدريه وش قلتي
مها: بــــــــــــــدريه
:هاه اقصد مها
مها: مين بدريه
:بنت خالتي الصغيره
مها:ع بالي
:طيب وش قلتي
مها: انا معك أي مكان بيصير حلو
وصلنا للمكان المطلوب نزلنا مها وهي تجي قدامي وايدها ع خصرها:لا والله راكب قدام وانا ورى
: عشان خاطري لاتصغريني بعين احمد
مها بدلع: اوكي حبيبي
قلت بضيق: خلاص ندخل
خذينا التذاكر ودخلنا وكان ع الايد اليسار حمار وحش وكانو كثير
مها وكانها بنت صغيره وقفت تناظرهم:ياسر شوف ياحلاتهم
: شوفي الصغير وكان واحد صغير توه طالع من ورى صخره
مها: ياحياااااااااااتي يهبل
جاء حارس وقال يوجه الكلام لمها اذا تبغين اخليك تلمسينه
مها بطفوله راحت وراي:لااااااااا اخاف
:هههههههههههه توي ادري انك بزر
مها راحت قدامي:لا انا كبيره
وصرنا نمشي ونتفرج ع اشكال الحيونات ومها تعلق ع كل حيوان جلست ع طاوله بجنب مكان ايس كريم اخذت لها واحد وخذت لي قهوه
مها بفرحه:ماتصدق كيف انا فرحانه
:هههههههه دوم انشالله
بعدها قمنا نكمل جولتنا وصلنا مكان فيه تجمع ناس قدرنا اناومها ندخل ونصير بالصف اللي قدام عشان نعرف وش صاير قالت لنا وحده ان فيه وراى هذا الحاجر مفاجاءه مانعرف وش بس هو حيوان مهو موجود في الحديقه
ناظرت مها:تتوقعين اسد
مها: لاتخوفني
:شكله اسد
مها: لا انا وانت شفنا الاسد وهي تقول حيوان مهو موجود في الحديقه
:يمكن الثعبان الكبير اللي نشوفه في التلفزيونات ترى هذا مهو موجود بعد
مها:يااااااااسر لاتخوفني
:ههههههههههههههه
مها بخوف: لا اصلاً هي قالت حيوان ما قالت زاحفه
:طيب ننتظر ونشوف
مها:انا ما اخاف وانا معك
ناظرتها بتعجب فقالت:غلبتك هههههههههههههه
جاء صوت يعلن ان قرب رفع الحاجر عشان نشوف الحيوان
3 2 1

 
 

 

عرض البوم صور دموع يتيمة   رد مع اقتباس
قديم 11-04-08, 05:03 PM   المشاركة رقم: 8
المعلومات
الكاتب:
اللقب:
ليلاس متالق


البيانات
التسجيل: Oct 2007
العضوية: 47688
المشاركات: 1,443
الجنس أنثى
معدل التقييم: دموع يتيمة عضو بحاجه الى تحسين وضعه
نقاط التقييم: 30

االدولة
البلدSaudiArabia
 
مدونتي

 

الإتصالات
الحالة:
دموع يتيمة غير متواجد حالياً
وسائل الإتصال:

كاتب الموضوع : دموع يتيمة المنتدى : القصص المكتمله
افتراضي

 

الجزء السابع

جاء صوت يعلن ان قرب رفع الحاجر عشان نشوف الحيوان
3 2 1
فرنفع الحاجز ومكان الا فيييل لكن المسافاه بينا وبين الفيل ماتتجاوز 10 خطوات اول ما انرفع الحاجر تعالت الاصوات اما مها خبت وجها في حضني ومسكتي بقوه بيدينها كني بروح واخليها ماعرفت وش اسوي ابعدها او اخليها؟!!
لكن اثبتي لي يامها انك منتي سوى بنت صغيره رفعت راسها ودموعها ع خدها مسكتها من ايدها وطلعنا من الزحمه وناظرتها ودموعها ع خدها وهي تمسحها بطرف اصابعها
قلت لها: هذي الي ماتخاف وانا معها
مها بين دموعها: والله خفت
: لاتخافين وانا معك
مهابزعل: خلاص ما ابغى اقعد هنا
: ولا يهمك نطلع بس وين نروح
مها: بكيفك
قلت بقلبي احمد قايل لاتجي لين اتصل فيك: طيب شرايك نتغدى
مها:اوكي
طلعنا وكان فيه مطعم للمكؤلات الهنديه والصينيه بجنب الحديقه
:مهاوي شرايك نروح لهلمطعم
مها:يااااااااااي ياحلاة اسمي
:هههههههههه الله يقطع بليسك
مها: انا معك لو تبغاني اروح البحر موافقه
رحت معها للمطعم مها طلبت لها شبس وبيبسي وانا طلبت رز ولحم مشوي وسلطه وعصير ليمون
: وش هاللي طلبتي يامها
مها: ماحب اكل كثير
:ايه وانا اشوفك مختفيه
مها: وش عرفك بالرشاقه
:اللي اشوفه هيكل مهو رشاقه
مها بتردد:صدق مهو حلو جسمي
:مهو كذا قصدي خلي عنك هالكلام اقصد انك بتطلبين شي دسم تاكلينه
مها سكتت شوي: خلاص بطلب لي مشويات
لما قدمو الاكل مها: ياسر حبيبي عندي طلب صغيرون
:اطلبي
مها: انا اللي بوكلك
ناظرتها بتعجب:مها لاتزعليني منك
مها رمت الملعقه بقهر:شفت انك ماتحبني ولا تحب أي شي مني
:طيب ممكن اتغدى من امس الساعه 7 ماكلت شي
مها تكتفت وسكتت وهي مبوزه بسلامتها حلوه توكلني انا بزر ولا ماعندي يدين ولا ماعرف اكل والله حاله بنات اخر زمن
تغديت وانا مارفعت عيني عليها ابد ،،شربت العصير: الحمد الله شبعت وانتي
مها وهي تمسح دموعها: ما ابغى اكل
: عشان ياسر تاكلين
مها: ياسر كسر بخاطري
:ياسر خايف عليك من نفسه والشيطان شاطر ولا ياسر مهو رجال مثل هالرجال
مها: ويسواهم كلهم بعيني
:يابعد قلبي يله تغدي مهو كفايه انه طول الرحله وانا كل يوم بفسحك
مها بفرحه:صحيح
:ايه والله ع حسب معرفتي با احمد ماراح يطلع من غرفته ابد
مها: وليش
ارتبكت:مدري كذا طبعه
مها: بكيفه اهم شي اني معك
: وانتي معي ممكن تتغدين
مها: طيب
جلست اتاملها وهي تاكل نعومه وهي تاكل رفعت عينها الا وشافتني اناظرها
قالت مها بدلع:ماعرف اكل اذا انت تراقبني
:ههههههههه طيب هاه وغمضت
ابتسمت ورجعت تاكل بعد 5 ملعقه:خلاص شبعت
:لا لا مايصير ماكلتي شي
مها: والله شبعت
:لاعشاني اكلي عشان ماحس اني سديت نفسك عن الاكل
مها: امممممم بشرط
:امري
مدت لي سمبوسه فكليتها من ايدها التفت للتصفيق كل اللي بالمطعم صار يصفق حسيت اني صاحب موسسه وقصيت الشريط الاحمر وقفت السمبوسه ماقدرت ابلعها ناظرت مها اللي تضحك
الكل رجع يركز بغداه فقلت:مهوي حنا سوينا شي غلط
مها وهي تضحك:لااااا بس لاني كنت ابكي والكل يناظرك وانت تاكل ولا عليك وانا قدامك واصيح ولا اهتميت فيني وفجاءه صرت رومانسي اكيد تفاجؤ هههههههه هههههههههههه
قلت بقلبي والله ناس رومانسيه: خلاص انا مدري كيف بلعت احسها وقفت هناواشرت على رقبتي
قامت مها وعطتني كاس مويه:انا بشربه بنفسي اخاف يصفقون واشرق فيه
مها:ههههههههههه بسم الله عليك
طلعت انا ومها من المطعم التفت لها وحطيت ايديني بجيبي:وين نروح
مها: ابي اروح البحر
:البحر يبي له مشوار ساعه ونص خليه بكرا اللحين اختاري مكان ثاني
مها: نروح السوق
:طيب
مها:ياااااااااااابعد عمري
:طيب انا عندي طلب
مها:امرررر
: قبل نرجع للسعوديه بقولك((كنت بقولها ان احنا لازم نحط حد لهالعلاقه))
رحت معها للسوق مرت محل اكسسورات اخذت اسواره بحرفي وعقد
مها مدت لي العقد:لبسني اياه
همست:مها حنا بمكان عام مايصير
مها في عيونها اصرار:ياسر لبسني اياه
:واذا قلت عشان خاطري لا
مها رمت العقد بقهر في الشنطه وراحت قدامي وقالت بصوت مسموع:اووووووف
ناديتها:مهااااا
مها التفت لي وهي رافعه حواجبها:خير
:انا واحد غريب بنسبه لك مايصير اني البسك العقد
مها:من قال انك غريب انت اقرب لي من انفاسي
:ههههههههه مدري من وين تجيبين هالكلام الحلو
مها وهي منزله راسها:من قلبي لو انك تحبني كان قلت مثله
: طيب ولاتزعلين
مها تنهدت:لاعااااادي
:طيب وشرايك نروح انا وانتي لمحل ملابس اطفال
مها بقهر:عشان غزاله
عقدت حواجبي :ايه عندك مانع
مها:لا وانا اقدر
اخذت فستان زيتي مع بلوزة بيضاء لغزاله ورهف نفسه لكن حجم اكبر
رحت مع مها لمحل ملابس نسائيه مها:ياسر اجلس هنا
جلست بالكرسي ومها خذت لها كم بدله وراحت بغرفة القياس وانا استغليت انها راحت فاخذت لامي دراعه ولبدريه تنوره جنز وبلوزه كحلي ورجعت جلست ع الكرسي طلعت لي مها:وش رايك
كانت لابسه تنوره لحد الركبه رماديه وبدي وردي وجاكيت رمادي ومخليه شعرها وطالعه كانها ملاك
مها:ياااااااااسر وش رايك
:مووووت
مها ابتسمت ورجعت مره ثانيه غرفة القياس وبعد10 دقايق طلعت وهي لابسه فستان سماوي مموج بالاسود نص كم ولنص الساق من جد خذت عقلي جت لقدامي لفت لفتين وقالت:هاه ياسر شريك اليوم بشتري ع ذوقك
استحقرت نفسي كيف اناظر بنت اخت خويي بهالنظرات وقفت وقلت:مها اخذي اللي تبين انتظرك برى
رن جوالي وكان احمد وسالني عن مكاني وقلت له وين انا فيه وقال خلاص مسافة الطريق وبيجيني
جت لي بنت لابسه ولا كنها لابسه سالتني عن مكان فقلت لها انا من السعوديه ولا اعرف هنا شي اول ماعرفت اني خليجي صارت تتمايل وتتدلع ومسكتني من يدي لكن الحمد الله ان مها طلعت ولا كان صار مالايحمد عقباه مها وهي حاطه ايدها ع خصرها:لا والله كان رحت معها احسن والتفت لها وقالت بصوت عالي:هذا زوجي انا وش تبغيييييييييين
مسكت مها من ايدها وطلعنا من المجمع مها وهي تمسح دموعها: ماتوقعت انك من اللي يحبون البنات وش شفت فيها وماشفته فيني
:قولي لا اله الا الله ماكان بيصير شي ترى مهي اول سفره لي
مها وهي تبكي:عاااااارفه انك ماتحبني
: طيب اسكتي الناس تناظرك
وقف تاكسي ونزل منه احمد فهمست لها: خلاص اسكتي خالك وصل
احمد:انا مابعد شفت مثل هالدوله جميلة مناظرجميله وبنات اجمل
:في هذي صدقت بس مافيه ازين من ديرتنا
احمد وهو يناظر مها: افاااااا مها وش مبكيك
مها: ولا شي
:استاذن بروح الفندق ارتاح واكلم امي ماسالت عنها ولاعن غزاله بعدين تراى من صحيت وانا ورى بنت اختك تعبت طاحت رجولي
احمد وهو يحط ايده ع كتفي:نخدمك بالافراح
رجعت للفندق ودخلت غرفتي جاءني مسج من مها
((كلم غزاله اسال عنها!!!!!!! لو انها انا ماكان كلمتني ولاسالت عني))
معرفت وش اسوي اسال عنها او احقرها عقلها صغير فيه احد يغار من بنت كبر غزاله اتصلت با احمد وسالته ليش مها تبكي<<ينقال لي مادري اللحين
فقال انها مشتاقه لامها <<< إن كيدهن عظيم
وسالته متى طيارتنا فقال بعد بكرى
اتصلت ع بيتنا فردت بدريه فقلت لها من قلب:مرحباااااااا
بدريه: هلا ياسر شلونك
: بخير الحمد الله
بدريه:رهوفه مزعجتني مشتاقه لك
:فديت روحها طيب خليها تكلمني
رهوفه:هلا عموو
:ياعيون عموو اشتريت لك هديه حلوووه
رهوفه:وعزاله
:الكل يغار من غزاله المسكينه
رهوفه:انا احب عزاله اختي
:وابو غزاله يموووت فيك
بدريه خذت السماعه من رهف:طولنا عليك تبغى تكلم امي
:ايه والله ياليت
بدريه:لحظه
واسمعها تصوت ع امي ومن قال اني مابغى اكلمك انتي بعد يابعد عمري يابدريه
جت امي:هلا ياسر شلونك يمه
:ابشرك بخير
امي: كلنا بخير يمه وبنات بعد وانت متى بتجي
:بعد بكرى طيارتنا
امي:ع خير
: هاه توصيني بشي
امي: سلامت عمرك
:فمان الله
امي: وانت بحفظ الله
قفلت من امي وصليت ونمت وصحيت ع اتصال من مها وكانت الساعه 8 يعني مانمت الا ساعه ونص
رديت:هلا
مها:شبعت نوم
:الحمد الله
مها: طيب احنا تحت تعال لنا
:شوي بنزل
مها:تكفى ياسر النوم لاحق عليه انا ابغام
:طيب خلاص بنزل
مها : انتظرك سلام
تروشت ولبست ونزلت تحت وكان احمد جالس هو ومها بطاوله منعزله سلمت وجلست
احمد:صح النوم
:صح بدنك
مها:ياسر من جينا وهو نايم
:وش اسوي فكري مشغول ع امي
احمد: ليش عسى ماشر
:لاماشر بس خايف عليها تعرف ان ماعندها غيري ولا عندها رجال بالبيت
احمد: الحمد الله السعوديه امان
مها: بعدين امك عجوز من بيناظرها
ناظرتها بحده وقال احمد: وش هالكلام يامها
مها ناظرت الجهه الثانيه:...............
احمد:وش رايك نروح للسينما فيه فلم يمدحه مدير الفندق
:وش هو الفلم
احمد:هندي بطولة شاروخ
: اذا في الفلم اشواريا اوكي لاني من عشاق اشواريا فما عندي مانع اشوفه
مها بقهر:اشواريا وووووع شاروخ احلى وانا اموت في شاروخ
:وش جاب ملكة جمال العالم عند شاروخ
مها:والله انا احلى منها صح خالي
احمد بسخريه:ايه كثري منها
:ههههههههه هههههههههه ههههههه ههههههههه
مها بعصبيه:لو انا ماني بنت اختك كان شفتني حلوه
احمد:ولا تزعلين يامهاوي والله انك حلوه بس لسانك طويل
مها وقفت وقالت بغرور:عارفه وماني محتاجه شهادتك
احمد+انا:ههههههههههههه
لما وصلنا لشباك التذاكر قال ان فلم شاروخ الساعه 10 ونص واللحين فلم رعب
اتفقنا ان احنا نشوف الرعب واذا فينا شده شفنا فلم شاروخ
جلسنا وكان بجنبي ع اليمين احمد وعلى جنبي اليسار بنت اجنبيه مها ابد ماعجبها الوضع بس ماتقدر تجي بجنبي لان خالها موجود المهم ان احنا ناظرنا الفلم وكان متعلق برقص ع مقبره وارواح وزي كذا وكل موقف يخوف الاجنبيه تمسك ايدي وانا طبعاً ماعندي مانع واذا مسكت ايدي ناظرت مها ونظرات مها المقهوره تحفه فيه مقطع من الفلم ان لروح كانت تركض ورى البطله وصرخت البطله صرخه قويه مما خلى اللي في القاعه كلهم يصرخون فالبنت الاجنبيه خبت وجها ورى ظهري
احمد:يابختك شرايك نتبادل في الاماكن
ولما شافتها وسمعتنا مها قامت وهي تبكي وناظرتني بقهر:فلم سخيف
طلع احمد وانا وراه وكانت واقفه وتمسح دموعها
احمد: افا يامها ماتوقعتك خوافه
مها:ماني بخوافه بس فلم سخيف
:وهذا حنا طلعنا منه
ناظرتني بحده وقالت:كان جلست بجنب الاجنبيه وش اللي مطلعك وراحت تركض لغرفتها وهي تبكي
ناظرت احمد: وش فيها بنت اختك
احمد: الشرهه علي اللي موديها لو اني مخليها كان احسن
:......... شرايك نرجع نكمل الفلم
احمد: وانا اللي بقعد بجنب الاجنبيه
:هههههههههههه مايفوتك شي
كملنا الفلم وطبعاً ما اقولكم عن الحلفه اللي مسويها لاخ احمد مع الاجنبيه اللي بجنبه طلعت انتظر احمد برى لانه يتكلم مع الاجنبيه 5دقايق وطلع احمد ولاجنبيه حاضنه ذراعه ناظرته متعجب فقال احمد: علقتها
:هههههههه منت بهين
ناظرت البنت الشقراء الحلوه وكانت منتشر ع جسمها بقع حمراء وكبيره خفت من شكلها وكنت بقول لاحمد لكن ماقدرت لانه داخل جو مع سوالفها
احمد:بروح اتعشى تتعشى معنا تقول ان عندها صاحبه اذا تبغاها
:اقول احمد خل عنك هالحركات ومحد برايح فيها الا انت بعدين ابغى اقولك شي مهم((البقع المنتشره على جسمها)) بس معطاني فرصه
احمد: لاحقين عليك انت وخشتك ومسكها من ايدها وراح معها وانا اناظرهم لحد ماركب بالاصنصير
طلعت برى الفندق ماعندي مكان بالضبط اروح له فقررت اني اروح للبحر حتى لو ان المشوار بعيد لكن هنا محد ينام يعني حتى لو صارت الفجر بلاقي ناس كثيره بالشوارع نزلت عند البحر وكانت الساعه لسى 11 خذت جوالي وحولته صامت صرت امشي ع الشاطي مسافه طويله معرف بالضبط كم كيلو مشيت لكن مشيت مشوار طويل جت في بالي غزلان لانها مره قالت لي ان امنية حياتها انه يكون عندها طريق طوله 10 كيلو ويكون من الجنبين اشجار وبجنب الاشجار يكون فيه اعمدة انوار بين كل شجره ويكون بشتاء ويكون فيه مطر تتمنى انها تركض بين هالاشجار وهي تصارخ باسمي ((ياسر احبك))امنيه غريبه صح؟؟!!
لكن وربي هذي امنيتها....
وقفت من المشي بعد ماحسيت نفسي تعبت واني جوعان جلست ع طاولة منعزله شوي طلبت من الجرسون يجيب لي ساندوتش تشكن وبيبسي اتصلت بغزلان لانها زعلانه مني لكن ماردت واتصلت غريبه مستحيل تكون نايمه لانها ماتنام الا متاخر
اتصلت كذا مره وماردت يمكن نايمه لكن مستحيل غزلان تشوف رقمي وماترد مستحييييييييل
تعشيت ورجعت للفندق ركبت بالاصنصير رايح لغرفتي او مادخلت الممر كانت مها واقفه عند باب غرفتها شكلها تحتريني من فتره سويت نفسي ماشفتها ورحت لغرفتي مها: لا والله ماتشوفني يعني
جيت لعندها وكنت تعبااااااااااااااااااااااااااان ودايخ فقلت لها حطيت ايديي على صدري:خير امري
مها: من كنت سهران معها
عقدت حواجبي:وش قصدك هاه؟
مها بصارخ:عااااااااااارف قصدي
حطيت ايد ع فمها وقلت وانا متنرفز:ان عليتي صوتك ثانيه والله لقص لسانك فاهمه
مها مسكت ايدي وخرتها عنها بقوه: والله لاقول لخالي انك تغازلني
: وانا براويه رسايلك اللي بجوال وانا مسجل لك مكالمات وبنشوف من اللي حجة اقوى يافالحه ومنهو الخسران في النهايه ومهو انا اللي تهددينه طول الفتره اللي راحت وانا محترم شعورك لاني من طبعي ما اجرح شعور أي شخص حتى لو ماشاركته نفس المشاعر فاهمه
مها بصدمه: ياسر انت مسجل صوتي
التفت انا وهي لباب لغرفة احمد اللي انفتح بقوووووه




وكانت البنت الاجنبيه اللي كانت معنا بالسينما طالعه من الغرفه وهي لابسه قميص نوم التفت لعيون مها المنصدمه فقلت لها بسخريه:ههههههههههههه هذا خالك اللي بتشتكين عنده شوفي فعايله اول انا ساكت عنك طول الفتره اللي راحت عشان خاطر احمد وامه وعشان خاطر ما اجرحك مهو عشاني خايف من أي انسان فاهمه ياماما
ورحت لغرفتي قبل اقفل الباب دفت مها الباب ودخلت وسكرت الباب ناظرتها بحده:مها وش تبغين
مها: انا احبك والله
عطيتها ظهري:اطلعي برى
مها جت قدامي وهي تاشر على نفسها خذ اللي تبي بس لاتحرمني منك
ناظرتها بقهر من جد انا ماحب العنف ابد ولا اعرف كيف قدرت اضبط اعصابي ولا امد ايدي عليها اللي سويته اني مسكتها من اكتافها وقلت لها بهمس: انت اغلى من انك ترخصين نفسك لي يامها
مها وهي تمسح دموعها: طيب انت مسجل صوتي عشان تهددني فيه هذا انا جيت لك بدون تهديد خذ اللي تبي مني وانا بس ابي وجودك معي
فيه مقوله تقول
دموع المرأة طوفان يغرق فيه أمهر السباحين‎
كسرت خاطري ومن الناس اللي يضعف عند دموع فتاة حسناء:طيب ياقلبي لاتبكين اللحين روحي لغرفتك وبكرى بفهمك لاني تعبااان ودايخ وانتي شكلك تعبانه
مها وهي بين دموعها اشرت براسها موافقه فتحت الباب ناظرت السيب ومكان فيه احد مسكتها من ايدها قلت بهمس يله بسرعه روحي غرفتك
راحت لغرفتها تركض وقفلت الباب ورحت لسرير ومها وتصرفها الغير مبالي الطايش اللي مستحيل يصدر من عقل كامل ماغاب عن بالي انا ماسجلت لها مكالمات بس مابي كل شوي تهددني انا ماني خايف واحمد بداله الف لكن اذا هي مو مراعيه سمعتها انا تهمني واذا على البنات فالبنات هنا مقابل مبلغ بسيط تعطيك كل اللي تبي
غمضت عيوني ونمت وانا افكر فيها
صحيت اليوم الثاني تروشت وطلعت واول مانزلت بالاصنصير متوجهه للمطعم كانت مها تفطر جلست بطاولتها وسوت نفسها ماشافتني قلت: احم احم
مها رفعت راسها وناظرتني بعيون تعبها السهر:هلا ياسر
:وين خالك
مها: بغرفته
:غريبه صارت12 من عادته هالوقت صاحي
مها قالت بالم: ايه صحى وشفته يدخل هو وحده لغرفته
: اها منتي ناويه تطلبين لي شي
مها قامت وقالت بجديه:انا حددت موقفي معك
:وش قصدك
مها بحزن:مقدر استمر مع واحد مايحبني
وراحت ونظراتي المذهوله تلحقها غريبه معقوله هذي مها واخيراً عقلتي يامها ياعساه دوم طلبت لي قهوه وكرسون جبنه وفطرت رن جوالي وكان الشايب جد الطفل اللي بالمستفشى رديت:مرحباااااااااا والله
الشايب:هلا ياسر كيف حالك ياولدي
:والله بخير كيف حالك ولد بنتك عساه بخير
الشايب:الحمد الله بخير وبنطلعه اليوم ومسوي له عزيمه عشان سلامته
:ياعسا سلامته دوم
الشايب:تراك معزوم
:لا والله انا مسافر ماني في السعوديه
الشايب:ماتشوف شر يابوك وترجع بالسلامه
:الله يسلمك
الشايب:فمان الله
:مع السلامه
دقايق لا لحظات رن الجوال باسم الشايب ثانيه
رديت:ياهلا
صوت ناعم:هلا كيف حالك ياسر
:الحمد الله مين
البنت:انا اللي وقفتك بالممر
:ياهلا آمري بايش اقدر اخدمك
البنت:تدري وش مخزنتك بجوال ابوي
:وش
البنت:شهامه
:احم احم احرجتم تواضعنا
البنت:لانك تستاهل
:الله يسلمك
البنت:ياليت نشوفك اليوم
ماصدقت افتك من مها تجيني وحده ثانيه فضطريت اكذب:انا مسافر بخلي زوجتي وامي تجيكم انشالله
البنت بصدمه:متزوج
:ايه وعندي بنت بعد
البنت:يابختها زوجتك والله انها اسعد وحده في العالم ويابختها بنتك في ابو مثلك
:الله يرزقك بواحد احسن مني
البنت:لا مستحيل مافيه احسن منك في الدنيا كلها
:...لو خليت خربت الناس اللي فيهم الخير واجد
البنت:طيب ياسر تامرني بشي
:سلامتك وانتبهي لنفسك من عيال الحرام
البنت:...........
البنت:صدقيني اذا عرفتي قيمته نفسك وقربتي من ربك بيعطيك الله على قد ماتمنين
البنت بحزن:مع السلامه
:لو سمحتي
البنت:نعم
:اذا احد تقدم لك وماتعرفين اخلاقه اعتبريني اخوك واتصلي فيني ولك مني اللي يسال عنه واذا تمام واذا لا قلت لك
البنت:مشكور يالغالي مع السلامه يا اطيب قلب
:ياهلا مع السلامه
اول ماسكرت الا وكانت امي
رديت: مرحبا
امي:صباح الخير
:صباح النور والسرور
امي وصوتها متغير: متى بتجون يمه
:قلت لك امس بكرى انشالله
امي:الدنيا رايحه وكل من عليها رايح صح يمه وكل من عليها فاني
قلت بخوف: بدريه فيها شي ولا غزاله
امي:لأ
حطيت ايدي على قلبي: تكفييين يمه من
امي: عمك سالم
حطيت ايدي على قلبي:عسى ماشر يمه وش فيه
امي:كلمتني الجوهره تقول انه طاح عليهم ولاتسمع منه الا اسمك وهو في العنايه
:طيب خلاص يمه انشالله اني قدرت رحت لكم اليوم
طلعت من الفندق ركبت تاكسي ورحت للمطار بعد محاولات قالو ان فيه طياره لرجل اعمال بتمشي الساعه 2 بعد مادفعت ثمن التذكره دبل سعرها 3 مرات يعني ماباقي الا ساعه ونص يادوب اخذ اغراضي من الفندق خذيت اغراضي ورسلت راساله لاحمد اني مسافر لامر ضروري
ركبت الطياره وكان طول الوقت وتفكيري مع عمي وطول الاربع ساعات وانا اقرء القران وش السالفه من اللي سوى فيه كذا وش منه تضايق والله لايندم طول عمره الفاعل وكان بجبي واحد كبير في السن ولما شاف حالتي
الرجال:انا محمد ال..........((من اكبر رجال الاعمال بالرياض))
:مرحبا انا ياسر ال......
محمد:والنعم والله انا اعرف عمك محمد وعمك سالم ونعم فيهم والله
:ماعليك زود رجعت اركز النظر لقدام وانا للحين في همي
محمد: خير ياولدي اشوفك منت ع بعضك
: عمي سالم طايح بالمسشفى
محمد: لاحول ولاقوه الا بالله ماتعرف وش منه السبب
: والله ماعرف الا انه طاح عليهم وطول الوقت وهو مايقول الا اسمي
محمد: هذا كرتي واذا قصر عليكم شي انا موجود وانا انشالله بزوره
: الله يجزاك خير
مرت الساعات وكنها شهور نزلت الطياره ركبت بتاكسي رحت للبيت ركبت سيارتي اتصلت بامي: يمه عمي باي مستشفى
امي : انت بالسعوديه
:ايه ماقلتي أي مستشفى
امي:مستشفى(..........)
: طيب بروح له وانشاالله عقب بجيكم
وقفت سيارتي بمواقف المستشفى ونزلت بخطوات مستعجله وسالت بالاستقبال عنه فقال لي غرفته طلعت له وقفت عند الباب وكانو الكل متجمع عند الباب اول ماشافني سعود جاني يركض ودفن وجهه بصدري: افا عليك الرجال مايبكي
سعود: انت زعلان مني وابوي مريض
: انشالله بيصير احسن
رحت لعندهم وكان زوج بنت عمي الكبيره الماسه واقف مع البنات وكانت الجوهره منهاره من جد حطيت ايدي ع قلبي: خير عسى ماشر عمي وش فيه
عيسى:تقول الجوهره انه جاء واحد طلع معه برى ويعد ربع ساعه دخل وهو ماسك قلبه وفجاءه طاح عليهم ولما جت الاسعاف خذته ماصار ينطق الا باسمك
وقفت عند الباب اللي بوسطه زجاجه شفافه وكانت نايم ناظرت عيسى: عادي ادخل
عيسى:لاتتاخر
دخلت وكان نايم بسلام وفي صدره اسلاك وعليه اكسجين وبيده مغدى حسيت ان قلبي تقطع وحسيت ان رجولي خانتني عن الوقوف مسحت ع راسه وقلت بهمس:عمي ياجعلك ماتشوف شر
عمي فتح عيونه بصعوبه رنيت جرس الممرضات عمي قال بتعب وكلمات متقطعه: ياسر خدعوني خذو تعب عمري
: من هم ياعمي
عمي:مرزوق خلاني اكتب عمارتي باسمه من ضمن اوراق الاجارات من غير مدري
: من مزروق
عمي: بناتي وسعود امانه عندك امانه
:الله يخليك من مرزوق
دخل الدكتور المشرف ع حالته وممرضتين طلعوني برى قلت وانا احس حالي مخنوق: والله لايندم
ناظرت عيسى والبنات المنهارات:عمي محمد وينه
عيسى:جاء الظهر وشافه ورجع لبيته
ناظرت البنات يله امشو معي للبيت لحد ماتتحسن حالة عمي الدانه: لا مابي ابي ابوي ابي اجلس معه
ناظرت الماسه اللي راح من حضنها سعود لي: خلاص مانبي دموع خلونا نصلي وندعي له وانا وانتو من الفجر بنكون عنده
الجوهره كانت تبكي بصمت والدانه منهاره فقالت الجوهره:وابوي يجلس لحاله
:انا بنام عنده بس يله تكفون ترى قلبي تعبان
رحت للسياره وركبو وطول الطريق وصوت البنات وهم يبكون هو الصوت المسموع من جد حسيت نفسي متضايق بموووت من الضيقه اتصل فيني احمد كم مره لكن انا مارديت عليه وقفت عند باب بيتي ناظرت البنات يه انزلو ادخلو معي وخيبه امل وحزن الدنيا بعيونهم وسعود بعد يبكي اول مافتحت الباب حضنتني امي وبدريه سلمت علي وغزاله صارخت بابا ورهوفه عمووو ياسر
امي راحت للبنات: خير يمه عسى ماشر
:يمه البنات بيباتون عندنا اليوم انا راجع لعمي بالمستشفى
سعود: بروح معك
نزلت لمستواه ومسحت دموعه:انت رجال والرجال مايبكي صح
اشرت براسه والعبره بعيونه خذيته بحضني:خلاص انشالله بيطلع وبيرجع مثل اول واحسن بعد
رحت لغرفتي بدلت ملابسي بالزي السعودي طلعت من البيت والدنيا بكبرها ضايقه فيني من يقول ان الرجال مايبكي خذيت طرف شماغي ومسحت دموع فرت من عيوني والله لاخليه من فعل فعلته يندم طول عمره مثل ماخذه منك بلحيله وانا باخذها من بحيله اقوى من حيلته
وقفت عند المستشفى ومشت بخطوات متثاقله ومتعبها الخوف ع عمي اول ماوصلت للممر المؤدي الى غرفته شفت الماسه طاحيه ع الارض وزوجها جالس عندها رحت لهم :خيييييييير وش فيه
عيسى: عمك عطاك عمره
سندت ظهري ع الجدار ورميت الشماغ ع الارض وخذتني الذكرى لقبل 14 سنه
عمي سالم:هاه ياسر اليوم شهادتك ابغاك تبيض وجهي((كان يوم تخرجي من الثانوي))
ابتسمت بخوف: انشالله ياعمي اني ناجح
وقفت عند غرفة مدير المدرسه وقال عمي انتظر هنا وانا بشوف نتيجتك وبجيك
طلع عمي من غرفة المدير وهو حاط شماغه ع كتفه
ناظرته بخوف:راسب صح
ناظرني عمي وهو حاط يدينه ع اكتافي وقال بصوت عالي وبفرحه: ناجح وبنسبة 86%
: الحمد الله ياعمي ذاكرت وربي ماضيع تعبي
خذني عمي بحضنه : الله يوفقك ياولدي
قطع حبل افكاري صوت عيسى وهو ينادي باسمي وانا من بعد ماكنت واقف جلست انهارات قواي
عيسى: افا عليك وانا اخوك هذا وانت سندهم تبكي
وقفت وناظرته بحزن:................
عيسى: حال الدنيا وانا اخوك انا باخذ البنات وزوجتي لبيته تعرف لازم العزاء في بيته
عطيته ظهري مابغى افكر كيف بترك عمي سالم الغالي بحفره مافيها الا هو لا انا ولا العماره اللي دنت باجله ولا مال ولاعيال ولا حتى انا اللي كنت اعز واحد عنده وماراح معه الاعمله سوا كان صالح اولا
مشيت بحزن وانا مدري كيف وصلت لباب سيارتي ركبت فيها سندت راسي ع الكرسي وشوي شوي بدت عيوني تغمض هل انا مت او نمت عيوني غمضت غصب عني ضلمت الدنيا معلنه رحلتي من عالم الواقع لعالم الاحلام الذي لايوجد فيه بطل سواي
فتحت عيوني ع ضوء الشمس القوي اللي دخل لي من زجاج السياره الامامي فتحت عيوني انا مين جابني لهالمكان ناظرت اسم المستشفى وتذكرت عمي نزلت من السياره اخذت جوالي وكان فيه اتصالات كثيره اتصلت بعيسى لانه اتصل من نص ساعه
عيسى:وينك يارجال
: والله مدري ويني نمت بالسياره ولا حسيت بالدنيا الا تو
عيسى:الظهر بنصلي ع عمي وبندفنه
قلت بحزن وانا اقاوم عبره:الله يرحمه
رحت لسيارتي وتوجهت بها الى بيتي نزلت من السياره وكانت بدريه وامي جالسين بالحديقه اول مادخلت رحت لامي اللي كانت جالسه حطيت راسي بحجرها وصرت ابكي مثل البنات غمضت عيوني ودموعي معلنه نزولها بدون توقف
اسمع امي وهي تسمي علي وبدريه بعد سمعتها تقول بروح اجيب له مويه ورهوفه احس بنفاسها ع صدري وهي تقول عمو ياسر ليه تبكي انا بروح الروضه تروح معي انا حزين بموت من الحزن حسيت بلمسه امي وهي تمسح ع وجهي بالمويه
رفعت راسي: يمه عمي راح معاد نشوفه مره ثانيه
امي:الله يرحمه يمه هذا حال الدنيا
بدريه وهي عيونها حمراء شكلها كانت تبكي من دموعي: كلنا بنموت
ناظرتها بعتب: بسم الله عليك
نزلت بدريه راسها وانا وقفت واناظرت السماء وقلت بحزن:حسبي الله ونعم الوكيل اللي فعل فعلته وباع ضميره
طلعت من البيت بلا هدف صرت امشي بشوارع وامشي وصلت لحاره ثانيه جلست عند بقاله عند الدوار مثل ماكنت اسوي ايام المراهقه اناظر اللي رايح وجاي واللي يفحط خاطري افحط في مكان مافيه الا انا واعبر عن حزني لين اقول شبعت وتلثمت بشماغي وصرت اناظر اللي يفحطون
ورجعت لحارتنا وانا احس نفسي تعبان ومرهق وحزيييييييين وصلت لبيتنا ركبت سيارتي صلينا ع عمي صلاة الظهر وقبل ندفنه حبيته ع جبينه دفناه عزو المعزين وانا احس نفسي في عالم ثاني مافيه الا انا عالم هو كله رمادي حزين ماتنسمع فيه ضحكت طفل شفت احمد بين المصلين لكن ماكنت في حال تخليني اتحمد له بسلامه مد يده احمد يعزيني في حزني حضني فقلت له بهمس: شفت شلون الدنيا ماتسوى كان مع اهله وفي دقايق فقدوه
حسيت ان احمد حاول انه يناظر كل شي الا وجهي ركبت سيارتي ورحت لبيت عمي مرت ايام العزاء كئيبه وباخر ايام العزاء وحتى محمد رجل الاعمال قال لي بالعزاء لازم امر عليه لانه عنده موضوع مايصلح يقوله في هالفتره
عمي محمد:ياسر نبغى نحصر الورث
ناظرته بجديه: ورث مين
عمي محمد: ورث اخوي تراي اخوه ولي في ورثه مثل مالعياله
:عمي سالم عنده ولد وهو يحصر الورث عليه وع خواته انت مالك شي الا كانك تبغى تاكل حلالهم
عمي: انا ولي امرهم اللحين
:ولي امرهم مهو ظالمهم ووريث معهم
عمي محمد:.............
طلعت من البيت ورحت لبيتنا حطيت راسي ونمت لي فتره مانمت كويس وكانت الساعه 11 نمت وصحيت اليوم الثاني وكانت الساعه 8
تروشت ونزلت وكانت امي جالسه لحالها مهي بلعاده
:غريبه يمه بدريه وينها
امي: راحت بيت زوجها
انصدمت:متى
امي:الفجر
رن تلفون البيت رديت فكان صوت الغاليه: بدريه
بدريه بصوت باكي: وين امي
:بدريه وش يبكيك نااااايف
بدريه: يااااااااااسر ابعد عن حياتي نايف هذا مهما كان ابو بنتي
حسيت انها جرحت قلبي قفلت الخط وانا واقف ماسكه ماخلتني اقولها اني ماعيش فرحان وهي حزينه ناظرت امي:يمه كلمي بدريه مدري شفيها
طلعت من البيت ركبت سيارتي ماعندي جهه بالضبط اروح لها رحت لبيت عمي محمد دخلت المجلس وكان عمي جالس وسعود يصب له القهوه جلست وسلمت ع عمي ومدلي سعود قهوه وجلس بجنبي
عمي: اليوم بنروح المحكمه وبنحصر الورث
:عمي ترى اللي ماله اب له رب
عمي محمد بعصبيه:وش قصدك انا باخذ حلال عيال اخوي
حبيته ع خشمه:السموحه ياعمي مكان هذا قصدي بس اذكرك
عمي محمد: روح معي للمحكمه وشوف الا كانك مخوني
:محشوم ياعمي
عمي محمد: البنات وسعود بيسكنون معي لين البنات يتزوجون وسعود يتزوج
:الله يجزاك عنهم كل خير وراتب عمي التقاعد بيكفيهم انشالله
عمي محمد: انشالله
قلت لسعود ينادي الجوهره بكلمها من ورى الباب لاني برجع للبيت جوعان ومتضايق وقفت ورى الباب فجات الجوهره:نعم ياسر
: الجوهره
الجوهره: ايه
:ادري انك حزينه وانا مثلك حزين بس سعود صغير ع الحزن اذا ماعليك امر جيبي جواله عشان اعطيه اياه تعرفين ابي شي يفرحه لاني خايف عليه من العقد
الجوهره: دقايق بس
بعد 5 دقايق جت الجوهره ومدت لي الجوال من ورى الباب: سم
:الله يخليك يالجوهره اذا بغيتو شي ماتخلونها بقلوبكم تراي موجود
الجوهره: الله يخليك لنا ذخر
:وانا من الاسبوع الجاي بوصلكم للمدارسكم والكليه
الجوهره: لا مانبغى نكلف عليك
:لا خبري بعمي الله يرحمه مايامن لكم مع الباصات وعمي محمد ماله خاطر ابد بتوصيل البنات للمدراس ماصدق انه يتقاعد
الجوهره: لا مانبغى نتعبك وكملت بحزن كل شي تغير بموت الغالي
:خلاص يابنت عمي انا قلت بمركم الاسبوع الجاي انشالله توصين بشي
الجوهره: سلامتك
اول ما التفت كانت اخر شخص توقعت اشوفه...؟؟؟؟؟
ـــــــــــــــــــــ

 
 

 

عرض البوم صور دموع يتيمة   رد مع اقتباس
قديم 11-04-08, 05:05 PM   المشاركة رقم: 9
المعلومات
الكاتب:
اللقب:
ليلاس متالق


البيانات
التسجيل: Oct 2007
العضوية: 47688
المشاركات: 1,443
الجنس أنثى
معدل التقييم: دموع يتيمة عضو بحاجه الى تحسين وضعه
نقاط التقييم: 30

االدولة
البلدSaudiArabia
 
مدونتي

 

الإتصالات
الحالة:
دموع يتيمة غير متواجد حالياً
وسائل الإتصال:

كاتب الموضوع : دموع يتيمة المنتدى : القصص المكتمله
افتراضي

 

الجزء الثامن
غزلالالالالالالالالالان!!!!!!!!
غزلان وقفت متفاجاه مثل ما انا متفاجئ بعد لحظات من احتضان العيون جاء صوت
التفت للصوت اللي قال :ياهلا ياهلا على ما اتعقد انتهى العزاء من امس
التفت وماكانت الا سديم بنت عمي محمد لاني كم مره شفتها ونفس كل مره بدون قصد منها؟!!!!
غزلان بأدبها واحترامها المعهود:ياهلا فيك ممكن تعطين الجوهره هذي الملزمه
سديم:لا صرت خادمه عندك وعند الجوهره آمري مثل ماتحبين
انا واقف مثل الطرش في الزفه جت الدانه ومسكت غزلان من ايدها وراحت فيها داخل التفت لسديم الغريب انها متمكيجه وماكن عمي من ثلاث ايام متوفي اول ماشافتني قالت بنعووومه:ياااااااسر
قلت بتعجب:انتي دايم تقابلين ضيوفكم بهالاسلوب
سديم:وووع لايكون تعتبر غزلان ضيفه
:طلعي غزلان من السالفه انا اتكلم بشكل عام اللي يدخل بيتك له حق عليك
تأففت سديم:طيب يا اخ ياسر اخر مره ممكن اروح
:افا ياسديم متمكيجه وعمك توه متوفي
سديم:الحزن في القلوب
:واذا حزن القلب منعك انك تتمكيجين وانك تاكلين وانك تنامين
سديم:تبغاني اسوي هالاشياء عشان اموت
:انشالله يوصل عمرك 200 سنه وانتي بصحة
سديم ضحكت بدلع:ههههههههههههههه
فقلت بجديه: احترمي حزن بنات عمك
عطتني ظهرها:جوهروه باطه كبدي الله ياخذها
جيت قدامها:سددددددديم وش هالكلام
سديم وهي تعدل لثمتها: انا رايحه للجامعه والباص بعد شوي بيجي ماني فاضيه لجدال مامنه فايده
اشرت ع العبايه اللي لزينه اكثر منها لستر:بتطلعين كذا
سديم:ايه
قلت باندهاش:فيه احد يطلع بهالعبايه
سديم: كل بنات الجامعه كذا
قلت باصرار:ماراح تطلعين بها اذا ماعندك اخوان يعدلونك ولا ابو يسال عنك انا موجود
سديم: وانت شدخلك
: ولد عمك وغصب عليك بتطعين كلامي
سديم:والله لاقول لابوي
:وعمي بيوقف معي وبنشوف من اللي كلامه بيمشي بالاخير
سديم:بخلي ابوي يوصلني مو مشكله وعبايتي ماراح اغيرها
عقدت حواجبي:والله ياسديم مافيه جامعه بهالعبايه،،، وش قلتي؟!
سديم وهي تاشر بيدها بلامباله: اليوم مهو لازم اروح بكرى بروح
قت باصرار:واللي خلقني وخلقك ان جامعه مافيه اذا عاندتيني
سديم التفت وقالت بقهر: وش حكايتك انت تبغى تتهاوش وبس
تنهدت:لا مابغى اتهاوش روحي خذي عبايه مافيه زينه
سديم ضربت برجلها لارض بقهر:اوووووف ياربي وش هالحاله
وراحت داخل وبعد 10 دقايق طلعت وهي لابسه عبايه فيها زينه لكن اخف من اللي قبلها بوااااجد
سديم:كذا عاجبك
:ماعندك غيرها
سديم:لا ماعندي هذي عباية رتاج اختي بس عشان انت تبغاني اغير عبايتي لبستها
:طيب اخذي من الجوهره
سديم بغرور وتعالي:أنا اخذ من الجوهره لا والله ماخذيت
:المهم غيرتي عبايتك وياليت بالمره تاخذين لك عبايه غيرها
سديم بقهر:انشاااااالله اوامر ثانيه
ناظرتها:تمام عليك بس عندي طلب صغيرون
سديم:ياربيه وش بعد
:غطي عيونك
سديم هاه وهذا انا غطيتها
:مشكوره وخرت عن الباب تفضلي روحي
رجعت لسعود اللي جالس ع الدرج وايدينه ع خده ويبكي ضميته افا وانا اخوك تبكي والدموع للبنات
سعود:انا ابغى ابوي
: انا ابوك
سعود: يعني خلاص ابوي ماعاد يجيبي وياخذني من المدرسه ولا يوديني معه
دمعت عيوني وضميته:خلاص ياسعود ما بغاك تفكر بهالتفكير
سعود: شفت انك تبكي مهو البنات بس
ابتسمت بحزن وطلعت من جيبي جواله: خذ هذا جوالك
سعود فرح وفرحته فرحتني:والله ماصور بنات بجوالي
:عفيه عليك رجال اخو رجال
دخلت على عمي
عمي:وش كنت تبغى في البنات
:ابغى اقولهم اني من السبت بوصلهم مدارسهم
عمي محمد:ايه والله احسن تفكن من اجار الباص
عقدت حواجبي: مهو كذا قصدي؟!! حلال عمي سالم واجد وورثهم بيكفيهم عمرهم كله
عمي محمد يتهرب:اجل ليه بتوديهم
:لان عمي موصيني عليهم وفي حياته ماركبو مع السواقين
عمي محمد:ياليت تاخذ بناتي معك
:بناتك ياعمي حياتهن على كيفهن
عمي محمد: وش قصدك
:سديم طالعه بعبايه للزينه اكثر منها للستر
عمي محمد:وهي وين بتروح من البيت للجامعه ومن الجامعه للبيت من بيشوفها
:وسواق الباص اللي تركب معه مهو برجال ورفعت ضغطي على ماغيرتها وبنات عمي سالم يطيعون كلامي ومايعاندوني
عمي محمد:انت ولدي وبحسبة اخوهم اللي تشوفها تغلط لايردك شي
قمت واستاذنت من عمي وركبت سيارتي وكانت الساعه 11 رحت لروضه رهوفه
وكانت واقفه برى خذيت لها من البقاله سنكيرز وعصير وشبس اول ماشافتني جتني تركض وباستني بخدي:عمو ياسر بروح معك لبيتنا
:اي بيت
رهوفه:بيت امي منيره
:يابعد عمر عمك خلاص حبيبتي قولي لماما ياسر يسلم عليك
((ااااااه يارهوفه المفروض ان انتي بنتي لكن حسبي الله على من كانت السبب))
رجعت للبيت وكانت امي جالسه تمددت ع الكنبه وغطيت عيوني بذراعي
امي: ياسر كليت شي
:لا والله ولالي نفس
جابت لي امي فطور :ياااااااااسر
:لبيه
امي: تكفى ياسر لاتحرق قلبي اكل انا وبنتك محتاجينك
ناظرت غزاله اللي كانت تلعب بعراسيها وبراءه الدنيا فيها لو لا سمح الله صار فيني شي وين بتروح اكيييييييييد بتاخذها امها وبتعيشها مع زوج ام ماينعرف اذا حن عليها ولا لأ؟!!
اذا العم وهو اخو الابو يظلم شلون بزوج الام؟!!!!!!!!!!
امي هزتني:ياسر وش سرحان فيه
تنهدت بحزن:ولاشي
كليت بهدوء مر اسبوع علي كئيب انشغلت ولا مريت ع عيال عمي وانشالله من بكرى بيبدون دراسه وحتى احمد معاد شفته لامها ولا غزلان ارد عليهم حسيت اني صرت في عالم مافيه الا انا والحزن اشوف بنت بدريه عند الروضه وحس اني اشوف بدريه وبدريه ماصار تجينا شكلها زعلانه مني وانا ماسويت لها شي سوى اني قلت لها نايف سبب دموعك هل هو نايف؟!!،،، ماراح اقول خير تعمل شر تلقى
لاني اسوي خير بنفسي والسبب اني ماحب اشوف دموع الغاليه بدريه
حتى احمد قاطعته وتركي والشباب كلهم ارسل لي مسج احمد انه يبغاني ضروري وانا قلت بجيك بعد صلاة العشاء صليت في مسجد قريب من بيت بدريه الساعه 8 و6 دقيقه و58 ثانيه بعد ماطلعت من المسجد القريب من بيتها وقفت بسيارتي عشان اشوفها يمكن تطلع او اشوف زوجها طالع او بنتها او حتى شغالتها فقدتهاااا بالحيل ناظرت بيتها يمكن اشوفها او اشوف من شافها صحيح ان المده اسبوع لكن في الحقيقه 6 سنوات لا اقصد 6 دهور لا اقصد عمر الدنيا مده طووووويله اشتقت لها يمكن لاني عارف انها زعلانه علي غمضت عيوني ..........

وسرقتني الذكريات من 6 سنوات ابتداء من زواج بدريه لوفاة عمي لحد ما ضرب علي واحد نافذة السياره
نزلت النافذه:خير اخوي امر
الرجال: لك ساعتين وانت في مكانك ماتحركت
:ساعتين!!!!
الرجال:عسى ماشر ياخوي فيك شي
:لا الحمد الله بخير

وللمره الاولى تسرقني الذكريات يمكن لاني افتقد بدريه ويمكن لاني حزين

مشيت بالسياره رحت لبيت احمد دخلت المجلس ولقيته نايم ومتلحف ناديته خفت مايكون احمد فقلت بتردد:احمــــــــد
احمد وخر اللحاف عنه وقف مد ايده سلمت عليه وكان كل ايدينه ووجه بقع حمراء مسكته من اكتافه وهزيته بقهر:وووووووش هذا
احمد نزل راسه وبعيونه عبره:...................
هزيته:من الاجنبيه اللي كانت معك صح
احمد هز راسه بالايجاب:انا خايف انها تكون مريضه بالايدز وعادتني
:ووووووين عيونك ليه ماشفت جسدها ليه ما اشمئزيت منها
احمد:...................
:حسبي الله عليها
سندت ظهري ع الجدار وغمضت عيوني قلبي معاد يقوى الطعنات فقدت عمي وهذا احمد اعز اصحابي في الطريق: حسبي الله عليها
احمد وهو يبكي: انا ضعت يا ياسر
حطيت ايدي ع كتفه:خلك رجال ولا تضعف
احمد: خلاص نهايتي قربت
حطيت ايدي على قلبي:خلاص بروح انا معك لمكه يومين وندعي لربي انه يغفر لك
احمد بحزن :انا انتهيت خلاص
:هذا حنا يا الشباب نكره الزواج والمسؤاليه ونروح ندور للمتعه الحرام وفي النهايه تجي بروسنا اااااااااه ياليتك طاوعتني وتزوجت
احمد:............
:انشالله نهاية الاسبوع بروح معك لمكه وندعي ربي انه يشفيك
احمد:اخاف اعادي هلي
:لا تخليهم يشربون من شي بعدك ولا يغسلون ملابسك وانشالله ربي بيشافيك
ناظرني احمد بنظره منكسره:خايف افحص ويكون من النوع الخطير ويلقون القبض علي وانسجن
:لا بنروح لواحد وبنعطيه فلوس لعل وعسى يستر عليك
احمد:بس لو ستر علي اكيد بعادي الناس
:انت تعرف كيف تحافظ على الناس اللي عندك المهم نقدر نقنع الدكتور انه يستر عليك
احمد: توي راجع من سفره وماعندي فلوس
:انا صاحبك وجيبنا واحد
احمد: ............
استاذنت منه ورحت للبيت اول مادخلت كانت رهوفه في الحديقه هي وغزاله يلعبون وشغالة بدريه معهم فرحت فرحه لاتوصف جتني رهوفه تركض وغزلان وحضنت ركبتي حضنتهن
غزاله بزعل وغيره بنات:اوحي ادا بابا ((روحي هذا بابا)) عمرها قرب 3 سنوات وللحين ماتتكلم زين
رهوفه بعناد:انتي روحي هذا عمو ياسر
:هههههههه حشى حريم رجل,,,((زوجات رجال واحد يعني شرايك))
خلاص رهوفه انتي بنتي وغزاله بنتي شرايكم
رهوفه:لا انا بس غزاله ماحبها
غزاله:انتي وع
رهوفه بصوت عالي :انتي اللي ووووع
:ههههههههههههههههههه وش رايكم تهاوشون ترى انا اموووت بهوشة الصغار
رهوفه:لا ماما تقول لاتضربين غزاله
((فددديت عمرك يابدريه ويلوموني يوم اغليك))
بسته رهوفه بخدها:خلاص بكرى بعطي الجيران غزاله ويصير ماعندنا غزاله
رهوفه وهي في عيونها دموع:لاااااااااا ما ابغى
:هههههههههه خلاص ماراح اعطيها احد
اول مادخلت شفت بدريه حاطه راسها ع صدر امي وهي تبكي ضاق تنفسي ماني قادر اتحمل والله جيت لعندها :يمه بدريه وش فيها
امي:تعبانه
ناظرتها بحنان:سلامتك يابدريه اوديك المستشفى
بدريه قامت من حضن امي وهي تمسح دموعها بحزن وانكسار واشرت برسها بلأ وراحت لغرفتها وامي معها ,,,,
ياحبيبتي يابدريه مالك في هالدنيا حظ لماكنتي طفله انحرمتي حنان امك و ابوك ولما كبرتي انحرمتي الراحه مع الزوج اللي هو المنقذ لك من جدتي وتحكمها اااااااه يابدريه ياليت الزمن يرجع لورى كان تزوجتك ورحنا من هالعالم الظالمه رحنا لعالم مافيه الا انا وانتي وامي عالم مافيه للقسوه مكان احس بسكاكين تقطع جوفي ياليتني امووت ولا احس بالاحساس اللي احسه طعنات قلبي كثيره موت عمي ومرض احمد وحزن بدريه وعيال عمي وهمهم وانا محد مفكر فيني ااااااااااه ياموت اخذني وخلني ارتاح...
لالالالاااااااا ارتاح انا وغيري يتعذب امي وبدريه وعيال عمي واحمد وبنتي غزاله وش بيصير لهم من ربي خلقني وانا افكر بالغير ونفسي اخر اهتماماتي
امي:يااااسر
:هاه!!.... نعم!!.... امري!!
امي وهي تحط ايدها ع صدري:ياسر تبكي
حطيت ايدي على عيوني واذا بدموعي ع خدي:لا يمه
في احيان يحتاج الرجال للدموع لعل وعسى يرتاح
رحت لغرفتي تمددت ع السرير وغمضت عيوني والافكار تودي وتجيب فيني قطع علي حبل افكاري رنين جوالي شفت المتصل واكانت غزلان
رديت بشوق الدنيا:ياهلاااااا وغلاااااا
غزلان بلهفه:شلونك ياقلبي
:ماشفت الراحه ولا ذقتها من رحتي عني
غزلان:بسم الله عليك يالغالي
:مشتااااااق لك
غزلان:بس انت مارديت علي طول الفتره اللي راحت
:ماكنت في حاله تسمح لي ارد على احد وكنت مقاطع الكل
غزلان:...........
:لا تكفين لا تسكتين تكلمي مافيه كلام مثل كلامك يبري جروحي
غزلان بصوت باكيه:البقيه بحياتك
:عمرك الباقي
غزلان:شوف الدنيا كيف صغيره طلعت ولد عم الجوهره
:وامي تعرف امك الله يرحمها
غزلان:صدددق؟!!
:ايه والله انا كنت بقولك بس ماسمحت لي الظروف
غزلان بحزن تنهدت:ياحسرتي على اللي صار فيني... يعني طلعنا معارف
:ايه
غزلان:ياسر انا احبك
:هاه
غزلان: احبك
:حبيبك بموت من الهم
غزلان بسرعه: بسم الله جعل يومي قبل يومك
تنهدت بحزن:خلي الموت للي يبي يموت
غزلان:ومن قالك اني مابي اموت
:.............
غزلان وهي تبكي:زوجوني غصب عني خلاص انا انتهيت
مدري ليه حسيت اني تضايقت زووود:.................
غزلان:انا مابغاه انا ابغاك
:وانا ابغاك
غزلان وهي لسى منهاره:ابغى اتطلق بس ابوي واخواني ماهم راضين يطلقوني
:يعني ملكتي؟!!
غزلان:قبل امس
:من وين تعرفونه
غزلان:معيد بالكليه
:يعني استاذك وكيف عرفك
غزلان:انا شاطره عنده واناقشه في الماده وسال عن اهلي وجاء هو وامه وخطبوني قال انها هي الوحيده اللي تسال عن الامور المهمه واحس انها مكافحه والباقيات همهم بس يخلصون الماده وانا اهم شي عندي افهمها اه ياسر ما بغاه والله مانمت من يومين ولا كليت شي انا انتهيت انتهيت
:تحبيني ياغزلان
غزلان: وللحين تسالني
:صلي الاستخاره وشوفي يمكن هو احسن لك مني
غزلان:...........
:والله ثم والله منتي رخيصه عندي لو ان الدنيا ع كيفي كان انتي اللحين زوجتي بس لازم تعرفين ان ماكل مايتمناه المرء يدركه
غزلان:............
:غزلان يالغاليه والله اني اغليك وانتي تدرين بس اقتنعي يمكن يسعدك اكثر مني
غزلان: وانا احبك
:وانا بعد بس الظروف خلتك تصرين لواحد غيري
غزلان:...............
:غزلان لاتزعلين هذا حظي اذا اغليت شخص وعزيته لازم يتزوج غيري
غزلان:اذا تزوجت اتصل عليك؟
:ترضين زوجك يكلم غيرك؟
غزلان:لا طبعاً
:حتى هو مايرضى تكلمين غيره وحتى انا مرضى ان حبيبتي تكون خاينه
غزلان:..............
:صلي وطمنيني عليك
غزلان:زواجي بصيفيه يعني بعد شهرين
:الله يوفقك
غزلان بحزن:مع السلامه ياحلم عمري الضايع
وقفلت ناظرت السقف وقلبي يتقطع رفعت ايدين وقلت((الله يوفقك ياغزلان مثل ماقد خففتي علي همومي ومثل ماقد ضحيتي عشاني وقد جروحي اللي جرحتك وسامحتيها ونسيتها))
غمضت عيوني ونمت صحيت ع الساعه 3ونص تروشت لعل وعسى تخف ضيقتي لبست ثوبي لاني بروح المسجد بعد نص ساعه ونزلت تحت وماكان فيه احد رحت للثلاجه خذت كاس لبن وطلعت للحديقه وجلست ع الكرسي طلعت باكيت الدخان وخذيت زقاره ليش مستغربين!!!!!
من توفى عمي وانا ادخن احس همومي كثيره يمكن الدخان يخفف عني رميت الزقاره 8 بفمي
بدريه: يااااااسر
التفت لها وكانت سانده ظهرها على الجدار:هاه
بدريه:الله يخليك بسك دخان
ناظرتها بحزن:انا حزين
بدريه جلست ع الكرسي:هذا وانت رجال وتقدر تروح وتترك هالناس اجل انا وش اقول
غمضت عيوني: اروح وين اروح وانا قلبي كله جروح فتحت عيوني وناظرتها بعتب اخلي امي وغزاله لمين عيال عمي مين اخليهم له وانتي اخليك ترجعين للي ظلمتك اااااااااه يابدريه انا تعبان
قامت بدريه وناظراتي تتبعها راحت ورجعت لوحدتي بعد 3 دقايق جت بدريه وبيدها كاس عصير
بدريه:اشرب عصير ليمون انشالله يهدئ اعصابك
ضحكت بسخريه:اعصابي هاديه بس قلبي ماراح يهدى الا اذا توقف نبضه
بدريه:ياااااااااسر لا تعور قلبي
:انتي وش مصحيك
بدريه:مانمت عشان اصحى
:طيب ليش اليوم كنتي تبكين
بدريه:...........
:والله ما اتهور بس خبريني
بدريه وعينها بالطاوله:انا حامل
حسيت انه سهم وصوبته لقلبي حطيت ايدي ع قلبي:..................
سكت وهي ساكته طال السكوت نص ساعه ودموع بدريه اللي سيول ع خدها تمشي بلا توقف ونا اناظرها بحزن ماني قادر اسوي شي اللي اقدر اسويه حسبي الله ونعم الوكيل ع من كانت سبب تعاستك وتعاستي يابدريه جاء صوت الحق منادي لصلاة الفجر قمت وقفت:بدريه وقفي
وقفت بدريه وعينها بالارض رفعت راسها وناظرتي بحزن:عشان اخوك ياسر مابغى اشوف دموعك
بدريه ابتسمت ابتسامه شاحبه:انا بقعد عندكم لحد ما يثبت الحمل اخاف يضربني نايف واسقط
عقدت حواجبي:ماعاش من يمد يده عليك وانا عايش اذا دخل عليك وهو فاقد وعيه اتصلي فيني واخلي عقله يرجع له
بدريه بدلع:يعني ماتبغاني اجلس عندكم
:يعلم الله ماهم خلقه ان افرح ماعندي اذا شفتك وشفت رهف
بدريه: الله لايحرمنا منكم
: بروح اصلي وبرجع ابغى شاي من يدين بدريه
بدريه وهي تاشر ع عيونها:انشالله
:لاتنامين اذا رجعت عندي لك مفجاءه
بدريه:اصلا مافيني نوم
سويت نفسي زعلان:يعني لو فيك نوم كان نمتي وماهمتك مفاجئتي
بدريه:لا مهو كذا
:لا خلاص خلاص ومسكت قلبي اااااااه قلبي جرحتيه
بدريه:هههههههههههههه
فديت هالضحكه قلتها بقلبي:خلاص بصلي وبرجع
بدريه وهي متكتفه:فمان الله
صليت اول ماسلم الامام رجعت للبيت وكانت بدريه جالسه وقدامها صينية فيها شاي وبسكويت وحليب:ليش تعبتي نفسك
بدريه:كلها جاهزه بس الشاي هو اللي صلحته
:الله يخليك لنا
بدريه ابتسمت:هاه ماقلتي لي وش المفاجاءه
:بسم الله خليني افطر اول بعدين اقولك
مدت لي بدريه كوب شاي وفكت البسكويت ومدت لي وحده شربت الشاي واكلت البسكويت وانا احس نفسي اسعد واحد بالدنيا حبيبتي قدامي وتمد لي الاكل بعد
بدريه:ياسر اشرب الحليب
:كل هذا عشان المفاجاءه يالمصلحجيه
بدريه:ههههههه
دخلت امي الصاله وشافتني انا وبدريه صاحين صبحنا عليها وراحت تتوضى تصلي الفجر وقفت وفقالت بدريه:على وييييين
:بجيب المفاجاءه
بدريه ببتسامه:انتظرك
رحت فوق اخذت الهدايا اللي كنت ماخذها لهم وانا مسافر نزلت فقلت وانا على الدرج بدريه غمضي عيونك
بدريه:طييييييييب
مديت لها الكيس اللي فيه هديتها:خلاص افتحي عيونك خذت الكيس اول ماشافت الهديه:وااااااو والله حلوه
:تستاهلينها
بدريه:هذي لي
عقدت حواجبي: وفيه بنت في بيتنا غيرك
بدريه بمتنان: مشكور ياسر
:اما رهوفه وغزاله جبت لهم نفس الملابس لاني ماعرف اختار
بدريه:روووعه والله يجنن ذوقك الله يخليك لنا
طلعت امي فقالت بفضولها المعروووف:وش تشوفون
قلت لها وانا معطيها ظهري:يمه غمضي عيونك بوريك شي
امي:وش بتراويني
:انا مقدر على فضولك يا ام ياسر
فعطيتها الدراعه عجبتها وصارت تدعي لي لما صارت الساعه ست صحت رهوفه ولبستها بدريه وطلعت معها بوصلها للروضه مريت ع بيت عمي طلع سعود والبنات
سعود وهو يركب قدام:صباح الخير
:صباح النور والسرور
سعود :وهو يكلم رهوفه:روحي ورى يابنت
رهوفه:لاااااا انت اللي روح
سعود:خلها تروح ورى ضاق علي المكان
ناظرت رهوفه:تروحين ورى
رهوفه:لاااااااااااا ما بغى
:خلاص حبيبتي لا تعصبين تعالي هنا وكان فيه مكان بين السايق واللي بجنب السايق جلستها فيه ركبت الدانه وبعدها ع طول الجوهره فقالت الدانه اول ماشافت رهوفه:ياحلاتهاااا ياسر تهبل من هذي
رهوفه ناظرتهم بغرور:انا بنته
قلت بقلبي بلاك ماتدرين انه كان يمكن تصيرين بنتي استغفر الله حكم ربي وانا راضي به
الدانه:غزاله مامداها تكبر في يوم وليله
:هههههههههههه ناظرت رهوفه حبيبتي قولي لهم من انتي
رهوفه:انت تقول انا بنتك
حضنتها وقلت للدانه:هذي بنت بدريه ومثل بنتي
الدانه:ايه اذكرها مره جت لنا
رهوفه تناظر سعود بقهر:هذا مين
:هذ اخوي
رهوفه:لا انا ماحبه
:وش اسوي يعني اعطيه جيرانا نفس غزاله
سكتت شوي وناظرتني ببراءه:لا خليه يلعب معي انا وتامر صاحبي في الروضه
:لا هذا كبير لازم يلعب مع الاولاد اللي كبره وانتي العبي مع البنات
رهوفه:امي تقول لا تلعبين مع تامر العبي مع مرام
:وليش ماتلعبين مع مرام
رهوفه:لانها تضربني
:وتامر
رهوفه:تامر يلعب معي ومايضربني
:خلاص العبي معه
سكت وناظرت بالمرايه عيون الجوهره الحزينه اللي تناظر من النافذه شكلها سرحانه وحزينه بنفس الوقت وقفنا عند الاشاره فقالت رهوفه:عمو ياسر انا جوعانه
ضربت جبهتي:نسيت ان بدريه قالت عطها ساندوتش
خذيت شنطة رهوفه وطلعت لها الساندوتش والعصير وصارت تاكل مديت الساندوتش الثانيه لسعود وبلموت خذها مني
وصلنا الدانه مدرستها وقبل تنزل:شكرا ياسر
ابتسمت لها:الله يوفقك
قفلت الباب وصلنا لمدرسه سعود وقبل ينزل:سعود معك مصروف
سعود:لا عمي يقول ماعندي فلوس
الجوهره:لا تصدقه ياسر معه فلوس بس يبغى زود
سعود برتباك:ايه صح امزح عليك
: سعود تكذب علي؟!!
سعود ناظر الجوهره وبعدها:لا ماراح اكذب ع ياسر انا قلت لعمي بس عمي قال ماعندي فلوس
عطيته مصروفه فقال وهو يضحك:الباقي برجعه لك
سكر الباب وناظرت الجوهره: اللحين الدانه نزلت بدون مصروف
الجوهره طنشت وماردت علي وتمت تناظر من النافذه وحزن ادنيا بعيونها
رجعت لمدرسة الدانه وقفت فقلت للجوهره: انزلي عطيها مصروفها
الجوهره:ماتبغى والله يخليك مابغى اتاخر ع الكليه
:انزلي عطيها مصروفها
الجوهره:عندي مكافاتي باخذ منها ومن بكرى بعطيهم مصروفهم
عقدت حواجبي:هذا وانا موصيك انك تقولين لي لانقصك شي
الجوهره انهارت تبكي:وش تبيني اقولك اني خلاص ماحب الحياه اللي ابوي مهو فيها ولا بيت احس نفسي غريبه وقالت بصوت متقطع ياسر انا تعبانه
:عمي قصر بشي عليكم
الجوهره تمت تبكي ناظرت رهوفه اللي نايمه:طيب خلاص لاتبكين وانشالله بتهون
نزلت ورحت لحارس المدرسه وعطيته اسم الدانه والفلوس وقلت انها من عند الجوهره ورجعت وصلت لروضه رهوفه صحيتها وباستني ونزلت لروضه
ناظرت الجوهره اللي حاظنه رجولها وهي تبكي
:اوديك للكليه
الجوهره:لا
: طيب هدئ باقي ع الدوام نص ساعه
نزلت عند بقاله خذيت لها مويه وعطيتها ياها خذتها بتردد حطيت راسي ع الدركسون وغمضت عيوني هذا هم جديد طلع لي ماهم مرتاحين في بيت عمي
الجوهره بنبرة حزن:خلاص ياسر وصلني للكليه
مشيت بالسياره لحد وصلت باب الكليه وكانت غزلان توها تنزل من سيارتهم وقفت تلاقت عيونا للحظات نزلت الجوهره وقالت اذا خذيت العيال انا بعد بكون خلصت محاضرتي
قلت بالم:بالتوفيق
غزلان حضنت دفاترها وراحت وانا عيوني تتبعها لحد مادخلت من بوابه الكليه رجعت لبيت لبست ملابس الدوام دوامت واستاذنت ساعه من الدوام مريت رهوفه وخذيتها ركبت قدام ولا يمكن تتخلى عن مكانها ومريت ع سعود وطبعاً جلست رهوفه بجنبي وسعود بجنبها
سعود وهو يمد لي الباقي من مصروفه:شكراً
:لا خلها معك وفيه احد يشكر اخوه
ابتسم سعود ومريت ع الدانه اول ماركبت:مشكووور ياسر ماقصرت
ناظرتها وانا معقد حواجبي:ع ايش تشكريني
الدانه:ع المصروف
:ومن اللي قالك
الدانه: الجوهره ماعندها فلوس وعمي مستحيل يرسل لي فلوس وهو ماعطاني
:انا اخوك مافيه شي
الدانه تبتسم:قلت للبنات ان هذا ولد عمي مسويه حركه عشان ماعرف
: احم احم اكيد مدحوني
الدانه:اووووووه ماتتصور بس انا قلت لهم بسكم ترا هذا زوج الجوهره مارضى حد يغازله
:ههههههه وخطبتيني بعد
الدانه:وبكرى بجيب مهرك
:خخخخخخخخخخ والله انك حبيبه يا الدانه
الدانه:طالعه على ولد عمي لا لالا اقصد اخوي
ابتسمت لها بحنان وقفنا عند الكليه وركبت الجوهره وهي مكبله بالهموم سلمت وسكتت والدانه ماسكتت والله دخلت قلبي بسرعه هالبنت
وقبل ينزلون سعود:بروح معك
الجوهره بجديه:لا عندك مذاكره
:بعد مايذاكر بمرعليه
الجوهره:لازم يجلس عندنا
دقيت لها تحيه عسكريه:تحت امرك يابنت عمي
نزلت الجوهره بدون ماتعلق رحت انا ورهوفه للبيت نزلت وخذيت شنطتها اللي تركتها في سيارتي انا ضد ان التعليم يبداء من 6 سنوات لانهم اطفال اللي ينام بالفصل واللي يبكي واللي يصارخ واللي يهاوش المفروض يبداء من 9 سنوات
اذكرا اول مادخلت اولى ابتدائي مادخلت الا وعمي سالم الله يرحمه معي اسبوع وانا مدخل الفصل الا وهو معي

يله ايام وراحت وجات بدالها ايام وبتروح هالايام وبيجي بعدها ايام وبصير انا ذكرى يتذكرها شخص ثاني والشخص الثاني بيتذكرونه اشخاص اخرون وهكذا الدنيا عاشر من تعاشر فانك تاركه وراحل وتبقى السمعه الحسنه والذكرى الجميله

فتحت الباب وعطيتها شنطتها ورجعت للدوام مر اليوم بسرعه ولاني ترقيت واصبحت رئيس قسم صرت اطلع متى ما ابغى وادخل متى ما ابغى مر اليوم بسرعه رجعت ع الساعه 6 دخلت البيت واتصل فيني احمد عشان نروح للدكتور بدلت ووطلعت له وانا طالع كانت بدريه لابسه البدله اللي اشتريتها لها
ابتسمت لها:تقطعينهم بالعافيه
بدريه:قلت خل البسهم اللحين بعدين بتكبر كرشتي ولا اقدر البسها وش رايك حلوه
:انتي احلى من اللبس
ابتسمت بدريه واستاذنت منها وقلت لها لايتعشون الا وانا معهم ركبت سيارتي مريت على احمد وركب ولا سلم مديت ايدي فقال احمد:لا مابغى اعاديك
:سلم يارجال اللي كاتبه ربك بيصير
سلم علي بسرعه اول ماسحب يده البارده من يدي ركزت ع الطريق وانا قلبي يتقطع ع خويي واخو دنياي وقفت عند المستشفى وناظرت احمد توكل ع الله وانا معك ماراح اتخلى عنك حتى لو كان من اخطر انواع المرض
احمد: علاماته طلعت باسبوع اكيد انه خطير
تنهدت كلامه صحيح بس وش نسوي امر الله: خلاص احمد فلها وربك بيحلها
احمد نزل من السياره ونزلت انا معه رحنا لعند دكتوره جلديه اجنبيه طلبنا منها ماتبلغ مهما كانت النتيجه المرض طبعاً مارضت الا بعد مادفينها بكم ريال
حلل احمد الدم وهم الدنيا بعيونه اول ماطلع كان وجهه شاحب حضنته:هونها وتهون
احمد: النتيجه بعد 4 ايام مدري وش بيصبرني
:توكل ع الله
احمد:انا بروح لمكه وبدعي ربي وانت اخذ النتيجه وخبرني فيها
تنهدت بحزن:.........
مشيت واحمد بجنبي نزلته في البيت خذ كل اغراضه وحجز له ع حمله بتروح الساعه 3 كلم امه وخبرها ونزلته بالفندق بعد مادعيت له من قلب
رحت للبيت وكانت الساعه 10
امي: توي بتصل فيك البنات يبكون جوعانين
:تعشو عليكم بالعافيه مالي نفس رحت منهم وانا اسمع بدريه وهي تقول حال ياسر مهو عاجبني وماسمعت رد امي لاني بعدت عنهم دخلت غرفتي غمضت عيوني
وانا احس نفسي تعبااااااان غير عن كل مره مكبل بالهموم وضايقه بي احزاني غمضت عيوني وتمنيت انها تكون النومه الابديه.........

 
 

 

عرض البوم صور دموع يتيمة   رد مع اقتباس
قديم 11-04-08, 05:07 PM   المشاركة رقم: 10
المعلومات
الكاتب:
اللقب:
ليلاس متالق


البيانات
التسجيل: Oct 2007
العضوية: 47688
المشاركات: 1,443
الجنس أنثى
معدل التقييم: دموع يتيمة عضو بحاجه الى تحسين وضعه
نقاط التقييم: 30

االدولة
البلدSaudiArabia
 
مدونتي

 

الإتصالات
الحالة:
دموع يتيمة غير متواجد حالياً
وسائل الإتصال:

كاتب الموضوع : دموع يتيمة المنتدى : القصص المكتمله
افتراضي

 

الجزء التاسع....

ونمت ورحت بسابع نومه ومرت الايام بسرعه اما احمد فراح لمكه والجوهره يوم عن يوم تثبت لي ان فيه شي..؟!!
من سبب خوفها اني اوصلها للكليه قبل سعود تحب ان احنا نوصل الصغار بعدين هي وبدريه عندنا والحمد الله البسمه ماتفارقها وقفت عند باب المختبر وانا مغمض عيوني بعد شوي تطلع نتائج تحليل دم احمد
طلعت الممرضه ورحت وراها وقلبي يخفق في الثانيه خفقتين وصلنا لغرفة دكتوره ثانيه غير الدكتوره الاوله دخلت والممرضه معها الاوراق
الدكتوره لبست النظاره وصارت تناظر وهي معقده حواجبها
صرخت فيها:خلااااااااااص تكفين تكلمي
الدكتوره: أنت احمد
:لا انا اخوه احمد مسافر
الدكتوره:وهو ليه ماجا يشوف تحاليله
:ليه في مرض خطير
الدكتوره:بس المرض اللي فيه مش محتاج تحليل دم ومن الكشف المبدئي نتعرف على المرض اللي فيه!!
:الى هالدرجه خطير
الدكتوره:انت مالك يا ابني هو طفح جلدي صار مرض خطير
حسيت اني تنحت:يعني كيف
:يعني استعمل ملابس او نام بمكان مش نظيف او اكل اكلات بحريه يا ابني هي مسأله بسيطه والعلاج بسيط كمان
:لا وش بسيطه وهو كل وجه ويدينه بقع حمراء وحتى صدره بعد
الدكتوره:لادية حاجات بسيطه اووي وبتشفى مه علاج وهو معاه حساسيه بالدم
:يعني مامعه الايدز
الدكتوره:لا والعياذ بالله
عقدت حواجبي:بس فيه دكتوره هنا قالت لنا انه معه مرض الايدز
دكتوره:لا ديه تبقى مصيبه اذا فيه دكتوره مش عارفه تفرق بين الايدز ولاالطفح الجلدي وبإمكانك تقدم شكوى ضدها عند الاداره
قلت بقلبي ((الحمد الله خيره ربي بغى له الهدايه))((ومستحيل اشكي عليها المهم سلامت احمد)) وقفت :المهم سلامت الغالي
طلعت واتصلت با احمد فرد بصوت خايف: النوع الخطير عارف
:والله مدري وش اقولك
احمد: قول خلاص انا مات احساسي
:هذي نهايه الحرام
احمد تنهد:..............
:خلاص بقول بس قوي قلبك
احمد:مايبي لها تقويه قلب عارف المرض
:ابشرك طلع حساسيه مافيك ايدز ولا غيره
احمد:وش تقول
:اللي سمعته حساسيه بالدم ونت اكيد مسوي شي سبب لك الطفح الجلدي
قفل الخط بوجهي شكل الدنيا مهي سايعته من الفرحه الله يتمم عليه
ضحكت من الفرحه فرحان بالحيل اتصل في البيت وجاء صوت حبيبتي
بدريه:الوو
:هلاااا وغلااا
بدريه:هلا بك وينك تأخرت امي تحاتيك
:أنا جاي اللحين بس تجهزي انتي وأمي والبنات
بدريه:ليه
:بروح معكم لأي مكان ننبسط فيه
بدريه بفرحه: دقايق وأحنا كلنا جاهزين
اول ماوصلت للبيت بدلت ملابس الدوام لاني ع طول طلعت من الدوام ورحت للمستشفى وانا نازل كانو كلهم جاهزين
:بسم الله كل هذي فرحه بالتمشيه
امي:من زمان ماشفناك تبتسم
بدريه:ايه وامي صادقه فقدنا الفرحه
غزاله جتني تمشي وهي بشويش تمشي دبدوبه شلتها:مشاااا الله يغزاله كم وزنك
غزاله:بابا انت حووو((انت حلووو)
:وأنتي احلى وحده
رهوفه وهي تسحب ثوبي:وأنا شيلني مثلها
:هههههههه بدينا بالغيره
نزلت غزاله وشلت رهف لكن غزاله فتحت فمها تبكي
جلست على الكنب بقهر:خلالالالاص دام انكم تغارون من بعض ماني برايح
:توي ادري بمعاناة الرجال اللي متزوج ثنتين
بدريه+امي:ههههههههه
:تدرين يمه اني متزوج ثنتين
امي:عقدت حواجبها وبدريه سألت:ومن هن سعيدات الحظ
اشرت على البنات اللي وحده على جنبي اليمين والثانيه على اليسار:رهف الاولى والثانيه غزاله
بدريه:رهوفه خلاص عموو ياسر تعبان
رهوفه بعنادها اللي اموت:لأ خلى غزاله تروح
وقفت وعطيت رهف أيد والايد الثانيه لغزاله وغمضت عيوني: خلالالاص بمشي وراكم ولاادري وين بتروحون
ركبت السياره ورحت معهم للملاهي وجلست انا وبدريه وامي والبنات يلعبون مع الشغاله اتصل فيني احمد ورديت:هلاااااااا
احمد: الله يبشرك بالولد قول امين
:الله يجيب امه عشان يجي
احمد:خلاص بزوجك مها بنت اختي معندنا بنات بالعايله غيرها
حطيت ايدي على قلبي (مها وين غيبتها) تهربت:سلامتك اكبر بشاره... ليه قفلت الخط
احمد: اغمى علي من الفرحه زين اني كنت بجنب بقاله ولا كان خست بالشقه محد درى عني
:ههههههههههه ياله الحمد الله ع السلامه
احمد: اذا رجعت بخلي امي تخطب لي
:ايه هذا التفكير السليم
احمد: مافيه بنات ولا سكر ولا سفر
:ههههههه الله يجزاي الحساسيه الف خير
احمد: ماتعرف الاحساس اللي حسيته طول الايام اللي راحت
: الف مبروك يا احمد
احمد: بخطب بس زواجي انا وياك بيوم واحد
:ان كانها راجعه علي مالي خاطر بالزواج
احمد:بخطبها والزواج بخليه بعد سنه او اكثر ع ما اجمع المهر وابني شقه ومنها الى سنتين بتكون غيرت رايك
:ع قولتك من يدري عن الدنيا اهم شي سلامتك يالغالي
احمد: الله يسلمك
:في امان الله
احمد: وانت بحفظ الله
رجعت للطاوله وجلست: احمد يسلم عليكم
امي : الله يسلمه امه تقول حاله هاليومين مهو عاجبها
:لا بشريها قولي بيرجع مثل اول واحسن انشالله
امي: الله يسمع منك
بدريه: شرايكم نرجع احسن اني تعبانه
ناظرتها بخوف: وش يعورك
بدريه: الآم في ظهري
امي: سلامت عمرك يمه يله ياسر خلنا نرجع
ناديت الشغاله وركبنا وبدريه وامي بالمقعد اللي ورى وانا امشي بطئ خايف عليها
بدريه: ياسر خلاص مافيني شي امشي عادي
امي:سلامتك يا يمه
وقفنا عند البيت امي :ياسر ماراح تنزل
حسيت اني متضااااايق:لا يمه بروح للاستراحه لابغيتو شي اتصلو فيني
امي: ليه ماراح تتعشى معنا
:لا بتعشى مع الشباب
امي: الله يحفظك يمه
اتصلت بتركي:هلاااا ياسر وينك ياخي من عزاء المرحوم وانا اتصل فيك لا ترد ولا تتصل
:هلا تركي والله ظروف انت وينك اللحين
تركي: في البيت
: مشغول
تركي: لا والله
: طيب بمرك وبنروح انا وانت للاستراحه
تركي: طيب بس لانتاخر 12 لازم اكون في البيت المدام ماتحبني اتاخر
:وللحينها مسيطرة عليك
تركي: بنت خالتي وزوجتي وام ولدي او بنتي اللي في الطريق
: واخيرا بيجيك عيال
تركي: 5 سنوات وانا متزوج والله ماضيع صبري
: ليه مابشرتني
تركي: لي اسبوع وانا اتصل بس انت ماترد
:مبروووك انشالله
تركي:انتظرك
:10 دقايق والقاك برى والا بروح واخليك
تركي:سلام
ونقعني 15 دقيقه وركب تركي تركي وهو يتأفف:مابغت ترضى انها تخلني اروح
مشيت بالسياره:هههههههههه ياخي ليه تخليها تتحكم فيك لك حقك ولها حقها
تركي:زوجتي ولازم اطيعها
:خبري هالكلمه تنقال لام والا الابو؟!!!!!!!زوجتي اعطيها حقوقها وحريتي من حقوقي مالها حق التصرف فيها
تركي:لازم اداريها عشان اللي في بطنها
:من عرفتك وهي متحكمه فيك حتى قبل تحمل
تركي:ياخي زوجتي واحبها
:حتى لو تحبها لك حقوقك لا تخليها تاكلها عليك
تركي سكت وناظر من النافذه
"."."." تركي عاش مع زوجة اب تعامل الخدم اللي في بيتهم احسن منه حتى ابوه كان قاسي معه لا حس بحنان الام وحتــى ابوه... كان يطرده من البيت الى ساعات متاخره في الليل من غير كتبه إرضاء لزوجته اللي ماتحب تركي
واذا سالناه:ليش تتأخر ماترجع للبيت
يقول: ابغى اجلس معكم؟!!!
وغير كذا كان يذاكر من كتبي انا واحمد وطول حياته وهو بمشاكل مع زوجة ابوه اللي خلت منه شخص مهزوز الشخصيه
اول ماتخرج من الجامعه توظف وطلع بشقه وتزوج بنت خالته وحتى لما تزوج سلم لزوجته كل مفتاح حياته... وصار يكره شي اسمه **مشاكل** ومتوقع انه اذا مشى تحت اوامر زوجته بيبتعد عن المشاكل واول سنتين كانت زوجته مطينه عيشته لاتروح..!! لاتجي..!! وديني...!! يعني **اعطى ولاية نفسه لزوجه متسلطه**
لحد ما حللو عرف ان سبب تاخر الحمل منها ولأن تركي يحبها ماقال لها...؟!!
وهي لما راحت المستشفى عرفت التحاليل قالت بدهاء ان مافيه سبب لتأخر الحمل...؟!!!!!وان الحمل من الله
تركي احترم السبب اللي ماخلاها تقول له انها سبب تاخر الانجاب طمنها وقال انه عادي عنده اهم شي يعيش براحه نفسيه وهي عاملته مثل الامير عشان مايتزوج عليها او يمكن عشان انها حاسه بالذنب انها خبت عليه كانت تروح للمستشفى تعاالج وكم مره يشوفها وهي تروح مع امها للمستشفى وماقال لها عشان مايجرح شعورها حنون ياتركي وشكلها بعد ماتاكدت انها خلاص حملت وإنها حست انها تقدر تملكك رجعت لمشاكلها وعوار راسها *.*.*.*
التفت له:تركي
تركي:سم
:رجعت زوجتك للمشاكلها
تركي تنهد: اكثر من اول
: طيب شرايك اروح انا وانت لمقهى لو نروح لاستراحه ماراح تاخذ راحتك بكلام
تركي:ياليت والله اني احس نفسي مخنوق
وقفنا عند مقهى كنا نروح له ايام ماكنا اعزوبيه تركي: ياحبي لهالمقهى
جلست انا وياه وطلبنا معسل:هاه يتركي ماقلت لي وش فيك
تركي: تبغاني الليل والنهار في وجهها زي ماكنا اول سنتين زواجنا
:يمكن اثار الوحام ترى طلقيتي لما حملت بغزاله ماكانت تحب تشوف رقعه وجهي لكن طلعت انت العكس
تركي:والله اني متاذي معها مدري وش اسوي حتى العشاء ماتعشيني وتطلب أكل من مطعم بأخر الرياض وطلبات ماني قادر عليها واذا رجعت من العمل تعبان تقول لاتنام أنت تنام وأنا اجلس لحالي
:طيب اللي سمعته منك انها دافوره وخريجه رياضيات
تركي:ماتحب التدريس ولاتحب قومة الصبح
: خالتك عندها خبر باللي تسويه بنتها
تركي: خالتي مهو عاجبها اللي بنتها تسويه ابد
سكتت شوي: عندي لك راي كانك بتسويه ولا خلني اسكت احسن ولاتعب نفسي واتكلم
تركي:باذن الله ان قدرت بسويه
:اتفق مع خالتك انك تخليها عندها كم يوم
تركي: ياخي انا احبها ماحب يوووم الخميس اللي تنام في بيت اهلها فيه
:كلها كم يوم عشان تعيش بسعاده اثبت لها ان العيال مهم اللي يربطونك بها
تركي:ايه والله اني احبها مهو عشان العيال
:اجل اخذها مني
تركي:اخليها مقدر والله
:خلهابس كم يوم وفي هالكم يوم تخلي خالتك تبين لها انك بتتزوج عليها عشان تحس انها بتفقدك وللابد واراهنك اذا ماصارت لك الزوجه اللي تتمناها
تركي:ظنك
:مهو بظني الا متاكد بس اذا رجعت البيت اللحين وسببت لك مشكله قولها انا مليت المشاكل جمعي اغراضك وتركها في بيت اهلها واتفق مع خالتك اللحين عشان ماتزعل منك اذا جت لها بنتها با اغراضها
تركي:بشتاق لها
: اقول ياروميو زمانك كلها كم يوم وترجع لك احسن من اول
تركي تنهد: شورك وهداية الله
تقهويت معه وطلعت معه ورحنا لمطعم تعشينا وبعدها للاستراحه سهرت معهم وطلعنا وصلت تركي بيته ورحت انا لبيتنا
دخلت البيت كانت الساعه 1 لقيت امي وبدريه صاحين غريبه العاده امي نايمه ومن فتره بعد:خير يمه عسى ماشر
امي:ماشر بس بدريه ماجاء لها نوم وجلست معها
:خلاص انا موجود بجلس معها وانتي نامي
بدريه:مشكور ياخوي الله لايحرمني منكم
ابتسمت لها: بروح ابدل وبنزل
رحت بدلت ونزلت تحت مالقيت احد في الصاله طلعت بدريه من غرفة امي :خلاص ياسر نعسانه بنام
ناظرتها بحنان:نوم العوافي
رحت لغرفتي ونمت وصحيت اليوم الثاني الساعه 10 لبست ونزلت تحت فطرت جلس اشوف التلفزيون وصليت الظهر وتوجهت لبيت عمي اول مادخلت المجلس كان سعود ينظفه اول ماشافني جاني وقف بفرحه:يااااااسر
حضنته:اشتقت لك وجيت اشوفك
:ليه تنظف المجلس
سعود: عمي قالي اني انظفه
:وليه ماعندهم خادمه
سعود:لاا ماعندهم وبعدين حتى الجوهره تنظف البيت وتسوي الغداء
عقدت حواجبي:أنـــــــــــت ليه تنظف المجلس
عمي:يقول نظفه اذا شفته وسخ
:والجوهره والدانه بعد خدم
سعود: لا الدانه قالت ما انظف انا ماني خادمه
:والجوهره ليه ماقالت كذا
سعود:لان عمي ضربها عشان صارخت ع سديم
:ضربهاااااااا
سعود:حتى انا يضربني عشان اريج بنته
:والدانه
سعود: لا الدانه تقفل ع نفسها والجوهره تعطيها اكلها من النافذه
: وليه ماقلت لي
سعود: الجوهره تقول ان قلت لياسر زعلت عليك
دخل عمي وقفت اول ماشافني قال بنفاقه المعروف:ياسر يامرحبا يامرحبا
سلمت عليه وانا اكتم قهر قلبي طلعت من المجلس متجاهل عمي وهو يناديني ضربت الباب الداخلي بقوووه وفتحت لي اريج صرخت عليها انها تنادي الجوهره والدانه
وعمي واقف عند باب المجلس يناظرني مستغرب هذا عمي اللي كان خايف منه عمي سالم كنك عارف انه هو اللي بيظلم بناتك من بعدك طلعت الجوهره وهي لابسه عبايتها وحاطه ايدها ع قلبها:اخوي سعود فيه شي
مسكتها من ذراعها سحبتها وقفتها عند عمي: صحيح الكلام اللي سمعته ان هذا اللي هو للاسف عمي مشغلكم خدم في بيته
الجوهره:.............
صارخت عليها:تكلمـــــــــــــــــــــــي
عمي: وش هالكلام ياسر
:تضرب سعود ومشغله عندك ومشغل الجوهره خادمه وتضربها والدانه حارمها من الاكل حرام عليك ياعمي ابوهم ماصار له شهر من توفى
عمي: تبغاهم ياكلون ويشربون مجاناً
الجوهره التزمت الصمت وتركت دموعها تعبر عن قهر قلبها
الدانه وهي تجي واري:باع بيتنا وخذ فلوسه وبعدددين حنا ماناكل مجانا ناكل من حلال ابوي
ناظرت عمي مستغرب: صحيح هالكلام اللي سمعته
عمي: مالهم شي عندي
ام سديم مرت عمي: خــــــيـــــــــر ياسر عشان ماعندنا عيال يوقفونك عند حدك جاي بيتنا شاط عمرك ومهو كفايه انك تتحكم في لبس بناتي جاي اللحين تذبح ابوهم
ناظرتها بقهر:ربك مايرضى بالظلم والفلوس تجي وتروح المساله مهي مساله فلوس المسأله مسأله ظلم وأكل مال يتيم
ناظرت بنات عمي:جهزو اغراضكم واغراض سعود معاد لكم قعده في هالبيت
عمي وزوجته دخلو المجلس وقفت في الحديقه وانا اروح واجي مقهووور ومقهووور بموووت من القهر اضرب الارض مره والجدار مرات جاء سعود بنظرات خايف:ياسر لاتعصب
التف له وخبى وجه بيديه حسيت حركته طعنت قلبي جلست على ركبتي وحضنته:اللي يمد يده عليك اكسرها تبغاني انا امد يدي عليك
سعود:عشانك معصب
:وإذا عصبت اضرب سعود
جات الدانه والجوهره وراها ومعهم شنطهم خذييتها منهم وحطيها بالسياره وركبو ومشيت بالسياره لحد ماوصلت لبيتي
اشرت:هذا بيتي ومن اليوم وراح بيتنا كلنا عمي مات وهو يوصيني عليكم
الدانه:الله يخليك لنا
نزلو ودخلنا البيت وكانت امي وبدريه جالسين فقلت: يمه من اليوم وراح عيال عمي بيعشون معنا
امي وقفت مذهوله:الساعه المباركه اللي بيكون عندي وعند بدريه بنات يونسون وحدتنا يامرحبا يمه
:يمه الغرفه اللي بنجب غرفة بدريه عطيها الجوهره والدانه وسعود بينام عندي في غرفة غزاله بشقتي لان غزاله تنام مع معك
سعود: لا بنام بالمجلس عمي يخلني انا بالمجلس
حطيت يدي على راسه:لا خلاص اللحين انت عندي وبتنام معنا
رحت لغرفتي وتمددت بسرير وانا احس نفسي متضايق يمكن لو انا رحت مع عمي للمحكمه كان ضمنت حقهم احساسي بذنب بيذبحني اللحين طلعو من بيت عمي ومالهم حقوق وش اقولك ياعمي سالم اقولك اني ماصنت امانتك واني ضيعت حقوقهم وخليتهم عند واحد في حياتك ماكنت تأمن كيف بمماتك امنت له أنا اااااه
ضرب خفيف ع باب غرفتي خلاني افتح عيوني انفتح الباب الدانه: عادي ادخل
:حياك تعالي
قربت كرسي وجلست عليه قالت وهي تناظر الغرفه:وااااااااو غرفتك تجنن
:هذي ذوق ام غزاله.. بعدين تراي زعلان منك
الدانه وهي ترتبع وتتكلم مثل لاولاد: ليه وش سويت
:ليه ماقلتي لي انكم منتم مرتاحين في بيت عمي
الدانه: من قال ماني مرتاحه بلعكس اكشن ومغامره احس نفسي بمسلسل
جلست وناظرتها بتعجب:وفيه احد يحب المشاكل
الدانه وهي تاشر ع نفسها بفخر:انا تصدق كانت اذا تحرشت فيني اريج افقع وجها
:اريج في خامس وانتي ثالث متوسط حرمه تضربين بزران
الدانه وهي ترجع شعرها القصير لورى: انا بنت لو سمحت ماني حرمه
:هههههههههههههه وش فرق هذي عن هاذي
الدانه: الفرق ان البنت مابعد تزوجت والحرمه تزوجت
:خلاص عندي واحد صاحبي نفسك يحب المغامرات والاكشن بزوجك اياه
الدانه بحياء بنات: بسم الله علي
:وليه وش فيه خويي هاه؟وش فيك زود عليه
الدانه بفخر:انا بنت سالم واخت ياسر كلي ع بعضي زود
:ههههههه غلبتيني
الدانه: كفك
ضربت كفها بقووه:طااااااااااااااااخ
ضربتني ع كتفي:دفش شوف شوف حمرت يدي
:هههههههه فيه احد قد قالك انك مسترجله
الدانه: وهي توووقف يوووووووه كثير يله انزل تحت عشان تتغدى معنا
:تعاااالي
الدانه: امر
:ليه ماقلت لي ان الجوهره ماذيها عمي
الدانه رجعت وجلست ع الكرسي:شوف بقولك واللي فيها فيها يوم الاثنين والثلاثا صح الجوهره ماداومت
: ايه صح وقلتي ان دكتورتها مستاذنه
الدانه: اكذب عليك هي اللي قالت اقول كذا عشانها تقول يكفي ياسر همنا وهم مصروفكم
يابعدهن يابنت عمي تحاتيني:ايه وبعدين
: المهم لما رجعنا من المدرسه يوم الاحد قالت ام سديم لي اني انظف البيت قلت اسفه في ايدي حنا ورحت للغرفه وقفلت علي ولما حاولت الجوهره ترفض كان عقابها انها تاكل ضرب من عمي ولما خبرته سديم اني بعد رفضت اشتغل شغاله عندهم كان بيضربني بس انا مقفله الباب فالجوهره كانت مستحيه تقابل البنات وتحت فمها بقعه بنفسجه من كف عمي
سمعت كلامهم انا احس مرارتي بتفقع:طيب اختك الماسه وينها
:الماسه راحت مع زوجها للشرقيه لانه قطعو اجازته بسبب عجز في عدد الموظفين واليوم بتجي
:يعني ماتتصل فيكم
الدانه: الا تتصل بس الجوهره ماتقولها نفسك
:.............
الدانه: اقولك شي بس قول والله ماتقول لاحد
:ايه ماني قايل
الدانه: سديم عندها جوال محد يعرف عنه وخاشته بدولابها شفتها وهي تخبيه خذيته وحفرت له في الحديقه ودفنته عشان تعرف تاذي اخت مين
:كفك عفيه عليك بنت عمي ماترضى بالغلط
الدانه غمزت: اعجبك بعدين انا شعاري في الحياه ((خلك قوي الناس كلها تخاف منك))
عقدت حواجبي:اول مره اسمع هالشعار
جت امي : الدانه وش تسوين كل هالوقت بغرفة ياسر
: اخت تسولف مع اخوها فيها شي يمه
امي: لا مافيها بس انا قلت لها تناديك تتغدى معنا
الدانه وهي تحط ايدها ع كتف امي:ترى ولدك لي ساعه وانا اقوله ترى خالتي تتنظرنا تحت بس هو يضيع الوقت عشان ما اتغدى لكن انا متغديه متغديه الله لايعوقني بشر
امي +انا:هههههههههههههه
نزلت بشطانتها وهي تركض ع الدرج نزلت مع امي وانا مرتاح شوي سوالفها حلووه وتوخر الضيقه عنك : يمه الجوهره عادي تتغدى معي
امي:تقول مالها نفس في شي وهي في غرفتها نايمه
:بس بدريه ماتتغطى مني عكس الجوهره
امي:الجوهره تكسر الخاطر تحس انها غريبه وهي في غرفتها
:خليه يمه اللي شافته في بيت عمي مهو شويه
امي: وش سوى هاللي مايخاف ربه
:اسالي الدانه وتقولك التفصيل الممل
لقيت الكل متجمع ع السفره وبدريه معهم وسعود وغزاله ورهوفه جلست وجلست امي بجنبي تغدينا ومن احلى مايكون الغداء بوجود الدانه بعد الغداء
الدانه: بدريه تدرين ان بنتك يبغى لها قص لسان
بدريه: من زمان
رهوفه وهي تسند ع كتفي: انتي عمو ياسر بيقص لسانك
الدانه: اذا راح عمو ياسر باخذ المقص وبقص لسانك
رهووفه:لاااااااااااا ما حبك
الدانه:وش رايك يابدريه نعطيها الجيران عشانها ماذيتك بالمشاكل
رهوفه وهي عاقده حواجبها: ماما قولي لا
بدريه:ههههههههههههه
ناظرت رهوفه: وش رايك اعطيك الجيران ولا سعود ولا بنتي غزاله
رهوفه:لا هذذذذذي ما ابغاها وهي تاشر ع الدانه
الدانه وهي تسوي نفسها حزينه وتبكي خلاص بروح مع السلامه نقزت رهوفه من الكنبه وراحت لها ومسكت يدها: خلاص عموو ياسر ابغاها
:فديت الطيوبه انا
خذتها رهوووفه وحضنتها :عادي بدريه اخذها معي لعند الجوهره
بدريه: عادي حبيبتي...... راحت الدانه تركض وهي شايله رهوفه
:بدريه وش رايك في الدانه
بدريه: حبوبه وتدخل القلب بسرعه
:صح تشبهني
بدريه تسوي نفسها تفكر: لا بصراحه بدون زعل
: ايه
بدريه: اكيد
:ايييييييه
بدريه: مافيه مثل ياسر وبنت عمه
:هههههههه ع بالي بتجبين شي مفيد بس اجابه دبلوماسيه
بدريه: اصلا كانو بيعطوني جواز دبلوماسي بس انا قلت والله ماتعطوني انا بنت خالة ياسر وتعطوني اقلبو وجيهكم
:ههههههههههههه انتقلت العدوى من الدانه
بدريه:ماعندي مناعه ع طول عادتني
: بدريه بقولك شي قبل اقوله لامي وباخذ رايك فيه
بدريه:وش هو
: عيال عمي نفسيتهم تحت الصفر ترى حتى الدانه اللي تضحك وتفرفش هي تضحك من ورى قلبها فانا قلت نروح الشرقيه كم يوم ناخذ لنا شاليه ترى شوف البحر تبري الجروح
بدريه:والله ممتاز واكيد امي بتوافق ع طول
:خلني بروح اقولها
بدريه: ياسر
:سمي
بدريه:انت اطيب واحد بالعالم
ابتسمت: شهاده اعتز فيها
ورحت لامي وانا مار ع غرفة الجوهره سمعتها تقول: ليش فرحانه بزياده اليوم بتحملونا وبكرى بيطردونا اااااااه يابوي تركتنا في دنيا ماترحم
طقيت الباب وفتحته فتحه بسيطه عشان يسمعوني وقلت: افا عليك الجوهره مهو با انا اللي يطرد عيال عمه وامانه عمه
ورحت لامي وقلت لها وافقت ع طول وصارت تدعي لي اني رحمت هاليتامى وقررت ان بعد ساعه بنمشي وقلت لامي تقول للجوهره وتقنعها لانها هي الوحيده اللي عنيده وحساسه وقلت لبدريه فرحت فرحه لاتوصف وجهزت نفسها بسرعه وجهزت غزاله ورهوفه والدانه فرحت وسعود بقت الجوهره لكن انا معرف وش ردت فعلها بس المهم ان كلهم ركبو ومشينا للدمام
وبدريه والدانه يسولفون وامي كعاتها اذا ركبت السياره نايمه
:بدريــه
بدريه:هلا
:تدرين ان الدانه ولد وتتهاوش مع البنات
بدريه:يؤ تكفين لاتهاوشيني ترى انا خوافه صح ياسر
:بدريه بنت عشان كذا تخاف لاكن انتي ولد
الدانه: توك اليوم تقول عني حرمه يوم افقع وجه اريج
: اسلوبك اسلووووب ولد
:الجوهره تقول انا سحليه وافتخر ولو تسماح انتحر وبقول قولتها
:يؤيؤيؤ يالجوهره ياكرهك لمعشر التماسيح بتنتحرين مره وحده
الجوهره التزمت الصمت وماعلقت
مرت الاربع ساعات بسرعه
وقفت عند مكتب لتاجير الشاليهات واجرته ثلاث ايام
نزلنا وزعنا الغرف وكانت كلها بجنب بعض لكن للاسف غرفتي مافيها ليت وقلت يمكن اذا رجعت تصير كويسه رهوفه وهي تأشر على البحر:الله موووويه حلوووه
خذيت لنا قارب وركبنا فيه الكل كان يضحك ومبسوط الا الجوهره كانت واقف في بداية القارب وهي حاطه ايدها ع خدها وتناظر البحر هل هو شوق لبوها او هو خوف من الايام الجايه اتوقع السبب محصور بين السبب اذا ماكنا السببين جميع بدريه الحنونه راحت وقفت بجنبها الفضول ذبحني فرحت وجلست ورى المتحكم وقادر اسمع صوتهم بوضوح
بدريه: الجوهره ليش ماتجلسين معنا
الجوهره: ماحب احس نفسي عبء ثقيل ع احد
بدريه: لا ماتعرفين ياسر عمره مافكر بهطريقه انا وبنتي عندهم اكثر الايام بلعكس احس انه يفرح اذا شافنا عندهم
الجوهره:انتو شخصين بعدين بنت خالته احنا ثلاثه وماعندنا دخل بعد شهر بتخرج من وين تجيني فلوس اقدر اساعدهم ع مصروفنا,, يوم احنا عند عمي صحيح اني منهانه لكن اعرف اني اكل من حلال ابوي مهو من عنده لكن اللحين كل شي تغير
بدريه: انشالله بتتوظفين بتساعدينه في مصروفكم مع اني متاكده ان ياسر مايفكر بهالطريقه
الجوهره: ياسر الكل يدري اني يحبك فمستحل انه يستكثر عليكم شي
بدريه تنهدت:هذاك اول
الجوهره:ليه وش تغير
بدريه:انا تزوجت وياسر اخوي وبس وهو قالها بلسانه اني مثل اخته معناها ان أي مشاعر ثانيه كانت بقلبه ماتت او بالاصح تغيرت
الجوهره بلهفه: والله
بدريه: والله يعني متحملنا عشانا كلنا لنا غلاه بقلبي حتى لوتفاوتت درجات الحب هذي بعدين تراه يقول عيال عمي خلو لبيتنا حس وفيه حركه
الجوهره:صدق
:ايه والله خلاص عاد فليها وانسي همومك هو جايبكم هنا عشان تغيرون جو
الدانه:بوووووووووو
حطت الدانه ايدها ع فمي وقالت: لاتصارخ وبتفضحنا
:انتي من وين طلعتي
الدانه: قاعد تتصنت عليهم
حكيت شعري:بعدين انتي وش جابك وراي
الدانه وهي تمسكني من ايدي: تعال تعال خالتي تناديك
رحت وراها : سمي يمه
امي: غزاله جوعانه رجعنا للشاليه خلنا نوكلها
:يمه بنتك هذي مدري ع مين طالعه ماتسكت الا لازم شي في فمها ماتشوفيها يالله يالله تمشي
امي:لا اله الا الله حرام عليك قول مشالله
: مشالله مشالله تف تف
رجعنا بالقارب للشاليه ونزلنا انا جلست ع صخره عند البحر ادخن لان امي ماتحب ادخن قدامها جت الدانه وجلست بجنبي:تعرفت ع وحده هنا
:مداك
الدانه:ايه مداني والله اني حبوبه
: طيب وبعدين
الدانه: تقول روحي معي للمطعم ناكل مع امي واخوي
عقدت حواجبي:وش قلتي لها
الدانه:قلت لها اقلبي وجهك تبغين ياسر يذبحني
:ايه عفيه عليك خلك كذا
الدانه:عطني زقاره
:أيــــــــــــــش
الدانه: مهو كذا يسون الشباب المراهقين اللي يبغون يسون انفسهم انهم رجال
: الشباب مهم البنات
الدانه: امزح معك وش فيك حمقت
:وين الناس
الدانه: الجوهره مع بدريه وخالتي مع غزاله وسعود مع رهف وانا معك
:هههههههه عارف انك معي
الدانه: لازم اقول كل شي بتفصيل
:وش رايك نروح ناكل لنا شي
الدانه:هههههههههههههههههه توك تضحك ع غزاله
:لاتعيب وتبتلي
تعشيت مع الدانه وماتركت وحده بمطعم ماعلقت عليها او ع لبسها وحتى الشنط ماسلمت من تعليقاتها والله انها فله حجاج ع قوله تركي ايييييييه تركي وش صار عليه يله خل انتظر يا يشكرني يا يهزئني
الدانه: ماشبعت
:الا
الدانه: خلاص يله خلينا نروح
رحت توجهت لغرفتي شغلت الليت لكن ما اشتغل اضطريت اني انام بدون لليت حطيت راسي والافكار تودي وتجيب فيني عمي للحين ما اتصل كانه ماصدق انه افتك منهم خذ حلالهم وخلاهم لكن باقيه العماره انشالله اني اقدر استرجعها
ماقدرت استرجع بيت من عمي وهو عند عمي كيف بقدر استرجع عماره من واحد غريب لكن ما اخذ بلحيله يسترد بلحيله اااااااه ياعمي طول عمرك طيب وحبيب ماقد شكى منك جار ولا قد سبيت انسان حتى ابوي لما توفى صرت لي الابو والعم بنفس الوقت لما بغت جدتي تاخذني من امي وقفت بصف امي وقلت بيتم عندها واحنا عيونا عليه لو وش سويت ماراح ارد لو جزء بسيط من افضالك يكفي الوظيفه اللي انا فيها من فضل الله ثم فضلك اسعدتني وريحتني في حياتك وانا اشقيت عيالك اللي وصيتني عليهم وقفت مكتوف الايدين وعمي ياخذ حلالهم حسيت عيوني نزلت دموعها
انفتح الباب فخليت اللحاف ع وجهي,,,, لحظه سمعت حس بنت واحد سكر الباب المفاجاءه
لما انرفع اللحاف و قالت الجوهره دانه وخري خليني انام تعبانه ومالي خاطر اتعشى ودخلت بداخل اللحاف وهي معطتني ظهرها ونامت بجنبي ماوصف لكم الاحساس اللي حسيته احساس خوف ومفاجاءه جميع الاحاسيس تجمعت فيني هذيك اللحظه معرفت وش اقول هل اقول انا ياسر او اسوي نفسي نايم او انبها لكن هي قلبت للجهه الثانيه وصارت مواجهتني وقريبه مني وقالت: دانه انتي مبسوطه هنا
:................
الجوهره: لاتسوين نفسك نايمه تقول خالتي انها توها شايفتك
:................
حطت ايدها ع صدري وهزتني لكن انتبهت من لمسة صدري اني ماني الدانه كانت بتصارخ بس انا بسرعه حطيت ايدي ع فمها
وقلت بهمس:انا ياسر وانتي شكلك غلطتي بالغرفه...................

:::::::::::::::::::::
الجزء العاشر........

الجوهره طاحت من ع السرير سندتها لاني حسيت انها من الصدمه رجولها ماعاد شالتها لما وصلت للباب قلت بحنان:بسم الله عليك
وانا رجعت سكرت الباب رجعت للسرير بغيت انام لكن النوم جافاني ماقدرت انام لمست ايدها البارده صوتها الحزين نبرة صوتها المبحوحه ريحتها الحلوه كلها تعلقت بذهني ورفضت انها تطلع تعوذت من ابليس وقلبت للجهه الثانيه لكن طيفها مافارقني قمت ووقفت وقلت بروح اطلع أي مكان بعيد عنها
فتحت الباب وشفت عبايتها طايحه خذيتها وطقيت الباب ماحد رد طقيته اقوى لكن ماردت قلت اكيد انها طالعه معهم فتحت الباب وناظرت بالغرفه وكانت فيه صوت احد يبكي بصوت مكتوم
فقالت الجوهره وهي تبكي من ورى الباب: مييييييين
:خذي عبايتك مديتها لها وانا معطيها ظهري
الجوهر: شكرا
:ليه الدموع اللحين
الجوهره بصوت مبحوح:انا مكان قصدي والله
: وليه تحلفين انا مصدقك
الجوهره:والله ماكنت ادري
:لو انه صار نفس الموقف في بيتنا كان قلت متعمده لان غرفتي معروفه بعكس هنا
وخوفك والصدمه اللي صابتك ودموعك اللحين تبثت لي 1000,000% انه مكان قصدك
كملت وقلت لها: خلاص اوعديني ماشوف عيونك تبكي ثانيه
الجوهره: انشالله
:طيب انا بروح لهم وانتي بعد 10 دقايق الحقيني
الجوهره: ان شالله
سكرت الباب ووقفت عند الباب جاني صوتها الواطي اللي تكلم فيه نفسها:الله يخليك لنا يا ياسر
فتحت الباب وقلت: سمعتك ويخليك لنا يالجوهره
ورحت لهم وكانو جالسين بجنب المراجيح مدت لي امي قهوه تقهويت دقايق الاالجوهره لاحقتني اول ماشافت دانه الجوهره صارت تغني ترحب فيها جلست الجوهره وكانت بدريه واقفه مع البنات بمراجيح
الدانه بدفاشتها: ياسر وش رايك اروح اخرع بدريه
الجوهره: دااااانه بزر انتي؟!!!
قلت بحنان على بدريه: لأ الا بدريه لاتخرعينها ترى بدريه حامل
امي: وش فيكم عليها تمزح عليكم اعرفها
الدانه وهي تلف الشيله على راسها مثل الغتره: ايه خالتي قولي لهم امزح كلوني بسم الله علي منهم
الجوهره متجاهله الدانه: خالتي بدريه حامل
امي: ايه في الشهور الاولى
الجوهره وهي قايمه: انا بقعد مع البنات وخلي بدريه ترتاح
امي: الله يوفقك يابنتي دنيا واخره ناظرتني امي بنظره فهمت مغزاها
فستأذنت ورحت انام لاني من جد تعبان رحت لسريري وحنان الجوهره ماغاب عن بالي نمت واليوم الثاني قضيناه بملاهي وبرجعه كانت الساعه 9 بدريه تعبت علينا لما دخلت البيت كانت سانده راسها ع صدر امي والجوهره والدانه وسعود وانا اناظرها بعيون خايفه بس نظراتي انا غير حبيبتي تعبانه وانا واقف قدامها ماني قادر اسوي شي جلست ع ركبتي بدريه: اوديك المستشفى
بدريه هزت راسها وماتكلمت فقلت: تكفين بدريه خليني اوديك
امي:لا عادي يمه هذا تعب اول الحمل لازم يصير
الجوهره: خالتي خليها ترتاح بغرفتها
بدريه: ايه يمه وديني غرفتي
ودوها لغرفتها وانا دخلت غرفتي وانا متضايق حبي بدريه تتعذب من هالحمل لو يصير لها شي لاسمح الله ماراح اسامح ام نايف
طلعت من غرفتي لاني متضاااايق و النوم ماجاني
وانا طالع مريت ع غرفة الجوهره والدانه كان اسمي هو الحوار بينهم مما خلاني اوقف اسمع اللي تكلمون عنه
الجوهره:انا ماقد شفت بحنانه انسان طيب وحنون مثله انا ماقد شفت
الدانه: الا ابوي
الجوهره: لا ابوي مافيه مثله
الدانه:شفتيه شلون كان خايف ع بدريه
الجوهره: الله يشفيها والله انها طيوبه وحبوبه
الدانه:هذي اللي كنتي تقولين انه يحبها
الجوهره: ايه بنت خالته تذكرين لما كنا صغار لما كان ابوي يجيبه شلون كان يمدحها ويسولف عنها
الدانه:للحين تحبينه
الجوهره:...............
حسيت انه مهو من حقي اسمع اكثر فرجعت لغرفتي ونمت وصحيت الساعه 5ونص تروشت وصليت طلعت وكان كل شي مظلم بصاله رحت للمطبخ صلحت لي قهوه وطلعت برى الشاليه اتمتع بشوفة الشمس وهي تشرق دخلت ايديني بجيب البنطلون وصرت واقف واللي يشوفوني يقول تمثال صح انا تمثال لكن التمثال مايحس وانا كلي احسايس و احزان تنفست الصعداء وطلعت من جيبي باكيت دخان واخذت زقاره ولعتها بكسل ..ياسر التفت لشخص اللي ناداني
: سمي
الجوهره وهي واقفه: نسيت القهوه ع النار
تنهدت:من يومي نساي
الجوهره وهي تمد القهوه:تفضل
:تسلمين غريبه للحين مانمتي
الجوهره:ماعرف انام في المكان الجديد علي انام نوم متقطع
:طيب اذا مافيك نوم اجلسي معي
الجوهره عطتني ظهرها حسيت بخيبة امل بس احيت لامل لما جابت كرسي وقالت: اجلس هنا وانا بروح اخذ الثاني
ابتسمت لها وجلست في الكرسي وناظرتها وهي تاخذ الكرسي الثاني وتجلس بعيد نوعا ما مني
:شخبار بدريه
الجوهره: لا الحمد الله بخير نامت وهي تمام
: الله يبشرك بالخير
الجوهره: تحاتيها
:اختي وغاليه علي اكيد بحاتيها >>مدري ليه قلت اختي يمكن عشان تعرف ان اعامل بدريها هالمعامه موب عشان حبها اللي غرقان فيه
الجوهره: الله يخليك لنا
: الماسه ما اتصلت
الجوهره: الا اتصلت وهي بتجي اليوم
: ترى بكرى بنمشي للرياض ولا نسيتو ان الاختبارات قربت
الجوهره:سعود الاسبوع الجاي اختباراته وانا والدانه بعد اسبوعين
: الله يوفقكم واذا بغيتو مدرسين خصوصين قولو لي
الجوهره: خيرك سابق
:لاتقولين افضال او معروف ترى ايام الثانوي وحتى في الجامعه عمي سالم كان يجيب لي مدرسين وهو اللي يحاسبهم بالله اذا بغيتو ترى هذا كورس التخرج
الجوهره:لا الحمد الله انا دايم انجح بدون مدرسين بس الدانه هي اللي دايم تحتاج مدرسين وماتنجح الا بدف
: والله الدانه هذي عجيبه اذا جلستي معها تتكلم كنها من عمرك واذا سويتي عقلك صغير صار عقلها اصغر والعكس صحيح واذا جيتها متضايق رحت مبسوط
الجوهره:علامة الجوده عندها روق وفلها وربك بيحلها
:تصدقين اقولها وش رايك بدراسه تقول اذا ماتبغاني اتضايق لاتطري الدراسه
الجوهره:ابوي الله يرحمه دايم يقول لها بزوجك قبل الجوهره عشانها كسوله في الدراسه واللي ماتحب الدراسه تبغانا نزوجها
:وش ترد عليه
الجوهره تنهدت وناظرت البحر بحزن:تقول موافقه وبدون مهر اذا كان شايب وحنون مثلك
حسيت ان الجو تكهرب:فقلت الله يرحمه
الجوهره: بروح انام تبغى شي ثاني
:اجلسي معي شوي احس نفسي متضايق
الجوهره:من ايش متضايق عشان بدريه تعبانه
:لا انتي طمنتيني بس احس انكم حاسين انفسكم اغراب وهذا اللي ما ابغاه
الجوهره ناظرت البحر وسكتت:.............
:انتي الوحيده اللي حاسه انك غريبه
الجوهره ناظرتني: لاني الوحيده اللي كبيره وفاهمه سعود مابعد صار عمره 8 والدانه ماصارت 14 وانا الوحيده اللي فاهمه الدنيا وعارفه مهما تحملتنا بيجي يوم وبتطفش
: اطفش من عيال عمي سالم
الجوهره:ماقصد هالكلمه بضبط لكن بكرى بتتزوج وزوجتك ماراح ترضى ببنات اغراب في بيتكم ساعاتها بتشتري راحتك وبترجعنا لبيت عمي
:مابعد عرفتيني يا الجوهره مهو انا اللي ينكر المعروف ويخون الامانه وبعدين من قالك اني لي خاطر بالزواج واذا نويت اتزوج هذيك الساعه خافي وحاتي
الجوهره:معقوله ماتبغى لغزاله اخو ولا اخت
:اكذب عليك اذا قلت مابغى لكن انا خلاص عندي شعار عكس شعار دانه لا للزواج
الجوهره:من متى وهذا شعارك
سكت شوي وقلت:تقريبا من 6 سنوات
الجوهره: بس اللي اعرفه انك من من سنه وشوي مطلق يعني كنت متزوج
:تزوجت وانا مالي خاطر بزواج عشان خاطر امي واخالي
الجوهره: لاتقول مغصوب الرجال ماينغصب
:لا ماني مغصوب بس ماحبيت اكسر خواطرهم
الجوهره ناظرتني وسرحت :الجوووووهره
:في وين سرحتي
الجوهره:انت طيب بالحيل
:الحمد الله من فضل الله
الجوهره:الله لا يحرمنا طيبتك
ابتسمت لها: انا جوعان بالحيل عادتني غزاله
الجوهره: حرام عليك قول مشالله
:مشالله
الجوهره: تبغاني اسوي لك شي
:لا مانبغى نتعبك
الجوهره:لا عادي والله
:لابروح المطعم يمكن ماتعرفين تطبخين
الجوهره: لااا اعرف اطبخ بعدين انا اسوي بيض ع كيفك
:وش دراك ان خاطري في بيض
الجوهره وهي واقفه: يمكن اني جنيــــه
راحت وخطواتها الثابته ومشيتها المتزنه اسرتني طريقه كلامها كل شي فيها يعجبني خجلها كل شي فيها عاجبني
جت الدانه وهي لابسه بجاما وشعرها منكوش اول ماشافتني اشرت بيدها وجتني تركض جلست في الكرسي اللي كانت جالسه عليه الجوهره: صباح الخير
:صباح النور
الدانه: خير وش فيك تناظرني كذا
:ليه منتي لابسه شي
الدانه وهي تاشر ع بجامتها: وهذي وش
:انا اخوك صح بس الناس اللي في الشاليه مهم زين يشوفونك كذا
الدانه: انا مع اخوي اتحدى أي واحد منهم يناظرني
:لا مايصير قومي البسي عبايتك
الدانه: ان شاء الله وتثاوبت
:وانتي ليش مانمتي ماتعودتي ع المكان بعد
الدانه:لا غزاله الشريره نامت معنا ولاخلتني ولا خلت الجوهره تنام اما سعود نومه ثقيل ولاحس فيها وهي ترافس وتصارخ
:وليه مانامت مع امي
الدانه: خالتي تعبانه وبدريه نايمه عندها فقالت الجوهره تنام معها
:ليش ماجبتوها تنام معي
الدانه: الجوهره مبسوطه عليها خلتني انا وسعود ننام ع الارض عشان حضرت الاميره تنام ع السرير
:حاطه راسك براس هالبزر
الدانه: بنتك مهي بزر حرمه اللي يحط راسه براس الحريم هذي حرمه
:ههههههههههههه تنتقمين مني يعني
الدانه: لا والله انا اموت في غزاله بس احب رهوووفه اكثر عشان احرق اعصابها
:الا رهوفه خليها ترى امها تعبانه الله يشفيها
الدانه: بقولك شي بس لاتقول للجوهره
:قولي
الجوهره من ورنا: وش فيها الجوهره
الدانه وهي تحط يدها على فمها: كبسه طاحت علينا
:هههههههههههه
الجوهره وهي تنزل الصينيه ع الطاوله: وش فيها الجوهره
:من ايد ماننعدمها
الجوهره:بالعافيه
:تسلم يدينك
الدانه: خلاص يافاتن حمامه وعماد حمدي
:ههههههه ياخطيره الدانه تشوفين افلام عربيه قديمه
الدانه: بصراحه لا بس اسمعهم بالمسلسلات الخليجيه يقولها لما يشوفون اثنين يتغزلون في بعض يقولون فاتن حمامه وعماد حمدي
الجوهره: قص في لسانك وش يتغزلون يشكرني بس
الدانه وهي تحط ايدها ع فمها: خلاص اسفه ما اعيدها
الجوهره:استاذن بروح انام
:نوم العوافي والله يعطيك العافيه
سكتت وراحت حسيتها تضايقت من كلام الدانه:حرام عليك احرجتيها
الدانه: اتركها عنك خجوله
: حلاة البنت في خجلها
الدانه:لا ولد عمها عادي
: حتى ولد عمها ولا ولد عمها مهو برجال
الدانه:الا رجال وعن الف رجال
: في الدين حرام يشوفها وتحل له يتزوجها لو اخوها مايقدر يتزوجها وبدريه ماتتغطى مني لان احنا عشنا في بيت واحد وصعبه انهم يتغطون مني وانا وهم عشنا تحت سقف واحد ومن قبل تنولد هي وساره وانا معهم
الدانه:بس الجوهره من شوي جالسه معك وانت مؤدب معنا افيها شي لو جلسنا معك
:ما اختلى رجل با أمراه الا والشيطان ثالثهم وانا جالس معها قدام الناس ماجلست معها قدام الناس وغير انها بنت عمي وفي وجهي
الدانه:المهم انها جلست معك
:جالسه بعيد عني ومتغطيه هي حبت تخدمني وشافتني متضايق وجلست معي هذي كل السالفه يعني لازم تحترمين اختك وماتحرجينها قدامي
الدانه وهي تاخذ الخبزه: اكل انت بس بعد بتصير نفس بنت عمك بتعطوني درس في الاخلاق بعد مافطرت مع الدانه
صحيت سعود وركبنا انا وهو والدانه بقيات بحريه سعود معي والدانه بلحالها لكن صارت تصارخ تبغاني اساعدها لانها معرفت تشغلها وبلاشارات عرفت فرجعت وقالت :توووووبه معاد اركب
سعود: ههههههه الخوافه
الدانه: الله ياخذك معد تحركت كنت بموت في البحر
اتصل فيني عيسى زوج الماسه وقلت له رقم الشاليه فجاء وسلمت عليه وراحت الماسه داخل لهم تقهويت انا عيسى وسعود راح يلعب مع عيال اخته من عمره
عيسى:ياسر انت يوم طلعت من غرفه عمي كنت تقول والله لايندم من كنت تقصد
:هاه
عيسى : لاتقول هاه ابغاك تقول الصدق
قلت بخاطري بقوله يمكن يقدر يساعدني: عندك خبر ان عمي خذ حلال عيال عمي
عيسى بغصه: ايه
:حتى الماسه؟!
عيسى:والماسه
:بس انت ولي امرها
عيسى: سلمناه حقها توقعت ان عنده ضمير
:طيب تدري ان عمي كانت عنده عماره
عيسى:عماره؟!!!!
:ايه واحد ينقال له مرزوق خذها منه بلحيه بحيث خلاه يوقع ومن ضمن الاوراق كانت ورقه بيع العماره وهذا اللي كان سبب موت عمي
عيسى: مرزوق ماغيره
:أي مرزوق
عيسى:هذ موظف مع عمي ويشتغل في الشركه وفي الاوانه الاخيره فتح له مكتب عقار فيها وكان كلامه مايريح وياما حذرت عمي منه لكن الله يهديه ماكان يسمع
: المهم اللحين ابغى استرجع حلال هاليتامى
عيسى:والله مدري شلون اقدر استرجعها
:ماخذ بلحيله يسترد بلحيله
عيسى: كيف
:نفس الطريقه اللي سواها في عمي بنسويها فيه انا اعرف واحد يعرف عمامي وهو رجل اعمال وبخليه يسترجعها منه بلحيه
عيسى: متخاف انه ياخذها
:خيره واجد وماظن انها بتهمه هالعماره اذا رجعت للرياض بزوره وبقوله اهم شي انك تعطيني عنوان عقار مرزوق ورقم تلفونه
طلع عيسى بوكه وطلع كرته وعطاني اياه مر اليوم عادي ولما جاء الظهر رجعنا للرياض والساعه 4 وصلنا وكل واحد راح لغرفته يدور الراحه اما انا فتروشت ولبست واتصلت في محمد رجل الاعمال: سلام
محمد: وعليكم السلام
:انا ياسر ال...
محمد: والنعم يامرحبا كيفك وكيف عمامك
:انا بخير وعمي محمد بعد
محمد:وعمك سالم كيف حاله تراه غالي
:عمي محمد عطاك عمره
محمد بصدمه: وش هو
:اللي سمعته
محمد:لا حول ولا قوه الا بالله دنيا ماتدوم لاحد الا وش سبب موته
:سببها طويل ياليت اقدر اشوفك واخبره فيه
محمد:تعال اللحين انا طالع من البيت
: وين اقابلك
محمد: في مقهى (****)
:صار يله فمان الله
محمد: وانت بحفظه
توجهت للمقهى اللي هو فيه سلمت عليه وشرحت له سالفه مرزوق وخدعه لعمي
محمد: شوف انا اومن بحكمه انه مهما بلغ ذكاء الرجل فانه لايستطيع ع دهاء المراء
:يعني شتقصد
محمد: بسال ام عبد العزيز وانشالله بلقا الحل عندها
:وراء كل رجل عظيم امراءه
محمد: في هذي صدقت اول ماتزوجت ام عبد العزيز كنت داشر لاشهاده ولا مال انا بنيت نفسي من الصفر وهي ساعدتني خطوه بخطوه وانشالله اني بسترجع العماره ترى اخو دنيا وغالي عندي
: الله يجزاك عني كل خير
محمد: انا بستدعيه اللحين وبساله عن العمارات اللي عنده ومن مين شراها واذا وصلت لعماره سالم قلت له يخليها مايبيعها لين يحلها ربك
:اخدمك بالافراح
محمد: ولو يا ياسر ياما خدمني سالم جعل مثواه الجنه
استاذنت منه ورحت لا احمد لاني ماشفته من اسبوع اول مادخلت المجلس وكان تركي وعادل اول ماشافني قام وحضني: الحمد الله ع سلامتك
سلمت ع تركي وعادل
احمد: بارك لعادل
:مبروك بس ع وش
عادل: جاني ولد امس
:صحيح مبرووك
عادل:عقبالك
:الله يجيب امه عشان يجي
احمد: انا قول بتزوج وانا بزوجك
: لا انا كذا مرتاح وانت ياتركي شخبارك لانه جالس سرحان
تركي:هاه؟
غمزت:هاه من اللي ماخذ عقلك
تركي: محد انا استاذن وطلع من المجلس استاذنت ولحقته كان عند الباب صوت له:تركـــــــي
تركي من غير نفس:نعم
:الله ينعم عليك وش مضيق صدرك
تركي: ياخي نستني لاعاد اتصلت ولا سالت تقول والله مارجع له
:انا قايل لك خلها كم يوم وتتعدل قد اتفقت مع امها وقلت انك بتمثل عليها انك بتتزوج عليها ولا لسى
تركي:لا ماقلت ولاني قايل انا بروح اترجاها ترجع لي
:كانك تبغى تعيش عمرك في مشاكل ارجع لها
تركي: ابغاها بس مابغى مشاكل
:خلاص قوي قلبك هي حرمه وقلبها ضعيف قوت بعدك وانت ثلاث ايام منت قادر خلك رجال وكلها كم يوم وبتعدل حالك والله ان حالك مهو عاجبني
تركي:...........
:كلم خالتك وقولها اللي انا قلت لك وسافر انت لمكه يومين يعني رايح تخطب واتحداك اذا مارجعت وانصلح حالها
تركي: بسوي نصيحتك ومايندى عن تاليها
:تاليها سعادتك اللي ماذقتها صغير ولا حسيت فيها وانت كبير
تركي: خلاص استاذن
:وين
تركي: بسوي التمثليه ولا نسيت
:ههههههههه لا مانسيت المهم ارجع طيب
تركي: انشالله
جلست مع عادل واحمد ربع ساعه ودخل تركي همس:قلت لها وقفلت بوجها وهذي هي تتصل بس قلبي مايطاوعني مارد
:خلك رجال بس هاليومين
تركي:والله مدري انا اقدر ولا لأ
احمد: وش تتكلمون عنه
:بنسافر لمصر تسافر معنا
احمد:لااااا والله ماسافر
:خخخخخخخخ
تركي: ياسر ارسلت
:وش تقول
تركي: تقول اني مستحيل اتزوج عليها لاني احبها وقريب بتصير ام ولدي او بنتي
:قول والله ان ماتعدلتي لاتزوج عليك والعيال اخر مافكر فيهم
تركي: حرام اجرحها
:اكتب اللي اقوله لك وبس
تركي وهو يكتب مسج:هاه ارسلت لها بس والله اني خايف عليها
:ماراح يصير لها الا العافيه
رجعت اسولف مع احمد وعادل لحد ماقال تركي: تقول لاتتزوج والله لاتغير
:هههههه ههههههههه ههههههههه هههههههه قايل لك
تركي حبني ع خشمي: والله ان لك هديه ان تعدلت
:رجعها وجربها وعندي لك راي بعد روح انت وياها يومين مكه وقول لها خلنا نبدى حياه جديده من اطهر اماكن الارض مافيها مشاكل والله يهنيك
قام تركي واستاذن وراح ولحقه عادل بيروح للمستشفى يطلع زوجته وبقى المجلس انا واحمد:هاه بشرني عنك عساك مبسوط
احمد: ماتتصور وقلت لامي تكلم خالي عن بنته
:الله يوفقك
احمد: بنت اختي انخطبت
:مها
احمد: ايه ولد عمها وهي واقفت لانها ماتحب الدراسه وامها تقول قعدتها في البيت مالها لزمه وتخوفها عليها
: وانت شرايك
احمد: مها صغيره ع الزواج
:انا اقول خلها تروح في نصيبها والله يوفقها
احمد:انشالله الملكه والزواج في الصيف
مدري ليه احس نفسي تضايقت اخاف انها رضت بهالزواجه عشان تنساني او عشان تنتقم مني وتثبت لي انها بتزوج اذا انا ماتزوجتها احمد: وين وصلت
:ماني بعيد
احمد:اشوف سعود ولد عمك عند بابكم
:ايه خلاص سكنو معنا
احمد: ليه تزوجت منهم
:لا بس انا ولد عمهم وهم مارتاحو هناك بعدين عمي موصيني عليهم قبل يموت
احمد:بس مهي بعدله ان هم يسكنون معكم بدون صفه رسميه لو انه بيت عمهم كان صح لكن بيت ولد عمهم وعزوبي ماعنده زوجه والله مايصير
رن جوالي وكان خال سعود:من قبل امس وخالهم يتصل بس انا مارد عليه
احمد: رد عليه شوف وش يبغى
رديت علي خالهم: هلا
ابو عبد الله:هلا ياسر كيف حالك
:الحمد الله بخير
ابو عبد الله: انا عند بيتكم انت وينك
:انا عند جارنا وجاي لك اللحين
قفلت منه وقفت استاذنت ورحت له وانا طالع كان واقف ومعه ولده الكبير من عمري تقريباً دخلت المجلس وقفت عشان اظيفهم لكن قال خالهم:وانت داخل قول لعيال اختي يجهزون اغراضهم
:وين يروحون
عبدالله: بيرحون معنا
:وليش
ابو عبدالله:والله ياولدي الناس كلت وجهنا الكل يتكلم عنا ومافيه صفه رسميه عشان يجلسون عندكم وانت عزوبي
اشرت ع عبدالله: وهذا واخوه ماهم عزوبيه..؟!! اذا جلسو عندكم اسف عيال عمي مالهم طلعه من بيتنا وع حسب علمي ان الخال خلي والعم ولي
عبد الله : احترم نفسك
:انت وابوك اللي احترمو نفسكم
لما سمع سعود اصواتنا بدت تعلى راح ينادي خواته دخلت الدانه:خير خالي
عبدالله بصوت عالي: جهزي نفسك انتي واختك
:لاتعلي صوتك وانت في بيتي ولا تراك بتندم طول عمرك انك فتحت فمك ببيتي
اخذ خالهم عبدالله وطلعه برى وجت الدانه بجنبي والجوهره و سعود
الجوهره سلمت ع خالها فقال لها: جهزو انفسكم بتروحون معي
الدانه:خالي اسفه ماراح نروح معك وينك لما شغلنا عمي خدم في بيته
الجوهره: وينك لما ظلمنا عمي اذا ع الناس خلهم يتكلمون ماراح نروح معك
الدانه: هذا اللي مهي عاجبتكم ولا عاجبه الناس قعدتنا في بيته مارضى ان احنا ننظلم
الجوهره:اسبوعين مرت ع وفاة ابوي وينك ياخالي ليش ماسالت ولا بس عشان تسكتون الناس ومهي هامتكم مصلحتنا
طلع خالهم من المجلس وهو في قمة انفعاله ناظرت الدانه: انا قايل انك طالعه علي بس محد مصدقني
الجوهره: انا مصدقتك
: انشالله اكون عند حسن ظنكم
الدانه:يسور
: قلنا طالعه علي مهو تقللين من اسمي
الدانه وهي تغمز بعينها: ميانه
: المهم وش تبغين
الدانه: الاختبارات قربت وانا ابغى مدرسة رياضيات
:طيب تعرفين مدرسه معينه
الجوهره: الدااااانه
الدانه: خلاص هو قال انه اخوي والاخو يتحمل اخته مهوب صح
:الا صح هاه ماقلتي تعرفين مدرسه
الدانه:ايه اعرف بس ماتشرح كويس
:انا اعرف واحد بروح انا معك له وش رايك
الدانه بغرور:لا والله وش قالو لك وين احنا فيه يدرسني رجال حلوه هذي
:ههههههههه انا قلت رجال انا قلت اعرف واحد الواحد هذا زوجته خريجة تخصص رياضيات
الدانه:اها ع بالي يدرسني رجال
عقدت حواجبي:تهقينها مني
الدانه:طبعاًلا
: خلاص ان حصل بكرى بروح معك لها شرايك
راحو داخل فا اتصلت بتركي لان زوجته هي اللي خريجه رياضيات: وينك
تركي:راجع انا والمدام البيت
:ههههههه واخيرا
تركي بجديه:هاه بغيت شي
:انا قلت سوي نفسك عصبي عليها مهو علي انا
تركي:ههههههههههههه هههههههههه هههههههه
: المهم قول لزوجتك بنت عمي تبغى منها شوية دروس تقويه اذا تقدرتعطيها
تركي: طيب
:اسالها دامها جنبك
تركي اسمعه يسالها بطريقه واحد قوي: تقول ايه ماعندها مانع خلها تجيها العصر
: الله يجزاها خير
تركي:ماننسى معروفك
:ماسويت شي والكلام والنصحيه في زمانا هذا ببلاش
تركي: مع السلامه
:مع السلامه
مر اليوم عادي اتصلت بعمي فمارد علي عرفت انه زعلان مني مصيره يرضى ومرت لاسابيع انتهت الجوهره من اختباراتها من اسبوع اما سعود فنجح الحمد الله وبدريه الحمد الله خفت الالام اللي تحس فيها لاني معاد شفتها تتالم بكرى اخر اختبار عند الدانه ورياضيات دخلت راجع من الدوام العصر والدانه تبكي امي عندها
:الدانه تبكي عسى ماشر
امي: خايفه من اختبار الرياضيات
: ليه مافهمتي ع شرح زوجة تركي
الدانه وهي تناظرني بقهر: الا فاهمه بس ليه يخلون الرياضيات اصعب الاختبارات اخر يوم تكون طاقه مافيه
:انتي فاهمه الماده
الدانه: ايه
:طيب ليش خايفه من الاختبار
الدانه: سعود خلص والجوهره وانا الوحيده اللي اذاكر مهو قهر
امي: لا مهو قهر القهر ان كلهم يروحون المدرسه وانتي لا
الدانه: لا ياخالتي ياليتهم يروحون وانا اجلس في البيت
امي: انا كان اخوي يروح المدرسه وبنات عمي وانا ماحب المدرسه لما وصلت ثالث ابتدائي طلعني من المدرسه ويوم كبرت وعرفت قيمه المدرسه ابو ياسر الله يرحمه دخلني محو اميه وتعلمت اقراء واكتب
الدانه: وانا اعرف اقرء واكتب ليه ادرس
:اسمعي يالدانه والله ان ماخليتي عنك هالكلام ترى بزوجك
عقدت حواجبها وناظرتي:عاجبك كلام ولدك
امي: ايه اذا خليتي المدرسه معناها ياناس تعالو اخطبوني
الدانه: بس انا ما حب المدرسه
امي: هانت بكرى اخر اختبار
الدانه وهي تناظرني: ترى ريم زوجة صاحبك تقول لازم اجيها اليوم عشان تراجع معي
امي:الله يجزاها خير بس لاتثقلون عليها روحو لمدرسه غيرها
الدانه: لا بلعكس هي طيبه مررره تقول ان ياسر اعز اصحاب تركي وهي تحب اللي يحبهم زوجها
: والله هي قالت كذا
الدانه: أي والله بعدين ترا هي حلوووه مره
:خلاص لاتمدحين زوجه صاحبي ترى يعصب لادرى انك مدحتيها قدامي
امي: تغديت
:ايه تغديت بالدوام
امي: اليوم اللي مصلحه الغداء الجوهره الله يجزاها خير
الدانه: ترى الجوهره فنانه طبخها حلو
:خلاص خلوها تصلح العشاء
امي:انا اللي بصلحه ولا مليت من طبخي
:لو اكل من اليوم الا بكرى ماراح اشبع اذا كان من طبخك
امي وهي تناظر الدانه:هاه يايمه للحين خايفه
الدانه: لا بس ياليت ياسر توديني لريم عشان تراجع معي
:انتي ذاكرتي
امي: من جات والكتاب بيدها الله يوفقها
:يالله البسي وانا انتظرك بالسياره
الدانه راحت تركض لغرفتهم
: خبله
امي:لا والله الدانه عقلها يوزن بلد
: وين بدريه والجوهره وسعود
امي: سعود عند خالد ولد بنت ام احمد
ع طول جت في بالي مهاااااااا وش صار عليها مدري والله جت الدانه وهي تلبس عبايتها خذت دفاترها وركبت السياره معي وقفت عند باب بيت احمد وكان سعود يلعب في الحديقه مع خالد : وصيت سعود ع خالد وصيت خالد ع سعود
لكن المفاجاءه لماتلاقت عيوني وعيون مها لانها كانت تنادي خالد نزلت راسي بسرعه ورجعت للسياره رحنا لشقة تركي نزلت الدانه وانا قلت لها بفتر بالشوارع لين تتصل فيني اول مانزلت رن جوالي بأسم مها ترددت ارد او لا لكن قررت اني ارد عشان اسلها عن سبب موافقته ع الزواج
:هلا والله
مها: اهلين
: كيف حالك
مها: من احسن مايكون
:مبرووك
مها برتباك:عرفت
:بسالك امانه ليش وافقتي
مها:اول احلف انك تكسر الاشرطه اللي عندك
: قسم بالله ماعندي ولا شريط لك كم شهر وانتي معي ماعرفتي طبعي!!!! المهم ماقلتي ليش وافقتي لايكون تنتقمين مني
مها:شوف ولد عمي هذا انا احبه من زمان بس قالت لي وحده انه يكلمها فحبيت اثبت لنفسي اني اقدر اكلم غيره واقدر احب بدون مايدري فماشفت قدامي الا انت لانك صاحب خالي وسهل جدا ارتبط فيك بزواج وغير كذا عاااااجبني واحبك
:يعني حطيتي راحتي تحت رجولك ودستي عليها ومشيتي ورا انتقامك
مها: والله انا حبيتك بس لما خطبني ولد عمي فرحت فمعناها انه يحبني فرجع حبه اللي في قلبي
:بقولك شي حطيه في بالك الزوجه دايم زوجها يحترمها
مها:يعني شلون؟
:يعني الحبيبه اللي تعرف عليها من مغازل او تلفون او شات او شي ثاني اكثر الشباب مستحيل توصل للاحترام حتى لو حبها لايمكن يحترمها بلعكس بناظرها على انها ماتربت انا اشوف ان اغلب الشباب مهو كلهم هذي نظرتهم
مها:..............
: وانا عارف اخت احمد انها ربتك احسن تربيه ولك معزه بقلبي واحترام واللي سويتيه معي غلطه وباذن الله ماراح تكرر وبتم صفحه مخفيه في كتاب حياتك وذكرى حلوه ولا أنا ذكرى شينه
مها بسرعه:لا والله احلى شي مر علي بحياتي
:الله يسعدك بحياتك الجايه
مها: امين امممم ياسر
:نعم
مها: سامحني
:الله يسامحك ويوفقك
مها:مستحيل انساك
:ولا انا
مها بحزن: مع السلامه
:مع السلامه
حسيت بفرحه وسندت راسي على الكرسي وغمضت عيوني احس براااااحه ماقد حسيت فيها الا اليوم رن جوالي وكانت بدريه
:هلا وغلا
بدريه: ياسر وينك
ناظرت حولي فقلت: واقف عند شقه تركي انتظر الدانه لين تخلص مراجعتها
بدريه:ابغا اقولك شي مهم
: طيب اللحين انا جاي لك
بدريه: لا ابغى اقولك هالموضوع برى البيت
: طيب مثل ماتبغين بس خليني انتظر الدانه ماراح تطول
بدريه: طيب مع السلامه
كلمتني الدانه وقالت انها خلصت وقلت اني واقف تحت ركبت الدانه: مشكووور ياسر فديت قلبك
: على وش
الدانه:عشانك وديتني وانتظرتني
:لا تحت امرك
الدانه: ياحلاة ريم قلبها طيب تقول انا بكرى بكلمك اذا رجعتي من المدرسه اتطمن وش سويتي في الاختبار
:انا ماعرف الا الناس الطيبين
الدانه:زوجها نايم بالصاله فخذتني لغرفة البيبي وتتكلم بهمس خايفه يصحى
قلت بقلبي منت بهين ياتركي صارت حتى نومتك تحسب لها حساب:ها وبعدين
الدانه: قلت لها تزورنا .....عادي
:اكيد عادي تراه بيتك
الدانه: قلت لها ان اختي وبدريه من عمرها وبتنبسط معهم
:شكلك رحتي عشان تسولفين معها
الدانه: لا والله كلها 10 دقايق بس والباقي تراجع معي
: طيب ترانا وصلنا نزلت الدانه مبتسمه واتصلت في بدريه وقلت لها اني عند الباب طلعت بدريه وشغالتها شايله غزاله ورهوفه وراها تمشي بكسل
بدريه: سلام
: نورت سيارتي
بدريه: ياحبك للمجاملات
:بعدين الجيش اللي جايبة معك ليش
بدريه: خلهم ينبسطون معنا
:يعني وين تبغيني ادويهم
بدريه: انا عازمتك ع مطعم بس لازم تكون فيه ملاهي صغار عشان يلعبون
اشرت ع عيوني: تامرين يالغاليه
وقفنا عند المطعم المطلوب راحت شغاله بدريه مع البنات وانا وبدريه جلسنا متقابلين
تمنيت انها قدامي بصفه رسميه وتكون زوجتي وحلالي وحبيبتي
طلبت لي عشى وللبنات وبدريه تسولف عن بنات عمي مهي راضيه تقول وش الموضوع اللي تبغاني فيه فقلت: بدريه الله يخليك وش موضوعك
بدريه:بقولك بس اوعدني ماتزعل ولاتتنرفز
:انشالله
بدريه: اليوم ام نايف جتنا في البيت عشان تشوف رهوفه وتشوف اذا انا مرتاحه عندكم اولا ولما جت الجوهره وعرفناها عليها قالت بشمزاز هذي اللي خلت بيت عمها وسكنت مع الغريب وامي ردت عليها وقالت بيت عمها ولد عمها يعني بيتها
ماهمني في هالموضوع الا ردت فعل الجوهره: والجوهره وش سوت
سوت نفسها ماسمعت وراحت لغرفتها ولما دخلت عليه اقالت لي وهي تبكي: عارفه ان كل الناس تتكلم علي حتى زوجة خالي قالت اني جالسه عشان ياسر يتزوجني ماهم عارفين السبب الاصلي
:وبعدين
بدريه: تقول انها تبغى ترجع لبيت عمها ومهي مشكله الدانه وسعود يعيشون معنا لان الدانه صغيره وسعود ولد والولد حامل عيبه وهي اللي الناس كلتها
:ماعليها من الناس
بدريه: وشلون معليها من الناس وحنا الناس ياسر لو حده عاشت مع ولد عمها بنتكلم عليها لان احنا ماندري انها عاشت حياة قاسيه في بيت عمها الناس ماعليها الا من الظاهر
: يعني تبغيني اخليها ترجع للي ظلمها واكل عليها حقوقها مستحيل
بدريه:صح انك تغليني
:وهذي يبغى لها سؤال
بدريه: واذا طلبتك طلب وش بتقول
:بقول ابشري من عيوني
بدريه:انك تخليني اخطب الجوهره لك

 
 

 

عرض البوم صور دموع يتيمة   رد مع اقتباس
إضافة رد

مواقع النشر (المفضلة)

الكلمات الدلالية (Tags)
الكاتبةصمتي سبب وحدتي, روايات, قصة رجل عشق من النساء واحدة وعشقنه النساء جميعاً
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 02:06 AM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية