المنتدى :
الشعر والشعراء
تخــــــــيل
اكيد انك على غفله نسيت وجبت لي سيره!!
أواني ما عرفت اعلمك وشلون تنساني!!
كثر ما كنت اشوف ان المفارق ضيقه.. وحيره
كثر ما كنت احس انك ولهت.. وجاك ما جاني
اعرف الحب الاول ما يموت.. وما يجي غيره
واعرفك كل ما يطري عليك القرب.. تلقاني
اجل ما قلت لك ساعة معك تسوالها ديره
علامك تزرع الغيبه قصيد وتحصد احزاني؟!
تغيب وما تبيني اطوي الدرب ومشاويره
وانا لولاك ما كان القصيد يحرك اشجاني
اذا ما كل شاعر يكتب إلهامه وتفكيره
تعال اكتبني في دفتر حياتك.. واعزف ألحاني
حبيبي والطعون اللي تجي من خنجرك.. خيره
لأن الجرح يأخذ هيبته من هيبة الجاني
تعبت وكل ذنب بغيبتك ماتت معاذيره
مثل ما كنت مسرف بالعطايا.. وانت حرماني
تخيل حتى لو قلبي بديت اشعر بتقصيره
ادور لك بداله قلب يعطي والعمر فاني
لو انك تفهم احساس الغلا وشلون تأثيره
فهمت شلون ما شوفك.. واجيب اسمك على لساني
تصدق عاد.. انا والشوق والاحساس والغيره
جلسنا كل واحد يشكي غيابك على الثاني
اقولك شي.. وما تزعل علي.. وتفضها سيره
انا آسف.. نسيت اعلمك وشلون تنساني
اعجبنيــ فنقلتهــ لكمــ
|