ابـــي منــــكم الحـــل << ادخــلوووا ( مهم جدااا ..... الرجاء المساعده ...)

والله مشكلتك مشكلة
يمكن متل ما بيقولو خوالك
بيغارو منك
لانك اكتر وحدة مدلعة!
برايي
بطلي روحي عندهم او حاولي اقعدي معهم وافهمي شو سبب المشكلة بالزبط
لانو بالاخير هدول قرايبك واهلك
واستني يمكن الاعضاء يعطوكي حلول احسن
ميرسي

مشكوره روز يعطيك العافيه يارب


انا سالت خالتي وقلت لها انتي ليه ماتحبيني وتحاولين تقولين اي شئ يقهرني
قالت لي لا عادي مااكرهك بس انا احترت معها

يعني حتى امها اللي هي جدتي تقولي ترا بنتي تغار منك اخخخخخخخخخ بس يالقهر
خالاتي واختي ويسوون كذا اجل الغريب شراح يسوي

السلام عليكم ورحمه الله وبركاته

اعزائي اعضاء منتدى ليلاس

الحين انا بحط مشكلتي الثانيه


انا وزوجــــــــه ابـــــوووووي

في يوم من الايام صارت لي مشكله مااقدر اقولها لكم
بس يوم الجمعه اكيد السبت دراسه رحنا عند ابوي لاننا ندرس عنده من سنتين تقريبا
المهم المشكله صارت لي يوم الاربعاء والجمعه رحنا لابوي

ورحت وانا متظايقه ومتغيره وحالتي حاله
ويوم السبت مارضيت اروح المدرسه وانا حالتي كذا
وغبت ولما راحوا اخواني المدرسه
زوجه ابوي نادتني
وقالت لي وش فيك متغيره قلت لها لا مافيني شئ
قالت لي اعتبريني مثل صديقتك وقولي لي اللي في قلبك لاتخافين ماراح اقول لابوك
انا في ذيك اللحظه كنت ابي شخص افضفض له واقوله اللي في قلبي
ومحد استقبلني زوجه ابوي للاسف
وقلت لها السالفه وهي انصدمت وقامت تبكي
وانا قمت ابكي من القهر اللي فيا
وقالت لي اي شئ يسير لك قولي لي واعتبريني مثل صديقتك
ولا تخبين عني شئ
المهم انا من دلاختي صدقتها ونسيت او تناسيت انها زوجه ابوي
وبعد اسبوع من الاحداث الخبر وصل لابوي
ومن مين ؟؟؟ اكيد منها
وهي قالت لي انا صراحه قلت لابووك
وابوي في هالاسبوع مارضا يويدنا لامي وقال تبي تشوفكم هي تجي انتم لاتروحون
وعصب علينا
وبعد اسبوع خلصنا الاختبارات النهائيه الاثنين
وقال مافي روحه الا بعد مااشوف نتايجكم
ونتايجنا الثلاثاء بعد اسبوع من الاختبارات النهائيه
المهم انا كل مااصلي ادعي ربي ان ابوي يودينا لامي
وبالفعل الاربعاء ودانا لامي
واحنا في الطريق قام يهاوشنا وقال آخر مره تروحون لامكم
ثاني مره لاحبسكم في االبيت وحتى المدرسه راح امنعكم منها ... الخ
انا صراحه في ذا الموقف او اي موقف يسير لي وانا عارفه اني مظلومه خلاص اسكت ولا اتكلم احس كان لساني انشل ولا اقدر اقول شئ
انا في هاللحظه سكت وقال انتم داقين على جدتكم عشان تقولي اجيبكم
قلت مادقينا عليها
قالي ايه الحين عرفتي تردين واول مانتي عارفه وش تقولين
انتي خاصه انتي اللي ذابحتني
بكره الوحده اذا تزوجت وشلون بتكون حالتها ؟
وقال لاختي اذا سوت شئ تعالي علميني
قسم بالله لاقطع العقال على ظهرك
وبعدين رحنا لامي ووجيهنا متغيره
وقالت لنا امي وش فيكم وعلمناها السالفه
وقامت امي تبكي معنا
وكانت بتدق على ابوي تفهم السالفه منه
بس انا واختي رفضنا لانها بتتهاوش معه وبيجي ياخذنا
خصوصا ان امي حاره وابوي حار مايصلحون مع بعض وابوي كان معصب
المهم احنا ماعلمنا زوجه ابوي عن اللي صار


وهي دايم تقول لابوي بناتك مايشتغلون بس عيونهم على الكتب اربع وعشرين ساعه
بنتك قالت وقالت وقالت
وبنتك سوت وسوت وسوت ........... الخ
طيب وين اللي تقول اعتبريني مثل صديقتك
المهم زوجه ابوي كانت متزوجه ولد عمها قبل ابوي
وعندها بنت منه
بنتها صديقتي الروح بالروح وتقولي اي شئ يسير لها
وانا اقولها اي شئ يسير لي
لاني واثقه فيها وهي دايم تقولي يا هنوف انتبهي من امي
ترا امي تقولي لي مرام << اختي على نياتها
بس هنوف ملكعه
وتقولي انها تشك فيك وتراها ماقالت لك قولي لي كل شئ واعتبريني مثل صديقتك
الا عشان تمسك عليك شئ
لانك ماسكه عليها اشياء
قلت لها سوسن انا وش ماسكه على امك عشان تقولين ذا الكلام ؟
قالت لي انتي ماسكه عليها اشياء بس ماتدرين
قلت شلون
قالت لي مثلا انها تكلم ولد جيراننا وانها تركب معه بلحالها
وانها تكلم اخر الليل رجال وانتي تسمعين صوته
قلت يابنت لاتظلمين امك قالت لي اقول اسكتي بس
انتي على نياتك تحسبين كل الناس مثلك
قالت لي شفتي ذا راعي اللموزين السعودي اللي جابكم اليوم اللي اسمه ابو احمد
قلت ايه وش فيه
قالت لي انا اليوم سامعه امي تكلمه وشفت صورته في جوال امي
امي تبي تمسك عليك اشياء عشان اذا صار شئ وقلتي لابوك هي بعد تقوله عنك
انا هنا انصدمت اقول اذا كانت البنت تقول لامها كذا اجل الغريب وش يقول
خصوصا ان فعلا الكلام اللي قالته صح انا وين كان عقلي يوم اقولها عن خصوصياتي
واذا ابوي كان مستلم ولا بينام في بيته الثاني
يمسك الثابت وتقعد تكلم ولا تنام االا لما نروح المدرسه
ومره كانت تصحينا للمدرسه وتكلم
وقالت اصبر خلني اقوم العيال للمدرسه
انا من يوم ماعرفت زوجه ابوي وهي تكلم بس ماتوقعت انها تكلم رجال
كنت اقول يمكن تكلم ابوي يمكن واحد من خوالها او عمانها

ابوي يجي من الدوام يتغدى ينام يقوم الساعه 4 يروح بيت عمتي ويرجع 12 وينام ويروح الدوام وعلى هالحال

المشكله هنااااااااااااا
وش اسوي مع زوجه ابوي ؟؟؟؟؟؟؟؟
هي كل مره تسالني عن المشكله وعن لبسي اذا كان عاري او قصير او شئ
واذا كنت اقعد مع خوالي ولا اقعد مع الحريم
وانا اجاوبها باشياء عاديه
وتقوم تسال اختي
وهي ترا تعرف تسحب كلام

الله يصبرني بس

ابي الحل

وش اسوي مع زوجه ابوي ؟؟؟؟؟؟؟؟؟
للعلم ان بعض الاحيان اذا شافت غرفتنا <<<<<<< اربعه في غرفه وحده ( انا واختي مرام _ وبناتها 2 في الابتدائي )
ااذا شافتها حوسه تقعد تهاوش طيب بناتك اللي يسخون هاوشيهم هم احنا مالنا دخل بس تهاوش كذا تبربر ماتجينا تقول ليه ماسويتوا وليه ليه ....الخ للعلم عندنا شغاله
اانا تراني مااسكت عن حقي بس خوفي ارد عليها تحرش ابوي مايودينا لامي واذا سكت احس اني اهنت نفسي

معليش اذا كنت ضايقتكم بمشاكلي بس انا وحده مااحب احد يعرفني ويدري عني
لاني مااحب احد يشفق علي

تحيااااااااااتي لكم



دلع