°ˆ~*¤® .. خيـانه .. °ˆ~*¤®






فتح باب السيـاره بايده البرونزيه النجديه .. واصابيع ايده الثانيه تاشر لها مع ابتسامه بشوشه ملت وجهه ..

طلعت وداد لسياره وهي تضحك على اشارات اخوهـا لها ...اشرت له " شكـرا "..والابتسامه ماليه وجهها تحت الغطاء ..

مسك ايدها وشبك ذراعه بذراعهـا وهم يدخلوا فيلته المتوسطه .. اجمل شي يملكه بهالحياه ..هذي الاخت الخرساء ..
يحارب اويعادي اللكل .. ولاتنزل دمعه من عيون ... او .. علشان بسمه بشفايفهـا ..

كل شي من حوله يضيع وينساه .. اول مايجلس معها ياشر لها وتاشر له ويحكي معهـا ..
تعلم لغه الاشاره علشانها .. وتعلم يشتري الحشيش علشانها .. تعلم يكــره وينتقم من اللي دمرها ..علشانها ..
تعلم بعد ماضااعت سمعتها و ضاع صوتها ..
يبغى يسعدها .. يفرحها .. يضحكها .. يحضن المها .. يشرب تعاستها ..

ابتسم بحنان بعد ماشرت له وداد " اليـوم انبسطت مره الله لايحرمني منك .."

اشرلها وهو يفتح باب الفيلا .. " ولامنك ياحبيبتي اهم شي انبسطتي اليوم" ..

اشرت وداد وهي تنزل البرقع عن عيونها وتبعد عن نايف بحماس " بالمررره انبسطت .. والعشاء كان حلو "

جاء بياشر لها .. لكن داهمهم دخول زوجته وهي تصرخ باعلى مااعندها وتصفق بايدها بطريقه همجيه متخلفه ..
وتحتقر وداد : اهلااااا وسهلاااااا .. شرفتوا .. لاااا كان مارجعتوا - ناظرت نايف وهو يمشي اخته لغرفتها
ومطنشها - ماخذ الخرسى معك وتاركني هنا ماكله تبن لوحدي .. انا زوجتك والا هي ..

وداد تغيرت ملامحها لانزعاج وهي ماتسمع شي حولها الا بسيط .. لكن عارفه ان زوجه اخوها قالبه الدنيا عليهم ..
ناظرت نايف بضيقه اخوها طيب مايستاهل وحده مثلهـا .. قررت تحكي له الشي اللي متستره فيه على زوجه اخوها ..لانها ماتستاهل حد

يستر عليها ..

نايف ماكان حد يحكي اشر لوداد تدخل غرفتها وترتاح لان مشوار اليوم وتمشيتهم كانت طويله ..
اول مانتبه ان وداد دخلت الممر اللي فيه غرفتها التفتت لـزوجته ببرود : بتسكتي والا كيف ..

كنت مقهوره تاركها طول اليوم وطالع يتمشى مع اخته: انت وبعدين معك .. كفايه متحملتك وانت حارمني اكون ام .. وعلى كذا دايم مشغوله

وطالع لاااا وبعد الست الخرساء وطلعاتك معها اللي مالها داعي .. ليكون على باللك انها تحس الحمدلله والشكر .. ترى مـ

قاطعها بنظره حاده ... ضيعة جمال اليوم والمشوار : اقصري الشر وصلحي لي شاهي دام النفس عليك طيبه ..

ناظرته بغيض : صلح لنفسك والا قل للانسه وداد تصلح لك .. مو هي رجل كرسي بهالبيت تاكل وتشرب بدون ماتمد ايدهـا وتسعد بشي

الشغل كله على راسي ومـ- سكتت بعد نظرته اللي حافظتها كويس وعارفه ان بعدها ضرب - آآآف ..

تركته ودخلت للمطبخ ..

رمى الكاب الابيض االلي كان لابسه وفتح ازارير ثوبه وهو يجلس على الكنبه ..سحب الريموت وشغل التلفزيون ..
وهو يبتسم ..على حركات وداد وهي خايفه من اللعب اللي لعبوها .. واشارته اللي مستحيل ينساها " نايف انت حنون
كثيير .. احن على من امي ..ياليتك ابوي "

يحب اخته كثير وتعجبه بصبرهـا وروحها الحلوه مع كل ظروفها القاسيه ..

(( التــاكسي يالتـاكسي .. خذني لهــا يالتاكسي ))
ناظر بجواله بطفش وحطه صـمت ..ماله خلق عبدالله .. هو مبسووط ومايبغى يخرب مزاجه ..

حطت الصينيه على الطاوله بعصبيه وهي تناظر زوجها بحقد : اشربه جعلك تحترق فيه ..
وهربت بسرعه للمطبخ ..

جاء بيرد عليها لكن رجع جواله يدق ..ناظره بدون نفس (( بو الخكر يتصل بك )) :آآآف هـذا وقته الثاني ..

رماه واخذ الدله يصب له شاهي ..

دلال مشت بهدوء و خجل لعند اخوها متردد وخايفه على اخوها من الحقيقه .. بس لمتى بتسكت لزوجته ..
اعطته الورقه وراحت ٍ..

ابتسم لحركتها وفتح الورقه جاء بباله انها كاتبت له مشاعرها مثل ماكانت تعمل وهي صغيره ..اذا رضت عنه ..

فتح عيونه على وسعهم مصدوم .. قرائها مرتين وثلاثه يتاكــد ..
ضغط على الورقه بايده وهو يمشي لغرفة وداد معصب ..
ٍ
فتح الباب وقال وهو ياشـر : وداااااد متاكده ..من متـى تعرفي .. وليه سكتـي ..؟! .. اي خدامه قالت لك مربيتك والا مين بالضبط ....






ــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــ





×..أهلــي ..×



رجعت ريوف من مملكة المرأه مبسوطه ..غيرت جو ..
دخلت للمطبخ على طول بعد ماسمعت صوت ضحك امهـا وفجر .. قالت بحماس وصوت حاد: انا جئيــــت ..

ابتسموا لها فجر وام يعقوب : وعليكم السلاااام ..

ناظرت بامهـا وهي فارده العجينه على الطاوله لمتوسطه وبجنبها فجر ببنطلونها الجنز وبلوزتها السماويه والطحين ماليها : اوووه السلام

عليكم ..
نسيت اسلم ههههههه ..

ضحكوا عليها وقالت امها وهي تحط يدها على هر فجر : تعالي ريوفه ساعدينا بالبيتـزا ..

ريوف كان شي مكهربهـا .. ماتطيق العجن رجعت لورى وهي بعبايتها مافصختهـا : لاااااا مره ثانيه ..

ريوف حست بالغيره الخفيفه لما قطعت فجر العجينه وسالت امها : كـذا ياخاله ..

واللي زاد من غيرتها نظرة امها الحنونه كثير لفجر وكانها وحده من بناتها : ايـوا بسم الله عليك عرفتي بسرررعه ..والله انك طباخه

يافجوره ياليت كل
البنات مثلك ..

ابتسمت ريوف لغبائها وتعوذت من الشيطان تبعد الغيره الغبيه عنهـا .. حطت ايدها على خصرها وهي تقول باعتراض : لاااا وش قصدك ..

حرام عليك
يايمه انا طباخه المدرسه السابعه عشر كلهــا بس انتي الله يهداك حتى ماتعطيني فررصه ادخل المطبخ ..

ام يعقوب بسرعه : لاني مابعد انجنيت ولااني بايعه مطبخي .. تذكري هذيك المره لمـ

قاطعتها ريوف بسرعه وهي تركض لعندها تضمهـا : هههههه لهالحين مانسيتي اللله يعافيك ارحميني ولاتفضحيني عند فجوره ..

فجر بنذاله : لااا ياخالتي احكي لي وش عملت الست ريوف ..

ريوف : ماترحمون حد ذا البيت .. حتى فجوره خربت معكم ..

فجر : ههههه لاتصرفينها خالتي احكي لي ..

ريوف طلعت بسرعه تركض ماتبغى تسمع احراجهـا التاريجي لاول تجربه لها بالمطبخ علشان اذ عرست ..

فجر : هههه تعالي يالمهبوله ..

ريوف تصرخ وهي بنص الدرج: ســي يو .. الله ياخذ عريس الغفله بسببه صرت مضحكه ...

ام يعقوب وفجر : هههههههههه ..

ريوف دخلت لغرفتها وقفلت الباب .. جلست على السرير وطلعت الهديه اللي اشترتها لفجـر .. وهي مستغربه من الغيره اللي بداخلها ..
ليه غيرانه من حكي فجر وامها .. هي متعوده ان امهم تمدحهم عند الناس وماتحب تحكي عن عيوبهم او تنقص قدرهم .. لكن مع فجر تحكي
لها كل شي وبطلاقه ..

رمت نفسها عل السرير والهديه على بطنها : وش هالخرابيط اكيد بتحكي لها عادي هي عائشه معنا وتناظر بنفسها .. ياربي ليه مابغى اعطيها

الهديه ..
آآآف توقعت ارجعي امي زعلانه وانا اغير لها جو .. بس الانسه فجرسبقتني ..اعوذ بالله وش هالجنان ..

فصخت عبايتها ونزلت لتحت ومعها الهديه ..

فجر كانت مندمجه مع امهـا وحاسه براحه فضيعه .. نست فيها فجر وصارت لينـا تضحك وتسولف بطلاقه .. مبسوطه لابعد حد ..
واللي زاد سعادتها هديه ريوف : رووووعه تجنن تاخذ العقل .. مشكوره يالدبـه ..

ريوف : العفو حياك الله بس لاتجي كل يوم ..

فجر وهي مبهوره بالبروش اللي باسمها : ههههههه اوكي ...





ــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــ



×.. حقــي بأيدي ..×



آآخــر ساعات الليل ..

خنقتهـا ريحـه المعقمـات ..واصوات الاجهـزه ..غسلت وجهها ويداتها ..مررت المويه على شعرهـا القصير مره .. ناظرت وجهها

بالمرايه ..
وجهها مصفـر وكانهـا ورقه شجر يابسه ..بللت شفايفها الجافه مره بلسانها: هـا سديم وش هالضعف اللي انتي فيه اتركي عنك حرركات

الدلع ..
وتحركي تاخذي حقـك من عبيدان ..

دققت بالنظر على عيونهـا .. جف الدمع ..ابتسمت وهي ترفع انفهـا بشموخ رغم التعب المالي ملامحها .. اذا ماخذت حقها بيدها محد

بياخذه لهـا ..

جففت وجهها ويداتها بالمنشفه القريبه منهـا .. وهي قرفانه من كل شي حـولها ..ماتحب تستخدم اي شي بمكان ماتعرفه ..

طلعت من الحمام واخذت عبائيتهـا المطويه بعنايه فوق الطاوله ..لبستهـا على لبس المستشفى السماوي ..

فتحت شنطتها الطويله وطلعت من محفظتهـا سبع الاف ماتدري هي قيمه العمليه كذا او اكثر .. بس هـذا المتوفر عندهـا ..
حطتهم فوق ملابسها بنطلونها وبلوزتها اللي جاءت فيهم وتركتهم بالمستشفى ماتبغائهم ..

لفت الغطاء عليهـا وتلثمـت .. طلعت من الغرفه ومشت بالممرات بثقه ..ولاهمها نظرة احـد ..

ركبت السياره وين ماكان السايق يحتريهـا ..ولو عند حد كلمـه يقرب منهــا ..

طول الطريق كانت ساكته تناظر النافذه وهي حاسه بالبرد مجمد اطـرافهـا .. الجو شتاء وهي ماعليها الا شي خفيـف ..

قالت لسايق : آحم آحم شغل التكيف الدافي ..

السايق هز راسه وجفونه ثقيله فيه النـوم ..

؛
.
؛


السمـاء سوداء ..والقمـر مختفـي ماله وجود فيهـا ..
هواء الرياض بارد والرياح قويـه ..

واقفه عند مدخل بوابه القصر الصغيـره ... من جهه البوابه الرئيسيه ..

سانده جسمهـا على العامـود الروماني الضخم لتصميم المدخل .. عدلت بلوفرها الاسود العريض على اكتافها يدفيهـا ..بالبرد ..

تاففت وهي تناظر الساعه اللي بيدها وترجع تناظـر البوابه بطفش .. الساعه 4 قريب الفجر وسديم مـاهي بناويه ترجع والوقت تـأخر ..
قالت بهمس تحكي مع نفسهـا : ليكون هي كل يوم كـذا وانا ماني بداريه ..

raw cappuccino
"تفضلي الكابتشينو"

اخذت الكابتشينو من الخدامه ومانزلت عيونها عن البوابه ..سالت الخدامه باستغراب:So every day is delayed
"كل يوم تتاخر كذا "

الخدامه الفلبينيه : To learn of the views I'm always
" مادري انا ماشوفها دائما "

هناء حست بالعصبيه من سديم ومن نفسها .. مفروض اقل شي تعرف متى تجـي ..:Five minutes because they did

intervention comes
" خمس دقايق اذا ماجئت بدخل .."

ماكملت حكيهـا الا وسياره سائق سديم داخل من بعيـد ..وتلف حـول النافوزه المتوسطه مدخل القصر ..

استغربت سديم من شكـل هنـاء وهي واقفه عند المدخل ..(( اكيد تحتري عبيدان ..)) .. نزلت من السياره بهدوء ومشت لعند البوابه وهي

تحس بتعب فضيع ..كملت طريقها بدون ماتناظر هنـاء او تحكي معها ..

هناء اخذت نفس قبل ماتقول لسديم اللي ماشيه ولا هي معبرتها : سديم ..

سديم لفت عليها وتناظرها بنظرات قويه وجهه جامد : خيـر ..

هنا ول مالفت ء انتبهت بفخذ سديم ولون سماوي شبه شففاف وين كنتـى ..؟!

ناظرتها سديم باحتقار بدون ماتـرد .. مالهـا مزاج تتهاوش معهـا .. تعبانه وتبغى ترتـاح ..

هناء عصبت من نظرات سديم القويه .. ماقد شفتهـا خايفه دايم نظراتهـا للي حولها مستفزه : لاتناظريني كـذا ..وين كنتـي ..

سديم ماردت أعطتها ظهـرها كملت طريقها لداخل ..وسالت الخدامه اللي بوجهها :Where Abdullah
" وين عبدالله ..؟! "

الخدامه : Abdullah Traveler
" عبدالله مسافر"

غمضت عيونها وهي تسمع من ورائها صوت هناء المعصب : سديم انا احكي معك هنـا وين كنتي ..؟!

سديم كملت طريقهـا لدرج واعطت هنـاء اكبر طاف ...

هناء اشرت للخدامه تروح و مشت بعصبيه وصوت كعبها يحفر الرخام الاسود ..لفت سديم لجهتها بقوه : لما احكي معك ماتعطيني ظهرك

وتردي علي ..

سديم تنرفزت من شدة هناء لعبايتها .. دفت ايدها وقالت بالفرنسيه بخشونه : Pour devenir ma vie
"مالك دخـل فيني "..

ورمت ايد هناء : ولاتلمسيني ثاني مره ..لاكسر لك ايدك ..

هناء ناظرتهـا بصدمه ..لاااا زودتهـا وتمادت بتصرفاتهـا ..مسكتهـا بطرف عبايتهـا من جهه كتفهــا ... وأجبرتها توقف قبالها ..
ماختلفوا بالطول كثير .. لكن هناء أعرض من سديم الضعيفه مـره ..
: ايش اللهجه هذي اللي تحكين معي فيهـا ..سديم الزمـي حدودك ..- فتحت عبايتها بسرعه ماعطت سديم فرصه تبعدهـا - ايش هـذا

وين كنتي .. بالمستشفى صح ..؟!

سديم دفت ايد هناء وسكرت عبايتهـا : مالك دخل فينـي ..

هناء اعطتهـا كف : لاتصرخي بوجهـي .. قلتلك الزمي حدودك ..

سديم رفعت ايدها وردت الكف لهنـاء باقوى .. وانفجرت بوجههـا : وانا ماني ملزومه احترمك ..انت مانتي بامي او وحده من اهلي ..ومالك

اي سلطه علي ..

هناء ماستوعبت اللي عملته سديم ..ضلت واقفه مكانها وايدها على خدهـا تناظر بسديم وعيونها على اقصى اتساعهـا ..مسكت اعصابهـا

ماتهجم عليها وتضربهـا لحد ماتنزل نظرتهـا القويه هـذي ..

سديم مدت اصبعها قدام هناء بتهديد : قلتلك مالك دخل فينـي ..ماني بزر صغيره تمد ايدك علي .. انا اللي بعمري عندهم عيال ..لاتتعبي

نفسك معي ارجعي لبرودك القديم ..لان سديم الصغيره كبـرت ..

هناء بعصبيه : انتـي انهبلتي تمدي ايدك علي ..انا اللي خليت منك سديم اللي انتي فيهـا هاللحين لوو ماخذتك من الدار كان انتي مثلك مثل

اي خدامه هنـا مـ

سديم رمت الشنطه بالارض والجوال من ايدهـا وعيونهـا مغرقه..وصلت لمرحله الانفجار : خذي اغراضك خـذي فلوسك خذي كل ريال

دفعتيه لي ..خـذيهــــم مابغى منك شي - ارتجفت ايدها وصوتهـا - بس اعطيني أمـي ..اعطيني ابـوي .. قولي انا مين ؟؟!!

عطيني اراحة الباااااااااااااااال ..مايبغى فلوسك ولاسلطتك ..ابغى سديــم .. رجعيني سديم تقدري ..تقدري ترجعيني سديم ..

مشت واعطت هناء ظهرها قبل ماتهمس بصوت وصل هنـاء وهزهـا من جوا : رجعي لي ماما هنـاء ..

تركتهـا وطلعت لفـوق .. والضيقه تكتم صدرهـا .. مايكفي ان ولدها ضيع اغلى شي عندها ..جائيه هذي الثانيه تزيدهـا عليهـا ..

دخلت غرفتهـا المظلمـه .. فصخت عبائيتها ورمت نفسها على السرير بلبس المستشفى وغمضت عيونهـا ونامت ..

؛
.
؛

هنـاء تغلي بداخلها ..ضلت مكانها شويه تهدي اعصابهـا علشان ماتتهـور ..اكيد سديم وصلت لمرحله بايعه فيهـا كل شي .. فكرت تدق

على عبدالرزاق الوحيد اللي تخافه سديم .. لكـن تراجعت لازم تعلمها تحترمهـا بدون واسطـات ..

: معقوله ضربتني .. تجرائت تمد ايدهــا علي ..كيف سكت لها .. كيف تركتهـا تطلع بدون ماعلمها الآدب ..

بغمرت افكارها اللي تكتم فيها احساسس الحنان اتجاه هذي اليتيمـه ..

الله أكبــر .. الله أكبــر ..
أشهد ان لااله الاالله ..اشهد ان لااله الا الله ..

تنهدت اول ماسمعت الاذان من مسجد قصـرهم ...ضغت على عيونهـا بايدها : اعوذ بالله من الشيطان الرجيم .. اعوذ بالله من الشيطان الرجيم ..



ــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــ




ـ