المنتدى :
الشعر والشعراء
يانعــــمة النسيان
نعــــــمة النسيان
يانعمة النسيان يا رحمة الله.. لو لاك انا عزاه وش كان سويت
بقول لك كلمتين وبختصارٍ شديد ..إن كان لزين ديرة فانت العاصمه
لاخاب ظنك بالرفيق الموالي .. مالك مشاريهٍ على باقي الناس
لاتقارن حب أمك بحبي .. أخاف من عينك تطيح الأمومة
قالوا تحبه ، قلت بالشهر الأول .. يومي بوسط الرحم وهنٍ على وهن
أدل بيتك دون وصفٍ وعنوان .. وشلون أضيع سكتي وسط قلبي
حبٍ قصير ، وحب ما له نهاية .. وحبٍ يموت ، وحبٍ أقوى من الموت
يمطر لغيري من حنانك سحابك .. ويموت قلبي ظاميٍ بين أياديك
رجيت عطفك بس ، طال الرجا بك .. لين انقطع باليأس كل الرجا فيك
يامقفيٍ عني مثل ساير الناس .. شف خافتي ماهزته ذكرياتك؟
من خيالي طيفك الكاذب سرى .. لا مشاعر في عيوني لا حنين
مثل مابين الثريا والثرى .. بيننا تفصل ملايين السنين
يغيب ، يحسب كل غيبه قصيرة .. وكم غيبةٍ كالموت وأقسى من الموت
يامعذبي ، ماعاد لك في حاجة .. ماني على خبرك سواليف ومزوح
جرحٍ مع الأيام ، تلقى علاجه .. وبعض الجروح اعلاجها نزعة الروح
الأمير الشاعر / خالد الفيصل
|
23-02-08, 08:17 AM
جديد مواضيع قسم الشعر والشعراء
العرض العادي
