المنتدى :
الشعر والشعراء
يابوي ...قصيده من كتاباتي اتمنى تعجبكم
السلام عليكم ورحمة الله وبركاته
هاذي قصيده من ابداعاتي اتمنى تعجبكم
يابوي يضيق الصدر .. لاشفتكــ .. حبيبي تمسح دموعك
ترى مااقوى على حزنكــ .. لك الله لاتبكّيني
حبيبي للفرح دايم .. أبيك أتوقد أشموعك
وابا زورك .. وابفرح به .. لو انه مايدانيني
وش اللي صار باحوالكــ .. طلبتك قول موضوعك
إلى هالحد تغليني .. وماودك تعنيّني
تعال وشوفها احزانكــ .. بَنَت في روحي افروعك
هدمت افراح من شانكــ .. ومات(ن) بي بساتيني
حرام ارتاح في نومي .. إذا ماارتحت بهجوعك
قسم بالله مااخونكــ .. مدامك حيل تغليني
تراك النور لعيوني .. طلبتك جود بطلوعك
أنا المجنون والتايه .. وليل الهم معميني
ومدامك مكسف وذابل .. وزايد ياسك وروعك
أنا لامن دخلت الويل ضايع .. من يقدّيني ؟!
وليل من الفرح يبكي .. يبيك اتجود برجوعك
وهمّاً يتلف حالي .. كفر بي .. لاعباً فيني
يبه وش تبي قلي .. أنا كلي رهن طوعك
علامك يابعد عمري.. حزين وماتحاكيني
تعال وخذ من أشعاري .. تسّلا عطني اسموعك
وإذا ماجاز لك شعري .. حرام اتخطه ايديني
|