هلا المحرومة


كل واحد منا تمر عليه لحظات يحس فيها

انو هو مش هو


وان العالم نسيه


أنا بحاول أشغل وقتي قدر الإمكان


وألجأ للعزيز الحكيم اللي عينه ماتنام


وأكتب وأكتب وأكتب وأكتب حتى أتعب


ولما أشوف اللي حولي يتمنى انو يكون مكاني


بصراحة أرتاح أحيانا


وأحيانا أضحك

قول قديم و مستهلك دايما بنسمعه
بس أحب أقوله تاني لأنه بيريح :)
إذا كانت ربنا قسم الأرزاق 24 قيراط فتأكدي يا حبيبتي أنك أخذتي الـ24 الخاصين بك كاملين
سواء صحة أو مال أو أهل حنونين أو زوج و أطفال أو عمل جيد أو أصدقاء طيبين
بس المهم ان كل واحد مننا واخد حقه بالكامل
إحنا بس نبص اللي بنبص على الحاجات اللي ناقصانا و نكتئب و نحزن .. مع إن زي ما صديقتي إلياذة الواقع قالت .. في ناس كتير تتمنى تكون مكانا
و هكذا
تعرفي أنا لما بفكر أنا أخذت نصيبي من الرزق في إيه
أقولك بالترتيب
1- نعمة الرضا "بحس ان ربنا رزقني بنعمة اني أكون راضية بحالي أي كان"
2- الحمدلله عائلة حنونة
3- أصدقاء من أروع ما يكون
يبقى أنا إجابتي أن الحمدلله دايما عندي حد فاهمني ، بس أحيانا الموضوع مبيكنش كدة
بتبقي عاوزة تبقي لوحدك ، مش عاوزة تكلمي أي حد
دي حالة بتعدي علينا كلنا، بس المهم ألا نستسلم لها
أنا توصلت لاستنتاج يمكن يكون علميا صح أو غلط بس المهم أنه بيجيب نتيجة معايا
و هو إننا ممكن نخدع نفسنا ، يعني أنا لو كنت مكتئبة و استسلمت للحالة ، هتلاقي الإكتئاب بيزيد أكتر
لكن لو انت خرجت ، و ضحكت ، حتى لو بدون صدق
و هزرت و أقنعت نفسك أنك سعيدة ، بجد حالة الإكتئاب بتقل
جربي :)