المنتدى :
الارشيف
بصراحه لازم تعرفوا ادخلوا بسرعه بقى
طبعا انا حكيت لكم قصة حبى بأختصار شديد يعنى بس المهم عرفتوها وقلتلكم عن مشكلتى
ودا لنى بجد بثق فيكم وفى رأيكم ولأن فى كتير من اللى بيدخلوا اصحابى
او بتمنى يكونوا اصحابى
المهم انا كنت نزلت مشكلتى ولقيت منكم تعاون كبير بجد خرجنى من الحاله الصعبه اللى كنت فيها و وصلت للحل وغير كده حسيت ان فى ناس جنبى و واقفه معايا و فكرت فى مشكلتى
وعشان كده انا بشكركم جدا جدا
وبصراحه حصل تطور فالموضوع قلت لازم احكى لكم
يعنى مش معقول احكى المشكله وبعدين لما يحصل حاجه حلوة محكيش
ولأنى بجد عيزاكم تبقوا معايا برضه وتقولولى رأيكم
لغاية ما المشكله تتحل
وعلى الفكره المشكله زى ما هى بس حصل تطور
احكلكم بقى
امبارح كان اول يوم فى امتحاناتى وكمان كان بداية سنه جديده حسيت مع بداية السنه انى وحيده لأن اول مره من 9 سنين تيجى سنه جديده واكون لوحدى وبصراحه كان واحشنى قوى قوى
كمان بصراحه علشان الايام اللى فاتت كنت تعبانه مذكرتش
وكنت مرعوبه ومش واثقه فى نفسى خالص وكنت محتاجه اكلمه بس اسمع صوته
ومن غير ما احس قبل الامتحان بساعه لقتنى بتصل بيه ورد عليا محستش بقى الا لما قعد يقول الو الو وانا مش بتكلم قلتله سورى والله انا مكنش قصدى اتصل غصب عنى اصل عندى امتحان ومش مذاكره وقعدت اعيط
قالى طب بس براحه كده اهدى واقرى قرآن وانا واثق فيكى انك حتحلى حلو
واتكلمنا شويه وقالى ان هو كمان بيمتحن وحل وحش فى المواد اللى فاتت مع انه مذاكر بس مش عارف ليه كل ما يدخل الامتحان بينسى وهزرنا شويه وقلتله بجد معلش انى اتصلت
قالى عادى والله اى وقت تحتاجينى كلمينى وقالى انى اكيد ححل كويس علشان سمعت صوته قبل الامتحان
قلتله طيب انت اللى جبته لنفسك بقى انا حكلمك قبل كل الامتحانات واتفقنا نتكلم فى امتحاناته وامتحاناتى علشان نطمن على بعض وقفلنا
بليل بقى وبالصدفه
عرفت انه اتصل ببنت التى وسألها عليا وكان عايزها تفتح الايميل علشان يتكلموا بس هى مكنتش فى البيت
الغريبه بقى انه سأل عليا قبل ما اتصل بيه بساعات وانا كلمته ومكنتش اعرف
ودا بيحصل كتير اننا بنعمل حاجات فى نفس الوقت وبنكلم ناس فى نفس الوقت
تفكيرنا واحد هههههههههههه
المهم بعد ما عرفت انه اتصل يسال عليا وطبعا انا مش عارفه هو كان عايز بنت خالتى تفتح الايميل علشان يقولها ايه
المهم قررت خلاص انى بعد الامتحانات حقابله ودا اللى كنت قررته قبل كده لما حكيت لكم وقلتولى رأيكم
بس بصراحه كنت متردده شويه بس دلوقتى خلاص مفيش تردد
انا قلت احكى لكم بما انى حكيت لكم المشكله
وعذرا لمشرفى القسم على انى بنزل الكلام دا فالقسم انا شكلى ححول القسم لقسم يوميات الاعضاء
ههههههههههههه 
بس والله انا بحبكم جدا وكنت عايزاكم تعرفوا
وبرضه انا لسه عايزه دعواتكم لأن الموضوع منتهاش حينتهى لما اقابله ونتكلم وربنا يستر بقى
ومعلش طولت عليكم
سلامى لكم
|
02-01-08, 09:20 PM
جديد مواضيع قسم الارشيف
العرض الشجري
