المنتدى :
الشعر والشعراء
ღ نرجسية ღ
http://www.dwaihi.com/poem/34aladwany14.ram
نرجسيه.. نرجسيه.. أذكـر إنهـــا نرجسيـــه ,,
كلمةٍ مطلع قصيـده راودتنــــي مـن زمــــان
كنــت أبكتبها ولكن عيـــت ظروفـــي عليــه ,,
والزمن أيضا حداني وبعدها كان اللي كـــان
نرجسيــه يا علـي بنــتٍ تمـــادت بالخطيـــه ,,
أسرفــت في حالـي حتـى عفتهـا يابـــورزان
بعثــرت عمري شظايا بين ذيك وبيــن ذيـــه ,,
ولاقويـت أجمع شتات العمر وأطراف الحنان
أذكر إني كنـت أهوجـس فـي غلا هالأدميـــه ,,
وأحســـب للحــزة لقاها هالدقايــق والثـــوان
وأذكــر إني كنت أشكـك في وجـود الجاذبيـه ,,
وأتساءل ليـه أطيـر إليـا دعتنـي فـي مكـــان
وكنت أظن إن النهار إليا ظهر ثم بان ضيـه ,,
إستمـد النــور منها ثــم خــذى منهــا ضمـان
والضمان إنها تصون السـر عن كــل البريـه ,,
ما تخبـر به قريــب ولا يسولــف بـه لســـان
جادل ربـي حباهـــا فـي ملامـــح يوسفيـــــه ,,
عنــق وإلا خصـر وإلا.... يادخيل المستعــان
إن تهادت فــي خطاها تسلـب العقـل برويـــه ,,
وإن تثنت شحت كفـي وش بقى للخيــــزران
ولا إنثرت مجدولهـا اللي حشى ما شفت زيه ,,
فاح ريح العــود وإلا هو عبيـــر القحويــــان
من نظرها كنه اللي ماحسـب طعنــة خويـــه ,,
ولاله إلا لاتبســــم ثغرهــا عـــض البنــــــان
لو نظرها إبن الملـوح عاف ليلــى العامريــه ,,
يختلف طرقه ونهجــه وتصبـح العشره ثمان
يترك الشعـر المقفــى والحــروف الابجديـــه ,,
أو يهيجــن هيجنــة بدوٍ لهـــم عــــزه وشـان
أشهد إنهـا من عذابـي ياعلي ماهـي بريـــه ,,
قلبهــــا قاســي ولا اذكر قد تمايلـــــي ولان
عرضتني للهجير وقالــــت أمشيلــك بفيـــه ,,
واتركتنـــي للسهاد ولوعــة أصفـاد الهـوان
واستباحت كل عرق من عروقي والضحيــه ,,
حبنا اللي من سواهـــا ما صفـا مــــره وزان
عنجهيه ونرجسيـــه.. نرجسيــــه وعنجهيـه ,,
حلها وشلـون مـدري!! طالبــك يابـــو رزان
فيصل العدواني
|
26-12-07, 09:38 PM
جديد مواضيع قسم الشعر والشعراء
العرض العادي
