14-12-07, 08:04 AM
|
المشاركة رقم: 1
|
| المعلومات |
| الكاتب: |
|
| اللقب: |
عضو متالق  |
|
| البيانات |
| التسجيل: |
May 2007 |
| العضوية: |
28524 |
| المشاركات: |
1,049 |
| الجنس |
ذكر |
| معدل التقييم: |
 |
| نقاط التقييم: |
11 |
| مدونتي |
|
 |
| الإتصالات |
| الحالة: |
|
| وسائل الإتصال: |
|
|
المنتدى :
نكت , طرائف , ضحك , فرفشة , منتدى الضحك والفرفشة
انحرق الجبل .. والبطاطا ما استوت هههههههه
سلام ..
مرة وانا صغير .. يعني لما كان عمري 11 سنة تقريبا .. فكرنا انا و اصحابي إنّا نشوي ..
وطبعا بما انه عقلنا على قدنا .. اتفقنا انا نشوي بطاطا هههههه ..
وفعلا اخذنا كيس البطاطا .. و كبريت .. و رحنا على جبل مليان شجر سرو ..
وكانت ارض الجبل ناشفة .. وكلها قش و سرو ناشف .. المهم ..
فتحنا كيس البطاطا .. و شو بعدين كل حبة قد الشمّامة ما شاء الله .. يعني بدها سنة لما تستوي هههههه ..
و قال واحد صاحبي انه لازم نضع طوب حولين البطاطا .. لحتى ما تمتد النار ..
جيت انا من مفهوميتي .. قلت له : بلا طوب بلا بطيخ .. ما تخاف النار ما رح تمتد ..
و حطينا البطاطا فوق القش .. وتناولت الكبريت .. وطلعت عود و اشعلته ..
و يا دوبك بحطّه على القش .. والا النار تهبّ وتمتد مثل الصاروخ .. و احنا ضلينا دقيقة نتطلع على بعض .. ومن غير ما نتكلم ولا كلمة .. وخلال اقل من دقيقة كانت النار مولعة بنص الجبل .. احنا شفنا هالمنظر .. و قلنا يا فكيك ..
و صرنا نركض مثل الباحثين عن الحقيقة ههههه .. خلال ثواني كنّا على سطح صديق لنا .. كان ساكن قريب من الجبل ..
و قعدنا نراقب ..
بعد شوي .. ما لقينا الا الاطفائية جايه هههههه .. و احنا شفناها و مش مصدقين .. قلبنا مثل الافلام الاجنبية ههههههه
المهم الاطفائية طبعا .. قامت باطفاء النيران .. واحنا نشف دمنا .. و انحرقت اعصابنا ..
و بس انطفت النار .. راح كل واحد على بيته .. و ضلينا نتوسوس من كل شيء ..
وكل ما اسمع صوت زامور افكر انه الشرطة جاية تاخدني ههههههه .. و ما عرفنا ننام طول الليل ..
ثاني يوم .. اجتمعنا و قلنا نروح نشوف الجريمة عن كثب .. و رحنا .. واتاري الجبل صار سادة ..
يعني احنا حلقناله .. وصبغناه باللون الاسود كمان هههههههه .. و ما ضل قشّة تعتب علينا هههه ..
و قلنا خلينا نشوف شو صار بالبطاطا .. والا هيه مش مستويه هههههه ..
انحرق الجبل والبطاطا ما استوت هههههههه ..
ولا تنسوا يا جماعة .. لما بدكم تشووا بطاطا .. اهم شيء تضعوا طوب حول النار .. لحتى ما ينحرق الجبل والبطاطا ما تستوي .. وصحتين وعافية هههههههههههههههههههه
|
|
|
جديد مواضيع قسم نكت , طرائف , ضحك , فرفشة , منتدى الضحك والفرفشة
العرض الشجري
