المنتدى :
الشعر والشعراء
*************؟؟؟
قالوا ( بلادك ) قلت قلبـه : بـلادي
يعني أحبه ومـن دواعـي سـروري
قالوا الركاده قلت مجنـون : عـادي
عقلي يحبه , ورايكم مـو ضـروري
قالو تبيه ..؟ وقلت حتَّـى : فـؤادي
طاريه دهن العود .. وطيفه بخـوري
آنـا ب وادي وه الخلايـق ب وادي
أغيب عن ه الناس أخفي حضـوري
جيتك .. رغم طبعي وكـل المبـادي
عنِّك نهيت القلب ما طاع شـوري !!
فيني سجنتك .. والسجـن إنفـرادي
وغيرك عجز ويَّاي يرضي غـروري
يا مزعج أفكاري ترى البـال هـادي
طوَّلت لك بالي .. ورتَّبـت أمـوري
إنتَ الوحيد اللي , خضع له عنـادي
من كثر ما أحبك وفت لك سطـوري
وينك ..؟ تعال الحين .. ملِّيت أنـادي
إن ما سمعت الصوت إسمَع شعوري
كل الأصايد في عيونك .. [ تمادي ]
إهداء منِّي ب صوت : مروان خوري
أسأل متى بتـروح وأقـول : عـادي
وإنتَ وجودك في حياتي ضروري !
***********************
|
30-11-07, 07:02 AM
جديد مواضيع قسم الشعر والشعراء
العرض الشجري
