المنتدى :
الشعر والشعراء
**صار لي فاقدك مــــده**
**********************
لا تحاول تختبرني الصّبـر واصـل لحـدّه
والغرام اللي سكني واصـلٍٍ حـدّ الجنونـي
ضايقٍ صدري حبيبي صار لي فاقـدك مِـدّه
كل يوم آقول بكره تفرح بشوفـك عيونـي
خذ شعوري في يدينك خله يبكي ثـم هَـدّه
ودّي يستشعر حنانك / دمعٍ أتعب لي جفوني
آتحرى كل ليلـه وصـل يهـدم فـيّ سـدّه
ثم يفاجأني سكوتٍ بعثر الصمـت بسكونـي
تدري إنّه كل ليلـه يبلـل الدمـع المخـدّه
وتدري الأحلام يمّك غصب عني ياخذونـي
شي طبيعي دام أودك ودّ مـو أيّـة مـودّه
حتى ما ودّي الثواني عن وجودك يبعدونـي
تدري إن الصبر منّك كنت من قبل آستمـدّه
بس أشوف الوقت يبخل والدقايق حيرونـي
عطني بالأسبوع ساعه تكفى قلبـي لاتـردّه
تكفى ملتنـي الزوايـا والأمانـي عذبونـي
والحزن هاللي تشوفه واضـعٍ يـدي بيـدّه
قام يسحبني غصيبه .. لين يديه اجرحوني
هذا قصرٍ لـك بنيتـه كـان ماتبغـاه هِـدّه
وخذ عيوني لك هديه .. دون شوفك مايبوني
**********************
|
19-11-07, 06:55 AM
جديد مواضيع قسم الشعر والشعراء
العرض الشجري
