لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القصص والروايات > قصص من وحي قلم الاعضاء > القصص المكتمله من وحي قلم الاعضاء
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله من وحي قلم الاعضاء القصص المكتمله من وحي قلم الاعضاء


إضافة رد
نسخ الرابط
نسخ للمنتديات
 
LinkBack (7) أدوات الموضوع انواع عرض الموضوع
قديم 05-02-08, 08:56 AM   المشاركة رقم: 1361
المعلومات
الكاتب:
اللقب:
أميرة الرومنسية



البيانات
التسجيل: May 2007
العضوية: 29213
المشاركات: 2,295
الجنس أنثى
معدل التقييم: اقدار عضو على طريق الابداعاقدار عضو على طريق الابداعاقدار عضو على طريق الابداع
نقاط التقييم: 250

االدولة
البلدSaudiArabia
 
مدونتي

 

الإتصالات
الحالة:
اقدار غير متواجد حالياً
وسائل الإتصال:

كاتب الموضوع : اقدار المنتدى : القصص المكتمله من وحي قلم الاعضاء
افتراضي

 

اقتباس :-   المشاركة الأصلية كتبت بواسطة زارا مشاهدة المشاركة
   اقداااار ياااا ياااااربي وش هالحلااااوه يابت... شي رااااهيب صرااحه... شوفي انا الصبح قبل مااا اروح المدرسه دخلت اشوف الجزء نزل والا لأ؟؟؟ وبحر عااد لما جيت من المدرسه قالت لي انتس نزلتيه تقريباا ثلاث ونص.... وعااد وانا في الاختبار بغيت كم مرره اكتب فهد بس الحمد لله ربتس ستر..ههههه
المهم بس استنى على ناار متى يخلص الاختبار ونطلع للبيت.. وطبعاا مستحيل تطلع كل طالبه على كيفهاا لااازم كلنا نطلع سوى... وانا بس اتحرقص في مكاني متى يفتحون الباب ؟؟متى يفتحون الباب؟؟؟ وصديقاتي يقولن.. ماااشاء الله عليتس داافوره.. وش تبين بالطلعه بدري؟؟؟ مو انتي صامه كل المناهج عقب هالحبسه؟؟؟ قلت اذكرن الله ..من زيني.. ومن زين حبستي اللي جابت لي الكئابه.. ومادريت الا وهن يطلعن الكووره.. وعماتي ناوياات يلعبن فيهاا... بس انا وين والكوره وين؟؟... بين وبينتس من اعتزل سامي الجابر وانا فيني ضيقه واحس ان الكووره مااالهاا طعم عقب ابو عبدالله.. ياااا زين اياامك ياااساام 6..( عااااش الزعيم) اوه معليش طلعت من الموضوع..خخخخ
وبعدين اذا لعبت معهن يمكن والعالم الله ان الادااره تصيدناا وبين وبينتس انا عقب مااحظروني في ألم واناا صاير فيني رعب من كلمة الادااره ويااخوفي يودوني مسفر عقب الاختبارات..لان زي ماانتي عاارفه لو الحيااة تتوقف اهم شي الاختبارات لاازم ادخل القاعه واختبر...ههههههه
وإذا ادارة ألم الامارات صار لهم الشرف وحطوا علي الشمع الاحمر.. فمستحيل اعطي الشرف هذاا مرتين لاي اداره ثاانيه..خلاااااص ذهبت به ألم..خخخخخخ
وطبعاا ادارة المدرسه بيسوون لي تعهد وانا صراحه وحده سجلي ابيض ناااصع من أي تعهد .. ومو يوم انتخبوني اصير مثال سيء للزميلاات.. ( اذا صار فرصه قلت لتس قصة الانتخابات )
المهم يااقلبي مااراح اطول عليتس بخرابيطي.. بس باقول اليوم حنا في هالجزء نلعب بسالفة فهد مثل القطو و الفار..


عماد : ياااااا ولد والله ماالوم بحر فيك.. جعل ربي يعافيك ويشفيك.. وحلوو الامل مو كذا يا ابو مشعل..
عليك حركاات والدلع عليك غريـــــب لما قلت لشادن تجي تشوفك.. تستااهل العافيه ياا ابو مشعل....

مع انك زعلتني يا ابو مشعل وانت تقول لشادن

افاااااااااا يابو مشعل الحين فهودي قلعته!!! مهووب العشم فيك... اثرك قليل خااتمه الحين فهد اللي تعرفه عمرك كله.. تقول قلعته عشاااان شويدن.. اخس ع الرجال...خخخخ




شادن : ياا جعل ربي يعافي لتس حبيبتس ويخليه لتس.. ياابنت تراااتس اعجبتيني وانتي تدافعين عن السوري لما كنتي تكلمين عماادو وتسمعين فهد وش يقول عنهاا.. أيــــــه ياا شدون تستاهل السوري من يدافع عنهااا.. وربي انتي اليوم معجبتني وحتى لما نايف سألتس عن مناال ياااواد يانايف... راجعتلك انت بعدين..خخخخ

ليلى : يااا ثقل دمتس ياا القرده.. وش شاايفه نفستس عليه يااا معفنه يا اللي بلا اخلااق .. جعلتس للطلااق القريب وعلى يديني بأذن الله وعلى يدين حزبي.. اووووف ياا انتي بغيضه بشكل مااا ينتصور.. يااا الخااينه.. والله انتس تخونين أحمد..وجعل لسانتس للقص وش الكلام اللي قلتيه عن شادن؟؟ من زين وجهتس انتي وكلامتس واخلاقتس وجوالتس .. والله انتس من الناس اللي يستخدمون الجوال استخداام سيء... خخخخخ.. واحط خطين تحت سيء.. ماالت عليتس..بس والله انتس مسكينه مضيعه اصلتس لا اللي حصلتي حضريه ولا بدويه يا الغراب.. والغراب اللي يبي يعرف قصته يقرأ كتاب المطالعه حق أي صف من صفوف الابتدائيه... ههههه



افااااا يااا اقدااار كني اشوف فيه غلط هنااا...؟؟؟؟؟؟

احمد : وربي انك حساافه على غراب البين.. يااا خي كيف متحمل هالعله يعني لو بينكم عيال قلنا هه يمكن بس لاا حب ولا ادب فيه ولا عياال ياارجال وش مصبرك عليهاااا؟؟هااااه..وبس لما قلت لعماد :

ولااااا يهمك ياا ابو حميد حااااضرين للطيبين... قضبونيهااا ولاااا عااااد تشيلوون هم .. ان ماااخليتهااا تعااف الدنياا ماااناب بنت امي وابووي... آآآآآخ يااا حلااات قضبتهااا..خخخخخخ..
بس تدري اتوقع ماااتطلعون من المزرعه الا بأذن الله وانت مطلقهاا لان ريحتهاا بدت تطلع بين البنات واختك..

ناايف : يااااواااد واثاري انت بعد عندك حركاات وتلقط شعور بنات خلق الله..هههه.. صراحه اول مره اسمع عن حب من اول شعره..خخخخخ.. نايف يااويلي عليك ترااني اول من توقع انك بتاخذ منال.. وعشان كذا اول بنت سمووها علي...هههه.. بس تدري يا نايف مدري ليش احس انك بتموووت.. وانا اكره احساسي هذااا.. ويمكن امك تكون معك.. ؟؟ الله يستر عليك يانايف من توقعااتي ومن عمايل اقداار..

ساره: سااره حلو الواحد انه يسوي خير ويساعد النااس.. بس صرااحه كلام مشاااري انا معه 100% .. انتي فعلاا لاازم بتفكرين الف مررره فبل ماتقررين شي ولااا ياخذتس الحمااس لشي تندمين عليه بعد فتره...
وياخوفي ان تسرتس هذاا يخليتس ترفضين فهد.. هم عاااد من يفكتس مني ياا الدبه؟؟؟؟هههههه..

خالد :

انطم انت انطم ابرك لك و لناا.. ياا فرقا بعد ماا ناقص الا البزارين.. انت يبيلك كفختين بالعقاال ياا الدب..
اخطبها انت ياللوح.. يااا ناااس اتركوني على هالحماار اللي مايفهم..لااااا وجاي عمي وتنقى بعد لشيخ الشبااب.. ياا مال الحمى يا حماار.. ياليت اللي في نايف فيك.. كاان فاكنا الله من اقتراحاتك اللي مثل وجهك... ليتك تنطم لاا تسمعك العجوز وهم تمسكهاا لنا سالفه..اووووف ياا لقف هالنااس اللي بهالقصه..خخخخخ


لااابدن وانا اختك اسدك ايااه.. قضبني العقاال وازهله... وبجيب معه عقال ابوي والفه معه.. ومن وين يوجعه.. ابشر يااا ابو سعود لعينااك والله...هههه


تدري عااد ياااخويلد من ينفع لك والله اني اشوف العنوود احسن وحده لك..يااا جعله مباارك ان شااء..خخخخ
والله ماا يأدبك الا هي.. الرهيبه..يااا ملحها ملحااه بس..

ام فهد :

اااااه يااا ويلي منتس يااا العجوز انا ماا ادخل عليتس من الشاشه واسطرتس... جعلتس الجني يااا شيخه قولي آآآمين...انا كل ما قلت فورجت طلعي شي يعلني ... الله يعيني بعد عليتس يااا عجووز..


جعلك اللسنه ياخويلد اثر العجوز اسمعت... اهب عليهاا سمع.. هههه..وبعدين انتي وش عليتس يااا العجوز؟؟ وقسم بالله هالعجز اللي بالقصص صايارت يقهرن الوااحد يعني الوااحد يلقااها من وين والا وين؟؟؟ انتي هيه ام فهد.. والله بغيت اهزئتس بس عااد حشمه لفهد والا انتي ..... ما اقدر اقول شي.. الله يقلعتس انقذتس مني انتس ام بطلناا..المزيووووون.. يااازينه الفهد..وهـ بس..بعدين ياا الدبه هماتس شايفه سااره ومعجبتس ومعتس علومهاا كلهاا ليه يوم تعيين؟؟؟ لو انه وحده من بناتس ما قلتي كذاا ولو سمعتي هالكلام عن وحده منهن كاان والله مااعاد تسامحين اللي قال كذا عنهن.. بس الوااحد على ماقالت الحكيمه جدتي( مااا يونس الا وجعته).. او شي زي كذاا ومعنى (يونس أي يشعر ويحس ) ومعنى( وجعته.. أي ماا يؤلمه..ويزهقه.).خخخخ.. هه شفتيني اقدار اترجم كلامنا العامي.. مثلتس اليوم..خخخخ

نوف : الله يعينتس يا نوف على اللي انتي فيه.. بس اهم شي الحين انتس تيأسين من عمااد اذا يأستي منه وانتي بنفستس ترفضينه.. مع انه حريمتس انه يجيتس..خخخخ.. ماا اخلي نذالتي..فأبشرتس ياا نوف انتس بتطيبين وبتتقبلين حمود ..والله انه اجودي وراتس عليه ياا نوف.؟؟. احمدي ربتس على النعمه اللي انتي فيهاا.. وشوفي الرجال صاير يدخن عقب رفضتس له.. الله يهديه ياارب.. وانتي متى مااا ابتعدتي عن الديره واللي فيهاا بتطيبن..
الحمدلله ان ايمانتس القوي مااخلاتس تطيحين بالغلط وتحاولين تنتحرين.. واشوى انتس هالمره شغلتي مختس مو زي سالفة الرساله.. يله ماا ناب مقلبه عليتس المواجع اهم شي انتس بديتي تصحين لنفستس ..الله يوفقتس يانوف.. والله اني صايره اتعاطف معتس..

العنود: ياااناااس تجنن البنت هذي.. مت من الضحك عليهاا وهي بتسلف فستاان شهد الوسيع عليهاا الابيض ابو ورده... العنود هي ملح القصه.. وخصوصاا الاجزاء الاخيره... ياافيهاا طيبه وظهرت في خوفها على نووف.. صدق الاطفال مايشيلون بقلوبهم.. تهبل وربي..كل سوالفها تهبل.. صرااحه العنود لااازم تشترك في ماراثون جري.. تنفع والله مااغير دااايم وهي طااايره وتركض..هههه... اتوقع اني لقيت للعنود الحين وظيفه اذا كبرت..خخخخخ

شهد : يااترى وش صار لهااا.. عماد اتوقع ماراح يقرب منهاا بس صعب انه ياقف متفرج.. اتوقع انه بيلف يده بالشال اللي عليه و يحملهاا بس اخاف يصير لهاا شي .. الله يعين امهااا وجدتهاا وكل اللي حبوهاا.. ياا خوفي تموت..حسيت كذا لما ام شادن ذكرت الشبه اللي بينهاا وبين ندى.. مدري بس اليوم حسيت بنفقدين شخصيتين او وحده. منهم .. يااا نايف او شهد..


فــــــــــــــــــــــــــــــــــــــــــــــــــــــهــــ ـــــــــــــــــــــــــــــــــــودي:
يااااربي ياافهد متى تخلص قصتك على خير.. ماا بقى احد مااتدخل فيهااا لو البزر خويلد..وع مالت عليه..


بااااااااس غااالي والطلب رخيص... غلطااااااان والغلط راكبك من رااااسك لااا سااااسك... ياشيخ اسبوع وانا افهمك واعلمك.. واخرتها ماتدري انك غلطاان.. يااربي وش تبيني اسوي الحين؟؟ اشق اهدومي منك ياااشيخ اصحى شوي وافهم كلامي البنت ماالك الا هي .. لاا تفكر بغيرهااا.. ياااعسلل.. مااا اصمل على هوشك يااا ابو سعود.. فديتك والله..ههههه

بس لما كنت تسمع كلام عماد لشادن.. يااا شيخ تجنن..


واااااي يااا ملحك ملحااااه ...وهـ بس...

بس عااد الا الصلاة يافهودي لااا تتركهااا.. صح هي بينك وبين ربك بس بعد لاا تخليهاا..... والله انك مثل كثير من الشباب اللي اعرفهم... ايه هم كلهم خاالين اللي زي فهود ومأذيتنا فيهم..خخخخ.. اقداار والله اني اشووف جدي اللي يقوم فهد للصلااة مو ابو فهد..المهم ياا فهد
احرص على الصلاة لاتصير مثل عمك احمد اللي من خذ هالضبعه اللي عنده وهو متدهور وضعه.. خلك متعود على القومه للصلاة قبل مااتاخذ سااره.. تراني مادحه لها صلاتك فلا تفشلني وتقل السوري اني اكذب عليهاا..خخخخخ.. اجل هذا كله وشو..خخخخخخ
المهم انت يافهد ماعليك من امك الله يهديهاا .. وساره ماخذهاا غصب عن امك..دااام البق باااس معك ولاا عااد يهمناا شي..وبهاا المنااسبه احيي ابووك نااصر وابشره اني بضمه للحزب.. وبخليه بأذن الله مفتي حزبنااا..خخخخ.. وكاان جواز مروره للحزب مااا نطقه بصوته العذب..
ياااشيخ خشمك خشمك.. يحبه اخوي اللي اذاني بذا الليل يبي يعلم امي اني على النت..


اقداار الله يجزاتس خير فعلاا انتي من الناس اللي لا حظت انهم يهتموون بالصلاة ..والله يوفقتس يااقلبي... ماا عااد عندي كلام اقدر اقوله مو لانه خلص الكلاام لاااا لان اخوي الغثيث رااح يعلم امي اني على النت..خخخخخخ..

يله بحفظ الرحمن .. تحياتي لتس ياا الغاليه...





ياهلا ومسهلا بالملكة


اخيراً انتهت الاختبارات

ياجعلها على خير يارب ..



ههههههههههههههههههههههههههههههههههههههههه

يابعد قلبي هذا اللي قهرني والله لمن نزلتها ايام الاختبارات

وصدقيني على كثر مافرحت بتعليقك هذاك اليوم على كثر ماانقهرت ان وقتك راح على القراءة ..


<<< متبنيتك غصب .. ههههههههه



الزعيم خلاني اعيط لمن طلع سامي في آخر لحظة قلت ليتني عرفتك قبل ياسامي

<< غبيه خخخخخخخخخخخخخخ

تبغين الصراحه اكثر شي حزنني الجمهور والموسيقى واللوحات هو نفسه سامي حسيته حزين ..


يالله يروح سامي ويجي ياسر والدنيا ماشيه .




عماد يعجبك .. بس صدقيني محد يلومه في فهد وهو طارده مايبي يسمعه يكلم حرمته ويقهره ..

عموماً تابعي عماد في الجاي



شادن .. ان شاء الله تعجبك في الجزء القادم .. تابعيها ..



ليلى والغراب .. ههههههههههههههههههههههههههههههههه

الله يوسع صدرك يازارا ياني ضحكت من كلامك عنها

عموماً تابعي ليلى وان شاء الله نشوف لها حل يسنعها ههههههههههههههههه


ياعمري انتي وكلامك اللي طالع من القلب ..




لا لا لا لا ياريما مافيه غلط وحنان لمن قالت يالحضرية ماقصدها تريقه

ابد والله ماجا في بالي

يعني لو شفتي وحده تتكلم بكلام متحضر وتشوف نفسها وماتلبس الا هاي وماتروح الا لأماكن هاي وقلتي لها مثلاً ياللبنانية ..

هل معناتها انك سبيتي اللبنانيات ..!

احنا ماسكين هالكلمة على بنت عندنا عشان كذا جبت لك هالمثال ..!!

ابداً ياريوما ماقصدت الغلط والتريقه ..

كانت الكلمة استهزاء بشخص ليلى ويعني انك بدوية وتحسبين نفسك حضرية ..

وعلى فكرة انا اغلب صاحباتي حضريات ويتابعون الرواية ولايمكن اغلط ..

عموماً اعتقد انك فهمتي وجهة نظري ..





احمد ..هههههههههههههههههههههههههههههه

الله يجعلتس ماتولين مسلم ياريما قولي آمين ..

شكلتس اذا حقدتي حقدتي .. خخخخخخخخ

عموماً .. بتعرفين وش يصير لاحمد في الأجزاء الجاية ..

تابعي وكلي بكِ فخر ..!





ياشينك ياريما وانتي متشائمه ..

وش اللي يموت نايف من ي بقى لشادن اذا الاب مات وماعندها عزوة الا نايف
تراني مو شريرة لهذي الدرجه حرام عليك ..

بس اذا مات فهو قدره ونصيبه وياما فيه عوايل انحرمت من وحيدها

ياحبي لي وانا اطمنكم خخخخخخخخخخخ





خالد .. هههههههههههههههههههههههههههههه ياحبي لك وانتي تهددين بس

اموت واشوفك تضاربين احد ..

سؤال بس

اذا تهاوشتي انتي واخوك من اللي يكفخ الثاني بصدق يابنت ..!




عجبني كلامك عن نوف .. واخيراً شفتك متعاطفه معاها ..

تابعيها لها جزء كبير في احداث الجزء القادم عساها بس تعجبك


العنود .. هههههههههههههههههههههههههههههههه خلاص بسجلها في السباق

يقطع ابليسك هلكتيني ضحك ..





شي شي ياريما

تدرين امس انقهرت لمن عرفت انك تكرهين الادب

عاد انا من النوع اللي اعشق شي اسمه نحو وادب وبلاغه قلت لو هي عندي كان اخليها تعشقه

بس بعد كلامك هذا وترجمتك قلت خلاص فيه رجا انها تحب الأدب ولو بعد حين .. ركزي على حين خخخخخخخخخخخخ




بتعرفين وش صار لشهد انتظري لليوم ان شاء الله وتعرفين




فهد ههههههههههههههههههههههههههههههههههه


ياني ضحكت ياريما من كلامك له ..

جد هذا الحب ولا بلاش

ياحبي لك انتي وكلامك ونصايحك بس

اجل ضميتي ابوه للحزب

ياخوفي بكرة لايسوي انقلاب ويغير اتجاه الحزب وأفكاره .. ههههههههههههههههههه






بعد عمري والله ياريما سلكتي لي على هالرد اللي يبرد القلب صدق

بجد بجد واعيد وازيد انا افتخر ان ريما تقرأ لي وترد وتعلق وتحلل

من قدي والله بقارئة رائعه وذكية ولبقه

جعلني بس مااخلا منك ولا افقدك ..


مودتي وحبي العميق وجزيل شكري

 
 

 

عرض البوم صور اقدار   رد مع اقتباس
قديم 05-02-08, 09:18 AM   المشاركة رقم: 1362
المعلومات
الكاتب:
اللقب:
أميرة الرومنسية



البيانات
التسجيل: May 2007
العضوية: 29213
المشاركات: 2,295
الجنس أنثى
معدل التقييم: اقدار عضو على طريق الابداعاقدار عضو على طريق الابداعاقدار عضو على طريق الابداع
نقاط التقييم: 250

االدولة
البلدSaudiArabia
 
مدونتي

 

الإتصالات
الحالة:
اقدار غير متواجد حالياً
وسائل الإتصال:

كاتب الموضوع : اقدار المنتدى : القصص المكتمله من وحي قلم الاعضاء
افتراضي

 

اقتباس :-   المشاركة الأصلية كتبت بواسطة سحر الحلال مشاهدة المشاركة
   اقدار ماادري وش اقول من جد ابدعتي انا كان عندي اختبار وكنت شايله همه بس لما قريت البارت مره تحمست ونسيت هم الاختبار لان اخير اعترف عماد لشادن

والله اني فرحت فرحه لشادن انا اتوقع ان عماد يعرف ان شادن تعرف عن مرضه بس بليز لا يعرفون خواله
لان عماد راح يتضايق اذا عرفوا بس اتوقع لما يعرف ان شادن تعرف يمكن يشيل من همه شوي
انا مع سعود اقول نبي بارت يتكلم عن شادن وعماد والله اني صرت احب السبت اول مااحب لانه اول يوم بالاسبوع بس الحين انتظره على احر من الجمر



ياهلا والله وغلا

حياك الله ياسحر العزيزة ..

يسعدك ربي على كلامك ..


تابعي عماد وشادن في الجزء القادم وان شاء الله يعجبك ..


آسفه ياسحر اذا خيبتك هالسبت

جد جد مالي وجه منكم بس قلوبكم كبيرة وتقدرون مزاج اختكم اذا قفل وتنحت بقوة ..

سلمتي على الحضور جعلني مااخلا

لكِ من الود اكثره

 
 

 

عرض البوم صور اقدار   رد مع اقتباس
قديم 05-02-08, 09:38 AM   المشاركة رقم: 1363
المعلومات
الكاتب:
اللقب:
أميرة الرومنسية



البيانات
التسجيل: May 2007
العضوية: 29213
المشاركات: 2,295
الجنس أنثى
معدل التقييم: اقدار عضو على طريق الابداعاقدار عضو على طريق الابداعاقدار عضو على طريق الابداع
نقاط التقييم: 250

االدولة
البلدSaudiArabia
 
مدونتي

 

الإتصالات
الحالة:
اقدار غير متواجد حالياً
وسائل الإتصال:

كاتب الموضوع : اقدار المنتدى : القصص المكتمله من وحي قلم الاعضاء
افتراضي

 

اقتباس :-   المشاركة الأصلية كتبت بواسطة نفحةعطر مشاهدة المشاركة
  
السلام عليكم..... نبدا البربرة

اول شي حسيتو فالبارت ذا هو البررررد...خاصتن عند قومة الصلاة الواحد ما وده تزحزح من تحت البطانية... والا نايف وزكامه..حزنت عليه من التهاب الحلق وهو يدور الليمون ..اخسسسس شي فالزكمة هو الحلق...
بس صراااااحة مو داخل مخي انه يعجب بوحدة ويخطبها على شعرة...صح امه كانت تمدحها قدامه..بس هو ما قرر يخطبها الا لمن شاف شعرتها..حتى اصلن ماكانت فارقة معه اذا هي لمنال والا حنان المهم يخطب صاحبة الشعرة..
ياللاااا...اللهم بارك لهما واجمع بينهما بخير وارزقهم الذرية الصالحة ان شا الله << يكفي صحصحي يا مرة


عمااااااااد ... اخيرا نطقت هالجوهرة وقلت للبنية احبك<< صح ماقلتها حرفي بس بما معناه انها كوشت على قلبك وصرت ماتقدر تستغني عنها.. انا كذا مبسوووووووطة فيك....حكاية السنة وبعدين اديها حريتها انتهت خلاص ..شدونة قاعدة قاعدة باذن الله ....<<< وش قلتي قدورة..في حركات نص كم جاية فالطريق والا ارقد وامن واحط ببطني بطيخة صيفي....

المواقف اللي تسير بينهم...عماد وشادن....آآآآآآآآآآآههه ...ودي زيها ...لما حاول يدفيها من البرد قدام اللي جالسين معه..كان طبيعي لا استحى ولا شي...مع انه قبل مايطالع فعيونها..فالبارت الماضي لما نام جنبها على السرير من التعب......خذني الخيال لبعييييد...بس الله يهداك ما حطيتي زي ما تخيلت << السموحة

"اكيد قال لها احمد اني تعبان وانشغلت بي ..
ياقلب هالبنت "

هالكلام حطه فمخك طوووووول عمرك...ماراح تلقى احد يحبك ويحن عليك زي شادن ..قلبها من ذهب....

سارة ومشاري:... انا بصراحة مع مشاري ...كلامه صح ..بتضيع مستقبلها اذا تركت الوظيفة عشان تتطوع فالدار ومجاني كمان ...تقدر تخصص لهم جزء من الراتب زي ما قال وهذا يفيدهم اكثر وتقدر تزورهم ايام الخميس والجمعة وفي الاجازة الصيفية تداوم يومي لو حبت بس انها تترك الوظيفة هذا غلط...استغرب كيف امها وابوها وافقو على كذا ومشاري طلع هو الواعي بينهم.

فهيداااان... وعيت اخيرا .... مبروك ...عقبال ماتقنع امك اللي مدري كيف تفكر بس... هي عارفة قصة طلاقها ومع كذا تقول لا اخاف الناس يقولو ويقولو ....من راقب الناس مات هما ...
الشي الوحيد اللي يشفعلك عندي يافهيد انه كنت تبغاها بس البيئة اللي حولك تفكيرها غلط وبالتالي صار تفكيرك انت كمان غلط ...

نوف.......بجد بجد هالمرة حزنتني...انا قلت البنت بتشرد من الديرة كلها وما جا فبالي انها تنتحر...الحمدلله انها ذكرت ربها وخزت الشيطان.... بس كان ودي حمود يكلمها فذيك اللحظة يمكن يلين القلب شوي ...الدنيا قاااااافلة معها ...

ابو ناصر عجبني هالمرة ...حرصه انه يقوم العيال للصلاة ... فالوقت ذا كل واحد يهتم بنفسه وبس.. هو صلى الحمدلله والباقين ماله دخل فيهم...

اسلوبك وانتي تنقلينا بين نوف وهروبها وبين العايلة فالطايف كان مرة خفيف على النفس ..ما حسيت باي قطع بين ذا وذا ..ولا اني ضيعت الاحداث ولا شي ...ما شا الله عليك..اسلوبك ما يختلف عليه اثنين...الله يحرسك يارب ويحفظك لعين ترجيك.

ااااااخر شي ... الله يخليك لا تخلي عماد يتهور وينسى نفسه من خوفه على شهد ويروح يشيلها ... هاذي طفلة اخاف عليها اكثر من خوفي على شادن بصراحة....

هذا اللي قدرت اكتبه ... زوجي واقف على راسي خلصي خلصي

بالتوفيق عيوني




عليكم السلام ورحمة الله وبركاته

يامرحبا بالعزيزة الغاليه


ماادري ليه حاسة اني فاقدتك هالايام ( وجه زعلان )

يمكن لأني تأخرت في الجزء ولافعلاً ماتدخلين ..


عموماً على قولك يانفحه الزكمة والحلق غير انها مؤلمة ومقرفه الا اني احس الحمى اهون منها والله ..

الله يبعد عنا وعنك وعن المسلمين اجمعين شر الامراض ويكافينا الشر ..



شوفي يانفوحه

احيانا الاحساس يتحرك بأسهل شي

انا سبق وقلت لوحده في احد ردودي اني اعرف بنت تموت على واحد وحبته من ريحة عطره ..

وللحين متعلقه فيه بجنون

يعني شي بسيط يخليه يتخيل الشخص ويتعلق فيه ..

عموماً نايف يمكن كان محتاج شي يحسسه بالأنثى او قربها منه والشعره لمن شافها طار عقله وهو اللي يحب الحرمة بشعر طويل ..

عاد شعر منال طويل بقوة ..!!



تابعي بقية حكاية نايف ومنال وكلي بكِ محبة ..




هههههههههههههههههه تابعي الجزء القادم والله شكلك بتطرديني مع الباب وتقفلين دوني ..


حركات نص كم ممممممممممممممممممممم

مابقول شي .. انتظري وتابعي ..






اجل ماحطيت زي ماتخيلتي

مالي شغل ابي اعرف وش تخيلتي ولا ياويلك مني يانفحه ..

احس تفكيرك متغير بعد زواجك .. ههههههههههههههه



تابعي بقية حكايتهم وان شاء الله تعجبك ..



فعلاً مشاري كان كلامه منطقي جداً ..


وامها وابوها يدورون الاجر اولاً ثم يبون راحة سارة خاصة ان اللي تسويه مو غلط وهي اصلاً مو محتاجة راتب وفلوس وابوها عنده شركه ..



فهد .. فعلاً البيئة تفرض على الشخص حكم وقوانين .. وفهد حاله حال اي شاب ماجرب الزواج يبي بنت ومحد ربط مصيرها به قبله ..

عموماً انتظري حكاية فهد وامه وسارة ..



نوف راح يكون لها حيز كبير من الاحداث تابعي وان شاء الله تعجبك



سلمتي لي يانفحه احرجني كلامك والله

اتمنى اني اكون عند حسن ظنك للنهاية وفي رواياتي الجاية ان اعطانا ربي عمر ..



ماقصرتي يالغاليه

وروحي لرجالك والله الظاهر يوم اني ماعاد اشوفك باسبابه لمن مااقول الا جعلك بخير ومتعافيه وجعلني اشوفك الجزء القادم وانتي راضيه ومستانسه ..



مودتي وخالص شكري وامتناني

 
 

 

عرض البوم صور اقدار   رد مع اقتباس
قديم 05-02-08, 09:50 AM   المشاركة رقم: 1364
المعلومات
الكاتب:
اللقب:
أميرة الرومنسية



البيانات
التسجيل: May 2007
العضوية: 29213
المشاركات: 2,295
الجنس أنثى
معدل التقييم: اقدار عضو على طريق الابداعاقدار عضو على طريق الابداعاقدار عضو على طريق الابداع
نقاط التقييم: 250

االدولة
البلدSaudiArabia
 
مدونتي

 

الإتصالات
الحالة:
اقدار غير متواجد حالياً
وسائل الإتصال:

كاتب الموضوع : اقدار المنتدى : القصص المكتمله من وحي قلم الاعضاء
افتراضي

 

اقتباس :-   المشاركة الأصلية كتبت بواسطة aroma مشاهدة المشاركة
   وااااااااااااااااو يعطيك الف عافية أختي اقدار
صراحة أول ماشفت بتوقيعك أنك منزلة رواية ثانية
علللللللللطول فتحت علية لاني الى الان معجبة باسلوبك في روايتك الاولى (((مهلاًياقدر)))
وانا الحين بالجزء الثاني عشر
ويارب مايكون مرض عماد شي خطير كافانا الله وإياكم شر الامراض..
احلى شي اعجبن شهوده صراحة معطيه الرواية جو...
اتمنى سارة مايكون فيهاشي من الحادث وانا عرفت من الأخوات انها ماتوفت في الحادث ويارب تكون من نصيب فهد<<<ابغى احر زارا<<<خخخخخخ

اتمنى يكون مروري خفيف ظل!!!!

أختك:aroma



هلا بك يااروما

تصدقين مانسيتك من ردك على مهلاً ياقدر

اول ماشفت اسمك قلت هالبنت ردت عليّ في مهلاً ياقدر ..

يمكن لأنك عفوية وكلامك مايتنسي او لسبب ثاني ماادري ..


عموماً الله يحييك وعسى الملامح بس تعجبك وتنال رضاك


واتمنى اشوفك بعد كل جزء وانتي راضيه ..


مودتي وخالص شكري

 
 

 

عرض البوم صور اقدار   رد مع اقتباس
قديم 05-02-08, 10:06 AM   المشاركة رقم: 1365
المعلومات
الكاتب:
اللقب:
أميرة الرومنسية



البيانات
التسجيل: May 2007
العضوية: 29213
المشاركات: 2,295
الجنس أنثى
معدل التقييم: اقدار عضو على طريق الابداعاقدار عضو على طريق الابداعاقدار عضو على طريق الابداع
نقاط التقييم: 250

االدولة
البلدSaudiArabia
 
مدونتي

 

الإتصالات
الحالة:
اقدار غير متواجد حالياً
وسائل الإتصال:

كاتب الموضوع : اقدار المنتدى : القصص المكتمله من وحي قلم الاعضاء
افتراضي

 

اقتباس :-   المشاركة الأصلية كتبت بواسطة سمسومة مشاهدة المشاركة
   الله يعطيك العافية أقدار بارت روعة
وأتوقع الي صار لي عماد وشهد راح يكشف شيء من مرض عماد أو ماأدري أحس راح يكون شيء يغير الموازين.
تحياتي لك يامبدعة....




ياهلا بسمسومه ..

حياك الله يالغلا

والله يعافي قلبك ويسعد ايامك

سلمتي على الحضور عساني مااخلا ولا افقدك

ممممممممممم توقعك قوي ..

تابعي وكلي بكِ فخر

ممتنة وشاكرة بلا حدود

 
 

 

عرض البوم صور اقدار   رد مع اقتباس
إضافة رد

مواقع النشر (المفضلة)

الكلمات الدلالية (Tags)
ملامح الحزن العتيق, الكاتبة اقدار, اقدار, رواية ملامح الحزن العتيق, رواية ملامح الحزن العتيق للكاتبة اقدار, قصة ملامح الحزن العتيق
facebook



جديد مواضيع قسم القصص المكتمله من وحي قلم الاعضاء
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


LinkBacks (?)
LinkBack to this Thread: https://www.liilas.com/vb3/t57962.html
أرسلت بواسطة For Type التاريخ
Untitled document This thread Refback 26-11-10 12:07 AM
Untitled document This thread Refback 04-04-10 03:07 PM
ظ…ظ„ط§ظ…ط­ ط§ظ„ط­ط²ظ† ط§ظ„ط¹طھظٹظ‚ - ط§ظ„طµظپط­ط© 411 - ظ…ظ†طھط¯ظٹط§طھ ظ„ظٹظ„ط§ط³post1365743post1365 - Gturl Post #0 Refback 08-10-09 11:08 AM
Untitled document This thread Refback 24-07-09 11:04 PM
Untitled document This thread Refback 25-04-09 11:53 PM
Untitled document This thread Refback 25-04-09 03:33 PM
ظ…ظ„ط§ظ…ط­ ط§ظ„ط­ط²ظ† ط§ظ„ط¹طھظٹظ‚ - ظ…ظ†طھط¯ظٹط§طھ ظ„ظٹظ„ط§ط³ - Gturl This thread Refback 09-04-09 10:11 AM


الساعة الآن 01:26 AM.


مجلة الاميرات 

 



Powered by vBulletin® Version 3.8.11
Copyright ©2000 - 2022, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية