عندي مشكلة واتمنى تساعديني فيها الا وهي :اني مهما قلت من كلام مارح يوفيج نص حقج ولو اقول انج مبدعة من اليوم لسنة 3000م مارح تعطيج حقج وكل كلمات المدح قليلة بحقك لان انتي مصدرها.
اما بخصوص الشخصيات
شهد:فديتها هالبنية تينن
نوف:ياكرهي لج الحين الريال<الرجال>مايبيج مو غصب الحيوانة لما بدت الامور تتحسن بين شادن وعماد يت<جت>تخرب عليهم اقدار تكفى ومثل ماتقولون تكفى تهز رجال موتيها ولا خليها تاخذ حمود ولد عمتها
اهي في البداية كسرت خاطري بس مو من حقها ان تخربر بينهم وعذرها شنو ان تحبه حبها برص ان شاء الله
فهد:بعد موت سعود اتوقع بصير جدي مو نفس اول الله يعينه مو سهل انج تفقدين احد كان اهو الحياة بالنسبة لج بس مادري ليش ماحبيته
عماد:من اول ماقرت البارت ورفضه للزواج شطيت ان عاجز وتاكدت شكوكي انهم
كلم ييبون<يجيبون>سيرة العيال مادري شيصير فيه وان شاء الله تكون شكوكي غلط
شادن:حبيبتي عفية عليج جذي المرة العاجل ماتخلي ريلها يروح منها بس حياتي ديري بالج من نوف الزفتة اوكي؟
نايف:ضحكني لما قعد يستهبل على امه
جمس بوسعد:موتي الي تبين الا سارة وفاطمة واميرة وسامية وبو سعد والباجي<الباقي> كيفج اذا كان في باجي

وسوري على كلامي الي مخربط ومادري شلون صاير بس مثل ماقلت لما ايي <اجي>اكتب رد لروايتج اتخربط كلي واقط بدليات وايــد
ننتظر البارت الياي<الجاي> على احر من الجمر
الله يوفقج يا احلى اقدار او جذابة مثل ماقلت اختي ظماي انت او ابداع مثل ماقالت اختي زارا

بارت رائع جداااا
ونشكرك على جهدك
وننتظرك ياعسل

كيفك اقدار

عدنا <<هه سبيس تون

وبسم الله نبدا

من الليلة الحلوة اللي خربها عماد بثقالته تدرين احس انه بالاخر بيطلع الموضوع خطأ واو التحاليل خطأ او انه فاهم الموضوع خطأ

الخاطرة مرررة حلوة الله يسعدك احسها تجسد وضع عماد صح الله يعينه

رهيب مرررة وصفك الله يحفظك

وكملي يا شادن والله يرعاك

اقتباس :-

وكأن الحلم مستكثر عليها ..

مررة اثرت فيني الله يكون بعونها


مررة حلو وصفك لرمضان في القرية

اقتباس :-

قالت فوزية : ماادري كيف بيطلعون عيالك ياعماد اذا امهم تخاف من الحشرات .. تدري انها تخاف من شي اسمه جراده .. كانت جملتها الأولى كفيله انها تجمد كل حركاته وضحكته ونظرته .. بهت لون شادن وطاحت من يدها تفاحه كانت تقشرها ..

مررة جات في الصميم كلنة فوزية احس ان التلميحات هذي ممكن تحل اللي بينهم وتفك الاشكالية خاصة من يوم بدت الجدة تعاتبه وتبين انها حاسة باللي يصير بينهم وبالجفا اللي عايشين فيه


الله يعين فهد على الحزن اللي عايش فيه ان شاءالله يتأقلم مع الحياة مرررة صعب فقد الاحباب
نسأل الله يحفظ لنا جميعاً احبابنا ويخليهم لنا.. آمين


الله يعين المدرسات اللي كل يوم يروحون ويجون في رمضان صرااااحة اتمنى رمضان يكون اجازة دايماً لان الشغل فيه متعب ويضيع على الواحد كثير من وقت العبادة اللي ممكن يستغله بدل ما يضيع في النوم والامشاوير الطويلة


اما موقف شادن مع عماد لما تعبت مرررة محرج والاخ مفهي مايدري وش السالفة حتى لما علمته
صدق انه يبغى له ينضرب على راسه

مررة مؤثر لقاء فهد بخواته وامه

تصدقين حاسة انك بتزوجين نايف من بنات ناصر

الله يستر على بنات الباص وعلى سارة

ننتظرك ان شاءالله على خير وبشووووق

اختك

اصالة-نادرة