المنتدى :
الارشيف
حبِ يشيب وصاحبه مابعد شاب..
بصراحه احس ان العالم راقده مدري الوقت اللي دخلت فيه يكون المنتدى خااااااامد بس برج العالم الراقده بكم قصيده ههههههههههههههههههه <<شاربه بايسن هههههههههه
حبٍ يشيب وصاحبه ما بَعَد شـاب
وحبٍ يشّيب صاحبه فـي شبابـه
وحبٍ يغيب وصاحبه ما بَعَدْ غـاب
وحبٍ يدوم وصاحبـه فـي غيابـه
وحب يذوّب خافـقٍ مـا بعـد ذاب
وحبٍ يداوي صاحبه مـن عذابـه
وحبٍ يتوّب خافقٍ ما بَعَـد تـاب ْ
وحبٍ يزيدك رغبـةٍ فـي الكتابـه
وحبٍ بلا معنى وحبٍ بـلا اسبـاب
يبدا غريب وينتهـي فـي غرابـه
وحبٍ ضعيفٍ مثل حبرٍ على كْتـاب
تمحيه دمعـه فـي ثوانـي كآبـه
وحبٍ قويٍ مثل قصرٍ لـه ابـواب
لو هبّ عاتيْ الريح ما اهتز بابـه
وحبٍ بداية رحلته نظـرة اعجـاب
واخر مطافه مثـل يـومٍ بـدا بـه
وحبٍ يعيش بداخل قْلوب الاحبـاب
وحبٍ يشيع وكـل حَـيٍ درى بـه
وحبٍ مقامه في ضلوع الصَدِر طاب
وحبٍ يعدّي مثـل مـرّ السحابـه
وحبٍ على قبره نعق بوم وغْـراب
وحبٍ تغنّـى بـه لحـون الربابـه
وحبٍ بمقدارٍ وحـبٍ بـلا حْسـاب
وحـبٍ بمعـروفٍ وحـبٍ نهابـه
وحبٍ يعيش أهله وسط داره اغراب
ويموت قهر ويندفـن فـي ترابـه
وحبٍ غدا سرّه سوالف للاجنـاب
وحبٍ يموت وصاحبه ما حكى بـه
وسلامتكم
منقول
|
19-10-07, 04:15 PM
جديد مواضيع قسم الارشيف
العرض العادي
