يعطيكي العـافيه ريـحانه

قرأتلك مجمـوعه من القصـائد .. مع اني مالي كتير بالشعـر (ال يعني اني مش عم اقرأ قصـائدك اول باول)


ولاحـظت انها بتسيـر تقريبـا بنفس النمـط


غالبا ومتل مابتحكي انتي .. ان قصـائدك بتجيكي لما تكوني معصبـه .. وبتكون منقوله عن واقع انتي بتمـري فيه


لكــن .. باغلب قصـائدك بنلاحظ انك مظلومـه .. وبتبدي فيها بتذكر الليـال الملاح واللحظـات السعيـده .. ثم تنهيها بتهجـوم وانتقـاد لاذع عالشخـص المقصـود .. تصفي النا حالك .. وتصوريلنا الشخـص المقـابل على انه مذنـب وشرس ومخادع .. ومابتصوريلنا متـلا احواله او دوافعـه او اسبـاب المشكله

ممكن الهـدف من القصيـده هو انك تروحي عن اللي بيدور بخـاطرك وتخففي عن حالك

لكـن .. بما ان قصـائدك حقيقيه و واقعـيه .. فما في اي مانـع انك تصوريلنا القصـه باسلوب شعري راقي .. لان القصـيده بيكون من وراها هدف ومقصـد وعبره وفـائده ..

بالذات ان الشخص المعني لحتى الان عم يكـسب انتقـادات ضده (باعتبـاره كما يبدو شخصيـه حقيقه وليست وهميـه)


وانا من طبعـي اني احاول اكون عـادل .. ومااظلم الشـاب والبنـت :)


تحيـاتي الك رريحـانه

الم تاتيني بالامس باكوام من آيات الافتراء
جعلتني اتعبط وسادتي ملتزقة في غـــــراء

بعتقد اني دائما بطرق للاسباب الي دفعتني لوصفوا بالمنافق تارة وال**************** تارة اخرى
ولي بيشرع اذونوا لابواب الاصغاء الي بيرقد وراها الوان من الذئاب بيكون انسان ما بيستحق
تنكتب بحقوا اي كلمة مديح او ثناء .
بعتقد انو عملية سرد الاسباب بشكل واضح اكتر من هيك
بتخليني اقرع ابواب انا بغنى عنها
يعني ما راح قول للاطرش تعى اسمع وللاعمى تعى شوف
شو قاعد بيصير !!!!
شاكرة لك مارتن مداخلتك القيمة
تقبل مني فائق التحية ،،،

سـوري ريـاحين

بس انا كنـت حابب اتوصل لنقـطه


ان قصـائدك المقصـود منها تصـوير لحـالك وتفكيرك اللي انتي بتفكري فيه .. وليس المقصـود منها عرض القصـه على شكل قصيـدة شعريه لحتى الكل يستفيد ويعطي رائيه بالتجربه اللي انتي بتمري فيها

يعني انا شخصيـا كنت حابب اشوف تفاصيل لسـر اشعـارك .. لحتـى اقدر وكل القراء يحكمـو ويقيمو ويقدمو النصح والارشـاد


ولكن انتي وضحتي ان الامر مش مستـاهل انه ينعرض لانه ممكـن من وجهة نظري يكون فيه اكتر من اراء مؤيده ومعارضه او من وجهة نظرك بيكـون المشكله بتخصك الك انتي بس .. وتعتبر شخصيـه ومابيحق لاي احد يعرف تفصايلها


تحيـاتي الك ريحـونه

بل على العكس مارتن
انا اكثر قصائدي لو بالفعل كنت امتابعها بحاول آخذ فيها برأي القراء والمتابعين خاصة اذا كانت الابيات ابتحمل نوع من التساؤل
اما بالنسبة للقصيدة الي بعرض فيها قرار تم اتخاذوا ـ من المؤكد انو وجهة نظر المشاركين ممكن آخذ فيها بس غالبا ما بتكون مؤيدة
لقراري .
بالنسبة للقصص الشعرية الي ابتحكي عنها غالبا ما بتلاقيها متعبطة صفحات الخواطر اكثر من الشعر
لانو القصيدة بنحاول من خلالها نصيغ حكمة او نوصل فكرة ـ مو بس نحيك قصة !!
شاكرة لك مارتن مداخلتك
تقبل مني فائق التحية ،،،

الله الله الله

شو هذا والله كلمات رائعه ومعاني رائعه
قال يعني
بس كلمات من الصميم وصلت للصميم ههههههههههه


يعطيكي العافيه رياحين
وشدي ايدك المره الجاي