لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 03-07-10, 12:04 PM   المشاركة رقم: 6
المعلومات
الكاتب:

البيانات
التسجيل: Sep 2006
العضوية: 13121
المشاركات: 14,191
الجنس ذكر
معدل التقييم: dali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسي
نقاط التقييم: 4972

االدولة
البلدCuba
 
مدونتي

 

الإتصالات
الحالة:
dali2000 غير متواجد حالياً
وسائل الإتصال:

كاتب الموضوع : روئ العين المنتدى : القصص المكتمله
افتراضي

 

ظهر حمدان من وراه البوم:شوفيه وقولي لي شو رايج
شمه اول ماخذت الالبوم ..اول صفحه كان مكتوب عليها حياتي شماا..جلبت الصفحه شافت صورتها يوم هي ياهل ويا حمدان...والالبوم كله كان صورهم....وكان الالبوم عووود والصور اللى فيه وايد....وآخر صفحه من الالبوم كانت فيها ورقه امتحان شما مالت صف اول...في يومها كانت شمه سايره صوب حمدان اتقوله انها ظهرت الاولى على بنات الصف ويابت علامه كامله في الامتحان...
حمدان:وحياتج شما اني كل مااكون متضايق والا معصب والا خاطري في شوفتج...افتح هالالبوم وانسى كل الدينا
ام حمدان واقفه عالباب:صدقك والله الظاهر نسيتنا...
حمدان وشمه حمروا
حمدان:السموحه اميه...بس خذتني السوالف مع شما....
ام حمدان:مسموح ولديه...منو مايشوف شما وما ينسى اللى وراه والله...الله يهنيكم ياولديه ويرزقكم الذريه الصالحه ان شالله...
حمدان وشمه:الله يسمع منج..
حمدان:خلاص عيل فديتج شما ..بترخص عنج احينه..شي فخاطرج؟؟
شمه:سلامتك فوادعت الله...
ام حمدان:ياعيني على سلامكم...
(شمه تضحك وحمدان مبتسم) يالله شحلاتكم وانتوا عند بعض....(حمدان ظهر من الميلس وسار برع)اما شمه بعد ماسلمت ع اهل حمدان سارت اتبدل ملابسها ونزلت ولقت ابوها وسيف...
بو سيف:حيا الله العروس...
شمه:الله يحييك...وشحالك ابويه؟؟
بو سيف: كامل الصحه والحمدلله...
شمه:عساه دوم...
بو سيف :الله يسمع منج...
سيف:يحليلها..في وحده خلاص قريب بتفارقنا...
شمه:لاتخاف مابصيح...
بوسيف:هههههههههه..يابنيتي...مافي بنيه ماتفارق اهلها الا وتصيح.....مهما يكون لو سايره بيت عمها لو بيت عمتها بيظل بيت غريب...البنيه ماترتاح الا في بيت امها وابوها....لكن الريال عادي ماعليه من حد...ريال...
شمه:صدقت يابويه...لكن ان شالله خير...يالله انا هلكانه بسير ارقد باجر ورايه دوام شي فخاطركم؟؟؟
بو سيف:سلامتج يا بنتيه...
سيف:اخطفي على حجره حصوص طرشي لي كافي من عندها....
شمه:انزين...
وسارت شمه عند حصوص وقالت لها....وعقب سارت شمه صوب حجرتها...اول مادشت حجرتها موبايلها كان يرن....ظهرت موزوه اللى متصله...
موزه:الله عليها لطيفه...ماشالله عليها تجنن تخبل....
شمه:يالله ان شالله تستانسون عليها....
موزه : الصراحه لطيفه كلام ثاني...خلاص الملجه يوم الاثنين...لكن الحفله يوم الخميس...يويلكن ماييتن ...باجر الصبح قول حق امج....
شمه:ان شالله
موزه:تعالي متى عرسج
شمه:هيييييه 11\12 معزوومه...واول وحده والله

الجزء 7
شمه: هييييييييه 11/12 معزومه..اول وحده والله
موزه: ياااااااااااااااااااي كشخه..قررتي شو بيكون دزاين الفستان ووين بتفصلين وشو بتسوين والي بتييبين ؟؟؟؟ يالله قوليلي كل شي....
شمه: بل بل بل ..حصوص الملقوفه ماسألتني عن هذا كله...افتكيت من حصوص يت مواز...
موزه: اوهوووووووووووو...بتقولين والا شو؟
شمه: حبيبتي..كل شي في وقته حلو.....باجر قلت حق سيف بسرس اتزهب...قال والله اوديج احلى واجمل الاماكن ..وانتي لو تشوفينه وهو يقول هالجمله...كنه واحد من هالزلمه الاتيكيتيين...
موزه: هههههههههههه..سيف اكبر واحد صحح؟
شمه: هي اكبر واحد فينا..لكن سوالفه كنه اصغر واحد...
موزه: ههههه...يحيكم انزين يسولف وياكم...مب شرات لي عندنا..فالح بس شعر وقصص رومانسيه وحالته لله...
شمه:انزين والله كشخه جيه...
موزه: انزين احينه انتوا وين بتسوون العرس...في خيم والا فندق؟؟
شمه..: اكيد خيم..وبنشوف عاد...تراني اليوم بسير افصل فستان العرس باخذج ويايه...
موزه: ان شاء الله ...بس كيف بتسوينه...
شمه:شوفي انا حاطه كذا فكره في بالي...بس لا تستعيليين محد يدري غيرج..حتى خواتي ماقلت لهن...
موزه: يالله مبروووووووووووووك ياشمه...الله يهنيج وياه وعسى ربي يرزقكم الذريه الصالحه انشاء الله
شمه: انشالله..
موزه:شمووووووم ماتخيلج عرووس
شمه:ههههههههههه
موزه: تراني وايد بشتاقلج والله..الحمدلله اني تخرجت والا تخيلي بعدني في الجامعه كنت بيلس بروحي...فديتج شموه والله
شمة: خلاص موزه انتي وسيف نفس الشي الا تبون تصيحوني...
موزه:ليييش شو سوا خوج؟
شمه: كل ماشافني قال في وحده مسكينه هنيه بتودرنا وبتعرس...
موزه:هههه يعرف يغايض بعد..( وفي هاللحظه دق سيف باب حجرة شمه)
شمه: لحظه موزه...(حطت التلفون ع الشبريه)...منو عند الباب؟؟؟
سيف...اناالحرااااامي... ويا راسج يعني منو بكون؟؟
شمه وبعد مافتحت الباب..خير سيف افندم؟
سيف: شمه مشغوله؟؟
شمه استغربت: لا ..ليييييييش؟
سيفغ: ممكن اكلمج اشويه؟
شمه : اتفضل ايلس..
(يلس سيف عالشبريه اما شمه يلست ع كرسي التسريحه اللي كان قريب من الشبريه)
سيف: شمه ترى امي قالي بتخطب لي...
شمه : والله (وهي مستااااااااانسه) مبروك ياخويه... بس من العروس ؟؟؟؟
سيف:موزه بنت سهيل ..ربيعتج..
(شمه انصدمت)
سيف: شوفي شمه ..موزه ربيعتج وحافظتنها مثل ماحافظه اسمج...اللي اباج تسوينه انج تتصلين ابها وتسألينها جانها حاطه حد ف بالها..لاني ما احب اظلم احد معاي واتقول لج احينه احسن عن يوم اخطبها انرد....
شمه:............................
سيف: حووو شو قلتي؟
شمه وتأشر ع التلفون واتقوله انه موزه ع الخط فيعني اكيييييد سمعت كل شي..سيف شهق وفي خاطره الله ينطب هالشموووم وتم مبهت مش مستوعب السالفه لين احينه...وبعده ايقول ف خاطره هاي شموم اكيد غبيه ما قالت لي ان البنيه ع الخط الحين البنيه شو بتقووووول ...والا انا الغبي ما لقيت ارمسها الا الحينه يعني شو كان بيستوي بي لو رمستها باجر ...واااااقفطتااه قويه الحركه..
شمه ( اشرت حق سيف انه يصبر اشويه) وهي ترمس موزه: الووو موزه سوري تأخرت
موزه مش عارفه شو اتقوول: لا بالحل افا عليييج
شمه: موزه ظنتيه سمعتي كل شي..
موزه وتحاول اتسوي عمرها ما تعرف شي: هااه.؟ شو كل شي يعني؟
شمه: موزوووه عيوني انتي ..لا تستهبلين ..ادرييبج سمعتي كل شي يالله شووو جوابج ..شورايج ف اخويه؟
موزه وويها قافط: شموم حياتي تدرين انه الشور هب شوريه .الشور شور اهليه ..تقدرين اتقولين شور مانع..انا مالي راي..
شمه: انزين ما عليه ..بس لو سألووج ..شو بتقولين؟
موزه: دام ان الريال ما ينعاب..أدب ودين واخلاق واحترام وسمعه.والنعم فيه والله بعد شو اريد احين عن هذا !!
شمه: خلااااص ضمنت انج حرمت اخويه احين بسكر عنج برمسج باجر..
موزه : خلاص عيل فوداعت الله..
شمه: مع السلامه..
وسكرت شمه عن موووزه وهي اتشوف اخوها بطرف عينها يتها فكره جهنميه انها تسويله حركة نذاله وتطفر به وتحرق اعصابه نفس ما يسويبها...بس حراام ما يهون عليها سيف...خلااص بقوله شو صاار ..وخبرته شمه عن رد موزه وشو قالت ..
سيف: والنعم فيها والله خلاص انا بقوول حق اميه ترمسهم باجر..
شمه: ترا هالخميس ملجة اخوها مانع ..
سيف: هيه قبل اشوي كان ايعزمنا ويا الربع..
شمه: انزين أوامر ثانيه؟
سيف: لامشكوووره اختي ماقصرتي ..مع السلااااامه
شمه: حياك
ظهر سيف من عند شمه وهو مرتااح وسار حجرته وهو يفكر في كلام موزه " دام ان الريال ما ينعاب..أدب ودين واخلاق واحترام وسمعه.والنعم فيه والله بعد شو اريد احين عن هذا !!" وفي خاطره ما شالله عليها اول شي فكرت في دينه ..مش في شكله والا ولد منو .صدق انها بنت اصول..ولا وعاقله بعد..مب بنات اليوم اتقولهم ياينكم معرس..يشوفن اول شي شكله وطوله وفلوسه كم وكم يسير وكم يرد وشو من سيايير عنده ومنو ربعه ...بس الحمدلله ع النعمه اللي عطاني اياها..جمال ودين وخير وسمعه ..عساني يا رب اتوفق وأوفقها ويايه ..فديييتني انا اللي يشوفني يتخبل علي ولا ويشعر فيني بعد (ههههههه) سيف يرمس عمره والله شكلي ينيييت ..لا صدق ينييت ارقد احسن..ورقد سيف........كااانت موزه بعد اتفكر في سيف....لكن فكرت انها ترقد لان باجر وراها جامعه..
يوم الاحد الصبح ..نش سيف ونزل الصاله لقى حصه تهذرب ويا امه وابووه ..
سيف: السلاااااااااام عليكم..صباح الخير
الكل: وعليكم السلام ..صباح النوور
سيف: شحالج اماه...وشخبارك ابويه..
أم سيف+ بو سيف: يسرك الحال يا وليدي..
حصه: يعني شووو انا مالي رب تتخبر عني؟
سيف: عنبوووج زاد ..انا قبل لا انزل من فوق واسمع حسج تهذربين ويا اويه مادري شو تخورطين عليه من صباح الله خير..ومن جيه عرف انج ابخيير..
حصه: بل بل بل عين خيير.. اخاف ضروسي اتطيح اليوم..واتم بليا ضرووس..
بو سيف: قووول ما شالله عن تاكلك يدتك..
سيف: ويديتيه شو لها خص؟؟
بو سيف: يدتك ويانا هنيه..حصه بنت محمد
سيف:ليكووووووووون ..لااااااااااا مشاكل..خخخخخ..مسكينه يدتيه وايد ظلمناها...
حصه: هههه ..اقولك بطوفها لك هالمره بس لانك مستانس..يالله قووول شو مشكل (وغمزت حق اخوها)
سيف: ههه ..مشكل اونه..(سيف وهو يرمس امه) امي طلبتج..
أم سيف: طلبت عيوني..خذها والله فدااك..
سيف: تسلم اعيونج والله ...بس انتي راضيه عني؟
أم سيف: ياولدي وكيف ما ارضى عنك..وانا كل ما شفتك الهم كله يزول..
سيف: تسلمين لي والله..بس انا بغيت اكمل نص ديني ..بعرس..وباخذ البنيه اللي شرتي عليها..بنت سهييل..
أم سيف واحلى زغروطه ع الصبح: بالمبارك يا ولديه انا اليوم الضحي برمس ام مانع..
بو سيف: بالمبااارك يا ولدي ..الحمدلله الله كملك بعقلك
من الفرحه نشت حصوص واتطبل ع الباب وهنيه نزلن خواتها ويت الخدامه من المطبخ اللي برع كلهم يبون ايعرفوون شو السالفه ..
حصوص وهيه اترمس مريوم اللي ع الدري: مريوووووم هزي يالله عندنا بدال العرس اثنين ان شالله ..
مريوم وهيه تضحك: عرس من الثاني ليكوون انتي؟؟
حصه وقفت الربشه معاها: خير خير خير اخت مريوم شو قلتي؟.
مريوم : خخخخخ ما قلت شي..آسفه..اكيد سواف المعرس ..رايت؟
سيف: احم احم انا معرس ان شالله لاحد يكلمني...
شمه: عدااااااااااال المعرس..انا عروس من قبلك عيل كلهم يرمسوني..
أم سيف: ههه .. الله يسعدكم يا عيالي ان شالله ..والله مش ناقصنكم غير خالد..
حصه: فدييييييت خلللود اخويه والله لو هو موجود هنيه شو كنا بنسويي..برنبش البيت فوق تحت نفس ذاك اليوم ..يوم كان يطبل ع القدر وانا اصفق...خلينا اليوم ايقول يهز اقولك ..
سيف: هيه امره ..من يطرون اسم خالد تمدح فيه..لكن من ايقولون سيفمادري شو اييها...
حصه: عاد شو اسوي..انا كلوووز ويا خالد ..خلاص احينه انته موازي بتدلعك وبتمدحك
بوسيف: والله انه يلستكم ما تنمل واتفرح الواحد ..ياريت والله لو كل صبح جيه تسوون..
حصه: فالط طيب ولديه ما طلبت..
بو سيف: ههه ..والله انج نسخه من يدتج...
كان سيف بيرمس بس حصه رميست قبله: حووو معرسنا مب جنه غبرنا ف البيت يالله يالله ..
سيف: انزين اسبقيني..السياره برع ومشغله انتي بس اترييني ف السياره ..احين بييج
سارت حصه صوب سيارة اخوها سيف وهي تمشي اتحس انه احد يشوفها لكن محد موجود برع ..فدخلت السياره تتريا اخوها سيف..اللي سيراته من دون مخفي..واللي ما تعرفه حصوص..انه ولد ييرانهم سعيد هو اللي يراقبها ..كان يالس يسخن سيارته (مخفي شامل) فانتبه ع حصوص وهي ظاهره من البيت..كان سعيد مش مصدق اللي يشوفه !!!!!

الجزء 8
كـان ولد ييرانهم سعيد برع يالس ف سيارته(مخفي شامل) وكانت حصوص توها ظاهره من البيت سايره سياره اخوها سيف(من دون مخفي) كانت في السياره تتريا سيف اللي أتأخر ...وقالت بدل لا اتريا سيف بظهر الكتاب وادرس حق الامتحان ..في هاللحظه كان سعيد يالس فس سيارته مش مصدق اللي يشوفه مش قادر يستوعب اللي يشوفه..معقــــــوله !! هاي نفس البنيه اللي شفتها ف الموول اللي شفتها ويا سلطاان والحين هيه نفسها بنت ييرانها ولا اخت سواف بعد...عنبووها شو كانت اتسوي عند سلطاان..لا حرام هل سيف طيبين وناس محترمين معقوله ؟؟
لا مستحيييل خلني بتصل حق محمد ولد عميه وبتخبره..(في هذي اللحظه ظهر سيف واتغشت حصوص لانهم بيتحركون)أما سعيد كان ع نار ولد عمه ما يرد ع التلفووون ...قال خلني بجرب آخر مره..ودق سعيد حق ولد عمه محمد..محمد بعد ما رد..
سعيد: السلااام عليييكم ...جان ما رديت
محمد: وعليكم السلام والرحمه...هلا..شو بلاك؟ الاهل فيهم شي
سعيد: لأ ليش.؟
محمد : عيل شو عندك داق ع الصبح؟
سعيد: داق اتخبرك عن ربيعك اللي لقيناه ف الموول سلطان!!
محمد: اوهووووو..ردينا ع البنيه ..انته ما تفهم انا اعرفهم هل سلطان ..بناتهم محترماات يعني No way حق هالسوالف..
سعيد: بل كليييتني ..ويا راسك..انا اللي ابغي اعرفه عندهم اهل ف العين والا لا؟
محمد: تستهبل يعني ليش ما تدري انه ولد خالة سواف وخلود؟
سعيد: قووووول والله ليكون هذا اللي كان ايي عندنا قبل الدب الابيضاني
محمد: علييك لمبه هو هذا ..
سعيد: ماشالله يا ريال اتغير وايد استوا رشييق احينه ولا حليو بعد
محمد: والله انه راعي سوالف..خطيير هالريال لازم تيي عندنا ف الويك اند يبالنا سهره محترمه..
سعيد: هههاااي فالك طيب انته بس..ع العموم بسكر انا الحين..يالله فوداعت الله
محمد: فوداعت الرحمن
وبعد ما سكر محمد من سعيد...ارتااااح لما عرف انه سلطان يستوي ولد خالة سيف..لكن اللي ف خاطره الحين..والخطوه الاخيره ..يمكن سلطان يكون حاط عينه ع حصه..والا حصه حاطه عينها ع سلطاان ...تم يفكر سعيد وهو يقول انا لازم اعرف شو امبينهم
****في بيت أم مانع ****
الحين الضحى وكانت ام مانع يالسه ويا اختها ام راشد عند الزراعة ..
أم راشد: الله يسعد مانع ان شاءالله ..
أم مانع: الله يسمع منج ..ياعساها تفرّح ولدي..
أم راشد: بس ماشالله البنيه غاوية واتجنن..هب شرات هالعفريته اللي عندنا..حرمة راشد ..لو اقولج عنها ..حشاا
أم مانع: خير شو سوت هالمره بعد؟
أم راشد والدمعة في عيونها:هيهاا (وهي تتنهد) والله ان ولديه اتغير من يوم ما خذها..ما عليه لو انه متغير عليّ ..لكن يتغير ع خواته وتوصل لدرجة انه يشك فيهن وايمد ايدينه عليهن..
أم مانع وهي مبهته: ياويلي ويلاااه لا حشا هذا مب راشد اللي احيده..وبعدين حق شو ايمد ايدينه ع خواته؟
أم راشد: هالعقربه جاذبه عليه ..ترا امها يت بتخطب روييض..نحن ما رضينا
أم مانع: والله زين سويتوا ناقصين نحن بعد..
أم راشد: هيه والله ما رضينا ما نبغي اناسبهم مره ثانيه..المهم سارت هالعربه وقالت حق ريلها والله اختك يوم امي يت اتخطبها قالت نحن ما نرضا بناس اقل عن ف المستوى وعيال===..وانتي تدرين يأم مانع عيالنا وين وهالرمسه وين..
مانع: وعليّه عليج الحين شو بتسوون؟؟
أم راشد: أنا رمست خليفه بن حمد ولد عمهم يوم يانا البارحه عصب يوم درا عن سالفة راشد يوم مد ايدينه..قال والله محد احق بروضه غييري انا وهو بياخذها وبيكون مسؤول عني..مب راشد والا حرمته..
أم مانع: ريال ريال..عن عشرة رياييل بعد والنعم والله..واالله انه يحب روضه وشارنها بعد..وين بتلاقون احسن عنه..
أم راشد: انا رمست رويض البارحه ..قالت بتستخير وبترد عليه..عسى خير ان شالله..
أم مانع ( وهي مبتسمه):يالله انك تفرح اختيه وتسمعها الخبر الزين..
أم راشد: الله يسمع منج ان شالله..عاد يالله بستسمح منج انا بسير اشوف شو صاير ف البيت..
أم مانع: مسموحه الغاليه..سلمي ع روضه ..مع السلامه..
وبعد ما ظهرت أم راشد تمت ام مانع اتفكر في حال اختها وفي مصايب الزواج عن معرفة سابقة ..بس قالت في الاخير انه هالبنيه جيه طينتها وبنيه عن بنيه تفرق..
سيزيتا: ماما تلفوون..
أم مانع: منو؟
سيزيتا: أم سيف..
أم مانع وبعد ماخذت التلفون: السلام عليج يأم سيف..
أم سيف: وعليكم السلام والرحمه هلا والله
أم مانع: هليين الغاليه و شحالج؟
أم سيف: يسرج حاليه ..علومج علوم العيال..
أم مانع : والله عايشين ..مبرووك البارحه مويز اتقولي عن شمه..عقبال الكل ان شالله
أم سيف: الله يبارك في حياتج ويسمع منج ان شالله..والله انا داقتلج ..طالبتنج بطلبه
أم مانع: آمري
أم سيف: بغيت بنتكم موزه حق ولديه سيف.
أم مانع: وهذي الساعه المباركه ..و بنتنا ما بتلاقي احسن عن سيف..بس عطيني يومين ثلاثه ..وبرد علييج..
أم سيف: خذي راختج الغاليه..السموحه نسيت ابرك لج ع مانع ..اليوم الصبح شمه تخبرني
أم مانع: الله يبارك في حيااتج ترا وصلتكم العزيمه البارحه..
أم سيف : هيه والله صلتنا
أم مانع: عاد حلفتج انج تيين..
أم سيف: ان شالله بشوف..
أم مانع: لا يأم سيف ماشي اتشوفين ما اتشوفين بتين وبتكونين ام المعرس بعد
أم سيف: سلمتي والله ..بعدني ما نسيت وقفتج ويانا في ملجة شموه..كانوا يتحسبونج خالتها ..وما يدرون انج امها الثانيه..
أم مانع: ههه..فديتج والله..
وتمن العيايز يسولفن ويا بعضهن أم سيف تخبرت عن حال أم راشد مه حرمة ولدها ..وبعد ما سكرت أم سيف...
أم سيف: يا بو سيف تراني رمست هل موزه بنت سهيل..
بوسيف: بشري وشو قالوا؟
أم سيف: بيردون علينا قريب ان شالله ..
بو سيف: بالخبر الزين ان شالله
أم سيف: الله يسمع منك..ترا هالخميس ملجة مانع ولد سهيل وعزرين انسيرلهم..
بوسيف: ماشالله ..كبروا العيال..الله يوفقه ان شالله,,,لازم اتسيرين يأم سيف هذا الواجب..
أم سيف: ان شالله
وبعد كل هالسوالف بو سيف سار المسيد ايصلي..أما سيف في الدوام كان مشغول فما قدر ايسير حق حصه..اصلا هو نسى حصه من الشغل اللي عنده ..فحصه كانت في المدرسه تترياه عند البوابه تسير واترد برع اتدور ع سيارة اخوها وترجع..ومابقى في المدرسه غير حصوص وبنت ييرانهم ميثه( صف ثاني ثانوي ربيعة حصوص من الطفوله لكنها رسبت سنه) وكانت دووم اتسولف ويا حصوص..
ميثه: حصوص يت سيارتنا بررع يالله بوصلج..
حصوص:لا ماعليه انا بتريا اخويه لانه قال بييج اخر الدوام..
ميثه: يالله عاد والا نسيتي العيش والملح ترانا الا بنات ييران ..
حصوص: هههههه دخيلج عاد..منو ياينج؟
ميثه: اكيد سعود بعد منو..
حصوص: لا عيل برايج اتوكلي..
ميثه: ويا راسج عادي تراه ربيع اخوج وولد ييرانكم.
حصه: ولا والله ربيع اخويه وسويتيه عادي منو عيل اللي مش عادي؟
ميثه: انزين اتصلي البيت ..
حصه: سكروا ع التلفون ويا راسهم فاتوره تييهم..
ميثه:هههههااي..دقيقه..
سارت ميثه السياره عند اخوها سعيد وخبرته عن البنيه فقال خلها تيي ويانا ما باكلها تراني...قالت له ان البنيه مش راضيه فعطي ميثه تلفونه قال لها خلها اتدق بيتهم...خذت ميثه تلفون اخوها وسارت صوب حصوص..
ميثه: حصوص دوج اتصلي بأخوج..
حصوص: اوكيك...واتصلت حصوص حق اخوها سيف وقالت له اييها فقال لها اوكيييك..
بعد ما دقت حصوص حق اخوها تشكرت ميثوه وياها اخوها بعد ربع ساعه..ويوم وصلت البيت حصوص حست عمرها صدق هلكانه فاتسبحت وسارت ترقد..
***اما في بيت أم سعيد***
سعيد يالس ف الصاله هو وامه واخته ميثوه..سعيد كان يلعب ف تلفوونه ...لكنه انصدم..منو داااق حق ربيعي سيف..وانا اصلا اليوم ما سمعت حسه..تم يفكر ويفكر اخر شي قال: صححح يمكن ربيعة ميثوه..
سعيد: ميثوووه بنت منو هاي اللي كانت وياج ف المدرسه؟
ميثه: لييش؟
سعيد وهو مش مستوعب: اخت سيف بنت محمد صح؟
حصه: وشدرااااااااك؟؟
سعيد: بعد اشدراني داقه حق اخوها ربيعي..
ميثه: اهاااا
أم سيف: منو من بناتهم؟
ميثة: حصوص..
سعيد وهو مستاانس ( الله عرفت اسمها..خلاص ارتحت) .
أم سعيد: هيه ماشالله عليها حليوه
سعيد(من دون لايحس): اف الا حليوه..قولي اتخبل قوولي تجنن
ميثه: وانته شدرااك!!!؟؟
سعيد( وهو يبى يغير السالفه): مش انتوا ترمسون عن أليسا؟
ميثه: اخ عليك وعليك..وش جااااب اللي جااب(وهي تتطنز ع ابلة العربي) فدييت حصوص
سعيد: فدااااااااج الند في بحر مسود وفي يبل منهد قولي آمين ..لا تتفدينها جدامي..
أم سعيد: ليش تغار ع ميثوه ؟؟والاااا حصوص؟
سعيد وقال لا بالله شكلي انفضحت و فضحت البنيه معايه...
سعيد وبكل براءه: منو حصوص؟
ميثه: فرقت هالويه عيل نرمس عن منو من الصبح..(وهي ترمس امها)اماااااه مادريتي خلاص بتعرس شموم..
أم سعيد: امبلا دريت خبرتني أم سيف اليوم..
سعيد : ومتى بتعرس..
ميثه : بعد العيد ان شالله..
وتموا يسولفون عن قوم بن محمد..سعيد كان في عالم ثاني ضايع في خيال حصه ملتهي يتذكر بسمتهــا لكـــــن....كيف اقدر اوصل لها؟؟ ماشي غير ميثووه ..بس ميثووه ملقوووفه عادي اتخرب السالفه فوق تحت ..بس يالله بنجرب هالمره ..سار سعيد صوب حجرة ميثوه وخبرها السالفه كلها..
ميثه: وانا اقوول اليوم شو بلاه الريال طايح عليها وهالحركاات ...أمممممممممم أمي تدري؟
سعيد: محد غيرج يدري...ومحمد ولد عميه..
ميثه : شوف انا برمسها اليوم وبشوف شو ردها..
سعيد: عندج رقميه صح؟؟؟ خلها تدق عليه وبتفاهم وياها..
ميثه مستغربه: اوكي...

الجزء 9
وبعد مارمس سعيد اخته ميثه ..حس انه خلاااص بيوصل لمراده ...بيوصل حق "حصوص" كان مرتاااح لدرجه...لكن قطع ارتياحه سؤال كان لازم يفكر فيه من قبل...يمكن حصه تحب حد ونا الحين بخرب عليها ويمكن هالبنيه ما تحب هالسوالف انها تدق ..لااا وانا معطي ميثوه رقميه تعطيها..شو هذا خلني اتلاحق على عمري واقول حق ميثوه ما تعطيها الرقم عن تاخذ عني فكره..خلني ادق حق ميثوه واقولها ما تعطيها الرقم ولا تقوللها الساله بس تتخبرها ...
*** في بــوظبي...بيت ام منصور***
أم منصور يالسه في الصاله ويا بناتها ايشوفون قناة الجزيره..
يزوي: أماااايه ما بنسير العين
أم منصور: اصبري خلني اسمع شو يقولون..
يزوي: نصبر بعد شو نسوي....(وبعد كم من دقيقه)
يزوي: أماااايه بنسير العين هالخميس..
أم منصور: قذيتينا انتي...
يزوي: انزين قوليلي بنسير والا لا؟
أم منصور: لا ما بنسير..
يزوي(وبكل حزن): ليييش؟؟
أم منصور: نسيتي عزيمه قوم عمج؟
يزوي: اووووووووووووووه نسيت..
نواري: خاطريه العزيمه اتكون اليوم قبل باجر...
يزوي: ياويلي انا الا تبى تشوف الخطيب....
نواري: انزين ما فيها شي...
ام منصور: فقتج انتي ورمستج يا يزوي..شو تبين ابها خلها ..ريلها انتي ليش مغتاضه..
يزوي: امزززح انزين آسفه..

 
 

 

عرض البوم صور dali2000   رد مع اقتباس
قديم 03-07-10, 12:05 PM   المشاركة رقم: 7
المعلومات
الكاتب:

البيانات
التسجيل: Sep 2006
العضوية: 13121
المشاركات: 14,191
الجنس ذكر
معدل التقييم: dali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسي
نقاط التقييم: 4972

االدولة
البلدCuba
 
مدونتي

 

الإتصالات
الحالة:
dali2000 غير متواجد حالياً
وسائل الإتصال:

كاتب الموضوع : روئ العين المنتدى : القصص المكتمله
افتراضي

 

نواري: هههااااي لا عادي يزوي...تيكت ايييييييزي(ودخل منصور البيت وشكله تعبان ومستهم)
منصور: السلام عليكم..
الكل: و عليكم السلام
أم منصور: شبلااه ويهك جيه يا ولديه .....فيك شي؟
يزوي: هيه والله شي فيه يمكن حد مضايق به...
منصور: ربيعيه مسوي حادث اليوم الصبح وديناه المستشفى واترقد...اما امه سوولها عمليه مادري وين والحين بعدها مرقده..
أم منصور: ......................... الله يشفيها ان شالله..
منصور: انزين ما بتسيرين لها..
أم منصور: اكيد الحرمه تعبانه وتباني اسير لها ..يمكن بضيق بها والا شي ..خلها ترتاح واخلاف يوم ثاني بسير..
منصور:امايه نحن ما بنطول الا خمس دقايق...
أم منصور: انزين انزين...يزوي سيري هاتي عباتيه
يزوي : ان شالله ..
منصور: بصلي و بنزل...
أم منصور : انزين يا ولديه..
وبعد ما سار منصور يصلي...أم منصور وفي خاطرها وانا اللي يايه اريد افاتحه في موضوع عرسه جيه يستوي....بس ما عليه الله كاتب اني ما اكلمه اليوم ..ياعيى خير ...الله يشفي الحرمه وولدها ان شالله..(نزل منصور من فوق): يالله امايه..
أم منصور: ها قمت منصور شل دلل الشاهي والقهوه..
منصور: ان شالله
أم منصور: يالله يا بنات ..ديرن بالكن ع البيت..
البنات: ان شالله ..فداعت الله
وبعد ما سارت ام منصور وولدها المستشفى دش سلطان سلم ع خواته واتخبر عن امه قالوله سارت المستشفى ويا منصور ..
سلطان: والله لو شفتوا الحادث بتصيحون دم..
يزوي: ليش كيف استوا الحادث؟؟؟
سلطان حليله ربيعنا كان يسوق السياره وعادي يعني لا انه مسرع ولا انه مبطي..واتييكم سياره مسرعه من ورا دقت سيارة ربيعنا دقه تسمعينها وانتي ف البيت..وربيعنا دق راسه ف الجامه اللي جدام اما امه اغنى عليها ف نفس الوقت
نواري: يحليلهم والله الله يساعدهم ويشفيهم ان شالله ..انزين واللي دعم شو استوا به؟؟
سلطان:..هو مش عود ..سارق سياره اخوه ويالس يجاكر واحد من ربعه..واتكسرت ايدينه..وشدخ ف ريوله..
نواري: الله يهديهم..
سلطان: الجميع ان شالله ...(وهنيه رن التلفون)
حصه:السلاااام عليكم...
سلطان: وعليكم السلام والرحمه...منوه؟
حصه: ( وفي خاطرها بقص عليك ياسلطان ): لو سمحت موجود سلطان؟
سلطان وهو منصدم:احم احم ...لحظه...( خذ التيلفون وراح الحجره)
سلطان : هلا ..انا سلطان ..من الشيخه؟
حصه: ( هي مغيره صوتها): افاااا ماعرفتنيه؟؟
سلطان: لا والله ماعرفتج..
حصه: انا اللي ماخذه قلبك وعقلك...
سلطان: امحق مالقيت,,, اصلن اللي ماخذه قلبي وعقلي وحده ماتسوين ظفرها ..يالله عاد منو انتي؟
حصه: (اونها معصبه) وليش منو هاي اللي تحبها ومودرني عشااانها؟؟؟
سلطان : مالج خص فيها..
حصه: كيف مالي خص فيها وهي سارقه حبيبي مني " هههه"
سلطان وفي خاطره "اخ لو تدرين يا حصوص" انزين بقولج من هاي...
حصه: من هاي؟
سلطان: بس بشرط..اتقولين من انتي...
حصه: اوكيك.
سلطان : مابقولج منو هاي دايركت..بس هي وحده من بنات عايلتنا في العين بالتحديد...
حصه: منو منهن؟
سلطان :تراج مصختيها "بكل ادب" منو انتي احينه؟
حصه وبعد ماحست انه سلطان عصب: هههههاااااااي حو سلطانوه انا حصه ..هههههاااااااي لعبت عليه ..ولا الحبيب دش الحجره بعد...
سلطان: "وفي خاطره الحمدلله مليون مره ماقلت اني احبها ": ماعليه ياحصوص...
حصوص: والله انك...تحفه..تنفع يوم الواحد يكون ملان...بعدين تعاال؟؟؟ من هاي اللي من هلك في العين؟
سلطان: لا محد بس كنت ابى اقص عليج اصلا دريت انج انتي.." احساس الام"
حصه: مابتون الخميس؟
سلطان: لييش اشتقتيلي؟
حصوه: حق ابليس ولا حقك..خخخخ
سلطان: جذاابه..أكيد اشتقتيلي..
حصه وهي منصدمه: حووووو عطني يزوي والا نواري...
سلطان : لااااااه ..قوليلي اول...
حصوص: والله ان ماعطيتني وحده منهن لنط لك من السماعه واهفك هذاك الكف اللي يلفك خمسين الف لفه وهديه مجانيه تنسى اهلك...
سلطان: عسل ع قلبي..
حصه: بتعطيني والا اسكر؟
سلطان : ماتقدرين ..
حصوص: سلطان شوف فوق..
سلطااان بعد ماشاف فوق...سكرت التلفوون في ويهه
سلطان:عنبوها ..سوتها والله
رن التلفون عند حصوص...واتحسبت ان ولد خالتها ..فقالت حق مريوم ترد ع التلفون...
مريوم: السلام عليكم ..
ميثه : وعليكم السلام والرحمه..هنيه حصه...
مريوم: لحظه " حصوص تلفون"
حصه: ليكون سلطان؟
مريوم: اي سلطان هاي ربيعتج ...
حصوص:الو ..مرحبا والله..
ميثه..هلا حصوص.. مرحبتين.
حصه:ميثه..اشحااااااالج؟
ميثه: الحمدلله....Great...انتي شحالج؟
حصه: نفس ماتحيديني...توب التوووب..
ميثه: عسى دوووم انشالله " وتمت تسولف ويا حصه وطرن بنات المدرسه كلهن تقريبا" ميثه وفي خاطرها ..لازم ارمس حصوص احينه..
ميثه: حصه بسألج سؤال....تجاوبيني بصراحه؟
حصوص: قولي..
ميثه: حاطه حد في بالج..
حصه: لا والله من بنات المدرسه مب حاطه حد غير ابله شيخه...
ميثه: ههههه لا يالمينونه..اقصد الجنس الاخر...
حصه: ليش بتخطبيني؟؟ هههههه
ميثه: هيه بخطيج..احينه ردي هي والا لأ؟
حصه: اكيد لأ..
ميثه: انزين باكر اباج في سالفه في المدرسه.....بمشي وياج في الفرصه:يالله بسكر..
حصه: فارقي ...فوداعت الله..
ميثه: انا براويج يالسباله..مع السلامه...
وبعد ماسكرت حصوص عن ميثه استانست ع المقلب اللي سوته حق سلطان فسارت فوق لقت شمه ومريوم يالسات..
حصوص: مابتسيرن مكان..انا زهقانه..
مريوم: كلولولولوييش...قررتي تظهرين..فالج طيب بوديج المكان اللي تبينه..
شمه: يالله بنسير المول..بسير عطور وكريمات..وبدور ع كم من محل وبير لي رقع...
حصه: طاحوله...
وسارن البنات واتلبسن وقالن حق بوهن..
بو سيف: بس شوفن انا بوديكن المول بس هب نازل معاكن..
مريوم: ليش؟ اذا حد سوا لنا شي من بيدافع عنا؟
حصوص: انا طبعا..والا نسيتوا اني الرياله فيكم؟
شمه:ههه..امشن لا تكثرن كلام....
حصوص: مع السلامه اميه...
ام سيف: الله يحفظكم..
وبعد ماطلعن البنات حصه يالسه تسولف ويا ابوها في السياره وتتخبره خالد متى بيي ...وبعد ماوصلن المول.
حصه: قوموا يالله نروح لايف استايل..
شمه : مب متفيقتلج بنسير ياس.
حصه: ياس ياس بعد شو نسوي...
و كل ما قالت حصه يالله نسير المكان الفلاني قالولها لا بنسير هالمكان ..وكل ما قالولها لا كانت تسكت ما تتحرطم..ىخر شي قالت لهم قبل لا نظهر بسير تهاني الخليج ..
شمه: عاد ما فينا اتأخرنا وايد( حصوص تمت تتحرطم وبالصدفه خطف حذالها سعيد وسمع حسهاعرف انها حصوص ولحقهن لكن من بعيد ..فشاف اثنينه يلحقون قوم حصوص...عصب سعيد وسار صوبهم..)
سعيد وهو معصب: لو سمحتوا شو مشكلتكم (هنيه وقفن البنات)
الريال: ليش الشيخ شي بغيت؟
سعيد: ليش تلاحقون البنات
الريال وهو يضحك: والله كيفنا
سعيد وحركة لا اراديه ضرب الريال ع كتفه: هذيل الاهل لا تسيرون صوبهم..
الريال: محد قالك تخليهن جذيه ..
سعيد وبدا يعصب اكثر: شو اتشوفهن حاطات الوان ع ويهن والا ملمسات الشعر...انته شكلك تبى تترقد ف المستشفى..
الريال: خلاص خلاص الشيخ ما تسوى علينا...السموحه ماكنا ندري انهم اهلك..
سعيد: فارق لا بارك الله فيك ولا في امثالك..

الجزء 10
البنات بعد ماشافن الضرابه اللي استوت انصدمن ومشن ولا لهن خص في حد...ودقت شما حق ابوها وقالت له اييهن المول لانهن خلصن ويوم وضلن البيت ودشن الحجره....
شمه: منو هذا اللي اشتط ع الريال في المول؟
مريوم: والله ماعرفه من هذا؟
حصه: والله شكله هب غريب.... شفته مكان..بس خانتني الذاكره.
مريوم: مب متفيقتلج يالسه تنكتين احينه...
حصوص: بل شو قلت انا الحينه؟..................( وبعد خمس دقايق من التفكير )
شمه" وهي تصاااااارخ " تذكرته..............................عرفته
حصوص ومريوم: عوذ بالله منو هذا؟ اللي عرفتيه واللي تذكرتيه...
شمه: هذا اللي سوا مناحه في المول...
حصوص: هيه منو طلع...
شمه : اتذكرت هذاك اليوم يوم سرنا ويا سلطان المول....يوم لقا ربعه ..قال بسير اسلم عليهم....هذا واحد منهم ..
مريوم: صح والله..هو هذا...بو سفره حمرا...
حصه: لحظه لحظه لحظه؟؟!! انزين هو ربيع ولد خالتنا نحن كلنا كنا متغشيات...ذاك اليوم يعني ماشاف ولا وحده فينا...واليوم كنا متغشيات بعد...هو ليش ياي يدافع عنا...
مريوم وشمه:....................................
حصه: لا صدقوني هالريال فيه شي..مش طبيعي...
مريوم:يمكن الريال مايحب حد يغازل بنات الخلق..
حصه:عنبو ...انزين قلنا يغار..بس مايعصب جي....خيبه كان بيرقد الريال في المستشفى..بس تدرين...يزاه الله الف خير وكثر من امثاله .....الحين فارقن كل وحد اتسير حجرتها
شمه: خلاص برايكن بسير ارمس موزوه...
مريوم: اوووه..من زمان مالعبت بلاي استيشن.....بتلعبين وياي حصوص؟؟
حصوص: شكلج تنكتين..تعرفين باجر علي امتحان رياضيات وحده كامله....والابله مابتييب اقل عن خمس ورقات...يعني لو سمحتي اجلبي ويهج...
مريوم: عنبو ذا الراس مادري شو استوابها من ردت من المول وهي معصبه....يالله الله يوفقج باي...
وبعد ماظهرن البنات من حجره حصوص..تمت حصوص اتفكر واتقول اخاف شافني يومكنت يالسه ويا سلطان واليوم بس انزين فرضا شافني ويا سلطان كيف بيعرفني اليوم؟؟وانا متغشيه بعد؟؟ يمكن الغشوه كانت خفيفه؟؟؟ بس لا انا ماخذه غشوه غليظه ..يالله هذا شو سالفته؟؟؟؟ يمكن ع قولت مريوم ريال مايحب حد يتحرش في بنات الناس......ماعليه الله يكثر من امثاله الحين خلني ادرس هالمرض عن ارسب ..الله كريم..
*** في بوظبي***
اما عند سلطان...اللي كان عند اللي كان عند البحر واللي كان في وادي غير وادي حصوص..كان يفكر في الحركه اللي سوتها حصوص اليوم..كان بينفضح...بس لين متى بيتم ساكت جذيه ..ليش ما يخبر حصوص عن حبه..بس اخاف اذا خبرت حصوص ما تعيبها السالفه وتعصب وتشتط عليه وكل شي بيني وبينها ينتهي ويمكن حتى ابتسامتها ما اشوفها من بعد ما ااصارحها..آآه ..وتنهد خالد تنهيده طويلة ..انا الله ليش بلاني وخلاني احب ..ولا منو حبيت بعد ..حصوص هالدحيحه هالمصريه ..مالت الدراسه ...بس الحب من الله..اصلن عادي ما بقالها الا هالسنه واتخلص دراسه وبعدين انا بعرس ابها وباخذها وبخليها تكمل دراستها في بوظبي ويوم تييب اول بيبي ان شالله بخليها توقف عن الدراسه وتهتم بالبيبي تارارا.. النهايه ..ماشالله اخطط اللي يسمع يقول شي بيستوي من هالكلام..بس انشالله يستوي...وانقطع حبل افكاره فجأه لان التلفون رن...( المتصل خالد..ولد خالته )
سلطان: هلا باحلى واغلى واجمل وازين وارق وامممممم المهم ولد خال........................................
الشرطي: مرحب خويه..
سلطان : من الريال؟؟
الشرطي: انا الشرطي احمد...لو سمحت انته شو تستوي لخاالد؟
سلطان " وهو مرتبك" : اناولد خالته...ليش اخوي شو السالفه؟؟؟شو المشكله؟؟؟ولد خالتيه فيه شي؟
الشرطي: هي ياخوي...بغيناك تيي مستشفى خليفه.....
سلطان وهو مرتبك: ليش ولد خالتيه مستويبه شي؟؟؟
الشرطي: ياخوي هدي....ولد خالتك سوا حادث.....ونباك تيي عندنا المستشفى ضروري..
سلطان: حادث شو كيف استوى.؟؟؟
الشرطي: يالله تعال وبتعرف كل شي..
سلطان: حاضر انشالله احينه يايينكم..
سلطان وهو في دربه للمستشفى يالس يفكر....يدق حق قوم خالته والا لا....يخبرهم عن خالد والا لا؟؟؟ واذا ماخبرهم بيعصبون عليه... اوهوووووو خلني اوصل عند خالد ومايصير الا الخير انشالله يمكن الريال مافيه شي ..يالله انك تسهل عليه...
اول ماوصل سلطان المستشفى اتخبر عن خالد...وخبروه انه في الطواري يسوونله جراحه...سار سلطان صوب الطواري...وشاف الشرطي وكلمه ...
سلطان: لو سمحت اخويه بغيت اعرف عن خالد ولد محمد....
الشرطي: انته ولد خالته؟؟
سلطان : هي نعم ...بس شو اللي صار لولد خالتيه؟؟؟
الشرطي: لا تخاف ولد خالتك مش هو الغلطان....مان الريال سكران ويسوق مسرع دش الشارع الثاني ودعم سيارت ولد خالتك...بس ولد خالتك وايد تضرر اما ربيعه ماياه شي الا جروح وكسر في اليد ..
سلطان " وهو خايف ع خالد ": شو ياه بالضبط يا شرطي....
الشرطي: ع حسب كلام الدكتور انه حالته ماتسر..هو متضرر وايد ...
سلطان" وهو مدمع" : اخ يا قلبي...ليش في ولد خالتيه بس ..اشمعنه؟ ليته فيني ولا فيه ظهروه وحطوني بداله..ارحموه ..فديتك يا خلود....فديتك ياربي...يالله تسهل عليه...
الشرطي" ويقطع ع سلطان": هيه ياخي..ولد خالتك مابيستوي به شي بعون الله..انشالله بيرد نفس اول واحسن ..
سلطان بعد مايلس ع الكرسي ويضرب في ريله.... انشالله يارب مايستوي به شي... وتم يدعي لود خالته ... بعد ماوصل بربع ساعه....وصل محمد وياه عبدالله
محمد + عبدالله: السلام عليك يا سلطان...
سلطان وصوته متغير: وعليكم السلام
محمد: شبلاها حالتك ياريال ...متبهدل ...وشكلك تعبان.... سر البيت ونحن بنيلس عند خالد...
سلطان وهو يصارخ: انت اكيد مينون....لا يامحمد لا ..هب انا اللي يودر ولد خالته...ويسير يرتاح.. مب انا اللي اخوه وحبيبه يتعذب داخل وانا اسير ادور ع راحيته...سلطان في حالة ضعف... اصلا انا شو من غير خالد....والله العظيم اني ماسوى من غيره...يعلني فداه يعلني فداه يا ربي..وحدرن دموعه...
محمد: خلاص ياسلطان...عين خير... تفاءلوا بالخير تجدوه..انته ادعيله بس..
عبدالله وهو يصاصر محمد...بسير اتخبر الشرطي عن خالد...
عبدالله بعد ماسار عند الشرطي..قاله نفس الكلام اللس قاله حق سلطان عن خالد...
رد عبدالله صوب محمد وخبره عن حال خالد:
محمد الله يصبرك يا خالد...الله يشفيك ياخالد...
عبدالله وهمه هل خالد: خبرتوا اهل خالد والا لا؟
سلطان: لا ..لحد يطريهم هل خالد... خوفي شي يستوي بهم خلني انا بخبرهم باجر الصبح انشالله الحين الساعه وحده حرام نوترهم


الجزء 11
وبعد كم من دقيقة ظهر الدكتور من غرفة خالد...
الدكنور(يكلم الشباب): منو منكوا اخو خالد؟
سلطان: انا يا دكتور
الدكتور: تعالا معايا المكتب لو سمحت..
عبدالله: ليش يا دكتور ..نحن بعد من أهله يعني مش غرب..
محمد: هيه والله يا دكتور ..واللي استوا حق خالد يهمنا..
الدكنور: ماشالله كلكوا ألب واحد .
سلطان: يا دكتور مش ناقص الا وتشعر فينا ..طمني عن خالد..شو بلاه ؟
الدكتور: شوف يابني ..انا معرفش اقولك اييه
محمد: قول كل شي يادكتور ..نحن ايمانا بالله قوي..
الدكتور: ونعم بالله ..بس خالد حالته ما تسر ..مانتوا بتعرفوش انه بين الحياه والموت..
ومن قال ادكتور هالكلام سلطان حس انه الدنيا تدور به.........عبدالله: ليش يا دكتور يعني هو شو ياه بالضبط..؟؟
الدكتور: والله يعني نحنا عملنا عمليه ف رجله اليمين وطبعا غير الضربه اللي في راسه ومنها دخل في غيبوبه..وحنشوف حنعمل ايييه..
محمد: يا دكتور يعني الضربه اثرها قوي ع خالد....؟؟
الدكتور: اكيد يابني..مانا قلتلك على نفوخه ودخل ف غيبوبه ويمكن تؤدي الى فقدان الزاكره..(وبعد دقيقتين) شوفوا يا عيال انا عاوز اطمنكوا على اخوكو..هو بأزن الله حيبقى كويس..ما تخافوش
عبدالله: خلاص مشكور يا دكتور السموحه ع التاخير..
الدكتور : مع السلامه..
وبعد ما سار الدكتور عنهم صد محمد صوب سلطان وقاله:خلي ايمانك بالله قوي يا سلطان وترى ولد خاللتك ما فيه الا الخير ان شالله ..
سلطان وهو هلكاان: ونعم بالله ............عبدالله دوك تلفونيه واتصل حق منصور وقوله ايي عندنا المستشفى..
عبدالله وبعد ما خذ منه التلفون: بتخبرك سلطان.....خبرتوا اهله..
سلطان بنبرة حزن: ويين اخبرهم يا ريال..بس ماعليه ان شالله الصبح برمسهم..الين شوف الساعه كم..الله يعينّي
محمد: الله يعينهم ويعيينّا..ان شالله خالد ما يستويبه شي..
سلطان: الله يسمع منك يا محمد..ليش مش انا اللي ترقدت ليش مش انا اللي داخل بدال خالد والله احسن ..اصلا شو حياتي من دون خالد شفت البحر اللي من دون ملح ..هذا انا من دون خالد..(وهنيه قاطعه عبدالله)
عبدالله: حووووووووه سلطان بسك من هالرمسة الماصخة بدال ما تدعي حق ولد خالتك وتذكر ربك تيلس تدعي عليه..(سلطان يشوف عبدالله وهو مبهت) عبدالله لا تيلس اتشوفني جذيه هيه تدعي عليه بعد شوه ..نفس ما انته محتاج لخالد ..خالد بعد يحتاجلك ويمكن هو اكثر...خل ف بالك هالكلام وخل ايمانك بالله قوي..وانته يا محمد عنبو ذا الويه اللي عليك بدل ما تحمق عليه يالس تتسمع ..لا زيين والله ..ع العموم..انا اتصلت حق منصور وقال الحين بيي..وتراني قلتله انه نحن عند ربيعه اللي سوا حادث هب عند خالد..
محمد: القووووووم القوم بل بالع راديو..
سلطان: خلاص مشكور عبدالله..(وتم سلطان ايفكر ف كلام عبدالله ..صدقه مثل ما انا محتاج حق خالد اكيد هو محتاج لي..ويمكن اكثر بعد..الله لا يفرقنا ان شالله ..لكن رد تفكير سلطان حق حصوص غصبن عنه..تم ايفكر انه حصوص لو درت شو بتكون ردة فعلها..شو بيكوون موقفها اذا عرفت عن اخوها خالد.. وشو بيكون موقف خالته وريلها وسيف ومريوم وشمه ...الله يعينهم)
وقطع تفكيره صوت محمد: سلطااان وين سرت؟
سلطان: هاااه..لا ماشي ولا مكان...معاكم
محمد: والله يا سلطان شكلك تعبان..سر البيت وانا بيلس عند خالد
عبدالله: هيه والله باجر وراك دوام بعد.. اما انا ومحمد ما ورانا شي....
سلطان: ع ذكر الدوام انا الصبح بسير باخذ لي اجازه انا وخالد ..
عبدالله: انزين ياريال انته شوف حالتك..سر بيتكم ونا ومحمد بنيلس عند خالد..
سلطان: هه اسير البيت وانا عقلي وروحي عند خالد...صدقووني والله يا جماعه حتى لو سرت البيت ما برتاح ..
محمد: انزين يا ريال انته شوف حالتك كيف ..متبهدل وتعباان ..شوف عيونك كيف حمر...
سلطان: اوهوو..قلتلكم مب ساير ....لا تحشروني..
(وصل منصور عند الشبااب)
منصور: السلام عليكم..
الشباب: وعليكم السلام والرحمه( سلطان اول ما شاف اخوه عيونه دمعت ..ما يعرف كيف بيقول حق اخوه عن ولد خالتهم)..
منصور: شحالكم شباب؟؟؟ سلطان شبلاك...شبلاه ويهك جذيه؟؟شي استوا به اربيعنا؟هااه ؟؟اتكلموا..(وهنيه اتغيرت نبرة حس منصور..كانوا الشباب كلهم يطالعون بعض ما يعرفون منو بيبدا وبيقول حق منصور ..لكن اتكلم عبدالله)
عبدالله: شوف يا منصور ..الصراحة الصراحة..(قاطعه منصور)
منصور: وبعدين بتخبركم انا ما احيد ربيعنا ف العناية المركزه..
عبدالله (وهو متنرفز): ياخي يا منصور اصلا نحن هنيه عشان ولد خالتك خالد....سوا حادث ...
منصور منصدم وجنه حد صاب عليه ماي بارد: شوو؟؟(وهو مش مستوعب) خالد ولد خالتيه ؟؟(سلطان ما قدر يكتم دمووعه)
سلطان: هيه يا منصور ولد خالتيه اللي مسوي حادث...صدقني يا منصور والله انا ما اقدر اعيش من دوون خاالد ..ونزل سلطان ع ركبته ..وتم ايصييح
منصور: شو انتوا مخبل..اصلا هذا مش ولد خالتيه ولد خالتيه ما عنده هالسوالف..عاقل ما يسرع ومستحيل ايسوي حادث
محمد: مب هو الغلطان...لفت عليه سياره ودعمته؟؟
منصور: لا اله الا الله ...والحين وينه ..شو مستوي به؟؟

 
 

 

عرض البوم صور dali2000   رد مع اقتباس
قديم 03-07-10, 12:06 PM   المشاركة رقم: 8
المعلومات
الكاتب:

البيانات
التسجيل: Sep 2006
العضوية: 13121
المشاركات: 14,191
الجنس ذكر
معدل التقييم: dali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسي
نقاط التقييم: 4972

االدولة
البلدCuba
 
مدونتي

 

الإتصالات
الحالة:
dali2000 غير متواجد حالياً
وسائل الإتصال:

كاتب الموضوع : روئ العين المنتدى : القصص المكتمله
افتراضي

 

عبدالله: هيّد يا خويه منصور ...مب لازم جيه اتسوون ف عماركم..اذكروا الله ..خلو ايمانكم بالله قوي
محمد: سووله عمليه ف ريله اليمين ..ويته ضربه ف الراس ودخل ف غيبوبه ...قال الدكتور ان الضربه قويه وبيشوفون شو بيسوون..
منصور: لا والله..وتحسبون بنحط ايدينا ع خدنا ونشوفهم شو بيسوون ..انا لازم اكلم الدكتور..
سلطان: خذني معاك (وساروا عند الدكتور ..وتموا عبدالله ومحمد عند خالد...)
منصور: السلام علي يا دكتور ممكن ادش...
الدكتور: وعليكم السلام والرحمه..اهلا اهلا ..تفضل
منصور: دام فضلك ...انا يا دكتور استوي ولد خالة خالد ..المرقد عندكم ف المستشفى اللي مسوي حادث..
الدكتور: ايوة ايوة ..
منصور: شوف يا دكتور ..انا اعرف انه المستشفى ما بتسوي شي..وانا نويت اسفر ولد خالتيه برا..بنعالجه برا..
الدكتور: هو السفر بالنسبا لوه احسن و أأمن ..بس هو ما يقدرش يسافر دلوأتي..حنشووف ايمتى حيصحا من الغيبوبه عشان يقدر يسافر...بس فين عاوزين تاخذونه؟؟
منصور: لندن..
الدكتور: كويس..
منصور: خلاص يا دكتور مشكور وما قصرت..ما نبغي نطول عليك
الدكتور: مافيش كلافه..بس انتوا طولوا بالكوا وازكروا ربكوا وخلوا ايمانكوا بالله قوي..ودعوله..الله يحفظكوا يابني
منصور: ان شالله ..تسلم يا دكتور..فداعت الله
ظهر منصور من عند الدكتور وهو يدعي لخالد ..بدا منصور يفكر لخالته اللي ما ترقد الا وهي سامعه حس خالد اكيد لين الحين ما رقدت ..فكر ف خالته اللي عصبت ع خالد لانه قرر يشتغل ف بوظبي..يعني قرر يعيش بعيد عنهم وودرها ف العين بروحها..فكر ف ريل خالته اللي من يصبح لين يمسي وهو باله عند خالد ..باله عند ولده اللي امنية حياته ايشوفه معرس..ويشوف عياله وعيال سيف والباقيين بعد..فكر ف سيف اللي عمره ما فارق اخوه الا من وصل خالد بوظبي..فكر شو بيكون مصيير سيف من دون عضيده من دون اخوه اللي شاد همته وياه ..وفكر في شمه اللي كانت دوم تستانس ع خالد وع سوالفه واللي ما تيلس ويا خالد الا واتكون ابتسامتها عريضه ..فكر فيها عرسها قرب وكان خالد واعدنها انه يزفها لين داخل ولا ايوول عندها فوق الكوشه بععد ..فكر في مريوم اللي من يوم ما تيلس عند خالد ويشعر ابها ويغنيلها وهي اللي تستانس عليه وتخق ع خواتها..فكر ف حصوص الداهية اللي عمرها ما ودرت اخووها اللي متعلقه فيه وايد..خالد اللي ترخص الدنيا واللي فيها عشانه..خالد اللي دوم يرمسها يرمسها ع ساس انها واحد من الشباب..واحد من الربع ..خالد اللي ما يظهر من البيت الا وهو متمصخر ع حصوص واللي يوم يرجع لازم يكون قابضلها او يايبلها شي عشان يراضيها..خالد اللي ما يفارقها ..اللي دوم يتصل ابها بعد كل مباراه ..اللي عمره ما نسى حد من اهله...واللي عمره ما قصر ف حق اي احد...منصور وفي خاطره : الله يعينكم...
كان الصمت يسود جو سلطان ومنصور...لكن سلطان قرر انه يرمس اخوه..
سلطان: بتقول حق قوم خالوه والا اقولهم انا؟؟
منصور: شوف انا برومس سيف وسيف هو بيقول حق اهله..
سلطان: الله يعينهم ..الله يسهل عليهم..
ساروا منصور وسلطان صوب عبدالله ومحمد اللي كانوا عند حجرة خالد..وخبروهم عن اللي قاله الدكتور..
عبدالله:الله يعينه خالد..هو اللي اتضرر بس ..اما ربيعه ماياه شي..
منصور: ليش منو من ربعه كان معاه؟
محمد: واحد من الدوام...سوداني
منصور: الحمدلله ما ياه شي...
سلطان: شباب والله السموحه منكم ...تعبناكم معانا..شكلكم هلكانين ..سيروا..
عبدالله: افا عليك يا سلطان والله تعبكم راحه..
محمد: فالكم طيب بس..كل يوم اتصل ابنا ونحن بنشتغل نواطير هنيه..
منصور: ههه ..تسلمون..
عبدالله: ايوه كده يا ولد اضحك بقى ..يالله حاجه اماره؟؟
منصور: سلامتك..
عبدالله :سلطان شي ف خاطرك؟
منصور: ابدن سلامتك..
عبدالله ومحمد:فداعت الله
تموا سلطان ومنصور بروحهم عند خالد..يتريوون حد اييهم يقوللهم ويطمنهم عن خالد..لكن للاسف محد ياهم..
كان كل واحد سارح في تفكيره..
بدا سلطان الكلام: منصور كم بقى ع اذان الفير؟
منصور: خمس دقايق..ما تلاحظ ان الوقت خطف ابسرعه..
سلطان وبعد ما تنهد: هيه والله قرب الوقت ..بتتصل حق سيف وبتخبره والله اني خايف ع خالوه وعليهم ..
منصور: خايف ع منو بالضبط؟؟؟؟(وهو رافع حواجبه)
سلطان: هاه ..اكيد ع قوم خالوه ..ع خالوه وبناتها وريلها ..وبشكارتهم بعد
منصور: عليييينا.....يحليلها خالوه انا خايف عليهم كلهم ..ماشالله عليه خالد كلهم يحبونه محد يقدر يستغنى عنه..
سلطان: انزين شي طبيعي يحبونه..اخوهم..يعني لا سمح الله اذا استوا بي شي...انته بتصيح وكلهم بيصيحوون ..خاصه انته ..لاني عضيدك ولاني المسؤول معاك عن اهلنا من بعد المرحوم
منصور: الله يرحمه ان شالله
سلطان: بعد ما نصلي سر البيت ارتاح شكلك تعبان..
منصور بابتسامه: الحين منو اللي لازم ايقول هالكلام ...انا والا انته؟
سلطان: اكيد انا لان انا اللي ساحبنك من البيت
منصور: هه..لا انا مب ساير ..قم قم بنسير نتوضأ
++++ العــــــــــــيــن++++
أم سيف ما رقدت عدل قلبها ينغزها من البارحه ..ومارقدت لانها مش مرتاحه لانها ما رمست ولدها خالد اللي دوم يصل ابها قبل لا يرقد او قبل لا يسير الدوام..
أم سيف: يابو سيف دق حق ولديه خالد شوفه وينه
بوسيف: ادق له الحين يمكن ساير المسيدهو بعد الصلاه بدقله..
أم سيف: والله ان قلبي ينغزني ولديه شي مستوي به..حتى البارحه ما اتصل فيني
بو سيف: ما عليه يام سيف يمكن الولد نسى كان عند ربعه ونسى يتصل بج
ام سيف: لا حشا ولديه مازد سواها..ينسى العلم كله وما ينساني ..(سيف وهو نازل)من فوق
سيف: السلام عليكم..
أم سيف+ بو سيف: وعليكم السلام
سيف وبعد ما حب راسهم: شبلاكم ؟؟
أم شيف:فديتك سيف..اتصل بأخوك خالد..شوف وينه؟
سيف: اكيد بيكون ف البيت بس بتصل به وبشوف..(واتصل سيف حق اخوه خالد بس لقا تلفونه مغلق) اميه تلفونه مغلق اكيد ساير المسيد..
أم سيف: خلااص يا ولديه سر المسيد صلي..اتوكل..
سيف: ان شالله ..فداعت الله
أم سيف: جدامك الرحمن..
(وبعد ما ظهر سيف من عند امه..تمت ام سيف اتفكر ف ولدها خالد وتسأل ليش هيه خايفه عليه..يمكن نفس ما قال ابوه سار عند ربعه ونسى يدقليه..يمكن رد هلكان من برا وما قدر يتصل بي..بس لا مستحيل مافي يوم خطف الا وخالد متصل بي قبل لا يرقد..يالله عسى انك تحفظ ولديه )..
رجع سيف مع ابوه من المسيد وسار سيف حجرته فوق اما بو سيف يلس ف الصاله ويا حرمته..
بو سيف: هاه يام سيف بعدج تفكرين ف خالد ...لا تخافين خالد ريال وماينخاف عليه
أم سيف: هيه ما عليه خير ان شالله ..تبا شاهي حليب والا قهوه
بوسيف: لا عطينيه شاهي حليب..
أم سيف: خذ ..انزين ترا باجر ملجة مانع ولد سهيل..وبغيت امر السوق اليوم ويا مريوم بنشتريلهم طقم والا اثنين حق حرمة مانع
بو سيف: والله يستاهلون ..الله يوفقهم ان شالله..
أم سيف : الله يسمع منك..عقبال عيالنا..
بوسيف: ان شالله...يالله عيل انا بترخص بسير الحين ويا بو سعيد صوب ليوا..
أم سيف: ومتى بترجع ..عن تنسى ملجة مانع ولد سهيل..
بو سيف: لا حشا ما بنساها..برجع باجر الظهر ان شالله شي ف خاطرج..
أم سيف: سلامتك .الله يحفظك
بو سيف: فداعت الله
أما ف حجرة سيف فوق ..كان سيف توه ظاهر من الحمام وبدندن شاف تلفونه لقاه 5 مس كول وكان اللي متصل به ولد خالته منصور..استغرب سيف ليش ولد خالته داق له الحين..فقرر يدقله قبل لا يسير الدوام لانه هلكان وفيه رقاد..
الصبح نشت حصوص وحاسه ان هاليوميوم نكد لان عليهم فيزياء ..نزلت حصوص الصاله وما لقت حد مع ان الفطور محطوط استغربت وسارت صوب المطابخ اتدور امها ما لقت ..اتخبرت الخدامه ..قال الخدامه انها ما تعرف..ردت حصوص الصاله وشافت امها ..
حصوص: السلام عليكم(وحبت راس امها)
أم سيف: وعليج السلام...
حصوص: شحالج أميه؟؟
أم سيف: يسرج االحال
حصه: عيل وين ابويه؟
أم سيف: ابوج سار ليوا..
حصه: اهاا ..انزين سيف وينه اباه يوديني المدرسه اليوم بظهر ف الاذاعه..
أم سيف: الله يوفقج يا بنتي..(نزلن مريوم وشموم وسلم ع امهن .......ونزل وراهن سيف)
سيف: هاه اميه بعدج اتفكرين ..ما رقدتي لين احينه؟
أم سيف: غفيت وتوني ظاهره الصاله..
سيف: لا ما عليج اميه خالد ريال ومافيه الا الخير ان شالله,,
حصه(غصت): خير شو بلاه خالد فيه شي؟؟
مريم: ليكوووون خالد فيه شي ومب قايليلنا..
شمه: شبلاك ساكت ارمس..
سيف: كلتنيه عوذ بالله ..مافيه شي اخوكن..
حصه: فرقت خشمك ..يالله نش وصلني المدرسه
سيف: يالله مريوم وشموم ما بتون؟
مريوم لا اصلن اليوم ما علينا دوام بنيلس عند اميه..
سيف: لازين عيل فداعت الله
سار سيف السياره عند حصه ..وحصوص طبعا مش مقصره من صباح الله خير وومشغله ال Fm اول ما دش سيف السياره سكراه ..
سيف: حصووووووووص ..تدرين منو دقليه الفير؟؟
حصوص (وهي عاقده حياتها) : شوو الفير؟؟؟منو هذا اللي بيدق الفير؟؟
سيف: لد خالتيه منصور..اتصلبيه بس انا كنت اتسبح
حصوص: رديت اتصلت به والا لا؟؟
سيف: لأ
حصوص: عنبو ذا الراس اللي عليك ..يمكن شي مستوي ..اتصلبه الحينه...
سيفك انزين ..واتصل سيف حق ولد خالته منصور ..رد عليه منصور..
منصور: مرحب بوهناد...شحالك؟؟
سيف: يا مرحبابك زود..الحمدلله يسرك الحال..علووومك؟؟
منصور: علوم البلا ..والله مادري ش اقولك
سيف: خير شي مستوي؟؟
منصور وماقدر يقوله عن خالد: والله الوالده اترقدت ف المستشفى ..وياليتكم لو اتييون بوظبي مع البنات عسب ييلسن ويا خواتي..اذا هب مشغولين يعني
سيف: فاااالك طيب.....نحن ننشغل عنكم...بس تعال قولي ش بلاها خالتيه؟
منصور: هااه!!!! لا ماشي تعبانه ..تعبت اشوي..
سيف: ما تشوفون شر ..
منصور: الشر ما اييكم..خلاص عيل برايك .....بسكر
سيف: فوداعت الله..سلم ع الاهل و ع خالد..

الجزء 12
سيف وبعد ما سكر من ولد خالته:حصووص..قال انه خالوه تعبانه..
حصوص: لااه ..عسى ماشر شو بلاها.
سيف: قال انها تعبانه وبس..انا باخذ اجازه من الدوام وبوّصل اميه بوظبي وبودي قوم مريوم بعد
حصوص: ترتوب عيل ...اخطفوا عليه ف المدرسه
سيف: ههه..حلوه حللللللللوه بس لاتعيدينها مره ثانيه ..
حصوص: عن اللاتك انا الحين شو قلت؟
سيف: تبيني اخطف عليييج...هه احلااامج
حصوص: يالله عاد سواف لاتذلني ..
سيف: خلاص ما عليه ان شالله بيي...يالله انزلي..
حصوص: فداعت الله
( وفي نفس الوقت ف المستشفى بوظبي)
سلطان: انته ليش جذبت عليه وقلتله ان امايه مريضه..
منصور: عيل انته مينون تباني اقوله انه اخوك مسوي حادت ولا فيه غيبوبه بعد من امس...واللي حز ف خاطريه انه مأمني سلام لأخوه خالد
سلطان: ياخي ظهر له اي حجه لكن مش اتفاول ع الوالده والحين تلقا سيف داق ع امه وقايل لها عن أمايه..لو قلتله اني أنا مسوي حادث ماكان بيستوي شي ..بس صراحه قوية هذي اتفاول على امايه..
منصور( بعد دقيقه): هيه والله والوالده ما تعرف عن خالد ...شوف انا بسير البيت احينه وبخبرها ..انته ترياني هنيه ..ولا تزعل اصلا مش قصدي افاول ع الوالده..
سلطان: لا ماعليه ...أنا مقدر ..في حفظ الله
منصور سار البيت وخلا سلطان بروحه ف المستشفى يفكر ف ولد خالته خالد واللي جرفه التيار صوب حصوص اللي بعد كم من ساعه بتكون في بوظبي ...
أما في بيت ام منصور...ام منصور يالسه صوب الزراعه تفكر في عرس بنت ييرانهم في خاطرها متى بتعرس بنتها نواري اللي معلقنها ولد عمها سنتين لين احينه تفكر متى بيرضى منصور بحرمة غير عن حرمته اللي توفت...اللي ماكان باقلهم غير اسبوع ع العرس واتوفت بحادث..لين متى بيتم ولدي ع هالحال ..وكل ما بغيت افاتحه بسالفة عرسه يستوي شي شين مستوي..اعوذ بالله ..الله يحفظ عيالي وعيال اختيه من الشر ..وأم منصور أصرت على انه اول ما يرجع ولدها من الدوام تفاتحه بالسالفه(دخل منصور البيت)
منصور: السلام عليج أمايه
ام منصور: وعليكم السلام ..خير ولديه ليش راد من دوامك معطينك اجازه...
منصور: ابدن ...اصلا انا ماسرت الدوام
ام منصور مستغربه: ليش ولديه؟؟......خير تعبان انته؟؟
منصور: لا امايه مش تعبان ..
ام منصور: عيل حق شو الاجازه ..وبعدين انته البارحه ما كنت ف البيت
منصور: ماكنت ف البيت كنت ف المستشفى
أم منصور: كنت عند الصبي اللي سوا حادث..
منصور: لا امايه كنت........................( وهنيه تبدلت تعابير ويه منصور)
أم منصور وحست انه في ولدها شي: .... منصور ولديه بلاه ويهك تغير....استوا شي انا ماعرفه.
منصور يشوف امه بنظرة حزن وعيونه مدمعه: امايه خالد.........
أم منصور وهي خايفه: خير خالد شبلااه خالد ..ارمس يا منصور
منصور وهو منزل راسه : خالد سوا حادث يا امايه ودخل ف غيبوبه
أم منصوروهي اتصيح: يا حسرتي عليك يا خالد ..ياحسرتي عليك ياولديه ما تستاهل اللي ياك ياربيه كيف اقووول حق اختيه الحين ..يالله يا كريم شو استوا ف الدنيا
منصور: هدي يا اماييه ..ان شالله ما بيكون فيه الا الخير بس انتي خلي ايمانج بالله قوي..
أم منصور ودموعها ع خدها: كيف اهدي يا منصور قولّي ..كيف وخالد انا مربتنه وشقيت مع اختيه عليه ..اصلا كيف بجابل اختيه احينه ...انا ما احتفظت ف امانتها
منصور ويقاطع امه: يا امايه يا امايه يا حبيبتي ..انتي مالج خص ..هذا قدر ومكتوب من عند الله
أم منصور: والنعم بالله ..انزين خبرني شحاله ..شو صحته؟؟ قولي عنه
منصور: حالته ما تسر لا عدو ولا صديق بس انتي ادعيله
أم منصور: يالله يارب انك تسهل عليه وتصونه وتحفظه بسير وياك المستشفى ..
منصور: الله يسمع منج يامايه...شوفي ...سيرة المستشفى ماشي ..لأن دقلي سيف وقلتله انج انتي مريضه ومرقده في المستشفى ..السموحه يامايه
أم منصور: مسموح يا ولديه ...بيني وبينك زين ماسويت عن اتخبر امه..ويستويبها شي على الاقل يوم بتي هنيه انا بآزرها...بشد بهمتها....
منصور: انزين يا امايه انا بسير اخذ لي شاور ...وبنزل بسير المستشفى....وعلى فكره ترى سلطان في المستشفى ...
ام منصور: ياحليلك يا سلطان..اكيد حالته ماتسر...ربيع العمر طايح في المستشفى...الله يصبرك يا ولدي...
×× في العين××
حصه كانت مرتبشه لان اليوم كانت اذاعتهم وهي مشتركه وتكون مقدمة النشره الرياضيه....وهي نازله الساحه وقت الفرصه كانت تمشي ويا ميثه بنت ييرانهم (اخت سعيد)..كانوا في البدايه يسولفون ويضحكون..وميثه في خاطرها ..انا لازم اقول لها الحين عن يشتط عليه سعيد..
ميثه: شوفي حصوص...انا عندي لج سالفه....يمكن ماتعيبج...
حصوص: لا عادي قولي..انا اتقبل كل شي واي شي منج...
ميثه: اممم..بنشوف...حصوص..تبين اتعرفين البارحه ليش سالتج اذا حاطه حد ف بالج والا لا؟
حصوص: لا ماعرف....ليش اصلا فيه شي.......؟
ميثه..انا بقولج السالفه..بس بشرط...
حصوص: وافقت ع شرطج..
ميثه: لوول ..انزين اسمعيه قبل ...
حصوص: خلاص عرفته...اسمعج لي ماتخلصين....
ميثه: شطوره يالاموره...
حصوص:يالله قولي..
ميثه: شوفي..يوم كنتوا في العين مول مادري متى بس....سعيد قالي ان اللي كان وياكم سلطان....المهم انتي كنتي يالسه حذاله ويالسه تحطين على اللي رايح واللي راد...وهاي بقشتها حمرا وهاي طالبنها في تل مرعب...الخ طبعا....اخويه سعيد كان في الكوفي شوب...... ومره في خاطره يشوفج... يعني يشوف البنيه اللي جيه تتمصخر ....المهم ان يوم نش ويا ولد عمي... طبعا سعيد هو اللي دزه.... قالوا بس بيخطفون جدامكم ...سعيد اخويه شافج لكن محمد شاف سلطان وسلم عليه....زمن يومها سعيد يبغي يعرف انتي شو تستوين حق سلطان ....هذا الموقف الاول..الموقف الثاني...وانتي ظاهره من بيتكم انصدم يوم درا انج بنت الييران.... الموقف الثالث والاخير... يوم كنتوا في المول.....
قاطعتها حصوص: ليكوون هو اخوج اللي تم يتواقع مع الرياييل....
ميثه: هيييييييييه هو هذا سعيد...
حصوص:.............
ميثه وهذا اصعب بارت ..... ترا هو عطاني رقم تلفونه وقال اقولج تتصلين به...وقصد اخويه شريف.....
حصوص وهي معصبه وبهته : لا عاد لين هنيه وحده ..ترا اخوج وايد امصخنها
ميثه: انزين لا تعصبين مني ..ما على الرسول الا البلااغ
حصوص: دام انه السالفه جييه ..هذا الكلام اباج توصلينه حق اخوج حرف حرف....
***** في بيت بو سيف *****
أم سيف ويا شمه ..يالسين يسولفون عن ملجة مانع اللي هي بتكون باجر ..وانهن لازم يسيرن ..
شمه: قبل كم من يوم ارمس موزوه ..اتخبرني عن العروس اتقول ماشالله عليها اتجنن
أم سيف: هيه تراه بياخذ لطيفه بنت محمد لو تعرفينها..ماشالله عليها اتجنن انا شفتها مره في عرس اخوها العود..
شمه: هييه ..زين زين..مريوم وين؟
طبعا مريوم في الحجره فووق ويالسه ع النت ع المسنجر

***غــــزالة العين***says:
والله اصلا انا اليوم مشغوله ..بس دشيت النت عشان خاطرج..

الداعـــج النــــاعساتي says:
تسلمـــــين ..بس شو عندج مشغوله

***غــــزالة العين***says: (مانع وفي خاطره مستحيل اقولها ملجتيه)
باجر عرس اخويه بتتييين؟؟

الداعـــج النــــاعساتي says:
كيف ايي ونا ماعرفج ..اصلا حتى لو اعرفج باجر نحن معزومين


***غــــزالة العين***says:
بتسيريـــن؟؟

الداعـــج النــــاعساتي says:
اكيد لازم اسير

***غــــزالة العين***says:
خلااص عيل انا بسير الحين ..بااااي
وظهر مانع من دون لا يعطي مريوم فرصة حتى انها اتقول مع السلامة ...تم مانع يفكر ف الورطه كيف الحين لو يت مريوم بتعرف انه انا ما نع راعي الصوره اللي مطرشنها ع الايميل وخاطري اشوف وييها يوم بتعرف انه انا مانع ..ههه تحفه والله محد غير التحفه الحين هذي مصيبه واضحك ..صدق متفيق..
أما عن مريوم اللي استغربت من هالمجهولة ليش تنرفزت يوم قلتلها اني بسير خلني انزل تحت صوب امي ابرك لي..ونزلت مريوم ومالقت حد ف الصاله ظهرت الحوش شافت امها وشمه وسيف..
مريوم: سواف شو اللي ردانك من الدوام
سيف: عنبو ليش كلكم محتشرين حرام ارجع؟
أم سيف: صح يابويه غريبه اول مره ..
سيف: اميه قومي تلبسي بنسير بوظبي..
أم سيف وهي خايفه: خير شو مستوي انا قلتلكم خالد فيه شي..قلب الام
سيف: ومن قال انه خالد فيه شي...اصلا خالوه تعبانه
أم سيف: شوووه ..ختيه ؟؟
سيف: دقليه منصور الصبح وقالي انها مرقده
أم سيف: قومن اتلبسن يا بنات
سارن البنات واتلبسن وأم سيف خذت حق اختها دلل الشاهي والقهوه والفواله وطول الوقت وتدعي حق اختها ..أما شمة اتصلت حق موزوه تستسمح منها وهم ف الدرب قريب الوثبه
سيف: اوووووه...!! نسينا حصوص
مريوم: ياويلنا بتشتط علينا
أم سيف: شعنه ما تذكرتوها ..ما عليه اتصل بأبوك تلقاه في دربه صوب العين خبره يخطف ع حصوص ف المدرسه
سيف: ان شالله( واتصل سي حق ابوه وخبره) خلااص انا قلتله
أم سيف: زين ..
وصلوا الجماعه بوظبي واول ما دشوا بيت أم منصور ..شافن أم منصور بصحه وعافيه بس شكلها مش راقده عدل..
أم سيف: السلام عليج ختيه
أم منصور: وعليج السلام والرحمه ..مرحبا مرحبا ..اقربوا
البنات وكل وحده حبت راس خالتها: شحالج خالوه..
أم منصور: يسركن حاليه
أم سيف: شعنه ولدج ايقول انج مريضه وامرقده..
أم منصور( توهقت ما عرفت شو اتقول ): لا...بس بغييت ....اشوفج ! ولهت عليج
أم سيف: خرعتيني ..فز قلبي والله..ثاني مره فديتج قولي ولهت عليج بييج على اسرع طياره..
أم منصور ومافيها تضحك لانها كانت اتصيح ع خالد: هه ..تسلمين
أم سيف: عيل وين ولديه خالد ؟؟وسلطان ومنصور؟؟
أم منصور بعدها متوهقه: لا بعدهم ف دواماتهم ..عيل سيف وين؟
أم سيف: سار الجمعيه اشوي وبيرجع
أما في العين حصوص توها ظاهره من المدرسه وراكبة عند ابوها وتفكر في سالفة سعيد..يعني الضرابه اللي استوت ..استوت لانه هو يعرف اني حصوص انا اللي شافني ويا ولد خالتيه سلطان ..بس كيف عرفني..فرقت خشمه اونه اتصليلي ...زين..دوااه ما يااااه ..طرشتله هذاكي الكلام اللي ما بيوديه ولا بييبه..
بو سيف: يا بنتيه بلاج ما تردين عليه ...زعلانه؟
حصوص: هااه ..شو كنت اتقول ابويه؟
بو سيف: وين اتفكرين انتي ..وين وصلتي
حصوص: ولا مكان ..بعدني حذالك :P
بو سيف: تراني اشك..
حصوص: يابويه اتشك في شوه؟؟الا سيف ليش ما خطف عليه..
بو سيف: ساروا بوظبي عنج..
حصوص: شوووووووه!! ولا خطفوا عليه ..ان ما سويتلهم محضر..
بوسيف: ههه ..انتي وايد اتذكريني في اميه الله يرحمها..
حصوص:
بو سيف: يابنتيه بعد صلاة المغرب بنسير بوظبي بنظهر منيه ..
حصوص: بل شو صلاة المغرب ابويه؟؟
بو سيف: راد من ليوا تعبان ..برقد بعد صلاة العصر ..وعيني قبل صلاة المغرب..
حصوص: فالك طيب..
بعد ما وصلت حصوص ويا ابوها البيت حطت لهم الغدا وسار ابوها يرقد..حصه متملله ماتعرف شو اتسوي

 
 

 

عرض البوم صور dali2000   رد مع اقتباس
قديم 03-07-10, 12:07 PM   المشاركة رقم: 9
المعلومات
الكاتب:

البيانات
التسجيل: Sep 2006
العضوية: 13121
المشاركات: 14,191
الجنس ذكر
معدل التقييم: dali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسي
نقاط التقييم: 4972

االدولة
البلدCuba
 
مدونتي

 

الإتصالات
الحالة:
dali2000 غير متواجد حالياً
وسائل الإتصال:

كاتب الموضوع : روئ العين المنتدى : القصص المكتمله
افتراضي

 


*** في بيت سعيد***
سعيد كان توه راد من الدوام وهو فرحان لانه اكيد اخته ميثه رمست حصوص ويعني اكي حصوص ردت عليها...دخل سعيد الصاله سلم ع امه واتخبرها عن اخته ميثه ..قالت له امه انها ف حجرتها ..وسار سعيد صوب حجرة ميثه
سعيد : السلااااام على احلي واعز اخت ف الدنيا
ميثه: الله الله كل هذا حقي ..شو هالحب اللي نزل مره وحده ..وعليكم السلاااام
سعيد: فديتج ميثوه انا هلكاان..ريحيـــني ..شو قالت لج حصوص؟
ميثه : والله مادري شو اقولك!!
سعيد: قولي اللي قالته بعد شو بتقولين
ميثه: انزين بس لا تعصب
سعيد: ليش اعصب قولــي
ميثه: انا قلتلها السالفه من طق طق لين السلام عليكم وقلتلها انه قصدك شريف..
سعيد: .....!!!
ميثه: قالت: قلنا يعني اخوج شافني وسمعني يوم اتمصخر وشافني عند بيتنا..هذا الشي الواحد يقدر يصدقه ..وعن الضرابه اللي استوت في المول يزاه الله الف خير وكثر من امثاله ..لكن ايطرش اخته وايقول اتصلي واونه قصده شريف !!مادري يقص ع منوه ..وبعدين قوليله نفس ما ربوا خواته ..ربونا..مافي فرق..ونفس ماهو ولد ناس واصول تراني نفسه وبعد مافي فرق امبينا ..لكن هو يرمس بنات ونا مارمس شباب هذا الفرق..واذا هو مصمم اني ارمسه ..عادي برمسه بس بشرط..انج انتي بعد ترمسين اخويه..والسموحه ياميثه ..فداعت الله
سعيد انصدم اول ماقالت له ميثه هالكلام معقوله حصوص يطلع منها كل هذا ..شكلها ما يدل على انها قاسيه ..شل سعيد بعمره وظهر برع البيت ..يسوق السياره جنه مينون مب عارف وين ساير وطول الوقت يسأل عمره انا شو ذنبي اذا حبيتها ..المحبه من الله بس هالبنيه جرحتني ..يعني يوم حبيتها وحسيت انها معاي ف كل وقت ...جيه اتسويبي ..الله كريم..الله يصبرني

الجزء 13
***أما في بوظبي***
طبعا ام منصور ما قدرت تودر اختها وتسير تتصل حق ولدها منصور فتمت يالسه وياها ف الحوش ويرمسون عن ربيعاتهم
أم منصور: هيه ترى باجر عرس فاطمه بنت عوشه
أم سيف: ماشالله كبرت ..احيدها كبر خالد
أم منصور (ودمعت عينها من سمعت طاري خالد): هيه كبره
أم سيف: ماشالله ...الله يوفقها ان شالله ..الا ما حددتوا متى عرس نواري؟
أم منصور: والله ما يندرا ..بعدهم ما قالولنا..بس يقولون ولد عمها يباه ف الصيف
أم سيف: بالبركه ان شالله
أم منصور : ان شالله
أم سيف: باجر ملجة مانع ولد سهيل ..تعرفينه
أم منصور: هيه ومنو ما يعرفه ..والله يابخت من بتاخذه
أم سيف: كان خاطريه احضر الملجه ...واشوفه شبه معرس..فديته غلاته من غلات خالد وسيف
** البنات من الصوب الثاني ف البيت**
نواري: هيه والله بتعرس باجر..
شمه: مااااااشالله ..اتصدقون ما اتخيل شكلها عرووس!!
مريوم: احييييييييدها دفشششه ..ولكنها خطيره وراعية سوالف
يزوي: بياخذها ولد خالتها
شمه: الله يوفقهم
مريوم: ليكووون ولد خالتها الدب اللي بيموت عليها.
نواري: اي دب ..انتي الحين لو تشوفينه تموتين عليه..
شمه: ههاااي
نوراي: والله ماحد ناقصنا غير حصوص..كشخه جيه كلنا متيمعين
شمه: نااااااقص شباب العيله كمان
نواري: اسكتي دخيلج فينا ع حشره شنغل ومنغل..
مريوم: اوه اوه قوم سبيس تون يتكلمون بعد ههه
نواري: خخخ
شمه: منو شنغل وممممنغل
يزوي : حصوووص وسلطان
شمه: ههه في هذي صدقتوا
مريوم: والله من يشوفون بعض يتواقعون
يزوري: بس كشخه جيه ..حصوص متى بتي من العين
مريوم: مادريبها..بتصل لها
يزوي:حطي سبيكر...(واتصلت مريوم حق حصوص)
حصوص تتمصخر عليهم مسويه عمرها سيلانيه: ألوووو....سلام أليكم
البنات استغربن ..مريوم: وعليكم السلام ..بيت منو هذا؟
حصوص: انته يريد بيت منو؟
مريوم: بيت محمد..
حصوص: اووف..شو هدا كل يتسل مهمد ومهمد أنا كم مره قول هق انتي هذا مابي بيت مال مهمد يور بوي فريند..خدا هافز(وسكر التلفون في ويهها)وهي ناقعه من الضحك
أما مريوم من الصوب الثاني : شيييت منو هاي!! انا متأكده انه رقم بيتنا.
يزوي: يمكن حصوص تتمصخر
نواري: بغينا نمصخرها جان تمصخرنا
شمه: ههههاي دواكن..
مريوم: خلنا بنتصل فيها مره ثانيه(وردت مريوم اتدق)
حصه: ألو السلام عليكم
مريوم وعليكم السلام ...شحالج حصوص؟
حصوص: شو تبون داقين..ودرتوني ورحتوا.. ما احبكم
مريوم: أفاااا...افا والله زعلانه
حصه: طااف...اميه وين؟
مريوم: في الحوش ويا خالوه
حصوص: انزين يالله بسير اوعي ابويه ..سلمي ع البنات
مريوم: لحظه اسمعي 1...2...3..(وبدن البنات يغنن اغنيه عبدالمجيد عبدالله (قمر) يبن يغايضن حصوص)
حصوص: واااااااهههه...تحفه من دوني ..فرقة من دون طقاقه وين تبون
مريوم: ههه عاشت حصوص الطقاقه
حصوص: عاشت ايامج الشيخه ..الحين فارقي بسير اوعي ابويه
مريوم: انزين فداعت الله
حصوص: فداعت الرحمن(وسكرت حصوص)
شمه: تعالن..مب كنه سيف والشباب اتأخروا..قالوا بيوون (وهنيه سمعوا حس ام سيف اتصرخ) البنات كلهن نشن سايرات الحوش.. ويشوفون أم سيف اتصرخ واتضرب في ويهها وتمسك راسها..شمه سايره صوب امها تبى تهديها تبى اتعرف امها ليش اتصيح ..
.وسايره بتقبض امها بس امها لوت عليها واتصيح واتقول: شموه فديتج وديني عن اخوج خالد المستشفى (شمه استغربت وانصدمت ) فدييييييييييتج شموه وديني ...
(و تيي مريوم وتوقف عند امها وتسألها وهيه تصيح: أميه شو بلاه خالد!!
أم سيف: الحقن ع اخوكن مرقد ...اخووكن سوا حادث..(البنات كلهن صرخن وتمن ايصيحن وأم منصور تمت متلومه في اختها ..ام سيف بعدها اتصيح وشمه ومريوم مش مستحملات ايشوفن امهن بهالطريقه ..امهن اللي عمرها ماصاحت جذيه ..بس ما تنلام هذا ولدها اللي ما تقدر اتفارقه
أم سيف وهي بعدها اتصيح: ما يخصني ودووني عند ولدي
نواري: خلاص خالوه الحين بنوديج ...يزوي قولي حق محي الدين يشغل السياره
مريوم: بسير البس عباتيه ..شموه اييب عباتج
شمه: هيه..
أم منصور: حتى انا بسير وياكن ..يزوي ونواري خلكم ف البيت
نواري: ان شالله
أم منصور فداعت الله
أم سيف كانت حالتها ما تسر لا عدو ولا صديق كانت اتصيح من خاطرها ..واتقول يعني انا يايه بوظبي علشان ولديه خالد مش عشان اختيه مريضه ..انا قلت انه ولديه مستويبه شي ..بس كلهم قالوا مافيه شي.. فديتك يا خالد ولدي..ما تستاهل اللي ياك ليته في عدوينك ولا فيك ..
أول ما وصلوا المستشفى ساروا صوب العناية المركزة صوب حجرة خالد..كانوا ربعه موجودين وكان سيف امبينهم أم سيف ومن شافت ولدها سيف سارت صوبه تبى اتواقعه..لكن من شافت حالته ما قدرت اتواقعه ماهان عليها..تمت اتصيح ولوت ع ولدها ..بس هو كان ساكن ما يتحرك ..
أم سيف وهو تمسح دموعها: شبلاك يا ولديه ..خلاص انته اذكر ربك اخوك ما بيستويبه الا الخير ان شالله..
سيف: --------------------------
أم سيف: خل ايمانك بالله قوي(وبعد دقيقه)
سيف وهو متخوف: انتوا ما حسبتوا حساب ابويه يوم بيدري شو بيستوي به ..عاد الكل ولا خالد عنده
أم سيف من سمعت رمسة ولدها اتيبست ف مكانها حست بشي يخنقها واتقول ف خاطرها ..انا كيف ما فكرت في ابو عيالي في ابو سيف يوم بيدري..لاه ليش الدنيا ظلمت عليه ف يوم واحد..آ خ يالدنيا..
سلطان سار صوب مريوم وشمه سلم عليهن وهداهن مريوم وشمه كانوا ساكتات ع عكس العاده ..سلطان ما استغرب منهم..واستغرب لان حصوص مش موجوده وياهم ...اتخبرهن لكن لبسنّه ..تم سلطان واقف وياهن لا حس ولا كلمه..
شمه: سلطان خبرني عن اخويه شحاله؟
سلطان: شو تبيني اقولج يا شمه ..خليها ع الله
مريوم: سلطان قول شو فيه اخويه..
سلطان: هم سووله عمليه في اريوله بس بعده في غيبوبه..
مريوم وهي اتصرخ واتصيح: شووووه !! غيبوبه..فدييييتك ياخويه (سلطان قبض مريوم وقال لها:مريوم اسكتي شي شباب هنيه)
مريوم بعد مايلست: السموحه يا سلطان بس من دون قصد وحدرن ادموعها..
سلطان: بالحل ..بس انتن ليش ييتن المستشفى ..اخوكن لو مش في غيبوبه كان ما رضاها ..خذي الكلينكس وامسحي دمووعج
شمه: شوف سلطان نحن اهل خالد ونحن اولى ان نكون عنده يعني ربعه لازم يشلون بعمارهم..
سلطان: شوفــ (وهنيه زقره اربيعه عبدالله)
سلطان : آمر عبدالله..
عبدالله: السموحه ...بس انا بسير احينه ...شي ف خاطرك
سلطان:المفروض انا اللي استسمح منك..وايد عبلنا عليك الصراحه
عبدالله: افا والله اافا ..ما هقيت هالرمسه منك..ترا خالد اخونا وان بغيتوا شي ترانا تحت امركم
سلطان: تسلم ما قصرت
عبدالله : خلاص عيل تمام...فداعت الله
سلطان: فداعت الرحمن (وسار سلطان صوب خالته وامه واخوانه مع مريوم وشمه)
أم سيف وهي تعبانه: سلطان ياولدي ..قالوا ان الشرطي اتصل بك اول..
سلطان: هيه خالوه اتصلبيه ..
أم سيف: وليش ما اتصلتليه والا ع الاقل اتصلت بسيف؟
سلطان: والله خالوه لا تلومينيه...ما بغيت ازيغكم..حتى اميه ما تصلت ابها..
أم منصور: والله اني زعلت عليك يوم قالي منصور عن الحادث..بس خلااص يا ولديه ..انا مش زعلانه احين
سلطان: فديت أمايه
سيف: جب جب انته ويا هالويه ..جان قلتليه انزين ..انا ريال مب شرا الحريم اصارخ
سلطان: آسف.....راعوني ..لا تزعلون..انا ما انفع في هالاوقات
منصور: خلاص سكروا السالفه...
أم سيف: اتصلوا في ابوكم ..شوفو علومه وعلوم حصوص
سيف: ان شالله اميه (واتصل سيف حق ابوه)
سيف: اميه..ابويه قال انهم قريب..واصلين
أم سيف: اخ يوم بيدري ابوكم شو بيستوي..
مريوم: الله كريم
(كانوا كلهم ساكتين ...الكل سارح ف افكار مالها اول ولا لها تالي...كان الكل يفكر شو بيستوي حق بو سيف يوم بيدري خصوصاً انه هو فيه القلب..الكل خايف من اللحظه اللي بيوصل الخبر حق بو سيف...فجأه سمعوا صوت وحده اتقول:خالوه انتي هنيه وقالوا انج مرقده...
بو سيف: ماشالله ام منصور مش مرقده ..وكلكم موجودين ..شو تسوون ف المستشفى؟
** في العيـــــن**
أم مانع يالسه ف الصاله ويا ام راشد وبناتها...كانت ام راشد يايه تعطيهم العود حق ملجة مانع..
موزه: امايه ..أم سيف تستسمح منج تراهم مب يايين الملجه
أم مانع:ليش خير شو مستوي عندهم (دخل مانع الصاله)
موزه: يقولون ان خالتهم اللي في بوظبي مريضه ومرقده
أم مانع: يحليلهم الله يشفيها ان شالله ..
موزه: الله يسمع منج
مانع: منو هذيل اللي خالتهم مرقده؟
أم مانع: قوم سيف بن محمد..خالتهم مرقده..
مانع: اها يعني ما بيحضرون الملجه؟
أم مانع: ماظن
مانع: حتى بناتها؟
أم مانع: يعني امهم ما بتحضر وين هن ايّن ؟ وليش تتخبر عن بناتها ...
مانع: اهااااااا...لا امايه كان مجرد سؤال..
أم مانع: عيل برايكم بسير ويا ام راشد شوي صوب الييران وبييكم ..
مانع: زين برايج امايه..(وبعد ما ظهرت امه ..قرر انه يقول حق موزه السالفه)
مانع: موزووووه..تعالي حجرتيه اباج ...
موزه: خير ليش ما ترمسيني هنيه
مانع(واونه معصب): قلتلج تعالي الحجره وخلاص (موزه استغربت من اخوها..توه اشحلاته والحين مره وحده عصب) نشت موزه وسارت حجرة اخوها..



موزه: خير مانع ...شي بغيت؟
مانع: والا ليش زاقرنج؟
موزه: امر اخويه
مانع: موزه انا ماعرف كيف اقولج ..اصلا ماعرف كيف ابدا السالفه..
موزه واكبر علامة تعجب ع راسها: قول اللي ف خاطرك ..تراني اسمعك..
مانع: موزه انا ماريد لطيفه.........
موزه ماحتشرت وقالت له لا والله والحين ياي اتقول بعد شووه ياحسره باجر الملجه لا بالعكس كانت متفاهمه وهاديه: انزين ليش ما تبغيها شايف عليها شي؟؟؟
مانع: ابدن ..ولاني اعرفها حتى
موزه: عيل حق شوه ما تباها؟
مانع: لاني احب !
موزه ومع ابتسامه: منو اتحب ان شالله!!
مانع: مريم بنت محمد..اخت سيف وخالد
موزه: شووه !! مريوم..وانته شو دراك ابها؟
مانع: هيّدي ..بقولج السالفه..
موزه: قوول انزين ..
مانع: تدرين ع النت انا ليش طرشتلها صورتيه ..لاني حسيتها غير ..حسيتها بنيه ولا كل البنات لانها حقرتنيه واول مره تستويبي هالحركه ..ولا انا كنت حاط صورتيه ع المسن ..ولبستني مع انا الحمدلله اجنن ..قلت يمكن ما شافتها عدل ..جان اطرشلها الصوره ع الايميل ..ومع ذلك ما ردتني عندها ع اللست ..وانصدمت يوم سمعتج اتقولين حق النيره السالفه وانتي قلتيلي انها مريوم اخت سيف ..ونا اذكر اني شفتها مره عندنا ف البيت وكان خاطري اعرفها منو هاذي..لانها واللــــــــــه ذوبتني وسبحان الله..اخلاف انا خذيت ايميلها وسيت لها ادد من ايميل ثاني ع ساس اني بنيه وهي صدقت اني بنيه..انا صدق حبيتها من خاطريه مريوم والله انها طيبه واتجنن ومتفاهمه و..(جان اتقاطعه موزه)
موزه: يعني افهم من كلامك هذا كله...انك اتحب مريوم وما تبى لطيفه..
مانع: هيه نعم..
موزه: الحين دوري اتكلم...شوف يا مانع ..شو بيكون موقف امي يوم بتعرف انك ما تبى لطيفه ...هذا واحد.. اثنييين شو بيكون موقف لطيفه نفسها وشو بيقولون الناس عنها وعن اهلها بيقولون يمكن الريال ودرها لان شاف عليها شي وهالكلام كله بينرد حق اهلها وعن تربيتهم..وبعدين والشي الاخيير ..نفس انته ما حبيت مريوم يمكن مريوم حاطه حد في بالها ويمكن بعد هيه اتحب .عاد انته ما تدري وجيه بتخسر كل شي..وبعدين فرقت خشمك انا شايفه لطيف والله انها تجنن وشخصيتها قويه والله انك بتحبها وما بتودرها دقيقه..
مانع:-----------
موزه: شوف ياخوي العزيز ..انته عطي البنيه فرصه ..حرام اتضيع عليها..
مانع:-----------
موزه : مانع بلاك ..
مانع: خلاص انزين ..شورج وهداية الله
** في الستشفى **
الكل متوهق ...ماعرفوا شو يقولون حق بو سيف اذا قالوله انه ولدك مرقد ...لكن هو شو بيستويبه ..فالكل تم ساكت وكل واحد يشوف الثاني بعين ..
حصه: بلاكم.. ارمسوا ليش صخيتوا؟
بو سيف: أم سيف ارمسي شو تسوين هنيه ف المستشفى واختج حذالج بصحه وعافيه
أم سيف:-----------------
سلطان وبعد ما قبض كتف بو سيف: شوفي ياعمي....(وتنهد)......خالد...مسوي حادث وهو في العنايه الحين
بو سيف اول ما سمع الخبر جنه حد حبس عنه الهوا اللي يتنفسه ..كان واقف وماله خص في الدنيا..يفكر في حشاشه يوفه ولده اللي ما خلا ذره حنان الا وكانت من نصيبه والحيـــن !! ولديه مرقد ولا اعرف عنه ..الله يادنيا
حس بشي بارد وناعم يقبض ايدينه نزل عيونه الا وايشوف حصوص قابضتنه وبتلوي عليه..بو سيف ما قدر يتحمل جان يلوي هو الثاني ع حصوص وتم ايصيح....
حصه ما نزّلت ولا دمعه من عيونها كان ف خاطرها اتصرخ واتصيح لكن ع شان خاطر ابوها حملّت دموعها وقالت في خاطرها لا الصريخ ولا الدموع ينفعني ولا بيعافن اخويه ..عسى الله يشفيك ياخوي..
بو سيف يمسح ع راس حصوص: حصوص يا بنتي لا تزعلين ..خلي ايمانج يالله قوي ..الله يشفيه اخوج ان شالله وبيرد عندج..
حصوص وبعد ما رفعت راسها : لا يابويه ليش ازعل ..قدر ومكتوب لا دموعيه ولا صراخيه بيفيدوينيه
بو سيف: بارك الله فيج يابنتي ...
الكل انصدم من ردة فعل بو سيف حصوص ..كانوا يتوقعون انهم يقومون الدنيا ويردونها ..لكن استوا العكس !! وأم سيف حمدت ربها ان بو سيف ما استوا به شي ..وتموا ع هالحال في المستشفى لين فلييل ..اخلاف تعب بو سيف فقرروا يروحون البيت..
** اليوم الخميس**
اليوم الخميس والكل محتشر في بيت قوم مانع ..اليوم نفس ما قلنا ملجة مانععلي لطيفة بنت محمد...كانوا البنات والعيايز والشواب حاشرين البقعه ..
أم مانع: حياك الله يا بومسلّم ..أنور البيت
بو مسلّم : الله يحييج ...منور بوجودكم..
أم مانع: تسلم .....يالله شدوا حيلكم اليوم لازم تستانسون ملجة مانع..
بو مسلّم :أكيده هذي ما يبالها كلاام ..مانع ولديه ونا اللي مربنه..
مانع: سلمت عميه..
مسلّم : آخ متى ايي دوري..( الشواب والعيايز تموا يضحكون عليه)
مانع: في ذمتك الحين ويهك ويه معرس..
مسلّم : القوم القووم ..والله اني اخبل والبنات يربعن ورايه يتمنن نظره من عيوني ..وبعدين انا كشيخ وحليو حتى يوم انش من لرقاد حليو....ع قولتهم الحلو حلو حتى لو نش من نومه
مانع: فديته ولد عميه ماخذ ف عمره مقلب ..هههه
مسلّم : فدتك ينيه زرقا قولي آمين...اصلا من دون لا ترمس اعرف عمريه حليو
أم مسلّم : بسكم قذيتونا ..اصلا اثنينتكم حلوين
مانع: بس انا احلى
مسلّم : لا انا احلى
مانع: انا قلت قبلك
مسلّم: اللي يقول اول يعني هو اشين
بو مسلّم : امحق ..والله كنكم حريم يوم تتواقعون
مسلّم ومانع كانوا ناقعين من الضحك..مسلّم وحيد امه وابوه ...امه ما كانت تقدر اتييب عيال بس الحمدلله الله رزقها بولد يعوضها عن عشره ..ولدها اللي حاطنها هي وريلها في عيوونه...وابدن ما قصر معاهم في الصغيره والكبيره..مسلّم زاخ شركات ابوه وتقريبا اكثر اوقاته في الشركه ..... (نزلن البنات من فوق)
النيره وموزه: السلام هليكم (وسارن وايهن عمهن)
الكل: وعليكم السلام
بو مسلّم : مرحبا بناتي ..وشحالكن عساكن مرتاحات؟
البنات: يسرك الحال عميه..شحالج عمتيه ؟
أم مسلّم: يسركن الحال..ماشالله كبرتن واحلويتن
النيره: بعدج عمتيه ما شفتي الحلاه..بنظهر اللي عندنا في ملجة مانع اليوم
بو مسلّم: استويت ما افرق بين النيره وموزه
النيره: عمية العودة النيره ..انا اللي فينيه حبّه وسط خشمي ..أما موزه هاذي ام حيات مقرونه ...
بو مسلّم : ما شالله ..كذيه سهلتي عليه ..ههه
مسلّم: احم احم ...بنات عميه ما سلمن عليه..نسوني
النيره: ههه ..الله يغربل ابليسك ..لازم ننساك الصراحه اربع وعشرين ساعه شغل..وشحالك؟
مسلّم: ههه الحمدلله ربي يسلمج ..جنه موزه ما تبا تسلم عليه..
موزه وهي صاده عنه ومن غير نفس: شحالك مسلّم ؟
مسلّم واتغير ويهه : الحمدلله..اقول ابويه ...بنسير انا ومانع الحلاق وبنييكم...اوكيك
مانع: بل عليك يالمصري ما بيطير الحلاق..توها الساعه 9 الصبح ..قر قر بعدنا
مسلّم : اقولك تعال وبس (ظهروا)
بو مسلّم : بلاه اعتفس مره وحده
أم مسلّم: مادريبه

 
 

 

عرض البوم صور dali2000   رد مع اقتباس
قديم 03-07-10, 12:07 PM   المشاركة رقم: 10
المعلومات
الكاتب:

البيانات
التسجيل: Sep 2006
العضوية: 13121
المشاركات: 14,191
الجنس ذكر
معدل التقييم: dali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسي
نقاط التقييم: 4972

االدولة
البلدCuba
 
مدونتي

 

الإتصالات
الحالة:
dali2000 غير متواجد حالياً
وسائل الإتصال:

كاتب الموضوع : روئ العين المنتدى : القصص المكتمله
افتراضي

 

**في بوظبي**
كانوا البنات كلهن ناشات من وقت ..حتى مريوم اللي دومها تنش وقت صلاة العصر ..نشت الساعه 9 الصبح..توالفن البنات في الصاله اللي فوق ..وتمن يتحرطمن ع سلطان لان ما خبرهن عن خالد .
.بس شمه قالت اعذرنه الريال ما بغى يخرعكن ..هذاي يزاته؟
مريوم: اوهو ..انزين خلنا ننزل تحت..
البنات وهن نازلات من الدري: السلام عليكم
أم سيف+ام منصور: وعليكم السلام
نوراي: شحالكن؟ عساكن مرتاحات
أم سيف: الحمدلله يا بنتي ..رقدتن عدل
شمه: لاباس
أم منصور: تعالن هنيه ها افطرن
وقامن البنات وسارن يلسن صوب العيايز..وحطن لهن الريوق..كانن كلهن ساكتات ولا وحده منهن نطقت بحرف ..كانن بعدهن يفكرن في خالد وفي الحادث اللي استوا ..البارحه من ردوا من المستشفى والبنات كلهن صلن ودعن ربهن ان اخوهن ينش بالسلامه ان شالله ..وعسى الله يتقبل دعائهن
أم منصور: فديتج مريوم سيري ازقري ابوج واخوانج من الميالس..
مريوم:ان شالله
وسارت مريوم صوب الميالس تزقر ابوها واخوانها وهي في راسها مليون فكره ..تمشي من دون تركيز تفكيرها كله كان صوب اخوها خالد ...وهي تمشي تدعي ربها عسى اخوها ما يصيبه شي عسى الله يعطيه كامل الصحه والعافيه ..شو بتكون حياتهم من دون خالد اللي عمره ما قصر معاهم ..وصلت مريوم الميلس وهي حاطه الشيله ع كتوفها..
مريوم: السلام عليك ابويه..(استغربت مريوم يوم شافت ابوها يخزها بعين ) ابويه يبغونـ.....(صدت مريوم صوب اللي يالس ويا ابوها ..ويالقفطه..لا هو اخوها ولا هو واحد من عيال خالتها...اوبس منو هذا ؟؟!! وسيده ظهرت وسارت صوب الصاله)
عبدالله بروحه كان منصدم ومنحرج من الحركه اللي استوت..لكنها حلوه :d عبدالله وهو يفكر في البنيه اللي شافها ومبتسسسم شاق الحاج ..لكن جكااه بو سيف..
بو سيف: حووو وين سرحت؟
عبدالله وهو بعده سرحان : عند الغزال اللي دخل..
بو سيف: شووووه؟؟
عبدالله:هااه لا ماشي فياك فياك بو سيف ..يالله انا بترخص ..شكلهم الاهل يبغونك..
بو سيف:السموحه يا ولديه مب قصدنا انروغك
عبدالله : هه لا فديتك عميه بالحل ..شي في خاطرك من صوبيه؟
بو سيف: ابدن سلامتك يا ولديه
عبدالله: الله يسلمك ويسلم هلك وعربانك فداعت الله
بو سيف: يحفظك الله ..
بعد ماسار عبدالله .....ظهر بو سيف وسار صوب الصاله وشاف الشباب ع دربه فدشوا رباعه الصاله
بو سيف: السلام عليكم
الحريمك وعليكم السلام
بو سيف: شحالكن بناتيه عساكن مرتاحات
البنات : يسرك الحال ابويه
سيف: شحالكن يالساحرات
نواري: هه الحين نحن ساحرات ..محد غيرك الساحر
سيف: انا وييييييين والساحرات وين ..فرق السما والارض..
نواري: اللي يسمع ايقول الحين بينا وبين الساحرات خصله..ومع الاحترام يعني انته قاص على عمرك
سيف: من زينج عاده..الساحره الاولي ف الامارات..عوذ بالله والا شعر هالطول
أم سيف: هب هباك الله ..عن اتدقها بعين ..قول ما شالله
شمه: غللس انزين
أم منصور: ما صدقنا نخلص من سلطان وحصوص ظهرتوا انتوا(سلطان واول ما طروا حصوص صد صوبها بيشوفها اقاها تنظره ..واول ما شافها شلّت عيونها)
بو سيف: الا بنتيه حصوص وين؟
حصوص: هلا ابويه (وسارت تيلس حذال ابوها)
بو سيف: مريضه انتي؟
حصوص: لا ابويه بس زجام وبيسير عني
بو سيف: شوفي عيونج كيف مورماات
حصه: ابتسمت: ابويه يالله اريد اسير صوب خالد
بو سيف:خاطريه والله اوديج يا بنتي ...لكنـي تعباان من دقايق راد من صوبه احايل في الدكتور يدخلنيه عنده بس مش راضي
حصه اونها زعلانه
سلطان: خلاص حصوص احينه بوديج كم حصوص عندي...(وظهرت من خاطره)
بو سيف: هذوه ها ولد خالتج بيوديج
حصوص: لامشكور ..اخويه سيف بيوديني ..صح سواف؟
سيف: ان شالله ..سيرن تلبسن عبيكن
البنات كلهن وفي لمح البصر فوق..سايرات يرابعن ..ههه حليلهن
سيف: حشا انا كنت اتمصخر ...كلهن نطن
سلطان: حرام عليك بنوديهن..محد من الربع هناكي
سيف: اوكيك...اميه مب سايره؟؟
أم سيف: توني راده من عنده ...سرت ويا ابوك..ماعليه اخلاف يوم يرجعن البنات انا بسير
سيف: تم
** في العين**
الحين الوقت قريب المغرب والكل متجهز ومتلبس والكل فرحان الا مسلم ..بعده شايل في خارطه عن اللي استوا بينه وبين موزه..معقوله ليش الحين تكون زعلانه مني ..انزين ليش تزعل ؟؟؟صح انا ماكنت احس عمري اني قادر ع العرس واتحمل مسؤولية بيت ..كنت بعدني ما اشتغل ولا شي اترزق من امي وابوي..يعني المفروص تقدّر ظروفي ....ما عليه انا لازم ارمسها..
مانع:حوووووو انا ارمسك من الصبح...بلااااك
مسلّم : معاك فرقت خشمك
مانع: اقول: بسير اجيك ع الخيم ..بتي معايه؟
مسلّم : لا برايك بيلس في الميلس
مانع: دومك كذيه..فداعت الله
مسلّم : الله يرعاك...رد مسلك ايفكر في موزه ..وفي خاطره ..وييييييييين انا من زماان ما شفتها..صراحة صراحة انا انصدمت يوم شفتها اليوم....وايد احلوت وكبرت واستوت عرووس..يالله انها تنكتب من نصيبي ..انا لين الحين احبها وحتى يوم ودرتها كنت احبها وكنت خايف اني اضيع مستقبلها لو تمت معايه..لييييييييتها تعرف والله كان عذرتني..(ورن تلفون مسلّم طلعت امه وقالت له ايي الصاله..)
أول مادش مانع الصاله شاف امه وعمته سسلم عليهن وتم يالس في الصاله
أم مسلّم : اصبر بسير اييب الدخون من المطبخ وبييك
مسلّم: ان شالله
كان مسلّم يشوف صوب الدري ويتذكر موزه وهي نازله من الدري ويتخيل انها تبتسمله فجأه شاف وحده واقفه ع الدري مستحيه وتضحكله وقال ف خاطره يا ويلي انا كنت اشوفها واحسبها موزه لا بالله ابتلشنا في هالبشكاره ..(هههه) والله خوفي تتحسبني احبها..حووو انا كنت اشوف موزه ما اشوفج الله يغربل ابليسج
أم مسلّم: دوك اتدخن يا ولديه
أم مانع وهي ظاهره من حجرتها: ما شالله مسلّم معرس معرس..تبارك الرحمن
أم مسلّم: الله يسمع منج
أم مانع: ميري...سيري ازقري البنات من فوق
ميري: ان شالله ماما (ونظرت مسلم بعين ههه) يا ويل حالي
أم مانع: مسلّم ....مانع ولديه وين؟
مسلّم : سار يجيك ع الخيم...انا بوصلكم..(نزلن البنات من فوق ...عيون مسلم كانت كلها مركزه ع موزه اللي ابدن ما نساها ولا يفكر ينساها
أم مسلّم: تبارك الرحمن.....ماشالله اتجنن
البنات: سلمتي عموه..
أم مانع: يالله يا بنات ..مسلّم بيوصلنا.....(موزه اتأفأفت)
سارن البنات صوب سيارة ولد عمهن و اثنينتهم يفكرون في بعض ..موزه من صوب واتقول يعلني افارقه كريه ما احبه ومسلّم من الصور الثاني يعلني فداها والله اتخبل انا ويني عنها من زمان..)

**************



** في بوظبي**
كانن البنات بعدهن في المستشفى ماطاعن يردن البيت ..حصوص تحايل في الدكتور من اول ما وصلت عسب يدخلها عن خالد وهو مش طايع ..
سيف: بسج فضحتينا سايرة رادة عند الدكتور قالج ما بيدخلج
حصوص: والله اني مب ظاهره من المستشفى الا وانا شايفه خلّود
سيف: لا بالله عيل شكلكج مطوله...واقولج حطي حلفتج في بطنج
حصوص: انا براويك .....وسارت حصوص صوب حجرة الدكتور تحايله وتحايله..
الدكتور: خلاص بقى انا عندي اشغال تانيه لازم اعملها ..قلتلك لاء
حصوص: قول والله انته بس...شوف يا دكتور انا طولت بالي وايد..اترجاك ونا عمري ما ترجيت حد....اذا ما دخلتني عند اخوي ...احلااااامك اتخلص شغلك تفهم !!!!!!
الدكتور: خلاص خلاص ..تعالي...بس من دون ازعاج
حصوص: فالك طيب...
ظهرت حصوص من الحجره ويا الدكتور ..وهي معصبه
سيف: مب قلتلج ما بيطيع
حصوص: طنشت سيف: يالله بنات اللي تبى تدخل تدخل ..
الدكتور: لحظه بقى ..انتي قلتيلي وحدك حتدخلي...
حصوص: ظنتيه انته ما تبى تخلص اشغالك..
الدكتور: خلاص بقى يا ريال ...ادخلي
سلطان وسيف سيييييده طاروا عند حصوص قبل البنات لا يخطن خطوه
حصوص: لو سمحتوا ...انا قلت يا بنات ...والا يمكن انتوا شاكين بعماركم؟
سيف وسلطان شوي ويبوسون ايدين حصوص: دخيييلج بندخل وياج ...
الدكتور يتحرطم: كل دول حيدخلوا
حصوص معصبه: هب هباك الله قول ما شالله ...كلهم بيدخلون ..عندك مانع؟ (وعطته بالنظره)
الدكتور: ابدن مافيش حاجه..
حصوص: حسبالي بعد..
الكل دش عند خالد ..كلللهم انصدموا من اللي شافوه ..معقوله هذا خالد...شكلهم مغلطين ومدخلينا ع واحد ثاني ..كان خالد متغير صدق..ويهه مشوه...خده منشق ...مريوم ما قدرت تتحمل اتشوف خالد ربعت صوبه ولوت عليه وهيه اتصيح من خاطرها أما شمه خانتها دموعها ..ما قدرت تحملّهن سارت ويسلت ع الكرسي اللي موجود ..حصه وبنات خالتها كلهن كانن يصيحن ..الشباب انصدموا اول ما شافوا خالد وكل واحد منهم اتغيرت ملامح ويهه .. وحالته صعبه ما يعلم ابها الا رب العالمين والحمدلله انها عدت ع خير ومايت اكثر عن جيه
** في العيـــــــــن**
في الملجه موزه كانت فالّه شعرها أما النيره كانت رافعتنه لان شعرها طويل..الحييين بدت الربشه ...موزه نشت تنعش ع اغنيه ميحد حمد وكان وياها اخو لطيفه الصغير ايول ..وصارت ربشه .....الحين كل الحريم محتشرين العروس بتدخل...
دشت لطيفه ع اغنيه (بدر..راشد الماجد) وكانت لطيفه روعه ..فستانها كان فخم ومظهر ملامح ويهها وجمالها الهادي ..الحريم كلهن ما شالله عيبتهن العروس ماتم حد الا ومدحها.....يت المصوره اتصور لطيفه ..لكن ما لحقت تاخذ لها وايد صور لان المعرس بيدش..ستروا لطيفه ..ودش مانع ويا الشواب ..اول ما دش مانع ماكان مستانس لانه بيشوف لطيفه لأ كان مستانس ع الربشه..كان ايحس بشي غريب لكن فسرها ع ساس انه معرس يعني عادي شي طبيعي...مانع كان متشوق يبغي يشوف لطيفه لكن مسلّم ما طاع يظهر ..حلف اول شي ايول اخلاف يظهر ..طبعا مسلّم من يقول كلمة يكون قدها ...المغنيه تمت اتغني اغنية الشيب الفلاحي ومسلّم ما قصر ..تم ايول هذاك اليوال...والبنات كلهن احتشرن عليه ...صح ان موزه عصبت يوم سمعت وحده تتفداه ....بس بعدين طنشت السالفه .. مانع ومن شاف ولد عمه ايول قام هو الثاني وقبض له تفق وتم ايول وياه ...كان احلى شي في الملجه يوالة مانع ومسلّم ..اخلاف مسلّم سلم ع مانع وظهر ..شلوا الستر من لطيفه ..ومانع متحرقص الحين بيشوفها...اول ما شافها بهّت ..ما شالله شحلاتها ..والله امايه خطيره اتعرف اتنقي بعد ههه ..بس صدقها موزوه يمكن الله يوفقني معاها...وبعد نص ساعه ...ودوا المعاريس الميلس ...لكن البنات تعبن وقالن بيردن البيت طبعا ً مسلم اللي بيوديهن..
نزلن العيايز وقلن حق مسلّم يدش الصاله بس هو ماطاع ...والبنات كل وحده منهن سارت حجرتها....
ام مسلّم : ماشالله شحلاتها العروس ..يستاهل مانع..ماشالله زوينه واهلها بعد
أم مانع: الله يوفقهم ان شالله ...(موزه نازله من فوق)
أم مسلّم : عقبال موزه ان شالله ....(موزه ابتسمت)
أم مانع: موزه شلّي دلة الشاهي وديها صوب ولد عمج في الميلس..
موزه: امايه خلي ميري
ام مانع: ميري رقدت ..يالله سيري انتي
موزه شلت الدلة وسارت صوب الميلس وهي في بالها خمسين الف فكره ..الحين كيف بتقابل ولد عمها ..يالله يعدّي هالموقف ع خير..
دشت موزه الميلس من دون لا تسلم وحطت الدلة وبتظهر
مسلّم: موزه...مب يعني انتي زعلانه يعني ما تسلمين ...ترا السلام لله
موزه قفطت: السموحه ...السلام عليكم
مسلّم وهو مبتسم: و عليكم السلام ...وشحالج ؟! ايلسي معايه اشوي بغيتج ف سالفه
موزه صدت عن ولد عمها ويايه بتظهر
مسلّم : مـــوزه !!!


 
 

 

عرض البوم صور dali2000   رد مع اقتباس
إضافة رد

مواقع النشر (المفضلة)

الكلمات الدلالية (Tags)
للكاتبة جفـني جفـا, جفـني جفـا, قصة كل أيامي فداك, كل أيامي فداك, كل أيامي فداك للكاتبة جفـني جفـا
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 11:03 AM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية