المنتدى :
الشعر والشعراء
@@* يا مطــول الغيــبات *@@
يامطول الغيبات وش ذنب الاجفـان__تشكي لجمر الهجر بعـد الموانـي
تغيـرت بعـدك مقاييـس الازمـان__حتى الثواني دهـر ماهـي ثوانـي
في غيبتك كني للاحـزان سلطـان__وكن السعاده شعبي اللـي عصانـي
أحزان اودعهـا وتلفينـي احـزان__لاراح وفد(ن) زارنـي وفـد ثانـي
ويحيط بي من كل هاجوس يقظـان__يمنع عن عيوني الكرى لو غزانـي
وشلون اقول النوم سلطان اذا كـان___النـوم متوطيـه هـم(ن) وطانـي
ياصاحبي ماجاش في صدري اشجان__ولا خفـق قلبـي وهـز المحانـي
الا لخوفـي لاتكـون انـت نسيـان___عهد(ن) مضى واحلامنا والأمانـي
تدري بدونك شارد الفكـر حيـران__مااغروا عيوني المترفات الغوانـي
ياما تمنيتـك تجـي طيـف ندمـان___وتمد لي كـف اعتـذار(ن) نسانـي
ترى النـدم توبـه ويعقبـه غفـران___إن خفت ربك فيّ... تعـرف مكانـي
مسحوبه
|