المنتدى :
الشعر والشعراء
....... مرني طيفك.....
مرني طيفك
وطيفك (صاحبي ماأدري عدوي)
جايبن صوتك ..
وصوتك سكة الذكرى الحزينه
قال : جوي تكدر..
قلت : ماهو كثر جوي !!
قال : فرقانا غبينه ..
قلت : وأكثر من غبينه !
قال : أنا بموت من غيبتك ،
قول لي وش أسوي ؟!
قلت : أنا أبغى الموت في غيبتك ،
قلي بس وينه؟!
قبل ترحل كنت أقول :
بيسرح أيام ويضوي
مثل ماعودني إذا أشتقت له
جابه حنينه!!
بس هالمره شهور
وضلوعي تدوي !!
كل يوم أشتاق لك..
يلعن أبو الشوق وسنينه!!
كل ماعشمت قلبي .. قال :
ياضلوعي تقوي .!
ورحت أنا وياه نتحرا رجعت
إللي فاقدينه .!
أحيانا" أقول :
إذا رجع بكون في قمة هدوئي .!
وأحيانا" أقول : إلا بزعل ..
وأنسى مابيني وبينه .!
كل يوم أجلس على جال البحر وأقول : توي .!
لا سألني مافقدت الحلم في لمسة
يدينه؟!
مادريت إن البحر ماقال لأمواجه
(تروي)
ومادريت إن الغرق
هو حجة غياب السفينه
ومادريت . . أو مابغيت أدري . .
ولا أدري وش بسوي . . .
لو رجعت وشفت طيفك
في الممرات الحزينه ؟!
وين أبنسى ؟
وأنت طيفك (صاحبي ماأدري عدوي)
مارضى يترك لغيره
(شبر واحد) في المدينه......!
تحيـــــــــــــــــــــــــــــــــــــاتــــــــــــــــــ ــــــــــــــــي..............
|
23-08-07, 06:48 PM
جديد مواضيع قسم الشعر والشعراء
العرض الشجري
