المنتدى :
الشعر والشعراء
@@* من إبداعــــات خـــالـــد الفــيصل *@@
من خصايص عنود الصَّيد كثر الطَّواري
وعادة الظَّبي يجفل لي تحـرَّك ظلالـه
مايصيد الجوازي كود بخصٍ وضـاري
القنص بالرِّكـادة والتسـرِّع جهالـه
ولايعرف الطَّرد من لايعرف الصَّحاري
ماتعـرَّض سمـوم ولاتعـرَّض شمالـه
كلِّ دربٍ عليه من المخاليـق سـاري
للسَّوالف رجال وللشِّكالـه رجالـه
وأنت عشقة حياتي ياغـزال البـراري
أتفاول بوجهك سِعد من صرت فالـه
إنت والله حبيبـي وإنـت والله داري
إن نظرة عيونـي يـم غيـرك جمالـه
ما إنقطع سيل حبَّك بالمعاليق جـاري
كنِّ قلبي خلقـه الله لحبَّـك سبالـه
ليلتي ياقمرهـا غـار منهـا نهـاري
حيث وصل المودَّة همسـةٍ فـي ليالـه
جعل واهج غرامك مثل وجدي وناري
مير ما أظن فـي دنيـا المحبَّـة عدالـه
|
13-08-07, 05:05 AM
جديد مواضيع قسم الشعر والشعراء
العرض الشجري
