المنتدى :
الارشيف
بحبك......(خاطره عاميه)
لو فيه كلام بيقوله الجماد والحجر يبقى بحبك
لو تسمعى غنا البلابل عالشجر بتقول بحبك
ولو تشوفى كل اللى كتبه القدر شوفى بحبك
أحلف برب خالق شمس وقمر انى بحبك
شمس الشموس
دايب فى حبك كل نفس من النفوس
وانتى العروس
فى زفه فيها زهور كتير وفيها فل وريحة عبير
بدر البدور
يهتف بأسمك كل طير من الطيور
بتشعى نور
شايفك قمر وقت السهر رمز الجمال لابس حرير
وأحلف بربى ان انتى حبى
خليكى جنبى حننى عليا قلبك
حننى عليا قلبك
وردة ربيع
كل اللى حبك من بعد حبك انتى يضيع
وأنا مش هبيع
وازاى أبيع أنا لؤلؤه نادره ياناس ملهاش وجود
حاسك ياروح
جايه بلمسه من ايديها تشفى الجروح
وأنا فين هروح
من بعدك انتى ماليش حياه غير بس شوك من غير ورود
وأحلف بربى ان انتى حبى
خليكى جنبى حننى عليا قلبك
حننى عليا قلبك
|
07-08-07, 05:34 PM
جديد مواضيع قسم الارشيف
العرض الشجري
