المنتدى :
الشعر والشعراء
ياصاحبي مالها عيونك حزينه
ياصاحبي مالها عيونك حزينه
لايهمك اللي يمسك البنت للمال
ذي مشكلة هالوقت كل يهينه
واللي معاه ريال يسوى له ريال
واللي ماعنده شي ربي يعينه
يقضى حياته بين همه والاشغال
الناس صارت للدراهم رهينه
وكل يبي المنصب له يكون منزال
لاجيت تخطب قالوا فلان وينه
والانصيته قال مايمشي الحال
حتى لوانك تملك اخلاق زينه
وكل شهد انك عزيزا ورجال
مايهمه الرجال ولايهم دينه
اللي يهمه كم تملك بالاجمال
ولوجاه واحد يحمل اخلاق شينه
ومركزه الاول بين مجموعة انذال
ويكون لابس جنز وكحله بعينه
ويلوج علكه ولابس كم سلسال
بيقول عادي بتعدله سنينه
وبنتي تبي تغيره على كل الاحوال
لانه ملك مال وسلطه لعينه
وابوه الاول بين راعين الاموال
ياصاحبي ادري علينا غبينه
بس الدراهم صارت الحين موال
كلن يردد نبغي المال وينه
وكلن مع رياله تعلق بالامال
عز الله انه ياصديقي مهينه
حياتنا مادامها كلها ريال
لكن لنا رب كريمه يدينه
يغير الاحوال من حال لحال
للشاعر / سلطان الشوق
|
18-07-07, 11:41 AM
جديد مواضيع قسم الشعر والشعراء
العرض الشجري
