كاتب الموضوع :
بنت السعودية
المنتدى :
القصص المكتمله
الجزء الرابع عشر
أم حنين\حنين تعالي شوي معي الغرفه
حنين\ان شاء الله
العنود\لا والله وأيش معنى حنين والا في أسرار ماتبوني أعرفها...
أم حنين ومالها خلق للعنود\هذا أنت قلتيها ياأم لسان طويل في شي ماأبيك تعرفينه
...
العنود بدلع\أهيىء أهيىء الله يسامكم روحوا أنا ماأحبكم...
حنين\حتى أحنا مانحبك
ومسكت أم حنين يد بنتها ودخلت معها الغرفه ..وجلسوا على حافة السرير..
أم حنين كانت خافيه ومرتبكه وحيرانه ماتدري من وين تبدأ...هي أصلا لحد الان
مش مصدقه..اللي صار قبل شوي ..أجل كيف حنين لوقالت لها أكيد بتنصدم...
حنين\يمــه يالله قولي أشعندك..والله بديت أخاف..
رفعت عينها لبنتها وطالعته بنظرة ألم وخف من المستقبل\أحم...حنين تدرين ليه
جايه أم فيصل مع بناتها!!!
حنين\أممم مدري أنا قلت من قبل أني حاسه ورى جيتهم شي ..بس هالشي
ماأعرفه...لكن شكلهم جايين زياره عاديه صح!!!
أم حنين\لا....
حنين\طيب ليه جايين!!
وأستجمعت قوها كلها \جايين علشان.....
يخطبونك لولدهم فيـــ ــصل ...
وعم الهدوء على المكان لحظات............................................,
حنين\لا أكيد أمي أنت تضحكين صح!!؟
أم حنين\لا أنا جاده بكلامي
حنين\لالالالالالالالالالالالالالالالالا مستحـــــــــــيـــل
وبعد ماوصلوا الجماعه البيت خذ فيصل أخته ساره وراح معاها لغرفته عشان
يتكلمون براحتهم
فيصل\بالتــفـــصيـــل أبيك تقولين لي كل شي بالتفصيل....
ساره\طيب طيب اشوي شوي علي خليني أخذ نفس
فيصل\لا مالي شغل ماتخذين ولا نفس بسرعـــه تكلمي
ساره\شوف....................وقالت له اللي صار بالتفصيل على قولته
ساره\فيصل ممكن أسأل سؤال!!
فيصل\أكيــد
ساره\أنت تحب حنين!!
فيصل وبعد تفكير\شوفي ساره ..والله مدري أيش أقولك بس اللي أعرفه أن حنين
غيــــر غير البنات اللي أعرفهم احسها كنز ثمين في أشياء كثيير غاليه والواحد
هالأيام مستحيل يلقى وحده بمواصفات حنين
ساره\طيب أنت لحد الحين ماجاوبتني على السؤال..
فيصل وبعد تنهيده\أسمعي أنا لحد الحين ماوصلت لدرجة الحب لكنها شاغله كل
تفكيري
ساره\طيب ماتتوقع يجي يوم وماتوصل لدرجة الحب
فيصل\والله هذا الشي بأيد حنين هي اللي تقدر تخليني أحبها وماأستغنى عنها...
ساره\كلامك يخوف يعني فرضا لو ماحبيتها وش بيصير
فيصل\الله يهداك ياساره أتفائلي بالخير..وبعدين لسه هم ماردوا خبر تونا بأول
الطريق
ساره\طيب لو لو فرضا يعني حنين أرفضتك وش بتسوي
فيصل \لا مستحيل ترفضني
ساره\وليه ماترفضك الحياه قسمه ونصيب
فيصل\أدري لكن مافكرت أنها بترفضني..ولا أراح أفكر
ساره خافت من كلام أخوها ..لأن واثق جدا أنها بتوافق..وهي تدري أخوها طبعه
تملكي واللي في راسه بيسويه غصبن عن الكل واللي يوقف ضده أمه داعيه عليه على
أنه أخوها بس في صفات فيه ماتحبها..لكنها ماتنكر أنه قلبه طيب و حنون وناجح من
الدرجه الأولى لكن اللي يشوفه ظاهريا يقول عنه مغرور جدا ومتكبر....
وبعد البكاء المستمر...اللي بكته حنين على حضها ونصيبها العاثر...جففت
دموعها..لكنها كل ماتمسح دمعه تنزل دموع جديده معلنه مأساه جديده ...وأيام
حافله بالشدايد...
عمرها ماتهنت بهالدنيا...عمر الدنيا ماضحكت بوجهها ..الدنيا كانت قاسيه عليها
من جميع النواحي...صبرها طال...وجروحها تنزف من جديد..ماتدري وش الدنيا
مخبيه لها...لكنها تعرف ظهور أهل أبوها بهالطريقه بداية معاناه طويله ومستمره
...ماتدري وش بتكون النهايه اذا أرفضت ..او حتى اذا وافقت وش بيكون
مصيرها...هل بيكون مثل نصيب أمها ...والا أسواء منه ..في كلا الحالتين هي في
دوامه كبيره..ومستحيل تطلع منها بسهوله ..لازم تكون في ضحايا..لازم في أحد
يضحي ..عشان الطرف يعيش .وياترى مين اللي بيطيح ضحيه!!!؟
تذكرت كلمات أمها الأخيره (فكــري يابنتي..فكري ..يمكن تكون
..خيره...ونهاية أحزانا وبداية أفرحنا....)
حنين\أي أفراح يايــمه أي أفراح مدام السالفه من طرف أبوي
فــعلى دنيتي السلام)وضاع صوتها من بين دموعها اللي أنهلت من جديد
الخبر أنتشر في البيت كله وأنتشر في بيت الخال عادل..لأن مافي شي تخبيه أم حنين
على أخوها وزوجته..وأشخاص يقولون الحمدلله أن حنين بتتزوج وفيصل بيشيل عنها
بعض حملها اللي لازمته طول عمرها..وأشخاص ثانين أو العامه رافضين هالزواج
لأنهم يعرفون أن بيت عمهم طبايعهم تسلطيه وخصوصا عند الأولاد..لأنه هالطبايع
صايره وراثه من عند الكبار كلهم نفس الطينه –أنانيه
..أستهتار...تسلط...تملك..غرور..تكبر...-<<مابقت شي وصيت
بعد مرور يومين من الأحداث السابقه
راحت تدور على أخوها زي المجنونه من كثر وناستها قاعده تراكض في البيت
ورجعت لأيام الطفوله..تدور عليه من غرفه لغرفه ثانيه...ماهما أي شي المهم تلقاه
وتخبره الخبر اللي بريح قلبه ويسعده...لكن هالخبر بطلعه من عيونه ...مثل ماطلعت
أمها روحها بالموووت أمها وافقت...بالدز وافقت..وبعد مناقشات
وحوارات..وخناق وهواش مالا أول ولا تالي.....وأخيرا حصلت أخوها جالس
بالحوش ويطالع النجوم اللي بالسماء
روابي وبعد ماخذت نفس
طويل\مـتعــــــــــــــــــــب....
متعب بكل برود رد عليها بحرفين \هـــا
روابي\أمـــــي يامتعــــب أمي وافقـــــت على زواجــك
من حـنــــــــــيـــن
متعب بابتسامه كبيره حتى ضروسه طلعت\قــــولـــــي والله
روابي\والــــــــــلــــه
قام من الكرسي اللي كان جالس عليه وحضن أخته بكل قوتــه وجلس فتره وهو
حاضنها...
روابي\متعــب حرام عليك كسرت لي ضلوعي
وأخيرا فكها متعب وأنتبه لنفسه\أووووه آسف أختي بس والله من الفرحه مدري
شسوي
روابي\أنا أقولك ايش أتسوي...أدخل البيت ورح لأمي وأشكرها...بسرعـــه
متعب\طيـــــــــــــــــــــــران
وراح عاشقنا الولهان لأمه وسلم عليها وحب راسها وشكرها من قلب,,وبدت أمه
تصيح وتسوي مناحه لأنه مش مصدقه أن ولدها اللي ربته وكان صغير كبر وبيتزوج
وبينساها<<تدرون حريم قبل ..
حاول متعب يهدي في أمه ويدلعها ويقولها أنتي
القلب كيف أنساك..وبعدين صدقيني مهما كانت اللي بتزوجها مستحيل
تخليني أنسى
أمي اللي حملتني وتعبت علي وسهرت عشاني...مستحيل
المهم أم متعب قررت تكلم بنت اختها(أم حنين) بكره وتخطب حنين لولدها
لكنها مش رايحه لها بتكلمها على التليفون..واذا صار نصيب بيروحون بيتهم
وبيخطبونها رسمي...
أم حنين\العنود تكفين حبيبتي روحي شوفي أختك وقولي لها على الأقل تطلع من
غرفتها وتاكل لها شي.. مايصير صار لها يوم ماذاقت طعم الأكل
العنود\يايمــه أنتي تعرفين بنتك أكثر مني بنتك عنيده وراسها يابس مسويه أضراب
لاتاكل ولاتشرب حتى البنات اللي جاو لها الصبح مادرستهم..زكل عشان الأخ
فيصل الله ياخذهم أنشاء الله ونفتك منهمز..
أم حنين\العنود شالكلام هذا ..مهما صار هذيلا أهلك..اللي مالنا غنى عنهم..
العنود\لا والله وتوهم يتذكرونا..سنين مضت وراحت وهم مايسألون عنا..ولايدرون
أحنا متنا والا حيينا والحين ماشاء الله أعرفونا بعد هالقطيعه وياليتهم ماأعرفونا
ماوراهم الا المصايب...
أم حنين\طيب تكفين سدي هالسالفه ضايقتي خلقي زياده..المهم متى بتروحين تغيرين
الشاش صارلك فتره مارحتي والجبس خاس على رجلك...
العنود\لالالالالالالالا أنا زينه مافيني شي حتى رجلي ماصارت تألمني ومالاداعي
شاش وحاله أنا بنظفها...
أم حنين\على كيفك هو بتنظفينها ليكون أنتي الدكتور وأنا مدري أقول بلا هذره
زايده ولافي بيجي المغرب عشان تروحين معه المستشفى
العنود كانت رافضه روحت المستشفى لأمرين..اول شي أنها ماتبي تشوف لافي بعد
سالفة المكالمه والهديه لأنها صارت تستحي منه أكثر من قبل
وثانيا وهذا السبب الرئيسي أنها ماتبي تطب المستشفى مره ثانيه لأنها تعرف أنهم
بيشلون الشاش وبينظفون الجرح....وهذا الشي ماتبيه أبدا ابدا
مرام\أحـــلفــــي
سوزان\والله
مرام وخلاص بتموووت البنت\وبهالسهوله تقولينها ... لا حرام عليك قولي شي ثاني
قولي أنك تكذبين علي..فيصل لي أنا وبس فهمتي لي أنا وبس
سوزان\ الصراحه مدري أيش أقولك يامرام لكنه هو لسه لحد الان ماعطونا رد
وانشاء هالبقره حنين ماتوافق
مرام وبدت تصيح\واذا وافقت شسوي انا أحبه أحبه كثيير مستحيل أخلي هالخايسه
تاخذه مني
وين اللي وعدتيني أن فيصل بيكون لي وقلتي أنك بتكلمينه وبتقنعينه أنه يتزوجني..والا
هو كلام بدون فعل..
سوزان\والله أني لمته أككثر من مره بس هو مايرد علي ...وكنت أفكر أنه عدم رده
على أنه موافق أو يستحي يتكلم في هذه المواضيع
مرام\حـرام عليكم حــرام والله حرام
...ناس يبكون عشان فرقا حبايببهم...وناس يبكون لألــم جديد بيقتحم
حياتهم....
....................كــلــن يــغــني عـلــى
لـــيـــلاه...................
\الــو
أحمد\هلا
المتصل\ها كلمته والا...
أحمد \لاتوني
المتصل\متى بتكلمه ياغبي
أحمد\كنت بكلمه اليوم لكن هو قالي كلمني بكره عشا ن الأربعاءوماعده شي
فاضي
المتصل\طيب أسمع أبي الموضوع يجهز بسرعه...مو تجلس لي سنه..خلك فيهم وخلص
شغلك فاهم والا أعيد
أحمد\لا انشاء الله كلها أيام وعمر يكون بين أيدك
المتصل\أوكي تيك كير
فيصل\يمــه مو كأنهم طولوا في الرد
أم فيصل \توك يمه مامضى الايوم وتبي كل شي بسرعه..
فيصل\طيب يبـــه وعمـــي
أبو فيصل\وش فيه عمك!!
فيصل\وين نحصله
أبو فيصل بابتسامه خبيثه\لاتخاف أعرف مكانه
فيصل\شوفوا أنا أبي اذا ردوا يكون كل شي جاهز...أبي كل شي بسرعه....
أبو فيصل\ويــه الولد مستعجل
وقطع كلامهم صوت تليفون فيصل..وكان المتصل ...أكيد عرفتوها صح!!!وأول
ماشاف الأسم كشر بوجهه
فيصل وهو مرتبك\أستأذن...
أم فيصل\ أذنك معك
فيصل بصوت واطي\هلا حبــي
لينا\هلا فيصل أنت وينك من زمان عنك
فيصل\أي من زمان الله يخليك توه من قبل يومين كلمتيني
لينا\أنا موقصدي هذا الشي أنا قصدي من زمان ماجييت لعندي
فيصل\تدرين ياعمري ظروف وشغل وحوسه...
لينا\انا عاذرتك بس يافيصل أنت كثيير تغيرت أول كنت كل يوم أسمع صوتك
وأشوفك كثيير والحين بالمووت أسمع صوتك
فيصل\معليش هالأيام انا مرره بالي مشغول
لينا\بأيش بالك مشغول
فيصل\بالشغل في غيره..أوكي لينا..بروح للأهل عشان مايشكون ..أوكي
لينا\أوكي بس تكفى حاول تجيني أبي أشوفك
فيصل\انشاء الله يالله باااي
لينا\باي
لينا:الله يسلمكم هذه حبيبة فيصل من زمان وهي بنت متحرره شوي وساكنه عند
خالتها التونسيه..لأن أمها وأبوها متوفين في حادث سياره..أمهاتونسية الأصل
وماعندها غير أخت وحده اللي هي خالتها صفاء..وأبوها سعودي
الجنسيه...ومقطوع من شجره ويوم تزوج أبوها من التونسيه جات معها أختها ..يعني
ماعندها غير خالتها صفاء وخالتها
طلقها زوجها لأنها عقيم ماتجيب عيال...
اتصلت أم حنين بيت أخوها ورد عليها لافي وطلبت منه يودي العنود المستشفى وطبعا
هو ماصدق خبر وأستئذن من أهله و على طول جر ريم أخته معه لأنها تنفع في هذه
الحالات<<طبعا تعرفون أي حالات
وبعد نفس الشي أخته ريم ماصدقت خبر وعلى طول لبست العباه وركبت السياره
وراحوا لبيت عمتهم,,وكانت العنود جاهزه وتنتظرهم مع أخوها عمر لأن حنين
حالتها النفسيه زفت ومالها خلق لأي شي وساد الصمت في السياره لأن كل شخص
منحرج من الثاني
العنود منحرجه من لافي
وريم منحرجه من عمر
حط لافي شريط عشان يغير الجو وكانت الأغنيه لــ عبد الله رويشد طمني
وهذ الأغنيه بالذات تموت فيها العنود
وقاموا الشباب يدندنون مع الأغنيه <<من قدهم حبايبهم معاهم
وأخيرا وصلو ا للمستشفى والأخت العنود تمشي بالعكازات
جلسوا البنات على الكراسي ينتظرون ملف العنود
وجاء أسم العنود ودخل معا عمر وريم
فتحت الممرضه الجبس والعنود ساكته ماقالت شي بس يوم جابت المطهر عشان
تنظف الجرح..صرخت العنود في وجهها وضربت أيد الممرضه
الممرضه المصريه\وبعديــن
العنود\وبعدين يصكك أنشاء الله
الممرضه\يعني أيه..بيبي بتخافي من المطهر....اذا استمريتي كده بدون تنظيف
حتتجمع الجراثيم حول الجرح
العنود\ياعل جراثيم تتجمع في ضلوعك
الممرضه \ايه ده أيه ياعل تتجمع في ضلوعك..
العنود\والله أنك بريعصي
وهنا عمر وريم ماتوا من الضحك على العنود......بس أكتموها عشان خايفين
ياخذون تهزيئه والا طقه من العنود
الممرضه ولفت على عمر وريم\هي بتخرف وتقول أيه!!
العنود\أنا مخرفـــه يــا وتوها بتتكلم الا قاطعها عمر وقال
عمر\ااااا ولا شي هي تعرفين البنت شوي تعبانه من رجلها والمدرسه بس ماعليك
منها..المهم يلاشوفي شغلك
كملت الممرضه شغلها..وحصلت كم ضربه من العنود..وكم صرخه
منها.وبالموووت
قدرت تنظف لها رجلها..وحطت الشاش لها,واخيرا خلصوا وركبوا السياره
وقالوا
لــ لافي السالفه كلها.وأول ماسمع السالفه أنفجر من الضحك على
العنود لأنه
يدري أن ماينخاف عليها وتاخذ حقها مرتين
لافي\هههههههههههههههههههههههاي ههههههههههههههههههههاي كلها هذا
سوته العنود في الممرضه والله أنها مسكينه ههههههايبس والله عرفتي يالعنود تاخذين
حقك منها........
ريم\لا وأسمع قالت العنود للممرضه والله أنك بريعصي..وقالت الممرضه هي بتخرف
وبتقول أيه هههههههاي
عمر\من جد يالعنود والله أني ماسك نفسي أخاف تفهم الممرضه أن أنتي تسبينها
وتشتكي علينا ونروح فيها بس الحمد لله الله ستر .. بس والله أنتي شي ههههههههاي
العنود\أيه ضحكوا علي ياللي ماتستحون ياعل تضحكون بليا ضروس..
ريم\عســــــــــل والله عسل على قلبي..المهم أنا أحنا جننناك شوي
العنود وشوي بتصيح\أصلا أنتوا ماتحبوني وتبون أي فرصه عشان تغايضوني
لافي\لالالالالالالا الا هذه وقفي عندها ستوب أحنا بس نمزح معك..
العنود\واضـــــــــــح
لافي\يالله عمر ريم أعتذروا من العنود والا والله لأغطكم بالشارع
عمر\لا تكفى نعتذر لها ونحب راسها اذا تبي بعد
العنود\مابي تحبوني أخاف أتجرثم زياده وانا ماني ناقصه جراثيم
ريم\ويــــــــــه أبركها من ساعه.....يعني أحنا اللي ميتين عليك
العنود\طيب ياريم أحسابك بعدين
عمر\أقول اذا عندك كلام لــ ريم قوليه قدامي موبعدين
لافي\لا والله
عمر\أيه عادي ريم بنت خالي ..صح ريم
ريم بكل دلع\صــح
المهم كملوا طريقهم بسوالف وضحك وشوي زعل وشوي أحراجات لمن وصلوا
البيت
ونزلت ريم مع أخوها عشان يسلمون على عمتهم,,بعدها أستئذنوا وطلعوا لبيتهم
اليوم الثاني
أم حنين\قصدك تبين حنين لـــ متعب
أم متعب\أيــه والا مش عاجبك
أم حنين\لا أبد بالعكس مش محصلين أحسن متعب بس لازم أشاورالبنت أول
أم متعب\هذا أنا قلت لك..وردوا علينا خبر لا تتأخرون..يالله مع السلامه
العنود\يمــه صج اللي قلتيه
أم حنين\وش قلت
العنود\أن متعب يبي يخطب حنين
وتوها بتتكلم الا سمعت صوت شي قوي طايح..ويوم لفوا عشان يشوفون وش اللي
طاح شافوا حنين مرميه على الأرض ومغمى عليها
|
01-08-10, 07:01 AM
جديد مواضيع قسم القصص المكتمله
العرض العادي
