المنتدى :
المكياج والعطور
خطوات عمل مكياج السهرة بالصور
عزيزتي لقد احضرت لكي طريقه عمل مكياج السهره ...............!!!!!!!!
"نانيس سليم" بتقدم لك خطوة خطوة ازاي ممكن تحطي لنفسك مكياج
وإنتِ رايحة أي مناسبة خاصة... سواء فرح أو خطوبة..
بتقدم لك أسرار المحترفين في وضع مكياج السهرة....
(1)
أولا نبدأ بتنظيف البشرة بقطعة قطن وبالمنظف الخاص والمناسب لوجهك
وهو عبارة عن لوشن أو تونك يزيل أي أتربة أو شوائب من الوجه.
(2)
استخدمي الـ"Pan stick" بدرجة غامقة شوية, ولتجهيز البشرة للمكياج
يوزع الكريم على منابت الشعر والذقن والجبهة ويوزع كويس بالإسفنجة الخاصة
بطريقة متساوية تغطي كل البشرة..
وكل ما ننزل لتحت نفتح شوية لون كريم الأساس أو الـ"Pan stick" المستخدم,
الدرجة الغامقة على أطراف الوجه وتفتيح كريم الأساس يكون حول العين والشفاه
والتفتيح يكون بإضافة درجة أفتح أو ترطيب إسفنجة..
وتوزيع الـFoundation على الرقبة مهم جداً ولا نهملها أبداً عند وضع كريم الأساس،
وتكون بنفس درجة أطرف الوجه
(3)
تحت العين بنستعمل لها كريم أساس فاتح جداً عشان تداري الهالات السوداء
وتدي شكل حلو خاصة بعد ما نحط بودرة على الـ"Pan stick"..
دي طريقة سهلة، يعني مش محتاجة تكوني خبيرة تجميل عشان تحطي المكياج ده..
بالنسبة للبودرة لازم نحطها الأول على كف الي
(4)
تحت العين هي أول منطقة نضع عليها البودرة وبعدها باقي الوجه،
ونستخدم فرشاة "الروجاجو" الكبيرة عشان إزالة البودرة الزيادة من الوجه..
بعد كده نحط بودرة فاتحة جداً وبتلمع تحت العين ودى بتساعد في إظهار الـ"eye shadow"
الغامق فوق العين وشكلها حلو جداً. وبعد وضع البودرة نسرح الحواجب
بفرشاة مخصوص لإزالة آثار البودرة من عليها
(5)
نبدأ حسب اللبس نختار الألوان، لو الفستان تركواز والبنت عينها فاتحة نستخدم اللون
التركواز جوه العين وباللون الأسود نحدد العين من الخارج..
ومن منبت الرموش نمشي بالقلم الأسود ونحدد شكلها بحيث ماتكونش
فيه مساحة فاضية بين الرمش وبين الجفن
(6)
وعشان نعمل الـ"smoky eye" نحط بفرشاة صغيرة الـ"eye shadow"
الأسود على الخط المعمول بقلم الكحل بعدها نسيح الـ"eye shadow"
فوق العين وبنفس الطريقة العين الثانية..
وبنفس لون الفستان نحط eye shadow في كسرة العين بطريقة الـBanana..
وطبعا استخدمت هنا التركواز عشان الفستان تركواز
ونستخدم في الحركة دي فرشاة مدوره.. وبفرشاة أكبر شوية نسيح اللون في منطقة
الجفن من فوق عشان مايكونش فيه فرق بين اللونين، ويكون كله طبيعي..
وهي دي الـ"smoky eye".
(7)
وبعد كده الماسكرا نشد الجفن ونحطها عكس الرموش عشان
الرموش كلها تتغطى بالماسكرا.. ولو المناسبة فرح لازم تستخدمي
رموش صناعية وهي سهلة جدا.. بتلزقي الرموش في أول العين وفي الطرف..
وبعد كده نحط ماسكرا، وعشان تكون الرموش شكلها طبيعي تغمضي
عينك لمدة 3 دقائق لتثبيت الرموش.
(8)
تحت العين نحط "eye shadow" ونغمق اللون من عند الطرف وكل
ما ندخل على جوه نفتح شوية شوية
وبالفرشاة المدورة نرسم شكل العين ونخليها الـ"Smoke"
زي ما احنا عايزين، وبالفرشاة الكبيرة نزيل البودرة الزيادة من تحت العين
(9)
دلوقتى دور الـ"eye shadow" الفضي تحت العين ومن بداية
العين في الركن نبدأ نحط الفضي.
(10)
نحدد الحواجب بالقلم البني.. حتى لو البنت حواجبها سوداء لازم نستخدم القلم البني.
وبعدين نبدأ نفتح تحت الحاجب بالـ"eye shadow" الأبيض الفاتح ويكون بيلمع شوية,
لإبراز المنطقة دي، وبتظهر شكل الـ"eye shadow".
(11)
خلصنا العين ودلوقتي دور الروجاجو أو "Blusher" ونختاره بدرجة مناسبة
لتدريجات ألوان العين... اللون المناسب هنا هو الروز
(12)
نحدد الشفايف باللون الفاتح وعشان العين غامقة فالروج من
الأفضل يكون روز ونحطه بالفرشاة الخاصة بالروج. النهارده الموضة الـ"glitters"
على الشفاه السفلية فقط شكلها بيكون حلو في الصور وبيظهر قوي مع مكياج العين.
(13)
نحط "glitters" تحت الحواجب كمان...
وبكده هتكوني أحلى بنت في المناسبة سواء كانت فرح
أو خطوبة او السهره.......
التعديل الأخير تم بواسطة Rehana ; 19-05-12 الساعة 08:00 AM
سبب آخر: حذف الصور المعطوبة
|
05-07-07, 03:49 PM
جديد مواضيع قسم المكياج والعطور
العرض الشجري
