المنتدى :
الخواطر والكلام العذب
استهبال
{استهبال}
خلاص بقت كل حاجه فى حياتنا استهبال
ولا حد يفرق ده حرام ولا حلال
وذنوب بتكتر لواجمعت لعملت جبال
وكلام بيزيد عمال على بطال
مش يبقى ده برضه استهبال
عاملين نفسنا مش عارفين الغلط
واحنا عارفين ان الغلط بقى عندنا مرض
واحنا اللى فرضناه على نفسنا مش هو اللى اتفرض
ونقول هو احنا اللى لوحدنا اللى بنقع فى الغلط
لكن اعرف انك لما تيجى تتحاسب حتتحاسب لوحدك
ومفيش حاجه حتنفعك غير عملك وصراحتك
وادينى قلتلك واعمل اللى انت عايزه براحتك
ومتجيش تقول منه لله الشيطان
ده عدو من ورق احرقه بالايمان
وحتعرف انه اضعف من الورق كمان
ده مخلوق غاضب عليه ربنا
عمال يوسوس ويقولك تعالى فى صفنا
واداريه قصده تشيل معانا ذنبنا
وياعم ده عيب فى حقك وحقنا
تبيع نفسك وتغضب ربنا
مش ده برضه يبقى استهبال
نشوف الغلط ادامنا ومنتكلمش
يضيع منا احلامنا ومنتعلمش
وادى قطر الحياه بيتحرك ويمشى
خد بالك انت ما بتحلمش
يعنى مش حتصحى فجاه وتقول كابوس
ساعتها حتلاقى القطر بيمشى عليك ويدوس
والحاجه الوحيده اللى تملكها حتبقى فيها محبوس
وياعم الحق نفسك دلوقتى وحتحس انها شكه دبوس
وساعتهاالشيطان منك مأموص
وبكده حتبقى اتعلمت درس واديته هو دروس
[IMG]
|
17-06-07, 09:05 PM
جديد مواضيع قسم الخواطر والكلام العذب
العرض الشجري
