كاتب الموضوع :
مَلك
المنتدى :
الارشيف
الجزء الثاني
ملك: زين يا بدور أفرضي عبود إتصل شقول له شنو تبيني أسوي.
ريم: كلام ملكو صح افرضي تحجج او وزع رقمها ما تدرين صبيان هالزمن مشكلة.
ضحكت بدور وقالت مستحيل عبود صغير توه 16 او 17 سنة ملك اكبر منه بوايد ومستحيل يكون بينهم شي او يحاول يكون بينهم شي لكن خل نتفق على التالي " لو إتصل عبادي تقول له إنها معجبة وتحاول تطيحه فيها لين كلش صدق روحه اني بكلمه وبقول له مقلب.وهي تضحك فرحانة.
ملك: معجبة به منوين اني لا أعرفه ولا أعرف عنه شي .
ضحكت بدور وبدأت المؤامرة طلعت أسرار عبود كله حياته كلها مرت جدامي كأني أسمع قصة او أشوف فلم.
وبدينا خطتنا
سويت مسكول له.ما مرت ثواني إلا هو راد بمسكول. صار الضحك عندنا وقمر أكثر وحدة كانت متحمسة وكانت تبي تكون هي البطلة وتبي الرقم بعد " ما منها فايدة " المهم حقرناه وطنشنا مهل دقايق ورد علينا بمسكول جديد صار الضحك وتحول ذاك اليوم لفلم إثارة وترقب كنا ننتضر ونطالع التلفون أكثر مما ننتبه للشغل إلي في يدنا.
لما يا المسكول الثاني بدور قالت ردي بمسكول وما عطلت أني رديت المسكول وكلها وقت الرد بس قبل لا يرن التلفون بإتصال مب مس كول اني خفت وقلت لبدور شسوي قالت خليه سبيك وصغي على الصوت عشان اربعنا نسمع واحاول أساعدج في الكلام لا تغلطين وهذا إلي صار.
ملك: ألو مرحبا
عبود: مرحبتين
صمت بسيط بين الطرفين " على فكره صوته كيوت حلو وايد من النوع إلي يخلي البنات تذوب "
عبود: إختي انتي داقة على تلفوني.
ملك: بصراحة أيوة
عبود: خير من انتي وشنو تبين.
ملك : انت عبد الله صح
عبود بإستغراب
ايوه انا عبد الله " المفرض يتسمى عدو الله "
ملك : عبد الله وينك صار لي فترة ما شفتك حرام عليك أنت من وقفت روحة المدرسة واني كارهة حياتي والمدرسة بعد انت ما تدري إني كنت احب اقوم للمدرسة بس عشان اشوفك من الصبح وانت رايح تنطر الباص للمدرسة وحشتني ووحشتني عيونك.
طبعاً البنات كانو فاطسين من الضحك ما ادري شلون ما طلع صوتهم كانو حابسين روحهم بيموتون " يقولون هوليود خسرت ممثلة "
فترة سكون من عبدالله وبعدين وبعصبية شوي من انتي ومنوين تعرفيني ومنين جبتين رقمي وشلون تدرين اني موقف دراسة؟؟؟؟؟؟؟ ووووووو
ملك: بصوت مكسور وكأنها بتصيح أني احبك عبود واني من نفس فريجكم مو بعيدة عنك وايد ورقمك سهل إني احصله لأن إلي يبي الشي يعرف شلون يجيبه. حبيبي انت ما تدري شكثر أني اتعذب من غيرك لازم اشوفك اني او اموت والمفرض إني نزلت دمعتين وصوت مكسور والبنات فاطسين ضحك لدرجة أن الطاولة إلي ورانه تركت شغلها ويات تشوف المسرحية.
إهني الحمل قلب الذيب و غير إستراتيجيته على طول وتكلم بصوت ناعم حلو دافي وقال: زين إلي يحب مو لازم يشوف حبيبه مو لازم يتكلم معاه يسولف يعرفه يتعرف عليه .
أني انصعقت وما كنت بروحي المصعوقة بدور ريم قمر وسمر والشابات إلي حضروا الكل وقف ضحك وقام يطالع في بعض.
بدور لمعت عيونها بطريقة عمري ما راح أنساها كأنها انطعنت طعنه غدر ولو إنها حاولت تخش علينا واشت لي اني اواصل
فقلت له أكيد لازم اعرفك وتعرفني بس اني اخاف انت تدري المجتمع ما يرحم ولو اني بموت بس عشان اسمع كلمة حلوة منك.
عبود: ومن متى إلي يحب يسمع كلام الناس او يلتفت لهم خلج منهم حبيبتي وفكري بإلي يحبج ويهتم فيج وبيموت عشان يشوفج .
ملك : أنت من صدقك تحبني.
عبود : ليش لا في أحد يبخل على نفسه انه يحب وينحب واكيد انه راح احب إلي يحبني بس ما قلتي لي شنو اسم حبيبتي .
في خاطري كنت اقول حبتك القرادة، لكني رديت بدلع اسمي شوق بس لا تقول لأحد أخاف اهلي يسمعون ويدرون كلمتك.
ضحك ضحكة تسحر الطير في عشه وقال من البداية جذب اسمج مب شوق
ليش تقول جذي
لأن انتي قلتي اج من فريجنا
وانت حافظ كل اسامي ينات الفريج يعني
لا بس بيئة فريجنا ما تسمي هالأسامي يا حبيبتي
ضحكت وكانت ضحكة من قلب لأنه صادني لكني ما رضيت أتنازل ورديت عليه: يوم إنت شاطر جذي وذكي ليش تركت المدرسة ورحت تشتغل يا فالح الدراسة مب أحسن لك.
رد عليه بعصبية هذي ظروف خاصة ومالش شغل فيها
هني اني قلبي عورني عليه وبغباء رديت وقلت إني آسفة أني اعرف شنو ظروفك وما كان لازن اتكلم.
عصب عبود وانقهر شلون تعرفين من انتين لا تقولين وحدة من الفريج محد يعرف شي عنا بفريجنا تكلمي احسن والله ترى بطلعج لو من كنتين وإذا تعرفين تدرين ما يصعب عليه شي.......
لهني راح اكتب اليوم والبقية تأتي
|
01-06-07, 10:54 PM
جديد مواضيع قسم الارشيف
العرض العادي
