لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 24-05-07, 12:24 PM   المشاركة رقم: 6
المعلومات
الكاتب:
اللقب:
ليلاس متالق


البيانات
التسجيل: Nov 2006
العضوية: 16524
المشاركات: 501
الجنس أنثى
معدل التقييم: brune عضو على طريق التحسين
نقاط التقييم: 69

االدولة
البلدFrance
 
مدونتي

 

الإتصالات
الحالة:
brune غير متواجد حالياً
وسائل الإتصال:

كاتب الموضوع : brune المنتدى : القصص المكتمله
افتراضي

 



كان متملل وزهقان حده...أخوه لسه ماجاء..وهو زهق..
مافي أحد كبره عشان يلعب معاه..
هذا غير الثوب اللي ملبسينه اياه..
هو بطبيعته مايحب يلبس ثوب...يكرهه كثيير..
دايم يلبس بدله..لأنه يحب يقلد أخوه بكل شي..
طلع من المجلس بشويش بدون محد ينتبه له
وشاف بطريقه ريوف بتروح الصاله
نادى عليه وهو ناوي أنه يصيحها عشان يطلع حرته فيها..
\هي أنتي..!!
ريوف\نعم..شتبي...!!
عبدالعزيز\شاللبس اللي لابسته..ماتستحيين على وجهك..!!
ريوف وهي تطالع بفستانها الوردي\ثفيه نفنوفي ..حلو..مو!!
عبد العزيز\لا مش حلو يخرع..يالبومه...!!
ريوف\أنا مث بومه..أنت اللي بومه..!!
عبدالعزيز\لا..أنتي البومه..ويصرخ جنب أذنها بومه..بومه...بومــــــــــــــــــه..
ريوف وبدت تصيح\أنا مث بومه..أنت البومه...أنا ماأحبك..أكرهك..أكرهك...
وراحت تصيح لوحدها بدون ماأحد يسمعها ولاينتبه لها...


وبالصدفه شافتها جمانه وهي حاطه راسها على رجولها وتصيح
جلست بمستواها وهي تقربها منها..
جمانه\أيش في حبيبتي ريوف تصيح...!!
ريوف\وخروا عني..ماأبي أكلم احد..
قربتها أكثر وحضنتها
جمانه\ليه حبيبتي أنا جمانه..قولي لي ليش تصيحين..!!عشان أضربه..
ريوف وهي تشهق\عزيز...عزيز كله يصرخ علي...ويقولي أنا بومه...أنا ماأحبه أكرهه أكرههه وصاحت أكثر
أنقهرت جمانه من هالولد وشره اللي مايخلص ..
وحزنت على ريوف اللي عايشه بدون أم ..
ومحد مهتم فيها..
ريوف\وينه هو اللحين..!!
ريوف وتمسح دموعها\مدري..
جمانه\تعالي معي حبيبتي..ولاتجلسين معه اتفقنا ..!!
ريوف\أيه..
قربت جمانه منها وهي تتأمل فيها وحضنتها أكثر وباستها..
تذكرت خالتها الله يرحمها..
تشبهها كثير..نسخه منها..
دمعت عيونها غصبن عنها..
تاثرت بمنظر ريوف وهي جالسه وتصيح ومحد يدري عنها
تحس أنها فاقده الحنان..فاقده الأمومه..
واكبر دليل يوم حضنتها ..تمسكت فيها بقوه..
وكأنها تخاف أني أتركها..
مشيت معها أدور عزيز وشفناه جالس يلعب بالدراجات ..
مسكته من طرف ثوبه وأنا معصبه عليه...
جمانه\شمسوي بــ ريوف ها...؟؟
عزيز وخايف\ولاشي..ماسويت لها شي..!!
جمانه\شف ياعزيز والله أن صارخت عليها ثانيه ياويلك ..فهمت..!!
عزيز\.........
جمانه\فهمـــــــــــــت..!؟
عزيز\أيه..
جمانه\اتأسف منها..!!
عزيز\ماأبي...
جمانه\قلت لك اتـاسف منها..؟؟
عزيز\أوهوااا زين لاتصارخيين...وبصوت هادي...أسف..وسلم عليها ...وبعديين باسها وركض...
حمرت ريوف على حركة عزيز
جمانه\شف القليل الأدب...والله أنك ماتستحي ياعزيز..
ومشت مع ريوف داخل..



نزلت سماح للصاله والبنات حوالينها يلولولشون ويصلون على محمد
الكل أنبهر من شكلها الحلووالناعم واللي زادها جمال أستحيائها وحركاتها التلقائيه اللي ماتحس فيها
يعني كانت كثيير ترمش..
وتحرك ايدها بتوتر
وتتنفس بقوه
وتضحك لاشعوري..
وكانوا مستغربين منها بس بعديين عرفوا أنها مش قاصده الحركه وهذه ارتباك طبيعي..
قربت سماح قبل ماتجس في كرسيها وسلمت على جدتها وأمهاويوم خلصت سلام
شافت طرف ثوب الرجال..
واتضح أنهم داخلوا وهي ماتدري ..
والكل مايدري شسالفه ..وليه دخلوا الشباب..!!
بس كانت صدفه حلوه وحركه جريئه..
دخل ماجد وأبوه وبو أحمد واخر أثنين طلال واحمد وكان شكلهم رزه
واول من سلم على سماح الجد يوسف بعديين أبوها وعمها وأخوها واخيرا سلم عليها أحمد..
وهي مستحيه وهو مستحي أكثر منها..
وأول ماشافها تذكر كل شيء...
تذكر حب الطفوله...
تذكر عشقه لهذه الأنسانه..
تذكر أنها كانت حلم ..حلم بعيييد..
بس اللحين صار حقيقه..
لكنه مش متخييل أبدا أنه سماح..
سماح حبه الأبدي ..
صارت له..
صارت زوجته ..
حليلته..
يقدر يشوفها بدون حواجز..
يقدر يكلمها..وتكلمه..
يسمعها وتسمعه..
يحسسها بحبه الكبير اللي بقلبه
حس بحميمه تخيم على الجو كله..
حس أنه مافي أحد غيره معها..
وطال كلام العيون..وهو لسه ماسك ايدها ..
مايبيها تبتعد أكثر..
اللي راح كفايه من عمرهم..
ولازم يعيش كل لحظه معها..حتى لو هذه اللحظه بسيطه..عابره مالها معني..
بس بنظره..لها ألف معني ومعني..
أحمد بهمس\مبروك..
سماح\الله يبارك فيك..
قربت فجر منهم وباركت لهم
وقالت لهم يجلسون بالكرسي..
وجلسوا ..والكل يبارك لهم ويسلم عليهم..
وبعدها جاوا الدبل وطقم من ذهب أبيض..
وكل هلأشياء تكفلت فيها فجر
وعطتهم الدبل
أول شي لبسها أحمد
وصارت الدبله في نص أصبع سماح ..مش راضيه تدخل أكثر..
حاول فيها شوي شوي ومادخلت ..وبعدها مل ودخلها بقوه وتألمت سماح بصوت مسموع
لف عليها أحمد وشافها ظاغطه على شفايفها من الألم..
عوره قلبه عليها وتندم أنه ألمها...وقال بصوت واطي ومحد سمعه غيرها
أحمد\أســف..
ماعلقت سماح لأنه جاء دورها في الدبله وخافت تكون دبلته ضيقه وتتعرض لنفس موقف أحمد..
سمت بالله ولبسته ..والحمد لله دخلت بسهوله..
طبعا الك ينتظر يلبسون الدبل عشان يلولولشون ثانيه..<<هذه شغلتهم
وجاء قص الكيك والحمد لله مر بسلام ..
لكن المفاجأه بالعصير
شربوا بعض وهي متوترييين ومن كثر التوتر أنكب شوي من العصير في ثوب أحمد..
وهنا الكل ماااات ظحك على سماح وخوفها الشديد
حتى أحمد أخيرا أبتسم أبتسامه طوييله حتى أسنانه طلعت
وفي قلبه كان مييت ظحك عليها بس ماكان يبي يحرجها
وبلا شعور كان في مندييل قريب منها خذته وعطته أحمد..
واحمد استغرب منها..
ومره ثانيه ظحكوا على تعدييل موقفها الطفولي..
بس أحمد ماهانت عليه وخذ المندييل منها..
هنا توها تحس سماح باللي سوته..وكأنها ردت فعل غير مباشره
وبان على وجهها الحزن والفشيله والأحراج القوي..
شاف أحمد ملامحها المتغيره..وعرف أنها مستحيه..
قرب من اذنها عشان محد يسمع لأن الكل حاطيين عيونهم عليها
أحمد\سماح..عادي..أدري أنك ماتقصديين...!!
طلال\سموحه حبيبتي ..خلص..لاتزعليين..يويلك ياويلك ياأحمد البنت زعلت..!!
خزت سماح أخوها..بمعنى أنطم وسكر فمك..
طلال\أوه..أوه وتخز بعد..
أحمد\طلال..كفايه عمتي تناديك رح لها..
طلال\أوكي خلص بنذلف...
بعد ماخلصت امور الكيك والعصير والحلاو..
جلسوا مره ثانيه..
ونفس الشي ..الكل ساكت...
وماينسمع غير صوت المسجله وألأغاني اللي ورى بعض..
طلعوا الرجال ومابقى غير أحمد جالس مع سماح..
قومتهم فجر وغلا وجلسوهم بغرفه بعيده عن هالجو..
حطوا الجماعه العشاء للحريم والرجال..
والكل فرحان ومستانس ماعداسميه وعيونها اللي مليانه حقد على أختها..
هذه أذا أعترفت أنا لها أخت...!!



جلس أحمد مع خواته في الغرفه..ونسى أنه سماح موجوده معهم..
هو يحاول يتناسى ويندمج مع خواته عشان يبعد التوتر اللي بينه وبين سماح..
بس سماح فكرت شي ثاني وأنقهرت لأنه داق سوالف مع خواته وناسيها..
وبالأخير تسحبت فجر بسهوله ومابقى غير غلا تهذر من سالفه لــ سالفه ثانيه..
وتوها بتقول سالفه الا شافت فجر تناديها وتأشر لها..
وتوها تحس أنها لازم تطلع..
واخيرا طلعت وهي متفشله من هالموقف..!!

مرت فتره طوييله واحمد ساكت ..كل مايبي يتكلم..
شي يمنعه عن الكلام..
والود وده مايتكلم..
مش مهم عنده يسمع صوتها..!!
يكفيه أن يتأمل فيها...!!

يحس أن مدام أنها موجوده معه وصارت له ..هذه اكبر نعمه عطاه ربه..
فاأكتفى بهالشعور الحلو..


أما بالنسبه لــ سماح ..فمستغربه من وضع أحمد...
من شوي داق سوالف مع خواته واللحين ساكت معها..ليش..!!
أكتئبت كثيير ..وقامت تفكر بأشياء غريبه..
مثل ...أكيد شعرها ماعجبه..
أو فستانها حتى..
أو يمكن يطنز من موقف العصير..
مابقى شي مافكر ت فيه..ويوم زهقت
قالت مافي الا أنا أتكلم...شكله يستحي ولد عمي..!!
لكن اللي صار أنهم تكلموا أثنينهم بنفس الوقت..
وقالوا نفس الكلمه..
سماح\أنـــ ـ ـ ـ
أحمد\أنـ ـ وسكت ينتظرها تكمل..
ويوم ماشافها تكلمت ..تكلم هو
ونفس الشي تكلموا مع بعض..
وبالأخير ماتوا ضحك على نفسهم
وسماح تذكرت كل المواقف والصدف اللي صارت من أول مادخلوا الرجال بدون ماتدري والكيك والعصير والدبل والكلام كل شـــــي..
وضحكت أكثر واكثر وأكثر على غرابة الموضوع..
ويوم سكت أحمد عن الضحك...شافها لحد اللحين تضحك..
فاستغرب منها ..شاللي يضحكها كثيير وبدون ماتسكت..
حتى وجهها حمر من الضحك..
وبعدها قامت تكح بقوه..
وخاف عليها أحمد وقرب منها كثير ومسك ايدها بدون مايحس
أحمد\سمــاح..فيك شي...!!؟؟
سماح وعيونها تدمع من الكحه والضحك\لا..مافيني شي ..
أحمد ولسه خايف\طيب ..ليه تكحيين شي يعورك..أجيب لك ماي..
سماح\لا أحمدوالله مافيني شي وكحت زياده..
ولمن خلصت الكحه..ظحكت ثانيه...
أحمد\سماح..أرجوك لاتظحكيين مو زين الظحك كثيير..
كان يبي يقول عليك بس مايبي يجرحها والحمد لله هي ماحست..
سماح\أوكي وابتسمت..احمد...!!
أحمد\نعم..!!
سماح وهي تمسح دموعها\أيدي..
توه ينتبه أحمد أنه ماسك أيدها من زمان..توه يحس بهالشي..
ترك ايدها وهي منحرج..وسكت...وهي بعد سكتت..
بالأخير طالعوا بعض فتره طويله...وظحكوا مره ثانيه..
بس هالمره بدون توقــف..




دخلت عليهم غلا وهي تقول..
غلا\خلاص..ماشبعتوا سوالف..
أحمد وهو يضحك\قولي ماشبعتوا ضحك...!!
غلا\أيه شعليك ياسماح معاك أنتي يضحك بس أحنا خلف الله علينا حتى الأبتسامه يمن علينا فيها ..!!
أعترفوا يالله شقلتوا بسرعه..!!
يبي يتذكر أحمد سالفه وحده بس قالها مع سماح..ويوم فكر مالقى شي سولفوا عنه..
حتى مبروك ماقال لها ..
أحمد\مالك شغل وبلا لقافة بنات
غلا\مو قلت لك ياسماح أخوي مايعرف المزح..وبصوت واطي الله يعينك..
ناظر أحمد الساعه وشاف أنه ضاع الوقت على الفاضي..
وصار لازم يروح اللحين لنه يعرف الشباب مش تاركينه لحاله..
صح أنه استغرب على الوقت اللي مضى بهاللقاء الغريب والصدف الأغرب..
بس ماتندم والأيام بينهم واكيد بيتقرب من سماح اكثر وبيحسسها بشعوره أتجاهها..
أستئذن منها أنه بيروح اللحين
ويوم جاء بيسلم ماعرف وش يسوي..
باس ايدها ولف وجهه على طول ومشى
وبعينه... نظره حالمه..
.
.
.
.
.

الجزء السابع
..............................



مرت الأيام سريعه على عايلة العالي..
وكل هذا بسبب أنشغالهم بزواج أحمد وسماح اللي تحدد بعد شهرين ويصادف يوم ألأربعاء
"سماح خيطت فستان لعرسها وبدت تخلص أغراض زواجها..
"أحمد نفس الشيء يحاول قدر الأمكان يغتنم وقته ويجهز أساسيات العرس..وبكل شي طبعا يسأل سماح عن طريق
أخته فجر اللي توصل لكل واحد أخبار بعض..لأن أحمد لحد الآن مكالماته قليله لــ سماح
ومايدق عليها عليها الا في وقت الضروره وبالمووت طبعا
"وسماح نفس الشيء مش قادره تتعود أنها تكلم أحمد بسبب خجلها الملحوظ عند الكل..
"أما عايلة بو تركي قرروا يسافرون بالصيف بعد زواج أحمد مباشرع للهند عشان نور تشوف اهلها..
"هند وزوجها مازالت زيارتهم مستمره لولدهم ناصر ولحد الآن جمانه مش قادره تشوف أخوها..
"الوليد لازال يشتكي من مدربهم ..وبيجي وقت بينفجر قدامه..
عبدالرحمن الحزن مخيم عليه من جميع الجهات ومتضايق حده من الشركه بس اللي مهون عليه
صورة سما اللي تزور أحلامه كل ليله..
"وبالأخير فجر ويوسف غرقانين في بحر ماله أخر ..
لكن مابعد ضيقه الا فرج أن شاء الله..



بعد شهر ونصف على ألأحداث السابقه



ايه جرحتك... باقتناعي وقد ماطالت ايديني أيه جرحتك
وبرضى قلبي وعقلي ولا تظن الجرح عابر
لا تناظرني حبيبي وانت تسئل عن حنيني لاتناظرني
اصرخ بهمك وعاتب لين متى وأنت تكابر!!
هذا بس اللي تقوله ..ليه رضيتي تجريحيني!!
ايه جرحت ليت تدري وش ورى جرح المشاعر!!
ايه احبك..مانسيتك والهوى بيني وبينك
وادري أنك لو تغاظي عن هموم الوقت قادر
لاظمى شوقك حبيبي أرتوي من شوق عيني
ماهو ذنبي لو جرحتك جيتني باحساس شاعر.


بعد ماخلصت قرايت القصيده اللي كتبتها لفت نظري على كورنر مكتوب فيه بخط عريض
" أحسن بيتين شعر"
قريت الموضوع وشدني بيتين كان مكتوب فيه

لو ننزف أجروح الألم والهزيمه
يكفي على ماصار حنا أقتنعنا
دام الهوى ماله مع الناس قيمه
ظنك ورى الأوهام حنا أندفعنا..!!
ظنك ورى الأوهام حنا أندفعنا..!!


وجلست أكرر أخر جمله في البيت
وانا متأثره بكل جوارحي..
معقوله...معقوله ورى الأوهام أحنا أندفعنا..
معقوله أحنا وهـــم...وهم ماله أثر..!!

ظليت أفكر بعمق..مثل كل ليله تمر وأنا أفكر فيهابنفس الموضوع
لكن التفكير هالمره ذبحني زياده..
وهو يقطع كل أمالي المدفونه
لأني وصلت لنتيجه ماله نهايه..
بالأساس..ماله أثر ..
بعيده لأخر مدى..
وبتظل بعيده طول العمر...

قطع تفكير صوت أحمد وهو يناديني..
لملمت أوراقي بفوضويه سريعه
ورفعت شعري اللي فاتحته بحركه وحده

وطلعت من الغرفه وأنا أتنفس بصعوبه..
فجر بابتسامه مصنعه\هلا أحمد..وناظرت الساعه أشوفك جاي بدري اليوم
أحمد\يقولون ..!! المهم تعالي بوريك شي أبي أخذ رأيك فيه..!!
جلست فجر جنب أخوها وشافت بأيده مجلد كبير فيه صور لأثاث غرف النوم...
فجر\لاتقول...
أحمد\أيش!!!
فجر\لأتقول انك لسه ماأثثت الغرفه....؟؟
أحمد\يعني..!!
فجر\كيف يعني..!!
أحمد\الصراحه أثثت وشطبت بعد..بس مدري شلون ماعجبني اللون..!!ومحتار أغيره ولا لا..!!
فجر\أها..بس ياأحمد مافي وقت..مابقى غير أسابيع .. مايمديك الصراحه..
أحمد بحيره\هذا رايك..!!
فجر\أيه ..هذا رأي...
أحمد\أوكي ..شورك وهداية الله..بس أبيك تختارين معي بعض الشغلات اللي بحطها بالغرفه..
تدرين..لازم أنحط لمسات أنثويه
فجر\أوكي...خلني أشوف الصور..
ظلت فجر تساعد اخوها وتختار معه وحاولت تبعد التفكير ولو دقايق معدوده
لكن للأسف حست وهي تختار لأخوها ..كأنها تختار لنفسها وهي عروس بتتزوج
ومابقى على زواجها الا القليل..
أرتعش جسمها بهالذكره القاتله
وتلخبطت ألأحاسيس وصارت ممزوجه ببعض...
أحاسيس فرح ..ويغلبها أحاسيس الحزن والكآبه..




في وقت البريك حق الغداء طلعت اتلاقى مع "سام" اللي يشتري مني اللوح اللي أرسمها
والحمد لله أغلب اللوح أعجب فيها وبعتها بمبلغ ممتاز جدا..
وطلب مني أرسم بعض اللوح اللي طالبينها الزاباين لأنهم أنعجبوا فيها
وخصوصا لوحة البركان اللي من فتره راسمها
وبعد ماخلصت
لازالت الفكره في بالي اللي كنت أفكر فيها من مده طوييله
لكني خايف من النتيجه..
ناظرت ساعتي ولقيت أن بقى لي ربع ساعه على أنتهاء البريك ..
وأتحمست أكثر واكثر..
ورحت أدور على كابينه تليفونات عشان أنفذ اللي في بالي...
صار لازم اتحرك..
وحتى لو مافي نتيجه أيجابيه من اللي اسويه..
لأازم احاول مره ومرتين لمن أنجح..
كل هذا الحماس بسبب محادثتي أمس مع لؤي
اللي خلاني أتحمس للموضوع وماأضيع الأمل اللي فاقده من سنين طوييله
والحمد لله كلامه صار له تأثير علي بشكل قوي جدا
وبين هالتفكير العميق زادت أنفاسي
وصرت أتنفس بأقوى ماعندي..
لأني واخيرا لقيت تليفون في زاوية الشارع..
وقفت لحظتها..وأنا رجولي خاتنتني أني أتقدم أكثر..
حسيت بالهزيمه قبل ماأحاول..
لكن ماأسرع ماابعدت هالأحساس
ومشيت وأنا أسابق الزمن اللي خذلني..
قربت الكابينه ودخلت ..
دخلت عملتين من المعدن
وظغطت على الرقم اللي حافظه عن غيب...
وأخر رقم ظغطت عليه وأنا مغمض عيوني وراص عليها بأقوى ماعندي..


.
وبالأخير..
كانت النتيجه..
أن الرقم مش مو موجود بالخدمه...


فتحت عيوني بألم ..وضربت التليفون بأيدي الثنتين
وأنا أصرخ بداخلي بصرخه..
تقول ..لااااااااااااااااااااا


عادت الأحزان بموضعها اللي مكتوم بقلبي
بعد ماأنتابني شعور الفرح
بعد ماغمرتني السعاده من كل باب
كنت متمسك باخر أمل ومتوكل على الله
لكن للأسف حظي دايم عثر
وبيظل عثر
طلعت من الكابينه جار أذيال الخيبه ..
وظليت أمشي وأمشي بدون أتجاه معيين...
وأنا عيوني في الأرض..
ودموعي تسبق خطواتي
وأنا أتذكرأخر مكالمه بيني وبين ولد عمي... تركي..





\وأحنا...بتتركنا..!!هنا..لوحدنا..!!؟؟
شد شعرها بأيده وحمرت عيونه غيظ
بندر\أنتي ماتفهمين..لازم أعيد كلامي مرتين...تقلعي أنتي وأمك ...تراكم عله على كبدي..
الله ياخذك أنتي وياها..فورتوا دمي...
وطلع..هذه اخر شي قاله..وكأنه سكين ينغرس بصدري ويقطعني قطعه قطعه..
يبينا نطلع..
وين..ماندري..!!
مين لنا..!!
ومين بيرضى فينا..!!
أب...!!مات وتركنا..
أخ..!!للأسف تبرى منا..
أهل..!!يكرهون طاري أسمنا...
مسحت دموعي ولفيت وجهي على أمي اللي طايحه على الأرض..
حاولت أصحيها...مره مرتين...لمن قامت..
سألتها عن حالها..وجاوبتني بصعوبه أنها الحمد لله أحسن من اول..
ترددت اقولها الحوار اللي دار بيني وبين اخوي..
وتوني بقول الا قررت اني أكلمه مره ثانيه..
يمكن يطيع ومايبيع البيت...
سرحت وأنا اناظر أمي المسكينه وكرهت أخوي وكرهت حياتي..وكرهت الساعه اللي جيت فيها..!!
ماأتوقع في أحد مثلنا ذاق المر..
أم نواف بتعب\بنتي..ياسمين...شفيك يابنتي..!!
مسحت الدموع اللي على خد أمي وانا أبتسم أبتسامه باهته..
ياسمين\مافي شي يمه..أرتاحي اللحين..تبيني أجيبلك شي تاكلينه..!!
أم نواف\لا يايمه..مش مشتهيه أكل..
ظلينا فتره ساكتين...
أمي سرحانه بملامح وجهي وكانها تبي تعرف وش اللي مضايقني..!!؟
وأنا أفكر كيف أحل المشكله اللي طحنا فيها ضحيه..!!؟

التفكير ذبحني..والضيقه خنقتني..
وفيني حره ودي أطلعها على أي أحد...
طلعت للحوش ولعبت بالكوره..
هوايتي المفضله
وحلمي الأول والأخير..
ظليت أسدد كوره ورى الثانيه
بالمرمى اللي سواه ابوي هديه لي..
ولمن حسيت أن جسمي صارت حرارته فاتره..
وقفت عن اللعب وجلست على الكرسي أشرب لي ماي..
لكن التفكير لسه في بالي..





أبتسام\ياهواااااااااااااا..نحن هنا..
عدلت جلستي وانا مخترع من اختي...
الوليد\هي انتي..متى جيتي..!!
أبتسام\من أول ماسرحت وأنا موجوده..وميته ضحك عليك..لاتسرح مره ثانيه شكلك يصير نكته..
الوليد بضيق\تدرين انك بايخه..
ابتسام\مالت عليك زيين هذا جزاتي أبي أونسك شوي...!!؟
الوليد\أبتسام...
أبتسام\لالا لاتكلميني زعلت...
الوليد\ابتسام بلا مصاخه سمعيني..
أبتسام\ها..شتبي...بسرعه ماعندي وقت...
الوليد\ودي أقولك شي..!!بس محتار..
أبتسام وتحمست\أسمعك الوليد تكلم...!!
الوليد\أمممم..تدرين أنا نجحت وجبت معدل كويس..
ابتسام\طيب..
الوليد \الصراحه وبدون مقدمات..جتني بعثه لأمريكا...وابي أسافر السميستر الثاني...!!
أبتسام وقامت من الكرسي\نعم..ماسمعت..عيد اللي قلته..!!
الوليد\أبتسام...شفيك..بدال ماتفرحين لي..تعصبين..!!
ابتسام\أنت شنوا...ماتحس..!!
تبي تذبح ابوي ثانيه..!!
أنت تبيني أذكرك باللي فات..!!
تبي تعيد الحزن بهالبيت...
يكفي أنا ساكتين وراضين بالنصيب..!!
تبي تعيد الغلطه ثانيه...!!
حرام ..عليك..حرام ....
قلوبنا..ماعادت تتحمل صدمااات..
كفااايـــه...أرجوك..كفااايه
وبصوت صارم...
الوليد...احنا خسرنا واحد...
ومش مستيعدين نخسر الثاني..
مش مستعيدين نخسر الثاني...!!
فهمت...؟؟
ركضت داخل البيت..وشكله كانت تصيح...!!
أبدا..ماتوقعت تكون ردة فعلها كذه...!!
ماتوقعت أني بسبب لها جرح ثاني..
كنت متوقع بتساعدني عشان اقنع أبوي...
لكن للأسف..شكلها هي اللي يبيلها أقناع..!!
الله يستر..
أنا أدري السالفه صعبه..وخصوصا اذا كانت مثل ظروفتا..
بس هذا مستقبلي..
ماأقدر لازم أسافر ..
واكمل دراستي..
وغير كذه أبي ألتحق بنادي هناك..عشان اقوي هوايت الكوره..واستفيد منهم..
بس مين يسمع..!!
معقوله اكون تسرعت في أتخاذ قراري..!!
معقوله صرت اناني وماأفكر الا بنفسي..!!
يارب ليش..!!
ليش مايفهموني..!!
هذا وأنا قلت لهم خبر واحد...أجل لو عرفوا الخبر الثاني وش بيسون...!!





بعد ايام على الأحداث السابقه..

 
 

 

عرض البوم صور brune   رد مع اقتباس
قديم 24-05-07, 12:26 PM   المشاركة رقم: 7
المعلومات
الكاتب:
اللقب:
ليلاس متالق


البيانات
التسجيل: Nov 2006
العضوية: 16524
المشاركات: 501
الجنس أنثى
معدل التقييم: brune عضو على طريق التحسين
نقاط التقييم: 69

االدولة
البلدFrance
 
مدونتي

 

الإتصالات
الحالة:
brune غير متواجد حالياً
وسائل الإتصال:

كاتب الموضوع : brune المنتدى : القصص المكتمله
افتراضي

 


\لا أعذريني ماأقدر اجي..!!!
فجر\زين ليش...عطيني سبب!!
سماح\فجر...لاتتغيببين..أنتي تعرفين ليش!!
فجر\عشان احمد..أنا قلت لك كمن مره أنه مش جاااي يكون بالدوام..وبعدين احنا مش جالسين كثييير بس بنرتب وبنطلع من الشقه...,اصلا عشان انتي ترتبين اغراضك يالخبله...
والا تبينا أحنا نتورط فيها..!!
سماح\مو أنتي قلت لي أنه كل يوم يمر على الشقه..!!
فجر\أيه..بس اللحين هو بالدوام يعني مش جاااي
سماح\بس يافجر..والله مستحيه وش يقولون عني اذا دروا..!!
فجر\ياربي هالبنت بتجنني..أقولك محد يدري...بس أنا وغلا وأنتي اللي بينروح...فهمتي والا أعيد..
سماح بخوف\طيب انتي متأكده أنه مش جاااي..!!
فجر بقهر\أيه متأكده..يالله عاااد...وافقي...
وبعد تفكيير..
سماح باستسلام\أوكي...
فجر\ايه هذه سموحه اللي أعرفها..
سماح\بس سمعي والله ان دريت انه بيجي لأذبحك يافجر..
فجر\لا تخافين هو مايدري أصلا أنا احنا بنروح...
سماح\خلاص ..متى تبوني أمركم..!!
فجر\تعالي اللحين عشان مانتأخر..
سماح\أوكي باااي...
فجر\بااااي..

خبرت سماح امها أنها تبي تروح وبالمووت امها اقتنعت..وكلمت اختها سميه عشان تساعدها..وكالعاده سميه ماوافقت..طنشتها سماح وفي قلبها أسئله كثيره..
ليه أختها حاقده عليها..!!
بس نست الموضوع وراحت لأخوها عشان يوصلها بيت عمها..

غلا\مو كانها تأخرت..!!
فجر\هذه هي على وصول ..مافيك صبر..!!
غلا\لا والله..متحمسه اشوف شقة أخوي..أقول بتاخذين كل الخدامات.!!
فجر\أيه عشان ينظفون معنا...ودق تليفون فجر وكانت سماح تنتظرهم بره..


وصلوا البنات الشقه ومشى عنهم طلال بعد ماقالوا له يجيهم اذا دقوا عليه..
كلهم مستغربين من تصميم الشقه ..
وخصوصا غلا لأنها تحب الزيين..والحلو والحلويين..
كانت الشقه لها ستايل خاص..وكأنها من العصر الغربي والبرونزي..
وتغلب عليها ألوان العنابي والخمري والبني الغامق..
وكل شي فيها مريح للنظر والنفس..
هذا غير ديكوراتها اللي أغلبها من الخشب..
باختصار شكل أحمد دفع دم قلبه فيها...بس سماح تستاهل ..
وعلى طاري سماح..البنت مصدومه وفرحانه بنفس الوقت..
ابدا ماتوقعت يكون شكل الشقه كذه..
تحس نفسها طايره..
لكن فجر مش مستغربه من الموضوع لأنها ساعدت أحمد في أختيار أثاث الشقه وخصوصا
الأبجورات والشموع والمناديل اللي متواجده في كل مكان ..
فجر\سموحه..شرايك بالشقه عجبتك..!!
أبتسمت سماح أبتسامه حلوه وأكتفت بهالشيء..
أما غلا ماسكت لسانها وكل شي تطيح عينها عليه تعلق فيه...
غلا\الصراحه أبدا ماتوقعت ذوق أخوي عالي..وانا اقول شفيه احمد مايبي يورينا الشقه..!!
اللحين عرفت ليش..!!
فجر\المهم يالله قوموا ورانا اشغال كثيره..
بدوا البنات يشتغلون بغرفة النوم ويرتبون أغراض سماح..
وخلوا الخدامات ينظفون الصاله والمجلس وباقي الغرف..



أستسلمت غلا مهمة ترتيب ملابس وفساتين سماح
وكل ماتشوف فستان تنبهر بتصميمه
وتسرح بشكله ونوعية قماشه..
وتركز هالشيء في بالها عشان ماتضيع المودييل..
غلا\أقول سموحه..ملابسك تاخذ العقل بس لاتحاولين أنا أحلا منك..
سماح\هههههههههه بايخه...أنا أدري الغيره ذابحتك اللحين..
بس معليش بطنش كلامك..
غلا\لا من جد سموحه الصراحه وااااااااااااااو روعــه ..
شكلي بصمم عنده اذا صار عندنا زواج ثاني..
سماح\وليه تروحين بعيد بعرسك ان شاء الله صممي عنده..
غلا\ويه بسم الله علي..توني نونو خلني أتهنى شوي..
سماح\كل هالطول ونونو..أجل أيش خليتي للبقيه..
غلا\أنا ادري أنك منقهره من طولي ..بس حبيبتي معليش هذه الدنيا أخذ وعطا ..لاتحترقين زياده..
سماح وأنقهرت\ماااالت عليك..أمحق طول..يالطلولول..
فجر\بسسسسسس..يالله اشتغلوا ..
سماح+غلا\أن شاء الله أبله...
سماح\على طااااري أبله..شخبار الأطفال بالمدرسه...!!؟
فجر بابتسامه\ياربي لاتذكريني ياسماح ..احس أني كل يوم أحبهم أكثر من أول..
هالأطفال خلوني مجنونه فيهم..
حتى وهو يبكون يهبلون..فيهم براءه اذا شفتيها
تحسين هالدنيا ذي كلها ماتســوى شي...
سماح\الله يحفظهم ان شاء الله..
فجر\آمييين..




طلعت من الدوام بعد ماخلصت أشغالي كلها..
وخذتها فرصه ورحت الشقه ..
وقفت السياره في الباركن ونزلت
وتوني بطلع الدرج لأن شقتي في الطابق الثاني ..
بس الصراحه تعيجزت لأن جسمي مكسر مرره
فطلعت بالمصعد ..
يوم وصلت
أستغربت من الأصوات اللي اسمعها..
فقلت يمكن هذه الشقه اللي جنبنا..
وطنشت الموضوع
فتحت باب الشقه وحصلت المفاجأه..
شكل خواتي جاااين مع الخداماات ينظفون الشقه.
فيهم الخير والله..
وعلى طول دخلت غرفة النوم عشان افاجئهم مثل مافاجئوني..
لكن اللي شفته خلاني أتفاجأ مليووون مره..
سماح موجوده معهم..
وين..!!
بغرفة النوم...!!
حسيت بلحظه أني بحلم حلو وماصحييت منه..
سماح..علمي فيها من يوم الملكه..
حتى صوتها ماسمعته غير مره أو مرتين..
من جد أشتقت لها كثيير..
والشوق بين على ملامح وجهي..
حسيت بحنين لها ..
ياربي..هالبنت ذبحتني..!!
مسكت مشاعري غصبن عني وانا أتأمل فيها..
واللي أحلى من كذه كانت تتصرف بعفويه...
وتتحرك وهي تتكلم..
وكانها تعودت انه هذه الشقه ملكها ...
سماح بصوت تعباان\بنـــــــــاااات ..خلاص تعبت..خلونا نريح..
أحمد وهو يتحنحن\أحم أحم..
لفوا كلهم على مصدر الصوت

غلا غطت الفستان اللي بأيدها
فجر حطت أيدها على ثمها
وسماح جلست على أقرب كرسي..

البنات\أحمــــــــــــــــــــــــــد..
أبتسم أحمد على وجيهم المتفاجأه ..وقال عشان يبعد الأحراج
أحمد\أيه أحمد شفيكم..اللي يشوفكم يقول شايفين جني...
فجر\أحمد متى جييت..!!!
أحمد \توني اللحين طالع من الدوام ماتشوفيني بالبدله وقلت خليني أمر الشقه.
ولف على سماح.. اخبارك سماح..!!
سماح ومنزله عيونها\الحمد لله
أحمد\اوكي أخليكم تكملون شغلكم..بجلس بالصاله وطلع...
سماح\ اللحين اللحين اللحين..أروح البيت...وشوي بتصيح..ياويلي فشله..بموووت أحراج...
غلا وهي فيها الضحكه\أشفيك ياسماح عادي تحصل في أرقى العائلات..
سماح\وش يقول احمد عني...البنت ماصدقت على الله وجات تشوف شقتها..!!
ياربي شالموقف المحرج...كله منكم..والله قلبي حاااس أنه بيجي ...بمووووت ودوني البيت..
فجر\سماح الله يهديك هدي أعصابك شوي..وأحمد ماكان يدري أنك موجوده...خلاص هدي..
سماح\ ياربي كيف بطلع اللحين قدامه..فشله...فشلــــــــــــــــــــــــــــ ه..!!
غلا\سموووحه..بالعكس..وناااااااااااااسه...تصلح قصه...
البنت تتخبى عن خطيبها...وخطيبها شافها بالشقه,,,ههههههههههه واااااااااااي..وناااسه..
سماح\ماااااااااااالت عليك..أنتي وين..وأنا وين..!!فجر تكفيين تليفوني بالصاله..اذا ماعليك أمر جيبيه...!!
فجر\أسفـــه..
سماح\فجــــــــــــــــــــــــــــــــــــــ ـر
فجر\لاتحاولين مستحييل أجيبه..تبينه روحي خذيه..
غلا\عااااااشت فجـــر هههههههههه
سماح\فجر حبيبتي قلبي عمري أنتي جيبي التليفون..
فجر\no
سماح بتهديد\طيب طيب اشوف فيكم يوم أن شاء الله..قولوامييين..!!
غلا بدون ماتحس\آميييين..
سماح\عمى بشكلك بتموتين عشان تعرسين..ومن شوي تقول أنا نونو..
غلا\أقول مدام أحمد..روحي جيبي التليفون أحسن لك..
سماح\أنقلعــــــــــــــــي..



طلعت سماح للصاله اللي كانت اللي كانت تفصل بينها وبين الغرفه ممر شبه طوييل..
ولمحت أحمد جالس على الكنب وممد رجوله على الطاوله وشايل قباعته من راسه ويلعب بشعره الناعم
وكان يتفرج على التلفزيون..
قربت أكثر وهو لحد اللحين ماشافها..شكله سرحااان..
دورت على شنطتها مالقتها ويوم لفت عينها شافتها جنب أحمد..
وهنا كرهت عمرها على حظها اللي مش ماشي معها..
قوت عمرها ودخلت الصاله..
وحاولت قد ماتقدر ماتحط عينها عليه..
سماح\أحم..أحمد..
عدل أحمد من جلسته ورتب شعره وهو متفشل منها...ماتوقعها ابدا تجي لعنده..
أحمد\حياك سماح .تفضلي..
سماح قربت منه ومدت أيدها..
وأحمد استغرب من حركتها الجريئه..ومش عارف وش شتبي سماح..
ويوم شاف أنها تأشر على الشنطه أعطاها أياه
سماح خذت الشنطه وهي تبتسم أبتسامه غبيه..
سماح\شكرا...
أحمد\العفو..
مشت سماح بسرعه للغرفه لكن احمد سبقها وناداها
سماح\هلا..
أحمد\سماح جلسي شوي...
جلست سماح وهي تتنفس بقوه...تحس بحراره ..مافي هوى بالغرفه..
ظلوا ساكتيين..سماح تنتظره يتكلم
وأحمد مش عارف أيش يقول يبيها بس تجلس وماتروح عنه..
أحمد\سماح...خلصتي امورك..محتاجه شي تراني حاضر..
سماح وبالمووت تتكلم\أيه تقريبا خلصت أغراضي... وماقصرت مش محتاجه شي..وبالمووت قالتها وأنت..!!
أحمد حاول يتغيبى عشان تتكلم أكثر\أنا أيش..!!!
سماح استحت وغيرت الموضوع\ولا شي..شخبار شغلك..!!
أحمد \الحمد لله..كل شي ماشي ..بس تعبت ...!!
سماح وبسرعه\من ايش..!!
أحمد\من الشغل..!!سماح..
سماح\نعم..
أحمد\طالعيني..... ليه منزله عيونك..!!

قطع كلامهم تليفون سماح وكان طلال بيجيهم بعد ربع ساعه..
وسماح ماصدقت على الله أنه هو اللي دق ..
ويوم سكرت...
جاوا البنات بالصاله..وقاموا يسلفون لأنهم عارفيين أن سماااح وصلت حدها وبتموووت اللحين..
وهالمره الحظ مالعب دوره مع احمد اللي كان يبي هالجلسه من زماان مع سماح..
ولأول مره يحقد على خواته..بس ماسرع مانسى السالفه يوم شاف سماح أن وجهها بيختفي من الحيا...
فارتاح شوي أنه خواته جلسوا معهم..لأن أهم شي تكون سماح مرتااحه وماتتضايق
وأبتسم لها بدون شعور..والبنات يسولفون ومايدرون شسالفه..!!

جاء طلال وعلى طول سماح سلمت عليهم على السريع ومشت وهي تحمد ربها الف مره أنه الليله عدت على خير ومحد درى عنهم..
أما احمد من اول ماطلعت سماح أختفت الأبتسامه من على وجهه وهو صابر
متى بيفتك ويتزوج..!!



أنتهى الجزء..
توقعاتكم...
تركي اللي لسه ماطلع في القصه...هل له علاقه بغربة يوسف..!!
والوليد بيسافر عشان يكمل دراسته للخارج..!!
وسماح كيف بتكون حياتها مع أحمد...!!
وياسمين الشخصيه الجديده ..وش تأثيرها بقصتنا..!!

كل هذا راح تعرفونه بالأجزاء الجااايه باذن الله..
وصيت قلبي عليك
========





الجزء الثامن
=======

ضاقت بي الدنيا..
وحسيت اني محتاج حضن دافي أضمه..!!
ومالقيت غير عمتي...
يمكن تعوضني الحنان اللي فقدته من سنين..
دشيت البيت وشفتها جالسه لوحدها..
واول ماشافتني رحبتي فيني والدمعه تسبقها...
هذه عادتها...!!
أول ماتشوفني تتذكر سما..وتبجي..
آآآه يا سماء..!!
فقدتج هاللحظه..!!
الجده بحزن\وينك ياولدي...تهون عليك أمك...!!يومين ماتزورني..!!
عبدالرحمن\موجود يمه..بس تعرفين الشغل ماخذ كل وقتي..!!
طمنيني عنج وعن صحتج...أن شاء الله أحسن..!!
الجده\الحمد لله ياولدي مانشتكي باااس..
تعشيت..والاتبيني أحطلك عشاء..!!
عبد\الرحمن\لا الحمد لله متعشي...الا وين عمي..ماشفته اليوم في الشركه..!!
الجده بحزن\عمك تعبان اليوم السكر مرتفع عنده ويحس بضيقه بقلبه..وجاء الدكتور لحد البيت لأنه ماله حيييل يقوم من السرير..
عبدالرحمن\كل هذا صار ..وليه ماقلتوا لي...!!
الجده\مارضى أقول لأحد..مايبي يزعجكم...!!
عبدالرحمن \أفا والله..تزعجوني...!!ماهقيتها منج يايمه..والا نسيتوا اني ولدكم..!!
الجده\يعلم الله شلون أعزك ياولدي واعتبرك مثل عيالي واكثر بعد..انت الغالي أبو الغاليه..
عبدالرحمن\وأنا من لي غيركم..!!الله يخليكم لي أن شاء الله..طيب بروح اشوف عمي...!!هونايم اللحين..
الجده\لا ماأظن...
طلع عبد الرحمن لفوق عند عمه...
ولقاه نايم ومش حاس بروحه من التعب..
ظل عنده ربع ساعه عنده وهو يد عيله من كل قلبه أن الله يقومه بالسلامه..
وبعدها طلع بهدوء عشان مايصحيه..





\مبروووووووووووووووووووووك..
سماح\الله يبارك فيك...
فجر ..
فجر وهي منشغله بتعدييل الطرحه\أيوه...
سماح\زحمه تحت..!!؟
فجر\سماااااااااااااااح..وبعدين يعني كمن مره تسأليه هالسؤال...!!قلت لك لاتخافيين كلنا معك..أجلسي هنا بنادي البنات وبجيك
سماح\لاتتأخرين..
فجر بابتسامه\أوكي..
بعد ماطلعت فجر جلست على الكرسي وأنا اتذكر الأحداث اللي صارت لي هالأسبوع..
مرت الأيام سريعه..ماكنت اتوقعها تمر بسهوله..
كنت اتمنى أنها تطول عشان التوتر والخوف يقل..
لكن اللي صار انه خوفي وتوتري زاد عن حده..
لدرجة ان صارت امي ماترضى لي أحرك شي من بقية اغراضي..
كل شي تكفلت فيه..
لأن الرجفه مصاحبتني بكل مكان..وهذا شي سيء..
بس للأسف..مش قادره اتحكم بنفسي..
كل ماأتذكر أنه مابقى شي..
أتوتر أكثر..
ناظرت الحنا اللي بأيدي وابتسمت بصعوبه..
كان حلو ..
كان مد موج بأسود والبني..
يسمونه كوكتيل على قولتهم..
وانا من زماان خاطري فيه..
والحمد لله حطيته...
لكن المشكله ماحطيته الا أمس
و لحد اللحين ماطلع لونه عدل..
يبيله ايام عشان يثبت ويكون احلى..
وبين تفكيري هذا ..دخلوا علي البنات كلهم..
وكانت كل وحده أحلى من الثانيه..
شكلهم كلهم بينخطبون اليوم..!!



جمانه\ياعيني ياعيني...ماأقدر انا على هالحلاه هذه ..الله يعين ولد عمي..بيستخف من الزيين؟؟
غلا\يحق له طبعا..مرت اخوي تهببل..طالعه علي..
جمانه\مصدقه نفسك انتي...!!
غلا\أقول الشيخه..تكلميني أنتي..!!
جمانه\لا الطوفه اللي جنبك..!!
ابتسام\مبرووووك سماح...مبرووك حبيبتي...
سماح\الله يبارك فيك..زين انكم جيتوا بمووت لوحدي..الأفكار تجيب وتودي فيني..
تعالوا..وين راوين...!!
ابتسام\لسه ماجت...بتجي مع امها اللحين..




واقف وسط جموع من الشباب...
وكل واحد يقط عليه مزحه من مزحهم البايخ..
لكن هو ولاهمه..
دايم واثق من نفسه...وهالشي مبين على تقاسيم وجهه...
وهذا اللي قاهر عيال عمه كثيير..
الوثوق والثقل ميزه من ميزاته...
ووبوسط هالزحمه..
حضروا أصدقائه من الظابط والملازمين ويتوسطهم رئيسهم..
وماكانوا احسن منه..
كلهم هيبه تدل على شخصيتهم القويه..
طلال\واااي شنوا هذا أحمد...أنت عازم القسم كله...
هيثم\طلالوا أسكت ولي يرحم والديك..هم قريبين منا....خلك ثابت مثلهم...
طلال\أنت شوف كيف يسلمون عليه..كأنهم في مهمه أمنيه..ياحليلك ياولد عمي منت بهين...
الوليد\كشيخ ولد عمي...شكل القسم كله أنعادوا منه...
هيثم\أمشوا أنطفر فيه هذا هم راحوا قبل مااحد يجي ..

قربوا الشباب منه وبدوا يطفرونا كالعاده..وهو سكت ويبتسم للمدعويين...
هيثم\أقول احمد مين هذا اللي في وسطهم....!!كأني أعرفه
أحمد\هذا الملازم عبدالله صديقي في العمل..
هيثم\أيه تذكرت هذا اللي عزمنا بالشاليه الصيف اللي فات...صح..!!
أحمد\بالظبط...أٌقول وين الشياب ماأشوفهم.. وعبد الرحمن وينه؟؟
الوليد\محد فاضي لأحد..كلن لاهي مع ربعه..ماشاء الله مابقى أحد الا جاء..شباب أمشوا نرقص فيني رقصه...
هيثم\استح على وجهك..بنت انت..!!
الوليد\قول انك مقهور لأتك ماتعرف صح!!طلال أمش عنه..
طلال وهو داش عرض\ياحظك يالوليد...أنت بعد أحمد بيجي دورك وبتتزوج..
الوليد وهو متفاجأ وخايف كيف درى\وانت مين قالك..!!
هيثم بخبث\تسوي نفسك ماتدري ها...!!
الوليد\والله أني ماأعرف شي..!! شسالفه..!!
طلال\تكفى هيثم خله يتحرقص..قاهرني أنا اكبر منه وماتزوجت...
الوليد\هيثم شسالفه..! بذبحك ترى ...!!
هيثم\أذبحني...!!
الوليد\مااالت عليك...الشرهه على اللي مجابلكم بروح أجلس مع سلطان...
هيثم\أستح قول عمي سلطان..
الوليد بغيض\عدااال..وراح عنهم




تمشي وسط المسرح وذيل فستانها الفوشي يتطاير وراها..
كانت الوانه رهيبه...ومخليها صغيره كثيير..هذا غير شعرها اللي صاير كيرلي
والللي محليه أكثر أنه طوييل لحد ظهرها..
كانت بدون مبالغه
تلفت الأنظار...
وكل تصرفاته العفويه محسوبه...
والكل يراقبها...
ويتحسر على جمالها اللي نهدم بليله وحده...
أنهدم بليله غريبه .
والكل صار يعرف ..مين هي..!! وكيف انخطبت..!! وش صار بليلة خطوبتها...!!
وباان الحزن على اللي يعرف بقصتها...
وصارت حكايه عجيبه وغير مفهومه...
حكاية البنت اللي محيره لـــ شخص...ميت وحي بنفس الوقت..

فجر\وينك انتي...!!
راوين\هذاني جيت ...أطلعي لي...
فجر\أوكي..
راوين بابنبهار\فجروه تهبلييين..تجنييين...الفوشي جنااااااااااان عليك...وسلمت عليها..
فجر بابتسامه\وأنتي بعد البطيخي مولع عليييك الله يحفظك..ليه تأخرتوا...!!
راوين\هالكوافير مالت عليها خربت شعري وغسلته وأستشورته من جديد بعد مافكيت التسريحه...
فجر\أها ..
راوين\وين البنات فوق...!!
فجر\أيه
راوين\أوكي أنا بطلع لهم بتجيين...!!
فجر\لا بجلس مع عمتي هند لمن تجي ياسمين..لأنه سماح طفشتني ..
راوين\صحيح ياسمين بتجي..والله أشتقت لها...علمي فيها من العيد الأضحى..
فجر\هي دايم تسألني عنكم...وتسلم عليكم كثيير...
رواوين\ياحبي لها هالبنت...المهم يالله بطلع للبنات..أشوفك بعدين..
فجر\أوكي




القاعه أمتلت بالمعزومين والبنات نزلوا عشان يبدون السهره على أصولها على قولة غلا..
وبدى الرقص من بنات العايله...
والعمه هند فرحانه ببنات أخوانها وهي ماقصرت معهم
وأخيرا جات ياسمين وأمها
وسلمت عليهم أم محمد(الجده) سلام حميم لأنها من زماان ماشفتهم
ونست الجده المعازيم وجلست مع أم بندر وبنتها...

دقت الساعه 12 وجاء وقت دخلى أحمد والشباب..
دقت فجر لأحمد وطمنته أنه كل شي اوكي..ويقدر يدخل اللحين ..
ودخل هو مع ابوه و وعمه ماجد..
أما هيثم مادخل لأنه مايحب يدخل على الحريم...يحس أنه ماله داعي أساسا
وأمتلى المسرح بأفراد العايله..
الكل موجود ..
البنت باليسار يشجعون ويصلون على محمد..
والحريم على اليمين...
والشياب واقفين مع أحمد...
وبعد كم اغنيه...


جاء الوقت اللي بتدخل فيه سماح..
واحمد هنا يحس أنها اسعد أنسان بهالكون...
كلها دقايق..والعمر يبتدي عنده..
والسعاده تفتح ابوابها..


كانت دخلة سماح غريبه شوي..
أنفتحت اأبواب اللي ورى القاعه وأنطفت الأنوار
وتسلط الضوء على عربه مليان بالورود البيضاء والحمراء
وكانت في العربه سماح جالسه بكل أناقتها ونعومتها..
بدون مبالغه صايره مثل الأميره اللي بالف ليله وليله..
واللي أحلى من كذه جاء طلال من الباب الخلفي ونزلها من العربه ..
وبدت المسيره بأحلى موسيقى رومانسيه للعاشقين..
المعازيم أنهبلوا على حركة العربه في البدايه
وماشافوا العروس لكن يوم دققوا النظر شافوا سماح باحلى طله..
وطلال ماتركها لحالها مشى معاها وساعدها ..وثبت أيدها لأن حس بتوترها وأرتجافها الغير عادي...
واحمد يناظرها من بعيد ومشال عينه عنها..وهو يسمي عليها...
تذكر اخته فجر يوم قالت له أنه فيه مفاجأه وقت الدخله...
وأبدا ماتوقع هذه المفاجأه...
شكر ربه وحمده على أخت مثل طيبة فجر وحنيتها..
وبين هالتفكير...تقدمت سماح ومابقى غير خطوات وتصير قباله..
أشرت فجر لأخوها عشان يقرب ويمسك سماح..
وبالفعل قرب لمن وصل لها ومسك ايدها..
ووقفوا في وسك المسرح..
وتغيرت الموسيقى..الى موسيقى مدموجه بأنواع التباريك والتليليش..
والبنات ماقصروا وصلوا على محمد...كل دقيقه..
جلس أحمد وسماح بالكرسي المخصص لهم...
والكل بدى يبارك لهم من الأهل...
أحمد بهمس\مبروك سماح..
سماح بنفس الصوت\الله يبارك فيك
بدت الأغاني تلعب دورها بالمسرح..وطلال وأبوه وعمه والجد ماقصروا كل أغنيه رقصوا فيها...
والجو رهيب ..الكل فرحان بهالزواج...والكل يبارك للثاني..
وجاء وقت طلعة الرجال...
الجد\أقول أحمد..هذا بنيتي سماح ياويلك ان زعلتها...
أحمد\من عيوني ياجدي..ان شاء الله مايكون بيننا زعل..
الجد\وهذا العشم فيك ياولدي..
ماجد\عاد يبه وش جاب الزعل اللحين...أحنا ماصدقنا يتزوجون...
بو احمد\أقول يالله شكلكم حلت لكم الجلسه...
ماجد\طلال..طلال...
كان طلال جالس مع أمه واخته يسولف معهم وعاجبه الجو..والود وده مايطلع على أمل أنه يلمح راوين بين بد البنات..بس للأسف ماعرفها لأن البنات كثار..
طلعوا الرجال..ومابقى غير أحمد وزوجته..
وفصخت فجر وغلا عبييهم وبدوا يرقصون قدام اخوهم من شدة فرحهم..
وبدى التصفيق والتصفير من البنات...



الحرمه\أيه هذه اللي لابسه فوشي..!!لا الثانيه...تركها زوجها وسافر..
حرمه ثانيه\لا أنا سمعت أنه مااات لأن أبوه طرده من البيت...
الحرمه\لالالا أنا اعرف أكثر منك الفريج كله يدري أنه مات..وهي المسكينه ترملت باول يوم..
حرمه ثانيه\لكن هي كانت بس مخطوبه وتوه ماملك..كيف تقولين تزوجت..!!
الحرمه\مين قال هالكلام أنا عندي مصادر أكيده على أنها متزوجه...ماتشوفين الحزن بعيونها..
حرمه ثالثه دخلت بالسالفه\الا صحيح كلامك..البنت متزوجه...

زوجوها...
وطردوه...
وسفروه...
وموتوه...

وبعدها..
رمــــلوهــــا....!!
هذا كلام الناس مايرحم...!!

بعد ماخلصت ألأغنيه..نزلت فجر من المسرح وسمعت كلام الحريم اللي يذبح القلب..
وماعلقت ...
أكتفت بأبتسامه حزينه..
والقلب دايم مجرووووح...
وعادي اذا أنجرح مره ثانيه...
هذه فجر...
جروووح..
مابرت..



جاء وقت طلعة المعاريس من القاعه..
والشباب كلهم ينتظرونهم بره عشان يبدون زفتهم المعروفه...
اللي هي مسيره شباب العايله..

قامت التباريك والصلاة على محمد وقام أحمد مع سماح ووراهم الأهل ينثرون الورد لمن نزلوا من السيج..
وحطوا العشاء للمعازيم...

في الغرفه اللي فوق طلع أحمد وسماح مع المصوره وصورتهم كذه صوره مع بعض..
وغلا وأم أحمد صورت معهم...
أحمد\وين فجر ماأشوفها..!!
غلا\صحيح وينها..!!
وتوها داخله فجر
فجر\موجوده فجر..لخدمتكم...
أحمد بابتسامه\زين تعالي صوري معنا...
فجر\أوكي..
قربت فجر وصارت بين أحمد وسماح وباليسار غلا وباليمين أم احمد..
ويوم خلصوا الصور الجماعيه...
بدت تصور صور خاصه لــ سماح...
وهنا تفشل أحمد وأستأذن بينتظرهم تحت..
لأن استغفر الله المصوره ماخلت حركه الا وسوتها لــ سماح...
وسماح مش قادره تتفاعل معها..لأنها منحرجه من احمد وأمه بعد..
عشان كذه حس فيها احمد طلع..
غلا\فديته.... أخوي يستحي..
طالعت سماح غلا بنظره غريبه..
غلا\خلص أسفه...

 
 

 

عرض البوم صور brune   رد مع اقتباس
قديم 24-05-07, 12:30 PM   المشاركة رقم: 8
المعلومات
الكاتب:
اللقب:
ليلاس متالق


البيانات
التسجيل: Nov 2006
العضوية: 16524
المشاركات: 501
الجنس أنثى
معدل التقييم: brune عضو على طريق التحسين
نقاط التقييم: 69

االدولة
البلدFrance
 
مدونتي

 

الإتصالات
الحالة:
brune غير متواجد حالياً
وسائل الإتصال:

كاتب الموضوع : brune المنتدى : القصص المكتمله
افتراضي

 

جلست المصوره تصور سماح ثلث ساعه وبالموت خلصت..
ولو عليها ماطلعت لأن بقى شريط كامل ماخلص..
لكن سماح تعبت منها وأكتفت بالصور اللي صورتها...


دق أحمد لــ فجر يستعجلهم والحمد لله هالوقت خلصوا فيه ونزلوا كلهم تحت..
وبدى الصياح عدل...
سماح صاحت مع أمها...
والغريبه أنه سميه صاحت هالمره...بس ليش..!!
وأم أحمد خانقتها عبرتها..ولدها الكبير أخيرا بيتزوج وبياخذ اللي يحبها...
كم تمنت هالليله من سنين..
والحمد لله ..الله ماخيب أملها
ماجد\خلاص سماح..صايرين فرجه للناس...ليش تصيحين...ولف على زوجته..مريم..سميه...وبعدين يعني الرجال ينتظر تركوا البنت...
غلا ابتسام راوين...خلاص
وشاف أنه مافي فايده...
بنات وبعدين يعني ..كل مره بتكلم..!!
احمد\عمي أتركهم على راحتهم...أنا مش مستعجل...
طلال\بس أحنا مستعجليين...
خز أحمد طلال..وطلال تفشل من نفسه بعديين ضحك ضحكه غبيه
وهنا تدخل سلطان..بو زعم يبي يكحلها عماها..
سلطان\سموحه..سموحه حبيبتي ..هذا وانتي تقولين موافقه ..أجل لو غصبن عنك وش بتسوين..خلص حبيبتي لاتصيحين..
وهنا سماح زاد صياحها أكثر..
طلال وهو يضحك\ههههههههههه سلطان..أكرمنا بسكوتك أحسن..!!
وفي النهايه ودعتهم سماح...واللي يشوفهم يقول مش شايفينها ثانيه..
وركب أحمد بسيارته الب أم...وطلال ساق السياره
ووراهم سيارة سلطان وبعده سيارة الوليد
وقدامهم سيارة هيثم...والمعارف..
وصارت المسيره أخيرا..
ومروا على شارع الكورنيش عشان الفندق والكل يضرب هرنااات...ومشغلين الأغاني بصوت عالي
حتى السيارات اللي جنبهم مايدرون شسالفه بس عرفوا أنه في أحد تزوج وصاروا مثلهم يضربون هرنااات..
والشارع كله زحمه وأزعاج..
وزين مالحقتهم الشرطه وسوت لهم سالفه...



الجده\ وشخبار بندر وزوجته..لحد اللحين على طبايعهم..!!
ام بندر \خليني ساكته..ومن متى بندر تغير..الله يهديه بس...
الجده\آميييين...
أم بندروهي تحاول تغير الموضوع\وين ياسمين والبنات ماأشوفهم...
الجده\والله مدري بس أكيد تشوفينهم عند البوفيه...

جمانه\بنااااااااااااات امشوا ناكل أنا ميته جوووع...
غلا\والله أنك فاضيه ياجمانه...هذا اللي هامك بطنك...
جمانه\هذا أنتي قلتيها ..أقول اللي يبي يجي حياه الله..وبعدين ياحبيتي أنا بروح احط لجدتي عشاءز.مو مثلك عفانا الله
غلا\تكفيييين يالحنونه أنتي...
جمانه\أحسن منك...
غلا\والله أني مالي خلق لك...
جمانه\يعني أنا اللي خلق لك...
وبعد فتره...
جمانه\بناااااااااااااااااااات وصمخ..ماتسمعون...!!
ابتسام\هي أنتي يالخبله شفيك تصارخين..
جمانه\تعالوا معي على البوفيه...!!يالله عاد...سماح مش طايره بكره بتشوفونها...
فجر كانت منشغله بالسوالف مع ياسمين
جمانه\فجور أقنعيهم هم يسمعونك...!!
فجر ماسمعت...
جمانه\فجــــــــــــــرررررررر
فجر\نعم
جمانه\ولاشي حر..الجو حااار..
ابتسام\هههههههه..خلص ولايهمك..يالله بنات أمشوا ناكل..
فجر\هذا اللي تبينه طيب اتكلمي...أوكي مشينا يالله ياسمين...
ياسمين\يالله
جمانه\أخيرا...
وهم يمشون..
غلا\تصدقين جمانه...اللي يشوف شكلك والفستان والنعومه هذه..مايصدق أنك جمانه الملقبه بعجوز العالي...
طالعت جمانه غلا بنظرات ناريه..وغلا على طول مشت بخطوات سريعه عشان تبتعد عنها..
وجمانه بحركه جريئه ركضت وراها وهي تمسك فستانها ..
ابتسام\من صجهم هذيلا..وين جالسين أحنا...والله لو تشوفهم جدتي بتذبحهم..!!
ياسمين بابتسامه\تصدقين عاد يذكروني بطفولتي..
فجر\ياحلوها من أيام...
روايين\ههههههههههه يمه يموتون من الضحك شوفي كيف يراكضون...
ابتسام\فشلونا حسبي الله على بليسهم


وصلوا المعريس الفندق وراح طلال والوفد اللي معاه الفندق مره ثانيه..
وهو ناويين أن الليله صباحي...
بالغرفه..وبنور خافت..وموسيقى هاديه...والشموع اللي موجوده بكل مكان..
أنفرض الجو الهادي والرومانسي للطرفين
مافي كلام..
مافي حركه...
مافي نفس..
بس همس..
وشوق العيون..
أحمد جالس قبال سماح...وسماح جالسه قباله..
الكل يناظر الثاني...ووده يبدى بالكلام..
وده يعلق باللي صار اليوم..وأمس وقبل أمس وقبله..
وده يقول كيف عاش حياته..
ينتظر..
ينتظر أمل..
عشان يكمل مسيرته...
ويوم جاء الأمل..
أجتمعوا أحلى أثنين...

أحمد\ماتلاحظين شي...!!
سماح\شنوا..!!
أحمد\كل مانجتمع لازم نظل ساكتين خمس دقايق...!!
سماح بابتسامه\شكلك موقت بالدقايق...!!
أحمد\بس تصدقين أحلى سكوت...!!وبجرأه..واحلى مكان...وابتسم..
توترت سماح..وسكتت
أحمد ويحاول ينسيها التوتر\الموسيقى حلوه صح..
سماح\أيه...
ودق باب الغرفه وكان العشاء اللي طالبه احمد...


جات الساعه ثنتين والمعازين بدوا يقلون ومابقى الا نسايبهم والأهل...
وبهالوقت بدى استخفاف الشباب الكل يدق على أخته عشان يدخلون ويرقصون...
على قولتهم العرضه أنتهت وهم مالحقووا عليها..
لكن ولا بنت راضيه أنه أحد يدخل لأن مالهم خلق يتغطون...
ويوم حسوا أن مافي مجال للدخله دقوا على عمتهم هند عشان تدخلهم..
وطبعا العمه من مؤيدين هالشيء..وكل ولا عيال اخوها لا احد يغلط عليهم وياويله اللي يرفض طلبهم..
ودخلتهم بسهوله...
والكل تغطى وهم يسبون بالشباب وخصوصا غلا لأنه مكياجها بيخترب ومافيها تعيد تظبيطه من جديد
واول واحد دخل سلطان وكان رئيسهم..
وبعده طلال طبعا والوليد وهيثم بعد اقناعات من عيال عمه وياسر وعبد العزيز أصغرهم
أما تركي مارضى يدخل مع عيال عمه مو لله بس أنه يبي يطلع بسرعه ويلحق على ربعه..
وطبعا الحريم استخفوا على الشباب كل واحد يقول الزين عنده..
ومايدرون يلحقون على ميين والا مين...
واللي شدهم اكثر الوليد لأنه ال***وكه عليه جناااااااااااااان..وشعره اللي باين من تحت
واللي قالوا عنه رزه سلطان..
والثقيل كان هيثم...
وأول مابدت الأغنيه رقصوا ورقصت معهم عمتهم هند
أبتسام\ياحليله أخوي يهبل...البنات مستخفيين عليه...
جمانه\مالت والله احلى واحد فيهم خالي سلطان أما البقيه وععععععع..
غلا\والله كلهم خمقه..والثقيل بينهم هيثم...شوفي شوفيهم كيف يرقصون...حشى قلبوا المسرح فوق تحت...
ابتسام\هههههه شوفي شوفي سلطان والوليد حركاااات يعرفون ينزلون بعد..
الكل كان يعلق ماعدا راويين كانت تناظر وبس...
وماشالت عينها عن طلال...
تتأمل كل شي فيه عن قرب..
رقصته ..حركاته.ظحكته...كل شي...
وحست فيها فجر وابتسمت لها..
ويوم خلصت الأغنيه...
طلال\عمتي تكفيين ثانيه...
هند\والله أنكم طماعيين...
سلطان\هندوه..علشاني قولي للــ مدري شسمها ذي تغني ثانيه..
هند\استح على وجهك انا اختك الكبيره,..وأسمي هندوه..مافي خلص طلعوا بره...
طلال\لالالالا عمتي معليش منه...بعض المرات يخرف شوي...خليها تغني ثانيه..
هند\أفكر...
هيثم\عمتي تركيهم..تراهم شبعوا رقص بره...ماعليك منهم...
سلطان\مااالت عليك من ولد أخو...هذا جزاتنا نبي نوسك شوي..
هند\خلص خلص ..بس هالأغنيه وتورونا عرض أكتافكم..
وفعلا حطوا اغنيه ثانيه ورقصوا الشباب...
وبعد ماأنتهت ألأغنيه ودعتهم الطقاقه وهم ميتين ظحك عليها وعلى حركاتها...
وطلعوا بعد ماسلموا...





الجزء التاسع
..............................

صحيت من النوم من الساعه 8 الصبح..واللحين الساعه 11
وسماح لحد اللحين نايمه...
ماألومها..
شفت التعب بعيونها أمس..
عشان كذه ماحبيت اصحيها..
والمشكله مش قادر أنام..
مدري..مدري شقول..
أحس أني من الفرحه مش قادر أنام..
أبي الكل يقوم..
ويشهد بفرحتي..أبي اللي أهدتني هالفرحه تصحى وأشكرها على النعمه..

خذت دش حار ولبست ثيابي..
وطلعت للصاله اتفرج على التلفزيون وعلى طول بدون ماأشوف القنوات حطيت على الجزيره..عشقي الأبدي..

لفيت الجهه الثانيه وانا أتمدد براحه..
وكلها ثانيتين وفتحت عيوني بسرعه..
ورفعت راسي من المخده وقمت ...
الساعه 11ونص..
أحمد
أنا
أحنا...
ويوم استوعبت..
مت من الفشيله...
احمد قايم قبلي وانا ست الحسن والجمال لحد اللحين نايمه..
ياربي وش بيقول عني..!!
قمت من السرير وأنا أرتب شعري الطايح على عيوني..
وأاتجهت على طول للمرايه..
والشكر علي ..الناس يقومون للحمام..وانا للمرايه..
ويوم شفت شكلي...
أخترعت..وجاني أحباط موطبيعي
يمه..بسم الله الرحمن الرحيم
وش قال عني اللحين..!!
أكيد أخترع مني..
أو يمكن ضحك علي..
وش يمكن بعد..!!
أكيد مات من الضحك..
الشعر ذهبي صاير باربي منفوش
والكحل سايح تقولون أحد راش عليه زيت
والوجهه منتفخ..
غطيت وجهي بأيدي وانا متضايقه حدي..
أبي أغير الصوره اللي شفتها بالمرايه
وشوي وبصيح..
هذا اذا ماصحت
وعلى طول ركض دخلت الحمام وأنا ناويه اتسبح..وزين ماطحت





قررت امي تروح لأخوي ناصر بالمستشفى..قبل مايجي الظهر والكل يجي عشان عزيمة المعاريس اللي مسويها جدي لهم..
وطلبت مني أروح معاها..
لكن أنا نفس الشيء ...جاوبت بنفس الجواب..
لا...
هذا اللي قلته..!!
تبون تعرفون ليه..!!
أقولكم ليه..!!
ماأقدر..مأاقدر أشوف اخوي لاحول له ولاقوه..
مأاقدر أشوفه بهذه الحاله واسكت...
مااقدر أشوفه معاق..وابتسم له
مااقدر أعطيه واجبي كاأخت..مااقدر أواسيه وامسح على شعره واسمي عليه..
لاتسألوني ليش..!!
لأني وبكل بساطه بقول لكم
خـــــايفه..
خايفه أنهار ..خايفه أصيح قدامه..خايفه اصرخ ومااستحمل شوفته..
وهو بهاللحظه بيتأثر ..لأنه يفهم..ويحس..
والمشكله أنه امي لحد اللحين مش عارفه ليه أنا ماأبي أزوره..
يارب ..شسوي..!
كيف أفهمها باللي بخاطري..!!كيف..!!
ولأني مالقيت حل لمشكلتي..
ذرفت دموع قهر وحسره..
وعلى طول مسحت دموعي بطرف كمي لأن شفت أمي داخله علي بالغرفه
جمانه\يمه..
ماناظرتني أمي...
لكنها تكلمت..
هند\أنا بروح اللحين مع ابوك.. انزلي لجدتك فطري معها..مع السلامه..وطلعت..
وانا هنا على طول حطيت راسي على المخده..
وكملت صياحي..


الساعه 1 بالظبط الكل اجتمع بيت الجد يوسف ..واللي يتأخر عن الموعد ياويله
طبعا الكل تعبان من بعد ليلة أمس..لكنهم أيش يسون ..!!
حكم القوي..


جب ولاكلمه...!!
سلطان وفيه الظحكه\شفيك...!!
طلال وميت تعب\ياأخي ولوا عني ماأبي اسمعكم..تراني مطنقر حدي..
هيثم\وليه ياخوي..احد قايل لك شي..!!
طلال\محد قايل لي شي..بس أنا تعبان..وفيني نوم..ولي ثلاث أيام مانمت زي الناس..أرتحتوا اللحين...
سلطان\طيب ياأخ طلال معصب..مدام فيك النوم شحقه جاي ..كان كملت نومك وفكيتنا من نفسيتك الزفت..!!
طلال وهو نص مغمض\شوف سلطان ..ترى مالي خلق لكم..وحلوا عني أحسن..
سلطان\طيب ياهوا لاتفشلنا الناس يطالعون فيك يقولون من هالخبل اللي نص مغمض والنص الثاني مفتح...أستح على وجهك عدل نفسك..فشلتنا..
هيثم\ههههههههههه سلطان ..خله يبه..خله ..نبي شوي نضحك على شكله..
طلال ومسك راسه\لاتقعدون لي تتحلطمون..سكتوا أحسن خلوني أنام بهدوء..وهالمره غمض عيونه الثنتين
سلطان\والله من صجه هذا نام..طلال..طلالوا,,حسبي الله على بليسك..
هيثم\تكفي..تكفى سلطان خله شوي نايم أبي أصوره..لاتكلمه..
وبالفعل طلع هيثم تليفونه وصور طلال وهو شبه نايم..
و أنه المجلس كبير وهم جالسين بالزاويه..يعني محد يدري عن أحد



بعد ماطلعت من الحمام لبست على طول فستان العزيمه لأنه مافي وقت ومايمديني أبدل ..
وكان مره حلو مناسب لي
لونه برتقالي على ذهبي..
وصرت صج مطقمه..الشعر أشقر
والفستان ذهبي
والأكسسوار ذهبي..
يعني كشخه..
حطيت شدوا خفيف على عيوني ممزوج بنفس الوان الفستان..
وكثرت من البلاشر لأني أحبه..وروج بيج بس..
ويوم خلصت..أبتسمت..
وبدت ساعة الصفر..
اللحين لازم أطلع لأحمد..
والمشكله مش عارفه كيف أقابله..
ياربي شسوي..
والله متفشله منه مووت
ظليت فتره طويله على هالحال
ويوم حسيت اني مصختها
قررت أني اطلع له
تنفست بقوه
وطلعت بسرعه قبل ماأضعف وأغير رأي
وشفته جالس على الكنبه ويكلم بالتليفون..
المهمه سهلت علي شوي
وسكت لمن يخص مكالمته..
لكن هو حس فيني..وصوب أنظاره علي..
وظل فتره طويله يناظرني ويتكلم بالتليفون..
ويوم خلص..
أحمد بهدوء\صباح الخير..
سماح\صباح النور.
احمد\ها..نمتي زين..!!
حسيتها نغزه قويه..وخلاص استحيت..
يعني يكفي أنها يطالعني من أول ماجيت بعد يفشلني..
نزلت عيوني
أحمد\ليه واقفه جلسي..!!
سماح\أن شاء الله..
أحمد\الأهل توهم داقين علي..
سماح\خير
احمد\ينتظرونا عشان العزيمه
سماح\أيه..وسكت..
أحمد \ماتبين تاكلين..!!
تذكرت أني ماكلت العشاء اللي أمس..
ومن ذكرى العشاء حسيت بأصوات تطلع من بطني..
أستحيت أقول أيه..فظليت ساكته..
أحمد\المهم أنا طلبت فطور لنا..وبيوصل اللحين..
سماح بهمس\أوكي..
وظلينا ساكتين..نفس كل مره..
أنا ماسكه طرف فستاني وأتأمل فيه..
واحمد ساكت..مدري شيفكر فيه...
لمن جاء الفطور أخيرا..
وعلى طول خذه أحمد وجلسنا على طاوله فيها كرسيين..
صح كان الكل مايشبع أولا لأنه خفايف
وثانيا لأني مقدر أخذ حريتي قدام أحمد..
فظليت أكل ببطء وواضح اني منحرجه منه..
لكني اللي ماتوقعته ابدا منه..انه ياكلني بالشوكه اللي اكل منها..
وأول مامدها لي.ظليت اطالع فيه وهو يطالع فيني..ظلينا فتره على هالحال
وبعدها كسرت النظره وقربت منه وأكلت
وانا خلاص وجهي أحمر..
تعرفون كيف عرفت انا وجهي أحمر..!!
لأني حسيت بحراره..بضو موطبيعي..
واللي زادني أكثر أنه ماممل واكلني ثانيه وثالثه ورابعه وكأنه فرحان باللي يصير فيني..
وأنا هنا زي الأله أستجيب له بصمت..
ويوم تعبت وحسيت بالبخار يطلع من أذني..
طالعت فيه وشفته خلاص حابس الظحكه ..ووده يرتاح ويطلع هالظحكه اللي حابسها..
وأنا هنا تنرفزت اكثر وعرفت انه يتطنز علي..
ومدري كيف هالكلمه طلعت مني..حسيت أني بزره فيها
سماح\لا والله..!!تطنز علي..
وماوعيت الا اطلق هالظحكه اللي كاتمها
أحمد\ههههههههههههههههههههههههههههههه ههههههههههههههههههههههههههه
سماح\لاتضحك..
لكن ماسمعني وضحك أكثر من قبل..
أحمد\هههههههههههههههههههههههههههههههههههههه
سماح\أحمـــــد..
أحمد\أحم..نعم..
سماح بضيق\لاتضحك علي..
حس أني زعلت ..وشفت الندم بعيونه..
احمد\أسف..ماأبيك تتضايقين..
سماح\لا عادي..
أحمد \طيب ممكن أسال سؤال ..
سماح\اسال..
أحمد\ليش تضايقتي..!!
وبعد عناء رديت ..وأنا منزله عيوني
سماح\لأنك تطنز علي..
أحمد\ماكنت اتطنز..لكن عجبني شكلك وانتي مستحيه..وماقدرت اقاوم أبتسمت لك..وبعدها ضحكت..بس..!!فيها شي...!!ماأظن هالشي يزعل..!!
سماح \أوكي..
أحمد\شنوا اللي أوكي...!!
سماح\مازعلت..
أحمد\وش اللي يخليني أتأكد..!!
سماح\والله مازعلت..
أحمد\طيب أبتسمي..
أحمد\عشاني..
وأبتسمت
سماح\شرأيك..
أحمد\يكفيني أبتسامتك..


والله بنفقدك ياسخيفه..!!
راوين\بناااات..خلاص عاد..ترى بصيح اللحين لكم..
غلا\اصلا انتوا ماتستحون..سماح تزوجت وشكلها بتنسانا..وانتي بتسافرين بكره ..وجمانه هالمليقه مدري شفيها ماده البوز شبرين..وابتسام ماتعرفين لها مذهب. مره تضحك ومره تحزن..وفجر ..آآه على فجر زمانها..
وانا اللي ضايعه بينكم..
فجر\بسم الله عليك من الضياع..شدعوه غلا..بديتي تخرفين مافينا شي..
ابتسام\خليها خليها هي تحب تتدلع..
غلا\أقول مالت عليكم..الشرها على اللي يسأل عنكم..وينك ياسماح..وينك يامرت أخوي..!!فكيني من هالبايخين..!!
رواين\سماح غرقانه في العسل اللحين..
ابتسام\والله لو تسمعك..بتذبحك وبتشوتك للهند على طول..
رواين\ههههههههههه والله ودي أشوفها تولهت عليها..مدري شسوت اللحين..!!
الجده\أستحوا على وجهكم..شعليكم من البنيه..خلوها في حالها..
ماتوا ضحك البنات على جدتهم اللي سمعتهم ودخلت عرض بالسالفه..وعشان يجنونها شوي..زادوا اكثر في الكلام.
ابتسام\ويه ياقلبي ياسماح..كنت بدق عليها أمس..بس للأسف جوالي يستقبل..
غلا\ههههههه خبرك عتيق ياابتسام يوم صليت الفجر دقيت على أحمد عشان اصحيه للصلاه..
ابتسام\وليه ماقلتيلي..!!
غلا\نسيت بسومه.... زين انك مادقيتي عليهم ..لأنه شكلهم مشغولين..
راوين\اي مشغولين..ماعندهم شي..حسافه أنك مادقيتي
ابتسام\خلاص ولايهمكم يابنات اليوم نكلمها بالليل..
الجده\والله يبيلكم طق بهالعصا ياللي ماتخيلون ولاتعرفون الأدب..
غلا وكأنه توها تحس\يوووه جدتي سمعتي كلامنا..!!فشلـــــه
الجده\سمعتكم ..أوريكم..قولوا أنكم تبون العرس وافتكوا..
ابتسام\شدعوه جدتي...عادي
الجده\عــــــــــادي..ّّاللي يسوي هالسوالف مايبي الا الرجل..هين أورايكم..!!
غلا\يعني قولي لي ياجده وش بتسوين يعني..!!
الجده\وش بسوي ها..هين ياغلا أنتي أولهم ..
غلا رمشت عيونها وقالت\ماخفت..
فجر وعشان تغير الموضوع\بنات..وين جمانه كل هذا تلبس..!!
الجده\وانا اقول في وحده ناقصتكم..عاد ذيك تموت على العرس..
فجر\شدعوه ياجدتي..تقولين عن جمانه حبيبتك كذه..!!
غلا\خلف الله علينا أحنا محد يحب يحبنا..!!كل الدلع معطينه جمانه..صح بسوم
ابتسام\في ذي صدقتي ياغلا,,,وحتا فجر..لها مكانه مو هينه..
فجر\يعني قلبتوها علي اللحين..!!غيروا الموضوع..
وبين سوالف البنات المعتاده...جوا المعاريس أخيرا والكل أستقبلهم وبعينه مية سؤال وخصوصا البنات يبون يعرفون وش صار بالظبط..!!
لكن أم سماح ماعطت البنات فرصه وخذت بنتها لزاويه بعيده بالصاله وكلمتها..
الجده\شف هالحرمه خذت البنت وبدت بالأستجواب..!!
غلا\وأحنا نقول من وين ماخذين القافه أثرها منك ياجدتي..!!
الجده\شتقولين..!!
غلا\براد..
راوين\حسبي الله على بلسيك ياغلا ليكون جمانه مسلمتك المهمه ..!!
غلا\شسوي بعد من عاشر قوما..
جمانه\وش فيها جمانه..مش عاجبتكم..!!
غلا\ويه..شفكنا منها اللحين..!!
فجر\هلا والله ..هلا بــ جمانه..!!
جمانه\ هلا فجوره....شيفكنا منها ها..!!أوريك خليني أسلم بس... وبجيك ياغلا.. وين بتروحين مني..


الوليد\أيه اكيد مش جالس جنبنا الحبيب خلاص تزوج وافتك...صح سلطان..!!
سلطان\أفا عليك ..أصلا مايبي لها كلام الرجال دخل القفص الذهبي وبيحقرنا..!!
كان أحمد يسمعهم لكن مطنشهم وجالس مع عبد الرحمن يسولف.. أحمد اكثر واحد يرتاح له عبد الرحمن زوج عمته ..وأيضا عبد الرحمن قريب لــ أحمد كثير..
سلطان\عمك أصمخ..حتى مش راضي يلتفت لنا..حاقرنا..!!
الوليد\والله ياسلطان أن تزوجت وصرت مثل بعض ناس ياويلك..
سلطان\ومين قالك أني بتزوج..ياحبيبي شيل هالفكره من بالك..
أنا أبي اعنس..ابي أجرب طعم العنوسه..
الوليد\أنا خبري العنوسه للحريم..
سلطان\أيه ادري..بس أنا بخترع شي جديد للبشريه..عادي..وش ورانا..خلنا نتسلى شوي..
الوليد\نرجع لمحور حديثنا.شفيه الحبيب مش معطينا وجه لحد اللحين ..!!
سلطان\أساله..
الوليد\لالالا..أنتي عمي اللي أكبر مني.انت لازم تساله..
سلطان\أيه..أيه أستعدل ياولد أنا عمك واكبر منك..أقول أحمد..!!
أحمد بهدوء\نعم..
سلطان\شخبارك..وعلى طول..وشخبار سموحه بنتنا..ليكون لعوزتها..!!
أحمد\بخير..ومالعوزتها..هي شكت لك..
سلطان\ايه شكت لي..
أحمد\ومتى أنت شفتها عشان تشتكي لك..
سلطان\ها...!!..ويوم زهق..أقول احمد..خلصنا.بدون مقدمات....شرايك بالعرس..!!
احمد\زين..
سلطان يأس من ولد أخوه الجامد\مالــــت..
عبدالرحمن\محد قالك تساله أسأله مالك شغل فيها..!!
سلطان\يعني أصدق انك ماسألته..!! أصدق
عبدالرحمن\لا ماسألته..!!
سلطان\حط عينك بعيني...ونعس عيونه ..علينا..!!
عبد\الرحمن\لا مو عليكم..على اللي جنبكم..!!


البنات\ياسلاااااااااااااااااااااااااااااااااااام..
سماح\هههههههههههههههه شتبوني أسوي يعني..هو دق علي ويبيني أطلع له..
غلا\وبدينا معاك ياأحمد..بدينا بحركاااات المتزوجين..!!
جمانه\ياحليلك ياولد عمي من اللحين يستفرد فيك..يالله عقبالنا
راوين\والله وصدقت جدتي ويوم قالت جمانه تبي العرس..
جمانه باحراج\وشفيها عادي..أصلا كل وحده مردها بتتزوج..
ابتسام\أقول أنسه جمانه هذا أنتي وتوك متخرجه من ثانوي وتقولين كذه أجل شبقيتي لنا..!!
جمانه\وانا ماقلت شي غلط عادي كل وحده منا تتزوج في يوم من ألأيام ...
ظلوا البنات يطالعون جمانه ..مش مصدقين انه اصغرهم وتتكلم بهالكلام يعني من صجها تبي تتزوج..!!وهنا جمانه ماأستحملت وانحرجت اكثر..وصرخت في وجههم
جمانه\بنااااااااااااااااااااااات..لا تطالعون فيني كذه...والله..ونزلت عيونها استحي..!!
غلا\ياقرادة حظ اللي بياخذ جمانه..!!
ابتسام وفيها الظحكه\لالالالا ماأسمحلك ياغلا ..ياحظ اللي بياخذ عجوز العالي..
جمانه\أنقلعـــــــــي..
وهالوقت دق تليفون سماح وكان أحمد يستعجل سماح عشان تطلع..
والبنات ارجعوا ثانيه لسماح وبدوا يزعجونها بحركاتهم الماصخه..
خبيث..محظوظ..ذكي..غامض
هذه أربع مواصفات لشخصيته المعروفه عند الكل
لكن الميزه الفريده من نوعها هي غموضه
محد يعرف وش يفكر فيه..!!
ولا أحد يقدر يصاحبه..!!
ولا احد يقدر يكذب عليه..!!
واصدقائه قله جدا..
واللي حظه ردي هو اللي يوقف في طريقه
لأنه وببساطه
مــــــد مـــــــر ..
وهذ الميزه الخامسه..وحطوها في بالكم ..
ياما دمر عوائل..وياما شتتهم..
حتى أهله اللي هم أهله ماسلموا منه..
لكن السؤال هنا..!!
أيش السلطه الغريبه اللي تخليه يتحكم بالناس بسهوله...!!
مع الأيام الجايه راح تتضح أجوبة هالأسئله الغامضه..
لكن الحذر..الحذر منه..<<شدعوه
واللحين ودكم تعرفونه..!!
تركـــي...حفيد الجد يوسف الثاني
العمر 30 سنه موظف في البنك وتقدرون تقولون تاجر صغير وذكي جدا جدا..
يحب يشتري ويبيع..وأستغل كون امه هنديه وقدر يكون محلات في أغلب المجمعات التجاريه..

"وصيت قلبي عليك"

 
 

 

عرض البوم صور brune   رد مع اقتباس
قديم 24-05-07, 12:53 PM   المشاركة رقم: 9
المعلومات
الكاتب:
اللقب:
ليلاس متالق


البيانات
التسجيل: Nov 2006
العضوية: 16524
المشاركات: 501
الجنس أنثى
معدل التقييم: brune عضو على طريق التحسين
نقاط التقييم: 69

االدولة
البلدFrance
 
مدونتي

 

الإتصالات
الحالة:
brune غير متواجد حالياً
وسائل الإتصال:

كاتب الموضوع : brune المنتدى : القصص المكتمله
افتراضي

 



أكيد بتستغربون ..كيف قدر يكون عنده محلات وبمجمع تجاري وهو بهالعمر..!!
وجواب هالسؤال بسيط جدا..
فلوس أبوه+الخبره وهي وراثه من العايله+الذكاء الغير طبيعي+ الرشوات والربا=نجــاح..
وهذا اللي صاير هالأيام فلوس تجي بالساهل والعياذ بالله وبالنهايه نجاح وبجداره..
عنده صديق اسمه مبارك..وهذا الصاحب اللي مستحيل يستغنى عنه لا في مشاريعه ولا في حياته اليوميه..
مبارك\طيب ماودك تضيف شي قبل ماتسافر..!!
تركي\لاتكبر الموضوع..كلها أسبوع وراجع..يعني لاتعور راسي بهالأسئله..!!
مبارك\...متى طيارتك..!!
تركي\بكره الساعه تسع الصبح..أقول مبارك ماودك تجي معي..!!
مبارك\تصدق جالس أفكر بالموضوع..ودي أخذ فترة نقاهه..لكن مشكلتي مرتبط مع هالغبي المصري..
تركي بسخريه\يقص عليك مصري..!!جيبه لي أظبطه..
مبارك\ومو بس كذه أنت بتروح مع اهلك يعني ماله داعي أرز الفيس..
تركي\الله والأهل عاد..أسم بس رايح مع اهلي..خلك من هالحكي والحقني الهند.
مبارك\أشوف..أعطيك خبر بكره..
تركي\أوكي يالله بروح اللحين..
مبارك\وين تو الناس..!!
تركي\بروح عند الأهل مسوين عزيمه وتأخرت عليهم..
مبارك\أوكي
تركي\سلام...

طلعت من بيت جدها بسرعه وهي تضحك على تعليقات البنات ..
لكنها خافت أنها تأخرت على احمد..وهذ شي اكيد...ربع ساعه ناطرها بره وهي الحبيبه جالسه تسولف
ويوم أركبت السياره
سماح\السلام عليكم
احمد\وعليكم السلام
سماح\تأخرت عليك
احمد\لا عادي..
كان أحمد كان على أغنية محمد عبده(سير علينا ياهوى)ومقصر عليها..
سماح\تحب محمد عبده..
أحمد\آآآه كثيييير..
سماح\بس أنا ماأحبه..!!
أحمد\افا..ليه..!!
سماح\بس أحس أنه يجيب النوم..
أحمد وابتسم\شدعوه..أنتي لو تحسين بكلماته كان قلتي شي ثاني..
سماح\يمكن..بس لاتحاول مستحيل احبه..
أحمد\على راحتك..بس صدقيني بتحبينه لأنك بتشوفيني اربع وعشرين ساعه حاطه
سماح\ماأتوقع..
أحمد\سماح..
سماح\هلا
أحمد\كلميني عن نفسك..
سماح\عن شنوا بالظبط
أحمد\كل شي..كل شي قوليه وبالتفصيل..
سماح\طيب وليه أنت ماتبدى أحسن..!!
أحمد\بس أنا اللي طلبت في البدايه..
سماح بدلع\أدري ..لكن شقولك أستحي..ونزلت عيونها..
أحمد\سماح حرام عليك..!!
سماح\شنوا..!!
حمد\أنتي ماتدرين هالكلمه وش تاثيرها علي..!!
سماح ببراءه \مافهمت..!!
احمد أبتسم وقال\مع الوقت بتفهمين..!!
سماح\طيب..
أحمد\سمعي هالمقطع رائع..
وكان يقول المبدع محمد عبده
سير وشوف اللي جرى من غيبتك حالي برى
النوم من عيني سرى وانا انتظر منك الوصال
..سيــر علينــا يـــاهـــوى سيــر علينـــا..
..سيـــر علينــا يـــاهـــوى سيــر علينـــا..
أحمد\سمــاح..
سماح\همممم
أحمد\أنا آسف ..
سماح\ليش الأسف..!!
أحمد\ما نقدر نسافر واكيد أنتي عرفتي..لكن صدقيني ظروف شغلي اقوى مني.
سماح\عادي ياأحمد لاتهتم..
أحمد\بس عهد مني أني اعوضك الأيام الجايه..
ماردت عليه سماح..
يكفي أنها شافت الصدق بعيونه
وحست بالندم بحروفه
كانت تبي تقول أشياء كثيره..
تبي تريحه وتحسسه بحبها له..
لكنها ماقدرت..
تحس أنها تبي تعطي ..بس مش عارفه كيف..
مش عارفه كيف تفهمه أنه مرتاحه معاه ..
ولانها عجزت وماقدرت..نزلت دموعها.
هذه صفه من صفات سماح..
ماتقدر توصل اللي تبيه لغيرها..
حتى لو كان هالشي احساس..
والمشكله...
كيف بيعرف أحمد بحبها له..!!
أكيد بتكون حياتهم صعبه..!!


وبين هالسوالف وظحك البنات وصراخهم اللي مايحلى الا بوقت الحكي..
كان في قلب يتعذب..
يسمع..ويبتسم..
يتكلم ..ويجامل..
يضحك..ويبكي بصمت..
بصمت..فجر..آآه يافجر تعلق وتنقد وتسولف وترد وبقلبها الف دمعه ودمعه..
دمعة قهر...دمعة ألم وجروح تنزف..
لاتلومونها ياناس..لاتلومونها ياأهلها..
كانت بتتزوج..كانت بتلبس فستان ابيض..كانت تحب وتوله وتشتاق..
كانت تحلم فيه..تحلم فيه من يوم وهي صغيره..
كانت تبني أمال صغيره وكبرت مع مرور الزمن..
وجاء اليوم اللي وقف الزمن ضدها..
وكل العالم عرف بقصتها..
مافي جرح أقوى من جرحها
ومافي قلب أطيب من قلبها..
بيظل يضحي ..وبيضحي...لأخر نفس..
تركت البنات بهدوء..مثل ماجلست معاهم بهدوء..وطلعت بره...ماقدرت تستحمل هالجو ..كان فوق طاقتها..
أغلب السوالف كانت تتكلم عن الزواج..
وشافت بعيون الكل نظره حالمه..
أولهم سماح واصغرهم جمانه..
لكن هي احتارت..!!
وش بتكون نظرتها قدامهم!!
معقوله شافوا الحزن بعيونها..!!
معقوله حسوا فيها..!!
لا..
ماتستحمل شفقه من أحد..
حتى لو كانت هالشفقه بعيونهم..!!
هي عزيزه..وبتظل عزيزة النفس طول العمر..قصر الزمن والا الطول..!!
تمت يكون عندها ورقه و قلم..
في تشتت بقلبها ولازم تفرغه..
في نقصان بذاتها ولازم ترجعه..
أمام الحضاره اللي تمزج العصر القديم والحديث وأمام الهرم الزجاجي المشهور بــ باريس..كان هذا مكانه..بعد مايخلص دوامه يلتجأ له عشان يرسم لوحه الفنيه ويبيعها للزوار..
ولكن هالمره ماكان عنده شي..كان بدون لوحه ولا ريشه..
كان واقف يتأمل الناس الجايين والرايحين..ومكتف أيدينه من برودة الجو
لكن بداخله مايحس باي شي...
يحس بظلام..
يحس بعذابه يتكاثر
كانه شمس..
شمس غروبها بعيد ..كل البعد عن حياة يوسف
ظل الطريق مره ثانيه..مثل ماظله بداية حياته
وموكل مره بتصير فرصه له
العمر يمشي ..ولازم أحنا نمشي معاه
لؤي\علامك..!!
يوسف\......ولاشي..
لؤي\كل هذا ولافيك شي..يااخوي قول علامك..لاتحط بخاطرك..!!
يوسف\شقولك يالؤي..!!آآآآآآه..آآه من الزمن الللي يخون وياخذ مايعطي..
لؤي\شصار....قول..!!
يوسف\شي غريب..شي غريب يالؤي..
حياتي صارت غريبه..
كل ماأقول الله بيفرجها وأتامل خير ..
وأحاول وأثبت وأجاهد ..
وأستمر..
ولمن أوصل لأول خيط ..ينفلت الخيط مني..
ياما عانيت....ياما قلت خلاص...
كفايــــــــه محاولات مالها فايده..
وبعدها أرجع واقول ..
لا يايوسف..لازم تثبت..لازم تبدى من جديد
لازم ترجع لأهلك وديرتك...
وبعدها..
وبعدها يالؤي أرجع..
ارجع وكلي أمل أني بنتصر..
ويبتسم بسخريه
واذا خلاص..
قربت اوصل...
يضيع كل شي سويته....
لؤي...
خلاص...
أنا مليت..
حرام..
حرام اللي يصير فيني..
لؤي..
بموووت..يالؤي..
الرحمه ياربي الرحمه..
صرخ بصوته
أنا منهار يالؤي منهــــار..!!
كفايــــــــه عذاب..كفايـــــــــه..
انا أنسان..
انســـــــــــان..
من لحم ودم..
تسمعون...
تسمعون ياللي هنا..
من لحم ودم..
أحب..
.واشتاق..
أغلط ..
واسامح.
واحن
.واعيش..واعيش ..
واعيش بحريه...
سمعوتني أنا أنسان...
أنســـــــــــــــــــــــــاااااااااان
الكل سمع صرخته..والكل شافه..
شافوا العذاب اللي بوجه..شاف الدموع اللي بعيونه..
ماكانوا يعرفون علامه..
لكن يسمعون صرخته
صرخة مظلوم يطالب بحقوقه ورجعته
لكن مين يسمع..!!
ومين يفهم..!!
البلد اللي متغرب فيها..!!
والا الناس اللي غريبين عنه..!!
والا الأماكن اللي تشهد بلحظات عذابه..

ماعرف لؤي أيش يسوي ..!!
شاف أنهيار يوسف
شاف عيونه اللي تنهمر بالدموع
شاف الألم بكل جسمه..
شاف الظلم اللي عمره ماشافه..!!
ماعرف كيف يواسيه
ماعرف كيف يطبطب عليه..!!
قرب منه ومسكه من كتفه وهو لحد اللحين يصرخ بجنون..
حاول يسكته
حاول يسكر فمه ..لكن ماقدر
لأنه حتى هو صاح مع اخوه وحبيبه وصديقه..
حضنه..حضنه بقوه عشان يحسسه بالأمان اللي فاقده..
ويوسف هنا.. استجاب له وسكت..
وكأنه ينتظر أحد يحضنه ويحس فيه ويرتاح..
يرتاح شوي بدموعه وبشخص يسمعه
=====


الجزء العاشر
................................
بعد المغرب الكل راح يشوف أموره..
واللي ماعنده شي ظل في بيت الجد يوسف..
الوليد راح للنادي لأن عنده تدريب المغرب..
عبد الرحمن كان عنده موعد وطلع وترك بنته بيت جدها
طلال لأنه فيه النوم صعد لغرفة سلطان ونام فيها وحلف عليهم محد يصحيه الا العشاء..
==================

أشكالهم تضحك..وواضح من عيونهم الملل الكل راح يغفي له كم ساعه وهو جالسين لا شغله ولا مشغله
ويوم اتعبوا وطقت كبدهم..
أستسلموا للأمر الواقع وهدوا بعد الضجه اللي سوها في الصاله
جمانه حاطه راسها بحضن ابتسام وماسكه خصلات من شعرها..وحاضنه ريوف بايدها الثنتين..
وغلا نايمه على حضن فجر وراوين مسنده راسها بجهة فجر الثانيه..
بالفعل
يبي لهم صوره على اشكالهم المتلاصقه..
هذا نهاية تعب شهر كامل اللحين طلع لهم..
ومش قادرين حتى يحركون نفسهم..
كل وحده منهم عاجبه هيئة جلستها...والود ودها ماتتحرك يوم كامل..
غلا\ملل
جمانه\طفش
راوين\زهق
ابتسام\تعب
فجر\أرق
جمانه\بسوم..
ابتسام منشغله بالتفكير ومالها خلق للكلام\ها..!!
جمانه ومغمضه عيونها\فيني حكه..حكي شعري..
ابتسام بضيق\حكيه انتي..
جمانه ومالها خلق\مقدر ..
ابتسام\ليه ماتقدرين..
جمانه\ريوف بحضني..عفيه بسوم حكي لي شعري..
ابتسام\طيب فكينا يعني يكفي انك جالسه بحضني..وحكته لها
جمانه\أيووووه.. وبراحه عجيبه حستها جمانه ..ايوه اليمنى.. من الجهه اليمنى.أيه...ياسلام عليك يابسوم..أنتي شي..
ابتسام\بس في وقت المصالح شي..
جمانه\أقول بسوم..
ابتسام\شتبين بعد..
جمانه ومقويه نفسها\شخبار أخوك مع النادي...!!
ابتسام\آآه ياجمانه لاتذكريني بالوليد..!!
جمانه بخوف\ليه..في شي..!!
أبتسام\أشياء مو شي..
جمانه\بسوم لاتخرعيني قولي لي...شصاير..!!
ابتسام\بعدين اقولك مو هنا..
جمانه وصبرها نافذ\مقدر.مقدر أستحمل..قومي اللحين..
ابتسام\جمانه شفيك انتي اهدي شوي..قلت لك بعدين يعني بعدين..
جمانه\أووووف..

معقوله بتروح..بتروح وتتركني.!.!
هي من متى كانت معاك عشان تتركك..!!
بس ولو... يكفي أنها موجوده قربي..
بنفس البلاد اللي أنا فيها..
تشم الهواء اللي أشمه
مايفصل بيني وبينها الا كم حاجز..
كل هذا ومش قريبه..!!
آه ياراوين..بعدك عذاب وقربك عذاب..
متى بتحسين فيني..
متى بتحسين بالشوق اللي بعيوني..
راوين انا احبك..
انا احبك واغليك.
ليتك تبعدين هالغيمه اللي بيني وبينك..
ليت الكل يعرف أني أحبك عشان ارتاح...
ليت الكل يشهد أنك لي ومستحيل تكونين لغيري..
لكن كيف ياراوين..!!
معقوله احنا عيال عم..!!
معقوله كل هالقرابه اللي بيني وبينك وبعاد..
معقوله ماأقدر أضمن حبي لك..!!
يارب ألهمني الصبر..
ماعندي غيره..
ماعندي غير الصبر..
بكره بتروحين والله العالم متى بترجعين...!!
آآآه ياراوين متى برتاح واريحك..!!
حتى النوم من عيني اختفى..
الكل يفكر أني تعبان عشان زواج اختي..
لكن اللي مايعرفونه اني لي أيام مانمت بسببك أنتي..!!
لو عندي أمل..أمل واحد بس يخليني أطمن كان صارت اشياء كثيره..
بس كيف ياربي..!!
حتى ابوي اللي هو أبوي معارض فكرة الزواج حاليا
لكن أبوي يهون قدام امي..
أمي اللي ماتطيق طاري بيت عمي بو تركي..!!
يارب أنت عالم باالحال..!!
أرحمنــــي..

قلت لأهلك..!!
ماكان يتمنى أنه هالسؤال ينطرح له..
لأن ناسيه لأجل غير مسمى
خصوصا لأنه بقى له سميستر واحد عشان يتخذ قراره
يعني بقى له وقت طويل وبهالوقت يقدر يخلص أموره ويناقش الموضوع مع اهله أكثر
وخصوصا ابوه اللي لحد الآن ماعرف عن بعثته..
والمشكله أنه ماكان متوقع أنه هالموضوع بيستصعب عليه
لكن اللي شافه من اخته خلاه يحط الف أعتبار لأبوه وموقفه من البعثه
واللحين هو محتار مايدري أيش يسوي..
لكن بالوقت الحالي مأجل الموضع لمن يتأكد خبر بعثته..
وألأجراءات الثانيه بسيطه لكنها تاخذ وقت وخصوصا الفيزا
ثامر\مارديت علي..!!
الوليد\لا لسه ماقلت لهم
ثامر\وايش تنتظر
الوليد\مدري..ماحصلت فرصه ..لكن ناوي أقول لهم باسرع وقت
ثامر\الله يسهل..
الوليد\خل عنك هالسوالف وألعب بل مايجي اللي مايتسمى ويغثنا..
ثامر\أي والله صادق..يالله ورني شطارتك ..خذ...ورمى عليه الكوره..
الوليد بتحدي\أوريك..

....حبيبتي...
أقدر أسميك هالأسم..!!
قالها والفرح مبين من عيونه..
ماكان يبي جواب
ماكان يبي أشاره
يكفي مشاعرها اللي تغيرت يو أنقالت هالكلمه
بس ..
يكفيه هالأحساس..
ومايبي أكثر..مكتفي فيه..
.
.
.
.
كانت تبي تتكلم لكن هو منعها
وحط ايده على فمها
توها بتقول أيه..قولها..خليني اسعد انسانه في الدنيا
لكن حرمها من هالكلمه
لكن وش أحلى من هالحرمان..!!
مااتوقع في شي أحلى منه..
.
.
.
أحبك..
سمــــ....ــــاح
سمعتيها..!!
من يوم وانا صغير وانا احبك
حبك صار أحلى خيال
لكن
كنت اتمنى الزمن يسبق نفسه وتصير ين لي بالواقع والحقيقه
سماح..
ماكنت اعرف شي ولا اهتم بشي..
هذا نظرت الناس لي
كانوا يفكرون اني جامد المشاعر
حياتي شغل في شغل
وخصوصا المنصب القوي اللي مساكه
لكن اللي مايعرفونه
أني كنت أحب وامووت من الشوق
سماح
أنت اغلى شي بحياتي
ياما عانيت
لكن بصمت
محد كان يدري فيني
ويم دريت انك بتكونين لي
فرحت
لكن حتى الفرح كان بصمت
واللحين..
شفتي كيف أنا محظوظ..!!
.
.
.
ماقدرت اقول شي
كلامه كان فوق الخيال
حبه أسرني
ومنعني من الكلام..
ماقدرت أقول شي
صدقوني حتى حروف المعاجم ماتوفي حقه..
سكت لكن روحي ماسكتت..
وقربت منه وضميت أيده ودموعي تنزف
لكن هالمره دموع فرح وسعاده..

طلعت للحديقه مع أبتسام..عشان اعرف منها سالفة الوليد..
ويـــــاليتنـــــــي ماعرفتهــــــا..!!
الوليد..بيسافر...
الوليد ..بيبتعد..
الوليد...بيتغرب..
الوليد...
الوليد
الوليد
الوليد..منهو بالنسبه لك الوليد ياجمانه..!!
معقوله حلم طفوبه وانتهى..!!
والا أعجاب متبادل وانلغى..!!
ليه ياوليد..ليه بيتسافر..!!
جاوبتني أخته بعيون حزينه..بعيون تفطر منها الدموع القديمه..
جاوبتني وجروحها تسبق كلماتها..
هذا غير شهقاتها اللي بين كلمه وكلمه..
أخته خايفه..
خايفه تنعاد الكره من جديد..!!
شالقلب اللي بيستحمل بعد اثنين..!!
ياعمري ياأبتسام..كم بتستحملين..!!
ابتسام\تخيلي ياجمانه..
تخيلي الموقف..
رميت عليه جمله ومشيت..قلت له..
قلت يكفي واحد..مانبي نخسر اثنين؟؟
ومشيت عنه..
مشيت وكان كلي أمل يجي ويقولي..
آسف..أسف يا ابتسام..خلاص أنسي فكرة السفر من بالك..
أنا مستحيل أتخلى عنكم..
لكن..لكن ماقالها ياجمانه ماقالها..ولالحقني..
تركني وحيده..
وحيده بدون أحد أشكي له.
جمانه..
كنت اعتبر الوليد ألأخو والصديق وكل شي بعد أمي ويوسف..
لكني حسيت أنه مابقى لي أي شي..
أي شي ياجمانه..
حسيت بالوحده..
حسيت بالغربه ..
مقدر أوصف لك الموقف..
الموقف كان اكبر مني..
جمانه..والتفت لها..
جمانه..قلبي ماعاد يستحمل صدمات..
ماعاد يستحمل بعد..
الفراق ذقته مرات..
وماأبي أذوق الفراق ثانيه..
ماأبي ياجمانه ماأبي..
صاحت أبتسام..صاحت وقلبها ضايع ..
تايه..تحسه أكتفى بالألم..
ماتبي زياده..
كفايه اللي جاها..
وماتبي تذوق أكثر..

حضنت جمانه أبتسام..وصاحت معاها..
جمانه\خلاص ياحبيبتي ..خلاص ياأبتسام..
ابتسام\جمانه...شقول لأبوي ياجمانه..وش بتكون ردة فعله..
أنا خايفه عليه..
أبوي خلاص تعب من هالدنيا
وكفايه عليه اللي جاه..
بظرف سنه فقدنا اثنين غالين علينا..
ومانبي نفقد غيرهم
مانبي..
شسوي ياجمانه..قولي شسوي..!!
أنا ياست خلاص..يأست..
ماعندي أحد أقوله ولا أشكي له اللي يقلبي..
وقولي شالحل.
ماعدت اميز أي شي..!!

وصيت قلبي عليك

 
 

 

عرض البوم صور brune   رد مع اقتباس
قديم 24-05-07, 01:17 PM   المشاركة رقم: 10
المعلومات
الكاتب:
اللقب:
ليلاس متالق


البيانات
التسجيل: Nov 2006
العضوية: 16524
المشاركات: 501
الجنس أنثى
معدل التقييم: brune عضو على طريق التحسين
نقاط التقييم: 69

االدولة
البلدFrance
 
مدونتي

 

الإتصالات
الحالة:
brune غير متواجد حالياً
وسائل الإتصال:

كاتب الموضوع : brune المنتدى : القصص المكتمله
افتراضي

 



طلعت فوق عشان اصلي العشاء
وبالمره كنت ابي أبدل ملابسي..
زهقت وانا لابستهم ابي أخذ راحتي
العزيمه خلصت
والليل جاء
بالعربي ماله داعي أتم بهاللبس الرسمي
وماوعيت الا أنا مصدمه بشي غريب
وتالمت بصوت وانا امسك راسي بتعب
راوين\أيي..شنوا..

.
.
.
.
.
.
.
وبعد هاللحظه ماحسيت نفسي الا بغرفة البنات وانا الهث من الفرحه اللي ماجات بوقتها..
أقولكم شنوا اللي صدمت فيه..
ذراع..

ذراع طــــلال..
قفلت الباب وانا ايدي ترتجف
مسكت قلبي وأنا خايفه عليه
ياربي يامسرع دقاته..
شصاير..!!
سرعت للمرايه وانا ابي اشوف شنوا التغيير اللي جاني
ومالقيت غير ابتسامه بوجهي
وها لأبتسامه انقلبت لظحكه خفيفه
ومن ظحكه خفيفه
لظحكه عاليه ..
أستغربت من حالي..!!
شفيني
أول مره اشوفه..
عجزت افسر شعوري
ومالقيت نفسي الا مرميه على السرير وحاظنه المخده بقوووووه عشان اكتم الظحكه الا مو بوقتها
-----------


أخيييرا..
صرت زي المجنون..
شنوا مجنون
مجنون قليله علي..
طلعت لشباب وانا طاير
طاير من الفرحه طاير
كان سلطان وهيثم بره جنب السياره
واول ماشفتهم
تتوقعون شسويت..!!
مسكت سلطان وحبيته على خده
ومسكت هيثم ونفس الشي حبيته
وانا أظحك بهستيريا..
أقولكم ليه..!!
طلعت من غرفة سلطان ونمت لي ساعه والله العالم كيف نمتها
وبعدها مشيت وأنا ناوي أني أنزل تحت
جاني تليفون من الشباب
وتوني برد عليهم الا صدمت بشخص
ويوم رفعت عيني
شفتها
شفت راوين
ماتتخيلون وش فرحتي
لدرجة اني تصنمت بمكاني وعجزت أسوي شي..
لاتلوموني..
والله ماصدقت انها قدامي
وبعدها..
أختفت فجأه..مثل ماطلعت فجأه..
يكفيني..
يكفيني شوفتها..
أدري أنه اللي اقوله غلط في غلط
لكن شسوي
القلب ومايريد..
سلطان\ممكن تعلمنا شسالفتك...!!
طلال\أحبكم فيها شي..؟؟
هيثم\لا والله توه طلع الحب..!!
طلال\حبي لكم من زمان لكن انتوا ماتحسون باللي بالقلب...ياقلبي والله
سلطان\لا ويعرف يتكلم..
طلال\أحبكم..والله احبكم..فهموني لو مره..

مر اليوم باحداثه الكثيره..
لكن كان حلو رغم مره..
وجاء يوم ثاني
===================





في واحد يبي يشتري منك كل اللوح..!!
يوسف وهو منهمك باللوحه العجيبه اللي يرسمها\ومنوا هذا...!!
لؤي ويجلس على الكرسي\مدري شسمه لكنه عربي..وبيزيد السعر اذا تبي...!!
يوسف رمى نظره على اللوح اللي ماخذه مساحه كبيره من الغرفه وبعدها لف على لؤي\أفكر
لؤي\شنوا تفكر..المساله مايبي لها تفكير..يوسف..خلاص لازم احنا نفكر صح عشان نحقق اللي في بالنا..!!
يوسف بعدم اهميه ويدمج اللونين بسهوله\وشنوا اللي في بالك..!!
لؤي بضيق\طالعني..!!
يوسف رفع شعره اللي مغطي الرؤيه\هممم كمل..
لؤي\أحنا لازم نبدى صح..يوسف..ورمى نظره على يوسف..فهمت..!!
يوسف\أنت قصدك..!!
لؤي\أيه..هذا قصدي..
يوسف بضيق\لاتحاول..أنا ياست..
لؤي\لا ياس مع الحياه..ولا حياه مع اليأس..
يوسف\بعدين لؤي خلني أخلص اللي بأيدي..!!
لؤي\أساعدك..!
يوسف بابتسامه حلوه\مشكور.. وبملل...خلاص لؤي سكر فمك..
لؤي\أوكي..ياحلوك وانت تبتسم تحس أنه الدنيا غير..
يوسف\حبيبي والله..خلص لؤي خلني أخلص..
لؤي\أي والله خلص ..سيلينا بتجي الحين..
يوسف بتأفف\وبعدييييين..قول لها يوسف مايبيك..قول لها بوجهها
لؤي\وليه انت ماتقول لها..!!
يوسف\ماتعودت..
لؤي\شنوا اللي ماتعودت.!!
يوسف\ماتعودت اجرح أحد..
لؤي\يعني أنت تعرف أنها تحبك..!!
يوسف\تتغيبيى مع وجهك
لؤي\يااخي صاحبها ترى بتكسبك ذهب..!!
يوسف\خل الذهب لك ..ماأبيه..يكفي مياعتها..
لؤي\آآآه..ليتها تعطيني نظره وحده..
يوسف\أشوفك متولع فيها...!!
لؤي\ياأخي الوحده تذبح..لا زم اتعلق بأحد..ماعلينا فكر باللي قلتك لك عليه..
يوسف ورجع يكمل رسمه\يصير خير..





في الطياره قريت المسجات اللي جاتني من البنات أكثر من مره ويوم حفظتها قفلت الجوال وكل ماأتذكر انيي مش شايفتهم أتضايق..
لكن اذا شفت الفرحه بعيون أمي تزول الضيقه..
امي اليوم سعادتها لاتقدر بثمن..
بتشوف أهلها..
بتشوف امها وابوها..
صار لها شهور ماشافتهم لأن أحنا متعودين نروح مره في السنه يعني اذا جاء صيف نسافر لهم..
لكن هالمره سفرتنا أحس انها غير..يمكن لعدم وجود ابوي وعشان كذه راح معنا تركي لأنهم مايقدرون يتركونا لوحدنا صح انه ياسر كبير ويعتمد عليه..
بس ولو لازم معنا احد اكبر منه..
واللي مستغربه منه زود أنه تركي رضى بسهوله يروح معنا..غريبه..!!
هذه مش من طبايعه انه يسافر معنا..!!
أكيد عنده شي..والا هالأخو من متى عرف صلة الرحم..
أستغفر الله..يمكن تغير..!!
مستحيييييل..
العالم كلهم يتغيرون الا تركي..!!
أعرفه..
ولد أمي وابوي..

تركي\شوفي نور شنوا تبي..!!
كان تركي جالس بالمقعد اللي جنبي
وامي مع ياسر قدامنا..
قمت وانا أتحسر على هلأخو اللي في ثانيه توقعت انه يتغير
لكن زي ماقلت
صعب انه يتغير

نور...كان نور اخته مش أمه..
آآآه ياتركي..حالتك صعبه..ومميته..

راوين\ها يمه..
نور\حبيبتي راوين تعالي معي الحمام..
راوين\ان شاء الله
مسك تركي أيدي وماتكلم ..
صعب عليه الكلام يكفي نظرته اللي تحرق
وعرفت سؤاله
راوين\بروح مع أمي الحمام..
وسحب يده ولف الجهه الثانيه..



حبيبتي..
سمعته سماح وابتسمت له ..وماقالت شي
أحمد\حبيبتي..سماح
حطت راسها على المخده وبالمووت رديت عليه وكان صوتها مو واضح زين
سماح وهي مستحيه وفيها نوم\نعم
عرف أحمد انها مستحيه وأبتسم بفرح..
يحب خجلها وهذا اللي ذابحه أكثر
أحمد\قومي..يالله
ناظرت سماح الساعه ولقتها تسع
سماح بدلع\أحمد...خلني أنام تو بدري..
احمد\سموحه..قومي بنفطر بره وبعدها بنروح الشقه.
سماح وماستوعبت\أي شقه..؟؟
أحمد\شقتنا..
سماح وفتحت عيونها\شقتنا..!!
أحمد\يالله قومي أنتي كثير تنامين..
سماح\لا والله..طيب ليه أنت جالس على السرير يالله قوم..
أحمد\انا صاحي..مومثلك..
سماح\نفس الشي
أحمد\لا مو نفس الشي.. وتذكر شي...وتأوه بتعب
سماح\سلامتك..فيك شي
أحمد\لا ولاشي..بس ماأبي أحد يخرب وناستي..أخاف أقوم واشيك على التليفون واشوف مكالمه من الدوام..
سماح\واذا كلموك..بتروح
أحمد وهو يتساند على السرير\أكيد..
سماح بحزن\وتخليني..!!
أحمد بحنان\شسوي ياعمري..كلها كم ساعه واجيك..
سماح\أحمد
أحمد بابتسامه حنونه\همممم
سماح\...مهما صار..ومهما أستوى..لاتتركني...... وبرجا فظيع..ارجوك..

أحتار أحمد معاها..
أول مره يشوف الأنكسار اللي بعيونها
هذا غير الضعف اللي يتخلل صوتها
أستغرب كثيير منها
وجاء في بالها تساؤلات كثيره

وعشان يحسسها بالأمان
ضمها وهذه أول مره يضمها
أحمد\مستحيل..مستحيل اتركك بعد مالقيتك..
لاتخافين حبيبتي
لاتخافيـــن

وهنا سماح ماأعترضت
بل بالعكس ضمته أكثر واكثر وهي خايفه
خايفه من كل شي..وتبي الأمان
وغمضت عيونها عشان تتناسى كل شي وماتشوف غير أحمد حبيبها
سماح\وعــــــد..
أحمد ويبوس راسها\وعـــــــد..




أبي أكلمها..
أبي أِشوف شسوت معاه..!!
أكيد اللحين هي مستانسه وطايره..
أيه..!!
موهذا اللي تبيه..!!
كل شي تمنته وخذته..
وانا كل شي تمنيته وماخذته..
ليه الدنيا واقفه ضدي..ومتساهله معاه..!!!
ليه الكل يحبها ويخاف عليها
وأنا مش مهتمين فيني..!!
يعني عشان شنوا ..!!
عشان تطلقت..!!
أنا مو أول وحده تتطلق..!!
ولا أخر وحده..!!
.
.
يارب بمووت قهر..!!
احس نار في قلبي وودي اكفيها
يعني يكفي أني ماسكه اعصابي هاليومين..
واللحين مش قادره ااستحمل الوضع..
لازم اشوف حل..
لازم..!!

وجات فكره في بالي ولازم أنفذها اللحين..!!
دقيت على رقمها..
وظليت انتظرها..
وماردت..
دقيت ثانيه..
وماردت..
دقيت ثالثه وتوني بسكر والا اسمع صوت ضحك عالي..
ركزت عدل وعرفت أنها هي اللي تضحك
سماح\ههههههههه بس..خلني أكلم..
ايوه..
سميه وحبست ضيقتها\هلا بالغاليه..هلا باختي..شخبارك..!؟
سماح وهي مستغربه\سميـــه..
سميه\أيه سميه شفيك..
سماح\لا مافي شي..شخبارك وشخبار أمي..!!
سميه\ بخير يسامون عليك..وأنت شمسويه..!!
سماح بابتسامه\أنا بصحه وعافيه..
سميه وعشان تقهرها\عسى كليتي دواك..!!
سماح وأختفت الأ بتسامه\لا ..لسه ماجاء موعده..
سميه\وينك انتي..!!
سماح\في الفندق
سميه\أها..اوكي حبيبتي سماح بس حبيت أسأل عنك..اكيد أنتي مشغوله اللحين..
سماح\لا عادي
سميه\لالالا فشله وش بيقول عنا أحمد ..اذا حصلت فرصه بكلمك اوكي ..
سماح\طيب
سميه\مع السلامه
سماح\الله يسلمك

=========================






أقول..وجلست جنبها..
شتسوين..!!

فجر وترص على القلم\اللي تشوفينه.!!
غلا ترمش بعيونها\مامليتي..أيدك ماتعبت..!!
فجر ولا عبرتها وتناظر الصفحه\قولي ماشاء الله..وبعدين هذا مساحتي الحره..رجاء..لاتزعجيني..!!
غلا\أوف..اوف..زهق..طفششششششش..الواحد ليته خذ صيفي وافتك من هالروتين اليومي..على الأقل بيجابل ناس..
فجر وافصخت نظارتها\أنتي ليش دايم متذمره..!!سوي لك شي ينفعك بدال هالكلام اللي مايودي ولا يجيب..!!
غلا\حاولت..صدقيني حاولت..بس تعبت ..مدري شسوي..وغير كذه مضى اكثر من اسبوع ونص وأحنا مانشوف أحد ..ياربي انا ماتعودت على الحكره بالبيت..ياربي..
فجر تقلد صوتها أختها الناعم مررره\تعودي ياحبيبتي مافيها شي..
غلا\ماأبي..ماأبي..ماأبي..وبعدين أنا مااسمحلك تقلديني..وبنعومه اكثر هي ترمش عيونها..فهمتي..!!
فجر بنفس الصوت\أيه...فهمت..
غلا\فجـــــــــــــــــــــــر
فجر\غـــــــــــــــــــــلا
غلا\لاتقلديني..
فجر\طيب..عفيه غلا خليني لوحدي..دقايق بس..
غلا\اوكي..أمري لله..بدق على العجوز جمانوا..ماعندي غيرها كل وحده تشكي من الزهق..وطلعت
فجر\غلا..
غلا\نعم..
فجر\سكري الباب..
غلا وكاتمه عصبيتها\طيييييييييب
فجر\ياقلبي على اختي الصغيرونه..

بعد ماطلعت غلا من عند فجر دقت على جمانه تليفون..
وعلى طول جمانه ردت لأن مافي أحد في بيت جدها فاضي..

جمانه\الو..
غلا بدلع\الو..هلا جمانه..
جمانه\أهلين..كيفك خيتوا..!!منيحه..!!
غلا\أنا..الحمدلله..نشكر الله..انتي كفيك..!!وكيف الزهق معك..!!
جمانه ورجعت لدفاشتها\أقول ..بلا هذره زايده..غلوه..
غلا\شتبين..؟
جمانه\زهقانه..
غلا\ههههههههههههه
جمانه\ليش تظحكين..!!
غلا\لأني توني أقول لــ فجر...زهق ..مليت..
جمانه\أي والله صادقه..شنسوي..!!يااختي محسوب علينا عطله على الفاضي..أووف..والمشكله أبي أطلع أسافر قبل مايبتدي التسجيل حق الكليات..!!
غلا\أي والله صادقه..على طاي التسجيل..شنوا ناويه تدخلين..!!
جمانه\تصدقين عاد..مدري..
غلا\من صجك..
جمانه\أيه من صجي..!!
غلا\تعالي معي بالجامعه عشان اقول لهم هالخبله بنت عمتي..
جمانه بصراخ\خبــــله ماغيــــرك..مالت عليك..يالمايعه....
غلا\أجل دفشه مثلك..سوري حبيبتي عندي مايعه أهون من دفشه..!!
جمانه\طيري بس طيري..
غلا\من يطول..بس من يطول..ماعلينا..جمانوا..أبي أطلع..شوفي حل..
جمانه\ومن كثر الأخوان اللي عندي عشان اقول لهم..يااختي أنتي عندك هيثم قولي له..
غلا\هيثم...مو موجود..طالع..اقول جمانه قولي لــ سلطان واللي يسلمك..
جمانه\نفس الشي سلطان طالع..

جمانه+غلا بصوت عالي\اووووووووووووف
غلا\شوفي..بدق على هيثم يمكن يرضى يطلعنا..
جمانه بفرح\أوكي لاتطولين أنتظرك..
غلا\باااي..
جمانه\بااايات..


وعلى طول غلا دقت على أخوها وقالت له..
وكان معه سلطان والوليد وطلال..
وبعد جهد جهيد...
وافــــــــــقوا..
لكن المشكله..انه فجر ماتبي تطلع..
لأنه منشغله في خاطره جديده..
لكن غلا ماخلتها...وحاولت فيها..
وبالأخير ياست منها..وتركتها لحالها..
وعلى طول غلا cnnلــ جمانه..وجمانه cnnلــ ابتسام..

وللأسف الطلعه ماتحلى بدون راوين..
صحيح أنها هاديه..لكن لها مكااااااااان كبير..
وايضا فجر...لكن عادي تعودوا عليها..فجر اذا كانت مشغوله ماتحب أحد يزعجها ويهجم على عالمها الخاص..

المهم..الكل راح بيت جدهم عشان ياخذون جمانه..
وأنقسموا لــ سيارتين..

سياره فيها سلطان والبنات,,
وسياره فيها الشباب
---------
جمانه\ونااااااااااااااااااااسه..واخيرا أحد عبرنا وطلعنا..
غلا\اقول جمانوا..لولا اللله ثم أنا..كان ماطلعتيز.يعني حمدي ربك وشكريه ألف مره انا عندك بنت خال مثلي..
سلطان\لا انتي ولا هي..أحنا اللي طلعناكم..لاتنسون لو سمحتم..
ابتسام\ويه..بدى سلطان يمن علينا..
سلطان\أبي أعرف شي واحد..متى بتعبروني وبتسموني عمي..ها..!!
ابتسام\ههههههههههه لمن تحج البقر على قرونها..
سلطان\أوريكم يابنات اخوي أن طلعتكم مره ثانيه..لمن تحج البقر على قرونها..ها..!!
ابتسام وبدت تتمسكن\أفا والله عمي الغالي أنت زعلت.. مايصير عمي الصغيرون يزعل علينا..أنت قدوتنا وأملنا..
غلا وترمش عيونها وفيها الظحكه\وسندنا
جمانه\هههههههههههههه وعزوتنا...حشى قلبناها مسلسل..
سلطان\ماااااااااااااااااالت عليكم..والله الشرهه على اللي عازلكم بسياره خاصه كأنكم أميرات...والله مافيكم حيا..
ابتسام\سلطان عاد لاتزعل ..والله أحنا نتغشمر...
سلطان\أيه واضح..ودق تليفون سلطان هاللحظه..

الوليد\الو..
سلطان\الوليد الحقني بنات عمك اذيابه جنونوني...
الولي\ليه شفيهم..
سلطان\مش مخليني اسوق براحه..ليتهم ماكبوا معاي
جمانه وبصراخ\لا والله..الله يعلم مين اللي مطفرنا ويبي يسولف باي وسيله..
ابتسام\الوليد..لا تصدقه..
سلطان\وقسم بالله مافيكم حيا ولامستحى..الو
الوليد\هههههههههههه..سلطان الله يعينك..أحسن محد قالك تركبهم سيارتك..المهم وين بتروحون..!!
سلطان\مدري والله شرايكم أنتوا..!!
الوليد\هيثم يقول على راحة البنات..
سلطان\بنات العالي..وين بتروحون..!!
غلا\خلونا نروح جيان..في بلوزه في بورشيكا ومشتهيه أشتريها..
ابتسام باعتراض\لالالا..مانبي سوق طقت كبدنا من السوقه..
غلا\شفيك انتي جيان فيه كل شي..نتسوق وبعدين نتعشى..شرايك سلطان
سلطان\كيفكم
جمانه\حتى أحنا اللي تبونه روحوه..
ابتسام\أووووف
سلطان بضيق\يالله عاد استقروا على مكان..!!
ابتسام\خلااااص نروح جيان..
غلا\عفيه على بنت عمي حبيبتي أنتي..
ابتسام\شسوي فيك بعد أدري أنك تموتين في السوق ..ينط لك عرق اذا نزلوا بضاعه جديده وماشفتيها..
غلا باحراج\بايخـــه..ونزلت عيونها
سلطان\خلاص الوليد جيان..
الوليد\اوكي باااي..









مدري شقول..ومدري أيش أحكي..
..الـــهــنــــد..
شفت فيها الألم...والفقر.
شفت فيها السكوت.. والجروح..
ياااااه ..يادنيا...
أنتي بنظري..

ولاشي...!!
\
/
\
/
\
/
كل سنه اذا رحت فيها الهند نطلع للسوق نتشمى أحنا وخالتي
نشوف الناس..نشوف الخضره والطبيعه والأنهار..
شي خيالي..
شي لايوصف..
تحسين أنك غير..
تحسين لحظه أنك بجنه حلوه..
جميله..
لكن هالجنه غريبه..
غريبة الوصف

ناس تشبع..وناس تموت جوع
ناس تضحك..وناس تبكي
ناس تحيا..وناس تموت..
..تمـــوت..
ايه تموت..تموت حاجه..تموت مرض وهموم..

ماتلقى نتفة خبز تاكلها..
ولاتلقى مظله تسترها من حرارة الشمس
ولاتلقى مأوى تستر فيه نفسها..

كلن ضايع..
كلن متشتت
كلن متغرب
كلن منبوذ..

معقوله عشانهم كثار..
والا عشان الجرايم اللي فيها
والا يمكن.. كثرة ديانتهم..!!

أكيد..عشان دياناتهم المختلفه..
نحطها اكبر الأحتمالات ..لعل وعسى نقتنع بالأجابه..!!

ولأني مقدر أستحمل نظرة الحاجه من أحد...
كنت كل مره احول جزء من مصروفي الى العمله الهنديه..
واذا رحت السوق الشعبي حقهم اوزع هالمبلغ على الأطفال اللي ساكنين بالحي ..
وأحاول قد ماأقدر اعطي الأغلبيه؟؟
يمكن أفيدهم..ولو بقليل..

صدقوني ماتتخيلون قد أيش تكونين فرحتي وأنا أعطيهم..
أحس أني أكون..طايره من الفرحه..
احس قلبي يكون مرتاح وصافي..
احس أني زاهـــده..زاهده من الدنيا ومافيها..

لكن في موقف مر علي السنه اللي طافت وهذا الموقف مستحيل أنساه
كنت مره وأنا أوزع هالدراهم التموا علي العيال كلهم ومن كثرهم
مش ملحقه اعطي مين والا مين..!!
وكنت أضحك على هجومهم الغريب..
ويوم خلصت الفلوس..راحوا العيال بهجوم مثل ماجاوا بهجوم
وبعدها
شفت واحد صغير وفي عينه دمعه..
واللي ذبحني زياده أنه مسح دمعته بايده وهو يطالعني..

قربت منه ونزلت لمستواه وسألته بحنان..!!
شفيك..!!

ولارد علي..!!
سألته ثانيه وأنا أحاول أحسسه بالأمان وأطمنه..
لكن نفس الشي مارضى ينطق بحرف..!!

وشكله كذا حس أني مستغربه منه..
ويوم شفت انه طال سكوته مشيته معي لمحل كان يبيع فيه عصاير وسندويشات
وشريت له وأعطيته أياه ..وهو على طول ماتردد وقام ياكل بشراهه وكأنه له أسبوع ماذاق طعم الأكل..
ابتسمت له وأنا أمسح على شعره بحنان
أحس أنه كاسر خاطري ..ومش عارفه أيش أسوي له..
ومن كثر ماني كنت سرحانه فيه مالاحظت على اللي كان واقف قدامي..

وماحسيت الا بايد قويه تمسك ذراعي..
ويوم رفعت وجهي..

شفت..
تركـــي..
أخوي..

وبكل وقاحه جرني زي الشنطه قدام الله وخلقه وركبني السياره وهو في باله اني جايه السوق لوحدي

تتوقعون أيش ردة فعلي من الموضوع..!!
سكــــت..
وفي عيني الف دمعه ودمعه..

ويوم مرينا جنب الولد بالسياره..شفته الولد يطالعني وبعينه رجا..
وحسره وندم..
\
/
\
/
\
/
واليوم وزي كل مره نجي فيها الهند ..طلعنا لنفس السوق وكلي أمل أني اشوفه..
أحس أني مشتاقه له..
ودي أكلمه..
أعرفه أكثر..
لكن
ماشفتـــه في البدايه..و مايأست..
حاولت أدور عليه في كل مكان بين الدكاكين والمحلات.. والبيوت الصغيره..
ودققت النظرعلى الأولاد اللي يلعبون بالشارع واللي يمشون.. يمكن اشوفه..
لمن تعبـــت..
والنتيجه وحده..

مالقيــته.
=========

تكملة الجزء العاشر
================



كانوا معاهم في كل محل يدخلونه..صايرين زي النحله من مكان لمكان..
ورجولهم لسه ماتعبت فيها حييل على المشي ..
ويوم زهقوا ووصل الطبلون حده..
صرخ عليهم هيثم وهو كاره الساعه اللي جاء فيها معاهم..
هيثم\وقسم بالله انهم ماينعطون وجه..
طلال ويضحك على عصبية هيثم\أقول هيثم تراك ماشفت شي أنا سماح ورتني الويل في المجمعات..
هيثم\بس أنا ماتعود على هالشيء..أقول امشوا نتركهم ونروح نتمشى لوحدنا..
سلطان باعتراض\لا ياحبيبي أنت شايف كيف المجمع متروس شباب ولا ويقولون ممنوع دخول العزاب.ياأخي أنا اشوف الشباب أكثر من الحريم..
الوليد\تشوف كل واحد جاي مع صديقته ويدخل بسهوله..والا جاي مع أهله وغاطهم وراح مع ربعه..والله حاله..



الكاتبه:"وصيت قلبي عليك"

 
 

 

عرض البوم صور brune   رد مع اقتباس
إضافة رد

مواقع النشر (المفضلة)

الكلمات الدلالية (Tags)
القسم العام للروايات, الكاتبة : وصيت قلبي عليك .., برد وجفا ونسمة هوى, برد وجفا ونسمة هوى ، للكاتبة : وصيت قلبي عليك .., شبكة ليلاس الثقافية
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 04:26 AM.


مجلة الاميرات 

 



Powered by vBulletin® Version 3.8.11
Copyright ©2000 - 2020, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية