كاتب الموضوع :
galalgalal
المنتدى :
الارشيف
لا ياعم ابراهيم ياملولى 00 انا لحمى مر
بص ياحبيبى ياابراهيم
انا لحمى مر ومااتكلش اونطه 00 اه
انا قلت تثبيت يعنى تثبيت 00 وربنا اتحداك من المحيط للخليج للى يجيب لى النسخة دى
ياعم ابراهيم والنبى علشان خاطرى تنور مشاركاتى 00 انا باتباشر بيك قوى
وبالنسبة للخلط الحاصل بين المصطفيين 00 ارجو فك الاشتباك فورا واعلان الهوية عند الكتابة حتى
لا اقع فى الخطأ 00 لان الاستاذ مصطفى ( كبير الحته دى كلها ) عمل معاى اكبر واجب ورحب بى
اجمل ترحيب وقدم لى هدية ح افضل مديون بيها لحد ماربنا يسهل وهو يعفى عنى !!
وبالنسبة للاستاذ مصطفى الاخر اللى من المغرب برضه 00 انت طلبت الاتصال واعطيتك الايميل ولم اتلق اى شىء مستعجل منك !! عل المانع خيرا باذن الله
وتانى ياابراهيم 00 على التثبيت عدل
وللا اقولك 00 افتح لى دكان على قدى احط فيها كتبى كلها ايه رايك ؟؟
كلم الادارة وشوف ح ياخدوا خلو رجل اد ايه 00 وانا مستعد من جنيه استرلينى لدولار استرالى انا فييس ( مصطلح مصرى معناه بيصرف كتير - لمن لم يسعده الحظ بزيارة ام الدنيا )
وشوف ح نكتب العقد امتى علشان الحق ادهن الدكان واعلق اليفط وانت عارف الباقى بقى ياابو خليل
حب واحترام
محمد جلال
|
30-04-07, 07:58 PM
المشاركة رقم: 1
اناتول فرانس , تاييس فاتنة الاسكندرية
جديد مواضيع قسم الارشيف
العرض العادي
