لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > قسم الارشيف والمواضيع القديمة > الارشيف
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

الارشيف يحتوي على مواضيع قديمة او مواضيع مكررة او محتوى روابط غير عاملة لقدمها


قصه أماراتيه لو تدري كم أحبـــك

هااي القصه من تأليفي وأتمنا تعيبكم... البدايه بعطيكم نبذه عن الشخصيات الي في القصه .. :3eo05175: عائلة محمد الكتبي - سعيد الولد البجر وعمره 25

 
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 18-02-07, 09:06 AM   المشاركة رقم: 1
المعلومات
الكاتب:
اللقب:

البيانات
التسجيل: Dec 2006
العضوية: 19656
المشاركات: 33
الجنس أنثى
معدل التقييم: أسامي الحلوه عضو بحاجه الى تحسين وضعه
نقاط التقييم: 10

االدولة
البلدJapan
 
مدونتي

 

الإتصالات
الحالة:
أسامي الحلوه غير متواجد حالياً
وسائل الإتصال:

المنتدى : الارشيف
Love قصه أماراتيه لو تدري كم أحبـــك

 

هااي القصه من تأليفي
وأتمنا تعيبكم...

البدايه بعطيكم نبذه عن الشخصيات الي في القصه ..
:3eo05175:

عائلة محمد الكتبي
- سعيد الولد البجر وعمره 25 وحرمته أمنه وعمرها 22متزوجين من سنتين وعندهم ولد اسمه حمد وعمره سنه....
- عبدالله عقب سعيد وعمره 23 عازب يشتغل في الشرطه.
- سيف عمره 21 ولد مرحه وايد يستهبل وهوه وسيم .
- ميثه بنت عمرها 17 طفوليه ووايد شيطانه ومرحه وطيبه اكثر عن اللزوم وشخصيه حلووه وعندها ربيعه الروح بروح اسمها العنود .
- مايد عمره 15 سنوات ووايد موزعج .
- شمسه اخت ميثه اصغر عنها 3سنين وعمرها14 سنه .
- عمر عمره 8 سنوات سبحان الخالق حلوو وايد ماشاء الله عليه.
- نوره أخر العنقود وعمرها 3سنين.

_عائلة سلطان المنصوري.
أحمد الولد البجر وعمره 30 متزوج وحرمته نوره وعندهم اربع أعيال 3 بنات وولد واحد ومنهم فاطمه عمرها 10 سنوات وهيه الكبيره وداد عمرها8 سنوات
ميره عمرها 4 سنوات والولد الوحيد سلطان عمره سنتين .
- حميد عمره 25 وهو ربيع سعيد وهو متزوج من سنه وحرمته فاطمه حامل في الشهر السابع .
- حمد عمره 21 يدرس في كلية الطيران مع سيف وهوه مرح طيب ووايد ووسيم أحلى بوايد عن سيف وهوه ربيع سيف الروح بروح .
- عواش وفطوم توائم عمرهم17 وايا ميثه والعنود ربع في المدرسه.
- عفراء عمرها10 سنوات وهيه اخر العنقود مشاغبه وايد .

_ عائلة عبدالله الكتبي.
- وليد الولد البجر عمره 23 عازب .
- عبيد عمره 21 وهوه يشتغل في الشرطه وصديق لسيف .
- و العنود بنت شخصيه حلووه وسياسيه البنت عمرها 17.
- شيخه عمرها 14 ربيعة شمسه .
- لطيفه عمرها 7 سنوات اخر العتقود.

البدايـــــــــــــــــــــــــــــه


***الجــــــــزء الاول***

ميثه : شموس ولعنه قومي الباص بيي ما بسرين النادي عنود وشويخ يتريونا .
شمسه : اف بقوم الحين وذا .
ميثه : هذه جزاي اذا يت اوعيج
شموش : أنزين فكينا خلاص .
قامت شموس وسارت الحمام تغسل وياها بسرعه وخمس دقايق وبيي الباص .
وركبن الباص وروح النادي وفي الباص طبعا حشره البنات الصغار هاي تضرب والثانيه ترد الضربه .
ميثه : اف شوه ها حوو اسكتن ماتعرفن تنطبن هااااا.
حصووه :ههههههههههههههههههههههههههههههههه والله انهن انطبن .
وشوي جان ما ينطر الباص وبغيم البنات وميثه وحصه اصكعن فوق .
ميثه: أي راسي انكسر.
حصوه: ماعليه بشوف انت ان ما خبرت المديره
شموش: ماعليه بشوف يا مسود الويه.
حصووه: صدق ميثووه بتي العنود اليوم.
ميثه : هيه بتي ياولها ان مايت بمطها من شعرها.
ووصلن النادي وعاده لين ماينزلن البنات خير وينزلن ولن الحرس الاميري عند الباب طبعا العنود وشيخه .
وتويهن البنات ..................
ميثه: هلا........ شحالج الغلا شخبارج اشتقت لج ...
العنود : والله فديتج حتى انا.
ميثه: شحالج شيخه.
شيخه: بخير والحمدالله .
شموس : يالله تعالن نسير الكفتريا.
وروحن الكفتريا ويالسن عند الطاوله الاخيره وطلبن كل العاده ورق عنب الاكله المفضله.
ميثه : وين ما ين عواش وفطوم والله أشتقت لهن.
العنود: فطوم كانت متصله يوم الخميس تقول ماتروم تي.
وتمن يرمسن وبعدين روحن يحوطن ووصلت الساعه 11 الظهره .
حسينه : يالله يا بنات البص كاه .
العنود : نحن باصنا يااه .
حسينه : االباصات كولها هينه .
العنود : زين عيل.
ميثه : عيل باااااااااااااااااااااااااااااااااي .
العنود : باااااي
حصوه : هههههههههه مع السلامه العنود
وركبن الباص شمسه وميثه وحصه طبعا الكرسي الوراني
حصه: ميثوه بتين باجر .
ميثه : أن ين فطوم وعواش بيي .
حصه: هيه على طاري فطوم وعواش شفت أخوهن حمد ما شاء الله عليه غير عنهن حلوو وايد.
ميثه: هيه دوم ويا اخوي سيف بس تعرفين ولا مره شفته.
حصه: عيل فاتج ههههههههههههههه.
شموس: هيه بدن ألحين.
وتنقعن حصوه وميثوه من الضحك على شموس البنت في حالها وتمن يرمسن ويخربطن لين وصلن البيت تراء حصه كبر شمسه بس اكثر شي تيالس يا ميثوه .
ونزلن من الباص وحدرن الصاله ولكل كان يالس وسالماَ على الجميع ويت صوبهن نوره
نوره : ميثوه يبتالي حلوه .
ميثه : هيه فديتج اندوج مصاصه وجالكسي .
عمر: وانا .
ميثه: اندوك حبيبي.
مايد: وأناااااااااااااااااااااااااا.
ميثه : سير لا.
مايد: صدق انج زطيه.
أم سعيد: فكونا كل يوم هل المنوال أزين ها شو سويتن في النادي .
ميثوه: هيه سرنا عند ابلة الفنيه .
وتمت تخرط ميثوه و شمسه من الجها الثاني أطلعها وتضحك وجان تي شموس وتكمل عن ميثوه وأزيد جذب من عندها ...
وسارن الحجره يبدلن ثيابهن وبدلن وجان ماتي أمنه حرمة سعيد وتيلس وياهن وترمس.
ميثوه: عيل وين حمود .
أمنه: فديته تواني يايبتن يلعب ويا نوره.
أمنه: وشخباركن بعد.
ميثه: بخير أسلم عليج.
أمنه: ههههههههههههههه عنز.
ميثه: وأنتي حرمة التيس.
أمنه: لاوالله.
ميثه: تراء أنا عنز وأنتي حرمة أخو العنز ههههههههههههههههههههه.
شموس : فكنا خلاص .
أمنه: شحالها العنود من زمان ما شفتها.
ميثه : بخير دوم تسأل عنج هيه حصوه أسلم عليج .
أمنه : الله يسلمها.
وأذن جان مايقومن يصلن وصلا ن وخلاصن وسارن يتغدن
وطبعا عقب ما خلاصن الغداء غامن سارن الكمبيوتر وفتحن النت
ويلست ميثوه تحدر المنتديات وكان واحد سوري في واحد من المنتديات معجب بها ويطرش رسايل وهيه شاقه البوز فرحنه تحب وايد السورين واللبنانين عاده قويه هاي معجب الريال ههههههههههههههههههههه.
شموس : أنزين يالله حدري هال المنتدى.
ميثوه: أوكيه.
على الطاري تراء البنات العنود وميثه وشموس مسميات أسمي شباب في واحد من المنتديات بس كانت بنت عمة ميثوه فطامي متعونه ويا ميثوه أسميها ريالي وميثوه أسميها حرمتي قاصات على عمرهن .
ميثوه: فطامي حد .
شموس : مادريبها.
شموس وميثوه تبدلن النظرات
شموس : تعالي نحدر الجات .
ميثوه: أخاف من سيف لو يدري .
شموس: ماعليج منه .
وحدرت الجات وسمت أسمها الــكــتــ ميــثــوووه ـــبــي وتخبلو الشباب الي هناك جان ماتحدر روم مافيه الا ثلاثه وتم ترمس بروحها ومحد يعطها سالفه وبعدين تمت تأفف وجان يطلع واحد هناك أسمه المنصوووري
المنصوووري: أي شوبلج أنتي أتحرطمين.
ميثوه: كيفي يأخي .
المنصوووري: اونه كيفج.
ميثوه: هيه كيفي عندك مانع.
المنصوووري: لا عندي سالم هههههههههههه.
ميثوه: سيرلا ... بــــــــــــــــــــــــــــــــــايخ.
المنصوووري: لاتخبرين حد.
ميثوه: أنطب .
المنصوووري: جلبي ويهج .
ميثوه: مابجلب ويهي وغياض لك .
المنصوووري : أحسن .
ميثوه:أحسن في عيانك يا الدب.
المنصوووري: أنتي الدبه .
ميثوه: كيف عرفت .
المنصوووري:ههههههههههههههههههاي
ميثوه: لاتخبر حد.
المنصوووري: بخبر مب كيفج .
ميثوه:افــــــ منك لوعه .
المنصوووري : زوعي .
ميثوه: وع لوعت جبد .
ميثوه: يا الياهل .
المنصوووري : كيفي ياهل .
ميثوه :يعترف هههههههههههههههههههههههههه.
المنصوووري :تخسين انتي الياهل .
ميثوه: جااااب تخسي انا ياهل .
فــــــــــــــزاع : اف شو بلاهم اليهال يضاربون .
المنصوووري : احيد اليهال تحت 20 .
هتــــــــــلر : لا تحت 18.
ميثوه: هيه لين 18.
المنصوووري: أنزين أنتي كم عمرج.
ميثوه:19.(جذووب)
المنصوووري : عيل اسكتي يا الياهل انا اكبر منج عمري 21.
ميثوه: مبروك ياالشيبه.
المنصوووري: تخسين انا مب شيبه.
ميثوه : اف بطلع ياالله مع السلامه .
المنصوووري: بلا رده .
ميثوه: جااااب باااااااااااااااااااااااااااااااااااااااي
المنصووري : باااااااي هههههههههههههههههه.
وقامت ميثوه عن الكمبيوتر دار راسها منه هل المنصوووري ويلست شموس على النت وسارت ميثوه ترقد لين العصر .
وجان تنش العصر عظامها متكسره وسارت تغسل ويهاه وصلت الساعه 5 وبعدها ما صلت والمكسيكي نصه طاف عقب ماصلت سارت حجرة التلفازيون ولقت شمسه طايحه يالس اطالع المكسيكي
ميثوه: أي ليش ما توعيني يوم يا المكسيكي .
شموس : نسيت.
ميثوه: صح شو سوت خيمنه وحبيبها .
شموس: عقب يوم يخلاص بخبرج.
وتمن يطلعن لين خلاص وتم شموس تخبر ميثوه شو استو والبنت مندمجه
وروحت ميثه عن شمسه وسارت تبا تتصل حق ربعها اتصلت حق العنود محد رد جان تتصل حق فطوم وعواش جان بترد وحده منهن تم يرن ويرن ..................
في بيت سلطان المنصوري كان حمد منسدح على الكرسي وفطوم وعواش برع يرمسن ويرن التلفون ويرن ومحد يشله.
حمد: حد إيي يشل التلفون لزم انا أرد.
و يقوم حمد ويرد على التلفون.
ميثوه: ألوووووو (بطريقه مضحك من القهر الي فيها)
حمد : هااااااااااا.
ميثوه: ألوو السلام عليكم.
حمد: وعليكم السلام.
ميثوه: وين فاطمه وعائشه.
حمد: عنبو تبينهن كلاهن مره وحده .
ماعرفت ميثوه شو أسوي كان ودها اسكر في ويهه من القفطه ومن الجهه الثانيه حمد تخبل على الصوت وده يضحك على البنت.
ميثوه : أنزين وين فطوم.
حمد في خاطره يضحك: أوكيه صبري شوي .
وقام حمد يزغر فطوم وعواش .
حمد: فطوم تاعلي أربيعج تباج على التلفون.
فطوم : الحين بيي تعالي يالله نقوم عواش أضني ميثوه هاي.
عائشه: يالله ماروم اقوم شلني.
فطوم: لاوالله.
وقامت عواش وسارن عند التلفون وشالت فطوم التلفون
فطوم : الووو السلام عليكم .
ميثوه: وعليكم السلام وينج عنبو.
فطوم: كانا انا وعواش يلسين بارع في الحوي .
ميثوه: هيه أنزين منو رد عليه أول شي.
فطوم : هذا حمد شو قال لج.
ميثوه: ماشي بس أسأل .
ويلسن يرمسن ويسوالفن وخذت عواش التلفون تمت ترمس ويها وحمد من نص عينه يطالع حمد يقول في نفسه أنا أول مره ارمس بنت جذيه عنبو شو استوابي يننتني البنت الي في الجات اليوم والله لاحول ولاقوة الابالله
وتم يذاكر ويضحك على عمره شرا الخبله .
في بيت ميثوه عقب ما سكرت عن فطوم وعواش تمت تفكر في حمد خذ قلبها وروحت أصلي المغرب وعقب سارت أطلع شو العشاء وسوت قرص على طريقه أندولسيا معلمتنها ايها البشكاره .
وعقب ما خلصو العشاء أجتمعو سيف وام سعيد وابوسعيد وميثوه ومايد سار يلعب بيلاي ستيشن 2 وشموس سارت ويا امنه.
سيف: أبويه متى منسافر عيل..
أبو سعيد: والله أول سبعه علشان الاجازه مالك ومال عبدالله.
ميثوه:والله بنسافر وين.
أبو سعيد: والله بنتي بنسافر العمره.
ميثوه:أبويه حد بسير ويانا.
أبوسعيد:هيه قوم ولد عمي عبدالله الكتبي.
ميثوه: يعني العنود بسير الله.
سيف: هيه وبعد قوم أربيعي حمد المنصوري.
ميثوه ماتت من الفرحه يعني فطوم وعواش بسيرن عيل حلوو وسارت ميثوه حجارتها اتصلي وترقد لانها ماتحب تسهر وايد .
في بيت عبدالله الكتبي عنود يلسه تقلب المجله ومالنه ويته شيخه تربع .
شيخه: عنود منسيار العمره وياا قوم ميثوه.
العنود: أحلفي .
شيخه: لاأجذب عليج بنسير عيل شو.
العنود: زين والله .
عبيد: منوقالج أنتي.
شيخه: سمعت أبويه و أمايه يقولن من قبل أشوي .
عبيد: أنزين جلبي ويهج سيري أرقدي.
شيخه: عنبو الساعه عشر الحين.
عبيد: وخير يعني سيري أرقدي ماعندنا يهال يسهرون.
شيخه: حرام عليك عبيد أبا ايالس وياكم .
عبيد: الحين العنود بتي وراج.
العنود: لاوالله أنا مب ياهل .
عبيد: يالله شيخوه جدامي .
وعبيد يروغ شيخه وشيخه متغصصه من العنود إلي يالسه تضحك عليها .
عبيد: إضحكي أنتي يالله ورها.
العنود: مابسير .
ويرن تلفون عبيد.
سيف: مرررحبا.
عبيد: مررحبتين .
سيف: شحالك يا الغاطع.
عبيد: بخير والحمدالله أسمحلي نسيتك .
سيف : وانا بعد نسيتك بس غالط في الرقم جان تطلع أنته ههههههههه.
عبيد:هههههه وشحالك أنته .
سيف : بخير والحمدالله أنزين اليوم بنتيمع في الميلس تعال نترياك.
عبيد : أوكيه عشر دقايق وياي .
وسكروالعنود كانت مندمجه تسمع يوم صد عبيد صوابها أونها أطلع التلفزيون .
عبيد: يوم بيي ما أبا ألغاا حد في هنيه أنزين.
العنود: أنزين .
وروح عبيد ولانه شيخه يايه.
شيخه:وين عبيد.
العنود: راوح.
شيخه: وين؟
العنو: عند ربعه .
شيخه: زين عيل اليوم بسهر .
العنود: لاتفرحين ما بتأخر وايد.
الصبح في بيت محمد الكتبي ميثوه ناشه الساعه سبع الصبح ما تروم ترقد أكثر ومالنه وطلع عبدالله بسير الشغل .
عبد الله: ماشاء الله شوأسوين من ألحين واعيه.
ميثوه: ماأروم أرقد أحسن مب شرا شموس تنش 11 وله 12.
عبدالله:هاي حياتها رقاد وسهر أمباحره يوم يات الساعه2 لقيتها واعيه تقول جنيه.
عبدالله : عيل بسيرأخاف أتاخر تبين شي.
ميثوه: لاأخوي سلامك مع السلامه.
ميثوه ووايد تحب أخوها عبدالله وهوه وايد يحبها وهو انسان طيب وخلوق يحب أخواته وايد وما يرفض لهن طلب ويلست شوي أطلع التلفازيون
ولانها الساعه 8 و سارت وتريقت وتمت ترمس ويا أبوها وأمها شويه
وقامت ميثوه وشغلت ألب توب مالها ودخلت النت وحدرت الجات وسمت عمرها ( الـــكــتـ ميثوووه ــبــي ) وعقب لانه واحد أسمه المنصوووري يباها على الخاص وحدرت عليه .
المنصوووري: السلام عليكم ورحمة الله وبركاته.
ميثووه: وعليكم السلام ورحمة الله وبركاته.
المنصوووري: شحالج.
ميثوه: بخير والحمدالله.
المنصوووري : ماعرفتيني .
ميثوه: صبر أنت ألي أضربت وياه.
المنصوووري: ههههه متى أضربت وياج أنا.
ميثوه: ماأدريبك.
المنصوووري: ههههههههههه والله.
ميثوه: أنزين أنت شوأسمك.
المنصوووري:ما بخبرج
ميثوه:أعوذ بالله لاتخبر.
المنصوووري: خلاص أسمي حمد.
ميثوه: تعرف أنا أموت على هل الاسم .
حمد: والله.
ميثوه:والله .
حمد: لاتخبرين حد .
ميثوه: هههههههههههههههههههههههاي.
حمد:أنتي من وين
ميثوه: الشارجه.
حمد: هلا وغلا بأهل دارنا.
ميثوه: أنت من الشارجه .
حمد: أيوه.
ميثوه: أنزبن من وين في الشارجه.
حمد: من.................
قبلها نطر من وين هيه ساكنه يعني حمد أخو فطوم وعواش وتمت تفكر وما أنتبهت له.
حمد: وينج.
ميثوه: هاااااااااااا موجوده.
حمد: أنزين: أنتي من وين.
ميثوه : مب لزم أخبرك.
حمد: أحسن أباج جذيه.
ميثوه: أنزين يالله مع السلامه.
حمد : باااااااااااااااااي.
وسكرت ولانه الساعه 12 مر الوقت بسرعه وتمت تفكر وترمس وتقول يويلي لو عرفني ياسواد ويهي أنا وأنا ولان شموس أختها يايه .
شموس: شو أسوين أنتي تتحرطمين روحج ينتي.
كان شكل ميثه متغير ومب عاطيه شمسه ويه شمسه أستغربت أول مره تكون ميثه بها الشكل زاغت.
شمسه: ميـــــــــــــــــــــــــثوه .
ميثه أخيرا أنتبهت حق شموس وأبتسمت حقها : هاا شو بلاج .
شموس: أنتي شو بلاج.
ميثوه: ماشي .
شموس: أنا أعرفج شي بلاج.
ميثوه: ما شي أفكر بس .
شموس: جذووب أعرفج.
ميثوه: يا أخي خلاص فكينا مالج خص.
شموس: أعوذ بالله.
وفي بيت سلطان المنصووري فطوم يالسه عند فاطمه حرمة حميد ترمس وياها .
فطوم : أن شاء الله تيبين بنت شراتي .
فاطمه: ههههه يمكن أيب ولد شو دراج.
فطوم: المهم حلو شراتي.
فاطمه: وييي ما أبا عيالي خسفين شراتج.
فطوم : أن خسفه حررام عليج أنا حد جملي أصلا .
فاطمه: هيه أنا وريالي .
لن عواش يايه.
عواش: الحرمه قاصه على عمرها هههههههههه.
فاطمه: هيه صدق بسيرون العمره.
فطوم: والله.
فاطمه: هيه عيل شو بس نحن ما بنسير وياكم لانه حميد ما يروم باخذ أجازه وأنا حامل .
عواش : والله عيل بنتم روحنا.
فاطمه: لا قوم أخوج أحمد وبسير وياكم وعرب.
فطوم : منوه العرب.
فاطمه: قوم محمد الكتبي وعبدالله الكتبي.
فطوم وعواش بصوت عالي: وووووووواااااااووووووو.
فاطمه: شو بلاكن ليسمعكن أبوكن وأخونكن الحين .
فطوم: ياأخي من الفرحه يعني ميثوه والعنود بيسيرن اللـــــــــــــــــــه.
فاطمه: هيه شحالها ميثوه من زمان مايت عندنا.
عواش: عنبو قدت حرمه تستحي أونها.
فاطمه: ههههههه حليلها محد خطبها.
فطوم : ماأظني أصلا هيه تب تعرس يوم تخلص الجامعه أونها بعدها صغيرونه.
عواش: بسكن من الرمسه يالله نقوم أن صلي .
في بيت محمد بعد ما خلصو الصلاه تراء سيف عازم حمد على الغداء وياااه حمد وتغدو وخلصو وطاع أبو سعيد يرقد وطلع وراه سعيد ومحد بقى في الميلس غير سيف وحمـد .
سيف: بسير شوي أيب المعبي وبيي.
وطلع سيف من الميلس وغلط بدال ما يلبس نعوله لبس نعول حمد.
وكانت ميثوه ناسيه السواره ألي عطتنها العنود أيها يوم عيد ميلادها في الميلس يوم كانت أدخن بخوروشافت حد يطلع من الميلس ويوم شافت النعول بس حصلت نعول سيف عند الباب وحدرت وبدون ما تعطي الي يالس سالفه أو أطلع منوه سارت صوب وين كانت حاطه المدخن ولقتها وحمد متيبس محاله ومنصدم ويطالع فيها بدون مايحس بعمره ....
ميثوه: سيفــــــــووووووه شو بلاك يالس روحك .
كانت منزله راسها تلبس السوره ويوم رفعة راسها أنصدمت ويت عينها في عينه وبسرعه نزل حمد راسه وهيه تيبست محلها وويها صار احمر على الاخر وأنتبهت حق عمرها و تغشت وربعت برع ............
وحدرت حجرتها ولانه السوره مب بيدها وين ........
ميثوه:أببببي وين ضيعت السوره هل المره..........
في الطرف الثاني حمد مصدوم بعده مب مستوعب ألي شافه ملاك مشد شاف شكله في حياته معنا وايد أحلى عنها بس تجذب الواحد ببتسمتها العذبه وطريقة كلامها ومشيتها الطفوليه وأنتبه حق شي طايح وشاف السوره ألي كانت تب تلبسها وأبتسم وخذها وبدون شعور حطها في مخباه ولانه سيف حادر وسو عمره حمد ولاشي جنه أستوه ....
سيف: سمحلي أتاخرت عليك وايد.
حمد: عنبوك لاتأخرت ولاشي.
وتم سيف يسولف ويا حمد ....... وعند ميثه ميثه يالسه بروحها في الحجره تفكر رسها عورها من التفكير يت شمسه ...
شمسه: ميثوه ماتبين غداء .
ميثوه: لاماأبا.
شمسه: شو بلاج.
ميثوه: ماشي.
شمسه: حررام عليج قولي أنا أختج.
ميثوه: أنزين وخبرتها السالفه .
شمسه: ابيييي يالفضيحه .
ميثوه: شو اسوي أخاف يخبر سيف.
شمسه: شو يخبر سيف بعد أنتي بقول والله شفت أختك يايه الميلس وحدرت علي نو نو ما أضني أصلا بيطري شي.
ميثوه : والله لو شفت يت عيني على عينه هذاكي الوقت ما عرفت شو أسوي .
شمسه: منو هذه ماعرفتيه .
ميثوه : حمد منوه غير ه يعني ياي عندنا .
شمسه بخبث: حلوووو.
ميثوه: شو درا ني كنت مشوشه ما عرف بــليز .
شمسه: الله يعينج .

وطلعت شموس عن ميثوه يلست ميثوه على الشبريه وأنسدحت وتمت تفكر وبعد شوي ياها نعاس ورقدت .... نشت ميثوه على حشرت عمر .
عمر : ميثوه أربيعج تباج على التلفون .
ميثوه : أنزين قولها بتصلها عقب شوي .
وروح عموره وقامت ميثوه أصلي وعقب ما صلت سارت أطلع منوه هااي ألي متصله وشافت رقم قوم عمتها أها يعني فطامي وأتصلت ويرن ويرن وبعدين حد رد على التلفون.
ميثوه: الووو السلام عليكم .
محمد: وعليك السلام.
ميثوه: شحالك حموود.
محمد : بخير .
ميثوه: وين فطامي.
محمد: محد.
ميثوه: عن الجذب .
محمد:هههههه هاكيه هناك فطامي تعالي ميثوه تباج(( محمد أخو فطامي الصغير كبر شمسه ودوم ميثوه تضارب وياه))
فطامي: الو السلام عليكم .
ميثوه: وعليكم السلام شحالج.
فطامي: بخير شحالج أنت وشخبارج وعلومج.
ميثوه: بخير والحمدالله.
فطامي: هلا يالقاطعه ما تتصلين.
ميثوه:عنبو عليج أمبارح تمس كنت متصله.
فطامي: ههههههههههه أسوالف وياج.

يتبع....

 
 

 

عرض البوم صور أسامي الحلوه  

قديم 18-02-07, 09:10 AM   المشاركة رقم: 2
المعلومات
الكاتب:
اللقب:

البيانات
التسجيل: Dec 2006
العضوية: 19656
المشاركات: 33
الجنس أنثى
معدل التقييم: أسامي الحلوه عضو بحاجه الى تحسين وضعه
نقاط التقييم: 10

االدولة
البلدJapan
 
مدونتي

 

الإتصالات
الحالة:
أسامي الحلوه غير متواجد حالياً
وسائل الإتصال:

كاتب الموضوع : أسامي الحلوه المنتدى : الارشيف
افتراضي

 

الجزء الثاني

ميثوه: قوم أمل مايو عندكم ..(( أمل بنت خالت ميثوه صبيحه عمرها 15))
فطامي: نو..
ميثوه: عنبو أمول هاي ماتسأل موليه ..
فطامي: والله ماأدريبها.
ميثوه: أي أنتو متى بتون عندنا ..
فطامي: والله مادري يمكن الاسبوع الياي..
ميثوه: خرطي كل يوم تقولين لي الاسبوع الياي..
فطامي: ميثوه شو بلاج قاديه بقره متوحشه..
ميثوه: شــــــو تحدين عمرج بقره ... تعرفين توي ناشه من الرقاد مفوله ومعصبه شو أسوي ههههههههاي.
فطامي: أباج تضحكين هب تبوزين ...
ميثوه: حاضر بقورتي ..
فطامي: لاوالله..
ميثوه: عيل أخليج الحين يالله مع السلامه..
فطامي: بااااي..
وسكرت ميثوه عن فطامي وسارت عند شمسه وشافت أنها أطلع مباراه... بين كوريا الشماليه وو اليــــــــــــــــابــــان...
شموس: ألحقي المباره مال اليابان..
ميثوه: أحلفي..
شموس: لو ماصدقين شوفي ((يوشي هيرو))
ميثوه: الله..((تقول في نفسها (فديته))).
وتمن شموس وميثوه يطالعن المباراه ولانه سيف ياي ...وجان تبدل شموس...
سيف: شو أطلعن ..
شموس: ماشي سبيس تون..
سيف: لاتجذبين..
شموس: خلاص تبي أشوف شو كنا نطالع..وبدلت شموس وحطت المباراه.
سيف: عن الجذب أنتي أطلعين مباراه معجزه ... أحسلج ردي أدريبج حاطه مكسيكي ..
ميثوه: على أي قناه..(( مندمجه في المباراه يعني في( يوشي))
شموس: طلعو نحن وين وهااي وين..
ميثوه: أنا وين بعد طبعا في الارض..
شموس: عن الاستهبال ...
ويلس سيف وياهم يطالع المباره وخلصت ولانه مايد ياي يطحرطم روحه...
مايد: الله يغربال البشكاره .. حرقت كندورتي..
شموس: شو دراها هااي بل كواي ....
ويرن تلفون البيت... وكان عداله سيف.... ويشله .......
العنود: الووووووو.. السلامو عليكم ..(( حليلها تحيده محد يرد عليه الا ميثوه أربع وعشرين ساعة عند التلفون ههههههه))
سيف: وعليكم السلام..
العنود أنكفط ويها ...
سيف: نعم منوه بغيتي...
العنود: العنود ...... أوووه قصدي ميثوه...
سيف في نفسه بيموت من الضحك : موجوده هاذيه..
سيف: ميثوه يبونج..
ميثوه: منوه...
سيف: أضني العنود...... وماتملك عمره وضحك...
وخذت ميثوه السماعه من عند سيف وهيه مستغربه....
ميثوه: الووووو..
العنود: السلام عليكم .
ميثوه: وعليكم السلام .... شحالج فديتج...
العنود: بخير والحمدالله..
ميثوه: غريبه أنتي متصله أحيد أنا ألي أتصل بس .
العنود: عن الجذب ... هيه بتخبرج كيف هذه أخوج يعرف أسمي ..
ميثوه: وأنا شو دراني ....
العنود : هيه وبعد شو مسويه ..
ميثوه: ماشي ... هيه منسير العمره ويااكم ..
العنود: فنانه عيل بتقدي السيره .... خصاتن في السياره.
ميثوه: وقوم عواش وفطوم بعد...
العنود: أحلفي.
ميثوه: والله..
العنود: اللـــه عيل حلووه..
ميثوه: أي تذكرين شو كانا نقول هذكي المره ويا روضه وعايشه صلاح في الفسحه..
العنود: الله يغربلج خليه حقج..
ميثوه: أخويه كيف أخليه حقي.
العنود: خلاص طبي السالفه ..
ميثوه: أستحت البنت.. هههههههه..
العنود: جاااب أنتي خاايسه ........
ميثوه: خاست ريحج يالغاليه ههههههههههه..
العنود: فديتج والله حماااااره......
ميثوه: تعرفين بااااي بسير أسبح الحين....
العنود: باااااااااااااااااااااااي........
وبندة ميثوه عن العنود وسارت تسبح عقب ماتسبحت سارت وشغلت الاب توب مالها وحطت غنيه يابانيه تعيبها وووايد وذكرهااا بناااس تحبهم وتذكرت حمد..
لالا ليش كل ساعه أفكر بحمد ...........وتمت تغني يا الغنيه كان صوتها عذااب روعه ........... ويامقطع في الاغنيه يقول.....
سريان الوقت سيجمعنا معاا....وعندما ألمس يديك أتذكر كل شي نسيته أوحلمت به...... أنته حياتي... وسأضل أحبك مهما حدث.... وفي هاي الحظه دمعت عيون ميثوه لاما أبي أتذكر بتعذب أكثر مليت من الحيــــاه مابه أتذكره كافي بس شو أسوي لعت جبدي ... وبندت الغنيه (( تصدقون أنا يالسه الحين أسمعها والله رهيبه هااي الغنيه))... الغنيه ووايد أصيح ميثوه قامت ميثو وصلت العشاء وبندت الليت وطاحت على الشبريه وتمسح دموعهاااا .. وتقول أنا لين متى بتم متعذبه جذيه خلاص لزم أنساااااه ........... ومن التعب رقدت..
حمــــد كان منسدح على الشبريه ويفكر بالي شافه اليوم هااي البنت خبلتبه مايدري ليش أول مره في حياته يستويله جذيه .. بس حس بقلبه يعوره مايدري ليش ........... وبعدبن تذكر السوره وسار عند كندورته ألي فصخها وطلع السوره كانت عليها 3 حروف حرف..a وhو M............ قال أووه بعد حرفي في النص الله
وتم يتأمل السوره وأبتسم أبتسامه تجنن .......... وقال ياولي عليها أنا فديــتهــا ........ وطاح على الشربيه وماسك السوره في يده ..... وطلع الساعه لانه الساعه 12 فليل قال أوووه باجر ورايه سيره ...
ورقد ........ جنه يااهل ومبتسم مايدري شوبلاه أضني يان هههههههههههه........
الساعه 2 فليل .......
نشت ميثوه وتحس عمرها تعبانه وفيها زجااام قامت شوي ودرت على الشبريه حست بدو وار وليعه جبدها دووم يوم أزجم يستويها جذيه ماتقهر حليلها ... بس قصبن عنها قامت وشافت ويها في المنظره كان عيونها متنفخات ........ وتذكرت وسارت غسلت ويها وطلعت من حجرتها ونزلت تحت ولقت شمسه لين ها الوقت ناشه وبتسمت وسارت صوبها أشتاقت وووايد حقهاااااااا جنها من سنه ماشفتهااااا...........
ميثوه وصوته متغير من الصياح والزجام: بوووم..
شموس: غربلت عدوج روعتيني ........
ميثوه: شو أسوين........
شموس: أطلع فلم هندي رهيب مال زيوود..........
ميثوه: منوه هاااا زيود بعد ريلج ولاأدري......
شموس: ياليت بس عنبوج أونج ماتعرفيني زيودي قصدي زااايد خاان.............................................. ......
ميثوه: أحلفي بس ليش ماتوعيني ........
شموس: شو أوعيج بعد خليني أتهنا به هههههههههه.......
ميثوه: أفــ طلعو الاواته مالت عليج تعرفين وووايد يذكرني بأبلة الفيزياء ........... ووايد شبهااا...........
شموس: تخسي هاااي الخسفه تي عدال هاذه الملاك ....
ميثوه: حليلها مره وحده خسفه ........
شموس: ههههههههه عيل شو ....
وتمن يشوفن الفلم وخلص الفلم وسارت شموس ترقد وتمت ميثوه تحوط في البيت الكل رااقد ملانه ........ وســـارت الحجره وسكرت الباب وراحت تلعب بي ميك أب وتصبغ ويهااا ........
ميثوه: وخيبه شو سويت في ويهي ........... غديت ساحره بسم الله...
وتمت تضحك على عمرهاااا وبعدين ياهااا رقااد وسارت تغسلت ورقدت بهدووووء ...........
الظهر الساعه 11.....
ولانه سيف حادر حجرت ميثوه ويباغم..........
سيف: مب بسج رقاااد.......
ميثوه: ياأخي شو بلاك أزعاج خلني أرقد........
سيف : لاوالله أنا ناش وأنتي راقده هذه مايستوي قومي يلسي ويايه...
ميثوه: أطلع بررراء حررام عليك ...ما رقدت.
سيف ياه صوبها ويمط الحاف عنها شوي ويمط خشمهاااا...
ميثوه: أااااااااااااااي شو بلاك... تمط خشمي .
سيف: علشان يطول خشمج ....
ميثوه: اييي قوم عني يعورني أااااااااي ...
سيف يغايض ويمط أكثر وميثوه تباغم ..
ميثوه: أبووووووووووووووووووويه ...
ويخوز يده عنها ويتم يضحك ...
سيف: ههههههههه يالله قومي الحين أباج تحت في الصاله....
ميثوه: خاااايس...
سيف: حوووه تراني بمط خشمج يالله بسرعه...
وسار سيفوه حجرت شمسه ولقها رااقده سار وبند المكيف عنها ومط الحاف ومط شعرهااااااااااااا........
شموس: اااااااااااي يعور...
سيف: بمطه لو مانشيتي نشي.
شموس: ليش تمطه..اااااااااااااي يعور وايد.
سيف : علشان يطول شعرج ههههههههههه...
شموس: قوم عني والله لخبر أبويه أااااااااااااااااااااااااي.. أبوووووووووويه..........
سيف: يالله قومي ماشي راقد أباج تنزلين الصاله الحين يالله بسرعه..
وفجها وروح نزل الصاله ويالس يطلع التلفزيون ويبدل من قناه ألى قناه ولانه ميثوه وشموس نازلت يوم ين يياسن قام سيف وتلبس وخذ سويج السياره وروح .. فولن ميثوه وشموس....
ميثوه : الحين هاذه موعنا عشان أونه نيلس وياه ويسير خاااااايس والله..... ماخلنا نتهنا برقادنا... والله حاله....
شموس: عنلاته الخايس أونه علشان يطول شعرج....
ميثوه : هههههه وانا يمط خشمي أونه عشان يطول خشمج ....
ويلسن في الصاله وســارت ميثوه المطبخ التحضري وصبت لها عصير وردت الصاله ولانه شموس رراقده .........
الساعه 12 الظهر..
حست شموس أنه حد يقرصها ويقرقطهاا ... ويهه تخوزه وهوه يرد وتسمع ضحك ريال ويهال ..... كانو نوره وحمد ولد سعيد وسعيد يلس يجلب في التلفزيون ويضحك عليهم كانو يلعبون بسيارات على شمسه مسونها شارع مالقو غير عليها يلعبون....
شموس: أوفـــــــــــــــــــــــ شو هذه........
وبطلت عيونها وشافتهم ................. وسعيد ميت من الضحك...
سعيد: ههههههههههههههههه محد قالج ترقدين هنيه هههههههه..
شموس قامت وسارت سيده حجرتهااااا..................
ميثوه سارت حجرتها وتجحلت وحطت قلوس وطلعت برع عند العشب تسقي الزراعه وتلعب وخرست عمرها كل مااااااي ........وجان ماأيي مايد................
مايد: وخيبه شو أسوين أنتي..
ميثوه: هههههههههههه شو لك أنته .
مايد: حوووه بتمرضين..
ولانه ميثوه شله الفوز وترش مايد بالفوز وباغم مايد وتخيسه مااي ويفول عليهاااا..........
مايد: يغربلا هاا الويه بشوفين... وتربع عنه ويربع ورهاااا .........
وتربع ويلحقهاا ............ ويمطها من شلتها وتعدل شعرهاااا ألي أنفج..
مايد: وين بسيرين عني.......
ميثوه: أحسن لك تعطيني شيلتي الحين عن حد يخطف ويشوفني...
كان سيف يالس في المليس يتري حمد أيي عشان يسير ويااه دبي عنده شغله هناك ... في هل الوقت حمد دش بيت قوم ميثه وكانت ميثه وياااء مايد تحول عشان يعطيها شيلتها هوه مب طايع وكانو صوب المليس شوي............ كان حمد حادر وماكان في بله أنه بشوف غزاله وسمع حمد ضحك وحشره ألتفت صوب هل الحشره ومشى لين الشيره وشاف هناك.............. حمد تجمد محله شافها كان شعرها الاسود الطويل الخرسان ألي على ويهاا وكتفهااا وأابتسمتها ألي تذوب الواحد كانن خدودها حمر وعيونها الكبار المجحلاات كانت رووعه ألاه أيه في الجمال... كانت غريبه منه وووايد وشافها عدل ... حمد تم يطلع بدون حاسيه وبعدين أنتبه حق عمره وتذكر سيف وحز في نفسه هاااي أخت ربيعه حررام يتم يطلعها ...... وبعدين سار حمد الميلس وكان شكله غريب سيف أنتبهله ... سيف شو بلاه حمد جيه متغير .........
سيف: حمد شو بلاك..
حمد أنتبه حق سيف وسوه عمره طبيعي: لا ماشي ..
سيف: يالله تأخرنا يالله نروح...
وطلع سيف برع وسمع الحشر أهوووه شو هااا ...
وسار وره وشاف مايد وميثه يضاربون... أحتشر عليهم ....
سيف: حوووه أنتو ماتستحون حسوسكم واصله الشارع ..ميثوه شو هاا...
ميثوه: طلع مايد مايعطيني شيلتي ....
سيف : وشو هااا مخيسه عمرج مااااااااااااااااي..
ميثوه : ألعب.........
سيف: لاوالله... وأنتي تامه بدون شيله وريال في الميلس لو يطلع ويشوفج الحين ....
ويعطي مايد ميثه شلاتها وأسير حجرتها وتسبح ........... وسار سيف عند حمد وروحو..........
في بيت عبدالله الكتبي كانت العنود تفكر بسيف والله تحبه ومحد يدري عنها ........ عبيد داش عرض عليها الصاله ......... خرب عليها أحلام اليقضه....
عبيد: السلام عليكم........
العنود: وعليكم السلام .........
يالس عبيد على الكرسي وخذ الرمونت من عند العنود ويلس يبدل في القنوات ..........
عبيد: عنيد يبي مااي حقي...
العنود: عنبوه هاكوه عدالك .....
عبيد: ماأروم أقول لج يبي حقي..
العنود: أفــــــ بشكارك تقول جذيه حقي......
عبيد: لاتمين تتأفين يالله بسرعه (( هوه مناك يضحك يموت ويلعوزهااا)) ..( عيبتنا السالفه))....
العنود: أنزين خلاص ... وسارت وصبتله ماي في الكوب وعطته بدون نفس ... وردت تيلس مكانها...
عبيد: أنزين قولي مشكورر........
العنود: لاوالله .... أحيد أنته ألي لزم تقول هاااااااااا.....
في بيت سلطان المنصوري كانت فطوم تهاد البشكاره عشان حرقة عباتها...............
فطوم: ستياني منو قول حق أنتي كوي عبايه.......
ستياني: ماماه أنا اتهرا انتي قول سري كوي عبايه.........
فطوم:أنا قلت كوي كندوره مال حمد مافي عبايه مال انا..........
ستناني: أنا مافي معلوم ماماه.......
ولانه عواش يايه....
عواش: شو بلاكم..
فطوم: عنلاتها البشكاره حقرت عباتي اليديده.......
وكملت فطوم مهادها ياالبشكاره وبعدين يالست السولف ويا عواش...
عواش: شو رايج نقول حق ميثوه تي عندنا اليوم ..........
فطوم: فكره حلوه محد اليوم أخوني.... وقامت وأتصلت فطوم حق ميثوه كانت ميثوه طايحه على الغنفه أطالع التلفزيون ويرن التلفون وتقوم بكل كسل وتشله...........
فطوم: الووو السلام عليكم...
ميثوه : وعليكم السلام هلا بالغلا ...شحالج..
فطوم: بخير والحمدالله وأنتي شحالج...
ميثوه: بخير وسهاله .....
فطوم: شوأسوين.....
ميثوه: أرقص بعد شو أسوي.....
فطوم: حلفي بس أنتي عيل رقصيني وياج....
ميثوه: رقصي محد مانعنج.......
فطوم: هههههههههه خلاص ماأبي أرقص...
ميثوه:ههههههه الحين صدقتي أني ارقص...
فطوم: عادي أنتي تسوينها..ههههههههههه....
ميثوه: قصوري بعد أرقص حشا عليا .....
فطوم: محشومه يابنت محمد الكتبي ....
ميثوه:ههههههه كنت أطلع التلفزيون .....
فطوم: ميثوه بطلب طلب لاترديني....
ميثوه: هااا شو قولي أول....
فطوم: قولي تم .
ميثوه: أول خليني أعرف بعدين بقول تم.......
فطوم: ميثوه ترومين تين عندنا اليوم الساعه5....
ميثوه: طلب ووايد صعب بس بحاول....
فطوم: حاولي بليز بس اليوم ...
ميثوه: أنشاالله من عيواني بحاول..
وتمت أسولف وياها وبعدين عطت فطوم حق عواش ترمسها ...وبند عنهن وسارت لامها ..........
ميثوه:امايه بغيتج بشي...
أم سعيد: هاا شو بنيتي...
ميثوه: أمايه بليز لاتقولين لا...
أم سعيد: شو تباين خلاصيني...
ميثوه:أمايه أبي اسير عند فطوم وعواش بنات شويخ...
أم سعيد: أي شويخ...
ميثوه: منوه غيرها يعني حرمة سلطان المنصوري.....
أم سعيد: شو أسوينه هناك بعد... لالاماشي..
ميثوه: أمايه الحين من بعد بيتهم ...حرررام البنات حلافات عليا حرررام أردهن...
أم سعيد:أنزين خلاص سيري ... خلي ميود يوديج لين هناك هب السيرين روحج....
سارت ميثوه وحبت أمها على يبهتها وخدها: فديتج يعلني ماأخلا منج....
.............. شو تتوقعون يستوي حق ميثوه عند قوم حمد......
هل ميثوه تحب حمد....... منوه ألي أصيح عليه ميثوه كانت ...
وشوي بيستوي حق العنود وسيف..........

 
 

 

عرض البوم صور أسامي الحلوه  
قديم 18-02-07, 09:14 AM   المشاركة رقم: 3
المعلومات
الكاتب:
اللقب:

البيانات
التسجيل: Dec 2006
العضوية: 19656
المشاركات: 33
الجنس أنثى
معدل التقييم: أسامي الحلوه عضو بحاجه الى تحسين وضعه
نقاط التقييم: 10

االدولة
البلدJapan
 
مدونتي

 

الإتصالات
الحالة:
أسامي الحلوه غير متواجد حالياً
وسائل الإتصال:

كاتب الموضوع : أسامي الحلوه المنتدى : الارشيف
افتراضي

 

##الجزء الثالث##

سارت ميثوه وحبت أمها على يبهتها وخدها: فديتج يعلني ماأخلا منج....
ام سعيد: حق الطلابات حاضرين بس .... تتفدين وتحبين...
ميثوه: ههههههههههه امايه عنبوه انا كل يوم ابوسج ..وسارت عند امهاا بتحبهااا على خدهاا..
ام سعيد: قومي عني ....
ميثوه: خلاص ما ببوسج زعلت...
وسارت ميثوه عقب ما حبت امها على يبهاتها حجرتها وصلت الظهر وسارت ترتب كباتها علشان من شهر ما رتبته كان حوث لوث وكانت شاله كتاب في يدهااا وشي طاح منه... انتبهت حق الشي ألي طاح كان صوره بس كانت مجلوبه... نزلت لهاا وشلتهاا
يوم شفتهااا دمعت عينهااا...
............ تذكرت..........

تذكرت هذي صورة أحمد ولد عمهااا الي توفى من سنه ... كانت تحبه من كانت صغيره وهو يحبهااا بعد... تذكرت يوم كانت اسير عندهم عند اخته حصه يوم ييلس يلعوزهااا ويضحك ويااه ويقول هاااي خطبتي ومحد بيخذهاا غيري وهيه تستحي وتضحك عليه كانت تحبه مووت وتموت فيه كان طيب وووايد ويحبهااا وتذكرت يوم قالها احبج وتم يضحك عليها يوم قده ويهاااا احمررر وتذكرت انهااا سرقة الصوره من عنده وخبرت حصه احمد ان خذت صورته وفرح هو وماقال لهاا شي بس تم يطلعهاا فهي عرفت ان حصه الخرافه خبرته....تذكرت كل هذه وكانت الغنيه هوه الي عاطنهااا ايهااا ...وطاحت على الشبريه ودموعهااا على خدهاااا .... الله يرحمك ويسكنك جناته يااااااااااارب ... ورقدت ميثوه من التعب عقب الصياح وخلت كل شي مبهدل....
نشت الساعه 3الظهر وتذكرت الي استو وسارت عند الصوره وتمت اطلعهااا كان وسيم مشاء الله عليه ... الله يرحمه....ودمعت عينهاا وقالت في نفسهاا : الله يرحمك يااحمد ومسحت الدموع من عيونها وقالت خلص والله انا ماأباه يتعذب في قبره وبتسمت اول مره يوم تذكره تبتسم وحبت صورته وقالت هوه اصلا لو شافني اصيح بيزعل مني ... والله.. وسارت حطت الصوره في صندوق ذكرياتهااا.. وبندته وعهدت نفسهااا ما اصيح مره ثانيه وتذكرت اووه الكابت نسيت ويلست ترتبه...تذكرت ميثوه السوره مالتها كانت من عند حصه هاااي السواره غاليه وين هيه وتمت ادورها ومالقتهااا………
….الساعه 5 العصر….
كانت ميثوه متجهزه علشان اسير عند قوم فطوم… وكان مايد مايبا يسير وياها … ومحتشره هيه…
ميثوه: ميود يالله تأخرت قوم..
مايد: صبري بعد شوي..
ميثوه: اماايه طاعي ميود مايقوم..
ام سعيد: قوم ميود سير يا اختك....
وعقب مووت قام وسار وركبو السياره وودهااا انبونها تبي تسير مشي بس مايد تم محتشر اونه مايروم يسير مشي.. ووصلها هناك ورد البيت .. حدرت ولقت فطوم في الاستقبال(( بصراحه هيه اكثر شي وااي فطوم))..
فطوم: هلاااااااااااااااا بالعيوز وصلت..
ميثوه: خخخخ اقول انتي العيوز مب انا انتي اكبر عني..
فطوم: عنبوه اله بكم شهر خلاص شباب..
ميثوه: خخخخ يالله انجلبي..
فطوم: طاعو هاااي صدق ما تستحي على ويهااا تقول جذيه وهيه في بيتنااا..
ميثوه: خلاص يالله بتخليني وواقفه برع جذيه..
فطوم: لا تفضلي فديتج..
ميثوه: هيه ابااج جذيه سنعه..
وحدرت ميثوه ويااا فطوم البيت لقت ام فطوم وعواش ومريم حرمة حميد يالسه...
ميثوه : السلام عليكم ..
الكل: وعليكم السلام.. وسارت ووايهتهن ..
ام احمد: هلااااا والله بنتي شحالج..
ميثوه: بخير والحمد الله و شحالج انتي..
ام احمد: بخير وسهاله وشحال اهلج..
ميثوه: كلهم بخير وعافيه ..
ويلست شوي اسولف وياهم ((ترا قوم فطوم ايون حق قوم ميثوه من بعيد يعني عيال خوال ودوم مع بعض ابو ميثوه وابو فطوم))..
وقامت ويا فطوم حجرتهااا عااده الله يخليكم ميثوه اكبر فضوليه سرت سيده عند كبت فطوم .. فطوم ربعت صوب ميثوه..
فطوم: ميثوه الاه كبتي بليز..
ميثوه: خخخخ شي فيه خليني اشوف فضول فيني..
عاده فطوم خازت وميثوه فجت الكبت وتمت تضحك تعرفون كان كبت فطوم حوث لوث ...( عندنا عااده هااااي خخخخ فضحت عمري))........
ميثوه: يا حبيبتي يا عمري مب اله كبج جذيه..حتى انااا ..( قالتها بطريقه تموت من الضحك طالعه عليه هاهاهاهاها))..
فطوم: خخخخ ادري بس تعرفين فضيحه..
ميثوه: شو نسوي والله..
فطوم: تعرفين شو سويت اليوم حقج..
ميثوه: شــو يالله قولي..
فطوم: خخخ ماشي..
ميثوه: ماالت عليج انجلعي عني..
فطوم: ميثوه فيج حراره.. وحطت يدهااا على يبهت ميثوه..
ميثوه: قومي عني متفيجه..
فطوم: اوفـــ طلعو الدفشه..
ميثوه: حووه محد غيرج دفش اناااا اصلا محد مثل رقتي..
فطوم: بااين ازين سويت لج ورق عنب..
ميثوه: احلفي والله ميته يوع..( البنت مب شايفه خير)..
فطوم: حتى انااا... وسارت ميثوه وياا فطوم المطبخ ويلسن على الطاوله فطوم حطت حقهاا وحق ميثوه ورق عنب ويالسن ياكلن .. ميثوه: منوه مسونه حلوو طالع ..
فطوم: فديتج منوه غيري..
ميثوه: عيل يلوع بالجبد ..
فطوم بحزن مصطنع: الله يسامحج..
ميثوه انتبهت انها جرحت فطوم: فطوم والله انه روعه ماشاء الله عليج..
فطوم: خخخ ادري..
ولانه ام فطوم تزقرهااا.
فطوم: بسير اطالع امايه شو تبه وبيي..
وسارت فطوم وشلت صحنهاا وياهاا... ميثوه تمت تضحك عليهاا..
وهيه يالسه داخل حدر حد المطبخ تحرت فطوم حدرت ..حمد كان ياي يشرب مااي .. فحدر وشاف وحده يالسه تحرهااا فطوم.. جان يمشي شوي شوي وحط يداه على عيون ميثوه... غير صوته ..
حمد: منوه انااااااااا..
ميثوه تيبست محلهااا وله رامت تنطق بكلمه ... حمد استغرب حس وياهاا حار ... شوي تجرب من ويهااا انتبه ان هااي وحده ما يعرفهااا مب فطوم ولا عواش فج يداه عنهااا .. وما عرف شو يسوي غده ويه احمر وارتبك لما عرافهااا ..
حمد بارتباك وخجال: اسف اختي تحرتج فطوم.. وظهر سيده من المطبخ ... ميثوه صاحت ما عرفت شو تسوي بعدين قامت وغسلت ويهااا علشان يوم تي فطوم ما شوفهااا جذيه.. ولن فطوم حادره..
فطوم: اسفه تأخرت عليج واايد..
ميثوه اسوي عمرهاا طبيعيه: لا ما تاخرتي..
فطوم: حست انه ما ميثوه شي بلاهااا: ميثوه شو فيج..
ميثوه ولا شي..خخخ منسير ويااكم العمر الله حلو.
فطوم:طبعااا حلو تراء ويااانا...
ميثوه: اقول تراء انتي ووايد مصدقه عمرج ..
فطوم: هيه بتخبرج قدمتي اوراقج حق الجاامعه..
ميثوه: هيه من زماان في جامعة الشارجه ..
فطوم: انا اليوم حمد سار يقدم اوراقي ..
ارتبكت ميثوه من طااري حمد: زين..
ويالسن يسولفن ولانه عوواش حادره عرض ...
عواش: السلام عليكم شـــباب ..
ميثوه : وعليكم السلام لو سمحتي نحن صبايا مو شباب ..
عواش: خخخخخخخ اتحركم ستات خخخ..
فطوم بسخريه: خخخخخخ ضحكتاني ووووايد خو خو خو خخخااا...
عواش: هاا ميثوه جهزتي حق سيرت العمره..
ميثوه: وخيبتين نسيت انه سبوع بقى ...
عواش: انا وفطوم من شهر نجهز ...
فطوم تضرب عواش على جتفهاا: خخخخخ عن الجذب الاه مباحره..
عواش: يابويه فضحتيني..
فطوم: عوواش..
عوواش: عيون عواش..
فطوم: احبج..
عوواش لوت على فطوم واسوي عمرها اتصيح: بعد انا احبج..
ميثوه متأثره بها الموقف: الله يخاليكن لبعض..
فطوم وعواش : امــــــــــــــــين ..
وتمن على حالتهن..
ميثوه: يأخي بس لوعتن جبدي بهاا الافلام الهنديه .
فطوم: خخخخخخخخ نعرف انمثل صح..
ميثوه: مره محد شراتكن ابداا..
ويندق الباب وتصااارخ عوواش: منــــــــــوه..
عفراء: أنـــــا منوه غيري يعني..
وتفج الباب عواش: نعم شو بغيتي ..
عفراء: ابي ايلس ويااكن ..
عوواش: اقول..
عفراء: شو..
عوواش: اجلبي ويهج..
عفراء: نعم مابي ابي ايلس وياكن محد عندي ..
عوواش: شو سيري لا وين سلامووه عنج ..
عفراء: هااي الخسفه مابي ايلس ويهااا..
طلع راس سلامه: نعم نعم نعم انا الخسفه الحين ما عليه ..
عفراء: ياأخي لاتخربين عليه ..
عواش : والله متفيجات يالله ما شي يالسه ياالكبار سيري ..
عفراء : حرا م والله حرام بس شوي بليز عوواش..
عوواش: لا قالت لا ......... وسكرت الباب على ويهااا..
عفراء : كله منج يالدبه خربتي عليه ..
سلامه: انا انتي الي بديتي وسبيتاني ..
عفراء: يااخي كنت بس اسايس بس شوبلاج .. ونزلن تحت وشافن حمد يالس وربعن صوبه ..
عفراء: خخخ بقوله يودينا الدكان ..
سلامه: هههه عبقريه والله انتي ..
عفراء: توج تدرين انا عبقرية زماااني اصلا ..(( الاخت ووايد مصدقه عمررهاا))
سارن عفراء وسلامه صوب حمد شاقات الحلج وويهانه ويلسن حذاله..
عفراء: حمووود وينك ما شفناك اليوم والله اشتقنالك وووايد..
حمد: شي وراج انتي وسلامووه اعرفكن..
سلامه: نحن حررام ياعمي ماهقيتاه منك..
حمد: علينا ياسلامووه ..
سلامه: مره تكشفنا بسرعه انته..
عفراء: حمود اخويه حبيبي محد لنا غيرك ..
سلامه: أي أي ترراء ابويه موجود بعد..
عفراء: نعرف بس انا اخويه هذه حبيبي بس وحبته على خده .
حمد: نعم شو تبين ..
عفراء تبتسم وترمش برموشهااا: حموود ودناا الدكان ..
حمد ضحك: من عنوني بس بسأل سؤال ..
عفراء وسلامه : أسأل ..
حمد : حد ياي عندنا اليوم ...
عفراء: هيه هاااي ربيعة فطوم وعواش ميثوه ..
حمد: منوه ميثوه هااي..
عفراء: قوم محمد الكتبي ..
حمد شاق الحالج : هيه ........ حمد في نفسه يعني هيه ما غيرهااا واسمها ميثوه وووايه ماحلاه هل الاسم ...
كان حمد سرحاان ..
عفراء: حمود حمود..وصمخه ..
حمد: شوو صمختيني..
عفراء ابتسمت : هااا في منوه سرحااان هااا اعترف..
حمد واابويه على هل البنت صغيره وجذيه عنبوه: عيب عليج شوه هل الرمسه ..
سلامووه: خلصوناا نبا نسير الدكاان..
حمد يبا يغايض : ماشي سيره ..
بوزن والدموع في عيونهن .. عفراء: حمد حررام عليك انته قلت بتودينااا...
حمد: هههههههه خلاص بوديكن يالله قومن ..
وقام وداهن الدكاان ...............
عند العنود كانو قوم خالتها ياينهم ويلست شوي تسولف وبعدين قالمت مالت من رمست الحريم الاه هاي اطلقة الاه هاي عراست ولاه هاي شردت ولاه هاي ماتت خخخ واشيااء وايد .. وقالت بسوي كياكه ويالس اسوهاا وكانت شيالتها طايحه على كتفهااا ... حدر حد وكانت مب منتبهه حقه بس هوه تيبسه محله ورجع شوي برع وتحنحن ... العنود زاقت فردت شالتها على راسهاا وتحجبت زين ... كان هذه ذياب ولد خالتها عمره 22 سنه
ذيااب : السلام عليكم
العنود: وعليكم السلام ورحمة الله وبركاته..
ذيااب : هلا شحالج العنود..
العنود: بخير شحالك انته ياذيب ..
ذيااب: بخير والحمد يالعنيد ..
العنود: مالك شوف من زماان ما شفناك ..
ذيااب: والله لازم اهوم تبايني يالس في البيت شررا البنيه ..
العنود: والله حليلنا نحن الاميلسات في البيت ويالله يالله شوي يطالعوناا..
ذيااب بعفويه: حبيبتي البدويه ما تهوم.
العنود: عاده انا ما قالت بهوم...
تقرب ذياب منها شوي: هاالعنود يالسه اسوين شو..
العنود ابتسمت: كايكه تباا..
ذياب: هيه .. وفج حلجه..
العنود تضحك: ههههههه بعدها ما استوت تبا تأكلها وهيه نيه..
ذياب: شو ناويه تجتليني انتي..
العنود: هيه.. انزين بطلعها جان خلصت..
ذياب انتبه انا وايد غريب منها وسار صب له كوب ماي ويالس ياتأمل العنود وسرحان ويقول في نفسه : وين اروم اتحمل بعدها عني بس لو تدري كم أحبهااا...بس اخاف انها تعتبرني شرا اخوها..
ولان لطيفه حادره وتضرب ذياب على ظهره بكل دفاشه ووراها أخت ذياب مها كبر لطيفه.. (( حشا ياهل وجذيه..)) احم احم بخبركم اوصاف ها الثنتين متان حولي اوزنهن متخطيه الاربعين مب عمرهن خخخ.. ويلعوزن بل الواحد مب الا جذيه الا يطفشن بالواحد ...(( الله يعنج يالعنود )) .. ويرمسن ما يصكتن ودوم ضرابه ماأدري كيف ربع هذله ماشاء الله لزم تراهن من نفس الطينه الله يخلهن..
لطيفه: عنود امايه تباج...
العنود : انزين الحين بيي..
لطيفه: ذياب شو اسوي هنيه ..((الصراحه انا زغت اخاف اسوي شي فيا عقب ما قالت عنها جذيه ))...
ذياب اعوذ بالله: اشرب مااي ..
لطيفه: هيه بعد اتحراا..
ذيااب في نفسه: حشااا بعد شو تتحرا هاااي ...
مها: لطوف تعالي نسير نلعب...
لطيفه: الحين بيي العنود امي تترايا من الصبح بسرعه..
العنود: حشااا انزين بسير انتي شو عليج .. انجلعي..
وسارن لطيفه ومها والعنود بعد سارت عند امها ...
عند ميثوه ردت ميثوه من عند قوم فطوم وعواش... ولقت العائله الكريمه ميلسه في الخيمه وسارت صوبهم والمفاجأه لقت يدتها شيخه ميلسه... ميثوه في نفسهااا الله يعين ...
ميثوه: السلام عليكم ...
الكل: وعليكم السلام..
اليده شيخه: عنبوه وينج ميثوه ما شفناج..
ميثوه: والله كنت سايره عند قوم سلطان المنصوري..
اليده شيخه: عنبو شو مودنج عند العرب...
ميثوه أف سوتلي سالفه الحين: لا كنت ساير عند البنات هناك..
اليده شيخه: هيه تحريت بعد..
ميثوه والخيبه شو تحرت بعد وقامت ميثوه بتروح..
قبضت اليده عصاتها: وين وين ما شفناج يالسي لمرقج بالعصا..
ميثوه: يدوه كله ولا عصاتج توبه خلاص..
ويالسو شوي وروحو الشباب بقو امنه وولدهاوشمسه وميثوه وام سعيد روحت تبدل حق نوره..
اليده شيخه: هاا ميثوه ما نخطبتي جان ما انخطبتي بيبلج معرس انا...
ميثوه ولخيـبــــه :لالا يدوه كله ولا المعرس الي عندج ما أباه حشا علي...
اليده شيخه: وشوبلا ولد عمج خليفه شو فيه ما تبنه..
ميثوه: لا بس عشان انا مخطوبه..
اليده قبضت العصا: شوه محد قالي منوه بعد هذه ألي خطبج..
ميثوه: والله هذه سالمج الله يدوه عماد الي في ستار اكاديمي..
اليده شيخه: غربج الله وين تعرفينه هذه ...
ميثوه: لايدوه هذه في ستار اكاديمي..
اليده شيخه: يعني بلا هل الويه هذه اشتار اكادمي مال المخنث..
الكل نقع من الضحك..
شموس: اوووووه يدوه طالعه خطيره ثرج اتعرفينهم...
ميثوه: خخخخ يدوه من ورانا هااا..
اليده شيخه: حشا منك يالبنات تراني والله لمرغكن بها العصاا..
شموس: انزين يدوه كيف تعرفينهم..
اليده شيخه: وانا شو دراني بهذاله .. ميثوه ها هذه ما دري شو اسمه غاوي..
بققة ميثوه عيونها : هيه فديتج يدوه تبين اشوفين صورته ... وطلعت ميثوه صورته من مخباها كانت في البوك..
اطلعته يدتها ...
اليده شيخه: غربج الله شو هذه شو تبانه الانقلزي...
ميثوه: والله يدوه هذه مب انكليزي تونسي يدوه هذه حلو قمر ...
اليده شيخه: شو هاا الخنث قومي عني لخبر ولدي عليج (( ابو ميثه))...
ميثوه: يدوه خلاص اخر مره توبه ما باه عماد ابا أحمد ولا كارلو لالا انا ما اتخله عن عماد.
اليده شيخه: صدق ماتستحين يامسودة الويه .. وزخت عصاتها بتضربها سارت ميثوه ورا امنه علشان ما تضربها ...
اليده شيخه: ما عليه ان ما يوزتج خلوف ...
ميثوه بحزن: يدوه حرام عليج...
اليده شيخه: جب جب جب ولا كلمه... هيه بخبركن تراني بسير العمره وياكم ...
ميثوه تصاصر شموس: انا الصراحه بنتحر ..
شموس: يوم بتنتحرين زقريني بنتحر وياج..
اليده شيخه: شو بلاكن تتصاصرن هااا...
ميثوه: ولا شي يدوه حبيبتي..
ولانه ابو سعيد حادر ...
ابو سعيد : السلام عليكم..
الكل: وعليكم السلام..
اليده شيخه: والله ان هااي... قاطعتها ميثوه..
ميثوه: يدوه ما ولدت ناقج..
اليده شيخه نست السالفه: وااايه على ناقتي يابت بعاير ..
وقامت ميثوه وسارت وحدرت شافت مايد منسدح على القنفه ويوم طالعت شو يشوف بحلقت عيونها كان يشوف مكسيكي (( مطور الريال)) ...
ميثوه في نفسهااا : استغفر الله استغفر الله (( اونه هيه ما طالع))
حدرت جان ما تتحنحن: احم احم ...
مايد بدل بسرعه ..... ويت ميثوه ووقفت جدامه ..
ميثوه شاقه الحالج: شو تسوي ..
مايد: ماشي..
ميثوه بستهبال: تاوي شفت حد حاط مكسيكي..
مايد: شو يعني ...
ميثوه: ماشي سلامك..
وسارت ميثوه حجرتها ويالست على النت وتمت تخربط وتلعب وتحدر المنتديات جان تحدر المسن ولقت فطامي بنت خالها في المسن...
^*^%%$&عيوز مخرفه*%##%^$$ (( فطامي))...
السلام عليكم..
$&^%&^^السحليه المتمرده%^&$%^%&#((ميثوه))..
وعليكم السلام..
^*^%%$&عيوز مخرفه*%##%^$$
شحالج شخبارج شو علومج شو مسويه..
$&^%&^^السحليه المتمرده%^&$%^%&#..
بل بل بل كله هاذا الحمد الله بخير وسهاله وانتي شحالج..
^*^%%$&عيوز مخرفه*%##%^$$..
بخير والحمدالله ..
تأخرت فطامي عنها شوي ...
$&^%&^^السحليه المتمرده%^&$%^%&#..
عنزوه شو اسوين ..
^*^%%$&عيوز مخرفه*%##%^$$..
حادره الجات ..
$&^%&^^السحليه المتمرده%^&$%^%&#..
احم احم شو اسوين في الجاااااات..
^*^%%$&عيوز مخرفه*%##%^$$..
أغازل ...
$&^%&^^السحليه المتمرده%^&$%^%&#..
أحلفي عليج حركاااااااااات فطاااامي..
^*^%%$&عيوز مخرفه*%##%^$$..
خخخخ حبيبتتي يالسه اسولف وياربيعاتي ...........
وتمت تسولف شوي يافطامي بعدين بندت عنها وطاحت على الشبريه
وتمت تفكري في اشياء ووايد وبعدين سمعت حد يدق الباب...قامت بكل كسل..
كان مايد مساند عند طرف الباب ..
مايد: ميثوه يدوه تبااااج..
ميثوه: فديتها شو تباني..
مايد: وشو دراني اناااااا..
ميثوه: انزين الحين ياااايه..
قامت ميثوه ولبست وقايتهااا .. وسارت عند يدتها شافت عندها بريج وتفوح منه ريحه ما أدانيهااا عرفتو شو هيه (( حلول طبعااا)) ...
اليده شيخه: يلسي بنيتي يعلني افدااااااااج..
يلست ميثوه وشافت يدتها تيب كوووب طويل كم كبره وتصب حلول وتمزره ... الصراااحه ميثوه زاغت وساده خشمهااا من ريحته الي تكرهااا..
اليد شيخه: هااا اندوج الفنيان شربيه..
ميثوه بققت عيونهااا وتقول في نفسهاا:باين فنيااان هاذي يدوه ناويه تجتلني..
ميثوه: هااا يدوه ماباا متروس بطني..
اليده شيخه زخت عصاتها : ماشي يلا قالت تشربينه يعني تشربينه..
ميثوه تبلع ريجهاا: بسم الله .. وخذت الكوب من عند يدتها وتمت اطلعه..
اليده شيخه: عنبوه يلسه تقرين فيه انتي شربيه يلا مره وحده ولا لضربج بالخيزرانه(( العصاا)) ...
ميثوه: ان شاء الله يدوه..
اليده شيخه: هيه اباج جذيه تسمعين الرمسه ..
ويلست ميثوه تتيقم منه شوي شوي ..
اليده شيخه: عنبوه حد يشرب جذيه يلا مره وحده شربيه..
ميثوه: ان شاء الله يدوه..
وشربته كالا وهيه ليعه جبدهااا بتموت ....
ميثوه وهيه في حاله الله يعالمها غير الله: يدوه بسير ارقد..
اليده شيخه: سيري رقدي وفكني من ويهج...(( حشااا في الويه))
ميثوه: شو يدوه عنبوه شو مسويه انا ..
اليده شيخه: ماشي مررره ماشي سواد ويهج..
وسارت ميثوه ترقد اونها اصلا ماباتت الليل من بطنهااا(( الله يعينج ياميثوه))... الساعه 11 فليل..
كانت شموس سايره حجرتهااا مرت بحجرت سيف جان تسمع سيف يالس يرمس في التلفون..
سيف: هلا بعمري بروحي .. شحالج.. بخير والحمد الله ... فديتج...أحبج .. والله خاطري اشوفج اشتقت لج..
شموس تيبست مكانها وشوي شوي سارت حجرت ميثوه دقت الباب.
ميثوه: منووووووو..
شموس: انا فجي الباااب..
ميثوه: صبري..
وفجت ميثوه الباب حدرت شموس و سكرت الباب ورهااا..
شموس: ميثوه.. مثيوه.. الحقي..
ميثوه بكل اهتمام : شوووووو..
شموس: سمعت سيف يقول..... وخبرتهااا كل كلمه قالهاا..
ميثوه: والخيبه.. حشاا ماكنت اتوقع ان سيف جذيه..
شموس: والله صدمني.. تعالي منسير نسمع بعد..
ميثوه: اوكيه يالله....
وسارن لين حجرت سيف ويتسمعن سمعنه يقووول..
سيف: شووو.. والله ... وبكل رقه يضحك ويقول أحبج.. وشوي شموس وميثوه نقعن ضحك وربعنا سيده حجرت ميثوه ..
ميثوه: ههههههههههههههااااااي خريط كله خريط .. وردن بعدهن يتسمعن......
شموس: بحدر ..
ميثوه: لالالالا لاتحدرين.. فكينا منه يالله نسير نرقد..
وساارن يرقدن ....


الصبح الساعه 7..
سمعت ميثوه حد يدق الباب وحشره ...
ميثوه: منوووو..
اليساا: فجي باااب
ميثوه: أفــ صبري وقامت وفجت الباب ومره ميثااا رايحه فيهااا تبااا تكمل رقادها ما رقدت امبارحه الفليل..
ميثوه: نــــــــــــــعم..
اليساا: ميثااا ماما كبير ريد..(( خطيره هاااي البشكاااااره))
ميثوه: انزين الحين بيي..
قــامت ميثوه وتسبحت بسرعه ولبست كندوره زرقه وياهاا أسود وشيله نفس الشي وتجحلت ونزلت تحت مالقت حد سارت صوب الخيمه ولقت هناك يدتها يالسه عند الكوار والريوق وعلى الصوب الثاني ريال يالس ....كااان هذه خليفه ولد عمهااا... عاده خلوف تم فاج حلجه تراء من 3 سنين ما شفهااا .. ميثوه تفاجأة منو هذه بعدين عرفته ..
ميثوه: السلام عليكم..
اليده شيخه + خليفه: وعليكم السلام..
اليده شيخه: عنبوووه مسودة الويه وينج مصبح يالسه اتريااااا..
ميثوه: يدوووه كنت يالسه اسبح..
اليده شيخه: يالسي تريقي..
خليفه: احم احم انا محد سلام عليه..
ميثوه احمر ويهااا: شحالك خلوف..
خليفه: بخير والحمد الله.. خلوف اصغر عيالج ..
ميثوه: لا اكبر عيالي هههههه..
خليفه: وشحالج انتي..
ميثوه: بخير والحمد الله ..
ويلست ميثوه وتريقت وطفرت من نظراات الاخ خلوف ..... عقب ما خلصو زخت اليده شيخه عصاتها وقومها خلوف واطلعت ميثه وقالت..
اليده شيخه: قومي يالله مب بسج من الزط..
ميثوه عنبوه انا مصبح مخلصه ريوقي لزم اتفشل بسبت يدوه جدام هل العله: هاااا بقوم بس وين..
اليده شيخه: بعد وين اكيد عند المعز..
ميثوه: شوووو..
اليده شيخه: تراج بقره يالعنز ...
ميثوه في نفسهااا كيف بقره وعنز بعـــــد..
اليده شيخه: قوومي قومي يامسودة الويه يعلج العوق..
ميثوه في نفسهااا صدق انحرق ويهي جدامه هذااا....
قامت ميثوه وسارت لبست نعولها وسارت عند يدتها ما لقتها وسارت وطلعت من الباب الوراني ولقت يدتها مركبه الدهاستو هيه وخليفه ..
ميثوه شافتهم وبصوت واطي: وخيبه وين يدوه ناويه تركبني..
اليده شيخه: ركبي ورااا ..
ميثوه: يدووه شو لالالا بليز شو اركب ورراا ...
اليده شيخه: عيل وين تبين تيلسين جدامي ...يالله ركبي ولا كلمه ..
ميثوه انصاعت للاوامر بدون أي اعترااض (( الصرااحه ميثوه وووايد غامضتني حليلهااا بصيح اه اه اه اعععععع امبااااع وين الكنينكس هههههه))...
وسارت ركبت وراا وانسدحت مب كامل يعني علشان محد يشوفهااا (( هل الموقف استواا حقي بس كان عمي مسونه حقي وتم يصيح ويلات بي ))
وسارو ووصلو الزريبه ونزلت ميثوه وكانت فرحانه تكره اسير العزبه لانها تحس با الملل وهيه مجابله الهوش بل العكس الزريبه خضره وهواء منعش مب ريحة معز وتيوس وبقر وبوش خلونا انرد للعنز قصدي لميثوه..
نزلت ميثوه وسارت تتمشى بعيد شوي عن يدتهاا والامير شار قصدي خليفه... وشوي تسمع يدتها تزقرهااا سارت صوبهاا ويلسو يتمشون سارو عند الشير عاده ميثوه سارت عند شيرت اللوز أو البيذام ويلست اطالع وادور ياخليفه وركب فوق الشيره ويلس يطرح ويوم يطيحن صفر تاخذهن ميثوه وتخشهن في مخبالهااا وخليفه يضحك عليهااا..
خليفه: هيه مرره كلهن حقج بنزل وباخذ كل الصفر منج..
ميثوه: ما تروم محد قالك ما تاخذهن قبلي ..حره على قلبك...
خليفه: والله ترراني ان اضيقت بنزل وبسطعج...
ميثوه:تروم ثرك ...
خليفه: نعــــــــم اروم ...اووه نسيت ماأخبركم عمر خلوف هوه اكبر عن ميثوه بسنه عمره 19..
ونزل خلوف وهيه فرت الي عندهاا بس الصفر في مخباهااا وربعت ..
ميثوه: خليفان ما تروم تضربني...
خليفه: بشوفين .. ويربع ورهاااا وتشوفهم شيخه ....
اليده شيخه: عنبوو يالي ما تستحون شعنى تربعون جذيه..
خليفه وهوه يربع ورهاا: يدوه نسوي رياضه ...
ميثوه تربع وتضحك: هيه يدوه تبين اسوين رياضه ويانا..
اليده شيخه: لالالا عيالي ما روم اربع ........ ويالست ...
خليفه كان يربع ورهااا شوي شوي وله جان ربع صدق جان قبضهاا وصطعهااا بس عيب هااي بنت عمه وعيب عليه يضربها ...
وبعدين خلها توالي خليفه وسار عند يدته ويلس يسولف ويااها ومضى الوقت وردو البيت ويلست ميثوه هل مره جدام ....
من ردت البيت سارت سيده ترقد ....

خلصت الجزء الثالث وانشاء الله بحط الجزء الرابع بس يمكن عقب فتره طويله واسمحولي...

 
 

 

عرض البوم صور أسامي الحلوه  
قديم 18-02-07, 05:40 PM   المشاركة رقم: 4
المعلومات
الكاتب:
اللقب:
عضو متألق


البيانات
التسجيل: Jul 2006
العضوية: 8173
المشاركات: 164
الجنس أنثى
معدل التقييم: ليندا عضو على طريق التحسين
نقاط التقييم: 71

االدولة
البلدUnited Arab Emirates
 
مدونتي

 

الإتصالات
الحالة:
ليندا غير متواجد حالياً
وسائل الإتصال:

كاتب الموضوع : أسامي الحلوه المنتدى : الارشيف
افتراضي

 

تسلمين يا الغاليه

و ننتظر الاجزاء الباقيه

 
 

 

عرض البوم صور ليندا  
قديم 20-02-07, 05:38 AM   المشاركة رقم: 5
المعلومات
الكاتب:
اللقب:

البيانات
التسجيل: Dec 2006
العضوية: 19656
المشاركات: 33
الجنس أنثى
معدل التقييم: أسامي الحلوه عضو بحاجه الى تحسين وضعه
نقاط التقييم: 10

االدولة
البلدJapan
 
مدونتي

 

الإتصالات
الحالة:
أسامي الحلوه غير متواجد حالياً
وسائل الإتصال:

كاتب الموضوع : أسامي الحلوه المنتدى : الارشيف
افتراضي

 

الله يسلمج ومشكوره على المرور..

 
 

 

عرض البوم صور أسامي الحلوه  
 

مواقع النشر (المفضلة)
facebook



جديد مواضيع قسم الارشيف
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 03:32 AM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية