لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 02-02-07, 11:55 PM   المشاركة رقم: 21
المعلومات
الكاتب:

البيانات
التسجيل: Sep 2006
العضوية: 13281
المشاركات: 6,276
الجنس أنثى
معدل التقييم: بدارة عضو بحاجه الى تحسين وضعه
نقاط التقييم: 10

االدولة
البلدPalestine
 
مدونتي

 

الإتصالات
الحالة:
بدارة غير متواجد حالياً
وسائل الإتصال:

كاتب الموضوع : بدارة المنتدى : القصص المكتمله
افتراضي

 

منصور:شو قالوا
شمة:روحهم بيون
اليدة: روضة أماية بتين ويانا
روضة:لاء يدوه ما أروم
سعيد: ماعليج يدوه بتي قومي روضة يلا
روضة اطالعه :تعبانة
سعيد:أنا هناك ويدوه ما عليج شر ان شاء الله يلا قومي
روضة: انزيييييييييييييييييييين
منصور: تو الناس جان ما يتوا
خليفة :شو الحين بتسيرون
منصور:هي بتون
خليفة: هي
علي:أنا مابي
خليفة اطالعه باستغراب توه يقول بي بلاه
علي اطالع ميرة بنظرة وظهر ميرة نزلت راسها
خليفة ياله مسج
(يا الثور قول أي شي خلها تي تراضيني)
خليفة نقع من الضحك هههههههههههههههههههههههههههههه
الكل صد عليه
اليدة :وي بسم الله تخبل الولد
خليفة: لا تخافون وطالع ميرة وشاورلها بلاه علي
ميرة حركت كتوفها بمعنى ما ادري
خليفة شاورلها بعينه (روحيله )
ميرة قامت شوي شوي دون محد يحس وراحت الميلس كان معطنها ظهره
ميرة: علي
علي ما صد
ميرة:علي
بعد ما صد ميرة تجدمت منه واطالعته :علي
علي ما مسولها سالفة
ميرة خلاص مب مستحملة نزلت دموعها :خلاص آسفة
علي صد عليها كسرت خاطره بس بعد لازم أأدبها
صد الصوب الثاني
ميرة:قلتلك آسفة اذا زعلان مني
علي: ليش يهمج ازعل عليج ولا لاء
ميرة: أكيد
علي: ما أشوف جي انا
ميرة: خلاص سو الي تباه بس لا تزعل
علي ابتسم أنزين مشي هالدموع اول
ميرة : بتي ويانا
علي: هي بي ما أروم ما أي أصلاَ
.................................................. .................................................. .....
منصور:سبيجة كلهم ساروا تترين منو حضرتج
الريم:اوووووووووووف أنته شخصك فيني الحين
منصور: كيفج ان شاء الله ينسونج عسب تموتين غصة
الريم:ان شاء الله آمين
منصور:ههههههههههههههه وراح
اليدة ظهرت من غرفتها :يلا ريمو خلا نروح
الريم:أنزين
عند السيارات كانوا متقسمين
سعيد وروضة وعيالهم سيارة
علي وخليفة في سيارة
واليدة والبنات عن منصور
الريم: ماماتي ليش ما نسير مع قوم علي احسن هني وايدين
اليدة:لاء ماعلي مب وايدن والسيارة كبيرة وبعدين أنا أبا اركب مع منصور وانتي وياي بتركبين
الريم(هي لازم تبين تركبين مع منصور مب سهله العيوز تبا تلصقني بالولد بأي طريقة
ركبت العيوز جدام وركبوا البنات ورا

.................................................. .................................................. ................
في الكوفي

نهيان كان يالس يترى راشد الي نقعه كل
أتصل به ينشده ليش متأخر

راشد: مسافة الطريج وياي لا تروح
نهيان :ان شاء الله بترياخ وبشوف اخرتهاد
راشد:يلا فمان الله
نهيان:فمان الله

.................................................. .................................................. .......

وصلوا مبزرة الكل توزع الريم ما رضت تروح مكان يلست مع اليدة
منصور جرب منهم
بصوت واطي ما يسمعه الا الريم:أيه العيوز ليش يالسة هني روحي تمشي مع البنات
الريم خزته بعينها وراحت عند شمة ...........هي ما كانت تبا تروح عسب ميثة واقفة معاهم
ميثة أول ما شافت الريم عوت بوزها
منصور من بعيد: شمووووووووووووووو أي أصابات قوليلي عشان اكون جاهز
شمة:هههههههههههههههههههههههه
الريم(سخافة فيه هذا )
ميثة وميرة مب فاهمين شي
.................................................. .................................................. ............

عند خليفة وعلي الجو غير سوالف وضحك ومسخرة وبعدين شافوا منصور يالس مع اليدة
وراحوا عندهم
علي: هي منصور الغالي ميلستنه عندج
خليفة:هي نحن حتى ما تسويلنا سالفة
اليدة:هههههههههههههه منصور فديت روحه بروحه يا عندي
علي:لاء والله
خليفة: ما عليك منه ما ادري شو يسوي حق العيايز داهن سيرهم
منصور: قل أعوذ برب الفلق بتحسدوني ولا شو
رن مبايل منصور قام
علي: وين يا ريال يالس
خليفة: تعال ايلس ليش رايح
علي: منصور حرمتك تباك
خليفة:هههههههههههههههههههههههههههههههههههههههههه
منصور فج عينه وطالعهم وهو يتوعد وقام
.................................................. .................................................
نور: منو هاذيل
منصور: ما عليج حبيبي منهم
نور: شو كانوا يقولون
منصور: ما عليج أقولج ها شخبارج
نور: بخير أنت شخبارك بخير
منصور:الحمدالله
شاف قوم شمة يايين صوبه
منصور:أقول غناتي أرمسج بعدين
نور: ليش
منصور:لاء الوالدة تزقرني
نور: أنزين حياتي باي
منصور :باي
وشاف قوم شمة: خير شو تبين ياية هني
شمة:مب ياية حقك ياية عسب الريم
منصور:الريم ليش وينها
شمة: بلاك هكي وراك
صد اتفاجأ ان الريم وراه
الريم: شكله وايد كان مشغول ما انتبه ،
منصور:أطالعها بطرف عينه وراح



.................................................. .................................................. ..........
روضة كانت مع أحمد وفيصل وهم يلعبون
سعيد كان يدزهم بالميرحانة
سعيد: بس تعبت انا
و راح يلس عند روضة
سعيد:روضة
روضة صدت عليه
سعيد: احم ....... احم
روضة: بلاك
سعيد:أنت شو قايله حق سالم
روضة: مب قايلة شي ليش
سعيد: لاء بس بالغلط اليوم سمعته وهو يسالج عني
روضة:شووووووووووووووووو
سعيد: كنت راد عندكم بعد ما وديت مريم وسمعت رمسته وبعدين رحت ما حبيت أدخل بينكم
روضة: زين لا تخاف ما قتله شي
سعيد: أنا مب خايف
روضة: عيل ليش تفتح الموضوع
سعيد: روضة بغض النظر عن كل شي انا مب مقصر معاج في شي صح ولا لاء
روضة: ..............................
سعيد: جد مرة طلبتي شي وقتلج لاء
روضة :لاء
سعيد: صح قبل كنت وايد قاسي عليج بس الحين انا تغيرت وايد واعاملج زين لأن أنتي ما لج ذنب بالي صار
روضة: ليش هالكلام الحين
سعيد: روضة انا .................................................. (0سعيد كان بيقولها عن زواجه بس قال بياجل الموضوع لين ما يرجعون بوظبي )
روضة:بلاك
سعيد: ماشي شو فيصل حبيبي ليش نزلت
فيصل: بس
سعيد: يلا بنسير هناك يلا احمد أنزل

.................................................. .................................................. .........................

نهيان رن مبايله باسم راشد
نهيان: وينك عنلات صداك
المتصل: لو سمحت تعرف راعي هالتلفون
نهيان :ها هي ليش
المتصل : تراه مسوي حادث وهو الحين في المستشفى وأنا خذت المبايل واتصلت بآخر رقم
نهيان:ِ شووووووووووووووووووووووووو



ظنكم شو بيستوي براشد؟
وروضة شو ردها لما بتعرف ان سعيد بيخطب ؟
وعلي وعرسه الي في الصيف شو بيصير به ؟
سلطان شو في باله ؟ وشو يالس يخطط؟
منصور والريم كل واحد يتوعد للثاني شو النهاية؟

 
 

 

عرض البوم صور بدارة   رد مع اقتباس
قديم 02-02-07, 11:56 PM   المشاركة رقم: 22
المعلومات
الكاتب:

البيانات
التسجيل: Sep 2006
العضوية: 13281
المشاركات: 6,276
الجنس أنثى
معدل التقييم: بدارة عضو بحاجه الى تحسين وضعه
نقاط التقييم: 10

االدولة
البلدPalestine
 
مدونتي

 

الإتصالات
الحالة:
بدارة غير متواجد حالياً
وسائل الإتصال:

كاتب الموضوع : بدارة المنتدى : القصص المكتمله
افتراضي

 

الجزء الســــــــــــــــــــــــــــــــــــــابع


أنا صديقك لاقسى الوقت وأكفيك"
ولاني من اللي وقت المصالح يجونك"
ياصاحبي بكل مافيك" أعزك
ومن كثر ماأعزك صرت اعز اللي يعزونك"
أفتخر لا قالوا أني مخاويك"
يامنبع الطيب قلبــــــك
والصفا في عيونــــك



نهيان من سمع الخبر دارت الدنيا به ما يعرف شو يسوي ما حس بعمره الا وهو طاير للمستشفى وصل وسال عن الغرفة الي موجود بها راشد وراح عنده
اول ما دخل صرخ صرخة لااااااااااااااااااااا
مستحيل هذا راشد بلاه جي ليش يا ربي ليته فيني ولا فيك يا راشد ليته فيه ولا فيك
تجرب نهيان منه :راشد راشد
راشد: فتح عينه وابتسم نهيـــ..........ان
نهيان يبتسم له: لا تعب عمرك لا ترمس
راشد: خلاص يا نهيان ما في داعي أحاتي عمري تراني رايح رايح
نهيان وهو ماسك عمره ما يبغي دمعته تنزل جدام راشد وخاصة من منظر راشد
راشد: نهـيـ..........ان نهـــــــــــــــــ..............يان
نهيان هني خلاص ما ستحمل نزل على الأرض(وهو يصيح ) :أبوس ايدك يا راشد ريح عمرك
راشد:وهو يبلع ريجه
راشد: نهيان امي امانة ........عندك .....لا تقطعها يا نهيان
نهيان وهو يصيح :ان شاء الله بتقوم بالسلامة وانت الي بتخليها بعيونك
راشد:ههه نهيان تقص على عمرك ولا عليه
نهيان (وهو يصيح ): لااااااااااااا يا راشد لا تقول هالرمسة
راشد: نهيان لا تنساني وتعال زورني في قبري لو في السنة مرة
نهيان: راشد حرام عليك لا تقول هالرمسة
راشد: نهيان وصيتك أمي لا تقطعها زورها من فترة لين فترة شوفها اذا محتاجة شي .أمي يا نهيان امــ.........
وبعدين ما حس نهيان الا راشد ساكت
نهيان وهو يصرخ : راااااااااااااااااااااااااااااااااااااشد ...............راشد رد عليه ...........لا تهدني يا راشد .........مالي غيرك حرام عليك ادري انك تسولف........... راشد قوم قوم بنسير ................
شوي دخل الدكتور وطلع نهيان من الغرفة عسب يشوفون راشد شو أستوابه
نهيان تم بره حاضن ريله ويصيح يصيح بحرقة على ربيعه الي داخل وما يدري بلاه ليش سكت معقولة
لا لا......... ما أظن أكيد هذا تعب قتله لا يرمس بس هو الله يهداه كل عمره كان هامل نفسه
نهيان شاف ربيعه ياي من بعيد: ذياااااااااااااااااب .....ذيااااااااااااااااااااااااب
ذياب : نهيان خير بلاك جي..................... شو مستوي بك
نهيان : را.......شد داخل ما ادري بلاه........... ذياب هو توه كان يكلمني
ذياب:انزين هد عمرك
نهيانوهو يصيح: راشد ما بلاه شي هالدكاتره ما يعرفون شي دخلو عنده ولين الحين ما ظهرو............ نهيان ما أستحمل نزل على الارض وتم يصيح ذياب راح عنده :استهدي بالله يا نهيان ان شاء الله ما عليه شر

شوي وطلع الدكتور
نهيان راح عنده :شو دكتور
الدكتور :أنتو تقربوله
نهيان: احين بلاه هذا بترمس ولا شوووووووووووووووووووووووه
الدكتور يطالعه مستغرب
ذياب :هي نجربله بلاه هو
الدكتور:للاسف حاولنا ننقذه بس...............................
ذياب نزل راسه
والدكتور راح
نهيان تم يطالع الدكتور
نهيان: شو بلاه هذا شو يقول
ذياب(وهو يصيح على راشد مافي حد عرف راشد وما حبه راشد كان مثال للطيبة في كل شي )
ذياب:استهدي بالله يا نهيان هذا قدر ربك
نهيان: ذياب هذا مب راشد مب راشد الي داخل صح راشد الحين في بيتهم راقد هذا واحد ثاني ذياب ارمس قول شي الله يخليك قول شي
ذياب:استهدى بالله يا راشد استهدى بالله أدعيله بالمغفرة
نهيان: تم يصارخ ويصيح وبعدين دخل عند راشد الغرفة وراح عنده وهو يدزه


حان موعد وفاته ويل حالي بلاه
عسا ربي يغفره ويدخله فسيح جناته



نهيان: راشد قوووووووووووم قوم ادري انك تتمصخر تسوي جي عسب تعرف غلاتك قووووووووووم يلا يلا (نهيان في هالوقت كان يحاول ما يصدق الي صار كان يصيح) ليش يا راشد ليش سويت بخويك جي ليش ما أحيدك خاين ليش خنتني ورحت نحنا متفقين
ذياب: نهيان شو هالرمسة تعوذ من ابليس شو يالس تقول
نهيان: راشد قالي اترياه قالي دقايق وبي بس خلاص احين راح رااااااااااااااااااااااح وما بيرجع راح وخذ روحي معاه ليتني انا الي مت ليتني
ذياب :استغفر ربك ............استغفر ربك يا نهيان
نهيان: انا ما أبغي العيشة من دونه ما ابغي ما ابغي
ذياب:لا حول ولا قوة راشد انت مب طبيعي انا بزجر الكتورة تشوفك
نهيان: خلاص شو الفايدة يوم الغالي راح راااااااااااااااااااااااااااااااااح

راشد طلع من المستشفى و حددوا موعد الدفن باجر الصبح لأنهم ما راح يدفنونه الحين وخاصة ان الوقت متأخر
الكل توقع ان ام راشد تصيح ولا يصيبها شي بس ام راشد فاجات الجميع انا تمت ساكته وصابرة
وراشد من ظهر محد عرف وين سار

.................................................. .................................................. ....................................

بيت بو منصور
الساعة 11:30
الكل كان مجتمع هني وخاصة انهم متعشين اليوم بيت بو منصور
دخل خليفة البيت وشكله كان يقول في مصيبة في الدرب
اليدة: وي بسم الله بلاك خليفة
خليفة:البقية في حياتكم
منصور:منو
خليفة: راشد
سعيد: منو راشد
خليفة:راشد(......................
منصور:شوووووووووووووووووووووووووووووو ه
اليدة: وي وعلية عليج يا ام راشد شو بتسوين الله يصبرج
ام هزاع: هذا وحيدها بعد
أم منصور:الا كيف مات
خليفة:حادث
اليدة:الله يهداه ضيع عمره وشبابة وحرق قلب أمه هالمسكينه عليه ما يحاتون ما يقولون عندنا أهل ولا يوم تقولهم يقولون نعرف نسوق نحن
ام منصور:الله يرحمه ويصبر امه
سعيد:ونهيان الحين شو حاله
خليفة نهيان من ظهر من المستشفى ومحد لين الحين يدري وينه
واهله يالسين يحاتونه وايد مطر وحليله من سكة لين سكة يدوره
منصور:بس مطر راح يدوره
خليفة:لا علي بعد راح يدوره
منصور:انا رايح بدوره وياهم
اليدة:قوموا ودوني عن أم راشد
ام هزاع :وين تروحين عمتي الله يهداج الناس روحها في حالة باجر بنسير
أم سلطان: الا متى الدفن
خليفة:باجر الصبح
اليدة:لا حول ولا قوة الله يصبر أمه هالمسكينة


في سيارة مطر
مطر كان معاه ذياب يدورون نهيان الي محد يعرف وينه
مطر:أوووووووووووووووف وين سار هذا
ذياب : المشكلة كان وايد منهار ما ادري كيف ساق الله يستر
مطر:ما تم مكان يروحه ما دورناه فيه
ذياب : ما أدري لحظة هذا علي متصل
ذياب:ألوووووووووووو
علي:ها ما لقيتوه
ذياب:لا والله لين الحين
علي:انزين ما يصير نحن بس الي ندوره وين بنلاقيه ......... انا بكلم الربع يدورونه ويانا
ذياب:هي زين تسوي
علي: يلا عيل فمان الله يوم تلاقونه دقوا
ذياب :ان شاء الله
سكر علي عن ذياب بس ما لحق الا مبايل مطر يرن
مطر:أووووووووووووووووووووف منو بعد
مطر:الوووووووووووووو
منصور:ها لقيتوه
مطر:لاء
منصور:أنزين انا الحين بظهر بدوره
مطر:اوكي ما أدري وين مختفي هذا
منصور: اهدى انت ان شاء الله بنلاقيه
مطر:أنزين يلا مع السلامة

.................................................. .................................................. ...........
مطر كان صدق خايف لانه يعرف اخوه كيف يحب راشد كان خايف نهيان يسوي بعمره شي مطر كان يسوق بسرعة وكان منزل الدرايش عسب يشوفون احسن مرت سيارة من عندهم عرفوها لانهم كانوا بعد منزلين الجامة

علي:ها شو بشروا
مطر:ماله اثر ما ادري شو اسوي العيوز لو درت بتحشر الدنيا
علي: هد عمرك يا مطر
مطر: تنهد
علي:أنزين نحن بنسير هالصوب سيروا انتو الصوب الثاني
مطر:أوكي
وتحركوا الشباب


في بيت بو منصور
منصور كان نازل ولابس كندورته بسرعه حتى ما صك العقم وشال مبايله والسويج
اليدة: وين رايح منصور
منصور: رايح أدور على نهيان
ميثة: وليش اتعب عمرك ايلس يوم بيلقونه بيتصلون بك
منصور كان صدق معصب وخزها بعينه هي استحت على ويها ونزلت راسها
خليفة:أنا بي وياك
منصور:يلا
سعيد: تريوني بغير الجلابية وبي
منصور:أوكي
أم منصور: اذا لقوه اتصلوا بنا طمنونا
خليفة:ان شاء الله
منصور: مطر بروحه في السيارة
خليفة:لاء ذياب معاه مينون تخلي مطر روحه في هالحالة
منصور: اتصلت بحد بعد عسب يدورونه معانا
خليفة:لاء علي بس اتصل بخلفان ومجتوم
منصور:أحسن كل ما كانوا أكثر احسن
سعيد: يلا روحنا

شمة كانت وايد خايفة على مطر عسب جي كانت يالسة مع العيايز عشان اذا في خبر تعرفه
.................................................. .................................................. ...........

مطر وذياب كانوا يمشون في فريجهم علا وعسى يكون موجود
مطر: هاذووووووووووووووه
ذياب :وينه
مطر: هكو في واحد واقف هناك
ذياب:هي والله
لكن يوم جربوا شافوا بتاني يالس يتمشه
مطر: أووووووووووووووووووووف مب هو
.................................................. .................................................. ........
في بيت أم راشد................ام راشد كانت عيونها تدمع صابرة جدامهم بس بينها وبين نفسها قلبها يحترق كيف ما يحترق وهي فقدت وحيدها ما عندها غيره الي تعبت عليه وشقت لين ما كبر كيف ما يحترق قلبها وهي تشوف الموت سرق ولدها وهو في عز شبابة وهو بعده ما تزوج كانت دايماَ تقوله تزوج ابغي اشوف عيالك قبل ما أموت بس هي الي تمت وهو الي مات شفتوا الموت ما يعرف صغير ولا كبير ما يعرف مريض ولا صاحي ياخد بدون سابق انذار ياخذ الطفل وشاب أحياناَ قبل الشايب ...........)
وضحة كانت منهارة وطاحت عليهم اول ما سمعت الخبر وودوها المستشفى (ياله شوفوا القدر الله كتب لها تكون معاه في نفس المكان بس هو انسان بلا روح خلاص ميت وهي بعدها حية وتتمنى الموت ولا العيشة بلاه )امها ما كانت تدري تصيح على ولد اختها ولا على بنتها هي كانت ترفض كل الي يون لها وهو حي فكيف وهو ميت؟؟؟؟؟؟؟؟؟؟؟؟؟؟؟)

.................................................. .................................................. ...........................
اليدة: ريمو لازم تروحين الجامعة يوم السبت
الريم:هي ليش
اليدة بناجل سيرتنا لين ما يخلص العزا فشيلة يا امي نسير ونهد الحرمة روحها
الريم:برايج انتي انا روحي بروح
اليدة:هي بخلي منصور يوديج في الليل بعد ما يرد هو يروم على الروحة والردة في يوم واحد
الريم:لا أنا بروح مع الدريول
أم منصور: لا يا أمي تروحين يا الدريول روحج هالخط كله مب زين انا بخلي منصور يوديج ما بيقول شي
الريم:بس تعب عليه
ام منصور:لا تعب ولا شي شو بيغدي عليه اذا وصل بنت عمته ولا تخافين بطرش شمو معاكم
الريم اكتفت بابتسامة (أرتاحت شوي بوجود شمة معاهم الصراحة هالمنصور قمت اخاف منه ما ادري متى يكون معصب ومتى يضحك اخاف اقوله شي يعصب عليه و يعقني في الشارع يسويها)
ميثة(لازم تبتسم وتستانس بعد سوت الي تباه اونها ما تبا اتعبه اصلاَ هي بالعمالة قالت تبا تسير عسب يفضى لها الجو معاه بس بنشوف يا ريمو منصور لمنو بيكون )
.................................................. .................................................. ..................

 
 

 

عرض البوم صور بدارة   رد مع اقتباس
قديم 02-02-07, 11:56 PM   المشاركة رقم: 23
المعلومات
الكاتب:

البيانات
التسجيل: Sep 2006
العضوية: 13281
المشاركات: 6,276
الجنس أنثى
معدل التقييم: بدارة عضو بحاجه الى تحسين وضعه
نقاط التقييم: 10

االدولة
البلدPalestine
 
مدونتي

 

الإتصالات
الحالة:
بدارة غير متواجد حالياً
وسائل الإتصال:

كاتب الموضوع : بدارة المنتدى : القصص المكتمله
افتراضي

 

شخـــــــص الامنه مضالي معه يـــوم
أنـــــدم على ايام مضت قبل مالقـاه
أحتـــاج له لاصار في صدري همــــــوم
ولو ينكسر ساقي تسندت يمنــــــــاه
جعـــل المعـــزه بيننــا دايـــم الـــــدوم
هـذا الصديق اللي من الصعب تنساه


نهيان في هالوقت كان هدا شوي دموعه تنزل بس بدون صوت يدور في الشوارع مثل المينون
( اروح لمنو الحين الي كنت اروح عنده لما أتضايج خلاص راااااااااااااااااااااااااح راااااااااااااااااااح آه آه ما ادري كيف حياتي راح تكون من دونك يالغالي ليت أنا الي رحت وأنت الي تميت نهيان وقف عن بيتهم كان بينزل بس فجاة تذكر

راشد: نهيان وصيتك أمي لا تقطعها زورها من فترة لين فترة شوفها اذا محتاجة شي .أمي يا نهيان امــ.........


ياله توه موصني راشد ونسيت شو الحال عليها الحين............ أنا لازم اروح عندها تحرك نهيان وراح بيت راشد لقا البيت فاضي مافي غير سيارتين عند الباب والظاهر أنهم خواتها لان ما اظن حد بي عندها قبل ما يدفنونه ......العزا باجر وما أظن الكل درى
دق الجرس فتحت الخدامة الباب سالها في حد عندها
قالتله منو عندها داخل وكلهم خواتها حريم كبار يعني عادي يدخل
دخل نهيان الصالة
قال بصوت مبحوح:هوو....د( ما قدر يقولها كاملة لأنه ما شاف ام راشد شاف راشد فيها نهيان تم يصيحونزل على ركبه ) ام راشد لما شافته
راحت عنده :قوم يا ولدي قوم يا نهيان
نهيان:اماية راشد راح الغالي راح
أم راشد: عيونها دمعت بس تمت قويه صابرة(يالة شقا هالانسانة صبورة ولدها ميت وهي تذرف الدموع وهادية ما نهارت ما صرخت )
أم راشد:أدعيله بالمغفرة
نهيان: ما أستحمل الموقف تم يصيح
ام راشد:خلاص يا نهيان خلاص يا بوية انا حرمة كبيرة بسكتك يعني المفروض الحين ما تضعف المفروض تكون قوي لازم ترضى بقدر ربك
نهيان ( تم يطالعها صدق اني ما استحي الحرمة روحها فيها الي مكفيها وأنا ياي اصيح المفروض أنا الي اواسيها وأخفف عندها )
نهيان:آسف يا اماية
أم راشد: وهي تمسح دموعها:شكلك تعبان روح البيت ابوية ارتاح ولا تنسى ترى باجر بيدفنون راشد لازم تكون أول واحد هناك
نهيان (أنسا كيف انسا وهو يوم موتي انا بعد):ان شاء الله اماية فمان الله
ظهر نهيان بسيارته وتم يتمشى وفجاة سمع صوت هرن حد كان يدقله هرن يوم فتح الجامة شاف سعيد
سعيد:وين انت يا ريال خوفتنا عليك
منصور: وين كنت
نهيان: تنهد كنت عند أم راشد
هني كلهم انصدموا وسكتوا
سعيد: شكلك تعبان روح البيت الحين وأحنا بنخبر الباقين
نهيان هز راسه بمعنى انزين ورفع الجامة حتى ما سأل ليش هم يدورونه
خليفة خبرهم انهم لقوه...................... مطر وصل ذياب بيتهم وراح البيت
دخل نهيان البيت أمه كانت يالسة فس الصالة ولين الحين محد قالها الي صار
امه استغربت يوم شافت حالته كان حاط غترته على جتفه وفاتح عقم كندورته
ام مطر: نهيان ....... نهيان ..........نهيان
لكن نهيان لا حياة لمن تنادي طلع فوق ودخل غرفته و عق عمره على السرير
.................................................. .................................................. ...............................
مطر دخل بعده بشوي لأن بيت ذياب مب بعيد عن بيتهم
ام مطر كانت بتطلع على الدري رايحة عند نهيان وصلت عند غرفته وفتحت الباب لقته طايح من التعب وشكله نايم
مطرمن وراها:أماية راقد خليه
أم مطر: بلاه أخوك
مطر:اظهري اماية بخبرج انا
أم مطر: شو مستوي
مطر :راشد عطاج عمره
ام مطر:شووووووووووووووووو
هذا آخر شي سمعه راشد لأنهم بعد هالرمسة صكروا الباب نهيان ما كان راقد مثل ما يظنون كان مغمض عينه ويسمعهم كانت الدموع تنزل من عينه وهو ساكت

راشد:هههههههههههههههههههههههههههههه
نهيان:شو الي يضحك الحين
راشد:ههههههههههه ما شفت ويهك يوم فرت الرقم عليك
نهيان: رشوووووووود سير ول انا رايح
راشد :لحظه أتمصخر يا خي وين رايح مستوي جبريت موووول ما تستحمل

.................................................. .................................................. ..............................

راشد: نهيان ليش كنت ترمس عبود
نهيان: هو ياي يكلمني بلاك معصب
راشد: يعني ما تعرف أن عبود وشلته صيع وشكلهم ناوين عليك اشوفهم وايد يرمسونك
نهيان:هههههههههه ما عليك سبع ما ينقص عليه
راشد: والله انا خايف من هالسبع

.................................................. .................................................. .........

نهيان: رشود عاد الله يخليك عطني الكتاب الاستاذ بيهزب
راشد: ومنو قالك تنسى الكتاب ها يعني اذا عطيتك كتابي بنهزب أنا
نهيان:أنت مب ناسي الكتاب امس انا ناسنه أمس واليوم يلا عاد
راشد:أووووووووووووف خذ


راشد هذا حالة يتذكر كل اللحظات الي مرت من بينهم ويدمع


.................................................. .................................................. ....................................

شوف عقبك حبيبي كيف أصبح زماني
وكيف أعيش الليالي وانت عني بعيد
شوفني كل ليله من فراقك شكثر اعاني
وشـــوق قلبــي لقلبـــك كـل يوم يزيد
كــل شي ياحبيبي مــــات حتى الاماني
مابقــى غير حزنــي والبكــا مايــفيد
لو عرفت بغيابك كيف يصبح زمــاني
كان ماعشت لحظة وانت عني بعيد


دخل البيت وهو طفران كافيه الي هو فيه ويسمع بعد خبر مب حلو يلا الله يرحمه ويصبر اهله
دخل هزاع البيت وراح غرفته عق سفرته ويلس على الشبرية يحس عمره مخنوق ما يدري ليش...... فتح فصم كندورته
(آه يا اليازية هالقد أنا رخيص عندج هنت عليج بهالسهولة كيف قدرتي تسوين جي حتى ما أتصلتي أطمنيني عليج هذا وانت تقولين تحبيني جي تسوين عيل لو ما كنت تحبيني سو تسوين........ شوووووووووووووو أقوووول بس الله يسامحج ............ ياله أنا ما قدرت افارقها كم يوم عيل أهل راشد شو بيسوون وهم بيفارقونه خلاص للابد الله يصبرهم )

.................................................. .................................................. ..........................

بيت بو منصور
الساعة 12:30
بيت بو منصور



الريم (أول مرة اشوف منصور متضايج بالعادة هو الي يضايج محد يقد يضايجة بس زين بعد هالبليد يحس
....................سواف مول ما اتصل بيه ما أدري بلاه مسود الويه اذا اتصلت به بيقولي ما يروم يرمسني ربعه وياه أدريبه هالخقاق محد يروم عليه)



سعيد(جي ما بروم اسير بوظبي لين ما يخلص العزا يعني السالفة بتتأجل بس أنا قايلهم بييهم يوم الاثنين والبنية يمكن قالت حق أمها فشيلة ما أسير............... الأحد ثالث يوم بيكون في العزا ونحن بنرد الاثنين بقول لروضة نفس اليوم ما يصير.......... وليش ما يصير شو بتسوي بعني الصراحة انا لين الحين مب عارف كيف بيكون ردة فعلها أخاف تطلب الطلاق...........اذا طلبت الطلاق بهددها بالعيال وبجي ما راح تقول شي وبتسكت وبكون مرتاح أول شي لاني بتزوج سارة حبيبتي وثاني شي لاني بخلي روضة تربي العيال )


شمة( يا ترى مطر شو حالة الحين بخير ولا لاء اخافه مضايج ولا شي اووووووووووووووووف محد قالي اذا لقوا نهيان ولا لاء كله من ميثة تعالي وياي وما عرفت شو استوى يوم رديت ما حصلت حد الكل رقد اكيد لقوه اذا ما لقوه منصور ما كان رد البيت خليفة يقول مطر كان متخبل ويسوق شرا الميانين الله يستر بس )

ترى كل هاذيل في بيت واحد بس كلاَ يغني على ليلاه)



يو الجمعة
الساعة 6:00
بيت مطر

حقيقه صفحتي بيضا
ولاعمري جرحت انسان
اساير وقتي القاسي بظلم وغيظ عدواني
ولا أذكر شكيت الحال لأي انسان مهما كان
أخفي قصة الحرمان عن القاصي وعن الدانى
أجامل وابتسم للناس وانا كلي شقى وأحزان
اقاوم دمعي ولكن عيوني حيل تفضحني



نهيان كان قايم من وقت لان الدفن بيكون الساعة سبع نش بشوي شوي شل فوطته ودخل يتسبح وهو يمشي بحزن يمشي بالم في صدره بحرقة مب قادر يطلعها لبس كندورته دخلت امه توعيه
ام مطر: ها امية قمت
نهيان حتى ما رفع راسه كمل الي يالس يسويه
أم مطر دمعت عيونها وطلعت تصيح على ولدها وعلى حالة
مطر وناصر ونهيان راحوا ويو بعدين اهل راشد وربعه............... نهيان كان ساكت طول الوقت


يا وقت الحسم خلاص بحطونه في القبر
نهيان:أنا الي بنزل
نزل نهيان ونزل عم الولد وحطوا راشد
(أنا ما اعرف بالضبط شو يسوون المهم ) بعد ما دفنوه نهيان طاح على ريلة يلس على الارض مثل اليائس الكل دمعت عينه من المشهد نهيان دموعه تنزل بس مش مثل كل مرة بدون صوت نهيان كان يصيح
على ربيعه وخويه الي قضى معاه احلى ايام حياته مرت نص ساعة وهو يصيح وهم يطالعونه
مطر:يلا نهيان يلا بنروح
نهيان: روحوا أنتو انا بتم شوي
مطر: ما يصير نروح ونخليك روحك.................. يلا قوم نروح الحين الناس بيون يعزون
قام نهيان معاهم وراح بيت ام راشد
وقف مع عمام راشد وخواله وهو يسلمون على الناس

.................................................. .................................................. ....................
يوم الجمعة
الساعة 12:30


الناس راحوا يصلون هزاع كان رايح المسيد مع سلطان وهم يتمشون

سلطان : وحليله نهيان وايد متاثر
هزاع: تراه ربيعه من هم صغار ما جد ظهروا الا مع بعض دايما اذا شفت راشد اكيد نهيان معاه
سلطان: هي والله ............. الله يرحمة كان طيب وايد
هزاع: هاي الدنيا كلنا على هذا الطريج
سلطان: اممممممممممم
هزاع: بلاك شي بخاطرك
سلطان: راشد رد اليوم الصبح
هزاع فتح عينه :شوووووووووووو
سلطان: هذا الي صار اتصل بيه كان يسأل اذا دفناه ولا بعدنا
هزاع:هييييييييييييييي
سكت هزاع وكمل مشي لين المسيد اما سلطان فتندم ليش قاله (أنا بعد صدق ملقوف شلي يالس انقل الأخبار جني حرمة اووووووف وانا استغربت انه ما ياب طاريها يعني اكيد ما اتصلت به ليش عيل اتفلسف ورمس
تنهد )

.................................................. .................................................. ......
بيت بو منصور
الساعة 12:30

اليدة:يلا تاخرنا متى بنسير
الريم: ماماتي أنا متى برد
اليدة: ما أدريبه والله منصور متى بيردج يمكن بعد صلاة المغرب
ميثة: اذا مستعيلة خلي الدريول يوديج
الريم: وهي تبتسم وتبا تقهرها :لاء مب مستعيلة
اليدة: روضة امي ترومين تين
روضة: هي بي انا
اليدة: زين عيل خلي عيالج عن البنات
روضة: ان شاء الله
وراحوا العيايز ويا روضة دخلو لقوا أم راشد وخواتها واهلهم وام مطر


.................................................. .................................................. .......................
يوم الجمعة
بيت بو منصور
بعد صلاة المغرب

منصور:يلا بتروحون
شمة: هي يلا جاهزين نحن
وركب منصور سيارته وركبت الريم ورا
منصور: ما نسيتوا شي
الريم:لاء

منصور طول الدرب كان ساكت على عكس ما توقعت الريم شكله وايد متأثر الريم حست بنعاس وكانت بترقد بس لاحظت أن شمة راقدة من زمان ابتسمت ورقدت الريم

.................................................. .................................................. ...................

 
 

 

عرض البوم صور بدارة   رد مع اقتباس
قديم 02-02-07, 11:57 PM   المشاركة رقم: 24
المعلومات
الكاتب:

البيانات
التسجيل: Sep 2006
العضوية: 13281
المشاركات: 6,276
الجنس أنثى
معدل التقييم: بدارة عضو بحاجه الى تحسين وضعه
نقاط التقييم: 10

االدولة
البلدPalestine
 
مدونتي

 

الإتصالات
الحالة:
بدارة غير متواجد حالياً
وسائل الإتصال:

كاتب الموضوع : بدارة المنتدى : القصص المكتمله
افتراضي

 

ما كلفت نفسك تسالني عن أحوالي..
ماتدري إن التجاهل يجرح شعوري ..
أغيب وأرجع وذكرك دوم ع بالي..
وإنت غيابي يشابه عندك حضوري..
مسموح خذ راحتك يا حضرة الغالي..
ما أقدر أعاتبك دامه انتهى دوري


هزاع معقول ما كلفت عمرها تسال عني عنبو لو مسوي بها شي بعد كان لازم تسال ماعلي أنا بتصل اليوم فليل لها وبشوف شو سالفتها
.................................................. .................................................. ........

فتحت عيونها شوي شوي وين أنا هي صح انا في سيارة منصور سايرين الشارجة وين وصلنا
شمة: منصوووووووووور
منصور صد عليها بعصبية وخزها بعينه
شمة لاحظت أنه حاط السماعة صخت اوي شو بيسوي بيه منصور اذا ما يوقف السيارة يصفعني كم طراق ويرد يكمل سواقة
مطر اتيبس من سمع صوتها: منصور اخليك انا الحين
منصور:خلاص حبيبي ارمسك بعدين
مطر:أوكي دير بلاك على الطريج
منصور:ان شاء الله مع السلامة
مطر: مع السلامة

مطر(ياله شو استوى فيني من سمعت صوتها تيبست ما يسوى عليه فديت هالصوت والله.......... ابتسم واتذكر انه كان بيغلط باسمها جدام منصورلما سمع صوتها وتخيل شكل منصور يوم بيسمعه والله ليرجع الحين ويدفنا نحن الاثنين في قبر واحد ههههههه )


.................................................. .............................................
شمة: أنزين انا شو عرفني كنت قايمة من النوم
منصور:لاء والله
شمة: قتلك اسفة
منصور:شو تفيدني اسفة الحين الريال سمع صوتج
شمة: ما صار شي انتهى الموضوع
منصور: شو ما صار شي بعد
شمة: منصور شو تباني اسوي
منصور : ما شي صخي أنتي الرمسة وياج ضايعة
.................................................. .................................................. .............

يوم الجمعة
غرفة هزاع

انا بتصل بها بشوف شو سالفتها ليش ما ترد
اتصل هزاع باليازية رن ورن ومحد شله
ورد اتصل خمس مرات ومحد يشل
طرش مسج ( ردي احسن ما أي لين بيتكم )
رد اتصل وعلطول شلت (يعني كانت عند المبايل وتدري اني اتصل عيل ليش ما ترد ) :ألووو
اليازية:.............
هزاع: ألو وينج
اليازية:الووو
هزاع: بلاج
اليازية : ماشي بغيت شي
هزاع: ومن ومتى لازم ابغي شي عسب اتصل
اليازية: ......................
هزاع: أوف بلاج انتي أنزين بكون أحسن منج شحالج
اليازية: بخير انت شحالك
هزاع: زين......................... متى رديتي
اليازية:اليوم
هزاع:هيييييييييييييييي وليش ما اتصلتي
اليازية: ...................................
هزاع:بلاج انتي ساكتة بترمسين ولاشو
اليازية:آسفة
هزاع: انزين خليج من هالسوالف شو سويتي في موضوعي
اليازي:اهممممممممممممم هزاع بقولك شي بس لاتعصب
هزاع:قووووووووووووولي
اليازية: ما أنكر اني يوم حبيتك ولين الحين احبك وأني خنت ثقة اهلي عسبك بس
هزاع: بس شو ما استاهل
اليازية: تستاهل بس أنا ما أقدر استمر وياك بالغلط
هزاع: أنزين انا قلت بخطبج أنتي الي رافضة
اليازية:هزاع كل شي يبدا غلط ينهي غلط صح أني احبك وما أدري كيف بعيش حياتي من دونك لكن هذا قدري انا ما ابغي اصير مطلقة يمكن تحبني اليوم باجر بس الي بعده ما أظمن لأن حبنا بدا غلط............ بس بعد شو بعد ما بيكون عندنا ياهل او اثنين بيكونون الضحية
هزاع: أنا مب قادر اصدق الي يالسة تقولينه مستحيل انتي اليازية الي حبيتها وخنت ربيعي عسبها تقول جي ليش ليش تهدمين كل شي حلو بينا لييييييييييييييييييييييييييش
اليازية : مثل ما قلتلك علاقتنا ما راح تستمر
هزاع: ههه قولي أنج ما كنتي تحبيني وأنج كنتي تبين تلعبين
اليازية: حرااااااااااام عليك لا تقول هالرمسة
هزاع وهو يصارخ: حرام عليه ولا عليج انتي شو ما لج قلب ما تحسين عقب ما علقت كل آمالي عليج جي تقولين ليييييييييييييييييييييييييييييش ليييييييييييييييييييش انا ما توقعت جي مستحيل انتي الي قلبي حبها ما قلتيلي لقيتي صيدة ثانية
اليازية وهي تصيح: بس عاااااااااااااااااااااااااد لين هني وبس أنا ما سمحلك تغلط عليه قتلك كل شي بينا انتهى خلااااااااااااااااااص
هزاع: هااااااااااااا تتحريني بصيح عليج لا يا امي اصحي مب هزاع الي يصيح على بنية اذا أنتي عايفتني مرة انا عايفنج مليووووووووووووووووووون
اليازية ( وهي تصيح وتصارخ ) : الله يسامك يا هزاع
هزاع:أنا الي الله يسامحني ولا انتي........... اسمعي يا بنت الناس انا الي يبيعني برخيص أبيه بتراب مع السلامة
صكر هزاع عن اليازية وهي تمت تصيح( ليش يا هزاع ليش وانا أحبك............... بس انا الي بغيت هالشي ماعلي لازم ادوس على قلبي ليش اوافق عليه وبعد كم سنة اندم..... بحاول أنساه وان شاء الله اقدر )

.................................................. .................................................. ...........................
هزاع شكل مبايلة وطرش مسج حق اليازية


فراق وكأنك تبينه فراق بفراق
بس احترمي لحظة الفرقا ومعذوره
ماجيتك ادور دروس بالاخلاق
إن زنتي لي زنتي وإن ما زنتي مشكوره

………………………………………………………………………………….
الساعة 2:00
مبزرة الخصراء

انا عايش مع همي وهمي صعب تفســـــــــــيره
حياتي بالالم تبدأ وهذا أول المشـــــــــــوار
أنا صوره من الماضي وأنا حاضر بلا ديــــــره
وأنا طيف مضى وقته وأصبح للزمن تذكار
وأنا جرح صعب يبرى,وكسر صعب تجبيــــره
وجودي والالم واحد بدنيا كلهـــــــا أســرار
وأنا ورده بدت تذبل وضعها كيف تصويـــــــره
تخيلها سحابه صيف بخيله حتى بالأمطار

(هالوقت الي نهيان كان فيه كان ليل بس الصور الي عندي نهار اسمحولي عاد )

























نهيان (آه خلاص يعني بتم روحي الي يحبني ويعزني راح منو تملي في هالدنيا دام الغالي راح
لحظة أذكرت شي أنا كيف نسيت هالشي.........................


ظنكم شو الي تذكره نهيان.؟
وهزاع واليازية بيفترقون ولا لاء ؟
وضحة شو حالها الحين ؟
سعيد متى بيرمس روضة عن السالفة ؟
علي ما تحرك لين الحين عسب سالفة خليفة ؟ظنكم وديمة بتكون لخليفة ولا لاء؟



تحيااااااااااااااااااااااااااااااااااتي

 
 

 

عرض البوم صور بدارة   رد مع اقتباس
قديم 02-02-07, 11:58 PM   المشاركة رقم: 25
المعلومات
الكاتب:

البيانات
التسجيل: Sep 2006
العضوية: 13281
المشاركات: 6,276
الجنس أنثى
معدل التقييم: بدارة عضو بحاجه الى تحسين وضعه
نقاط التقييم: 10

االدولة
البلدPalestine
 
مدونتي

 

الإتصالات
الحالة:
بدارة غير متواجد حالياً
وسائل الإتصال:

كاتب الموضوع : بدارة المنتدى : القصص المكتمله
افتراضي

 

ان شاء الله بكرة بكملها اذا عجبتكم

 
 

 

عرض البوم صور بدارة   رد مع اقتباس
إضافة رد

مواقع النشر (المفضلة)

الكلمات الدلالية (Tags)
للكاتبة سامية المقام, الكاتبة سامية المقام, سامية المقام, قبر يلمني ولا بنت اتذلني, قبر يلمني ولا بنت اتذلني للكاتبة سامية المقام
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 01:58 PM.


مجلة الاميرات 

 



Powered by vBulletin® Version 3.8.11
Copyright ©2000 - 2020, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية