لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 02-02-07, 11:30 PM   المشاركة رقم: 6
المعلومات
الكاتب:

البيانات
التسجيل: Sep 2006
العضوية: 13281
المشاركات: 6,276
الجنس أنثى
معدل التقييم: بدارة عضو بحاجه الى تحسين وضعه
نقاط التقييم: 10

االدولة
البلدPalestine
 
مدونتي

 

الإتصالات
الحالة:
بدارة غير متواجد حالياً
وسائل الإتصال:

كاتب الموضوع : بدارة المنتدى : القصص المكتمله
افتراضي

 

سلطان كان ظاهر من الدوام شوي ولما رجع الدوام شاف البنت الي شافها في ستار مارت يالسة تدفع الفاتورة
وهي طالعة يته فكرة الأخ سوا عمره مركز في المبايل ويمشي..... ليش ما يقوم يدعمها هيج الدعمة
البنت : أي أنت ما تشوف عمي
سلطان : بلاج
البنت : عنبو ذا الويه الي لك....ما تستحي ولا تخيل ترد بعد غلطان وزعلان صدق الي قال طرطور ويتشرط
سلطان فاتح ثمه الله وكبر مقواها والله لو مب بنية لهفيتها كف السبالة
ولما سار مكتبه يته ضحكة جان يضحك (صدق قوية أبوي هاي ما ينخاف عليها عن عشر رياليل بس دلاعة السبالة والله لو مرتي جان ظويت الخيزرانة على ظهرها الخامة)
.................................................. ........
الساعة 2:00
بيت سعيد

سالم : يلا عيل بستأذن أنا
روضة : تم تغدى ويانا
سالم : مرة ثانية انشالله
اشوي ودخل عليهم سعيد : السلام عليكم
سالم: هلا والله .الله حية النسيب
سعيد:أهلين علومك
سالم : طيبة والله العلوم من صوبك
\سعيد : الحمدالله
سالم :اترخص أنا وايد تأخرت
سعيد :وين وين ما شي تيلس أهني على الغدا
سالم والله متأخر ومواعد ريال قلت أمر على رواضي بالمرة مدام هيه ما تي ولا تسأل
سعيد : ما يخصها هي أنا الي مشغول بس وعد بني هذا الأسبو ع
سالم : انشالله برخصتكم عيل
وسلم على سعيد وروضة تم لاوي عليها ساعة
سعيد حس بإحساس غريب يمكن الغيرة ما يعرف ( بلاني انا هالأيام شكلي بديت أحبها لا شو أنا من أول أعزها وأحترمها لكن حب لا )
.................................................. .................................................. ..............
على الغدا بيت أبو سلطان
أم سلطان : سلطون أنا كلمت العرب اليوم وقالوا بيشاورون البنية
سلطان : ليش يشاورون البنية بعد
أم سلطان : يالله بالستر وليش ما يشاورونها هي بتعرس ولا هم...... بعدين أسمع هاي وحيدة اهلها وأبوها وايد يحبها ويدلها ليكون تزعلها وتفشلني جدام العرب
سلطان : وليش من أول ما قلتيلي أنها وحيدة
سلطان : ليش بلاها الوحيدة :انشالله
سلطان : بزية وأنا ما أقهر أتعامل مع وحدة ياهل
أم سلطان : ودي سلطون أصطلب أحسلك ناوي تفشلني جدام الناس ولا اشو
سلطان : حاس بوزة وسكت
.................................................. .................................................. ...............
الساعة 3:00
بيت نورة (الله يرحمها )

اليدة: ميري ميري ويع
ميرة : نعم ماما
اليدة : نعامة ترفسج قولي آمين يلا حطي غدا
ميري : راحت وهي تتحرطم على اليدة
سيف يالس في حجرته يطالع التلفون الي يرن يحاول يتذكر الرقم بس مب عارف رقم منو هذا
سيف : حليله نقع الريال
سيف : الو
: ألو مرحبا
سيف من سمع الصوت عفس ويهه
.................................................. .................................................. ........................
بيت بو خالد (الي هو بو روضة )
الظهر والناس كلهم راقدين ومريوم حاشرة البيت بالأغاني وتيول الحبيبة تراها يويلة ما تشوفونها بنت الصراحة أنا أنصدمت منها يوم شفتها تتحدا الشباب ولا كل يوم عندها ربيع طايفة الأجانب الأخت )
وديمة:أف مريووووووووووووووووووم حشرتينا خفي الصوت
مريم:انزييييييييييييييييييييييين العصربتفتكين مني بروح بيت خالو مريم
وديمة:أحسن بعد............... الى شخبار عبود
مريوم : وع خلاص ما حبه الحين انا ربيعي حمد
وديمة : منو حمد العامري
مريم : لا هذا مغني انا ربيعي حمد الأصلي كله ايلس عنده في الباص
وديمة : وحليله عبدالله خلاص ودرتي
مريم : هي وحليله بيلسه عندي بعد
وديمة : هههه وعبيد مسكين
مريم :هي وحليله بيلسه بعد عندي
وديمة : وعبدالرحمن
مريم : وع عاد هذا ما دانيه
وديمة :ههههههههههههههههههههههه
وظهرت فوق

(هذيل الشباب كانوا في باص مريوم وهم مب صغار كلهم صف أول وثاني عدادي وهم من نفس الفريج وهي عاد ربيعتهم ودوم تيلس معاهم في الباص وهم عاد أونه يحمونها.........................)

.................................................. .................................................. ......................................
نهيان ظاهر من الجامعة مع ربيعه راشد
راشد :وين رايح
نهيان :رايح البيت
راشد: تعال وياي تغدى في بيتنا
نهيان : لا وين ياريال ما روم
راشد :يلا العيوز زعلانة عليك تقول ما تنشد عنها مول
نهيان : اذا جي عيل بنروح

(راشد هذا هو ربيع نهيان وايد وهو عايش مع امه بروحهم لان أبوه متوفي عسب جي نهيان ما يستحي يروح بيتهم لان ماعندهم بنات وهو كان وايد مع أم راشد وكان يعتبرها مثل امه ويزقرها اماية ودوم يروح ييلس معاها و أحياناَ يظهرون ثلاثتم مع بعض واذا حد سال ام راشد كم ولد عندج تقول اثنين مب واحد )
.................................................. .................................................. ......................................وصلوا بيت أم راشد ونزلوا الشباب ودخلوا البيت
راشد : أماية أماية تعالي
أم راشد : ها بوية وشافت نهيان
نهيان تقرب منها وباس راسها : مرحبا ملايين في ذمتية ولا يسدن
ام راشد :دزته بعيد : لا تسلم عليه زعلانة عليك لا تسال ولا تنشد عني مسود الويه
نهيان :هههههههههههههههه مشغول والله أماية وبعدين أستحي كل يوم اي
أم راشد : وابويي من كثر البنات الي في البيت تستحي
نهيان : لا بس بعد كل يوم داق ويهي وياي
أم راشد : عيل خلاص أنا بعد ما بخلي نهيان يحدر بيتكم تراه هو بعد يستحي كل يوم يدق ويهه
راشد : هي والله أماية وايد أستحي ههههههههه
نهيان : هي ما علي اتفقتي انت ورشود عليه ها
راشد : هي هي خلاص ما نباك اظهر
ام راشد : رشود ويع اصطلب استخفيت انت ولا شو
راشد :هههههههههههههههههههههه اتمصخر أماية
ام راشد : مصخرتك مثل ويهك كله ولا نهيان
نهيان :هي أماية قوليله
ام راشد :هي هذا العزيز الغالي
راشد :ههههههههههههههههههههههه انزين بطوفها انا هالمرة أماية وين الغدا يوعانين نحن
ام راشد :دقايق وبخلي البشكارة تحطه يلا استريحوا
(راشد كان وايد يحب أمه لأنه ماله غيرها وكان ما يردلها طلب وكان بين فترة وفترة يظهرها من البيت عسب ما تمل وأحياناَ نهيان يكون معاهم
راشد شخصية غريبة تخلي الواحد يحبه غصباَ عنه كان حنون لدرجة فضيعة ووايد يحب نهيان وما يردله طلب حتى لو طلب عيونة كان دايماَ يجدم الكل على عمره وكان فيه هيبة غير عن نهيان الخريش يجذب الواحد له وكان غير عن كل الشباب ما يهمه البنات وهل السوالف مع أن ربعه كلهم يرمسون بنات بس هو غير )







كان راقد ومتهني في رقاده فجأة سمع صوت صريخ تحرى أن يتهيأله بعدين حس الصوت يزيد
قام من النوم سعيد وسمع صوت يهال ورد رقد تحرى يصيحون عادي بس بعدين حس انهم يصيحون ومحد سكتهم يمكن روضة تحت: خلا أظهر وشوف شوفيهم وظهر من الحجرة تفاجأ بلي شافه كان وده يصرخ بس تيبس من الصدمة

 
 

 

عرض البوم صور بدارة   رد مع اقتباس
قديم 02-02-07, 11:31 PM   المشاركة رقم: 7
المعلومات
الكاتب:

البيانات
التسجيل: Sep 2006
العضوية: 13281
المشاركات: 6,276
الجنس أنثى
معدل التقييم: بدارة عضو بحاجه الى تحسين وضعه
نقاط التقييم: 10

االدولة
البلدPalestine
 
مدونتي

 

الإتصالات
الحالة:
بدارة غير متواجد حالياً
وسائل الإتصال:

كاتب الموضوع : بدارة المنتدى : القصص المكتمله
افتراضي

 

الجزء الرابـــــــــــــــــــــــــــــــــــــــــــــ ـــــــــــــــع

تعرف الظلم؟!

لا حبيت شخص مادري عنك...

تعرف الصعب؟!

اذا كنت مخلص والي تحبه غدر بك

تعرف القهر؟!

أنك تسهر الليل والي تحبه عمره ما حلم بك



"نصيحه"

إذا فكرت تحب حب اللي يحبك













الاثنين
3:10
بيت سعيد


سعيد واقف مكانه متيبس وهو يشوف روضة طايحة على الأرض مغمى عليها وعيالها حواليها يصيحون
سعيد بعد شوي حس أنه واقف مكانه بعده منصدم وبسرعة راح عندها وشلها ووداها الغرفة نومها على السرير بعدين حط عطر على الكلينكس وتم يحركه عند خسمها
روضة بدت تفتح عيونها شوي شوي سعيد ابتسم ومسح ايده على شعرها :اشفيج رواضي
فجأة روضة : اتذكرت الي صار وتمت أتصيح وسعيد يحاول يهدي فيها وهي تصيح آخر شي سحبها لحظنه وهي تمت أتصيح وما هدت .......................... سعيد يحسها تحاول تبعد عنها شي ما تيغي تتذكره .................................................. ...
بيت ابو الريم
الشارجة
:سيف : نعم
المتصل: سيف ال...... موجود
سيف : لا الشيخة الرقم غلط
وصكر على طول
فهالوقت دخلت الريم الغرفة تقوله عن الغدا شافت ويه متغير
: بلاك
سيف : هاي ذلت عاري
الريم :منو
سيف : في غيرها العنز
الريم: سهيلة بطي
سيف :هي
الريم: انزين بلاك أنت على البنت
سيف : ذبحتني ولا بعد قايله حق البنات أن أنا أحبها ومعجب فيها ومتخبل عليها بعد

الريم : هههههه وحليلها تحبك
سيف : حبتها الجرادة اليوم تخيلي لاحظت أني من شفتها قمت راحت الحبيبة ولحقتني وين ما انا واقف ولا الحبيب ميود يضحك بغيت أجتله
الريم : انزين رمسها
سيف : تخسي والله يعدين لما البنات بيسألونها شو قالج بتقولهم كلام حب وغزل
الريم :ههههههههههههههههههه
سيف : بلاكم أنتو تضحكون أنتو مب حاسين بالقهر الي فيني
الريم : تراك انت اول مرة أشوف ولد ما يبغي يرمس بنت ولا بعد تحبه ولو قالها تبوس ريله بتبوس
سيف : أنا غير انا ما داني الي تذل عمرها
الريم :انزين من وين يابت رقمك
سيف: كاتبنه في الصالة الرياضية
الريم : مسود الويه يوم كاتبنه ................اتحمل عيل...................... هي صح نسيت غدا
سيف : ابويه هني
الريم :هي تحت


ونزلو تحت ولقوا أبوهم يالس ويا اليدة الريم راحت يلست عن أبوها وحطت راسها على صدره
اليدة : ريمو ويع اعقلي انت مب صغيرة
الريم : ليش يدوه شو سويت
اليدة : عيل حاطة راسج على صدر أبوج قومي عنه يمكن يضيج
أبو سيف : لا عمتي عادي
اليدة : كيفك انا كنت ابا راحتك وصدت ويها وعوت بوزها بو سيف ابتسم (ياله هاي العيوز ما بتيوز عن طبعها )

.................................................. .................................................. ........
سعيد يطالع روضة الي لين الحين في حضنه حسها هدت وختفى صوت تنفسها
سعيد بحنية عمره مامنحها الى لعياله ولسارة : بلاج حبيبي شو فيج
روضة س .سا .,....لم
سعيد :سالم بلاه
روضة : سوا .ههيئ حا .حادث
سعيد :انشالله هو بخير لا تخافين الحين بتصل فيه وبخليه يطمنج عليه
شل المبايل ودق على سالم
تم يرن بعدين
: ألو السلام عليكم
سالم :وعليكم السلام هلا والله
سعيد : وينك ياريال أنت
سالم : أنا في الطريج
سعيد : يعني أنته بخير
سالم : هههههه أكيد هاي رواضي نشرت الخبر وين هي عطني ياها
سعيد : شو قايلها أنت
سالم :ههههههه هي أتصلت فيني قالتلي أنت وصلت قلتلها لا بعدني سويت حادث وبعدين صكت علبالي أنقطع الخط
سعيد : أنزين هكي خذها طمنها عليك
وعطاها المبايل وتمت ترمس وبعد ما خلصت بندت المبايل وعطته
سعيد :روضة ألبسي عباتج
روضة : ليش
سعيد: ألبسي وخلاص
وطلع من الغرفة
وبعد شوي لقته يالس يلعب بالسويج
: سعيد :يلا روحنا
روضة : وين بنروح
سعيد: في السيارة بقولج
روضة : والعيال
سعيد : ما بنطول بنخليهم مع البشارة يلا
روضة عقدت حياتها وراحت وراه
في السيارة
روضة تمت ساكتة لين ما وصلوا عند المستشفى ونزل سعيد وهي تمت فاتحة عينها أطالع سعيد
سعيد : فتح بابها : ادري لو عرفتي أنا يايين هني ما بترضيين تين يلا أنزلي
روضة نزلت وهي ساكتة المشكلة أنها تعرف شو فيها وها الي يخليها طول الوقت سرحانة
دخلت عند الدكتورة وفحصت عليها
:مبروك أنتي حامل
روضة اكتفت بابتسابه باهته
قامت من السرير وعدلت عباتها وطلعت
سعيد : شو قالولج
روضة : ما شي يلا نروح
سعيد : شقى ما شي أنا بدخل عند الدكتورة
روضة : سعيد بقولك في البيت
سعيد عقد حياتة بس هدها وراح للدكتورة وقالتله أنها حامل في الشهر الثاني
استانس سعيد وايد
وطلع وهو شاج الحلج
:يلا نروح
.......................................
أم سلطان : سلطاااااااااااان ......سلطااااااااااااااااان
سلطان :هلا أماية
أم سلطان: مبروك ابوية وافقو
سلطان لله يبارك فيج كنت متأكد أنهم بيوافقون حد يرفضني أنا
أم سلطان :ههه ما قول الى الله يهديك وهالله هالله ببنت الناس
سلطان : بنت الناس في عيوني يامي
أم سلطان : بدينا من الحين
سلطان :ههههههههههه شكلها العيوز بدت تغار

 
 

 

عرض البوم صور بدارة   رد مع اقتباس
قديم 02-02-07, 11:34 PM   المشاركة رقم: 8
المعلومات
الكاتب:

البيانات
التسجيل: Sep 2006
العضوية: 13281
المشاركات: 6,276
الجنس أنثى
معدل التقييم: بدارة عضو بحاجه الى تحسين وضعه
نقاط التقييم: 10

االدولة
البلدPalestine
 
مدونتي

 

الإتصالات
الحالة:
بدارة غير متواجد حالياً
وسائل الإتصال:

كاتب الموضوع : بدارة المنتدى : القصص المكتمله
افتراضي

 

في سيارة سعيد


روضة كانت سرحانة وسعيد استغرب منها بلاها هاي بدل ما تفرح
سعيد :روضة بلاج
روضة :ها ولا شي
سعيد : عيل بلاج مويمة
روضة : لا بس يالسة أفكر في سالم ما يندرى وصل ولا لاء
سعيد : أتصلي فيه عيل
روضة : لا بتصل بعدين
سعيد وهو يبتسم : هالمرة انشالله بنت
روضة :ابتسمت وطالعته : شو بتسميها
سعيد : اذا بنت على أماية شيخة
روضة : واذا ولد
سعيد : اذا ولد مادري يمكن أسميه عمر بس انا حاسس أنها بنية
روضة : كله واحد
سعيد : صح كلهم عيالنا

.................................................. .................................................. ......
بيت بو هزاع
4:00


دخل البيت وهو معصب أنا أراويها السبالة مسك هزاع مبايله
تم يرن بعدين شلته
: هلا حبيبي
هزاع : يزوي وينج
اليازية وهي خايفة(بلاه هذا ) : في البيت
هزاع : أدري في البيت بس حضرتج وين كنتي الصبح
اليازية بعفوية : هي ترا اليوم الصبح خالد أخوية قال بيودينا المول عشان نتشرا لأن عرس بنت عموتي قريب وبعدني ما....
قاطعها هزاع : وكيف حضرتج تطلعين من البيت دون شوري ها
اليازية :حبيبي هز...
هزاع : لما أنا أرمس تلمين ثمج فاهمة ولا لا
اليازية :والدموع تنزل على يبهتها بدون ما تحس
هزاع : ومرة ثانية اذا ظهرتي دون شوري والله ياليازية لتشوفين شي عمرج ما شفتيه فاهمة ولا لا
أقول سمعتي صوت قطار الامارات اليديد
اليازية : ل لا
هزاع : عيل أسمعي وصك التلفون
: توتوتوتوتوتوتتو
اليازي كانت تصيح أول مرة هزاع يصرخ عليها جي
حتى هزاع كان يعرف أنها تصيح لكن هزاع معروف لما يعصب محد يكلمه أو يرادده لأن وايد يعصب وما يحس بنفسه
تم مغتاض
: تستاهل محد قالها تطلع دون شوري بس حرام وايد صرخت عليها ولا أقول أحسن عسب ما تعيدها


.................................................. .................................................. ..........
بيت بو خالد
مريم يالسة تطالع تلفزيون
فاطمة : مريوم قومي يلا متى بتذاكرين حضرتج
مريم : أماية ما أبغي بعدين
فاطمة شو بعدين يلا باجر آخر يوم بعدين أجازة يلا حبيبي
مريوم : أوووووووووووووووووووووووووووف
خالد : مريوووووووووووووووووووووووم
مريم : آسفة
دخل البيت سالم ومريم نقزت في حضنه
سالم : هلا والله هلا
مريم : عمي وينك من زمان ما شفناك
سالم : هي والله أنا بعد من زمان ما شفتج من جني متصبح بكشتج هههههههههههه
ودخل الصالة وهو شال مريوم السلام عليكم
الكل : وعليكم السلام
سالم : يلس مع خالد
خالد : مريوم حبيبي روحي يلا ذاكري
مريم : انزييييييييييييييييييييين

خالد : الا شحال روضة
سالم : بخير تسلم عليكم بتي يوم الاربعاء.................... بس
خالد : شو بس بلاك
سالم : مادري حاسس انه فيها شي مصفره ووايد تسرح
خالد : يمكن في شي شاغل بالها ما عليك أنت
سالم : مادري يمكن مضاربة مع سعيد
خالد : لا ما أظن عمرها ما شكت منه اكيد هو حا طنها في عيونه أنت تتوهم ما عليك
سالم : ياريت والله لو يكون كلامك صح وأني أتوهم

.................................................. ..................................
الساعة : 7:00
نهيان يالس مع راشد في بيت ام راشد
نهيان : وينها العيوز ما يت اليوم
راشد :ظاهرة
نهيان : غريبة عيل مب انت موصلنها
راشد : لا بتروح العرس اليوم عسب جي خالتي مرت عليها بيروحون مع بعض
نهيان: عرس من الحين
راشد: بيروحون بيت خالتي بعد
نهيان : هيييييييييييييييييييييييي






بيت مطر
الساعة 8:20

نهيان كان راجع من عند راشد فدخل البيت وشاف امه يالسة راح يلس معاها

الامتحانات جريبة والكل يذاكر مطر كان رايح يشوف ناصر يذاكر ولا لااااااااااا

دخل الغرفة سمع صوت ماي أكيد يتسبح
بعدين راح فتح الدرج وانصدم
معقولة نا صر ......................

.................................................. .............................................

توت توت توت
: أف جن محد في البيت غيري
ميرة : الو
البنت : ألو مرحبا ميرة موجودة
ميرة : هي انا ميرة منو معاي
البنت : انا شمسة
ميرة : :هلا الشيخة بس منو شمسة ما عرفتج
البنت : انا مرة شفتج في العين مول وتبادلنا الأرقام
ميرة ( عرفت انها جذابة بس قالت خلا أشوف شو تبى ) هيييييييييييييييييييييي
شمسة : علومج
ميرة بخير
شمسة : عيل خلا نتعرف على بعض امتحاناتج جريبة ولا
ميرة : لا أنا ثنوية عامة
شمسة هــيييييييييييييييييييييييييييي
شمسة : انزين عندج خوات
ميرة : لا ما عندي
شمسة : وحيدة ولا
ميرة : لا عندي أخو (ميرة والبنت كان كل كلامهم كلمة كلمتين )
شمسة : هيييييييييي أنزين شسمه
ميرة : سلطان
شمسة : (خلاص ما عرفت شو تقول ): أنا بكون صريحة معاج أنا أعرف سلطان من زمان وأحبه وهو يحبني بس من شهر وهو يتهرب مني وقبل كم يوم لما أتصلت فيه قالي انه كان يقص علي وما يحبني أنا مابا منه شي بس الي اباه أنج أطمنيني عليه
ميرة استغربت : مادري
شمسة : انا بتصل فيج كل يوم وانت قوليلي اخبارة
ميرة تمت محتارة بعدين قالت :انزين
شمسة : مشكورة ما عرف كيف أشكرج
ميرة :لا عادي الحين بسكر انا
شمسة : براحتج الشيخة
.................................................. .................................................


ناصر طلع من الحمام وتفاجأ بالشي الي بيد مطر
مطر (وهو يتكلم من ورا أسنانه ) : شو هذا
ناصر : ارتبك ه .ه ....هذا ااااااااا
مطر وهو يصرخ : أقولك شو هذا تسمع ولا أسمخيت
ناصر : نزل راسه
مطر : هذا الي ملهنك عن الدراسة ومخلنك ..... آه خسارة يا ناصر
ناصر ما عرف شو يقول ونزل راسه
مطر : مدام هاي سواتك عيل أسمع طلعة من البيت ماشي ومبايل بسحبة منك من المدرسة للبيت ومن البيت للمدرسة بظهر يا علان بظهر يا فلان ماشي سامع ولا لاء......... ورقعة ويهك مابا أشوفها من تشوفني تفز من مكانك وتنقلع فاهم
ناصر :,,,,,,,,,,,,,,,
مطر : فاهم ولا لاااااااااااااااا
ناصر : فاهم
وطلع مطر ولقى أمه وأخوه
أم مطر : بلاك تزاعج
مطر : سيري شوفي ولدج شومن سواد ويه مسوي
الأم : ويدي شو مسوي بعد
مطر : يتحرى المريلة بالدخان
نهيان وأمه انصدموا ومطر طلع من البيت وكان مسرع ما يعرف وين يسيير
.................................................. ......................................

 
 

 

عرض البوم صور بدارة   رد مع اقتباس
قديم 02-02-07, 11:35 PM   المشاركة رقم: 9
المعلومات
الكاتب:

البيانات
التسجيل: Sep 2006
العضوية: 13281
المشاركات: 6,276
الجنس أنثى
معدل التقييم: بدارة عضو بحاجه الى تحسين وضعه
نقاط التقييم: 10

االدولة
البلدPalestine
 
مدونتي

 

الإتصالات
الحالة:
بدارة غير متواجد حالياً
وسائل الإتصال:

كاتب الموضوع : بدارة المنتدى : القصص المكتمله
افتراضي

 

سارة : أخيراَ أتكرمت ورديت علي
سعيد: والله سوري يا قلبي كنت في المستشفى وأنت تدرين مافي ارسال
سارة :ليش جبيبي شي يعورك
سعيد : لا
سارة: عيل شوووووووووووو
سعيد ( أف تورطنا شكلنا ) : لا بس روضة شوي تعبانة
سارة :أوووووووف بلاها بعد
سعيد : ماشي حا.......حامل
سارة : شوووووووووووووووووووو حامل........... سعيد (تسوي عمرها تصيح ) انت ما تحبني سعيد أنت خاين
سعيد : منو قال ما حبج فديتج أنت الهوا الي أتنفسه
سارة : أحسك تبا ترتبط فيها اكثر و أكثر
سعيد .: يتهيألج حبيبي
وتمت تصيح وهو يهديها لين ما صكرت
سعيد : أف ما بغت ( سعيد معقولة أنا مابا سارة تكلمني وأباها تسكر بسرعة لا مستحيل الظاهر من حنتها جي قلت )
سعيد دخل البيت ما حصل حد طلع فوق لقاها مع أحمد وشكله معذبنها
روضة : يلا أحمد حبيبي قوم عشان ترقد عندك باجر مدرسة
أحمد : مابا
روضة : ياماما قوم لا تعذبني
أحمد : مابا مابا
سعيد : احمد قوم أرقد باجر عندك مدرسة وماما تعبانة
أحمد : بس شوي لين ما يوصل الكبير على الاربعة
سعيد: تسمع الرمسة أنت ولا لاء
أحمد : مااماااااااااااااااااااااااااا
سعيد وهو يصارخ : قلتلك قووووووووووووووووووم
أحمد والدمعة في عينه أنزيييييييييييييييييييييييين
روضة كسر خاطرها قامت وراه وراحت لعنده
.................................................. ......................
يالس مع أمه جان يرن مبايله باسم الغلا كله ابتسم وطلع
:مرحبا ملاااااااااااين في ذمتية ولا يسدن
اليازية : أهلين (بجفا ) .بسير بيت يدتي ممكن ولا لا
هزاع : روحي فديتج
اليازية : باي
هزاع : باي وابتسم بأسف

.................................................. .................................................. ................................

بيت بو خالد

خالد دخل غرفته لقا مريم يالسة في حظن فاطمة
خالد : السلام عليكم
فاطمة وعليكم السلام
خالد : رقدت
فاطمة : هي تعال شلها
خالد شل بنته ووداها غرفتها
ورد يلس عن فاطمة : شو حبيبي انشالله احسن
فاطمة : الحمدالله
خالد ما يعرف شو يسوي يشوف الدموع تتجمع في عين مرته ويشوفها يأسانة بس ما يروم يسوي شي هالشي مب بايده
خالد وهو يمسك أيد فاطمة :انشالله هالمرة الله بيثبته في بطنج يا فاطمة لا تخافين
فاطمة : انشالله
خالد : وليش هالدموع عيل
فاطمة : تعبت أنا يا خالد خلاص ما روم أتحمل اذا هالمرة عقيت خلاص ما أبا عيال أنا...... وأنت دورلك حرمة ثانية
خالد حطا صبحه على ثمها : ما أبا أسمع هالكلام مرة ثانية اذا ما تبين عيال ما علي لكن دورلك حرمة ثانية شليها من مخج فاهمة وأنا الحمدالله عندي مريم واذا الله مب رايد يرزقنا بعيال هذا قدرنا
والحين قومي تلبسي أنا عازمنج على العشا )
فاطمة : ومريم
خالد : مريم تعشت والحين راقدة ما عليها شر انشالله بعدين أماية في البيت وهاي الجنية ما تخاف من شي
فاطمة: ههههههههههه حرام عليك

(فاطمة حرمة خالد وبنت خالته في نفس الوقت بعد ما يابت مريم حملت اربع مرات وعقت وهي مب راضية تروح تتعالج لانها وايد تخاف من العمليات والعملية نسبة نجاحها مب مضمونة والحين هي حامل وقايلة حق خالد اذا عقت خلاص ما تبغي عيال وخالد وافق لانه يشوفها كيف تتعب وهي عرضت عليه يتزوج بس هو رفض هالموضوع )
(فاطمة عندها اختين بس وحدة أكبر منها واسمها مريم وهي معرسة وعندها ولدين ووحدة أصغر منها اسمها العنود سنة أولى جامعة )
.................................................. .................................................. .........................


صقر لقيتة مسقاي سم
مكسور جناحة من أصحابة
طايح على الارض وينزف دم
ويون من حر ماصابه
حنيت له يوم يتألم والدمع قاطر من أهدابه
أخذت عنة حمول الهم عامين أراعية وأشقابه
ويوم طاب طار وماسلم
قطع وريدي بمخلابة و


بعد ما طلع مطر من البيت أمه راحت عند ناصر والدموع في عيونها والصدمة في ويها دخلت الغرفة لقت ولدها يالس على الشبرية وويهه بين كفوفه وزعلان .........شافت ضناها يآئس من الدنيا .............مستحيل هذا ناصر ولدي حبيبي الي دلعته وجدمته على كل عيالي يسوي فيني جي يعذبني وأنا امه الي ضحيت عسبه هو وأخوانه ليش يا ناصر لييييييييييييييييش سويت جي ............أنزين مب عسبي ............عسبك أنت عسب صحتك وشبابك ...............شو أسوي الحين ...............راحت عنده وبكل طيبة وحب حطت أيدها على جتفه وفجأة مثل جبل الي انهار مثل الصخرالي انكسر مثل صقرالي انجرح وناوي يجرح في كل الي حوله ...................بدون ما يسوي حساب لهل الأم الي يت عنده عسب تهديه ............ انفجر لكن مش مثل أي ينفجار انفجار يجرح أعز صديق وأغلى حبيب
ناصر(وهو يصارخ ) :هو شخصه الحين ليش يدخل في شي ما يخصه قوليله ما يخصه
أم مطر : هد بوي هد أعصابك .............. هو لو ما يعزك ما قالك هالرمسة
ناصر:ما يخصه فينييييييييييييييييييييي ما يخصه
أم مطر :انزين ما يخصه أنا بقوله يوم بي................. بس أنت فديتك هد أعصابك
ناصروالدموع في عينه : قبل ما ينصح الناس خلا يسير يشوف عمره
وقبل ما يكمل حس بحرقة في ويهه وما حس الا بيد طبعت اصابعها على ويه شاف في عيون أمه الحسرة والألم وفي عيون اخوه الي عطاه الكف الغضب
نهيان : لسانك هذا بقصه قبل ما ترمس عن مطر فاهم ولا لاء هذا الي ترمس عنه ضحى بعمره وشبابة عسبك اذا أنت ناسي بذكرك أنه كان يتحمل التعب كل يوم و يداوم الصبح ويدرس العصر عسب حلالك محد يلعب فيه واذا في فضل لحد أنك واقف على ريولك بعد الله فهو لمطر الي ضحا بكليته عسبك ولكنك ما تستاهل انت الرمسة حرام فيك .......... والحين بعد كل الي سوالك ياه بدل ما تحمد ربك أنه الله عطاك أخو مثله يحبك ويخاف عليك ترمس عنه وتصارخ على أمك ..............هاي المريلة يا الريال بالدخان والصريخ ........... ولا بعد تقول محد يخصه فيني وتسبه ..................مب هذا مطر الي اعتبرك ولده وحاول يعوضك عن حنان الابو ...........مب هذا مطر الي عمره ما ردلك طلب ............ أنت المفروض بدل لا تصارخ تكون ندمان وتصيح مب من القهر من الندم........ انت لو تبوس راسه ليل نهار ما راح تردله بعض من أفضاله عليك ..............
وطلع نهيان من الغرفة ومن البيت بكبره وناصر انهار في الصياح جنه ياهل وأمه تحاول تهديه
ركب سيارته وتنهد ما يعرف وبن يروح بس الي يعرفه أنه مب طايق المكان والبيت بالتحديد مشى بالسيارة بدون هدف ما حس بعمره الى جدام بيت راشد أطالع الساعة الساعة عشر
: أوووووووووووف يمكن أمه ردت من العرس وأكيد اهلها معاها راشد قالي عيال عمته يايين من الفجيرة وراح ينامون عندهم
اتصل فيه أحسن
راشد : مرحباااااااااااااااااااااااااا ملاييييييييييييييييييييييييييييين في ذمتيه ولا يسدن
نهيان : مرحب باجي ............... وينك
راشد : في البيت شفيك
نهيان :اظهر أنا عن الباب
راشد : انزل أنا في الميلس
نهيان : مخنوق أبا أظهر
راشد :أمممممممممم انزين أنا ..........ولا أقولك دقايق وأنا عندك
تم راشد في السيارة يتريا وما حس الا بالباب الي عنده ينفتح بس الباب الي ورا بعد صد نهيان علطول ورا
شاف ياهل دخل : السلام عليكم عمي
نهيان فاج حلجه : ها ....هي وعليكم السلام
وراشد ماسك ضحكته :هذا ولد عمتي خلوه عندي وراحو العرس
نهيان :هييييييييييييييييييييييي بس ما شفته يوم ييت
راشد :هههههههههههه تراه كان مع الخدامه وأمه قايلتله يوم يشوفني يقولي أنه بيتم معاي بس هو استحى وما خبرني لين ما دخلت أنا البيت وشفته وقالي السالفة
نهيان :هيييييييييييييييي
راشد :حرك بلاااااااااااااااااااااااك
نهيان وهو يحرك السيارة : شو اسمك حبيبي
الولد :جاسم
نهيان ابتسم له وكمل طريجة وراشد لاحظ أنه فيه شي بس سكت لأن جاسم هنيه
نهيان راح المبزرة ونزل وجاسم راح يلعب بعيد عنهم
راشد :بلاك
نهيان :ها ولا شي
راشد : هب عليه ارمس
نهيان : ناصر
راشد :بلاه
ناصر :يدوخ
راشد :شوووووووووووووووووووووووووووووو انزين ليش
نهيان أطالعه : شو بعد ليش
راشد : يعني ليش ما سألته
نهيان :لاء والله يباني أسئله بعد مسود الويه
راشد :شو سويت عيل
نهيان : عطيته كف
راشد : وأخوك بعد ضربه صح
نهيان :لا....................... واجعه بس ................ أنا روحي استغربت أنه ما ضربه
راشد :أنت وأخوك غلطانين
نهيان طالعه بعصبية
راشد : لا تطالعني جي المفروظ تروحون ترمسونه تسألونه شو الي خلاه يسوي جي
نهيان : أنت ما تعرف ناصر ناصر وايد مدلعتنه أمي عسب جي أخترب
راشد : حتى ولو .... يمكن مب هذا السبب الي خلاه يدوخ
نهيان : ماااااااااااااااادري كل الي أدريه أني مب طايق البيت
راشد : أرقد عندي عيل اليوم
نهيان :لا ااااااااااااااا شو أهلك أهني
راشد : عادي ترى جي جي أنا برقد في الميلس أرقد وياي أحسن
نهيان : بشووووووووف
.................................................. .................................................. ...................

 
 

 

عرض البوم صور بدارة   رد مع اقتباس
قديم 02-02-07, 11:35 PM   المشاركة رقم: 10
المعلومات
الكاتب:

البيانات
التسجيل: Sep 2006
العضوية: 13281
المشاركات: 6,276
الجنس أنثى
معدل التقييم: بدارة عضو بحاجه الى تحسين وضعه
نقاط التقييم: 10

االدولة
البلدPalestine
 
مدونتي

 

الإتصالات
الحالة:
بدارة غير متواجد حالياً
وسائل الإتصال:

كاتب الموضوع : بدارة المنتدى : القصص المكتمله
افتراضي

 

هزاع :أوووووف أنا شقا براضيها عمرها ما زعلت علي عسب أعرف

هزاع ياب مبايله وطرشلها

أنا قلبي على الفرقا عصاني
يحبج ما يحب انسان ثاني
تولع فيج في يوم وليلة
وربي بج يا حبيبي أبتلاني
أحـــــــــــــــــبـــــــــــــج

بس اليازية ما ردت عليه

طرشلها
(لو التمني ينفع الي تمنى ما صرت بلوم نفسي شقية أشوف كلاَ مع حبيبة تهنى وأنا حبيب ا لروح صعباَ علي )



اليازية طرشتله

مصدر حياتي عزتي واعذرني مقدر أواصل بالهوى حاني الراس
صحيح حبك نقطة الضعف فيني ما نكرت لكن عزتي ما لها قياس


هزاع رد طرشلها

كرهت الحال من صغري فديت (الموت )لو يدري عساه بس يعبرني و ياخذني بسرعة( لقبري )

بعد ما طرشلها المسج ابتسم ابتسامة خبث وما مرت دقيقة الا اليازية تتصل

هزاع سوا عمره تعبان
هزاع : ألوووووووووووو
اليازية : هزاااااااااااااااع شو هالرمسة الي
هزاع : اليازية ارحميني حرام عليج أنا تعباااااااااااااااااان
اليازية :شو فيك حبيبي
هزاع : تعبان شوي وأنت بعد زعلتي علي
اليازية: تراك أنت
هزاع: الــــــــــــــــــــــيازية ارحميني
اليازية : خلاص حبيبي أنا مب زعلانة بس أنت لا تعب عمرك
هزاع (ابتسم ):اشحالج بعد
اليازية :زينة أنت شو أخبارك
هزاع : ما شي اخبار.................. بس هي سلطان خطب
اليازية : مبرووووك يستاهل
هزاع :هيييي ترا أنا غيران منه شمعنى هو يخطب أنا بعد أبا أخطب
اليازية :ههههههههههه أخطب حد ما سكنك
هزاع :يزوووووووووووووي لا تستهبلين أنا الصراحة قمت أخاف اذا راشد أخوج عرف كيف بتكون نظرته ليه
ما أتخيل راشد يزعل عليه بصراحة ما بلومه اذا جتلني
اليازية : هزاااااااع بلييييييييييييييز
هزاع : أنتي الي ارجوووووووووووووووووج أنا ما أرووم أكثر من جي ما أرووووووووووم......... عندج لين يوم الجمعة تفكرين اذا ما بغيتي أنت من طريج وأنا من طريج والله يوفقج
وبند من دون ما يسلم حتى



انتشر خبر حمل روضة في نفس الليلة والكل فرحان وأم سعيد قالت أنها بتسوي عزيمة يوم الخميس وبتعزم كل الأهل
طبعاَ من المعزومين سيف والريم
سيف : سوري يدوه بس أنا مواعد الشباب بنسير أنخيم في البر
الريم : وأنا ما بسير
اليدة : ليش انشالله
الريم :يس جيه ما بسيييير
اليدة : بشوف ياريمو كيف ما بتسيريييين
ريم قامت لأنها سمعت مبايلها يرن
: ألو
:الوووووو
الريم : حمدو بلا صوتج
حمدة : ما شي بس شوي مضايجة
الريم : حمدو بترمسين ولا
:حمدة :مابا أغثج
الريم :عيل ربيعتج عالفاضي قولي بلاج
حمدة : ماشي كنت ألعب في لابتوب أخوية صالح قلت خلني افتح أشوف الصور الي عنده وشفت صورة .....
الريم : بلاج حمدو صورة أمنوه شفتي
حمدة: صورة أخواني ومعاهم صقر وبنية أجنبية لاوية علييه
الريم : تحريت شي
حمدو : ليش هذا شي بسيط
الريم : ليش أنت تحاسبينه على ماضيه حمدو اذا على جيه بضيعينه من أيدج صقر يحبج وشاريج لا تخلين لحظة غضب أضيعه من أيدج
حمدة : مادري
الريم wait ............شو الي ما تدرين شو سويتي
حمدة : كنـــــــــ........ت داخلة الmsn وهو كان داخل جان اطرشله الصورة
الريم: صدق أنج غبية وشو قال
حمدة : قهرني استغرب وقال هاي صورة جديمة من وين يبتيها شفتي وقاحته
الريم : وأنت شو رديتي
حمدة ما رديت تم يقولى تدرين أن هاي سوالف مراهقة وأن انا أعرفة وهو يحبني
حمدة : ما كنت أتوقعه جي
الريم :بس يا حمدة
حمدة : ريم غيري الموضووووووووووووع
الريم : انشالله
وتموا يسولفون وبعدين بندو عن بعض
.................................................. ....................
أم مطر دخلت غرفتها واتصلت في نهيان
وبعد رنتين رد
نهيان :الووووووووووو
أم مطر :ها بوي وين أنت
نهيان : ميلس قوم راشد
أم مطر : متى بترد
نهيان :لا أنا اليوم برقد عنه أماية
أم مطر : لييييييييييييييييش أبوية تعال البيت أحسن
نهيان : لاااااااااااااا أماية باجر بي أنا
أم مطر : انزين بوي
نهيان :أماية مطر رد
أم مطر: لااااااااااا
نهيان :انزين عيل أماية مع السلامة
أم مطر : مع السلامة سلم على راشد
نهيان :انشالله
أم مطر اتصلت في مطر بس تلفونه مغلق وبعد شوي دق الباب ودخل ناصر
ناصر : أماية
أم مطر : ها بوية بغيت شي
ناصر : لا بس
أم مطر :شو فديتك قول
ناصر: أماية زعلانة علي
أم مطر دمعت عيونها :لا بوية مب زعلانة
ناصر راح باس راسها ويلس عندها: ومطر بيسامحني
أم مطر : مطر طيب يوم بي استسمح منه وبيرضى ...........قوم نام الحين بعدين يصير خير
ناصر : انشالله
ميرة يالسة في غرفتها تذاكر
وفجأة أنفتح الباب
ودخل سلطان تم يتحاوط في الغرفة بعدين طلع
ميرة أستغرفت
رد فتح الباب بالقو وقفله وميرة ميتة زيغة ميرة وايد تخاف من سلطان
سلطان :.........................
.................................................. .................................................. .....................................
نهيان وراشد راقدين في الميلس لأن نهيان تعبان وقال أنه بيرقد وراشد ما حب يضايجة فرقد مع أ نه ما كان فيه رقاد
وفجأة انفتح الباب ودخل واحد مع مخدته ولحافه راشد قام من الرقاد يطالع منو
جاسم : رشوووووووووووووووووووووود برقد عندكم
راشد : انزيييييييييييييين خف صوتك نهيان راقد
جاسم راح صك الباب وحطا لحافة على الأرض ومخدته ورقد
راشد : قوم ليش راقد على الأرض روح أيبلك دوشك(فرش )
جاسم : ماروووووووووووم عادي ما يعور
راشد:أووووووف تعال أيلس على دوشكي لي ما أيبلك فرش بس ها خلك ساكت نهيان تعبان ويبا يرقد
جاسم : انزين
راح راشد ويابله دوشك وفرشله عنده
راشد : يلا قوم أرقد
جاسم :انزييييييييييييييييييييين
جاسم بهمس : تعرف رشوووووووووووووووووود
راشد : تنهد : أحنا شو قلنا ما أبغي أسمع صوت
جاسم (والدموع في عينه ): شو هذا في البيت كله بنات وما أكلم حد وهني يوم أي محد يسمعني وصد الصوب الثاني
راشد وايد كسر خاطره جاسم قام يلس عنده وتم يمسح على شعره
راشد : قول حبيبي شو تبغي تقول بس بصوت واطي
جاسم : لا ما بقول أصلاَ أنا محد يحبني في البيت أمي وأبوي ما يحبوني يحبون بناتهم أكثر مني ويوم اتكلم يقولولي اسكت طفرتنا وهني أنت كله ما تسويلي سالفة تسكتني
راشد : انزين أنا آسف قوم سولف وياي
جاسم : ما أبغي أنا بروح وشل لحافه ومخدته وظهر
راشد اتنهد صد على نهيان
شافه راقد في سابع نومه
حط راسه بيرقد بس ما قدر قام راح دخل البيت وشاف ان جاسم يالس بروحة ويلعب بلاي اشتيشن وحاط اللحاف عليه
ابتسم وراح عنده
راشد : جسوم عادي ألعب وياك
جاسم :صدق
راشد وهو يبتسم : اذا تباني
جاسم : أنزين تعال ألعب
راشد : خلا نسولف أول وبعدين بنلعب
جاسم : لا أول بنلعب بعدين بنسولف
راشد : أوووووووووووووووكي
.................................................. .................................................. ...................
اليدة : دخلت على الريم الغرفة
اليدة : ريمو رتبي أغراضج باجر بنسير العين
الريم (تتنهد ): العزيمة يوم الخميس باجر نسير لييييييييييييييييييييييييش
اليدة : بنرقد لين يوم الجمعة
الريم :بس
اليدة ما سوتلها سالفة وظهرت من الغرفة
الريم : اووووووووووووووووووووووووووووف
.................................................. .................................................. ...................................
الساعة
2:00
راشد : يلا حبيبي نقوم أنام
جاسم : يلا بنسكر أول وقاموا راشد شل لحاف جاسم ومخدته
وظهروا كان ظلام وايد لأنهم كانوا مسكرين الليتات
جاسم مسك جلابية راشد و راشد أطالعه : بلاك خايف
جاسم :هي
راشد :ابتسم ومسك أيده
دخلوا الميلس كان برد وايد راشد عدل اللحاف حق جاسم وجاسم رقد
جاسم : رشود ما بنسولف
راشد : سولف فديتك أنا أسمعك
تم جاسم يسولف وراشد رقد من التعب ويوم قام شافه بعده يسولف وبعدين جاسم قال
جاسم : رشوووووووووود تصدق تعبت أبا أرقد
راشد : ههههههههههه تو الناس يالله تصبح على خير
جاسم : وأنت من أهله

 
 

 

عرض البوم صور بدارة   رد مع اقتباس
إضافة رد

مواقع النشر (المفضلة)

الكلمات الدلالية (Tags)
للكاتبة سامية المقام, الكاتبة سامية المقام, سامية المقام, قبر يلمني ولا بنت اتذلني, قبر يلمني ولا بنت اتذلني للكاتبة سامية المقام
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 03:12 PM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية