لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القصص والروايات > المنتدى العام للقصص والروايات
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

المنتدى العام للقصص والروايات القصص والروايات


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 05-08-22, 07:00 PM   المشاركة رقم: 21
المعلومات
الكاتب:
اللقب:
ليلاس متالق


البيانات
التسجيل: Feb 2022
العضوية: 337893
المشاركات: 34
الجنس أنثى
معدل التقييم: راح ماقال الوداع عضو بحاجه الى تحسين وضعه
نقاط التقييم: 10

االدولة
البلدFrench Southern and Antarctic Lands
 
مدونتي

 

الإتصالات
الحالة:
راح ماقال الوداع غير متواجد حالياً
وسائل الإتصال:

كاتب الموضوع : راح ماقال الوداع المنتدى : المنتدى العام للقصص والروايات
افتراضي

 

اقتباس :-   المشاركة الأصلية كتبت بواسطة ابنتي راما مشاهدة المشاركة
   هل فيه تكمله

في باذن الله راح اكملها لنهاية

 
 

 

عرض البوم صور راح ماقال الوداع   رد مع اقتباس
قديم 06-08-22, 03:25 AM   المشاركة رقم: 22
المعلومات
الكاتب:
اللقب:
ليلاس متالق


البيانات
التسجيل: Feb 2022
العضوية: 337893
المشاركات: 34
الجنس أنثى
معدل التقييم: راح ماقال الوداع عضو بحاجه الى تحسين وضعه
نقاط التقييم: 10

االدولة
البلدFrench Southern and Antarctic Lands
 
مدونتي

 

الإتصالات
الحالة:
راح ماقال الوداع غير متواجد حالياً
وسائل الإتصال:

كاتب الموضوع : راح ماقال الوداع المنتدى : المنتدى العام للقصص والروايات
افتراضي رد: رواية سعوديه رومانسيه (ريح المطر) للكاتبة (شغف)

 

رواية ريح المطر


-/البارت الثامن والثلاثون /-


رواية ريح المطر (للكاتبة شغف
ادعو لوالدي برحمة والمغفرة..


بعد العصر
بيت الجدة صيته مجتمعين وعندهم ام ماهر
ام ابراهيم هتفت بتسال/عمه حسنا وبنتها وينهم اليوم ماشفتهم
الجدة صيته تاخذ لها فذة من صحن التمر اللي قدامها وترد /راحت لسوق وبعده تقول بتروح للي يكوفرنها
مهره تضحك /قصدك المشغل
الجدة صيته تبتسم /اي هاذي اللي تقولين مشغل
ام ماهر بموده/الله يبارك لهم ان شاءالله
ام ابراهيم تقوم /بروح اسير على ابراهيم ومرته
الجدة صيته بزفرة /كل يوم وانتي طابه عليهم خليهم يرتاحون
ام ابراهيم بذات الزفرة/وليش ياعمه روحتي ماتريح
مهره وامها يتبادلون النظرات بيتسامه والجدة صيته تهتف لها /اقول شوق وينهي ماشفتها اليوم
ام ابراهيم تطالع مهره بتغيظها /تذاكر عندها اختبار تعرفين جامعه وختبارات ماهي عاطله باطله
ام ماهر طالعتها بحده وتكلمت بذات الحده/اذا تزوجت بتجلس لزوجها عاطله باطله بس على الله ويجي الزوج
ام ابراهيم ناظرتها بتطنيش وطلعت
وام ماهر تطالع بالجدة صيته بحرج/ماعليه يام عقاب سامحيني والله ماكنت بقول عن حفيدتك كذا بس هي الله يهديها تحد الواحد على اقصاه
الجدة صيته بقلة صبر/الله يعين حفيدتها عليها والله ياشوق وامها لو ربهن يفكهن من وشوشت فاطمه كان ماعليهن
مهره تغير الموضوع /بروح اسوي لنا شاي تبون نعناع ولا يانسون
الجدة صيته تاشر على ام ماهر /شوفي امك وش تبي انا كلهن عادي
ام ماهر تبتسم / كل شي من يدك حلو سوي اللي انتي تشتهين
مهره تقوم متجهه للمطبخ/بسوي نعنع
الجدة صيته تكلم ام ماهر بخفوت /ماكنها ابطت على الحمل !!
ام ماهر بضيقه/الا بالله ابطت وانا شايله همها
الجدة صيته بتسال/هي تعلمك بكل شي اخاف هم مايبون العيال الحين
ام ماهر تنهدت/الا تعلمني وماجابو طاري العيال واللي اعرسو معهم ولدو وفهد ومهره مافكرو بانفسهم
الجدة صيته تهتف بحيرة/لازم نوديها تكشف مايصير نسكت كذا
ام ماهر بهدو /ودي والله ياام عقاب وهي ماهي قايله شي بس فهد من يقنعه
الجدة صيته بذات الهدو/فهد انا بحاول فيه ويمكن الله يهديه والله يان ود عيني على شوفة وليد فهد مايجهد الا لاجاه ولد وعرف قيمة الضنى
________________________________


بعد مرور ثلاث ايام
يوم الثلاثا وباقي على انتهاء الاختبارات
يومين وتبدا الاجازة ....

الساعه 8 مساء..
بيت ابو صالح …
ام صالح فرشه لها فرشات بالحوش وجالسه هي وبناتها فيه وهتفت لهم بموده/عسى جهزتو كل شي وش باقي ماحجزتوه
هدى ترد عليها بموده اعمق/اي والله خلصنا كل شي باقي بس الاستقبال كلمت كذا وحده قالت محجوزة باليوم اللي تبونه فيه
ام منهد باندماج/في محل عنده استقبال شفته بحسابهم ويشرفك عند ضيوفك لونه غالي شوي
هدى تفتح شعرها وتلمه/طيب خلي مهند بكرا يودينا نشوفه اذا حلو بنحجزة
ام صالح برفض/لا الشي الغالي يامكم لا تحجزونه صقر مسوي العرس خاص
وفاء مويده /اي وماهو عازمين ناس كثيرة غير التكاليف لمين نحطها !!
هدى بجزع/ليش الله يهديه يسويه خاص حرام من حق البنت تفرح وتسوي عرس كبير
ام منهد بقتناع /لا بالله مقدي قد سوا عرس تكلم عنه القريب والبعيد والحين تبينه يسوي نفس العرس بعد
شذى تقشر الحب بسنانها/بس والله لو تدري ملاك انه خاص لغير تنفجر
وفاء باستنكار/وعساها انفجرت وش تبي اجل نحجز لها اكبر قاعة بعد
هدى بحق/والله ان الحق حق المفروض يسوي عرس زين ويعزم الناس مانقول كبير كبير مثل عرسه الاول بس اقل شي يشرف البنت عند صديقاتها وجماعتها
ام منهد ترفع كتوفها /والله عاد مدري عنهم صقر ادرا
ام صالح بياس/والله ياوليدي ان ودي انه بس يعرس ويرتاح ويريحنا والتكاليف مانفعته بعرسه الاول هذا مرته طلقها
وفا بتسال/الا اميرة عرفت عن عرسه
ام منهد بحنيه/اي تكسر الخاطر تبيه بس هو مايبيها
هدى بتسال/ عمتي مزنه ماهي بجايه للعرس؟!
ام صالح بمودة/الا بالله كلمت ابوك تقول بتجي ومطلق يقول لا تعنين العرس خاص
ام مهند بزعل / ماحظرت عرسه الاول من الحمية على ملاك بنت اخوها
هدى باقتناع /مالومها سراحه تبينها تعنى من ديرتها عشان عرس صقر على الغريبه اللي خذاها على بنت اخوها ؟؟!

_______________________________

الجدة صيته من اليوم وهي تجهز كلام لفهد ماتدري كيف بتفتح معه الموضوع ولا كيف بتقنعه
داخت من التفكير
حسنا تسالها بموده/عمه شفيك من اليوم مانتي معنا
الجدة صيته تمسك راسها/راسي مصدع
نوف تقترب لها /بسم الله عليك اجيب لك قياس الضغط
الجدة صيته تاشر لها بنفي /لا يامك صداع بسيط ويروح الا فاطمه وبناتها ماجو من بيت ابراهيم
حسنا تضحك /لا مبلطين عندهم
الجدة صيته /الله يعين بنت الحلال عليهم بس
دخلت مهره وسلمت بهدو/سلام
الكل رد عليها/عليكم السلام
نوف توجهه كلامها لمهره بموده/ترا حجزت كوفيرة بزواجي للبيت عشانك ادري ماتقدرين تروحين للمشغل
مهره تبتسم بعذوبه/ربي يوفقك ويهنيك
الجدة صيته تبتسم /امين يارب يسعد للي نوفي
نوف بحيا/ويسعدكم
_________________________

نهيل لابسه عباتها وتنادي/ملاك ياملاك يالله يامك اخوك ينتضرنا برا
ملاك جت تمشي ونقابها بيدها وتزفر بغيظ/جيت جيت يايومه الله يهديكم قلت خلوه الخميس السوق مو طاير عندي اختبارات
نهيل تستعجلها/اقول امشي بس امشي خلصيني اخوك يالله مسكته وانتي تشرطين بعد
ملاك تلبس نقابها/اف اف مدري متى بخلص من هالسالفه البايخه
نهيل بدهشه/وشو البايخ يالخبلة هذا زواج ماهو لعبه تبينه يقول معطيها مهر حرمتين وجيتني بخلاقينها
ملاك بتافف/تراكم ذبحتوني بسالفة هالمهر طلعتوها من عيوني
نهيل تمشي متجهه لباب/ نذكرك بس نبيك تعرفين ان الرجال رافع قدرك وعطاك مهرين
ملاك تمشي وراها وتركب ورا بالسيارة و نهيل ركبت قدام
مازن يطالع ورا ويتكلم بتسال /وامل وينها
نهيل تفتح المرايه اللي قبالها وتعدل نقابها/عند هند وهنادي عليهم اختبار بكرا
مازن يوجهه كلامه لملاك /وانتي ماعندك اختبار
ملاك ترد بدون نفس/الا عندي بس انتم ماتخلون الواحد يذاكر
مازن يطالع بامه بعتاب غايظ/جايبتني من اخر الدنيا وتقولين تعال ود اختك ود اختك واخر شي بنتك
ام لسان ماهو عاجبها
نهيل تطالع فيه/ماعليك منها ماتعرف مصلحة نفسها المهم مر حصه بناخذها معنا
مازن بتافف/الله يعيني عليكم متى ينتهى العرس وافتك
ملاك بنبرة خباثه /اقول لايكثر كلامك ترا مشينك بخشم الريال ولا كان ما وديتنا
مازن وقف السياره ولف يطالع فيها/تمنين علي كم الالف اللي عطيتوني والمفروض اللي مثلك مدفوع لها مهرين تغرق اخوها بالفلوس
ملاك شدت على شعرها من تحت النقاب/ذبحتوني بالمهر اللي عطاني كاني بهيمه وشراني بفلوسه
نهيل تنفجر ضحك/ههههه لاتلومينا يامك ماعمرنا شفنا المبلغ هذا
مازن يحرك السياره وهو مبتسم /ابك مهرك يجيب لنا معرض سيارات
نهيل تلف على ورا وتطالع ملاك اللي متفجره بغيظ وتضحك منها /هههه ياحلوك ياملوكه بس
مازن يوقف عند بيت حصه/دقو عليها خلو تعجل علينا
نهيل تطلع جوالها وتعطيها رنه وشوي وطلعت حصه وبطنها نافخ قدامها
مازن يضحك /هاذي فيها حيل تحوم لا تولد. عليكم بسوق بس
ملاك ضحكت بموده /ولا انشطنا ماشاءالله ماتخلي محل ماتدخله
مازن ونهيل وملاك /هههههه
ركبت حصه وطالعت فيهم باستغراب/وش يضحكم
مازن يضك ويحرك السيارة /ماغيرك نكته بيتنا
حصه بغيظ/تحشون فيني وانتي يومه ليش مادافعين عني ماني بنتك
ملاك تضحك / تراك ازعجتينا من ركبتي وانتي تقرقرين
حصه تضربها بعضدها بخفه /لاوالله بدال ماتشكريني اللي اركض فيك وبعرسك اللي مدري متى يخلص ونرتاح

مازن لف لجهتهم وكانه تذكر شي /اي نسيت اقول لكم ترا صقر حجز العرس وجهز كل شي
نهيل تبتسم /بي قاعه حجز
مازن وعيونه على الطريق/ماهو بقاعه بيسوي بستراحه يقول نبيها خاصه
نهيل اختفت ابتسامتها ونفخت بصوت عالي/وشو وشو هو على كيفه ماياخذ راينا ولا يشاورنا ليش هو عرس ولا تخرج عشان يخليها خاصه وبستراحه
ملاك صدت بوجهها بغيظ/الحين عرفت المهر اللي دافعه ليش بيسكتنا فيه قال تزوجت وسويت عرس كبير وش له اسوي لها هي عرس حفل بسيط وانتهى الموضوع

مازن بستنكار /انتم شفيكم الحين العرس ترا ماهو شي مهم وبعدين الرجال ماقصر سوا عشانك ولا هو قد اعرس وخذ حقه من الحياة
نهيل مازالت غاضبه /وهي مالها حق مثله هاه ولا يبي يفشلها عند الناس وينزل قدرها
مازن بدفاع/لونه منزل قدرها ماكان دفع لها المهر هذا
نهيل بجزع /ليته مادفعه وخلا قدرها عندنا مثل ماهو ورفع قدرها عند الناس
ملاك زفرة بقهر /رجعوني للبيت مابي سوق ولاغيره هذا مايستاهل احد يتجهز له
حصه اللي كانت تسمع بصمت ومقهوره على حال اختها يافرحه ماتمت شدت على عضد ملاك بتهدئه/ملاك هدي نفسك وتجهيز لك ماهو له وبعدين العرس ترا مو شي مهم
نهيل عينها على الطريق و غاضبه لابعد حد/الا مهم ومهم كيف يسوي فيها كذا هاذي بدايتها اجل كيف نهايتها
مازن يشد على السكان /يومه انتي بدال ماتهدينها تزيدينها

ملاك بالم حاد حاد/ وليش تهدوني اصلا انا عمري ما هديت من ناحيت ولد عمك من وانا ورع وقلبي شايل عليه والحين يبي يكسرني عند صديقاتي وجماعتي ويقولون اخذت متزوج ولا سوا لها عرس وعرسه الاول
تكلم عنه اللي بشرق والغرب
نهيل تكلم مازن بامر حاد /اسمعني عدل تعلمه قل اختي ترا ماهي براضيه على العرس هذا يسو لها عرس مثل الناس ولا بلاها هالزيجه
مازن بدهشه/تبيني اقول له كذا ليش انا مريض ولا شايفتني ماستحى
نهيل بعصبيه /اجل من يقول له هاه !!!!
حصه بخجل /يومه والله عيب عيب ماعلينا منه العرس بيده وهو حر فيه وناس خلي يقولون اللي يقولونه اهم شي السعاده ولا هذا عرسه الاول مانفعه بالاخر طلق
مازن يلطف الجو ويتكلم بمرح /هاه اسمعو يقولون خذو الحكمه من افواه المجانين
حصه تضرب كتفه اللي قدامها طالع من ورا المرتبه/وجع انا ماني بمجنونه
نهيل تزفر فيهم/مرته الاوله سوا لها عرس وكبر قدرها عند الناس عشان ابوها تاجر ولا حنا مستهين فينا وهذا هي منحاشه منه ومن قرادته

ملاك كل كلمه تسمعها من امها تزيد جرحها اللي مازال رطب ولا نشف
______________________________


الساعه 11 مساء تو خلص دوامه
دخل البيت بلبس الضباط اتجهه لجدته كل عادة لازم يمر ويسلم عليها ويطمن على صحتها طق الباب وتنحنح /احم
الجدة صيته تفز له /ادخل ادخل يافهد
فهد حب على راسها/شلونك يالغاليه
الجدة صيته تبتسم بموده/بخير يجعلك بخير
فهد مازال واقف/يومه تعبان من الدوام بروح اريح تبين شي
الجدة صيته بتردد هامس/والله اني كنت ابيك بموضوع بس اذا تعبان اكلمك مره ثانيه
فهد قطب حواجبه بستغراب/ تبيني بموضوع سمي
الجدة صيته تاشر له يجلس/اجل اجلس وسمعني لين اخلص كلامي ومابي منك مقاطعه

فهد مازال مستغرب منها وجلس/امريني
الجدة صيته سحبت لها نفس ثم هتفت له/اسمعني وانا امك عرسك صار له سنه ولا شفتك فكرت بالعيال ولا جبت طاري لا انت ولا مرتك انتم ماتبون عطايا الله
فهد بمقاطعه /مهره شكت لك ؟!
الحدة صيته بحلف/لاوالله مافتحت معي الموضوع ابد ولا انا مابي احرجها وسالها وهي مابيدها شي يامك بس امها بعد متضايقه من السالفه ودها المستشفى افحصها خل تشوف اذا عندها ضعف يعطونها علاج

فهد يوقف ويردف بحزم/يومه انا كم مره قلت لكم حياتي الخاصه لاحد يتدخل فيها والحين بتدخلون بعد باشياء اعمق ترا كل شي له حد وانتم حدكم لهنيه وبس!!
الجدة صيته بالم مثقل/تبي تحرمني من شوف عقاب قبل لاموت ابك والله ان قلبي فاطرن على شوفة عيالك يافهد اكثر من فطرته على شوفة عيال محمد وناصر

فهد حس بالم عميق من كلامها وحب على راسها وهمس لها/بتشوفينهم ان شاءالله بس انتي لاتفكرين كثير ولا تشيلين هم




بجناح مهره كانت جالسه وتتابع التلفزيون والريموت بيدها شويات ودخل عليها فهد سلم بهدو/سلام
مهره توقف احترام له/عليكم السلام
فهد يجلس قريب لها وياشر لها تجلس/اجلسي يامهره

مهره جلست بصمت وبعيونها نظرات تسال
وفهد مايدري ليش طاحت عينه على بطنها وكانه يتخيل طفله وبحشاها طفل!!!
هذي تبونها تجرب الحمل والولاده هاذي لفحت هوا تنسف عافيتها نسف فكيف بالحمل و بالولاده والله لغير تموت قدام عيوني
طال نظرات فهد على بطنها من غير شعور
ومهره نزلت راسها وطالعت بطنها بستغراب
فهد انتبه لحركتها ورفع عينه منها وجهه على التلفزيون
مهره قلبت شفيها السفليه لتحت وهزت كتفها باستغراب وطالعت هي بعد على التلفزيون
فهد يتكلم وهو مازال يطالع شاشة التلفزيون وسال بتقصد/مهره تحبين الاطفال
مهره رجعت نضرها له وبتسمت بعذوبه/اي احبهم واموت عليهم بس ليش!!
فهد طالع فيها بنظره مباشره / بس انا مابيك منك عيال
مهره اختفت ابتسامتها وشحب وجهها من الصدمه
وفهد كمل كلامه بجمود / مهره حطي بالك اني مستحيل افكر اعالجك ولو كان اللي مانعك عن الاطفال شي بسيط وماله داعي تزنين انتي وامك على راس جدتي ترا ماحد يغير افكاري لهي ولا غيرها
مهره حست بالاهانه الحقيقيه وقفت وهي تنتفض من شدت القهر /مدامك ماتبي شي يربطك فيني يافهد ليش للحين مخليني على ذمتك تبي الولد منها هي هي من حبيبة قلبك

فهد وقف وعطها كف وهي ضرب ظهرها بالطاوله اللي كانت ورها وطاحت بالارض جالسه وتون من الالم
فهد ابتعد منها بلا رحمه ومتجهه لحمام
مهره تحاول تكتم صوت شهقاتها
وتحسه جرحها جرح جرح عمرها
ماراح يطيب
ولا راح تنساه
ولا راح تسامحه عليه
حتى يوم كسر لها يدها حست انه اهون عليها من كلامه اللي رماها فيه وراح وخلاها ….
_________________________________

-/البارت التاسع والثلاثون /-


رواية ريح المطر (للكاتبة شغف
ادعو لوالدي برحمة والمغفرة..


بعد مرور ثلاثة ايام اخارات

واليلة زفاف نوف ومشعل
و باقي على زفاف ملاك وصقر يومين فقط يومين !!؟

الوقت الساعه 4 عصراً
بغرفة نوف جالسه وتسوي لها الكوفيرات شعرها
الجدة صيته دخلت /سلام
نوف تبتسم بحب /عليكم السلام تعالي ياجدتي خلي الكوفيرات يزيننك
الجدة صيته تبتسم وتقترب لها/مابي زينهن الله مزيني بلياهن
نوف انحرجت وعيونها تدور تنتقل الكوفيرات الثنتين اللي جالسات ويبتسمن من كلامها
الجدة صيته تشد يدها /الله يوفقك يابنتي ويسعدك يارب
نوف تحب يدها/ويسعد للي قلبك يالغالية
دخلت حسنا ومعها مبخره /كلووووووش
الجدة صيته تبتسم /عسى ربي يهنيها
حسنا بنبرة حنان /هاه يامك وش باقي لك
نوف ترفع كتوفها /والله مدري باقي مكياجي وشعري
تو بديت
الجدة صيته بتسال/البنات وينهم ماهن متزينات معك
نوف ترد بهدو /بس مهره
حسنا /وشوق ونوار
نوف /يقولون حجزو لهم مشغل
حسنا /بكيفهم اريح لنا ولهم


جناح فهد ومهره

مهره جالسه ومتوتره /ياربي كيف بروح للكوفيرة اتزين ومامعي فلوس و هذا ماهو ناوي يجي اليوم اف

مهره من بعد كلام فهد الاخير اللي فهمته مايبي
منها عيال وكانها موقته عنده
بدت تعامله بجمود من ثلاثة ايام ماشاف ابتسامتها العذبه اللي كان يصبح عليها ويمسي عليها حتى باليل لاقترب موعد رجعته للجناح تسوي نفسها نايمه ماتبي
تشوفه لانها تعرف ان حيتها بتصبح بعيدة عن حياته وهو قاله مابي منك عيال هل فعلا هي موقته بنسبه له؟؟

فهد ملاحظ جمودها وملاحظ نفورها منه
حاس انه اخطاء بالكلام معها كيف يقول لها كذا
هو لو شرح لها مقصده انه خايف عليها ويشوفها صغيرة على الاطفال واي شي يمرضها فكيف بتحمل وتولد يبيها لين تكبر ويكبر جسدها وتقدر تتحمل التعب
بس كلامه الجامد خلاها تفهمه غلط وهيبته وكرامته ماتسمح له يبرر لها

فهد دخل وسلم بهدو/سلام
مهره ترد بذات الهدو /عليكم السلام
فهد من غير اي كلام ولا نقاش
اخذ فوطته وراح لحمام ياخذ شاور
ومهره جالسه على الاريكا وتهز رجلها بتوتر

و شوي طلع وهو لاف الفوطه علية وراح لغرفة الملابس
و مهره ماقدرت تصبر راحت وراه ودخلت مدرعمه شافته واقف عن الكبت و مازال عليه فوطته
كانت بترجع بحرج بس وقفها صوت فهد الحازم/مهره
مهره لفت عليه /هلا
فهد ياشر لها /تعالي
مهره سحبت لها نفس و اتجهت له /نعم ؟!
فهد يرفع حاجبه واحد بستفسار/ليش كنتي بتطلعين ؟!
مهره تحك رقبتها بتوتر /كنت بنتضرك تلبس واجي اكلمك
فهد يطالع فيها لثواني ثم يهتف/وش بتكلميني فيه
مهره تنزل يدها و تفرك اصابعها بعض /محتاجة فلوس
فهد اقترب لها بدون شعور وهو يصر على اسنانه / كل هالف ودوران عشان تطلبين مني حقك
مهره ابتسمت بياس وهي تصد بوجهها عنه /حق اي حق اللي تكلم عنه؟!
فهد مد يده ومسح على خدها بحنو/اي حقك يا مهره وحقك بعد
مهره بتصريفه /الكوفيرة تنتضرني من الظهر وانا انتضرك ممكن تعطيني بروح لها
فهد ناظر بعيونها وكانه يبي يشرح الي بداخله بنظرته الغامضه ولا كنه رد بهدو/وليش تنتظريني يا مهره الخزانه الصغيرة مفتوحه وفيها فلوس وانا سامح لك اي شي تحتاجينه تاخذين منها
مهره بنبرة موجعه /بس انا عمري مامديت يدي لشي مو للي
فهد مد يده و شد على عضدها وقربها له وتكلم بحزم/ الا لك وحلالك اذا انا اكرمت قبيله كامله مرتي
ما كرمها !!
مهره تحاول تبتعد منه /طيب كم اخذ
فهد نفذ لها رغبتها وشال يده من عضدها ولف لجهه الكبت وهتف لها بجمود /خذي كثر ماتبين حتى
لو تبينهم كلهم صحة راسك

مهره حست بشعور حزين
كان ودها تحضنه و تنفجر فيه
ودها تطلع كل اللي بقلبها وبرغبتها

طلعت للغرفة واتجهة للخزانه الصغيره وعيونها على الخزانه الكبيرة المغلقه اللي كان بيذبحها عشان بس شافها تحاول تفتحها.
نفضت راسها من الافكار وجلست وفتحت الخزانه وخذت المبلغ اللي هي تحتاجة وقبل لاتسكرها جاها صوت فهد الثقيل اللي واقف وراها / ليش بس هذا اللي اخذتية؟!
مهره كانت جالسه ورفعت راسها لفهد اللي واقف وراها وردت بهدو /بس هذا اللي احتاجة
فهد كان لابس ثوبه و يسكر كم يديه ويردف لها بذات هدوئها/ ماله داعي ترخبطين بوجهك و تسوين عند الكوفيرات

مهره تصاعدت دقات قلبها بالغيظ وهي تنهض قباله /فهد اذا ماتبي تعطيني فلوس قول عادي اخذ من امي بدال الكلام اللي ماله داعي يكفي حتى فستان زي البنات ماشريت كل لبسي قديم

فهد ثار ثورته من الغضب ومد كفه العريضه وحطها بشعرها البني الطويل وسحبها له / الف مره اقول لك حسك لا يرتفع قدامي وماني برخمه عشان امك تصرفك وانا حي وحتى لو مت حلالي ومالي كله لك
ولا تمدين يدك لاحد
مهره حطت كفوفها الصغيره على كفه وتحاول تبعدها من شعرها اللي حست انه تمزق بين يديه /فهد شعري شعري مزقته

فهد يشل يده وعيونه تقدح شرار /خليني بس اسمع مجرد سمع بس انك اخذه من امك ريال واحد
مهره رمت الفلوس بوجهه وصرخت بدموع بانهيار / هاذي فلوسك مابيهم مثل يومك ماتبي مني عيال تفهم مابيهم وحتى عرس بنت عمك ماني بحاظرته

فهد مصعوق من حركتها القويه اللي لاول مره تسويها حس انها اضلمت بعينه ومايشوف اللي قدامه
صفعها من يمين خدها ورجع صفعها من يسار خدها الثاني وشد قميصها الساتان من عند صدرها وسحبها له /ايه عيال ومابي منك عيال رضيتي ولا انرضيتي وعرس ماراح تحظرينه انثبري بيتك يالحيوانه والفلوس هاذي
(ياشر بيده الثانيه على الفلوس اللي منثورة بالارض) تشيلينهم الحين وترجعينهم بالخزانه فيه اللي يستاهلها انتي ماتستاهلين الا التراب

مهره كانت تبكي بشده مسمومه من كلامه الجارح وفهد دفها بعنف وخذ شماغه وغراضه وطلع
_____________________________

شذى عند ملاك بغرفتها
وتحاول تهدي من توتر صديتها وتهتف لها بمرح /ملاك شفيك كذا احسك حزينه يابنت افرحي وستانسي والله لو انا بعرس تلقيني بعالم ثاني بس مدري متى بيجي النصيب
ملاك تبتسم بياس/ والله انك فاضيه يابنت من قرادة حظ اللي بياخذك
شذى تضحك وتهتف بمرح /وش قصدك اني ماني بمزيونه مثلك وزوجي ماله حظ بالزين
ملاك بجدية /لهدرجة ياشذى مافيني صفات تجذب الا زيني وبس ليش الكل يقول للي كذا اخذك عشان زينك يحسسوني لو مافيني زين ماحد خذني
شذى اختفت ابتسامتها وتكلمت بجديه/ياملاك لاتقولين كذا انتي كل شي فيك مميز بس الرجال كذا يحبون الزين اكثر
ملاك تصد بوجهها/بس خالك صقر اللي يحب الزين وهذا اهم شي عنده بالحياه

شذى حست بنار بصدرها على صديقتها
وكل مايدور بالها(هذا وانتي ماسمعتي كلامه
و ماتدرين بنيت خالي انتضرك عشان زينك وكان مقرر
لو تغيرتي و ماطلعتي مزيونه ماخذاك اصلا )

ملاك تاشر لشذى بكف يدها /هيه وين رحتي اتكلم معك
شذى تنفض راسها/هاه معك معك وش كنا نقول
ملاك بجرح مولم / اكثر شي جرحني تصرفه بزواجنا حتى قاعه ياشذى احرمني منها احرمني حتى من فرحتي ليش يحسسني انه اخذ له مطلقه ولا ارمله ولاكنه يعرف انه هو المطلق والشايب المفروض يقدر ويسوي عرس عشان منظري قدام الناس
شذى بحيرة/ والله ياملاك كلنا ماحنا راضين و قلنا له حتى عمتي مزنه دقت على جدي وزعلانه تقول اقل شي سو عرس عادي مو لازم زي عرسك الاول عشان البنت بس خالي صقر معند ويقول عرس مابي اسوي انا عشانها حجزت استراحه وعزمت ولا لو كان علي سويت حفله بسيطه وانتهى

ملاك تشعر راسها انفجر من القهر وهي تسمع
من شذى كلام خالها الحقير زمت على شفتها السفليه وهتفت بتوعد صارم /اصلا العرس اللي من خالك ماهو عرس الا عزا ولو سوا عرس والله ياشذى ماراح اخضع له وينسى اكون له ولا احقق مطلبه
شذى مفجوعه /انتي وش تقولين يا ملاك هذا زواج ماهو لعبه وترا خالي صقر ماينلعب معه اعرفه عدل
ملاك ترفع حاجبها/خليه يولي ماني بخايفه منه اصلا انا رضيت بس عشان ابوي وماراح ارضى بغير كذا
_______________________________

الجدة صيته تمسك مهره اللي كانت لابسه عباتها ومجهزه شناطها وتكلمت بتهدئه/استهدي بالله
يابنت ناصر وحقك والله لاخذه لك بس انتي تعوذي من الشيطان ومسكي بيتك
مهره تشهق/ماني جالسه بيته ياجدتي بعد اللي سمعته منه جرحني جرحني مدامه مايبي مني عيال ولا يبيني ليش اخذني ليش
الجدة صيته غاضبه غاضبه من ولدها حيل ولاكن تحاول تهدي الامور /طلعتك برا البيت تضرك ماتنفعك والله اني اعرفه عدل مايحشم احد غير يجي يذبحك عند امك
مهره بياس /ماهو جاي اصلا هو وضح للي خلاص مايبيني ماله داعي اذل نفسي معه اكثر
من كذا خلاص
الجدة صيته برجا عميق/طيب اجلسي بيتك وانا اخلي يجي يعتذر لك غصبن عليه تكفين يا مهره لاتطلعين والله انه لاغير يفضحنا بالناس
مهره برجا اعمق/يومه تكفين تكفين وغلاة ناصر عندك توديني بيت امي مابي اجلس دقيقه هنيهً
الجدة صيته ترد بقلة حيله/ طيب طيب بكلم عمك محمد يودينا
مهره تمسك كف جدتها /خلي يوديني بروحي انتي روحي لزواج ولا تشيلين هم
الجدة صيته تهز راسها برفض/كيف ماشيل هم والنار شابه بينكم لازم اوصلك لامك ومناك نروح للعرس
انا ومحمد

وفعلا اتصلت الجدة عليه و بدقايق وابو ابراهيم واصل وشاف امه ومهره بالحوش ينتضرونه والخدامه معها شناطها وتكلم بتسال/عسى ماشر شفيكم
الجدة صيته ترد عليه وهي تاشر لباب/خل نروح قبل يجي المقرود و يقرد فينا ونعلمك بالسيارة
ابو ابراهيم يطالع بمهره بتسال حان /شفيك يا عمك اذا هو مضايقك بشي ترا الامور تنحل بالهداوه ماهو بزعل والمشاكل
مهره بنبرة باكيه/ياعم طلبتك طلبه توديني بيت ابوي والله لو فهد ينصبر عليه كان صبرت
ابو ابراهيم انتفض من الحميه/افا عليك اوديك ولاتشيلين هم وفهد يا رجال يصونك ولا يطلق سراحك
_______________________________

شذى من رجعت البيت وهي تفكر بكلام ملاك وقررت تكلم خالها وتبري ذمتها عشان صديقتها عندها امل ان للامور راح تغير ويقدر يضبط اوضاع العرس قبل هاليومين خذت جوالها ودقت عليه

بعد كم رنه وجاها صوته الثقيل/ هلا شذى
شذى بتردد /شلونك ياخالي العريس
صقر ابتسم /اذا على لوني زين و انتي ما تدقين الا وراك شي اخلصي علي وش تبين !!
شذى بتوتر /كنت عند ملاك اليوم و ترا (وسكتت)
صقر فز قلبه لطاريها بس استغرب من كلمه( وترا ) حس ان وراها شي تسال بحزم/وترا وشو تكلمي !!
شذى تاخذ نفس/زعلانه حيل من سالفة الزواج وتقول كيف يسويه خاص ولا احترم مشاعري قدام الناس

صقر قطب حواجبه /وتو تكلم يوم مابقى عن العرس الا يومين ويوم كنت اسال عمي ومازن يقولون ايه راضيه وماعندها مشكله وش اللي تغير
شذى صدع راسها/ ياخال هي قالت لمازن من قبل بس هو رفض يقول لك وبعدين تراها تتوعد فيك بعد
صقر رفع حاجبه بغرور /لاوالله البزر توعد فيني انا ؟؟!!
شذى ابتسمت غصبن عليها من كلمة بزر/ ياخالي تراها شابه نار وشرار الله يعينك عليها
صقر يركي ظهره لمرتبة السياره و ارتسمت على شفايفه ابتسامه / طيب طيب خليها تشب نار كثر ماتبي الحين انا مشغول بسكر
شذى بحترام/طيب مع السلامه

صقر سكر جواله وحطه على رف السياره اللي تحت الشاشه ومازالت ابتسامته مرسومه /اويل حالي وتتوعد فيني بعد لعنو حيها ماكفاها الشوق اللي قطع شراييني من بعد اخر لقى بينا و تبي تكمل على كم شريان باقي للي تبي تخلص علي هالبنت مره وحده
_______________________________

-/البارت الاربعون /-

رواية ريح المطر (للكاتبة شغف
ادعو لوالدي برحمة والمغفرة..


الساعه 12 مساء وبعد مانتهى زواج نوف
وتم على خير وغادرو الضيوف
وهذا فهد يرجع للبيت
دخل بخطوات ثابته دخل جناحه دور عليها بعيونه ماشافها
توجهه لغرفة الملابس خاليه
واتجهه لحمام وفتحه خالي
تنهد بضيقه /اكيد عن جدتي بعد الحين بتصدع براسي عشان بنت اخوها

قطع افكاره طق الباب اتجهه له افتحه شاف عمه محمد وجدته واقفين حس بنغزه بصدره وتكلم بستغراب / شفيكم عسى ماشر
ابو ابراهيم /ماشر ان شاءالله بس جاين نبي نكلمك شوي
الجدة صيته بنبرة خوف/بس يافهد مانبي مشاكل وقبل تصرف اي تصرف حكم عقلك
فهد ينقل نظره بينهم بحده وتكلم بصوت احد/مهره وينها؟!
الجدة صيته انتفضت وطالعت بابو ابراهيم اللي تكلم بهدو/مهره وديتها بيت امها واسمع يافهد

فهد قطع كلامه بتهديد وهو يتجهه
لباب الخارجي / والله مايصبح عليها الصبح وانا ولد عقاب
الجدة صيته تلحقه هي وعمه محمد/ فهد يا فهد

وفهد ركب سيارته وحرك و لجدة صيته صرخت برعب /شغل سيارتك يا محمد لا يذبح البنت بروح البس عباتي واجيك
_______________________________

نهيل وبناتها سهرانات على التلفزيون

نهيل تطالع بملامح ملاك اللي تتابع التلفزيون بندماج
و مازالت نهيل زعلانه من تصرف صقر بالزواج الخاص اللي هو مسويه لبنتها بنتها اللي الكل يحلم ويتمنى تصير من نصيبه يجي ولد عمها وينزل قدرها قدام الناس

قطع افكارها صوت حصه اللي توجهه
كلامها لملاك /ملوكه ترا بكرا عندك موعد الساعه 3العصر لاتنسين
ملاك تنهدت بضيقه/ موعد ايش بعد!!
حصه حست ودها تمزق شعرها
من برود هالبنت / انتي علامك ماتفهمين ابك انا اركض وراك واحجز وفوق هذا اذكرك واعلمك ولا تهتمين يختي ساعديني شوي
امل تهديها/ خلاص ياحصه البنت نست غضبن عليها
ملاك تطالع امل وترد بنبرة ميته/ لا مانسيت وادري عندي موعد الساعه 3 حمام مغربي والساعه 7 عندي جلسات بالصالون بس كيفي مابي اهتم

حصه تزفر عليها / ملاك ترا انتي العروس ماهو حنا صدقيني لو بنت غيرك كان هي اللي تنتبه مايحتاج
احد ينبها
ملاك توقف وتكلم بوجيعه/ انتم ليش مانتم راضين تفهموني ياناس انا ماني وجهه عرس هذا انا امشي وراكم وعلى شوركم وحضر كل جلسه عشان بس انتم ترتاحون هذا العرس انا ما اعتبرة عرس افهمو

راحت ملاك لغرفتها
و نهيل وبناتها يتبادلن نضرات الالم
نهيل بنبرة الم حاده /يويلي على بنتي والله انها مكسوره
الله يكسر خاطر من كسر خاطرها
حصه تحط يدها على بطنها بتعب /بس يا يومه هي بعد لازم تراعي نفسها شوي وتسوي جلسات عشانها وعشان منظرها قدام الناس
نهيل بنرفزة/ اي منظر الله يخليك هو خلا فيها منظر ابك والله ان كل عدوانها بيفرحون عليها وبيقول
ملاك اللي طق عصي عليها وكلن يتكلم بزينها ولد عمها ماقدرها ولا قدر زينها وللغريبة سوا عرس ماصار مثله وبنتي حتى العرس ماسواه لها ذبح له كم ذبيحه وعازم له كم ناس ويقولون عرس

حصه تنهدت/ يا يومه انتي لا تزيدينها بالكلام اللي فيها مكفيها وبعدين ماتدرين يمكن خيره لها تكف عيون الناس اللي طايرين فيها
_________________________________..

بيت ام ماهر اللي تحترق على حال بنتها من جت والدمعه مانشفت من عينها /يامك لاتسوين بنفسك كذا والله ياكل دمعه من عينك انك تذبحيني فيها
مهره جالسه بالارض و لامه ركبها بحضنها وراسها على ركبها وتبكي /جرحني جرحني ليتي ماتزوجت ولا عرف العرس وهمه
ام ماهر تمد لها كاس الما/اذكري ربك و خذي اشربي وهدي انتي حتى الاكل ماكلتي شي بسك يامك كذا ماهو زين

قطع كلامه صوت طق الباب المرعب
مهره قفزت واقفه وهي ترجف /اكيد فهد اكيد
ام ماهر رجفت معها/ ماعليه ماعليه اجلسي وانا بروح اشوفه
اعتلى صوت الطق على الباب وام ماهر اقتربت /مين
جاها صوت فهد المثقل بالخشونه/ فهد
ام ماهر افتحت له الباب وصدمت من شافت
بشرته اللي كان لونها ابيض كيف محتقنه بسواد
من شدت غضبة وهتف لها بصوت مرعب / وينها !!
ام ماهر حست برعشه مخيفه/ يامك هد نفسك وخل نتفاهم

فهد غاضب غضب ملتهب مرعب
وصرخ عليها /قلت لك مهره وينها !!
مهره اللي كانت ترتعش بزاوية الغرفه من سمعت صوت الباب لاكن صرخته على امها سببت لها انفعال
وطلعت للمواجه /هذا انا يافهد
فهد اقترب لها بسرعه مخيفه وحط كفه الجبرة
على نحرها الابيض الطويل وخنقها بعنف ونفضها نفض وهتف لها بعنف اعمق / جيتي للموت برجليك
ام ماهر تصيح وترجاه /طالبتك يافهد تعوذ من الشيطان

دخل ابو ابراهيم والجدة صيته مع الباب اللي كان المفتوح
وشافو فهد كيف خانق مهره وجهها مزرق
وام ماهر تمسك يديه بترجي يترك بنتها
اقترب ابو ابراهيم وصرخ فيه /فهد اترك البنت لا تذبحها
الجدة صيته اتجهت له وشدته مع ظهره الصلب وعيونها على مهره اللي تقاوم الموت بين يد فهد وتصرخ فيه /ابعد منها ابعد
فهد مازال ينفضها وتكلم بصرامه بالغه/ علي حرام حرم الدم لو طلع عقاب من قبرة مافكها من بين يدي

ابو ابراهيم جن جنونه يوم شاف وجهه مهره كيف قلب
لونه وكاد انها ماتت
الجدة صيتة كانت بحاله مستعصيه وهي تشوف امانتها موجهه للموت وكانها ضحية من ضحايا العيد وموجهه للقبله

وام ماهر صرخت باعلا صوتها وهي تضرب
على راسها برعب /بنتي ماتت ماتت
هنيه فهد انتفض وانتبه للي كانت مشدوده اعصابها بين يديه وتحاول تقاوم وتقاوم
وفجئه
فجئه
ارتخت
حس اثقلت بين ايديه وهو برد حيله وارتخت يده
مع ارتخها وطاحت بالارض عند رجوله
ام ماهر زاد صراخها /ذبح بنتي ذبحها
ابو ابراهيم تجمد مكانه ولاهو قادر يتحرك
الجدة صيته من شافت مهره طاحت بارض الحوش البارده وشعرها منثور حولها تحركت وجلست على الارض عندها ولمتها بعباتها وحضنتها بين
يديها /مهره ماتت
ماتت
ماتت
فهد واقف وكل كلمة موت تقطع كل اوردته …
وريد …
وريد …
حس ان رحلة الحياة توقفت …
وهاذي هي النهائية ….
ذبح مهرته ….ذبح حبيبته ….

ابك انا وشلون اخليك يالوجه الصبوح ..
وانا لو افقدك ساعه علي الكون ضاق ..
انا خيالك وخلك وعاشقك النصوح ..
وانا واقف لك محبه على ركبه وساق ..

فهد جلس قريب لها على ركبه وساق
وهو غايب عن العالم وناسي كل الموجودين
ومايشوف قدامه الا هي هي وبس وجهها وشفايفها المزرق من شدت انقطاع الاكسجين عنها
وسحبها من حضن جدته لحضنه
رفع راسها بكفه وقرب وجهها لوجهه
ورفع يده الثانيه ونزل نسفت شماغه اللي على راسه وغطاها عليه وعليها وخفى وجهه وجهها بشماغه
عن الموجودين
حط شفايفه على شفايفها ويده وحده تحت راسها والثانية حطها على صدرها وضغط عليه
وحاول ينقذها بتنفس اصطناعي
وبدا بتنفس مره ومرتين وثلاث
لين حس بنفاسها العطره والعذبه
تلفح شرايينه

تحركت بمهره بين يديه واخذت لها نفس عميق
وفهد باس شفايفها المبلولة على السريع
وابتعد وجه منها ورفع الشماغ اللي ناسف بينهم
الكل كان يمر الوقت عليه اشبه بالحلم
وهم ينتضرون فهد ينقذ الروح اللي خنقها
ام ماهر اقتربت لها وجلست عند راسها اللي مازال بكف فهد وصرخت بجزع/مهره انتي حيه انتي بخير
مهره تطالع فيهم وكنها تو صاحية من النوم ثم
همست بختناق /يومه وش صار

فهد مازال راسها بكفه و كانت عيونه عليها وحاس
انه مجروح وجرحه ينزف من بين حناياه
كانت بتنتهى من الحياة وتبقى له ذكراها ذكراها وبس
نزل راسها بهدو على حضن امها وقام وقف
وطلع مع الباب بصمت مولم
__________________________________

-/مرت يومين/-
على ملاك سريعه سريعه مثل سرعة البرق
وعلى صقر بعيدة بعيدة مثل بعد السما عن الارض

و اليلة هاذي من اعمق اليالي عند الجميع
الكل كان ينتضر ها ليلةً اللي توقفت سنين وطال انتظارها والحين تم تحقيقها ..


..الساعة 6 المغرب ..
بجناح صقر

تو جاء من الحلاق وكان بالحمام ياخذ له شاور
رن جواله مره مرتين والثالثه طلع وهو لاف فوطه على جسمه و رفع جواله /الو
صالح يهتف باستعجال/وينك ماخلصت العيال ينتظرونا بالفندق
صقر مد يده واخذ ساعته اللي كانت على الطاوله وناظر بالوقت تنهد /يلا يلا بلبس واجيكم

سكر جواله وحطه على التواليت
و شغل المبخره الكهربائيه ولبس ملابسه
واخذ طقم الساعة ولبسه وحط القلم بجيبه
ورش من عطره الفاخر ونسف شماغه
يطالع نفسه بالمراءة ويتاكد من شكله
يحس له نفس على الكشخه والاناقة
ويجيه شعور انه لاول مره يتزوج
وخيرا تبخر وخذ بشته وطلع للفندق
____________________________________

با غلا و افخم فندق خمسة نجوم ..

بجناح ملاك اللي حجزه لها صقر عشان يزفونه فيه

ملاك مسلمه نفسها لخبيرة التجميل البنانية
اللي من شافة جمال ملاك شهقت بعجاب وقالت/ والله على كتر ما جهزت عرايس ماشافت عيني متل جمالك ابد انتي حرام تحطين مكياج انتي جمالك رباني

نهيل تصر على عيونها وتهتف لها /اذكري الله لا تحسدين بنتي
ملاك وحصه تبادلن النظرات بحرج من اسلوب امهم
وخبيرة التجميل ابتسمت /ما شاءالله تبارك الله من حقك بسراحه تخافين عليها الله يكون بعون العريس بتسخطينوه ساخطه انتي
ملاك تضحك من غير نفس /ساخطه مره وحده بلاك ماتعرفين العريس ولا كان قلتي ياقرادة حظك
نهيل تهز كتفها/عيب عليك خلي الكلام اللي ماله داعي

حصه توجهه كلامها لخبيرة التجميل/ بالله استعجلو لازم تكون جاهزه قبل الساعه 12
خبيرة التجميل تفتح شناطها/ اكيد ولا تشيلي هم
هلا ببدا فيها وهي ماشاءالله عليه مابتحتاج شغل كثير لانها جميله
ملاك ترفع شعرها على ورا/ ابي مكياج ناعم وشعر ناعم مابي اوفر
خبيرة التجميل تطالع فيها بتعمق/ اي تكرم عيونك والله لاطلع كل مواهبي فيك
ملاك بدهشه / يويلي لا تجيبين فيني العيد بس
خبيرة التجميل تضحك / اي يوبرني اللي خلقك كيف وجهك بياخد العقل

نهيل تنغز حصه مع كتفها وتهمس لها بخفوت/ هاذي علامها قامت تغزل بختك وش خلت لصقر
حصه انفجرت ضحك /هههههه
ملاك تطلع فيها و ترفع حاجبها بستغراب/ وش عندك تضحكين؟!!
حصه تغير الموضوع وهي تطالع
بتفاصيل الجناح/ ماشاءالله يا لفندق جبار بسراحه
نهيل تكشر / يبي يسكتنا فيه عن العرس اللي هو مسويه

ملاك كانت تحت يدين الخبيرة ترطب لها بشرتها تنهدت بالم / يومه خلاص ترا اللي فيني مكفيني مابي انفجر خلي طاقتي تتراكم عشان انفجر عليه اليله لاشفته
نهيل تفتح فمها بدهشه /انتي انهبلتي ناوية على الرجال
ملاك تبعد يد الخبيرة عن وجهها وتطالع امها / اي اي ناويه اسود عيشته من اول يوم كيفي
نهيل وحصه مصدومات منها وحصه تكلمت بحده / انتي انجنيتي تبين تسببين لك مشاكل من اول ليلة
ملاك تصد بوجهه وتوجهه كلامها للخبيرة/ يلا خلصي مكياجي وفكيني من هاليلة الغبرا
خبيرة التجميل / عروس متلك مفروض ماتكون زعلانه كذا
نهيل تهز راسها بياس / ولله و لو تجلسين تبربرين على راسها منيه لين سنه ماهي فاهمه عنيده وراسها يابس
الخبيرة التجميل / اي ليش كل هالجمال
و بتزعلي حالك هاي اليلة من اجمل اليالي افرحي فيها
ملاك تهتف لها بتحلطم /اقول خلصيني بس قالت اجمل اليالي قالت
_____________________________


-/البارت الواحد والاربعون /-

رواية ريح المطر (للكاتبة شغف
ادعو لوالدي برحمة والمغفرة..


بجناح فهد..
اللي صار عليه ضلمه موحشه
من بعد النور اللي كان يضوي عليه

يتوضى يبي يروح لصلاة المغرب طق الباب وعرف
من يكون مافي غير جدته اللي لها يومين عتبانه عليه وماحد طق جناحه ابد

فهد يفتح الباب وكانت جدته مثل ماتوقع حب على راسها وتكلم بهدو / هلا يومه
الجدة صيته تاشر براسها على الداخل / يصير ادخل بتكلم معك شوي
فهد يشعر بصداع ولا له خلق للكلام
تكلم بخشونه/ بس انا بطلع لصلاة
الجدة صيته ترفع يدها وتنظر لساعه اللي على معصمها /باقي نص ساعه على الصلاة انا بس كلمتين بقولهن وامشي
فهد ياشر لها تدخل /حياك

الجدة صيته دخلت وجلست على الاريكا وعيونها
تدور بالجناح كانها تدور على اثر مهره
وفهد جلس قبالها ولاحظ نظراتها وفهمها

الجدة صيته تدخل بالموضوع بهدو / ماتبي تروح لمرتك وتسلم عليها وترجعها لبيتها
فهد يريح ظهره على ظهر الاريكا ويتكلم بجمود/ لا ماني برايح لها ولا بمسلم عليها وبيتها كان تبيه خلي اللي وداها يجيبها!!
الجدة صيته بعتاب/ يافهد يامك انت اخطيت عليها خطا كبير البنت ماطلعت من البيت وانت تضربها ضربن كبير كانت صابره وساكته بس انك تقول لها مابي منك عيال ترا مافي مره بترضى هالكلام
وبعدين تهجم عليها بيت امها ولو ستر ربي كان ذبحتها

فهد يتنهد ويرد بجمود اعمق/ والله عاد هذا اللي عندي عيال منها مابي تبي ترجع حياها الله بتجلس عند امها خلي تجلس
الجدة صيته باستغراب/ يعني ناوي اطلقها يافهد
فهد قفز واقف و نفاسه تعلو وتنزل من
العصبيه / ليش هي ناويه على الطلاق فهميها وعلميها طلاق ماني بمطلق لو تجلس معلقه طول عمرها
الجدة صيته مفجوعه من تهوراته الغريبه / يافهد انت علامك هي ماطرت الطلاق انا جايه انشدك انت بطلقها ولا بترجعها كذا مايصير
فهد يتجهه لباب / لاني مطلقها ولاني مرجعها وخلاص لاسمع احد فاتح معي هالموضوع
________________________________

بالاستراحه الساعه 10 ونص مساء


بجهة الحريم صوت الطق والدق
كان الاستقبال فخم
والمضيفات والحلويات كانت مره انيقه
من تنسيق وتجهيز ام مهند وهدى اللي قررن يفخمنه الاستراحه عشان ملاك واهلها وعشان الناس ماتكلم عليهم لاكن ماحد يسلم من كلام الناس

ام مخلد كانت جالسه قريبه لنهيل
وسالتها بخفوت / يختي علامهم ماسو عرسكم بقاعه مثل عرسه الاول
نهيل ماهي ناقصه كلام وهم وغم وهتفت لها
بهدو/ وانا ادري عنهم كيفهم يمكن مايبون التجمعات
ام مخلد تقطب حواجبها / يوه وهو على كيفهم المفروض انتم اللي تقررون هو قد اعرس وخذ نصيبه من الحياة بيحرم بنت اللي زينها يقوطر من العرس والفرح
نهيل تنهدت / اهم شي التوفيق يام مخلد
ام مخلد تلفت وكنها تدور على احد/ الا حصه ماجت
نهيل صدع راسها / لا جالسه عند اختها هي يالله تقوم من كرشها
ام مخلد تقوم / الله يقومها بالسلامه
نهيل بتافف خافت تكلم امل اللي جالسه
عندها و حزينة على فراق اختها/اف اشوى قامت وريحتني من قرقرتها
امل تاشر عليها/ راحت لاعمتي ام صالح تبي تسالها عن باقي العلوم
نهيل تطالع امل / انتي ليش ماتقومين ترقصين مع الناس
امل بنبرة حزن / مالي نفس
نهيل بحزن اعمق/ يامك روحي ارقصي وفرحي
لا تضايقين نفسك

اقتربت العمه مزنه وجلست عند نهيل وهي تهمس
لها/ هو انتي متضايقة عشان العرس كذا ؟!
نهيل ترد عليها بتنهيده/اي بالله متضايقه يا مزنه من سواته بنت عمه هذا وهو يبيها اجل لو مايبيها كان وش سوا ؟!
العمه مزنه بغيظ/ والله اني علمته البارح من وصلت قلت ترا سواتك فيها بتزعلها عليك
نهيل تهز راسا باسا/ ماهو دراي عن زعلها
ثم اردفت بتسال/ انتي متى وصلتي البارح
العمه مزنه بتعب/ والله ماوصلت الا الساعه 3 الفجر جابني سالم
نهيل بمودة / اليله تنامين عندنا ؟!
العمه مزنه برفض/ لا بالله اليله عند ابو صالح وبكر عندكم


عند هدى اللي كاشخه لابعد حد لابسه فستان فخم بنفسجي وشعرها تسريحه فخمه ومكياجها ناعم
تهمس لام منهد / كان الحظور كثير
ام منهد لابسه فستان كحلي ومسويه تسريحه هاديه ومكياج هادي ردت بذات الهمس/ اي هذا وحنا ماعزمنا احد الناس بعضهم جايبن بدون عزيمه بيتفرجون
هدى تهز كتفها بكتف اختها/ شوفي نهيل احس ماهو عاجبها الوضع
ام منهد تقلب شفايفها لتحت / بكيفها لا يعجبها حنا اللي علينا سوينها ولا قصرنا حتى الحلويات والاستقبال والمضيفات دفعنا فيهم دم قلوبنا عشان نرضيهم
هدى تضحك وتهتف / اقول اللي يسمعك يقول من جيبك ترا من جيب بنك العائلة صقر
ام منهد تضحك / زواجه لازم يتحمل التكاليف لا ومعطينا الصرافه يقول اصرفو على كيفكم لو يدري كم صرفنا بس
هدى ترفع حواجبها / لا من ناحيت هاذي تطمني
عنده علم كم صرفنا تجيه رسايل على جواله بس عشان حبيبة القلب واهلها ماهو محاسبنا
ام منهد بحق/ حرام عليك الصدق صدق والله انه لو كان ماهو عرسه وصرفنا دبل المبلغ هذا مايحاسبنا ولا درا عنه

وفاء كانت غاضبه من الاستقبال والتجهيزات
ولاكن برد قلبها الاستراحه وهداوة العرس
وشوشرت الناس على ملاك وتسال
____________________________
..بجهه الرجال..
ماوقف البخور والقهوه والضيافه
صقر لابس بشته السودا اللي معطيته رزه فوق رزته
مع غتره بيضاء وعارضه الاسود محدد بدقه
و كان اسعد انسان اليله اقترب حلمه بين يديه
جالس بين ابوه وعمه والحظور كان كثير على انه ماعزم الا ناس قرايبه و اصدقائه وقرايب بنت عمه

فالح يقترب له ويهمس عند اذنه/ متى تبي نزفك ؟!
صقر ابتسم / لو علي كان قلت من المغرب زفوني
فالح يبتسم / اقول اهجد الله يعين بنت عمي على جرائتك
صقر بجديه / الساعه 11 ونص عشاهم وبعده اطلع للفندق
فالح يهمس له / ولد عمك علامه مستانس كذا كنه
هو المعرس
صقر يطالع بمازن الي شاق الابتسامه من الفرحه وضحك / ههه مدري عنه
فالح / بروح اشوف صالح وراجع لك

و منيف يقترب له وينحني له /شلونك يالمعرس
صقر يرفع راسه لمنيف اللي كان واقف وصقر جالس وهتف له بمرح / اوه لوني عال العال
منيف يضحك / هذا وزفه ماجت كيف بكرا وش بتقول
صقر يرفع حاجبه / ومن قال بكرا بشوف احد
بحجر نفسي بالفندق
منيف انفجر ضاحك / هههههههه
__________________________

بالفندق عند ملاك اللي كانت
متوتره متوتره وتحس انها اتعس انسانه على وجه
الارض عكس صقر مشاعرها غير عن مشاعره

هي حاقده غاضبه موجوعه منه
وهو عاشق ولهان موجوع لها

ملاك كانت لابسه فستان ابيض من فوق ماسك
عليها لين تحت الخصر ومنفوخ بترتيب
ومن عند الصدر بدون اكمام عاري على كتوفها
الشفافه وصدرها المرتكز واضح من فوق
الفستان
مكياجها ناعم و مبرز ملامحها بدقه
وشعرها الاسود رافعه نصه على فوق ونص نازل
من على نحرها الطويل وعليه طقم الماس و على اذونها خزاري طوال
(بختصار )
ملاك مثل ماقالت لها خبيرة التجميل
(ساخطة )

حصه تطالع فيها بتفحص /حصنتك بايات الله
ملاك تهز رجلها بتوتر /قربت الزفه صح ؟!
حصه توترت من صوت كعبها اللي تهزه
تشد على كفها العاري / استهدي بالله ترا عرس ماهو موت عشان تخافين كذا
ملاك بنبرة اياس من الحياة / الموت والله انه اهون
من هالعرس
حصه بحزن على حال اختها / ملاك تكفين لاتقولين كذا لازم تهدين من نفسك قبل الناس تجمع عليك

ملاك تافف / وليش اهل المغرور بيجون معه
حصه ترد تاكيد / اكيد بيجون لزفة ولدهم
ملاك تنزل عيونها و تطالع بكتوفها العاريه وتهتف بجزع/ وش الفستان اللي انتي ملبستني كان خليتيني افصخ احسن
حصه تضحك وترد بخبث/ شفيك مستعجله على التفصيخ اثقلي شوي
ملاك حمر وجهها وزمت على شفايفها / والله انك رايقه
حصه تضحك وهي تاخذ جوالها اللي يرن
وردت على المتصل وعيونها على اختها / هلا ….اممم طيب طيب يلا بنتضاركم
ملاك انتفضت / وش من اللي بيجي
حصه تمسح على شعرها بحنيه / صقر واهله وامي ومازن
ملاك تسارعت دقات قلبها/ وابوي مو جاي
حصه تلبس عباتها / لا عمي وابوي عند الضيوف بعدين ابوي مر اليوم وسلم عليك

ملاك تجمعت الدموع بعينها وهي تذكر سلام ابوها الحار لها وحنيته عليها قبل ساعات

ابو ماجد يحبها مع جبينها / عساه بالمبارك والله يوفقكك ويهنيك
ملاك بنبرة مخنوقة / الله يبارك فيك ياتاج راسي
ابو ماجد يمسح على راسها بكفه بحنان / اسمعيني
وانا ابوك وحطي كلامي براسك لا تشكين بغلاتك عندي ولا تفكرين اني ارخصتك والله والله انك اغلا من عيوني واني ما عطيتك صقر الا وانا صافط لك الخير
انتي صغيرة وتجهلين كلامي لاكن لاكبرتي راح
تفهمينه عدل يابوك اخوانك كلن مشغول بنفسه والله لو تحتاجين احد منهم ماحد فكر فيك و صقر هو اللي يضفك بجناحه بعد مايغيب جناحي
ملاك نزلت دمعتها اللي كانت حايره بعينها وهتفت برجا / تكفى يابوي لاتقول كذا عسى يومي قبل يومك
________________________________

عند مهره اللي تغسل بالمطبخ
و لابسه قميص حرير بلون العشبي ولامه شعرها كامل على فوق
ام ماهر دخلت عليها وخوفها على مهره زايد بكثير بعد اخر موقف صار لها شافتها تودع الحياة كل شي تحمل فراقه بالحياة الا فراق مهرتها وطفلتها

ام ماهر بامومه/ وش تسوين يامك انتي ماتعبتي من الشغل كل شوي ماسكه لك شي
مهره تطالع فيها وتبتسم بعذوبة / وش اسوي بشغل نفسي عن التفكير وبعدين انتي ماكنتي تبين خدامه هاه اعتبريني خدامه
ام ماهر تمسح على ظهرها بحنيه / لا والله مانتي بخدامه انتي ذهبه بس فهد ماعرف لك
مهره اختفت ابتسامتها فجئه وهتفت بحرقه / يومه فهد يبي يطلع عنفه فيني وبس مايبي مني شي حتى عيال مايبي مني

ام ماهر حست بجرح مهره العميق وهاذي عاشر مره تقول لها مايبي مني عيال واضح انها متاثره حيل من كلامه
نهيل تكلمت بحزم / لا تضايقين من كلامه يامك
وخلاص اذا ماتبينة اخليه يطلقك وترتاحين منه

مهره تعرف عدل ان امها اول المعرضين على طاري الطلاق ماتبي بنتها تجيب طاريه ابد كانت متمسكه بفهد اكثر من مهره بس بعد ماشافت بنتها تموت بين يديها خافت عليها حيل منه وتبي سلامة بنتها وبس

____________________________

-/البارت الثاني والاربعون /-

رواية ريح المطر (للكاتبة شغف
ادعو لوالدي برحمة والمغفرة..


..بالفندق وزفة صقر وملاك ..

كانت ملاك جالسه على الكوشه بصالة
واقفه يمينها نهيل وعمتها ام صالح وعمتها مزنه
ويسارها ام مهند وهدى بعبايتهم ونقابتهم
وبنات عمها الباقي بغرفة النوم ينتضرون
مازن وماجد يزفون صقر ويطلعون

مازن /احم احم العريس وصل
ام منهد /كلوووووووش كلووووووش
هدى تنادي عليها / بنت اسكتي لايقوم عليك صقر
ام منهد وعيونها على ملاك بعجاب / ماهو داري عني صقر وهو يشوف القمر اللي جالسه تنتظرة
هدى تطالع بملاك وتبتسم / والله اني خايفه على اخوي مايتحمل جمالها و تجية جلطة لاشافها
ام منهد تاشر بعيونها على عمتها /شوفي عمتي مزنه حولت عيونها وهي تطالع ملاك
هدى تمسك ضحكتها لا تفضحها/ ماتنلام عاد هي معجبه فيها من وهي ورع حتى الحميه تحامي عليها

دخل صقر وهو فعلاً غايب عن العالم ومافيه
كان يمشي وعيونها على الملاك الابيض
اللي جالس قباله وماهو واضح منها
الا سطوع ضيها وكنها قمر خمسة عشر

اقترب وسلم على امه و نهيل وخواته
وعيونه كل شوي تروح لها بيشوفها ماهو قادر يصبر
كانت منزله راسها على يديها اللي بحضنها و مابين من ملامحها شي اللي لفت انتباه صقر صدرها وكتوفها الثلجيه العاريه حس بغيرة متملكه كيف مازن وماجد يشوفونها كذا هاذي ملكه هو وبس

مازن اقترب لملاك وحب على راسها / الف مبروك الله يوفقك
ملاك بدون رد /……
اقترب بعده ماجد وحب على راسها/ مبروك مبروك تهنون ان شاءالله
وبعده اقترب صقر ونحنى وحب هو بعد على راسها / مبروك يابنت عمي
ملاك بعد مافي رد /…..

مازن يضحك ويهز كتف امه ويتكلم بخفوت / وين اختفى لسانها اللي يلوط اذانها
نهيل غصبن عليها ابتسمت وردت بذات
الخفوت/ تقول موفرته لصقر اليله عشان تشرشحه فيه
مازن زاد ضحكه وعيونه على اخته الفاتنه / يهيب ياانتفه ياويله من لسانها ويلاه
قطع كلامه صوت ماجد / يلا يامازن نطلع
مازن يتجهه لباب / يلا على البركه منك المال و (وسكت )
حس ان كلمة ومنها العيال كبيرة عليها ورع وتجيب لها ورع هذا كل مايدور براس مازن

صقر كان يطالع بكل تفاصيلها بتعمق
ولا سال عن نظرات الموجودين له
(كانت اشبه بحلم واصبحت حقيقه)

العمه مزنه تهتف لهم بحنيه / عساه الف مبروك يامك عسى ربي يسعدكم ويجعلها ام عيالك
ملاك ارتعشت كتوفها من كلمة عمتها
وصقر اللي كان كتفه لاصق بكتفها العاري
وحس بارتعاشها رد على عمته بموده / الله يبارك فيك
ام منهد / الف مبروك ياخوي الف مبروك ياملاك
صقر يرد عليهم عنه وعنها / الله يبارك فيكم

ام صالح ماقدرت تبارك وهي عاجزه عن وصف الشعور ودموعها تسيل على خدها
وهي تشوف ولدها اللي احرم نفسه من النساء
من هو مراهق عشان هاليله اللي حلم فيها كثير

عند وفاء كانت بغرفة العرسان وتفتح الكبت
وتفتش فيها
شذى تكلم باندفاع/ عيب عليك تفتشين باغراض الناس
وفاء تفتح سحبة الكبت / جناح اخوي وكيفي انتي
مو شغلك
صبا جالسه على السرير/ بس هاذي خصوصية يا وفا حرام عليك
جاهم صوت هدى تنادي / يبنات تعالو سلمو على العرسان مافي احد

طلعت وفاء باستعجال وراها صبا وشذى
وفا سلمت على صقر/ الف مبروك ياخوي
صقر /يبارك فيك
تعدت ولا سلمت على ملاك تحت انظار الجميع
جت صبا /الف مبروك ياصقر وياملاك
صقر /يبارك فيكم
جت شذى اللي غارقه بدموعها وتحاول تخفي صوت بكاها ماتبي تزيد على صديقتها /الف مبروك ياخالي وياملوكه
صقر ابتسم لها / يبارك فيك ان شاءالله

ملاك حست بحه بصوت شذى الباكي وزاد توترها وخوفها

وخيرا تقدمت نهيل اللي تحاول تطلع الكلام من حنجرتها المختنقة / مبروك ياصقر عسى الله يوفقكم
الله الله في ملاك تراها من يدي لايدك وامانة عندك

صقر يلف واجهه لملاك و كان على وشك الرد على امها
بس بس ،،،،
الكلام تبخر،،،،
والفكره انسلب ،،،
والرد وقف بحنجرته وعجز لايطلع،،،
وهو يرا جمال الانثى المستحيله ،،،
رفعت ملاك راسها وطالعت بامها بحزن

نهيل لاحظت نظرات صقر الحاره لبنتها وكل مايدور بالها هي الاذكار على بنتها (حصنتك بايات الله يابنيتي)
ام صالح توقف وتوجهه كلامها للجميع / يلا مشينا نخلي العرسان يتهنون

العمه مزنه انحنت لصقر وهتفت بحرص خافته/ ترا الله عطاها الزين ثم عطاك ايها حافظ عليها وانا عمتك ماكل ديرة ولا قبيله بتلقى مثل زينها
صقر ابتسم لها بمودة/ لا تشيلين هم ملاك وزينها بعيوني

ملاك كانت تسمع وهي تشعر بغضه والعبرة خانقتها
عاد هي خلقه تحب عمتها مزنه من وهي ورع يشبونها بطبايعها

…و الكل بارك لهم وطلع ..
____________________________

فهد له يومين لا ليلة ليل ولا نهاره نهار
اعترف لنفسه انه هايم مع حبها هايم
بس كرامته ماتسمح له يروح لها و يراضيها
مستعد يصبر على نار الوله اللي شاعله بصدرة
ولا يصبر على تصغير نفسه قدام حرمه

فهد كان متمدد على سريرة و نفض الغطا وقام
اتجه لكبت ملابسها فتحه وكانه يدور على اي اثر لها يبي يريح خلاياه ولاكن ماحصل لها شي ابد
وهو راجع لسريرة ينتفض من الشوق اللي غلب على كبرياه نفسه ولف شاف لها اثر واحد جلال صلاتها اللي مرتب فوق السجادة
فز قلبه من شافه وكانه شايف راعيته اقترب ورفعه بين يديه وحط انفه فيه واستنشقه بحب طاهر ونزله وحضنه بصدره / لعنبو قلبن مايحبها ياناس
_________________________________
بجناح العرسان
بعد ماطلع الجميع

وصقر اختلا بحلمه من ايام المراهقه
كان وده يحضنها ويدفنها بين ضلوعه
ويبرد حرته فيها بس حاول يتماسك نفسه
وهو يقول (ممدي عليها معك وقت تسوي كل اللي بخاطرك حلال عليك بس الحين اثقل لا تخرش البنت )

لف لها متشفق عليها وحط يده على راسها وهتف بصوت رخيم /اللَّهمَّ إنِّي أسألُكَ خيرَها وخيرَ ما جبلتَها عليهِ وأعوذُ بِكَ من شرِّها ومن شرِّ ما جبلتَها عليهِ

نزل يده لذقنها ورفع وجها له ملاك رفعت عينها وحطتها بعينه بجرائه
وليته مارفعتها ،،،
ليتها مارفعتها ،،،
هزت رجولته المتفجرة هز !!!
صقر ارتعش من نظراتها القارصة له
وهو مبهور مدمور منها

هتف لها بصوت رجولي ذايب /
انتي قمر من يوم كنتي صغيرة….
انا اذكرك كنتي حديث الصبايا….
وشلون اجل الحين وانتي كبيرة….
عزالله صرتي تفتنين حتى المرايا….


ملاك ماردت عليه وهي تبادله لنظرات
و مرت دقايق وهم ينظرون لبعض

صقر من كسر الحاجز وتكلم بحب صادق /والله ياملاك انها من اسعد اليالي على قلبي يوم تكونين
بين يدي وقدام عيني
ملاك طالعته بحده ثم صدت بوجهها عنه
صقر ولع نار من نضراتها السليطة ولاكن
مسك اعصابه وهتف لها / تعشيتي ؟!
ملاك مطنشتة /….
صقر هنيه ماقدر يتحمل هتف لها بحزم / ادري ان سكوتك ماهو بحياء بس قلة احترام
ملاك ترجع نظر له وتسلط لسانها عليه/ اي قلة احترام عندك شي؟!
صقر مصقوع مصدوم منها / انتي كيف تجرئين وتكلمين معي كذا ؟!
ملاك مازالت تناظر فيه ولسانها السليط
مسك عليه /اذا مو عاجبك طلقني

صقر قفز واقف من شدت الصدمة والعصبية ولاكنه سحب له نفس عميق لتهدئه وهتف لها بحزم
بالغ / اسمعيني عدل انا اقدر اسكتك بطريقتي وخليك ماتفتحين ثمك قدامي مره ثانية ولاكن اليله مابي اخرب عليك ليلة عرسك

ملاك ترفع وجها وتطالع باللي واقف على راسها
بهيبته وثقته عميقه بالجاذبيه والاناقة
لابس بشت سودا على طوله وجسمه الرياضي
معطيته تفاصيل مبهره مع الغترة البيضا
و شعر دقنه الاسود مخفف تدريجي ومن الاطراف
محدد بسواد بدقه وعيونه الحاده تنظر لها
بنظرة كبرياء وغرور

ملاك انفجرت فيه بغضب حاد / وليش انت معتبر هذا عرس مثل اي عرس كان سويته بيتك وفرت فلوسك وريحت راسك عن التغليف المرقع
صقر فتح فمه بدهشه / الحين كل هذا تغليف مرقع !!
ملاك مازالت غاضبه / اي مرقع ويكون بعلمك
ترا زواجك مني كله ماني براضيه فيه
صقر هنيه ماقدر يمسك نفسه شدها مع معصمها
وقفها قدامه و تكلم بنبرة مخيفه / اسمعيني عدل
انا ماجيت اشاورك ولاهمني رضاك اهم شي عندي رضاي انا انا وبس
ملاك كانت كاتمه وكاتمه وانفجرت عليه
وهي تنتفض من القهر / ومن قال لك اني بسعى لرضاك انسى ياصقر انسى من اليوم ورايح اعتبرني وحده من خواتك فاهم!!

صقر كان يطالع فيها بنفس جيعانه
وكان الاكل قدامه وماهو قادر يسد جوعه
وهي تكلم وتكلم بحرقة وجسمها كله ينتفض
ولاكن صدمته اخر كلمة (اعتبرني وحده من خواتك )
حس هو من قام يرجف بعنف ضغط بكفه على معصمها الصغير وهتف لها بصرامه / ملاك ثمني كلامك قبل تقولينه اذا اهلك ماعلموك الزواج وشو بضبط انا اللي اعلمك ماهو تحسبينه لعب بزران
ملاك مازالت تحس انها مخنوقه وتبي تطلع كل اللي كاتم على صدرها/ والله اللي عندي وقلته
ماهو عاجبك روح لمرتك اللي سويت لها عرس
تكلم عنه الصغير والكبير ولا انا اخذ للي استراحة وذابح لك كم ذبيحه وتقول عرس

صقر حط يده الثانيه على خدها
ومسح عليه بذوبان / الحين انتي زعلانه ولا غيرانه
ملاك انفضت يده من وجهها بقرف / حلوه غيرانه هاذي ومن عليه بغار عليك انت ؟!!
صقر ابتسم بخبث / والله مدري اسالي روحك اجل وحده عاقله من تشوف رجلها بليلة عرسها تهب بوجهه الا انها يا غيرانه ولا مجنونه

ملاك طالعت فيه وصدت بوجهها عنه
وصقر كمل كلامه وهو يحوط خصرها
بيديه ويجذبها له / اذا انتي زعلانه عشان الزواج ابشري باللي يرضيك اوديك سفره تفرين فيها انحاء العالم كله
ملاك كانت بين يديه و قريبه له حيل
صدرها العاري واصل لاتحت عضلات صدره
وجهها بنص صدره العريض
وتكلمت بتقصد / خل سفرتك لك لاني مو بمسافره معك اصلا
صقر ابعد يده وحده من خصرها وحطها على ذقنها ورفع وجهها باطراف اصابعه وتكلم بنبرة هاديه وعيونه تاكل تفاصيل ملامحها/ ملاك حبيبتي هدي للي نفسك انا قلت لك اللي تبينه بسويه تبين عرس ثاني والله لا سويه كان يرضيك؟؟
ملاك ابتسمت باستهزا / اي وانت عاد صرت خبرة بالعروس ماعندك مشكله لو تسوي ثالث ورابع وخامس بعد

صقر لاول مره يرا ابتسامتها
اللي زلزلة كل قوته بزلزال عنيف
و انحنى لها يبي يشفي غليله
ماعاد فيه صبر نفذ كل صبرة

ملاك من شافته انحنى لها بهدو
رجعت جسمها العلوي على ورا بلعانه
وكانت يدين صقر محوطتها مع خصرها
وطاحت شفايفه بالهوا
وصقر فتح يديه بلعانه اعمق
وطاحت ملاك جالسه على الكوشه وراها
حست بالحوض عندها تكسر من قو الطيحه بالفستان الثقيل وطلع صوت ونة الام من بين شفايفها

صقر سمع ونتها المثيرة و ابتسم / سلامات تعورتي
ملاك توقف وترفع فستانها وتمشي بخطوات غير ثابته و متجهه للغرفة بغيظ
وصقر اتبعها بنظراته و انفجر ضاحك / ههههههه اه اويل حالي
__________________________
بيت نهيل

نهيل جالسه بصاله و مانشفت دمعتها من زفو بنتها
واللي زاد عليها امل اللي بكت بنحيب وكان اختها ماتت
حصه الوحيدة اللي ماسكه نفسها وهي حاسه انها على وشك الانفجار
والعمه مزنه تثور عليها / الله يهديك انتي وامل ادعو لها بالتوفيق والسعادة كذا مايصير اللي تسوونه بنفسكم
امل تشاهق / والله العظيم ماني قادره بقادرة اتخيل فراقها
حصه بتعب / وهي ميته ابك هاذ بيت عمي لازق بيتنا ماهي رايحه بعيد
نهيل تمسح دموعها بشال اللي على راسها / من يعلمني عن بنتي وعن علومها وش هي مسويه ضايقه ولا فرحانه
العمه مزنه تفتح فمها بدهشه/ انتي صادقه ولا تمزحين بنتك ماصار لها ساعه غايبه وتقولين كذا اجل لو تسافر وش بتسوين
امل انتفض وامسكت بيدين حصه بخوف / بتسافر بتروح عنا وين وين ومتى
حصه حطت كفها على وجهها / ياربي انا القاها منك ولا من امي تبي تروح شهر عسل وترجع ماهي طايرة
نهيل بقلة اقتناع / ماسوا لها عرس تبينه يسفرها بعد
العمه مزنه بحق /والله ان عرسهم فخم وماقصرو كل شي جايبينه ومن افخم وغلا شي بس وقفت على القاعه ولا مايكتمل
امل بتدخل وهي تمسح دموعها/ بسراحه ماتوقعته كذا حتى الاستقبال فخم فخم حيل
_________________________________

نزل بشته وشماغه وعقاله على الكوشه وهو ينتظرها
صار لها ساعه مقفله على نفسها بالغرفة وتقول بلبس
وصقر يقوم ويمشي ويجلس يبي يخفف من شوقه
اللي شاب بضلوعه بس ماقدر يتحمل اكثر فقام واتجهه لها

صقر طق الباب / ملاك شفيك للي ساعه انتظرك تفتحين
جاه صوتها الناعم / لو سمحت بنام لاطق الباب مره ثانية
صقر وقف مصدوم من برودها هو اللي له ساعه يغلي عشان تطلع وهي نايمه ومكبره المخده
صقر بصوت غاضب / ملاك افتحي الباب لاقسم بالله لاكسره
ملاك اللي كانت ترجف على السرير بس تدعي القوه ردت عليه بعناد / ماراح افتح الباب ياصقر وحتى لو كسرته
صقر وكاد يقطع ملابسه من القهر والجزع / اقول لك افتحي مدام النفس عليك طيبة
ملاك تنهدت / صقر ارجوك بنام

صقر امزقته كلمة (ارجوك ) كان بوده يقول لها انتي تامرين ماترجين ولاكن شوقه فاض عليه حاول يهدي من نفسه / طيب بخليك تنامين بس افتحي باخذ للي ملابس
ملاك تطالع الكبت وتهتف له بتردد/ امممم اول شي توعدني ماتقرب للي ابد عشان افتح لك
صقر عض على شفايفه بقلة صبر / طيب اوعدك ماراح اقرب بس افتحي الباب
ملاك تقترب للباب بتردد اعمق/ اوعدني ما تلمسني
صقر صرخ فيها / خلصيني

ملاك فتحت الباب ووقفت وراه
وصقر دف الباب ودخل بسرعه ولف
لها باستعجال ولهفه وحس رجولته على وشك الانهيار
من الفتنه المثيرة اللي توقف قدامه
ملاك كانت لابسه قميص نوم ستان ابيض
وعليه روب شيفون مبرز جسمها الانوثي
وماسحه زينتها بالكامل عن وجهها الصافي
وبس حاطه مرطب على شفايفها المليانه
وفاتحه شعرها الاسود الطويل على ورا

صقر اقترب لها وهي رجعت لين صدم ظهره بالكبت اللي وراها
صقر هتف لها بالم مثقل / الحين انتي تبيني شوف
وحر جوف
ملاك باستنكار/ ترا انت وعدتني ماتقرب للي اذا انت نسيت اذكرك
صقر خلا بينه وبينها مسافه وتكلم معها وكانه يكلم له طفله ساحره / مايحتاج تذكريني بس خلي نتفاهم ونتفق عشان نكون واضحين انتي ماتبيني اقرب لك صح !!
ملاك تقطب حواجبها بستغراب / اي صح
صقر حس براحه انه عرف يتعامل مع البزر العنيده اللي قدامه / طيب اذا تبين اوعدك ماقرب لك ترضين انام معك على السرير
ملاك انتفضت برفض طفولي / لا لا تنام معي لا
صقر يرفع كتوفه / اجل ماقدر اوعدك كذا
ملاك تزفر بغيظ/ يعني تبي تمشي كلمتك غصب
صقر بثقه / والله كلمة الرجال هي اللي لازم تمشي
ملاك تطالعه بنص عين / طيب انا مواقفه بس تحلف للي ماتقرب للي ولا تلمسني
صقر يبتسم بخبث وهو يتجهه للكبت/ اوعدك اللي بالي بالك ماراح اجبرك عليه لاكن المس عذريني زوجتي ولازم المسك

ملاك تطالع فيه وهو صاد وعينها على كتوفه العريضه
و شعره الكثيف اللي نازل على نحره بترتيب
واخذ لبسه و فوطته ويدخل الحمام

بعد دقايق طلع صقر من الحمام بعد ماخذ له شاور
و لبس له شورت كاروهات بالاسود والابيض وتيشرت اسود وشافها جالسه على كرسي التواليت واضح عليها السرحان اقترب لها حتى صار ظهرها الجالس عند ركبه الواقفه
و انحنى حتى صار خده قريب لخدها ومد يده لتواليت و خذ عطرة ورش منه رشتين ورجعه لمكانه وهمس عند اذونها بولع / ترا انا ماعض شفيك ترجفين
ملاك ترجف وتسحب لها نفس وتهتف له بقوه متصنعه/ ومن قال اني ارجف وليش اصلا ارجف
صقر حوط كتوها بيديها ولزق صدره بظهرها
ودفن انفه بعنقها وهو يشم ريحتها العطره
ملاك زادت رجفتها من حركته وتكلمت من بين اسنانها/ صقر ابعد عني لاقسم بالله انحاش من الفندق بكبرة
صقر همس لها / ملاك ارحمي الشوق اللي قطع جوفي والله مابي منك الا بس ضمه بس
ملاك تفك يديه اللي ماوطتها وتقوم واقفه وتجه لسرير / تصبح على خير
صقر تنهد بطولة بال واتجهه وراها لسرير/ وانتي بعد تصبحين على خير
ملاك تلف له بغيظ/ امم مابيك تنام عندي
صقر يتمدد على السرير وقلبه يرقع / اجل وين انام على الكوشه مثلا!!
ملاك تجلس على السرير من الجه الثانية
وتزفر عليه / عاد الله والكوشه اللي انت جايبها بس تبي تسكتنا فيها
صقر رد بثقه/ انتي تعرفين كم سعرها الكوشه اللي ماهي بعاجبتك وبعدين ليش اسكتكم انتي مراح يسكتك شي لو سويت لك كرنفال مو عرس

ملاك سلبت عيونها بطفولة ولفت عنه ودخلت بالفراش وعطته ظهره
وهي من تحت الفراش خايفه خايفه منه ومن تهوراته ..
صقر يطالع جهتها اللي ماهو واضح منها شي دافنه نفسها بالكامل حاول يمسك نفسه عشان ما يقترب لها مايبي يضغط عليها اول ليلة بس بس الشوق
شده لها ولعه غصبن عليه وعليها
ودخل بالفراش و اقترب لها وهو عاجز عاجز عن سيطرت نفسه ولزق فيها من ورا و حوط خصرها من بين يديه بتملك عنيف وشد احتضانها لها وكانه يبي يخلخلها بين اعضائه

ملاك من حسته يقترب لها وكل قوتها تنهار
واللي مزقها واضعف جسدها
احتضانه العنيف لها حست كانه فكك عظام جسدها
من قوة وتصلب جسده
ملاك صرخت بالم / اي كسرت عظمي
صقر مازال شادها له و حط شفايفه على خدها
وباسها بقوه وبلا رحمه
ملاك حست راسها تفجر من ضغط شفايفه على خدها
انفجرت باكية لاول مره تبكي بضعف ورعب
مثل المره هاذي / اهى اهى اهى
صقر انتفض من صوت بكائها الطفولي وبتعد منها بخجل/ ملاك الله يهديك ليش كل هالصياح انا ماني مسوي فيك شي والله العظم ماني مسوي شي

ملاك دفنت وجهها بمخدتها تحاول تخفي بكائها عنه ماتبي تضعف ماتبي تضعف هي تعودت على القوه اول ليلة لها مع صقر وتضعف عنده كذا
صقر حس بندم من تصرفاته المتهوره وكانها بطير منه لو ما صار اللي يبيه

حط كف يده على كتفها بطبطبه / ملاك خلاص اوعدك ماراح اقرب لك
ملاك تلف وجهها المبلول بدموعها له وتردف له بتهديد/ ورب الكعبه اذا سويت الحركه هاذي معي
مره ثانية لا نحاش لاهلي وقول لهم انك ضربتني
صقر ماقدر يشيل عيونه عنها وهي تهدده تكلم بحزم متقصد/ افهم من كلامك انك كنتي تكذبين على مازن وفا يوم جيتي تشكين انهم ضربوك؟!
ملاك حست كانه كب عليها ما بارد من الحرج ولاكن هتفت بحسرة / ماجيتك الا وانا صادقه بكلامي بس حسافه ليتني ماجيتك
صقر عض على لسانه بندم وهو يشوفها تصد بوجهه عنه ودفنه بالمخده
و هو تركى على كفه وجسمه متمدد على جنب وراها
و هتف لها باعتذار واثق./ ماهو بقصدي الكلام اللي قلته بس انتي الله يهديك طلعين الواحد من طوره

ملاك ماردت عليه طال الصمت
وهي تحس فيه يتقلب وراها
وكانه يتقلب على جمر حامي لين غفاه النوم من التعب والوقفه طول اليوم بعد فتره التقلب و من الوقت…
________________________________

اميرة طول اليوم مانشفت دموعها وهي تذكر لياليها مع صقر
وكيف عطته حب مايستاهله وباعها بارخص من الرخص تمنت حضنه الدافي اللي صار
اليلة ملك لغيرها
وانفاسه الحاره اللي صارت انفاس لغيرها
بكت بكت بكت لين ورمت عيونها
مدت يدها وخذت الجوال
اللي على الطاوله
وكتبت له رساله ورسلتها لصقر
ورمت الجوال ورجعت للبكاء
_______________________________



-/البارت الثالث والاربعون /-

رواية ريح المطر (للكاتبة شغف
ادعو لوالدي برحمة والمغفرة..

مهره تقلب على سرير ماهر اللي مجاور سرير امه
وماهر نايم بالارض على ان غرف البيت كثير
بس هم يبون يجتمعون بغرفة وحده
مهره لفت نظرها لامها شافتها نايمه ولفت
طالعت بماهر شافته كذالك نايم
نزلت دموعها على خدها بصمت
حاسه بغيرة تاكل قلبها وهي تخيل ان شوق تحتك بفهد وهو اللي خلاها عند اهلها يبي يتفضى لحبيبة قلبه
مهره عضت على مخدتها بالم والافكار تاخذها لدرجة هاذي وبنفس الوقت تبيه تبيه ماهي قادره تصبر عنه وعن وسامته المعجزة
تحس انها بصحراء بارده وتبي حضنه حضنه
الي يحتويها بدفاه
نامت من بين افكارها ودموعها الخافته
______________________________

ومثل ماتوقعت مهره هذا شوق وجدتها جالسات
و يخططون بعد شافو غياب مهره وعرفو انه صاير بين فهد ومهره شي كبير بس مايدرون وش هو بضبط
يبون يستغلون الفرصه لهم وهذا وقته
ام ابراهيم تهتف لها / اسمعي من بكرا تبدين بفطوره واكله ولا شفتيه قولي وين لبسك بغسله حسسيه انك مهتمه فيه وانه بحاجة مره

شوق تبتسم/ اي وبروح له لجناحه وطق عليه وصحيه لدوامه بعد
مريم بتحذير / لا انتبهي والله لا غير يذبحك ويفضحنا بين العربان
ام ابراهيم تايدها / وهي صادقه لا جناحه لاتروحين له مزرين عنه يذبحنا تراه يسويها عاد له كم يوم شاب نار

شوق تنهد/ اي عشان اللي ما تنسما طالعه من البيت
مريم تهتف/ يومه ماتدرين وش سالفه اللي صايرة بينهم بضبط وحتى عرس نوف ماحظرت هي وامها
ام ابراهيم / سالت حسنا تقول انه ضاربها ونحاشت منه ومشكلتهم يوم عرس نوف اصلا
مريم / مافي جديد كل يوم وهو داقها وتو تنحاش
شوق تضحك / يمكن طيب خاطره فيها كسرها ورماها
ام ابراهيم بتمني / ياليت الله يهديه ويفتك منها كان جبته لك غصبن عليه وخليته يتزوجك بسرع وقت
شوق تنهدت / يارب يسمع منك
___________________________

صباح جديد
الساعه 9 صبحاً بجناح العرسان

صقر طول اليل يفز من نومه ويتاكد
من الساخطة اللي عنده حلم ولا حقيقه
وهذا هو الحين نايم بتعب فتح عيونه بطى ولف بسرعه لجهتها وكانه بيتاكد من وجودها واللي صدمه ان مكانها فاضي نفض الغطا وقام متجهه لصاله

شاف ملاك لامه نفسها بيديها ونايمه على ظهرها بالاريكا اقترب لها وجلس على الطاوله اللي قبالها
وهو يدقق بملامحها بتعمق عجيب
يبي يشبع رجولته الفايرة
باجمل وروع نساء الكون ..
ركز نظره على تفاصيل وجهها المضي بالنور والصفا
ونزل عينه تحت
نزل على جبينها الصغير الشفاف
ونزل على عيونها النايمه ورموشها الطويلة
ونزل على انفها الصغير المحدود مثل حد السيف
ونزل على شفايفها المليانه الورديه الناريه
ونزل على فكها المحدد مثل تحديد القمر
ونزل على صدرها المرتكز وعلى خصرها النحيل
وعلى ردفها المليان واخيرا على صفا لونها وتوحده

صقر يهتف بنفسه باستغراب
( معقوله هاذي تكون بنت عمي طالب ابك لونه
ماهو اخو ابوي كان قلت امه اجنبية وبنته طالعتن عليها ولو ماعرف امها وخوالها وعمتي مزنه كان شكيت انهم ماهو بسعوديين لعنبوها اخذه زين الدول العربية والاسلامية كلها )

ملاك تحرك جبينها وكانها بتصحى فتحت عيونها وحست بشي عريض قريب لها ومغطي على يمينها
وريحت عطره الفاخره اللي مستحيل تنساها من ايام العيد قريبه لها حيل لفت لليمين
وصدمت بجود صقر القريب لها ونظرات عينه موجه عليها قامت وجلست بحركه سريعه ولمت روبها عليها
وكنها تستر جسدها لا يوضح منه شي

صقر ماعجبته حركتها ولاكن مشاها وهتف
بثقل/ صباح الخير
ملاك ترجع شعرها ورا اذنها وترد بهدو / صباح النور
صقر مازال جالس على الطاوله و عليه شورته وعيونه تتبع كل تحركاتها / بطلب لنا فطور وقهوه

ملاك عيونها على رجليه المشعرة وجسمه الرجولي
وهي حاسه بحرج عميق
عمر خوانها ماحد منهم لبس شورت كذا اول مره تشوف جسم وصلابة رجل بهذا القرب

صقر لاحظ نظراتها له ونزل نظره لمكان نظراتها
ملاك تمنت الارض تنشق وتبلعها الحين
وش بيقول عني فاصخه الحيا
لفت وجهها عنه وزمت على شفايفها بحرج واضح
صقر ابتسم بخبث وهو يشوف وجهها المحمر
وتكلم بنبرة كبرياء / كانه عاجبك الشورت تبين اجيب لك نفسه؟!
ملاك مازالت صاده و نبرته المتكبرة هاذي تذكرها بخته وفا ودها تقوم تذبحه وتروح لاخته بيتهم وتذبحها وراه ولاكن تكلمت بقرف / ماكل شي نطالعه يكون عاجبنا بعض الاشياء تكون مقرفتنا

صقر صقع من كلمتها
(انا صقر اللي البنات يركضون وراي بس يبون مني اشاره تجي هالبزره المتكبرة تقول للي مقرف )

صقر وقف وطالعها بنص عين / المقرف اللي قدامك لو طلع برا سدح بنات حوى كلهم
ملاك وقفت هي بعد و تحس بغيرة وغيظ
من اسلوبه / انا بعرف انتم ليش كذا شايفين انفسكم على الناس وتحسبون العالم كله ميته عليكم ؟!
صقر يهز كتوفه ويتجه لحمام / يحق لنا نشوف انفسنا شيوخ عيال شيوخ

ملاك جلست على الاريكا بغيظ متصاعد
بعده قامت و اتجهت للغرفة وفتحت الكبت
بتاخذ لها ملابس شافت صقر طالع من الحمام ومعه فوطه وينشف وجهه ويطالع فيها بنظرات جريئه
وهي اخذت لبسها ودخلت بالحمام بحرج منه
وصقر جلس على السرير ومد يده واخذ جواله
اللي كان على الطاولة من البارح
بيطلب لهم فطور
وشاف رسايل ومكالمات بس اللي لفت انتباهه
رسالة من اميرة قطب حواجبه وفتحه الرسال

( مت وانا اتخيل غيري بين دفى احضانك احبك
يا صقر وابيك تكفى لا تعطيها انفاسك وتاخذ انفاس غير انفاسي )
صقر سكر جواله وحطه على الطاولة من غير لا يمسح الرساله ولا هو عارف عواقبها بعدين وهتف بتنهد / اي احضان واللي يرحم والديك والله اني مكسور النفس للحين
__________________________________

فهد يفتح عيونه بطى وهو يحس بصداع فضيع
تهد واعتدل جالس وسند ظهرة لظهر السرير
وعينه على جلالها اللي بحضنه رفعه وحطه على انفه
و استنشقه بلهفه وبعد دقايق رماه على جهتها بغضب حاد وهو يتذكر كيف تترك البيت من غير شوره
قام وخذ له شاور سريع ولبس بدلة الضباط ورش من عطره وخذ جواله ومفتاحه وطلع

شاف جدته جالسه على الكراسي بالحوش عند اشجارها وقدامها على الطاوله قهوة وتمر وشوق جالسه قريب لها ومتغطيه بجلالها
تنهد بضيق واتجه لهم وسلم بهدو/ سلام
شوق الجدة صيته بصوت واحد /عليكم السلام
فهد يوجه كلامه لجدته بتسال حازم / شلونك يام عقاب ؟!

الجدة صيته ترفع راسها له وترد بنبرة زعل/ زينه نحمد الله
شوق تطالع فيه بتفحص كيف طالع شكله الجذاب
مع بدله الضباط وهتفت له بدوخان / فهد اصب لك فنجال
فهد طالع فيها بنص عين ولف لجدته / يومه انا طالع لدوام تبين شي
الجدة صيته ترد بحزم بالغ / اي ابيك شوي وانتي ياشوق روحي وخلينا بروحنا
شوق توقف وهي تمشي رايحه بتميع/ بسوي لفهد فطور على ماتخلصون كلامكم
فهد يطنشها ويرد على جدته بمقاطعه / اذا الموضوع يخص مهره ماله داعي تفتحينه
الجدة صيته تاشر على الكرسي قبالها/ اجلس وكلمني عدل انا مقام امك
فهد انتفض باستنكار / انتي امي ماهو بمقام امي
الجدة صيته تاخذ نفس / اجل اجلس وتكلم معي بحترام
فهد يحب على راسها ويجلس قباله /الحترام كله لك يام عقاب
الجدة صيتة صمتت لثواني ثم اردفت بعجز / انتي تبيها ولالا !!
فهد يقطب حواجبه بستغراب من سوالها / منهي !؟
الجدة صيته بنرفزة / منهي يعني مهره ليش فيه غيرها !!
فهد تنهد بزفرة / انتي الحين وش اللي مشغلك فينا
ما هي الحين راحت بيت امها خلاص خليها ترتاح عندها
الجدة صيته بزعل/ وانت تحسبها مرتاحه البنت ضايقة من سواتك فيها وحتى امها شايله هم بنتها يا فهد ارحم حال اليتيمه
فهد وقف وهو يصر على اسنانه / ماني ب راحم احد ولا ابي احد يرحمني و فكوني من هالموال اللي كل يومه تغنونه على راسي

الجدة صيته تشد على عصاتها بقهر / بنت ناصر
ما تعلقها كذا الناس ماراح ترحمها يا ترجعها لبيتك ونسد افواه الناس ياااا
فهد قطع كلامه بصوت حاد / يا وشو اطلقها مثلا اسمعيني يام عقاب انا ماخذتها عشان اطلقها والله لاخليها معلقه بذمتي ليوم القيامة
___________________________


-/البارت الرابع والاربعون /

رواية ريح المطر (للكاتبة شغف
ادعو لوالدي برحمة والمغفرة..

صقر جالس على الاريكا بالصاله بعد ماطلب لهم فطور و يشتغل بجواله برسائل المهنين والمحبين
سمع باب غرفة النوم تقفل عرف ان ملاك طلعت
من الحمام وتبي تلبس
تنهد بضيقة لامتى التقفيلات هاذي

عند ملاك من بعد ماطلعت من الحمام عليها روبها
وهي تدعي الله بداخلها مايكون بالغرفه
هي نست تاخذ لبسها معها لحمام
تنهدت براحه وهي تشوف الغرفة فاضيه
ومسرع طارت لباب وقفلته
وسندت ظهرها على ظهر الباب بارتياح
و بعد جففت شعرها و طيحته على طوله
ولبست لها بنطلون جينز سماوي فاتح و تيشرت
ابيض مورد بورد بالون السماوية وبدون اكمام
وحطت مرطب شفايف وكريم بسيط
عشان بشرتها الصافية ماتحتاج مكياج
وحطت ماسكر على رموشها
وهي جالسه قدام التواليت طق الباب
وجاها صوت صقر المثقل بالغرور / ملاك الفطور وصل ماصارت كل ذا لبس
ملاك تشد شعرها وتعض على شفايفها بقهر ودها تطلع وتقطع احباله الصوتيه المغروره لاكنها
ردت بطبيعه/ يلا جايه

فتحت الباب وطلعت شافت صقر جالس على الاريكا ومازال بشورت
وصقر من طلعت رفع عينه بتشفق لجهتها
ماعاد يتحمل اكثر من كذا
ماعاد يتحمل
و متاكد انه على وشك الانهيار الشامل
صارت له ليلة وحده معها بس
وماهو بقادر يسيطر على نفسه
و لاول مره يحس انه يضعف عند الجمال لهدرجه
هو يعترف انه كان يحبها لجمالها
بس مهمها حبه كان يضن ان فيه قوه
ويقدر يتماسك نفسه لا شافها لاكنها
دمرت كل قوته
.. كل قوته..

ملاك تقدمت بخطوات ثابته وعينها بعينه
وجلست قباله وبينهم الطاوله الي كانت مليانه من انواع الافطار
صقر بلع ريقه بعطش وتكلم بحه وهو ياشر على الطاوله اللي قباله /ماتبين تفطرين ؟!
ملاك بهدو غريب/ مو مشتهيه وممم بكلم مازن يوديني لاهلي
صقر وقف من غير شعور / وشو تكلمين مازن ليش وانا ماني بمالي عينك وبعدين من قال لك اني بخليك تروحين هاه
ملاك وقفت هي بعد بوجهه / والله ماني محتاجه احد يقول للي بيت ابوي و مالك حق تدخل بروحتي له
صقر يرفع حاجبه بتطنز ويقترب لها / اجل انا اللي مالي حق ؟!
ملاك من شافته يقترب حست بخفقان بس ادعت القوه كل عاده وثبتت مكانها / اي مالك حق وبيت اهلي بروح له اي وقت ابي عاجبك ولا مو عاجبك؟؟
صقر مد كفوفه وامسك بكتوفها العارية وحس بحرارة لحمها وانتفض برغبة لها وهمس لها من قرب بتقصد خبيث / انتي كلك للي حق فيك والمفروض من البارح وحنا موزعين حقوق بعض ولا انا غلطان يابنت عمي؟!

ملاك حمر وجهه من كلامه وكسرت نظرها للارض
من نظراته الجريئه عجزت تحط عينها بعينه
صقر حاس بانتصار وهو يشوفها استحت
اقترب لوجها ورفعه و انحنى من طوله لا طولها
ودمج شفايفه بشفايفها الساحره
و ملاك انتفضت بصدمه حطت كفوفها بصدره وتحاول تدف فيه تدف بس كانه جبال مايتحرك منه شي
صقر بعد ماطيب خاطره من الشي اللي كان يتمنا يذوقه ابتعد وهمس بالم مثقل/ ارحمني واللي يرحم والديك ترا انا بشر بشر ماقدر اتحمل كل هذا
ملاك حطت كفها على شفايفها ومسحته بعنف وتكلمت بعنف اعمق / الحين عرفت زوجتك ليش انحاشت منك لانك وسخ وحركاتك مثلك وسخه

ملاك راحت للغرفة وهي ترجف بغيظ
وصقر واقف مدهوش منها كيف تقول عنه وسخ وحركاته وسخه تنهد بضيقة واتجه وراها لغرفة بنفعال
ويبي ينهى الموضوع مافي صبر على كلامها و هروبها
ملاك كانت جالسه على السرير وهي مازالت ترجف ماتدري هو خوف ولا غيظ

شافت صقر يدخل من الباب بثبات
وتكلم بحزم / ملاك ترا الحركه اللي صارت ممكن تصير بين كل ازواج و يصير اكثر من كذا بعد وبعدين امك ماقالت لك ولا فهمتك شي ؟!
ملاك توقف بحزم اعمق/ مايحتاج تقول للي انا دارسه وفاهمه ماني بزر
صقر تمتم بينه وبين نفسه (اذا انتي مو بزر اجل مين البزر )
ملاك تكمل كلامها /بس انت ماحد قال لك
اني تزوجتك غصبن علي و مجبورة عليك بعد

صقر وقف وهو صادم كيف تجرح رجولته كذا كيف (انا اللي تجاذب حبها مع دم قلبي تقول انها مجبوره علي)
صقر اقترب لها ورمها على السرير اللي كان وراها بقسوه وطاحت ملاك على ظهره ومدت يديها على قدام بتمنعه لا يطيح فوقها بس صقر كان اقوا
و حط كفوفه بكفوفها ومد يدها لفوق وثبتهم و رمى كل ثقلة على جسدها الصغير وحط انفه على انفها المنحوت و انفاسه الملتهبه تحرقها
وملاك دقات قلبها عنيفه و انفاسها سريعه تكلمت بخوف واضح من صوتها/ قسم بالله لو تسوي فيني شي لاذبح نفسي والله لاذبح نفسي
صقر شد كفوفه على كفوفها ويهمس
لها بنبرة موجعه / اقسم بالله ماراح اسوي فيك شي ارتاحي بس لايوقف نبضك

ملاك مازالت دقاتها السريعه مستمره / صقر ابتعد مني
صقر باس انفها الصغير / ياعيون صقر وروح صقر انتي
ملاك حاسه مو قادره تتحمل ثقله اكثر من كذا / صقر والله كتمت على انفاسي بعد مني بعد
صقر يطالع بتفاصيلها وجهها
وهمس لها بذوبان /لازم تعودين انا زوجك افهمي ياملاك افهمي
ملاك صرخت فيه / تحلم تحلم مراح يصير اللي تبي والله ماراح يصير
صقر بعالم ثاني عالم مثير / تكفين ياملاك ارحميني ورحمي حالي
ملاك فاض غيظها/ انت اللي ارحمني وابتعد مني
ياخي افهم افهم مابيك مابيك خلك عندك شوية كرامه

صقر يفز واقف بحركه سريعه و بجسم رياضي
وانفاسه تعلى وتهبط من الغضب / انا اللي بعمري كله ماقد قلت لاحد تكفى قلتها لك انتي يالبزر ولا نفعت فيك تردين علي انا بالكلام هذا علي انا
ثم ردف بغضب اعمق/ لاكن اسمعيني يابنت عمي انا رجال والزم ماعلي كرامتي ودام هذا كلامك ترا بدال المره الف مره

صقر طلع من الغرفة وملاك اعتدلت جالسه على السرير وهي وتنهد براحه ماهمها كلامه اهم شي عندها انه تركها بحالها
_____________________________________

مهره مازالت نايمه على سريرها واضح عليها التعب
ام ماهر تقترب لها بستغراب/ مهره مهره يامك قومي وش هالنوم
مهره تفتح عيونها وتهتف لامها بتعب/ يومه مانمت من اليل خليني انام
ام ماهر تقترب لها وتجلس قريبة عندها / وليش مانمتي وش اللي مضايقك
مهره تسكر عيونها وتهتف بحزن / كل الدنياء مضايقتني كلها
ام ماهر تسكتها بجزع / لاتقولين كذا ماهو زين وانا امك وكلي امرك لله وامورك بتيسر
مهره تعتدل جالسه. / والنعم بالله بس يومه انا احس فهد مايبيني وبيخليني كذا معلقه طول عمري
ام ماهر تنهد وهي تحاول تخفف عن بنتها / لا يامك لاتقولين كذا يهديه ربك ويجي يعتذر لك
مهره تهز راسها باياس/ فهد تبيه يجي ويعتذر مني انا هو ما اعتذر للي وانا عنده فكيف وانا بعيدة عنه
ام ماهر تمسح دموع بنتها اللي خانتها/ قومي اكلي لك شي وريحي نفسك ماهو زين ترهقينها كذا الزم ماعليك عافيتك

قطع كلامهم صوت الباب
ام ماهر تهتف بستغراب/ منو جاي لنا بالوقت هذا
مهره تبتسم بموده/ مافيه غيرها جدتي الله لايحرمني منها
ام ماهر تبتسم وهي متجهه لباب / مين
الجدة صيته بصوت متعب/ انا ام عقاب يام ماهر
ام ماهر اتسعت ابتسامتها وهي تطالع بمهره اللي واقفه على باب غرفتها وتبتسم بعذوبه ودخلت داخل
وام ماهر تفتح الباب بترحيب / حي الله ام عقاب ياهلا والله
الجدة صيته تدخل وهي تسند كل ثقلها
على عصاتها/ سلام عليكم
ام ماهر تحب على راسها / عليكم السلام حي الله ام عقاب
الجدة صيته تدخل لمجلس الحريم
وهي تسال / مهره شلونها!!
ام ماهر تنهدت بضيق وهي تمشي وراها/ على حالها والله يام عقاب لاتنام ولا تاكل
الجدة صيته تجلس على الكنب / وهي وش يشغلها بفهد البليد مايحس ولا عنده ذرة حساس

ام ماهر تجلس قريبه لها وتهت بتهدئه/ ماعليه اذا ماحس اليوم بيحس بكره
الجدة صيته بزفرة وضيقه/ عجزت عنه عجزت وهو معند ومايبي يجي يطيب خاطر المسكينه
مهره دخلت بعد ماسمعت كلام جدتها اقتربت وحبت على راسها وهمست لها/ لا تجبرينه على رضاي لو يبي يرضيني ويطيب خاطري مثل ماقلتي كان هو جا من طيبة نفسه مايحتاج احد يقول له
الجدة صيته تشد كف مهره و تسحبها و تجلسها بجنبها وتهتف لها برحمه / والله ماحدن قادر يجبره
على شي وانا جدتك باسه قوي بس مرده بيضعف وبيجي هو لك من غير لاحد يقول له

مهره تزم شفيفها برائه / مافهمت ؟!
الجدة صيته تبادل النظرات هي وام ماهر
ببتسامه / انتي خبله ماتفهمين الرجال لاحب مرته لو كابر على فراقها سبوع سبوعين ماهو مكابر اكثر
مرده بيجيبه الشوق لك
مهره تحط اصبعها على صدرها وتهتف
بدهشه / يشتاق للي انا
الجدة صيته تقرص خذها المليان بخفه/ اي لك انتي اجل لمين !!
_______________________________

بيت ام صالح عند حريم عائلتهم
اللي مجتمعين على الفطور ويتكلمون عن تفاصيل الزواج البارحه

عايشه بتسال وهي تفطر/ وش زين الزفه والعروس
هدى تنهدت / وش نقول وش نخلي والله ان العروس معجزة
مشاعل ترفع حاجبها/ كيف معجزه يعني !!
هدى بعجاب / تاخذ العقل الله يعين صقر سراحه مرته قنبلة
شذى تنفجر ضحك / قنبلة عاد
وفاء بغرور / قسم انك مبالغة ياهدى
هدى باستفسار / مبالغه بايش
وفا بزفرة / مبالغه بملاك عاديه ماهي ذاك الزود حالها من حال اي عروس
هدى وام مهند بصوت واحد /ملاك ماهي ذاك الزود !!
وفا بتوتر/ اي شفيكم ؟!
هدى تشرب حليبها/ والله ماعندك سالفه والله انها موتن احمر
شذى بنغزى / وفا اشك عندها انحراف نظر
وفا بزعل / انحراف براسك يا قليلة الادب
شذى وصبا انفجرن ضحك/ هههههه
عزيزة تاكل بناتها/ طيب وش لابسه ومكياجها وش زينه نبي التفاصيل
ام مهند ترد بختصار / ماهي محتاجة مكياج زينها طبيعي
ام صالح بدخل ملفت/ والله انها ماشاءالله كاملة والكامل وجه الله بس عسى ربي يهدي الحال بينهم
هدى بنبرة امل / لا تشيلين هم هاذي عاد اللي حارب وضارب صقر عشانها لازم يتحمل الحياه معها
وفا باستنكار / ماتوقع بيتعايش معها عوبا حيل حتى الزواج ماهو راضين فيه
مشاعل بتدخل / اشوف ام مازن امس طول الوقت جالسه زعلانه هي وبنتها شكل ماهو عاجبهم
ام منهد تهز كتفها/ كيفهم لايعجبهم اهم شي اعجبنا
حنا وما قصرنا معهم كل شي حجزناه
هدى بتسال/عمتي مزنه متى بتجي ؟!
ام صالح ترد بهدو/تجي اليلة على العشا وبكرا بتمشي لديرتها
__________________________

مازال الحال على حاله و النار شابه بينهم
ملاك جالسه بالغرفة وتشتغل بصبغ الاضافر كل شوي تحط لون وتمسحه تبي تضيع الوقت
وصقر جالس بصاله على الاريكا وشاد على شعره بكفوفه وماهو قادر يهدي من عصبيته اللي كل مالها تزيد وهو يتذكر كلامها واسلوبها معه
قام ودخل الغرفه شافها على جلستها وبيدها مناكير بالون الحمر وتحط على اظافرها الصغيره

صقر فتح الكبت واخذ فوطته وتكلم برود
من غير لا يطالع فيها / خليك جاهزة بوديك بيت اهلك
ملاك مازالت تصبغ اضافرها ولا ردت عليه طنشته..
صقر اتجه للحمام وقف وكانه تذكر شي ثم هتف وهو مازال صاد النظر عنها / وترا اليله في عشاء عند اهلي لنا وتعالي مع امك

ودخل الحمام وسكر الباب وملاك كشت بكفها الصغير على جهته وقامت طلعت لها لبس للعشاء وحطته لها بشنطه صغيرة مع اكسسورات
والبست عباتها ونقابها وفتحته النقاب عن وجهها عشان ماتنكتم
طالع صقر لاف فوطة على جسدة
وعيونه غصب تروح لجهتها تسحره بكل حالاتها
مهمها حاول يصد النظر عنها
ملاك من شافت شكله العاري كذا خذت شنطتها
باستعجال مخيف وطلعت بالصاله

صقر وقف وعيونه على الباب اللي طلعت منه
تنهد و لبس ثوبة وشماغه وترتب مثل كل عادة
وطلع لصاله وتكلم معها وعينه على جواله يحاول يشغل نظره بشي غيرها / جاهزة ؟!
ملاك تقوم وتنزل نقابها على وجهها / اي جاهزة
صقر رفع عينه وطاحت على عيونها الوساع ورموشها الطوال ولون العدسه رمادي غامق
وعيونها الامعه طالعه من ورا النقاب
صقر حس بغيرة فضيعه عليها وتكلم بحزم/ كيف تطلعين وعيونك كذا؟!
ملاك باستغراب/ وش فيه عيوني!!
صقر مازال واقف بهيبه ويهتف بحزم اعمق/ مطلعتها تبين يشوفها الرايح والجاي !!
ملاك تنهدت / وش تبي اسوي مثلا اسكر عليهم عشان ماشوف
صقر بصرامه/ اي تسكرين عليهم وعساك ماشفتي بعد والله ياملاك لو ادري انك كنتي تطلعين كذا لا فقع عيونك لك!!

ملاك تصرخ فيه بقهر / انت تبي تحكمني بكل شي انت اخذني عشان تمشي قراراك علي وتطلع عقدتك فيني
صقر يطنشها وهو متجهه لباب الخارجي / سكري عيونك وامشي
ملاك تعد للعشره عشان ماتنفجر فيه وحطت شيلتها على عيونها وطلعت وراه
صقر فتح الاصنصير ودخل وهي دخلت معه
و ضغط على G وعيونه تفحصها بكامل يشوف هي مستره ولا بيقوم عليها
ملاك ماكنت تطالع فيه ابد وقف الاصنصير ونزلو وراحو مواقف السيارات
صقر اقترب لسيارته المرسيدس اس كلاس اخر موديل وفتحها بالريموت
وركب وملاك جمدت واقفه ماتدري وين تركب بضبط
صقر حط المفتاح و شغل السيارة ولف لها شافها واقفه فتح القزازه بتسال /ليش ماتركبين !!
ملاك بتردد / وين اركب!!
صقر كان وده يقول لها تعالي بحضني
ولاكنه هتف لها برود متصنع/ وين تركبين بالشنطه مثلا اكيد قدام
ملاك رفعت الغطاء عن عيونها بستهتار و طالعت فيه بحده وتقدمت فتحت الباب وركبت قدام بجمبه بينه وبينها المركى
صقر انقهر من حركتها اللي تذبح
لف لجهتها و هتف لها بغضب/ انتي كيف تنزلين الشال عن وجهك كذا بالشارع هاه!!

ملاك ما كانت معه ابد وهي مفهيه وعيونها
على داخلية سيارته الفخمه حيل
وعلى تفاصيلها و الديكوراتها
ماهي متخيله حتى بالخيال انها راح تركب سيارة
مثل هالفخامة و حدها سيارة اخوها مازن ولا ابوها اللي ماتجي ربع سعر السيارة هاذي

صقر صرخ فيها بغضب اشد / البسي شالك لا انزل عليك واذبحكً
ملاك انتفضت من صرخته وحطت الشال عليها
وهي مازالت مفهيه ….
_______________________________

-/البارت الخامس والاربعون /-

رواية ريح المطر (للكاتبة شغف
ادعو لوالدي برحمة والمغفرة..

صقر وقف عند بيت عمه ولف لجهة ملاك وتكلم بهدو / اليلة تجين عند اهلي وبعده اخذك ونطلع للفندق
ملاك وعيونها على باب بيتهم وتكلم بروقان/ بنام عند اهلي !!
صقر حاس انه ابتلش بزر ماتفهم و طالعه بنظرة مباشرة وتكلم بستنكار/ الحين في بنت عاقله تقول لزوجها ثاني يوم زواجها بنام عند اهلي وش تبين الناس تقول عنك!
ملاك تهز كتفها / مايهمني الناس اهم شي راحتي
صقر بينهى الموضوع لا يرتكب فيها جريمة / اقول انزلي الحين وليلة امر واخذك
ملاك تاخذ شنطتها وتفتح الباب / لاتمر وتعب نفسك ماراح اروح معك
ملاك نزلت و سكرت الباب بقوة
وصقر ضرب على السكان بغضب وعينه تتبعها لين دخلت البيت


عند نهيل وامل العمه مزنة اللي كانو على سفرة الفطور ومن شافو ملاك دخلت عليهم فزو واقفات بفرحه
و حضنتها نهيل بترحيب/ ياهلا وغلا بحبيبة امها
ملاك تبتسم وتحب على راس امها / اشتقت لك
امل تسحب ملاك من حضن امها وتضمها / والله مانمت من الشوق عليك
ملاك تحضنها بحزن /والله حتى انا
ابتعدت من امل و اقتربت لعمتها وهي تحضنها /ياحلا صباح
العمه مزنة ترد وهي تبوس خدها/ باحلا عروس انتي والله
نهيل تنادي عليها / تعالي يامك اجلسي وافطري معنا
ملاك تنزل عباتها ونقابها وعينه على السفرة وتهتف بحسرة / والله ميته جوع من امس ماكلت شي
العمه مزنة تطالع بلبسها بتفحص وتهتف بجزع/ ليش ماكلتي علامك
ملاك تجلس وتاخذ لها خبز وتاكل / مو مشتهيه
نهيل تجلس قريبه لها وعيونها عليها وهي تاكل بجوع واضح وتكلم امل بامر/ صبي لاختك حليب يويلي عليها هلكانه شكلها
امل تجلس وتصب لها كاس حليب وتمده لملاك وتهتف بتسال / ملاك متى بيجي صقر وياخذك !!
ملاك ترشف من الكاس/ ماهو جاي ولا انا برايحه معه اصلا
نهيل تبادل النظرات هي و مزنة بصدمه وتكلمت نهيل بتسال / وشو ماهو جاي و لا انتي رايحه معه !!
ملاك بنبرة متعبه /يومه خلاص زواج وتزوجت عشانكم بس ماني بقادرة اتحمل معه اكثر من كذا

العمة مزنة بستغراب صادم / طيب السبب وش صاير بينكم فهميني وهو قايل مايبي يجيك
ملاك تسحب منديل وتمسح فمها وترد بهدو / هو قال في عشاء اليله عند اهلي وتعالي مع امك وبعده اخذك ونروح للفندق بس انا قلت له لاتجي بنام عندكم
نهيل تنحرها بقهر / انتي انهبلتي اكيد في بنت صاحيه تقول هالكلام لزوجها انتي ماتستحين وش تبين الناس تقول عنك حذفها ولد عمها ثاني يوم زواجها وراح وخلاها اكيد فيها شي !!
ملاك تنهد بضيقه / تراكم ذبحتوني الناس والناس
وانا وش علي من الناس وكلامهم خلي يقولون اللي يقولونه
نهيل تصرخ فيها / اص ولا كلمة اذا انتي ماعليك منهم حنا علينا منهم مانبي الفضايح
ملاك توقف تتجه لغرفتها وتكلم بعناد / روحه ماني برايحه واللي عندي وقلته وانتهى
العمة مزنة تهدي نهيل اللي ترجف من الحسرة /اهدي خليها ترتاح الحين وبعده نفهم منها؟!
_________________________

بيت ام ماهر اللي طلعت من المطبخ وهي متجهه
لمهره وجدتها اللي فارشات لهم فرشه بالحوش
قبال الزرع ويتقهون
ام ماهر تهتف لمهره بتسال / ماهر مارجع ؟!
مهره ترد بهدو / لا يومة باقي مارجع
الجدة صيته تنقل نظرها عليهم وتهتف بهتمام/ليه وهو وينه وين رايح ؟!
ام ماهر نجلس وتنهد / عند عيال عمه يروح بيت ام طلال
الجدة صيته تفرك يديها بعض وتهتف بتوصيه /انتبهي له تراه بعده صغير لاتخلينه كثير عندهم
ام ماهر بموده/لا والله عيال ام طلال حليلين اللي ينخاف منهم عيال ام يوسف قشران الله يصلحهم

قطع كلامهم دخول ماهر اللي واضح متكدر /سلام
الكل رد عليه وهو مستغرب من تعابير وجهه /عليكم السلام
ماهر يجلس وهو يزفر بقهر / يومه عيال عمي يسالون عن مهره يقولون لامتى وهي عندكم وين رجالها
ام ماهر بغيظ/ وهم وش دخلهم فيها بيتهم ولا بيت ابوها
الجدة صيته بحزم / مالومهم يشوفون قليل المروه ماسال عنها ولا عنهم ولا عن احد و من حقهم بيسالون عنها بنت عمهم لحمهم ودمهم

مهره توقف متجه لغرفتها بصمت مولم حاد

ام ماهر تنهر ولدها/ليش تكلم عند اختك تبي تغثها
ماهر مازال متكدر/ يومه حتى انا غثوني اذا مايبيها يطلقها لايعلقها كذا
الجدة صيته تبستم بموده/ يارب خليك لامك و وخيتك كبرت ياماهر كبرت يامك
ماهر نزل راسه و استحى / ويخليك لنا ياجدة
الجدة صيته تطالع بام ماهر وتهتف بثقة / انا اعرف اخلي يجيها غصبن عليه ويرضيها وياخذها لبيته
ام ماهر بدهشة/ لايكون بتعلمينه عن عيال عمها ؟!
الجدة صيته انتفضت /لا مهبوله انا عشان يذبحها ويذبحهم وراها هذا ماعنده عقل يفكر فيه لاغضب
_______________________________


بعد العصر بيت نهيل ..

ابو ماجد بتسال / ملاك للحين نايمة !!
العمة مزنة ترد عليه بهدو / اي نايمة شكلها مانامت طول اليل
ابو ماجد بتسال خافت /شلونها مع رجلها ماقلت لكم شي
نهيل بحة حزن / ماقالت شي من جت افطرت ودخلت ونامت بس اللي فهمته ماهي مرتاحه
ابو ماجد يقطب حواجبه / ليش ماهي مرتاحه صقر رجال كفو و مايجي منه العيب
نهيل بتسال / هو انت شفته اليوم
ابو ماجد يرد عليها/ اي شفته على الغدا اليوم وسالته عن ملاك قال حطيتها عندكم بالبيت
نهيل بتسال مهتم / طيب تحسه متضايق ولالا
ابو ماجد بتذكر / لا ماهو واضح عليه شي ابد
ثم لاف لاخته بحنيه/ عسى ماتبين تمشين بكرا يا مزنة
العمه مزنة ترد بهدو /اي بالله بمشي ياخوي الاديار بعيده ولو ما انتم غالين علي ما تعنيت
ابو ماجد بحب /يعل ربي ما يغل قلبك على غالي

قطع كلامهم دخول حصه /السلام عليكم
الكل / وعليكم السلام
حصه تحب راس ابوها بعدها امها بعدة
عمتها/ شلونكم
العمة مزنة ترد بموده / بخير انتي شلونك
حصه تجلس بتعب / زينه الحمدلله
ابو ماجد يلتف يمين ويسار / الا امل وينها !
نهيل تبتسم / نامت عند اختها حتى هي مانامت من البارح مانشفت دموعها
حصه بتسال / ليش ملاك هنيه!!
نهيل ترد بضيقه / اي جت الصباح ومن افطرت نامت وللحين ماصحت
حصه بستغراب / ليش وش صاير
ابو ماجد يقوم / ماصاير الا الخير ان شاءالله
بس انتم تجهزو ترا في عشاء بيت ابو صالح اليلة
نهيل ترفع راسها وتطال فيه / عازمين احد ولا خاصه
ابو ماجد يلبس نعوله / لا خاصه مايبون لمة الناس والزحمه
لعمة مزنة باستغراب / علامهم مايحبون الناس ولا يبون لاحد
ابو ماجد يتجهه لباب/ وانا ادري عنهم وانا اخوك

بعد ماطلع ابو ماجد حصه لفت لامها وهتفت لها بخفوت / يومه ملاك وش قالت لك بضبط كيف صقر معها
نهيل تهتف بال ضايق/ والله يامك من جت وهي تنام حتى رحت لها بسالها لاقيتها نايمه وماقلت للي شي ابد
حصه تقوم /بروح اصحيها وشوف اخبارها
نهيل بحرص / اي وعشان تقوم تلبس وتجهز للعشاء الناس بتسلم عليها


حصه دخلت الغرفة مثلجة من المكيف و للانوار طافية راحت وشغل الانوار وطفت المكيف ونادت عليهم / ملاك امل قومو بياذن المغرب وانام نايمات ماهو زين
امل تقوم بتافف / ياربي يا حصه ليش طفين المكيف
حصه تاشر على الباب/ اقول قومي اطلعي ابي اصحي اختك وتكلم معها (وتاشر على ملاك اللي غاطه بالنوم)
امل تقوم وترمي الغطا وتجه لباب / يحبك للعلوم مافيك صبر لين تصحى
حصه تطنشها وترح لملاك وتهز كتفها العاري / ملاك ملاك قومي بياذن المغرب قومي
ملاك فزت جالسه / وش فيه وش صاير
حصه تجلس قريبه لها بتسميه/ بسم الله عليك ماصاير شي بس حنا المغرب وبعدين بيت عمي عندهم عشا ماتبين تقومين وتجهزين عشان تروحين لهم

ملاك كشرت بوجهها / وهم ماعندهم صبر لين ارتاح على طول عشاء
حصه بتسال سريع / كيف الزواج معك وكيف صقر علميني وش صار بضبط
ملاك تصد بوجهها / وش يبي يصير يعني ؟!
حصه تمسك كف ملاك بين كفوها / ملاك حبيبتي انتي كبيرة وفاهمه وش اقصد وانا شارحه لك كل شي بالتفصيل ماله داعي تلفين وتدورين معي
ملاك تطالع فيها بحرج / ماصار شي هذا انا مثل ماكنت
حصه باستغراب / هو مخليك برضاه ولا انتي اللي رافضه يقرب لك
ملاك تنهدت بضيقه / انا اللي رافضه يا حصه انا مابي الزواج كله وماقدر اجبر نفسي اكثر من كذا
حصه بعتاب / بس اللي سويتيه حرام قبل لايصير عيب. ياملاك لازم تفهمين ان هاذا زواج ماهو لعبه
ملاك تبعد الغطا وتقوم بتهرب / عارفه انه ماهو لعبه والحين بروح اغسل واتجهز لعشاهم الغثيث

راحت ملاك للحمام وحصه مازالت جالسه وتحس بعدم الراحه من تصرفات اختها
قطع افكارها دخول نهيل و جلست عندها وسالتها بشكل مباشر / شقالت لك صار بينهم شي
حصه ترد عليها بعجز / لا تقول ماصار شي بينهم وهي اللي رافضه و ماتبيه يقرب لها يومه بنتك لازم نعقلها ولا ترا بتهدم حياتها بيدها
نهيل تنهدت بضيقه عميقه / هي تسمع الكلام عشان نفهمها هي عنيده وراسها يابس تعبت منها ومن تصرفاتها
حصه تطبطب على امها بتهديه / ماعليه نحاول فيها وكل شي راح ينحل
نهيل تغير الموضوع بتسال / ماتبين تروحين عشا عمك اليله
حصه تقوم / لا مافي حيل ابد بريح ظهري
ثم ردفت وهي متجه لباب /بروح اسولف مع عمتي مزنة قبل تمشي
________________________________

-/ البارت السادس والاربعون /-

رواية ريح المطر (للكاتبة شغف
ادعو لوالدي برحمة والمغفرة..



بيت ابو صالح على العشاء

ماكان فيه احد الا ام صالح وبناتها وحريم عيالها
وام ماجد وبناتها واخت ام صالح ام سلامه والعمة مزنه

ام ماجد توجه كلامها لام صالح بتسال/ شلون المعرس يقولون انه متغدي عندكم اليوم وملاك عند امها
ام صالح تشعر بحزن على حال ولدها و ترد/ اي والله جانا و تغدا معنا ومرته خلاها ترتاح عند امها وخواتها
ام سلامه بنية طيبه / يالله انك توفقه والله اني ادعي لصقر ليل ونهار والله ماحدن اكرمني انا وعيالي غيرة
ام صالح تبتسم لاختها بحنيه / امين يارب هو هذا اللي يبي الدعا


عند جهة البنات مشاعل بتسال غاير / مكان ملاك تاخرت والعشا لها المفروض من المغرب تجي
وفا ترد بتقصد مستفز/ شكلها ماهي جايه اصلا من شاف شكل صقر اليوم منغث واضح بينهم شي
هدى تزفرها بحده / لاسمع الكلام هذا فاهمه وصقر كان تعبان من شوشرت العرس وملاك تبي ترتاح مافيها شي
ام مهند تطالع بهند وهنادي بخجل وتهتف لوفا/ ماله داعي الكلام هذا عيب
وفا بغيظ/ وانا شقلت ماقلت الا الصدق
مشاعل تبتسم / الصدق احيانا يزعل
هدى بحمية / ملاك شوفتها تريح البال اصلا وصقر ماشفته مرتاح البال كثر اليوم
تجي شذى ومعها جيك مويا وكاسات وتحطه على الطاوله وتهتف لامها بتسال / يومه ماجت عمتي نهيل للحين
ام مهند تاشر على الباب / هذا هي جت هي وعمتي مزنه وملاك وامل

الكل لف بتشفق على شوفتها والكل انصدم من طلتها
ملاك تنزل جلالها هي وامل و يعلقونه بالمعلاق اللي عند الباب
وكل العيون تطالع فيها بانبهار ..

ملاك كانت لابسه فستان طويل استرتش لازق على جسمها الفاتن الطاغي بالون الاحمر و من عند الصدر فاتح بشكل دائري على الكتوف وبعده يبدا بكمام طويله كرستال عليها وعلى الخصر النحيل حزام كرستال نفس الاكمام وعليها كعب واطي بلون الاحمر وفاتحه شعرها الاسود الطويل كامل ومن تحت مسويه له لفلفه بترتيب وحاطه على وجهها كريم ناعم وماسكرا على عيونها وكحله ناعمه وحاطه على شفايفها روج احمر مبرز جمالها الرباني

ام صالح تقوم بذكر الله وعيونها على
مرت ولدها / مشاءالله تبارك الله يالله تحيي عروستنا
العمه مزنه و نهيل تقدمو وراهم البنات و سلمو على الموجودين
وهدى تاشر لملاك من بعد ماسلمت على الجميع تجلس / تعالي اجلسي هنيه
ملاك برفض / لاوالله انتي اجلسي انا بجلس عند شذى
هدى تسحبها مع يدها وتجلسها / اقول اجلسي وشذى نجيبها لك انتي عروستنا لازم ندلعك
مشاعل بغيرة وعتاب /الدلع بس للعروس ياهدى وحنا وين رحنا انا وعايشه وعزيزة سحبتو علينا
هدى بتقصد / كلن اخذت حقها وهي عروس و دلعنها الحين ادلع لبنت عمنا غير
عزيزة تضحك / اي قولي كذا عشانها بنت عمك وحنا ماحنا بنات عمك
عايشه بموده / والله يان دلعتو ياملاك كانكم مدلعيني
ملاك تبتسم بموده / تسلمين يام علي
شذى تجلس عند ملاك و تهز كتفها بخفوت / وين راح لسانك اكله لك خالي صقر
ملاك تطالع فيها بنظره قارصه / لازم تجيبين طاري خالك و تغثيني
شذى بدهشه / اغثك حرام عليك هذا وهو طاير فيك ومن اليوم يمدح فيك
ملاك تطالعها بتسال هامس/ ليش وش قال ؟!
شذى تطالع العيون الكل عليهم وتهمس لها /بعدين اقول لك انتي شوفي اكلونا بعيونهم
ملاك تطالع بالموجودين وترجع تهتف
لشذى بتسال / اممم وينه صقر
شذى تبتسم بخبث / لهدرجة اشتقتي له و بعدين وش هالطله المثيرة قسم كان شافك خالي كذا لايوقف قلبه
ملاك تبتسم / خلي يوقف احسن بعد

عند ام مهند اللي تهامس هي وهدى بعد
وهدى تهتف لها بهمس موجع / يويلي على صقر قسم خايفه لاشافها كذا ينسفه عقله
ام منهد تبتسم / لا الحين لاتخافين عليه شافها وخلص
هدى بعجاب / والله اني مالومه فيها لعنبوها ودك تاكلينها اكل
ام منهد تضحك / اكلي من الحلا الي قدامك وخلي البنت عنك وبعدين يحق له لو وقفها ولد عمها وحق بجمالها من غيرة
________________________________


واقف عند الاشارة الحمرا كان طالع من داومة ومتجه للبيت يبي يبدل ملابسه ويطلع بعده لديوان رن جواله ورفعه واستغرب من المتصل
فهد يرد بهدو / هلا
جاه صوت جدته الثقيل / الو فهد وينك
فهد تسال بخوف عليها/ موجود فيك شي انتي
الجدة صيته تنحنح / احم لا بس ابيك تجي وتاخذني لبيتي
فهد هتف بستغراب/ ليش وانتي وينك ؟!
الجدة صيته بحه/ بيت ام ماهر وداني ابراهيم وراح عنده شغل وعبدالله ماهو موجود
فهد سكر عيونه بالم (وش ناوين عليه يبون يذبحوني عشان يشوفون حبها يمشي بعروق قلبي ولالا ) قطع افكاره صوت الهرن السيارات وراه ولاشارة خضرا تحرك وهو ناسي وجود جدته على لجوال
الجدة صيته تنادي / فهد يافهد وين رحت
فهد انتبه للجوال ورد عليها / هلا هلا معك خلاص خليك جاهزه انا قريب بمرك


عند الجدة صيته اللي تسكر الجوال وتطالع بمهره اللي كانت تسمع وهي تفرك يديها اللي بحضنها بعض
الجدة صيتة تكلمها بحنيه / لاتشيلين هم وانا امك مرده لك
مهره ترفع راسها وتطالع بجدتها بعيون غارقه
بدموع / مافكر فيني ولا راح يفكر فيني اصلا
الجدة صيته تنتفض وتقترب لها بحميه / والله لاغير يجي ويعتذر لك غصبن عليه بس انتي خليك قويه
مهره تهز راسها بتفهم / ان شاءالله

جت ام ماهر شافت الجدة صيته واقفه /وين يام عقاب
الجدة صيته تركى على عصاتها متجهه لباب/ فهد بيجي ياخذني
ام ماهر تطالع بمهره وترجع تطالع بالجدة صيته وتسال / طيب ماهو نازل ؟!
الجدة صيته تاشر براسها/ ماضنتي ينزل
ام ماهر تنهدت /الله يصلح الحال
جاهم ماهر يركض بنفاس سريعه /جدتي جدتي
الجدة صيته تصر عيونها / شفيك ياولد
ماهر يتنفس براحه / فهد برا ينتظرك يقول خل تطلع بسرعه
الجدة صيته لفت لمهره اللي وقفت وطلعت لغرفتها من بين شهقاتها المسموعه
______________________________

بسيارة فهد اللي كانت عيونه على باب بيتها وبينه وبين نفسه يتسال (وش تسوي مهره الحين وش عليها لبس
وتسولف برائه ولا تضحك ضحتها الفاتنه و غمازتها المثيرة ولا ولا ولا )

قطع افكاره ركوب الجدة وصوتها المبحوح / سلام
فهد مازالت عيونه على الباب ورد بغموض/ عليكم السلام
الجدة صيته تعدل عباتها وتسكر باب السيارة
مرت دقايق و السيارة واقفه الجدة صيته لفت لفهد اللي كان سرحان وعيونه مازالت على باب بيتهم
و هتفت بتسال خافت/ ليش ماتمشي يامك وش تنتظر ؟!!
فهد تنهد وحرك السياره بهدو مرت لحضات صمت بينهم واخير هتف بتسال حان عجز لا يسيطر
عليه / شلونها؟!
الجدة صيته تبتسم من تحت برقعها بنصر / ماهي زينه طلعت وهي تبكي
فهد لف لها و قلبه بدا يدق بقوه / ليش شفيها؟!
الجدة صيته بنبرة حزن / تقول انك ماتفكر فيها ولا تقدرها
فهد يتنهد بضيقة / هي قالت كذا !!
الجدة صيته بحزن اعمق/ اي وامها تقول انها ماتاكل ولا تنام وحالتها تعبانة
فهد لف وجهه لطريق وهو حاس انه منكتم من مكابرته وعناده و من الحياة كلها
_______________________________

بيت ابو صالح الساعة 11 ونص مساء..

الكل تعشا ومشى مابقى الا العمة مزنه و نهيل وملاك حتى امل راحت عند حصه اللي جالسه بالبيت بروحها من التعب وحريم عيال ام صالح كلن راحت جناحها

ام صالح تسال نهيل بموده / ياختي شلون ابو ماجد اسمع ابو صالح يقول كنه يتعب
نهيل ترد عليها بنبرة تاثر/ اي والله يختي صاير يتعب ونخاف عليه وكل مانشحذه يروح المستشفى يعيي
العمة مزنة بحرص/ ماهو بكيفه نخلي العيال يودونه غصب والله لو زاد التعب عليه ماهو زين بعمره
هدى بمحبه / ياجعلنا مانشوف فيه مكروه والله ياعمي اننا نخاف عليه مثل خوفنا على ابوي
نهيل بحزن / خلاص وانا عمتك شيبان مابقى بالعمر كثر اللي راح
مزنه انتفضت/لا عسى مايغيب حس مطلق وطالب من الحياة

ملاك كانت تسمع وقلبها يتقطع على ابوها الحنون وحبيب قلبها و قطع افكارها وكلامهم
صوت صقر الرجولي الثقيل / احم يا بنات
هدى تناديه له / ادخل ياصقر مافي الا عمتي وملاك وام مازن
دخل صقر بهيبته المعتاده / السلام عليكم
الكل / وعليكم السلام
و نهيل تقوم تسلم عليه / حي الله ابو مطلق شلونك عساك طيب
صقر يحب على راسها وعيونه على بنتها اللي ذابحه غلاها / الله يبقيك شلونك عساك بخير
نهيل بحترام / بخير الله يجعلك بخير انت شلونك عساك مرتاح
صقر وعيونه تاخذه لملاك
اللي تشغل نظرها بخاتمها وتحركه يمين ويسار بصبعها الصغير وشوي ترفع عيونها وتسرق النظر له لاشافته يطالعها نزلت عينها بحرج

وهتف بغموض/ الحمدلله بحسن حال
ثم اقترب وحب على راس عمته/حي الله العمة الغاليه
العمه مزنة تبتسم/الله يبقيك يارب
ام صالح تنادي له / تعال يامك اجلس معنا و تقهوا

صقر مازال واقف وعاجز يشيل عينه منها
طلتها الفاتنه المثيرة ثارت بركانه
وملاك كانت تحس بحراج من نظراته لها قدام الجميع تمنت الارض تنشق وتبلعها عن الموقف السخيف هذا

صقر كسر النظر عنها وجهه نظره لامه ورد عليها بحترام / والله اني تعبان وباخذ ملاك ونطلع للفندق ورانا سفر من الصباح
ملاك تطالعه بصقر بصدمه كيف يحدد السفر
من غير مايقول لها وبعد وجهت نظرها لامها اللي كانت تطالع بملاك وكانها ترجاها ما تفشلها عند الناس وتروح معه
قطع نظراتها هي وامها صوت هدى المتسال والمبتسمه/ وين بتسافرون عاد!!
صقر يرجع نظره لملاك ويرد على هدى بثقة/ جورجيا
وفاء تسال بغيرة وحيرة / كم السفر لجورجيا كامل مع التذاكر والطيران
صقر يرفع حاجبة باستغراب و بغرور/ مادري كم ماحسبتها
العمه مزنة تبتسم / هو اللي عنده ملاك المفروض مايحسب عليها القرش

صقر ابتسم وعيونه ترجع لها وهي محمر وجها الخجل
وفا محمر من الغيرة

نهيل تقوم / يلا كثر الله خيركم وتصبحون ع خير تروحين معنا يا مزنة
العمه مزنه بموده /لا بالله تروح معكم السلامه الصباح بيوديني سالم


ملاك وقفت معها تحت انظار الجميع المستغربة وبذات نظرات صقر الحاده لها وكانه ينتظرها تكلم عشان ينفجر فيها قدامهم
نهيل تهتف لها / يامك انتي روحي مع رجلك
ملاك تحاول تسيطر على غضبها من نظراته الحاده لها ماتبي وفا بذات تفرح عليها ولذالك
هتفت بحترام / بروح اخذ اغراضي عندكم بالبيت
صقر تنهد براحه وبعده هتف بحزم / انتضرك بالسيارة لا خلصتي اطلعي
ملاك راحت مع امها من غير ماترد عليه
وصقر حب على راس امه / تبين شي محتاجة شي قبل لاسافر !!
ام صالح برضا/ لا يامك مابي الا سلامتك تروحون وترجعون بالسلامة
صقر حب على راس عمته وطلع ظرف من مخباه وحطه بيدها/ هذا ماهو حقك يا عمه حقك اكثر وترا حظورك بينا اسعدنا
العمه مزنة برفض /يامك انت ما جيت الا من غلاكم والله ما خذ قرش واحد ..
صقر بمقاطعه حالفه/ والله ما تردينه هذا عطا من ولدك
العمه مزنه بموده/انشهد انك ولدي انت وخوانك ياعل ربي يزيدك من خيرة

ام منهد بتذكير / ترا خالتي ام سلامة كانت هنيه وانتظرتك تبي تسلم عليك شافتك تاخرت وراحت
صقر بحنية / يحول ليتني لحقت عليها معي لها ظرف
ام صالح بذات الحنية / اذا هن معك الحين هاتهن انا اعطيها لاجت
صقر يدخل يده بجيبه ويطلع الظرف ويمده لامه / اي والله و سلمي للي عليها وان شاء الله لاجيت امرها
___________________________________

ملاك من رجعت من عندهم دخلت بغرفتها بغيظ ونفور من الجميع

نهيل تلحقها وتكلمها بامر حاد/ اخذي اغراضك واطلعي لرجال تلقينه ينتضرك بالسيارة
ملاك تنزل عباتها وتعلقها بعناد حاد / ماني برايحه معه وخلي ينتضر لصباح و سفرته يروح هو بروحه
نهيل تصرخ عليها بعصبيه/ عيب عليك عيب اللي تسوينه اتركي العناد وطلعي من غير مشاكل
حصه تدخل وراهم / يومه وش السالفه علامكم ؟!
نهيل تاشر على ملاك بقهر / زوجها حاجز لها سفره على جورجيا وينتظرها برا يبيها تطلع وهي ماتبي تروح معه
حصه تحط يدها على فمها/ لايكون قلتي شي قدام الناس

ملاك تجلس على سريرها وترد بانفعال / لا تطمني ماقلت شي بس عاد ماني برايحه خلاص حلو عني
حصه بتسال هادي/ مو انتي تحبين السفر والطلعات هذا هو يبي يسفرك و يمشيك
ملاك تنهدت بضيق/ اي احب السفر بس ماهو مع صقر ماهو مع صقر
نهيل بتهديد صارم/ قسم بالله ياملاك كان ماطلعتي له برضا انا لا سحبك له بالغصب
ملاك توقف وهي تنتفض بقهر / تبين تذلين بنتك عشانه ماهو بنافعكم والله ماهو بنافعكم
نهيل تصرخ فيها/ انتي شفيك بتفضحينا

ملاك تجهه لشماعة وتاخذ عباتها المعلقه وتلبسها وتطلع من غير لاترد !!
نهيل ماقدرت تصبر ولحقتها لسيارة

صقر كان بسيارته وينتظرها وكل شوي يطالع
الساعة بقلة صبر وحتى رقم جوالها ماهو معه
نسى لا ياخذه منها
شوي وشاف ملاك جايه ومتجهه لسيارة وامها جايه وراها قطب حواجبه بستغراب
و ملاك ركبت بغيظ جازع وسكرت باب السيارة بقوه
صقر يطالع فيها وهي ترجف وصاده بوجها عنه
نهيل جت من جهة صقر وطقت عليه القزازه
وصقر فتحها بتسال / امري يام مازن في شي
نهيل ترد وعينها على بنتها / ابيك شوي لو ماعليك امر

صقر قطب حواجبه بستغراب اكثر ونزل لها وسكر الباب
نهيل بصوت مخنوق / ياصقر كانك تحفظ الامانة
وانا عمتك ترا ملاك عندك امانة والله انها طلعت
من بيتي وهي زعلانة مني وانا جابرتها تروح معك لانها صغيرة وماتعرف مصلحت نفسها وادري انها عنيدة بس يامك تحملها و تهاديها لين تعود عليك


صقر ماعجبه تدخلها بينهم ولاكنه رد بثقة/ لاتشيلين
همها ملاك بامان وماراح يصير لها الا كل خير
نهيل ماعجبها رده ولاكن هتفت له بحرص / هدي الامور و لاتخلون الشيطان يجي بينكم
صقر صد وانهى النقاش بينهم / انا بمشي تبين شي
نهيل حست بقهر من بروده وتكبره ولاكن
ردت بهدو/ ابي سلامتكم الله يحفظكم

صقر ركب السيارة وحركها من غير ماينطق لها بكلمة
وملاك من تكلمت بنبرة حاره / وش تبي امي منك ؟!
صقر لف لها وحط عينه بعينها / ماتبي شي
ملاك انفجرت فيه / كيف ماتبي شي وهي واقفه تكلم معك بروحكم وماتبي اسمعها وش تبي منك ياصقر
صقر لف نظره لطريق ورد عليها بجمود / اساليها ؟!
ملاك مدت يدها لسكان ولفته لليمين بتهور / وقف وتكلم معي

صقر بتصرف سريع سحب بريك وصفط على يمين وصوت السيارات يدقون له هرن بغضب كان يبي يسبب لهم حادث والسبب هي هي
صقر لف لها ومد يده وضغط على كتفها بقوه وصرخ عليها بغضب متفجر /انتي شفيك مجنونه مجنونه كيف تلفين السكان كيف
ملاك لارد /….
صقر يهز كتفها بعنف وقهر / انتي عقلك فارغ والله مالوم اهلك فيك كلن يشكي منك

ملاك طالعته فيه بنظرة مصدومه ومجروحه
و صقر يلعن نفسه على كلامه لها وهو يشوف نظراتها المجروحه
لف نظره عنها وحرك السياره متجه للفندق بصمت
ملاك حست قلبها يبكي قبل عينها كيف اهلها يشكون منها معقوله الكل متضايق من تصرفاتها ليش ماحد حاس فيها ليش ماحد حاس بظلم طفولتها ليش يبون يمشون كل شي بكيفهم وبراحتهم من غير لا يفكرون براحتها حاسه انها مجروحه مجروحه لابعد حد

وصلو الفندق ونزلو للجناح وملاك بسرعه اتجهت للغرفه ونزلت عباتها ورمتها على السرير بقهر
وجلست على السرير هي بعد ولمت شعرها بين كفوفها ورجعته على ورا ونزلت راسها بين يديها وهي تنفس بسرعه
صقر دخل وشافها على حالها اقترب وجلس قريب لها ولمها مع كتوفها بذراعه وحده ودفن وجها بصدره
ملاك استسلمت بين حضنه بصمت لاول مره تحس بالامان بحضن غير حضن ابوها وهي تحاول ماتبكي ماتبكي ابد مهمها صار

صقر يمسح على ظهرها النحيل ويهمس لها باستكنان / لا تشغلين بالك بشي وكل اللي تبينه
راح يصير بس انتي هدي من انفعالاتك شوي
ملاك ترفع نفسها من حضنه وتحط عينها بعينه
بنظره غريبه وتهتف بنبرة اغرب / ابي منك شي واحد ياصقر بس شي واحد
صقر بحلف عميق شديد العمق / والله واللي ماعمري حلفت فيه باطل ياللي تبينه لايصير !؟

ملاك تنزل عيونها بالارض وترجع تطالع فيه / ابي ابي توعدني وعد ما تجبرني على شي ومايصير بينا اي شي الا برضاي انا
صقر حاس انها انحرته بطلبها بس رد عليها بثقة/حاظر ياملاك راح اوعدك بس بشي اللي انتي تبين اما غيرة لا
ملاك تقطب حواجبها بالستغراب / وش قصدك مافهمت عليك ؟!
صقر يحط اصابعه على شفايفها ويحرك اصبعه بهداوه / اللي اقصده الحضن والبوسات ماهن من ضمن الاتفاق
ملاك برفض / الا من ضمنه وانتي لازم توعدني والحين الحين
صقر برفض اعمق/ اسمعي ياملاك انا ماني ضامن نفسي تكونين قدام عيني و انحرم منك كلك ابي شي
يصبرني لين ترضين من نفسك وانا مستعد اوعدك
ما اجبرك على شي و ماخذه منك الا برضاك
ملاك حست بحرج من كلامه وردت بهدو / مواقفه ويلا اوعدني ترا وعد الحر دين
صقر اقترب لها وحط يديه تحت كتوفها ورفعها بخفه وجلسها بحضنه وحضنها بين يديه
وانحنى لها وهمس بوعد / اوعدك وعد ماراح اجبرك على شي ولا راح اخذ منك شي الا برضاك
صقر باسها مع خدها وكمل كلامه/ زين كذا
ملاك ترجف بين يديه وترد بتمتمه/ زين والحين ممكن تبعد عني بقوم
صقر يضمها عليه بقوه / لا احنا اتفقنا ضمه وبوسه ماتحرميني منها
ملاك تنهدت بحرج / بس مو كذا في حدود لضم والبوس
صقر يلف وجهها لوجهه / بين الزوجين مافي حدود بس انتي حطيتي حد واحد وانا رضيت فيه عشانك

ملاك تطالع بملامحه من قرب وكل مايدور براسها
(والله انه موت ورجولته طاغيه ياربي ماتخيلت اجلس بحضنه بالقرب هذا ياربي وش صار فيني قومي ياملاك من حضنه بسرعه )

ملاك انفضت الافكار من راسها وقفزت واقفه بخوف من تهورها هي
صقر كان يطالع فيها وهي بحضنه وتنظر له بعجاب واضح حس انه اقترب له الفرج وتبي تستلم له لاكن صدمته بابتعادها من حضنه بتسرع غير متوقع
صقر وقف قبالها وهتف لها بتقصد/ كنتي بترضين وش اللي غيرك !!
ملاك تدعي قلة الفهم / مافهمت عليك ارضى با ايش
صقر اقترب لها وقرص خدها بخفه / انتي فاهمه قصدي لاكن ماعليه يابنت عمي كان مرضيتي اليوم بترضين بكرا
_________________________________

فهد يحس ان قلبه اصبح اسير لمهره
و عاجز عن تحرر قلبه منها
عاجز عن حل الموضوع
ضايق من كل شي يبيها اي يبيها بي طريقة
بس كيف يجيبها لبيته من غير لايروح و يراضيها كيف يفكر ويفكر ويفكر
لين حس انه داخ من كثر التفكير تنهد بصوت مسموع / انا وش يصبرني اكثر من كذا لازم ترجع لازم مهمها كلفني الامر ترجع غصبن عليها وماهو فهد اللي يروح و يراضي له مره ماهو فهد

فهد قام وراح ياخذ له شاور ويمكن يكون هذا ثالث شاور باليوم ويبي يطفي النار اللي اشعلته من سمع كلام جدته ان مهره تعبانة و عتبانة عليه وهو مشتت التفكير يبيها بس مايبي يرضيها ومايبي انها تفهم ان مالها قيمة عنده كيف يوصل لها المعلومه من غير ماينزل من رجولته شي !!!!؟
__________________________________

عند مهره اللي مانشفت دموعها من راحت جدتها
وهي حاضنه نفسها بالسرير وتبكي وكل مايدور براسها
(لهدرجه انا رخيصه عند حتى تقدير ماقدر العشرة اللي بينا وضح للكل انه بايع ولا اهميته ابد يا حسافة لحمي اللي سلمته له ياخذ منه بحب وياخذ منه بعنف حسافه)

قطع افكارها دخول ام ماهر اللي تنهدت بضيق من حال بنتها / يامك خلاص ذبحتي عمرك بالصياح ماهو داري عنك فهد معند و ميبس راسه حتى جدته ماقدرت عليه
مهره تشاهق بالم / يومه ليش يسوي فيني كذا ليش انا وش ضريته فيه
ام ماهر تجلس لها وتكلم بامومه / يومه انتي رايتك بيضا بس هو يامك رجال حار و مايتفاهم وشخصيته صعبه
مهره تنام على جنبها ودموعها تنزل بغزاره / مايحب الا نفسه وراحته هو وبس ياخذ ياخذ من غير لايعطي يومه عطيته كل شي كل شي حتى الحب وهو مايستاهله مايبي يحط للي كرامه ولا يبي مني عيال وش يبي بس جسد من غير روح

ام ماهر كانت تسمع لها بصمت لين حست انها نامت بعد شهقات طويله قامت ام ماهر وغطتها وباستها على خدها وطفت اليت وطلعت وسكرت الباب وقلبها يتقطع على صغيرتها
_____________________________________

نهيل من راحت ملاك وهي تحس بضيقة وكتمه على صدرها مارتاحت لطريقة كلام صقر لها وبروده معها وغروره تعرف ملاك تجن من غرور وفا وكيف بتحمل اخوها كل مايدور براسها( كيف بيعيشون بسلام
و افكارهم ماتطابق مع بعض وحتى اعمارهم هي عمر مراهقه وعناد وتطلب وتدلع وهو عمر رجال كبير ودكتور ومغرور ودمه حار وماحد يقدر فيه بتقدر فيه ملاك اللي ماتعرف تصرف اصلاً)

قطع افكارها دخول مازن وفا /سلام
نهيل ترفع راسها وترد عليهم/ عليكم السلام
مازن يجلس قريب لها/ شلونك
نهيل تطالع بوفاء اللي واقفه وتهز رجلها واضح عليها الغيظ ردت على ولدها/ زينه الحمدلله
مازن بضيقه / يومه محتاج فلوس وابوي كلمته يقول ماعنده شي
نهيل تصر على عيونها / وكم محتاج ؟!
مازن يطالع وفا ويرد بزفرة / ابي عشرين الف
نهيل تفتح فمها بصدمه / وانا وابوك منوين لنا عشرين الف
مازن بحزم / من مهر ملاك اللي خزنته عندك
نهيل تاخذ تفس لتهدئه / وش الحاجة اللي خلتك تطلب مهر اختك انت مريض محتاج مستشفى محتاج علاج
مازن عصب من كلام امه / تفاولين على ولدك انتي تبين تمرضيني عشان مهر بنتك
نهيل بصرامه / اجل وش تبي بمهر اختك قل للي وش حاجتك فيه
مازن يطالع وفا/ بنسافر انا وفا و مامعي شي
نهيل توقف بصدمه/ الحين بتاخذ من مهر اختك عشان تسفر مرتك ياللي ما تنتخي
مازن يوقف هو بعد / اي بنسافر وش فيها لاخذنا منها ترا عشرين ماهي منقصة منه شي وانا اخوها ماني بغريب
نهيل تطالع بوفا وتصر على اسنانها/ عاجبك كلام رجلك ؟؟

وفا بتميع وغرور / يعمه هو ماقال شي وبعدين ماطلب من احد غريب اخته وامه عادي ولو هو معه شي ماهو بمقصر معكم
مازن يبتسم لكلامها/ والله اني لا توظفت لا خلصها فلوسها ولا تموت علينا من حرهم
نهيل تطالعه من فوق لاتحت باحتقار / فلوس ماعندي وتبي تسافر خل مرتك تسلف لك
مازن انتفض بمراوغه / وليش ان شاءالله خايفه من
ام لسان تقوم عليكم عشان فلوسها تراها طايحه بالخير والفلوس والعشرين اللي باخذهن منها ماهن شي عند الملايين الي عند صقر بتشبع من الفلوس ومن السفر ومن الدنيا كلها

امل اللي طلعت على صوتهم انقهرت من كلام اخوها وهتفت له / مازن لا تصارخ على امي واذا تبي من ملاك شي رح لها وكلمها
مازن ينتفض بقهر / انتي مالك شغل فاهمه وامك تبي تقوي راس ملاك علينا بس والله والله مايقوى راسها وانا حي لاكسره لها

طلع مازن وطلعت وراه وفا
و نهيل جلست على الاريكا وهي تنهار بالبكى
ماتدرين منين تلقاها من ولدها اللي مايهمه الا امرته ونفسه ولا من بنتها العنيده اللي ماتعرف مصلحت نفسها
امل تجلس عندها وهي تبكي معها بعد
وتحضنها /يومه لا تشيلين هم مازن راح يهدا بكرا ويحي يعتذر منك
نهيل تنهدت بقهر / مازن من اخذ هاذي وانا غاسلة يدي منه بس الحين الهم الكبير ملاك ملاك اللي تبي تفرح اخوك ومرته علينا وتفضحنا عند الناس
امل بقلة حيله/ يهديها الله وراح تفهم ان شاءالله

_______________________________


-/البارت السابع والاربعون /-

رواية ريح المطر (للكاتبة شغف
ادعو لوالدي برحمة والمغفرة..



بجناح العرسان ..

ملاك كانت جالسه قدام المراءه على الكرسي وتمشط شعرها بالمشط اللي بيدها وهي تحاول
تخفف من توترها وهي تسرق النظر لصقر
من المراءه اللي قدامها وصقر وراها على السرير
و متمدد وساند ظهرة لظهر السرير وعكف ركبته وحده لقدام و مريح يده على ركبته ويطالع بالمراهء
اللي تعكس صورتها ويناظر بكل تفاصيلها بكل عمق..
ملاك تنزل المشط من يدها على التواليت وتاخذ مرطب شفايف وتحط على شفايفها بنعومه ماتدري انها بحركاتها هاذي هاجت كل مقاومات صقر

صقر تكلم بصوت رجولي / ملاك
ملاك لفت وجهها له / هلا
صقر يحط كفه و ياشر لها على المكان الفاضي
بجمبه بسرير /تعالي هنيه
ملاك تطالع بالمكان اللي يشر عليه وترجع
تطالع فيه / وليش اجي ؟!
صقر عيونه غايمه فيها / ابي اسولف معك ولا السوالف بعد ممنوعه
ملاك تحط عينه بعينه و تهتف له بسلطه / والله عاد كيفي اذا بحطه من ضمن الاتفاق ولا لا انت ماهو شغلك
صقر انفجر ضاحك على كلامها الطفولي/ طيب طيب بس الحين تعالي نامي ورانا طيارة من الصباح

ملاك تحس بشعور غريب ماهي مصدقه انها راح تركب طيارة اللي تحلم تركبها من وهي طفله
قامت وتوجهة لسرير وقبل تمدد ناظرت بصقر اللي كان يناظر فيها بخبث وكانه وينتظرها تمدد ناوي على شي
ملاك هتفت له بامر طفولي وهي ترفع اصبعها
بوجهه/ ماراح تقرب للي وان قربت ترا يصير شي مايرضيك
صقر اتقرب بسرعه وسحبها لحضنه وهمس لها /وش يبي يصير تبين تذبحيني مثلاً تراك ذابحتني من زمان
ملاك رجفت وجهها مدفون بعضلات صدرة / صقر ابعد مني ابعد
صقر يسحب الغطاء ويغطيها ويلمها مع خصرها بين يديه / ملاك بس نامي بحضني ماتبين الدفى انتي
ملاك تلعب بتشيرته برائه وهي تزم على شفايفها / بس انا مو بردانه
صقر يطالع فيها وكيف الكلمات تطلع من فمها الصغير ويديها الصغيرة كيف تلعب بصدره ذبحته هالبنت وحضن وجهها وهتف لها وعيونه تجول على وجهها كامل / احبك يا بنت الذينا
ملاك تطالع بعيونه وتنزل عيونها بخجل / صقر ارجوك خف علي
صقر يبوس شفايفها بتروي وبعده يرفع
ويهمس لها/ انتي اللي ارجوك خفي علي خفي علي
ملاك تنهدت بضيقة / صقر بتبعد مني ولا ترا والله اقوم انا بصاله
صقر يسحب وجهها لصدره ويلمه بيده وحده / خلاص نامي نامي
ملاك تختنق/ كيف بنام وانت خانق على انفاسي
صقر يبعد منها شوي وهو مازال حاظنها /زين كذا
ملاك بلعانه / لا ابعد اكثر
صقر يطالع فيها ويعظ على شفايفه السفليه/ اويل حالي بس
ملاك تحاول تقوم بغيظ من تصرفاته وصقر شد يدها لها وهي صرخت فيه/ ابعد يدك
صقر يبتسم / خلاص والله ماراح اسوي شي ولا راح اقول شي بس نامي بحضني بس
ملاك بعناد / لا مابي حضنك افهم خلاص

صقر دفعها بعيد منه بنفور غريب وعطاها ظهره وهتف لها بثقل / مابي ازعاج بنام
ملاك تقلده بخفوت / مابي ازعاج بنام
صقر لف وجهه لها وتكلم بحزم / عيدي ؟!
ملاك تراجعت على ورا وغطت نفسها بالكامل بالغطاء وهتفت من تحته / بنام
صقر ابتسم على حركتها ولف عطاها ظهره وحاول ينام
______________________________

صباح جديد و حداث جديدة..

بيت الجدة صيته اللي مجتمعين
على الافطار
ام ابراهيم / شلونك يانوف
نوف ترد عليها وهي ترتب الصحون على
السفره / زينه الحمدلله انتي شلونك ياعمه
ام ابراهيم / بخير نحمد الله من تزوجتي ماشفناك
حسنا / المره مالها الا بيت زوجها
مريم / الله يوفقها يارب
الجدة صيته تطالع بنوار اللي سرحانه / انوار يامك فيك شي ليش ماتاكلين
انوار تبتسم لها / لا ياجدة مافي شي بس معدتي تعبانه وحس بدوخه
الجدة صيته برحمه/ بسم الله عليك وش منه يمكن ماتاكلين شي
ام ابراهيم تبتسم/ لا وكاد انها حامل ابراهيم بيوديها المستشفى تحلل اليوم
الجدة صيته بفرحه/ الله كريم الله يرزقهم يارب
حسنا بتسال/ عمه فهد عرسه قبل ابراهيم ومرته لاحين ماحملت عسى مافيها شي
ام ابراهيم باستعجال/ اي والله لهم سنه الحين وماجابت لشيخ عيال وماهي زينه منظره قدام الناس
الجدة صيتة تحس بضيقه من هالطاري كله ولاكنها تكلمت بحزم/ شي بينهم وماحدن له دخل فيه يبون عيال مايبون كيفهم
مريم بصدمه/ ليش هم اللي مايبون
الجدة صيته بزفرة / انا ادري عنهم خلو الناس عنكم خلاص وانتي (تاشر على انوار) روحي اليوم للمستشفى و حللي عشان تراجعين
انوار تهز راسها برضا/ ابشري
_______________________________

مهره قامت بثقل من السرير وهي تحس بدوران
من امس ماكلت شي وقفت عند باب غرفتها وهي تسند على الباب وتنادي بصوت مرهق / يومه يومه
ام ماهر كانت تشتغل بالمطبخ ولا اسمعتها
شوي وجاها صوت ماهر يصارخ / يومه الحقي يومه
ام ماهر تحذف الصحن اللي معها بالارض وتطلع راكضه شافت مهره متمدده بالارض وماهر
يهزها ويبكي / مهره مهر يومه ماتت زي ابو ي ماتت
ام ماهر ترجف وتقترب لها وتهزها / مهره مهره
ماهر يشاهق / يومه بروح اعلم عيال عمي عشان يدونها المستشفى
ام ماهر تصرخ فيه / لالا عيال عمانك لا رح لبيت عمتك صيته خل يجيبون ام شامان بسرعه
ام ماهر رفعت بنتها من الا رض وحطتها على رجولها وهي تبكي بجزع من حالها وخوفها عليها
______________________________

ملاك تحاول تقوم من السرير بس تحسها مثبته على شي صلب وراها نزلت نظرها على خصرها شافت يدين صقر الجبرة شادها له و حظنها من ورا بتملك
لفت وجهها له شافت نايم ومسكر عيونه ركزت نظرها على ملامحه المثقله بالرجولة حاجبه المسطر ورموشه الطوال وانفه الحاد شفايفه المرسومة
وذقنه المحدد وشاربه الخفيف
وتحرك خصرها بين يدين صقر وتلف جسمها كله له وتطالع بعضلات صدره المشعر اللي طالع من تحت التشيرت
تنزل نظرها وتطالع بطول جسده وهي واصله رجولها لين تحت ركبته بشوي
ابتسمت ملاك غصبن عليه من شكلها الصغير
ولاكن مسرع ماطفت ابتسامتها وهي تحس بحرارة انفاسه على شفايفها
ملاك شهقت بخوف/ انت مجنون
صقر يبتسم بخبث / المجنون اللي يتبسم من غير سبب
ملاك تحك عنقها بحرج / ذكرت علي سالفه وضحكت ممنوع بعد الضحك
صقر انفجر بالضحك وهي يشد احتضانها/ لا ماهو ممنوع
ملاك تحاول تقوم / اي على بالي بعد
صقر يشدها ويهمس باذنها / بس ممنوع النظر المنحرف
ملاك طالعت فيه وهي تشهق بحرج / صقر
صقر يضحك /عيون صقر
ملاك تفك يديه وتجه لحمام / خل عيونك لك

صقر سند راسه على حافة السرير وهو يبتسم ويهتف لنفسه بخفوت / ياحلوها حلواه بس
قام ونفض الغطاء وشاف ساعته تافف بتعب وهو يخرك رقبته يمين ويسار وينادي/ ملاك استعجلي ماباقي على رحلتنا شي

جاه صوت ملاك وهي تطلع راسها مع باب الحمام وتهتف له / كم مره اقول لاحد ينادي علي وانا اتحمم
صقر يطالع بكتوفها العاريه البيضاء المبلولة بالصابون وجهها الابيض المرسوم بدقه وهي مرجعه كل شعرها على وراء وعليه صابون بلع ريقه وهو يتكلم / انتي قلتي للي ما نادي لك وانتي تحممين متى ؟!
ملاك تضرب راسها بطفولة / نسيت انا قلت لاهلي ماقلت لك بس الحين اقول لك لاصرت اتحمم ماحب احد ينادي علي
صقر يوقف متجه لها / طيب بس بقول لك شي
ملاك فهمت حركته وسكرت الباب وقفلته بسرعه وهي تنادي عليه / حقير
صقر يطق الباب عليها وهو يبتسم بتلاعب / بس كلمه والله كلمه
ملاك بغيظ /صقر وش اتفقنا عليه !!
صقر يعض على شفايفه وياخذ نفس /لعنبو من جابك انتي كيف تطلعين للي كذا و انتي ماتفهمين شي اصلاً
ملاك حست بحرج من كلامه وتكلمت بهدو / صقر ممكن تبتعد بتحمم براحتي
صقر يشد قبضة الباب / طيب ياملاك طيب مردي بشبع فيك
__________________________________

بعد من رفعو الافطار سالت شوق جدتها
بحرص / جدتي فهد بعده نايم
الجدة صيته تنهدت بضيقة من حال ولدها / اي نايم
حسنا بتداخل سال/ ليش ماعنده دوام اليوم ؟!
الجدة صيته /لا اليوم جمعة ماعنده دوام
شوق / طيب متى يصحى عشان نجهز فطوره
الجدة صيته تطالعها بنظرة قارصه/ يصحى الحين لصلاة وبعدين في خدامات يحطن فطوره له
ام ابراهيم بحزم / لا ليش خدامات وبنت عمه موجوده هي تحط له
حسنا تبتسم بنقد وهي تبادل النظرات هي وبنتها نوف
قطع حديثهم صوت الباب اللي تكسر من كثر مايطق
الجدة صيته وقفت هي والبنات/ من يطق كذا الله يستر
شوق تركض لباب تفتحه وتهتف باستغراب /ماهر !!

قبل ذالك بدقايق كان فهد تو اخذ له شاور ولابس ملابسه و يبي يروح لديوان قبل صلاة الجمعة
سمع صوت الباب تكسر من الطق اخذ جواله وساعته باستعجال وطلع شاف
ماهر يشاهق بدموع ويكلم جدته والبنات من شافوه طلع البسن جلالتهن وهو يقترب من جدته وماهر اللي يصرخ ويقول /مهره بتموت ياعمه تكفين خلو
ام شامان تجي
فهد شد ماهر مع كتفه / انت وش تقول
ماهر يبكي / مهره طاحت علينا وكنت بروح لعيال عمي بس امي قالت لا اجيكم

فهد دف ماهر بعنف من قال عيال عمي وطلع برا البيت
والجدة صيته اللي كانت مرتاعه حضنته ونادت على شوق / شوق ياشوق
شوق ردت بغيرة وقهر / هلا يا جدتي
الجدة صيته تشد على عصاتها / عطيني عباتي بسرعه وجوالي
شوق تروح / طيب
حسنا / ياعمه لايكون بتروحين على رجولك
الجدة صيته ترد /اي بروح مع ماهر
ام ابراهيم /انتظري لين يجون العيال و يودونك ماهي ميته
الجدة صيته صرخت فيها بغضب حاد / ولا كلمه انتي ترا ماني فاضية لك ولا علمتك السنع
ام ابراهيم سكتت وجت شوق عطتها عباتها وجواله
الجدة صيته بامر / دقي على ام شامان وعطيني
شوق تدق عليها وتمد الجوال لجدتها/ ردت كلميها
الجدة صيته باستعجال/ ام شامان… تعالي …بيت ام ماهر بسرعه سرعه

وسكرت وهتفت حسنا لها باستغراب/ فهد ماراح يجيبها لهم ؟!
الجدة صيته تلبس عباتها متجهه لباب/ لا ماراح يجيبها
___________________________________

بيت ام ماهر اللي مازالت حاضنه بنتها اللي طايحه بالارض وتبكي عندها و شافت فهد داخل عليهم
مع الباب اللي خلاه ماهر مفتوح
باستعجال و انفاسه تعلى وتنزل من الخوف عليها

فهد اقترب لهم وعيونه على الفتنه اللي طايحه بالارض وهو يتنفس بسرعه وشالها من الارض بين يديه وهو يحس بانفاسها على عنقه ولف لام ماهر بتسال/ وين غرفتها!!
ام ماهر مصدومه من تصرفه وتاشر على غرفتها/ هذي اللي قدامك
دخل فهد ومددها على سريرها وهتف لام ماهر اللي كانت وراه / جيبي للي مويا بسرعه
ام ماهر تركض للمطبخ

وفهد ماقدر يفوت الفرصه بخلوته فيها
اقترب لمهره وباسها مع شفايفها بحنان وبسرعه ورفع ينادي عليها بهدو /مهره مهره
دخلت ام ماهر ومعها كاس ماء وتمده لفهد اللي منحني لمهره ويناديها / خذ يامك
فهد لف لها وخذ الكاس ورش على كفه ومسح على وجهه مهره اللي انتفضت وهي تشهق /هممم
فهد همس لها / مهره انتي بخير
مهره تفتح عيونه وتصدم بقرب وجه فهد اللي منحني لها وعيونه بعيونها ينظرها بنظره خاصة وهي تنظر له بنظرة عاتبة تبادلو النظرات بينهم بصمت

واذا العيون تحدثت بلغاتها …
لاقالت مقلاً لم يقله خطيب …..

مازالو على حالهم ونسو وجود ام ماهر اللي خجلت من منظرهم وهتفت بتسال محرج / مهره يامك شلونك
فهد انتفض من الغيبوبة اللي كان فيها ورفع نفسه واقف وعينه على مهره اللي ردت على امها بارهاق وعينها مازالت على فهد الواقف/ انا زينة يومه
ام ماهر بنبرة باكية / يامك انتي ماتاكلين شي ذبحتني نفس بالجوع لين طحتي من حيلك

فهد يسمع كلام امها وعينه على بنتها العذبه
وينظر لها بغموض ماحد يقدر يفهمه
وده يحضنها ويطفى حرارة شوقه لها ..

كل الافكار والنظرات قطعها صوت
الجدة صيتة المرتجف وهي تدخل / مهره وينها وينها بنتي وش فيها وش فيها
فهد لف لها ونادا عليها بموده / تعالي يام عقاب هاذا هي مافي الا العافية
الجدة صيته تقترب لها وتمسح على شعرها
بامومه /شفيك يامك وش متعبك وش تحسين فيه
مهره فتحت فمها تبي تكلم وام ماهر ردت
بمقاطعه / ماتاكل ولا تشرب ولا تنام ولاتسمع كلامي لين طاحت من حيلها
الجدة صيته تركز نظرها على مهره وتهتف
بتقصد / ليش يامك تسوين كذا ماحد يستاهل تتعبين نفسك عشانه ماحدن درا عنك لو صار فيك شي
فهد شد على اسنانه من الغضب وهتف لها
بحده / ام عقاب ماهو وقت هالكلام
الجدة صيته ترفع نظرها له/ انت السبب باللي يصير لضعيفه كل يوم وهي طايحه تعبانه وكله من ورا راسك اليابس

فهد طالع بمهره اللي ركزت عيونها البريئه عليه ثم شاحت بوجهها عنه
عيون البرائه تقتل غرور الانسان فكيف بفهد اللي هايم معها و فهد تنهد بزفرة متعبه وجه كلامه لجدته / انا رايح لصلاة تبين اوصلك معي؟
الجدة صيته تاخذ نفس / لا اكلم عبدالله يجيني

فهد كان مركز نظره على مهره اللي عليها قميص حرير بالون الكركمي مبرز بياضها وصافها ولون شعرها البني وجهها خالي من اي تجميل وصافي صفى الزبدة وعيونها الناعسه كانت تلمع من تحت رموشها الطوال
وانفها النتفه محمر
وشفايفها الصغير كل شوي تزمها وتعضها
بتوتر وتبين مع حركتها لشفايفها غمازتها

فهد قبل لايطلع عطى مهره نظره على جسدها
متقصده خلتها تنتفض مكانها بحرج (وطلع)
___________________________________


-/البارت الثامن والاربعون /-

رواية ريح المطر (للكاتبة شغف
ادعو لوالدي برحمة والمغفرة..


ملاك طلعت من الحمام ما شافت صقر بالغرفة اتجهت لباب وقفلته وبدلت لبسها وجففت شعرها
شوي وطق الباب وسمعت صوته المغرور/ ملاك افتحي بسرعه
فتحت ملاك الباب وهي منزل راسها من الحرج ماتبي تشوفه
صقر يطالع فيها ويتكلم بثقه/ كل ماجي القاك مقفله الباب ترا ماصارت
ملاك ترفع نظرها له / كنت ابدل اخلي مفتوح مثلا
صقر يرفع كتوفه برود وهو متجهه للكبت / اي خلي مفتوح وش بيصير يعني بهجم عليك لو بسوي فيك شي كان سويته وانتي مع بالفراش
ملاك حست بغيظ من اسلوبه / ماهو بكيفك اصلا ولا راح تقدر
صقر لف لها وناظر فيها بحده وهو يرفع حاجبه /الكلام هذا للي انا
ملاك تكتف يديها وترد بثقة / اكيد لك انت مافي غيرك
هنيه

صقر اتجه لها بثبات وهي انتفضت من حركته
ورجعت لورا واقترب وهي ترجع لين صقعت بالحيط
وهو اقترب لها لين لزق جسده الضخم بجسدها الناعم وهتف لها وهو يلعب بخصلات شعرها اللي طاحت بتمرد على خدها وعينه بعدستها الرماديه الامعه و كانها نجوم السما بلمعتها / انا اللي ماراح اقدر ياملاك
ملاك تطالع فيه و نفاسها بتطير من الخوف / ترا بينا اتفاق انتبه

صقر قرب شفايفها لشفايفها وهي صدت وطاحت شفايفه بخدها الناعم وهمس لها/ قد الحركة ذي !!
ملاك حست انها بتنهار من قربه وكلامه لها وهي تحس بجسده الثقيل دخل بجسدها الصغير همست
برجا/صقر امانه تبعد
صقر انتفض من رجاها له وابتعد منها بصمت وهو يتجهه للكبت وياخذ فوطته ويدخل الحمام من غير لاينظر فيها وهي لامه نفسها بيديها وتنفس بسرعه
راحت وجهزت اغراضها ولبست عباتها وطلعت بالصاله تنتظره

طلع صقر من الحمام ولبس وتعطر وجهز اغراضه واخذ شناطهم وهو يطلع لصاله هتف لها بتسال مقصود/ كيف تجهزين اغراضك ولا تجهزين اغراضي!
ملاك رفعت نظرها تبي ترد بس الكلام توقف بطرف شفايفها وهي تشوفه كيف طالع شكله اصدمت من منظره ورجولته البارزة بالبنطلون الاسود والتيشرت الابيض مرسوم داخله علامة ماركه عالميه بالون الاسود
ونظراته الشمسيه معلقه بصدره ورافع شعره الاسود على فوق
طوله و رزته وثقله ورزانته تخليها تغيب بعالم ثاني

صقر طالعها بنظرة تسال وهو يرفع حاجبه
بغرور/ شفيك ؟!
ملاك انتفضت منه وهي تحس بنقص وقلة اقتناع من لبسها و تجهيزاتها وكل مايدور براسها
(هو لبسه ماركات عالمية وانا لبسي عادي مغرور وغني وانا عنده فقيرة لالا مستحيل اخلي ينظر للي اصغر منهم مهما كان )
صقر يصر على عيونه باستغراب / ملاك ملاك
ملاك تنفض راسها /معك معك
صقر يتنهد وهو يقترب لها/ كيف معي وانا للي ساعه انادي عليك وانتي بعالم ثاني وش تفكرين فيه؟!
ملاك تقوم واقف وتنزل نقابها على وجها / انا جاهزة
صقر فهم تصريفتها واحترمها ومد يده ليدها / يلا مشينا
ملاك تطالع يده وتصد برفض/ امشي بروحي
صقر تنهدت من حركاتها واتجه لباب / طيب بكيفك
____________________________


بيت نهيل اللي كانت تفطر هي وامل بجو حزين بينهم
دخل ابو ماجد وسلم / سلام
نهيل ترد وعينها بالارض/ عليكم السلام
ابو ماجد يجلس/ شفيك يامره
نهيل تمسح دموعها بكم ثوبها/ ملاك مادري عنها هي سافرت ولا للحين حتى ادق على جوالها مسكر
ابو ماجد تنهد /الله هداك الحين خايفه على ملاك وهي مع ولد عمها
نهيل بزفرة/ وهذا المشكله ولد عمها اللي مايتكلم الا من طرف خشمه
ابو ماجد يصر على عيونة / علامك غيرتي رايك فيه مسرع
نهيل بالم / البارح يوم اسلم عليه وصيه فيها يقول للي اي اي ولا عطاني وجه وكانه ماهو عاجبه كلامي
ابو ماجد بحزم / وانتي وش موديك لرجال توصينه هو ماهو محتاج وصي بنت عمه و يبي يحفظها
نهيل باستنكار/ اي بنت عم واللي يخليك والله مادرا عنك ولا عنها
ابو ماجد انتفض بغيظ/ عيب يامره كيف مادرا عني وانا عمه
نهيل بجزع/ وانا الصادقة ماهو بداري عنك اللي يبيه وهذا هو اخذه ومن يومه صقر ما يحترمني ولا يحترم احد ولاني مرتاحه ياخذ بنتي بس الشكوى لله امر القوي على الضعيف
ابو ماجد يطالع بامل اللي صامته واضح عليها الحزن وهتف لامها / خلاص يامره الرجال وخذ مرته وبيحترمها وحنا محترمنا من قبل ياخذها

نهيل بانفعال/ ماهو محترمنا يا طالب وهو كان يسحبها من الشارع ويهددني فيها ماتقل بنتي متملكها وهي ورع ومشي كلمته علي وعليك وخذها
غصبن حتى عليها ماقدرنا نوقف بوجهه ونقول له لا
ابو ماجد يوقف بغضب/ انتي علامك اليوم انهبلتي تفتحين المواضيع اللي مالها داعي

نهيل توقف وتوقف وراها امل اللي مخترعه
و نهيل تصارخ بصوت حاد / الا لها داعي ولها داعي ولو الزمن يرجع والله ما خليته ياخذها من شفت نظراته البارح وسمعت كلامه وانا ماني مرتاحه بنتي راحت ضحيه لك ولولد اخوك العاصي حتى والدينه مايقدرون فيه كيف بضعيفة بتقدر فيه قل للي كيف!!
حصه دخلت باستعجال وخوف/ شفيكم وش صاير
ابو ماجد ياشر على نهيل / امك وكاد انها انهبلت
حصه تطالع امها اللي ثايرة بغضب/يومه الله هداك شفيك
نهيل ترجف وهي تحاول تبل ريقها اللي نشف/ وش فيني غير الهم ولغم وانا احس بالعذاب ولدي
و زوجتوه بنت عمه المقروده وقردة فيه وفينا وحطت بينا وبينه حاجز و وملاك بنتي اللي ماخلق بقبيلتنا كلها مثل زينها وكلن يتكلم عنه الكبير والصغير اخذها اخو وفا و ولد عمها اللي كبر ابوها ومطلق و مافيه رحمه اخذها غصبن علي وعليها من وهي ورع وهو مالكها له بدون راي احد وشور احد متسلط علينا سلطه وحاكمنا غصبن علينا

حصه مصدومه من كلام امها وهي تقترب لها وتحضنها/يومه كل هذا شايلته بقلبك ليش ماتكلمتي من زمان
نهيل انفجرت باكيه / وهو خذو رايي ولا رايها حذفوها له مثل الذبيحه
ابو ماجد يتنهد بحزن/ يابنت الحلال استهدي بالله بنتك ان شاءالله انها بيدن امينه ولد عمها احرص عليها من الغريب وهو اولى فيها
نهيل تمسح وجهها من دموعها /الا قول هو اولى بزينها من الغريب هو اصلا مافكر الا بزينها و بيستانس فيها وبس ولا الرحمه و الحب والله ان ماعنده ياطالب وانت ادرى فيه حتى ابوه مايقدر عليه وكم مره يشكي لك منه تبي ملاك تقدر فيه ولا انت ولا انا نقدر

ابو ماجد يتجهه لباب وهو ضايق / عند ولد عمها ابرك لاها من خوانها
نهيل تجلس باكيه وامل تطيح بحضنها وتبكي معها
وحصه تنهدت بالم /يومه تكفين ارحمي نفسك خلاص ماتدرين يمكن صقر يصير ارحم لها منا
نهيل تهز راسها باسا /لا ماهو راحمها ولا هو راحمنا حنا بعد
حصه تمسك بطنها بالم / اه اه
نهيل توقف /شفيك يامك حاسه بشي
حصه تاخذ نفس/يومه من اليوم امغص امغص
نهيل تصرخ فيها /وليش ماقلتي للي
حصه بجزع /وانتم الله يهديكم تخلون لاحد مجال يتكلم جيت والنار شابه بينكم
نهيل تشد على يدها / رجلك وينه ؟!
حصه تالم / برا برا اه اه
نهيل تصرخ بامل /جيبي عباتي سرعه
امل تركض بخوف /طيب طيب
___________________________

فهد ماقدر يروح لديوان بعد مازلزلت مهره له افكاره وهو بجناحه ومتمدد على الاريكه اللي طوله وطولها واحد ورفع رجله وحده على اطرافها من جنب
وهو يتذكر شكل مهره ولون بشرتها مع لون الكركمي
مسح على شعره بكفه وهو يزفر بضيقة
من صدره / ليش ما رجعتها معي ليش جتني الفرصه لاعندي ليش المكابرة ليش الحين كيف بترجع انتظر لين تطيح مره ثانيه اف وعذابي بس شوفتها زادت علي زادت علي

قطع افكاره صوت الباب تنهد وقام واقف فتح الباب وانصدم كانت شوق لابسه جلال ومتغطيه الا عيونها وهي تهتف له بنعومه / سلام
فهد يصر على اسنانه بغضب/ وش جايبك !!
شوق ترجع بخوف من نظرته القاسيه / الله يهداك ياولد عمي هذا وانا جاية ابي اشوف انت محتاج شي تبي شي
فهد يصد بوجهه عنها / اقول اذلفي عن وجهي لا ارتكب فيك جريمه اذلفي
شوق بكت بدموع مزيفه / هذا جزاي ابي اخدمك واهتم فيك والكل منشغل بنفسه عنك ماحد ماهتم فيك كثيري
فهد تنهد وهو يرجع النظر فيها / مشكورة مابي شي والحين يلا روحي
قطع كلامه صوت الجدة صيته الحاد /شوق وش تسوين هنيه
شوق تلف وتطالع فيها / بشوف فهد يمكن محتاج شي

الجدة صيته كانت تو جايه من ام ماهر وهي عليها عباتها وتطالع بفهد بنظره قارصه وترجع
نظرها لشوق وتامرها بحده /روحي داخل ولاشوفك هنيه اطى على رقبتك فاهمه
شوق بصدمه /انا
الجدة صيته / اي انتي ويلا اذلفي ذلفك الله انتي وجدتك
راحت شوق والجدة صيتة وجهت نظرها لفهد اللي كان يسمع ويطالع بثبات وهتفت له جدته/ وش تبي منك السوسة
فهد يرد برود/ اتوقع قالت لك ماله داعي اعيد الكلام
الجدة صيته ترفع حاجبها / كانه عاجبك كلامها
فهد يدخل ويخلي الباب مفتوح وهو
يهتف بتقصد/ اقل شي مهتمه فيني اشوى من غيرها اللي طلعت برا البيت ولا تقل وراها رجال
الجدة صيته تدخل وتسكر الباب وراها / وغيرها انت سالن عنها ولا عن زعلها
فهد يجلس ويرد برود / ولا راح اسال عنها وخليها تجلس مثل ماتبي وعلميها ان بدال المره مره
الجدة صيته انتفضت بصدمه / انت وش تقول
فهد حس بنصر / الي سمعتيه
الجدة صيته جت بالها شوق وخافت على مهره واللي اكد لها كلام فهد
___________________________

لهم ساعه بطيارة وينتظرون الاقلاع
ملاك كانت جالسه يم الشباك
وصقر قريب لها حيل
ويطالع فيها وهي تطالع مع الشباك بصمت
وكل مايدور براس ملاك (تمنيت سفره وطايرة وكنت احسد كل من سافر واحسه اسعد انسان وهذا انا مسافره وراكبه طايرة اللي احلم فيها من وانا طفله
ولا احس بالسعادة صدق الناس مظاهر والخافي يعلمه الله اف تمنيت معي امي وحصه وامل )

انتفضت بتذكر وهي تفتح شنطتها وكانها تبحث عن شي
وصقر قطب على حواجبه بتسال/شفيك وش دورين عليه
ملاك وهي مازالت تدور / امم جوالي مادري وينه ومن امس ماكلمت امي
صقر بتذكر وهو يدخل يده بجيبه / اي هذا هو جوالك معي
ملاك تطالع فيه بصدمه / كيف جا معك كنت تفتش فيه !؟
صقر اخذ نفس لتهدئة نفسه / لو بفتش فيه فتشت وعينك تشوف
ملاك تاخذه من يده وهي غاضبه/ اجل وش تبي فيه اخذه
صقر يشد على اسنانه / لقيته بسيارة ناسيته انتي البارح وحطيته بمخباي عشان اوصله لك
ملاك بحرج وهي تحركه بيدها / طافي شحن
صقر يصد بوجهه عنها / احسن بعد
ملاك تنهدت وهي تهتف بنعومه/ ابي اكلم امي
صقر لف لها وعيونه بعيونها / بالطيارة ممنوع خلي لين نوصل و تكلمينها
ملاك برائه /يشتغل جوالي هناك عادي اكلم فيه

صقر ابتسم ضاحك / اي يشتغل وتقدرين تكلمين فيه
انتي اول مره تسافرين صح!؟
ملاك حست بحرج من كلامه ولفت وجهه عنه من غير لاترد/…
صقر اقترب وجه لوجها وهمس عند اذونها / وماهي اخر مره وعد راح افر فيك انحاء العالم
ملاك تشد على جوالها بيدها / مايهمني السفر ولا غيرة
صقر مازال يهمس/ بس اللي سمعت انك تموتين على السفريات والتمشيات
ملاك تلف لها وصدم وجهها بوجه القريب ورجعت راسها على وراه بسرعه وهي تهتف بتسال/ شذى قالت لك صح ؟!
صقر يبتسم / صح وعلى طاري شذى ترا ازعجتني من الصباح ترسل للي وتسال عنك
ملاك بنبرة حزن / وليش ماقالت للي عشان اكلمها
صقر يهتف بخبث/ لاني مابيك تكلمينها اصلا ممنوع تكلمين احد وانتي معي مفهوم

ملاك كانت بتكلم بس قطع كلامها
..صوت الندا لركاب ربط الاحزمه..
حست بتوتر وهي تطالع الحزام اللي بكرسيها
وتطالع صقر كيف ربط حزامه بحركه سريعه ولف لها وابتسم وربط حزامها وحط يده ورا ظهرها وحضن كتوفها بحنان وهو يهمس لها / لاتخافين من شي وانتي معي
ملاك استسلمت لحضنه وهي فعلا تشعر بالامان وتسمع دقات قلبه وتحس بصدره يرتفع وينزل
ملاك هتفت له بخفوت وهي مازالت بحضنه / صقر انا خايفه
صقر شد احتضانه لها وهو يرد بذات الخفوت / ياقلبي انتي والله
_________________________________


بيت ام صالح بناتها مجتمعات هدى وام مهند وفا وصبا وشذى من بعد ما مشت عمتهم مزنة للجنوب

ام منهد تكلم وفا بنصيحه / ياوفا وانا اختك اسمعي الكلام زوجك ترا ماعنده راتب ولا وظيفه كيف تبينه يسفرك السفر يكلف
وفا اللي كانت زعلانه وتبي تسافر من سمعت صقر يقول حاجز لجورجيا وهي زعلانه من مازن وضارب عن
الاكل والكلام تبي يسفرها بطيب بالغصب

ردت وفاء عليها بجزع / يقدر ولا مايقدر ماهو شغلي من اخذني وهو معيشني بفقر هو واهله واخته اخذت اغناء خواني عشان يشبعها من الفلوس والسفر
ام صالح مصدومه من كلام بنتها / انتي انهبلتي شعليك من بنتهم وخوك انتي عليك من زوجك وبس
هدى تهدي الامور / طيب انتي اصبري لين الله يرزقه وتسافرون لاتستعجلين وتضغطين عليه
وفا تطنش كلام هدى وتطالع بشذى بتسال/ ملاك ماكلمتك ؟!
شذى تهز راسها وهي تلعب بجوالها/ لا ماكلمتني
وفا بحرقه / سحبت عليك يعني خاويني واخاويك واخذ خالك وخليك
شذى تطالعها باحتقار/ المشكله انها لخالي قبل تعرفني وكانت تمنى اني اساعدها ما تاخذه بس انتي تفكيرك مدري كيف جاي
وفا طالعها بحده / والله انها مجننه اهلها وما رتاحو لين اخذت صقر يبون بس مخباته مهمهم الا الفلوس وبس
ام منهد بنبرة كبر / ما صقر قليل شر ولاهي قادره عليه لاهي ولا امها
هدى بدفاع / والله انها ماتبي من صقر الا السلامة حتى الفلوس احس ماتهمها
وفا بتطنز / اي هين والله انها اهم شي عندها ماهي مثل اميرة شايفه خير وشبعانه ولا ملاك بنت فقر
شذى بنرفزة / والله ان ملاك طيبه وقلبها طيب بس انتي مادري ليش ما تحبينها
صبا بمقاطعه / الا صدق اميرة مالها حس ماعمرها اتصلت حتى على امي اول تدق وتسال وتسلم
ام صالح تنهدت بحزن / الا والله دقت علي امس العصر بس ماطرت للي شي
ام منهد تمدد رجولها / كلمتني تبي صقر تقول راضيه حتى لو عنده مره بس خلي يرجعني وانا احبه وابيه
هدى تضحك / قولي هذاك اول يوم ماعنده مره الحين ماهو مرجعها تقوم عليه ملاك
ام صالح تهتف بجديه/ والله ماهي قادره فيه ملاك كان بغى يرجعها والله ماسال عن اطلق شنب ولدي وعرفه

وفا تبتسم براحه من كلام امها وشذى تافف بقهر
______________________________


بيت الجدة صيته اللي طايحه على سريرها تعبانه وام شامان تقيس لها الضغط وتهتف بتسال/ شفيك يام عقاب وش مضايقك الضغط عندك مرتفع حيل
الجدة صيته تنهدت بتعب / مدري يامك مدري بس احس راسي بينفجر
ام شامان بحنان / اي من الضغط احد مضايقك
دخل عليهم مريم ومعها كوب ما/ شلون جدتي يام شامان
ام شامان تطالع فيها وترجع تطالع بالجدة صيته وتهتف لها بتوصيه/ والله ضغط مرتفع معها ولازم تراعونها اللي بعمره مايتحمل
مريم تنهد وهي تمد لجدتها كاس الما/والله هي ماتعلمنا وش يضايقها
الجده صيتة تشرب من الما/ انا بخير ان شاءالله
ام شامان تقوم /الله يجعلك بصحه وعافيه والحين انا بروح وانتي خذي علاج الصغط بنتظام وبكر امر عليك
الجدة صيته / بمان الله
طلعت ام شامان ومريم جلست عند جدتها وهي تمسح على كفها / شفيك يامه وش مضايقك علمينا

الجدة صيته تنهد وش تبيها تقول فهد شكله ناوي ياخذ بنتك وانا تضايقت عشان بنت اخوي ولا وش تقول
الجدة صيته تمدد /بنام للي شوي
مريم تقوم / نوم العافيه
_____________________________

مهره جالسه عن الشجر وماده رجولها بحوض الاشجار والماء يصب على رجولها الناعمه وتفكر
من طلع منها فهد وهي حاسه بلهفه له اعمق جاذبيته ونظراته وريحت عطرة وقربه منها وانفاسه
كل هذا سبب لها التماس بصدرها تبي تحضنه تبي تنام بحضنه تبي تغرق وجهها بوسات وتقول للي ماهو لغيري تبي حنانه وتبي دفاه وحتى عنفه اشتاقت له

ام ماهر اقترب لها ونادت عليها /مهره
مهره رفعت راسها وردت /هلا يومه
ام ماهر تجلس قريبه لها/ وش تفكرين فيه
مهره تنزل نظرها لرجولها الغرقانة الماء وترد
بتهرب /مافكر بشي
ام ماهر تهز راسها بعدم رضا/ تبينه
مهره لفت لها باستغراب/ ليش السوال؟!
ام ماهر تنهد / اذا تبينه ارجعي له وهو لا شافك بيته يراضيك بطريقته
مهره بستغراب اعمق /بس هذا هو شافني اليوم ماكلف على نفسه يرضيني

ام ماهر بموده / مايبي يصغر نفسه قدام احد فهد شخصيته كذا حار و الرجال حلاته بحرارته يامك
مهره ترفع حاجبها/وش غير رايك وانتي قبل كم يوم تقولين اذا تبين الطلاق تطلقي
ام ماهر بصدق / هو اللي غير رايي والله يوم شافك طايحه انه مايشوف من خوفه عليك وحبه لك
مهره بدهشه / يحبني انا انا يومه الله يخليك قولي للي كلام يدخل العقل فهد مايحب الا نفسه بس
ام ماهر تبتعد / والله هذا شوف عيني فهد يحبك بس يكابر حيل والا لو مايحبك كان خلاك طايحه ولا درا عنك
مهره تهز راسها باسا/ وهذا هو خلاني طايحه عندك ولا درا عني
ام ماهر تبتسم وهي تبتعد / يكابر يكابر بس مرد المكابره تبي تنهد عليه
مهره تطالع امها اللي ابعد وهي تفكر بكلامها/معقوله فهد يحبني لالا ماتخيل هو يحب التملك والتامر بس علي
________________________________


-/البارت التاسع والاربعون /-

رواية ريح المطر (للكاتبة شغف
ادعو لوالدي برحمة والمغفرة..

بعد مرور ثلاثة ساعات من الاقلاع
وهم مازالو ببين الغيوم
وباقي على الوصول ساعتين

صقر لف لملاك وطالعها كانت نايمه وراسها
على كتف صقر و مايسمع الا صوت انفاسها المنتضمه ولا تحس بشي واضح عليها الارهاق
وقلة النوم
ابتسم وهو يمسح على راسها بحنان ناظر بنقابها وقطب حواجبه كانه تذكر شي وكل مايدور براسه
(كيف ماخذت لها حجاب ونقاب غير لون الاسود يوه وهي ليش ما ذكرتني اف و هي تعرف شي اصلا
اول مره تسافر الشرهه علي انا ماهو بعليها )

قطع افكاره حركت راسها على كتفه ورفعته بثقل وهي تطالع يمين ويسار بتعرف على المكان لفت لصقر اللي يناظر فيها ويناظر بكل حركه تسويها
ملاك تعدل نقابها وتهتف له/ حنا وين ؟!
صقر يرد عليها وهو يتكى ظهرة على الكرسي ويوجه نظره لاشباك اللي وراها ويرد/ بين الغيوم حنا
ملاك لفت نظرها بسرعه لشبك وابتسمت وهي تشوف الغيوم / اوف منظر يهبل
صقر ابتسم لصوتها المبتسم / اعجبك ؟!
ملاك مازالت تطالع / بقوه
صقر يهتف لها بخفوت/ ملاك
ملاك لفت وطالعت فيها / همم
صقر من شاف عيونها ضيع علومه / احم انا وش كنت بقول اي تذكرت ليش ماقلتي للي اخذ لك حجاب غير حجابك !
ملاك تلمس نقابها / ليش انت تبيني اتحجب لا وصلنا
صقر انتفض بغيرة / لا طبعاً مستحيل بس في نقاباته بالون البيج الكحلي المفروض اخذنا لك قبل نروح
و تلبسينه
ملاك باستغراب/ وليش طيب؟!
صقر يرد بثقة / عشان الاسود يلفت الانتباه عندهم

ملاك تطالع فيه بنظره مباشره وتهتف بتسال/ وانت وش دراك بلبس الحريم ولا يوم سافرت مع زوجتك الاولى عرفت ؟!
صقر طالع فيها بنظره حاده / من قبلها وانا راعي سفريات وعرف كل شي
ملاك تلف نظرها لشباك لثواني وترجع تناظر بصقر
و تكمل تسالها / اهمم وين سافرت معها ؟!
صقر مازال يناظرها بحده / وش عليك انتي !!
ملاك زفرت بغيظ/ كيف وش علي سوال سالتك جاوبني عليه
صقر بغرور /والله عاد كيفي بجاوب ولالا شي راجع للي و يخصني بروحي مايخصك معي
ملاك لفت وجهها عنه بنفور /بكيفك

حال الصمت بينهم لدقايق وهي تطال الشباك والغيوم وصقر يطالع فيها و مارفع عينه منها

وخيراً تكلم صقر بهدو / جورجيا
ملاك لفت له بصدمه / وشووو؟!
صقر تكلم برود / سافرنا لجورجيا
ملاك انتفضت بعدم تصديق/ صقر قول الصدق؟!
صقر باستغراب وهو يرد برود اعمق /وليش اكذب ؟!
ملاك انتفضت بشده من القهر وهي تصر على
اسنانها/ وش تقصد بحركتك هاذي ياصقر
مافيه عداله ابد حتى بالسفر تبي اروح مكان هي قد راحت له ماتبي تسوي للي عرس احسن من عرسها والحين ماتبي تسفرني احسن من سفرها؟!
صقر مصدوم من تفكيرها اللي شطح بعيد/ انتي خبله وش هالتفكير!!!؟
ملاك تلف للمقاعد اللي وراها فاضيه مافيها احد وتكلمت بغيظ حاد / ولا كلمه تفهم ولا كلمه ولا ترا والله لاروح ورا بروحي

صقر ثار ثورته من الغضب / سدي فمك لاعطيك كف اسده لك كيف تقولين للي ولا كلمه وش شايفتني يالبزر هاه
ملاك تنتفض من القهر/ دامك تحبها و وحافظ العشرة بينكم ليش ماترجعها ؟!

صقر من شدت غضبه مافكر بعواقب الكلام اللي بيقوله / اي حافظ عشرتها وتستاهل اللي يحفظها
ولو ابيها رجعتها اليله اليله ياملاك
ملاك بغيظ متفجر متفجر / بس هي اللي انحاشت عنك و ماتبيك واضح انك انت اللي ميت عليها وعلى عشرتها
صقر يرفع حاجبه بغرور /انا اللي ميت على عشرتها!!يكون بعلمك هي لليوم داقه علي و ترجاني عشان ارجعها
ملاك بصدمه / بينك وبينها تواصل ؟!
صقر صد بوجهه عنها / ماهو شغلك
ملاك فتحت حزامها وقامت واقفه بغيظ
وصقر رفع راسه بصدمه وسحبها تجلس وهو يهتف لها بتهديد/ قسم بالله لو ما جلستي عاقله لا افرك وجهك بشباك الي وراك
ملاك بنبرة خانقه / وربي لو ماتشيل يدك لاصرخ وقول لهم انك خاطفني وحملك قضية
صقر شد بسنانه على شفايفه بغضب وكان الدم طلع منهم ثم هتف لها بتهدئة لانه يعرف انها مجنونه وتسويها وتورطه وتورط نفسها بمصيبة/ اهدي اهدي وخلي نتفاهم
ملاك تبعد يده من كفها وهي مازالت غاضبه/ مابي اتفاهم معك انت حقير حقير
صقر سحبها مع كتفها بقساوه وحط شفايفه عند اذنها وهمس لها بتهديد غاضب /حرام حرم ياملاك ان ما سكرتي فمك و قطعتي نفسك لا ارتكب فيك وفيني جريمة وترا ماوراي احد اخسره لاولد ولا تلد اسكتي احسن لك

ملاك صدت بوجهها عنه وهي خايفه من تهديده تسمع عنه وتعرفه انه مايهاب احد والا يخاف من احد
وصقر يتنفس بسرعه وصدره يرتفع وبنزل
من شدت ثورانه لف لها شافها مازالت ترجف
وعيونها الساحره على الغيوم والسماء
تنهد صقر بضيقة من حالهم وهمس لها بهدو رغب الانفجار اللي بصدره / ملاك حبيبتي
ملاك تلف وجهها لوجهه و تزفر بوجهه / لاتقول حبيبتي تفهم لاتقول حبيبتي
صقر شد على كلامه /الا حبيبتي وروحي وحياتي بعد
ملاك طالعته بنظرة قارصه ولفت وجهها عنه
صقر حس برعشه لذيذة من نظرتها لها و قترب لها من غير شعور وحط شفايفه عند اذونها وهمس لها
برضاوه/ اذا تبين اغير الرحله تامرين امر من ننزل للمطار احجز لك للمكان اللي تختارينه انتي

ملاك لارد وهي مازالت تنفس بقوه
ماتدري وش صار لها يوم قال لها تكلمة وتبيه يرجعها وكل مايدور براسها(بينهم تواصل ناوي يرجعها اكيد يحبها وتحبه بس ماهو مرجعها لين ياخذ مني اللي يبي وبعده يرميني ويرجع حبيبتة ) كل مازادت افكارها لبعيد زادت رجفتها اكثر
صقر حس برجفتها وعرف انها مازالت معصبه عشان كذا ابتعد منها خفيف وفضل الصمت افضل له ولها لين تهدا و يتفاهم معها
_____________________________________
الساعه 11 مساء
دخل فهد البيت بخطوات ثابتة وهو متجهه لجناح
جدته من زمان مامرها من بعد مشكلته مع مهره
جدته هي اللي تمره ولا يلقاها بالحديقه

فهد طق باب جناحها ونادا بصوته الثقيل/ احم ام عقاب
انفتح الباب وطلعت شوق متغطيه/ هلا فهد
فهد يصد بوجه / ام عقاب عندها احد
شوق بدلع / لا بروحها تفضل
فهد طالعها بنظره حاده /ابعدي من الباب
شوق تو تنتبه انها واقفه بوجهه شهقت / امم اسفه
ابتعدت وفهد دخل شاف جدته منسدحه على السرير واضح عليها التعب اقترب لها باستعجال/يومه وش فيك انتي تعبانه
الجدة صيته تحاول تجلس وتكلم بصوت مبحوح/ احم تعب بسيط يامك بسيط
شوق بتدخل / لا ماهو بسيط ام شامان كانت هنيه وتقول ضغطها مرتفع
فهد كان يسمع وعيونه على جدته وهتف
بتسال حازم / ليش ماحد قال للي ؟!
الجدة صيته تاخذ نفس/ وليش يقولون لك هو يهمك اصلا

فهد رفع نظره لشوق وتكلم بامر حاد/ اطلعي برا
شوق انفضت برعب وهي تجهه لباب/ طيب
فهد لف لجدته وهتف بصرامه / ليش تفكرين كذا يومه انا اذا ماهتميت فيك انتي من اهتم فيه عقاب ونورة تحت الارض وانتي الوحيدة اللي تهميني
الجدة صيته بعتاب / والضعيفه اللي منقطه بيت امها ما تهمك

فهد تنهد بطولة بال/ تهمني والله انها تهمني بس
يا يومه الحركه اللي سوتها هي المسوله عنها
الجدة صيته بنبرة باكية / وهي وش سوت حتى يوم قلت مابي منك عيال جلست وسكتت بس انت جيت وكملت عليها يافهد يامك انا اكثر وحده فاهمه وعارفه انت المخطي وانت تعرف الشي هذا بس تكابر ماتبي تعتذر لها ولا تبي تعترف بخطاك
فهد يطلع سبحته من مخباه ويهتف بنبرة غريبه/ هذا انتي عارفه يومه والله لو الخطاء راكبني من راسي لاساسي ما عتذرت لها حتى ولو شفتها تموت قدام عيني

الجدة صيته تنهدت / طيب والحل ؟!
فهد يهز راسه باسا/ مدري
الجدة صيته تشد كفه بكفها وتهتف بتعب/ طيب ولو جت لبيتك تعتذر لها
فهد لف لها باستغراب /كيف تجي ؟!
الجدة صيته تشد بالكلام / ماهو مهم كيف تجي انا اللي بعرفه لو جت تعتذر لها توعدني
فهد بمكابرة /ما وعدك
الجدة صيته بزفرة / ليش ما توعدني بجيبها لك هنيه لبيتك بس ابيك تعتذر لها تطيب خاطرها اترك عنك العناد يافهد ترا بيظرك ماينفعك
فهد طالع بعيون جدته بنظرة غامضه/ اراضيها اي اطيب خاطرها اي بس اعتذر لا والف لا
الجدة صيته تبتسم / طيب راضها بطريقتك ماهو لازم الاعتذار
فهد يقوم وهتف بتوصية / اهم شي صحتك انتي انتبهي لها وحنا لاتشيلين همنا
الجدة صيته تاشر براسها/ الا بشيل همكم ومارح ارتاح لين ترجع مهيرة لبيتها
فهد فز قلبه لاسم مهيرة وهتف لجدته بهدو/ يصير خير
الجدة صيته بحزم/ ترا انا بجيبها لعندك بس انت مثل ما وعدتني تعتذر لها
فهد برفض حاد / لا اعتذار قلت لك لا
الجدة صيته تضرب راسها / ابك ماهو اعتذار هذا الله مصلي على محمد اي تراضيها
فهد يقترب ويحب راسها / ارضيها اذا يرضيك انتي اهم شي ترضين علي انتي
الجدة صيته بامومه / الله يرضى عليك يافهد ياولد عقاب
فهد يتجهه لباب / تصبحين ع خير
الجدة صيته تحس براحه انها كلمته وهو هادي وتفهم لها/ وانت من اهل الخير

_________________________________

من الصباح وهي بغرفة الولاده
و نهيل وعادل جالسين على اعصابهم

عادل يكلم خالته/ يخاله كنها تاخرت من الصباح وهي تولد
نهيل بتوتر/ ماهو كنها الا تاخرت الله يحفظ بنتي بس الله يقومها للي بسلامه
عادل انتفض بخوف / اروح ابلغ المودير
نهيل تطالعه / و المودير وش دخله وانا خالتك هذا تيسير بيد الله
جت الممرضه الفلبينيه تركض / بابا
نهيل وعادل انصبت عظامهم من الخوف وتكلمو بصوت واحد/ وش فيه
الفلبينيه تبتسم / مبروك يجيب ولد مره حلو
نهيل تبتسم / يالله لك الحمد ياربي
عادل يبتسم بفرح / ومدام كيفها
الفلبينيه / مدام زينه اول ولاده صعبه الحين حمدلله فرج
نهيل ترفع يديها لسما /الحمدلله ياربي الحمدلله
عادل بتسال/ وين بيبي
الفلبينيه /بيبي روح حضانه
نهيل تهتف لعادل بخفوت/ عطاها اذا معك شي انا حتى شنطتي ماجبتها
عادل يطلع محفظته وهو فرحان / اي والله اعطيها تستاهل خذي هذا بشارة
الفلبينيه تاخذ الفلوس اللي مادها لها وتبتسم / شكرا شكرا
نهيل /بشوف بنت يصير
الفلبينيه / شوي ينقلونها غرفه فوق وانتي بعده روحي
نهيل تاشر براسها برضا/زين زين
الفلبينيه تروح وعادل يكلم خالته/ بروح اشوف ولدي
نهيل /يامك عطني جوالك ببشر ابو ماجد وطمنه هو وامل
عادل يطلع جواله ويمده لها/ دق قبل شوي سال عنها قلت باقي
نهيل تدق عليهم وجاها صوت ابو ماجد /هلا عادل بشر
نهيل تبتسم /البشاره يابو ماجد البشارة حصه جابت ولد
ابو ماجد ابتسم بفرحه وهو يناظر بامل اللي تشد كتفه تبي تطمن على ختها و شفقانه على الاطفال /يوبه طمني
ابو ماجد/الحمدلله… عساه مبروك ….يالله مع السلامه
و يسكر من نهيل ويهتف لامل بفرح / حصه جابت ولد
امل تضحك بفرحه / الحمدلله عندنا طفل
ابو ماجد يضحك / يوه لو تدري ملاك بس
امل تاخذ جوالها / بدق ابشرها
ابو ماجد برفض/ لا باليل لا تدقين عيب يمكن تكون نايمه
امل تبتسم / اجل برسل لها رساله ومتى ماصحت تشوفها
ابو ماجد /اي يابوك رساله احسن
دخل مازن اللي وجهه مسود من العصبيه/سلام
ابو ماجد وامل/عليكم السلام
مازن بتسال وهو يتلفت يمين ويسار/وين امي
امل تبتسم /البشارة حصه جابت ولد
مازن نسى هم وفاء وهو يبتسم /صحيح ؟!
ابو ماجد بفرحه / اي بالله صحيح وصرت خال يامازن
مازن يجلس /ماشاءالله متى ولدت
امل تقوم رايحه للغرفه / تو الحين امي بشرتنا
ابو ماجد يطالع بامل اللي اختفت ورجع طالع بمازن بتسال حان /شفيك يابوك وضعك ماهو عاجبني
مازن تنهد بضيقه/ يابوي محتاج فلوس وماحد راضي يسلفني
ابو ماجد بضيقه على ولده / وكم محتاج
مازن /عشرين الف
ابو ماجد /لاحول ولاقوة الا بالله عشرين منين نبي نجيبهن
مازن يزفر بقهر / مدري مدري
ابو ماجد يقوم / ماكلمت صقر !!
مازن بخجل /لاوالله استحيت منه
ابو ماجد يتجهه لباب /زين تسوي الرجال تو خالص من عرسه وتكاليفه وبعده سافر وتكاليف مامعه شي
مازن يطالع ابوه اللي طلع ويتمت بصوت خافت /صقر مامعه شي يحليلك يابوي هذا ملايين ماتخلص لو يصرف ليل ونهار ماحد له حظ كثر بنتك ملاك اللي عليها زين ماهو على بنات قبيلتنا كلهن وخلت صقر ياخذها وطاحت بالفلوس

قطع افكاره صوت جواله شاف اسم وفا رد بحب / هلا وغلا وسلة حلا
وفا بمتيع /وينك
مازن تنهد /بالبيت ياروح مازن هاه عساك رضيتي واجي اخذك
وفا برفض / لا مارضيت الا اذا سفرتني
مازن بضيقه / والله ياوفا ان مامعي شي وش تبيني اسوي اسرق
وفا بخباثه/ لا ما تسرق لقيت حل
مازن بستغراب/ وش الحل؟!
وفا ببتسامه / صقر
مازن بصدمه/شفيه صقر
وفا تزفر عليه / شفيه يعني يبي سلف منك
مازن بفهاوه /وشو يبي مني انا سلف ؟؟
وفا صرخت فيه /انت ماتفهم يعني صقر لو فكر يتسلف مايلقى الا انت يتسلف منه
مازن مازال مفهي / انتي تقولينه
وفا شد شعرها / مازن انت لازم تكلمه وتسلف منه انشب له لين يحول لك
مازن بخجل/ مستحي منه ياوفا وش بيقول اخذت اخته وشغلني يبي سلف
وفا تنهي الاتصال / كلمه يامازن ولا ترا مارح ارجع لك
مازن تنهد بتعب / الو الو وفا الو

جاه صوت امل الضاحكه /سكرته بوجهك
مازن لف وشافها /انتي من متى هنيه
امل تضحك وهي تجلس عنده / من عند عساك رضيتي
مازن يقوم بعصبيه /وانتي كيف تسمعين ماتستحين
امل /وانا وش دخلني انت اللي تكلم بصالتنا
مازن يتجه لباب ويوقف يلف لها بتسال/ملاك ما كلمتكم ؟!
امل تنهدت بحزن وهي تهز راسها/ لا جوالها مسكر من امس
مازن يضحك وهو يمشي/ من الحين تكبرت علينا
امل تاشر براسها باسا/الله يهديك بس
___________________________

من نزلو من الطائره وصقر شاد على كفها بكفه بصمت
وهي تمشي معه بصمت اعمق لين
وصلو سيارة الخاصه اللي تنتظرهم عند باب المطار
ركبت وهو ركب بعدها
والسائق نزل وركب شنطهم
وكان يتحادث مع صقر بلغته و ملاك تسمع بصمت وقلة فهم بس تحس بعجاب لصقر واسلوبه بالكلام وثقافته العاليه
عاد ملاك خلقة تحب الدارسة ومن الاول على مدرستها
قطع افكارها صوت صقر الثقيل/ تبين الفندق اول ولا نطلع ناخذ لك عبايه ونقاب ؟!
ملاك ماردت عليه /…
صقر تنرفزه حركاتها واستهتارها وهتف لها
بصرامه /صمخه انتي ما تسمعين ؟!
ملاك مطنشته /…
صقر يطالع فيها بنص عين وهو يتكلم مع السايق بلغته اللي مافهمت منها ملاك شي

بعد دقايق وقفو عند الفندق ونزل صقر ومد يده لها يبيها تنزل
وملاك مدتها له بهدو ونزلت وحاولت تسحب كفها من كفه العريضه وهو يشد عليها اكثر ويتكلم مع السواق
وبعده طلعو للفندق

وصلو جناحهم الملكي عبارة عن غرفه كبيرة وفيها دورة مياة وبنفس الغرفة شاشة بلازما كبيرة وقبالها
اريكا وحده كبيره وكرسيين منفردات
ملاك كانت تطلع بكل شي بعجاب كانت تحلم تسافر وتسكن فندق محرومه من الاشياء هاذي بس يتحقق حلمها واكبر من ماتوقعت ومع كل هذا ماتحس بالسعادة ابد لو يرجع الزمان قالت مابي سفر ولا فندق بس بجلس بيتنا بامان و استقرار

قطع تفكيرها احتضان صقر لها من ورا وهمسه عند اذونها / اعجبك الجناح
ملاك تبعد يدينه من خصرها من غير لاترد عليه وتبتعد وهي تنزل نقابها وعباتها وتعلقهم وكانت لابسه بنطلون زيتي ضيق حيل وبارز جسمها وعليها بدي عاري اليدين بالون الابيض وعليه رسمات تفاح صغار بالون الزيتيه وماسك عليها
و لامه شعرها كله على فوق ونازل خصل ناعمه على نحرها وصدرها العاري

صقر ماقدر يتحمل انه يوقف ويطالع فيها من غير شي
يبي يرد نفسه فيها لو بشي بسيط اقترب منها ورفع وجهها يطرف اصابعه لوجهه وطاحت عينه على ملامحها الخاليه من اي زينه واضح عليها الارهاق اللي معطيها جمال فوق جمالها

ملاك طالعت فيه بنظرات جارحه له وهو يبحلق فيها
من غير احساس لنظارتها القويه
صقر حط يده وحده على مؤخرة راسها وخلخل اصابعه بشعرها ويده الثانيه على خصرها و قترب لها وقرب وجهها له و انحنى من طوله لطولها
وملاك عرفت نيته و كانت اسرع منه و حطت يديها على وجهها وطاحت شفايف صقر على ظهر كفها

صقر ثارت كل مقاوماته من حركاتها المنرفزه
وهو يشيلها بين يديه وملاك ترفس بطنه برجولها وتصارخ فيه برعب / بعد بعد بعد
صقر نزلها على الاريكه وهي تحاول تقوم واقفه قباله
و تصارخ فيه / ابعد يا حقير ابعد ابعد يومه ابعد
صقر رجع رماها على الاريكه وجلس قريب لها وسحبها لحضنه وحط شفايفه على شفايفها ويسكتها بقبلة عنيفه خلت ملاك تنتفض من الالم حست شفايفها تجرحت بعد دقايق رفع شفايفه منها وهو يتنفس بسرعه وعينه بعيونها الغاضبة
ملاك صرخت فيه / والله لو تسوي فيني شي ليكون هذا اخر شي بينا والله والله
صقر حط انفه على انفها وحركه يمين ويسار وهمس لها بتهدئة / اهدي ماراح يصير شي
ملاك تحاول تماسك لا تنفجر باكية وهي تهتف له بنبرة مخنوقة / ماراح اهدا لين تبعد مني ابعد ابعد
صقر يهمس لها بعشق / ماتبيني اراضيك
ملاك تمسح على شفايفها بلسانها بالم / مابيك تراضيني ومن قال لك برضى اصلاً
صقر داخ من حركت لسانها و باس شفايفها بسكون وهمس بذات سكونه / احبك والله اني احبك ومستعد ارضيك باللي تبين
ملاك تحرك جسمها بالم من بين يديه / كسرت عظامي
صقر يبتسم بخبث/ ياجعلني فدوت عظامك
ملاك تشيح بوجهها عنه وهي تهتف بامر / صقر ابعد احسن للي ولك
صقر يحط خده على خدها / واذا مابعدت وش بيصير
ملاك تنهدت بصوت مسموع / انت متقوي علي بعضلاتك وتعرف اني ماقدر ابعدك مني
صقر يتنهد ببتسامه / اه يزينك بس
ملاك حست بحرج من كلامه / صقر ترا كلامك وحنا بطايره للحين مانسيته اذا انت نسيته
صقر يلف وجها له ويحط عينه بعينها / الكلام اللي قلنا كثير وش الي مانسيتيه بضبط
ملاك بغيظ / كل كلامك كله
صقر مضيع علومه وهو يشوف حلمه
بين يديه / اراضيك باللي تبين
ملاك تزفر فيه/ مابيك تراضيني افهم ابيك تقول للي الصدق وبس
صقر يمسح على خدها بحنو/ وش اللي تبيني اقوله ؟!
ملاك بتردد / قول للي انت للحين متواصل معها ؟!
صقر يحس بدغدغة من غيرتها عليه ولاكنه هتف لها بثقة / لا مابينا تواصل
ملاك حوطته بيديها وهي تضرب ظهرة الصلب بكفها بقوه / انت كذاب كذاب
صقر يرفع حاجبه لها / لاسمع هالكلمه مره ثانية فاهمه
ملاك تدفعه عنها / ابعد مني اقول ابعد
صقر باسها مع خدها بحركه سريعه وقام بحركه اسرع وهو يتف لها بنفاس طايره / ترا ابعدت عشان الوعد اللي عطيتك ماهو عشانك
ملاك تحتضن نفسها وتلم ركبها على صدرها وهي مازالت جالسه وتر عليه بسيطرة/ عشاني ولا مو عشاني مراح تاخذ اللي تبي لو تموت روح رجع مرتك وشبع فيها

صقر متجهه لحمام وانفجر ضاحك من اخر كلمه قالتها وهو يهز راسه باسا
_________________________

فهد يتمدد على سريرة وهو يفكر بكلام جدته
ماهو مقتنع يراضي مهره
رجولته تبيها هي تجي وتسلم نفسها له برضى
وقلبه يقول طيب خاطرها والله انها تستاهل
من يطيب خاطرها
فكره توديه وفكره تجيب
تنهد بتعب من الافكار واخر شي قرر.
يعدل بين قلبه وبين رجولته
قلبه يبيها و متشفق عليها تشفق
ورجولته ماتبي ينزل منها شي ابد
وهو يكابر وذبحته المكابرة وذبحه الشوق و الهفه

فهد تمدد وهو يحاول ينام
وكل افكاره تاخذه لحضنها لريحتها لمست شفايفها لابتسامتها العذبه لبرائتها وطيب قلبها
اكثر شي يخلي فهد يحن عليها
هي طيبة قلبها وصمتها و ستسلامها وضعفها
تذبحه الحنية من ناحيتها
لاكن اطباعه من الله مايقدر يغير فيها شي يفضل رجولته وكرامته حتى على نفسه وقلبه
______________________________

-/البارت الخمسون /-

رواية ريح المطر (للكاتبة شغف
ادعو لوالدي برحمة والمغفرة..

مهره تمدد على سريرها من بعد ماخلصت شغل البيت وهي تطالع بماهر اللي جالس بلارض ويذاكر
مهره تبتسم له/ ماهر وش عليك اختبار بكرا ؟!
ماهر يرفع راسه لها ويرد/ علي علوم الله يعين على المدرسه والاختبارات
مهره تنهدت بالم / يوه يا ماهر امنيتي ارجع الزمن لورا ورجع ادرس
ماهر ينزل القلم اللي كان بيده ويهتف بتسال/ وانتي ليش ماكملتي دراستك ؟!
مهره تحس بحزن عميق وهي تعض على
شفايفها / فهد مايبي اكملها
ماهر بحمية / ليش هو بكيفه يحرمك من شي تحبينه وانتي كنتي شاطرة بالدراسه
مهره ترفع كتفها بقلة حيله/ حكم القوي على الضعيف
ماهر يوقف / لا ماهو بكيفه انا راح اكلمه وخلي يرجعك لدراستك
مهره تصر على عيونها / ماهر حبيبي وانت وش عليك انا راضيه وبعدين انت تعرف فهد مانت بقادر عليه
ماهر يجلس وهو يهتف بقهر / لونك اخذة طلال ولا يوسف احسن لك من الشيخ فهد اللي شايف نفسه حتى ابتسامه ماعمري شفاه يبتسم كله مكشر
مهره تضحك / جد والله حتى انا ماعمري شفته يبتسم
ماهر بصدمه / اسالك بالله زوجك وماعمره ابتسم عندك

مهره انفجرت ضاحكه /والله ماعمري شفت اسنانه الا لا صر عليهم من العصبيه
ماهر يضحك / بس والله انه مزيون ماشاءالله عليه
مهره اختفت ضحكتها وملامح فهد تجي بالها تحس بغيرة بقهر بشتياق له تنهدت / يلا ماهر خل ننام
ماهر يعض على لسانه / زعلتك مهيرة
مهره تبتسم بصعوبه / لا يا قلبي بس انا نعسانه وابي انام
ماهر يقوم وياخذ كتبه / انا بطلع اذاكر بصاله وانتي نامي
مهره بتسال/ امي وينها ؟!
ماهر يرد وهو متجه لباب / ترتب غرفة الضيوف

من طلع ماهر ومهره تنفجر باكيه وتضم مخدتها تخفي شهقاتها وتعض على المخده بالم وتهتف لنفسها بخفوت / احبه احبه
________________________________

الساعه 12 مساء بجورجيا

كانت ملاك متمدده على السرير على جنبها
و معطيته ظهرها
وصقر متمدد وراها على ظهره وبينهم مسافه
ويشتغل على جواله شوي ورن جواله بين يده
ورد صقر وعيونه على ملاك اللي تمثل النوم /هلا مازن
…. بخير انت شلونك
……امر….
هاه اممم لا نايمة …
قول ماعندي احد……
اقول لك والله نايمه
….ياولد انت ماتفهم نايمه ….

ملاك حست بجرح عميق كيف اخوها مايبي اخته تسمع وش يبي كيف يبين رجال ابتعاده منها والحواجز اللي بينهم كانت مركزه على المكالمه وهي مسكره عيونها وتسمع صقر يتكلم لمازن بخفوت يلبي رغبة مازن ان ملاك ماتسمعه ولا يبيه تعرف وش كان يبي

صقر مازالت عيونه على ملاك وهو يكلم مازن
بخفوت / اي اسمعك كمل ……اي ….ابشر ابشر ولايهمك ….افا عليك تخجل من ولد عمك …. خلاص ولا يهمك بكرا وهم بحسابك ….. ياولد لاتشيل هم … طيب اسمع انا ماقدر احول لك من عندي ياخذ وقت لاكن بكلم موظف عندي ويحولهم عليك ……هاه حسابك اي معي ….ابد ابد باذن الله بكرا عندك …يالله مع السلامة …..تسلم تسلم ماعليك زود …

صقر يسكر جواله ويتمدد على السرير بارتياح جاه صوت ملاك الناعم / وش يبي مازن ؟!
صقر يلف لها وهو صار على عيونة / انتي ماكنتي نايمة ؟!
ملاك تلف جسدها وجها له وتهتف بذات النعومه / لا ماني نايمه وسمعت كل شي دار بينكم ممكن افهم وش يبي؟!
صقر يقترب لها وينام على جمبه لجهتها و يركى راسه على يده ويمسح على شعر ملاك بحنو وعينه بعينها الامعه ويرد عليها بثقة / يكلمني بموضوع يخصه
ملاك تنزل عينها على يدها اللي تلعب بصدر بجامتها وتكلم بهدو / يبي فلوس صح ؟!
صقر عينه على مكان يدها اللي على صدرها وتلعب فيه تخفي توترها ورد بثقة اعمق/ اتوقع سمعتي المكالمة وفهمتي كل شي مايحتاج اعيد الكلام

ملاك ترفع نظرها لنظرة بتسال خافت / كم يبي منك؟!
صقر تنهد وهو يقترب وجهه لوجهها ويهمس / ملاك لاتسالين عن شي مايخصك
ملاك انفخت بوجهه بنفاس حاره/ اصلا انت ما تجاوبني على شي وبس تلف وتدور معي
صقر حس بانتعاش من نفختها وانفاسها العطره تلفح وجهه ورد عليها بحزم / انا رجال سيدا ماعندي لف ودوران لاكن انتي ماتفهمين تبين تدخلين بكل شي حتى اللي مايخصك

ملاك طالعته بنظره قارصه ولفت جسدها ونامت على ظهرها وعيونها على فوق بصمت
صقر يطالع تفاصيل وجها وهي رافعته حس وده يدفن انفه تحت فكها المحدد بدقه
ظل الصمت بينهم لحظات
وملاك مازالت على حالها نظرها على فوق و سرحانه
وصقر عيونه عليها وكل شي فيه ينبض لها
قطع افكارهم صوت جوال صقر خذه ورد بهدو /هلا
زين ……امممم …..طيب…..قلت لك طيب……انا اشوف الموضوع ….يلا باي
ملاك طلعت فيه وسالت باستعجال/ مازن ؟!
صقر كانت عينه على جواله من اسالت رفع عينه له بحده / ملاك لاتكثرين اساله تراك ا دوختي راسي
ملاك تزفر عليه / جيب للي شاحن لجوالي اللي طافي من امس عشان اريح راسك مني ومن اسالتي
صقر يحط جواله على الطاوله ويقترب لها وهي رجعت على ورا وكان اسرع منها وسحبها لحضنه
وهو يضحك/ هههههه شفيك خبله انتي شوي
و طيحين من السرير
ملاك بغيظ/ لاتقول خبله وبعدين انت ترا ماتفهم كل شوي لازق فيني
صقر يطالع فيها وهو مبتسم / لاتلوميني محروم للي 14 سنه
ملاك تطالع فيه ترد بنغزى/ وليش محروم وين حبيبة قلبك عنك اللي مراعي مشاعرها للحين
صقر انفجر ضاحك وهو يحضن وجهها بين يديه ويبوسها مع خدها/ يزين غيرتك زيناه
ملاك حست بخجل / اغار ؟!
صقر يطالعها بنص عين وهو مبتسم / اجل وش تسمين تصرفاتك وكلامك هاه
ملاك تعض شفايفها مع كل جهه بحرج / فضول لاكثر
صقر يحط اصبعه على شفايفها ومسح عليهم بهداوه ويهمس لها/ بسك قطعتيهم وغاري ياملاك كثر ماتبين انا كلي لك
ملاك تحس بكهرباء من كلامه وهي تغير
الموضوع / ممكن تبعد بنام وبكرا جيب للي شاحن
صقر ياشر على خشمه / على هالخشم اجيب لك شاحن وجيب لك عباية ونقاب وبعده اطلعك ومشيك
ملاك تذبذبه /امحق تمشيه وع
صقر يقرص خدها / ترا اسمعك
ملاك تبعد منه وتعطيه ظهرها / ماعلي منك لو سمعت
صقر يبتسم و يعطيها هو ظهره بعد وينام لايتهور مع هالطفلة الساحره
_________________________________


صباح جديد …

بيت نهيل اللي تسوي فطور لحصه
امل متحمسه وهي تساعد امها وتهتف بتسال/ يومه متى بتطلع حصه ولدها
نهيل تعبي ترمس قهوة وترد/ بكرا ان شاءالله
امل برجا/بروح معك للمستشفى بشوف ولدها
نهيل تحط القهوه بسله / يامك انا بروح مع عادل
امل تافف /والله خاطري اروح بكلم مازن يوديني
نهيل تطالعها/ مازن مشغول بحبيبته وزعلها
امل بتذكر / اي يومه البارح يكلمها و يترجا فيها ترجع وعيت تقول له دق على صقر وخذ منه فلوس بنسافر
نهيل تصر على عيونها/ متى هالكلام وكيف سمعتيه؟!
امل بخفوت / كان بصاله يكلم وسمعته وهو كان رافض يقول خجلان من صقر بس هي تصر عليه
نهيل تنهدت/ وتصل على صقر؟!
امل ترفع كتوفها/ مادري عاد راح ماسمعت شي

نهيل تهتف بنبرة قهر/ حسبي الله عليها حتى وملاك بعيدة ماخلوها يبون يحرجونها مع الرجال
امل بحزن / يومه ملاك من امس ماترد وجوالها مسكر ارسلت لها ان حصه والد ولا ردت
نهيل بخوف / والله نسيتها من اشتغلت بحصه ولادتها الله يستر لاجا ابوك لازم نخلي يدق ع صقر ويتطمن عليها

قطع كلامهم دخول مازن المبتسم/ سلام عليكم
نهيل وامل بستغراب من ابتسامته/ عليكم السلام
مازن مروق / في فطور حدي جيعان
نهيل تطالع الحافظات / هذا فطور مسويته لحصه تبي احط لك منه
مازن ببتسامه/ لا بروح افطر مع حصوص وبارك لها بالولد
امل تبتسم / بروح معك
مازن ياشر براسه /يلا اجهزو
نهيل تطلع جوالها من شنطه / بدق لعادل مايمر علي
مازن يطالع امل اللي راحت تركض تلبس
عباتها ويسال امه/ شلونها حصه
نهيل ترد وعينها على الجوال/ زينه الحمدلله
مازن بتسال/ وش سمت ولدها
نهيل تهز كتوفها/ مدري للحين
نهيل جاها صوت عادل بالجوال / هلا عادل ….شلونك … اقول لا تمرني بجي مع مازن انا وامل….الله يجزاك خير …طيب لا تفطر حاسبه حسابك بالفطور …..يلا مع السلامه
من سكرت نهيل ومازن يهتف بتسال / شلون ملاك ماكلمتك

نهيل تطالعه بنص عين / لا ما كلمتنا ابي ابوك يدق على صقر يتطمن عليهم اخاف فيهم شي
مازن يمسح على دقنه / لا من ناحيت هاذي تطمني البارح مكلم صقر وماعليهم ويقول ملاك نايمه
نهيل حست بحزن على بنتها تنام بعيد عن عينها وليش ما دقت وطمنتها للحين عتبانه على امها
قطع افكارها مازن اللي هتف / انا بروح لسيارة انتظركم
نهيل توقفه بتسال/ ليش دقيت على صقر وش كنت تبي منه ؟!
مازن يرفع كتفه برود/ ادور سلف عنده كل عاده
نهيل تهز راسها بقلة صبر /كيف ما ستحيت وانت داق على الرجال وهو مسافر وتطلب فلوس وش تبيه يقول اخذت بنتهم وطمعو فيني
مازن يبتسم بقصد/ وهذا الصدق طمعانين فيه
نهيل تصرخ عليه/ انت وش مخلوق منه ماعندك حساس ولا ضمير ما تهمك الا الفلوس وبس.
مازن يتجه لباب / انتظركم بسيارة
________________________________

الساعه 10 صباحا ..

فهد يوقف عند باب جناح جدته /احم ام عقاب
جاه صوتها الثقيل / ادخل يافهد
دخل وشافها على حالتها للحين واضح تعبانه حب على راسها وهو يهتف بتسال/ شلونك يالغالية
الجدة صيتة تاشر براسها/ بخير نحمدالله انت شلونك
فهد بجلس قريب لها وهو يتلفت حوليه وكانه يدور على احد ويرد بتسال/ وين الناس ماشوف عندك احد
الجدة صيته تبتسم / راحو بيت ابراهيم يباركون له
فهد يرفع حاجبه بستغراب/ على ايش يباركون له
الجدة صيته ترد بنبرة حزن / مريته حامل ويباركون لها
فهد مايدري ليش حس حتى هو بحزن ولاكن
رد بثقل/عساه مبروك يستاهل ابراهيم كل خير
الجدة صيته تطالع فيه / وانت ماتستاهل يجيك وليد ويشيل اسمك ويحفظ شيختك وحلالك
فهد يوقف / خلي المره ترجع الحين وبعدين نفكر بالعيال
الجدة صيته ابتسمت بدون شعور/ يعني في امل يافهد ترضى تجيب لك عيال
فهد يهز راسها برضا/ يصير خير يصير خير
الجدة صيته برجا/ تكفى يامك لاجت طيب خاطرها تراها ماتستاهل الهجر والله انها حبيبه و مطيعه
فهد تنهد باشتياق بصوت مسموع/ وهذا اللي يبي يخليني افكر اراضيها انها حبيبه و مطيعه على قولتك
الجدة صيته تبتسم / الله يهديك لها بس
فهد يحب راسها/ يلا تبين شي انا رايح لديوان
الجدة صيته برضا/ ابي سلامتك الله يحفظك

من طلع فهد والجدة تخطط كيف تجيب مهره للبيت عشان فهد يراضيها تعرف مهره مقدور عليها بس هو ماحد قادر فيه فكره توديها وفكره تجيبها واخر شي ابتسمت على الخطه اللي جت براسها / والله يا مهيرة لاخليه يراضيك غصبن عليه وانا اخت ناصر
___________________________

جورجيا الساعة 11 صباحاً …

ملاك تحس برد وهي تفتح عيونها بطى وتحك خدها بظافر يدها بطفولة وهي تلف مكان صقر كان خالي وتلف يمين ويسار الجناح خالي تنهدت وهي تعتدل جالسه وتهتف بملل / اف هذا وين ذلف ومخليني بروحي
تقوم ملاك وهي تمسك معدتها/ جيعانه
تقدمت لثلاجة وفتحتها اخذت لها عصير وحطته على الطاوله وراحت الحمام غسلت وجهها وفرشت اسنانها وطلعت وخذت عصيرها وجلست على الاريكا وتشرب بهدو وعينها على جوالها الطافي /ياربي اكيد امي متضايقة وتحاتي وموله و حصوص اشتقت لهم اف متى ارجع لهم بس بدل ماني مقابله المغرور اللي بس يتلزق فيني وما يستحى بعد

قطع كلامها دخول صقر اللي متجه لها
ويمشي بثقه وغرور
لابس بنطلون بالون الاسود و تشيرت داخلي
بالون الاسود بعد وعليه جاكيت طويله لركبه بالون البيج الغامق وعليها ازره سودا وجزم على رجوله
نفس لون الجاكيت بيج غامق
ورافع شعره على فوق بترتيب وجبينه القصير محدد الشعر فيه وذقنه مخففه بتدريج

اقترب لها ويده فيها اكياس مد لها الكيس وهو يهتف / هاذي عباة ونقاب جبت لك ومعطف يدفيك
ملاك تطال الكيس برود/ ومن طلب منك تختار للي شايف ماعندي ذوق مثلا ولا ماعرف اشري
صقر يحط الكيس على الطاوله قبالها وهو يجلس ويحط رجل على رجل ويهتف برود اعمق / والله عاد افهمي مثل ماتبين انا اللي علي سويته وجبت لك وفوق ذا تعبت على مالقى مقاسك
ملاك تنزل العصير على الطاوله و تخصر بيديها وتطالع فيه / وليش مقاسي وش فيه ان شاءالله
صقر يطالعها من فوق لتحت بنظرات جريئه / مميز مقاسك ومثير بعد
ملاك حست بحرج من نظراته وكلامه وتعدل بجامتها المخمل الي لازقه عليها وتهتف بهداوه / وين شاحن ؟!
صقر يطالع الكيس وياشر عليه /تلقينه هناك بالكيس

ملاك توقف باستعجال وهي تفتح الكيس وتاخذ الشاحن تحت انظار صقر لها وراحت لجوالها وحطته بشاحن ورجعت تسال صقر ويدها على خصرها بطفولة / برد برا ؟!
صقر يرفع جاكيته لها / الا موت مو برد وبس
ملاك تطالع بالكيس وتكلم بامر مثير/ طلع اغراضي بشوفهم
صقر فتح فمه بدهشه / منو يطلعهم لك !؟
ملاك تجلس وتحط رجل على رجل وترد برود / انت
صقر ماسك نفسه وهو مقهور من حركاتها و هتف لها
بحزم / اقول اعقلي وتركي الحراش عنك ترا بالنهايه بتجلسين ترجين فيني ابعد منك

ملاك حست برجفه خايفه من كلامه وهي تقوم وتسحب الكيس وتهتف بجزع / واذا ماجت مقاسي بجلس محبوسه بالفندق مثلاً
صقر يمدد يديه لفوق بتمغط وسمع طقهم ويرد عليها/ لا طبعاً تروحين وتاخذين مقاسك
ملاك تقوم وتلبس العباية بالون البيج وتطالع بصقر بصدمه /كيف عرفت مقاسي؟!
صقر يرد بخبث وعيونه عليها/ تنامين بحضني كل ليله اكيد بعرف تفاصيل جسمك تفصيلا تفصيلا
ملاك مازالت مصدومه /كيف ؟!
صقر يبتسم وهو يوقف ويتجه لها / شوفي المعطف مقاسك ولا ؟!
ملاك تنزل عبايتها وتطلع المعطف اللي بالون البيج الفاتح وتلبسه وتطالع بصقر بغيظ/ واضح انك مدقق مقاسي صح
صقر يضحك وهو يغمز بعينه / وبقوه بعد
ملاك تنزل المعطف وهي تشيح بوجهها عنه / قليل ادب
صقر اقترب منها وحضنها وهو يضحك / يحبي لك يابنت
ملاك تحرك بين يديه / بس ارحمني صقر كل شوي وانت كاتم على انفاسي
صقر يبوس خدها وهو يبتعد متجه لحمام / خليك جاهزه بنلحق نفطر مافي وقت
_________________________________


بالمستشفى عند حصه مازن جالس عندها ويفطر معها وامل عند سرير الطفل وكل شوي تبوس فيه
و نهيل كل شوي تزفها/ امل ذبحتي الورع توه صغير على البوس
حصه تبتسم بتعب/ تكفين يا امل ترا ماجا بساهل كانت بتطلع روحي
نهيل تمسح على راسها بحنان / لك اجر يامك ويرزقك الله بره
مازن يبتسم / عاد وش بتسمونه يا حصوص
حصه تهتف بحيرة / والله مدري عن ابوه قال اذا ولد انا واذا بنت انتي
نهيل تهز راسها برضا/ اي زين كذا خلي يسمي مثل مايبي
امل تقترب لهم وتجلس / سميه مؤيد والله حلو
نهيل تكشر / وش هالاسامي الغريبه لا سميه محمد عبدالله اسما نعرفها
مازن يضحك/ امي من حريم اول
نهيل تطالعه بنص عين وترد بنغزى/وشفيهن حريم اول احسن من حريم الحين اللي تبي زوجها يسفرها حتى لو يتسلف ولا يشحذ اهم شي تستانس
مازن تنحنح بحرج / اي على طاري السفر ترا عندي سفره هاليومين
حصه بتسال/ وين بتسافر ؟!
مازن يطالع امه /جورجيا
نهيل بصدمه / بتلحقون الرجال ومرته
مازن يهز كتفه / والله عاد بنغير جو حالنا من حالهم
امل باستعجال/ خذنا معك تكفو يامازن
مازن بتنهد/ والله مامعي شي يامل ليت فلوسي تكفيني

حصه تطالع امها اللي سكتت بغيظ من تصرفات ولدها وهتفت حصه لمازن بتسال/ ليش كم معك ؟!
مازن يرد بهدو / عشر الاف بس
نهيل باستغراب/ ماتقول تسلفت من صقر ؟!
مازن ياشر براسه / اي بس استحيت لاطلب منه اكثر من عشر الاف
حصه بحنيه/عاد بتكفيكم تذاكر و سكن و تمشيه
مازن بقلة حيله /وش اسوي بروح يومين ورجع
نهيل بتقصد/الا قول عندنا صقر هناك يتكفل فيكم صدق انكم ماتستحون لا انت ولا مرتك
مازن يقوم / عاد افهموها مثل ماتبون وتراه ولد عمي قبل لاياخذ بنتكم
نهيل تطالعه /وبنتنا ماهي بختك
مازن يتجهه لباب / انتظركم بالسيارة
نهيل تطالعه لين طلع وتهتف لامل بامر /روحي مع اخوك للبيت انا بجلس عند حصه
امل تقوم بضيقة /حاظر يومه

طلعت امل وحصه هتفت لامها ب محاتات /يومه مازن ماكان كذا معقوله قدرت تغيرة علينا بالسرعه
نهيل تهز راسها باسا من ولدها/ اي قدرت عليه ومازن ماهمني خلاص اللي همتني اختك المسكينه والله مايجون منها الا هم حارقين قلبها اعرفهم عدل
حصه تهتف بتهدئة / لاتفكرين كذا ولا تشيلين هم ملاك قويه وتاخذ حقها
نهيل بحزن / ماهي قادره عليهم و معهم صقر اللي ماهو واقف ضد اخته عشان ملاك ماهو مثل الخبل اللي عندي
_________________________

ام ماهر تنادي /مهره يا مهره افتحي الباب تكسر وهو يطق
مهره تطلع من الحمام بعد ماخذت لها شاور وعلى راسها فوطه لافتها وتجه لباب /مين ؟!
ام طلال /عمتك ام طلال افتحي
مهره تفتح بترحيب /حياك الله
ام طلال تدخل وهي تسلم عليها /شلونك وشلون امك وماهر
مهره تسكر الباب وهي ترد/بخير نحمدلله ادخلي ياعمه بجلس الضيوف بنادي لامي وجيب القهوه
دخلت ام طلال وجلست وشوي وجتها ام ماهر ترحب /يالله تحييها
ام طلال تقوم وتسلم عليها/الله يبارك فيك شلونك ياوخيتي عساك طيبه
ام ماهر تاشر لها تجلس/ارتاحي بخير انتي شلونك شلون عيال
ام طلال تجلس وهي ترد على ام ماهر اللي جلست قريبه لها /ماعلينا بخير ونعمه انتي علامك ماتسيرين ولا تمرني
ام ماهر بضيقة /والله اني انشغل يام طلال ولا انتم لكم حق
ام طلال تدخل بالموضوع/ اسمعي يام ماهر ترا عيالي يسالون عن بنت عمهم يقولون للحين وهي بيت امها ولا نرد وش السبب كان محتاجين تدخل ولا شي ترا عيالي مثل عيالك
ام ماهر بموده /والله ان عيالك عيالي يام طلال بس بنتي جالسه بيت ابوها ومافيها الا العافيه لا يشيلون هم
ام طلال بحرص/ بس الناس ماتقول كذا يام ماهر والله ان عيالي ماهو راضين بالكلام اللي ينقال عنها
ام ماهر بستغراب/ليش وش يقولون الناس !؟؟
ام طلال تهتف بخفوت /. يقلون ان فهد قاطها على امها ولا يبيها وسمعو انه بديوان يقول يبي يتزوج من بنات الشيوخ وهي ماتناسب مقامه
ام ماهر بقهر /الله يقطع لسانهم اللي مايخافون الله ماخلو احد بحاله
ام طلال بقلة حيله/والله هذا كلامهم وانا اختك وان ماحنا راضين عليها ابد

مهره دخلت وبيدها صينية القهوه وعيونها غارقة بالدموع من سمعت كلام عمتها وهي تحط القهوه وتطلع بركض
ام طلال تطالع ام ماهر بحرج /لايكون سمعتني
ام ماهر تهز راسها بالم / اي شكلها سمعت
ام طلال بفشيلة /يويلي يا فشلة وهذا وعيالي موصيني ماقول عندها شي ما يبونها تنجرح
ام ماهر تقوم /ماعليه ماعليه هذا المكتوب بروح اشوفها


عند مهره اللي انفجرت بالبكا وهي تشد شعرها بقهر وتهتف لنفسها بالم /خاين خاين الله لايوفقك يافهد كانك ولعتني فيك ورميتني رميت الكلاب ولا سالت عني انا اللي ماناسبك انا اجل تبي بنت شيوخ من مقامك ليش تجي وتزوجني من الاول ليش
ام ماهر تدخل عليها وتحضنها/هدي يامك هدي
مهره تصرخ /ابيه يطلقني غصبن عليه يبي يعلقني باسمه وهو يتزوج ويستانس بحياته
ام ماهر تهديها /ان الكلام طلع صحيح والله لاخليه يطلقك لو اظطريت اطلع من الديره بكبرها
مهره تنتفض من البكا /ذبحتي ذبحني ماكفاه اللي سواه فيني وش يبي اكثر وش يبي بفهم بفهم
ام ماهر بجزع /لاتقولين كذا اهدي اهدي ماهو زين عليك انتي صحتك ماتحمل تكفين يامك اهدي

مهره تبكي بصمت وهي تضم نفسها وتشد عليها وتغرس اظافرها بكتوفها بالم وقهر من غير لاتحس
_______________________________


-/البارت الحادي والخمسون /-


رواية ريح المطر (للكاتبة شغف
ادعو لوالدي برحمة والمغفرة..

توقيت المغرب بجورجيا ….

في متا تسميندا بارك ……

كانت ملاك تحتضن نفسها من البرد
معن لبسها دافي وعليها معطف اللي جابه لها صقر
بس من شدت الثلوج خلتها ترجف
وهي تطالع بالعالم والناس عالم ماعمره مر عليها
هي حدها مكه وترجع لديرتها
كانت ناسيه وجود صقر اصلا وهي تطالع بالمناظر وتمنى بداخلها ان امل وحصه وامها معها ويشوفون اللي تشوفه

ارتجفت ملاك وهي تحس بنفاس صقر الدافيه عند اذونها وهمسه الدافى / كيف الجو اعجبك ؟!
ملاك ترد من غير لا تناظر فيه/ عادي
صقر مازال يهمس/ لو كان عادي مثل ماتقولين ماكان عيونك حولت من كثر ما تقلبين فيهم يمين ويسار
ملاك تحط عينها بعينه / اشوفك مدقق علي بدال ماتطالع الناس والمناظر جالس تطالع فيني ؟!
صقر يحتضن كتوفها ب عضده ويقربها له / وانا وش ابي بالناس وانتي معي
ملاك تهز كتفها تحاول تبعد عضده /ممكن تشيل يدك حنا مكان عام مو بالفندق
صقر يرد بثقة / من ناحيت هاذي لاتحاتين متعودين الحين يمرك واحد وهو شايل حبيبته بين يديه وماحد حتى يطالع فيه
ملاك تطالع فيه بدهشه/انت وش تقول؟!
صقر يضحك / شفيك عادي عندهم تبينهم يطالعون فينا احنا على حركه مثل هاذي ؟!
ملاك مازالت مدهوشه /اجل كيف يطالعون فينا

صقر يبتسم بخبث وهو يقرب شفايفه عند اذنها ويهمس لها بذبذبة
خلت ملاك تدفه بعيد منها بخرج وتمشي مسرعه قدامه
وصقر يلحقها وهو ميت ضحك وينادي عليها/ يخبله وقفي امزح معك والله امزح
ملاك توقف وتكلم من غير لاتطالع فيه /قسم بالله كان ما احترمتني لارجع الفندق وطلع انت تمشى بروحك
صقر ماسك ضحكته وهو يهتف لها بتهدئة /خلاص والله بصير عاقل
ملاك تطالع فيه بنص عين /انت تصير عاقل؟!
صقر يغمز لها بلعانه / شكلك ماتبيني اعقل اعجبك كلامي
ملاك حطيت كفوفها على عيونها و تغطيهم و تهتف له بحرج /حقير
صقر يحضنها وهو يضحك / اه ياولد مطلق والله انك رحت وطي
ملاك تهمس له / صقر خلاص
صقر يبتعد من حضنها وهو يمسك كفها بكفه ويسحبها معه /خلاص والله بسكت تعالي خلي نركب تلفريك
ملاك تمشي معه وهي تحس بحراره بجسدها من جرائته وكلامه
___________________________________

الساعه 9 مساء بالسعوديه

عند مهره اللي مازالت تبكي من العصر لين الحين ودموعها مانشفت مجروحه لابعد حد من فهد
قررت ماراح تسكت له اكثر من كذا ضعفها خلاه يتقوى عليها و يرخصها برخص من الرخص
قامت وغسلت وجهها

ودخل على امها اللي جالسه وتقرا قران ومن سمعت بحركت بنتها تجلس قريبه لها سكرت القران وحطته فوق الطاوله وهتفت بتسال ام ماهر / شلونك الحين
مهره ترفع راسها لامها اللي انتفضت وهي تشوف وجه بنتها مورم من كثر البكا وتحضن وجه مهره بين يديها و تعاتبها / ليش تسوين بنفسك كذا ليش
مهره نزلت دمعه حاره على خدها / ابي الطلاق يومه تكفين قبل يتزوج ويكثر الكلام الناس علي ابي ارجع من كرامتي لو شي بسيط اقل شي يقولون انها هي اللي طلبت الطلاق
ام ماهر تهز راسها برضا/ ابشري انا بكرا اروح لام عقاب وعلمها وهي تفاهم مع ولدها
مهره باستغراب / جدتي ما مرتنا اليوم ولا اتصلت علينا معقوله تكون تكون عارفه بفعل فهد وساكته !!
ام ماهر بجديه / وهي قادره عليه يامك انتي ادرا بالحال هذا هي تزعل عليه عشانك بس وش تبينها تسوي اكثر من كذا
مهره تهز راسها بحزن /صادقه والله ماحد يقدر فيه الا ربي ياخذ حقي منه ويوريني فيه عجاب قدرته
ام ماهر تمسح عليها با مومه /خلاص يامك روحي نامي و ارتاحي وانا من الصباح بروح لها وتفاهم معهم
مهره تقوم وهي تاشر براسها برضا / تصبحين ع خير
ام ماهر ترد بحنان / وانتي من اهل الخير

من طلعت مهره وام ماهر تنفجر باكيه بصمت
على حال بنتها وضعفها
وهي عاجزه عند الدفاع عنها وعن المحاماه لها
فهد ماحد يقدر فيه ولا يوقف بوجهه احد
حتى عيال عمها تعرف ماراح يقدرون فيه
وبنتها تنظلم قدامه ونهان وهي ما بيدها شي
____________________________

فهد يرجع البيت لاول مره بدري
حده مرهق من ضغط الشغل وضغط النفسي
اتجه على جدته يبي يطمن عليها
طق الباب وهتف بخشونة / ام عقاب
طلعت حسنا وهي تغطي وجها بجلالها /حياك يابو عقاب ادخل
فهد بتسال / وشلون امي عسا ماهي تعبانه
حسنا بحترام / لا الحين اشوى جت ام شامان اليوم و طمنتنا انها بخير
فهد يهز راسه /زين الحمدلله والحين عندها احد!!
حسنا ترد وهي تبتعد عن الباب / لا بروحه ادخل
دخل فهد واتجه لجدته وحب على راسها/يمسيك بالخير
الجدة صيته تطالع فيه با مومه /يمسيك بالنور والسرور
فهد يجلس قريب لها وهو يحضن كتوفها
بذراعه / شلونك الحين
الجدة صيته تطالع بحسنا اللي واقفه عند الباب وترد بموده /انا بخير والحمدلله وام نواف طمنتك الحين سمع اذني
فهد يطالع حسنا / الله يحزاها خير
حسنا تهتف لهم بحترام /تبون شي اجيب لكم
الجدة صيته تطالع بفهد / تبي شي يامك تعشيت
فهد يرد عليها بحنو / اي تعشيت ومابي الا سلامتك
حسنا تطلع وتسكر الباب والجدة صيتة ترفع معصمها وتطال بالساعه بستغراب/ كانك جاي بدري اليوم عسى مافيك شي
فهد يبعد يده من كتفها و يتنهد / مافي الا العافيه بس جيت بريح من الشغل شوي
الجدة صيته تطالع بملامحه الوسيمة / الله يحميك ويحفظك من كل مكروه
فهد يحب يدها وهو يوقف / ويطول بعمرك الحين بروح انا تبين شي
الجدة صيته بموده /ابي سلامتك

فهد اتجه لباب وقف كانه تذكر شي ولف لها
منادي /ام عقاب
الجدة صيته كانت منزل راسها وتسبح ومن سمعته ينادي رفعت راسها / امر يامك
فهد رجع و قترب لها وهو ينحنى ويسالها/ ما كلمتي مهره ؟!
الجدة صيته ترد عليه بستغراب/ لاوالله ماكلمتها للحين ليش؟!
فهد تنهد وهو مازال منحني /متى بتكلمينها
الجدة صيته تهز كتوفها / هاليومين واكلمها
فهد يرفع نفسه واقف وهو يسحب له نفس/ ام عقاب كانك ناويه تكلمينها استعجلي يومين كثير
الجدة صيته ببتسامه واسعه/ كانك مانت قادر تصبر عنها
فهد يرفع حاجبه وهو يهتف بنبرة خاصه / بكرا ابيها عندي
الجدة صيته ترد براحه / ابشر ابشر بس عاد انت لاجت الله الله فيها ماهو تصدها
فهد يتجهه لباب /انتي خليها تجي بس
الجدة صيته تطالع فيه وهو طالع وتضحك / يوه والله انك مانتي بسهله يا مهيره جبتي راس الشيخ بكبرة

__________________________________

بيت ابو صالح …

وفاء كانت تجهز شناطها بحماس
وهدى تطالع فيها بتسال/ هاه قررتو خلاص
وفا تبتسم / اي بكرا طارتنا ان شاءالله
هدى تضحك /و لايكون بتهجمون على صقر ومرته
وفا بتطنز /اخوي عادي لو رحنا له والله والمره عاد تراها ملاك خابرينها وخابرتنا
هدى مازالت تضحك / قسم لا يطردكم صقر وتذكري كلامي هو بيستانس مع ملاكه وانتو تبون تزعجونهم
وفا تهتف بقهر / انتي ماعندك بيت ورجال ليش ماتروحين وانتي بس تبربرين على راسي
هدى تقوم /الشره علي انصحك بس كيفكم انا بروح اجلس مع امي شوي قبل اروح بيتي
وفا توقفها بتسال / ام منهد وبنتها وينهم ماشفتهم اليوم ؟!
هدى تجاوبها / راحت عند اهل ابو مهند بيجلسون سبوع هناك

طلعت هدى و وفا تهز راسها وهي تكمل ترتيب اغراضها شوي ورن جوالها رفعته وهي
تبتسم /هلا حبيبي
مازن دايخ /قلبي انا شلونك
وفا تجلس على السرير /طيبه وجالسه اجهز شنطي
مازن يبتسم / حتى انا جهزت شنطتي وترا رحلتنا الساعه 8 الصباح نامي بدري
وفا بحماس /يعني العصر وحنا بجورجيا
مازن يبتسم لحماسها / اي وابي افر فيك كل مكان
وفا بتميع /ربي ما يحرمني منك
مازن ينهي الاتصال /ولا منك ويلا بنام
وفا توقفه /مازن
مازن يرد /عيونه
وفا بتميع /نبي نفس الفندق اللي حاجز فيه صقر وملاك
مازن تنهد / اخاف يكون غالي
وفا بذكاء/عادي لو غالي ندفع ليلة والباقي يتكلف في صقر لا صرنا قراب له راح يكرمنا مو بس السوسه اختك تبي الحلال لها بروحها
مازن صدع راسه /طيب طيب باي
وفا /باي

سكرت من مازن وهي تخطط على ملاك
عدوها الدود هي ملاك تكرها كره العمى
وملاك تبادلها نفس الشعور ماهي اقل شر من وفاء
بس الفرق بينهم وفاء تخطط وتحيل
ملاك ما تخطط ولا تحيل ماشيه سيدا بس حقها تاخذه بالقوه و عوبا
_________________________________

الساعة 10 ونص بجورجيا …

صقر وملاك يدخلون ارقى مطعم بمدينة تبيلسي
و طلب له غرفة خاصه عشان ملاك تنزل
نقابها وتاخذ راحتها
دخلو الغرفة وجلسو متقابلين وبينهم
طاوله الطعام الانيقه
و ملاك نزلت نقابها وعيونها تطالع على ديكورات المطعم الراقيه
وصقر عيونه عليها اشتاق لملامحها
من الظهر ماشافها طول الوقت بنقابها

سالها صقر وهو يوقف وينزل جاكيته / وش تبين تاكلين
ملاك تطالع فيه كيف بانت عضلات صدره مع التشيرت الاسود وردت بهدو /عادي اي شي
صقر يجلس قبالها وعينه عليها وهتف
لها بهتمام/ كانك تعبانه مو؟!
ملاك اللي واضح فعلا عليها الارهاق ترد /لابس نعسانه
صقر يردف بهتمام اعمق / الحين تاكلين لك شي دافي ونرجع للفندق وتنامين

صقر نزل راسه لمنيو اللي بيده ويختار لهم اطباق
و ملاك تنزل شيلتها وتفتح شعرها وتلمه من جديد
صقر رفع نظره لها وكان فاتح فمه يبي يتكلم
بس سكت وهو يشوف منظرها
وهي تلف شعرها الطويل الاسود الناعم
على فوق كله وتنزل منه خصل ناعمه على خدها
وملاك بعد ماخلصت منه رفعت بتحط الشيله عليه بس وقفها صوت صقر الثقيل / خليك كذا
ملاك رفعت نظرها له وصدمت من نظراته لها
ارمشت بعيونها وهي ترد بتسال/ كيف ؟!
صقر يبلع ريقه وهو يهتف لها بامر /خليك كذا لا تلبسين الشيلة
ملاك تقطب حواجبها وترد بعناد /كيفي اخليها ماخليها انا حره

صقر يقوم متجه لها وهي من شافته قام انكمشت على نفسها بالكرسي وهتفت برعب /وش تبي !؟
صقر حضن وجهها بين كفوفه وانحنى وباسها
مع شفايفها بهدو وهو مستغرب من استلامها
له ولا تحركت ولا دافعت عن نفسها
وكنه عاجبها دفاه لها وماتبي تغيرة
وبحركتها هاذي خلت صقر يطول بالبوسه
وكانه نسى المكان اللي هو فيه

قطع عليهم جوهم صوت طق على الباب
وملاك انتفضت من غيبوبتها وبعدت وجهها منه
وصقر بنفسه يلعن اللي يطق
وراح وفتح وهو يصارخ عليهم بعصبيه
وبلغتهم اللي مافهمت من كلامه ملاك شي
رجع صقر لها وسكر الباب وعيونه عليها
وهو يقترب لها ويهمس/نرجع الفندق
ملاك طالعته بحده / صقر وش اتفقنا عليه
صقر تنهد وهو يرفع راسه لفوق ويهتف بزفرة/ لامتى ياملاك لامتى
ملاك ترد برجا عميق / صقر ارجوك احترم رغبتي
صقر ينحنى و يحط يده على الطاوله وهو يتنفس بسرعه وجهه قريب لوجها /وانا من يحترم رغبتي مين قولي للي مين
ملاك توقف وهي معصبه من تصرفاته/ رجعني الفندق ورجع انت تعشا بروحك
صقر يعتدل واقف و يحط كفه على كتفها ويرجعها جالسه بهدو ويهتف بحزم / نتعشا سوى ونروح سوى

ملاك تشيح بوجها عنه وصقر يطلع ويطلب
لهم عشاء شوي ورجع وهو يهتف بامر /غطي وجهك
ملاك تلبس شيلتها وتغطي وجها
وهي تطالع بالطاوله اللي امتلت من انواع الاطباق
دخل صقر وسكر الباب وجلس قبالها
وملاك نزلت الغطا عن وجهها وهي تطالع فيه
بتسال / ليش كل هذا ماراح ناكله ؟!
صقر يرد من غير لا يطالع فيها/ عادي اذا ماكلنا هم ياكلونه
ملاك تهتف بغيظ / يعني الحين انت بتفهمني انك زعلان !!
صقر رفع نظره لها وهو يهتف برود /يهمك يعني ؟!
ملاك ترفع كتوفها وترد بدلع /ليش لا

صقر ضاعت علومه وهو يطالع فيها وقلبه يدق بقوه
و ملاك تسب نفسها على التسرعها
الحين وش يبي يفهمه انها طلعت منها بعفويه
ارتبكت من نظراتها وهتفت له بخفوت / تراي جيعانه وخلني اكل من غير لا تبحلق فيني
صقر اخذ نفس لتهدئة نفسه وهو ينزل عينه على الاكل ويرد عليها بحراره / اكلي ياملاك اكلي
ملاك تاكل من الباستا اللي قدامها
وهي كل شوي ترفع عيونها وتطالع فيه
وترتبك من نظراته الحاره لها
صقر كل شوي يرفع يطالع فيها
ويبي يشبع منها هي وماهو من الاكل اللي قدامه
وكل مارفعت عينها و طالعت فيه نزل عينه يبيها تاكل لانه يشوف توترها من نظراته وعضها على شفايفها
كل شوي

بعد ما خلصو من العشاء دفع صقر الحساب
و باقي اطباق ماحد اكل منها
كلن بعالمه هو نسى الاكل
وهي نظراته لها خلتها ماتاكل شي
ركب السيارة الخاصه فيهم وهو قريب لها
و يتكلم مع السواق اللي قدامهم
ورجع نظره لها بتسال/تبين شي قبل نطلع الفندق
ملاك تهتف له بخفوت من غير ماتطالع فيه / ابي شي واحد بس
صقر يقطب حواجبه / انتي تامرين امر وش اللي تبينه مول كوفي اللي تبين
ملاك تفرك يديها بعض وهي ترد بذات خفوتها/ رحت بعيد
صقر يرفع حاجبه وهو مستغرب منها / اجل وش تبين

ملاك تاخذ نفسه خايفه من انفجاره عليها وتكلمت بتردد/امممم ابي تعيد الوعد بينا
صقر شد على اسنانه وهو ياخذ له نفسه يحاول يهدي من عصبيته و يهتف بحزم/ وليش الوعد الاول ماكفاك ؟!
ملاك ترفع نظرها له وتهتف بنعومه/ لا ماكفاني وابي وعد ثاني
صقر يقترب لها ويهمس عند اذنها بتسال/ خايفه ؟!
ملاك انتفضت من قربه وهي ترد بصدق /اي واكثر من ما تتوقع بعد
صقر مسح على ظهرها بحنو وهو يهمس
لها بتهدئة/ لاتشيلين هم والله اني عند وعدي لك
ملاك بعناد طفولي / طيب اوعدني
صقر هتف لها بامر / ارفعي راسك وطالعيني عشان اوعدك
ملاك ترفع راسها وتحط عينها بعينه / يلا اوعدني
صقر انحنى وباس عينها / وعد ياملاك وعد ماخذ منك شي الا برضاك
ملاك تلف وجهها عنه بصمت
وهو يلف وجهه عنها بصمت اعمق
_________________________________


الساعة 12 مسا ..

و فهد من الساعه 9 وهو يتقلب بسريره
كان جاي يبي يرتاح ويريح راسه
بس مفارقه الراحه وهو يفكر فيها
خلاص اعترف لنفسه انه ماهو قادر يصبر اكثر من كذا يتوقع لو تواجه الحين وتطلب ايش شي منه
راح يوافق بدون تردد بدون تردد
اهم شي تملي حضنه اللي فضى منها
تنهد وهو يقوم وياخذ الكاس ويصب من جيك
الماء اللي على الطاوله
ويرفع الكاس ويشربه دفعه وحده يبي يطفى
على الحراره اللي بصدره

فهد ينزل الكوب وهو يهتف لنفسه بتوعد / والله وبعالي سماه لاغير ترجع غصبن عليها اجل انا رجال طول وعرض ماني بقادر انام ولا ارتاح ولا افكر بشغلي كله منها منها وش سوت فيني وش سوت
_________________________________

عند نهيل اللي تهز رجلها بتوتر وتنظر ابو ماجد
اللي كان نايم عند ام ماجد ودقت عليه يجي بسرعه

دخل ابو ماجد وهو يتسال بخوف /شفيكم صاير فيكم شي
نهيل تقوم وتهتف له برجا /طالبتك ياطالب تدق على صقر وطمني على بنتي
ابو ماجد يطالع بالساعه اللي بمعصمه ويهتف بعصبيه /انتي انهبلتي جايبتني من فراشي وتقولين دق على صقر باخر اليل
نهيل تبكي / ياطالب بنتي فيها شي انا متاكده
ابو ماجد بخوف /شفيك يامره وش صاير لك
نهيل تشاهق /حلمت فيها يويلي قلبي يتقطع والله مايصبح علي الصبح كان ماتطمنت عليها والله لاموت
ابو ماجد يهز راسها /لاحول ولاقوة الا بالله وكان الرجال نايم الحين
نهيل بجزع /مايهمني انا بكلم بنتي ماهو هو
ابو ماحد يطلع جواله ويدق على رقم صقر لارد …
________________________________

بجورجيا الساعه 1 مساء

كانت ملاك رايحه بنومه عميقه من التعب
والفرفره طول اليوم وحتى نست تفتح جوالها
تبي بس تنام وترتاح
و صقر لابس له شورت بدون تيشيرت عشان الجناح دافي و سبيلت شغال على الحار
و كان جالس على الاريكه وقدامه الاب توب ويشتغل على مشروع جديد ومهم كثير
و الاضائة عنده شغاله الابجورة
ومن عند السرير كل الاضائه طافيه

صقر رفع راسه وهو يحرك رقبته يمين ويسار لين طقت لفت انتباهه اضائة عند السرير تاشر عرف انه جواله اللي حاطه ع صامت قام ورفع الجوال وانصدم من المتصل وعينه راحت بسرعه
على الملاك اللي كانت نايمه
وبياضها يشع مع الظلام وفمها الصغير مسكرته ورموشها الطوال مغطيه عينها النايمه

صقر تنهد وهو يرد بنبرة توجس / هلا عمي
ابو ماجد بحرج /هلا صقر شلونكم عساكم طيبين
صقر يرفع حاجبه باستغراب / حنا بخير انتم اللي شلونكم
ابو ماجد مازال منحرج/ طيب طاب حالك ملاك شلونها
صقر يرجع نظره لملاك ويرد على عمه بتسال/عمي فيكم شي تكلم لاتلف وتدور معي
ابو ماجد تنهد /مافينا شي و انا ادري انه ماهو وقت مكالمه والناس نايمه بس وانا عمك ام مازن ازعجتني تسال عن بنتها
صقر يرد بغرور مثقل / وتو تسال عنها كان دقت بالنهار وسالت عن بنتها
ابو ماجد باعتذار /العذر والسموحه منك وانا عمك بس هي تقول حلمت فيها حلم وقامت مفزوعه
و شغلتنا تبي تكلمها
اخذت نهيل الجوال وهي تهتف بتسال صارم /ملاك عندك عطني بكلمها
صقر يرد بكبرياء منرفز / لا نايمه ملاك وكان بتكلمينها يا ام مازن دقي بالنهار وكلميها
نهيل تزفر بقهر / وليش طيب ماتدق علي وتكلمني من كم يوم هي فيها شي وين جوالها
صقر ينهى الاتصال بصرامه /لا كلمتك اساليها والحين انا بنام وهي نايمه
ملاك بمقاطعة حازمه /عطني اكلم امي ياصقر

صقر لف لها بصدمه ماكانت نايمه كيف صحت
ملاك اللي انزعجت من الصوت وصحت
وسمعت نص كلامه ارتفع ضغطها من اسلوبه
مع امها وماقدرت تحمل اكثر من كذا
قامت متجهه له وهي تسحب الجوال من يده وتنظر له نظره قارصه وتر على امها /هلا يومه
نهيل غصبن عليها بكت والافكار تاخذها ان صقر محرمها منهم وساحب جوالها منها /ملاك يامك شلونك ليش ما تكلميني فيك شي
ملاك تطالع بصقر اللي واضح عليه الثوران من تصرفها بس ماسك نفسه ينتظرها تخلص مكالمه
وترد على امها بهدو رغب البركان اللي داخلها /يوم انا بخير ليش الصياح
نهيل تحلفها /احلفي انك بخير احلفي انا اعرفك لا حلفتي ماتكذبين
ملاك بموده / والله والله اني بخير
نهيل ردت عليها بتصديق رغم عدم الراحه /طيب وليش ما تكلمينا وجوالك ليش مسكر!!
ملاك توجه نظرها لجوالها اللي ناسيته على طاولة البلازما وترد على امها بحرج/ اممم نسيته على الشاحن
نهيل تنهى المكالمه /خلاص يامك مابي اطول عليك بس بكرا كلميني ظروري
ملاك تهز راسها وعيونها على صقر اللي يناظر فيها بتوعد / ان شاءالله تصبحين ع خير

سكرت الجوال ومدته لصقر اللي صرخ فيها
بانفعال /كيف تمدين يدك وتسحبين الجوال مني وانا اكلم !!
ملاك بانفعال اعمق / وانت كيف تكلم امي بالطريقه هاذي وكانك تكلم ممرضه تشتغل عندك ؟؟
صقر رد بغضب ملتهب وهو بحط اصبعه على راسه من جنب بغرور /كيفي اكلمها مثل مابي ماهو شغلك فاهمه
ملاك ترمي جواله على السرير بعصبيه / احترام اهلي من احترامي ياصقر وبذات امي امي
صقر يسحبها مع معصمها ويلفها لين صار ظهرها لازق بصدره العاري اللي يرتفع وينزل من الغضب
وهو يردف عند اذنها بصوت عالي / لا تحديني اتصرف معك تصرف مايرضيك

ملاك سكرت عيونها من صرخته عند اذونها وتعض على شفايفها من الام معصمها وهي تهتف له
بسكون /بتمد يدك علي مثلاً !!
صقر مازال يرجف من الغضب / اي واكسر لك راسك بعد
ملاك صمتت وهي تحاول ماتكلم عشان ماتبين نبرة صوتها الباكية
صقر استغرب من سكوتها وفك كفه من معصمها بهدو و يطالع فيها كيف انسحبت منه بسرعه ودخلت بالفراش و تغطت بالكامل

صقر شد على كفه بقهر وهو يمسح على جبينه
بكفه الثاني وكانه يتهيا له يحس بعرق
مد يده واخذ جواله من السرير
وعينه على الفراش وقلبه على اللي داخل الفراش
ابتعد ورجع جلس على الاريكه وكمل شغل وكل
شوي يرفع نظره لسرير يبي يلمح شي منها يبي يرتاح بس عاجز عاجز عن الراحه
_____________________________



-/البارت الثاني والخمسون /-

رواية ريح المطر (للكاتبة شغف
ادعو لوالدي برحمة والمغفرة..

صباح جديد الساعه 10 ونص

عند الجدة صيته اللي تقوم وطلعت بصاله و ماشافت الا حسنا ونوف بنتها اللي فزت وحبت على
راسها/صبحك بالخير ياجدتي
الجدة صيته تبتسم /يصبحك بالنور والسرور
نوف تساعدها تجلس وهي تهتف لها /من اليوم
اقول لامي بصحيك وتقول لا انتظري لين هي تصحى
الجدة صيته تبتسم / ياربي مايحرمني من زولك يابنت ناصر
حسنا تضحك /شلونك ياعمه
الجدة صيته ترد بارتياح /بخير يالله لك الحمد

طق
طق
طق
الجدة صيته تطالع بنوف /روحي شوفي من يطق الباب
نوف تقوم متجه لباب /ابشري
الجدة صيته تسال حسنا / فاطمه وبناتها وينهم ؟!
حسنا تبتسم /خذو فطورهم وراحو لبيت ابراهيم
الجدة صيته تهز راسها باسا/الله يعين المسكينه عليهم
دخلت نوف ومعها ام ماهر اللي اقتربت من الجدة صيته وسلمت /سلام عليكم
الجدة صيته ترفع راسها بصدمه وهي تفكر كيف خطتها خربت وجت ام ماهر قبل لا هي تتصل فيهم وتجيبهم وردت بهدو / هلا عليكم السلام
حسنا بترحيب /يالله تحييها
ام ماهر تجلس قريب للجدة صيته وترد بحترام /الله يبارك فيكم
الجدة صيته بتوجس/مهره شلونها
ام ماهر تطمنها /ماعليها بخير وشفناك ما مريتي ولا اتصلتي قلت حنا نمر ونسلم
الجدة صيته /كان صبرتي شوي كنت بتصل عليك ابيك بموضوع
ام ماهر قرصها قلبها و افكارها تروح بعيد/ ليش وش صاير ؟!
الجدة صيته تقوم /ماصاير الا كل خير بس الحقيني بغرفتي

ام ماهر تطالع بحسنا بتسال خافت /عسى مافيكم شي
حسنا تبتسم / والله علمي علمك بس روحي شوفيها
نوف بحترام /وتعالي تقهوي يام ماهر لا خلصتي
ام ماهر تقوم متجهه لجناح الجده /ان شاءالله

دخلت ام ماهر شافتها جالسه على الاريكا وتنادي عليها /تعالي اجلسي
ام ماهر تجلس وهي تسال/ عسى خير
الجدة صيته تبتسم/ مافي الا الخير ارتاحي انا كنت بدق عليك ابيك تجين انتي ومهره عندي عشان نحل موضوعها مع فهد
ام ماهر بجزع / افا يام عقاب تبينها تجي له بنفسها وهو ناوي يخطب عليها ترضين لها اذل
الجدة صيته بصدمه/منهو اللي ناوي يخطب ؟!
ام ماهر بحزن / ولدك فهد والكل يتكلم ويقول بياخذ بنت شيوخ مهره ماهي بمقامه
الجدة صيته تنفس بقهر /يخسي اللي يتكلم عن بنت ناصر اللي تسوى بنات الشيوخ وفهد الحين انا اتفاهم معه

ام ماهر بنبرة بكا/ تكفين يام عقاب مانبي منه الا بس يطلقها ويطلق سراحها وهو الله يوفقه كان مايبيها ماهو بغصيبه
الجدة صيته بالم حاد / البارح يقول جيبيها للي ويبي يراضيها وش غير رايه
ام ماهر بدهشه /هو قاله لك ؟!
الجدة صيته تشرب من الما تبل ريقها اللي نشف من القهر / اي قاله بس اسمعي يا ام ماهر انا بتصل عليه الحين وخلي يجي وتفاهم معه كانه صحيح ناوي يعرس عز الله لاخليه يطلقها غصبن عليه لو اتقاطع انا وياه طول عمري وكان الكلام اللي سمعناه كذب اتصل فيك وتجيبين مهره ونحل السالفه بينهم

ام ماهر بعدم اقتناع/ كيف اجيبها ولاهي جايه عشان يرضيها لو بيرضيها جاها بيتها وحط لها كرامه
الجدة صيته تهتف بهتمام / لها كرامتها ويرضيها باللي تبي بس وانا اختك هو ما ينقدر فيه مهره اهون منه
ام ماهر تقوم / اجل كلميه وشوفيه وردي علي طمنيني
الجدة صيته تاشر براسها برضا/ابشري
________________________________


بطيارة مازن يهتف لوفاء بخفوت /ترا ماكلمت صقر للحين
وفاء بجزع /وليش ما كلمته عشان يحجز لنا
مازن بحرج /استحيت منه
وفاء تنهدت /من نوصل المطار اتصل فيه وقل له يحجز لك
مازن يهز راسه /يصير خير
وفاء بتسال /كم باقي على الوصول
مازن يلف يمين ويسار/ وانا وش دراني من الساعه 8 وحنا بين السما والارض
وفا تضحك / يوه بيوقف قلبي على ماشوف جورجيا حلمي
مازن يهمس لها / ي عمري انتي اوديك كل اللي تبين بس خلي الله يرزقني
وفا بتميع / ياروحي بس الا مامريت امك قبل تمشي
مازن تنهد /الا بس قالت امل انها رايحه للمستشفى مع عادل عشان حصه بتطلع اليوم
وفا بتسال / وش سمت ولدها ؟!
مازن يبتسم / اياد
وفا بغرور/وع اياد
مازن يبتسم /والله حلو اسمه الله يرزقنا بس
وفا بتوتر /تو الناس بنستانس اول بحياتنا
مازن بتنهد/لازم نروح نكشف ونشوف سبب التاخر والله ان خاطري بولد ولا بنت نلعب عليه
وفا تغير تهز راسها بارتباك /يصير خير يصير خير
______________________________


جورجيا الساعه 11 صباحاً

صحى صقر ولف لجهتها على السرير شافه خاليه
رمى الغطا وهو يسمع صوت الماء بالحمام
تنهد بضيقه من تذكر موضوع البارح
الحين وش يراضيها عنيده وراسها يابس
وهو يعترف انه اخطاء بحقها كيف يهددها بضرب وهم توهم بداية حياتهم بدل ما يجذبها له ويكسبها عشان ترتاح له وتعطيه الشي اللي انفطر قلبه عليه

قطع افكاره صوت باب الحمام وطلعت ملاك عليها بنطلون ابيض ماسك عليها واصل طوله للخصر
وعليه بدي كحلي عاري اليدين والكتفين كامل ومن فوق الصدر مطاط ماسك بشكل مقوس لين الظهر ونازل من عند الظهر وطالع نص ظهرها
ولامه شعرها كل بالفوطه
و تحديد فكها واضح مع رفعت الشعر
ومع كتوفها العاريه ولونه كله موحد مع الوجه
والرقبه والصدر والظهر يشع شع بالبياض والصفا

رفعت راسها وشافت صقر واقف وكانه ينتظرها تطلع وعليه شورت رمادي غامق وصدره عاري وعضلاته بطنه واضحه بدقه وصدره المشعر برجوله ملفت
وجهه واضح عليه الارهاق والسهر
ورافع شعره لا فوق بهذله

اقترب صقر لها وعينه مانزلت منها
وهي تحركت متجاوزته ولاكن وقفتها شد كفه الجبرة على معصمها الناعم وقفت بغضب من تصرفه لاكن صدمها اكثر لمسات دافيه على ظهره خلتها تنتفض بالتماس وهي تصرخ فيه /وش تسوي
صقر كان منحني و يبوس ظهرها العاري بهدو
ومن سمع صرختها اقترب لا اذنها وباسها وهو يهمس باعتذار/ ملاك انا عمري ما اعتذرت لاحد بس انتي اعتذر منك وانا اسف على كلامي البارح

ملاك بغيظ / كلامك بس الا قول كلامي وفعالي بعد
صقر يضمها من ورا وهو منحني لها / وش اللي يرضيك
ملاك تنفس بسرعه بارتباك من صدره العاري الدافي على ظهرها العاري وهي تهتف له بسكون / صقر نقدر نتفاهم بوضعيه غير ها لوضعيه
صقر يشدها على صدره وهو هايم هايم فيها / هذا احسن وضعيه لتفاهم بينا
ملاك تنهدت بتوتر /صقر ترا كذا ماقدر اخذ واعطي معك بالكلام
صقر ابتسم بخبث /هذا المطلوب الي نتفاهم وحنا هادين و دايخين بعد
ملاك تعض على شفايفها بحرج /صقر
صقر ينزل راسه ويرجع يبوس ظهرها الناعم القطني
مع كل جهه
وملاك تحس بلسعات دافيه مع ظهرها وهي ترجف من حركاتها الجريئه وصرخت فيه بغيظ/ صقر ترا كذا ماهو تفاهم انت كذا تذلني
صقر ابتعد منها بسرعه وهو يتسال بحزم / اذلك ؟!
ملاك تلف وجها له /اي تذلني انت قاعد ترضي نفسك ما ترضيني
صقر يطالعها من فوق لاتحت /لو برضي نفسي كان ارضيتها من يوم العيد يوم تجيني و تستعرضين جسمك عندي
ملاك بدهشه / انا استعرض عندك انا !!!
صقر ينفجر فيها / اي تستعرضين عندي من غير لا رحمه ولا ضمير مافكرتي وقلتي رجال يمكن يتهور ويسوي فيني شي وانا بذمته وحلاله وماحدن يلومه

ملاك تطالعه وهي فاتحه فمها و مصدومه من كلامه
وصقر يكمل وهو يحترق منها / ملاك انا لو افكر بنفسي والله واللي اسمه الله كان ماردني عنك احد
من ذاك اليوم بس انا ماني مراهق عشان اتبع شهوتي وبس انا رجال وافهم وفكرت فيك وبعمي قبل كل شي
والحين بعد الزواج بعد مافكرت بنفسي كل تفكيري ارضيك بس متى انتي انتي ترضيني و تريحيني ترا الصبر له حد

ملاك لفت عنه وهي تنفس بسرعه من صدمت كلامه وصقر يبتعد وياخذ فوطته ويدخل الحمام
ملاك جلست على الاريكا وهي ترجف /معقوله يفكر اني جيت استعرض عنده معقوله طلع حتى هو تفكيرك نفس مازن وفا هين ياصقر هين
____________________________


جاه اتصال من جدة تبيه يجيها كل تفكيرة خذاه لمهره يحس بشعور غريب وهو متجه للبيت يبي يحضنها ويستنشق ريحتا العذبه مثل عذوبتها

وقف فهد سيارته عند البيت ودخل باستعجال
ولا انتبه لنوف وامها اللي جالسات بالصاله
ويطالعن فيه بصدمه
وهو يدخل جناح جدته من غير لايطق الباب

فهد وقف بصدمه وهو يشوف جدته بروحها وتنادي لها /تعال يافهد تعال
فهد اقترب وهو يشد على اسنانه /عيت تجي صح ؟!
الجدة صيته توقف / ماكلمتها اصلا
فهد ماسك نفسه وهو يسال/ اجل ليش داقه وش صاير ؟!
الجدة صيته اوقفت بوجهه/ صدق الكلام اللي سمعته !!
فهد يرفع حاجبة برود /اي كلام ؟!
الجدة صيته بتوجس/ تبي تزوج على مهره وتبي تاخذ بنت شيوخ على بنت ناصر
فهد كتف يديه قدامه وسال برود اعمق/ ومن اللي قال لك الكلام هذا ؟!
الجدة صيته بصدمه/يعني صحيح ناوي تزوج عليها!!!
فهد بحزم بالغ /لو بتزوج تزوجت وعينها تشوف ولا سالت عنها ولا عن غيرها
الجدة صيته اختل عقلها منه /الحين انت صدق بتزوج ولالا جاوبني يافهد خل اريح المسكين اللي زعلانه من امس
فهد يرفع جابه بصدمه / وليش هي اللي قالت لك هالكلام ؟
الجدة صيته تنهدت /امها جت وقالت انهم سمعو انك بتزوج وتبي تعلق بنتها وتقول ان مهره زعلانه وتبي ..
فهد ينزل يديه من صدره وهو ثاير من الغضب/ وش تبي ؟!
الجدة صيته تلعن الشيطان بنفسها من
تسرعها /تقول اذا بيتزوج يطلقها
فهد صرخ بتهديد غاضب متفجر / واللي خذ روح عقاب ونوره وخلق روحي من روحهم لو رجعت اليله وهي ماهي بالبيت لا دفنها حيه وترا بايع نفسي
و بايعها

الجدة صيته تطالعه وهو طالع وهي تنتفض من الخوف والندم /الحين كان هادي ويبي يراضيها اجي انا وامها بدال ما نحل الموضوع بينهم نشب النار من جديد يويلي لو جت وضربها وهي بوجهي

مدت يدها للجوال وهي تنادي /ميري يا ميري يمال الصمخ
جت ميري تركض /نعم جدة
الجدة صيته تمد لها الجوال /دقي على ام ماهر سرعه
ميري تدق لها على ام ماهو وتعطيها الجوال/ خوذ كلام
الجدة صيته ترجف / الو هلا ام ماهر ……اسمعي اسمعي …… جيبي مهره وتعالي بعد المغرب ….يابنت الحلال انتي اسمعي الكلام …كيف ماتقدرين فيها …..قولي جدتك تعبانه و تبي تشوفك ضروري ….اي اي قولي كذا ….يلا مع السلامه
______________________________


بيت نهيل اللي حاضنه ولد حصه وترضعه
حصه تبتسم / يومه حطي عنك و ارتاحي
نهيل تبتسم /خليه انا مرتاحه كذا
امل تدخل وهي تحس بحزن / ملاك ماردت على رسالتي ولا درت انك والده
نهيل تنهدت / كلمتها البارح ملاك
حصه وامل يطالعونها بصدمه /كيف؟!
نهيل تطالع فيهم / اي كلمتها تقول جوالها طافي وهي بخير وانا ماتوقع انها صادقه
حصه باستغراب/ ليش ماهي صادقه وش صاير
نهيل تحس بالم / من كلمت صقر انا وابوك وهو يقول نايمه و يصرفنا ولا احترمني حتى بكلامه ويوم اخذت شوي الا هي خذت الجوال وكلمتني
حصه بستغراب/يقول نايمه وهي صاحيه ليش!
نهيل ترفع كتوفها / مادري عنه وكاد بنتي ماهي مرتاحه
امل تمسح دموعها / ومازن وفاء راحو لهم بعد
حصه تهدي الاوضاع/ ماعليه ملوكه ماينخاف عليها
نهيل تهز راسها بجزع / الا والله ينخاف عليها كان اخوك ومرته وزوجها كلهم مايخافون الله وهي ضعيفه مهمها تقوت تبقى ضعيفه وصغيرة بس لسان على الفاضي
حصه حزنت من حزن امها/يومه استودعيها الله هو الحافظ
نهيل تمسح دموعها اللي خانتها /الله يحفظها ويكفيها شر من نوى فيها شر
امل بتسال /ابوي وينه ؟!
نهيل بزفرة /زعلان يقول ليش تدقين على الرجال ومرته تالي اليل

قطع افكارهم صوت الجوال وامل ترفعه وتهتف بفرح /ملاك ملاك تتصل
حصه تعتدل جالسه /ردي عليها
نهيل ترد /هلا ملوكه هلا حبيبتي
______________________________


عند ملاك اللي من جففت شعرها اخذت جوالها وتصلت برقم امها ومن جاها صوتها الحنون
وملاك تماسك نفسها لا تبكي وهي تكلم
بحب وبرائه مع امها/ هلا يومه هلا حبيبتي …..انا زينه انتي كيفك وكيف حصه وامل …… انا بخير ….. هممم كيف …..يومه صدق حلفتك بالله قولي الصدق….متى

صقر طلع من الحمام وهو لاف فوطه على جسمه وقف مصدوم من منظر ملاك اللي واقفه عند الاريكا والابتسامه مرسومه عليها بفرح وسنانها الولو
طالعه لاول مره
وقف مسبه من شكلها تمنى يوقف الزمن على ابتسامتها الساحره مايبي قبلها ولا بعدها شي

ملاك نست مشاكلها مع صقر نست كلامه ونست كل شي من الفرحه وهي تنقز بطفولة / يومه يشبهني…
….هي كانت توحم علي كل يوم لازم يصير مثلي ……
وش اسمه طيب …عمري ايودي …حياتي انا
صقر اقترب لها وهو تنحنح ويهتف بحزم /احم وشو عمري وحياتي
ملاك تبتسم له بدلع وشقاوه /صرت خاله
صقر انصفر من ابتسامتها اول مره
تبوسم له وقرص خدها بخفيف وهو مبتسم من ابتسامتها نسى حتى هو كل شي بينهم ضيعت علومه
وملاك تبعد يده من خدها وهي مازلت مبتسمه و ترد على امها اللي تسالها /هلا يومه ….اي عندي صقر …طيب ….اكلم حصه شوي ….مع السلامه …..

ملاك سكرت الجوال وهي فرحانه حدها وعيونها بعيون صقر اللي رايح وطي وتهتف له ملاك
بفرحه /بنرجع لسعوديه
صقر اقترب منها وحضن وجهها بكفوفه / وليش تبينا نرجع
ملاك مازالت فرحانه ولا انتبهت لجسد صقر اللي كان لافه بفوطه وهي ترد بدلع /عشان ايودي
صقر يضحك / اويل حالي اصير لك ايودي انا
ملاك برجا /امانه صقر خل نروح لهم وابي اشري لايودي هديه
صقر يحضنها / نشري له هديه يستاهل ايودك اللي خلاني اشوف سنك

ملاك انتفضت وهي تنتبه ماعليه لبس وترجع على ورا وتسكر عيونها وتهتف بطفولة /صقر عيب كيف تطلع كذا؟!
صقر يضحك وهو متجه للكبت / لاتلوميني ضيعتي للي علومي

ملاك جلست على الاريكا وهي تفتح جوالها وتقرا الرسايل اللي انشغلت عنه
وصقر لبس له بنطلون جنز رمادي غامق ولبس تيشيرت كحلي تعمد يلبس كحلي عشانها لابسه كحلي
طلع واخذ عطره من على التواليت وبخ له كم بخه وعينه عليها وهي مشغوله بجوالها لبس ساعته
ولف لجواله اللي يرن اتجه له ورفعه تنهد بضيقه من اسم مازن اللي بشاشه صقر بتافف / اف هذا وش يبي بعد
ملاك ترفع راسها له بتسال /منو ؟!
صقر مارد عليها وهو يفتح الجوال ويرد /هلا مازن ….طيب الحمدلله ….. بالفندق …
ملاك حست بغيظ من اسلوبه جتها حمية على اخوها مهمها كان بينهم
بس صدمها تقطيب حواجب صقر وهو يسال / كيف كيف …..متى ……. اها امممم طيب طيب يصير خير …..خلاص ياولد لا تلح …. قلت لك خلاص شوي وجاي خلك ……

ملاك وقفت بصدمه / وينه مازن ؟!
صقر يسكر الجوال ويطالعها ويرد من غير نفس /مازن وفاء هنيه بجورجيا
ملاك ضحكت باستهتار/ والله كلمت
صقر يطالعها بحده /وش قصدك ؟!
ملاك مازالت واقفه / لا ابد ماقصد شي بس اختك لو ما لحقتني لا هنيه كان جتها سكته وماتت
صقر ماعجبته طريقة كلامها وهو يهتف بصرامه/اقول ابلعي لسانك وخليك بنفسك
ملاك تحط يدها على صدرها وتسحب البدي لاقدام وكانها مكتومه وتبي تنفه/ انا بنفسي بس هي اللي خلها بنفسها وخل تحل عني ياربي كاتمه على انفاسي حتى باخر الدنيا
صقر اتجه لها وهو يتوعد ويهدد/ ملاك قسم بالله العظيم كان ماقصرتي حسك و كفيتي لسانك عنها لاخليك عضه وعبرة لغيرك
ملاك تطالع فيه بتقصد / اشوف الحميه بدت من الان هذا وهم ماوصلو اذبحني عشانها اشوف اذبحني

صقر يهز راسه باسا منها وهو يتجهه للشماعه ويلبس جاكيته ويهتف لها بتسال/ بروح اجيبهم من المطار تروحين معي ولا ؟!
ملاك تصد يوجها بتكشيره / مو رايحه هذا اللي ناقص استقبل ست الحسن بالمطار
صقر تنهد / طيب انتبهي لنفسك ساعه بالكثير وانا جاي

طلع صقر وملاك انفجرت غاضبه وهي ترجع تدق على امها / الو يومه ليش ماقلتي للي ان مازن وفاء جايين. لجورجيا
نهيل بخوف / ليش وش صاير هم جوكم
ملاك تنتفض بغيظ/ دقو على صقر وهذ هو.راح يجيبهم
نهيل تزفر بضيقه / هذول مايستحون ما كفاهم يتسلفون منه و يروحون له بعد
ملاك بصدمه / متسلف من صقر ؟!
نهيل بقلة حيله / اي متسلف منه ماقال لك صقر ؟!
ملاك تنهدت بضيقه /ماقال للي شي
نهيل بجزع / عاد متسلف عشر الاف منه عشان مرته زعلانه من رحتم وهي تبي تسافر
ملاك تهتف باسا / لاحول هاذي لامتى وهي ملاحقتني
نهيل بتوصيه / انتبهي منها ياملاك وخليك بنت مطيعه لا تستفزك بالكلام عند صقر ومازن و تنفجرين بالكلام ويطلع الوم كله عليك
ملاك تنهدت بضيقه عميقة /يصير خير يصير خير
______________________________

ام ماهر تدخل على مهره اللي جالسه بغرفتها وحزينة من امس وهاذي حالتها حتى الاكل ماتاكل
ام ماهر تجلس قريبه لها وهي تهتف بحنيه / يامك قومي اكلي لك لقمة تقوي عظمك
مهره تهز راسها برفض/مابي شي
ام ماهر بتردد / احم ترا جدتك تعبانه ودقت علي تبيك تمرينها اليوم
مهره انتفضت بخوف/ ليش شفيها؟!
ام ماهر ترد بارتباك/ مدري بس قالت تبيك تمرينها
مهره انتفضت بغيظ/ اكيد منه هو السبب قهرني وقهرها معي
ام ماهر بعجز / مادري يامك بس المهم البسي المغرب بنروح لها
مهره برفض/ مابي اروح بيته
ام ماهر تصر عليها / لازم عيب جدتك تبيك وقول ماهي بجايه
مهره بتردد / طيب نجي بسرعه قبل موعد رجعته
ام ماهر تقوم برضا/ طيب بس انتي البسي عدل اخاف نلقى عندها احد
مهره بضيقه /طيب
______________________________________


-/البارت الثالث والخمسون /-

رواية ريح المطر (للكاتبة شغف
ادعو لوالدي برحمة والمغفرة..

فهد من دخل الديوان وهو ينتفض
ويتوعد بمهره اجل تبي الطلاق
وانا اللي لاليلي ليل ولا نهاري نهار
كل تفكيري فيها وهي هذا اللي هامه تدور الزله
وتجيب سوالف من راسها وتقول يبي يتزوج
ماتدري اني رايح بهوها
وكل شي فيني ينبض لها هي هي وبس

قطع افكاره صوت ابو انوار /سلام عليكم
فهد يرد بهدو / عليكم السلام
ابو انوار /شلونك عساك بخير
فهد يرد عليه بحترام /طيب طاب حالك تفضل اجلس
ابو انوار مازال واقف/ لابالله عندي شغل بس مريت ابي اسالك عن العقار اللي قلت لك نبيه من ديرت ابو صالح الشيخ مطلق
فهد تنهد بضيق / والله اني نسيته ليش ما ذكرتني
ابو انوار بستغراب/ قبل يومين مذكرك
فهد يهز راسه برضا/ خلاص باخذ معهم موعد ونشوف الاوضاع بس هي منهو مالكها العقار اللي تبونها
ابو انوار يرد بمعرفه / ولد مطلق ومعه واحد شريك فيها
فهد يقطب حواجبه / اي واحد فيهم ؟!
ابو انوار بتذكر /اتوقع صقر
فهد بتسال / ومنو شريكه ؟!
ابو انوار مازل فاهم/ جاسم عليان ابو مرته
فهد يركي ظهره بارتياح على الكرسي/ وانتم واثقين
ان وراها فايدة
ابو انوار باستعجال/ اي وبقوة بعد ملازمه عقار ديرتنا وقريبه لها
فهد باقتناع /تمام اجل اكلمهم ابو صالح هاليومين وناخذ موعد مع والده ونسيبهم ونتفق
ابو انوار يتجه لباب / اجل انا استاذن
فهد ينحنى لطاولة اللي قدامه و يحط راسه بين كفوفه ويهتف لنفسه بجزع / مابقيتي فيني عقل يا مهره لازم ترجعين لازم قبل افقد باقي عقلي بسبتك
_______________________________


الساعه 7 المغرب بجورجيا

صقر يدخل الجناح وعينه تدور عليها
شاف ملاك متمدده على الاريكه
وتباع لها فلم بالتلفزيون
اقترب صقر لها وهو يهتف بامر /قومي البسي نبي نطلع
ملاك مازالت عينها على التلفزيون وتسال برود /وين نطلع ؟!
صقر تنرفزه حركاتها بس يتماسك نفسه ويرد بهدو رغم العكس / قلعة ناريكالا
ملاك تعدل جالسه وتسال باستهزا/ ومازن ودلوعته وينهم
صقر نفذ صبره منها / قومي البسي وانتي ساكته
ملاك ترجع تمدد / مو رايحه لين تجاوبني
صقر يقترب لها ويسحبها مع معصمها ويوقفها قدام وهو يصرخ فيها بصرامه / لاصرت اكلمك تنفذين اللي اقوله بحترام
ملاك تبعد يدها من كفه وترد بتذكير منفعل/ تراك زايد بمد يدك علي ياصقر واذا سكت مره ومرتين ماراح اسكت اكثر
صقر يقترب لوجها وانفاسه الحاره تلفحها/ وش بتسون يعني
ملاك تشيح بوجهها عنه / برجع بيت اهلي
صقر صمت لثواني ثم هتف بامر خافت/ روحي البسي بنطلع
ملاك ترجع نظرها له / واذا مالبست وش بيصير ؟!
صقر تنهد بعجز منها / ماراح يصير شي
ملاك ترجع تسال / مازن وينه !؟
صقر يرد عليها/ ينتظرنا تحت هو وفا
ملاك تكشر بوجها / ليش ينتظرونا ؟!
صقر صدع راسه/ يبون يطلعون معنا و بسك اساله البسي و خلصيني

ملاك تجاوزه وهي تعمد جسمها من الخلف
يلامس جسمه من قدام بجرائه وتبتعد منه عشان تاخذ عباتها
صقر انتفض من حركتها المقصوده بوضوح وهو يطالع فيها من ورا ويطالع بظهرها العاري ويهتف لنفسه بخفوت/ وش ناويه عليه هاذي !!!!
ملاك تلبس عباتها ونقابها وتلبس معطفها وهي تكلم بتسال هادي /برد برا !؟
صقر اقترب لها وطنش سوالها وهو يهمس بتسال حار / وش قصدك من الحركه اللي سويتيها ؟!
ملاك انتفضت وهي تتدعي عدم الفهم / اي حركه ؟!
صقر يقترب لها اكثر لين لزق فيها و نحنى لها وعينه بعينها / اي حركه هاه تقتلين القتيل وتمشين
بجنازته انتي ؟!
ملاك تندم على تصرفها وتهوره وهي تغير
الموضوع /ماتقول ان مازن ينتظرنا تحت ؟!
صقر يصر على اسنانه / اتركينا من مازن الحين انا اسالك ليش سويتي الحركه هاذي وانتي مانتي قدها ؟!
ملاك ترد بجديه / كنت ابي اهدي الاوضاع بينا قبل نطلع معهم
صقر بنبرة متعبته / بس انتي شبيتيها عليها ما هديتيها
ملاك تنزل راسها بندم / طيب صار اللي صار وش تبي اسوي !!
صقر يلف منها وهو متجهه لحمام / طيب ياملاك طيب
ملاك تجلس على الكنبه / اف انا وش سويت حتى تفكيري غلط ابي اكسبه معي اروح ابعده مني لاخته الحقيره

_______________________________

الساعه 6 المغرب ..

بيت الجدة صيته اللي جالسه على اعصابها
خوفن ان مهره ماتجي وفهد يسوي مصيبه
عاد هو لا حلف تعرفه ينفذ لو على الموت
تمشي بالصاله رايحه جاية
و المجتمعين مايدرون وش وش سالفتها
ام ابراهيم وبناتها وحسنا

ام ابراهيم بتسال / عمه شفيك فكيتي عظيماتك وانتي تمشين ؟!
الجدة صيته مازالت تمشي و تطالع فيها ولارد/ ….
ام ابراهيم توجه سوالها لحسنا اللي ماتدري وش السالفه / شفيها عمتي تنتظر احد؟!
حسنا ترفع كتوفها /والله مدري كل ما سالتها قالت شي ما يخصكم
شوق تضحك / خلوها على راحتها مردنا بنعرف
مريم بتاكيد/اكيد ورا كل التوتر اللي هي فيه فهد
ام ابراهيم تطالع عمتها اللي مازالت متوتره /غريبه وش صاير ؟!

قطع كلامهم طق على الباب والجدة صيته اوقفت فجئه وهي تهتف لشوق بامر / بروح غرفتي كانها مهره وامها خلي يجوني بسرعه
شوق تقطب حواجبها بصدمه /مهره؟!
الجدة صيته تنفخ فيها / اي مهره يلا روحي افتحي
شوق تقوم وهي زعلانه من طاري مهره وفتحت الباب

وفعلا كانت مهره وامها على الباب ومن تكلم هي
ام ماهر/ ام عقاب موجودة
شوق تبادل النظرات هي ومهره اللي طالعه عيونها من تحت النقاب وشوق ترد من غير نفس/موجوده ادخلو بجناحها
راحت شوق ودخلت و ام ماهر ومهره وقفو مصدومات من تصرفها ومن تكلمت هي مهره اللي تحس بنرفزه من تصرفات شوق وهي تهتف
لامها /شفتي كيف تعاملنا كانا شحاذات عند الباب
ام ماهر تهدي الاوضاع /ماعليك منها انتي جايه لجدتك وبعدين هذا بيتك وبيت رجلك ماهو بيتهم
مهره تهز راسها باسا/ اي رجل يا يومه هذا وانتي عارفه الاوضاع
ام ماهر تسحبها متجه لجناح الجدة /اقول امشي بس

دخلو الجناح بعد ماسلمو على الموجودين والمصدومين اللي بصاله
الجدة صيته جالسه على سريرها وتهتف بترحيب
صادق/حيا الله بنت ناصر
مهره تقدم وهي تنزل شيلتها و نقابها وتحب على راسها /شلونك يومه يقلون تعبانه عسى ماشر وش تحسين فيه
الجدة صيته تبتسم وهي تشد مهره مع يدها
و تجلسها معها على السرير وتهتف بموده / انا بخير ومن شفتك طبت ولله الحمد
مهره ترفع راسها وتطالع بامها الواقفه وتهتف بستغراب/امي تقول انك تعبانه وتبين تشوفيني
الجدة صيته شدت كفها وتكلمت بجديه /انا كنت ابيك تجين للي لاني ابيك بموضوع مهم ولازم تسمعيني
يا جدتك
مهره تصر بعيونها / وش الموضوع وش السالفه ؟!
الجدة صيته تدخل بالموضوع / فهد
مهره بمقاطعه غيظ / ادري وعندي خبر مايحتاج احد يعلمني خلي ياخذ بدل الوحده اربع انا الزم ماعلي كرامتي وابي الطلاق
جاهم صوته الجوهري الملتهب / الموت اقرب لك من الطلاق

لفو كلهم بصدمه من مصدر الصوت شافو فهد واقف على الباب بهيبه كان جاي ومن قالت له حسنا ان مهره وامها هنيه دخل من غير لايطق الباب وسمع وغضب من كلام مهره

مهره صدت بوجها عنه وهي توجه كلامها لجدتها بتسال جارح/ جايبتني عشانه ؟!
الجده صيته تكلمت بتهديه وهي تنظر لفهد اللي واقف ورا مهره / يامك انا ابيكم تفاهمون بينكم وفهد ترا بيرضيك
مهره وقفت وهي تنتفض/ اللي يبي يرضيني يجيني لبيت ويرضيني ماهو يذلني ويجيبني هنيه
الجدة صيته توقف بثقل وهي ترد برجا/طالبتك تهدين نفسك و تفاهمي مع رجلك
مهره غارت عيونها بالدموع /ترضين علي الذل ياجدتي

الجدة صيته ترجع تناظر بفهد اللي واقف ويسمع ومازالت عينه على ظهر مهره من ورا اللي لافته له وعلى شعرها المنثور فوق عباتها
والجده تكلم بحمية / لاوالله اني مرضاها عليك وكان ما رضاك الرضى اللي يطيب الخاطر تراك بوجهي والله لاترجعين مع امك
ام ماهر تكلم بنتها اللي تبكي بصمت /خلاص يا مهره انتي بوجه ام عقاب

فهد تقدم وهو يوقف وراها وبينهم مسافه بسيطه جداً ويوجه كلامه لجدته وام ماهر بامر / اطلعو وخلونا شوي
مهر مازالت صاده وهي تحس بقربه لها من ريحت عطره و ترد عليه /خلوهم موجودين ويسمعون الكلام اللي بتقوله للي عشان ماحد يلومني لا رجعت مع امي
فهد ماسك نفسه قد مايقدر وهو يهتف بحزم /رجعه مع امك مانتي براجعه والكلام اللي بقوله بيني وبينك ماحد له خص فيه
مهره رفعت عينها لجدتها/سمعتي ؟!
الجدة صيته تنهدت بضيق/ فهد يامك خف على البنت وتفاهمو بالهدو وقصرو حسكم الناس برا يسمعونكم
فهد يشد على اسنانه بامر حازم / خلونا بروحنا
الجدة صيته تمسك يد ام ماهر وتطلع معها لصاله
وتسكر الباب الجناح عليهم
__________________________

بجورجيا

طلع صقر من الحمام وهو ياشر لملاك تلحقه من غير لا يناظر فيها /يلا مشينا
ملاك تلبس نقابها وتمشي وراه بصمت نزلت معه شافت السيارة الخاصه فيهم واقفه
برا عند الفندق تنظرهم
وراكب ورا مازن وفا وركب قدام صقر عند السواق
وملاك فتحت الباب اللي ورا من عند مازن تعمدت تروح تجلس قريب لاخوها ولا تنزل نفسها و تجلس قريبه لوفا
مازن زحف لها مكان عنده وهو يسلم عليها / هلا ملاك شلونك طيبه
ملاك تسكر باب السيارة وهي تسلم عليه
باخوه /الحمدلله انت شلونك
مازن يبتسم /طيب الحمدلله

ملاك تعمدت ماتسال وفا عن اخبارها تبيها هي تبادر وفا كذالك بس تطالع فيها بتفحص
من فوق لاتحت من غير لا تكلمها
والغيرة شبت بصدرها وهي تشوف المعطف
اللي ملاك لابسه وتعرف عدل علامة ماركته
الغاليه حيل اللي على الكتف المعطف
كانت تطالع فيها من تحت النقاب
ولا انتبهت حتى وين مكانهم
ولا لرحله اللي هي جايه عشانها
قطع افكارها صوت مازن وملاك اللي يسولفون

ملاك بتسال /شلون امي وحصه وامل ؟!
مازن يضحك /حصوص جابت قرد
ملاك انفجرت ضاحكة / قرد بعينك هذا ايودي
مازن نسى المكان اللي هو فيه وهو يسولف مع ملاك بمرح اخوي / قسم بالله لو تشوفين صلعته كنها صلعت عادل لاتقولين هذا حرام عليه اسم ايودي
ملاك تضحك بانوثة / هاذي وهي حولت عيونها
وهي وحام تبي توحم علي غصب
مازن انفجر هو بضحك بعد / يابنت لا عرق عادل قوي يجذب غصب

كانت ملاك ومازن مستمرين بسوالف والضحك
ونسو وجود صقر وفا اللي يشتعلون من القهر
وفاء تسمع صوت ضحتها مع مازن وهي تحترق
تحسها سعيدة لابعد درجة ماتدري عن الخافي
ودها تذبح مازن اللي نسى كل شي بينهم
وقام يكركر لملاك و وفا ترجف من الغيظ
وعيونها تروح لصقر مستغربه من صمته
صقر كان مشتعل بالقهر من حركتها اول بالفندق
والحين اشتعل بزياده وهو يسمع
صوت ضحكت ملاك الانوثية
ويسمع سوالف مازن معها و حس بغيرة فضيعه
من شافته وهي تضحك معه وهو حتى ابتسامه
محرمته منها كان يسمع ويسمع وهو يغلي بالقهر
لين صرخ فيهم بصوت غاضب / بس انت وياها صدعتم براسي

مازن وملاك سكتو برعب من صرخته
وفا ابتسمت بنصر مازن يطالع ملاك بتسال
وملاك كانت على وشك الرد على صقر
وصراخ اعلى من صراخه بس تماسكت نفسها
وهي تشوف عيون وفاء عليها باستهزا
لفت ملاك وجها وهي تشد بسنانها بقهر
وتسكت ماتبي تنفجر وينفجر عليها صقر
ويصير اللي وفا تبي وجايه عشانه
_______________________________
بجناح الجدة صيته ….


فهد من تسكر الباب عجز لا يمسك نفسه و اقترب لها وحضنها من ورا بهدو
ودفن وجهه بشعرها اشتاق لها شوق يعجز عنه القول

في بعدك اشتاق وفي قربك اشتاق….
ومابين اللقى والبعد تقتلني الاشواق …..

ومهره انتفضت بين يديه من حركته الغريبه لغير متوقعه منه ابد وهي تهتف له بحزن / جايبني لبيتك عشان تسوي فيني هالحركات ؟!
فهد يهمس عند اذنها بنبرة خاصه خاصه/ لا جايبك باراضيك
مهره بنبرة باكيه /وليش ماجيت تراضيني بيت امي ؟!
فهد مازال يهمس بذات نبرته الخاصه/ اموت ولا اجي اراضيك بيت امك
مهره غاظت من كلامه وهي تلف له وجها لوجه وتهمس بغيظ/ لهدرجه انا رخيصه عندك تبي تذلني يافهد عشان ترتاح ماكفاك اللي سويته فيني ماكفاك!!
فهد كان يطالعها وهي تكلم وتكلم وترتجف شفايفها بالم وقهر ماقدر يقاومه كان وده يسكتها بقبله على شفايفها بس كرامته وكرامتها عنده ما سمحت له يسوي كذا مايبيها تحس ان هذا كل همه

فهد اخذ نفس وهو يرد لها بحزم / مافي رجال يرضى لمرته المذله واذا تعتبريني جبتك بيتي مذله لك فهذا نفص بعقلك
ومهره صدمت من كلامه وبروده وهي تصد بوجها وتهتف له بالم شفاف / انت تبي تاخذ من غير لاتعطي ؟!
فهد تنهد بلهفه لها وهو يشوف عيونها الناعسه ورموشها الطوال كيف امتلت بدموع مايقدر على ضعفها وعذوبتها همس لها برضا/ وش يرضيك انا حاظر باللي تبين
مهره تطالع بدهشه / بترضيني انا
فهد حضن خصرها وقربها له /اي ارضيك وانتي تستاهلين اللي يرضيك
مهره توترت من حركاتها وكلامه وهتفت بخفوت/ فهد اكيد بترضيني ؟!
فهد حس برعشه من نبرتها وانحنى لها وحط انفه على انفها وهمس بذات الخفوت/ والله برضيك والله
مهره تنفست براحه من حلفه الصادق / اممم ابي شي واحد هو اللي يرضيني ويرجع للي كرامتي
فهد رفع نفسه منها وهو يقطب حواجبه بتسال/ وش هو اللي يرجع لك كرامتك ؟!
مهره تطالع فيه بتردد / همممم
فهد يهيئها للكلام / لاتخافين قولي

مهره تحط عينه بعينه بشكل مباشر بتشوف ردت فعلاه وهي تهتف بنبرة ارتجاج / ابي تعالجني عشان اجيب لك عيال
فهد رفع حاجبه بستغراب/ وليش انتي فيك شي عشان اعالجك
مهره استغربت من هدوه توقعته ينفجر ولذالك تطمنت وهي تكمل كلامها/ مادري انا بس صار للي سنه معك ولا حملت احتاج دكتورة الا اذا انت لاحد الان ماتبي مني عيال
فهد طالع فيها لثواني ثم هتف لها بوله / الا والله ابي منك عيال ابي
مهره حمرت خدودها بخجل وهي تبتسم
بعذوبه / يعني تبي تعالجني؟!
فهد اشتاق لابتسامتها و غمازتها هي اكثر شي كان يفكر فيها بالايام اللي راحت والان حس جسمه كامل ينبض لها وهو يهتف بوله اعمق/ انتي والله العلاج كله
مهره بدلع / متى طيب بتعالجني؟!
فهد تنهد / بس اخلص كم شغله وافضى اوديك لاحسن دكتورة نساء

مهره تطالع الباب اللي ورا فهد وترجع تطالع بفهد وهي تنفس بسرعه وبهمس/ اشتقت لك
فهد حضنها بعنف وهو يتمنى حتى هو انه يعبر لها بس كبرياءه وشخصيته ماتسمح له الا انه يحضنها بصمت
شد جسمها الصغير على صدره بقوه لين سمع صوت ونة منها يدل على انها تالمت من ضغطه لها وابتعد منها وهو يتنفس بحراره وعيونه بعيونها ويهتف بنبرة ذايب/ انتظرك بالجناح ؟!
مهره ترد بعذوبة / طيب بس اممم
فهد يهز راسه بتسال / وش؟!
مهره تمسك جيب صدره / ماتبي تعتذر للي
فهد ناظرها بحده.خلتها ترجع على ورا وهي مصدومه من انقلاباته وفهد يهتف لها بتهديد/ اياك اسمع
ها لكلمة مره ثانيه اقص لسانك
مهره تهز راسها وهي تعتذر برعب /اسفه ماكنت اقصد
فهد اخذ له نفس لتهدئه وهو يرفع كفه ويمسح على خدها بحنو / بالجناح اراضيك ارضاوه ماتبين بعدها شي
مهره شاحت بوجها بحرج وفهد باسها على خدها وطلع

ام ماهر والجدة صيته كانو على نار ومتوترين وكل شوي ينتظرون صوت صراخ ولا بكا مهره وام ابراهيم كانت متنحه بزعل من وجود مهره وفهمت ان فهد عندها عشان يتفاهمون ومريم وحسنا جالسات بصمت وشوق دخلت غرفتها بحزن كل ماتجي تقربه لها تطلع مهره بحياتها.

من طلع فهد والجدة صيته تقوم هي وام ماهر
و فهد تجاوزهم بصمت واتجه لجناحه تحت انظار الجميع
و الجدة صيته تدخل جناحها هي وام ماهر شافو مهره جالسه وجهها احمر الجده صيته بتسال حازم /مد يده عليك قالك شي
ام ماهر بحزن / وش قالك
مهر ترد بحيا وحرج / ماقال شي ارضاني وانا رضيت
ام ماهر والجدة صيته يتبادلون النظرات بستغراب وبعده ابتسمن براحه
والجدة صيته تهتف بنغزى / وعشان كذا وجهك احمر
مهره نزلت عيونها بحرج / مو انتي تبينا نتفاهم هه هذا حنا تفاهمنا
الجدة صيته تحضنها / اي والله ان افرح ماعلى قلبي يوم اشوفكم متفاهمين
ام ماهر بتسال / وش ارضاك فيه
الجدة صيته تبعد مهره من حضنها وهي تهتف لام ماهر بحزم /عيب يا مره بينهم وكيفهم اهم شي ربي هداهم
مهره ترد بموده / واعدني يعالجني عشان اجيب له عيال
الجدة صيته اتسعت ابتسامتها/ انتي متاكده
مهره تبتسم هي بعد وتهز راسها/متاكده
الجدة صيته مازالت فرحانه / انتي اللي شرطتي ولا هو اللي قال لك
مهره برائة / انا اللي شرطت عليه
ام ماهر تضم بنتها وهي تبتسم / والله وطلعتي مانتي بهينه يا مهيرة
الجدة صيته تسحبها من حضن امها وهي
تامرها بامومه /روحي لرجلك قبل لايثور علينا
مهره تهز راسها وهي تاخذ نقابها وشيلتها وتطلع متجهه لجناح من غير لاتطالع ولا تكلم مع المتواجدين بصاله وعيونهم تلحقها لين اختفت
______________________________

جورجيا الساعه 8 مسا

قلعة ناريكالا …..

كانو جالسين بكوفي مفتوح والجو بارد حيل رغم الدفايات المشتغلة عند كل طاوله وبكل مكان
والقلعه زحمه من السياحين
اخذ لهم صقر طاوله عبارة عن اربعة كراسي
مازن قباله وفا وصقر قباله ملاك وبينهم طاوله
والجو مشحون بينهم ملاك طول الوقت لامه جاكيتها وصاده عنهم وتفرج على الناس والمناظر
وفاء كانت مروقه لابعد حد وهي تسولف مع مازن وتضحك ومع صقر اللي يسولف معهم بثقل
وعيونه كل شوي تروح لملاك

جاهم المضيف وبيده المنيو ويمده لكل وحد نسخه
صقر يطالع بالمنيو ويهتف بتسال / هاه وش تشربون
مازن يرد عليه /ابي شي دافي يدفينا
صقر يختيار /انا باخذ اسبرسو تبي ؟!
مازن يرد برضا/تم مثلك اسبرسو
وفا بدلع / ابي هوت شوكلت دافي
صقر يرفع راسه لملاك اللي منزل المنيو وصاده عنهم وسالها صقر بهدو / وانتي ملاك وش تشربين
ملاك ترد من غير نفس/ موكا بارد
صقر فتح فمه بصدمه /بارد بالبرد ؟!
ملاك تهز كتفها بعناد طفولي/كيفي ابي موكا
صقر يهز راسه باسا وهو يرفع راسه للمضيف ويهتف له بطلب بلغته اللي ماحد فهم منها شي لا وفا ولا مازن ولا ملاك وراح المضيف

مازن يهتف لصقر بتسال وهو يرجف من البرد / ياخي الناس ماتحس بالبرد
صقر يرد عليه بثقل وعيونه على الناس/ لا متعودين
وفا بتدخل / كل وقتهم برد ماعندهم صيف اتوقع
صقر يرد عليها بثقة/ لا طول السنه عندهم موسم الشتاء
مازن يطالع وفا وكلمها بموده/ بكرا نروح ناخذ لنا جكيتات ادفى من هاذي والله احس جمدت
صقر يقوم وينزل جاكيته ويمدها لمازن / خذ البس هاذي
مازن بحرج /لاوالله ما البسها
صقر بامر حاد/ اقول قوم البسها وانت ساكت
مازن يقوم ويلبسها فوق جاكيته وهو يتسال/ وانت كذا تبرد
صقر يجلس وهو يفسر اكمام تيشيرته / لا لبسي دافي

ملاك كانت تطالع بصقر بصمت
تحس كل شي فيها ينبض له احيانا
من غير سابق انذار
ودها تقوم و تخبى بعضلات صدره العريضه
ماتدري هي مراهقه ولا اعجاب ولا لانها
محتاجة حنان ودفى وفاقده الامان

قطع افكارها صوت وفا المتصنع بالدلع / نبي تلفريك خاطري اركبها
صقر وعيونه على ملاك وكان منتبه عدل
لنظراتها السارحة فيه وهو يهتف بمنادا /ملاك
ملاك تنفض راسها بحرج /هلا
صقر يسالها / تبين تلفريك ؟!
وفا غاظت من تصرفه وهتفت بمقاطعه/ انا ابيها ومازن صح مازن
مازن يهز راسه/ اي والله ماهي بشينه نتفرج على العالم
صقر يرفع حاجبه بكبرياء /كيفكم بس اشوف بالنهار احسن تشوفون كل شي واضح
ملاك شافت وفا خاطرها في وهتفت بلعانة / امم انا مابيه
وفا فهمت نيتها وردت بلعانه اعمق/ بس انا ابيه انتي اجلسي هنيه مو لازم تروحين معنا
ملاك برود وهي تهز كتفها / عادي اجلس انا وصقر روحي انتي ومازن
وفا تطالع مازن وكانها تقول شوف اختك و خباثتها
ومازن تكلم بتردد من نظرات وفا له / لا كلنا نروح افضل
ملاك تضحك باستهتار / طيب اذا انتم بتدفعونها بنروح معكم
وفاء ومازن سكتو بقهر من تصرفها
وصقر مصدوم وعينه على ملاك و يهتف
بغضب حاد / اص ولا كلمة وماهو شغلك منو اللي بيدفع
ملاك حطت عينها بعينه بغيظ / بجهنم انت وهم
صقر قام بغضب ناري وهو ناوي على ذبحها بس وقفته يد مازن اللي شدت معصمه برجا /طالبك تتركها تراها بوجه مطلق
صقر جلس وهو يصد بوجهه عنهم و يتنفس بسرعه
و ملاك مصدومه وهي ترجف بغيظ كان بيضربها قدامهم قدامهم
وفا تنهدت براحه عميقه وعينها على ملاك اللي حست بتنهد وفاء المسموع
ومازن جلس وعيونه بعد على ملاك مقهور منها
ومن لسانها اللي حتى صقر ماسلم منه
تم الصمت بينهم لدقايق طويله و ماينسمع
الا انفاس صقر اللي مازال غاضب لابعد حد

قطع الصمت صوت مازن اللي يحاول يهدي
الاوضاع / خلاص التلفريك نخليها بالنهار احلا وش رايكم
لارد /……
مازن بمحاوله ثانية / هاه وش قلتم
وفا ردت برجا متعمد / امانه خلونا نروح الحين والله يهبل باليل احسن من النهار
صقر مهمها كان وفا اخته ويحن عليها بذات ان زوجها ماهو قادر على كل شي لا وظيفه ولا راتب هتف لها بقتناع / طيب طيب ننتظر الطلب وبعده نروح

جاهم المضيف ونزل طلبهم ومعه زياده لكل
واحد منهم صحن حلا من طلب صقر
المضيف مد لصقر ورقة الحساب
وصقر اخذها من وطلع محفظته ودفع

الكل اخذ مشروبه بصمت
الا مازن كان يسولف ويلطف الجو / يووه احس قهوتهم غير عن قهوتنا ياخي شكلهم يحطون لنا شي يصحصح فينا
صقر ابتسم وهو يرشف من كاسه /ياولد اشرب وانت ساكت
مازن يضحك / قسم بالله اذا مانمت اليله لادعي عليهم
وفا تضحك / ماهو دارين عن دعاك اصلا
صقر يطالع ملاك اللي تشرب من الموكا البارد
بكثرة تبي تطفى الغيظ اللي بصدرها برودته
تنهد بضيقه من حالها وحاله كيف الحين
يبي يتحمل زعلها و صدها منه
_______________________________


-/البارت الرابع والخمسون /-

رواية ريح المطر (للكاتبة شغف
ادعو لوالدي برحمة والمغفرة..


بجناح فهد اللي كان جالس على الاريكا
ومولع من الشوق لمهره يبي يختلي فيها
يبي يعوض عن اليالي اللي فاتت
دقايق ودخلت مهره وهي تسكر الباب
وتنزل عباتها وتقترب له وتجلس قباله
فهد طالع فيها بنظرات غامضه

كانت مهره لابسه قميص طويل نص كم
ساتان بالون الاسود وعليه ورد صغير بالون الابيض
وشعرها البني مفتوح على كتوفها بنعومه
وجها خالي من اي زينه بس واضح عليها السهر
من الهالات الفاتحه اللي تحت عينها الناعسه
خدودها الشفافه مليانه بتروي
وانفها الصغير المفتن
وشفايفها المزمومه اللي تعض فيهم بتوتر ساحرات

مهره تطالع بتفاصيله بلهفه واعجاب
عليه ثوب ابيض ومنزل شماغه
وشعره الاسود مرفوع لفوق
و خصل قصيره طايحه على جبينه
وحاجبه الاسود المرسوم مع عينه الحاده
وانفه الدقيق وشفايفه المدوره
مع عارضه الاسود ملفت مع بياضه

قام فهد متجه لها بتشفق ومهره وقفت قباله
بتشفق اعمق
فهد حط كفوفه على خدها وبعد شعرها لورا بهدو
وعينه على ملامحها اقترب منها وباس انفها و نزل وباس شفايفها و نزل وباس عنقها
فهد رفع وجهه لها وهمس بهدو / مهره
مهره ترفع راسها له وترد بعذوبه / هلا
فهد بتسال رقيق / اشتقتي للي ؟!
مهره تنزل عينها بحرج وهي ترد برقه اعمق/ اكثر من ماتصور
فهد عض على شفايفه وهتف بعتاب / والمشتاق ليش مايرجع
مهره ترفع عينها بعينه بعتاب اعمق/ انتظرك تجي وتطيب خاطري
فهد سكت لثواني ثم هتف / بس انتي تعرفين عدل اني مستحيل اجي عشان اطيب خاطر احد
مهره بزعل هادي/ بس انا مو اي احد انا زوجتك يافهد واذا مو عشاني عشان العشره اللي بينا
فهد مد يديه على خصرها ويقربها له وهو يهتف بحراره / والحين ما طاب خاطرك
مهره بتردد/ تبي الصدق ؟!
فهد مولع / اي
مهره تنزل راسها بصدره وهي ترد / ماطاب خاطري للحين كان ودي ادخل بيتك معززه مكرمه
فهد انتفض وهو يرفع راسها من صدره ويضم وجها بين كفوفه ويهتف بحب / بيتي بيتك و انتي الداخله وحنا الطالعين
مهره بدلع /اكيد يافهد
فهد يضمها له بوله /اكيد والله اكيد
مهره تبتسم وهي تهمس باذنه / احبك
فهد ارتعش من نبرتها المثيره وهو يشيلها بين يديه متجهه لسرير ويهتف لها بهمس/ ماعاد فيني صبر والله ماعاد فيني
__________________________________

جورجيا الساعه 11 مسا

بتلفريك اللي كانت زحمه من الناس وهم ينظرون دورهم لين ضاع كثير من الوقت
وخيرا ركبوها صقر بجمبه ملاك
ومقابله مازن وفاء مقابله ملاك

بعد ما ابعدو عن الناس وصار لحالهم وماحد يشوفهم
ملاك نزلت نقابها عن وجها تحس انها مكتومه
وعيون كل الموجودين تتجه عليها بعجاب واضح
لملامحها الدقيقه و الوسيمة لابعد حد
صقر لف نظره لمازن وفاء اللي مبحلقين فيها
وملاك مانتبهت لهم كانت تطلع المناظر

صقر يغلي بغيرة من ناحيتها وهو يهتف لمازن وفا بتقصد حاد / هاه اعجبتكم المناظر ؟!
مازن نفض راسه / هاه اي والله ماشاءالله ماتوقعت طبيعه كذا
وفا تفتح نقابها هي بعد وتطالع بالمناظر وتسال بعمد /صقر كم مره جيت جورجيا
صقر يرد بحسن نيه / امم تقريبا ذي ثالث مره
مازن يبتسم / والله مالومك بسفر يخي يغير النفسيه
وفا مازالت تهتف بتعمد / متى اخر سفره لك قبل هاذي
صقر يطالع المناظر وهو يرد بثقة / قبل سنه تقريباً
ملاك كانت تسمع وهي فاهمه قصد وفا ومقهور من تجاوب صقر لها ولا سال عنها وعن وجودها
و غاظها اكثر استمرار وفا بستفزازها
وفا تبتسم بخبث/ عاد امانه احلا رحلتك قبل والا الحين
صقر يهز كتفه برود / كلهم بسراحه
ملاك لفت له وهي تهتف بتسرع / كلهم
صقر طالعها بصدمه / وشو ؟!
ملاك تناظرة نظرة قارصه وتصد
صقر يرفع حاجبه بستغراب وعينه عليها وهو ماهو فاهم سبب غيظها المفجئ
وفا ابتسمت بنصر ومازن بعالم ثاني
يطالع المناظر ولا فهم من كلامهم شي

بعد نص ساعة
نزلو من التلفريك متجهين على الفندق
وهم بالسيارة ومازل كل واحد بمكانة اول
تكلم مازن بتسال/ صقر جناحكم بي دور ؟!
صقر يرد وعينه على جواله / الدوار الرابع
مازن يحك ذقنه / وحنا بي دور والله اني نسيت
صقر مازال يشتغل بجواله ويرد برود / الدور السادس انتم
وفا بتدخل / جناكم نفس جناحنا.
صقر يسكر جواله ويحطه بمخباه / اي حجزت لكم نفسه لمدة 3 ايام
مازن بحرج / لا ياخوك مانبي نكلف عليك ليله تكفينا
صقر بكرامه / لا ياولد عمي سكنكم علي لين ترجعون
مازن بحرج اعمق/بس ياخوك الفندق واضح انه غالي ومانت ملزوم فينا
صقر ينهى النقاش / مابي اسمع هالكلام مره ثانيه
وفا تدق مازن بكتفها تبيه يسكت و ماخفت حركتها عن ملاك اللي هزت راسها بحتقار منها ومن حركاتها

وقفت السيارة ونزلو للفندق والكل توجه لجناحه
ملاك من دخلت الجناح نزلت عباتها وخذت لها بجامه و دخلت الحمام من غير لا تكلم مع صقر
ولا تعطيه مجال يكلمها
صقر تنهد وهو يجلس على الاريكه ويحط جواله على الطاوله قباله وياخذ الريموت ويشغل التلفزيون

شوي وسمع صوت باب الحمام يفتح
وتطلع ملاك بجامه ساتان بالون الرمادي الفاتح وشعرها الاسود.منثور على كتوفها مرت من قدامه من غير لاتنظر فيه وتحت انظار صقر وهي متجه لسرير وتدخل بالفراش و تغطي جسدها بالكامل ما واضح منها الا شعرها اللي تناثر فوق المخده

صقر قام واتجه لحمام وخذ شاور
دافى و سريع ولبس شورت من غير تيشيرت واتجه لسرير تمدد وراها وهو يقترب لها لين لزق صدره العاري بظرها المولع بحراره من تحت الساتان
صقر انتفض وهو يدخل يده تحت البجامه ويلمس ظهره ويهتف لها بخوف عليها/ جسمك حار ؟!
ملاك تزفر عليه / شيل يدك من ظهري وابعد عني
صقر يقترب لها اكثر ويهمس عند اذونها / ملاك انتي تعبانه وجسمك مولع حار
ملاك تنفس بسرعه من العصبيه / ماهو شغلك تفهم ماهو شغلك
صقر ياخذ نفس وهو شاد على اسنانه / ملاك اتركي عنك الكلام اللي ماله داعي وقومي خلي اوديك المستشفىً
ملاك مازالت معصبه / يعني اهمك عاد و خايف علي
صقر يتنشق ريحت شعرها / اي اخاف عليك واذا ماهتميت فيك اهتم بمنو ؟!
ملاك تلف جسدها له وتحط عينه بعينه / روح اهتم بختك الحيه

صقر تنهد بتعب وهو يشوف وجها قريب
لوجه /انا بفهم انتي وش عليك فيها حاطه راسك براسها
ملاك صرخت فيه / انا انا اللي حاطه راسي براسها ولا هي اللي ماتبي احد يرتاح
صقر بتسال خافت / طيب انتي وش مزعلك الحين
ملاك تسكت لثواني وهي تنظر له بغيظ وتهتف / انت فاهم بس واقف حمية صف اختك خلك ياصقر معها ماعاد تهمني لا انت ولا مازن
ملاك رجعت تصد عنه وهي تلف له ظهرها
صقر حضنها بحنو / ملاك حبيبتي انتي تعرفين عدل اني اوقف مع الحق وتذكرين يوم جيتي و شكيتي للي منهم وقفت معك لاني عارف انك صادقه وهم غلطانين عليك

ملاك تنفجر بقهر / هذا انت اليوم تعايريني اني جيت وشكيت لك وتتهمني اني جايه استعرض عندك
صقر يمسح على شعرها بهدو / لا انا ما اتهمتك ادري ان نيتك صافيه وانك جاهله ولا كان ماجيتي ياملاك ماجيتي مهمها حصل صدقيني ذاك الوقت لو ماكنت رجال محصن لاصار شي راح نندم عليه كلنا

ملاك حست بجرح عميق وفهمت قصده وهي تهتف له بحده / محصن اجل ؟!
صقر يبعد شعرها من اذنها بانفه ويهمس/ اي محصن وهذا كان لمصلحتك
ملاك بتسال جريئ / اي ورحت لحضنها عشان تحصنك
صقر يتنهد / ماهو هذا موضوعنا
ملاك تحاول تدفه بكوعها مع صدره / الا هذا موضوعنا وانت اللي دخلتنا فيه
صقر مازال حضنها ولا تحرك من دفها الناعم له وهو يرد عليها بامر / سكري الموضوع خلاص
ملاك تنهد بضيقه وهي تذكر وتهتف بجزع/ صقر كنت بتمد يدك علي قبل شوي عند مازن وفا
صقر يسحب له نفس ثم يرد بحزم / انتي اللي طلعتيني من طوري و لسانك لو ما قصرتيه صدقيني بيسبب لك مشاكل كثيره
ملاك تلف له وتحط عينها بعينه / تهدد مثلاً
صقر ابتسم لها / اوف وانا اقدر اهددك
ملاك تطالع اسنانه الصافه بتحديد وبياض ناصع وتهتف له بطفولة / اسنانك تركيب
صقر انفجر ضاحك وهو يحضن وجها بعنقه/ اويل حالي ياناس
ملاك تحس بحرج من سوالها الغبي / شفيك ؟!
صقر يبوس انفها / مافيني شي بس ملعوب بحسبتي
ملاك تصد عنه وتهتف بامر / ممكن تبتعد بنام
صقر يبتعد من السرير كله وهو يوقف و يهتف بتماسك / اصلا انا اللي ابي ابعد لا انسى نفسي وتهور
_______________________________

بجناح فهد اللي اعتلى ضوة بعد الظلام …

فهد متمدد على السرير و يشتغل بجواله
حاس عقله رجع له وركز بشغله
و مانتبه لمهره اللي طالعه من الحمام بروبها وهي تتجه لغرفة الملابس وتحط لوشن بتوت على جسدها وتلبس قميص نوم لفوق الركبه ومن غير اكمام
بالون الزهري الغامق وتحط مرطب على شفايفها
واخير تجفف شعرها وتطلع متجه لسرير
وهي تناظر بفهد اللي لابس له بجامه رمادي فاتح
ويشتغل على جوالة بتركيز واضح

تمددت قريبه له و انتعش فهد من ريحتها العذبه اللي اشتاق لها سكر جواله ولف لها وهو يفتح ذراعه /مهره تعالي
مهره زحفت له ودخلت بذراعه اللي حضنها بحنان
ويده الثانيه يمسح على ظهرها بذات الحنان
تم الصمت بينهم لدقايق
قطع صمتهم تسال مهره الخافت/ فهد صدق كنت ناوي تزوج ؟!
فهد مازال يمسح على ظهرها ويرد بتسال بذات الخفوت / وليش انا مو متزوج الحين !؟
مهره ترفع وجها و يصدم بذقنه وباست ذقنه
بنعومه / اقصد يوم كنت بيت امي ؟!
فهد باس جبينها / لا مافكرت انتي تكفيني عن نساء العالم كلهم
مهره تقترب له لين لزقت فيه وهي تهمس
بتاكيد /اكيد يافهد اكيد
فهد شد احتضانها لصدرها وهو يهمس لها بتهديد / اذا رحتي بيت امك مره ثانيه ترجعين تلقين جناحك فيه وحده غيرك
مهره انتفضت بغير / يعني كنت ناوي يافهد؟!
فهد يبوس عيونها ويهتف لها / لا ماكنت ناوي بس افكر لو رحتي مره ثانيه
مهره حست بحزن / ليش ماتحبني ؟!
فهد انتفض بصدمه / كيف ؟!
مهره طالعت وجه فهد اللي حمر من الصدمه
وعظت على شفايفها بخوف
وفهد اخذ نفس عميق و يحاول يهدي من نفسه وهو يهتف بغموض / ارتاحي زواج وماني متزوج
مهره تهز راسها برضا/ طيب
فهد ماعجبته نبرتها وهتف بتسال/ كانك مو مصدقة ؟!
مهره بضعف / لا مصدقه بس خايفه
فهد يبعد جسده منها وهو يتمدد على ظهره / خايفة من وشو بضبط؟!
مهره بنبرة مبحوحه / منك
فهد لف وجهه لها ويهتف بتسال /مني انا؟!
مهره ترد بعذوبه / اي ومن تهديدك بعد
فهد يطمنها/ لاتخافين من شي انتي بس نفذي للي طلباتي عشان اكون رايق لك
مهره حمر وجها وهي تاشر له بستسلام/طيب
____________________________

جورجيا الساعه 3 الفجر

بجناح صقر اللي مازال سهران ولا حس بالوقت
وهو جالس على الاريكه و يشتغل بلابتوب اللي قدامه
يشتغل و يشتغل بهتمام بالمشروع
قطع شغله صوت ونات ملاك المنتضمة
وقف صقر واتجه لسرير وقف قبالها
و حط ظهر كفه على جبينها انتفض
وهو يحس بحرارتها العاليه
صقر حط باطن كفه على كتفها وهزها بمنادا/ ملاك ملاك قومي ملاك
ملاك تفتح عيونها بذبول /هلا شفيك
صقر يستعجلها / قومي البسي بوديك المستشفى بسرعه
ملاك تسكر عيونها وهي تهتف بضعف/ بنام
صقر ينحنى و يقترب خده المشعر لخدها الحرير ويتحسسه وهو يهمس لها / ملاك حرارتك مرتفع قومي
ملاك بعناد /مابي اروح افهم
صقر تنهد وهو يهددها/ قسم بالله اشيلك غصبن عليك
ملاك بتهديد اعمق / والله لو تسويها لارجع لسعوديه وماعاد تشوف وجهي
صقر يطنشها وهو يبدل ملابسه ويجيب عباتها
ويلبس ملاك غصبن عليها وهي تحاول تبعده منها وتصارخ فيه / انت ماتفهم بعد بعد

صقر شالها بين يديه وملاك تنتفض من شدت الحراره
دخل الا صنصير وهو مازال شايلها نزل نظره لها
شافها تطالع فيه و هي صامته استغرب من صمتها
صقر هتف بتسال مخيف / ملاك شفيك حاسه بشي
ملاك تهذري من الحراره وهي ماتعرف وش تقول وحطت كفها الصغير على عارض صقر ومسحت عليه بنعومه وهي تهتف له بحراره / انت ليش حلو كذا
صقر انتفض من كلمتها بصدمه /هاه ؟!
ملاك تقرص خده بخفه / يوه يزينك زيناه
انفتح الا صنصير وصقر رجع سكره من الوناسه
مايبي يطلع ماهو مصدق وده انها ماتصحى
من الحراره وهو يهتف لها ببتسامه خبيثه/ نرجع ننام نومه حلوه
ملاك تضحك باستهتار / اووف احلا نومه بعد
صقر انفجر ضاحك / خبله انتي تبين تجيبين بنفسك العيد
ملاك تهتف بضعف وهي تسكر عيونها / هممم بنام ياويلك تنزلني
صقر يبتسم من حركاتها ويفتح الاصنصير
وركبها السيارة وامر السواق يمشي للمستشفى
_____________________________


جناح فهد الساعه 2 صباحا

فهد كان حاضن مهره من ورا ونايم وهي نايمه معه
حس فيها تحركت بسرعه وتفتح يديه من خصرها
و تركض للحمام وقف بستغراب وهو يتجه لحمام و يطق الباب وينادي عليها /مهره مهره

مهره فتحت الحمام وبيده فوطه صغيره وتمسح
فمها الصغير وترد بذبول / هلا فهد
فهد يرفع حاجبه بتسال/ شفيك
مهره تهز كتفها /مدري بس احس غثيان واستفرغت
فهد يمد يده لها ويسندها متجه لاريكا يجلسها بهدو ويجلس قريب لها وهو يهتف بهتمام/ليش وش اكله انتي ؟!
مهره تهز كتفها برائه /ماكلت شي اصلا
فهد بصدمه /كيف ماتعشيتي؟!
مهره بتجاوب /لا ولا تغديت بعد
فهد قفز واقف بغضب / كيف عايشه انتي !!
مهره ترفع راسها وتطالع فيه بذبول / الاوراح بيد الله
فهد عض على شفايفه وهو يستعيذ بالله من الشيطان الرجيم لا يرتكب فيها جريمه هتف بامر صارم / قومي البسي
مهره بتسال /ليش ؟!
فهد يتجه لغرفة الملابس من غير لا يرد عليها
مهره تنهدت بضيقة وهي تقوم تلبس لها بجامه حرير وتلبس فوقها عباتها
شافت فهد لابس ثوبه وشماغه ومنسف بترتيب
استغربت ليش كاشخ هالحزة وين بيوديها
فهد يهتف لها بتسال حان /جاهزة
مهره تهز راسها/ اي جاهزة بس وين بنروح ؟!
فهد ياخذ جواله ومفتاحه / بوديك تاكلين
مهره بصدمه /كيف ؟!
فهد يلف لها وهو يامرها /الحقيني

مهره راحت معه وهي ماهي فاهمه شي
ركبت السيارة معه وهو شغل ومشى
وحال الصمت بينهم لدقايق
هتفت مهره بتردد /فهد
فهد لف لها /هلا
مهره بخفوت وعينها بعينه / حنا وين رايحين
فهد يرد بجمود / بوديك مطعم ايطالي يعجبك
مهره سكتت بدهشه عمره ما طلعها برا البيت حتى للمستشفى والحين يصدمها مره وحده
قطع افكارها صوت فهد / يلا انزلي
مهره ترفع راسها وتطالع بالطعم ارقى و افخم
مطعم شافته و اضح انه غالي نزلت معه بصمت
دخلو وختار فهد لهم غرفة خاصه فيهم
اشر لها تدخل الغرفة / ادخلي لين اجيك
مهره تهز راسها برضا /طيب
مهره نزلت نقابها وهي تطالع ديكورات الغرفة
ومازالت مستغربة من تصرف فهد لغير متوقع
دخل فهد ومعه المنيو جلس قبالها وهو يمده لها
وتكلم فهد بامر / اطلبي كل اللي خاطرك فيه
مهره تمد يدها وتاخذه وهي تشكره /مشكور

فهد يطالع فيها برحمه يحس بتانيب الضمير من ناحيتها وخايف على صحتها حيل بس شافها تستفرغ وقف قلبه كيف لو صار فيها شي ثاني ولا لو تحمل وتولد كيف بيتحمل ضعفها وتعبها هي ماتحمل شي هي هشه هشه ياناس

قطع افكاره صوتها العذب / امم ابي لازانيا
فهد بنبرة حنان / وغيرة
مهره ترفع كتفها / بس هذ اللي ابي
فهد يامرها بحزم / مهره اطلبي بعد شوفي الاطباق الثانيه تبين بحريات لحوم وش تحبين
مهره تكشر / لا ماحبهم ابي بس لا زانيا وسلطه يونانيه
فهد ياخذ المنيو منها وهو يقوم متجه لباب / طيب
رجع فهد وجلس قبالها مر عليهم وقت ربع ساعه تقريبا وهم بصمت
ومهر تثاوب بفمها الصغير بنعاس /هممممم
فهد حس بقشعريره من منظر فمها الصغير المفتوح وكانها نونو يتثاوب همس لها / فيك نوم ؟!
مهره تهز راسها / بقوة
فهد بهتمام /الحين تاكلين و تغذين جسمك ونرجع ننام
مهره تبتسم بعذوبه /اتغدا يوه حتى انت صرت مثل امي وجدتي تغذي اكلي قوي عظمك هذا وجسمي مرتوي يبون ازيد بعد؟!
فهد رد عليها بغموض/ لا جسمك زين ولا ابيك تغيرينه بس ابي تغذين لصحتك انتي كيف تنامين من غير تاكلين شي
مهره برائه / كنت متضايقة ولا ضقت تنسد نفسي

فهد يناظر فيها بصمت لين طق الباب قام وفتحه
وامرها تغطي وجها/ تغطي
مهره غطت وجها بصمت وهي تناظر الكل بدهشه اللي نزله المضيف على الطاوله اللي قبالها
طلع المضيف وفهد سكر الباب وجلس قبالها وهو يفسر ثوبه وهتف لها بامر حازم / ابيك تاكلين كل هذا
مهره تطال فيه وترجع تطالع بالاكل بصدمه / اذا اكلت طبق واحد زين
فهد بمقاطعه /اقول كلي كله فاهمه
مهره تنهدت وهي تهتف بدلع / فهد
فهد ناظر لها نظرة مباشرة وهو يسكت
ضاعت علومه وزاد عليه ابتسامتها
ومهره تبتسم / شفيك
فهد ينفض راسها / يلا اكلي

مهره تمد يدها وتاكل وتاكل وكل شوي فهد غاصبها لين حست خلاص بتستفرغ من كثر الاكل
مهره تهتف برجا /تكفى فهد خلاص والله راح استفرغ
فهد تنهد بستلام خاف انها تستفرغ ويروح الاكل كله اللي كلته على الفاضي /طيب بطلب لك حلا ولا سلطة فواكه
مهره برجا اعمق / فهد تكفى
فهد يوقف ويقترب لها و ينحنى عند اذونها
ويهمس /لاتقولين تكفى
مهره حست بنفاسه الحاره عند اذونها وردت
بتوتر /احم طيب
فهد مازال منحنى ويهتف بنبرة خاصه / انتي وش سويتي فيني ؟!
مهره ترفع راسها بصدمه / والله ماسويت شي وش سويت

فهد طالعها فيها لدقايق بصمت وبعده يهتف بتسال/خلصتي نمشي
مهره تعض شفايفه بحرج /اي خلصت
فهد يعتدل واقف ويامرها /يلا البسي

مهره تلبس نقابها وتطلع معه
طول الوقت بسيارة صامتين
فهد شخصيته تحب الصمت والغموض
ومهره من شخصيتها تحب الكلام وسوالف
لاكن عند فهد تفضل الصمت مثل صمته

وصلو الجناح وهي تنزل عباتها وتجه لسرير
وفهد ينزل شماغه وهو يهتف لها بحرص/ لاتنامين انتظري الصلاه وبعده نامي
مهره تمدد على السرير /مم كم باقي على الصلاه
فهد ينزل جواله ومفتاح سيارته على التوليت ويهتف لها /باقي نص ساعه تقريبا
مهره بتسال /وانت مو نايم
فهد يرد وهو متجه لحمام / لا بصلي وطلع مناك لديوان
________________________________

جورجيا الساعه 5 صباحاً ….

من وصلو المستشفى خذ لها غرفة خاصه
وطلب من الدكتور انه هو اللي يشرف على حالتها وطلع له بطاقتة الصحيه والدكتور تجاوب معه
اهم شي عند يدفعون رسوم المستشفى كامله
بذات انه مستشفى خاص وتكاليفه غاليه

صقر لاول مره يحس انه يعالج مريض بنفس رايقه حقنها بابرة خافضة لحرارة وحط لها مغذي
وهذ هو جالس عندها بنتظرها تصحى
وعيونه على ملامحها النايمه بسرير الابيض وشعرها الاسود المنثور عليه
ملاك فتحت عيونها وهي تلتف يمين ويسار
و تحطب حواجبها بتسال
صقر اقترب لها وانحنى باسها مع جبينها بهدو وهو يهمس لها / الحمدلله على السلامه
ملاك تهتف له بتسال/كيف جيت هنيه وش صاير؟!
صقر يبتسم وهو يتذكر كلامها وقت الحراره ورد عليها بهدو / ارتفعت حرارتك وجبتك للمستشفى
ملاك تزفر عليه بلوم / انت السبب مطلعني تلفريك
بالبرد لين جتني حراره
صقر مازال مبتسم لها / الا قولي من الموكا البارد اللي شربتيه عشان تعاقبيني
ملاك تهز كتفها بنعومه / وليش مايكون من تحت راس اختك اللي تسحبنا للبرد وهي سبع ارواح مايجيها شي
صقر تافف بغضب / ملاك خلاص اشتغلي بنفسك عنهم
ملاك تصد بوجها / بروح الحمام
صقر يقترب لها ويمسك يدها يبي يسكر المغذي
بس كانت اسرع وسحبت يدها منه وهي تطالع فيه
وتصرخ عليه / وش بتسوي بتذبحني ؟!
صقر فتح فمه مصدوم / انا اذبحك ؟!
ملاك تعتدل جالسه وتهتف بطفولة/ اي ولا وش تبي بيدي عشان تقطع اوردتي واموت
صقر حاس انه بينفجر عليها وهو يهتف بصرامه / لو بقطع اوردتك على قولتك قطعتهم وانا احقن المغذي فيك
ملاك تقطب حواجبها / انت اللي حطيت للي المغذي ؟!
صقر يهز راسها بصمت وهو يسحب يدها ويفتح المغذي لها ثم هتف بامر/ يلا روحي الحمام بندفع وسوم المستشفى ونروح ننام بالفندق
ملاك تقوم متجه للحمام تحت انظار صقر لها

بعد دقايق طلعت وماشفت صقر بالجناح هزت كتفها بستغراب وهي تلبس عباتها ونقابها شوي ودخل عليها
صقر وهو يتسال / هاه جاهزة ؟!
ملاك ترد /اي جاهزة
صقر يمد كفه لها /يلا تعالي
ملاك تطالع كفه بنص عين / اقدر امشي من غير لا تمسك يدي
صقر يرجع يده وهو يمشي قدامها بتافف /اف طيب الحقيني
رحت معه وركب السياره معه بصمت
شوي وصلو الجناح نزلت ونزلت عباتها وهو بدل لبسه ولبس شورت وتمدد على السرير على ظهره بارهاق
و ملاك تمدد هي بعد على جمبها وجها لصقر
وتهتف له بتسال / مازن يعرف رقم جناحنا ؟!
صقر يرد عليها وهو مسكر عيونه / لا مايعرفه
ملاك تافف / طيب حط جوالك عام ترا راح يقلبون الدنيا لو مارديت عليهم
صقر مازال مسكر عيونه وهو يرد عليها/ حطيته عام وحطي جوالك انتي بعد عام

ملاك صمتت وعيونها عليه تطالع ملامحه الرجوليه وهي تذكر كلامه قبل شوي وكلمة محصن تشعل الغيرة فيها والافكار تاخذها لا بعيد وهي تخيل
حركاته لا اميرة نفس حركاتها لها واعمق بعد
ملاك تنهدت بصوت مسموع
صقر لف لها شاف نظراتها عليه بتركيز
هتف لها بتسال متقصد / شفيك للحين معجبك
ملاك ترفع حاجبها بتسال /مافهمت ؟!
صقر بذات النبرة المتقصده / ماتذكرين كلامك وانتي بالحراره
ملاك باستغراب / لا ليش وش كنت اقول ؟!
صقر ابتسم بخبث وهو يحك ذقنه/ تقولين احضني حضنك حلو مرره
ملاك بصدمه / انا قلت كذا ؟!
صقر يهز راسها بخباثه /اي وقلتي اكثر بعد
ملاك برائه /ولايكون حضنتني ؟!
صقر يهز كتفه بقلة حيله/ وش اسوي انتي كنتي تعبانه و شغلتيني ماقدرت اردك
ملاك مازالت مصدومه/ وشو اشغلتك فيه
صقر استانس وهو يهتف برود متصنع / كل شوي تبوسيني مع كل مكان وقول لك يابنت عيب تقولين لا انت زوجي وعادي
ملاك صرخت فيها /كذاب حقير
صقر انفجر ضحك / والله في اشيا ماكذبت فيهم انها صارت صحيح
ملاك تغطي وجها بكفوفها بحرج / وش اللي صار
صقر يقترب لها ويهمس عند اذنها / تقولين يزينك زيناه خل نرجع نام احلا نومه
ملاك فتحت كفوفها عن عيونها وهي تطالعه
بتسال/احلف اني قلته
صقر بحلف صادق /والله قلتيه وحتى كانت الفرصه بين يديني بس وفيت بوعدي لك
ملاك تعض شفايفها بحرج / ماعلي حرج كنت بحراره
صقر يرجع يتمدد على ظهرة ويسكر عيونه / ممكن انام
ملاك تلف وتعطيه ظهرها / وانا بنام بعد

صقر لف عيونه وطالع بظهرها النحيل وهي نايمه
مر عليه وقت وهو يناظر فيها لين غفاه النوم ونام
____________________________

 
 

 

عرض البوم صور راح ماقال الوداع   رد مع اقتباس
قديم 06-08-22, 09:57 PM   المشاركة رقم: 23
المعلومات
الكاتب:
اللقب:
ليلاس متالق


البيانات
التسجيل: Feb 2022
العضوية: 337893
المشاركات: 34
الجنس أنثى
معدل التقييم: راح ماقال الوداع عضو بحاجه الى تحسين وضعه
نقاط التقييم: 10

االدولة
البلدFrench Southern and Antarctic Lands
 
مدونتي

 

الإتصالات
الحالة:
راح ماقال الوداع غير متواجد حالياً
وسائل الإتصال:

كاتب الموضوع : راح ماقال الوداع المنتدى : المنتدى العام للقصص والروايات
افتراضي رد: رواية سعوديه رومانسيه (ريح المطر) للكاتبة (شغف)

 

رواية ريح المطر


-/البارت الخامس والخمسون /-

رواية ريح المطر (للكاتبة شغف
ادعو لوالدي برحمة والمغفرة..

الساعه 12 صباحاً

بجناح الجدة صيته كانت تقهو وتابع التلفزيون بجناحها دخلت عليها حسنا بحترام /يمسيك بالخير
الجدة صيته تقهو من فنجالها وترد /يمسيك بالنور
حسنا تجلس بتسال/انتي بروحك ؟!
الجدة صيته مازالت رافعه فنجالها /من بيجيني يعني
حسنا تضحك/ ام ابراهيم وبناتهم كل عاده عند ابراهيم
الجدة صيته تبتسم /كيفهم اريح لنا ولهم
حسنا بهتمام /وش تبين على الغدا ؟!
الجدة صيتة ترشف من فنجالها/ عادي اللي تبون بس حسبو حساب فهد و مريته
حسنا تبتسم/ من زمان فهد ما تغدا هنيه يمكن يوم ترجع مرته يتغدا
الجدة صيته بموده /الله يجمع شملهم ويهدي امورهم
حسنا توقف /امين يارب
الجدة صيته بهتمام امومي/شلون نوف وشلون مشعل معها
حسنا اتسعت ابتسامتها/ ماعليها الحمدلله ومشعل اجودي ماهو مقصر بشي
الجدة صيته بموده /الله كريم

دخلت مهره وهي تسلم بعذوبه /سلام
الجدة صيته وحسنا /عليكم السلام
الجدة صيته تاشر على المكان الخالي وقريب
لها /تعالي يامك عندي
مهره تقترب وهي تبتسم وتحب على راسها/شلونك ياجدتي
الجدة صيته تبتسم وترد بتقصد / انا طيبه انتي اللي شلونك مابغيتي تصحين لقيتي الدفى
مهره تطالع بحسنا بحرج وحسنا تضحك وهي تهتف بستاذان /يلا انا بروح اشوف الخدامات و الغدا
الجدة صيته تطالع حسنا وهي طالعه وتهتف لمهره بخفوت /شلون فهد معك
مهره منزله عينها بحرج /زين الحمدلله
الجدة صيته بنغزى /كل يوم يمرني الصباح الا اليوم للحين هو نايم
مهره ترفع راسها وتكلم بجديه /فهد طلع الديوان من صلاة الفجر
الجدة صيته بصدمه/ليش وش صاير عسى مابينكم شي

مهره تريحها / لا ماصار الا كل خير بس طلعنا البارح وعشاني برا و ماجينا البيت الا قريب الفجر قال بصلي وروح لديوان
الجدة صيته تبتسم بسعاده/ اجل طلعك و عشاك ؟!
مهره تهز راسها وهي مبتسمه بعد /اي
الجدة صيته تقرص خدها من عند الغمازه/ وكاد انه عرف قدرك يوم رحتي لامك
مهره تضحك /والله مادري عنه ولدك غامض ماينعرف منه شي
الجدة صيته بحزن عميق / فهد فاقد حنان امه وحنان ابوه متعقد نفسياً من الحياه
مهره قلبها اوجعها عليه/ بس انتي كنتي موجودة عنده وتكفينه عنهم
الجدة صيته بالم / والله ماخليت يا مهره عليه شي حتى بديته على عيالي بس الشكوى لله طلع مايرحم ولا يبي ينرحم لانه فاقد الرحمه
مهره بحزن اعمق / مسكين فهد انا اشوفه مايعرف الرحمه طلع هذا السبب
الجدة صيته بتوصيه / انتي اللي تعوضينه الحنان احتويه مهمها سوى تقاضي و تغافلي و اكسبية
لاتجي غيرك وتكسبه

مهره تهز راسها وهي حزينه/ راح احاول بس يومه ليش ماكان يبي عيال معقوله عشان مايقدر يحن عليهم
الجدة صيته بجزع/ مافي ابو مايحن على ضناه لاكن يا ضنتي انه خايف على عياله من الحياه اللي هو عاشها
مهره امتلت الدموع بعينها / كيف نعوضه حنان اهله
الجدة صيته ضحكت من شكلها/ انتي كيف بتعوضينه وانتي تبكين هو اللي يعوضك ويحن عليك كذا خليك قويه
مهره تمسح دموعها / احم اي بصير قويه
الجدة صيته تضحك / ياحلوك يا مهيرة
____ _________________________________

الساعه 1 مساً بجورجيا

وبجناح مازن وفاء

وفا تزفر بضيق وهي متمدده على السرير /مارد صقر؟!
مازن يتنهد وهو جالس على الاريكه ويتابع
التلفزيون /لا مارد يمكن نايمين
وفا بغيرة /ينامون للحزة دق على اختك
مازن بحرج /لابالله ماني داق متى ماصحى صقر يكلمنا
وفا تقوم من السرير وتقترب له /مازن دق عليها متنا جوع
مازن يرفع راسه ويطالعها/ طيب نطلع نتغدا
وفا برفض/ ماحنا عارفين شي بس دق عليها بسرعه
مازن ياخذ جواله بقلة حيله وهو يهتف /طيب طيب بدق

——————————————————————

بجناح صقر ….

كانو نايمين بتعب ملاك وصقر
جوال ملاك رن لثالث مره فتحت عيونها بطى
ومدت يدها واخذت الجواله من على الطاوله
اللي بجمبها طالعت فيه كان يضي باسم مازن
على الشاشه تنهدت وهي تلف نظرها لصقر
اللي نايم ولا حاس بشي
ملاك ترد / هلا مازن
مازن يردف باستعجال/ملاك وينكم ادق على صقر مايرد انتم نايمين
ملاك تمدد وهي ترد عليه بستعباط / اي مازن نايمين ليش وش صاير احد ميت عندك؟؟!!
مازن يزفرها / ول وش السان اللي عندك ما ترتاحين لين تفاولين
ملاك تزفر فيه هي بعد / اخلص وش تبي ؟!
مازن معصب منها/ وين صقر عنك يسمع قلة ادبك
ملاك بتهديد / بتكلم ولا ترا اسكر الجوال بوجهك
جاها صوت وفا الغاضبة / ملاك عطيني صقر
ملاك ضحكت بستهزا /كملت ادارة التخطيط معنا
على الهاتف
وفا بغضب حاد /ملاك عطيني اخوي احسن لك
ملاك برود اعصاب/ واذا ماعطيتك اخوك وش بيصير ؟!

صقر يسحب الجوال من يدها ويرد على وفا وعيونه على ملاك بتوعد /هلا وفا شفيكم ؟!
وفا بتحيل / شفت ياصقر شفت تهددني انا ومازن وانت تسمع
صقر ينهى النقاش/ الحين انتي ليش داقه وش تبين
وفا تنهدت /مازن الي داق كان بيسال عنك مانعرف شي ومتنا جوع وندق عليك مقفل جوالك
صقر يعتدل جالس وهو يطالع ملاك اللي تنتفض من الغيظ ويهتف صقر بحزم / خلاص شوي وامركم بجناحكم يلا مع السلامه

صقر من سكر الجوال جاه صوت ملاك الغاضب
اللي متمدده على ظهرها وتهتف بغضب /عاجبك كذا عاجبك
صقر تمدد نص تمديده جمبها و اقترب لها و نحنى
جزه العلوي لها وحط وجهه عند وجها و نفاسه الغاضبه تلفحها وهو يهتف بغضب احد/ انتي مقويه راسك وانا اللي بكسره لك
ملاك تنفخ بوجهه / اكسره يلا وش تنتظر اكسره
صقر يحط كفه على فكها ويضغط عليه لقدام
وفمها المزموم ينفتح من ضغطته عليه و زفر عليها بخفوت / فمك هذا لا تفتحينه بوجهي لا دفنه لك تراب
ملاك تحرك وجها يمين ويسار تبي يبعد يده ومن شال صقر يده صرخت ملاك فيه بصوت مهزوز / هين ياصقر هين انا تمد يدك علي انا والله العظيم مالي جلسه عندك دقيقه وحده وخل وفا تنفعك

ملاك كانت بتقوم من السرير بس ثبتتها يد صقر اللي سحبها ويحضنها على صدره ويهتف لها
بصرامه /ملاك ماحد ردني عنك وانتي ورع ولاحد قادر يردني عنك وانتي مرتي بس اعقلي وكسري الشر

ملاك دفنت وجها بصدره وهي تعرف عدل
انه صادق ماحد قادر يوقف بوجه صقر عشانها
صقر شد احتضانه لها ويمسح على شعرها بهداوه
ملاك كانت تمسك نفسها لاتبكي و نفاسها تسارع
صقر يحس بنفاسها على صدره وهو نادم على تصرفه معها مهمها كان هي صغيرة وماهي قد عقله ولا بعمره عشان يحط عقله بعقلها و مهمها تقوت بتظل ضعيفه ضعيفه

صقر همس عند اذونها / والله ماكان قصدي انتي حبيبتي و مارضى بزعلك مهمها زعلتيني
ملاك مازالت دافنه وجها بصدره العاري وهي ترد بجزع مولم / انت تحامي على اختك ياصقر
صقر يرفع وجها لوجه وحط عينه بعينها/ لا ما حاميت معها انا سمعت كلامك بذني وهم داقين يسالون وانتي تمردين عليهم
ملاك تبعد منه وهي تعطيه ظهرها / خلاص روح لهم ياصقر انا بكمل نومي
صقر يقترب منها ويضمها من ورا / وش يرضيك ياروح صقر انتي
ملاك بنعومه / تحترمني وتحترم وجودي وبذات قدامهم مهمها حصل و اذا عندك شي بتقوله قوله للي هنيه بالجناح ماهو تصارخ علي عندهم
صقر يبوس خدها برضا / من عيوني بس حتى انتي بعد اقصري لسانك شوي
ملاك تلف وجها له وتحط عينها بعينه وتهتف
بتميع / ليش شفيه لساني ؟!
صقر ذاب ذوبان من نبرتها / عسل عسل لسانك عسل
ملاك تقوم وهي تهتف بتهديد / خلك عاقل عشان
ما يقلب العسل سم
صقر تكى ظهره لظهر السرير وكتف يديه ورا موخرة راسه وهو يطالع فيها بضياع وهي تمشي متجهه لحمام
________________________

الساعه 2 مساً بالسعودية ..

فهد دخل البيت وتوجه على طول لجناح جدته ماشافها اليوم وهو متعود يمر عليها كل يوم
حتى وايام زعله مع مهره وزعل جدته عليه كان
يشوفها
تمره ولا با الحديقة يحصلها جالسه
مايمر يوم من غير لا يطمن عليها

طق الجناح وتنحنح /احم ام عقاب
الجدة صيته تبتسم وهي تشوف وجه بمهره اللي حمر وتنادي الجدة صيته / ادخل يامك مافي احد الا مريتك
دخل فهد وعيونه على اللي جالسه بقميص قطن زيتي
مايدري ليه جا باله شكلها اول ماشافها بالون الزيتي
وخلاه ينسفه عليها

فهد اقترب وحب على راس جدته / يمسيك بالخير
الجدة صيته ترد بامومة /يمسيك بالرضا اجلس يامك اجلس تقهو
فهد يجلس على الاريكا جنبها من اليسار ومهره جالس من جنبها اليمين ويهتف لجدته بحترام / اجلس اي اما قهوه مالي فيها
الجدة صيته تلف وجها له /ليه يامك اشرب فنجال وكل لك تمره
فهد يطلع سبحته من مخباه وهو يرد / جاي بنام للي شوي قبل العصر والقهوه تطير النوم
الجدة صيته ترفع معصمها وتطالع بساعتها/ عاد يمديك تلحق تنام قبل الصلاة
فهد يرد بغموض وعينه على سبحته اللي بين
اصابعه / اي مديني ساعه تكفيني
الجدة صيته بتسال / هو انت صاحي بدري
فهد يرد عليها بذات الغموض وهو مازال يشتغل بسبحته / اي من الفجر
الجدة صيته تبتسم / اي قالت للي مهيرة انك طلعتها و عشيتها وطيبت خاطرها

فهد رفع عينه لمهره اللي كانت تبحلق فيه ومن رفع عينه لها نزلت عينها بالارض بخجل ورد فهد بهدو
غامض /تستاهل مهره
مهره رفعت عينها وحطتها بعينه وهي تبتسم بعذوبة
وفهد هايمه عيونة بملامحها البريئة
قطع نظرهم الجدة صيتة اللي هتفت بحمية /اي بالله تستهل بنت ناصر عقل وثقل وزودن على هذا زينها ينقط مثل نقط المطر
فهد مازالت عينه بعينها ومهره تطالع فيه وهي تزم شفايفها من الحيا فهد رد بتلميح حازم / الزين يجي مكانه زين وماكل مره بتسلم الجرة يا ام عقاب
مهره اختفت ابتسامتها وهي توقف يغيظ وكف الجدة صيته امسكت بصابعها الصغير وهي تهتف لها بامر /اجلسي يا مهره

مهره وعينها على فهد اللي يطالع فيها بثبات
والدموع تجمعت بعينها وردت بحه / بروح جناحي
الجدة صيته تامرها للمره الثانيه /اقولك اجلسي
مهره جلست وهي تنزل عينها لارض و صامته
وفهد صامت برود وعينه نزلها على سبحته
والجدة صيته لفت لفهد وتسالت بحده / هو انت وش تقصد بكلامك ؟!
فهد رد بغموضه المعتاد / كلامي واضح يا ام عقاب وماهو محتاج توضيح
الجدة صيته بتوجس / يعني تهددها بالمره وقدامي بعد؟
فهد رفع عينه لعين مهره اللي كانت تطالع فيه وتنتظر رده وفهد رد بثقة / انا ما هدد انا انفذ !!
مهره وقفت وهي تكلم بنبرة باكية / كلامه واضح ياجدة ناوي يجيب وحده على راسي الظاهر اني مامليت عين الشيخ فهد
فهد طالعها بصدمه ورد بحده / صوتك ما يرتفع عندي وعند جدتي فاهمه
مهره طلعت من الجناح وهي تشاهق وتبكي والجدة صيته لفت لفهد بزفرة عاتبه / هذا اللي انت تبيه تنكد عليها وهي اللي كانت تقول انك رحوم والله اني ماشفت رحمه منك لها ماشفت الا القساوه

فهد يقوم وهو يهتف بصرامه / ام عقاب خليني انا وياها نتفاهم بينا
الجدة صيته مازالت جالسه ورافع راسها له / كيف اخيكم وانت كسرت بخاطرها قدامي وهي من اليوم تمدح فيك لين وصلتك لاسما
فهد بزفرة غاضبه / واصل لسما بليها وبليا مدحها
طلع فهد والجدة صيته تنهدت باسا من حاله / الولد هاذا ماله حل ماله حل
___________________________________

الساعه 3 مساً جورجيا …


طلع صقر من الجناح هو وملاك وكلم مازن ينزل لهم وهذا مازن وفاء اصلو عندهم وعيونهم الغاضبه
على ملاك اللي صاده بوجها عنهم ولا عبرتهم
مازن اقترب /سلام
صقر يرد السلام بروحه/ عليكم السلام
مازن باعتذار / ياخوك اعذرني ازعجتك بس مانعرف شي هنيه
صقر برجوله / لا تعتذر وزين انك دقيت علينا
و صحيتنا والحين يلا بنطلع نتغدا
مازن يمسك يد وفا ويمشي معهم
ركبو السياره والصمت حال بينهم
وصقر من يتكلم مع السواق ويطلب منه المكان اللي هو يبي

شوي وصلو المطعم الراقي بمدينة بتبليسي
حجز لهم صقر غرفة خاصه عبارة عن
اربعة كراسي ومغلقه عليهم
جلس صقر بجوار ملاك و قبال مازن وملاك قبال وفاء
طلب لهم اكل كلن من اختياره وحال الصمت بينهم
نزلت ملاك نقابها وطرحتها وهي تلم شعرها من جديد
وفا تنزل نقابها وعيونها على ملاك بغيرة من جمالها
صقر كان يشتغل بجواله ومازن كان يطالع ديكورات المطعم بعجاب

مازن يتكلم بمرح / ياخي لون هذا بيتنا كان ماطلعت منه
صقر يبتسم وعيونه بجواله / تحجر نفسك فيه يعني ؟!
مازن يضحك / اي علي الحرام ولا ازور احد ولاحد يزورني بعد انقطع عن العالم الخارجي

ملاك غصبن عليها ضحكت تحب مرح مازن من زمان وهي تفصل معه احيانا بس من جت وفا خربت بينهم
مازن يشوف ضحكتها وهو يهتف لها بمرح /تذكرين ملاك يومنا صغار ونطلع لبيت خالي حشر اللي كان قصر بنظرنا وتزحلق مع الدرج وينكسر سني
ملاك انفجرت ضحك وضحكتها الانوثية ترج
المكان / واشغلتنا مانمت اليل تبي سنك

صقر سكر جواله وحطه على الطاوله ولف لها وعيونه عليها يحسدهم على نسيانهم مسرع يتهاوشون ومسرع ينسون ويضحكون مع بعض
وفا مقهوره من مازن الي مايفهم يزعل شوي وينسى
ومن ملاك اللي ضحكتها الفاتنه تغيظها

مازن يكمل مرح مع اخته / اي وتحلم فيه كنه من ذهب ماهو سن ولا مسوس بعد
ملاك تمسك بطنها من الضحك / الله يخذك انت وسنك
صقر يكلمها بخفوت / شوي شوي لا يطيح سنك انتي من الضحك

ملاك تطلع لسانه الاحمر المثير له بحركة بريئه
و طفولة وتهتف بمرح / موت حره
اختفت ابتسامتها وهي تشوف وجيهم كيف تغيرت
مازن حمر وجهه من الخجل وهو يطالع وفا اللي
حمر وجها من الغيره وتطالع بصقر اللي حمر وجهه من الغضب
ملاك بتسال خافت /شفيكم ؟!
مازن عرف نيت اخته وبرائته وحاول يغير
الموضوع / ياولد والله اني جيعان عسى غداهم زين بس
صقر مارد عليه و كانت عينه على ملاك بتوعد
وملاك ترد على مازن و مطنشه نظرات صقر لها وهي تسال بنعومه / متى بترجع لسعوديه ؟!
مازن وعينه كل شوي تروح لصقر وهو خايف على اخته / امم يمكن بعد يومين
وفا بتدخل / وشو يومين سبوع نبي نجلس
ملاك تطالع صقر وتهتف له بتسال/ حنا نرجع مهم ؟!
صقر صد بوجهه عنها ولا رد مطنشها
ملاك انقهرت من حركته وصدت هي بعد
قطع جوهم المشحون صوت الباب
وصقر يامرهم يتغطون وعينه على ملاك بتاكد من غطاها / تغطو
تغطت ملاك وفا ودخل المضيف وقدم الكل كامل وهو يمد الفاتوره لصقر عشان يدفع الحساب
ومازن تكلم بحرج / خلها علي هالمره
صقر يطلع محفظته من مخباه ويطلع منها الفلوس وهو يرد برفض / لا هالمره ولا غيرها
مازن بطلبه /طالبك
صقر يمد الحساب للمضيف ويهتف له
برفض صارم / لا تطلب يا مازن والله ماتدفع قرش واحد
مازن يمد يده للاكل ويرد بامتنان / الله يزيدك من فضله
صقر يفسر يدينه وبدا ياكل وملاك وفا
نزلو غطاهم وبدو بالاكل بصمت

بعد دقايق مازن يقوم واقف / كثر الله خيرك يابو مطلق
صقر يرفع راسه له بتسال /ليش ماكلت
مازن يحط يده على بطنه / ياولد ماخليت شي انا اكلي سريع ماهو مثلكم
صقر يبتسم /عافيه
مازن يتجه لباب /بروح اغسل

وفا استغلت الفرصه وبدت تنفذ تخطيطها وهي تسمك جوالها وتهتف بتافف /اف كيف نسيت اطمن عليها
صقر وملاك رفعو نظرهم لها وصقر هتف
بتسال/ منهي؟!
وفا بتمثيل / اميرة بالمستشفى مرقده ونسيت اكلمها
صقر ينزل ملعقته بهتمام / ليش شفيها؟!
ملاك لفت له بقهر وهي تشوف اهتمامه الواضح
وفا تكمل / عندها زايده ومقررين عليها عمليه تكسر الخاطر وخايفه حيل
صقر يحس من داخل بتانيب الظمير من ناحيتها والحين حس بحزن عليها وهو يهتف بهتمام
اعمق / ومتى عمليتها وبي مستشفى ؟!
وفا تجاوبت معه بسعاده / عمليتها بعد سبوع اتوقع هي مرقده بمستشفى خاص عشان المسكنات

صقر نسى وجود ملاك وهو يهتف بحرص
واضح / خلاص قولي لها تنتظر لين ارجع من السفر وتحول تقاريرها علي وانا اسوي لها العمليه
ملاك ضربت الطاوله بيدها وهي تصرخ فيه /مدامك مهتم فيها لهدرجه ليش طلقتها
صقر لف لها بحده وهو يصرخ فيها بعمق /صوتك لايعلى يابنت
ملاك توقف وهي ماتشوف من الغيظ /الا بيعلى وبيعلى وبيعلى واللي مايحترم وجودي ماني ملزومه احترمه
صقر جن جنونه من الغضب وهو يوقف ويعطيها كف على وجها / تحترميني غصبن عليك
مازن كان توه داخل وسكر عيونه بالم وهو يشوف صقر يوم صفع اخته و ارتج جسمها الصغير من قو الصفعه حس بمراره وقهر عليها
ملاك حطت يدها على خدها وعيونها غارقه بدموع
وفا من كانت تبتسم بدون شعور ودها تقوم ترقص من الفرحه

صقر ندم ندم ندم على تصرفه وهو يشوف عيونها الساحره امتلت بدموعها والعبرة خنقتها حتى من الكلام
ملاك خذت نقابها ولبسته وخذت شنطتها وطلعت من المطعم كله مازن كان يبي يلحقها اوقفه صوت صقر الثقيل /مازن انت خلك انا بروح لها
طلع صقر ومازن طالع بوفا بتسال/ وش صار علامه ظربها
وفا ترد برود وهي تاكل / من طولة لسانها انت خابرها وخابر لسانها
مازن تنهد بضيقه / قومي خلي نلحقهم بسرعه
وفا توقف وتلبس نقابها /يلا لايروحون وينسونا بعد
_________________________________

بجناح فهد ….

مهره كانت جالسه على الاريكه و لامه ركبها لصدرها
و تبكي بصوت مسموع مقهوره منه ومن كلامه
ليش يبي يذلها ماكفاه جابها لاحد بيته عشان يرجعها
مدامه مفكر يتزوج و مايبيها ليش يخليها على ذمته كان ريحها و ريح نفسه
قطع افكارها صوت خطواته الثابته قريبه لها

فهد من سمع من جدته ان مهره تقول رحوم
وقلبه متمزق عليها يدري ان مهره ماصدقت
وهو مافي رحمه وفاقد الرحمه من وهو صغير لاكن فوق هذا حن عليها وبذات وهو يشوف شكلها كذا لامه نفسها وتبكي..

اقترب منها فهد وحط كفه على راسها ومسح عليه بحنو وهو يهتف لها بحنو / مهره السالفه ماتستاهل كل هالدموع
مهره ترفع وجها المبلول بدموعها وهي ترد
بالم /ماتستاهل ؟!
فهد تنهد بضيقة على حالها / اي ماتستاهل بس انتي كل كلمه والثانيه انطويتي على نفسك وجلستين تبكين
مهره تقوم من الاريكه وتوقف وجسمها يلزق بجسم فهد اللي كان واقف قريب للاريكه وتهتف بحة
حزن / اصلا انا ماهمك ولا عمرك حبيتني يافهد وادري انك تبي وحده من مستواك بنت شيوخ ولا انا بنت ناصر ماسوى عليك
فهد مسكها مع عضدها وهو يهتف بنفاس
متطايره /لاسمع الكلام هذا مره ثانيه اقص لك لسانك
مهره انفجرت باكية / هذا الصحيح ماتبي تعترف فيه
فهد سحبها وحضنها بعنف وهو يهمس باذنها بنبرته الخاصه / لا ماهو صحيح وانتي لا تفسرين كلامي على كيفك
مهره تبكي على صدره وهي تشد جيبه بكفوفها وتجذبه لها برائة وتهتف بعتاب / كلامك مفسر نفسه بنفسه فهد انا وش قصرت معك فيه عشان تعاقبني
فهد انتفض وهو يشد احتضانها ويهتف بخفوت
حازم /مهره انتي ماقصرتي بشي وانا ما عاقبك بس انبهك
مهره تبوس صدره بحنان / فهد انا مستعده اصير لك ام لو تبي و عوضك حنان الاهل بس انت لا تكسرني لا تكسرني
فهد سكر عيونه بصمت وهو يحس قلبه انقبض
من كلمتها هي بتصير له ام
مهره مهره البريئة تبي تعوضه حنان امه
عذوبتها وبرائتها هي اللي محتاجة حنان هي

________________________________

-/البارت السادس والخمسون /-


رواية ريح المطر (للكاتبة شغف
ادعو لوالدي برحمة والمغفرة..


جورجيا ..

صقر كان يلحق ملاك اللي طلعت من المطعم كله
مسكها مع معصمها وشدها له /وين رايحه ؟!
ملاك صاده بوجها عنه وترد بنبرة خانقة / ودني للمطار
صقر انتفض وهو يهتف بتهدئه / طيب بوديك بس اول خلي نروح للفندق
ملاك تسحب يدها من يده / بتوديني ولا ترا والله لاروح مع اجره
صقر تنهد بجزع / طيب بوديك بس تعالي لسياره
مشى وهي مشت معه بصمت لين ركبو السيارة
و صقر ركب بجمبها وكانه خايف عليها تضيع منه
ورن جواله وطلعه من مخباه ورد /هلا مازن ….بسياره ….يلا تعالو …سرعه …
ملاك كانت متماسكه لابعد حد لا تنفجر انفجار
يا يصير يا ضده ولا ضدها
مجروحه منه لابعد حد كيف يظربها وهي عروس هذا وهو يقول انتظرها 14 سنه كذا الانتظار كذا الحب يهينها قدام مازن وفا اللي كانت تجيه له وتحتمي فيه منهم وهو من احتواها و احتماها يوم شافت الضيم
والحين من تحتمي فيه ومن يحتويها ..

جا مازن وفا وصلو لسياره و صقر نزل و ركب قدام وهم ركبو عند ملاك ورا
و الصمت حال طول الوقت
لين وقفت السيارة قدام الفندق وملاك اللي كانت راكبه ورا صقر رفعت راسها وتطالع بتشوف هي وين وتكلمت بامر هادي / خل يوديني للمطار
مازن لف لها بستغراب/ وين بتروحين ؟!
ملاك مازالت تهتف بهدو رغم البركان اللي فيها/ خل يوديني للمطار
صقر تنهد وعينه على قدام وهو يهتف لها بحزم / انزلي اخذي جوازك و غراضك وانا اوديك
ملاك برفض حاد / مانزل معك لو سلخت جلدي من عظمي
صقر لف لها وهو يرجف من الغضب/ لا تحديني ياملاك وتحطين راسك براسي ونزلي بسرعه
ملاك بحلف صارم / والله مانزل الا بالمطار !!
صقر نزل من السيارة وفتح الباب الي ورا وهو يسحب يدها / تنزلين غصبن عليك
مازن توتر وهو يهتف لملاك برجا حازم /تكفين انزلي ياملاك مانبي مشاكل
ملاك بصراخ و بعناد وتهديد / قسم بالله لاصرخ ولم عليكم الناس وسوي مشكله ماصارت تفهمون
والله لاصرخ والله لاصرخ

صقر يفك يدها وهو يشوفها تنتفض بقهر مولم
وجه كلامه لمازن بامر حازم بالغ/ بروح اجيب جوازها وانت خذ اغراضك من الفندق انت وفا وبحجز لكم معها
مازن بتسال / وانت ؟!
صقر يرد وعيونه على ملاك اللي مازالت تنتفض ورد بهدو رغب الصاعقه اللي بصدره / انا الحقكم بكرا
مازن يهز راسه برضا/ ابشر ابشر

نزل مازن ونزلت معه وفا اللي زعلت كيف يبيهم يرجعون وهم امس جايين بس ماقدرت تكلم قدام صقر الغاضب وراحت تحط حرتها بمازن

صقر ركب السياره قريب لملاك وماهو قادر
يروح يجيب جوازها ويخليها بروحها انحنى لها
وده يحضنها ويعتذر منها ويقطع يده لرضاها
بس خايف من ردت فعلها يدري مجنونه
وتسوي كل شي
وهتف بخفوت نادم/ بخليك يومين لين ترتاحين وبعده اجي واخذك
ملاك تشيح بوجها عنه وهي حابسه الدمعه بعينها
من غير رد/…..
صقر يطالع فيها وهو يدعي على يده بالكسر
دقايق مرت وهم على حالهم هو عينه عليها وهي صاده عنه
وجاء مازن بعد ما صدع راسه من وفا و ازعاجها له
ونزل صقر من السياره متجه للفندق بيجيب جوازها ومازن وفاء ركبو بصمت
دقايق رجع صقر وركب قدام عند السواق وامره
يطلع للمطار …..
_____________________________


صحى فهد فتح عيونه وقفز جالس وهو ياخذ جواله ويشوف الوقت تاخر على الصلاة العصر هذا وهو موصيها و محرص عليها تصحيه
لف يمين شاف مهره نايمه عنده بعمق
سحب نفس وزفرة بعصبيه و يصرخ فيها / مهره مهره
مهره انتفضت وهي تفتح عيونها وتطالع فيه
بخوف/هلا فهد
فهد ينفض الغطا ويوقف عند السرير وهو مازال معصب منها / انتي كيف تنامين ولا تصحيني لصلاة
في مره سنعه تخمد عند رجلها و لا تصحي يصلي جماعة ؟!
مهره ترد بحرج و ارتباك / والله ماحسيت بنفسي كنت جالسه عندك ونمت من غير شعور
فهد يتجه للحمام من غير لايرد عليها
ومهره تنهدت بضيقه من حالها وحاله
يروق لها ساعتين وينفعل 22ساعه
امره غريب وكل شي في غريب فوق ماهو غامض
الا انه متقلب الانفعالات وسريع لاشتعال

طلع فهد بعد ما توضى و بدل لبسه من غير لا يكلمها ولا يعطيها مجال للكلام

مهره هزت راسها باستسلام وقامت غسلت و توضت وصلت وبدلت هي بعد و طلعت تبي تاكل لها لقمه ماكلت من عشاها مع فهد
دخلت البيت شافت الكل مجتمع حتى انوار
و نوف اللي ماشافتها من زواجها
وفزت نوف لها بترحيب / هلا وغلا مهره تو نور البيت
مهره تبتسم وهي تقدم لسلام عليها/ منور باهله اخبارك ياعروس
نوف تبتسم / زينه الحمدلله انتي شلونك وشلون امك
مهره تقدم لسلام على انوار وهي ترد على نوف بموده/بخير نحمدالله ..
سلمت على انوار ثم هتفت لها بترحيب/ حي الله انوار اخبارك عساك طيبه
انوار بطيبة نفس/بخير الله يجعلك بخير انتي شلونك من زمان عنك وين ايامك يابنت انقطعتي

مهره تجلس قريب لجدتها اللي كانت تسمع
وتبتسم /انا بخير يالله لك الحمد
ام ابراهيم بتقصد/ باركي لانوار يا مهره بتجيب لنا اول حفيد يشيل اسم العايله
مهره حست بسكاكين تقطع شرايين صدرها وهي تهتف ببتسامه متصنعه /مبروك يا انوار جعلك تفرحين فيه سليم و معافا
انوار بموده /امين يارب وعقبالك انتي ونوف
نوف تضحك / انا حشى قطوه مو ادميه مايمدي اجيب وانا توي عروس
ام ابراهيم مازالت تنغز /انتي من عذرك عاد توك عروس لاكن بعضهم لهم سنه يدافع البلا الله لايقطع لمسلمين ذريه بس
الجدة صيته بغيظ/ مالله قاطع لهم ان شاءالله الارزاق بيد الله وكاد انه مجله للخير
حسنا تغير السالفه / الا سمعتم بسالفة بولد جزا يادافع البلا وش هو مسوي
الجدة صيته تهز يدها تسكتها/ خلو الناس خلوهم الله يعوض اهله بس
مريم بستغراب/ليش شفي؟!
حسنا بتعمق / ياخيتي يقولون انه داخله على بيت ابو سميره وناوي على بنياته بس ربك ستر عليهم صاحن وجمعو الناس و نحاش
ام ابراهيم بصدمه / يويلي والبنات ماصار فيهن شي بس
حسنا تجاوب /لا ماصار فيهن شي ربك ستر عليهن
الجدة صيته تهز راسها باسا / يشوفون ماعندهن احد الا ابوهن شايبن مايقدر يقوم بنفسه ناس ماتخاف ربها
ام ابراهيم بقهر حاد /طيب امسكوه ولالا والله انه يستاهل من يصلخ جلده من لحمه قليل المروه يدخل هلى اعراض الناس
حسنا بقهر اعمق / لا انحاش يقلون معه واحدن ثاني عاد مدري منهو بس اللي عرفوه ولد جزاء
مريم توجه كلامها للجدتها/ هو ياجدة فهد ماطرى لك شي القضيه ماهي عنده مامسكوه
الجدة صيته ترد عليها بوجع/ الا عنده القضيه يقول لاحد الحين مامسكوه مختفي الولد عن الديره كلها
شوق تدخل وجها منفوخ من النوم وتسلم بهدو /سلام
الكل رد عليها السلام بذات هدوها/عليكم السلام

جلست شوق من غير نفس وعيونها
على مهره بنظرات احتقار من فوق لاتحت
مهره تبادلها نفس النظرات بس اهدا منها
لان مهره رقيقه ونظراتها ارق منها ولا تقدر
على الحقد وطولة لسان مسالمه وتبي السلامه

مريم تهتف لشوق بتسال/ اكلتي شي ؟!
شوق تثاوب /لا من جيت من الجامعه حطيت راسي ونمت
الجدة صيته بزفرة / والنوم اهم من صحتك وعافيتك اكلي وبعد اخمدي
نوف بتدخل /كيف الجامعه ؟!
شوق تبتسم / اووه تهبل بس اكشخي وطلعي عالم غير عالمنا البس والكشخه والفلوس يلعبون لعب
نوف بواقع / وحتى حنا ماعلينا قاصر من الفلوس والمال
شوق باسا /صادقه عندنا فلوس وبعد تغرق ديرة كامله بس عندنا ناسن ناشبه بحلوقنا هنيه هنيه (تاشر على بلعومها) يبون يحرمونا من الحريه
ام ابراهيم بدافع /هو ومن يحرمك من شي وش اللي تبينه بس وانا اجيبه لك

شوق تطالع مهره بتقصد / ابي اخذ بعثه بس فهد متحرص علي بزياده كاني اذا رحت ماعاد ارجع
ام ابراهيم ابتسم لحفيدتها وتربيتها/ هو عاد بهاذي ماني قادر اساعدك بشي عندك فهد وكلميه
الجدة صيته تنحرها هي وحفيدتها/ وفهد وش دخل طرتي ولا وقعتي عندك ابو وخوان كلميهم وبعدين وش تبين بديرة الكفار هنيه مافي دراسه !!
شوق تهز كتفها / عاد فهد هو اللي رافض ولا كان رحت من زمان شكله ماهو متخيل البيت من غيري

مهره كانت تسمع وتسمع وتغلي وتغلي
من وقاحة هالبنت و سلوبها
وقلة احترامها للموجودين
واللي ينضج قهرها من الغليان هو فهد
و تصرفاته ليش مايبيها تطلع
وش له فيها وبي حق يوقفها
ماهو زوجها ولا اخوها عشان يخاف عليها
ليش متمسك بشوق بذات !!!ومهتم لوضعها ليش
________________________________

جورجيا الساعه 7 المغرب

بالمطار …

كانو جالسين بالنتظار المغادرين من العصر
ينظرون الرحله اللي تغادر الساعه 8 لسعودية

كان مازن جالس هو وفا بجوار بعض ويتحادثون بخفوت وفا كل شوي تشعمه بتافف وغيظ
ومازن ماسك راسه اللي تفجر منها وهو يهدي فيها
وعيونه كل شوي تروح لصقر وملاك جالسين
بعيد عنهم وقلبه يوجعه على اخته مهمها كان بينه وبينها تبقى اخته والظفر مايطلع من الحم

صقر جالس بجوار ملاك حاول يبرر يعتذر
بس لاحياة لمن تنادي معنه قادر يمنعها ماترجع ولا تقدر الا برضاه بس هو مايبي يكبر حقدها عليه وابتعادها منه يحاول يسايرها..

صقر يهتف توصية و بحرص عميق/ من تركبين الطائره تغيرين عباتك وهذا الكيس في عباتك السودا
ملاك لارد /……
صقر يمد لها الكيس ويحطه بجوارها ويهتف
بموده /وباقي اغراضك انا اجيبهم معي هاليومين
ملاك لارد/……..
تنهد صقر بضيقة من حالها

كانت ملاك اشبه بالصنم لاتكلم ولا تحرك جامده وعيونها هي اللي تحرك وتفرج على الناس
وهي تذكر الاحداث وكيف مد يده عليها
وهي اللي ماتعودت على الضرب حتى يوم مازن مد يده ماسكتت سوت المستحيل عشان ما يعيدها ويمد يده مره ثانيه لاكن الحين اصدمت من صقر
كيف هانها وهي عروس مالها الا كم يوم عنده!!
وكل مايطري عليها كلام الناس لها اول
انتي لاخذك صقر والله لا تشوفين الدلع والتدلع
والله ما يزعلك وهو يشوف زينك لينسى العلم كله
و يبي يبلط عندك على طول
ولا يتنفس الا نفسك الله يعينك على لزقته فيك
والله يسويك دهينه لاتنكتين
ملاك تذكر وتذكر ودها تصرخ وتقول تعالو شفو الزين
وش صار فيه ماكملت كم يوم معه الا هو ضاربها وين الدلع وينه؟!
اجل لونها شينه وش بيسويه يحذفها حذف الكلاب؟!

صقر كل شوي يرفع يده ويشوف الساعه
مايبي الوقت يمر مايبيها تبتعد بعد ماصارت بين يديه
يبي الساعه توقف على كذا راضي تكون بس بجمه بس
ويشم ريحتها ويسمع انفاسها
كل ماتذكر كيف انفعل وضربها
والحسافه تاكل قلبه اكل
وده يرجع الوقت ويمسك نفسه وانفعاله
يلعن اميرة ويلعن وفا ويعلن نفسه على ذيك الساعه
حلم فيها 14 سنه وهو يهذي فيها يبيها يبيها يوم جت وصارت له ضيعها بتسرعه وعصبيته
كيف قدر يجرح نفسه ويجرحها كيف

قطع افكارهم صوت المغادرين لطيران السعودي
وقف صقر ودقات قلبه تعلى وقفت ملاك بجمود
اقترب منهم مازن وراه وفا

تكلم مازن وعينه على صقر بتسال/ تبي شي ياولد عمي توصي على شي
صقر حاس انفاسه مكتومه وهو يتكلم بثقه
متصنعه/ابي سلامتكم وانتبه لهم يامازن ومن توصل المطار السعودي دق علي وطمني ولا تبعد عنهم
ولا يغيبون عنك ولاعن عينك ابد

كان صقر يوصي ويوصي وكل همه هي ملاكه وبس خايف عليها لابعد درجه بس ظروفه ماسمحت يروح معهم

مازن يرد بطمئنه / ارتاح ولا تشيل هم باذن الله كل شي يصير مثل ماتبي ومن اوصل اكلمك وانت بعد لاتاخر علينا احجز والحقنا
صقر يرد بذات ثقته المتصنعه / انا الحقكم قريب بس انتبه لهم مثل ما وصيتك
وفا بتدخل وهي توجه كلامها لصقر بتحيل /تطمن حنا بخير وامان بس انت اتبه لنفسك ياخوي
صقر يطنشها وهو حاقد عليها لانها السبب بانفعال ملاك و نفعاله هو بعد
وهو يلف نظره لملاك اللي كانت تسمع و صامته
ورجع نظره لمازن وفاء بامر / خلاص روحو عند البوابه وحنا نلحقكم
مازن فهم عليه وهو يمد يده لوفا وتجهم لبوابه/ طيب نتتظركم هناك

صقر حط كفه العريضه بكفها الناعم الصغير وشد عليها وهو يحس بحراره من حرارت كفها وهتف لها بمودة حانيه /ملاك ابيك تفهمين شي واحد واحد بس اقسم بامن احل القسم لو شرحو للي قلبي لا شافوك متربعه فيه من صغرك لين كبرك ملاك انا مستعد اجي و ارضيك باللي تبين واللي تطلبين بس
ملاك بمقاطعه حاده / صقر ابعد عن طريقي خلني الحق على الرحله
صقر شد على كفها وانحنى عند اذونها وهو يهمس بنبرة عذاب / والله اني قادر امنعك من الرحله لاكن حبي لك ماهو مخليني اوقف بوجهك اتمنى تقدرين هالحب

ملاك فكت كفها من كفه وهي تتجه لمازن وفا اللي طول الوقت عيونهم عليهم ودهم يعرفون صقر
وش كان يقول لها
صقر وقف يطالع فيهم بعيونه لين دخلو المغادرة
وجلس على الكرسي بنهيار من القهر
ويتنفس بنفاس سريعه وحاره
وهو يشد كفه بعنف وكانه يعاقبها على فعلتها
ولا انتبه لكس العباية اللي راحت ونسته عنده !!
_____________________________________


نهيل شايله ولد حصه بيديها وتبوس فيه بخفه
وحصه متمدده على السرير ومشغوله بجوالها
وكل شوي تبوسم
نهيل تطالعها بنص عين وتهتف بتسال/ وش فيك فاكه الكشرة علميني خليني افك كشرتي انا بعد من زمان
ما فكيتها
حصه ترفع عينها من الجوال وترد على امها وهي مازالت مبتسمه / عندك جوال روحي كلمي طالب في وفكي كشرتك بدال مانتي ناشبة للي على كشرتي
نهيل تضحك بقلة حيله / هو طالب الحين يعرف للجوال ولا يعرف يقول كلمتن زينه تخلي سني يطلع الله يخلف بس
حصه تضحك بموده / يوه والله ان شوفته لحالها ترد الروح عسى مايغيب زوله عنا
نهيل تنهدت بحزن / امين عسى ربي بس يقومه بعافيته ويهديه يروح يكشف ويتعالج
حصه بعتاب /كيف تبينه يتعالج وهو اصلا ماحد منتبه له عياله كل واحد بهمه
نهيل تهز راسها باسا/ اي والله مازن يحوم هو وست الجمال من ديره لا ديرة وماجد يدور العرس
حصه تهتف بتسال/ مالقى ماجد عروس ؟!
نهيل تثاوب /همم الا يقول يمكن بيخطبون له صبا
حصه بدهشه/ صبا صغيرك كبر امل كيف يبون يزوجونها
نهيل بانفعال/ وليش نسيتي ملاك اللي اصغر منهم زوجوها غصبن عليها واحد اكبر منها بسنين كثيرة
ولا ماجد ماهو من كبره عمره زين لعمر صبا
حصه بتنهد حزين / اي والله صادقه ياعمري على ملاك يارب تسخره لها ويعوضها عن تسلطه فيها
نهيل تهز راسها بحنيه /امين يارب ياروح امها بس الله يجيبها للي بسلامه
حصه بتسال/ هم ماقالو متى يجون ؟!
نهيل ترفع كتوفها/لاوالله ماحد قال حتى قليل المروه ومرته مدري متى بيجون
حصه تضحك /ماهو جايين وهم لاقين رحله بلاش من غير فلوس محمولين مكفولين
نهيل تلفت يمين ويسار/امل وينها ماشفتها ؟!
حصه تمدد بثقل وهي تهتف بموده/ قلت لها تسوي للي شوربه دافيه وياقلبي هذا هي بالمطبخ تسويها
نهيل برضا/ زين اي والله اشربي شي دافي وقوي عظمك عشان لا طلعتي الاربعين تصيرين مثل الحصان
و تخلين ابو اياد يتهيض منك ومن زينك
__________________________________


الساعه 11 مساً بجناح فهد

بعد مامر جدته وسلم عليها كل عاده هذا هو يدخل جناحه
شاف مهره جالسه على الاريكه وتابع لها فلم
واضح انها ماهي مركزه معه
سرحانه بخيالها ولا انتبهت لدخول فهد

فهد جلس قبالها وهو يتنحنح /احم احم
مهره انتفضت وهي تطالع فيه بدهشه/متى جيت ؟!
فهد يركي ظهره على الاريكه بارتياح ويرد عليها
بثقل / توي واصل بس انتي وش مفهيه في و مانتبهتي لوجدي؟!
مهره ناظرته نظرة عتاب وهي تهتف بعتاب
اعمق/مفهيه فيك
فهد يحط رجل على رجل ويرد بجمود /فيني انا وش الموضوع اللي يخليك تفهين فيني وانا ماني موجود ؟!
مهره تقدم وجها وجسمها العلوي لقدام وتهتف بنظره مباشرة / انت صدق رافض ان شوق تطلع بعثه ؟؟
فهد يطالعها من فوق لاتحت ويرد بذات جموده /اي صحيح عندك مانع ؟!
مهره وقفت وهي ترجف ودموع تجمعت
بعينها /ممكن افهم ليش وش السبب اللي يخليك ترفض بعثتها
فهد مازال جالس وهو يهز كتفه بجمود اعمق / لا ماهو ممكن افهمك افهميها مثل ما فهمتيها انتي!!
مهره صامته وعينه بعينه لثواني ثم اردفت بحده /خايف عليها ؟!
فهد ينزل رجله من رجله الثانيه ويوقف بثبات / اكيد بخاف عليها ماهي بنت عمي وسمعتها من سمعتي !!
مهره ماقدرت تحمل اكثر من كذا وهي
تصرخ فيه/ ودامها بنت عمك وتخاف عليها لهدرجة وعلى سمعتها ليش ما تاخذها بدل حركات المراهقين هاذي ؟!

فهد حمر وجه وكان انفاسه انقطعت
من قو كلمتها تشبه بالمراهقين
فهد شيخ قبيله كامله وعيالها وشيبانها وصغارها وكبارها يثقون بكلمته و بهيبته
وتجي هالبزر تقول مراهق مراهق له هو
اقترب منها وعينه ماتشوف الا الظلام

ومهره من شافت وجه كيف تغير
وهي تلعن نفسها ورجليها مو قادره تشيلها من الرعب ومن اقترب لها وهي ترجع على ورا
وتطيح على الاريكه وراها ولمة ركبها على صدرها وغطت راسها فيه تبي تحتمي بنفسها من قساوته
بس فهد ماحد يقدر يسلم من قساوته
وبذات لا حد تكلم برجولته

سحبها بكفه من شعرها بلا رحمة
وقفها قدامه وثبت راسها بكفه اللي شاد شعرها
وبكف الثاني صفعها باقوه شي عنده مع خدها اليمين
وجها لف من قو الصفعه حتى سمع صوت
رقبتها طقت وهي صرخت بالم /اه ااااه
ولا رحمها رجع وصفعها من اليسار
وصرخت مهره بصوت اعلى وهي تبكي بين يديه كانها طفله /اهى اااه اهى
وفهد رماها على الاريكه بقساوه اشد وبتعد لغرفة الملابس من غير ولا كلمه ولا فتح فمه معها بكلمه
وهي طاحت تبكي بنهيار
_________________________________

الساعه 12 ونص مساً
وصلو الطمار السعودي بحفظ و بسلامه

نزل مازن ومعه وفا وملاك طول الرحله ملاك كانت صامته
حتى حاول فيها مازن تاكل تشرب كانت صايمه لين وصلت منصطمه معدتها من الاكل والشرب
ولا فتحت فمها بحرف حتى لا كلمها
مازن تهز راسها يا ايه ولا لا من غير كلمة زيادة ..

مازن يفتح جواله وهو يهتف بحرج /يوه صقر محرق الجوال بالمكالمات
وفا تنهد بتعب / ترد عليه بالسياره الحين خل نروح تعبت ترا من كثر الحومة تعب على الفاضي ابيخ سفره مرت علي
مازن مارد عليها وهو يهتف لملاك / افتحي جوالك شوفي داق عليك اخاف يحسب فينا شي
ملاك ترد برود/مامعه رقمي
مازن بصدمه/كيف ؟!
ملاك بذات برودها/اللي سمعته والحين ممكن ترجعني لبيتنا !!
مازن يتنهد بقلة حيله / يلا امشو لسياره
وفا بتذكر وهي تهتف بتسال/ كيف نروح وسيارتك ماهي هنيه اصلا لازم تدق على احد يجينا ؟!
مازن يمشي متجه للمواقف /معي مفتاح سيارة صقر قال للي نرجع عليها بالمواقف
وفا بدهشه/ بس تبي فلوس المواقف كيف بتدفع ؟
مازن يرد برود / دافع رسوم كامل بس نركبها ونمشي وانتهى النقاش تراك صدعتي براسي بربرتك اللي على قله سنع
وفا بزفرة حاده /بربرتي انا اقول الشرهه علي اللي رايحه معك انت واختك حتى صقر ما تحملكم طردكم

ملاك طول ماكانت تمشي معهم تسمع نقاشهم بصمت بس لما وصل الكلام لعندها تكلمت بطولة لسان وكنها رجعت ملاك الاوليه / اقول سدي فمك وماهو اخوك اللي طردنا حنا اللي انحشنا منكم عائلة ما تنعاشر
وفا بدهشه وهي توقف/حنا عائلة ماتنعاشر؟!
ملاك تهز كتفها برود /اي و ثقيلين طينة بعد
وفا صرخت على مازن بغضب /بتسكت اختك ولا ترا والله لا افرك وجها بالقاع
ملاك بغضب حاد /فيك خير سويها و المسي بس طرف عباتي شوفي يوم اطى على وجهك
مازن بغضب/لا تماسكو الشوش احسن امشي انتي وياها لابارك الله فيكم فضحتوني

مشو وراه بصمت وراح للمواقف
وركب السيارة وركبت وفا قدام عند ومازن
وهي تافف بغيظ وتزفر بغضب
وملاك ورا اللي حست بالم فضيع
وهي تركب سيارته وتشم ريحت عطره المركز
وذكرت عليها ريحت صدره الصلب
ريحت عطره فتحت جروحها و دخلت شرايين قلبها
وتذكر حضنه الدافي وانفاسه لحارة تلفحها كل ليلة قضتها معه ،،،

قطع تفكيرها صوت مازن اللي يصفر وعيونه على السيارة ويهتف بعجاب / والله لو املك مثل هالسياره مابي شي من الدنيا لاصبر اغنى واحد عند خوياي
وفا تطالعه بنص عين وتهتف بقلة احترام / عاد خوياك كلهم مثلك منتفين
مازن يطالعه بحده / ماحد نتفني غيرك بعدين بدال هالكلام ليش ماتطلبين اخوك يهديني سيارة مابي اطمع وقول مثل هاذي لا ابي اقل منها ماعندي مشكله بدال القرنبع اللي عندي
وفا تنهدت / وليش انت ماتطلبه ولد عمه وحق من غيرك قل له سيارتك دخلت بنفسي وطلبتك ابيها
مازن يضحك باسا/ وانتي تحسبينه بيتنازل ويعطيني سيارته هاذي تدري كم قيمتها تدري ولا ماتدرين؟!
وفا تهز كتفها برود /لا مادري بكم ؟!
مازن ردف بحماس / ابك هاذي قيمتها حول المليون
وفا شهقت /كم كم مليون
مازن يفتح المركى اللي بينه هو وفا ويكمل كلامه بنبرة محطمه /ابك هذي لو اجمع حلال طالب كله وكل ماوراه ودونه مايجي بنص قيمتها

ملاك كانت تسمع لهم وهي قرفانه من طريقة كلامهم واسلوبهم والاهتمام الواضح بالفلوس
ومع هذا صامته وتهز راسها باسا
لاكن يجي الكلام عند طالب طالب اللي مستعده
تقدم على الموت عشان تشق اي حلق ينفتح عليه
فاض غيظها وهي تهتف بحده / طالب يسواك و يسوها ويسوى صقر معكم ولولا فضل طالب بعد الله ونعمته عليك ماكنت بالصحه اللي انت فيها
وفا تلف لها بزفرة /بتحسدينة على صحته بعد اعوذبالله
مازن لف لها بحده اعمق/ وانا الصادق ماعند ابوك نص قيمة هالسيارة بس انا بنصحك نصيحه لله ارجعي لراعي السيارة وحمدي ربك على الخير اللي عنده غيرك تمناه تمني
ملاك تهتف بحتقار / خل نصيحتك لك و لسوسة اللي عندك
وفا تطالع مازن بدهشه / انا سوسه
قطع كلامهم صوت الجوال اللي رفعه مازن
ورد بتوتر/هلا صقر هلا والله

______________________________________

-/البارت السابع والخمسون /-

رواية ريح المطر (للكاتبة شغف
ادعو لوالدي برحمة والمغفرة..

وفا تطالع مازن بدهشه / انا سوسه
قطع كلامهم صوت الجوال اللي رفعه مازن
ورد بتوتر/هلا صقر هلا والله
صقر بغضب متراكم /انت وينك عن الجوال ادق ماترد هذا وانا موصيك
مازن بتوتر/ والله تو وصلنا وهذا انا بسيارتك متجه للبيت
صقر ينتفض من الغيرة /ملاك طلعت لطيارة بعباتها ونقابها ما غيرتهم صح ؟!
مازن لف لملاك وهو يرد بتردد/ لا ما غيرتهم
صقر صرخ فيه /وانت ياثور ما تنتبه لمحارمك وهي كيف تكسر كلمتي و انا معطيه العبايه السودا وقايل لها غيريها بالطيارة تعاند هي تعاند وتخليها بالمطار وتمشي
مازن بتوتر وقله حيله / وانا وش دخلني مانتبهت لها وهي مانتبهت وبعدين المطار كان فاضي من وصلنا رحنا السيارة
صقر بتسال وتوجس/ وينكم الان بضبط
مازن يلف يطالع الشوارع /قريب لبيتنا
صقر بحرص عميق/ من توصل البيت تتصل فيني وتاكد للي وصولكم فاهم يا مازن ماهو تنتظر لين انا اتصل فيك

مازن بحترام /ابشر ابشر والله من اوصل اكلمك
صقر بامر حاد / عطني ملاك !!
مازن لف لورا وهو يمد الجوال لها /صقر بيكلمك
ملاك كانت تسمع لهم وعرفت انه يتكلم عن عباتها حست بنصر وهو يغلي انها ما غيرت عباتها معنه ماهو عمد منها بس نست ولا انتبهت لعباتها البيج الا من مكالمة صقر لمازن والحين يبيها تكلمه يخسي يسمع صوتي وتكلمت برفض / مابي اكلمه
مازن لف لها وهو يهتف بغضب/عيب عليك كلمي رجالك
ملاك بعناد مستفز / اخر من يتكلم عن العيب انتم ولاني مكلمته وابعد الجوال من وجهي لا رميه
مع القزازه
مازن يزفرها بقهر وهو يحط الجوال عند اذنه /هين ياملاك هين الو صقر الو الو
مازن سكر الجوال وهو يصرخ فيها /اعجبك اللي سويته اعجبك
ملاك طنشته وهي تبتسم بفخر على اللي سوته
__________________________________

جورجيا بجناح صقر اللي صار له بروحه من بعد ماغابت روح لذيذة استمرت معه كم ليله

كان واقف ويتكلم ويتكلم مع مازن بغضب
واخر شي طلب يكلمها يبي يسمع صوتها صوتها بس

اتجه لسرير وتمدد وهو يسمع صوتها
مثل ماكان يتمنى بس حس بالقهر
( العميق )
وهي ترفض مكالمته بعنف
حاس قلبه يدق بلهفه وحب
صوتها لحاله حرك براكين فيه كيف
شوفت طفلته الساحره الفاتنه
يبيها يبيها وميت عليها موت
وهي ترفضه برفض مهين له
طفله وترفض رجال ثلاثيني ما احترمت
فرق السن اللي بينهم
صقر من وهو مراهق ماجته المشاعر
اللي يحس فيها الحين
الا بعد ما قضى معها اجمل ليالي بحياته
مهمها كانت العلاقه اللي بينهم من بعيد لا بعيد
بس تسحره تذبحه
حاس انه ابتلى بحبها بلوى وابتلى بالمراهقة على كبر

سكر الجوال ورماه بجوارة و تنهد وهو يطالع مكان نومها حاس انها لاحد الان موجوده معه من ريحتها الطاهره اللي ماليه الجناح
ابتسم وهو يتذكر حركاتها وكلماتها الطفوليه
همس لنفسه بصوت مولع /
حظ عيني لو تشوفك كل يوم
حظها وانتي لنظرها الضيا،،

________________________________

الساعة 1 مسا ًبجناح فهد ،،،

فهد من لبس بجامته و اتجه لسريره
من غير حتى لاينظر فيها ولا يطمن عليها
هي حيه ميته وش صار فيها
حط راسه ونام ….

فهد كان غايب بالنوم و تحرك بطى ولف لمكانها
شافه خالي منها!!
اعتدل جالس باستعجال وعينه على الاريكه ماشافها
نفض الفراش وقام فتح الحمام ماهي موجوده
دخل غرفة الملابس ماهي موجوده

جن جنونه وهو يشوف الجناح فاضي منها سوتها سوتها يتوعد بذبحها هالمره صحيح كان سوتها
وصار اللي يفكر فيه والله لاتصير اخر ليلة لها بالدنيا

طلع من الجناح و اتجه لجناح جدته بيتاكد قبل اي تصرف يحصل منه
شاف شوق جالسه بصاله وتذاكر ومن شافته
حطت شرشفها عليها وتلثمت وهي مشوشه فيه
هتف فهد لها وعيونه محمره من الغضب / جدتي نايمه !؟
شوق ترد وهي مازالت تطالع فيه/ لا ماهي نايمه عندها مهره
فهد حس براحه فضيعه فضيعه وهو يسمع انها بالبيت اهم شي ماطلعت من سوار البيت كل الامور تنحل حتى ولو روحتها لجناح جدته تالي اليل اغضبته بس اهون عنده من خروجها من البيت بكبر
فهد اتجه لجناح جدته ..

وشوق كانت مفهيه فيه وهي تشوفه بالبجامة
و لابس ترنق البنطلون بلون الرمادي الفاتح
وعليه سحابات من عند المخابي بالون الاسود
وتيشيرت بالون الاسود اللي معطيه بياض فوق بياضه ومع سواد حاجبه المعقود بالغصب و رمشه ودقنه المحدد وشفايفه المدوره وانفه المحدد
فهد وسيم من غير شي ومع البجامه ظهرت وسامته اكثر واكثر

بجناح الجدة صيته اللي متمدده على السرير
وحاضنة مهره اللي متمدده بتعب بجمبها وجها كله مزرق من اثر يد فهد وضربه لها ودموعها مانشفت من جت لجدتها
الجدة صيته تنهدت بالم حاد وهي تذكر كيف دخلت عليها

كانت الجدة صيته تصلي وترها طق الباب استغربت
من يجيها هالحزه الكل نايم ما تخبر احد يسهر
الا شوق اللي تجلس احيانا تذاكر
تكلمت مناديه وهي على سجادتها /ادخل ياللي تطق
دخلت مهره وهي مغطيه وجها كامل
عشان شوق ماتشوفه وتشوف اثر العنف فيه
من دخلت سكرت الباب وراحت ركض لجدتها وطاحت على حضنها وهي تنخرط بالبكى
الجدة صيته انتفضت وهي تحضنها وتهتف
بالم/شفيك يامك هو ضاربك ؟!
مهره تهز راسها با ايه من بين شهقاتها
ودموعها اللي بللت حضن جدتها
الجدة صيته بكت من بكاها وهي ترفع راسها
وتشوفه كيف احمر ويدين فهد العريضه طابعه فيه
سكرت عيونها بالم من اللي تشوفه وهي تهتف بغضب حاد/ ليش سوا فيك كذا لييش اللي مايخاف ربه
مهره زادت بالبكى من غير رد
الجدة صيته قامت و سندتها بامومة لين وصلتها السرير وهي تمددها عليه وتغطيها وتنام جنبها وتحط يدها من تحت راسها وتمسح على شعرها بحنان امومي بيدها الثانيه

الجدة صيته تمسح شعرها بحنو وهي تنهد بضيقة على حال بنتها
سمعت الباب انفتح من غير طق وصدمت وهي تشوف فهد دخل وسكره بقوه واتجه لهم
وعيونه تدور على مهره
وقف مصدوم وهو يشوفها بحضن جدته ومتغطيه بالكامل بالفراش
الا وجها اللي مخبيته تحت كتف جدتها ماهو
واضح منه شي
________________________________

بيت نهيل الساعه 1 مساً

الكل كان نايم
فتح مازن الباب بفتاحه ودخل وراه وفا اللي راحت لجناحه على طول
وملاك دخلت البيت وهي تحس بحزن عميق
كيف استقبالهم لها بيوقفون معها
ولا مع صقر مثل كل عادة

تنهدت وهي تلف لمازن بالم / بروح انام بالمجلس مابي اصحيهم باليل و افجعهم
مازن تنهد بضيقه / بكيفك بس انا اقول نصحيهم ونعلمهم بهدو احسن من يصحون و يشوفونك ينفجعون مايدرون وش صاير بضبط
ملاك تهز راسها برفض/ لا الصباح رباح
قطع كلامهم صوت نهيل المفجوعه وهي طالعه من الحمام بعد ما توضت تبي تصلي وترها /ملاك!!!
ملاك لفت لامها وهي تهتف بنبرة خانقه / هلا يومه
نهيل تقترب لهم بذات الفجعه /فيك شي يامك انتي بخير
ملاك تقترب لها وتحضنها بهدو / انت بخير وعافيه بس مسويه لكم مفاجئة مايصير تخربين علي!!
نهيل تحضنها وترد بقلة اقتناع وهي تهتف لمازن بتسال/ شفيها اختك وش صاير ؟!
مازن صريح لابعد حد / تهاوشت مع صقر وضربها
و نحاشت منه
ملاك تبتعد من حضن امها وهي تلف لمازن بصدمه
غاضبه / انت كيف تكلم كذا ؟!
مازن يهز كتوفه / هذا الصحيح تبيني اكذب مثلاً

نهيل بجزع منفعل/ كنت حاسه والله اني حاسه وقلبي ياكلني اكل عليها ادري ان ماوراه السلطه صقر الا المصايب والمشاكل بس ابوك مايفهم ولا اخوك الثور هذا يبونه ياخذك لو يعذبك يهود انتم يهود
مازن بصدمه / وانا وش دخلني عندكم صقر روحو له اذا قدرتم فيه
نهيل مازالت ترجف من القهر / فيه محاكم تقدر فيه وتوقفه عند حده قليل المروه قليل خوف الله
ملاك تنهدت وهي تشد على راسها/ يومه يومه هدي شوي ماحد يستاهل تضغطين نفسك عشانه
نهيل بقهر اعمق / الا يستاهل ويستاهل خذاك ورع من حضني خذاه ربه وهو ناوي يكسف فيك يبي يبرد حرت السنين اللي قضاها وهو يتمناك ياعله للمنيه

مازن صدع راسه/ انتم شفيكم الناس نايمه فضحتونا بصوتكم لاجا بكرا تناقرو بصياح ولياح
نهيل بغضب / تصيح و تليح على ولد عمك واخته
ان شاءالله
مازن بمحاماه / واخته وش دخلها كل مشكله تدخلونها فيها
ملاك انفجرت فيه / هي اصلا سبب كل اللي صار التخطيط و التدبير من تحت راسها هي اللي لحقتني لجورجيا عشان تنفذ اللي هي تبي ولا ليش مافارقت تمشى مكان ثاني كل شي خططت له من تحت لاتحت
مازن صرخ فيهم / انتي تبين تلزقين المشكله فيها غصب ماتبين تعترفين ان الرجال طق راسه من طولة لسانك عجز لا يتحملك حتى وحنا طالعين لسانك يلوط اذانك ما تسدين فمك ابد
ملاك بدهشه / انا انا يامازن انا ماقدر يتحملني ولا هو اللي منفعل ومايبي احد يقول له كلمه يبي يمشي الناس كلهم تحت شوره ورايه مغرور ومتكبر وشايف نفسه
مازن يهز كتفه برود / يحق له لوني مكانه اتكبر على العالم كله حتى السلام مارده
نهيل تصرخ فيه / لانك يهودي مثلهم اشك انك شارب معه ومع اخته حليب افاعي
مازن بحزم/ اللي شاربه حليب افاعي هي اللي عندك تقرص وقرصتها للقبر حتى الرجال فوق ماهي مزعجته و صاجته ولاجته جالس يداري خاطرها مدري وش هي مسويه فيه

حصه طلعت هي وامل بصدمه من اصواتهم وسمعو كل اللي دار بينهم
وصرخت حصه فيه بحمية / بدال ماتوقف مع اختك واقف ضدها بدال ماتقول مضروبه و مهيونه وهي عروس بسكت افواه الناس عنها فاتحن فمك انت عليها يامازن انت والله والله لو صار بيني وبين عادل شي لا رتجي اقصى الناس ولا ارجيك ياخوي ياولد امي وابوي
مازن بخرج / هي اللي تحدني يا حصه هي ولا انتي تعرفيني واقف معكم يا خواتي طول عمري
حصه بجزع / شفت بعيني يامازن ماحد قال للي
الله لايحدنا عليك ولا على وقفتك وفزعتك

مازن طلع وهو ينتفض من الحرج والقهر
________________________________

بجناح الجدة صيته

والقنبلة على وشك الانفجار…

فهد هتف لجدته بتسال وعيونه على مهره /نايمة ؟!
مهره انتفضت من صوته وفهد عرف انها صاحية وتسمعه والجدة صيته شدت احتضانها كانها طمنها
وهي ترد على فهد بحزم بالغ / وش تبي فيها ماكفاك اللي سويته ماكفاك انت ماعندك رحمه ماتخاف ربك لو عندك اخت ولا بنت ب ترضى عليها تنضرب مثل ضربك للمسكينه بترضى ؟!!
فهد رد عليها بحزم اعمق وابلغ / الف مره اعيد وزيد ماحد له دخل بينا اضربها اكسر راسها اذبحها مرتي وبكيفي بكيفي

الجدة صيته تصرخ فيه / لاماهو بكيفك ياولد عقاب ماهو بكيفك اذا انت تحسب ماوراها احد لابو ولا خوان ترا عمانها موجودين وعيال عمها موجدين ويوقفون معها
فهد سود وجه سواد داكن وهو يرجف من الغضب
من جابت طاري عيال عمها ونسى اللي قدامه من تكون وصرخ بتهديد/ ماحد له شي عندي فاهمه واسمعيني عدل يام عقاب كانك ناويه عليها وعلى عيال عمها السرابيت جيبي هالطاري مره ثاني نذرن علي لا طشر دمهم ودمها قدام عينك

الجدة صيته لاول مره تخاف منه عرفت انه غاب عقله من الغضب وهي ترد برجا / طالبتك طلبه تروح جناحك لين تهدا ونتفاهم
فهد مازال يرجف وهو يتجه لسرير لجهة مهره وقف ويهتف بغضب صارم /مالك دخل بينا والحين اذبحها واعلمك ولد عقاب وش يقدر يسوي وانتي روحي استفزعي بعمانها وعيال عمها اتحدى اطلق شنب يوقف قدامي علي الحرام حرم لا ينزلونها بقبرها
معي و افواهم مسكره
الجدة صيته ضمت مهره اللي ترجف برعب بين يديها
وهي تهتف بدموع / فهد تعوذ من الشيطان تعوذ
من الشيطان تراك معصب وماتعرف وش انت تسوي

فهد جلس على السرير بركبه وحده لان مهره بنص السرير بعيده منه وهو يسحبها له والجدة تشدها وهي تشد على جدتها وهي تبكي كانها طفله بيسحبونها من حضن امها
فهد صرخ بصوت عالي/ فكيها لاقطعها الحين
الجدة صيته تبكي و ترجاه /تكفى يافهد تكفى اتركها لا توقف قلب البنت

فهد ماكان يسمع وهو يسحبها و فجئة تصلب جسمه وهو يشوف مهره كيف فكت جدتها و رتمت بصدر فهد
و حوطت رقبته بيديها ودفنت وجها بعنقه وهي تبكي برعب صامت صامت

فهد كانت ركبته على السرير ويديه ممدوده بجنبه
و ماقدر يتحرك ولا يحضنها ولا يضربها
ولا يسوي شي ابد حاس انه انشلت اطرافه
و شهقاتها الحاره على نحره ودموعها نحرته
حط عينه بعين جدته بصدمه
والجدة بكت بنحيب و بالم وهي تشوف
مهره كيف سلمت نفسها للموت
و فهد سحب نفس عميق وهو يستعيذ بالله من الشيطان الرجيم و مددها على السرير بهدو وهو يشوفها اقتربت لحضن جدتها ودفنت وجها بين صدرها

فهد وقف وناوي يطلع من الجناح كامل بس وقفه صوت جدته / فهد
فهد لف لها بثبات رغم التعقيدات اللي صارت /هلا
الجدة صيته تبعد مهره من حضنها و تحرك واقفه وتقترب له وتهتف بصرامه / اجلس عند مرتك وتفاهم معها انا بطلع لصاله
فهد برفض حازم / لا خليك انتي اذا بينا تفاهم تفاهمنا بي وقت واذا مابينا تفاهم كل يروح بطريقة
الجدة صيته انتفضت لافه المهره وهي تسمع شهقات اللي زادت ورجعت نظرها لفهد اللي طلع من الجناح كله ….
________________________________

اعتلى صوت اذن الفجر ...

و مازالت نهيل وبناتها سهرانات
ويسمعون من ملاك وهي تحكي لهم تصرفات
وفا معها
وكيف صارت المشكله علمتهم بشي الواضح
اما الشي اللي بينها وبين صقر خاص ماتكلمت فيه ابد

نهيل تحضن ملاك بالم حاد/ وربي ما خليك ترجعين له لو يموت من حرك
حصه بواقعيه / يومه لا تحلفين صقر زوجها وماحد معصوم من الخطا و
نهيل بمقاطعه حاده / تبيني ارجعها له بعد ماضربها اللي ما يستحى و اذا هو ما احترمها بالبداية ماهو محترمها بالنهاية
امل بحزن على اختها وهي تهتف بتسال/ طيب هو تحسينه يحبك يحترمك ولالا
ملاك ماتدري ليش حست بقشعريره وهي تذكر همسات صقر لها وردت على امل بثقه / مدري عنه هو وحبه حبه برص انا ابي الطلاق وبس مابي ارجع له ويومه علمي ابوي انا وافقت على صقر عشانه والحين ماقدر ارجع عشان احد
نهيل بقتناع / لا تشيلين هم انا معك ورجعه مانتي براجعه لو توصل للمحاكم وخلي هو ولد اخوه يتفاهمون بينهم
حصه تنهدت بضيقه / يومه الله هداك اي محاكم تبون نفتضح عند الناس هدو انفسكم و تعوذو من الشيطان وخلو نحل امورنا بينا

قطع عليهم صوت النونو يصيح
حصه لفت لامل برعب /يويلي ولدي نسيته
ملاك قفزت واقف وهي تبتسم وتنسى كل مشاكلها وتهتف بطفولة / والله ناسيته بروح له انا وينه ؟!
حصه تبتسم وتاشر على غرفتهم/ على سريرك نايم
ملاك متجه للغرفه وهي تضحك/ من الحين ورثني الدوب هين والله لاكله
امل توقف متجهه لها وهي تضحك/ بجي ناكله سوا
حصه تضحك وهي تهتف بمرح / يويلي على ولدي راح مريسة

نهيل تهز راسها بحزن / شفتي وش سوا فيها كنت حاسه بس ابوك يقول لا ولد عمها وحرص منا هه هذا هي جتها مكفخه وهي عروس اجل كيف لو تعيش باقي الايام معه يذبحها
حصه تهديها/يومه انتي هدي وخلي نعرف وش نسوي لاتزيدين المشكله وابوي تفاهمي معه بهدو تراه مريض ومافيه حيل للمشاكل
نهيل بجزع / مريض يشتغل بنفسه عن هالضعيفه اللي هو طشها على ولد اخوه وبعدين مافي حل الا يطلقها غصبن عليه
حصه انتفضت /يومه انتي صادقه ؟!
نهيل بستهزا / لا امزح معكم وش رايك انتي يعني
حصه تهتف بواقع / يا يومه خلي نتكلم باصدق ابوي ما يقدر على صقر و مازن وماجد ما يقدرون على صقر يومه والله ماحنا قادرين عليه غير تعبين راس ملاك عليه بزياده ومردها له خلي نهديها ونهدي الا وضاع وهم يتفاهمون بينهم؟!
_____________________________________

 
 

 

عرض البوم صور راح ماقال الوداع   رد مع اقتباس
قديم يوم أمس, 07:30 PM   المشاركة رقم: 24
المعلومات
الكاتب:
اللقب:
ليلاس متالق


البيانات
التسجيل: Feb 2022
العضوية: 337893
المشاركات: 34
الجنس أنثى
معدل التقييم: راح ماقال الوداع عضو بحاجه الى تحسين وضعه
نقاط التقييم: 10

االدولة
البلدFrench Southern and Antarctic Lands
 
مدونتي

 

الإتصالات
الحالة:
راح ماقال الوداع غير متواجد حالياً
وسائل الإتصال:

كاتب الموضوع : راح ماقال الوداع المنتدى : المنتدى العام للقصص والروايات
افتراضي رد: رواية سعوديه رومانسيه (ريح المطر) للكاتبة (شغف)

 

رواية ريح المطر
البارت الثامن والخمسون

رواية ريح المطر (للكاتبة شغف
ادعو لوالدي برحمة والمغفرة..

الساعة 10 صباحاً

جناح فهد اللي خلو عليه هو بعد
كان طول اليل مانام يفكر باللي صار محرج من نفسه
كيف كلم جدته كذا كيف تجرئ عليها
كذا يجازيها بعد ما قضت عمرها تربي وتكبر فيه
ومتضايق من ناحيه ثانيه ناحية مهرته اللي سلمت نفسها بين يديه
مايدري هو عشانه ولا عشانها ولا عشان جدتها
يحس بالم الم بصدره بمكان نعومة جسدها اللي ارتمى عليه بعنف لطيف

قطع افكارة صوت الجوال رفعه ورد من غير يشوف المتصل كان مشتت التفكير مشتت /الو هلا
ابو انوار بحترام /شلونك يابو عقاب
فهد يعتدل جالس/هلا ابو انوار بخير نحمد الله
انت شلونك
ابو انوار بموده/ انا طيب طاب حالك
فهد بموده اعمق /امرني يابو انوار ؟!
ابو انوار باستغراب/ كانك نسيت اليوم معودنا عند جاسم عليان
فهد يقطب حواجبه بتذكر / اي اي صح يلا بلبس و اجيكم خلكم جاهزين

قام فهد وهو يتنهد / لا متى يا مهره لامتى وهاذي حالتنا حتى اشغالي صرت انساهم لازم اتخذ قرار صارم معك ومع نفسي لازم
_________________________________

بجناح الجدة صيته كانت جالسه على الاريكه
وقدامها الفطور والقهوه طلبت من الخدامه تجيبه بجناحها
وقالت لاحد يدخل علي وهي تقصد حسنا وام ابراهيم
ماتقصد فهد لانها عارفه انه ماراح يمر عليهم ابد

عند مهره اللي نايمه على السرير بتعب قامت وفتحت عيونها بذبول وهي تحس بشد مع رقبتها من قو الصفعات اللي خذتهم من فهد ليلة البارح

قامت توجهت لجدتها وحبت على راسها /صباح الخير
الجدة صيته تنزل فنجالها اللي كان بيدها وترفع راسها وترد بحنيه / صبحك بالنور غسلي يامك وتعالي افطري معي من اليوم احتريك مافطرت

مهره تهز راسها برضا وتوجه للحمام غسلت
ونشفت وجها وغسلت اسنانها ورجعت وهي تجلس قبال جدتها
الجدة صيته ماشالت عينها عن وجها المحمر
وهي تهتف بتوعد / ترا رضاوتك هالمره عندي انا اللي بجيبها لك
مهره ترفع راسها وترد بارهاق/ اي رضاوة ياجدتي ماعاد فيها رضاوات خلاص تعود جسمي على الطق وفهد علمني ان هاذي الحياة معه رضيت ولا انرضيت
الجدة صيته بجزع /لاتقولين كذا حقك و بتاخذينه منه غصبن عليه وانا هالمره معك وبزعل زعلن شين وماني بمكلمته على سواد وجهه معي البارح لين يرضيك الرضاوه اللي تطيب الخاطر
مهره تهز راسها باسا / رضاي انه يكف شره عني حتى لو خلاني خادمه عنده وهو ما يضرني راضيه والله اني راضيه
الجدة صيته بزعل/يخسي وش تصيرين خدامه والله لاغير اخليه يجي ويحب على راسك قدامه وانا ام عقاب اجل يهينك وعيني تشوف وتبيني اسكت
_______________________________

بيت نهيل اللي شاب الشر و الشرار بينهم

ابو ماجد يصرخ فيها /اص انتي ولا كلمه لونك مرتن عاقل ماكان قلتي هالكلام تبين تهدمين بيت بنتك
نهيل تصرخ فيه هي بعد / اجل تبيني اشوفها تنداس واسكت اسمع ياطالب والله واللي اسمه الله كان ما طلقاها برضا لاروح للمحكمه انا وهي ونرفع عليه خلع
ابو ماجد بعصبيه / خلع الله عظامك قولي امين تبين تفضحينا تبين تسودين وجهي عن اخوي ولده
نهيل بعصبيه اعمق / ويومه ضاربها ليش ماقال اسود وجهي عن عمي وعياله ماسال عنكم ولا هتم فيكم حتى انا يوم كلمني من طرف خشمه ماهو متنازل لنا
ابو ماجد بتعب /فارقي صدعتي براسي انا وخوي وعياله نتفاهم بينا انتي اطلعي منها مالك شغل
نهيل بعتاب حازم /ليه يا طالب ماهي بنتي اخاف انها بنتك لحالك ليه تباني اسكت وشوف بنتي تنذل وتنهان

ملاك كانت جالس وماسكه راسها وهي تسمع وتسمع وتسمع لين صرخت بتعب /بس بس خلاص يومه يوبه خلاص مشكلتي انا وانا احلها
ابو ماجد يطالع نهيل بعتب / ارتحتي الحين تبين تضايقين البنت وتنشبين بحلقها
نهيل صدت بوجها عنهم وقلبها يوجعها على بنتها
وملاك تكلمت برجا /تكفى يايوبه انت تعبان والصراخ عليك ماهو زين وانتي يا يومه تكفين ارحمي نفسك و ارحمينا انا ادري ان قلبك علي بس انا اعرف اتصرف خلوني احل مشاكلي بنفسي
ابو ماجد بمقاطعه حانيه /يابوك انتي صغيرة ولا انتي فاهمه شي كل رجال يزعل مرته و يراضيها وترضى لو الحريم بيسوون سواتك ويطلبون الطلاق على كل زعله كان الناس كلها تطلقت
ملاك بنبرة حزن / يابوي انا من اول مابيه لافكاري مثل افكاره ولا عمري من عمره بس رضيت عشانك قلت بجرب انا وحظي ياتصيب ياتخيب بس يابوي ماقدر اصبر اكثر من كذا ماقدر
ابو ماجد برجا / يابوك طالبك اصبري وتحملي لا تحكمين عليه من اول سبوع انتظري سنه سنتين وتعرفينه عدل وتحكمين براحتك
نهيل بصدمه /سنه سنتين تبي لين تجيب لها ورع عاصي مثل ابوه وتبلش فيه؟!

ملاك انتفضت من طاري ابوه واطفال وهي تفكر برعب
انا واطفال من صقر وحمل ووو لا لا مستحيل مستحيل

قطع افكارها دخول حصه / سلام
ابو ماجد ينادي عليها يستفزع /تعالي يابوك شوري على اختك هبلت فيها امك
حصه تجلس قريبه لملاك وهي تهتف /ياملاك وانا اختك والله ان في الف حل وحل عطيه فرصه مانتي خسرانه يمكن يكون معترف بخاطاه ويعتذر لك وتنحل الامور بينكم
نهيل باستهزا / تبين الدكتور بكبره يعترف بخطاه يووه بس كان جا واعترف والله لاغير يزخها ابوك ويوديها له ويرضيه بعد
ابو ماجد تنهد وهو يواقف /لاحول ولاقوة الا بالله افهمو عاد طلاق مافي وكان جا وطلبها ماني براده عن مرته وغير هالكلام ماعندي
ملاك ترفع راسها وتطالع فيه وتهتف بعتاب
جارح / يوبه تبي ترخصني للمره الثانيه انا رخيصه عندك هذا وهو ضاربني وانت اللي مفروض توقف معي ماهو معه

ابو ماجد برجا / يابوك تكفين افهميني ابك والله انه عليك ارحم من خوانك ياملاك افهمي الكلام اللي بقوله وهذا امك واختك يسمعون
نهيل بستغراب / وشو الكلام ؟!
ابو ماجد مازال واقف وهو يهتف بحرص/ يابوك انتي غير عن خواتك ماهن قليلة زين بس انتي زينك زايد وعيون الناس ماترحم وكلن يبيك والله لو غاب راسي ويجي احدن طمعان بزينك لا يدفع لخوانك ارخوم من الفلوس ولغير يزوجونك لونه داشر
ابو ماجد تنهد بضيقه وكمل / لاكن وانا ابوك عند صقر يحرص عليك ويخاف عليك ويحفظك ويصونك لونه عصبي واقشر بس والله انه رجالن يخاف الله ورحوم
________________________________

بيت ابو صالح

وفا حكت للبنات هواش صقر وملاك وطولة لسانها بس ماقلت هي السبب ابد ولا جابت طاري نفسها ابد

ام منهد بقهر / صدق ماتستحي كيف تكلم معه كذا زين ما ذبحها بعد
هدى تضحك/ والله لونه حنا لاغير يعلقنا بالمروحه بس ملاكه عطاها كف وبعد انحاشت من الدلع
وفا تهتف بحماس / قسم اني توقعت تخاف منه ابد لسانها وش طوله ولا قال كلمة ردت عليه بعشر
ام صالح تهز راسها باسا/ لاحول ولاقوة الا بالله هالولد مدعي عليه ماهو متوفق بحياته انحرم طول شبابه من الحريم وهو ينتظرها ويوم اخذها ماتهنى فيها انحاشت عنه والاول منحاشه عنه !!
هدى تضحك / من قرادته والله حنا لو فينا ننحاش انحشنا عنه بس اخونا مانقدر نفصل دمه من دمنا
ام منهد تضحك / والله لا شفتي الصرافات معه لاغير تقولين عسا الله يخليه لنا و تحبحبين راسه والحين تبين تفصلينه من دمنا
هدى تضحك بمرح / يوه عسى الله يخليه لنا بس هو و دريهماته
ام صالح تبتسم / الله يصلح حاله هو ومريته بس ويهديها ترجع له
وفا تكشر / واذا ما رجعت فكه بدالها الف وحده

شذى كانت تسمع وتسمع و صامتة وهي واثقه ان كل اللي صار من تحت راس وفا وقفت وهتفت لامها باستاذان /يومه بروح لملاك اسلم عليها
ام مهند برفض/ لا وين تروحين البنت زعلانه من خالك و منحاشه لهلها وانتي بتروحين تقلبين وجهك عندها
شذى بزعل /تكفين يومه والله مشتاقه لها
ام صالح برفض حاد / لا ماتروحين الناس الحين منضغطه منا وانتي بتروحين والله لاغير تطردك نهيل
هدى انفجرت ضحك/ والله تسويها نهيل تشوتك مع الباب
شذى تبكي بزعل / ماهو بكيفكم تبعدوني عنها انا وهي مالنا دخل باللي يسوي صقر وفا
وفا بدهشه /مين مين ؟!
شذى تبكي /انتي اقص يدي كانه مو من تحت راسك
وفا وقفت بغضب / قص يقص لسانك ويدك يالي ماتستحين انا خالتك وتكلميني كذا
ام مهند بذات الغضب /اذلفي داخل و لاسمعك تطرين ملاك اقص لسانك داخل
شذى راحت ركض لغرفتها وهي تبكي
وهدى تكلمت بجدية / ترا قسيتم عليها مهمها كان هاذي صديقتها من زمان وحرام نحرمهم من بعض
وفا تجلس بقهر / بس تتهمني انا انا بسبب شكلها مسحوره بنتك يامها مثل صقر
ام صالح بحده / اص ولا كلمة لا اسمع هالكلام مره ثانيه عيب وحرام
_____________________________

بمجلس جاسم علينا الفخم
و جتماع رجال القبيله باستقبال الشيخ
فهد ورجاله
عمه ابو ابراهيم
وابو نواف
وابو انوار
ومعه كبار من القبيله

جاسم عليان / حيالله الشيخ ابو عقاب وعمانه وعيال عمه ورجاله والله انها من ابرك الساعات اللي تشرفني بيتي
فهد بصوته الثقيل الواثق /الله يبقيك ويحيك ويجعله بيتن عامر بالكرم والمراجل
ابو ابراهيم /شلونك يابو عليان عساك طيب
جاسم عليان /طيب طاب حالك انتم شلونكم عساكم طيبين
الكل رد بحترام /نحمد الله ونشكره
تكلم فهد بصوته الجوهري /يابو عليان حنا اهل وخوان واللي عندكم عندنا واللي عندنا عندكم لاكن حنا طمعانين بكرمك ونبي نكلمك عن العقار اللي يطل على عقارنا خلف قبيلتنا وبيوتنا كان تقدر على بيعته ترانا شارين بالمال اللي تطلبه
جاسم عليان بموده ومحبه / والله يابو عقاب لونه ملكن للي لحالي كان لاعطيك ولاطلب فيه ريال واحد لاكن انا للي شريك فيه مادري هو يبيع ولا مايبيع
فهد بتسال ثقيل/ وشريكك نسيبك ولد مطلق ؟!
جاسم علينا يرد بحترام / كان نسيبي الحين مابيني وبين الا هالعقار وترا جيتك غاليه علي واذا انت تبي نصيبي تراي بايع لك باللي تبي لو تبيه بلاش فدا راسك

فهد بعقل وثقل / لابالله ماخذه الا بالمبلغ اللي انت تطلبه اطلب مبلغك وتراي شراي
جاسم عليان برضا /تم بيعكم نصيبي بس عاد مادري عن صقر ولد مطلق هو يبيعكم ولالا ؟!
فهد بتوجس/ طيب مانت مشاوره على بيعتك
جاسم عليان انتفض رافض/ لا ماني بمشاورة حلالي وبكيفي وحلاله عنده
فهد يطالع ابو انوار وابو ابراهيم بتسال/ هاه شرايكم ؟!
ابو ابراهيم بموده / مابعد رايك راي قرر وحنا معك
ابو انوار باستعجال /موافقين موافقين
فهد لف نظره لجاسم وهو يهتف برضا/ على بركة الله اجل النيه شرينا بس حط المبلغ اللي تبيه عشان نبدا من بكرا بالبيع ؟!
جاسم عليان بتفكير / هو سيم مني ب 4 ملايين واني ما بعت ولا للي نيه ابيع لاكن لك انتم 3 ملاين ونص والله يبارك لكم
فهد يوقف بحترام / لاوالله ماخذه الا بقيمته اللي سيمت فيه 4 ملايين
جاسم عليان يوقف هو بعد /ماحنا رادينك
الكل يبارك /مبروك مبروك
فهد بتاكيد / بكرا باذن الله جمعتكم عندي بديوان ونتمم البيعه هناك
جاسم يبتسم / باذن الله بس انا طالبك طلبه لاتردني قل تم
فهد انتفض من الرجوله / ابد تم باللي تبيه
جاسم عليان /تعشا انت ورجالك اليله عندي ماتردني
فهد يطالع بعمانة ويرد بقلة حيله / تم والله ماردك يابو عليان يكثر خيرك ويزيدك من فضله
______________________________

ملاك طول الوقت تلعب مع اياد
وتبوس فيه بكل مكان
وجودة نساها همومها رجعت ملاك الطفولية
حصه تزفرها /ملاك وجع قطعتي خدود ولدي
ملاك تعض بخفيف /همممم هممم يزين خدوده
حصه تحذفها بالمخده /ملاكوووه ذبحتي ولدي
ملاك تضحك / تكفين حصه خليني اعضه بس عضه صغيرونه تبرد نفسي حرام عليك
حصه برفض /ياويلك ياملاك وربي لاقوم اقطع رموشك
ملاك تمد لسانها بطفولة / اعضه وخلص وانتي ماقمتي يادوبه
حصه تهمس بتقصد / ماكنتي تعضين شفيك انغلثتي من جيتي من جورجيا وش يوكلونكم هناك

ملاك برائة ولا فهمت على نغزات حصه وهي تهتف بمرح طفولي/ اي مادري وش كانو يوكلونا اتوقع لحم خنازير وحنا ماندري اشوف اسناني تاكل تبي احد تعضه
حصه تضحك وهي تهتف بذات النغزى / روحي لصقر حطي حرتك فيه عضي فيه لين تقطعينه خلي ورعي هالمسكين
ملاك تنحنحت بخجل وهي تمد اياد لحصه و تغير السالفة/ خذي ولدك رضعية شكله جيعان اشوفه مصمص فديت السان انا
حصه تاخذ اياد منها وهي تهتف بتسال جاد / ملاك صار بينك وبين صقر شي ولا عداك
ملاك بمقاطعه حازمه / حصه تراك ذبحتيني بسالتك خلاص ياختي سكري الموضوع
حصه بصدمه / ملاك شفيك انا اختك واقرب وحده لك لازم افهم منك وافهمك
ملاك تنهدت بضيقة / الا قولي عشان تروحين تنقلين العلوم لامي و تعلمينها بكل شي
حصه بموده / هذا انتي قلتيها انقلهن بدال ما حرجك بالكلام انا وهي انا اخذ منك وقطع عنك المسافه وعلمها وصيها ما تكلمك بدل ما تشكريني جالسه تزفين فيني
ملاك تافف / حصه تكفين ارحموني مابي طاري صقر ابد خلو كل شي بوقته خلوني شوي ارتاح ونساه وفتك من كل شي يخصه
حصه تهز راسها بقلة حيله / كيفك ياملاك ماني ضاغطه عليك اكثر من كذا بس اعرفي اني لك من الناصحين
ملاك بحرج / ادري حصه والله ادري انك تبين للي الخير بس انا نفسيا تعبانه وابي ارتاح
حصه تهز راسها برضا/ طيب ارتاحي وانسي الكلام اللي دار بينا مثل ماقلتي كل شي بوقته حلو

______________________________

جورجيا وبتحديد جناح صقر

قام اخذ له شاور لبس لبس كشخة كل عاده
وقف عن التواليت و حط له عطر
وعينه تطيح على لوشنها اللي كان مرتب
على التواليت و مكياجها و اكسسوارتها
مد يده وخذ لوشن حط على كفوفه كميه بسيطه
و دلكهم بعض وحط كفوفه على انفها وفمه وهو يستنشق ريحتها بعمق

وكل مايدور براسه…
اويل حالي عليها ياناس
لا ريحتني وانا مراهق ولا ريحتني وانا شايب
محروم منها حتى بقربها امنعتني عن نفسها
انا مدري كيف طعتها ومشيت على شورها ورايها
معني والله قادر اجبرها بطريقتي وخليها توافق
غصبن عليها وبرضاها بعد
بس مدري ليش مابي زعلها مابي اضايقها
ابي تدلع بس تدلع علي اتحمل اتحمل
كل شي يجي من وراها من وراها هي وبس

قطع افكاره صوت الجوال اللي يرن
صقر اتجه له ورفعه وهو يرد بثقل رغم الضعف اللي كان فيه قبل شوي / هلا فالح
فالح بتوتر/شلونك
صقر بتوجس /انا طيب شفي صوتك؟!
فالح تنهد /متى تجي؟!
صقر راحت افكاره بملاك و صرخ فيه /فالح تكلم وش صاير بيت عمي فيهم شي ؟!
فالح بتردد/ لا بيت عمي مافيهم الا العافية بس نسيبك جاسم عليان باع نصيبه من شراكتك بالعقار
صقر بصدمه / كيف كيف ومتى صار هالكلام انت متاكد يا فالح
فالح بتاكيد /متاكد وباعها 4 ملاين على شيخ قبيلة العقاب
صقر صرخ بحده / وكيف ما يشاورني ولا ياخذ رايي بي حق يتصرف بغيابي
فالح بواقع / نصيبه يا صقر وهو حر فيه يمكن مايبي شراكة معك كيفه
صقر يرجف بغضب / بس يعطيني خبر انا اشريها منه لو يبي ب 5 ملايين ازوده عليهم لو يبي دبل ما يتصرف من راسه
فالح يهدي الامور / ماعليك انت نصيبك وموجود وغير وش عليك منه ومن نصيبه باعه ولا ما باعه قلعته
صقر بتسال منفعل/ هو قد باع ولا باقي؟!
فالح بتذكر /اتوقع لا باقي بس اتفقم على البيعه بكرا على ماسمعت من واحدن حاظر عندهم وانا ترا ماني متاكد
صقر ينهي الاتصال / خلاص انا اليله اجي ونتفاهم
فالح يوقفه بتسال/ صقر وش بتسوي انتبه ترا مالنا حق فيهم ومانبي مشاكل مع العقاب ترا ماهو هينين
صقر صرخ فيه بحده / ليه حنا الهينين اجل اتحدا اكبر راس فيهم وانا ولد مطلق وحرام حرم الدم ماتروح لغيري لو تذابحنا
_______________________________

رواية ريح المطر للكاتبة (شغف )

-/البارت التاسع والخمسون /-

ادعو لوالدي برحمة والمغفرة..


الساعه 12 مساً

وصل فهد البيت متاخر دخل جناحه
ولف يمين يسار يدور عليها ماشافها تاكد انها للحين عند جدته تنهد بغضب / تبين تحطين راسك براسي
يا مهره بس ادري انه ماهو منك انتي تستسلمين بسرعه كل من ام عقاب ماراح ترتاح لين تذلني لك
بس والله لو تجلسين عندها سنه ماهو بس ليله
ما راضيتك

راح بدل لبس له بجامه حط راسه ونام عنده شغل مهم ولا نام من امس


بجناح الجدة صيته اللي جالسه هي ومهره وعندهم امل ان فهد يجي و يراضيها لاكن انقطع الامل والجدة صيته تطالع بساعه وتهتف لمهره بحنيه / نامي يامك على سرير بصلي وتري وجي انام عندك
مهره بضعف /خلي اروح جناحي ياجدة والله اخاف يقلب الدنيا علينا
الجدة صيته برفض حاد/ لا ماهو قالبها الا على نفسه بس انتي نامي و ارتاحي
مهره تقوم /تصبحين على خير
وقفها صوت الباب يطق وهي تقفز تمسك بجدتها برعب /جا جا شفتي والله لاغير يذبحني
الجدة صيته تبتسم بامل / لا يخبله لونه معصب درعم من دق وهو بيعتذر بس روحي على السرير وانا بفتح له

راحت مهره على السرير و تغطت بالفراش
والجدة صيته تقدمت وفتحت الباب و صدمت يوم شافت شوق تبتسم وهي تهتف لجدتها بحنان/ يومه مانمتي ؟!
الجدة صيته بتوتر ماتبيها تعرف ان مهره هنيه هتفت بحنو/ بنام يامك ليش جايه انتي فيك شي
شوق تبتسم /لاوالله مافيني شي بس قلت اذاكر وامر عليك اليوم ماشفتك من صحيت قالو انك نايمه
الجدة صيته بعتاب/هو و انتي تنامين وتصحين مثل الناس ‏نومك كله مقلوب اليل تصحينه ونهار تنامينه
شوق تحب على راسها/خلاص بعد نومي عشانك والحين يلا تصبحين ع خير
الجدة صيته بحنيه / وانتي من الخير

من سكرت الباب جاها صوت مهره المبحوح / شفتي انه مادرا عني ولا سال فيني حتى يوم رحت المره الاولى ماكلف على نفسه ياخذ بخاطري انتي اللي جبتيني هنيه وحنا اللي خذينا بخاطرة هو و ارضيناه
__________________________________

بمجلس ابو صالح وعياله

ابو صالح جالس متوتر وهي يسال فالح اللي ماهو اقل منه توتر/ خوك وينه انت متاكد انه جاي
فالح بتوتر / اي مكلمني وهو بالمطار قال خل سالم يجيب سيارتي مع مازن وراح سالم اخذ سيارته ويجيبه الحين
ابو صالح قطب حاجبه/ وسيارته وش تسوي مع مازن ؟!
فالح يرفع كتوفه /علمي علمك لاجا انشده
ابو صالح بزفرة / خايف من تصرفات هالولد كان ماسبب لنا مشاكل مع قبيلة العقاب وفشلنا معهم
فالح بعتاب/ جاسم غلط بسراحه لونه شاور صقر قبل يبيع ولا قال اذا تبيها خذها ماهو يفعل من راسه حركته ماهي حركات رجال
ابو صالح بغيظ/هو وخوك يستاهل اللي يحترمه مايحترم احد و مالوم الرجال هذا هو زعلان من طلق بنته ومايبي لخوك شراكه بس المشكله ماهو جاسم ورجاله المشكله العقاب ورجالهم مايستاهلون الا الشيمه والحشيمه

دخل صقر بثبات وهو يسلم على راس ابوه / يمسيك
بالخير يابو صالح شلونك عساك طيب
ابو صالح بموده/ يمسيك بالنور طيب طاب حالك
فالح يقوم يسلم / هلا حي الله ابو مطلق
صقر يسلم عليه /الله يبقيك شلونكم
ابو صالح بتسال/ حنا طيبين شلون بنت عمك جبتها معك ولا حطيتها عند اهلها

صقر ضاق من هالطاري ماوده يغث ابوه ويقول انها منحاشه يدري بينهار من الغضب عليه لذالك رد بهدو / طيبه ماعليها و حطيتها عند اهلها
ابو صالح ابتسم / هاه عسى بس مستانس انت بعد ماخذت بنت اخوي اللي تبيها !!
صقر يرد له ابتسامه اعمق / اي بالله مستانس لاحرمني الله منك ولا من اخوك قل امين
ابو صالح مازال يبتسم / امين امين

صقر يجلس و اردف بتسال حازم /يوبه تدري ان جاسم باع شراكته معي من غير حتى لا يشاورني ؟!
ابو صالح يهز راسه / يابوك شراكته وبكيفه مايبيك وش تبي فيه والله ان شراكة العقاب تسواه هو وشراكته
صقر زفر بقهر / بس انا متفق معه على ورق اي احد يبي يبيع يكلم شريكه اولى من غيرة يروح يبيع من وراي بي حق والعقاب طمعانين ويبون يلون ذراعي عشان ابيع شراكتي لاكن والله والله لا يبطون عظم؟!
ابو صالح بحزم / انت الحين جاي حاد سكاكين على الناس العقاب مالهم دخل جو عرضو عليه البيعه قال تم انا بايع نصيبي والنصيب الثاني بينكم وبين ولد مطلق وانتهى النقاش
صقر يوقف / اسمعني يابو صالح حقي ماتنازل عنه لو تقطعت ارقاب عشانه وبكرا البيعه وانا حاظر وبردها غصبن عليهم كلهم
ابو صالح يوقف بصدمه/ انت انهبلت تبي تمشكل مع القبايل عشان شراكه عساها ولت ولاجت وش عليك فيها
صقر بحرقه / بلاك ماتعرف كم تطلع بالشهر يابوي ما خذوها العقاب عبث هاذي تغني قبيله كامله

_________________________________

…يوم جديد ….صباحا.

نهيل تنادي / ياملاك يا امل ي بنات
جت ملاك تمشي بنعومه / هلا يومه
نهيل تجلس بتعب / اف يومه حر برا موت نادي لامل ودخلن الاغراض
ملاك تناظر الباب بتسال/ ليش وين كنتي ؟!
نهيل تنزل برقعها/ كنت بالسوبر ماركت انا وابوك نجيب مقاضي البيت
ملاك تتجه لباب وتشيل من الا غراض ودخلهم المطبخ جت امل وساعدها على ترتيبهم

حصه تطلع من الحمام وهي تنشف وجها / هلا يومه جيتي
نهيل كانت تشتغل بجوالها ورفعت راسها/ اي يامك جيت وترا جبت لوليدك غريضات
حصه تقرب لها وهي تبتسم / من الحين تبدين ايود علي وش جبتي له ؟!
نهيل تنزل جوالها على الطاوله وتبتسم / يوه فديت قلبه والله اني بالسوبر ماركت بس عند اغراض للاطفال وابوك يهاوش فيني يقول انهبلتي على كبر اخذي اغراض بيتك و خلصينا
حصه تضحك وهي تجلس قريب لامها/ ياعمري يامي لاحرمني الله منك لا انا والا ايود
نهيل بمحبه / امين يارب الا وينه هو نايم
حصه تركي ظهرها / اي ي قلبي نايم ابوه مرنا اليوم قبل يروح دوامه سلم وراح ونمنا بعده تو صحيت والذيخ مترنخ للحين
نهيل تضحك / اوه فديت الذيخ انا بس

جت ملاك وهي تبتسم وتمد الاغراض اللي امها جابت لاياد/ يوه شوفي حصه امي وش جايبه لهاية لايودي
حصه تطالع امها بدهشه/ يومه لهاية ماهي بزينه تنفخ بطنه
نهيل تضحك / لا زينه من يومكم عليها ما تنفخت كروشكم الا يوم كبرتو و طحتم بالرز والخبز
ملاك تضيق قميصها على خصرها بتمثيل / هاه وينها كروشنا يلا قولي لنا وينها الواحد لازق بطنه بظهره وتقول كروش
نهيل تزفرها / عدلي ملابسك لاتسوين هالحركات عند احد مره ثانيه عيب
ملاك تجلس وهي تافف/ اوف كل شي عيب حتى الحركات محسوبه علينا
نهيل تطالعها بنص عين/ دريتي ان صقر رجع ؟!
ملاك كانت تشرب مويا من الكاس اللي على الطاوله وشرقت /كح كح كح
نهيل تقوم تضرب ظهرها/ بسم الله عليك شفيك يامك هذا طاريه بغيتي تموتين اجل شوفته وش بيصير فيك محت شوفته
ملاك تاخذ نفس وتسال/ متى جاء ومن قال لك؟!
نهيل ترجع تجلس / ابوك قال للي ان عمك يقول صقر رجع البارح وناوي على شر
حصه وملاك بصدمه/ شر !؟
نهيل ترد /اي يقولون ان ابو مرته اللي اسمه جاسم بايع شراكته من غير لا يشاوره وصقر جاي حاد حدايدة عليهم
ملاك تقطب حواجبها/ وليش طيب باعه ليش ما شاوره
نهيل تهز كتوفها /مدري عنه بس ابوك يقول يضنتي بيحده يرجع مرته غصبن عليه
ملاك بصدمه مولمه /وشو يرجعها ليش هو بكيفه وكيفها شايفني كوره يشوتوني برجليه من غير لا يشاورني
حصه بصدمه / وانتي وش دخلك مرته من قبل تصيرين انتي مرته
ملاك توقف بعصبيه/ لا غلطانه انا مرته من عمري 13 سنه وهو ملك علي قبل ياخذها تزوج وطلق من غير لا يعبرنا ولا يدري عنا و الحين يحسب اني بسكت له وخليه يمشي بكيفه!!
نهيل توقف بتسال حازم / اجل وش بتسوين بتقولين لا ترجعها ورجعني انا مكانها
ملاك تصرخ بحده / اي يا انا ياهي و ملاك الورع ماتت اللي ماحد ياخذ رايها ولا شورها
_________________________________


فهد من صحى الصباح لبس لبسه وطلع الديوان ولا فكر يمر جدته ولا مهره كل همه ضيوفه ومشروعهم
يبي يشغل نفسه عنهم

ابو انوار / يابو عقاب ترا وديت الذبايح ونبهت على الطباخين انه العشاء يجهز بعد الصلاة العشا على طول
فهد يرد عليه بامتنان / الله يعطيك العافية يابو انوار ويكثر من امثالك رح الحين ريح بيتك والعصر الكل يجتمع عندي بالديوان
ابو انوار بموده / ماسوينا الا الواجب وابشر الحين بروح واعلم ابو سميرة يبلغ الرجال الاجتماع بعد العصر
فهد ياشر براسه برضا/ تمام التمام جزاك الله خير
طلع ابو انوار ودخل ابو ابراهيم /سلام عليكم
فهد كان يطلع على الاوراق وعلى مخطط المشروع رفع راسه ورد على عمه/ عليكم السلام ارحب.
ابو ابراهيم يجلس/ البقى شلون تشوف المشروع عسا زين !!
فهد يتكي ظهرة ويحرك الكرسي يمين ويسار
بهدو / سراحه مشروع ناجح ميه بالميه انا مستغرب ابو عليان كيف باعه بهالسرعه؟!
ابو ابراهيم باستغراب / والله مدري يمكن بينه وبين ولد مطلق شي ويبي يفتك منه ومن شراكته
فهد بذكاء / اكيد ولا لو مابينهم شي كان شاوره بالبيعه معني متاكد انه ماراح يسكت ولد مطلق هذا مشروع ما ينفرط فيه والحق له هو اكثر
ابو ابراهيم بتردد/ يمكن مامعه مبلغ المشروع !
فهد يهز راسه بنفي/ لالا من ناحيت هاذي لا عندهم خير وبذات ولده صقر على ماسمعت منعم الله عليه وقادر يشريه بس اتوقع ماعنده خبر الا الان
ولا كان ماسكت !!
ابو ابراهيم يهز كتوفه / والله مدري وانا عمك!!
______________________________________


الساعه 4عصراً

بيت ابو صالح …

ابو صالح يسال ام صالح بخفوت /صقر عداه نايم ماصحى ؟!
ام صالح بحزن على حال ولدها / اي والله نايم مدري وش مكتوب هالولد كل ماراح يمين لفته الدنيا يسار
ابو صالح يقطب حواجبه / ليش شفيه وش صاير؟؟!
ام صالح تنهدت بتوتر / مافي شي بس اقصد مشروعه اللي بناه وكبره وقام فيه ينباع من غير رايه
ابو صالح بحده / المشروع بداله مشروع ماهو ملزوم فيه بس صقر عنيد ولا يفهم وخلوه نايم لاحد يصحيه لين تخلص البيعه ونفتك لا يهجم على الناس ويفضحنا
صالح بتدخل / لا يابوي ماهو زين نخلي ينام لين تنباع ترا قهر.الرجال شين خل يقوم ويشوف يمكن يقدر يردها بطريقته
ابو صالح بضيقه / اخوك ماهو متفاهم بيروح يلعن ويطعن

دخل صقر وهو يرد على اخر كلمه سمعها / اي لا وصلت الامور لا حلالي و تعبي بلعن وطعن!!
ابو صالح يطالعه بغضب/ وش ناوي عليه ؟!
صقر مازال واقف وهو لابس وجاهز ويرد بثقة / انهي البيعه و ارجع مشروعي اللي بياكلونه الرجال وعيني تشوف
صالح يوقف / طيب انت هد وخل نعرف كيف نتصرف كل شي له حل
صقر بقهر/ اي حل وجاسم خان الشراكه اللي بينا وباع من غير شوري
ابو صالح تنهد بضيقه/ طيب انت وين بتروح الحين ؟!
صقر ينسف شماغه / بروح للعقاب كان تفاهمو تفاهمنا بينا وخليت جاسم ياكل تراب عشان يعرف بعدين يقرر بروحه
صالح باستفسار/ وكان ما تفاهمو ورفضو وش بتسوي
صقر يهز كتوفه بثقة/ الوي ذراع جاسم وخلي يتراجع عن كلمته قدام الرجال
ابو صالح قام بغضب/ وكيف بتلوي ذراع الرجال؟!

صقر يرد بجمود / بطريقتي بس الحين بروح للعقاب
ابو صالح تنهد / بروح معك انا وصالح ونحلها بهدو انت ماتصلح تروح لحالك تذابح مع الرجال
______________________________

رواية ريح المطر للكاتبة (شغف )

-/البارت الستون /-

ادعو لوالدي برحمة والمغفرة..


فهد طلع من جناحه وهو يقفل كبكات يديه

وقف وهو يشوف جدته جالسه بالحوش
هي ومهره وحسنا وشوق ومريم على الكراسي
وقدامهم القهوه والحلا عند الاشجار والغيوم مغطيتهم
مع صوت الزرع وصوت الطيور ينعش الروح

تقدم احترام لجدته له يومين ماشافها ولا كلمها
عتب على نفسه انه يطلع وهي تشوفه من غير احترام
لذالك اقترب وهو يهتف بثقة ويحاول قد مايقدر ماينظر للفاتنه اللي جالسه بجوار جدته /مسيك بالخير يا ام عقاب
الجدة صيته اضطرت ترد عليه عشان الموجودين مايحسون بشي / يمسيك بالنور

فهد اقترب و انحنى يحب على راس جدته
وعينه غصبن عليه راحت لعين مهره
الي جالسه بجوار جدتها وعينه عليه
تعلقت عيونهم بعض …

يذوب قلبي في ..نواظر..عيونك
واشتاق لك شوق الغريب ..لدياره …

تنهد فهد و ابعد عينه منها و رفع نفسه من جدته وهو يهتف لها بحترام / شلونك وشلون حالك ؟!
الجدة صيته ترد بهدو/ طيبه طاب حالك
مريم باصول / اصيب لك فنجال يابو عقاب
فهد يرد برفض وعينه على جدته / لا اتقهو بالديوان سلمتي
شوق بتميع / طيب شاي نعناع مسويته انا بيديني
فهد وده يذبحها ويخلص منها بس شطفها وهو يوجه كلامه لحسنا بتسال / عمي وينه راح لديوان ؟!
حسنا تهز راسها بنفي / لابالله نايم قال من ياذن صحيني
الجدة صيته بحرص /روحي صحيه الحين ياذن والجو ممطر الله اعلم

فهد اخذ نظرة اخيره على مهره قبل يطلع شافها منزل راسها وتلعب بالخاتم اللي بصبعها حس بحزن عميق عليها مايبيها ضعيفه ولا مكسوره بس غصبن عليه يضعفها ويكسرها هو هو ماحد غيرة
تنهد بضيقة وهو يتجه لباب / لاصحى خلي يجينا لديوان عندنا ضيوف
حسنا توقف وهي تهز راسها/يلا الحين بروح اصحيه
الجدة صيته تسال مريم / امك وينها ؟!
مريم ترد وهي تاخذ كاس الشاي بيدها / بيت ابراهيم
الجدة صيته تطالع شوق/ وانتي غريبه صاحيه اليوم ما خمدتي مثل كل يوم
شوق تضحك / لا ماقدر اخمد والاجوا كذا اخاف يجي مطر ويفوتني منظره
مريم تضحك / يحبك للامطار
الجدة صيته تهتف بموده وعينها على مهره المكسوره /مافي احد مايحب الامطار هاذي انعام من رب العباد

مهره كانت معهم بجسمها من غير روح
روحها طلعت مع اللي طلع وخلاها
تحبه وتعشقه وتهواه
على كثر قساوته وجبروته وعنفه
الا انها تحبه حب عظيم
كل مايدور براسها من افكار
اشتاق له وهو ليش مايشتاق للي
احبه هو ليش مايحبني
احن عليه هو ليش مايحن علي
لاشفته يهتز كل شي فيني طوله جسمه وسامته
تحرك الشوق بصدري له
وهو لايتحرك منه شي
معقوله فهد يكون بس يبيني موقته
يبي جسد بلا روح يبي شكل بلا عقل!!!
_________________________


بيت نهيل قبل المغرب بشوي

دخل مازن وهو يهتف بالسلام / سلام عليكم
الكل رد عليه / عليكم السلام
مازن يجلس ويكلم امل بامر هادي/ امل صبي للي فنجال بصحصح فيه
نهيل بزفرة / وش هالنوم يادافع البلا توك تصحى لا صلاة ولا عبادة بس خامد
مازن تنهد وهو يهتف لحصه/ امك هاذي ما ترتاح لين تغسل شراع احد
حصه تبتسم / عاد خلقتها كذا تبيها تغيرها عشاني
ولا عشانك !!
نهيل تثور عليهم / ولا كلمه انتي وياه وانت ورا ماتصلي بالمسجد مع المسلمين لايكون كفرت بس من رحت لجورجيا تحوم فيك ام الحلاقين
مازن انفجر ضحك/ يعني اللي يسافر يكفر انتي افكارك مادري وين توديك المهم ارتاحي صلاتي ما اخليها اصلي ورجع انام
امل تغني بمرح / الا صلاتي ماخليها ماخليها اهي حياتي ودنيتي فيها
نهيل تنفخ عليها/ ازعجتينا انتي و صوتك الناشف
امل بدهشه /صوتي انا ناشف !!!
ملاك كانت طول وقتها صامته من غير نفس
بس غصبن عليها ضحكت وهي تشوف وجه امل وعيونها كيف طارت بصدمه ..
ومازن يطالع فيها بنص عين / وخيرا بين سنك !!
ملاك تطالع فيه بحدة / وانت وش عليك بين سني ولا انكسر سني وش دخلك بفهم
مازن يضحك / ملوكه والله انك غاليه علي ولا انكسر سنك لاتحاتين راح اهدي لك سني
ملاك تكشر / وع انا اخذك سنك انت والله لو اجلس من غير سنون ماخذت سنونك المروحه
مازن بصدمه /سنوني انا مروحه انا
امل وحصه / ههههههه
ملاك تصد عنه / اي انت سنك مروح وانت بعد مروح

مازن يهتف بمرح / هين ياملاكووه هين والله لاعلم عليك صقر لاخلي يكسر سنونك
ملاك توقف وهي تعفس وجهها / وشو وشو وشو تعلم من ؟؟؟؟
مازن ارتبك / امزح معك شفيك طرتي
ملاك بعصبيه / اسمع يامازن لاتحسبك بتلوي ذارعي بولد عمك تراك انت وهو تحت مواطي رجلي تفهم
مازن قام وهو معصب / تخسين ياللي ماتستحين والله لو عدتي هالكلام لاكسر لك رجلك
نهيل توقف بوجهه / اص ولا كلمه انت بذات تسكت تجي تدافع مع ولد عمك و تحامي عليه ضد اختك يالهابي
مازن منفعل/ اصلا صقر ماهو محتاج من يدافع عنه لو يبيها سحبها غصبن عليها لاكن الظاهر ان نفسه طابت منها هذا هو من امس موجود ولا سال عنها ولا كلمنا فيها

ملاك مصدومه وهي تحس باهانه جارحه لها
طابت نفسه منها !!!معقوله
طابت نفسه منها!!!معقوله
خذاها نزوه وبيرميها بالسهوله
زين انه ماصار بينهم شي اكبر من كذا
ولا تعض اصابع الندم اصبع اصبع
ولا هو بنسبه لها فارقه خير …
__________________________________


بالديوان العقاب
الكل مجتمع وبنتظار جاسم عليان ورجاله …

فهد كان يتكلم مع رجال قبيلته بالمشروع
ويشرح لهم ويستشيرهم

قطع كلامه دخول ابراهيم / يابو عقاب الشيخ صالح وعيال موجودين بالمجلس الكبير
فهد ماستغرب جيتهم لانه حاس انهم ماراح يفرطون بالمشروع لذالك وقف بحترام وهو يهتف
بامر حازم / حياهم الله ضيفوهم وانا جاي وراكم
ابراهيم يطلع وهو يهتف برضا/ تبشر
ابو انوار قام بتوتر/ اخاف جايين عشان المشروع
ابو ابراهيم يوقف معه ويهتف بتاكيد/ اكيد اجل وش جايين عشانه !!
فهد يتجهه لباب /نروح لهم بالمجلس ونعرف منهم كل شي

كان ابو صالح جالس ومن يمينه صقر ومن يساره صالح

ابو صالح همس لصقر بحزم / خلك متماسك وخل نتفاهم بهدو
صقر تنهد بضيقه / لاتشيل هم بس انت بعد لا تسكتني قدامهم خل اقول اللي عندي عشان مانفعل
ابو صالح بزفرة / ما ضيعك الا نفعالاتك

قطع كلامهم دخول فهد وراه عمانه ورجال من قبيلته

فهد بصوته الجوهري / يا مرحبا تراحيب المطر حي الله ابو صالح وعياله
ابو صالح يوقف ويرد بثقل/ الله يحيك ويبقيك

انتهى السلام بين رجالهم وهو وعياله وجلسو لضايفة

وهتف ابو صالح بموده/ شلونك يابو عقاب عساك طيب
فهد بذات الموده/ طيب طاب حالك انت وش علومك عساكم بخير
ابو صالح / نحمد الله ونشكره

جاء ابراهيم ومعه الدله وصب لهم وكلن شرب له فنجالين واكتفى

ابو صالح تنهد وهو يسمع ولده بدا يتكلم
وصقر يتكلم بثقه / يابو عقاب حنا ماحنا جايين طلاب ولا حنا جايين هزاع حنا جايين نبي نفهم منك وتفهم منا !!
فهد يرفع حاجبه بتوجس / اسلم وش الموضوع يابو مطلق !؟
صقر بذات ثقته / انت نوية تشري من جاسم علينا نصيبه بمشروع العقار صح بس ماسالته هو شاور شريكه ولالا ؟!
فهد يرد بثقه اعمق/ هذا بينكم انا مالي شغل فيه انتم الشركا و تشاورون بينكم انا رجال شاري حالي حال اي تاجر
صقر بمفاوضه / طيب مدامك تاجر وتفهم بتجارة
واذا قلت لك انا بشريها منك بدبل اللي دفعت لجاسم ؟!
فهد بحزم / بس انا ما عرضتها للبيع يابو مطلق عشان تفاوضني انا قلت لك رجال شاري ماني بايع
صقر تنهد بطولة بال / واذا قلت لك ماني براضي تصير شريك للي ولا اني براضي نصيب الجاسم يروح لك ؟!
فهد هز كتفه بثقه / ماتبي شراكتي ماعندك مشكله اشري نصيبك انت بعد
صقر قام واقف وهو منفعل / تشري نصيبي انا !!
ثم ردف بتحدى /ما بنيتها وكبرتها عشان ارخصها لك ولا لغيرك حلالي و ماسمح لاحد يقرب منه

فهد مازال جالس وهو ماسك نفسه لا ينفعل ورد بصرامه /اذا على العقار النيه شريته وجاسم نيته بايع وشوي تتم البيعه وانت عندك شي ثاني جاي عشانة؟!
صقر بتهديد / شوف عاد انا جيت لمجلسك احتراماً للقبيلة اللي انت منها لاكن انها توصل بتحدى ترا ماعرف الاحترام وبري منه وهو بري مني بعد
فهد وقف بغضب/ انت اللي شوف عاد ترا انا متحمل كلامك عشان وجود ابوك بمجلسي ولا كان عرفت كيف ارد عليك
ابو صالح يوقف بحرج / هد ياصقر وانت يابو عقاب حنا حاشمينك وجايين نبي نتفاهم بالهدو
فهد تنهد وهو شاد على اعصابه / ولدك ما حشمنا يابو صالح جاي هاد ويهدد
صقر بحده / اي اهدد وسمعني عدل كلامن يوصلك ويتعداك العقار ما راح تصير من نصيبك حتى لو احرقته كامل وخسرت نفسي و خسرتك معي
فهد بحده اعمق / بتصير نصيبي غصبن على الراضي والزعلان وغصبن عليك انت فوقهم واعلى مابخيلك اركبه
صقر بغضب اشد / والله وانا ولد مطلق ماتتم البيعه وراسي يشم الهواء
فهد بتحدى / والله ما تردني عنه شي ياولد مطلق لو تروح وراه ارواح و انا رجال باخذه بعناد وتحدي وكان فيك خير اوقف بوجهي!!
صقر بتحدي اعمق / مدامها صارت بتحدي انتظر جاسم لصبح يجيك وان جاك ترا هالشارب ماهو على رجال (و مسك على شاربه)

طلع صقر وهو منفعل حيل ومايشوف اللي قدامه
وفهد وقف بانفعال اعمق و انفاسه تعلى وتنزل
من الغضب

صالح لحق اخوه وابو صالح تنهد بحرج / امسحها بوجي يابو عقاب والله ماجيت وانا ابيها كذا كنت ابيها تفاهم بالموده والصلح
فهد ياخذ نفس لتهدئه وهو يهتف بحترام/ جيتك عزيزه وغاليه يابو صالح بس اللي ولدك سواها ماهي بسوات رجال يهجم على الناس ويتهددهم التجارة بيع وشرا وحظ ونصيب
ابو صالح يهز راسه باسا/ صادق والله لاكن العذر والسموحه منكم يارجال ويالله كثر الله خيركم وعساكم على القوه
فهد برفض حاد / ماتروح يابو صالح عشاك معنا
ابو صالح برفض احد / خيرك سابق والجايات اكثر
___________________________________

صقر راكب سيارته وينتظر ابوه وخوه صالح اللي
جا و ركب ورا بالسياره وهو معصب من تصرفات اخوه ويهتف بعتاب حاد / ليش سويت كذا ياصقر ليش فشلت ابوي وفشلتنا
صقر يرجف من الغضب / ابوي وينه ياصالح خل يجي بسرعه بحطكم وبروح عند مشاور مهم
صالح بتسال / وين بتروح وش ناوي عليه ؟!
صقر شد على السكان بغضب / دق على ابوك
و خلصني !!
صالح تنهد بضيقه / هذا ابوي جاي
ركب ابو صالح وسكر الباب ولف لصقر بغضب / انت ماتستحي ما تنتخي جاي لناس تهددهم وتحداهم
صقر حرك السياره وهو مازال معصب/ انا ماهدد وتحدى عبث انا افعل وراح يشوفون فعايلي
ابو صالح بقهر / وش بتسوي علمني لا تدخلنا مشاكل مع الناس
صقر يرد بحزم وعينه على الطريق/ بروح الجاسم وتفاهم معه
ابو صالح تنهد / وجاسم ماهو متراجع عن كلمته عشانك
صقر يعض على شفايفها بقهر / بيتراجع بيتراجع غصبن عليه
صالح تنهد / ياصقر انتبه لتصرفاتك تراها تضرك ماتنفعك
صقر بامر حازم/ بوصلكم للبيت ونزلو انا بروح ولاحد يدق علي ولا يزعجني بسوي شغلي بنفسي
______________________________

عند فهد اللي يغلي من الغضب ويهتف لابو انوار بحده /كلم جاسم خل يجي الحين العقار اخذه اخذه بطيب بالغصب اخذه
ابو ابراهيم يهديه /هد نفسك وانا عمك وابو عليان موعدنا معه بعد المغرب نصلي ونخلص الا هو قد وصل
فهد يزفر /يصير خير يصير خير ياولد مطلق حرام بالله ان اخذتها لا دمر كل اللي بنيته لاخليك تجمع خسايرك بس خلها تصير من نصيبي خلها
ابو نواف يقوم / انا بروح اذن دخل موعد الصلاة المغرب وانت يافهد رح توضى وطفى من غضبك شوي
فهد يتنهد / طيب طيب

_______________________________


رواية ريح المطر للكاتبة (شغف )

-/البارت الواحد والستون /-

ادعو لوالدي برحمة والمغفرة..

ابو صالح يدخل مجلسه هو وصالح
شاف فالح وابو ماجد ومازن ينتظرونه
وقف فالح بتسال / هاه وش صار معكم
ابو صالح يتنهد وهو يجلس/ سود وجيهنا عند الناس هدد وتحدى ولا حسب لي حساب يا ابوه
ابو ماجد تنهد / الله يهدي الحال وحتى ابو عليان غلط بحقه كيف يتصرف من وراه كيف
ابو صالح بزفرة / مالومه فيه جارحن كبدة وكبد بنته خله مقدي فيه
فالح بسال حاد / طيب صقر وينه ؟!
ابو صالح يرد عليه بضيقه / راح لجاسم يقول بتفاهم معه مادري عاد وش ناوي عليه
فالح بتفكير / يمكن يشرط عليه يرجع بنته عاد هو زعلان ويبي نسب صقر وشاريه بس صقر بايع
ابو صالح بزفرة / لا والله بنته اللي باعت مالقت من اخوك الا يباست الراس ودبلت الكبد
ابو ماجد تنهد بضيقة / حتى انا والله يابو صالح عتبان عليه جاي من امس ولا مرني ولا اعتذر باللي سواه بنتي كذا انا اهون عليه ياعمه !!
ابو صالح لف له بصدمه / ليش وش هو مسوي مع بنتك سويد الوجه؟!
فالح تنهد بالم / ياعم ماهو وقته لو خليت ابوي لين يهد ونعلمه بهدو
ابو ماجد بحرج / هو مادرا والله وانا عمك احسبه داري
ابو صالح وقف و صرخ فيهم / انت وياه وش ماتبون تعلموني فيه وش تسترون عليه وش هو مسوي هالعاصي
ابو ماجد تنهد بتعب / اهد يابو صالح واعلمك باللي صار اهد انت
ابو صالح مازال غاضب/ ماني بهادي لين تكلمون و تعلموني لاوالله لاروح للبنتك بنفسي وهي تعلمني

ابو ماجد يطالع بمازن وهو يهتف لاخوه بالم/ ضاربها وهم بجورجيا وجت منحاشه منه مع مازن
ابو صالح بصدمه / جايه مع مازن و منحاشه وهو يقول جايه معي يكذب علي الخايب يكذب علي الهايب
صالح يوقف ويمسك ابوه / اهد اهد الله يطول بعمرك الحين يجي و تفاهم معه بس خلنا الحين نخلص من هو و ابو عليان اول
_______________________________

بديوان عند فهد اللي يهز رجله بغضب / تاخر جاسم ؟!
ابو انوار بضيقه/ بياذن العشاء وهو ماجا
ابو ابراهيم يرد بتهدئة / يجي ان شاءالله ماندري عن ظروف الرجال يمكن حصل له شي اخره
فهد ياخذ نفس وهو يهتف بصرامه / كان ماجا والله واللي اسمه الله لاعلمه المراجل كيف تصير وكيف يسحب على الرجال
دخل ابراهيم / ابو عقاب ترا جاسم عليان مرسلك واحد من رجاله وهذا هو بالمجلس يبيك
فهد وقف بغضب/ مرسل واحد ليش وهو وينه ليش ماجا ؟!
ابراهيم يهز كتفه/ مادري عنه

فهد اتجه للمجلس وهو يغلي من الغضب
وراه عمانه
دخل وسلم على رجال اللي من طرف جاسم وهو يهتف بتسال حازم / وين ابو عليان ليش ماجا معك؟!
الرجال تنهد بحرج / ابو عليان يعتذر منك ومن الحظور عندك يقول حصل له ظرف ولا يقدر يجي
فهد صرخ فيه بغضب خلت الرجال يرجع خطوه ورا
بخوف / هو يحسبنا لعبه بيديه مره يقول بجي ومره يعتذر الرجال يواجه ما ينخش بس اسمع قل له يقولك ابو عقاب عساك ماجيت ماحركت شعره فيه لاكن المشروع معه يومين ان ماباع وحظر ترا والله ما يردني عنه شي انا لانويت الشي اخذ بالقوه ماهو بالطيب تفهم
الرجال يهز راسه برعب / ابشر ابشر اوصل له كلامك والحين انا استاذن
فهد وقفه بامر / اسمع علمه يومين بس يومين انا ماجاب مشروعه وحظر للبيعة ترا بايع نفسه
ابو انوار بزفرة /ماهو رجال مشوه الرجال بكيفهم وخلوه يغير كلمته عند الناس
فهد يجلس بقهر /صقر يبي يحط راسه براسي بس والله وانا ولد عقاب لا خليه عبرة لغيرة
ابو ابراهيم تنهد بضيقة / خيرة منه ومن شراكته ماندري وش وراها
فهد يهز راسه بعناد/ باخذها غصبن عليهم وانا ماخذتها دفنتها على روسهم
________________________________


بمجلس جاسم اللي فاير من القهر / هذي اخرتها ياصقر هاذي اخرتها تهددني انا انا بعد وثقت فيك وزوجتك بنتي و بديتك على اقرب الرجال للي
صقر بحده / بديتني على الرجال من فعايلي وانت عارف وانا يابو عليان قايل لك اللي يصير بيني وبين بنتك لا تدخله بشراكتنا بس انت اللي اصريت اخذ بنتك والحين تغدر فيني فيني انا
جاسم عليان يزفر بضيقه/ ما غدرت فيك بس كنت بعطيك درس تعرفه عدل اني عشان بناتي مستعد اضحي برزقي كامل ماهو بس بمشروع
صقر يجلس ويحط رجل على رجل/ بس ماهي بزينه بحقك تروح لرجال وتبيع عشان موضوع تافه بيني وبينك
جاسم يجلس قباله/ ماهو تافه تطلق بنتي وترميها بدون سبب ماهو تافه
صقر بحزم /بنت هي طلبت الطلاق وانا قلت لها اجلسي معززه مكرمه بس هي اللي رفضت وماني جابرها علي بالغصب

جاسم تنهد / انت قلت لك اللي تبي كان الغيت البيعه وانا ابيك ترجعها
صقر وقف بدهشه/ ارجعها؟!
جاسم بحده / اي ترجعها ولا ترا معي وقت للحين اقدر اروح وبيع الشراكه وينتهى كل شي بينا
صقر هتف بغضب/ انت عارف ان الا وراق بيدي حقات التعهد اللي بيني وبينك واقدر الغي البيعه من غير لاجيك بس انا قدرتك و احترمتك وجيت وانت جالس تهدد

جاسم يرفع حاجبه /مثلك يوم جيت وهددت ورحت قبله للعقاب وهددتهم نتعامل معك مثل تعاملك معنا
صقر تنهد بطولة بال/ بس انا رجال متزوج الحين ومابي اظلم لا بنتك ولا بنت عمي
جاسم يرفع كتوفه / عادي الشرع حلل لك اربعه واذا على بنتي هي راضيه واذا على بنت عمك انت تفاهم معها

صقر تنهد وهو يتذكر ثورت ملاك بس من طاريها
كيف لو درت انه بيرجعها تنتحر
تنهد للمره الثانيه وهو يهتف بحزم / افكر ورد لك بس المشروع اياك يابو عليان ترا خط احمر تبي تبيعه انا اشريه منك اما تبيعه لغيري لا والف لا ولا تنسى الاوراق والتعهدات موجودة
جاسم بقهر / وانت مستمر بالتهديد ياخي افهم اذا بترجع بنتي ماني بايع واذا ما رجعتها ببيعهم ولو دخلت السجن ماعندي مشكله
صقر حاس راسه بينفجر لاكن هتف بذكاء / طيب ارجعها بس بشرط !!
جاسم بتسال/ وشو شرطك
صقر يرفع حاجبه بتوجس/ تبيعني نصيبك ؟!
جاسم برفض حاد /لا طبعاً مابيعك نصيبي لو صار اللي يصير
صقر بغيظ/ اجل ليش تبيع ولد عقاب وانا لا ؟
جاسم يرد برود / كنت ببرد قلبي وقلب بنتي فيك وهم جوني وعرضو علي وانا رضيت
صقر يشد على اعصابه / طيب يابو عليان بشاور نفسي وانت شاور بنتك ويصير خير
جاسم بثقه /بنتي ماهي قايله شي ومالها راي بعد راي ابوها انت اللي شاور نفسك ورد لنا معك يومين
________________________________

الساعه 12 مساً

دخل فهد جناحه بغضب حاد
من تصرف جاسم لغير لايق معه
اخذ له شاور ولبس له بجامه
واتجه لسرير وهو يحاول يهدي فورت دمه
سكب له كاس ماء وشربه
وحط الكاس على الطاوله وهو يتمدد على السرير
و فكاره تاخذه لعندها حتى بالوقت هذا يفكر فيها
الوقت اللي مفروض مايكون لها
لان في الف شغله وشغله بدالها
لاكنها سيطرت على فكره غصبن عليه
نفض افكاره وحاول ينام
ويرجع الفكر لها هي


تنهد وهو يتقلب يمين يسار
لين صارت الساعه 1 ونص وهو على حالته
قام من السرير وهو يزفر بقهر فوق القهر اللي كان فيه
و هتف لانفسه /اتقلب هنيه عشانها وهي مكبرة مخدتها ونايمه لامتى وانا محروم منها وهي قريبه عندي وبيت واحد بس ماراح اسكت لا لها ولا لجدتها

فهد فتح باب جناحه بانفعال وهو متجه لجناح جدته



بجناح الجدة صيته كانت متمدده على سريرها
وجها لمهره اللي متمدده على ظهرها بجوار جدتها
وعيونها على فوق وتفكير ياخذها لهمومها
تفكر وتكفر ولا تلقى حل لنفسها ولا لفهد معها
تنهدت بضيقة وهي ناويه تنام وتريح تفكيرها
ولفت وعينها تروح لجدتها اللي مازالت سهرانه معها وتتابع ملامح مهره بصمت

مهره تبتسم لها بعذوبه / عداك صاحيه مانمتي
الجدة صيتة بحت حزن / كيف انام وعيونك سهرانه كيف انام والهم ياكلك و تاكلينه
مهره تاخذ نفس وتهتف بموده/ يومه لا تشغلين بالك علي انا بخير والله بيدبر امري
الجدة صيته بتسال حان / امك مامرت لها يومين ويوم كلمتها تقول بكرا تمر مانتي ناويه تروحين لها
مهره تهز راسها باسا/ ولو نويت ماهو راضي اني اروح وامي عارفه انها بتجي بس مشغوله مع ماهر يدرس عند مدرس خصوصي

بين حديثهم انفتح باب الجناح
ودخل فهد بهيبته المعتاده وسكر الباب
لفت مهره وجدتها له وانصدمو؟!
من وجوده عندهم بالوقت هذا
تقدم فهد بثبات وعيونه على مهره اللي تطالع فيه برعب وخايفه من تصرفاته !!

والجدة صيته اعتدلت جالسه وهي تهتف له
بتسال/ وش جايبك هالحزة!!
فهد يرفع حاجبه بحده / وليش للي وقت محدد عشان اجي اشوفك
الجدة صيته بتقصد/ اذا بتشوفني انا اجيك بجناحك واذا بتشوف غيري تعال بالنهار ماهو باخر اليل
فهد من المغرب والعصبيه لاعبه بحسبته لعب
ومع ذالك يحاول يسيطر عليها / جاي اخذها وبتفاهم معها!!
الجدة صيته برفض/ ماهو بكيفك تجي و تاخذها كذا
فهد بستهزا حاد/ اجل كيف اخذها اجيب لها جاهية مثلا ً !!
الجدة صيته تزفر عليه بغيظ/ اي تجيب لها جاهية شايفها ماتستاهل يومك جالس تهزا فيها

مهره مازالت متمدده على ظهرها وعيونها تنتقل بين جدتها وفهد برائة ولا كنهم يتكلمون عنها هي

فهد يطالع بملامحها بحنيه اي يحن عليها
حنان الاب لبنته
حنان الزوج لزوجته
حنان العاشق لمعشوقته
حنان الحبيب لحبيبته
تعلقت عينه بعينها بصمت عميق
وبعد ثواني هتف فهد من اعماق اعماق قلبه
وينسى وجود جدته ….

لك في عيوني بيت و ديار و اوطان ..
و الشوق وسط القلب مالي وريده ..
لو كنت ماحبك ولا اهتم ماكان..
مع كل ليلة قلب فيني لك قصيدة ..

الجدة صيته هتفت ببتسامه / هذا الكلام لمهيره!؟
مهره حمرت خدودها وهي تنزل عينها
على صدرها البارز قدامها وهي متمدده على ظهرها
فهد رد على جدته وعيونه على مهره / اي لها وهو فيها غيرها !؟
الجدة صيته تهز راسها برضا وهي مازالت تبتسم /اجل عشان هالقصيده شلها معك
مهره لفت لجدتها بدهشه / وش يشيلني انتي ماتبيني !؟
الجدة صيته تضحك/ يخبله ابيك بس هو يبيك اكثر مني روحي معه
فهد يهتف لمهره بامر هادي/ مايحتاج اشيلك انتي تلحقيني
مهره نزلت راسها بحزن / بس كلمه يافهد كلمه طيب الخاطر
الجدة صيته تزفرها/ الحين كل الكلام اللي قاله ماطيب خاطرك !!
مهره تهز راسها بنفي/ ماهو كثير
فهد يتجه لسرير من جهتها وهو يهتف بخبث/ الكلام كله مايطيب خاطرك انتي تبين فعل

مهره فتحت فمها بصدمه وهي تشوفه اقترب و انحنى
لها وحط شفايفه على خدها وباسها بقوه

فهد كان وده شي اكبر من الخد بس وجود جدته يخليه يكتفي بخدها بس
الجدة صيته ضحكت وهي تهاوشه /بسك عليها كسرت وجها
فهد يرفع نفسه منه وعينه تطالعها بخبث / الحين رضيتي ؟!
مهره تمنت الارض تنشق وتبلعها من الحرج
هي ماتنكر انها استمتعت بحركته اللي كانت تمناه
من كم يوم بس ماهو قدام جدتها ماهو قدامها

فهد تكلم وهو يتجه لباب/ مهره انتظرك بالجناح
مهره تطالع جدتها بحرج وتنزل عينها بسرعه
الجدة صيته تبتسم وهي تقرص خدها/قومي له تراه محتاجك اليوم اكثر من اي يوم
مهره تقطب حواجبها بتسال/ ليش وش صاير ؟!
الجدة صيته بحرقه / يقول ابو ابراهيم انه ناوي يشري له عقار وتهاوش مع راعيه المهم انتي روحي له وخففي عليه وكان يبي يفضفض احتويه يامك خليك بنت عاقله وذكيه
مهره تقوم وهي تنفض الحاف وتهتف لجدتها
باسا/ بحاول ياجدة معه بحاول معن هو كتوم
و مايتكلم ابد لا عن شغله ولا عن نفسه
______________________________


رواية ريح المطر للكاتبة (شغف )

-/البارت الثاني والستون /-

ادعو لوالدي برحمة والمغفرة..

الساعه 1 ونص بيت نهيل

دخل مازن شاف امه وخواته يتابعون فلم هتف بسلام /سلام عليكم
الكل رد /عليكم السلام
جلس مازن و نهيل بتسال عاتب/مرتك من جت من جورجيا ماكلفت على نفسها وتجي تسلم علي ولا تسلم على حصه هي ماتعرف الاصول
مازن تنهد / تقول بكره بتجي مع خواتها وامها بيجون لحصه
نهيل بقلة صبر / سبحان الله حيا مافي مغسول وجها بمرق ساكنه معنا بنفس البيت ولا تعرف تمر تبي تجي ضيفه مع اهلها
مازن بضيقه وعينه على حصه / امك ما تبيني اجي نهائي للبيت
حصه تطالع امها برجا/يومه خلاص الله هداك كيفها جت ماجت ماعلينا منها اهم شي ريحي راسك وراسنا
نهيل تصد بوجها لتلفزيون عنهم / بجهنم انتم وهي

مازن بتردد وعينه على ملاك اللي متمدده وبيدها الريموت و تتابع الفلم ومنسجمه معه هي وامل هتف بندا/ملاك
ملاك لفت له بهدو/ هلا
مازن تافف بارتباك / ابي اقول لك شي
ملاك باستغراب / قول !!
مازن بتوتر / ترا ترا اوف
نهيل تقطب حواجبها / ترا وشو انت غاص بالكلمه اجي ادحك مع الظهر عشان تقذفها
مازن يهز راسه بقلة حيله / يومه يرحم والديك تراي جاي بموضوع مهم خليني اتكلم
ملاك تعتدل جالسه وهي تهتف له بحده /قول مازن وش صاير اكيد جايب سالفه كبر راسك
مازن بزفرة / انتي وامك متبرين من الا سنتكم بس تشعمون
ملاك بزفرة احد / اقول اخلص علينا وش السالفه اللي بتقولها ؟!
مازن فجرها / اسمع صقر يقول لابوه وخوانه ان جاسم عليان تنازل عن البيعه بس شرط عليه يرجع بنته

ملاك رمت الريموت على الطاوله وهي توقف / وصقر وافق ؟!
مازن يهز كتفه /شكله موافق ولا ماكان جاسم انهى البيعه
نهيل توقف هي بعد بعصبيه / وهو على كيفه على كيفه قليل المروه قليل الاصل لعنبوه ماصار متزوج له شهر يبي يرجع مرته يبي الناس تكلم على بنتي قليل خوف الله وانت يا الرخمة عاجبك سواته عاجبتك انت وابوك الرخمة اللي مثلك
مازن يوقف /يومه وش تبينا نسوي يعني نتهاوش معه حياته وهو حر فيها يطلق يتزوج مالنا دخل فيه اهم شي بنتنا مايقصر معها

نهيل بجزع /يقصر عمرك وعمره قل امين اذلف علمه يجيب ورقة اختك ولا ترا باخذها وروح للمحكمه
ملاك اخذت نفس وهي تهتف/ لا يامازن لا تدخل انا احل اموري بنفسي
نهيل تطالع فيها بصدمه / وش بتسوين بتروحين ترجينه بعد
ملاك عطتهم نظره ودخلت غرفتها
وحصه وقفت وهي تهتف بعتاب/ انتم تبون تذبحونها ترا لو صار فيها شي من وراكم انتم انتم
____________________________________


بجناح فهد

كان جالس على الاريكه وينتظرها
ويفكر بوسة خدها السايح مثل سيحة الزبدة
رفع يده ويلمس شفايفه وهو ياخذ نفس عميق
وهتف لنفسه بوجع/ اه منها ماحد قدر علي كثرها عذاب هالبنت والله انها عذاب

ماطال بالتفكير الا وهي تدخل وتسكر الباب
رفع راسه وطالع فيها كانت متجه له
وهي منزله عيونها بالارض بحيا
لابسه قميص طويل قطن نص كم
بالون الكحلي الغامق
اقتربت وكانت بتجلس قباله بس وقفها
صوت فهد الثقيل /مهره تعالي عندي

مهره اقتربت وقبل تجلس جواره فهد مد يده باستعجال وسحبها لحضنه و حاوط كتوفها بيديه ولم ظهرها على صدره كانها طفله بحضان والدها وهتف لها بمحبه / عداك زعلانه ؟!
مهره تهز راسها وهي منزلته /شوي
فهد باس شعرها وهو يشد احتضانها من كتوفها ويحرك يده على صدرها بهدو حان
سكت لثواني ثم هتف بتسال محب/ متى تبين اوديك دكتورة نساء !!
مهره ترفع عينها بعينه وتهتف بهدو / بكيفك واذا ماتبي بعد ترا عادي
فهد رفع يده وحده وحطها على خدها اليسار وباسها مع خدها اليمين بهدو وهمس لها بذات هدوه / الا ابي وابي الاطفال اللي من بطنك ابيهم
(حرك كف يده على بطنها بنعومه خلت مهره ترجف)
مهره تنحنح / طيب تبي بنت ولا ولد؟!

فهد يذوب يذوب على برائتها
ونسيانها وطيبة قلبها
حضنها بقوه ونسى العالم ومافيه
______________________________________

ملاك كانت تمثل النوم وهي على سريرها
و ماهي نايمه كانت تعذب عذاب اليم
وهي تذكر احضان صقر وهمساته وحنانه
وحبه بحد ذاته لها عذاب وهو يصرح بحبه لها بصدق
و حلف لها بامه وابوه واهله وقبيلته
ان مافي رجال عشق كثر عشقه لها

تنهدت ملاك بالم وهي تفكر (كذاب كذاب لو يحبني صدق ليش يفكر فيها ومن جابت وفا طاريه فز لها ونسى حتى وجودي وين الحب اللي هو يقول الواضح انها هي المحبوبه له )

ملاك دفنت راسها بمخدتها وهي تفكر وش تسوي
مستعده تندفع للموت ولا ترجع له لو حب السما
_________________________________

يوم جديد و احداث جديدة ….

صقر دخل البيت وهو يسمع امه وخواته
مجتمعات ويسولفون بصاله

هتفت هدى بذكاء/صقر جاي
ام منهد تلف يمين ويسار /وينه مافي احد
هدى تسحب نفس /ريحت عطرة اعرفها

صقر دخل وريحت عطرة تسبقه وهو يهتف
ببتسامه /انتي ياهدى المفروض نشغلك بالبيت ام شمه
هدى تضحك / ماعندي مشكله بس تمشون للي راتب بدل ما شمم ريحتكم بلاش
صقر يضحك وهو يهتف بسلام / سلام عليكم
الكل رد /عليكم السلام
ام صالح بحنان / تعال يامك تقهو وحلا من هالحلويات الزينه
صقر ينحني لطاولة وياخذ له قطعت شوكلاته وياكلها وهو يهتف بثقل/ ماشاءالله وش هالحركات من الذربه اللي مسويه كل هذا
هدى ترفع رقبتها بفخر /احم انا اللي مسويتها
ام منهد تطالعها بنص عين / تكذب عيني عينك والله ماسويتي الا حلا واحد اليابس هذاك

صقر يضحك وهو يجلس ويحط رجل على رجل /اوف وجايبه يابس بعد يبست عظام العدو
ام صالح تطالع صبا وشذى بامر /ما تصبن القهوه لخوكن
شذى تقوم وتاخذ الدله وتصب فنجال وتمده لصقر بحترام /تفضل ياخالي العزيز
صقر ياخذ الفنجال وعيونه على شذى ويهتف بتسال خافت / شلون ملاك ؟!
شذى تهز كتفها وهي تتجه لطاولة / انا اللي مفروض اسالك عنها ماشفتها من ليلة زواجكم
صقر يرفع حاجبه بستغراب/ وليش طيب وش صاير بينكم !!
شذى تطالع امها وتهتف بتقصد/ ماصاير شي بس الحراسات مشدده علي مايبوني اروح لها
صقر لف لام منهد بصدمه حاده/ صدق انتي رادتها ؟!
ام منهد بهدو / وش تبيني اسوي ياصقر لو تروح نهيل ماهي مخليتها بالدق عاد هم خلقه زعلانين من سالفتك مع بنتهم
صقر يرشف من فنجاله ويهتف بثقة / هذا انتي قلتيها سالفتي انا مع بنتهم يعني بنتك مالها دخل تمنعينها من صديقتها
شذى برجا عميق/ تكفى ياخال تراهم شوي بيروحون لحصه و راديني اروح معهم قل لهم ياخذوني معهم
ام منهد بزفرة /شذى وجع ماني بمخليتك غير لايكثر كلامك
صقر يطالع بام مهند بحده / الا تروح وانا اللي امرتها ياخالها الا اذا عندك اعتراض ؟!
ام مهند تنهد /ياخوي والله اني مابي تحتك فيهم كثير
ام صالح تنهى النقاش بمقاطعه /خلاص خالها امرها تروح وانتهى الكلام عيب تردينه
ام منهد بقلة حيله / لاحشى لله مارد صقر لو الرد العالم كله
هدى تضحك بمرح /اي عشان الصرافات والتحويلات اللي تحولهن عليها هي و شواذيها
صقر انفجر ضاحك وام منهد هتفت بغيظ /شواذي بعينك
شذى تقوم متجهه للغرفه / بروح اتجهز
وفا من اليوم تسمع بصمت ومالها خلق تكلم
بس هتفت لشذى بخفوت / ترا ماحنا متاخرين خلصي بسرعه
صقر يطالعها بنص عين / الا ماكلمتك اميرة ؟!
وفا باستغراب/ لا ليش؟!
صقر يرفع حاجبه بتوجس/ماتقولين عندها عملية وزايده وش صار عليها ؟!
وفا بتذكر/اها الا تقول طلع قالون بس مافيها لا زايده ولا غيرها
هدى تلف لصقر بتسال / انت صحيح بترجعها ؟!
صقر يرفع كتوفه برود / مدري للحين افكر
وفا باستعجال/والله انها تبيك ودايم تسال عنك و و
صقر بمقاطعه حاده/ ما سالتك هي تبيني ولالا وخليك بنفسك عني وعن اميرة وعن ملاك
(رص على كلمة ملاك)
وفا صمتت وام صالح هتفت برجا حان / يامك طالبتك تروح طيب خاطر بنت عمك ترا ابوك زعلان ويقول عمك بعد زعلان ولا طيبت خاطرها علمها انك بترجع مرتك وكاد يهديها الله وترضى

صقر تنهد باسا وهو يتذكر ملاك وعنادها بس رد على امه بموده / ان شاءالله بس انا هاليومين مشغول بكم مشروع من اخلصه اكلم عمي ونشوف الموضوع
هدى بحمية /والله ياصقر ياللي مثل ملاك انها تنشرى بالغالي حافظ على بنت عمك ترا مافي مثلها
وفا ناظرتها نظره قارصه وهي تافف بقهر صامت
وام مهند تكمل / بس حتى هي لازم تقدر تضحيتك عشانها وتقدر ان اميرة مرتك من قبلها لازم تقبل الموضوع
صقر يقوم وهو ينهي النقاش بضيقة /يصير خير يصير خير
ام صالح تهتف بهتمام / اليوم بنروح لهم وكان سالو عن شي بقول مدري عن صقر مابعد قرر

صقر يحس كل شي فيه ينبض لذكارها حسدهم انهم يشوفونها وهو محروم من شوفتها رد بتسال/متى بتروحون لهم انتم ؟!
هدى تهتف بموده / شوي بعد المغرب بنسلم على حصه والد
صقر ابتسم بدون شعور وهو يتذكر كلامها يوم تقول له صرت خاله وبشري لايودي هديه

ام منهد وهدى يتبادلون النظرات بستغراب من ابتسامته وسكوته وهدى تكلمه بتسال/ صقر فيك شي
صقر نفض راسه وابتسامته تختفى و يرد بثقل /لا مافيني شي بس هدى ابيك بكلمة راس الحقيني
ام منهد بغيظ تمثيلي/ افا ياصقر بتعطيها من الصرافات وانا لا صارت بينك وبين هالسوسة كلمة راس
صقر يضحك وهو يتجه لباب / تطمني ما عطيها شي الا جايك كثره مرتين بعد
هدى تلحقه وهي تضحك وتهتف بخفوت / الله يستر مدام مافيها فلوس اكيد فيها ذبح عاد صقر ماعنده
الا الذبح ولفلوس
__________________________________
بجناح فهد …


فهد قدام المراه ويعدل شماغه
والعقال بمعصمه ويطالع مهره بالمراه
اللي تعكس صورتها وراه
وهي تلعب بالفراش وكانها ترسم فيه
واضح تفكر بشي عميق

فهد لبس العقال ونسف شماغه وهتف
لها بتسال /وش تفكرين فيه ؟!
مهره رفعت راسها وعينه بعينه بالمراه وترد بخفوت ناعم / خاطري اسالك عن شي بس خايفه منك !!
فهد لف لها و انحنى قريب لوجها وهتف بنبرته الخاصه / قولي لا تخافين من شي
مهره ترفع نفسها شوي لين وصل انفها لانف فهد وحركته يمين ويسار بدلع وهي ترد عليه/ ليش ماتبي شوق تطلع بعثه وش السبب

فهد كان دايخ من حركتها لانفه وهو يستنشق ريحتها ولاكن ماسرع ماتضايق من سوالها وهو يرفع راسه ويجاوب بحده/ رجعنا لطير يلي انتي ما تتعبين من تنبيش العلوم ما ترتاحين لين تسببين مشكله !!
مهره صدت بوجها بغيظ/ قلت لك مابي اسالك بس انت قلت لا تخافين
فهد تنهد وهو يامرها بهدو / طيب اوقفي وتكلمي معي عدل
مهره وقفت قباله وهي ترد بغيظ / وش تبي اقول انتهى الكلام وانت نهيته
فهد يحضنها ويهمس باذنها / لا مانتهى وبجاوبك على سوالك
مهره تحرك راسها بصدره بهدو وهي تهتف / يلا قول للي سبب مقنع !!
فهد رد بخفوت /انا رافض ان شوق تطلع بعثه لانها بنت وماحد فاضي لها يطلع معها لا ابراهيم ولا ابوها ولا عبدالله وانا رافض مدامها بيتي وبنت عمي وللي امر عليها لين تزوج وتسهل مع زوجها وبكيفها
مهره ترفع راسها وتطالع فيه بصدمه /تزوج يعني انت عادي عندك انها تزوج ؟!!
فهد يرد بثقه / اكيد عادي عندي الله يرزقها بواحد يخاف الله مثل مشعل هذا هو خايف الله بنوف ولاطلعت البنت من ذمتنا لا ذمة زوجها الله يستر عليها تسوي اللي تبي

مهره حست براحه فضيعه ومن غير شعور
باسته مع شفايفه بحركه سريعه وجريئة
فهد طلع لسانه ومسح على شفايفه وهو يهتف لها بحه / امك وش هي مرضعتك عسل ؟؟
مهره غصب عليها ضحكت وهي تنزل راسها
بحرج /اسال امي والله مدري وش مرضعتني
فهد يطالع فيها بهيام / مايحتاج اسالها كل شي واضح
مهره ترفع راسه له وهي تبتسم بذرابه / انت ادرى
فهد ينفض راسه وهو يهتف بهروب / اطلع احسن للي و لك لا خربها وسحب على الديوان واللي فيه

مهره تبتسم وهي تشوفه متجه لباب وهتفت لنفسها بخفوت / ياربي يجنن وكلامه يجنن حتى لونه مايعرف يتغزل مثل الناس ولا فوق هذا حتى الابتسامه ماعمري شفته يبتسم بس يومه يهبل يهبل
________________________________


بعد المغرب بيت نهيل

الكل مجتمع بنات ام صالح وامهم بمجلس الضيوف
و نهيل وبناتها قايمين بستقبالهم بحترام وموده

ام صالح بتسال حان /شلون الوالاده يا حصه عسى ماهي عسره
حصه تنهد بصعوبه / يوه ياعمه والله اني شفت الموت لولا رحمة الله ولا كان رحت مراح جدي
نهيل بتدخل مولم / والله يام صالح انها بغرفة الولادة من الصباح لين اليل ولاهي حيه ولا ميته
ام مهند بموده / اجر وعافيه ان شاءالله ويكبر ويرزقها الله بره

هدى كانت تناظر بملاك بتفحص
جالسه وتسولف مع شذى بهمس بينهم
ولابسه فستان اسود ساده من فوق ماسك
ومن تحت الخصر كلوش خفيف
ولين تحت الركبه وعليها جوارب اسود
ومعطيها بياض وتوريد زايد مع بياضها وتوريدها
وشعرها الاسود رافعته لا فوق ونزل خصل على خدها من يمين ويسار يوصل تحت حنكها

قطع افكارها صوت نهيل العاتب /كذا يام صالح هذا وهو والد عمها ولحمها ودمها يسوي فيها كذا وش خلا للغريب
ام صالح تطالع ملاك اللي جالسه وتطالع فيهم بثقة ولاكنهم يتكلمون عنها وترد بحرج / والله يام مازن ماحنا راضين باللي صار ولو بيدي حل حليت اموره اول وتالي
نهيل بعتاب / ياخيتي ليش يسوي كذا ضاربها
و مسريها تالي اليل منحاشه منه وفوق هذا كله مامر ولا اعتذر ولا سال عنها والحين نسمع من الناس انه بيرجع مرته مدامه يبيها ليش طلقها وليش اخذ بنتي !!
ام مهند بتدخل هادي/ ياعمه والله انه اليوم يقوله لنا ولامي ابي اخلص للي كم شغله وبروح لاعمي ونتفاهم على هالموضوع ترا صقر على ملاك احرص منا كلنا

ملاك كانت تسمع وتسمع وهي صامته
وتدعي القوه رغب الانكسار
شغله اهم منها ومرته اهم منها وهي اخر شي بحياته!!
تكرهه وزاد كرها له زاد

ام صالح تهز راسها بحزن / والله يان صقر من بين عيالي كلهم مافي مثله لا بعطاياه ولا بكرمه ولا بشهامته لاكن شكواه لله ماهو متوفق بحياته
نهيل بجزع / عطاياه لناس و شهامته لنفسه والتوفيق وانا اختك من ظلمه لبنتي من وهي ورع وهو ناشب بحلقها حتى التحرر ما تحررت منه حتى لعب مع الورعان احرمها منه
وفا بغيظ / ياعمه اذا عندكم كلام روحو لصقر وتفاهمو معه امي وحنا مالنا دخل بينكم
نهيل تناظرها بنص عين وام صالح تزفرها /اص يابنت حنا اهل ونتفاهم بينا مافيها شي

ملاك تقوم ماهي قادره تسمع اكثر تخاف تنفعل وتغسل شراعهم واحده ورا الثانيه تعرف نفسها لاعصبت تنسى الموجودين وهي تهتف لا شذى
بمناداه / تعالي معي للغرفه
شذى توقف وعينها على وفا باحتقار وتروح مع ملاك

حصه توجه كلامها لامها وعمتها/ المفروض
ما تكلمون عندها اللي فيها مكفيها
هدى بحنو / اي والله حتى صغيرة ماهي قد المشاكل هاذي كلها
ام صالح بنبرة المً/ الله يزين الامور من عنده والله يان ربي اصلح حال صقر ورزقه الله بوليد من ملاك لغير اذبح الذبايح وعزم البعيد والقريب
نهيل ترد بياس/ مانبي منهم عيال ليتهم بس يفارقون بعضهم
ام صالح تنتفض بصدمه / وشو تبينهم يتفرقون يامره انتي صاحيه
نهيل بحزم هادي / اجل تبينها ترجع له يام صالح بعد مايرجع امرته والله ما يشم ريحة راسها وانا بنت مسفر
هدى توقف وهي تهتف لهم بتهدئة / انتم تفائلو بالخير ان شاءالله ربي بيصلح حالهم ويجمع بينهم
ام منهد بتسال/ وين رايحه ؟!
هدى ترد وهي متجهه لباب/ ابي اروح اتكلم مع ملاك شوي
____________________________

بيت الجدة صيته

ام ماهر تهتف لمهره بعتاب / كذا من رجعتي ما مريتي علي ولا سالتي عني !!
مهره بحزن /يومه والله العظيم ماهو بيدي فهد وانتي خابرته متشدد لابعد درجه
ام ماهر بزفرة /الله يعين بس لامتى وهو كذا ماعرفتي تجذبينه لك والله لونها غيرك اخذه الشيخ لغير تخليه يمشي وراها وهو مغمض والا انتي ياحسره مانتي فاهمته
مهره تقطب حواجبها / وش تبيني اسوي يعني اغير خلقته ماهي متغيره لو طرت بيدي ورجلي

ام ماهر تنحرها / يالخبله ماقلت غيري خلقته هاذي بيد ربه هو يغيرها لاكن ادلع الكلام الزين التميع الاستقبال الزين ماهو بس مستحيه
مهره بصدمه / يومه انتي صادقه تبيني اصير ماصخه
ام ماهر تمسك راسها /انتي ماتفهمين هذا زوجك حلالن عليك اي تدلعي وتكلمي زين معه ماهو بس ساكته و ذالتن منه
مهره تنهد / طيب طيب بحاول معه
ام ماهر تلف يمين و يسار/ وين اهل البيت ماشوف احد منهم؟!
مهره تبتسم / كلن ماسك له طريق حتى جدتي طالعه
ام ماهر بستغراب / وين طالعه ؟!
مهره تهز كتفها / تقول بروح لسوق مع حسنا بتقضى لها اغراض
ام ماهر بحنو / وانتي يامك ماتطلبين السوق ماتبين اغراض
مهره تهتف باسا/ لا يومه مابي الا السلامه ولو احتجت شي من السوق انتي عندي اوصيك تجيبين للي هذا اللي ربي كاتب للي سجن مؤبد
______________________________



رواية ريح المطر للكاتبة (شغف )

-/البارت الثالث والستون /-

ادعو لوالدي برحمة والمغفرة..


صبا وامل بصاله يسولفون براحتهم
وملاك وشذى بالغرفه يسولفون بينهم

شذى تسال ملاك بمحبه / متضايقة ان خالي بيرجع مرته ؟!
ملاك تركي ظهرها لظهر سريرها و تمدد رجولها/ تبين الصدق ياشذى جرحني جرح مانساه كيف يفكر يرجعها وانا بذمته يبيها كيفه بس يحررني لامتى وهو حاكمني مثل حكم اسرايل لفلسطين
شذى ضحكت غصبن عليها / والله ماهو لايق عليك فلسطين قولي ايران العراق معقوله بس فلسطين لا ظلم تنتمين لهم
ملاك تضحك بمرح / خليني اعيش جوي و احس اني مسكينه لو مره لازم تخربين علي يعني
شذى مازالت تضحك / خلاص يافلسطين انتي والله انك مسكينه ومن اليوم ورايح بسميك فلسطين وخالي صقر اسرايل

قطع كلامهم دخلو راس هدى مع فتحت الباب /ادخل ولا ارجع ؟!
ملاك تضحك / دخلتي خلاص مانقدر نقول ارجعي
هدى مازالت على حالها / لا باقي نصي الثاني مادخل
ملاك وشذى انفجرو بالضحك/هههههههه
وهدى دخلت وهي تضحك وتهتف بعجاب وهي تطالع الغرفة /مشاءالله ذي غرفتك انتي وامل ؟!
ملاك ترد بنعومه / اي شرايك فيها
هدى تجلس على سرير امل المقابل لسرير ملاك وتهتف بموده / حلوه من حلات راعيتها انا درعمت ولقيت امل وصبا بصاله سالتهم عنك قالو ملاك بغرفتها

ملاك تعتدل جالسه وهي تهتف بموده اعمق / البيت بيتك ادخلي باللي تبين
هدى تطالع شذى بامر هادي/شذو اطلعي ابي ملاك بكلمة راس
شذى بنص عين / اشوف كلمة الراس اليوم كثرت بالبيت
هدى بمرح / مدري اسمع الناس يقولونها ودي اجربها
شذى تقوم وهي تضحك وترد بتقصد/ بس جربتيها مع خالي صقر قبل شوي وجايه تجربينها عند ملاك الحين

ملاك قطبت حواجبها وهي تفهم وش جاب هدى لها من تحت راس صقر لذالك هتفت لهدى بحترام / امري ياهدى وش الموضوع ؟!
هدى تلف وتطالع الباب لين طلعت شذى ورجعت نظرها لملاك وهتفت بخيه / اسمعيني ياملاك يشهد علي الله اني اتمنى لك الخير مثل اختي واكثر ومن قبل لا تاخذين صقر وانا المحاميه عنك بالبيت واتوقع ان الكلام يوصلك من شذى مايحتاج احلف
ملاك ترد بمحبه / اي والله كذا مره قالت للي وهذا العشم فيك يابنت العم
هدى بحمية / اجل اسمعيني يابنت عمي وفهمي كلامي عدل ترا صقر مرسلني مرسال لك وانا بقول لك كلامه بس لاتحسبيني معه ضدك لا انا مجرد مرسال لاكثر
ملاك تهز راسها باستعجال / ادري ياهدى بس قولي للي وش الرساله اللي يبيك توصلينها للي؟!

هدى تنهد وهي تكلم بحزم / صقر يقول علمي ملاك والله اني ما ارخصها ولو ارخصت ارقبتي عشانها
ويقول لك لا تحدينه على الردا ترا مستعد يتردى مع ابوك وابوه عشان يرجعك يحبك ياملاك ويبيك
ملاك هتفت بغيظ/ ويهدد بعد
هدى تهز كتفها /انا مالي دخل هذا كلامه و حلفتي اوصله لك وتراه ماهو متنازل عنك ياملاك لو تنازلتي انتي عنه بس ارجعي وانا اختك بالموده والمحبه لاتخلون الشيطان يجي بينكم وبين الاخوان من وراكم

ملاك تاخذ نفس وهي تهتف بتسال حاد / هدى انتي تحفظين الامانه لو حملتك امانه
هدى بحمية/ افا والله لاحفظ امانتك لممات
ملاك تنهد بقهر / اجل قولي لصقر تقول لك ملاك
والله لو تجيب لها القمر بكف والشمس بكف مارجعت لك وترها بايعتك لبنت جاسم برخص من الرخص
هدى انتفضت بصدمه / تبين اقول لصقر كذا والله لغير يقطع لساني قطع
ملاك بعتاب / اجل قدرتي توصلين للي كلامه وامانتي ماقدرتي على توصيلها

هدى تهدت بقلة حيله / لا بالله بوصلها والله يعيني عليه وعلى ثورته فيني
ملاك تبتسم / تحملي عاد ماحد غصبك وانتي جايه مرسال لاسرايل
هدى انفجرت ضحك / اسرايل مره وحده حرام عليك ياملاك ترا والله حنون بس عصبيته تغلب عليه
ملاك تنهد وهي تذكر حنيته لها اللي ماتدري هي صحيح ولا مزيفه وتهتف لهدى برجا / امانه يا هدى توصلين كلامي بالحرف الواحد
هدى تقوم وتهتف بمرح / ابشري بس لا شفتيني مره ثانيه ماقدر اتكلم ولا ارد عليك اعرفي انه قطع لساني
وماقدر اقول لك ماني محللتك بقولها من الحين مدام عندي لسان
ملاك انفجرت تضحك / ههههههه
____________________________


الساعه 12 ونص صباحا بديوان
فهد يهتف لابو انوار بتسال حاد/ جاسم مارد علينا ولا جا من عقب اخر مرسال ارسله؟!
ابو انوار يهز راسه بنفي/ لا مارد والظاهر ماهو راد حتى المهله اللي بينا اخرها بكره
فهد يشد على اعصابه / طيب طيب خل تنتهى المهله وشوف وش راح اسوي فيه قليل المروه
ابو ابراهيم باستحقار / ماهو برجال لونه رجال ما هاذي فعايله مع الرجاجيل
فهد يوقف / ماعليه ننتظر لا بكر ونشوف المهم انا الحين بروح البيت وراي دوام من الصباح وانت ياعم قفل الديوان وخذ مفتاحه عشان الصباح تفتحه !!
ابو ابراهيم بموده / ابشر يابوك ابشر



فهد دخل البيت توجه لجناح جدته طق الباب وهو يتنحنح / احم يا عقاب
الجدة صيته على سجادتها / ادخل يافهد
دخل واتجه لها حب راسها /يمسيك بالخير

الجدة صيته مازالت عتبانه عليه مهمها راضا مهره
بس ماتنسى كيف جايتها بخر اليل تبي تحتمي فيها
ولا تنسى كلامه لها وتهديده ولا كانها امه لذالك هتفت برود/ يمسيك بالنور
فهد فهم عليها ويدري انها ماترضى بساهل ماهي زي مهرته اللي اي شي يراضيها تنهد وهو يسال
بحنو/ عداك زعلانه يالغاليه ؟!
الجدة صيته تطالع فيه بنظرة مباشرة وترد بجرح عميق / وليش ماهو انا طول السنه زعلانه اصلا ولا رضيت الا مره ولا مرتين
فهد يطالعها بحنان / الله يقطع لساني قطع عشانك
الجدة صيته بجزع حاد / لا تقول كذا اتفل من ثمك و استغفر ربك

فهد بصرار / الا الله يقطعه ويقطع يدي معه كان يزعلك انتي رضاك عندي بالدنيا ومافيها ابك والله لو تقولين طح بالنار لا طيح عشان رضاك
الجدة صيته تبتسم بحنو/ تقدر ياولد عقاب تجرح وتداوي
فهد يحب ظهر كفها / الله لايخليني منك يالغاليه وترا عشانك وعشان بنت اخوك قبل لا توصيني عليها حجزت لها عند دكتورة نسا شاطرة وابيها تجيب لك حفيد
الجدة صيته اتسعت ابتسامتها / يارب يرزقك بالولد الصالح البار اللي يخليك تحن على امه غصبن عليك
فهد يقوم واقف وتكلم بصدق عميق / مايحتاج الولد يخليني احن عليها والله يام عقاب اني احن عليها حنان الاب على بنته بس انتي تعرفيني لا غضبت انتي بنفسك ما تسلمين مني كيف تبينها هي تسلم مني
________________________________

الساعة 1 صباحاً

صقر دخل البيت ماشاف احد
تنهد بضيقة معقوله مالحق على هدى
اتجه لغرفة صبا طق الباب
جاه صوتها الغاضب /منو منو!!
صقر بحده /افتحي يا صبا
من قبل يكمل كلامه وهي تفتح برعب / هلا صقر كنت احسبك مهند ولا سلوم
صقر يطالع وراها بتسال /وين شذى ؟!

صبا تفتح الباب /هذا هي تجهز اغراض الدراسه
صقر يقطب حاجبه / دراسه ليش ماهو اجازة ؟!
صبا تجاوب معه / الا بس شذى وملاك مقدمات عند مدرسة خصوصية عشان اولى ثانوي صعب وكل المواد عليهم
صقر بتسال حازم/ ملاك معها ؟!
صبا تهز راسها / اي معها و المدرسه ماهي بعيد ورا بيت اهل ابو سيف
صقر بصدمه غاضبه / يروحن لها على رجولهم ؟!
شذى تقترب / اي خالي ماهي بعيد هذا هي حذفة عصا

صقر صرخ فيها / عصا تجي على راسك انتي وملاك ياقليلة التربيه تروحون على رجولكم قدام الله وخلقه عشان مدرسه !!!!
شذى وصبا تراجعن ورا من صرخته وصقر كمل كلامه بتسال غاضب لابعد حد / كم مره رحتن لها ؟!
شذى بحلف / والله لاحد الان مارحنا لها بكرا اول يوم لنا
صقر حس براحه وهو يهتف / الساعه كم ؟
شذى تحك اذنها / الساعه 4 العصر
صقر ينهي النقاش بتهديد / لو جربتي تروحين لها انتي ولا ملاك حشيت رجليكن حش وعلمي ملاك ترا لو تعاند وتسويها افصلها من المدرسه بكبرها فاهمه
شذى تهز راسها بدهشه / فاهمه فاهمه
______________________________

بعد مرور سبوع على الاحداث

ملاك مازالت عند اهلها وصقر ماجاها ولا كلمها
ولا كلم ابوها وهي تحاول تناساه و تناسا طاريه
بس زعل امها وابوها وكلامهم عنها هي وصقر
يخليها تفكر وتتعب من التفكير
علمتها شذى ان صقر رافض تروح للمدرسه
وطنشت كلامه وعاندت ولها سبوع تروح
وتاخذ شذى معها بالغصب وتجي من غير علم صقر
تحاول تكسره مثل ما كسرها بي طريقة
ومع السوالف وتسال لشذى فهمت
انه مابعد رجع اميرة ولسبب مجهول
تحس براحه انه مرجعها بس ماتدري ليش الراحه
هي تدري انها تغار عليه
بس ماتدري ليش الغيرة وش تفسيرها بضبط
وبذات بعد ماعاشت معه كم ليله يحق لها تغار عليه رجال في جميع المواصفات اللي تمناه كل بنت
عاد كيف المراهقات اللي مثل ملاك
صقر كان مغرقها بالحب والحنان والحضن والامان
فقدت الاشياء هاذي تحس انها ضايعه من بعده

لمت شعرها من بعد مالبست عباتها وخذت شنطتها وطلعت لصاله شافت امها وامل جالسات هتفت بسلام وردو عليها/عليكم السلام
نهيل بتسال/ بتروحين الحين للمدرسه ماكنه بدري ؟!
ملاك تعدل نقابها / الا عشان اخلص بدري والحق اجي عشان اسولف مع حصوص و ايودي
نهيل بحرص / انتبهي انتي وشذى من الحاره وانتن طالعات و جايات حزت مغرب
ملاك تهز راسها بتفهم /حاظر لا تشيلين هم
امل بتسال/ وينها شذى ؟
ملاك ترد وهي تتجه الباب / تقول طالعه برا تنتظرني
نهيل تطالع فيها لين طلعت/يارب يحميها من كل شر
امل تبتسم /امين
نهيل تلف لامل بامومه / ليش ماسجلتي معهن عند المدرسه
امل ترد بهدو/ يومه ثاني ماهو صعب كثير مثل اولى وبعدين ملاك تبي نسبه ولا انا عادي مافرقت عندي النسبه
نهيل تبتسم / ملاك من وهي ورع ماترضى بشين عادي مثل طبع عمتها مزنه ما يرضيهن الا الكثير

______________________________

صقر انشغل مع جاسم و مشروعه
ولا تواصل مع ملاك ولا كلم عمه ابد
الا بسلام ورد السلام وهذا اللي بينهم
ثار بغضب من كلام ملاك اللي وصلته مع هدى
وقرر يبعد منها موقت لين يفضى لها صح
عشان يعرف كيف يتصرف معها هي ماتجي بهدو
ولا تجي بعناد يبي لها وقت عشان يقرر شلون تجي!!
معنه يلاحظ عتب عمه وزعل ابوه اللي ما يكلمه ابد وغاضب عليه من سالفة بنت عمه
ومن سالفة ديرت العقاب اللي هجم عليهم
و هو يحاول يريح راسه من كل شي يكفيه شغله بالعقار ودوامه اخذ نص وقته…

كان بالمكتب العقاري ومشغول على الاب توب
دق الباب رفع عينه بندا /تفضل
دخل عبد العزيز سكرتيره الخاص /السلام عليكم
صقر رفع حاجبه من وجه عبدالعزيز اللي
مايطمن /عليكم السلام شفي وجهك ؟؟
عبدالعزيز بارتباك / الصفقه الماسيه خسرناها
صقر وقف بصدمه/ انت وش تقول ؟؟؟
عبدالعزيز زاد توتره / هذا اللي حصل وتفضل الاوارق شوفها بنفسك
صقر مازال مصدوم وغير متوقع وهو يمد يده وياخذ الاوراق من يد عبدالعزيز اللي تكلم بهدو/ كنا شغالين عليها صح بس مادري وش اللي صار!!
صقر جلس على الكرسي وعينه على الاوارق من غير رد/..
عبدالعزيز واقف ويطالع بوجه اللي احتقن بالحمار والغضب وهو يصرخ / دق على جاسم خل يجي الحين لاروح له بيته و ارتكب فيه جريمه
عبد العزيز يهاديه/ابشر بس انت اهدا اهدا
صقر صرخ بعنف /قلت دق عليه بسرعه


راح عبدالعزيز دق على جاسم وهذا وهو بد ربع ساعه يدخل مكتب صقر باستعجال /شفي يا صقر وش صاير!!
صقر وقف وهو ينفض الاوراق بيديه/ وش صاير تبي تعرف وش صاير شف بعينك
جاسم اخذ الاوراق اللي رماها صقر على طاولة المكتب اللي كانت بينهم وماهو فاهم شي /شفيها الاوراق!!
صقر يصرخ بحرقه / فهد عقاب اللي كنت بتبيعه العقار شرا الصفقه له بخسارة بس عشان يقهرني ويقهرك
جاسم بصدمه / لاتقول الصفقه الماسيه ؟
صقر يضرب الطاوله بكف يده العريضه /الا هي هي اللي المفروض تدخل علينا ملايين ملايين يا جاسم خسرناها والسبب انت انت
جاسم بمراوغه/ وانا وش دخلني تحط الخساره براسي
صقر يصرخ فيه بحده / وش دخلك ماهو انت اللي تسببت بينا بتحدى والعناد لين نفخ راسه علينا وراح اخذها من صالحه عشان يخسرنا مبالغ ماهي بسيطه
جاسم جلس بنهيار جسدي / طلع ماهو سهل ولد عقاب
صقر دف الكرسي وهو يتجه لنافذة الطويله المطله على حديقه / انت السبب انت وتحمل الخساير انت انا رافع يدي منها
جاسم يوقف برعب / كيف اتحمل انا بروحي وحنا شركا
صقر لف له /شركا اي بس انت اللي بعت الشراكه والحين الخساير تحملها انت وبنتك خلها عندك دور لها رجل غيري

جاسم فتح عيونه على الاخر وهو يشوف صقر ياخذ اغراضه ويطلع بغضب ناري

______________________________

فهد انتقم بطريقته و شرا الصفقه الماسيه اللي كانت تدعم عقار صقر وجاسم خذاه لعانه فيهم بس
وهو عارف الخساير اللي بيتحملونها كبيرة حيل ومع ذالك ما اكتفى ناوي على شي اكبر من كذا …

كان جالس بديوان وهو يشعر بنصر وابو ابراهيم يبتسم له / عزالله زين تسوي وانا عمك هاذي الصفقه تدعمنا كثير
فهد يسحب له نفس / ماهمني دعمها الله مغنيني من غيرها لاكن يهمني كسر خشم ولد مطلق ولد عليان
ابو ابراهيم / عزالله ان الخساره اللي بتجيهم بتكسر رواس ماهو بس خشوم
فهد هز راسه برضا تام /هذا المطلوب
ابو انوار بتدخل / بس ماتوقع راح يسكتون ابد هاذي خساير ماهي بسيطه
ابو عبدالله بمناقشه / وش يقدرون يسوون ماهو قادرين يسون شي الا بيعرفون ان لحمنا مر وماحدن يقدر عليه
ابو انوار / يمكن جاسم يبي السلامه لاكن ولد مطلق ماهو ساكت رجال راعي شر
ابو ابراهيم يرد / ماله مدخل علينا كل بيبانا العقاريه مقفله
فهد كان يسمع لنقاشهم بصمت وهو من داخل يشعر انه ما اكتفى يبي يحرق الخضر واليابس عندهم
______________________________

مهره من بعد ماعرفت ان عندها مشكله بالحمل
وهي مجروحه لاقصى حد
وخوفها يزيد ويزيد وكل خوفها ان فهد يتخلى عنها
ولا يتزوج عليها ويقول انتي ما تنجبين وانا ابي عيال
تفكيرها يروح بعيد بعيد لمستقبل مجهول
تحاول تعالج وتحط الامل بس ترجع وتفكر وتتعب
كل يوم تنام بحضن فهد وهي تبكي بكا يمزق قلبه
تبي عيال بي طريقة تبي روح تربطها بروحه

كانت جالسه بجناحها ماتبي تشوف احد شوي تسمع صوت طق ع الباب قامت وفتحته وهي وتشوف الجدة صيته تركى على عصاتها وتهتف بسلام ردت عليها بموده /عليكم السلام تفضلي يومه
دخل الجدة صيته وهي تجلس على الاريكه وعيونها على مهره اللي سكرت الباب وجت جلست جوارها
الجدة صيته هتفت بتوجس /انتي علامك بس جالسه برويحاتك يا دافع
مهره خنقتها العبرة وهي ترد / متضايقه يا جده بالحيل
الجدة صيته تنظر لها/ وشو اللي مضايقك قولي للي يامك
مهره نزلت دمعه حاره ع خدها/ اخاف ماعاد اقدر اجيب اطفال وفهد ماعاد يصبر علي
الجدة صيته تنهد / يامك تفاولي بالخير باذن الله بتحملين وتولدين وفهد ماهو متخلي عنك بس انتي اتركي وسوسة الشيطان
مهره تمسح دموعها / الله يسمع منك ياجده الله يسمع منك
الجدة صيته تمسح على شعرها بحنيه /قومي يامك معنا بالحوش تقهوي وسعي صدرك ولا تشغلين تفكيرك بشي وكلي امرك لربك
مهره تقوم / ونعم بالله خلاص بغسل وبدل و اجيكم بالحوش
الجدة صيته توقف على عصاتها بثقل / يلا بسم الله اعجبي لا تاخرين
مهره تهز راسها ببتسامه مغصوبه / ابشري
الجدة صيته تبتسم / اي يامك ابي وجهك بشوش كذا لا تضيقين نفسك وتضيقين على رجلك
مهره تنهدت من طاري فهد /ان شاءالله

الجدة صيته طلعت وسكرت الباب ومهره رجعت تبكي وتحاول تكتم شهقاتها وبعده قامت بسرعه وراحت لحمام غسلت وجها وراحت تطلع لها جلابيه ناعمه
وتحط مكياج ناعم تخفي تورم وجها من الصياح

______________________________

قبل المغرب بشوي …
صقر رجع البيت ودماغه مازال يغلي غليان باعلى درجه من يتذكر خسارة الصفقه..
فتح باب السيارة ونزل كان ناوي يلبس لبس الفروسيه ويروح ينهي طاقته المنفعله بركوب الخيل ..
وقف وهو يدق بصبعه على ريموت سيارة يبي يقفلها لف ليمين وقطب حواجبه بستغراب ولاحظ بنتين بعباياتهن و بيدينهم كتب متجهات للبيت !!
طالع فيهم بتعرف كان الزول ماهو غريب عليه
تصلبت عظامة وانعقدت حواجبه وهو يتعرف
عليهم من يكونن؟؟!

شذى كانت ترجف وهي تشوف خالها صقر واقف عند الباب ويطالع جهتهم وتهتف لملاك بلوم خافت /انتي السبب انتي الحين يذبحنا والله لاغير يذبحنا
ملاك ماهي اقل منها رجفه وخوف بس تحاول تقوي نفسها وهي تهتف بجزع خافت / انتي شفيك وش يبي يسوي يعني خلي يضرب راسه بقرب طوفه عنده ماله شغل فينا

من اقتربت ملاك وشذى للبيت
الا صقر يقترب لهن بسرعه ويمد يده الصلبه المشدودة عروقها من الغضب تشد كل وحده بعنف تحت صراخهن المرتعب ويفتح البيت و يدفهن بالحوش بعنف اعمق
ويصرخ عليهم صراخ رجولي ملتهب/ كيف تكسرين كلمتي انتي وياها و تقطعن اخر الشارع عشان مدرسة
وانا معلمك ياشذى ان رحتو لاغير اقطع رجلك ورجلها ومع هاذا تعاندن و تروحن شايفات ما وراكم رجال تحومن وتجولن على كيفكن؟!
شذى تبكي / والله ماكنت اقصد اكسر كلمتك والله

صقر اقترب لها بانفعال حاد وعطاها كف خلاها تطيح بالارض وملاك حطيت يديها على فمها وهي تشهق وترجع خطوه على ورا
جت ام مهند تركض وراها امها وخواتها طلعو على صراخ صقر العالي
امسكت شذى وقفتها وهي تسال صقر برعب/ليش هي وش سوت ليش ضربتها !!!!
صقر يسحبها من يد امها وهو ينفضها مع عضدها بقساوه / انا ماني معلمك و محذرك ليش مافهمتي الكلام ليش ؟؟؟
شذى تنتفض وهي تبكي / حذرتني حذرتني بس انا مافهم مافهم
صقر يدفها على ام مهند و نفاسه تطاير وعينه على ملاك بندفاع/ ادري انه ماهو منك كله من تحت راس هاذي هاذي العنيده ( وياشر بيده على ملاك)

ملاك رجعت على ورا بخطوه ثانيه و بخوف من نظراته الغاضبه
وام صالح تكلمت بحزم / هد ياصقر وخل نفهم السالفه ماهو تهجم عليهن كذا بدون سبب
صقر عيونه تقدح شرار وهو يتجه لملاك/ ماهو صقر اللي تكسر كلمته بزران وتمشي شورها ورايها عليه

سحب ملاك وراه مع يدها وحده ويدها الثانية حاضنة كتبها على صدرها وهي ترجف واتجه لجناحه
كان متماسك لابعد درجة عشان ما يضربها قدامهم
لانه مايبي يكرر الخطاء معها مره ثانية

يسحبها وهي تسحب نفسها منه بضعف
وام صالح تلحقه هي وهدى بمحاوله يتركها
لاكن لاحياة لمن تنادي صقر كان اقو من الكل
دخلها معه بالجناح وقفل الباب ولا سال عن امه وهدى اللي يطقون يبونه يفتح / صقر افتح لا تذبح البنت افتح يا صقر

صقر مازال يسحبها لين دخلها غرفة النوم رماها على السرير بقوه وصرخ فيها بتسال صارم/ شذى ماقالت لك اني رافض تروحين للمدرسه قالت لك ولا ماقالت؟!
ملاك طاحت كتبها وطاح نقابها و انفكت شيلتها
من قو دفه لها وهي تقوم مواجه له بثقه رغم الخوف اللي فيها / قالت للي و ترجتني بعد مانروح بس انا اللي عاندت ورحت انا

صقر ضاعت علومه وهو يشوف الملامح المشتاق لها ولو الشوق يهدا كان هداه ..
ولاكنه صرخ فيها بثقة متصنعه / افهم انك تحديني وتبين تمشين كلمتك فوق كلمتي ؟؟
ملاك ترفع كتوفها برود / افهمها مثل ماتبي!!
صقر فار دمه من تصرفاتها مهمها كان يحاول يمسك نفسه ويده لا يتهور بس هي تشده لها بغضب
سحبها مع معصمها وقربها له وهو يصر على
اسنانه / سدي فمك ترا الشياطين تناقز قدام عيني لاتخليني ادفنك حيه
ملاك تسحب يدها بقهر وتصرخ فيه / ادفني ورتاح وريحني منك ومن سلطتك لاني مراح اسكت وخليك تسحب فيني بكيفك اذا ماقدرت اردك وانا طفله اقدر اردك الحين

صقر نزل عيونه على شفايفها المزمومه
وهي ترجف و تكلم وتكلم بقهر رفع عينه بعينها وهتف لها بحزم حاد وصوت مغرور / اسمعيني عدل ترا ماني عاجز افصلك من الدراسه كلها وخليك تنثبرين بالبيت عشان تعرفين كيف تمشين ورا عقلك الضايع!!
ملاك ماقدرت تحمل جبروته وغروره وهي تقدم وتكور يديها وتضربه على صدره بانفعال مقهور/ اتحداك تسويها يا صقر تفهم اتحداك

صقر انصدم من حركاتها وتحديها الطفولي ومسك كفوفه بين كفوفه وتكلم من بين اسنانه
بصرامه / قسم بالله لو غيرك مسوي معي هالحركه ما يسلم من شري يا ملاك
ملاك تنتفض بين يديه / ماني بخايفه منك واللي بتسويه سوه
صقر يهزها بعنف وهو يرجف بغضب / لا توصليني اقصاي ياملاك ترا ماهو من صالحك ماهو من صالحك

ملاك سكتت وهي تنفس بسرعه وتحاول تسحب كفوفها من كفوفه لاكن صقر كان اقو منها وسحبها وحضنها على صدره بقوه و صرخت ملاك فيه وهي تضربه على ظهره / ابعد ابعد

حست بخوف وهي تشوف جسمه الثقيل كيف ثبتها وانحنى من طوله وباس شفايفها المزهره بحراره…
و ملاك ترجف بتوتر وتدفعه عنها
رفع راسه منها بهدو وعينه بعينها الغاضبه
هتف لها بهمس حار / اشتقت لك يا اللعينه
ملاك تزفر فيه بغيظ/ ماراح اسكت عن حركتك البايخه هاذي والله ليصير شي ماراح يرضيك
صقر ابتسم وهو يحرك يده على شفايفها الناعمه ويرد بخباثة/ حتى تهديدك لذيذ مثلك
ملاك تصرخ فيه / حقير ابعد ابعد

صقر يبعد منها ويعدل ثوبه وعينه علييها
وهي تعتدل بوقفتها وتعدل عباتها وتطالع فيه بحده
وتلف لسرير و تاخذ نقابها وكتبها
وقفتها يدين تحاوط خصرها وصدره على ظهرها
تنهدت بقلة صبر / صقر ترا ماهو وقت حركاتك
صقر يستنشق شعرها / اجل متى وقته متى ؟!
ملاك لفت لجهته بحده/ عندك مره روح لمرتك وشبع فيها
صقر ابتسم بخبث / ذبحتك الغيرة ذبحتك بس ارتاحي ماعندي مره غيرك اذا بشبع فيك انتي وبس
ملاك تصد بوجها عنه/ وليش اغار و اتوقع هدى وصلت لك الكلام مايحتاج اعيدة
صقر يرفع كتوفه بجمود / ماعلي من كلامك ولا من كلام هدى مرتي وابيها ترجع اليوم قبل بكرا
ملاك تطالع فيه بكبرياء/ واثق اني برجع لك يكون بعلمك ياصقر لو مابقى رجال بدنيا الا انت ماراح ارجع لك ولا راح اتقبلك

صقر صدمته وجرحت رجولته
وارجف جسده رجفه واضحه من الغضب وهو يدفها على السرير ويصرخ فيها بامر جازع / الرجال اللي ما تقبلينه بياخذ حقه منك غضبن عليك الرضى انتي ما تستاهلينه ما تستاهلينه!!

ملاك صرخت برعب وهي تشوفه ينزل ثوبه وتبين عروق صدره البارزة من شدت الغضب
ويتجه لها ويسحب عباتها صرخت فيه بحذر / صقر لالا صقر لا انتبه
صقر ماكان يسمع نداها من حر ما فيه
رما عباتها ورما تشيرت بجامتها مابقى عليها الا صدريتها و بنطلون البجامه ..
ملاك ترجع لظهر السرير وتلم جسدها بين كفوفها وهي ترجف …
صقر فتح الغطا وسحبها بقساوه لصدره العاري
وحط شفايفه على نحرها وباسها بعنف
ونزل على صدرها وباسها بعنف اعمق
ملاك تصرخ فيها بترجي / ابعد حفلتك بالله ابعد

و صقر ماكان يسمع لها ابد غايب بعالم ثاني
عالم كان يحلم فيه من ايام المراهقه والحين
ناوي على تحقيق حلمه من غير رضاها؟!
و ملاك تحس نحرها وصدرها يحترق من بوساته الملتهبه الحاره و هتفت برجا عميق عميق والعبرة
تخنقها/ تكفى ياصقر تكفى كانك تحبني صدق لا تهيني كذا تكفى تكفى

صقر انتفض بشده من الحميه و هو يقفز واقف بحركه سريعه وكانه ملدوغ مبعد عن السرير كله ومتجه لحمام وهتف لها بامر ممزق من غير لاينظر
فيها / ملاك البسي ملابسك وروحي على بيتكم

ملاك قامت وهي ماهي مصدقه وعيونها عليه لين دخل الحمام وقفله بقوه ..
خذت لبسها لبسته ولبست عباتها ونقابها وطلعت من الجناح وهي ترجف برعب
شافت ام صالح وهدى بالحوش متوترين
من شافو هجمو عليها بتسال وهتمام /عسى ما اذاك عسى ما ضربك
ملاك انسحبت منهم بصمت مخيف…
___________________________


بيت الجدة صيته الكل كان مجتمع بالحوش
ويتقهون وسوالف وضحك و ماتخلى من النغزات

الجدة صيته توجه كلامها لانوار اللي تقهوا شاي /انوار يامك لاتكثرين الشاي ماهو زين لك و لضنينك
انوار تبتسم بموده وهي ترفع كاستها/ والله اخر كاسه بس
ام ابراهيم تنهد/ وكاد وحامها كله على هالمنبهات قهوة وشاي ماتاكل اكل صحي ابد مثل الناس
انوار تضحك/ ماهو بيدي هذا طلبات ولد ابراهيم راعي كيف
نوف تضحك / من الحين راعي قهوه وشاي وعلوم رجال
شوق ماتغفل وعينها على مهره وترد بنغزى / بيطلع على ولد عمه فهد يوه بس لو طلع عليه صحيح قسم بالله يا انوار لاحطه بعيوني
انوار تطالع مهره بحرج / احم ان شاءالله يطلع عليه ابو عقاب شيخ المراجل

الجدة صيته وعينها على مهره اللي واضح حمر وجها بغيظ وتغلي من القهر بس ماترد على احد صامته
وهي ترد عنها بحده / هو انتي وش عليك طلع على فهد ولا غير فهد هاه يابنت
شوق تضحك / يوه فديت جدتي لا زعلت يا ناس

قطع كلامها ردع الباب بقوه
طق طق
طق طق
طق طق
الجدة صيته برعب/ بسم الله من كسر بابنا كذا
حسنا بخوف / الله يستر
شوق تقوم تركض متجهه لباب تفتح وتنصدم وهي تهتف / ام يوسف شفيك ؟!
ام يوسف تبكي / وين مهره وينها

شوق فتح الباب مدهوشه وام يوسف تركض ونترمي عند رجلين مهره وهي تبكي / تكفين يابنت ناصر تكفين ولد عمك يرجيك شالوه للموت شالوه للموت
مهره وقفت وهي مصدومه ولا هي فاهمه شي
والجدة صيتة زفرت عليها بتسال/ علامك يامره وش صاير. !!
ام يوسف تبكي بنحيب/ ولدي يوسف شالوه لسجن فهد بيذبحه بيذبحه
مهره شهقت وهي تحط يديها على فمها برعب
حسنا اقتربت وساعدتها تقوم وجلستها على الكرسي
وهي تهتف بتهدئة / استهدي بالله يام يوسف وخلي نفهم منك السالفه
ام يوسف تجلس وهي تشاهق / يوسف طلع هو اللي هاجم على بنات ابو سميرة علم عليه خويه الله لايوفقه والله ماكنت ادري لين جو وشالوه الشرطه بامر من فهد بيذبحونه بيذبحونه

شوق بخفوت وعينها على مهره /والله خوش عايله
مهره طالعتها بحده وصدت بقهر
والجدة صيته تنهدت بالم / لاحول و لاقوة الابالله ومتى خذوه ولدك
ام يوسف بجزع / الظهر شالوه تكفين يا مهره لاتخلين ولد عمك لحمك ودمك
مهره تهز راسها برضا بصمت مولم والجدة صيته ردت
باسا/و مهره وش بيدها وانا اختك انا احاول اكلم لك فهد
ام يوسف بحده / مهره مرته يام عقاب ولو تطلبه عشان عيال عمها ماهو رادها والله لونه ماهر ماتخليه يمرح ليله وحده بسجن
مهره تالمت من كلامها ولاكن لارد /…..
الجدة صيتة تزفر عليها/ يا مره استهدي بالله وكلي امره لربه ايام ويطلع باذن الله
ام يوسف تبكي/ والله ان ما ضنتي يطلع وهو بيد فهد والله مايطلع
____________________________


رواية ريح المطر للكاتبة (شغف )

-/البارت الرابع والستون /-

ادعو لوالدي برحمة والمغفرة..


دخلت ملاك بيتهم وهي مازالت ترجف
شافت امها وخواتها مجتمعين بصاله وينادون عليها
ماردت على احد وهي تدخل غرفتها
و نهيل وحصه وامل الحقوها بخوف ودخلو وراها

ملاك لفت عليهم و صرخت فيهم / برا برا مابي اشوف احد برا
كلهم طلعو لصاله بخوف و نهيل ترجف
وتهتف لحصه برجا/ روحي شوفي اختك وش فيها يا حصه قلبي يتاكل عليها
حصه ترد وهي ماهي اقل منها خوف / يومه خليها لين تهدا وروح لها
نهيل برفض/ لا روحي ولا انا بروح لها
امل تبكي /يومه حاسه ان صاير معها شي كبير
حصه تهديهم / لا تقولين كذا ان شاءالله مافيها شي وانا الحين بروح وشوفها
نهيل تهز رجلها بتوتر/ اي اي روحي وش تحترين


حصه تدخل على ملاك وهي متردده
شافتها منزله عباتها وعليها بجامه قطن كحلي
وفاتحه شعرها على قدام وجالسه على سريرها ولامه ركبها لصدرها
حصه جلست قريب لها وهي تسال /ملاك حبيبتي شفيك ؟!
ملاك تصد بوجها بصمت ومع صدتها تحرك شعرها وبان نحرها الابيض/…
حصه طاحت عينها على العلمات الزرقا اللي برقبتها
مدت يدها بسرعه وخوف وبعدت شعرها على ورا شافت رقبتها وصدرها كله علامات حصه
بخوف / ملاك شفيك تكلمي انتي عند عند صقر
ملاك تنفجر بقهر / ذلني يا حصه ذلني كان بيجبرني عشان يرضي نفسه كان بيذلني عشان يشبع نفسه الحقير الحقير

حصه شوشت بصدمه وتهتف بتسال صادم / ليش وانتي انتي مازلتي بنت ؟!
ملاك تهز راسها بتوتر/ اي اي بس كان هاجم علي بغتصبني يا حصه تخيلي
حصه بدهشه / انتي خبله هذا زوجك زوجك كيف يغتصبك كيف
ملاك تصرخ بجزع / مابيه مابيه افهمو مابيه

حصه تنفخ فيها بقهر / انتي انهبلتي انهبلتي انا اقول ليش بيرجع مرته وانتي عنده والله كلنا مستغربين مثل زينك ما ينفرط فيه ابد بس الحين عرفت عرفت ليش لانه محروم ومتحمل وساكت ولا شكى عيب عليك ياملاك والله عيب
ملاك تقوم واقفة وهي تصرخ فيها / عيب عيب ذبحتوني بكلمة عيب ماضيعني غيرها انتم وش تبون بحياتي تحكمون فيها انا اللي بعيش معه ولا انتم بفهم!!!

نهيل تدخل مفجوعه من صوت بناتها / شفيكم وش صاير ؟؟
حصه توجه كلامها لامها بحرقه/ تعرفين ان بنتك اللي انتي واقفه معها ضد الرجال للحين بنت بنت ماخلته يلمسها
نهيل تطالع ملاك بصدمه/ صحيح اللي قالته اختك
ملاك تكتف يديها برود / اي صحيح عندكم مانع ؟!
نهيل تقترب لها/والسبب طيب منه ولا منك بفهم
ملاك ترد بثقه / مني انا اللي مابيه ولا راح اخلي يلمسني وهذا هو عندكم روحو اسالوه مابيه تعرفون مابيه
نهيل تطالعها من فوق لاتحت بنظرة حارقه / صدق انك قليلة ادب وانا اللي واقفه معك وقول مظلومه وهو ظالم و ماكفاه اللي عنده اثر الرجال صابر وساكت
ملاك تجلس على سريرها/ ماحد طلب منه يصبر ويسكت وش عليكم فيه ماهو اللي خذاني بالقوه والغصب خلي يذوق حرقتي وحرقتك انتي بعد
______________________________

صقر طلع من الحمام بعد ماخذ له شاور
يبي يبرد على اعصابه الملتهبه

وتفكيرة يشتغل بنرفزة من تصرفاته و نفعلاته
كيف ماقدر يمسك نفسه ويحكمها
كيف يهجم على بزر كذا وهو متخذ قرار
ينتظرها شوي لين تكبر
ماهو مراهق عشان يضعف عندها لهدرجة
رجال كبير وفاهم ليش صار معه كذا ليش
الحين تزيد بنفورها عليه
ونزيد بغيظها وهجرها له
وتزيد بخوفها ورعبها منه

لبس لبس الخيل يبي يروح لحصانه
ويفرغ طاقتة كلها من قهر وحرمان
ماهو قادر يتحمل نفسه اكثر من كذا

اخذ جواله واتصل بماجد بعد رنتين جاه صوته
ماجد اللي يهتف بترحيب صادق/ ارحب تراحيب المطر حي هالصوت
صقر يرد بموده / حي هالراس شلونك وش حالك
ماجد يبتسم / طيب طاب حالك وين ايامك يارجال من اعرست سحبت على خيلك تراها متضايقة وحاسه بسحبتك
صقر ابتسم غصب عليه/ شلونها بالله يا ماجد تاكل زين تشرب زين
ماجد يبتسم / ماعليها طيبه بس انت وين ايامك
صقر تنهد بضيقة/ انا والله ياخوك انشغلت بمشاغل هالدنيا من جيت من السفر وانا انتقل بين عقاراتي وبين دوامي
ماجد بموده / الله يعينك وانا اخوك العمر يخلص والشغل مايخلص بس تعال تعال عند الا سطبل
صقر بتسال / انت موجود الان عندهم
ماجد بهدو / اي انا والعيال كلنا
صقر بتسال اعمق / من عندك من العيال؟!
ماجد يطالع الموجودين و يعددهم / عبدالاله وسالم وجمال
صقر ياخذ مفتاحه / زين زين جايكم
ماجد / حياك الله
_____________________________

بيت الجدة صيته
الكل راح يخلص اشغاله ومابقى
الا ام يوسف عند مهره وجدتها

ام يوسف مازالت تنحب وترجا / مهره اوعديني ما تخلين ولد عمك اوعديني توقفين معه ترا مالي غيره مالي غيرة
مهره نزلت دموعها بحزن / ابشري ياعمه والله احاول والله بس انتي هدي نفسك
ام يوسف تبكي / مابي تحاولين ابي توعديني يابنت ناصر ترا دمكم واحد والله لونها انتي ولا اخوك طايحين بمصيبه ليوقف معكم بدم قلبه ولدي وعرفه
الجدة صيته تنهدت بضيقة/ يا مره ابشري والله لا غير توقف معه وماهي مخليته بس انتي لاتضغطين عليها
ام يوسف توقف بجزع / ليش يام عقاب ماتبين اضغط عليها
وتلف لمهره وتردف بحده /امانتك الله يابنت ناصر امنتك الله لا تخلين عن ولد عمك ضحي مثل ماهو يضحون عشانك
مهره اضطرت توعدها وتريحها/ وعد ياعمه راح اوقف معه باللي اقدر عليه لا تشيلين هم
ام يوسف تجه لباب / بروح بس ترا برجع بكرا وابي منك البشاره
مهره تهز راسها بصمت والجدة صيته تطالعها لين طلعت وتهتف لمهره بزفرة / انتي انهبلتي كيف تواعدينها وكانك ماتعرفين رجلك و يباست راسه
مهره تهز كتوفها بقلة حيله / وش تبيني اسوي ياجدة اكلت قلبي وبعدين هذا ولد عمي صحيح ماني براضيه يصير معه كذا
الجدة صيته تلف يمين ويسار بخوف/ اص ولا كلمه لاحد يسمعك قسم لو درا فهد بكلامك يلحقك ولد عمك
مهره تنهدت / والحل ياجدة والحل!!
الجدة صيته تشد يدها/ انا بكلمه انتي لاتفتحين فمك بشي ابد ترا يذبحك وهذا انا حذرتك
مهره بقلة اقتناع / لا ياجدة انا وعدتها ومستحيل اخلف بوعدي لها بحاول معه
الجدة صيته تهز راسها باسا/ يابنت انا حذرتك وانتي بكيفك وترا ماحدن نافعك لاقطع راسك
______________________________


الساعه 11 مساً

بيت نهيل اللي مازالت جالسه بصاله ومنهاره
من كلام بنتها كيف تجرى تقول كذا وتصرف
من راسها ومن غير لاتشورها؟!

حصه تجلس قريب لامها/ يومه ماتبين تقومين تنامين ؟!
نهيل تهز راسها بنفي/ مافيني نوم
حصه تشد كتفها / هدي نفسك ترا مافي مشكله مالها حل و ماتضيق الا بيد ربك فرجها
نهيل بتسال / هي نامت ؟!
حصه تعتدل بجلستها براحه / لا مانامت جالسه تذاكر
نهيل تنهد / وليدك وينه نام
حصه ترد بهدو / اي نام هو وامل
نهيل تمسك راسها وهي تشعر بصداع / وش بيقول الرجال عنا الحين ماعرفو يعلمون بنتهم السنع ولو درا ابوك ولا اهله وين نودي و جهنا منهم

حصه بثقة/ اول شي ماحد داري ولو بيتكلم تكلم من زمان وثاني شي تراه ماهو تاركها الا برضاه لاتحسبينه ماهو قادر عليها
نهيل تلف لها بصدمه/ وش قصدك !!
حصه ترد بخفوت / الله واعلم يبيها تكبر شوي راحمها هو
نهيل تقطب حواجبها / ودامه يبيها تكبر ليش اخذها ليش ماخلاها
حصه تهز كتفها/ عاد بهاذي مادري عنه
نهيل تهز راسها بغير اقتناع / لالا ماهو كذا السالفه هو فعلا مخليها من راسه يقدر عليها بس في شي غريب بالموضوع
حصه بذات الثقة / مافي شي غريب كل شي واضح يايمه والله انه راحمها موقت وتذكري كلامي
نهيل بحسره / ماكنا قسينا عليها صح ؟!

حصه بحرص / لا خليها عشان تادب كيف تصرف من راسها و ماتستحي من الرجال وهي منحاشه منه وتنافخ عليه
نهيل بزفرة / لا عاد منحاشه من حقها ليش يمد يده عساها للكسر عليها وقدام اخته الحيه ولا فكر يجي ويعتذر خليه ينطق لين يعرف قدرها
حصه تضحك/ عارف ان لو جا اعترف ماهو حاصل له شي قال اخليها ابرك للي ولها
نهيل بقهر / و مافكر الا بنفسه مافكر بنت عمه وكلام الناس صدق انه قليل اصل
_________________________

دخل فهد وهو مرهق لابعد حد
من القضيه ومن صفقاته ومن ديوانه
حاس انه محتاج راحه عميقه وبعيده عن المجتمع كامل

اتجه لجناح جدته طق طقتين على الباب /احم
الجدة صيته تنادي له / تعال تعال مافي غير مريتك
فهد استغرب مهره والحزه هاذي عن جدته بالعاده
تكون بجناحها تنتظره

فتح الباب ودخل شاف جدته جالسه على الاريكه ومهره جالسه من يمينها سلم بهدو / سلام عليكم
ردو بهدو /عليكم السلام
الجدة صيته بتسال حان/شفي وجهك يامك شكلك تعبان
فهد يرمي نفسه على الاريكه اللي قبالهم ويهتف بارهاق / اي بالله تعبان ونعسان بعد
مهره بهتمام / احم تعشيت ؟!
فهد لف لها ورد برود / لا ماني مشتهي شي
الجدة صيته انتفضت/ ليش يامك لازم تاكل كذا ترهق عمرك
فهد تنهد / انام خفيف احسن مالي نفس بالاكل
مهره برجا / تكفى فهد عشاني بسوي لك لقمه
فهد لف لها بحده / انا مو الف مره قايل لك لاسمع كلمة تكفى انتي ما تستوعبين الكلام !!

مهره لفت لجدتها بحرج ونزلت راسها
والجدة صيته ردت عليه بعتاب / هذا جزاها مهتمه فيك و تبيك تاكل
فهد صد بوجه بزفرة/ لو باكل اكلت ماهو لازم مطاليب
وصداع راس
مهره تهز رجلها بغيظ والجدة صيته تهمس لها
بذبذبه/ هذا وانتي ماجبتي طاري ولد عمك كيف لو تكلمينه والله لاغير يقص لسانك

فهد رفع حاجبه بتوجس / وش عندكم تساسرون وش الكلام اللي ماتبوني اسمعه ؟!
الجدة صيته تنحنح / احم سلامتك بس اهديها يامك
فهد لف لمهره يناظرها بنظره قارصه / وليش تهدينها ان شاءالله وش اللي مخليها تنفعل !!
مهره شاحت بوجها عنه والجدة صيته تغير
الموضوع / الا وش صار بقضية ابو سميرة هو تنازل ولا ؟!
فهد يرد بقساوه / يتنازل ولا ما يتنازل ماهو سالمين من المحاكمه
مهره انتفضت غصب عليها /محاكمه ؟!

الجدة صيته عضت على شفايفها وهي تشوف
فهد كيف تغيرت ملامحه وجهه وعينه على مهره بشرار
مهره تنحنحت وهي ترقع الموضوع / احم عمتي كانت هنيه قبل شوي وو
فهد يوقف وبتجه لها ويسحبها مع جيبها بانفعال مشتعل ويصرخ بوجها/ تكلمي قولي طلع ولد عمي قوليها قوليها

مهره ترتعش بين يديه وكانها عصفور يرتعش
والجدة صيته تشد يديه اللي شاده على صدر مهره وتكلم بحده / هي ماقالت شي الحين انت علامك عليها تبي تعلمك ان عمتها هنيه وكلمتني انا انا
فهد ينتفض من الغيرة وهو يهزها بقسوه / فمك ماتفتحينه ولا تجيبن طاري هالموضوع اشقه لك
مهره تشجعت وتكلمت عشان تبري ذمتها من
الوعد / بس يافهد هذا مهمها كان ولد عمي وامه ترجتني اكلمك وو

سكتها الكف اللي على فمها اللي زلزلها وخلاها تطيح على الاريكه
ونزل العقال وضربها با اقوا ماعنده والغيرة اعمت له نظره / انا اعلمك منهو ولد عمك
الجدة صيته تحاول تسحبه منها / ابعد عنها انت انهبلت انهبلت
مهره من شافته رفع العقال وجا على رجولها لمت رجولها بحضنها و الضربه الثانيه جت على بطنها وصرخت صرخه انفضت الموجودين برعب / يومه بطني يومه
الجدة صيته تقدمت بارتباك مخيف / مهره مهره
مهره شاده على بطنها وتصيح / بطني بطني
فهد وقف مصدوم وهو يشوف رجولها غرقت بالدم
الجدة صيته ارجعت بشهقه / تنزف تنزف
فهد بامر هادي رغم التوتر اللي فيه / جيبي عباتها بسرعه
الجدة صيته تركض وتلبس عباتها وتلبس مهره عباتها الثانيه وفهد يشيلها وجدته وراه ويتجه لاقرب مستشفى …
_________________________________

 
 

 

عرض البوم صور راح ماقال الوداع   رد مع اقتباس
إضافة رد

مواقع النشر (المفضلة)
facebook



جديد مواضيع قسم المنتدى العام للقصص والروايات
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 02:45 AM.


 



Powered by vBulletin® Version 3.8.11
Copyright ©2000 - 2022, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية