المنتدى :
المنتدى العام للقصص والروايات
رواية سعوديه رومانسيه (ريح المطر) للكاتبة (شغف)
السلام عليكم
كيفكم بنات بنزل لكم روايتي الاول
جلست عليها شهور
عشان تطلع باحلى صوره
بنزل البارت الاول
اذا اعجبكم وتفعلون معي كملتها
(دعواتكم لوالدي برحمة والمغفرة)
نبدا بسم الله …….
.
البداية/-
.
. رواية ريح المطر ....
الكاتبة شغف..
...............
ي سحابه امطري وابرقي ولجرحي اغسلي
ويصوت الرعد اعتلي وصوت طقهم اخفي...
.
.
.البارات الاول
.............
.
.
.
.
.
ليلة شتويه بارده بصحبتها صوت الرعد
والمطر والريح وشهقات اليمه ودموع حزينه ....
.
.
.
صوت الطقطقه ورقص تعلى مع صوت الرعد والريح
بيوت بسيطه تحتوي عن3بيوت كل بيت فيها اسرار فيها احزان وافراح كل بيت يختلف عن بيت الثاني
صقر بالبشت واقف مشتت تفكيره ويسمع صوت تبريكات وصوت الطق والموسيقه مع صوت المطر ورعد
هدى / يلا المعرس ادخل بنزفك على العروسه
صقر بضيقه/يلا بسم الله
كللللووووووش
كلووووووش
كلووووووش
العروس جالسه بفستان الابيض على الكوشه بصاله جناح صقرر
دخل صقر وسلم على الموجودين امه وام العروسه واخواته وسلم على العروسه بيده من دون مايطالع فيها وجلس قريب منها. وعتلا صوت الطق والرقص تبريكات خوات العريس.
.
.
.
فجئه
دخلت كالبدر في نصف الشهر. الشعر اسود ناعم كالحرير يوصل لظهرها. العيون وساع لون العدسه كالؤلؤ الخشم صغير منحوت الفم صغير مزموم الذقن مرسوم والوجهه دائري كالقمر جميله بخلقة الخالق. الجسم منحوت الخصر ضعيف ..الظهر طويل الردف مليان جسمها انوثي طاغي فاتنه بمعنى الكلمه عليها فستان مخمل ماسك على الجسم مظهر المفاتن احمر بدون اكمام عضدها ونحرها ابيض كالثلج و فاتحه شعرها وحاطه مكياج ناعم يبرز ملامحها ملاك كالملاك اسم على مسماء
واقفه بشموخ رغم الحزن
وفاء تحاول تطلعها وقفت بينها وبين العرسان عشان ماتدخل وتصير مصيبه
وفاء /ماله داعي تدخلين ي ملاك وش ناويه عليه
ملاك وعينها ع صقر والعروسه /ابتعدي ي وفاء عن وجهي
وفاء بصوت خفيف /اطلعي برا
ملاك مازالت تطالع العرسان /قلت لك بعدي
هدى شافتها وجت لها تبي تهديها هدى/ملاك مانبي مشاكل خلي اليله تعدي على خير
ملاك تطالع بصقر اللي جالس ع الكوشه ولا انتبه لها تكلمت بصوت حزين ملاك / ماحد ردني يوم رقصت بعرسه الاول جايين الحين تردوني ارقص له
ملاك دفت وفاء اللي كانت واقفه بوجهها وجت قدام العرسان
الكل انتصدم ويطالع عليها
وصقر رفع راسه وطالع فيها مصدوم وبنفس الوقت والهان من زمان ماشافها ....
سمع همس ام العروسه عند اذن العروسه
ام العروسه /ترا هاذي زوجته
العروسه ترفع راسها وتطالعها بصدمه وترجع تطالع صقر اللي عينه على ملاك مصدوم من جيتها مايدري وش ناويه عليه
........................
قبل 7سنين وبوقتنا الحالي
صوت الصراخ....رج البيوت ال3كلهم
صقرر بصراخ وانفعال /يومه قولي لاعمتي ان شفت بنتها بالشارع مره ثانيه وربي اللي خلقني لاقوم الدنياء ع راسها هي وبنتها
ام صالح تهديه /يوليدي تعوذ من الشيطان البنت صغيره وتعلب حالها حال هالورعان
صقر بعصبيه /ورع مو ورع مو شغلي علميها ي يومه انتي وام مهند وربي لو اشوفها بالشارع مره ثانيه مايردني عن الرقابهم شي فاهمين
طلع صقر من البيت وهو شاب نار وشرار
ام صالح بضيقه /ياربي انا وش اسوي بالمصيبه ورع مانقدر نمسكها
ام منهد /ي يومه صقر معه حق خايف عليها. بس عمتي نهيل ماتفهم
ام صالح/وش تبيني اقول لها يقول صقر قفلي ع بنتك لاتلعب مع الورعان وانا امك ماهو من حقنا عيب
ام منهد /يومه لازم نعلم عمتي وتقول لها عمتي اهون من صقر وعصبيته والله لو يشوفها مره ثانيه انه يبلينا
بمصيبه
ام صالح /اي والله مافي من عيالي طلع مثله الله يهديه و يكفي شر نفسه بس
.................
ملاك تبكي منخرعه وامل منفجعه
نهيل بعصبيه وخوف/ وش قال لها
امل /يومه شافنا نلعب بالشارع وقام هاوشنا وسحب ملاك مع يدها وقام يصراخ عليها يقول لو اشوفك بالشارع مره ثانيه ذبحتك
نهيل/ حسبي الله ونعم الوكيل ورع وبيحكمها
امل /يومه علامه عليها
نهيل /خايف عليكم من الشوارع خلاص بعدين لاتروحون الشارع
ملاك تشاهق وتبكي/بس حتى اخته صباء تلعب معنا وشدى كلهن ماقال لهم شي بس انا يومه شوفي يدي توجعني كان بيكسرها:؛
ملاك تشر على يدها وتبكي
نهيل /خلاص يمك انا اعلم ابوك معن والله ماحد قادر فيه الا ربه بس روحي انتي وامل غسلن وبدلن ملابسكم عن الغبار::
راحت ملاك وامل يغسلن ويبدلن
حصه /يومه ابوي لو علمتيه بيقول ليش تخلينهم يطلعن لشارع
نهيل /ورع مع الورعان اقفل عليها
حصه /يومه صوته صارخه بيت اهله يوم رحت جفف الملابس بالحوش
نهيل /الله يكفينا شره
حصه/للحين يبيها
نهيل /والله مدري وانا امك بس هي ضعيفه وصغيره وهو رجال اللي بعمره متزوج ومعه عيال
حصه /اي والله يومه حرام اكبر منها حيل
نهيل /يمكن بس كلام وينساها
ابي تفاعل اذا تبون اكمل باقي البارتات …./-
|
17-02-22, 11:50 PM
جديد مواضيع قسم المنتدى العام للقصص والروايات
العرض الشجري
