ادعو (لوالدي بالرحمه والمغفره)
:
:
:
:
:
…………………………………..

&&/-البارت العاشر/-&&


(جناح صقر )

جالس على الكنبه وقدامه لاب توب واوراق على الطاوله
اميره/صباح الخير
صقر يرفع راسه /صباح النور
اميره تجلس قريبه منه/تبي ريوق
صقر رجع عيونه على الاوراق/تريقت
اميره /صدق من متى صحيت
صقر/الساعه عشره
اميره/وليش ماصحيتني
صقر مزال يطالع اوراقه/وليش اصحيك
اميره/نتريق مع بعض
صقر /الخدامه جابت ريوق وهذا هو على الطاوله تريقي
اميره تطالع الطاوله اللي عليها ريوق مغلف/طيب وش تسوي
صقر يطالعها/عندي مشروع وجالس ادرسه
اميره/كم مدة اجازتك
صقر/سبوعين
اميره بصدمه/كيف بنسافر
صقر /عادي كلها سبوع ونرجع وش المشكله
اميره/وين حجزت
صقر /على جورجيا
اميره تقوم/خير ان شاءالله
صقر/تريقي وجهزي بنطلع المستشفى
اميره/ليش انت تعبان
صقر يقوم /بلبس ونطلع

-راح وخلاها مصدومه من حركته-
_________________________

نهيل /ملاك امل ي بنات
جت امل /هلا يومه
نهيل/ تعالي ساعدي حصه يامك نزلي معها الاغراض
امل /وش اغراضه يومه
نهيل/ تجهيز عرس اختك حصه
امل بحزن/مابقى شي وتروح
حصه دخلت /لا ماني رايحه بتزوج واجلس عندكم
نهيل/الله يوفقك يامك
حصه /امين
نهيل /وين ملاك
امل /تذاكر
نهيل /ذي بتذبح عمرها بالمذاكره نادي لها شوفو عبياتكم مقاسكم ولالا
امل بفرحه/جبتي لنا عباية
نهيل /اي وفساتين لزواج اختكم حصه
امل تنادي لملاك امل/ملاااااااك ملاااااك
ملاك جت مفجوعه /وش صاير
نهيل تجلس/ماصاير شي بس تعالي
امل/امي جابت لنا عبايات وفساتين لزواج حصه
ملاك /ليش ماقلتي لنا يومه انك بتروحين السوق بروح معك
نهيل /يامك مامعي فلوس تكفى وابوك يقول انتضرو اخر الشهر جبت لكم المهم والاغراض الباقيه اخر الشهر
ملاك/بس انا معي فلوس وابي اروح السوق
حصه/ فلوسك خليهن مصروف لك ماتكفي
-ملاك دخلت الغرفه-
نهيل /تعالي شوفي لبسك
امل تلبس عباتها /شرايك يومه
نهيل /حلوه وزينه عليك
جت ملاك ومدت لامها الفلوس اللي من صقر
ملاك /هاذي فلوسي
نهيل توقف بصدمه/منوين لك الفلوس هاذي
ملاك/من …..
نهيل تمسك يدها بقوه/تكلمي من منو
ملاك /من صقر
نهيل كانه انكب عليها ماء حار /انتي وش تقولين

-حصه وامل مصدومات-

ملاك/اقول من صقر عطاني الفلوس ذي
نهيل بعصبيه تسحب ملاك من قميصها/قولي لي
ليش عطاك الفلوس
ملاك مصدومه/مدري
نهيل /كيف ماتدرين تكلمي علميني وش سوى فيك
ملاك ترجف /ماسوى فيني شي يومه
حصه /يومه شوي شوي عليها خلي نفهم
نهيل بعصبيه/ولا كلمه وانتي تكلمي ليش عطاك الفلوس
نهيل تحط عينها بعين ملاك نهيل/قولي الصدق احسن لك
ملاك بصراخ/انتم علامكم علي هو شافني وانا عند بيتهم وقال ادخلي لاتطلعين بالشارع وعطاني الفلوس
نهيل /وليش اخذتيهن
ملاك /عييت بس هو قال الا اخذيهن
نهيل /والله اذا انتي تكذبين علي ي ملاك لاذبحك
ملاك /والله العظيم ماكذب
حصه /يومه الله يهديك هي جابتهم لك وعلمتك
نهيل بعدم تصديق اخذت الفلوس /انا اروح لصقر واعرف ليش عطاك الفلوس

—اخذت الفلوس وطلعت —

ملاك /شفيها امي
حصه/خايفه عليك
ملاك/مو مصدقتني راحت تساله
حصه/الا مصدقتك بس بترجع فلوسه عشان مايقول عنا شحاذين
ملاك مصدومه /هو اللي عطاني ماشحذته
حصه /ولو ماتخاذينهم
ملاك/ بس هو عنده فلوس كثير ويعطي الناس كلهم حتى مازن امس يقول لامي ان صقر عطاه خمس الاف
حصه/مازن مايستحي
ملاك/مازن شحاذ دايم يدق عليه ويشحذه فلوس
حصه/الله يهديه يفشل
______________________

صقر طالع من جناحه هو اميره بيروحون للمستشفى
دخلت نهيل بعباتها بعصبيه
نهيل/صقر
صقر طالع فيها واميره مصدومه من المره اللي دخلت بدون سلام
نهيل ترفع الفلوس بيدها/الفلوس ذي لك
صقر يطالع الفلوس ورجع يطالع نهيل
صقر/ لا ماهن للي
نهيل/ملاك تقول منك
صقر فهم الموضوع /ودامها قالت لك ليش جايه تسالين
نهيل/ابي افهم ليش عطيتها الفلوس ذي

-قرب صقر منها وبعصبيه -

صقر/والله واللي اسمه الله لو مانتي مره لادفنك مكانك
نهيل ترجع بخوف/بنتي تقول منك
صقر/وماقالت لك ليش عطيتها الفلوس؟!
نهيل/قالت انك عطيتها عشان ماتطلع بالشارع
صقر بصراخ /وليش ماصدقتيها ماعندك ثقه بتربيتك

ام صالح اللي طلعت ع صوت صقر-

ام صالح/عساء ماشر شفيكم
نهيل/ملاك معها فلوس هاذي وتقول من صقر وجيت انشده
صقر /اسمعي يا ام مازن بنتك حلال للي لو ابيها اليله اخذتها وماحدن يردني عنها لا انتي ولاغيرك

-ام صالح تطالع بااميره المصدومه-

ام صالح /قولو لاله الا الله السالفه ماتسوى ولو عطاها فلوس بنت عمه وحسبت اخته
صقر طالع امه مصدوم /وش اخته
ام صالح /خلاص ياامك خذ مرتك ودخلو
صقر يطالع نهيل/علمن يوصلك ويتعداك من تخرج بنتك من المتوسط وهي بيتي
نهيل/البنت صغير وانت عندك مره
صقر بعصبيه /صغيره ماهي صغيره انا علمتك وانتهى

-طلع واميره لحقته بعصبيه -

ام صالح /ليش ي نهيل كذا ليش
نهيل/عاجبك كلام ولدك
ام صالح /لا ماهو عاجبني كلامه ولاهو عاجبني كلامك تشكين بصقر اللي حافظ بنت عمه وماخذها صغيره ينتضرها تكبر لو بيسوي فيها شي ي نهيل اخذها بيته بالحلال ماهو مراهق يلعب من ورانا
نهيل /يختي يوم شفت الفلوس معها وتقول من صقر انجنيت جت افكار شينه براسي
ام صالح /الله يهديك الحين سببتي بينه وبين مرته
نهيل/ليش وانا شقلت مردها بتدري
ام صالح /بس حنا نحاول يرتاح معها عشان يحرر ملاك
نهيل/الله كريم
ام صالح/ادخلي تقهوي
نهيل /بروح بيتي بشوف بناتي
_______________________

(بجناح فهد)

صحى مالقاها بفراشها
قام مفزوع خاف انها انحاشت
فهد /والله لو سوتها ماتمسي الا بقبرها
راح الحمام فتحه ماحصلها
راح غرفة الملابس فتح الباب
كانت جالسه فستان ذهبي ماسك على جسمها
وفاتحه شعرها العسلي وحاطه روج تورابي
ومسكره على رموشها وطالعه( فاتنه)
طالعت فيه مصدومه
فهد /من متى صحيتي
مهره /من شوي
فهد /بروح اغسل والبس ونروح نسلم على جدتي
مهره /طيب
فهد/لاقلت لك شي تقولين حاظر
-راح يغسل ويلبس -
مهره مصدومه من اسلوبه ترجع تطالع نفسها بالمرئه
وتلمس رقبتها مهره/زين لقيت فستان يغطي اثر المجنون
فستانها الذهبي من الاطراف كامل ع رقبه مطروز
ومن عند الصدر فاتح المهم عندها انه مغطي الاثر اللي برقبتها
دخل فهد معه فوطه ينشف وجهه
راح لدولاب ياخذ ملابس
مهر كانت بتطلع بس وقفها صوته الخشن
فهد/بعدين اصحى القى ملابسي مجهزه ومكويه ومبخره
مهره /حاظر
فهد يكمل /وريوقي جاهز
مهره /حاظر
فهد ينزل قميصه ومهره تطلع بسرعه

طلع لابس ثوب ابيض ماسك ع جسمه
المرسوم رسم وبطوله المميز
مهره تناظره بعجاب و تكلم نفسها حرام هالوسامه
على واحد مجنون
فهد منتبه على نظراتها / بنت
مهره برتباك /هلا
فهد /البسي شالك ويلا
مهره تلبس شالها الطويل اللي مغطي كل جسمها

طلعو وراحو للجده اللي مجهزه الفطور وتنتضرهم
صقر /احم
الجده بفرح /تعال تعال يامك
صقر ومهره قربو منها وسلمو ع راسها
الجده صيته /حبيتو الكعبه
جلس عند جدته وتركى معها ومهره جلست بعيد شوي
فهد /شلونك اليوم
الجده صيته/بخير الحمدلله والله يامك انه احلا يوم عندي
فهد/عساه دوم
الجده صيته تطالع مهره /تعالي يامك اقربي
مهره قامت ونزلت شالها تحت انظار فهد المعجبه
قربت من الجده صيته وجلست عندها
تمسك كف مهره بين يديها الجده صيته/عسا ولدي ماتعبك
فهد يطالع جدته مصدوم /يومه الله يهداك وشفيك
الجده صيته/مانشدتك انشدها
فهد يطالع بمهره اللي منزله راسها وجهها احمر
الجده صيته /لاتستحين مني يامك كانه قال لك شي تعلميني
فهد بعصبيه/يومه ماله داعي هالكلام
الجده صيته تعرفه لاعصب اقشر/خلاص يامك افطرو ترا مافطرت بفطر معكم
-افطرو ومهره ماقدرت تاكل من نظرات فهد لها -
____________________________
بسيارة صقر

اميره /ممكن افهم وش اللي صار
صقر برود/اتوقع كنتي موجوده وسمعتي كل شي
اميره /ملاك خطيبتك
صقر /اي
اميره /تحبها
صقر طالع فيها/مو مهم تعرفين
اميره /وليش تزوجتني مدامك تحبها
صقر/خلي عنك الكلام الاي ماله داعي
اميره تبكي/عندك ماله داعي بس عندي له داعي
صقر طالعها /اميره انتي عارفه قبل لاخذك اني ملك على بنت عمي ورضيتي صح ولالا
اميره/هذاك اول
صقر/ مصدوم/وش تغير؟!
اميره /انت زوجي وانا وحده وبتحافظ ع زوجها
صقر بعصبيه /ليش وانا من ممتلكاتك عشان تحافظين عليها
اميره /زوجي
صقر ياشر لها تسكت/اسكتي احسن لك
سكتت اميره وهي تبكي وصقر يسمع صوت شهقاتها-

وقف عند المستشفى وهي وراه وتشوفه يخلص اوراق بس ماتدري وش يسوي
صقر /ادخلي المكتب ذا لين اجيك
اميره/مكتب منو
صقر /مكتبي
اميره /طيب
ودخلت وشوي جاء صقر ومعه ممرضه فلبينيه-
الممرضه /افتح فخذ مدام
اميره مصدومه تطالع صقر/بس انا مافيني شي
صقر/افتحي فخذك لها
اميره /وليش افتح فخذي لها بعرف هاذي الابره ايش
جلس صقر ع مكتبه /بعدين تعرفين
اميره/سلامات بفهم هاذي ايش
الممرضه /هاذي منع حمل سنه
اميره تطالع صقر بصدمه/ايش منع حمل
صقر يركى ظهره على الكرسي/اي سنه نرتاح مانبي عيال
اميره/ليش وحنا صغار عشان نرتاح
صقر بعصبيه/خذي الابره وخلصيني
اميره وقفت/ماراح اخذها
صقر قام وقرب منها بعصبيه /بتاخذينها غصبن عليك فاهمه
اميره بخوف /وان ماخذتها
صقر بين اسنانه /بتاخذينها يا اميره

-واشر للمرضه تشوف شغلها-
_________________________________

نهيل تدخل عند ملاك اللي تعبانه وماتغدت معهم
نهيل/ملاك يامك انا خايفه عليك
ملاك نايمه ع بطنها وتذاكر/وش خايفه علي منه
نهيل /لاكبرتي تفهمين كلامي
ملاك /يومه انتي ماتصدقيني ودايم تهاوشيني
نهيل /لا ياامك اصدقك وماهاوشك الا عند الخطاء
ملاك/بس انا ماخطيت
نهيل/الا اخطيتي يوم اخذتي الفلوس منه
ملاك /مادري انك بتهاوشين
نهيل/خلاص مره ثانيه ماتاخذين لامنه والا من غيره
ملاك برائه/اصلا ماعاد اطلع خلاص انا كبرت
نهيل بستغراب/منو قال لك كبرتي
ملاك تنزل راسها /ماحد قال بس..
نهيل /تكلمي
ملاك /يومه الاستاذه قالت البنت لابلغت تصير كبيره وعيب تطلع
نهيل بصدمه/وانتي مابلغتي
ملاك بحياء/يومه انا …
نهيل /انتي وشو؟!
ملاك /جتني الدوره
نهيل تقرب منها بصدمه /متى
ملاك /اليوم
نهيل /وليش ماقلتي للي
ملاك/يومه قلت لك بطني يوجعني بس انتي مافهمتي علي
نهيل/ملاك خواتك كلهن يقولن للي انتي ليش ماتكلمين
ملاك منزله راسها/هذا انتي عرفتي
نهيل بحنيه تضمها/ياروح امك بروح اسوي لك شي دافي تشربينه
ملاك /طيب
نهيل قبل تطلع رجعت
نهيل بخوف/انتبهي تقولين لشذى ولا لاي احد فاهمه
ملاك/بس شذى قالت للي انها كبرت وماعاد تطلع
نهيل/وانتي قلتي لها شي؟
ملاك/لا
نهيل /اسمعيني يامك لو علمتي شذى علمت اهلها انك كبرتي وزوجوك صقر
ملاك مصدومه/يومه انتي وش تقولين
نهيل/والله مدري يامك اخبص بالكلام المهم لاحد يدري
راحت نهيل تسوي وهي خايفه من الجاي -
____________________________________

بيت الجده صيته
بعد ماراح فهد لمجلس القبيله-
ام ابراهيم تدخل بصدمه ماتوقعت مهره مزيونه كذا
ام ابراهيم مشوشه/سلام عليكم
الجده صيته ومهره/عليكم السلام
قامت مهره وسلمت عليها وسلمت على مريم وحسنا اللي جن وراها مشوشات فيها
الجده صيته/قل اعوذ رب الفلق
ام ابراهيم تطالع بمهره /ومن شر حاسد اذا حسد

مهره مصدومه من نظراتها-

مريم/ماحسبت اخوك عنده بنت مزيونه ي جده
الجدة صيته/ اذكري الله
ام ابراهيم/علامك ي عمه قالو لك مشافيح
الجده صيته/مايحتاج احد يقول
ام ابراهيم تطنشها/شلون فهد معك ي مهره
مهره/زين
ام ابراهيم /الله يعينك ع طبعه
الجده صيته/وش فيه طبعه هاااه
ام ابراهيم /اشقر
الجده صيته/لاجاء قولي هالكلام عنده
ام ابراهيم بخوف /لا يا عمه امزح معك الله يهداك
الجده صيته/اجل اوزني كلامك
ام ابراهيم/ابشري ابشري

مهره مصدومه عجوز كبر امه وتخاف منه-

شوق ونوف ادخلن وسلمن
شوق ماقدرت تحمل تشوفها وطلعت
نوف /شلونك مهره

مهره اللي ارتاحت لنوف بس مارتاحت لشوق

مهره /الحمدلله
ام ماهر/السلام عليكم
الكل /وعليكم السلام
الجده صيته/يالله تحييها
ام ماهر/الله يبارك فيك
ام ابراهيم /كيف دخلتي
ام ماهر /بنتكم افتحت للي
ام ابراهيم/شوق
ام ماهر /اي
ام ابراهيم/اي حسبتك اخذتي مفتاح من الحين
الجده صيته/انتي ماتستحين
ام ابراهيم / هو وانا وشقلت

ام ماهر تطالع مهره اللي فاتحه عيونها بصدمه

ام ماهر/مهره شلونك ي بنتي
مهره تبتسم ابتسامه ذوبت الجميع/زينه ابوي وماهر شلونهم
ام ماهر /بخير نحمد الله
الجده صيته /اخذي بنتك وروحي جناحها تراها مارتاحت من الصباح
ام ابراهيم/ليش وهي وش سوت جالسه وتقهوا
الجده صيته/قص يقص ذا اللسان

-ام ماهر قامت وخذت بنتها وراحت لجناحهم-

ام ماهر تدخل الجناح وتجلس بصاله /تعالي يامك
جت مهره وجلست عندها
ام ماهر /هاه شلون العرس
مهره بدموع/يومه يخوف
ام ماهر/افا ليش يخوف
مهره تفتح رقبتها برائه
مهره /شوفي وش سوا فيني
ام ماهر تضحك/ههههه يامك انتي علامك ماتفهمين
مهره/يومه والله خايفه منه
ام ماهر/يامك ذا لانك اعجبتيه ماقدر عليك يابنت وصايف
مهره /يومه الله يهديك ذا وانا معجبته اجل لو ماعجبته يذبحني
ام ماهر تضحك /ههههه لا ي الخبله. لو ماعجبتيه ماقرب لك

مهره تنزل راسها بخجل-



مع تحياتي (شغف)

______________________

&-/البارت الحادي عشر/-&

(جناح صقر)

يحط على كفوفه من التوله المعطره
ويطالع فيها بالمرأة جالسه على السرير
وتبكي بدون صوت
حط التوله على طاوله التسريحه وحرك كفوفه بعض مد يده واخذ جواله ومفتاحه ومحفظته ناظر فيها -

صقر /انا طالع جهزي اغراضك عشان السفر

طالعت فيه واقف بهيبه لابس ثوب وشماغ
ولا كانه سوا شي -

اميره بصوت رايح /طيب
صقر بسخريه/بسك دموع
اميره بحزن /انت ليش قاسي
صقر بذات السخريه /لاحول قاسي ربي خلقني كذا

طلع وسكر الباب بقوه تحت انظارها-

تمنت لو الموت بيدها اول ماتفكر فيه تاخذ روحه-


___________________________

جالسه سرحانه ليش مافرحت مثل الامهات
لا زهرت بنتها تفرح هي حاسه بحزن وخوف -

دخلت حصه شافت امها بعالم ثاني -

حصه /يومه شفيك؟!
نهيل بحزن /ماعلمتني ي حصه
حصه بهدو /يومه يمكن مستحيه منك
نهيل بذات الهدو /وين راحت طولت لسانها
حصه مرح /هههههه ابلعته
نهيل بحنيه/خايفه عليها
حصه بحنيه مشابهه/يومه لاتفكرين كثير ريحي راسك

من انهت حصه جملتها دخل مازن بستعجال-

مازن /سلام
حصه /عليكم السلام
نهيل بخيبه/هلا بولدي الداشر
مازن بمرح / يومه الداشر يبي فلوس
نهيل بعصبيه /انت ماتستحي بالعمر ذا وتشحذ فلوس راتبك وين يروح
مازن بهدو /يومه يروح اقصاد كله نسيتي ان وراي عرس
نهيل بذات الهدو/عاد تدري وش مفرحني بعرسك انك بتاخذ وفاء شبيهتك نفس الطبايع
مازن بضحك /ههههه عشان تقدر فيني
نهيل ببتسامه/اي والله
حصه /مازن بروح لسوق شوي
مازن/انتي ماتخلصين من السوق اعرسي وفكينا
حصه بحزن/تبي فراقي
مازن يبتسم/تبين الصدق
حصه /اي
مازن /انتي شيخة البيت لو بكيفنا مانزوجك
نهيل بحزن / بكرا عرسها وانت عرسك قريب الله يوفقكم كبرتم ي عيالي
مازن بمرح / ليش وانتي تحسبين بنوقف مانكبر
نهيل بذات الحزن/الله يوفقكم يامك
_________________________

الساعه11مساء )

فهد رجع البيت مشتاقه عينه
لشوفة عيونها الناعسه وطولها الفاتن
وصوتها الناعم مشتاق لها كلها

من الصباح مشغول با احوال القبيله-

توجهه لغرفة جدته مثل كالعاده ليمسي عليها-
كانت جالسه على سجادتها وتسبح وتهلل عادتها-

فهد/احم
الجده صيته/تعال يامك ماعندك احد
دخل فهد وحب على راسها/يمسيك بالخير
الجده صيته بحنان/يمسيك بالنور
فهد/شلونك
الجده صيته بذات الحنان / زينه يامك. انت مارحت لمرتك
فهد بحب/بروح لها الحين بس جيت امسي عليك
الجده صيته بحب مشابه/يجعل مساك ما ينقطع عني روح يامك لها من المغرب بجناحها
فهد بستغراب/ليش ماطلعت
الجده صيته/الا بس قلت لها تروح ترتاح لان حريم القبيله بيجن بكرا يباركن لها
فهد يقوم/تصبحين على خيرر
الجده صيته/وانت من اهل خير

-دخل جناحه وشافها جالسه بصاله عليها قميص
حرير لتحت الركبه بدوون اكمام رمادي ناعم ولامه
شعرها ونازل خصل ناعمه على نحرها

مهره طالعت فيه بعجاب في وسامته وطوله وهيبته-

جلس قريب منها وطالع فيها بتفحص -

فهد بهدوء /مساءالخير
ومهره بذات الهدوء /مساءالنور
فهد بنظرات غريبه عليها /شلونك
مهره تنزل راسها بخجل/طيبه
فهد بستفسار/من المغرب بجانحك
مهره مازالت منزله راسها/اي جدتي قالت روحي ارتاحي
فهد بخبث/ليش وانتي تعبانه

مهره ترد خصل من شعرها النازل على نحرها
ورا اذنها وعيونها على الطاوله -

مهره بحيا /لا بس هي قالت
يوقف بتوتر من حركتها فهد/جهزتي للي ملابس
مهره ترفع عيونها بعيونه بخوف/لا
فهد بعصبيه/انا ماقلت لك ابي ملابسي جاهزه بي وقت
مهره بذات الخوف/طيب اجهز لك الحين

قام وحط اغراضه على طاوله

فهد /جهزي للي بجامه بروح اخذ شاور
مهره/طيب
رجع طالعها/انا وش قلت لك لاطلبت شي وش تردين
مهره/حاظر
فهد/يلا روحي

راحت وجهزت له بجامه ورجعت تجلس ع الكنب

طلع فهد بروبه وبيده فوطه صغيره يجفف شعره ويطالعها بخبث

مهره نزلت راسها بحياء واضح

راح غرفة التبديل ولبس البجامه الجاهزه بترتيب-

رجع وجلس قريب منها وبخاطره يحضنها
بس حب يثقل عشان هيبته مو عشانها-

مهره بستعجال /تعشيت
فهد يطالع فيها /اي تعشيت
مهره توقف بهروب /احم بقوم اشرب موياء

فهد فهم حركتها انها بتنحاش فكان اسرع منها
وسحبها وصارت بحظنه
حطنها بين يديه بحب وله

مهره بخوف تطالع بعيونه القريبه
وتحس بنفاسه الحاره تلفح وجهها

فهد يقترب من شفايفها وعينه على عيونها
مهره كانت اسرع منه ولفة وجهها بسرعه
وطاحت شفايفه على خدها
وهنيه فهد عصب من حركتها

فهد بعصبيه/كيف تسوين كذا هاااه
مهره بدموع/والله ماكنت اقصد بس

فهد يحط يده على فكها ويشد عليه بقوه-

فهد بين اسنانه /اذا انتي بايعه عمرك سوي الحركه ذي مره ثانيه
مهره تبكي/اي اوجعتني
فهد يشد عليها باقوا /مو بس اوجعك اذبحك
مهره بالم/اه تكفى والله بموت

فهد شال يده من فكها ونزلها من حضنه بعصبيه وقام -

مهره جلست على الكنب بدموع ويدها على فكها اللي حسته انفك من ضغط يده

فهد جلس ع السرير يحاول يهدي نفسه الثائره-

مازالت ماسكه فكها وتبكي بهدوء

فهد بحنيه غامضه /تعالي
مهره تطالعه بخوف/……
فهد بذات الغموض /مهره قلت لك تعالي

قامت مهره وراحت له وجلست قريبه منه
فهد شدها من يدها وحضنها بقوووه وجهها بصدره حست كن انفاسها انقطعت شد عليها اكثر وكانه بيدخلها بين ظلوعه
فهد بمهس/مهره
مهره/……
فهد بذات الهمس/انا واعدتك مايصير شي الا برضاك وانا عمري ماخلفت بوعدي
مهره/…..

فهد رفع وجهها بين كفوفه وعينه بعينها

فهد بخبث/السكوت علامة الرضى
مهره بشهقه /لا
فهد يرفع حاجبه/وليش لا
مهره بخوف /طلبتك

فهد غمض عيونه وسكر على اسنانه

خافت مهره من حركته

مهره بترجى /بس اليله والله

فهد فتح عيونه وطالع فمها اللي يرجف بخوف
بعدها من حظه -

فهد بطولة بال/مهره نامي

مهره دخلت داخل الغطاء تحاول تبعد عنه
فهد تنهد وحط راسها وحاول ينام -
______________________________


تعدل عقد الذهب اللي على صدرها
حاسه بفرح لزواج بنتها وحزن لفراقها

بس اللي مريح بالها ان حصه متزوجه
ولد اختها عادل طيب وحنون بشادة الكل-

دخلت امل بعصبيه -


امل /يومه شوفي ملاك
نهيل بضيقه /شفيك انتي واختك مو وقت هواش تشوفوني مشتغله
امل بحزن /يومه تقول للي لا تلفلفين شعرك نفسي
نهيل بصدمه /ليش وملاك ملفلفه شعرها
امل بحماس/اي يهبل يومه
نهيل/انهبلت البنت ذي

دخلت نهيل عند ملاك شافتها جالسه
ورافعه ساقها الابيض وتلبس الخلخال المطرز

وعليها فستان عنابي ساتان ماسك لتحت الخصر ومنفوخ نفخ بسيط وطوله لتحت الركبه

ونعل عنابي وشعرها الاسود الطويل ملفلفه اطرافه واصل لنص الظهر. ولابسه ربطه عنابي
(طالعه مثل الورده)

نهيل بعجاب/بسم الله ماشاءالله تبارك الله
ملاك تبتسم /شرايك يومه
نهيل/قمر الله يحميك بس يامك ليش ماتبين اختك امل تسوي شعرها مثل شعرك
ملاك بعناد /يومه ماحب احد نفسي
امل/بس انا ابي نفسك
نهيل/عفيه سوي لختك شعرها
ملاك/اف طيب
نهيل/بروح اشوف العروس مابي ازعاج

-طلعت نهيل وملاك لفلفة شعر امل بدون نفس-
________________________
(جناح صقر)

جالس كالعاده على الكنب والاب توب قدامه
على الطاوله ويشتغل بعمق -

طلعت اميره من غرفة النوم وجلست قريبه له
وعينها عليه بتفحص

طالعت حاجبه الاسود كالسهم وعينه كالسيف
وانفه الدقيق وفمه الممتلي وذقنه
الاسود المرسوم رسم

تنهد بتعب حاولت تبعد نظرها منه -

سكر الاب توب وحمله وقف

رفعت راسها تطالع فيه باستغراب

اميره بهدو/وين رايح
صقر بذات الهدوء/كم مره قلت لك ماحب هالجمله
اميره باعتذار /طيب اسفه
صقر برود /رايح اقدم رحلتنا
اميره بصدمه /ليش مانت حاظر عرس بنت عمك
صقر صقر بذات البرود/شي يخصني
اميره بهدو/طيب متى رحلتنا
صقر /اليله بروح اخلص شغل ورجع القاك جاهزه
اميره /طيب

طلع صقر وحصل صبا وشذى بالحوش بفساتين سهره-

اقترب لهم بهيبه وعينه على شذى يبيها تقول له
اخبار عنها اخر مره شافها من فتره فاقدها

صقر بهدو/متى بتروحون للعرس
صبا بفرح/شوي
صقر بتصريف/صبا روحي جيبي للي مويا
صبا برئه /طيب

راحت صبا وصقر اشر لشذى البعيده بمسافه بسيطه

صقر /تعالي
قربت شذى/هلا
صقر /ملاك ماشوفها تجي تلعب معك زي اول
زعلانين من بعض
شذى برئه / لا مو زعلانين بس حتى الشارع ماتطلع خلاص
صقر بستغراب/ليش ؟!
شذى بستعجال / عيب تطلع صارت كبيره
صقر بصدمه/كيف صارت كبيره
شذى بحيا/عيب اعلم

صقر فهم عليها وابتسم بخبث -

جت صبا تمد له الكوب

صبا/تفضل
صقر يطالع فيها /مابي هونت

وراح وخلاها مصدومه من تصرفه -

صبا /هو ماقال جيبي مويا
شذى تضحك/يبي يصرفك
صبا/ليش
شذى /بيسالني عن ملاك
_________________________________
جناح فهد )

فهد صحى وشافها جالسه بالصاله

بجامتها الحرير ب لون الاصفر
وكان الشمس بالجناح اشرقت

حاول يبعد عينه منها

راح لحمام غسل وطلع لغرفة التبديل
لقى ملابسه جاهزه بترتيب

طلع وسكر الباب حست براحه انه ماناقشها-

مهره /اف الحمدلله

راحت تلبس وتجهز لستقبال الظيوف-
———————————
تجهز الضيافه بحماس وفرح
تبي الكل يتكلم عن استقبال عروسة فهد

الجده صيته تكلم الخدم/روحو حطو الحلا والقهوه بمجلس ظيوف

دخلت ام ابراهيم وتطالع بالتجهيزات الفخمه -

ام ابراهيم بغيره/شفيك مشتطه ي عمه
الجده صيته بفرح / لاتلوميني ي فاطمه من فرحتي
ام ابراهيم بستهزا /والعروسه وينها
الجده صيته بحزم / خلي عنك العروس وتعالي ساعدينا
ام ابراهيم /وليش ان شاءالله انا اشتغل وهي خامره بجناحها
الجده صيته بعصبيه/اذلفي ماني فاضيه لك ولا كسرت العصاء على راسك

وترفع عصاها راحت ام ابراهم تفرج على باقي التجهيزات-


بعد صلاة العصر كل نساء القبيله بيت الجدة صيته

يباركون لعروسة شيخ قبيلتهم الكريم بعطاياه
وكريم بالفزعه وافي بوعده -
ام متعب/وين العروس ي ام محمد
الجده صيته /تجي الحين
ام فواز/عساها سنعه اهم شي
الجده صيته بفخر/بنت اخوي اكيد بتصير سنعه
ام ابراهيم/والله ماندري للحين ماشفنا خيرها من شرها
الجده صيته بحزم /مايجي من بنت ابو ماهر شر
ام يوسف بحزم مشابه/الا بالله جاء منها شر هذا ولدي بالسجن له شهر وكله من تحت راس بنت وصايف

الجده صيته بعصبيه/لابالله من طبوعه ماهو من بنت
وصايف ولا رجالن عاقل يهجم على ظيوف عمه وبيته

ام طلال/اخطو بفعلهم بس المده اللي قضوها بالسجن علمتهم
الحدة صيته بمحبه/والله ماهو عاجبني جلستهم بالسجن وانهم مثل عيالي

ام يوسف/كلمي الشيخ فهد يفرج عنهم
ام طلال /والله بعد طلال ماعندي اللي يشيل البيت
الجده صيته /لايهمك الفرج قريب

حسنا ومريم يستمعن بصمت
وام ابراهيم تستمع بتخطيط-

دخلت ام ماهر ومعها مهره

لابسه فستان ابيض ماسك على جسمها ومن عند الظهر شال ابيض طويل وفاتحه شعرها العسلي وحاطه مكياج مبرز ملامحها
ام ماهر ومهره/السلام عليكم
الكل/وعليكم السلام

الجده صيته/هاذي مرت الشيخ فهد تعالي يامك
سلمي ع ظيوفك

جت بانوثه وسلمت بهدو
وعيون الجميع عليها بعجاب واضح

اعتلى ذكر الله عليها ماشاءالله لاله الا الله تبارك الله -

ام ابراهيم طلعت ماقدرت تحمل نضرات اعجابهم فيها

دخلت بغرفة شوق شافتها جالسه بحزن-

ام ابراهيم/شوق ي امك علامك لحالك
شوق/مالي خلق احد
ام ابراهيم/تثقين فيني بجدتك ولالا
شوق/الا اثق فيك
ام ابراهيم/والله ان شاءالله انك ام عياله بس اصبري علي خلي اسوي اللي براسي
شوق بفرح/اكيد ي جده
ام ابراهيم /اكيد وانا جدتك اكيد

شوق حست براحه لانها تعرف جدتها عدل لا نوت على شي صار-
_______________________
انتهى العرس الهادي والحظور المتوسط
الجميع راح بيته -

وصقر واميره سافرو

ونهيل وبناتها حزينات على فرقى
حصه
بس ذي سنة الحياه
________________

دخل جناحه بعد ما مسى على جدته كالعاده-

شاف مهره على السرير نايمه بعمق

قرب لها بعصبيه كيف تنام وماتنتضره

لكن وقفته الدمعه العالقه بين اهدابها وهي نايمه

ياترا مني ولا من شي ثاني-

راح لغرفة التبديل
شاف الروب والبجامه مجهزه بترتيب

اخذ روبه وراح للحمام ياخذ شاور

بعد ماخلص طلع والبس بجامته وراح لسرير
شافها على وضعها اقترب من شفايفها بتشهي

بس تراجع بهدو استرخاء ونضره عليها
حاول يبعده منها بس يرجع يناضر فيها

تنهد بصوت غير مسموع /اه ياليت رجلي ماراحت لبيتهم وليت عيني ماشافتها

حط راسه ونام بعد صراع-
________________________________
تجهز الفطور بترتيب عميق
للعرسان

حصه تدخل وتبتسم وهي تشوف امها تجهز لهم الفطور

حصه/صباح الخير
نهيل تبتسم/صباح النور ياحلى عروس
حصه/وش اللي تسوينه يايمه
نهيل بفرح/اجهز لكم الفطور
حصه تلفت يمين ويسار /وين ملاك وامل مايساعدنك
نهيل/نايمات تعبنات بعد العرس البارح
حصه تضحك/ي حلوهن رقصن
نهيل/الا كسرن الرقص
حصه/ههههه

دخلت ملاك على صوت ضحكاتهم بجامتها الناعمه

ملاك بطولة لسان/حصوص جت
حصه بعصبيه /حصوص بعينك
ملاك تضحك /هههه خلاص حصه
حصه/اي لايسمعك عادل
ملاك تاخذ من الخيار اللي مجهزته نهيل بترتيب على الطاوله وتاكل منه
ملاك /عادل للحين وجهه شين ماتغير
حصه تطالع امها /يومه تسمعين بنتك اللي ماتستحي

نهيل تضحك وتضرب يد ملاك اللي فيها خياره

نهيل /ملاك عيب
ملاك تبتسم/وانا الصادقه
حصه بخبث/ماعليك مو احلى من صقر
ملاك تكشر/وش دخل صقر
حصه تبتسم /زوج المستقبل
ملاك بعصبيه/ماراح اتزوجه اصلا
حصه تضحك/ نشوف اجل منو اللي بتاخذين ويصير احلى من عادل
ملاك بزعل /اصلا حتى صقر الشايب احسن من عادل
حصه ونهيل/ههههههههه

اخذت خياره ثانيه وحطتها بفمها بعصبيه

نهيل /اتركي فطور العرسان
ملاك/ليش حنا مالنا فطور
حصه /وليش ماتحطين لك فطور
ملاك /وانتي ليش ماجهزتي فطوركم ليش امي تجهزه
نهيل /حتى انتي لاصرتي عروس اجهز فطورك

طلعت من المطبخ بعصبيه

نهيل وحصه /ههههههههههه
_________________________
صحى من النوم شافها مجهزه الفطور وجالسه تنتضره

لابسه بجامه قطن ورديه وحاطه روج وردي وبلشر وردي

راح لحمام غسل وجاء جلس
وعينه تطالعها بعجاب وحب

فهد بهدو /مهره
مهره ترفع عينها وترد بهدو/سم
ذبحته نظرتها فهد/ اهلك ماعلموك الاصول
طالعته مصدومه/وش سويت
فهد /اجي والقاك مكبره المخده ونايمه
مهره بصدق/والله كنت جالسه انتضرك ماحسيت اني نمت
فهد بحزم/المره ذي بعديها لك بمزاجي المره الجايه تحملي عقابك
مهره/حاظر

حطت عنده الحليب و بدو يفطرون بصمت
خلص وقام غسل
وراح لغرفة التبديل لبس ثوبه وشماغه وطلع من الجناح بصمت -

مهره بهدو / ياربي كيف بتعامل معه ومع نفسيته

قامت وبدلت لبسها ولبست جلابيه قطن ناعمه
وفوقها الشال وخذت الفطور وطلعت

شوق كانت بالمطبخ تفطر شافت مهره جايه وبيدها صينيه

شوق بخباثه /غسلي صحونك
مهره بهدو/ان شاءالله

نزلت شالها تحت انظار شوق المقهوره
وغسلت صحون بصمت

شوق/مرتاحه مع فهد
مهره تطالعه بصدمه/ وانتي وش عليك مرتاحه ولالا
قامت وقربت منها شوق/كيف وش علي وانا خطيبته واحبه ويحبني
مهره بستغراب/وليش ماتزوجك
شوق بخباثه /يعاقبني وخذاك ومرده للي

طلعت بهدو وخلت مهره المصدومه-

لبست شالها بعصبيه وراحت جناحها

مهره بعصبيه/انا اقول شفيه علي يعاملني كذا طلع اخذني عشان يعاقب غيري هين ي فهد هين

وجلست تبكي بقهر -

طق
طق
نوف /منو
ماهر/انا انا
فتحت نوف /هلا
ماهر بدموع/وين مهره
نوف /بجناحها شفيك

راح ماهر يركض ويطق جناح مهره بقوه

مهره قامت مفزوعه مسحت دموعها وفتحت الباب انصدمت من دموع ماهر

مهره تمسك كتوفه/ماهر شفيك
ماهر بدموع /ابوي بيموت
مهره بصدمه /انت وش تقول
ماهر /ابوي تعبان حيل
مهره/انتضرني بلبس وروح معك

مهره البست عباتها وطلعت من جناحها
شافت ام ابراهيم ونوف واقفات بالحوش

ام ابراهيم/وين رايحه ي بنت

مهره ماردت عليها طلعت وسكرت الباب

ام ابراهيم /والله لو يدري فهد لغير يذبحها
نوف/فهد مايخليني انا وشوق نطلع بالشارع وهي عادي تطلع
ام ابراهيم /مادرا عنها انا اللي بخلي يدري

راحت البست عباتها وطلعت -




تحياتي (شغف)—
إضافة رد
راح ماقال الوداع 02:18 PM 22-02-22
رواية ريح المطر

للكاتبة (شغف)

ادعو(لوالدي بالرحمه والمغفره)
:
:
:
:
:
:
:
:
:

لقيت في سود الليالي مضره.
كم كلمه ولت وراحت ولا جت-




&-/البارت الثاني عشر/-&

جالسه تذكر وش الموجود بزواج صقر
وتكتب وش تحتاج بزواجها -

وام صالح تحاول تقنعها ان المظاهر مو كل شي -

ام صالح /وفا يامك الخساير مالها داعي
وفا/يومه ابي الكل يتكلم عن زواجي مثل زواج صقر
ام صالح/بس ظروف مازن مو مثل ظروف صقر
وفاء/مو شغلي ابي عرس فخم يعني عرس فخم
ام صالح/ انهبلتي ي بنت امه تقول والله ان راتبه كله يروح على الديون عشان عرسه
وفاء/امه تكذب بس عشان تبيك تقولين خذو بنتي بدون عرس
هدى /عيب ي وفا عرس وبيسوي عرس حالك من حال البنات
وفاء/لا مابي اي عرس ابي عرس مثل عرس صقر واميره
هدى /شوفي عرس حصه حلو وهادي
وفاء بغرور /وانا تقارنيني باميره
هدى /وتقارنين مازن بصقر

-قامت وفاء بزعل وراحت غرفتها -

ام صالح /الله يعين مازن عليها
هدى /ويعينا على ولدك صقر وملاك
ام صالح بسائل /مافتح موضوع ملاك ابد توقعين هون
هدى بستغراب/هون عن وش
ام صالح /عن ملاك
هدى تضحك/هههه الله يهديك يايومه ماكنك مربيته وعارفتن طبعه
ام صالح /وش تقصدين
هدى/البنت بذمته وضامنها ولد ابوه
ام صالح تبتسم/والله مالومه فيها
هدى تبتسم/ اي والله ماشاءالله عليها
ام صالح/بس مرته تهقين ترضى
هدى/راضيه قبل تاخذه
ام صالح /الله يصلح الاحوال
هدى /اللهم امين

_____________________________________
واقفه تنادي تبي احد يوصل له ان مرته طلعت من غير علمه شافت الولد يمشي رايح للبقاله -

ام ابراهيم/يولد تعال
الولد /هلا خاله
ام ابراهيم /تعرف مجلس الشيخ فهد
الولد/اي اعرفه امري
ام ابراهيم /راح له وقل له مهره مرتك راحت لبيت اهلها على رجليها
الولد/بس اذا كذبت بيذبحني
ام ابراهيم تمد له فلوس/لا يامك مو ذابحك الا بيشكرك انك علمته
الولد/ابشري

وراح الولد وهي وقفت بفخر وبحقد -

ام ابراهيم/تو مابدت الحرب ي بنت وصايف اجل تحرقين قلب بنيتي والله لاحرق قلبك

__________________________

اجتماع كبار القبيله لدرس المشروع القادم لديرتهم-

فهد/المشروع ذا اشوفه ناجح ولا شرايكم
ابو فواز /والله باذن الله انه ناجح
ابو عبدالله/انا اقول انتضرو شوي لاتستعجلون في مشاريع احسن منه
ابو ابراهيم/لا ذا مشروعن مبارك اتكل على الله وانا عمك

فهد يستمع لرايهم بصمت -

الكل قال رايه والاغلبيه رايهم من راي ابو ابراهيم

فهد /اجل على بركة الله

الولد دخل /السلام عليكم
الكل /عليكم السلام
الولد /الشيخ فهد ابي اكلمك شوي
فهد بستغراب /قول وش تبي
الولد /اممم مرتك

فهد وقف بعصبيه والولد سكت بخوف

فهد /تعال وراي

راح وراه والكل مستغرب من دخول الولد ومن كلامه-

فهد وعيونه يطلع منها شرار/وش قلت
الولد بخوف/مرتك مهره
فهد بستغراب/شفيها
الولد مازال بخوفه /راحت بيت اهلها على رجولها
فهد بعصبيه /انت وش تقول ي ولد
الولد /والله وروح تاكد بعد انا جيت اعلمك بس

-فهد ركب سيارته بشر وتمنى ان الولد غلطان خايف عليها من شره-

دخل البيت بعصبيه وراح لجناحه -

جالسات بالحوش وصدمهم دخوله الثاير-

الجده صيته بخوف /بسم الله شفيه
حسناء بستغراب /حتى ماسلم
الجده صيته تقوم/عساء مابه شي
مريم بهدو /مافي الا العافيه راح لمرته
ام ابراهيم بذات الهدو /مرته ماهي بالبيت
الجده صيته بصدمه/اجل وينها
ام ابراهيم/شفتها راحت مع اخوها

-طلع من الجناح بعصبيه وصدره يرتفع وينزل بعصبيه وعيونه تقدح شرار -

فهد /وينها
الجده صيته /اهد يامك
فهد بصراخ/قلت وينها
ام ابراهيم/راحت مع اخوها

طلع من البيت ناوي عليها -

الجده صيته بخوف /يالله سترك يارب عساه مايذبح البنت
ام ابراهيم اللي تقهوا برود /خلي يذبحها
الجده صيته طالعتها بعصبيه /انتي ماتخافين ربك
ام ابراهيم تنزل الفنجال /ليش انا اللي قلت لها اطلعي بدون شور رجالك
حسناء بخوف/مو وقته ي ام ابراهيم

الجده واقفه بخوف وتدعي ربها يستر من فهد -

______________________

جالسه عند راس ابوها وتمسح على شعره
وكانت هاذي بداية معانتها مع فهد -

مهره بدموع/سلامتك ي الغالي
ابو ماهر/لاتبكين يابوك
مهره /اذا مابكيتك ابكي منو
ام ماهر تبكي/خلاص ي مهره لا تزيدينه

صوت الباب اعتلى -

طق
طق
طق

ام ماهر/ياساتر من كسر بابنا
مهره /يمكن احد بيسلم على ابوي

-ام ماهر تلبس عباتها وتفتح الباب -

ام ماهر بحب /ياهلا بالشيخ فهد حياك الله يامك اقلط
فهد بعصبيه/وين مهره
ام ماهر بستغراب/داخل عند ابوها
فهد مازال بعصبيته /خلي تلبس عباتها وتجي
ام ماهر بستفسار /عسى ماشر يامك
فهد /ماعلمتي بنتك على الاصول وجاي انا بعلمها
ام ماهر/افا وش مسويه بنتي
فهد بتهديد /ناديها لادخل واذبحها عند ابوها

-ام ماهر دخلت شافتها جالسه تقرا على ابوها النايم قربت لمهره وهمست لها-

ام ماهر بخوف /مهره قومي رجالك عند الباب معصب
مهره بخوف /ليش وش فيه
ام ماهر/مدري قومي لايشوفه ابوك ويتعب زياده

-قامت مهره لبست عباتها وطلعت-

-شافته جالس بسيارته ركبت بدون صوت وهو حرك السياره والشر واضح عليه -
____________________

سهرها وتعبها ماراح خساره
وجابت النسبه اللي تمنت

دخلت وشافت امها جالسه والقهوه قدامها وعينها على بالتلفزيون-

ملاك بفرح/يومه نجحنا
نهيل تبتسم/ الحمدلله عسا مبروك
امل فرح /نسبتي91
ملاك بغرور/انا 99 الاولى على الصف
نهيل /ماشاءالله تبارك الله شاطرات بناتي
والحين ياامل تروحين لثانوي
امل تبتسم/اي يومه
ملاك/وانا ثالث متوسط
نهيل بغصه /الحمدلله
امل /جيعانه يومه
نهيل/روحن بدلن بجهز الغدا ابوكم ومازن على وصول وعشان يعطونكم نجاحه

-راحت ملاك وامل يبدل قبل وصول ابوهم عشان ياخذن نجاحه منه-

ونهيل وقفت بحزن والم -

نهيل بهمس /اه ماودي تكبرين ودي تبقين بحظني وقدام عيني

دخل مازن وابوه -

ابو ماجد /السلام عليكم
نهيل/عليكم السلام
مازن يسلم ع راس امه/شلونك يايمه
نهيل/طيبه الحمدلله
ابو ماجد /البنات جن
نهيل تبتسم/اي وناجحات
مازن /يووه الحين ينشبن للي يبن النجاحه
نهيل /وليش ماتعطيهن فرحهن عشان ربك يفرحك
مازن /مامعي شي والله يايمه
ابو ماجد/انت كيف بتصرف على المره
نهيل/لا وفا بعد والله ماترحمك
مازن يضحك/اطلقها
ابو ماجد/انت ماتستحي
مازن /شفيك الله يهديك امزح
ابو ماجد/لو سمعك عيال عمك ولا ابوهم ماهو دارين انك تمزح
مازن /عشان يعطوني فلوس اصرف بنتهم يخافون اطلقها
نهيل تضحك/ههههه ماقصرت هذا انت كل يوم تشخذ صقر
مازن /والله انه مطنوخ ماعمري دقيت عليه الا يحول
ابو ماجد /بس يابوك عيب كل يوم تطلبه الرجال متزوج وماهو فاضي لك
نهيل/اي يصرف ست الحسن والجمال
ابو ماجد/لاحول الله

جت ملاك وامل وكل وحده معها شهادتها

ملاك/يوبه البشاره نجحنا
ابو ماجد/ههههه ماشاءالله ابشرن بالبشاره

طلع من مخباته اللي قدر عليه وعطاء كل وحده
حبن راسه بقناعه مهما كان قليل -

ملاك وعينها على مازل وبطولة لسان -

ملاك/وانت وين نجاحتنا
مازن/لا تخرجتي
ملاك بخبث /امل متخرجه يلا عطها
مازن بضحك /هيب ي لسانها
ابو ماجد بخوف /اذكر الله
مازن بمرح/ماشاءالله على للسان ملاك الطويل
نهيل/هههههههه
ملاك /اقول جيب نجاحتي
مازن بخبث/مامعي اصبري لين يجي صقر من شهر العسل اخذ منه واعطيك

ملاك حست بغصه شهر عسل راحت للغرفه بصمت -

نهيل بعصبيه /انت متى تعقل
مازن بصدمه /راحت بدون طولك لسان
نهيل/ من كلامك
ابو ماجد /خلاص يامره روحي حطي غدانا

نهيل قامت بزعل وراحت للمطبخ -

نهيل/امل نادي لختك تغدا
امل/طيب
___________________________________

وقف السياره عند البيت ونزل بعصبيه وراح
لها وفتح الباب وسحبها مع يدها وراه

دخل والجده صيته واقفه بوجهه

الجده صيته بترجي/تكفى يولد عقاب تتركها
فهد بتوعد/ واللي خذا عقاب وهو اغلا الخلايق ماتركها لين اشوف دمها

مهره زادت شهقاتها بخوف ورعب
سحبها وراح جناحه

والجده وراه وترجا فيه لعل يسمع لها

دخلها وسكر الباب سحب نقابها وطرحتها بيد وحده وصفعها على وجهها بيده الثانيه من قو الصفعه طاحت على الارض نزل عقاله من على راسه
وضرب فيها من كل جهه

مهره حست بالم بكل جسمها الانوثي وكل ضربه منه اقوا بنسبه لها من الثانيه تمنت لو انها مازالت طفله ولا عرفت فهد

عباتها وجلابيتها ارتفعن على فخوذها الناعمه
فهد من العصبيه مارحم نعومتها وانوثتها

صوت صراخها بين شهقاتها ودموعها ملا المكان-

مهره /لاااااااااا تكفى لااااااااا
فهد بعصبيه حاره /اجل تطلعين لشارع والله لاذبحك والله
مهره/ اه تكفى والله ماطلع اه والله اه لااااااا تكفى

الجده صيته تطق الباب برعب /فهد يافهد لاتذبح البنت حرام عليك ياولد
حسنا /ياربي سترك ياربي
مريم /ذبحهاا اختفى صوتها
ام ابراهيم رايقه/ موت الكلاب
حسنا تطالع فيها مصدومه/يامره حرام عليك
ام ابراهيم /اسكتي انتي

فتح الباب بعد وقت وطلع ونفاسه الحاره سريعه وصدره يرتفع وينزل من العصبيه
وشماغه وعقاله ببيده

ركب سيارته ومشى

الجده صيته تدخل عليها لقتها طايحه فاقده الوعي وملابسها مرتفعه عن فخوذها المزرقه من الضرب وشعرها منثور بالارض

راحت لها تركض وغطت ملابسها جلست عند راسها ورفعته بين يديها

الجده صيته /مريم مريم

دخلن مفجوعات من صراخ الجده
ونصدمن من منظر مهره توقعن انها ماتت

الجده صيته تاشر على الطاوله /جيبي الماء بسرعه
جابت الماء وعطته الجده مريم /جده ماتت
الجده صيته / مات حظك قولي امين اذلفن برا اذلفن

طلعن بخوف -
ام ابراهيم/والله ماحسبه بيذبحها
حسنا/مايخاف ربه
مريم /خل نروح داخل لايجي يشوفنا ويذبحنا
ام ابراهيم/اي والله

_______________________________

جالسه بالحوش وتطالع السماء وتحاول تعد النحوم
وتذكر كلام مازن (رايح شهر العسل

ملاك/رايح شهر العسل ومستانس لازم اقول لابوي يخلي يطلقني _تنهدت _

بس البنات بيقولون مطلقه اف ياربي وش اسوي بس امي تقول ماحد يدري اني ملكه يعني لاطلقني ماراح احد يدري
اي ماحد يدري _وقفت _

دخلت الصاله شافت ابوها جالس ع التفزيون وبيده الريموت وامها تقهوا شاي

ملاك بتردد/يوبه
ابو ماجد بحنيه /هلا يابوك
ملاك مازالت متردده /بكلمك
ابوماجد /تعالي
جلست قريبه منه ملاك/يوبه ابي صقر يطلقني

ابو ماجد انصدم وطالع بنهيل اللي طالت بنتها مصدومه

نهيل/شفيك يامك
ملاك/مافيني شي بس ابي يطلقني
ابو ماجد/هو بعده ماتزوجك عشان يطلقك
ملاك /يوبه مابيه
ابو ماجد /توك يابوك على الكلام ذا
ملاك /يوبه لاتغصبني ترا ربي يحاسبك
ابو ماجد بحنيه/يابنتي والله لتدعين للي اني زوجتك صقر
ملاك /اخاف ادعي عليك
نهيل بعصبيه/عيب ي بنت
ابو ماجد /خليها ي نهيل
ملاك /يوبه مابي اتزوج
ابو ماجد/الزواج بتزوجين حالك حال البنات لاكن وانا ابوك رجال عن رجال يفرق صقر الكل يتمناه لبنته راعي صلاه وراعي مال ودكتور وانا ابوك مايعيبه شي

ملاك/اكبر مني ومتزوج
ابو ماحد /يابوك الرجال صبر وانتضرك تكبرين شاريك
و زواج هو ماراح يخطب ابو البنت زوجه قدام الرجال واستحى لايرده
نهيل/يقدر يرده ويقول انا متزوج
ابوماجد/قولي كلمتن زينه ولا اسكتي
نهيل /اقول كلمة الحق اسمعي يامك ابوك وخوك ماهو مطلقينك منه الا بيسحبونك له
ابو ماجد بعصبيه/انتي انهبلتي
نهيل/هذا الصدق لاكن انتي اكبري وتخرجي واتطلقين منه غصبن عليه

_قامت ملاك وراحت غرفتها_

ابو ماجد /انتي علامك بدال ماتنصحينها وتعقلينها
نهيل/انصحها تاخذ واحد متزوج
ابو ماجد يقوم/والله اني خايف هو يهون عنها وماهي اخذه مثله
نهيل بصدمه /ليش هو قاله
ابو ماجد/ماقال بس تزوج وخاف يهون

_نهيل حست بضيقه يهون عن ملاك _
_____________________________________

بعد مرور وقت صحت بتعب وكل جسمها يوجعها

مهره بحه /يومه
الجده صيته بحنان /هاه يامك انا عندك
مهره تبكي/ابي امي
الجده صيته تميح دموعها /لاتبكين يامك
مهره تحاول تجلس/اه جسمي مكسر
الجده صيته بوعد/خلك يامك والله لاخذ حقك منه
مهره تطالع السرير /كيف جيت هنا
الجده صيته /انا والخدامه شلناك وحطيناك بسريرك
مهره تبكي/كان بيذبحني
الجده صيته/يخسي مايذبحك

منو اللي يخسي

لفت وشافته وراها ووقفت

_وملاك بكت بخوف_

الجده صيته/انت
فهد/يومه اطلعي منها انتي
الجده صيته بعصبيه /ماني طالعه منها ي ولد عقاب
فهد بذات العصبيه /يومه لاتحدين على شين مايرضيك
الجده صيته/وش بتسوي بطلقها يلا طلقها وريحها
فهد عصب زياده/متى مانويت اطلق طلقت وماحدن له دخل
الجده صيته/دامك مانت قد الامانه ليش خذتها من حظن امها
طالع بمهره اللي تبكي بشهقات مكتومه-

فهد بحزم/ هي اخطت واخذت جزاها
الجده صيته/وش الخطاء اللي يخليك تذبحها بالضرب لانها راحت بيت ابوها
فهد بنفعال /تروح بيت ابوها من دون علمي وعلى رجولها وتقطع الشوارع
الجده صيته/انا مدري ليش هي طلعت من غير علمك مامداني انشدها وعرف عذرها
فهد وعيونه على مهره /مالها عذر يايمه
الجده صيته/ انت ماعطيتها فرصه تكلم
فهد /مابي اسمع منها شي

-راح لغرفة التبديل-

جلست الجده قريب منها/ليش يامك طلعتي بدون علمه وعلمي
ملاك بدموع/ياجده جاني ماهر يطق الباب ويصيح يقول ابوي بيموت وانا من الخوف رحت معه ونسيت لاقول لك ولا له
الجده صيته بهتمام /ليش اخوي وش فيه
مهره بكت/تعبان يجده تعبان

-طلع فهد لابس بجامته وسمع اخر كلمه بصوتها الحزين-

الجده صيته تطالع فيه/البنت رايحه لابوها تعبان
فهد برود / ماهو عذر
الجده صيته/ماكفاك ضربك فيها

فهد استرخاء على السرير قريب من مهره تحت انظار جدته

فهد بهدو /بنام مابي ازعاج-

الجده صيته توقف /تروحين تنامين عندي
طالع جدته بعيون تقدح شرار فهد /تنام مكانها
الجده صيته/حلفتك بالله ي فهد تخاف الله فيها
فهد/تصبحين على خيرر

-طلعت الجدة وسكرت الباب وهي خايفه على مهره-

طالعها فهد/لو مافقدتي الوعي كان ذبحتك
مهره / الحين واعيه تقدر تذبحني

انصدم من كلامها قرب لها وسحب شعرها

فهد بين اسنانه /مابي اسمع صوتك فاهمه

-مهره حطيت يديها على وجهها وبكت بصوت عالي -

فهد ماتحمل صوتها تبكي سحب جسمها الضعيف وحضنها بين يديه وجهها على صدره
وانفاسه الحاره عند اذونها

مر وقت عليها تبكي وصدره امتلا بدموعها
حس انها ارتخت وهدت عرف انها نامت

رفع وجها المليان بدموع وباس عيونها
بحنان ورجع حظنها ونام-
___________





تحياتي (شغف)
إضافة رد
راح ماقال الوداع 03:05 AM 23-02-22
رواية ريح المطر

للكتابة (شغف )

دعواتكم (لوالدي بالرحمه والمغفره )




&-/البارت الثالث عشر/-&


توسد الغيم يا احساسي النادر
مكانك الغيم دون الغيم لاترضى-




امتلت السماء بالغيوم ورتوت الارض مطراً

صحت على صوت الرعد مفجوعه-

ملاك بخوف/امل امل
امل بنوم/هاه
ملاك /قومي صوت الرعد يخوف
امل تفتح عيونها بفرح/مطر
ملاك ببتسامه/اي ورعد يلا قومي بنروح نقول لابوي يطلعنا

قامت امل وملاك طلعت شافت امها تسبح وتهلل

نهيل بهدو/صحيتي
ملاك بذات الهدو/صحاني صوت الرعد
نهيل/صوت رحمه
ملاك بخوف /يومه يخوف
نهيل بحنيه /ادعي يامك ترا الدعاء مستجاب بالمطر
ملاك برئه/حتى لو ادعي الزمن يرجع وماتزوجت صقر
نهيل بغصه/يامك اللي راح مايرجع لاكن ادعي لايامك الجايه
ملاك بخبث/بدعي عليه يموت بالسفر
نهيل ببتسامه/لا يامك مايجوز ادعي ان ربي يكتب لك الخير

ملاك قامت فتحت الشباك وعيونها على الارض الممتلئه بالماء ورفعت عينها لسماء الممتلئه بالغيم ودعت ربها بخفيه-
______________________________

طفت الكهرباء وطلعت بالمطر وقلبها مشغول على مهره
شافت الارض كيف غرقانه وصوت الهواء والرعد المخيف-

الجدة صيته ترفع راسها لسمها/اللهم اجعلها سقي رحمه اللهم اهدي احوال المسلمين وهدي ولدي فهد ياكريم

ام ابراهيم شافتها وراحت لها /ياعمه وش مطلعك بالبرد
الجده صيته مازالت تطالع السماء/اطلب الله
ام ابراهيم /اطلبيه داخل مو بالبرد لاتمرضين
الجده صيته بحزن /مدري وش صار عليها
ام ابراهيم بستفسار/هو رجع البارح وش قال لها
الجده صيته كانها تحادث نفسها/ماقال شي بس عيونه تقول
ام ابراهيم بستغراب /وعيونه وش تقول
الجده صيته/تقول انه يحبها
ام ابراهيم بعصبيه/حبها برص
الجده صيته طالعتها بصدمه/وش تقولين
ام ابراهيم بخوف/هاه اقول الله يهديه لها

دخلت والجده وقفت مصدومه -


فتحت عينها شافت الظلام الا من ضوء الشباك الخافت عقدت حواجبها من ريحت عطره القريبه حيل منها حاولت تقوم بس حست انها مثبته لفه وجهها وصدم بصدره -

حس فيها تحرك بين احضانه وثبتها اكثر وانفه على شعرها سمع همسها-

مهره بهمس/بقوم
فهد بذات الهمس/خليك نايمه شوي
مهره بالم/اوجعتني
فهد بحنيه/وش اللي يوجعك
مهره بزعل /كل جسمي

فهد دق قلبه من صوتها الزعلان -
حط يده على ذقنها ورفع وجهها الجميل لوجهه الوسيم
وحط عينه بعينها وانفه على انفها-

فهد بحه /اداويك
مهره بهمس /الي يكسر مايجبر
فهد بذات الهمس/ زين جت على الكسر مو على الذبح
مهره بصدمه/ليش وانت ناوي تذبحني
فهد يحرك انفه على انفها بهدو /والله كل شي حاصل
مهره بزعل /رجعني بيت ابوي

فهد نزل يده على فخذها و قرصها بقووووه
وعينه مازالت بعينها وانفه مازال على انفها و نفاسه الحاره تلفح وجهها -

مهره حطيت يدها على يده وحاولت تفك فخذها بكت بالم وصرخت بين شهقاتها -

مهره /اي اي لااااا تكفى تكفى لاااا
فهد بين اسنانه /اجل تبين بيت ابوك
مهره بدموع والم /فكني تكفى اي
فهد بعصبيه /اسالك تبين بيت ابوك
مهره بخوف/لالا ابيك انت

فهد هنيه ذاب من كلمتها شال يده من فخذها
وحط شفايفه على شفايفها وباسها بقسوه -

ارتخت له بدموع ويدها على مكان قرصت يده

حس انها ارتخت له بعد شفايفه من شفايفها و طالع بعيونها المليانه دموع ونزل عينه على شفايفها المجروحه
طلع لسانه ومسح على شفايفه وبلع ريقه
تحت انظارها المرعوبه وتحت صوت الرعد المخيف-

فهد بحه رجوليه/راضيه
مهره بدموع/ مستحيل
فهد بصدمه/وش المستحيل

مهره تبعد وجهها عن وجهه للجهه الثانيه بصمت-

فهد بعصبيه لف وجهها لوجهه/اسمعيني ي بنت ناصر حقي باخذه برضاك ولا بعدم رضاك

مهره بالم/بس جسمي مكسر
فهد بحزم / بخليك اليوم بمزاجي بس اعرفي ان بغيت حقي باخذه بدون شورك فاهمه
مهره تنزل عيونها/……
فهد برجوله /فاهمه
مهره باستسلام /فاهمه
باسها على خدها بهدو واخذ جواله شغل الضو وراح للحمام -

مهره تحط وجهها على المخده وتبكي بالم-

طلع شافها متغطيه كامل بفراشها
لبس وطلع بصمت -
______________________________

كانت جالسه بالحوش بعد ماهدا المطر
وفاقده حس ام مهند مثل كل سنه من تبدا
الاجازة يسافرون لديرة اهل ابو مهند
اللي تبعد عنهم 3ساعات

سمعت صوت اذان المغرب وكبرت وراه-

ام صالح/الله اكبر الله اكبر لاله الا الله

دخل صقر حامل بيده شنطة الملابس الصغيره-

طالعت فيه بصدمه وبتسال وين مرته ماكانو بشهر العسل مسرع يجون-

قرب منها وحب على راسها
صقر بهدو/مسا الخير
ام صالح تطالع فيه /مسا النور
صقر بتسال /وش موقفك برا بالبرد
ام صالح /وين مرتك
صقر برود/بيت اهلها
ام صالح بصدمه/ليش عسى ماشر
صقر /ماشر بس صار عندي شغل ضروري ورجعنا وهي قالت بتجلس عند اهلها
ام صالح بعدم تصديق/اكيد يا صقر مانت مزعل البنت
صقر بهدو / يا ام صالح اللي بيزعل من كيفه يرضى بكيفه
ام صالح بضيقه/وش اللي مزعلها
صقر برود/اساليها لاتساليني والحين ارخصيني بروح اريح وراي شغل

وراح وهي وقفت بضيقه على حال ولدها

ام صالح /ياربي ليش مو متوفق من بين اخوانه وكاد الولد محسود
______________________________

على العشاء الكل جالس وياكل بصمت كسرت الصمت بلسانها الطويل

ملاك /حصوص متى بتجي
نهيل بعصبيه/عيب اختك الكبيره ناديها باسمها
ملاك /وانا وش ناديتها في بسم زوجها عادل الاصلع
مازن بضحك/ههههههه اشوف طالع له شعر شكله مسوي زراعه
ملاك بستغراب /خابرته اصلع كيف صار له شعر
مازن يضحك/يوم كان صغير الحين لا
نهيل تطالع بملاك/وانتي وش دخلك اصلع ولا ماهو اصله زوجك ولا زوجها
ملاك تكشر /وع لو كان زوجي انتحرت
مازن بخبث/نفهم انك لو مانتي راضيه ب صقر كان انتحرتي
ملاك بخبث /تدري لاتزوجت صقر وش اول شي اسويه
مازن بستغراب /وش تسوين
ملاك بلعانه /اخلي يقطع عنك الصدقات
نهيل بضحك/هههههه تستاهل
مازن بعصبيه /اول شي ياملاكوووه انا ماخذ صدقه انا اخذ منه سلف وثاني شي ماهو شغلك
نهيل /ومتى بتسدده ان شاءالله
مازن /قريب
ملاك بضحك /يبي لك قرض ثاني عشان تسدده

مازن وقف بعصبيه وطلع -

نهيل بضحك/ههههههه انتي خبيثه
ملاك بضحك /هو اللي بدا بالخباثه
________________________

قامت بصعوبه وراحت الحمام نزلت ملابسها بتاخذ شاور انصدمت بجسمها المزرق من كل جهه-

نزلت دمعتها بالم مهره/اكرهه اكرهه

اخذت شاور دافي ولبست روبها وطلعت للجناح
سمعت صوت طق هادي على الباب -

مهره بتسال/منو
الجده بصوت حنون /انا يامك
مهره بحب /بس دقايق يومه بالبس

لبست لها قميص قطن ناعم بكمام قصيره
ولمة شعرها المبلول بربطه وطلعت تفتح الباب

الجدة صيته واقفه عند الباب تنتضرها تفتح تبي تطمن عليها قلبها مشغول ماطلعت اليوم كله من جناحها-

فتحت الباب ودخلت الجده وهي تطالع فيها بتفحص جلست وجلستها قريبه منها
وشافت اثر العقال على كتفها المزرق وعلامه عند شفايفها -
الجده صيته بحنان /شلونك يامك
مهره بذات الحنان /زينه الحمدلله
الجده صيته بخوف/وش فيه فمك امس ماكان في شي
مهره بحرج /مدري يمكن نامس
الجده صيته /قولي الصدق لايكون عاد يضربك
مهره تبتسم /لو ضربني قلت لك تاخذين حقي
الجده صيته بحزم /اي والله لاخذه وماني ساكته عن عملته فيك امس
مهره بحه/انا اخطيت ياجدتي واخذت جزاي
الجده صيته بحنيه /اخذتي فوق جزاك واذا هو على كل خطاء بيحملك اكثر. كذا بيذبحك
مهره تنزل راسها /يمكن اذبح اريح من الضرب
الجده صيته بخوف/لا يامك لاتقولين كذا ماعاد يضربك باذن الله انا اعلمه يكف يده عنك
مهره تطالع فيها بترجي /ابي اتطمن على ابوي مادري وش صار عليه حتى جوال ماعندي
الجده صيته /ابشري خلي يجي واعلمه يوديك لابوك تشوفينه ويجيب لك جوال

قامت مهره وحبت على راس جدتها

مهره رجعت تجلس /الله يخليك للي
الجده صيته بحب /ويخليك للي ي بنت الغالي


دخل بيت جدته يبي يمسي عليها كالعاده

فهد /احم احم
……مافي رد
فهد /يومه احم

طلعت على صوته مشتاقة لشوفة ولوسامته
لابسه شال طويل ومتلثمه-
شوق بحب /امر
فهد طالعه /وين امي
شوق تطالع بعيونه بجرائه /فهد
فهد مصدوم من نظراتها/نعم
شوق بحزن /انا احبك

كانه انكب عليه ما حار وحرقت جسمه الغاضب بشده من جرائتها -

قرب منها وشدها مع يدها بعصبيه
وهي صرخت بخوف والم

فهد يقدح شرار/انتي ما تربيتي يابنت عمي لاكن انا اللي بربيك
شوق تصارخ/يومه يومه

صفعها على وجهها من قو الصفعه انفكت لثمتها وطاح الشال

وبانت ملامحها الهادئه عيونها الوساع وانفها الصغير. وشفايفها البارزه وبشرتها السمرا وشعرها القصير الاسود وجسمها المليان شوي وقصيره
عليها قميص قطن طويل جمالها هادي

لو قارن بينها وبين مهره فرق كبير مهره جمالها طاغي
وطولها فاتن وجسمها متناسق كله انوثه-

دخلت ام ابراهيم ومريم على صوتها وانصدمن
كان ماسكها مع كتفها ويهزها بقوه

فهد بعصبيه زايده/واضح انك متعوده على الكلام ذا من قلتيه له بعد
شوق بصراخ/لاوالله لاااااااا اي
فهد بذات العصبيه ويهز كتفها /تكلمي اقول

ام ابراهيم برعب /فكها يافهد فكها
فهد بتهديد /والله لاذبحها والله

طاح فيها طق بدون رحمه

دخلت الجده صيته ومعها مهره من صوت صراخ فهد الثاير وصوت صراخ شوق العالي

وقفت مصدومه ماسك شوق مع شعرها وهي كاشفه عنده حتى جسمها واضح وجالس يصارخ عليها
طلع كلام شوق صحيح بينهم علاقه واخذاني عشان
يادبها حست بغثيان من الفكره -

جت صيته وحاولت تفك شوق منه بعصبيه
ام ابراهيم ومريم يسحبن شوق اللي تصارخ بخوف والم

الجده صيته بعصبيه/اتركها ي فهد اتركها
فهد بذات العصبيه /خليني اربيها واعلمها الحيا
الجده صيته بترجي /طلبتك طلبه فكها
شوق بصراخ/ااااااااي ااااااااااي يومه ااااااي

دفها على ام ابراهيم وصرخ بصوت عالي-

فهد /والله وخالق خلقه ان شفتها طالعه مع الباب لاذبحها ورمي لحمها للكلاب
ام ابراهيم بخوف /ليش هي وش سويت يومك تضربها
فهد ومازال ثاير/اساليها عن قلة حياها

راح للباب يبي يطلع وصدم بنضراتها الثايره
حس كانها بتنفجر من حمار وجهها ادائري ونحرها الواضح لانها لامعه شعرها كامل وباينه رسمه وجهها ونحرها -

شافته يطالعها وعيونه تقدح شرار وصدره ينزل ويرتفع. بحركه سريعه شافته قرب منها وصدمها انه طلع بصمت مع الباب اللي كان وراها-

____________________________

ضايق من تصرفات ولده الطايشه
الزواج مو لعبه ياخذ بنت الناس سبوعين ويرجعها بيت اهلها ومصيره مع بنت عمه كيف بيصير

ابو صالح بعصبيه /وش اخرتها معك ي صقر
صقر برود /اخرتها الطلاق
ابو صالح بصدمه/انت انهبلت كيف تفكر بالكلام هذا
صقر بذات العصبيه/اجل وش تبيني اسوي اطلق بنت عمي اللي جلست العمر ذا كله انتضرها
ابو صالح بتسال/ليش هي قالت طلقها
صقر يسند ظهر على الجدار/تقول ي انا يا بنت عمك
ابو صالح /وانت وش قلت
صقر /قلت لها بنت عمي
ابو صالح/انت علامك ي ولد
صقر بعصبيه/علامي بعد
ابو صالح /يابوك المره مرتك وانت اللي دقيت الصدر لابوها وخذتها غصبن علينا

صقر /ابوها هو اللي عطاني بنته قدام الرجال وانا علمته وقلت يعلمها انا رجال ملك وبنت عمي بذمتي
هو قال للي ابد انا وبنتي ماعندنا مانع وطمعان
بنسبك وش اسوي فيهم

ابو صالح /ومدامها دخلت ذمتك فحالها من حال بنت عمك المفروض تمسك فيها مو ترخصها

صقر /ما رخصتها يابوي الا عشان بنت عمي
ابو صالح/يابوك بنت عمك صغيره وبتتعبك

صقر /انتضرتها 13سنه وتبيني ارخصها بسنتين

ابو صالح /يابوك البنت صغيره عليك افهم يا صقر
لو جت 15واخذتها بينك وبينها 20سنه ماتفكيرها مثل تفكير ولا اسلوبها مثل اسلوبك ولا جسمها متحمل جسمك

وقف صقر بعصبيه /تفكيرها واسلوبها اغيره انا بطريقتي واربيها على مابي لاكن الاجسام
ماحد له حق يتكلم معي فيه انا رجال وفاهم

طلع وسكر الباب بقوه-

_________________________________

دخلت جناحها وشافته طالع من غرفة التبديل ويسكر ازارير بجامته وقفت تطالع فيه بغضب-

طلع من غرفة التبديل وشافها داخله وسكرت الباب
وماخفى عليه عصبيتها اعجبته نظراتها ورفعت انفها
بس اشتهى يكسره لها فقرب منها وحط عيونه بعيونها الغاضبه-

فهد بهدو/شفيك شابه نار
مهره بصوت عالي/مدامك تبيها ليش ماخذتها بدل
ما انت تتواعد معها

ماكملت جملتها من الصفعه القويه على خدها -
حط كفه على رقبتها وخنقهاا بقوه

فهد بعصبيه/صوتك مايرتفع وللسانك ان طال قصيته لك فااااااااهمه

مهره حست انها اختنقت من مسكت يده حطت يديها الثنتين فوق كفه تحاول تفكهه منها وتهز راسها با ايه -

بعد يده منها وتنفست بالم وبغضب حطت عينها الدامعه بعينه ولفه تبي تبعد عنه بس سحبها وصدمت بصدره

فهد وانفاسه الحاره تلفح وجهها/قد الحركه هاذي

ماقدرت تمسك نفسها اكثر انفجرت تبكي بقوه

تركها وشال يدها منها وراحت دخلت بسريرها

تنهد بالم وراح لها دخل معها بالسرير وقرب منها حيل وحضنها من وراء وشفايفه على اذنها ومسح على شعرها ماحب ياخذ منها شي بالغصب وهو مواعدها الا برضاها
_________________________________


جالسه تبكي بقهر وامها وجدتها يحاولون فيها تكلم

ام ابراهيم /تكلمي ليش ضربك
شوق بدموع/……….
مريم /يا بنتي تكلمي ليش مد يده عليك
ام ابراهيم /لازم اعلم ابوك ياعلمه ان بنات الناس ماهن لعبه يوم يضربهن
شوق/لا تعلمين جدي بشي انا الغلطانه
مريم /طيب قولي وش اللي صار

شوق حكت لهم كل شي
مريم /الله يهديك ياشوق
ام ابراهيم /ماله حق البنت ماقالت شي تحبه حبه المرض
مريم /الحين ياخذ عنها فكره مو زينه
ام ابراهيم/اي والله لازم نغير نظره لها

جلست تخطط كل عاده -
نهيل دخلت شافتها جالسه بملل

من انتهت الدراسه وهي تحس بملل لاتطلع ولا تداوم
وحتى اقرب صديقه لها شذى بعيده منها بس مريحها
انها بترجع اليله لزواج مازن وفاء مشتاقه لها

نهيل بهدو /وش تسوين
ملاك بسخريه /جالسه اصيد سمك
نهيل بعصبيه/عيب تكلمين امك كذا
ملاك بذات العصبيه/يومه كل الناس اتسافر بالاجازة الا احنا
نهيل /ومنو اللي سافر
ملاك/كل صديقاتي بالمدرسه يسافرون وصديقات امل اساليها بعد
نهيل/ماعلينا من الناس السفر يبي له فلوس
ملاك/وليش حنا ماعندنا فلوس
نهيل /ليتنا نخلص تجهيز عرس اخوك
ملاك /يالله واحنا لامتى بنجلس كذا حافين منتفين
نهيل/ مابقى شي وتروحين عند صقر و يغرقك بفلوسه
ملاك بغصه/يومه حتى الفلوس اللي تجي منه مابيها
نهيل /اجل وش تبين ي ملاك حياتنا ماتبينها وحياته ماتبينها
ملاك/يومه انا ودي اسافر وبعدين حتى الفستان اللي اعجبني ابيه لزواج مازن قلتي سعره غالي وماخذته
نهيل /وانتي الحين اللي مضايقك تبين الفستان ذاك
ملاك /خلاص شريت وانتهى
نهيل /المهم حصه اليله بتجي تعالي بنجهز عرس اخوك بكرا

قامت نهيل وقامت معها ملاك وراحن يجهزن لعرس مازن وحيدهم-
_____________________



تحياتي شغف
إضافة رد
راح ماقال الوداع 03:08 AM 23-02-22
رواية ريح المطر

للكاتبة (شغف )

ادعو (لوالديه بالرحمه والمغفره )





&-/البارت الرابع عشر/-&


مامت من فراقكك لاكن (تالمت )




من صحت وهي حاسه بضيقه وابوها مايفارق بالها
قررت تروح له وتطمن عليه-

صحى شافها جالسه وقدامها الفطور المغلف
ولابسه بجامه ساتان بالون الاسود على بياضها وشقارها معطيتها منضر قاتل

راح الحمام غسل وطلع بيده منشفه وينشف وجهه ويديه -
وجلس قريب منها وعينه عليها شافها سراحانه

فهد /ماتبين تفتحين الفطور

قطع عليها افكارها طالعت فيه /هاه الا الحين

ومدت له الحليب وفطرو بصمت كالعاده -

قام وغسل وراح غرفة التبديل ولبس ثوبه
وشافها دخلت عليه واضح بفمها كلام

مهره بتردد/احم فهد
فهد بهدو /نعم
مهره بذات الهدو /بروح لبيت اهلي
فهد بحزم /مافي
مهره /بس

لف عليها وسكتت
فهد /اذا امك تبيك تجيك هنيه وانتهى
مهره بحزن /بس ابوي تعبان وابي اشوفه
فهد بقسوه /مافي الا العافيه كلها يومين ويجيك هو هنيه
مهره بصدمه/تبيه هو يجيني
فهد يتجهه لباب /وليش مايجي
مهره بقهر/بس انا بروح

لف عليها وهي رجعت وراء بخوف -

فهد بتحدي /اذا انتي بنت ناصر سويها

طلع وسكر الباب بكت بقهر يدري انها ماتقدر
تكسر كلامه وتطلع بعد العقال -
________________________________


حطت الفطور وقربت له وحاولت تصحيه يفطر

ام ماهر /ابو ماهر يابو ماهر قوم افطر
ابو ماهر /……..
ام ماهر/يابو ماهر قوم الفطور جاهز
ابو ماهر/………
ام ماهر تهزه/يارجال قم عشان تاكل علاجك

من حطت يدها عليه تهزه حست فيه ثقيل هزته ورجعت تهزه بقوه رفعت يده وطاحت
صرخت بالم /لاااااااااا ياناصر لاااااا ناااااصررر. ناااااااصررررر قوووووووم ي ناصرررررررر

دخل ماهر مفجوع شاف امه تصيح وتهز ابوه عرف انه راح ورحل -
طاح بالارض وبكى بصوت عالي /ابوي مااااااااااات ابوي مااااااااات

ام ماهر قامت وراحت له وحضنته -


_________________________


دخل بحماس وفرح ان زواجه بكرا.
شاف امه وامل جالسات ومنقشات يديهن بالحنا
وملاك يديها بيدين النقاشه وتنقشها وعجزت تخلص من ملاك وطلباتها -

مازن ببتسامه /سلام
نهيل وامل /عليكم السلام
مازن طالع ملاك/انتي ليش ماتردين السلام
ملاك بعناد/كيفي
مازن بغرور/احترمي اخوك العريس
نهيل بضحك/هههه يااخوها العريس جهزت كل شي
مازن بحماس/اي يومه وحصه ماجت
نهيل/اليله توصل
مازن بحنيه /يومه تبين شي محتاجه شي
نهيل بصدمه /شي مثل وشو فلوس
مازن يضحك/اي فلوس ليش ماني مالي عينك

طالعته ملاك وامل مصدومات اول مره يعطي مايطلب-

ملاك بخبث /منو متصدق عليك المره ذي
نهيل بستغراب /اي والله منوين لك
مازن بزعل/الشرهه علي اللي بعطيكم
نهيل بحنيه / يامك الله يزيدك بس منوين لك
مازن ببتسامه /من ولد عمي المطنوخ حول للي30الف
نهيل بصدمه/صقر
مازن ببتسامه /اي
نهيل مازالت مصدومه/كم
مازن ببتسامه/30 الف
نهيل/30الف ولا 30 ريال
مازن بعصبيه /يومه الله يهديك منو يعطي
معونه 30 ريال

نهيل/30 الف معونه منه
مازن /اي حول للي 30وخابره بيحول لابوي 30الف ثانية
نهيل بستغراب /هذا طاغي
مازن بصدمه/اذكري الله لاتحسدين الرجال
نهيل تطالع بملاك /الله يزيده

ملاك طول وقت حديثهم تسمع بصمت -
_______________________________

جاه خبر وفاته وضاق صدره تمنى لو خلاها تروح له
قبل يموت حاس با تأنيب الضمير وعارف انها بتحمله المساوليه مو خايف منها بس خايف عليها-

تنهد فهد /انالله وانا اليه راجعون لاحول ولاقوة الا بالله
ابو ابراهيم /لازم نعجل بدفنه
فهد يوقف /انا بطلع البيت وانت ياعم ابو عبدالله سو اجرائات دفنه وانت ياعم ابو ابراهيم روح معي لامي عشان نمهد لها الموضوع
ابو ابراهيم /اي والله عسى الله يمسك على قلبها
ابو عبدالله/وبنته من بيعلمها
فهد بحزن /اكيد انا يلا نروح قبل يوصلهم الخبر


دخل فهد وابو ابراهيم على الجده اللي جالسه تسبح وتهلل

استغربت جيتهم هالحزه مو عاده لهم عرفت ان في شي كايد
الجده صيته/يالله سترك

فهد شاف بعيونها الخوف حب على راسها /يمسيك بالخير

ابو ابراهيم يحب راسها بعد فهد /يمسيك بالخير يالغاليه

الجده صيته بقلة صبر/قولو وش عندكم وش اللي جايبكم

طالعو بعض بتردد كيف يوصلون لها الخبر ان اخوها الوحيد من امها مات ومالها خوان ولا خوات من ابوها ولا من امها غيره هو وحيدها-

الجده صيته بدموع/ناصر صح

طالوها بحنيه وحزن عليها واخيرا تكلم فهد-

فهد بحزن /لله ماخذ ولله ماعطا

الجده صيته حطت يديها على وجهها وبكت -
فهد حظنها واحاول يهديها بالكلام

ابو ابراهيم حط شماغه على عيونه وبكى بصمت

فهد بحنيه/يايمه انتي مؤمنه وعارفه انه طريق وكلنا ماشين فيه ولو البكى يا ام عقاب يرد غالي كان بكيت عقاب

حظنته وبكت بالم حظنها وحب راسها

فهد بترجى /تكفين يايمه خليك قويه عشان تقدرين تساعديني على مهره

شهقت رفعت راسها وطالعت فيه-

الجده صيته/بنته مادرت
فهد /لا بروح انا وانتي ونعلمها
الحده صيته /يويلك من ربك ي فهد كانك احرمت البنت من شوفة ابوها

فهد سكت بالم ماقدر يتكلم اول مره يوجهه له الكلام ولايرد -

ابو ابراهيم/ماهو وقته يايمه الرجال ماهو عارف انه بيموت ولا مارد البنت عن ابوها

الجده صيته بحزم /اسمع ي فهد بروح انا وانت ونعلمها بس اياك تجرح البنت وتزيدها مهمها حصل منها

فهد ياشر على خشمه/على هالخشم بس قومي عشان اوديكم لامها ورانا دفن

من قال دفن عجزت تقوم ورجعت تبكي بحزن على فراق اخوها الوحيد -

حاولو يهدونها قبل تروح لمهره_



كانت جالسه عند المراه تمشط شعرها الاشقر الناعم
ولابسه جلابيه ماسكه على جسمها البارز انوثه -

شافته يدخل ومعه جدته وبيدها عباتها
اصدمتهاا نضراته لها
ماتدري اعجاب ولا حنان ولا حب ولا ايش بضبط

اقترب منها وعينه عليها بتفحص تمنى يحظنها
ويشبع رغبته فيها قبل يقول لها الخبر بس وجود جدته يمنعه -

الجده صيته تجلس بتعب وتنادي لها بصوت مبحوح/تعالي يامك تعالي

قربت لها مستغربه وجلست قريبه منها الجده ماتحملت حظنتها وبكت
مهره رفعت راسها بصدمه وطالعت بفهد الواقف

مهره بخوف/شفيكم
الجده صيته /يامك
فهد بمقاطعه /مهره تعالي

مد يده لها وقفها وحظنها بقووووووووه تحت انضار الجده ماقدر يخليها بخاطره يدري انها لادرت بتنفعل

حست فيه يشدها بقوه وحست بنفاسه الحاره على رقبتها -

حاول يفكها وده ياخذ وقت وهي بحظنه بس يدري مهما طال الوقت مارح يكتفي من حظنها
بعدها من حظنه وحط وجهها بين كفوفه وعيونه على عيونها المصدومه -

فهد بحنيه /لو العمر يهدا هديته لعقاب ونوره لاكن اعمارنا بيدين ربنا هو اللي خلقنا وهو اللي ياخذنا

حس فيها ترجف عرف انها شكت بكلامه وسمع صوت شهقات الجده الحزينه من كلامه -

فهد يكمل/ انا ابوك وخوك وزوجك وكل اللي تبين
مهره تحاول تكذب شكوكها /بس ابوي موجود وخوي موجود
فهد تنهد /مهره ابوك يطلبك الحل

حطت يديها على صدره ودفت بقوه بس دفتها ماحركت جسمه الثقيل -

مهره بدموع /كذااااااب كذاااااااب انت كذااااب

حظنها ويديها تضرب ظهره بقوه وتصارخ

مهره /اكرهكككككككك اكرهكككككك ي كذاااااااب ي حقيرررررررررر بعدددددددد

بعد عنها مايبي يسمع اكثر مايبي ينفعل ويفقد اعصابه لانه مايضمن نفسه -

حظنتها الجده وبكت معها بحزن

الجدة صيته/يااامك تعوذي من الشيطان الموت حق وكلنا بنموت

مهره بصراخ ونفعال /كنت حاسه كنت حاسه بس هو ماخلاني اشوفه الحقيرررررر

فهد بعصبيه /يا بنت اعقلي احسن لك
الجدة صيته بذات العصبيه/ ماهو وقتك ي فهد خلاص
فهد مازال معصب من كلامها/الموت حق وكلنا بنموت

مهره تبتعد من حظن جدتها وتقترب له بعصبيه وتحط عينها بعينه المصدومه من قربها-

مهره بحزن /ليت الله اخذ من عمرك وعطاه

صفعها على خدها ومن قو الصفعه طاحت عند رجوله و الجدة سكرت عيونها من صوت الصفعه-

لمة رجولها بين يديها ودفنت راسها بحضنها وبكت بصوت مسموع -

الجدة صيته جلست عندها وحظنتها وبكت على حالها -

تضايق من تصرفه كيف ماحكم اعصابه يدري انها منهاره وفقد ابوها ذابحها يقوم يزيد عليها هذا وهو مجرب اليتم والفقد-

اقترب وحظن جدته ومهره بين يديه وتكلم بالم -

فهد بحنيه /بوديكم لام ماهر هي بحاجتكم
الجده صيته ترفع راسها/اي بالله يامك ودنا لها

قام وقوم الجده معه وبعده مد يده لمهره يبيها تقوم
بس هي قامت من غير تلمس يده البست عباتها ونقابها وراحت معه بصمت -

________________________________

طلعت من الحمام بعد ماخذت شاور جلست تجفف شعرها شافت امل تجهز لبسها لزواج بكرا

ملاك والمجفف بيدها /امل انتي مقتنعه بفستانك
امل ترفع فستانها/اي الحمدلله وانتي مقتنعه
ملاك تنزل المجفف من يدها/بسراحه لا
امل بستغراب /ليش والله يهبل
ملاك بضيقه/ودي باحلا بذات انه عرس اخونا الوحيد
امل بقناعه /ي ملاك والله ان فستانك حلو وانتي ماشاءالله لو تلبسين اي شي يطلع عليك حلو

ملاك طالعت نفسها بالمراه وكانها تحادث نفسها-

ملاك بالم /اتمنى جمالي بسيط ماحب نظرات الكل علي بزواجات ولا نظرات المعلمات والطالبات على بالمدرسه كنت اتمنى اكون عاديه عشان ما الفت الانتباه وعشان اعيش سعيده مو مربوطه باحد-

امل تسمع لها بصدمه في احد يعطيه الله مثل جمال ملاك النادر وتمنى يكون جمالها طبيعي كانت تمنى مثل جمالها المميز عن قبيلتهم كلها بالزوجات دايم هي تاخذ الجو عن بنات القبيله كلهم و الكل يسال امهم عن ملاك وعن لون عيونها ولا عن سواد شعرها ولا عن لون بشرتها البيضاء ولا عن تحديد فكها ولا طول عنقها مميزه بكل شي حتى بشخصيتها غير عنهم طويلة لسان تاخذ حقها بالقهوه ذكيه وشاطره بالدراسه
تمنت امل تكون مثلها بكل شي -

امل بحنيه/ملاك احمدي ربك غيرك يتمنى يجي ربع جمالك
ملاك بحزن/عشان الكل يحكمه
امل /ماحد يحكم احد بس انتي تكلمين عن صقر
ملاك تنهدت/غيري الموضوع خلينا بعرس اخونا الشحاذ
امل بضحك/هههههه حرام عليك

دخلت فجئه وعيونها مشتاقة لصديقة روحها ملاك -

ملاك قامت وصرخت بفرحه /شذى

حظنتها شذى بضحك/شتقت لك
امل/احم انا موجوده
شذى راحت سلمت عليها/ ههه اشوفك
ملاك /من فتح لك الباب
شذى /عمتي وقالت ادخلي عليهم فجئه
ملاك تضحك/يحليل امي تعرف المفاجات

خذتهم السوالف مع بعض وامل طلعت تساعد امها
____________________________

بعد مرور ثلاث ايام انتهى العزاء ومهره طول فترت العزا بيت امها وفهد ماشافها من ذاك اليوم ولا مر عليها عشان زحمة الناس خلاها ترتاح
حاول يصبر نفسه على فراقها بالقوه-


وانتهى زواج مازن واخذ وفاء وراحو شهر العسل
وحصه مشغوله بتاثيث بيتها الجديد
وملاك تنتضر تخرج وتنفذ اللي براسها
صقر مافكر يروح يرجع اميره خلاها بيت اهلها واذا تبيه ترجع له-

وام ابراهيم طول غياب مهره تحاول تقرب شوق لفهد وهو لاشافها صد عنها وهي حاولت تعتذر منه بس هو ماعطاها مجال

حسنا بعد ماشافت ضرب فهد وقسوته لمهره حمدت الله انها ماتزوج نوف هاذي ومهره جمالها يقط الطير من السماء مارحمها كيف بنوف العاديه -


_________________________________

مع تحياتي شغف

رواية ريح المطر


رواية ريح المطر (للكاتبة شغف )

ادعو لوالدي برحمة والمغفرة..


&-/البارت الخامس عشر/-

:
:
:
:
:

يفطر عليك القلب وان فارقك صام_
والله لو انك شوك سدره كليتك -



واقف بسيارته عند بيتهم ينتضر جدته وينتضر مهره مشتاق يشوفها يبي يحضنها ويعوضها حنان الاب اللي فقدته
اخر يوم العزا كان امس توقع انها بتطلع مع جدته ولاكن انصدم يوم
شاف جدته جايه و تعكز بعصاتها
وفهد ضغط على سكان السياره بغضب ( ليش ماهي معها ليش)

الجدة صيتة ركبت السياره وسلمت بفحيح من المشي /السلام عليكم
فهد عيونه على باب البيت /عليكم السلام وينها
الجده صيته تطالع فيه/منهي ؟!
فهد بدا يفقد اعصابه من برود جدته /مهره اجل منهي!!
الجده صيته تسكر باب السيارة وترد بهدو/عند امها

فهد فتح الباب بعصبيه بيده اليسار والجده مسكت بيده اليمين بسرع منه عرفت انه بيتصرف تصرف غاضب وغير لايق بالوقت هذا
ومهره وامها بحاله مايعلم فيها الا الله

الجده صيته بنبرة رجا /طالبتك طلبه لاتردني خلها بس اليله
فهد يزفر بصرامه /العزا وانتهى وليش اخليها
الجدة صيته تشد على يده/اذا للي خاطر عندك امها بحاجتها
فهد دخل رجله بسيارة وسكر الباب بقوه وعصبيه/بخليها اليوم عشان خاطرك بس بكرا بسحبها غصبن عليها
الجدة صيته تحاول تمتص غضبه /بكرا وهي عندك انا اجيبها بنفسي

حرك سيارة ومشى وقلبه مشفوق عليها وعقله مشغوله فيها تزوجها عشان ماتبقى بنفسه
وكسرت نفسه اكثر جت عنده وما لمسها الا مره وحده وبعد بالقوه اقنعها و لو برضاها كان للحين وهي بنت تنهد بصوت مسموع
و الجده صيته تطالع فيه بخوف /شفيك يامك حاس بشي
فهد انتبه لنفسه ورد بثقه /مافيني الا العافيه
الجده صيته تهمس ببتسامه/مشتاق لزول مهيره

من ذكرت زولها و فهد يحس برعشه غريبه حاول يخفيها وابتسم نص ابتسامه بثقل ويمكن هاذي اول ابتسامه له بحياته كلها
الجدة لمحت ابتسامته فبتسمت هي بعد براحه تدري وش يدور بقلب فهد تربيتها وتعرفها عدل
_____________________________


تحس بحزن شديد كل اللي تحبهم راحو حصه طلعت بيت بروحها ومازن سافر وشذى رجعت مع اهلها وش تشغل نفسها فيه تعبت من كثر ماتحرك بالبيت تحاول تشغل نفسها بي شي واخر شي راحت لامل اللي كانت جالسه بصاله يمكن تفكر بي شي يغير نفسيتها

ملاك بملل/امل
امل اللي كانت جالسه ترسم/نعم
ملاك بتسال/انتي ما طفشتي
امل تحذف القلم وتطالع بملاك /الا والله
ملاك جلست وابتسمت بشطانه/لازم نسوي شي
امل باستغراب/مثل وشو
ملاك ترفع حواجبها بتفكير /نروح للمزرعه
امل تكشر/بس ابوي يقول المزرعه اخذها ماجد وحط فيها خيل له وجاب صقر خيلته بعد
ملاك تحولت ابتسامتها لضيق /ليش صقر حاط خيل
امل تبتسم بحماس/اي يقول ابوي عنده خيله مربيها من كانت صغيره وتحبه وتحس فيه لاحزن تحزن لافرح تفرح تخيلي
ملاك تهمس بخبث/اجل نروح المزرعه ونحط لها سم وتموت وعشان يلحقها
امل تضحك/ي خبله هي اللي تحس مو هو لو ماتت ماراح يموت تطمني
كملت امل بتسال /بسالك
ملاك تمدد رجولها /عن ايش
امل تطالع بعيونها وتكلم بخفوت /ليش ماتبين صقر عشانه متزوج
ملاك تنهدت بحزن /اي وعشان اكبر مني
امل تكلم بعجاب بريئ / احمدي ربك في صفات تشفع له مزيون وغني ودكتور حتى عهود تمنى تاخذه
ملاك ترد بصدمه/وش دراك؟!
امل تبتسم بخباثه/من شافته وهي ميته عليه تقول ودي اخذه لو اصير الثالثه
ملاك حست بغيره انغزت قلبها ماتدري ليش بضبط معنه متزوج وعنده مره بس شعور جاها غصبن عليها وردت بتسال/متى شافته ؟
امل ترفع كتوفها /مدري بس تقول كنت رايحه لصباء وشافته واعجبها
ملاك بعصبيه /قليلة ادب عهود
امل تضحك/علامك غرتي
ملاك مازالت معصبه وتحاول تبين انها مو غيرانه /لا بس عهود من زمان ما ارتاح لها مو مثل اختها هديل محترمه

امل بخبث /حتى عهود محترمه مافيه شي لاحبته
ملاك توقف وتجهه لغرفتها/حبها برص
امل تضحك /ههههههههههههههه تعالي ي الخبله وين رحتي

ماردت عليها ملاك ودخلت الغرفه وسكرت الباب عليها تحاول تشغل نفسها عنه وعن طاريه واخر شي مالقت يشغلها الا صقر وتفكير فيه ملاك تجلس على سريرها بتربع وتكلم نفسها /طيب واذا عاجب عهود وش دخلني انا امرته اللي المفروض تغار عليه مو انا
ملاك حطت ضهرها بظهر السرير وتمددت وكملت كلامها/ماهمني يا صقر لو تكون اكبر مني بس اللي جرحني انك تزوجت ليش تملكني طيب عشان توقف نصيبي مثلا اف دخت من الكلام بنام خلاص!!

تغطت وحاولت تنام وهي عارفه ماراح تنام وبتجلس تفكر بصقر ومرته و بعهود معهم بعد -
____________________________________

مجتمعين بمجلس ابو صالح الفخم وجالسين على الكنب الراقي عيال ابو صالح فالح وصقر وابوهم وعندهم ابو ماجد وماجد جمعتهم اليوميه بعد صلاة العشاء يتقهون ويتناقشون بامورهم الخاصه العائليه كل عاده

ابو ماجد يكلم اخوه/مازن سافر برا السعوديه
ابو صالح بستغراب/متى سافر
ابو ماجد بحنيه /البارح كلمني يقول بنطلع برا السعوديه قلت يابوك انت مامعك شي ليش تسافر برا تطير فلوسك
ابو صالح ياخذ فنجاله من الطاوله اللي قدامه/اي والله لو راح جده ومكه مالها داعي السفريات والخرابيط
ابو ماجد يمسح على لحيته/هو ناوي لجده ومكه بس مدري وش غير رايه
فالح بتدخل يحاول يقنع الشيبان/يمكن مشتهين يغيرون جو هو ومرته
ابو صالح نزل فنجاله وهتف بحده /مايغيرون جو الا اذا طلعو لديرة الكفار
فالح يطالع ابوه ويحاول يقنعه/الناس كلهم تطلع برا وتسافر مو بس اهم وبعدين تراهم رايحين للامارات ماراحو بعيد
ابو صالح بارتياح/لا مدامهم بالامارات ماعليهم زينه
ابو ماجد بضيقه على حال ولده/بس ياخوك هو مامعه شي والسفر يبي فلوس ومصاريف

صقر معروف بالكرم للقريب وللبعيد كيف وهو يشوف عمه ضايق عشان ولده مامعه فلوس وهو قادر يزيل ضيقته فتدخل بصوته الفخم الثقيل /لاتشيل هم
يا عمي انا احول له اليله فلوس اللي تكفيه وتزود
ولا تضايق انت
ابو ماجد حاس انه يخجل من عطاياه له ولولده ومايبي يطلب منه اكثر /يابوك انت ماقصرت دفعت بعرسه اكثر منه وخيرك عليه وعلى غيره هو راح خل يتحمل مساولية نفسه و مساولية مرته
صقر يرشف من فنجاله ويكلم عمه بحزم هادي /ماسويت شي هذا ولد عمي ولازم اوقف معه وهو المفروض يكلمنا ويعطينا خبر انه مسافر عشان نقدر نساعده

ابو ماجد حس براحه عميقه وتطمن ان صقر بيحول له وعارف انه ماهو محول عليه شي قليل /الله يبيض وجهك وانا عمك وهو ماعلمنا كلنا حتى امه مادريت الا اليوم يوم اتصلت عليه بصدفه
ابو صالح بحكمه ورزانه/المفروض يقرر من اول مو يطيرون بيوم وليله بس جهال ماهو عارفين مصلحة نفسهم
ماجد حاول يغير الموضوع فوجهه كلامه لصقر /وش صار بالموضوع اللي كلمك عنه عبدالكريم
صقر رد عليه برزانه وثقه/ كلمتهم وان شاءالله اموره تيسر قريب
ابو صالح طالعهم بتسال /ليش وش فيه عبدالكريم
ماجد يطالع عمه ويتكلم بحترام /هذا ياعم عبدالكريم ولده حسن تو توظف وحطوه بديرتن بعيده وطلب صقر يتوسط له ينقله قريب عنده
ابو ماجد بتدخل /والواسطه تبي فلوس وانت وانا عمك مانت مكفول فيهم
ابو صالح يطالع بصقر بتسال/كم يبون؟!
صقر يرد بحزم وعيونه على سبحته /واحد طلب 50 الف بدل عنه ونبي نشوف اذا مالقينا غيره دفعنا له
ابو ماجد بصدمه عارف صقر انه عادي عنده يدفع لاحد انتخى فيه بس ماهو لدرجة المبلغ هذا/ اعوذبالله ولايكون بتدفعها انت؟!
صقر يطالع ابوه ويوجهه كلامه لعمه بحزم عميق /قلت لابوه يدبر النص والنص انا بدفعه لوجة الله
ابو صالح برفض صارم/ما انت كفيل فيهم عنده ابو وعمان وخوان يدفعون عنه
صقر تنهد بضيق مايحب احد يتدخل باموره وقراراته بس ابوه مايقدر يقول لاتدخل مضطر يجيبه بحترام/يابوي الرجال طلبني وانا ماني راده بنقل ولده حتى لو اضطريت ادفع المبلغ كامل اهم شي انقله قريب لابوه
ابو صالح يتكلم بنغزه وهو مقهور من تصرفات ولده/بدل ماتتكفل بالناس شف نفسك وعدل اوضاعك
صقر بدا يفقد اعصابه حتى لو حاول يتماسك غضبه قدامهم وحترام لوالده بس رد بحزم /وانا وش فيني وش وضعه اللي اعدله اوضاعي كلها متعدله بحسن حال
ابو صالح يتركى على عصاه وهو مازال جالس / ومرتك اللي لها كم يوم عند اهلها ماتدري عنها ولاتسال عنها
صقر شد على فنجاله اللي بيده حس انه بيكسره من شدت غضبه /هذا شي يخصني يابو صالح وانا احله محتاج احد يحله للي
ابو ماجد بتسال وهو يطالع اخوه/ليش عسى ماشر
ابو صالح بقلة حيله /مرته بيت اهلها لها كم يوم وهو ماهو مرجعها
ابو ماجد يوجهه كلامه لصقر/ليش وانا عمك ماصار لكم مده متزوجين
صقر ركى ظهره على ظهر الكنب وحاول يثبت اعصابه ويهدي نفسه وجاوب عمه بهدو /ياعم المره اللي تطلع من بيتها على كيفها خل كيفها يجيبها
ابو صالح طالعه بشك/مافي شي بدون سبب
صقر مازال متركى وماسك نفسه لاينفجر فيهم
انهم تدخلو بحياته الخاصه/اللي عندي قلته وانا رجال و اعرف اتصرف من غير تدخل من احد!!
ابو ماجد يهز راسه ويطالع باخوه /الله يهدي الامور
صقر هنيه قلب عليهم واخذ لموضوع لصالحه وجهه كلامه لعمه /ياعم انا ترا صبرت والصبر له حد متى بتزوجني بنتك؟!
ابو صالح تكلم بعصبيه/انت صاحي البنت توها ورع وابوها ماهو مزوجك وهي صغيرة و مره وعندك مره غير لاتجيب هذا الطاري
صقر وقف وجهه احتقن بحمرار غاضب وتكلم بذات العصبيه /ماهي ورع اللي كبرها اعرسن بس انتم بتوقفون بوجهي عشان ماخذها بس كلامن يوصلكم ويتعداكم والله ثم والله ان ما زوجتوني برضاكم لاخذها بليلة ضلما مرتي وحلالي وماحدن له عندي شي
ابو ماجد رفع نظره لصقر الواقف الغاضب ولف ينظر لاخوه الجالس اشد غضب من كلام ولده وحاول يهديه
الامور/لين تخلص متوسط وابشر فيها انا عند كلمتي
ماجد وقف ومسك يد صقر يهديه /باقي سنه لها اصبر ياولد عمي الصبر زين وانا اخوك
ابو صالح مازال جالس ورافض سالفة الزواج بحده/خل لين تخلص الثانوي مامن عجله
صقر يطالع ابوه بصدمه/تبي اصبر 4 سنين بعد
ابو صالح بصرامه وهو يطالع ولده الواقف عند راسه /صبرت 13 سنه عجزان عن 4سنين
صقر بذات الصرامه/ وتبي اصبر 17 سنه بعد
كل صبر له حد وانا تعديت حدود الصبر وانت يا
عمي وعدتني وماضنتي بتخلف بوعدك
ابو ماجد ياشر براسه/لا وانا عمك انا عند وعدي بس تخلص المتوسط ابد مرتك لك وتجي تاخذها
ابو صالح بتسال وستغراب /ومرتك؟!
صقر يرفع حاجبه/شفيها مرتي
ابو صالح يطالع ولده العنيد بعتاب /بترضى بزواجك
صقر يرفع كتوفه برود /وعساها مارضت
فالح يهدي الامور ويحاول يقنع اخوه ويعلمه ان الحق حق مثل مابنت عمه بذمته بعد مرته بذمته ولها حق عليه اكثر/هاذي مرتك ي صقر وانت لازم تعدل بينهم
صقر هنيه فقد اعصابه من تدخلهم فيه ونصايحهم له ورد من بين اسنانه/ وانا الحين تزوجت عشان اعدل بينهم
فالح جالس ويتكلم بهدو /رجعها اول بعدين فكر بالثانيه
صقر يتجهه لباب يبي يبعد عنهم لايرتكب باحد جريمه اليله وهتف بثقه /انا اعرف اتصرف ماني بحاجة نصايحكم مع السلامه
…../وطلع/
ابو صالح يكلم اخوه بشكوى /لاحول ولاقوة الا بالله ماحد عنيد من عيالي كثر عناده
ابو ماجد يحاول يهدي اخوه / الله يهديه وهذا طيش شباب بكرا يجيه عيال ويعقل
___________________________
الساعه 12 مساء/-

متمدد على سريره و الفقد ناسفه نسف
فاقد ريحتها وشوفت عيونها الناعسه ونعومة جسدها وهمسها الهادي كل شي فيها فاقده
طالع مكان نومها ومد يده يمسح على مخدتها
هو يحن عليها من داخل كثير كثير لاكن لاغضب غصبن عليه يفقد كل الحنان والحب والعشق
يكلم نفسه بقصى حب/لعنبو حي ذيك البنت ماني بقادر اصبر عنها وعن حضنها وهي ماصار لها مده عندي

قطع افكاره صوت الباب يطق -
قام مصدوم من بيطق عليه الحزه هاذي وفتح الباب بسرعه طالع ام ابراهيم اللي كانت واقفه على الباب -
فهد سالها بخوف و بستغراب/خير شفي جدتي فيها شي
ام ابراهيم تحاول تعصر عيونها عشان تطلع الدموع /لا بس شوق تعبانه تكفى يا ولد عقاب ودها المستشفى ماعندنا احد وخاف يصير فيها شي
فهد مازال واقف وماسك قبضة الباب ومن جابة طاري شوق كشر /شفيها وين عبدالله وابراهيم
ام ابراهيم مازالت تبكي بتمثيل غير واضح عليها /طالعو مع ابو ابراهيم ينقل البل وبنتنا بتموت
فهد تنهد بدون نفس /طيب طيب روحي بلبس وجيكم

راحت ام ابراهيم متجهه لشوق بداخل وفهد راح يلبس ويروح لهم

الجده صيته وقفت تطالع بام ابراهيم وتسالها بستغراب /وش وداك لفهد هالحجزه وش تبين منه
ام ابراهيم بدموع بتمثيل/شوق تعبانه ومافي احد يوديها المستشفى غير فهد
الجدة صيته بصوت عالي/انتن ماتستحن تصحن الرجال من نومه وتقولن تعبانه مافيها الا العافية
ام ابراهيم بصوت اعلى /بنتي تعبانه انتم ماتخافون الله تبونها تموت
الجدة صيته بغضب شديد /اسمعي ي ام ابراهيم الرجال واعرس ومو مفكر بنتكن غير عيب عليكن عيب اللي تسونه
ام ابراهيم بقلة حياء/بنتي وتعبانه واذا مو مصدقتنا تعالي شوفيها وخوها وخالها ماهو موجودين مودين ابو ابراهيم ينقل البل
الجدة صيته مازالت غاضبه/اي ماني مصدقتك انتن كذابات

دخل فهد وعيونه تقدح منها نار وشرار
من شافته الجدة وقفت بوجهه وام ابراهيم رجفت بخوف واضح عليه مقهور كيف تكذب عليه وتجي باخر اليل تقول شوق تعبانه كيف تجرئت تكذب عليه كيف

فهد طالعها وجدته واقف بوجهه وتكلم بصراخ/انتي كيف تجرئين تكذبين علي وتقولين تعبانه هااااااه
ام ابراهيم تاشر على غرفتها/تعال شوفها وتاكد بنفسك اني ماكذب
الجدة صيته طالعتها بصدمه/وبتدخلينه عليها بالغرفه ي قليلة الحياء
ام ابراهيم تنادي على بنتها بخوف تبي احد يقنعهم /مرريم ي مرررريم
جت مريم تمشي بسرعه و بخوف/هلا شفيه
ام ابراهيم تطالع فيها بتسال /شوق تعبانه ولالا
مريم تطالع بفهد الواقف بشموخ وجهه احمر من شدت الغضب تكلمت بخوف وتوتر/اي تعبانه ليش؟!
الجدة صيته ترفع عصاها بوجهه مريم / وش فيها بضبط قولي الصدق
مريم بارتباك /مدري طاحت علينا
فهد يطالع فيهم ويشر عليهم بتهديد /اسمعي انتي وهي قسم بالله العظيم ان ماحتشمتن وحشمتن بنتكم اني لاكفر فيكم وفيها فاهماتاااااااات
الجدة صيته ماسكته مع صدره و تهديه/خلاص يامك يمكن البنت تعبانه صحيح
ام ابراهيم مازالت تكذب /وخايفه عليها تموت بعد من المرض
فهد طالع فيها وبوقاحتها وصرخ فيها بعصبيه /وتموت ان شاءالله وانتي وراها ياللي ماتستحين
ام ابراهيم بصدمه/انا عمتك كيف تكلمني كذا

فهد يقترب منها وناوي على شر لولا جدته شدته بقلة حيله تكلم بغضب عميق /والله ثم والله لاذبحك ان ماسكرتي فمك

ام ابراهيم ومريم رجعن على ورا بخوف
و الجدة صيته تشد عليه بقوه/ تعال يامك وتعوذ من الشيطان اتركهن عنك
فهد يبتعد من يد جدته ويتجهه لباب /اعوذبالله من منهن ومن افعالهن

طلع وراح جناحه يحاول يهدي نفسه ود وده يذبحهن ويرتاح بس لاسمع رجا جدته وحس بيديها الضعيفه على صدره ومافيها حيل من الكبر حن عليها ماوده يكسرها ويبعد يدها وتحس ان مالها قوه توقف قدامه وهي اللي ربته وكبرته و بدته حتى على عيالها-

الجده صيته طالعت فيهم/حسبي الله ونعم الوكيل عليكم لعنبو حيك ماتدرين انه لاعصب يمكن يذبحك انتي وسوسه اللي معك
مريم بحلف/والله انا مالي دخل والله
الجدة صيته تطالع با ام ابراهيم/ادري ان كله من تحت راس امك بتضيعك وتضيع بنتك معك
_____________________________

جالسه على فراشها ودموعها مانشفت من موت ابوها وهذا حالها-
و ام ماهر جالسه قريبه لها وتكلمها بحنيه/مهره يامك الدموع ماهي رادته
مهره لامه رجوله بين يديها و ترد بدموع /اه ليت ربي عطاه من عمري
ام ماهر تمسح على شعرها /بسم الله على عمرك يامك نامي ورتاحي عشان بكرا ترجعين بيتك
مهره بانفعال/هذا بيتي وماعندي بيت غيره
ام ماهر تهديها /تعوذي من الشيطان زوجك ماهو ساكت اكثر من كذا
مهره لاحد الان ماعرفت فهد عدل بس تسمع عنه
انه لانوى شي ماحدن يرده ولاحدن يقدر عليه حكمه عليها وعلى غيرها وكلامه يمشى على الكل بس مع هذا تقنع نفسها وتحاول تقنع امها ان ماهي خايفه منه/كيفه لايسكت هو اصلا اللي احرمني اشوف ابوي
ام ماهر بحزن عميق/يامك لو شفتيه مانتي راده الموت عنه هذي يومه ومكتوب له
مهره تسند راسها على راس السرير /اقل شي اودعه قبل لايغيب احضنه وشم ريحته قبل افقده

نزلت راسها و حطته بين ركبها وجلست تبكي وام ماهر ضمتها وبكت معها وهاذي حالهم من بعد موت ابو ماهر تنام هي وامها بدموع وتصحى بدموع-
________________________________

رواية ريح المطر (للكاتبة شغف )

ادعو لوالدي بالرحمة والمغفرة

-/البارت السادس عشر /-


-بعد مرور سبوع على ابطالنا -

صحت وشافت امها وابوها يفطرون وراحت لهم
من الضيقة اللي فيها والتفكير تبي تسوي اي شي اي شي اهم شي ماتفكر بصقر ابد وترسم حياتها معه بطريقتها الخاصه الشاطحه-

ملاك وقفت قريبه من امها وابوها /يوبه
ابو ماجد رفع راسه لها ورد بحنيه/هلا يابوك
ملاك تطالعه برجاء عميق /بنسافر تكفى
نهيل تطالع فيها بستغراب تعرف بنتها صارت تصرف من راسها وتشوفها ماتنام عدل ولا تاكل عدل وكله ضايقه /قولي صباح الخير وبعدين اطلبي اللي تبين
ابو ماجد يضحك ويشر لها بالمكان اللي قريب له/تعالي اجلسي عندي وبعده نتفاهم
جلست قريبه له وحطت يدها على يده /يوبه والله طفشت من طلعت حصه من البيت ومازن سافر بس بقيت انا وامل وحنا ضايقات بنغير جو
ابو ماجد يمسح على يدها الصغيره بحنيه /يابوك السفر يبي فلوس وانا مامعي شي
ملاك حست بالقهر كل ماتطلب شي قالو مافي فلوس لامتى وهي عايشه بالفقر تبي تعيش مثل غيرها هي تفكيرها غير عن خواتها تحب الدلع والتطلب اما خواتها يرضون بالمكتوب تكلمت بقلة صبر /طيب لامتى وحنا ما نسافر مثل الناس وكله مامعنا فلوس
نهيل تقهوا من كاس شاي وتكلم بهدو /تعرسين وتسافرين

ملاك طالعت امها بغيظ ماتبي يقولون لها كذا ماتبي طاري العرس ابد /وانا كل ماطلب شي تقولون للي
لين تعرسين
ابو ماجد يحاول يقنعها /امك صادقه لاخذتي ولد عمك ماهو مقصر معك بشي بيوديك ويسفرك

قامت بعصبيه وراحت غرفتها ماحد فاهمها ابد تحاول تبعده عن افكارها ولاجت عندهم جابو طاريه ورجعوه لفكرها

ابو ماجد تنهد وطالع بنهيل /لاحول الله علامها ماتبي طاري ولد عمها
نهيل تاشر له بيدها يقصر حسه وتكلم بخفوت/ماعليك منها مردها بتقتنع
ابو ماجد بستغراب/غريبه خابرك ماتحبين طاري صقر!!
نهيل فكرت كثير وقتنعت ان صقر حرام يروح عليها وعلى بنتها عنده مال وجاه وش تبي احسن منه/هذاك اول الحين غير
ابو ماجد طالعها بصدمه /وش غيرك
نهيل بصدق وسراحه /جيبه اللي غيرني
ابو ماجد ضاق من كلامها مايبيهم يشوفون فلوسه وبس يبيهم يشوفون صقر نفسه ورجولته وشهامته/طمعانه بفلوس الرجال ي نهيل
نهيل تكلمت بحزم / ماهو طمع بس ملاك طلباتها كثير غير عن خواتها وماحد يقدر على طلباتها الا صقر
ابو ماجد بقتناع بولد اخوه / والله صقر كريم وشهم وراعي فزعه وماهي لاقيه احسن منه
نهيل تكلمه بنغزى /وراعي شر بعد
ابو ماجد بدفاع حاد /لابالله مايجي منه شر الا للي يستاهله
نهيل تشيل كاس الشاهي و ترشف منه /الله يكفينا شره بس
_____________________________

كانت مستغربه منه كيف خالها سبوع عند امها ولا
مر عليها ابد تحس براحه عميقه من بعده
قطع عليها افكارها صوت الباب يطق قامت بتفتحه بس شافت امها متجهه له وقفت على باب غرفتها اللي تطلع على الحوش بيتهم قديم وفاتح حوش كبير

ام ماهر واقفه عند الباب وتنادي بتسال /منو
جاهم صوته الرجولي/فهد
ام ماهر تفتح الباب وترحب بصدق /ياهلا حي الله
ابو عقاب
فهد دخل وحب على راسها بهدو /شلونك يام ماهر
ام ماهر تنزل راسها بحرج/بخير نحمد الله

فهد رفع عيونه وشافها واقفه على باب غرفتها وعليها قميص اسود موضح بياضها بزياده ولامه شعرها كله على فوق ونازله خصل ناعمه على رقبتها البيضاء الطويله
حس وده يروح يحضنها بصدره ويطفي النار والشرق اللي شاب بضلوعه وده يحط انفه على نحرها ويشبع من ريحتها وده وده لاكن كرامته ورجولته تخلي يوقف بثقه وجمود

مهره شافته واقف بهيبته وسامته وجسمه المرسوم.
و لابس شماغ وثوب ابيض وبيده سبحته ودقنه مرسوم بدقه
من شافته رفع راسه وطاحت عينه بعينها دخلت بسرعه وسكرت الباب
فهد غضب من تصرفها بس حاول يمسك نفسه لايتهور ويذبحها
ام ماهر ماعجبتها حركة مهره وخوفتها عصبية فهد
وتكلما باستعجال /حياك يامك ادخل
فتحت له غرفة الضيوف فهد نزل نعوله عند الباب ودخل وجلس بالارض وركى يده وسبحته بين اصابعه ويسبح
ام ماهر تصب له القهوه/تقهوا
فهد اخذ الفنجال /سلمتي
ام ماهر توقف بحترام /بنادي لك مرتك تسلم عليك

وطلعت ام ماهر وفهد عيونه على سبحته ويسبح ويهلل
و شوي ورفع راسه شاف ام ماهر جايه ومعها مهره اللي منزله عيونها بالارض وما تطالع فيه
خوفها من نظراته ومنه يخليها تنزل راسها غصبن عليها
مهره تكلمت بصوت مبحوح /سلام
فهد رد عليها بهدو /عليكم السلام
ام ماهر تاشر لها /تعالي قهوي رجلك

مهره قربت ونحنت وخذت القهوه تحت انظار فهد اللي تناظر بتفاصيلها تفصيلا تفصيلا
مد لها الفنجال صبت له ورجعت له الفنجال ويديها ترتعش كان وده يمسك يدها ويسحبها بحضنه بس وجود ام ماهر يرده عن اشياء كثيره -
ام ماهر بحراج وهي تجهه لباب/ خذ راحتك يامك البيت بيتك
فهد طالعها ورد بحترام/بيتن عامر بااهله

طلعت ام ماهر ومهره حطت القهوه وراحت بتجلس قباله وقبل تجلس شافت فهد ياشر لها تجي قريبه له/تعالي هنيه
مهره قربت وجلست بمكان ماشر عليه و بينهم المركى فقط
فهد من شم ريحتها من قريب فقد كل سيطرته حس بحراره شديده عمره ماحس فيها ويذوب من الشوق لها اكثر من سبوع ماشافها
و عيونه ثابته على ملامح وجهها ينظر لانفها الصغير المحمر من شدت البكاء ولا عيونها الناعسه ورموشها الطويله ولا للموت الحمر شفايفها اللي تنحره نحر من شدت لذتهم اي هي لذيذه بمعنى الكلمه -
ومهره من لمحته يطالع فيها نزلت راسها بخجل ومن شمت ريحت عطره الرجولي الفخم من قريب كان ودها لو تدفن وجهها بصدره و تبي تحس ان عندها رجال يحميها من الحياه ومن فيها بس لاذكرت من يحميها من فهد نفسه. تبي اللي يحميها منه هو

فهد قطع افكاره وافكارها بحه رجوليه/شلونك ؟!
مهره مزالت منزله راسها/طيبه
فهد نزل فنجال قهوته من يده ومسك ذقنها ورفع وجهها له وحط عيونه بعيونها الناعسه حس كانها ترميه بسهم من نظراتها العاتبه له
مهره طالعت بعيونه بعتب جارح عميق
عشانه ماخلاها تزور ابوها قبل يموت وحست بنفاسه الحاره تلفح وجهها
فهد مازالت انفاسه سريعه ومو قادر يسيطر عليها/اتوقع كفاية جلستك بيت امك
مهره تطالع بعيونه بتردد وخوف من اللي بتقوله/لا مو كفايه وانا بجلس عند امي على طول
فهد انتفض بغضب وبعد يده من وجهها /ماهو بكيفك ويلا قومي البسي وبسرعه قدامي
مهره برد سريع ومتهور /اجل كيف منو !!

فهد وقف بنفعال وسحبها مع يدها وقفها قريبه له
وصدرها بصدره ويده وحده ماسكها مع معصمها والثانيه اللي فيها السبحه حطها ورا ظهرها وضغط عليها بقوه

فهد تكلم بين اسنانه وهو يشدها له /بكيفي انا والحين تمشين غصبن عليك وفمك ماتفتحينه فاهمه
مهره حست بمعصمها بينفك من كثر ضغطه لها وتكلمت من بين دموعها /مابي اخلي امي بروحها
فهد يحاول يتماسك نفسه لايمد يده عليها وهو مازال شادها لصدره بتملك وتكلم بحده/ روحي البسي عباتك وامشي وانتي ساكته لاتخليني احرق قلب امك عليك الحين !!
مهره تشهق وتكلم برجاء وهي تحاول تبعد كفها من كفه /فهد تكفى بس اليله طيب

فهد كلمت تكفى منها كانها سكين تقطع عروقه عرق عرق
و سحب له نفس وحاول يهدي من غضبه
عشان صوتها الناعم ودموعها البريئه فك يدها
ومهره بعدت عنه بسرعه وحطت كفها الثاني على معصمها اللي يالمها
فهد وعينه بعينها وقلبه يوجعه يوم شافها مسكت كفها حس انه اوجعها واضح من دموعها وده يحظنها ويقول كل شي ولا دموعك لاتبكين بس هيبته تمنعه من الحنيه فتكلم برود/ مهره انتضرك بسياره


طلع وسكر الباب معه وركب سيارته وهو
يحاول يضبط انفاسه قبل تجي مايبي تلاحظ عليه شي ابد

ام ماهر دخلت وشافت بنتها تبكي سالتها بجزع/مهره شفيك تبكين يامك
مهره تبكي وهي مازالت ماسكها معصمها/يبي ياخذني
ام ماهر تقرب لها بحنيه /يامك ماقصر ولازم ترجعين بيتك
مهره تمسح دموعها بكفوفها الثنتين وهي مازالت شاده بكفهاا بالم /وانتي من عندك
ام ماهر تضمها بحنان /عندي ماهر وانا بخير لاتشيلين همي ولو احتجت شي ارسلته لكم
مهره بين احضان امها تكلم بالم /بجي لك كل يوم
ام ماهر تبعدها من حضنها /روحي الحين الرجال ينتضرك برا عيب ينتضرك كثير

________________________________

ابو صالح واقف بمجلس الرجال ويكلم اخوه /ابو يوسف داخلن علي ينتخي
في انا و عيالي ولده بسجن
ابو ماجد واقف معه ورد بتسال /طيب ولده وش مسوي
ابو صالح ينسف شماغه /مدري مامداني اساله
صالح يكلم ابوه/ /لاتشيل هم بنروح ونوقف معه ومع ولده
فالح اللي كان جالس يوقف/بس نعرف السبب اول وش قضيته
ابو صالح بنخوه /ماحنا مخلينه مهمها كانت قضيته
صالح بستغراب /متى جاك هو
ابو صالح بتذكر/قبل ساعه او اقل من ساعه جاني يقول ابي صقر ابي انتخي فيه قلت صقر ماهو موجد بس وصلت وش تبي قال يوسف ولدي بالسجن وبيحاكمونه ابي وقفتكم قبل توصل للمحكمه
ابو ماجد بتفكير/لاحول ولاقوة الا بالله قضيته اكيد كبيره مدام فيها محكمه
فالح بتاكيد /اكيد مايبي توصل للمحكمه الا انه خايف من شي
ابو صالح مازال واقف /فالح دق على صقر
فالح برفض /حنا نكفي يابوي نروح معك
ابو ماجد معهم/وانا معكم
ابو صالح يتجهه لباب /اجل يلا مشينا
___________________________

وقف ونزل من السياره وهي نزلت وراه
وفتح باب البيت ودخلت ودخل وراها وسكر الباب شاف جدته وام ابراهيم ومريم وحسناء وبناتهم مجتمعين بالحوش و جالسات على الكراسي ويتقهون

الجده صيته قامت وقربت من مهره /ياهلا والله اني صادقه ياهلا
مهره ضمتها وما ينسمع الا شهقاتها
الجدة صيته تمسح على ظهرها /لاتبكين يامك البكى يعذب ويقصر العمر
مهره رفعت راسها وفتحت نقابها ومسحت دموعها

فهد كان وده يسحبها يبيها تبكي بحضنه هو وبس
واقترب وحب على راس جدته /يمسيك بالخير
الجدة صيته ماسكه يد مهره/يمسيك بالنور
جاهم صوت حسنا /شلونك مهره شلون امك
مهره طالعت فيها /الحمدلله زينه
ام ابراهيم تنادي لهم /تعالو تقهوو

فهد راح لجناحه وطنشها والجدة صيته تكلم مهره /روحي يامك لرجلك
مهره تهز راسها /ان شاءالله
ام ابراهيم بمقاطعه /تقهوي اول
الجده صيته طنشتها/روحي يامك روحي

راحت مهره و دخلت جناحها وسكرت الباب شافته جالس وشماغه وعقاله بجنبه على الاريكا ويشد على شعره الاسود الكثيف
راحت ونزلت عباتها وشيلتها وجلست اقباله
فهد يطالع فيها بتفحص وبصمت وهي نزلت راسها بخجل من نضراته الغامضه اللي تحرقها
ماتدري كم مر من الوقت وهو على حالته لمحته وقفو وتجهه لها

فهد ماقدر يقاومها اكثر قام وراح اتجاها ومسك يدها بهدو وقفها وحوط خصرها بين يدينه و شدها له
مهره حست ضلوعها دخلت بين ضلوعه
و نزلت عيونها على صدره القريب لوجهها
فهد بهمس رجولي/مهره طالعيني
مهره ماقدرت ترفع راسها /—-
فهد مازال يهمس لها/قلت لك طالعيني
رفعت راسها وطالعت بعيونه الوساع ورموشه الطوال بخجل-
فهد نزل شفايفه على شفايفها وعيونه بعيونها الناعسه باسها بوسه طويييييييييله يبي يروي غليله فيها
مهره حست شفايفها تجرحت وتمزقت
فحاولت تبعدهم عن شفايفه وقاومت كثير بس ماقدرت
فهد ابتعد بعد محاولات منها وطلع لسانه ومسح على شفايفه وبلع ريقه
مهره توترت من حركاته/فهد الله يخليك
فهد يضمها زياده له ويتكلم بعمق/ مهره خلاص انا زوجك ولازم تعطيني حقوقي
مهره برجفه ورجا /بس اليوم اعفني طلبتك
فهد رفع عيونه لفوق وتنهد رجع طالع فيها وقربها له وحط انفه على انفها الصغير واستنشقها بعمق حس بريحتها العطره تدخل داخل شرايينه -
فهد بحه رجوليه/بعفيك اليله بس بكرا لو يصير اللي يصير حقي باخذه فاهمه
مهره تنفس بسرعه/فاهمه

باسها مع خدها بهدو ابتعد منها بسرعه واخذ شماغه وعقاله وطلع
مهره جلست وتنفس بتوتر وتحط يدها على صدرها ويدها الثانيه على شفايفها وتلمسهم بصابعها
مهره تكلم نفسها /عنيف بكل شي بعصبيته وبحبه
__________________________

ابو صالح بقلة حيله /يابو يوسف قضيته كبيره والضابط يقول لازم يتحاكم
ابو يوسف بنفعال/ولدي والله انه بري بري كله من اصحاب السوء
ابو ماجد يهدي فيه /بالمحكمه وانا اخوك تطلع برائته
ابو يوسف برجاء/تكفى يابو صالح مابي يروح للمحكمه يلبسونه التهمه
ابو صالح يهز راسه/لاحول ولاقوة الا بالله بحاول اكلم صقر
فالح يحاول يبعد ابوه و خوانه عن المشاكل/يابوي الضابط علمنا يقول لازم يتحاكم حتى لو تدخل صقر
صالح يطلع جواله/لا صقر عنده معارف يمكن يقدر يحلها
ابو يوسف اقترب له/تكفىً وانا عمك كلمه خله يجي
ابو صالح با امر /دق عليه ي صالح
صالح بحترام/ابشر

دق صالح على صقر وبعد ساعه وصل لهم -

صقر سلم عليهم وقف قبال ابو يوسف بستفسار/وش قضيته يابو يوسف
ابو يوسف بتبرير /ولدي بري والله بري
صقر بحزم خافت/لازم اعرف عشان اقدر اساعده
ابو يوسف بضيقه/اتهموه بمحاولة قتل
صقر بصدمه/قتل ولا محاوله؟!
ابو يوسف ينزل راسه/لا بس محاوله
صقر يطالع ابوه ويتكلم بذات الحزم /لاحول ولاقوة الا بالله اذا محاوله بس مقدور عليها اهم شي الرجال سليم
ابو يوسف ياشر براسه/اي ماجاه شي تكفى ياولد مطلق تكفى لاتخليه
صقر انتفض بشهامه وحميه /لاتقول تكفى والله مايحاكمونه وانا ولد مطلق
ابو صالح بفخر/كفو يولدي كفو
صالح يكلم صقر /الضابط معند يقول لازم نحوله للمحكمه
صقر يحط يده على كتف صالح /انا اتفاهم معه

راح صقر لضابط يحاول يتفاهم معه -
____________________________

رواية ريح المطر (للكاتبة شغف)

ادعو لوالدي بالرحمة والمغفرة

-/البارت السابع عشر/-




جالسه وعيونها على التفزيون وعقلها مع ابو ماجد اللي ماجاء ولا دق اول مره يتاخر

ملاك بتسال/يومه ابوي بينام عند خالتي عيدة
نهيل بستغراب/لا اليله عندنا بس مدري ليش تاخر
ملاك بخوف/اخاف في شي
امل بخوف اكثر/بسم الله عليه من عندنا لو صار في شي
نهيل توقف/لاتفاولون ان شاءالله مافي شي
امل تحط الريموت على الطاوله/اكيد عند عمي مطلق
نهيل بشك/الله يستر لايكون صاير عندهم شي
ملاك برئه /اروح اشوف
نهيل بعصبيه/وين تروحين البيت مليان رجال عيب
امل بفهاوه /مافي رجال عندهم
نهيل بعصبيه /ولد عايشه ولد مها ماهو برجال
ملاك تضحك/وانتي حاسبه مهند وعلي رجال
نهيل بستهزاء/لا اجل ورعان وسلمان بعد ورع
امل تبرر/يومه الله يهديك ترا اكبر منا بكم سنه
نهيل ترجع تجلس/وانتم مانتم حريم لايكون ما تغطون منهم
ملاك بتفكير/ تقريبا للي سنه ماشفتهم اصلا
امل تطالع اختها /وانا بعد
نهيل براحه /اي تراهم رجال والحين يلا كل وحده تروح لسريرها
امل برفض / با انتضر ابوي
ملاك بذات الرفض /اي با اطمن عليه

وجلسو ينتضرون ابو ماجد بتوتر-
______________________

دخل البيت وتوجهه لجدته بيمسي عليها قبل ينام -

فهد واقف عند باب غرفتها/احم احم ي ام عقاب
الجدة صيته تنادي عليه /ادخل يامك مافي احد
دخل فهد وحب راسها/يمسيك بالخير
الجده صيته تطالع فيه/يمسيك بالنور
فهد جلس قريب لها/شلونك
الجدة صيته بحنان/بخير يالله لك الحمد انت شلونك شلون مهره
فهد فز قلبه من طاريها /انا بخير ومهره بجناحها ماجتك
الجدة صيته تهز راسها/لا انا مريت عليها لقيتها تبكي وحالتها حاله
فهد تنهد/ايام وتعدي ان شاءالله
الجدة صيته برجاء/تكفى ياولد عقاب تخاف الله بالهيتيمه
فهد ياخذ نفس/لاتشيلين هم مهره بخير
الجدة صيته كانها تحادث نفسها/لاوالله ماهي بخير ماهي بخير
فهد وقف وتكلم بحزم /ريحي راسك من التفكير انتي بس.
الجدة صيته تطالع فيه وترد بحزم حان /الله الله فيها لاتجبرها على شين ماتبيه ترها للحين حزينه
فهد حس بضيقه/ان شاءالله والحين تصبحين على خير

طلع وسكر الباب وقبل يروح جناحه شاف شوق برا تنتضره وعليها شالها ماباين الا عيونها و تقدمت وتكلمت بهدو /ابو عقاب
فهد وقف وزفر عليها بغضب/وش تبين
شوق تكلم بنبرة حب واضحه بصوتها /بعتذر منك
فهد يسحب له نفس لتهدئة و لف وجهها منها ورد عليها بصرامه /ادخلي داخل لا رتكب فيك جريمه

من كمل كلامه الا شاف مهره واقفه على باب جناحها وتطالع فيهم بعين دامعه من الغضب
فهد تحرك لجهتها بثقه وجمود رغم انه حاس بنار شابه بصدره
دخل الجناح وسكر الباب وراه و مهره واقفه تنتظره
و تهز رجلها بعصبيه وكفوفها حاطتهم على خصرها -
و الغيرة اعمت عيونها وتكلمت بغضب عميق /كان نمت عند ام الحسن والجمال

من انهت جملتها الا وصفعه القويه على خدها الايسر
و فهد شدها مع شعرها وتكلم بغضب اعمق /ابلعي لسانك لقصه ورميه للكلاب
مهره فهمت انه مايرضى على شوق وزادت عصبيتها
وتكلمت من بين دموعها و شهقاتها /دامك تحبها وماترضى عليها ليش اخذتني ليش
فهد زاد من شد شعرها وقرب وجهها له وهمس بحزم غاضب /لو احبها اخذتها وماردني عنها اطلق شنب
مهره تحس بقهر /اجل وش موقفك معها تكحل عينك فيها

فهد زادت عصبيته من كلامها و اتهامها له وحط يده الثانيه على فكها وضغط عليه وتكلم بخفوت من بين اسنانه /قسم بالله العظيم لو تكرر هالكلام ماينشف قبر ناصر الا وانتي بقبرك

مهره تبكي وتحاول تفك كفه القاسيه من فكها المحدد الصغير وتون بالم /اااهه اهه يومه ايييي اييي
فهد مزال ضاغط عليه بلا رحمه /طولة لسانك ماهي نافعتك!!

وبعد يديه منها ورمها بقوه على الكنب ورما عليها شماغه وعقاله وراح للحمام -
ومهره طاحت على الكنب وبكت على حالها ماتدري تنقهر من شافته مع شوق وهاذي ثاني مره باليل تشوفه معها ولا من طقه العنيف لها ولا من طاري قبر ناصر اللي نبش جروحها -

_____________________________
طلع من الضابط و اقترب لهم واضح عليه الغضب

ابو يوسف بتوتر/بشر وش صار
صقر بغضب حاد/الضابط واقف مع المجني عليه ومصمم يحول يوسف للمحكمه
ابو يوسف يمسح دموعه بشماغه/بيحاكمون ولدي
ابو صالح حزن على حاله/اذكر الله ي رجال ولدك باذن الله بيطلع
ابو ماجد بتعب/لاحول ولاقوة الا بالله والحل وانا عمك مع الضابط
صقر يشتغل بجواله/ علمته وقلت له ما يدخل المحكمه لو وصل الدم بيني وبينك لركب
فالح انتفض وتكلم بحزم /انت انهبلت تهدد الضباط !!
صقر طالع فيه ورفع حاجبه بذات الحزم/ماهو بس اهدده ودفن له خشمه بتراب بعد
ابو يوسف يقترب يبي يحب راسه لاكن صقر ابعد منه بحركه سريعه/ والله ما تقرب
ابو يوسف يمسك يده/الله يبيض وجهك

فالح يطالع صقر اللي ابتعد وراح يكلم بجواله
وجهه كلامه لابو يوسف اللي مازال يبكي /عين خير يابو يوسف والله ياللي بيقدر عليه صقر بيسويه
ابو ماجد يحط يده على كتف ابو يوسف /رح ريح بيتك والصباح رباح
ابو يوسف يجلس على الكراسي /لا ماني رايح بجلس انتضر ولدي
فالح يكلم عمه /رح ياعمي انت وابوي ارتاحو انا وصقر عنده
ابو صالح جالس/لا بنجلس ننتضر لين ربك يسرها صالح راح للبيت يكفى

مرت ساعات وصقر يشتغل بتصالات الخاصه
و ما حسو بالوقت الا وترتفع اصوات التكبيرات
لاذان الفجر-

ابو صالح يردد مع الاذان/الله اكبر الله اكبر هلا يذكر الله
ابو يوسف شاف التعب عليهم/روحو ارتاحو والله انكم ماقصرتم عندي صقر
ابو ماجد يقاوم التعب /بننتضر لين تيسر
فالح يطالع بتجاه صقر اللي جاي لهم /هانت باذن الله هذا صقر جاء

وقفو كلهم يطالعون بصقر ويطلبون من الله الفرج

صقر وقف بهيبة المعتاده وتكلم بثقل/ابشرك يابو يوسف محاكمه ماهو محولينه للمحاكمه
ابو يوسف يشعر بفرح/الله يبشرك بالخير الله يبشرك بالخير
ابو صالح يمسك يد ابو يوسف/الحمدلله الحمدلله
ابو ماجد ببتسامه /كفو وانا عمك
ابو يوسف يطالع بصقر ويتكلم باستعجال /متى بيطلعونه؟!
صقر يحاول يطمنه /بيحققون معه بالكثير سبوع ويطلعونه براه باذن الله
ابو يوسف رجع له الخوف/اهم شي ما يحاكمونه
صقر رد عليه بثقه /افا عليك يابو يوسف انا وعدتك مايدخل المحكمه ولا راح يدخلها
ابو يوسف يحط يده على كتف صقر/والله مانسى وقفتك انت وابوك وعمك وخوانك
صقر يتكلم بصوته الرجولي/حق واجب رجال دخل علينا لازم نوقف معه
فالح يطالعهم /يلا يشيبان كل واحد يروح بيته يرتاح
ابو يوسف /اي بالله روحو ارتاحو
صقر ياشر عليه/وانت يابو يوسف بعد روح ورتاح
ابو يوسف برفض/لا انا بجلس هنيه لتحقيق
صقر بشهامه حاده /انا موجود عنده وبحظر معه التحقيق وقضيته بتحول الا ضابط ثاني لاتشيل همه
ابو يوسف بارتياح/اجل الله يجزاك خير وانا عمك بروح اريح
ابو صالح يتجهه للخروج/يلا توكلنا على الله نصلي ونروح

راحو يصلون جماعه وبعد الصلاه كلن اتجهه لبيته الا صقر رجع يحظر تحقيق مع يوسف-
___________________________


فهد رجع من المسجد شاف مهرته الصغيرة لامه نفسها و نايمه على الكنب اقترب منها وهو يحاول يهدي من نفسه بشوفة ملامحها البريئه
لان نومتها بعيد عن حضنه تغضبه كثير كثير
هز كتفها وتكلم بحزم /مهره مهره
مهره قامت مفزوعه/هاه شفيك
فهد تنهد وهمس بذات الحزم الحان /ليش نايمه كذا قومي نامي على السرير
مهره تنزل راسها وترد بخفوت /مرتاحه هنيه
فهد يتكلم من بين اسنانه/قلت لك قومي ولاشوفك نايمه على الكنب مره ثانيه
مهره ترفع عيونها وتطالع فيه/بس
فهد ماخلاها تكمل كلامها وهو متجهه لغرفة الملابس وتكلم بنبرة امر /صلي وروحي للفراش

مهره تنهدت بتعب وقامت توضت وصلت وراحت بستسلام لسريرها شافته متسطح على السرير من بعد مابدل لبسه وساند راسه على حافة السرير ويديه ورا رقبته ويطالع فيها و لابس بجامه بلون الاسود طالع جذاب مع بياضه وسامته الرجوليه مهره شعرت بغيره من شوق كيف توقف معه وتكلمه وهو ملك لها هي وبس -

فهد يطالع فيها وهي جايه متجهه له وعليها قميص وردي فاتح بدون اكمام لتحت الركبه وفاتحه شعرها البني الحريري و دخلت داخل الفراش بصمت وعطته ظهرها

فهد عيونه على تفاصيل ظهرها النحيف و اقترب لها وتكلم بخفوت/كيف تعطيني ظهرك وتنامين
مهره مازالت مانحته ظهرها ومسكره عيونها و ترد عليه بتوتر /بنام طيب
فهد يسحبها مع خصرها ويوجهها له ولحضنه و يرد بحزم خافت/هنيه تنامين
مهره صدت بوجهها للجهه الثانيه/حاظر
حست فيه يقترب منها اكثر حتى لزق فيها
رفعت عينها له بتكلمه بس سكتها بوساته اللي وزعها على انحى وجهها عيونها وخدها وشفايفها وانفها ونفاسه الحاره وترتها حيل مهره تسال بتوتر /وش بينك وبين شوق !!
فهد طالع بعيونها بحده ورد عليها بتسال /مافهمت؟!
مهره تهمس بتردد /اممم وش تبي منك
فهد يرد عليها بحزم حاد/شي مايخصك لاتسالين عنه
مهره بحزم احد من حزمه /كيف مايخصني وهاذي ثاني مره اشوفها واقفه معك با اخر اليل

فهد حمر وجهه بغضب جازع من كلامها ومن صوتها المرتفع وهي مازالت بحضنه وقريبه منه بالحيل

مهره من شافت وجهه انقلب احمر خافت منه وبحركه سريعه حطت يديها على وجهها تخبيه لا يكسره لها تعرف يسويها
فهد سحب يديها من وجهها بيده وحده وتكلم بحده صارمه /لو تخبيتي بيديك ورجليك ما انتي حاميه نفسك اللي حماك انك بحضني ولا كان عطيتك درس ما تنسينه!!
مهره دفنت وجهها بصدره وكانها تقول له احميني
من نفسك ""
فهد عرف وش يدور بالها و حضنها بيده وحده والثانيه مسح على ظهرها بهدو حان
و بعد دقايق حس بنفاسها على صدره وعرف انها نامت براحه
هو يحاول ينام معها بعد ما قاومها وقاوم جلدها الناعم بين يديه الخشنه-
___________________________________

صحت وفزت بخوف شافت ملاك وامل نايمات على الكنب بتعب واضح على ملامحهم الطفوليه-
نهيل تنادي عليهم برعب /ملاك امل قومن
ملاك قامت مفزوعه/شفي ابوي صاير فيه شي؟
امل تقوم و تكلم بخوف /يومه ابوي وينه لايكون في شي؟!
نهيل ترد عليهم بتوتر/مدري مدري الله يستر شكله مارجع للحين الساعه كم
ملاك تطالع بالساعه اللي بمعصمها الصغير/الساعه 9 الصباح
نهيل تقوم و تلبس شالها ونقابها /انا بروح اشوف بيت عمكم وسال عنه
ملاك توقف معها/بنروح معك
نهيل ترد برفض/لالا اجلسن انا اجي واعلمكم

راحت نهيل ومن طلعت الا دخل ابو ماجد البيت بعدها بدقايق و يهلل/لاله الا الله احم
ملاك وامل راحن له ركض وكل وحده تحضنه
و ابو ماجد يسال بخوف/شفيكم يابوكم فيكم شي
امل تبكي /يوبه وينك من امس ماشفناك
ملاك ماتنزل لها دمعه كل عاده و تكلمت بحب وحترام /يوبه احنا خفنا عليك حيل وامي راحت تسال عمي مطلق وعياله عنك
ابو ماجد تنهد وهو يجلس/لاحول ولاقوة الا بالله امكم هاذي علامها انهبلت
ملاك تطالع فيه وترد بذات الاحترام /يوبه مالومها خافت يكون فيك شي من البارح ماجيت ولا دقيت علينا ولا طمنتنا
ابو ماجد بحده/ وانا ورع عشان تروح تسال الناس عني
امل تجلس قريبه له /تجي الحين بس انت ارتاح
ابو ماجد بتعب /في فطور
ملاك تاشر براسها بنفي/لا تو صحينا من البارح مانمنا ننتضرك
ابو ماجد بحنيه/حطو للي اكل يابوكم وراعي شغل
_______________________________

نهيل دخلت عليهم باستعجال و شافتهم يفطرون
ابو صالح وعياله وام صالح وبناتها بهدو وسلمت عليهم بارتباك/سلام عليكم
الكل يطالع فيها بصدمه ويرد عليها بذات الصدمه/عليكم السلام
ام صالح توقف بتسال /عسى مافيكم شي يام مازن
نهيل تكلم بحة حزن/ابو ماجد

ابو صالح قام مفزوع وعياله فالح وصالح قامو معه
ب فجيعه ابو صالح بتسال جازع /شفيه ابو ماجد
يا ام مازن
نهيل تمسح دموعها بشيلتها /من البارح مارجع البيت والله اني خايفه صاير في شي
ابو صالح اخذ نفس براحه /ماعليه الا العافيه من البارح معنا عندنا شغل و ماخلصناه الا بعد الفجر
فالح يطمنها/ يمكن نام بدوانيه مايبي يزعجكم
نهيل براحه /الحمدلله انتم عسى مافيكم مكروه
ابو صالح يجلس ويرد عليها /لا مافينا الا كل خير.
ام صالح تنادي لها وتاشر على السفره /تعالي افطري معنا
نهيل برفض وحرج /عليكم بالعافية بروح اطمن البنات خايفات على ابوهم
ابو صالح بحنيه/عساهم مايشفون فيه مكروه



نهيل رجعت بيتها و دخلت شافته جالس على الارض بصاله ويفطر مع بناته و تكلمت بعصبيه /عاجبك رايحه اسال الناس عنك
ابو ماجد يطالعها ويرد عليها برود/وانا اللي قلت روحي اسالي عن شايب وش كبره
نهيل بذات العصبيه /ليش ماطمنتنا عليك طيب بدال ما تشغل بالنا عليك!!
ابو ماجد بتعب واضح/كنت مشغول
نهيل تنزل شالها ونقابها وتحطهم على الكنب وتجلس معهم على السفره وتسال بهدو/وش اللي مشغلك
ابو ماجد يشرب من كاس الحليب / رجال داخل على ابو صالح وعياله يبيهم يفزعون له ولده مسجون ورحنا معه
نهيل تاخذ كاس الحليب اللي مدته لها ملاك وردت بذات هدوها /ياساتر ليش شفيه
ابو ماجد يرد عليها بارهاق /ولده متهم بقتل وجاي ينخى صقر مايبي ولده يتحاكم
نهيل ترفع حاجبها وترد باستهزا /وصقر دكتور ولا محامي
ابو ماجد يرد عليها بصرامه /دكتور بس له معارف
وله واسطات مع الضباط والعسكر
نهيل تمد يدها لسفره وتاكل /وش سوى معه طيب !!
ابو ماجد يحس بفخر/مطنوخ صقر على قولت مازن فزع لرجال وقال والله مايدخل المحكمه وهذا
هو الحين عندهم بتحقيق
نهيل بنغزه/يعني كل من قتل وراح لصقر يفزع له بيطلعه من السجن برائه
ابو ماجد بد يعصب منها /انتي خبله الرجال ماقتل بس يقولون انه ناوي يقتل
امل بتدخل /وصقر عاد يقدر يطلعه
ابو ماجد يطالع ملاك اللي تاكل بصمت /اي بالله يابوك انه قادر على شين كبير و ماهو عجزان عن هاذي
نهيل بتفكير عميق/ اي والله بعد سالفة الشيخ
ابو سعد اي والله انه يقدر على كل شي
ابو ماجد يبتسم /اي تذكرين يومه شاخ على قبيلته وشغلهم وماحد قدر فيه الا صقر يوم فزعوه قام معهم
نهيل تضحك/اي اشغل قبيلته الله يشغله
ابو ماجد مازال مبتسم /بس صقر وقفه بشمس عن الضل وقفه عند حده
نهيل تطالع بملاك وتبتسم/الله يكفينا شره وشر فزعته
ابو ماجد بحسن نيه/مافيه شر مافيه الا الخير

ملاك كانت تسمع بصمت وبينها وبين نفسها تكلم بالم (كل ماروح مكان اسمع بشجاعته وبفزعاته وبكرمه وبعطايه لناس كل ماحاول اشوهه صورته يجون يعدلونها ليش الناس كلهم تحبه وانا
الوحيده اللي اكرهه)
__________________________________

رواية ريح المطر (للكاتبة شغف)

ادعو لوالدي بالرحمة والمغفرة

-/البارت الثامن عشر/-

ابو يوسف دخل مركز الشرطه بخوف وتوتر
ويقترب / صقر يابوك بشر وش صار
صقر يوقف بارهاق ثقيل /سهالات باذن الله حولنا قضيته دفاع عن النفس ورجال قلنا له حنا حاظرين بلي تبي بس نبيك تعفي عنه مانبي يلحقه شي
ابو يوسف بتوتر/وش قال ؟!
صقر يقاوم التعب /ابد مقال شي بيتشاور هو وجماعته ويردون لنا
ابو يوسف بخوف/اخاف مايرضى
صقر بحزم/تطمن بيرضى يدري هو القضيه ورفعناها عن يوسف و بيطلع برضاهم ولا غصبن عليهم
ابو يوسف بتفكير/توقع يطلبون حق
صقر يحرك رقبته يمين ويسار ويرد بتعب/من حقهم كان طلبو نعطيهم ويعفون وعفى الله عما سلف
ابو يوسف بخجل / اشغلناك معنا الله يبيض وجهك وانا عمك اشهد بالله انك شيخ
صقر بصوته الثقيل/ماعليك زود يابو يوسف وما سوينا الا الواجب

جاء واحد ونادا على صقر وراح معه وابو يوسف جلس ينتضر

و بعد ساعه رجع صقر وتكلم بخفوت /اسمع يابو يوسف الرجال طلبو مبلغ مقابل العفو وانا تراي سددته كامل ومابي منكم الا الدعا
ابو يوسف وقف برفض /لاوالله ماتدفع ريال واحد
صقر ياشر له بيده يسكت / لا تحلف قد دفعته وخلصت
ابو يوسف يمسك كفه /انت وقفتك تكفي اما الفلوس والله والله
صقر بمقاطعه/قل لاله الا الله يرجال اذكر ربك والله دفعت وانتهى
ابو يوسف يشد على يده /يرجعن لك
صقر بصرامه /يابو يوسف حنا لا عطينا العطايا
ما نستردها وللي دفعته والله مايرجع
ابو يوسف بشكر وامتنان /والله انك كفو واللي ماينتخي فيك ياولد مطلق عزالله ما نخى رجال بس انت دفعت وراحت لاكن حلفتك بالله تقول للي كم اللي طلبوه
صقر حس راسه بينفجر من السهر /ماهو شين كثير
ابو يوسف باصرار /كم انا حلفتك بالله
صقر يجيبه بثقه/25 الف طلبو
ابو يوسف بخجل منه / ماقصرت والله والحين رح وانا عمك ارتاح ونام من امس وانت مواصل معنا
صقر يحط كفه على فمه ويتثاوب /اي والله بروح اريح وترا يوسف باقي له كم كلمه يكتبونها يومين ويطلع باذن الله
ابو يوسف /انا بروح اسلم عليه ورجع بيتي
صقر يمشي /مع السلامه
ابو يوسف/بحفظ الله

صقر تعباااان حده ومانام من امس ركب سياره ومن شغلها وقبل يمشي رن جواله طالع المتصل و رد بدون نفس/هلا
اميره بهدو/شلونك
صقر بذات الهدو/بخير
اميره بعتاب/نسيتني شكلك
صقر بتعب/مانسيتك
اميره بتسال/طيب ليش ماتسال علي
صقر تنهد/كيف اسال عليك وانتي بيت اهلك
اميره بعتاب خافت /جوال ماتقدر تتصل
صقر بكبريا حاد/ لا ماتصل اللي يبي اسال عنه يدل بيته
امير تنهدت باشتياق/كيف يعني ؟!
صقر يسند راسها على مرتبة السياره/انا تعبان ومو فاضي الحين لافضيت نتفاهم
اميره تسكر عيونها بقهر /وانا انتضرك لامتى
صقر يحاول ينهي النقاش/اميره قلت تعبان ومو فاضي للنقاش كلامي واضح
اميره بقلة صبر/بكرا تجي تاخذني
صقر حاس بضيقه/وين اخذك
اميره بنبرة بحب /عندك !!
صقر يشد بكفه على شعره /يصير خير
اميره بتاكيد/انتضرك
صقر بتردد/اممم ان شاءالله
اميره بهمس /صقر
صقر يرد عليها برود /هلا
اميرة تبتسم وكانها تشوفه /احبك
صقر رفع راسه لسماء/وانا بعد
اميره تنهى الاتصال بحياء/باي
صقر بمجامله/باي

رمى جواله على المقعد الثاني بضيقة وهو يكلم نفسه (مابي اظلمك معي يا اميرة القلب لها هي هي وبس)
حرك سيارته وتجهه للبيت وتفكيره كله بذيك الطفله الفاتنه
_________________________________
صحى من النوم ومسح بكفه بمكانها الفاضي
و ماهي موجوده بفراشها قام وهو رافع حاجبه
وياخذ لفه على الجناح يبي يشوفها وعرف انها تكون عند جدته تنهد وغسل ولبس وراح لجناحها

كانت جالسه عند جدتها بالجناح و تقهوا معها
جاهم صوته الرجولي فهد وقف /احم ام عقاب
الجدة صيته تكلم مهره /نادي له يدخل
مهره وقفت نادت عليه بنعومتها الطبيعيه /مافي احد ادخل
فهد دخل ويحاول مايطالع فيها و اتجه لجدته وحب على راسها/صبحك الله بالخير
الجدة صيته بترحيب/ياهلا يصبحك بالنور والسرور
فهد جلس قريب لها/شلونك
الجدة صيته تلمس رجولها/طيبه نحمد الله
فهد عينه على يدها اللي كانت على رجولها ويتكلم بموده/تشكين من شي ؟!
الجدة صيته تكابر /لا الحمدلله مافي الا العافيه
فهد يطالع فيها بشك/اكيد يا ام عقاب
الجده صيته تجاهلت سواله ورفعت راسها لمهره الواقفه وسرحانه بملامح فهد من غير ماتحس بنفسها
وتكلمت بتسال /هو علامك ما تقهوين رجلك
مهره انفضت راسها بحرج /هاه الا الحين
فهد كان يسرق النظر لها من غير ماتحس فيه وكان شايف سرحانه فيه بس رد بجمود /لا مابي قهوه بالديوان اتقهوا
الجدة صيته تمد فنجالها /قهويني انا
مهره تاخذ الفنجال وتصب لها فيه وتمده بحترام/سمي
وفهد عيونه تتبعها وهي تقهوي الجدة صيته وما حسو الا اللي دخلت عليهم مدرعمه بدون غطاء عليها قميص قطن ماسك على جسمها
ومن دخلت وعيونها بعيون فهد ورجعت بدلع متصنع
شوق بشهقه/ يوووه
''و طلعت وسكرت باب الجناح

فهد عض على شفايفه السفليه بغضب متفجر حاد حاس انه بيقضي على هالبنت بي وقت والصبر نفذ منه''.
و مهره وقفت بزعل وزفرت بغيظ مسموع وطلعت
من الجناح كله تحت انظار فهد اللي شد على سبحته بين كفوفه وكانه يمزقه مثل تمزق قلبه
و الجدة صيته ماهي اقل منهم غضب/كل من تحت راس جدتها قليلة الحياء
فهد بتوعد صارم / كلهم يبي لهم تربيه يا حريم يحترمن البيت و اللي فيه و يستحن على وجيهم
ويتركن الحركات اللي مالها داعي ولا يذلفن بالشارع
الجدة صيته تهدي فيه/انا اعلمهن وتفاهم معهن انت بس رح طيب خاطر مريتك
فهد يوقف ويكلم بذات الصرامه/وليش اطيب خاطرها
ان شاءالله ؟!
الجدة صيته ترفع راسها وتطالع فيه/يامك كلمه ماهي ذابحتك!
فهد بعناد حازم /تذبح ولا ماتذبح ماني مطيب خاطرها
هي كانت موجودة وشافت كل شي بعينها غير بتزعل تزعل من كيفها
_____________________________

بعد مرور سبوعين من الاحداث وباقي على شهر الصيام يومين -

اميرة رجعت لصقر ولاحظت هروبه منها ولاكن حبها له خلاها تحط له اعذار اكيد متضايق من الدوام
. ولا تعبان من التجاره ولا ولا
وصقر يحسب الشهور واليالي يبي بس تخلص السنه هاذي عشان يملك ملاك بين يديه يبي يحقق امنيه طال انتضارها -
/////////
فهد يحضن مهرته كل ليله وهذا حده معها بوسات واحضن وكل ماحاول يقترب منها بكت وبكاها وضعفها يمزق حناياه وتجلس تذكره بوعده لها
و ابتعد مجبور طول عمره وافي للوعد وما يخلفه حتى لو في مضره له

و مهره خوفها منه ومن عصبيته ترجا يتركها وتقول له انت وعدتني انا ماقدر وتجلس تبكي وهاذا حالها
كل ليله ماتطلع من جناحها والا تحتك باحد ابد
الا بالجدة صيته تجي لها بالجناح وتجلس معها
ولها سبوعين ماراحت بيت ام ماهر الا مره مع
الجدة صيته وداهم فهد حطهم ساعتين ورجع اخذهم للبيت
//////////
ملاك وامل من عرفن بحمل حصه وهم فرحانات حيل ويجهزون لطفل من الان
بس ماكملت فرحتهم بشوفة وفاء ونفسيتها الخايسه
حسو انها بداية شر عليهم و مازن مايبي احد يقول لها شي ويخاف منها وهي مغروره وشايفه نفسها
وفاء تحاول تبعد ملاك من صقر تغار من جمالها ومن حب صقر لها من صغرها
ودايم تقول بنت فقر وتاخذ دكتور وتاجر ويحبها ومزيون نست ان صقر اكبر من ملاك اللي بسن بنت من بناته بس وفاء شافت الايجابي ونست اسلبي -


//////////
ام ابراهيم مازالت تحاول تجذب صقر لشوق عكس حسنا اللي حمدت الله ماخذ بنتها وعذبها شافت العذاب بعيون مهره وحرمانها من امها وابوها
شوق تخطط تثير غيرة مهره لانها عاجزة من فهد خافت من اخر مره هددها وحاولت تخرب بينهم من طرف مهره -\\\\\\\\\\\\\

_____________________________

يجهزون لشهر الخير بحب وشتياق -

نهيل تسال بحماس/ملاك امل طلعتم القدور
امل ترد عليها بتعب/اي طلعناهم
ملاك بطولة لسانها المتعود عليه/ انا بعرف هذا شهر صيام وعباده ولا شهر اكل
نهيل ترد لها بعصبيه/نسوي اكل لصايمين صدقه لوجه الله
ملاك باستهزا /الصدقه على العمال والمحتاجين
ماهو على رجالنا اللي كرشه قدامه مترين
امل بضحك وتاشر على حصه/مثل كرش حصه
حصه منسدحه/وجع انا وش دخلني
ملاك تضحك/من الدب اللي بطنك
امل تقرب وتحط يدها على بطن حصه بحب/وه فديته بس متى يجي
نهيل تبتسم/يجي ان شاءالله بس يلا بنكمل شغلنا
حصه تقوم /بساعدكم
نهيل تاشر لها تجلس/لالا انتي ارتاحي
حصه بمحاوله/يومه والله مو صاير شي
نهيل برفض/قلت اجلسي وانتم الحقوني (وتاشر على ملاك وامل )
__________________________

طلعت عشان تساعد الجدة والبنات بالمطبخ لتجهيز رمضان لانها تعرف ان اول فطور مثل كل سنه بيت الشيخ فهد

الجدة صيته تكلم مهره بحنيه/روحي يامك ارتاحي معي الخدامات
مهره تبتسم بموده/لايكون مو عاجبك شغلي بس؟!
الجدة صيته بنبرة اعجاب/لابالله عاجبني وانتي كلك عاجبتني
مهره حمرة خدودها/الله يطول بعمرك
الجدة صيته تبتسم/حظ فهد والله بشوفت هالخديدات كل صباح
دخلت ام ابراهيم بدفاشه /وش حظه فيه
الجدة صيته تطالع فيها وترد بنغزى/بزين اللي عنده
ام ابراهيم طالعت فيها بنظره مقصوده /لا تحسدينها ياعمه بكرا ياخذ عليها!!

مهره طالعت بام ابراهيم بدهشه و استغراب
من وقاحتها''
الجدة صيته ترد بعصبيه/لا ماني حاسدتهم ان شاءالله ولا هو اخذ عليها هاذي مهيره ماهو لاقي مثلها
مهره تسال بنبرة جارحه/ومن اللي بياخذها علي
يا ام ابراهيم !؟
ام ابراهيم ابتسمت بخباثه عرفت قصد مهره وحاولت تغيضها بزياده/بياخذ عطيته اللي تنتضره
الجدة صيته بصدمه/ومنهي عطيته ي فاطمه عيب هالكلام !!
ام ابراهيم بثقه/عطيته شوق علامك نسيتي ياعمه!!
مهره بنبرة الم حاده /ودامها عطيته ليش ماخذها
ام ابراهيم بذات الخبث/اسالي رجلك هو لا تسالينا حنا
الجدة صيته لاحظت غيظ مهره و رجفتها /ماهي عطيته يا مهره بس ام ابراهيم تبي ياخذها بس
هو مايبيها
ام ابراهيم بزعل/انتي ياعمه اكثر وحده عارفه انها تبيه وانه كان يبيها بس مادري وش اللي رده (وطالعت بمهره بقصد)
الجده صيته تردف بغضب/تكذبين مايبيها لو يبيها خذها ياللي ماتستحين

''مهره طلعت لجناحها حاسه راسها بيتفجر وماهي قادره تسيطر عليه ''
ام ابراهيم طلعت وراها بسرعه وراحت لغرفة شوق خافت من الجدة صيته تقوم عليها وعلى بنتها -
________________________

دخل صقر البيت على صوت هواش
وقف بصدمه من اللي يسمعه

ام صالح تكلم بحرج صارم /انتي ماتستحين ماتنتخين وبيت عمك وشفيه عشان تطلعين منه هاه؟!
وفاء جالسه وترد عليها برود /وانا وش قلت حرام يصير للي بيت بروحي
هدى تنظر لامها الغاضبه وتهتف لاختها البارده /وبيتهم وش فيه عشان تبين تطلعين منه وبعدين مالهم احد غير مازن كيف يخليهم بروحهم؟!
وفاء بستهزاء/هذا يسمى عشه مو بيت وبعدين
ام صالح تقاطعها بغضب /لا بعدين ولا غيره عمتك ماعندها احد الا ملاك وامل وكل وحده تكبر وتزوج ويبقى البيت فاضي عليها وعليك
وفاء ترد بغيرة ماقدرت تخفيها /اي ملاك لاخذها ولدك الدكتور صقر سكنها بفله ولا انا اعيش بالعشه مع امها
هدى طالعتها بصدمه /والحين وش دخلك بصقر وملاك خليك بحياتك ماتدرين هم ياخذون بعض ولالا
وفاء ترفع يديها وتدعي من قلب/ان شاءالله ماياخذها وماهو نصيبها
هدى تجاوبت معها بحسن نيه /بهاذي انا معك ماودي انهم يصيرون نصيب بعض!!
هنيه صقر دخل عليهم بغضب متفجر /بتصير نصيبي غصبن عليك وعليها(وياشر على وفا وهدى)

وهجم على وفاء بوحشيه وشدها مع شعرها وصرخ عليها بقوه /وانتي السانك هاذا تبين تبلعينه ولا خليت الكلاب تبلعه لك ومالك دخل اخذت ملاك ولا ماخذتها فااااااهمه!!
وفاء ترد عليه بالم/ابشر بس قطعت شعري
صقر شد عليها اكثر وهتف لها بذات الغضب/ اسمعيني اقول بيت عمي ماتطلعين منه وان طلعتي والله يا وفا ماتطلعين الا على قبرك
وفاء بغيظ /بس ي صقر
صقر بمقاطعه منفعله /ولا كلمه وخلك بزوجك وبحياتك خلي عنك ملاك واهلها
وفاء تبكي بعصبيه/من الحين تدافع عنها وانت ماخذتها كيف لو تاخذها
صقر دفها بقساوه/واذبحك عشانها بعد سامعه!!

وفاء طاحت على الكنب و بكت بالم وزاد حقدها على ملاك اكثر واكثر وهدى اجلست قريبه لها وحضنتها وانتفضت برعب من نظرات صقر اللي يوجها لها بحده
صقر يكلم هدى بانفعال اعمق /وانتي لا تحسبين انك اكبر مني وماقدر امد يدي عليك والله ان تدخلتي بحياتي مره ثانيه لاحط رجلي هاذي بفمك (واشر على رجله )
ام صالح كانت ساكته و خلتهم يتفاهمون بينهم
بس اغضبتها تصرفات صقر وكلامه وتكلمت بحزم /عيب عليك يا صقر هذول خواتك
صقر بذات الحزم الصارم الحاد /خواتي وش مشغلهم بحياة غيرهم خلي يشتغلون بانفسهم ويبعد عن الناس
هدى بحرج هادي /والله ي صقر ماهو قصد اني مابي ملاك ولا مابيك تاخذها بس لاني عارفه عدل انكم ماتصلحون لبعض مابي لكم الشر
صقر رد عليها بحزم اعمق /ومنو طلب رايك ولا انتي بتحكمين مصلحتنا من راسك !!
هدى تنزل راسها بخجل/البنت ماتبيك وزواج
ماهو غصب وانا اختك
صقر صرخ عليها صرخه خلتها تقفز واقفه وتطالع فيه بصدمه /اص ولا كلمه باخذها غصبن عليها وعلى اللي خلفوها وغصبن عليكم كلكم والله والله ياللي يجيب هالطاري مره ثانيه لا دفنه وهو حي

طلع وخلاهم مصدومين من انفعاله الحاد -
و ام صالح تنهدت بتعب /انتو تبون تذبحوني
هدى تقرب منها وتحب على راسها/بسم الله عليك
لاتقولين كذا !!
ام صالح بعصبيه /قايله لكم مابي اسمع هالطاري وبذات قدام صقر ماتفهمون انتن
هدى ترد بهدو /كنت ابي احاول اقنعه مادريت انه بيهب فينا كذا
ام صالح بتوتر /انتم تخلونه يتحدانا ويتحداها كذا يخوفي يروح يسوي مصيبه بعد
_____________________

الساعه 11 مساء
فتح الباب ودخل البيت بفخامه مثقله وشاف جدته جالسه على كراسي بالحوش عند المزرعه وترش الماء على الزرع
ومن شافته الجدة صيته جاي وتكلمت بصوت مبحوح/هلا والله بولد عقاب
فهد يحب راسها ويجلس على الكرسي القريب منها/ هلا فيك عسى ماشر وشفي صوتك
الجدة صيته بتوتر /انا مافيني شي اللي فيها شي مرتك
فهد فز واقف وتكلم بمقاطعه /شفيها ؟!
الجده صيته تطالع فيه وتكلم بحه /مافيها الا العافيه بس انت اجلس
فهد مازال واقف ويهتف لها بحده/يومه قولي للي وش اللي صاير مهره فيها شي !!
الجدة صيته وقفت بتعب وتكلمت بخفوت صارم/اسمع ي فهد مرتك تغار عليك حالها من حال هالحريم اللي يغارن على رجالهن وتحسبك تبي شوق بنت عمك وزعلانه من اليوم بجناحها وماتبي لاحد حتى رحت بكلمها عيت تفتح الباب
فهد احمر وجهه وكان الدم تحير فيه من شدت الغضب
و بعد من الكرسي كان بيروح لها ويقطعها تقطع
كيف ماتفتح لجدته الباب كيف
بس الجدة صيته شدت كفه بكفوفها الثنتين برجا /دخيلك ياولد عقاب اللي فيها مكفيها لا تزيد عليها
فهد ينفض يده من يدها/وش اللي فيها غير الخبال وكيف ماتفتح لك الباب هاذي ماتستحي!!
الجدة صيته تاشر له يقصر صوته/قصر حسك وماهو خبال هاذ حب لونها ماتحبك وما تبيك ماغارت عليك

فهد حس بقشعريره غريبه بجسده
ايه يصدق انها تغار عليه لانه شاف الغيرة بعيونها الدامعه ذاك اليله لاكن اللي ماهو مصدقه معقوله
ان مهره تحبه على كثر قسوته عليها

سال جدته بجمود /طيب وش جاب هالطاري ؟!
الجدة صيته ارتبكت ماتبي تقول فاطمه عشان مايقوم عليهم تعرفه مايسكت حاولت تكلم بثقه/مدري انا كنت اسولف عليها وقلت اني كنت بخطبها لك بس انت رفضت وهي زعلت من كلامي وقالت اكيد ان بنت عمه عطيته
فهد يرفع حاجبه بشك/وانتي متاكده ان هاذا اللي صار
الجدة صيته تغير الموضوع بذكا /شايفني مخرفه عشان اقول كلام مو متاكده منه
فهد يحب راسها ويهتف بموده/ محشومه ياام عقاب
الجدة صيته ترد عليه بذات الموده/اذا للي حشيمه عندك صحيح احشم بنت اخوي ترا حشيمتها من حشيمتي
فهد اشر بصبعه على انفه/على هالخشم تبشرين انتي وبنت اخوك
الجده صيته برجا/روح اجبر بخاطرها الله يجبر بخاطرك
فهد يتجهه لجناحه ويرد بحترام/لايهمك

دخل الجناح بجمود رغم الحراره اللي تلفح فيه من كل جهه و شافها جالسها على الكنب عليها بجامه ساتان بنفسجي غامق وشعرها منثور على متنها
وخدودها وانفها محمر من كثر البكى
ومن شافته دخل وقفت وتجهة له باستعجال للمواجهه
و فهد اقترب منها اكثر وقف قبالها بفخامه مثقله
وسامه اثقل تجذب كل انثى تشوفه بس مهره بالحضه هاذي اغضبتها حيل تفاصيل وسامته

مهره تكلمت بصوت مهزوز /اخذتني عشان تنتقم منها
فهد يكتف يديه قدام صدره ويرد عليها بتسال بارد / انتقم ومن مين ؟!
مهره ترجف بعصبيه /من حبيبة قلبك
فهد اقترب لها ورد عليها بنبرة خبث/ماحد حبيب قلبي غيرك
مهره رجعت على ورا وهي تبكي /فهد انا مو بزر تضحك علي بكلامك
فهد سحبها مع يدها بسرعه وبسرع من البرق وضمها وهمس لها/وربي مالي خلق للعصبيه لاتستفزيني
يا مهره
مهره بكت على صدره بحرقه/وانا عادي تستفزوني وتخلوني لعبه بينكم
فهد بعدها من حضنه ويديه على كتوفها وطالع بعيونها الغارقه بدموع / انتي ليش ماتبين تفهمين قايل لك من اول لو ابيها اخذتها
مهره بغير اقتناع / وش السبب اللي يخليك ماتبيها طيب؟!
فهد يرفع راسه لسماء ويتنهد بطولة بال/قلت لك مابيها وخلاص انتهى النقاش هذا
مهره تطالع فيه وترد عليه بنبرة غيرة
ماقدرت تخفيها على فهد اللي كان يحس فيها /بس هي قالت انك كنت تبيها
فهد بصوته الرجولي وعيونه بعيونها /بس انا مافكرت بزواج اصلا ولا كنت ابي الحريم نهائي
مهره بستغراب من كلامه/اجل ليش خذيتني؟!
فهد بعد شعرها من اذونها وحط شفايفه عليها وهمس لها بغموض /لاتسالين اكثر من كذا
مهره طالعت في بشك /يعني كلامها هي وامها صحيح!!
فهد بدا يعصب منها ومن كلامها /قلت اللي عندي صدقتي زين على زين ماصدقتي قلعتك عاد

وبتعد منها وراح لحمام ياخذ له شاور وهي جلست على الكنب و تفرك يديها بعض بتموت من الغيره
____________________________

رواية ريح المطر


البارت التاسع عشر

رواية ريح المطر (للكاتبة شغف )

ادعو لوالدي برحمة والمغفرة..


-/البارت التاسع عشر/-

ليلة رمضان تعالت اصوات المساجد بصلاة التروايح-

ام صالح من العصر هي وبناتها يجهزون ويرتبون لاول فطور بكرا لرجال القبيله عند ابو صالح

وفاء تمسح الطاولات مجلس الرجال بفوطه صغيره وتهتف بزفرة /اف غبار مره
ام صالح تطالع فيها وماهي مرتاحه من جياتها وروحاتها لهم كل يوم/انتي وش جايبك ليش ماجلستي بيت رجلك
وفاء بتفف/ماعندهم شي ليش اجلس
ام صالح تكلم وهي جالسه/الاصول تجلسين تساعدينهم
وفاء تكشر /انا اساعدهم وبعدين زوجي وسامح للي اجي عندكم وغير ماعلي منهم
هدى تمسح التحف وتكلم بهدو/ اجلسي معهم لو يوم مو كل يوم عندنا
وفاء بذات الهدو /الحمدلله ان الباب على الباب ولا كان مت ما تحملهم
هدى تبتسم /وليش بتقنعيني لو كنتي بعيد مازن مايجيبك
وفاء تضحك/الا والله غصبن عليه
ام صالح بعصبيه/عيب هالكلام وش غصب
دخلت عليهم اميره بهدو /السلام عليكم
الكل /وعليكم السلام
اميره بموده /مبارك عليكم الشهر
ام صالح بذات الموده/علينا وعليك يتبارك
هدى وفاء /علينا وعليكم ان شاءالله
ام صالح بحنيه /روحي يامك عن الغبار
هدى تبتسم لها /القهوه بمجلس الحريم تقهوي لين نجيك
اميره ترد الابتسامه /لاوالله بساعدكم
ام صالح برفض /لا يامك معنا الخدامات يكفن
هدى توجهه كلامها لامها /روحي يومه معها تقهون
اميره بحترام /كان عمتي بتروح معي بروح
ام صالح وقفت و قربت لها/يلا اجل نخلي البنات يكملن شغلهم
وفاء تطالع باميرة بتفحص وتكلم بجزع /والله فرق بينها وبين ملاك هي محترمه وذربه وملاك طويلة لسان وقليلة ادب
هدى تطالع اميرة بحرج وترجع تطالع وفا و تهمس لها/اص عيب عليك
ام صالح تطالعها بنظره حاده /كملي شغلك وانتي ساكته
اميره ونظراتها لوفا بحده و ترد بتسال احد /ليش ملاك كم عمرها!!
وفاء تميل فمها بكرهه / 14 عجوز
اميره بنبرة مثقله بالغيرة /حلوه عاد ؟!
ام صالح بمقاطعه حاده /يلا ي بنات كملو شغل وانتي تعالي ياميرة نتقهوا

اميره راحت وهي شابه نار وحاسه بضيقه من طاري ملاك المجهوله بنسبه لها
______________________________

يفرشون الفرشات بحديقة الرجال ويرتبون المراكي
حسنا تكلم بنتها بحنيه /نوف خلاص روحي ارتاحي
مريم تطالع فيها وتكلمها بصرامه /ليش اجل من اللي تبينه يشتغل
حسنا بذات صرامه /بنتي تعبانه وبعدين مهره وشوق يكفن
الجدة صيته بصوتها الثقيل/ اقول الكل يشتغل بسكات
وانتي تعالي ي مهره ابيك
قربت مهره لها /سمي

الجدة صيته توشوش عند اذنها و خدود مهره حمرت تحت انظار الجميع لها بستغراب
ام ابراهيم بتدخل/وش اللي ماتبينا نسمعه ياعمه
الجدة صيته /قلتيها مابيكم تسمعونه لعنبو حيكم انتم ماتستحون سالفه بين بنت وجدتها وش دخلكم
مريم /طيب خلي تجي تساعد البنات
الجدة صيته بحزم /الشغل اللي اشتغلته يكفي والحين روحي ي مهيره
ام ابراهيم بغيظ/وبناتنا بيشتغلون لحالهم
شوق ترد بقهر /ي سلام ان راحت حتى انا رحت
قطع كلامهم صوت ابراهيم /احم احم
مهره ونوف البسن شالهم وتغطو فيه
مريم /تعال ياخوي
دخل وسلم على راس جدته/يمسيكم بالخير
الجدة صيته/يمسيك بالنور
ابراهيم /مبارك عليكم الشهر
الكل /علينا وعليك يتبارك
الجدة صيته/الله يجعلنا من صوامه وقوامه
ابراهيم /اللهم امين
ام ابراهيم /وينك من الصباح
ابراهيم/كان عندي شغل
ام ابراهيم /وش هالشغل
الجده صيته/خلي الولد يرتاح من جاء وانتي تنشدينه
ابراهيم يبتسم /بعرس
الكل مصدوم وهتفت مريم/انت صادق ولا تمزح
ابراهيم اتسعت ابتسامته/لابالله صادق
ام ابراهيم/واخر من يعلم امك
ابراهيم /لاوالله حشاك بس تو قررت
الجدة صيته/ماعليك منها عسا مبروك ان شاءالله
ام ابراهيم /اخترت بعد ولا تبي نختار لك
ابراهيم /لا بالله لا انا اخترت ولا انتي تختارين
الجدة صيت باستغراب/ اجل كيف بتعرس
ابراهيم/ابو انوار زوجني بنته
ام ابراهيم /واي وحده فيهم. ان شاءالله
ابراهيم/ انوار الكبيرة
الجدة صيته /ونعم والله رجال في الخير وبنته ماعليها زوينه
ام ابراهيم /وانت موافق
ابراهيم /هذا انا جاي اشاوركم
شوق/ترا مو ذاك الزود عاديه
الجدة صيته /الزين ماهو كل شي
ام ابراهيم /ويوم جيتي تخطبين لفهد ليش ماقلتي الزين ماينفع
الجدة صيته ترد بعصبيه/هو اللي اختار ماهو انا

'مهره انحرجت من كلامهم ومن وجود ابراهيم اللي يسمع وماتدري ليش حست برجفه مرعبه كيف
جا بالها فهد لو درا ذبحها لو مالها دخل

مريم/الشيخ فهد درا
ابراهيم/اي ويمدح فيهم ويقول توكل على الله
الجدة صيته/اجل توكل على الله وخذها
ابراهيم يوجهه كلامه لامه /شرايك يالغاليه
ام ابراهيم بحنيه/الله يوفقك اللي تشوفه
ابراهيم حب راسها وبعده حب راس جدته وراح متجه لغرفته /ويخليك للي يلا اخليكم تكملون شغلكم
حسنا بخفوت /ليش ماياخذ نوره احلا من انوار
الجدة صيته بهدو /نوره ناخذها لعبدالله
مريم تطالع فيه بصدمه/لا ولدي توه على العرس
الجدة صيته بذات هدوها /نحجزها له عادي
ام ابراهيم عصبت/عمه علامك انتي ليش والبنت بتطير عشان نحجزها
حسنا والبنات يضحكن من نقزات الجدة ومعهم مهره/ههههههه
-
___________________________________

بعد جهد وتنظيف كل وحده طاحت على الكنبه بتعب-

نهيل تاشر لهم يقومون /يلا نامو عشان نصحى على السحور
ملاك تمد رجولها الناعمه / بعدين لازم نطلع اغراض رمضان قبله بشهر
نهيل تقبط حواجبها /ليش ان شاءالله
امل تشرب مويا وبعده تكلمت/عشان مانتعب التعب هاذا كله
نهيل بنبرة حانيه /ي قلبي ي حصه راحت بدون عشاء
ملاك تلف يمين ويسار وكنها تدور على احد و تكلم باستهزا /والدلوعه وينها ماشفناها من اليوم
نهيل ترد عليها بعصبيه/مالكم شغل فيها خلوها تفارق
امل تكشر بقهر/يومه صدق كل يوم تروح لاهلها ماتقل عايشه معنا
ملاك بقهر اعمق /ماقاهرني الا مازن مايعرف يقول لها انثبري بيتك طاير وراها مثل الخبل
نهيل بزفره /انتم علامكم ماحنا بحاجتها خلوها ترتاح وتريحنا منها وانتي (تاشر على ملاك) عيب عليك تكلمين عن اخوك كذا
قطع عليهم دخول مازن /السلام عليكم
الكل رد عليه بهدو /وعليكم السلام
نهيل تكلمه بحنيه/تعشيت يامك
مازن يمسك بطنه /لاوالله جيعان حدي
نهيل تطالع بناتها وتكلم بحزم / قومن سون لا خوكم عشاء يلا
ملاك مازالت ماده رجولها ومتكيه على الاخر وردت عليهم برود/ والله عنده مره خلي تجي تسوي له
مازن يرفع حاجبه /وليش وانتي وش عندك ماتقومين تسوين لاخوك؟!
ملاك ترد عليه بلسان سليط /من العصر نكرف كرف ومرتك تسرح وتمرح عند اهلها خل تجي تقوم بواجباتك
نهيل تطالعها بنظره حاده /ملاك اسكتي احسن لك
ملاك تعدل جلستها وتهتف بحده/اي بس سكتينا
لا يزعل حبيب قلبك ويضرب عن الاكل
مازن يطالع فيها بقهر/لعنبو هالسان اللي عندك والله ان يبي له قص
ملاك تشد جيبها وتنفث وكنها تحصن نفسها/بسم الله علي وعلى لساني
مازن بنغزى /الا الله يعين صقر عليه وعليك
نهيل ترد عليه بذات النغزى /ماهو قليل شر حتى هو بعد
مازن يطالع ملاك بنص عين يبي يغيظها/خليه يربيها احنا يا اهلها ماقدرنا عليها
نهيل بزعل/ليش وش فيها تربيتنا !!
مازن يضحك ويحب راسها/محشومه يالغالية
امل وقفت واخير تكلمت بهدو من التعب /وش تبي عشاء اسوي لك
مازن ياشر لها بحنيه تجلس/ مابي شي ارتاحي
نهيل بتسال حان/ليش يامك ماتبي وانت توك تقول جيعان
مازن يجلس على الكنب ويركي ظهره/ في سحور عند عمي وعياله ومابي اتعشى بخلي سحور مره وحده
امل ترجع تجلس هي بعد وتسال بذات هدوها /وفطور عندهم بعد الله يعينهم والله تعب وتكاليف
مازن يرد عليها وهو مازال مرتكي/الفطور جماعي لاكن السحور خاص
نهيل واقفه وتسال بفهاوه /وشو سحورهم عاد ؟!
ملاك تضحك من فهاوة امها وتكلم بمرح /ليش هو تسحر الحين عشان تسالينه يقول شوي سحورهم
مازن يضحك ويهتف لها/انتي تلاحظين امي احيانا مدري كيف تفهم لازم شرح ودرس ويالله تحفظ الكلام
ملاك تضحك برقه /هههههه مخها يقفل
نهيل بصدمه/ كيف تكلمين عن مخ امك كذا
يا ام لسان
ملاك و مازن وامل انفجرو بضحك /هههههههه
وفي هالوقت دخلت وفاء عليهم بتميع ومستغربه من ضحكهم اللي واصل لجانحها/السلام
مازن يبتسم ويرد بدون شعور/هلا وغلا
ملاك اختفت ضحكتها فجئه وتبادلت النظرات هي وامها وامل
نهيل بنبرة مدروسه/وشلون امك وخواتك
وفاء تجلس قريب لمازن وتحط رجل على رجل وترد بغرور /طيبين الحمدلله
ملاك تكلم بنغزى /كان نمتي عندهم !!
وفا ردت عليها بعصبيه/ ماهو شغلك انتي
و ما سمح لك تكلمين معي كذا فاهمه
ملاك تكتف يديها وترد بهدو /ماطلبت اذن منك كيف اتكلم معك عشان تسمحين ولا ماتسمحين و روحي المطبخ سوي لرجلك اكل من اليوم يشحذ الناس ياكل ماتقل عنده مره
وفاء تطالع مازن بعصبيه اعمق / بتسكت اختك هاذي ولا شلون؟!
مازن.بغضب حاد /ملاك سدي فمك لاقوم اسده لك
ملاك ترد بذات الغضب /وانا وش قلت عشان تسد للي فمي لاني قلت لها تسوي لك عشاء بدل مانت جالس جيعان
نهيل تدخل بصرامه /بس خلاص ياملاك وانت خذ مرتك وروحو جناحك
مازن يوقف وياشر بيده /يومه علمي بنتك لو طولة لسانها مره ثانيه قصيته لها
ملاك توقف و تحط يدها على خصرها /ي سلام تعال قصه للي وش رادك !!

قترب مازن بعصبيه وناوي يضربها بس ردته نهيل اللي وقفت بوجهه وهتفت بصرامه/مازن حدك عن بناتي
مازن بصوت عالي/والله واللي اسمه الله كان سمعت حسها لاقطعه
ملاك بقهر تشر على وفاء اللي حاطه رجل على رجل ومبتسمه/تبي تضربني عشان هاذي!!
وفاء توقف بحده/ثمني كلامك وعرفي من جالسه تكلمين
نهيل بعصبيه/وانتي بعد ثمني كلامك وحترمي الموجودين
وفاء بغيظ/وانا شقلت ياعمه من دخلت هالبيت وهي حاطه راسها براسي
ملاك ترد عليها بحده مقصوده/قصدك العكس من وحنا صغار وانتي تغارين مني يا وفاء وتقارنين نفسك فيني
وفاء صرخت بقهر /من وشو اغار من وشو هاه
ملاك ترفع حاجبها وتبتسم بعذوبه /لاني اجمل منك ولا عندك شك بعد !؟
وفاء حست ودها تقدم وتخنقها كيف تجرئت تقارن جمالها بجمال وفاء وقدام مازن ردت بقهر متفجر/ الجمال ماهو كل شي يا ملاك!!
مازن يطالع ملاك بغضب وياشر لها تروح /اذلفي عن وجهي داخل لاذبحك
نهيل تمسك كتف ملاك برجا /ادخلي بغرفتك عشان خاطري
ملاك بعناد /وان مادخلت وش بيسوي !!
اقترب منها مازن/لا شفتي ضروسك تشتت تعرفين الحين وش بسوي
نهيل تصرخ بوجهه /والله لو تمد يدك عليها لاكسرها لك
مازن طالع امه بحده/ليش وانتي شايفتني مره عشان تمدينها علي
نهيل توقف بوجهه/خواتك خط احمر فاهم
مازن يرجع على ورا /ربيها ولا ترا ماني عجزان عن تربيتها

مسك يد وفاء وسحبها معه وراحو لجناحهم -
و نهيل تكلمت بعتاب/ليش ي ملاك ليش
ملاك ترد بحة/شفتي كان بيطقني عشانها
امل بذات العتاب /وانتي لو كسرتي الشر ودخلتي غرفتك
ملاك بجزع /تبين يمشون كلمتهم علي!!
نهيل بجزع اعمق /اجل يضربك قدامها ويفرح قلبها

ملاك راحت بغرفتها ودخلت فراشها وحاولت تمسك نفسها لاتنهار وتبكي-
__________________________

دخل جناحه بعد ماسلم على جدته وبارك لها بالشهر المبارك دور على مهره بعيونه ماشافها بالجناح توجهه لغرفة الملابس وفتح الباب ودخل بسرعه
وانتفض بانتعاش من المنظر
الرقيق
المثير
الاليم
اللي شافه قدامه
حس بقشعريرة تذيب اعصابه الجامده
كانت مهره اخذه شاور وعليها بس ملابسها الداخليه واقفه عند كبت الملابس تبي تطلع لها بجامه
وشعرها المبلول منثور على جسدها

مهره من سمعت صوت الباب انفتح لفت بسرعه لجهة الباب وانصدمت من وجود فهد معها بالغرفه وحست انه بياكلها اكل بعيونه ونظراته وكل نضرة متفحصه منه كانها كهرباء تلتمسها وجسدها يرجف من التكهرب
اخذت لها بجامه بتوتر من غير ماتشوف شكل البجامه اهم تلبسها وتستر نفسها من عيونه-

فهد اقترب لها بخبث وهي من شافت نظراته الخبيثه
لها ارجعت على ورا وهو يقترب منها اكثر وسحب البجامه من يدها ورمها بالارض ومهره ترجف وصدرها يرتفع وينزل من الخوف
فهد حط انفه بشعرها المبلول واخذ نفس عميق وبعده نزل على رقبتها وباسها بعمق حظنها بهدو ومسح بيده على ظهرها العاري
مهره من حست بيده الضخمه على ظهرها الناعم حستها تخلخل حنايها
بس ماحاولت تبعد ابد جمدت مكانها.

فهد مازال حاضنها ودافن واجهه برقبتها وتكلم بهمس حازم/كل شي بغيته خذيته بالقوه وعمري مانتضرت رضى من احد لاكن انا عطيتك وعد لانك انتي طلبتيني وترا ماني عاجز اخلف بالوعد واخذ اللي ابي منك بالقوه !!
مهره ترد عليه مثل ردها كل مره لاقترب لها
بعذوبه خافته /بس انت وعدتني ماتقرب للي الا برضاي!!
فهد يرفع راسه ويطالع فيها بذات حزمه/والوعد له حد وحنا تعدينا الحدود كلها
مهره برجاء/بس _
فهد يقاطعها بصوت خشن / مافي بس الحين انتي تبينها برضى ولا بالغصب!؟
فهد مسك وجهها بين يديه ويكمل كلامه
بصوته الرجولي الخافت /مهره والله يا ليله ياللي براسي لا سويه بس ترا لاصار برضاك احسن لك ولي انا بعد

مهره صمتت وعيونها بعيونه الوساع ملامحه وصوته يذوب كل شي فيها بس قساوته وصرامته تجمدها
من جديد..

فهد يطالع بتفاصيل ملامحها البريئه الجذابه
والكلام اللي يدور براسه (سبحان من خالقها
وصورها باجمل صوره) ماقدر يقول الكلام هذا وهي تسمعه خلاه بينه وبين نفسه فقط
مهره تقطع افكاره وتحاول تقنعه بتحيل/طلبتك يا فهد لاتجبرني
فهد بعالم ثاني وعيونه مركزه عليها وهمس لها بغموض غريب/اطلبي كل اللي تبين الا حقي ماتنازل عنه ماتنازل عنه

ماخلاها تكلم لانه شالها بين يديه وتوجهه لسرير
مهره حاولت تنزل من حظنه بس قوة فهد ماخلتها تحرك
نزلها على السرير ورمى شماغه وعقاله على الطاوله القريبه من السرير وبالوقت اللي كان ينزل ثوبه
مهره قفزت واقفه بوجهه و تكلمت بين دموعها/والله مايصير شي بالغصب

فهد مسكاها مع خصرها وقربها له وتكلم بين اسنانه/لاتخليني افقد اعصابي ترا مو من صالحك ابد!!
مهره تبكي وترجف /تكفى يافهد لا تغصبني
فهد كل كلمة تكفى منها كانها سكين تقطعه رايح جاي صرخ فيها بشده/قلت مابي اسمع كلمه تكفى انتي ماتفهمين
مهره سكرت عيونها من صرخته وصمتت/….
فهد رماها على السرير ورمى نفسه معها حظنها بهدو وزع بوساته على وجهها كامل ويمسح على شهرها بحنان لين حس انفاسه اللي كانت سريعه هدت-
فهد يهمس ووجهها مدفون بصدره/ارضي ي مهره ترا ماودي يصير شي بدون رضاك

مايسمع الا انفاسها اللي رجعت سريعه-
فهد رفع وجهها لوجهه وطالع فيها وتكلم بذات الهمس الموجع/مهيره لاتغلين تراك غاليه

مهره انصدمت من كلامه لها من عرفته ماقال لها الكلمه الحلوه وصدمها اكثر كلمة مهيره بالعقل فهد يدلعها باسمها -
مهره وردت خدودها بحيا وبان عليها من بشرتها الشفافه وردت عليه من غير لاتحط عينها بعينه /خلاص راضيه
فهد باسها على خدها المورد ورد عليها بتاكيد خافت /اكيد
مهره مازالت منزله راسها وترد بذات الخفوت /اكيد

فهد كان ناوي اذا رفضت وعندت يبعد منها لانه حالف مايخلف بوعده لاحد بس ارتاح انه سمع رضاها -
___________________________

وقت السحور الاول شعور عجيب اللي جالس على سجادته ويشكر الله ان بلغهم رمضان بصحه وعافيه واللي يجهز السحور الاول من شهر الخير
واللي يستغفر ويهلل ويذكر ربه -

نهيل تنادي على البنات/ي بنات تعالو بنجهز السحور
امل جت وهي تثاوب نعسانه /هلا يومه
نهيل تطفي النار عن القدور وتكلمها بامر /روحي شوفي ابوك اذا صلى الوتر وخلص بنحط السحور
امل بتسال وهي تفتح القدور وتشوف امها وش سوت لهم سحور/مازان ماصحى؟!
نهيل ترد بدون نفس/الا راح هو ومرته يتسحرون بيت عمك
امل تذوق بالملعقه من المرق /وابوي مو رايح يتسحر معهم !!
نهيل تقترب لها وتاخذ منها الملعقه بحده /لا ماهو رايح وبعدي انتي لاتحوسين الاكل
امل تبعد وتمسح فمها بمنديل /ليش ما عزمو ابوي !
نهيل بخفوت /الا بس يقول دسم سحورهم مايبي ثقيل طايحين بشحم والحم ما ياكلون الا دسم
امل تضحك وتكلم بذات الخفوت /اذكري الله يامي وحتى احنا عندنا شحم ولحم بالثلاجه
نهيل تحرك بوزها يمين ويسار / ماشحمنا ولحمنا مثل شحمهم ولحمهم حنا مجمد وهم طازج

ملاك دخلت على اخر كلام دار بينهم وتكلمت من بين اسنانها /ليش ان شاءالله شحمهم من ذهب وحنا من فضه
امل انفجرت بضحك من غضب ملاك /ههههههه
نهيل بتكشيره وتنقل عينها على بناتها /وانا صادقه حتى مايعرفون يرسلون لنا من النعمه اللي ينثرونها
ملاك تطالع امها بدهشه/وليش وانتي بتاخذين منهم لو ارسلو لك !!
نهيل ترد برود /اي والله اخذ احنا اهل عادي
ملاك تشد شعرها /بتجننوني انتم تبينهم يقولون احنا شحاذين
امل تكلم بنغزى /ليش خايفه صقر اللي يقوله؟!
ملاك ترد بعصبيه/ كلهم مغرورين وشايفين انفسم واولهم صقر وقسم بالله لو جابو شي وخذتوه لاكبه عند باب بيتهم
نهيل بذات العصبيه /بسم الله علامك طرتي فينا ترا كلام ماجابو شي

ملاك راحت غرفتها بزعل وسكرت الباب بقوه نهيل وامل مصدومات من انفعالاتها -
______________________



رواية ريح المطر (للكاتبة شغف )

ادعو لوالدي برحمة والمغفرة..


-/البارت العشرون/-


يجهزون عدت اطباق مميزه على السحور

بالطبخ هدى جالسه على الكرسي وقدامها الطاوله وعليها السلطه تجهزها وتكلم بتمنى حان /ليت ام مهند وشذى معنا على السحور والله فقدتهم
وفاء بعد جالسه قريبه لها و تقصص الخبز بترتيب وترد بمرح /لا الحمدلله انها هي و قرودها ماهو عندنا يخففون علينا
صبا اللي واقفه عند المغسله تضحك /وانتي ليش ما جلستي تسحرين بيت عمي بدال مانتي جايه تثقلين علينا
وفاء ترد بقرف/اترك السحور هذا وتسحر عندهم جريش
صبا تطالع فيها بصدمه وبعده تنفجر بضحك / هههه بذمتك جريش سحورهم!!
وفاء تضحك /والله مدري بس احسه جريش
هدى تكلم بجديه/لاوالله طبخ عمتي نهيل بسراحه يجنن انا خابرته
صبا تمسح الصحون بالفوطه وترد /اي والله مانسيت المكرونه الصينيه مره سوتها وانا وشذى عندهم متنا عليها
وفاء بغرورها المعتاد/وع عساي ماكل من اكلهم
هدى بستغراب/ ليش والله انها نظيفه واكلها نظيف
وفاء.بجديه /هي نظيفه ماشكك بنظافتهم بس ماحب اكل الا بيتنا
هدى بحنيه /خلاص تعالي بكرا افطري معنا
وفاء بتاكيد /اكيد بفطر عندكم انا ومازن بعد
صبا تكلم بخفوت /اصلا امس مجتمعين انا والبنات هند وهنادي ولاجت لا ملاك ولا امل ولما ارسلت لامل قلت ليش ماتجون قالت ننظف ونجهز لرمضان
هدى تقوم واقفه وتغسل السلطه /وانتي هايته ماتعرفين تساعدينا امس كرفنا بروحنا
هدى لفت وطالعت فيهم وكملت كلامها بخفوت/ وبعدين نهيل وبناتها بسراحه ماشفت نفس نظافتهم ابد
وفاء ترفع حاجبه /اللي فيهم وسواس نظافه كل شي يدققون فيه خزان الماء كل يوم يعبونه من جديد من كثر ما يغسلون فيه
صبا وهدى /هههههههه
دخلت اميره عليهم بهدو /السلام عليكم
الكل رد عليها بذات هدوها /عليكم السلام
اميره تطالع الصحون بعجاب/ماشاءالله وش الحركات
هدى بمرح /شغل يدينا وحيات عينينا
وفاء كانها تذكرت شي /وين عايشه ماشفتها من جيت
اميره بتسال /ماشاءالله عايشه هنيه متى جت من بيت اهلها؟؟
هدى ترد عليهم /البارح جت وتنظف جناحها وماقصرت جهزت معي السحور وقلت لها خلاص روحي ارتاحي

جاهم صوت ام صالح تستعجلهم /يلا ي بنات العيال يبون سحورهم

__________________________

من اخذت شاور وجففت شعرها وهي ساندها نفسها على حافة سريرها وافكارها تاخذها لامها واخوها كيف تسحرو وش اخبارهم وماهر كيفه مع الدراسه
من زمان ماطلت عليهم ومتردده لاتطلب فهد
جوال لها خايفه من ردت فعله لو كان راضي كان هو جابه من غير لا اطلبه حست بحرارة دموعها على خدها مسحتها بكفها و سمعت صوت طق على الباب قامت بارهاق مهره بتسال خافت/منو؟!
الجدة صيته بحزم /افتحي ي مهره
مهره اخذت روبها ولبسته بسرعه وفتحت شعرها على رقبتها عشان جدتها ماتشوف اثر العلمات اللي تركها فهد عليها

و افتحت الباب وحبت على راس جدتها /حياك ياجدتي
الجدة صيته بحنيه خافته/ليش ماتجين تسحرين معنا!!
مهره نزلت راسها بحزن/مالي نفس للكل
الجدة صيته تمسك ذقن مهره و ترفع راسها بيدها وحده ويدها الثانيه ساندتها على عصاتها /افا وتضايقين وانا موجودة

مهره نزلت دمعه حاولت انها تخفيها لاكن خانتها -
الجدة صيته تكمل كلامها بذات الخفوت /ليش تبكين يامك واذا على امك بكرا تفطرين عند ها ولا تضايقين
مهره طالعتها وردت بنبرة اياس /افطر عندها وفهد بيخليني عاد!!
الجدة صيته بثقه عمياء /اي تفطرين عندها فهد ماهو قايل شي انا اكلمه بس انتي تعالي تسحري معنا
مهره تحب راسها وهي غير مقتنعه ان فهد بيخليها تعرفه قاسي وماحد يقدر عليه ردت ببتسامه متصنعه /ابشري بس ببدل ملابسي واجيكم
الجدة صيته ببتسامه حانيه/يلا اجل انا بروح وانتي الحقيني !!
__________________________

الساعه 12 ظهراً بجناح فهد

دق منبه لصلاة الظهر صحى وفتح عيونه ومد يده لطاولة اللي عليها جواله خذه وسكر المنبه ولف لها شافها نايمه و معطيته وجهها الجذاب البريئ و اقترب منها وابعد شعرها عن خدها الناعم و باسها بهدو وبعده قام راح يتوضى ويلبس لصلاة..

مهره حست فيه لما اقترب لها وانتفضت من لمسة شفايفه الدافيه على خدها بس ما وضحت له انها صاحيه كان ودها تجرئ عليه و تطلب منه تروح لامها بس عارفه عدل برفضه

فهد بعد ماطلع من الصلاة هو وعمانه وابراهيم وعبدلله راحو للبيت وجلسو بمجلس الرجال

ابو ابراهيم بموده /هاه ي ابراهيم متى تبي نروح لابو انوار ونخطب لك!!
ابراهيم يرد عليه بذات الموده /بعد العيد ان شاءالله
ولا شرايك يابو عقاب!!
فهد بصوته الثقيل /رايي من رايك بعد العيد خطبه بملكه مره وحده
ابو ابراهيم باقتناع /شوركم وهداية الله اجل اليله بكلم
ابو انوار وعلمه

قطع كلامهم دخول نواف اللي تكلم بطفوله /الشيخ فهد جدتي صيته تبيك
فهد يرد بستغراب /وش تبي جدتك ياشيخ نواف!!
نواف يرفع كتوفه /مادري والله
ابو نواف يضحك / ههه رح لها انت وشف وش تبي نواف ماهو عارف

فهد يقوم ويروح لها وقف عند باب جناحها ونادا بصوته الثقيل /احم احم ام عقاب
الجدة صيته ترد بذات الثقل /تعال ماقدامك احد
فهد دخل وحب على راسها وجلس قريب منها وهتف/
امري قالو للي انك تبيني!!
الجدة صيته بحزم خافت/اي للي طلبن عندك
فهد بحزم واثق /انتي تامرين يام عقاب ماتطلبين
الجدة صيته تلف وتدور ماتدري كيف بتقنعه تعرفه عنيد وراسه يابس وهي قد واعدت مهره تروح لامها
تبتسم بموده/متاكد!!
فهد بثقه عميقه/افا عليك
الجدة صيته بتسال حاد /لو الموضوع يخص مريتك!!
فهد كان مطمن على مهره شايفها قبل يروح لصلاة كانت نايمه ومافيه شي رد بستغراب/شفيها مرتي
الجدة صيته تهتف بحنيه عميقه/خل تروح تفطر عند امها اليوم والله يا دمعتها مانشفت من امس
فهد برفض/لا اليوم عندي ضيوف على الفطور ولازم تكون موجوده عشان تساعدكم
الجدة صيته تهتف له بمحاوله هاديه/حنا نكفي وطول عمرنا نقوم بضيوفك لا مهيره مزوده ولا منقصه
فهد بصرامه جاده /يومه يرضيك تترك بيت زوجها وعنده ضيوف وش تبين الناس تقول فينا مرته مافيها خير
الجدة صيته برجاء عميق /طالبتك لاتردني انا وعدتها تروح لامها اليوم ومابي اخلف بوعدي لها
فهد تنهد ورد عليها بموده /عشانك بخليها تروح بعد الفطور وتسحر عند امها بعد بس ترا ماهو كل مره بتطلبيني برضى
الجدة صيته تبتسم وترد عليه بنغزى/ الا بطلبك عشانها لين هي تعرف لك و تقدر عليك
فهد يقوم ويتكلم بثقه/ماحدن يقدر علي الا اللي خلقني المهم تبين شي بروح اريح للعصر
الجدة صيته تقوم هي بعد بتروح تنسدح على سريرها وترد عليه بامر هادي / اي ابيك تعلم مهره قل لها بعد الفطور بوديك لامك
فهد يتجهه لباب/ ابشري

وراح جناحه دخل وشافها جالسه على الكنب عليها قميص قطن ميد بالون السكري وبيدها قران وتقرا فيه
اقترب وجلس قريب لها ويسبح بسبحته بهدو..
مهره من جلس قريب لها حست بريحت عطره الرجولي الثقيل من ثقل راعيه دوختها
سكرت القران وباسته بحترام وحطته على الطاوله قبالها

فهد لف وجهه لها وتكلم بهدو خافت /تقبل الله
مهره تبعد نظرها عنه وترد عليه بعذوبه /منا ومنك صالح الاعمال
فهد يرجع ظهره ويسنده ويتكلم بصوته الثقيل /بعد الفطور خليك جاهزه عشان اوديك لامك
مهره تناظر بيديها اللي تفكرهم بعض وترد بهمس /بس جدتي قالت للي افطر عندها!!
فهد يطالع بسبحته ويلفها على اصابعه ويرجع يطالع بمهره ويرد عليها بذات الهمس/ بس انا عندي الفطور لرجال القبيله لازم تقومين بواجبك وتساعدين اهل البيت هذا الاصول ولا انا غلطان!!
مهره ترفع عيونها الناعسه ذات الرموش الكثيفه وتنظر له وترد بعذوبتها المعتاده/ لا محشوم مانت بغلطان امم بس تخليني اتسحر ونام عندها !!
فهد يطالع فيها بشكل مباشر ويرد عليها بنبره مدروسه/ تسحرين عندها اي بس تنامين لا تجين تنامين هنيه (وياشر على حضنه)
مهره نزلت راسها بحياء وردت عليه بمحاوله/بس اليله تكفى
فهد يقوم متجهه لسريره /لا اليله ولا غيرها و انا ماقلت لك لاسمع كلمة تكفى
مهره صمتت عارفه انها لو تقطع حنجرتها ماهو حان عليها وراحت وراه تبي تاخذ منه شماغه وعقاله عشان تعلقهم
فهد نزل شماغه وعقاله بهدو ولف لجهتها و عطاها بيدها اللي كانت مادتها له
وحط يده على خدها وتكلم بخفوت/بنام اذا اذن العصر صحيني و لا تقربين لسرير وانا صايم
مهره نزلت راسها بخجل/حاظر
___________________________


بعد ما جتمعو على سفرة الفطور

ملاك تكلمت وهي ترتب الملاعق و الشوكات /يومه حصه تاخرت
نهيل تمد يدها وتشوف الساعه الي على معصمها/ اي والله مابقى على الاذان شي
ملاك تطالع بصينية الحلا وتاشر عليها /يومه شفتي الحلا اللي سويته شرايك فيه!!
نهيل تطالعه بعجاب/اي والله شكله حلو مره اذا جا عند ابوك فطور الرجال ابيك تسوينه
ملاك تبتسم/ان شاءالله
دخلت امل ومعها حصه /السلام عليكم
نهيل ترد بموده حانيه/يا هلا وغلا وسلة حلا
ملاك تطالع امها وتكلم بغيرة/كل هالترحيب لحصوص لحالها
حصه تحب راس امها وتطالع بملاك وترقص حواجبها/يخليها للي وانتي وش حارك هاه!!
ملاك تغير الموضوع بخبث /الا شلون عادل بيك للحين عاده اصلع ماطلع له شعر!!
امل ترتب صحون القيمات بسفره وترفع وحده وتضحك/هههههه صلعته ذهبيه نفس القيمات هاذي
ملاك تنفجر ضحك /هههههه
حصه تطالع بامها وتكلم بزعل متصنع /يومه شوفي بناتك
نهيل تضحك/عيب عليكم يا بنات احترمن اختكن الكبيرة
دخل عليهم مازن وعيونه على حصه ويبتسم/حصوص عندنا
حصه تبتسم هي بعد وتقوم تسلم عليه/اي مابي تاكلون الفطور بروحكم لازم اشاركم فيه

ملاك قامت بغيظ وراحت لغرفتها مازالت مجروحه منه ومن تصرفاته لها وانقلابه المفاجئ بعد زواجه
و مازن يطالع امه وياشر على ملاك ويتكلم بحزم /شفيها بنتك
نهيل ترد عليه بعتب /اسال نفسك؟!
مازن يتنهد/ تراها قليلة ادب بنتك ماحد يكلمها الا تطول لسانها مترين
حصه بستغراب/ليش وش صاير!!
امل بتكشيره/متهاوشه معه ومع مرته
مازن يطالع بامل بنص عين /يحبك لتنقل العلوم
نهيل تغير الموضوع /خلاص بياذن حطيتو كل شي!!
امل ترد عليها /اي بس باقي الباشميل بالفرن
حصه تكلم مازن بموده/وين مرتك مو مفطره معنا!
مازن يطالع بامه اللي طالعته بحده ورد بحرج/راحت تفطر عند اهلها عندهم فطور
نهيل ترفع حاجبها وتكلم باستهزا /ليش بنت الشيخ مطلق ماتنازل لفطورنا ماهو من مقامها
مازن يشعر بضيقه/ماقالت كذا بس راحت تبي تساعد اهلها بفطور الرجال
نهيل بذات الاستهزا/ واللي بيساعد تو يروح كان راحت من الظهر
امل تضحك/بتجيهم على الفطور وكل شي جاهز عشان تاكل وبس
مازن بعصبيه/انا بفهم انتم شفيكم على البنت !؟
نهيل بذات العصبيه/لايطق لك عرق بس عشان ست الحسن والدلال
حصه تهدي الوضع/روح يامازن بياذن وانتي يامل روحي شوفي اللي بالفرن ونادي لملاك تفطر
_______________________________

ارتفعت اصوات اذان المغرب
(الله اكبر الله اكبر اشهد ان لاله الا الله )

الجدة صيته على سفرة الفطور ترفع يديها لسماء /اللهم ارحم من ما صامو معنا رمضان برحمتك
يا ارحم الراحمين
مهره بحزن تحاول تخفيه /امين يارب
ام ابراهيم تفطر برود/افطرو افطرو
مريم تطالع ب شوق اللي تشرب مويا بكثره /لا تكثرين الما افطري اول
شوق تنزل الكوب على السفره وتكلم بتعب /يومه وش اسوي عطشانه من الكرف
الجدة صيته تاكل تمر وترد عليها بحنيه/لكم الاجر
ان شاءالله تفطرون المسلمين الصايمين و ابو عقاب كريم ومايبي الا الاجر
شوق تطالع بمهره وتكلم بنبرة خبث /كل شي عشان ابو عقاب يهون

ام ابراهيم تبتسم عرفت قصد حفيدتها بتثير غيرة مهره

ومهره صمتت بقهر وتفطر وتاكل وكانها تاكل جمر
والجدة صيته تضايقت بس ماتبي ترد و تكبر المشكله


بعد الفطور وبعد الصلاه وتنظيف وغسل الصحون

جت مهره من المطبخ تلبس شالها/تبين شي ي جدتي بروح جناحي
الجدة صيته بحنان/ماقصرتي يامك روحي ارتاحي
ام ابراهيم بتسال مقصود /خلصتي كل شي مع البنات
مهره ترد عليها بدون نفس/اي خلصت

مريم جايه لهم ومعها شاي وسمبوسه/اي خلاص نظفو كل شي
حسنا تجلس وتمد رجولها/نوف شغلي التلفزيون بنشوف مسلسلات رمضان
نوف تقوم تشغله /اي قبل يفوتنا شي

مهره راحت جناحها وهم جلسو يتقهون ويتفرجون على مسلسلات رمضان-

___________________________

مجتمعين جمعة عائليه على التلفزيون وقدامهم القهوه والشاي وانواع الحلويات والمعجنات

هدى تطالع التلفزيون وبيدها فنجال القهوه/شفتي الممثله ذي متغيرة
وفاء ترد وبيدها الريموت/من عمليات التجميل
اميرة بتركيز/بس العمليات احيانا تشوهه ماتزين !!
عايشه تقصص الحلا وتكلم بجديه /اي والله بعضهم تهبل وتروح تجرب بنفسها لين تشوه
ام صالح تشاركهم النقاش بحده /هالكفار مايعرفون
ان التغير بخلقة الله حرام!!
صبا جت تمشي رابطه راسها /يومه النعمه كثيره بالمطبخ وين نوديها
هدى تطالع فيها وترد عليها بمهمه /قلت للخدم يغلفونهم شوي فالح بيجيب مرته وعياله
وفاء بستغراب/غريبه خابرتها تصوم عند اهلها كل رمضان
عايشه بموده/يمكن بناتها اشغلوها ماعندهم احد
ام صالح بموده اعمق / اي يا عمري يطفشون ماعندهم احد هناك هنيه يلعبن مع بنات عمامهم
صبا بقلة صبر /طيب فالح وبناته مو اكلين النعمه هاذي كلها
هدى توقف وتكلم بحسن نيه /خلاص بنحط لحريم عمي ونرسله عليهم
وفاء طالعت فيها بحده/ سلامات وش ترسلينه عليهم ماحد اكله
هدى بصدمه /ليش يمكن ياكلونه حرام نظيف
ام صالح ترد بحزم /لا ماهو اكلينه يحسبون معطينهم باقي اكلنا
هدى احتارت فيهم /اجل وين نوديه
ام صالح تاخذ جوالها وتكلم بحل /بكلم سلمان يوديه لبيت خالتك ام سلامه عليهم الصدقه

وفاء ارتاحت عندها تكبه بزباله من الحسد ولا ترسله على نهيل وبناتها وطالعت بهدى بنظرات قارصه وهدى فهمت نظراتها و طنشتها..-
____________________________



رواية ريح المطر (للكاتبة شغف )

ادعو لوالدي برحمة والمغفرة..


-/البارت الحادي والعشرون/-

بعد صلاة التراويح وقف عند بيتهم وهي فتحت الباب باستعجال بتنزل مشتاقة لامها واخوها
فهد مسك يدها وشد عليها /مهره اجيك قبل السحور
مهره تناظر فيه بصدمه حست ودها تشق ملابسها من القهر وردت عليه بغيظ هادي/بس انت قلت للي تسحرين عندهم ليش غيرت كلامك
فهد وده يصفعها عشان تحس فيه بس المكان غير مناسب ولا هو عادي عنده يسويها بدون سبب
تكلم بحزم ثقيل /بس انا ابيك عندي قبل الاذان
مهره نزلت راسها بحرج وردت بتصريفه /بس انا تعبانه من شغل المطبخ
فهد يتنهد من حركاتها ونفورها منه ورد عليها بصرامه حاده/ انا ماتراجع بكلامي قلت اجيك قبل السحور يعني اجيك تفهمين الكلام اللي قلته
مهره تنهدت وردت بدون نفس/حاظر في شي ثاني !؟
فهد طالعها بحده ورفع حاجبه/كان كلامي مو عاجبك

مهره سكتت برعب من نظراته ..
فهد يصد بوجهه ويفك يدها ويتكلم بامر / انزلي

مهره نزلت وسكرت باب السياره وطقت على باب بيتهم ثواني وفتح ماهر لها ومن شافها حضنها
تحت انظار فهد اللي كان بسياره جالس ينتضرها تدخل
ماهر يحظنها بحب /اشتقت لك
مهره تحظنه بحنيه /وانا اكثر والله
ماهر يهمس لها/ترا عمتي ام طلال عندنا
مهره كشرت بضيقه /صدق ومن معها!؟

قطع كلامهم فهد اللي دق بوري و مهره تلف له هي وماهر مفزوعين من الصوت شافته ياشر لها بيده بعصبيه تدخل مهره سحبت ماهر بخوف ودخلت وسكرت الباب وفهد بعد ماتاكد انه دخلت مشى-

_____________________________

العشر الاواخر وبنهاية رمضان

مرت العشرين الاولى من ليالي رمضان بطاعه والعبادة
والصيام والقيام والصدقات والدعاء
وتجمعات العائله على التفزيون و المسلسلات
اجمل شهر بسنه شهر الخير-

اول ليلة للعشر الاواخر من رمضان-

نهيل تطالع بناتها اللي يتفقون على تجهيزات العيد والتسوق والبس وتكلمت بحده/اتركو عنكم التسوق وقضو وقتكم بالعبادة
حصه اللي كانت منسدحه ترد عليها بهدو /يايمه الحمدلله العبادة لها وقتها والسوق له وقته
ملاك ترفع حاجبها وتوجه كلامها لامها/ولدك متى حظرته بيتكرم ويودينا نتسوق للعيد
امل تكلمت بقهر من تصرفات مازن معهم الايام الاخيره /كل يوم نشحذه نبيه يودينا ماصارت عاد
حصه بحنيه على حال خواتها واخوها اللي انقلب فجئه/مازن خلوه علي انا اللي بكلمه لكم
امل مازالت مقهوره /اي والله ولا بنقول لماجد يودينا
نهيل انتفضت بعصبيه /سلامات تشحذون الناس وخوكم موجود
ملاك بطولة لسانها المعتاد /الله والاخو اللي تقوده مرته وراها مثل الخروف
نهيل / هي الله يقلع طاريها وانتي يا قليلة الادب كم مره اقول لك لسانك هاذا لايطول اقصه لك

ملاك بوزت بشفايفه الصغيره ولا ردت..
_______________________
من بعد صلاة التراويح -

دخل جناحه شاف القهوه والحلا مرتب والشموع مشغله وريحة الجناح كله بخور شافها جالسه عليها فستان تفاحي ماسك عليها وفاتحه شعرها القصير وحاطه مكياج ناعم هي متوسطة الجمال -

اميرة من تشوفه تشعر بقلبها ينبض له بحب واعجاب
جسمه الرياضي وطوله المميز يحرك اشيا كثيره فيها صقر يتميز بجسمه الرياضي و هتمامه بنفسه قادر على ان يكسب قلوب الائناثي واولهم اميرة اللي بالاصل دايخه معه بس عيبه الغرور والكبرياء

صقر واقف برزته وتكلم بثقه /السلام
قامت اميره بحب/عليكم السلام
صقر جلس وحط رجل على رجل/شلونك
اميره تصب له قهوه/زينه الحمدلله
صقر ياخذ الفنجال/من في داخل
اميرة تصب لها فنجال وتجلس قريبه منه/عايشه ومشاعل وعزيزه حريم خوانك
صقر ياخذ من الحلا ويتقهوا بصمت-
اميرة بتردد/صقر
طالعها صقر/هلا
اميرة بمحاوله/ بنت عمك تقدر انك تعالجها بدون تزوجها
صقر اتعدل بجلسته و حط فناجله على الطاوله وطالعها بصدمه/وش تقولين اعالج منو
اميره بستغراب/مو انت خاطب ملاك عشان مواعد ابوها تعالجها
صقر يرفع حاجبها باستغراب /اعالجها ؟!
اميرة تهز راسها /اي اجل ليش انت ملكة عليها وهي صغيره
صقر فهم السالفه/اممم ومنو قال لك الكلام ذا
اميرة بصدق/ابوي قال للي يوم خطبتني
صقر ياخذ فنجاله ويرجع يحط رجل على رجل /وش قال لك بعد
اميرة بستغراب/قال للي انك ملك على بنت عمك عشان تعالجها مواعد ابوها
صقر يتقهوا برود/اي وبعدين
اميره مقهوره من بروده /وش بعدين بنت عمك ماتحتاج علاج تقدر تعالجها بدون تزوجها
صقر ضحك/والله انا اللي محتاج علاج مو هي
اميرة بصدمه/ليش شفيك
صقر يضحك /قلبي تعبان
اميرة بخوف/طيب روح المستشفى
صقر يضحك بصوت عالي/هههههههه
اميرة مصدومه/صقر شفيك
صقر يمد لها الفنجال/قهويني بس قهويني
اميره تاخذ فنجالها وتصب له من القهوه وترجع تعطيه وتجلس /صقر شفيك تعبان حاس بشي
صقر يتقهوا/لا مافيني شي
اميرة بتاكيد/اكيد
صقر يبتسم/اكيد المهم عطيني الاب توب عندي شغل مهم
اميرة توقف /وينه
صقر يحط فناجله على الطاوله /بالمكتب
اميرة راحت وصقر يكلم نفسه ويبتسم /اجل ملاك تعبانة وتبي علاج ماتدري ان ملاك هي العلاج اصلا

جات ومعها لابو توب شافته يبتسم استغربت
من حركاته
وهو اخذ من يدها الاب توب وجلس يشتغل بصمت -
______________________________

دخل وراح لجدته يسلم عليها طول اليوم ماشافها مشغول بحوال القبيله وتوزيع الصدقات قبل العيد-

فهد وقف /احم احم يا ام عقاب
الجدة صيته/قومن داخل ي بنات فهد بيدخل
شوق تطالع بمهره/خلي يدخل نتغطى

البست الشال هي ونوف وغطت وجهها-

الجدة صيته /ادخل يافهد
دخل شافهم مجتمعين على التلفزيون
وعيون شوق عليه ومهره شابه نار منها وتهز رجلها بتوتر
فهد حب راس جدته/يمسيك بالخير
الجدة صيته ترد /يمسيك بالنور
فهد واقف بهيبه /شلونك
الجدة صيته/بخير دامك بخير
ام ابراهيم بلقافه/تقهوا يابو عقاب
فهد من دخل مو معبر احد ولا رد عليها-
الجدة صيته بتسال/ عطيت بيت ابو ممدوح قسمتهم
فهد يهتف بثقه/اي عطيتهم وعطيت بيت ساهر
الجدة صيته بفرح/الله يجزاك خير انا ناسيتهم اهل ساهر
ام ابراهيم بامر /شوق قومي قهوي ولد عمك
مهره طالعتها بدهشه مصدومه ورجعت تطالع بفهد بتشوف تعابير وجهه
شوق قامت وصبت له فنجال ومدته له
و فهد برفض من غير لا يطالع فيها/متقهوي
شوق طالعت بجدتها فاطمه بقهر
ام ابراهيم بمحاوله /لاترد فنجال شوق يابو عقاب
فهد مطنشها ومطنش شوق اللي ماده فنجالها/ يلا يومه بروح انام عشان اصحى لصلاة القيام
الجدة صيته تطالع بحراج حفيدتها اللي واقفه ومازالت ماده الفنجال /طيب تقهوا يامك
فهد يمشي متجهه لباب /متقهوي

مهره ابتسمت وطالعت بشوق بنصر
شوق حطت الفنجال على الطاوله بقهر ودخلت غرفتها-
ام ابراهيم بعصبيه/عاجبك يا ام عقاب رد فنجال بنت عمه
الجدة صيته بلوم/كله منك انتي اللي قومتي البنت
ام ابراهيم تطالع بمهره/وانتي اشوفك فرحانه على الشر

مهره قامت وطلعت بصمت -
حسنا تطالع بمريم اللي ساكته بغضب من تصرفات امها وحراج بنتها


مهره دخلت الجناح شافته طالع من غرفة الملابس لابس ثوب نوم ومتجهه لسرير
مهره بسعاده /تبي قهوه
فهد طالعها بصدمه/اتوقع سمعتيني قلت متقهوي
مهره تبتسم وضحت غمازتها /بس قلت يمكن تشتهي من يدي
فهد خق على الابتسامه/تعالي واعلمك وش اللي انا مشتهي
مهره بحرج /امم بس
قرب لها وحضنها فهد بهمس/لاقلت تعالي تجين بدون نقاش مفهوم
مهره وجهها بصدره /مفهوم
فهد رفع وجهها له وباسها على خدها
مهره بمقاطعه/فهد
فهد مازال حاضنها مع خصرها بيد وحده والثاني يمسح على شعرها وعيونه الوسيعه بعيونها الناعسه /هلا
مهره بتردد/ابي السوق بشري لبس للعيد
فهد بصدمه ماجاء باله ابد السوق من تزوجها ماطلبت سوق منه /سوق لا
مهره بستغراب/ليش
فهد بعدها من حضنه/بدون نقاش قلت سوق لا يعني لا
مهره بصوت مرتفع شوي من القهر/طيب ليش
فهد طالعها بغضب و اقترب منها وشدها مع معصمها بقوه /بنت صوتك لا يعلى
مهره بالم /اه يدي
فهد شال يده منها وردف بحزم/ والله لو ماحنا بشهر الفضيل لا اعلمك كيف ترفعين صوتك مره ثانيه

مهره وقفت بصمت وبحزن على حالها
وفهد راح لسرير وتسطح وعيونه عليها
مهره راحت البس لها بجامه قطن بلون الاورنج مبرزه شقارها وبياضها وبعد دقايق
طلعت وتوجهة لسرير ودخلت بفراشها وتسطحت على ظهرها بهدو
فهد عاجز عن مقاومات هالنتفه واقترب منها وباسها على رقبتها وبعده على شفايفها بعمق وسحبها بحضنه وحضنها وشفايفه مازالت على شفايفها
صحاه من دوخته صوت الباب

طق طق. طق

بعد مهره من حضنه وقام مفزوع فتح الباب شاف عمه ابو نواف فهد بخوف/وش صاير شفيكم
ابو نواف بصراخ /الحق يابو عقاب بيت ابو فارس يحترق
فهد مفجوع/ لايكون احد داخل البيت
ابو نواف بحزن /الا عياله ومرته بالبيت

فهد طلع معه وسكر باب جناحه وراح مع عمه
ومهر تسمع الكلام اللي دار بينهم ويدها على صدرها بخوف/الله يستر الله يستر بيت ابو فارس قريب لبيت امي
__________________________________

الثلث الاخير من اليله اعتلت صوت المساجد بصلاة القيام
وهي جالسه على سريرها تسمع صوت دعاء المساجد والمصلين وتفكيرها مشتت
دخلت عليها حصه شافتها متضايقة/ملاك شفيك
ملاك طالعت فيها وتكلمت بستعجال/حصه انا لازم اكلم صقر
حصه مصدومه/كيف وليش
ملاك ترفع راسها فوق وتسكر عيونها/ابي يحررني ابي اعيش لنفسي انا تعبت لامتى مربوطه بواحد كبر ابوي ومتزوج بعد
حصه تحاول تقنعها /ي ملاك والله ان صقر كل وحده تمناه مزيون ودكتور وتاجر وشهم وله مواقف والكل يهابه ويخاف منه
ملاك تطالع بحصه /شهامته وفلوسه وزينه لنفسه ولمرته مو للي
حصه تجلس معها على السرير/انتي متضايقة انه متزوج
ملاك بالم /مو بس متزوج ولانه اكبر مني ولانه خطير بعد
حصه تضحك /خطير مره وحده ليش
ملاك بتذكر/تذكرين يوم كان يرجعني للبيت وانا العب مع البنات ويهددني يذبحني
حصه تمسح على شعرها/كلام بس بيخوفك
ملاك تفرك يديها بعض/لا مو كلام تذكرين يوم قام على بندر ولد خلف بالمسدس كان بيذبحه بالقوه فكوه ابوه وخوانه
حصه بحزن/ي ملاك لاتذكرين شي راح وبعدين ماتدرين يمكن معاملته مع الرجال غير ومع مرته غير
ملاك تنهد/هذا هو مع خواته قاسي حتى الكبار يخافون منه
حصه بستغراب/وانتي وش دراك
ملاك تطالع فيها/شذى تعلمني
حصه بصدمه /وش تقول
ملاك /تقول انه هو الوحيد من خوالها كل اهل البيت يخافون منه حتى صالح وفالح وحتى خواته الكبار
حصه /لاتفكرين بشي يضايقك فكري بالعيد بالمدرسه خلي كل شي بوقته
ملاك بقهر/اي عيد وحنا ماشرينا حتى لبس
حصه تطمنها/بيوديكم بكرا مازن قلت له
ملاك بستغراب/غريبه رضى ما شاور حبيبة قلبه
حصه تضحك/ماعليك منها اهم شي تروحون لسوق
ملاك تنهدت بزفره /من اخذها تغير علينا ومالها مده عندنا
حصه تطالع بملاك بتسال/ملاك انتي قلتي بتكلمين صقر
ملاك برتباك/كنت متضايقه
حصه بشك/ملاك قولي للي الصدق انا اختك الكبيرة وراح اوجهك لصح
ملاك بصدق/اي ابي اكلمه بس مو الحين
حصه بستغراب/وش بتقولين له
ملاك بحزن /بقول له يتركني ولو اضطريت اطلبه ونخاه
حصه بنصيحه حازمه /انتي انجنيتي وش تنخينه ماهو مخليك ي ملاك بس لاتفتحين على نفسك باب ماتقدرين تسكرينه بعدين
ملاك بستغراب/كيف؟!
حصه بذكى/لاشافك استعجل بالعرس وقدمه
ملاك بصدمه/وليش
حصه بعجاب/لانك كبرتي ونضجتي مانتي ملاك الطفله
ملاك تضحك/وكيف تغيرت بهالسرعه
حصه /ي غبيه انتي ماتلاحظين بس الناس تلاحظ البنت لابلغت كبرت
ملاك ترفع حاجبها/بس لازم اكلمه مابيه ومافي حل غير الحل ذا
حصه بتردد/بس اخاف يصير العكس
ملاك بتفكير/امممم اي مو الحين لين اخلص الترم الاول اكلمه
حصه بقتناع /اي لاتستعجلين لين نفكر ونخطط
ملاك برجاء/امانه ي حصه لاحد يدري حتى امي وامل
حصه تطمنها/والله ماقول لاحد بس لاتصرفين بشي الا تقولين للي
ملاك تبتسم /اوك
حصه قامت /يلا بنتسحر قبل يجي عادل
ملاك تقوم معها /يلا
_____________________________

بعد صلاة الفجر دخل جناحه بتعب وجهد
وشافها جالسه تنتضره وقامت مفزوعه

مهره بخوف /فهد وش صار على اهل ابو فارس
فهد جلس بتعب /انقلوهم للمستشفى
مهره بصدمه/ليش حالتهم خطيره
فهد يمسك راسه/الله اعلم
مهره بتوتر حاد/بيت اهلي جاه شي
فهد يرفع راسه/لا ماجاهم شي تطمني
مهره مازالت واقفه و تقاوم النوم/الحمدلله امم ماتبي تنام
فهد يطالعها بصمت مهره ارتبكت من نظراته
وتكلما برتباك /احم انا بروح بنام
فهد يفتح يديه لها /تعالي
مهره برائه خافته /بس حنا برمضان
فهد يطالع فيها ويتكلم بنبرة ارهاق /ادري اننا برمضان بس تعالي
اقتربت له وسحبها بحضنه وحضنها رفع وجهها وباسها مع خدها بهدو مهره مستغربه من تصرفاته
فهد بحنان/روحي نامي ورتاحي
مهره مازالت بحضنه /وانت
فهد يحط انفه بشعرها وياخذ نفس عميق/انا بلبس وروح للمستشفى
مهره تطالعه /تروح مواصل
فهد يبعدها من حضنه على الكنب ويوقف/اجي بعد الظهر ونام
مهره توقف/تبي شي قبل انام
فهد يطالع فيها /لا روحي ارتاحي
مهره كانت متجهه لسرير وقفها صوته الرجولي
فهد /مهره
مهره لفة له /امر
فهد /بوديك تفطرين عند امك اليوم
مهره بفرح /والله بتوديني
فهد بمشي رايح لغرفة الملابس/باذن الله

مهره راحت لسريرها حست النوم طار من فرحتها بس مسرع مانقلب مزاجها /لايكون امي فيها شي غريبه تصرفاته اممم لا لو فيها شي اكيد بيقول للي
_____________________________


رواية ريح المطر (للكاتبة شغف )

ادعو لوالدي برحمة والمغفرة..


-/البارت الثاني والعشرون/-


الله اكبر الله لاله الا الله

نهيل تنادي /تعالو افطرو اذن
جت ملاك مها جيك الفيمتو/انا الحمدلله مفطره مالي صيام
وامل وراها معها الشوربه/انا عطشانه
نهيل تعطيهم الحليب/اول شي اكلو تمر وحليب بعده تشربون
نهيل تطالع ملاك/متى جتك الدوره
ملاك بتعب /الظهر
نهيل بحنيه /اكلتي شي
ملاك تشرب فمتو/اي اكلت
نهيل تاشر على كوبها/لاتكثرين شي بارد اشربي شي دافي
امل تحط بصحنها شوربه /تبين شوربه
ملاك تعطيها صحن/اي حطي للي
دخل مازن /سلام عليكم
الكل /عليكم السلام
مازن /زين لحقت على الفطور
نهيل بستغراب/ليش مافطرت مع الرجال
مازن يجلس/مامداني
نهيل تعطيه حليب/ليش ما امداك وين كنت
مازن ياخذ الحليب من يدها/كنت بسوق
نهيل تطالع بناتها/وش عندك بالسوق
مازن ياكل تمر /مودي وفاء
امل بقهر /وينها وفا ماجت معك
مازن برود /حطيتها عن اهلها
نهيل بعتب/وليش ماخذت خواتك
مازن يطالع بملاك اللي تفطر بصمت/بوديهم بعد التراويح
امل بفرح/اكيد نجهز
مازن يمد يده للمعجنات ويرد /اكيد باذن الله
نهيل تعطيه شوربه/وفطور الرجال منو عنده اليوم
مازن ياخذ الشوربه /عند ابو سيف
نهيل بتكشيرة/محى الطاري
مازن يضحك/علامك عليه عشانه بيزوج نسيبك
نهيل بقهر /ماحترمنا ولا احترم ابوك يقول لعمك
بزوج صقر لين تكبر مرته مايستحى
مازن يطالع ملاك/وهذا ابو اميرة زوجه
ملاك طالعته فيه بنظرة برود ورفعت حاجبها بصمت
نهيل تنقل نظرها املاك ومازن /ابو اميرة مايعرف ابوك ولا يعرفنا لاكن ابو سيف جارنا عشرت عمر هو وام سيف
مازن يقوم /على العموم تطمني صقر ماراح لفطوره
نهيل تطالعه بتسال/ليش ماراح
مازن /مداوم
امل بستغراب /في احد يداوم هالحزه والمغرب بعد
مازن يرد عليها بجواب /اي عادي دكتور يداوم بي وقت
نهيل بحسره / الناس عيالهم دكاتره وضباط وانا يخلف الله علي
مازن تنهد بضيقه/يرزقنا الله
نهيل تطالعه بتسال/ومن وين لك تصرف مرتك عاد طلباتها ماتخلص
مازن يرفع راسها لفوق ورد بعصبيه/اتركو البنت بحالها
انتم علامكم كل ماتشوفوني مرتك ومرتك
نهيل بذات العصبيه/بتفهمنا انها ماتجيب طارينا
مازن مارد عليها طلع وسكر الباب
وملاك قامت بغضب وراحت غرفتها
نهيل تطالع امل /حسبي الله عليها حطت بين الاخوان حاجز
امل بالم/تغير مازن من اخذها
نهيل بذات الالم/حسبي الله ونعم الوكيل
_______________________

تشيل الصحون مع امها وتغسلهم براحه
ام ماهر بحنيه /خليهم يامك تعالي نتقهوا شاي ونتابع لنا مسلسل
مهره تبتسم /بغسل كل شي ونظف المطبخ ونروح نتقهوا
ام ماهر تشيل الشاي /تعالي خلي المطبخ قبل يجي رجلك
مهره تطالعها وترد بموده /روحي انتي انا اجي وراك الحين

راحت ام ماهر وحطت الشاي والمعجنات وشغلت التلفزيون دقايق وجت مهره لامه شعرها كامل وعليها جلابيه قطن بارده
جلست قريبه من امها
ام ماهر تمد لها كاسة شاي /تقهوي
مهره تاخذه/الله لايخليني منك
ام ماهر بحب /ولا منك
مهره بستغراب/وين ماهر من افطر ماشفته
ام ماهر /يروح عند بيت عمه طلال يلعب مع عيالهم
مهره بضيقه/وانتي تجلسين بروحك
ام ماهر بحزن /وش اسوي ماني رادته عن عيال عمه
مهره برجا/يومه من تخلصين العده تعالي بيت جدتي صيته
ام ماهر برفض/لا مستحيل اترك بيتي
مهره برجا اعمق/تكفين يومه ما ارتاح اشوفك بروحك
ام ماهر تبتسم وتطمنها /انا بخير وعندي حولي ناس ماني بصحرا
مهره تبتسم /لا خلصتي العده نتفاهم معك انا وجدتي
ام ماهر برفض /لاتحاولون ابد
مهره ترقص حواجبها/نشوف مايقدر عليك الا ام عقاب
ام ماهر تطالع فيها /اي وحده فيهم ام عقاب
مهره بصدمه/جدتي صيته اجل منو
ام ماهر تاشر لها/وليش ماتكونين انتي ام عقاب
مهره بحرج/مابي عيال الحين
ام ماهر بصدمه/ليش
مهره بخوف/فهد يومه ما ينعاشر
ام ماهر بزفره /افا ليش
مهره بحزن /قاسي ومايرحم
ام ماهر تطالعها بحنان/وانا امك لاجبتي له عقاب بيتغير
مهره برجاء/لا تكفين يومه مابي عيال
ام ماهر بخوف /لايكون تاكلين موانع
مهره بصدق واضح/لاوالله
ام ماهر /اجل كيف ماتبين عيال هو قاله لك
مهره بعدم فهم/لا بس انا مابي
ام ماهر تنهد/ي خبله انتي للحين مافهمتي شي
مهره بستغراب/وش افهم
ام ماهر تهمس لها/انا اشرح لك قربي

مهره تسمع لها وخدودها تحمر نزلت راسها
بحرج من كلام امها -
ام ماهر تبتسم /فهمتي
مهره بحيا/اي فهمت
ام ماهر تشرب شاي و تضحك/ههههه زين
مهره تغير الموضوع/يومه انا ماشريت للعيد لبس
ام ماهر بتسال/وليش ماشريتي مابقى شي
مهره بقهر/مايبي اروح لسوق
ام ماهر بستغراب/ليش مايبيك تروحين كيف بتشرين اجل
مهر بتردد/مدري والله مدري
ام ماهر تنهدت /ماعليه يامك حاولي فيه يمكن يهديه الله ويوديك
مهره تنهدت /واذا رفض وعند
ام ماهر بقلة حيله /الشكوى لله

________________________________

طلع من غرفة العمليات بعد جهد طويل
دخل مكتبه حصل منيف ينتضره-
منيف وقف يحط يده على كتف صقر /مبروك نجاح العملية ي دكتور صقر
صقر يبتسم له /الله يبارك فيك ي دكتور منيف
منيف بموده /الحمدلله اهم شي انجزتها بنجاح
صقر يجلس على مكتبه ويرد برهاق /اف اول مره تتعبني عمليه كذا عمليات دايم ماتاخذ مني وقت
منيف يجلس مقابله /طلبت لنا اكل واضح مافطرت
صقر يريح ظهره على الكرسي/والله اني صايم للحين حتى الماء ماشربت
منيف يشرب من كاس الما اللي قدامه على الطاوله ويهتف /بيصلون التراويح واحنا مافطرنا
صقر طالعه بتسال /بالله انت بعد ماكلت
منيف يتنهد/لا انا اشوى منك اكلت تمر وحليب وماء
صقر /حدي جيعان
منيف/ابشر بالعشا
صقر /تبشر بالسعد
دخل عليهم جمال/السلام عليكم
صقر ومنيف/عليكم السلام
جمال/منيف تعال معي حالة طارئه
منيف بضيقه/يارب تو جلست
صقر قام بفزعه /خلك انا اروح
منيف فز واقف /على الطلاق ماتروح انت من الظهر بالعمليات
صقر يقاوم التعب/يولد استغفر خلني اروح
منيف اخذ جواله/انا طلقت
جمال يضحك/تبي يطلق مرته وتدعي عليك
صقر يبتسم ويجلس/لا كل شي ولا الدعا

صقر اخذ جواله وسمع صوت الباب
طق
طق
صقر رفع راسه /تفضل
دخلت بتميع /مساءالخير الدكتور صقر
صقر يطالعها/هلا عنود
عنود بدلع/ممكن اجلس
صقر ياشر على الكرسي/تفضلي
عنود جلست قباله /شلون العمليه اللي سويتها
صقر يحط جواله على الطاوله/الحمدلله نجحت
عنود بجرئه /اصلا كل شي يمسكه الدكتور صقر ينجح
صقر ابتسم بدون نفس/تسلمين
عنود بهتمام/مافطرت
صقر بتعب/لا مافطرت
عنود قامت /افا اجيب لك فطور الحين
صقر ياشر لها /لالا طالب هذا هو على وصول
عنود جلست وحطت رجل على رجل/طيب قهوه
صقر اخذ جواله /ياليت والله
قامت /تامر الحين اجيب لك

طلعت وسكرت الباب
صقر بستهزا /اف يالجرائه اللي عندها
رجعت ومعها قهوه وحلا عنود تصب له /تفضل
صقر اخذ الفنجال من يدها/سلمتي
عنود تمد له الحلا/الله يسلمك
اخذ حبه وشرب وراها قهوه صقر/ماعندك شغل اليوم
عنود تجلس وتصب لها فنجال /لا خلصت شغلي
صقر بدون نفس/زين
دخل منيف ومعه الفطور /سلام
صقر وعنود /عليكم السلام
منيف /الفطور وصل
عنود قامت /اجل اخليكم
منيف /افطري معنا
عنود /عليكم بالعافيه
صقر ياشر على القهوه/قهوتك
عنود تبتسم /تقهو انت ومنيف منها
منيف /الله يجزاك خير
عنود /امين
طلعت وسكرت الباب-
صقر بضيقه/ياربي نشبه هالبنت
منيف/هههه بس حلوه
صقر /بس تصرفاتها تشوهه حلاها
منيف /هههه لو كانت فرحه مسكتها الباب
صقر يضحك/فرحه وجنى لاطردتهم يفهون مايرجعن
منيف/ههه وذي عجزت تطردها
صقر بثقه/لاوالله ماني عاجزان عن طردها بس كذا مره اقول لها اطلعي مشغول تروح وترجع ماتفهم
منيف /ههههه شكلها معجبه
صقر /تعجب ولا ماتعجب الاشكال ذي ماتناسبني
منيف يغمز له/اجل وش يناسبك
صقر تنهد/لاتفتح الجروح ي دكتور منيف
منيف /ههههه اول مره اشوف دكتور مو قادر يعالج نفسه
صقر تنهد /علاجي قريب باذن الله
منيف يضحك/طيب ي دكتور صقر
________________________________

يجهزون القهوه والحلا ينتضرون ام مهند بحب -

ام صالح تاخذ قطعة حلا/مشاءالله الحلا ذا من مسويه
صبا تاشر على مشاعل/مشاعل مسويته
مشاعل بحترام/اعجبك ياعمه
ام صالح /اي والله حلو
عايشه /عمتي تحب الحلا الخفيف
هدى /اي الثقيل يتعبها
وفاء /وين اميره وعزيزة
صبا/عزيزه راحت تلبس بناتها واميره مدري
دخلت عزيزة /السلام عليكم
الكل /عليكم السلام
ام صالح تنادي لبنات فالح/تعالن عندي اكلن من الحلا
عزيزه بنفعال /لا تكفين ي عمه تو ملبستهم
هدى تضحك/هههه عاد بناتك لاطاحن بالحلا مايقومن
وفا/دبدوبات فديتهم
سهى بغضب/انتي الدبه
وفاء/هههههه خلاص نهى الدبه
نهى بدموع/لا ماني دبه
ام صالح/هههه مثل جدتها دبيبه ماهي دبه
الكل/هههههه
دخلت اميره وسلمت بحترام/سلام عليكم
الكل /عليكم السلام
جلست قريبه من وفاء /شلونك ياعمه
ام صالح / بخير نحمد الله تقهوي
قامت صباء وصبت لها قهوه/تفضلي
اميره تاخذه /تسلمين
عزيزه /ماكان مها تاخرت
هدى /على وصول اتوقع
اميرة/بتعيد عندكم ولا ترجع
هدى/لا عندنا
وفاء/نظامنا بالعيد لازم الكل حاظر
اميرة بعجاب/ماشاءالله
دخلت مها وبنتها شذى /السلام عليكم
الكل قام يسلم ويرحب /عليكم السلام
بعد ماسلمت على الكل تجلس قريبه من امها
ام منهد/اخبارك يالغالية
ام صالح/بخير يجعلك بخير انتي شلونك شلون شذى
شذى تبتسم/بخير الحمدلله
هدى /مابغيتم تجون
ام مهند تنهد/ اسكتي وربي زين جينا
وفاء/مابقى عن العيد الا كم يوم
ام منهد/زين لحقنا نصوم عندكم لو يومين
عايشه /اي والله شلون عمك وعمتك
ام منهد/يالله لك الحمد كلهم بخير
صبا تقهويها وتقهوي شذى/اشتقت لك ي الغثيثه
شذى تضحك/وانا اكثر والله
اميرة /شلونك شذى
شذى تطالعها/زينه الحمدلله انتي شلونك
اميرة /بخير
عزيزة/عسى خلصتم لبس العيد
ام منهد/اي من زمان الحمدلله
عايشه/انتي نفسي قبل العشر الاواخر عشان اذكر الله
ام منهد/اي والله نتفضى لطاعة الله
شذى بشوق/وفاء شلون ملاك
وفاء بتكشيره/طيبه
شذى تطالع امها/بروح لها
وفاء تطالعها /ماهي موجوده
شذى بستغراب/وينها
وفاء بكرهه/بالسوق
ام منهد بتسال/شعندهم
وفاء بستهزا/ يتقضون للعيد
شذى بصدمه/تو يتقضون
صبا بستغراب واضح/اول مره دايم قبل العشر الاواخر
وفا بدون نفس/مادري عنهم
____________________________


بسوق تمشي بهدو رغب الغضب داخلها

ملاك بزعل/مابي شي برجع البيت
نهيل بعصبيه/انتي علامك ماتفهمين
ملاك تلف وجهها بغيظ /قلت برجع البيت
نهيل بتهديد/اسمعي بتشرين لك لبس اشتري ترا اخوك مو مرجعنا مره ثانيه
امل بقتناع/اي والله مابغى يجيبنا اصلا
ملاك بعناد/مابي الا البس الاول و مابي غيره
نهيل تنهد/ي ملاك غالي وعاري بعد
ملاك تطالعها/ابي مره اخذ شي مقتنعه في
نهيل بقلة حيله/خذيه بس ترا ينقص مصروفكم
امل بعصبيه/ملاك امي معها حق شوفي شي ارخص منه
ملاك بعناد/مابي غيره
نهيل بقلة صبر/عنيده و راسك يابس يبي من يكسره
ملاك بغضب/ي سلام تبوني اخذ اللي تبون ولا تكسرون راسي
دق جوال نهيل /هلا مازن …..طيب …طيب…بس دقايق….الله يهديك …طيب..يمديك على عشاهم… الحين نخلص …لاحول …يلا جاايين ..
ملاك بعصبيه/شفي مطيور ذا
نهيل تحط الجوال بشنطه/يقول عمك عندهم عشاء وبيروح لهم
امل /كل يوم عندهم عشاء اصلا
ملاك بستهزا/وهو كل يوم عازم نفسه عندهم
نهيل بعصبيه/اقول انتي روحي اخذي الفستان اللي تبين وخلصيني بنطلع لاخوك
ملاك بقهر/بس ماخذت شي
نهيل بعصبيه/وانا وش اسوي فيك من اليوم تحومين على الفاضي
ملاك تطالع امل/امانه صار لنا ساعه من دخلنا السوق
امل بحزن/اقل من ساعه اصلا
نهيل تنهد/بتروحين تاخذينه ولا نطلع
ملاك تعض شفايفها المزمومه من تحت النقاب بقهر/طيب بروح اخذه
نهيل /يلا نروح

وراحت وخذت الفستان اللي تبي ونسقت معه انعال على استعجال تحت اتصالات مازن وصراخه لهم واخيرا طلعو وراحو لسيارة
ركبت نهيل قدام وبناتها ورا

مازن يحرك بغضب/واخيرا كان نمتو بالسوق
نهيل تطالعه/وش فيك انت طاير وطيرتنا
مازن بصدمه/طيرتكم اجل لو ماطيرتكم متى بتخلصون
امل تنهد/والله اننا نركض ركض عشانك
مازن يطالعها /ي سلام عشاني
نهيل تغير الموضوع /وش عندهم اهل عمك
مازن يطالع نفسه بالمرايه ويعدل تنسيفته /عشاء لابو مهند واهله
نهيل بعتب / ومايعرفون يعزمون احد
مازن بدون نفس/عشاء خاص مو مجمعين الناس عليه
ملاك تكلم امل بفرح/شذى جت اشتقت لها
امل تضحك/تلقيناها تطق الباب من اليوم علينا
________________________________

جالسه تسحر مع امها ومستغربه منه كيف خلاها تسحر

ام ماهر مستانسه ان بنتها عندها من زمان ماجلست معها كثير نفس كذا /الله يجزاه خير خلاك تسحرين عندنا ماجاء واخذك بدري
مهره ترد بستغراب /غريبه قال اجيك بعد التراويح بس مدري ليش غير رايه
ام ماهر /يمكن انشغل
مهره ترفع كتوفها/مدري
ماهر يتكلم بسعادة/ليت كل يوم يجيبك عندنا وتفطرين وتسحرين معي انا وامي
مهره طالعته بحزن/والله ودي ياروح اختك بس ان شاءالله اكلم فهد اجيكم يوم بعد يوم
ماهر يبتسم ويتكلم برائه/مزيون فهد ماشاءالله عليه
مهره ضحكت من كلامه/هههه وش دخل زينه بالموضوع
ماهر يرفع كتوفه/مدري بس ودي اصير مثله لاكبرت مزيون وشيخ وكل الناس تخاف منه ومتزوج مزيونه بعد
مهره وام ماهر ضحكن من كلامه وبذات من اخر كلمه /هههههههه

سمعن صوت الباب
طق
طق
قام ماهر وراح يفتح الباب شاف فهد واقف بهيبه
ماهر يطالعه ويبتسم /هلا شيخ فهد
فهد يسلم عليه بهدو/شلونك
ماهر مازال مبتسم /بخير انت شلونك
فهد يرد عليه وهو مستغرب منه يوزع ابتسامات/بخير الحمدلله
ماهر يفتح الباب/اقلط تقهوا
فهد برفض/مره ثانية الحين روح ناد اختك انا بسياره
ماهر ترك الباب وراح يناديها وفهد راح لسيارته
شوي وجت مهره ركبت بهدو
مهره تسكر الباب السياره وتطالع فيه /سلام
فهد يطالعها ويرد /عليكم السلام
مهره بتردد/وينك من اليوم
فهد يرفع حاجبه /مابي اسمع السوال هذا مره ثانيه
مهره تنزل راسها/حاظر

شغل السيارة ومشى وصل البيت وراحو الجناح ودخلت ودخل وراها نزلت عباتها وشيلتها علقتهم وطالعت فيه
مهره بهتمام/تسحرت
فهد ينزل عقاله وشماغه /اي
مهره تكلم بحترام/بروح اشوف جدتي يمكن تبي شي قبل الاذان
فهد يقترب منها ويعطيها شماغه وعقاله /انا اللي ابي شي قبل الاذان
مهره تاخذهم منه وتعلقهم وترد برئه/وش تبي
فهد يشيلها بين يديه ويتجهه لسرير /ابيك انتي

نزلها على السرير ودخل معها بالفراش وحضنها من ورا ومهره تكلمت بصوت يرجف /فهد فهد
فهد لف وجهها له
مهره تحاول تكلمه /فهد ابي اطلبك
فهد ناظرها بستغراب ومهره كملت كلامها بستعجال/ابي سوق بشري للعيد لبس
فهد يرفع حاجبه ويرد بحزم/مو وقت الكلام
مهره حاولت تكلم بس فهد ماخلاها سكتها بشفايفه رفع راسه وطالع بعيونها وهمس بنبرة خافته ذايبه /وينك يامهره من زمان
مهره ترد بحيا وخدوده مورده/موجوده انت اللي وينك
فهد يبوس عيونها/انتضرك تكبيرين
مهره ابتسمت وبانت غمازتها فهد داخ معها حضنها وعضها مع غمزتها وهي صرخت من الالم بس فهد ماسمع صراخها و ترجيها له
ما يشوف الا انثى جميله وفاتنه بين يديه-
_______________________________


رواية ريح المطر (للكاتبة شغف )

ادعو لوالدي برحمة والمغفرة..


-/البارت الثالث والعشرون/-



يوم جديد وغير بتفاصيله -

ياليلة العيد مالقيت بها -
الا تباريح حظي النكد-

الكل ينتضر العيد بفرحه اجمل الذكريات واليالي ليلة العيد ولاكن راح تكون ذكرى اليمه -لمهر و وملاك -


قبل الفطور بوقت نهيل تغسل الحوش هي وامل

نهيل تكلم امل /اغسلي عدل ابي يلمع
امل تمسح جبينها بطرف كمها بتعب/يومه لو خليتيه لين نفطر
نهيل ترش الماء على ارضية الحوش/النقاشه بتجي بعد المغرب مايمدينا
امل ترد باستغراب /نقاشه ليش
نهيل تبتسم وتمسح الارضيه /بتنقش
امل تضحك وتغسل معها /وليش تنقشين ترا عيد مو عرس
نهيل اختفت ابتسامتها /وذا لازم نتنقش نسيتي اهل عمك عندهم العيد وبعده البيت ابو سيف وبعد نروح لبيت منصور وب اليل نطلع لعيد خواتي لازم اكشخ
امل طالعتها وتكلمت بحماس/ونروح معك انا وملاك
نهيل تغسل وترد برفض/لا بس لعيد عمك وعيد خالاتك

دخلت عليهم وفاء شافتهم يغسلون ويسولفون
سلمت وجلست على الكرسي تطالع فيهم بغرور
و نهيل ردت السلام وسكتت هي وامل ويغسلون بصمت -

نهيل تطالعها وتسالها بدون نفس / مازن وينه
وفاء تبرم اظافره وعيونها على الاظافر وترد عليها برود /نايم
نهيل بستغراب /ليش ماصحى للحين
وفاء رفعت راسها /اساليه لاقام
امل طالعت وفاء بصدمه وردت عليها/ كلمي امي بحترام
وفاء تحط رجل على رجل /وانا وش قلت يا المحترمه
نهيل توجهه كلامها لامل /حنا صيام كملي شغل وخليك منها
امل تطالع بوفاء بقهر وترد على امها /ابشري

كملت شغلها هي وامها بصمت -
طلعت ملاك للحوش وعلى شعرها فوطه توها مخلصه شاور بعد تنظف المطبخ شافت امها وامل يغسلون بتعب وصيام وفاء جالسه حاطه رجل على رجل وتبرم اظافرها-

ملاك حمر وجهها من القهر وتكلمت با ندافع /هيه انتي
وفاء رفعت راسها وطالعتها بصدمه و نهيل لفت لها هي وامل بذات الصدمه

ملاك تكلمت بغضب /ماتستحين تشوفين عمتك تشتغل وانتي حاطه رجل على رجل وجالسه تبرمين اضافرك جعلهن للكسر
وفاء وقفت وتكلمت بذات الغضب/انتي منو عشان تكلميني كذا هاااه
ملاك ترفع حاجبها/انا ملاك بنت طالب اذا ماتعرفيني
وفاء بغرور وندفاع /وانا بنت مطلق شيخك وشيخ ابوك تجي وحده مثلك ترفع صوتها علي
ملاك تاشر لها بعصبيه/ لا تجيبين طاري ابوي على لسانك اقصه لك
وفاء ترد عليها بصراخ /تخسين تقصينه يالعاهره
نهيل زعلت من كلام وفاء/احشمي نفسك ي بنت عيب هالكلام
وفاء بقلة احترام/انتم ماتستاهلون اللي يحشمكم اصلا

ملاك وامل يطالعونها بصدمه-
ونهيل تكلم بغضب/سدي فمك انا عمتك ياللي ماتستحين
وفاء مازالت تصارخ/سد يسد فم بنتك طويلة للسان
ملاك تكلمها بتهديد/وقسم بالله ي وفاء كان
ما حترمتي امي لا روح لهلك واعلمهم على قلة ادبك وخليهم يادبونك من جديد
وفاء تبتسم باستهزا /سويها وشوفي وش بيردون عليك تحسبين اهلي بيصدقونكم يطماعين
نهيل طالعتها بصدمه/ منو الطماعين؟!
وفاء جاتها الفرصه تطلع كل اللي بقلبها /اي ولا في وحده توافق وهي ورع لرجال وش كبره ومتزوج الا عشان فلوسه ومكانته عند الناس
ملاك تحس راسها بينفجر من الغضب / تخسين اخوك هو اللي يركض وراي لين حفى عشان ياخذني
وفا تكتف يديها و ترفع حاجبها / لو يبيك ماتزوج بدالك وخلاك معلقه بس انتم ماعندكم كرامه راضين وساكتين عشان الفلوس وعشان نسبنا
نهيل ترد بعصبيه /امحق نسب وانتي منهم
ملاك ترجف بقهر/النسب اللي مثل نسبكم ما يشرفنا اصلا والفلوس اللي عندكم عالجو قلوبكم المريضه فيها

دخل مازن على اخر كلمه قالتها ملاك ومن شافته
وفاء سوت نفسها تبكي -
______________________________


جالسه بجناحها ومتردده وماتدري اللي بتسويه صح ولا غلط -

مهره تكلم نفسها /اجل اجلس بدون لبس وبكرا العيد
ترفع راسها لفوق تفكر وتكمل كلامها / بعدين ماهو داري هو اصلا مايجي الا وقت السحور اي ولبس مايدري هو قديم ولا جديد ولاقال منوين لك بقول قديم عندي مالبسته

قامت لبست شالها وراحت لجدتها لجناحه ادخلتها عليها شافتها جالسه تسبح وتهلل حبت راسها
مهره تبتسم/مسيك بالخير
الجدة صيته تطالعها وترد لها الابتسامه/يمسيك بالنور والسرور
مهره تجلس قريبه منها وتمسك يدها وتكلم برجا/بطلب منك طلب يا ام عقاب
الجدة صيته انتفضت بحميه /ابشري بالعسد وانا ام عقاب بس من قلتي ام عقاب اكيد انه طلبن كايد
مهره بحة حزن/اي والله انه كايد بس ماحد يقدر يساعدني عليه الا انتي
الجدة صيته تشد على يدها /ابشري بس وشهو طلبك
مهره تحاول تدخل بالموضوع/يرضيك الناس تعيد بلبس جديد وبنت ناصر تعيد بلبس ملبوس
الجدة صيته ترد بحزم /افا يذا العلم لا بالله مايرضيني
مهره حست بختناق وهي تحاول تصفف الكلام /اجل وديني لسوق اشري للي لبس عشان مايقولون مات ابوها وماحدن يشري لها
الجدة صيته بصدمه/بتروحين من ورا شور رجلك
مهره تنهدت بقلة صبر/ماهو راضي يوديني والعيد بكرا
الجدة صيته برفض/ ماتروحين وهو مادرى انا اكلمه يوديك
مهره توقف على ركبها وتحب راسها /تكفين ياجدتي ماراح يرضى ابيك انتي تفزعين للي
الجدة صيته تكلمها بقلة حيله/انا خايفه عليك والله يذبحك ان درا انك رايحه لسوق من وراه
مهره تمسك كف جدتها بين كفوفها/ماراح يدري هو اصلا مايجي الا على السحور

-الجدة ومهره نسو ان ليلة عيد مافي سحور اصلا-

الجدة صيته تنهدت /ومن بيودينا
مهره تطالع بعيونها برجاء /سواق
الجدة صيته برفض حاد/لالا عشان يذبحك صحيح وماحدن يفكك منه
مهره سكرت عيونها وفتحتها /ي جدتي اجل منو بيودينا وبعدين ماراح يدري ان السواق اللي ودانا
الجدة صيته بتفكير/عبدالله يودينا
مهره بخوف ورفض /لا عبدالله يعلم فهد اما السواق لاوصيتيه ماراح يتكلم
الجدة صيته بعدم اقتناع /طيب ومتى تبين نروح
مهره تحب راسها مره ثانيه /بعد الفطور
الجدة صيته بتردد/وهذول وش نقول لهم لو درن علمن فهد
مهره بتفكير/نقول رايحين لامي
الجدة صيته تنهدت /طيب طيب

مهره حبت راسها للمره الثالثه وطلعت وما شافت شوق اللي كانت واقفه ومن سمعتها بتطلع انحاشت بهدو كانت جاية تبي تسال جدتها وش تبي مع الفطور وسمعت كل شي -

شوق تدخل على جدتها فاطمه/جدة
ام ابراهيم تطالعها/بسم الله شفيك تقل ملحوقه
شوق تقرب لها/ابيك موضوع مهم
ام ابراهيم بستغراب /وش الموضوع
شوق بهمس قالت لام ابراهيم كل شي سمعته
ام ابراهيم بصدمه /وجدتك رضت
شوق/اي وبعد المغرب بيروحون
ام ابراهيم ابتسمت بخبث/سوي نفسك ماسمعتي شي ابد
شوق بستغراب/ليش
ام ابراهيم بخباثه/لاطلعو نقول لفهد
شوق بتسال/ وكيف بنقول له
ام ابراهيم بذكا/اليله مافي سحور بس هم خبلات
شوق تضحك/اي والله
ام ابراهيم ماصدقت تلقى شي يشب النار بين فهد ومهره تكلمت بحماس/ وراح يرجع بدري ليلة عيد وكيد بينام ويرتاح ونعلمه
شوق /وفرضاً ماجاء وش بنسوي
ام ابراهيم /ماعليك بيجي وان ماجاء حنا نرسل له خلي الموضوع علي

جلست شوق وجدتها يخططن -
_________________________________

دخل مازن على اخر كلمه قالتها ملاك ومن شافته وفاء
سوت نفسها تبكي نهيل حست انها بتصير مشكله تعرف ولدها وفاء عنده اهم من الكل وامل حطت يديها على فمها من الخوف-
من شاف وفاء تبكي حمر وجهه من القهر مازن /نسب منو اللي ما يشرفك ي ست ملاك
ملاك تطالع فيه وترفع حاجبها وترد بجرائه /نسب اهل عمك
وفاء تبكي بتحيل /تسمع تسبني وتسب اهلي وانا ساكته ومتحمله عشانك ي مازن
مازن يوجهه كلامه لملاك بعصبيه /انتي ما ترتاحين تبين تسببين بيننا مشاكل ي الخبيثه
ملاك طالعت فيه بصدمه/انا خبيثه
مازن مازال معصب /اي خبيثه وطماعه بعد لا تحسبيني مصدق انك طيبه ترا كاشف خططك من زمان وساكت
نهيل مصدومه من ولدها /انت ماتستحي شلون تقول لختك الكلام هذا
ملاك حست بروحها تطلع من كلام اخوها الوحيد وصرخت بقهر/انت اللي تخطط وخذيتها طمع وخل تنفعك هي وفلوسها
مازن يصرخ عليها /تسواك وتسوا اللي خلفوك بعد
نهيل تدفه مع كتفه بغضب/اللي خلفوها خلفوك ياولد بطني ولا نسيت
مازن يطالع امه ويتكلم بتهديد /ان ما ربيتيها والله
لا ربيها انا لك
ملاك تاشر على وفاء وترد عليه بصوت يرجف من القهر /متربيه احسن تربيه انت وهاذي اللي تبون تربيه
مازن اقترب لها بغضب بيضربها بس نهيل وقفت
بوجهه وصرخت فيه/والله ماتمد يدك عليها فاهم
مازن يحاول يبعد امه من وجهه /بعدي لا توقفين بوجههي والله لاقص لسانها واكسر راسها

ملاك انفجرت من القهر بيمد يده عليها وقدام مرته بي حق ماكفاه الكلام الجارح اللي قاله
تكلمت بتهديد /والله يا مازن لو حاولت تمد يدك
مو امي اللي توقف بوجهك لقول لعمي وعيال عمي وهم اللي بيوقفون بوجهك
وفاء تكلمت بلعانه /من اليوم وهذا كلامها تهددني تشكينا لصقر
نهيل تطالعها وترد عليها بحرقه/يا الظالمه ياللي ماتخافين ربك ماجابت طاري صقر انتي اللي جبتي طاريه
مازن يبعد امه ويسحب ملاك من شعرها ويضربها بقوه
مع وجهها بكل جهه نهيل وامل يحاولون يبعدونه عنها
نهيل تصارخ وتسحبه /بعد عنها بعد بعد
مازن يشدها مع شعرها ويتكلم بقهر /تهددينا بصقر وانتي ما تزوجتيه للحين كيف لو تزوجينه وش بتسوين بتفرقين بيننا
ملاك تحس بالم وتحاول تمسك نفسها لاتبكي ماتبي وفاء تشوف دموعها تصبر على الالم والقهر ولاتصبر على انها تبكي قدامها صرخت فيه /بعد عني بعدددددددد ايييييي
نهيل تحاول تبعده منها وتبكي /بعد عنها حسبي الله عليك
مازن يضربها مع وجهها/اذا طالب و نهيل ما ربوك انا اربيك انا
وفاء واقفه تفرج بسعاده وامل تطالع فيها وتبكي بقهر
و ملاك مع قوة الضرب والالم ترجف بغضب وتصارخ بدون دموع
دفها مازن على امه بعنف وراح جناحه وفاء راحت وراه نهيل تبكي وتضمها لحظنها /والله لاخذ لك حقك والله
وامل تبكي وتطالع بعيون ملاك مصدومه منها مانزلت ولا دمعه /راح نعلم ابوي عليه وعليها اللي مايخافون الله
ملاك بعدت من حضن امها ودخلت غرفتها وقفلتها تبي تنفجر بروحها ماتبي احد يشوفها -
________________________________

بعد الفطور جت لابسه عباتها شافت ام ابراهيم وحسنا وبناتهم بصاله يتقهون ويتابعون حتفالات العيد سلمت ودخلت تنادي على جدتها
ام ابراهيم و بشوق يتبادلن النظرات حسنا مستغربه من ام ابراهيم ماتكلمت من شافت مهره لاول مره
ما تغثها بالكلام-

مهره تدخل بغرفة جدتها وتنادي عليها باستعجال/جدة يلا جاهزة
الجدة صيته ترد عليها بتردد/انتي ملزمه
مهره تنهدت بضيق هي بعد متردده وتبي من يشجعها بس حاولت تكلم بثقه/اي ملزمه تكفين يجدة قومي خلي نخلص
الجدة صيته تركى على عصاتها وتقوم/ بسم الله جيبي عباتي
مهره تلبسها عباتها/يلا

وهي طالعه من الجناح هي وجدتها متجهين لباب وقفهم صوت ام ابراهيم -

ام ابراهيم تسال وهي تقهوا شاي برواق/وين رايحين ؟!
الجدة صيته وقفت وردت بثقه/رايحين عند ام ماهر
حسنا بستغراب/عسى مافيها شر ام ماهر .
الجدة صيته تحاول ماتبين ارتباكها وترددها /ماشر بس بنسلم عليها ونرجع
ام ابراهيم تطالع شوق وتبتسم/سلمو لنا عليها
مهره تمسك يد جدتها بستعجال /يلا جدتي
الجدة صيته ماعجبتها حركاتك ام ابراهيم وهدوها حست وراها شي طالعت بمهره وتكلمت بتردد واضح/خلي نتقهوا اول وبعده نروح
مهره طالعتها بصدمه كيف لها نفس على القهوه وتكلمت بالحاح /جدتي مافي وقت نرجع ونتقهوا
حسنا بحسن نيه/اكيد ام ماهر مجهزه لكم القهوه
مهره برتباك /اي اكيد يلا جدتي
الجدة صيته بقلة حيله/يلا

راحت هي وجدتها تحت انظار الكل مستغرب من تصرفاتهم الغير طبيعيه الا ام ابراهيم وحفيدتها عارفات وش ورا تصرفاتهم بدت تنفذ خطتها-

ام ابراهيم تطالع حسنا /وين نواف
حسنا تصب لها كاسة شاي/على السوني داخل
ام ابراهيم تقوم وتوجهه كلامها لنوف باستعجال/ نادي لخوك ي نوف
حسنا رفعت راسها و تطالعها /ليش تنادي له ؟!
ام ابراهيم بنظرت بخباثه /ابي ينادي لفهد
حسنا تعقد حواجبها بستغراب /ينادي لفهد وش تبين فيه
ام ابراهيم تكتف يديها وتكلم /انتي مصدقه انهم رايحات لام ماهر هي وجدتها
حسنا بصدمه/اجل وين رايحات
ام ابراهيم تبتسم/لسوق ومع السواق بعد
مريم تسال امها وهي مصدومه/فهد يدري عنهم
ام ابراهيم تطالع بمريم وترد / فهد لو درا ذبحها هي وجدتها
حسنا تقوم واقفه/وانتي وش دراك انهم رايحات لسوق
شوق بتدخل وهي جالسه/انا سمعتها تشحذ جدتي تقول ماخلاني اشري لبس للعيد وابيك توديني انتي لسوق
مريم بستغراب/وجدتي كيف طاوعتها
حسنا بتفكير/انا اشوفهم مرتبكات والله شاكة ان في شي غير طبيعي
ام ابراهيم بستعجال/الحين وين ولدك نبي ينادي لفهد قبل يرجعن وماحد يصدقنا
نوف واخير تكلمت/انا اقول ماله داعي تعلمون فهد مرده بيدري
ام ابراهيم بعصبيه/ويدري من منو
نوف تحاول تقنعهم ماحد يقول لفهد لانها حزنت على حال مهره وتدري لو درا يمكن يذبحها تكملت بهدو/من السواق ولا من احد يشوفهم الا منكم لاتدخلون بمشاكل الناس
ام ابراهيم تطنشها و تطالع بحسنا/ي مره نادي لولدك خلي نعلمه ذي فرصه وجتنا
مريم توقف /اي والله قبل يجون ماراح يصدقنا
حسنا تطالع بنوف/روحي نادي اخوك سرعه
نوف قامت بغير اقتناع/طيب
شوي وجاء نواف/نعم
ام ابراهيم تاشر له/تعال بقول لك
اقترب منها نواف/وش بتقولين للي
ام ابراهيم تمسكه /اسمع

سمع نواف منها وراح متجهه لديوان القبيلة-
_________________________

طلع من دوامه بعد تعب ودخل جناحه شافها تبخر
من شافته اتجهت له بالبخور-

اميره ببتسامه /هلا والله صقر
صقر يحس بضيقه لاشافها يحاول مايوضح لها /سلام
امير تبخره وترد عليه بحب/عليكم السلام كل عام وانت بخير
صقر يجلس على الكنب بتعب/وانتي بخير
اميرة تحط البخوره على الطاوله وتجلس/كانك تاخرت اليوم
صقر يمد رجوله على الطاوله/اليوم اخر دوام للي قبل الاجازه وخلص كذا شغله
اميرة بفرحه/وكم معك اجازه
صقر يطالعها ويرد عليها/عشر ايام
اميره تكلم وعيونها عليه/زين الحمدلله عشان اشبع من شوفتك
صقر ياشر على البخور /شيلي ذا كتم صدري
اميره تقوم وتشيله وتبعده/بسم الله على صدرك
صقر تنهد /بقوم اخذ شاور طلعي للي ملابس
اميره تطالعه/ماتبي تنام
صقر يقوم /لا بروح المجلس عند العيال
اميرة بضيق/طيب اجلس معي شوي
صقر برود /العيال مجتمعين روحي للبنات انتي

اخذ فوطته و راح لحمام وهي جلست على الكنب بضيقه
___________________________



رواية ريح المطر (للكاتبة شغف )

ادعو لوالدي برحمة والمغفرة..


-/البارت الرابع والعشرون/-



من مد يده عليها وهي بغرفتها حتى مافطرت من القهر اول مره احد يمد يده عليها ومن مازن اخوها وسندها بالحياة يضربها عشان من عشان مرته
حاولت تبين للكل انها قوية غير الضعف اللي مخبيته داخلها و بكت بينها وبين نفسها بالم وقهر

دخلت نهيل عليها/ملاك يامك مايصير كذا ماكلتي شي
ملاك حاطه راسها بين ركبها وساكته/….
نهيل تجلس قريبه منها وتحط يدها على كتفها/ملاك تكفين قومي اكلي لك شي
ملاك مازالت على حالها/…….
نهيل مقهوره من حال بنتها ومن كلام وتصرفات ولدها ومن تدخل وفاء بحياتهم تكلمت بقهر/والله ماسكت له وقول لابوك انه مد يده عليك ومرته اللي ماتخاف ربها لاخليه يعلم ابوها عليها و يعلمها ان الظلم حرام
ملاك على حالها بدون رد/…….

نهيل رفعت راسها وحست كان سكاكين تقطع قلبها قطعه قطعه من شافت دموعها تعرف بنتها عدل ماتبكي الا من سبب كبير وكبير حيل

نهيل تمسح دموعها بكفها /والله لاخذ حقك منه ومن مرته ولا تبكين وتضايقين
ملاك تطالع امها وترد بالم /انا اعرف منو ياخذ حقي منهم
نهيل تمسح على شعرها وتكلم بحنان /ابوك اللي راح ياخذه لك انا اقول له
ملاك تشر براسها وكنها تكلم نفسها /لا مو ابوي اللي بياخذ حقي مو ابوي
نهيل بعدت يدها من شعرها وطالعت بنتها بتسال/اجل منو ؟!
ملاك تصد بوجهها /ابوي لايدري عن شي ابد
نهيل تلف وجهها وتكلم بستغراب/وليش وش ناويه عليه
ملاك تنهدت /خليني بروحي برتاح
نهيل تكلمها بصرامه/بجيب لك اكل تاكلين الساعه 9 وانتي للحين صايمه حرام عليك ارحمي نفسك
ملاك ترد برفض /مابي شي
نهيل بمحاوله/عشان خاطري
ملاك برجاء/تكفين يومه مابي شي بس بنام
نهيل تقوم/خلاص يامك ارتاحي

طلعت وسكرت الباب وملاك حطت راسها بين ركبها وجلست تفكر كيف تاخذ حقها من مازن ومرته ماهي ملاك اللي تستسلم لهم وتعرف عدل لو اسكتت راح يتمادا معها ويضربها على اي شي -

________________________________

نواف دخل الديوان شاف ابوه وعمه وابراهيم وعبدالله ينتضرون باقي رجال القبيله اللي طالبهم فهد
عشان يتفقون يبدون مشروعهم بعد العيد

دخل نواف وسلم /سلام
الكل رد عليه /عليكم السلام
ابو نواف ياشر على المكان القريب له /تعال يابوك عندي
نواف يقترب من ابوه ويوجهه كلامه لفهد/شيخ فهد
فهد كان يقرا بالاوراق ورفع راسه يرد /هلا ي شيخ نواف
نواف يحك راسه يتذكر وش يقول /جدتي صيته تبيك
فهد عقد حواجبه بستغراب /ليش وش تبي ؟!
نواف حافظ الكلام عدل/مدري بس قالت ناد فهد للي بسرعه
فهد يطالع عمانه بتسال /غريبه وش تبي؟!
ابو نواف يطالعه ويرد/يمكن بتوصيك على احد محتاج
ابو ابراهيم /ولا احدن من الحريم طالبتها بموضوع وتبي توصله لك
عبدالله يكلمه بحترام/تبي اروح لها اشوف وش تبي
فهد يوقف وياخذ جواله ومفتاحه من الطاوله /لا انا بروح لها وشوفها
ابو ابراهيم يوقف /بروح معك
فهد يشر له يجلس/لا خلك بيجون رجال الحين خلكم موجودين بشوفها ورجع
ابو نواف يسحب نواف عنده /من عندها جدتك
نواف يجلس قريب لابوه/مدري

راح فهد للبيت دخل شاف ام ابراهيم بوجهه وحسنا ومريم وبناتهم متغطيات واقفات ورا -

فهد يطالعهم بستغراب ويسلم بثقه/سلام
الكل رد السلام بهدو /عليكم السلام
فهد يرفع جابه ويتكلم بصرامه/شفيكم واقفين كذا وين ام عقاب
ام ابراهيم ترد عليه /جدتك ومهره مو موجودات
فهد لف يطالع فيها بصدمه/وش قلتي؟!
ام ابراهيم ترفع صوتها وتكلم بلعانه/اقول جدتك ومهره مو موجودات ماقالن لك
فهد مو مستوعب كلامها ابد كيف يخطون خطوه برا البيت بدون شوره ومع كذا رد عليها بعصاب مشدوده /يقولون للي عن وشو بضبط !!
ام ابراهيم تكلم بحيله/ راحت لسوق هي ومهره يشرون لبس العيد
فهد اقترب منها و عيونه تقدح شرار/انتي وش تقولين
ام ابراهيم رجعت على ورا بخوف من نظراته /اسال حسنا ومريم والبنات كان ما انت مصدقتي
حسنا برتباك/نحسب قالن لك خذن السواق وراحن

فهد عجز يسمع اكثر من كذا وطلع وهو فاير دمه
من الغضب ويتمنى اللي قالت
ام ابراهيم وحسنا كذب عشان يكون خطاهم اهون من خطا جدته ومهره والعقاب
اخف بكثير من عقابهن

مريم من طلع تكلمت بخوف/الله يستر انتم متاكدين انهم بسوق اخاف يطلعون عند ام ماهر ويذبحنا على كذبنا
ام ابراهيم تجلس وتكلم برود/لا بالسوق والحين يطلقها ويحذفها على امها وفزعت عمتي صيته
ماهي نافعتها
حسنا بصدمه/طلاق؟!
ام ابراهيم ترد عليها/اي طلاق اجل تبين فهد يخليها وهي كاسره كلامه ورايحه من وراه
مريم برتباك /ليته طلاق ولاهو ذبح
حسنا ترجف بخوف/يويلي ذبح
ام ابراهيم تاشر على حسنا بعصبيه/انتي علامك خوافه
حسنا مازالت ترجف /انا مالي دخل انتم السبب انا ماسمعت شي ولا قلت شي
ام ابراهيم تصب لها فنجال قهوه /اي مالك دخل بس ارتاحي وتقهوي كيفي بس كيفي
___________________________

من التوتر اخذت لها فستان على السريع ومامداها تاخذ شي ثاني طلعت بسرعه
والجدة صيته من دخلو السوق وهي تستعجالها

الجدة صيته تركب السياره/ياربي تستر
مهره تركب السياره بعدها وتسكر الباب وتكلم بصوت مهزوز/ لاتخوفيني ي جدتي تراي مرتبكة اكثر منك
الجدة صيته كانها تكلم نفسها ومو منتبه لخوف مهره وتوترها/الله يستر بس الله يستر
مهره تطالع فيها وتمسك يدها /شفيك ياجدتي خايفه كذا خوفتيني بزياده
الجدة صيته تكلمها وتشد على كفها/اليله مافي سحور
مهره ترد بستغراب/ادري ان مافي سحور
الجدة صيته تطالعها/ي الخبله خوفي يجي بدري اليله عشان يرتاح قبل العيد
مهره قفزت و لزقت بجدتها بخوف كانها تبي تحتمي فيها/كيف نسيت والله لو عرف راح يذبحني
الجدة صيته حطت يدها على كتوفها وحضنتها/ والله اني خايفه عليك منه
مهره ترجف بين يدين جدتها وتبكي/يذبحني والله ليذبحني
الجدة صيته تشد حضنها و تهديها/لا عنده رجال اليله ويمكن يتاخر قولي ان شاءالله
مهره ترجف /ان شاءالله يارب
الجدة صيته تكلم السواق/راجو
راجو /نعم
الجدة صيته تحرص عليه/مثل ماقلت لك شيخ فهد مافي يقول له سوق ولا يقول له انا ومهره يروح معك ابد
راجو يهز راسه/اكيد جدة ماراح اتكلم مافي خوف
الجدة صيته تنهدت /سرعه بس سرعه للبيت
راجو /حاظر

_____________________________

كانت توها خالصه من السوق وراحت بيت اهلها شافت امها تبكي خافت عليها و نهيل وقالت لها كل اللي حصل

حصه توقف بغضب/كيف يمد يده عساها للكسر
نهيل تطالعها وتكلم بحنان الام /استغفري عن اخوك استغفري
حصه مازالت غضبانه/خايفه عليه اللي مايخاف ربه
نهيل تنهدت /مرته السبب
حصه تطالعها/لونه رجال ما طاعها ومد يده على اخته وقلل ادبه مع امه بس ماهو رجال
امل تكلم حصه بقهر/ ومرته مستانسه وهو يطقها ملاك حتى مابكت تخيلي
نهيل ترد بالم/من هي صغيره تكتم ولا تبكي الا على شين كبير ياروح امها
حصه تتجهه لغرفتها /بروح اشوفها
نهيل تنادي عليها/خذي اكل معك لها يمكن ربي يهديها وتاكل
امل تقوم/انا بروح اسخن لها شوربة
نهيل بحنيه/اي يامك الله يخليكم لبعض

دخلت عندها حصه شافتها متغطيه بسريرها و نايمه فتحت الغطاء شافتها نايمه واضح عليها التعب

حصه تنهد /الله يحرق قلبك يا وفاء انتي ومازن مثل
ما حرقتم قلبها

طلعت لصاله وراحت لامها حصه/نايمه
نهيل بستغراب/انتي متاكده
حصه تجلس/اي متاكده
نهيل بخوف/اخاف فيها شي
حصه تريحها /لا مافيها شي بس نايمه من التعب
نهيل تنهدت /حسبي الله ونعم الوكيل على من كان السبب
حصه تغير الموضوع ماتبي تشوف امها متضايقه/مانتي متنقشه
نهيل ترد عليها بحزن /لا كلمت النقاشه وقلت لها لاتجين
حصه ترد عليها بعتاب/ليش الله يهديك هذا عيد وكل شي له حل
نهيل ترفع راسها لسما وتكلم بحزن عميق/لا ماله حل الفراق بين الاخوان
دخل ابو ماجد /السلام عليكم
الكل /عليكم السلام
ابو ماجد/حصوص عندنا
حصه توقف وتحب راسه /اي عندكم ماتبوني
ابو ماجد يجلس/هههه الا والله حياك ربي
حصه تجلس قريبه له/شلونك ي الغالي
ابو ماجد /بخير الحمدلله انتي شلونك شلون رجالك
حصه تبتسم/كلنا بخير الحمدلله
ابو ماجد يطالع فيها بتسال /وينه مانزل معك
حصه ترد بهدو /وين ينزل مافي احد كلكم عند عمي وعياله
ابو ماجد /يجينا عند عمك
حصه /مشغول يجهز للعيد
دخلت امل ومعها شوربة /يومه سخنت الشوربه لملاك لقيتها نايمه
ابو ماجد يطالع نهيل بستغراب/ليش ملاك شفيها
نهيل ترد بنفعال/اسال ولدك
ابو ماجد عقد حواجبه/ليش اسال ولدي وش صاير؟!
حصه ماتبي ابوها يعرف شي ويتضايق بالعيد ولا يتهاوش مع مازن تكلمت باستعجال /تعبانه ومازن ماودها المستشفى
نهيل تصد عنهم وابو ماجد يتكلم بصرامه /وش صاير ي نهيل
حصه تكلم بهدو /ماصار الا الخير بس ارتاح
امل تجلس وتحط الشوربه /يوبه اشرب شوربه
ابو ماجد يطالع بناته بتشكيك /اكيد ماصار شي
حصه تحاول تطمنه/لا تطمن مافي شي ولا صاير شي
امل تبتسم مجامله /ليلة عيد مايصير الا الفرح
ابو ماجد /الله يجعلنا من عواده
الكل /امين


_______________________________

فهد وقف برا البيت ينتضر رجعتهم حاس انه بيقتل له قتيل اليله من شدت غضبه الود وده ماتطيح بين يديه يعرف نفسه عدل لا مسكها وهو غاضب ما راح يرحمها ابد شاف سيارة السواق وصلت و شد على سبحته اللي بيده وصدره يعلو وينزل من القهر


راجو وقف السيارة و شاف فهد واقف
وتكلم بخوف /جدة هذا شيخ فهد برا

مهره لفة لقزاز السياره هي وجدتها برعب وشافته واقف بشموخ واضح على واجهه محمر من الغضب عجزت تمسك نفسها من الرجفه

الجدة صيته وعيونها على فهد وتدعي ربها /يالله يارب تعدي اليله على خير
مهره تمسك بذراعها/انا بوجهك يام عقاب انا بوجهك
الجدة صيته ترد عليها بالم/والله مايجيك شي باذن الله

فهد شاف سيارة وقفت وماحد نزل منها و تجهه لها
و فتح باب السواق وسحبه مع جيبه

عطاه كف على وجهه ومن قوته خلت راجو يطيح بالارض ويصارخ/ اي اي ارجوك شيخ ارجوك
ورفسه فهد برجله مع بطنه تحت نظر الجدة ومهره المرعوبه وزادت رعبها من صياح راجو من الالم
الجدة صيته نزلت بسرعه و مسكت بذراعه /دخيلك ياولدي تخلي هالمسكين دخيلك
فهد نفض يدها من يده بقوه وتجهه لمهره اللي كانت جالسه بسياره ومو قادره توقف من الخوف من شافته اتجهه لها رجعت ولصقت باب السياره من الجهه الثانيه بس فهد اقترب لها وسحبها من يدها ودخل فيها البيت وهي تصارخ وتنادي على جدتها
وجدة صيته وراه ترجف بخوف وترجاه /خلها حلفتك بالله تخليها
مهره تبكي بين يده اللي تسحبها وراه بقسوه وقوه/تكفى تكفى فكني والله ما اعيدها والله

سحبها ودخلها الجناح تحت انظار ام ابراهيم وحسنا ومريم والبنات اللي تجمعو من صوت صياح راجو
الجدة صيته تدخل معه وتسكر الباب وهي تحاول تمسكه /دخيلك تراها بوجههي
فهد دف مهره بالارض ونزل عقاله ورما شماغه من راسه وطاح فيها طق طق مع كل جهه مع ظهرها ورجولها ويديها حتى وجهها ماسلم من العقال وصرخ عليها /انا تكسرين كلامي وتطلعين عن شوري انا تحديني انا
وهي تصارخ وتبكي وتمسك رجوله برجاء
مهره تزحف وتلم نفسها بالم وصراخ/لالاا العقال لا لا
الجدة صيته تحاول تمسكه مو قادره عليه وتكلم وهي تبكي /تكفى ي فهد تكفى هي مالها دخل انا الغلطانه
فهد يمسح جبينه المبلول من الغضب ويطالع بجدته وتكلم بصوت مرتفع منفعل /والله واللي رفع السماء بلا عمد ان ماطلعتي لاذبحها وانتي تشوفين
الجدة صيته تمسك يديه وترجاه/لاتحرق قلبي عليها لاتحرق قلب صيته اللي ربتك وكبرتك
فهد يرفس مهره برجله بقوه خلاها تصرخ بالم/ماتبين تحرقين قلبك عليها وانتي وقفتي معها تكسر كلمتي وتطلع من وراي ومع السواق
الجدة صيته تشد على يده وتبكي/انا اللي اخطيت انا الوم علي مو عليها
فهد يكلم جدته وعيونه تقدح شرار/وقسم بالله
لو ما انتي ام عقاب لاخليك تعرفين كيف تكسرين كلمتي وتمشين مع الكلبه هاذي

حط رجله على خد مهره وضغط عليه بقوه حست ان وجهها انفك من ضغط رجله صرخت باعلى صوتها اللي خلا الجدة تنتفض.بخوف عليها

الجدة صيته تصرخ فيه بغضب/هاذي جزاي ي ولد عقاب كبرتك وربيتك وطلعتك رجال وهذا جزاي تهين بنت اخوي قدام عيني وتهددني
فهد شال رجله من وجهه مهره وشاف الدم ينزل من فمها ولف لجدته ورد عليها بقهر/انتي ربيتيني وتعرفين وش اللي يغضبني تروحين تسوينه ليش ابي افهم ليش
الجدة صيته بكت بقلة حيله/علمتك الرمايه ياولد عقاب ورميتني انا انا
فهد غمض عيونه ورفع راسه وتكلم بالم/اطلعي يام عقاب اليله انا ذابحها ذابحها
الجدة صيته تصرخ بوجهه/كان بتذبح اذبحني انا بس وصية ناصر ما تقرب لها
فهد طالع فيها وصرخ بصوت اعلى/ والله للحقها بناصر والله

ورجع العقال على مهره وضرب فيها بقوه وهي تصارخ بالم وتلم نفسها بيديها وترجا فيه/تكفى تكفى اه اه يوبه يومه دخيلك ي فهد دخيلك

جدته تحاول تمسكه عجزت عن قوة فهد وحاولت توقفه بي طريقه وصرخت بصوت عالي/يا فهد البنت يمكن حااااامل ارحم ولدك كان مانت راحم امه

فهد وقف يده من الضرب حس نفسه طار ومو قادر يتنفس من الصدمه ولف لجدته و كانه يقول لها عيدي كلامك الجدة صيته فهمت نظرته
و كملت كلامها وعيونها على بنت اخوها / لا تذبح ولدك وامه

مهره تسمع و مصدومه من كلام جدتها بس مافيها حيل تكلم ابد وتشوفهم ضباب قدامها
فهد وكان احد كب عليه ماء حار ومن شدت حرارته صلخ جلده يحاول يستوعب الكلام لف وجهه لمهره شافها طايحه بالارض وشعرها منثور وفمها ينزف حس انها بتفقد الوعي تنفس بسرعه وتحاول تفتح عيونها مو قادره

فهد يوجهه كلامه لجدته وعيونه على مهره تكلم بصوت مبحوح / انقذوها قبل تموت

وطلع من الجناح وما انتبه ابد للي واقفات يسمعن صراخ مهره وجدتها بخوف وبعضهم تسمع بسعادة اتجهه لباب وطلع من البيت كله -

الجدة صيته طلعت من الجناح وتكلمت بصوت يرجف/ مريم دقي على ام شامان بسرعه وخلي تجيب اسعافاتها بسرعه
مريم تركض بخوف/ابشري الحين اتصل عليها

وبعد دقايق وصلت ام شامان وحاولت تساعد الجدة صيته بشيل مهره على السرير لان الجدة صيته مارضت غيرها يدخل بالجناح ضمدت جروحها
وشافت يدها مورمه ضغطت عليها ونقزت مهره بالم-
ام شامان تكلم الجده وعيونها على يد مهره /اتوقع يدها فيها كسر
الجدة صيته تكلم بخوف/تاكدي
ام شامان تاشر على مهره وتكلم/هي ماتخليني اشوفها عدل
الجدة صيته تطالع بمهره /يامك تحملي خلي تشوف يدك
مهره نايمه على السرير وحاسه انها بتودع الحياة من التعب اللي فيها وتكلمت بياس /ابي امي ودوني لامي
الجدة صيته تقترب لها بحنيه/ابشري بس خليها تشوف يدك اول
مهره تهز راسها برضاء مو قادره على الكلام
ام شامان مسكت يدها وضغطت على العظم بقوه مهره تشد بيدها السليمه على يدين جدتها وتبكي من الالم
الجدة صيته تطالع ام شامان وتسال /هاه وش فيها
ام شامان تطالع بمهره بحزن على حالها/يدها مكسوره لازم جبس
الجدة صيته جلست مو قادره توقف/ لاحول ولاقوة الا بالله
ام شامان باستعجال /لازم المستشفى بسرع وقت
الجدة صيته بقله حيله/جبسي يدها بالبيت
ام شامان بصدمه/مايصير لازم مستشفى
الجدة صيته بلحاح/ي بنت الحلال جبسيها هنيه وانتهينا
ام شامان باصرار /لازم يا ام عقاب
الجدة صيته تقاطعها/ماهو مخليها فهد تروح المستشفى غير يذبحها بعد ولا يكسر رجليها ويدها الثانيه
ام شامان بستسلام/طيب بحاول بروح اجيب عدتي
و اجيكم

مهره كانت طول حديثهم ماتسمع لهم ابد كل تفكيرها الناس بتعيد وهي كيف بتعيد مكسوره القلب ومكسورة اليد تكلم نفسها بالم ودموعها مانشفت (الله ينتقم للي منك ي فهد ليتني خذيت عيال عمي ولا خذيتك وابتليت فيك اه لو ناصر حي ويشوف كيف كسرني الحمدلله ياربي انه مات ولا شافني كذا وماهو قادر على فهد غيرك ياربي خذ للي حقي خذ للي حقي)

______________________________


رواية ريح المطر (للكاتبة شغف )

ادعو لوالدي برحمة والمغفرة..


-/البارت الخامس والعشرون/-



صباح العيد


جت تصحيه حصلته صاحي و مركي ظهره لظهر السرير وجالس على جواله
اميرة بستفسار /متى صحيت
صقر مازالت عيونه ع جواله/مانمت اصلا
امير تكلمه بستغراب/وليش ماقلت للي
صقر يرد برود /وليش اقول لك بتنوميني مثلا
اميرة تنهدت بعصبيه /لا بس اجلس معك بدل ماانا جالسه بروحي
صقر حط جواله على الكومدينه وقام /شغلي للي بخور
اميرة تطالع فيه وتكلم بضيقه/وين بتروح
صقر كان ياخذ فوطته ولف لها وتكلم بصرامه /وين بروح اخذ شاور وبعده لصلاة العيد

اميرة راحت بصمت ماتبي تناقش معه اكثر من كذا شغلت له بخور
صقر لبس وتبخر وطلع لصلاة العيد -
________________________

ام صالح تلبس عباتها /يلا بنات من بتروح لصلاة العيد
جت ام مهند عليها عباتها وبيدها نقابها/انا بروح معك
ام صالح /ومن غير بيروح
ام منهد تلبس نقابها/عايشه وعزيزة وهدى
ام صالح /والبنات
ام منهد /لا ماهن رايحات يصلن بالبيت
جت عايشه لابسه /سلام عليكم
الكل/ عليكم السلام
عايشه /من بيودينا
ام صالح /سالم بيودينا
ام منهد /وين عزيزه وهدى
دخلت عزيزة/انا جيت
عايشه /باقي هدى
ام صالح /يلا لسياره تلحقنا
ام منهد /اخاف تحسبنا رحنا
عزيزة /بروح اناديها
ام صالح/يلا اجل حنا بالسياره نتضرك انتي وهي
عزيزة /طيب
_____________________________

دخلت غرفتها شافتها صاحية
نهيل تقترب منها/ملاك قومي اليوم عيد
ملاك تطالعها/عيدو انتم
نهيل تجلس عندها وتكلم بهدو/العيد مايكمل الا فيك
ملاك ترد بتعب ورهاق /جيعانه
نهيل تفز واقفه/يخسي الجوع الحين اجيب لك اكل
ملاك ترفع راسه وتطالع بامها الواقفه/لا يومه انا بروح المطبخ واكل
نهيل برفض/والله ماتقومين انا بجيب لك

طلعت نهيل شافت مازن طالع من جناحه هو وفاء

مازن اقترب لامه وتكلم /تروحين معنا لصلاة العيد
نهيل تطالع وفاء من فوق لتحت/الله يجعلني اصلي على عدون للي ولبنتي
مازن مصدوم من كلامها وتكلم بانفعال/الناس عيد ماهو بحرب عشان تصلين على المسلمين
نهيل تطالع فيه بقهر /منو المسلمين انتم.والحرب انت اللي بديتها
وفاء توجهه كلامها لمازن بدلع/انا انتضرك بالسيارة
نهيل تكلمها بتهديد/والله ي حق بنتي لاخذه منك ومنه بس خلو العيد يعدي
وفاء لفت لها وتكلمت بقلة احترام /اعلى ما بخيلكم اركبوه انا ماخطيت على احد انتم المخطين
نهيل تكلم مازن بعصبيه /ماتسكت مرتك قليلة الادب
مازن طالع وفاء وتكلم بهدو/روحي لسياره
وفاء راحت ومازن رجع لف لامه /يومه فكوني من المشاكل انا رجال متزوج برتاح ارحموني شوي
نهيل مازالت معصبه منه ومن مرته وردت/وليش ماتقول لا مرتك هالكلام هي اللي خل تفكنا من شرها ومن شرك انت بعد
مازن بتكلم بدفاع/وفاء مايجي منها مشاكل بنتك اللي ماتبي للي الراحه
نهيل بندفاع اكثر /بنتي كافه خيرها وشرها بس مرتك الغياره اللي ماتخليها وبي حق تمد يدك على اختك
مازن يغير الموضوع/الحين بتروحين معنا صلاة العيد ولالا
نهيل تصد بوجهها عنه /لا ماني رايحه معك لابغيت اروح القى اللي يوديني

مازن طلع وسكر الباب
وملاك جت لامها سمعت كل اللي دار بينهم لانها كانت بتروح لحمام ووقفت تسمع اللي دار بينهم
وزاد حقدها على وفاء اكثر واكثر

ملاك تطالع امها وتكلم بقهر /اجل اعلى مابخيلنا نركبه
نهيل تهديها/ماعليك منها خلي لين يعدي العيد وتشوفين وش راح اسوي فيهم
ملاك ترفع حاجبها/وتبيني انتضر لين يعدي العيد
نهيل بستغراب/اجل وش بتسوين
ملاك تنهدت / العيد هذا ماراح يعدي عليهم وتشوفين
نهيل تمسكها وتكلم برجا/فكينا من المشاكل والفضايح

ملاك فكت يدها بهدو راحت الحمام تاخذ شاور
و نهيل خافت لانها تعرف بنتها عدل ماراح تسكت ماهي مرتاحه من تصرفتها /الله يستر من نوياك ي ملاك الله يتسر
-و راحت تجهز لها الاكل -

___________________________

من طلع من البيت مارجع الا الحين بياخذ شاور ويلبس عشان صلاة العيد
دخل و شافها على السرير متمدده
اقترب منها و عينه على يدها المجبصه نقل عينه على وجهها وشافه كله كدمات
شد كفه بقوه تمنى انكسرت ولا مدها عليها زفر بقهر

و اشر على يدها وتكلم برود يخفي الحسره اللي داخله فهد/من جبصها لك
مهره تطالع بعيونه وترد بخوف /ام شامان
فهد يرفع حاجبه وعيونه بعيونها/زين انها جت على الكسر مو على الذبح
مهره شد حضن فراشها عليها بتوتر/…..
وقف دقايق يطالعها بصمت
اقترب ورفع الفراش عن جسدها ومن رفعه غمضت عيونها وتكورت على نفسها خافت انه بيكمل عليها
فهد كل عاده لاغضب يسكر عيونه ويعض على شفايفه السفليه بقوه
مهره فتحت عيونها شافته على وضعه
تكلمه بصوت مهزوز وترجاه/يدي توجعني حيل والله ماعاد اعيدها والله
فهد فتح عيونه وطالعها بنظره حاده/خلي البس الحين ينفعك روحي البسيه هذا اذا قدرتي تلبسينه من يدك المكسره ولا من وجهك المورم
مهره تطالع فيه بنظرت قهر وترد بدموع /العيد بدون ناصر مو عيد اصلا

فهد حس من كلامها كانها غرزت الخنجر بصدره
كانها مزقت اغضاء جسده تمزق
اقترب منها وغطاها بالفراش وماقدر يمسك
يده تمسح على شعرها بحنيه
مهره لفة وجهها عنه و ماينسمع الا شهقاتها
ابتعد منها و راح اخذ له شاور ولبس وطلع لصلاة العيد
___________________________


حطت القهوه والحلويات وشغلت البخور
دخلت حصه كاشخه لابسه فستان حوامل اورنجي ومياج ناعم وحبت على راسها/كل عام وانتي بخير
نهيل لابسه جلابيه فخمه /وانتي بخير وعسانا من عواد العيد
امل لابسه فستان احضر غامق وحاطه مكياج ناعم/كل عام وانتم بخير وعساكم من عواده
حصه تبتسم وتسلم عليها /وانتي بخير وسلامه
نهيل تطالع بامل/مالبست ملاك
امل تاشر براسها ا/ لا مالبست
حصه بصدمه/وليش ان شاءالله ماهي معيده عشانهم بتفرحهم
نهيل بقهر/حسبي الله ونعم الوكيل

سمعو طق الباب
طق
طق
طق
راحت امل وفتحت شافت شذى وصبا كاشخات وحاطات مكياج فخم
شذى تبتسم/كل عام وانتم بخير
صبا/عساكم من عواد العيد
نهيل وحصه وامل/وانتم بصحه وسلامه
سلمت عليهم نهيل بمجامله واضحه

شذى بتسال /وين ملاك ؟!
امل تطالع امها/ملاك تعبانه
شذى بخوف/وش فيها
حصه تبتسم/مافيها شي الحين تقوم وتلبس وتجيكم على عيدكم
نهيل تطالع بحصه/وتبينها تروح لعيدهم بعد

امل وحصه تفشلن من رد امهم
وتكلمت امل/ نجيكم انا وملاك بالعيد شوي
شذى بستغراب/وينها بشوفها
نهيل بعصبيه/قلنا تعبانه
حصه تمسك يد امها وتضعط عليها/يومه الله يهداك
نهيل تبعد يدها وتروح للمطبخ
شذى تكلم حصه/بشوفها وينها
حصه تاشر على غرفتهم /بالغرفه روحي لها
امل بتردد/يمكن نايمه
حصه تطالعها/لا مو نايمه خلي شذى تروح لها وانتي قهوي صبا وعطيها من حلاو العيد
صبا تبتسم وهي مستغربه من تصرفاتهم /عساكم من عواد العيد

دخلت شافت ملاك جالسه على السرير بجامتها الورديه وجهها وخدودها مورده
ملاك من شافت شذى وقفت /هلا شذى
شذى بعتاب/ليش مالبستي تدرين العيد عندي مايكتمل الا فيك
ملاك بحزن /ماحس بالعيد
شذى بخوف/افا ليش
ملاك تجلس على سريرها/لاتساليني ليش
شذى تجلس قريبه منها/ملاك وش صاير وليش وجهك احمر
ملاك تطالعها/تهاوشت مع خالتك وفاء
شذى بصدمه/مع وفاء ليش طيب
ملاك بتردد/شذى لو اطلبك شي تساعديني
شذى بثقه/اكيد لو تبين عيوني
ملاك تبتسم/تسلم عيونك
شذى بتسال/وش اللي تبينه قولي
ملاك بتردد واضح/ اممم……
شذى تقترب لها/ملاك لاترددين قولي للي وش تبين وانا اساعدك
ملاك تطالعها/ولو الشي ضد خالتك وفاء
شذى بسراحه/اي عادي انتي عندي اغلا منها اصلا
ملاك تنهد /اجل اسمعي

وقالت لشذى وش تبي منها بضبط لان ملاك تعرف شذى صديقتها من الصغر وتعرف انها مستعده تضحي بنفسها عشان ترضيها مثل ما ملاك تفداها بروحها
__________________________

اللي تبخر واللي تجهز الحلا والقهوه واللي تشوف الغداء-

ام صالح تنادي/ي بنات
جت عايشه تبتسم/هلا ي عمه
ام صالح بتسال/جهزتو كل شي الناس على وصول
هدى جت تمشي/كل عام وانتي بخير وعساك من عواد العيد
ام صالح تبتسم/وانتم بخير وبصحه وسلامه
عايشه /انا وام منهد عند الغدا والباقي على البنات
هدى تعدل جلابيتها الناعمه /انا جهزت قهوتنا والحلا
وفاء تدخل وتسلم عليهم/كل عام وانتم بخير عساكم من عواد العيد
الكل/وانتي بصحه وسلامه
ام صالح/وين عمتك ماجت
وفاء تطالعها/بدري الله يهديك تجي شوي على الغدا
هدى تطالع لبس وفاء الفخم/وش هالحركات والكشخه
وفاء تبتسم /انا العروس والعيون علي لازم اكشخ

جت عزيزة ومشاعل وام مهند وسلمو عليها وبدا العيد بلمة الاهل -

_________________________


دخل هو وعمانه وعيال عمه بيعايدون على الجدة صيته

ابو ابراهيم /ياهل البيت
ام ابراهيم /حياكم مافي احد

دخلو وسلمو و عايدو على الموجودين
ام ابراهيم ومريم وشوق ونوف وحسنا
ابو نواف/عساكم من عواده
ابو ابراهيم /عاد عيدكم وعاش حبيبكم
ابراهيم وعبدالله/كل عام وانتم بخير
فهد سلم بصمت/…..
الكل /وانتم بصحه وسلامه
ابو نواف يتلفت ويسال/وين امي بنعايدها
حسنا ترد عليه/بغرفتها
ابو ابراهيم بخوف/ من جت من الصلاه ماشفتها عسى مافيها شي
ام ابراهيم تطالع بفهد اللي واقف بشموخ/لا مافيها الا العافيه بس تسبح وتهلل
ابو نواف بتسال/وين مهره بنعايدها قبل يجيكم احد
فهد واخيرا تكلم/تجي شوي وتعايدكم

دخلو عند الجده اللي جالسه بغرفتها وبيدها سبحتها وتسبح وتهلل
حب راسها ابو نواف وابو ابراهيم /كل عام وانتي بخير ي الغالية
الجدة صيته ترد بحه تعب/وانتم بخير وعساكم من عواد العيد
اقترب فهد بيحب راسها وردته بيدها/لا تحبه ولا تقرب له
الكل طالع بفهد بصدمه بس هو حب راسها بالقوه وتكلم بهدو/ عساك من عواد العيد
الجدة صيته تصد بوجهها عنه
ابو ابراهيم تكلم بحزم/عسا ماشر وش صاير
الجدة صيته تاشر على فهد وترد بذات الحزم/انشده
ابو نواف يطالع بفهد ويتكلم /وش صاير يابو عقاب
فهد يرد عليهم بثقه/ماصاير شي
عبدالله بمرح/تغلا عليكم جدتي تبي عيديه
الجدة صيته تطالع فيهم وتكلم بصوت مثقل بالالم / العيد عندكم ماهو بعندي ربيتك يامحمد انت وناصر وانا بنت واحسنت تربيتكم بس شكلي يوم كبرت ماعرفت اربي
ابو ابراهيم انتفض و اقترب لها / افا شفيك ي الغاليه وش مضايقك
ابو نواف طالع بفهد بتسال /انت مزعلها بشي
فهد يرفع حاجبه ويرد عليهم برود /هي اخطت وانا مارضى بالخطاء
الجدة صيته ترد عليه بوجيعه /وش خطاي الا اني وديت الضعيفه تشري لها ثوب وتعيد مع المسلمين
فهد تكلم بصوت حاد مرعب /وانتي عارفه عدل ان كلمتي ماتنزل بالارض ولاحد عمره كسرها تقوين بنت ناصر عشان تكسرها ليش
الجدة صيته توقف وتكلم بذات الحده/بنت ناصر امانه عندي مثل ماكنت انت امانه عندي ي ولد عقاب
فهد صرخ بغضب/امانه ولا ماهي امانه بذمتي وتمشي على كلمتي غصبن عليها
الجدة صيته بنفعال/طلقها وخل تشوف نصيبها بدل مانت معذبها ومعذبنا معها
فهد انتفض بغضب ورد بصرامه/قسم باللي رفع سبع ونزل سبع ان سمعت كلمة طلاق مره ثانيه لاذبحها وانتم تشوفون وتعرفوني عدل لا حلفت فعلت

طلع من البيت وهو مايشوف من شدت غضبه
ورايح لديوان
الكل كان واقف مصدوم من الكلام اللي دار بينه وبين جدته -
ابو ابراهيم يلطف الجو /اليوم عيد يام عقاب ماهو وقت نقاشات
الجدة صيته تكلمه بغيظ/لو ماربي ستر كان بيذبحها
ابو نواف تنهد بتعب من تصرفات فهد وحزن امه /وهي وينها الحين
الجدة صيته بغيظ زايد /بغرفتها كاسرن يدها ومشوه لها وجهها
ابو ابراهيم وابو نواف/لاحول ولاقوة الا بالله
ابراهيم يتكلم بحكمه /ي جدتي فهد مايجي بتحدي والعناد
الجدة صيته ترد عليه با استهزا/اجل كيف يجي بالطلايب وحب الخشوم
ابو نواف /ماعليه خلي لعيد يعدي ونكلمه
ابو ابراهيم يوجهه كلامه لاخوه وعيالهم/ يلا بنلحقه لديوان لايقوم على الناس الله يكفيه شر نفسه وعصبيته
عبدالله يضحك/والله لايعيف المسلمين عيدهم
راحو لديوان متجهين لغداء الشيخ فهد -
___________________________


رواية ريح المطر (للكاتبة شغف )

ادعو لوالدي برحمة والمغفرة..

-/البارت السادس والعشرون/-

طلعت من غرفتها لابسه عباتها
وجاهزه وتكلم بناتها اللي كانو يتقهون
نهيل /انا بروح لعيد عمكم
امل توقف و فنجالها بيدها/بروح معك
نهيل بتردد /وملاك اخاف تتعب ولا تحتاج شي
حصه منسدحه/انا موجوده عندها
نهيل تطالعها/بس اخاف يجي رجلك وتمشين
حصه طمنها/لا رجلي بيعيد عند عمي وعياله
نهيل توجهه كلامها لامل باستعجال/يلا البسي بنروح
جاهم صوت ملاك من الغرفه/يومه انتضريني بروح معكم
نهيل تطالع بناتها بصدمه/هذي ملاك
امل تبستم /اي بتروح معنا
نهيل برفض حاد /لا تجلس ليش تروح
حصه توقف وتقترب من امها/يومه خليها تروح توسع لا تحبس نفسها والناس عيد حرام
نهيل بذات الرفض/ماودي تروح لهم مابي العيون تجي عليها وهي بعد تعبانه ومو ناقصه
امل برجا خافت/يومه لاتقولين لها كذا والله راح تضايق

جت ملاك بطله مميزه عليها فستان ميد بالون الاابيض ومشجر بالون البني الغامق ماسك على جسمها لين الركبه وبعده مركت تركيت مع الاطراف خفيف
مطلع مفاتن جسمها الانوثي ويدها وحده بدون كم.ويدها الثانية بكم كامل وكعب ناعم بالون البني نفس تشجير الفستان
وفاتحها شعرها الاسود ومسويه له من تحت
تكسير ناعم لابسه عدسات عسلي عيونها بالاصل رماديه غامق من الله ومع العدسات العسليه والمسكره مطلعه عيونها نار وحاطه على شفايفها الصغيره المزمومه روج بالون البني (بختصار ملاك فتنه من الله جمالها لو توزع على نساء العالم لا كافهن وزاد)

نهيل تطالع فيها بعجاب/بسم الله عليك ماشاءالله
حصه تبتسم بمرح/ليش تكشخين بتغطين علينا
ملاك ترد الابتسامه وتقترب وتسلم عليهم /كل عام وانتم بخير
الكل /ونتي بصحه وسلامه
نهيل تطالع فيها بتركيز/فستانك ضيق حيل
ملاك تنزل نضرها على نفسها /وين ضيق الله يهديك اشوفه عادي
امل تكلم بعجاب عميق /والله تجننين ماشاءالله تبارك الله
نهيل ردت بحزم/اقول ضيق وخوانك لايجون يشوفونك كذا مو زين حرام
ملاك تطالع بحصه بتسال/حصه تشوفينه ضيق
حصه ترد بسراحه هاديه /هو من ناحيت ضيق اي والله ضيق ومفصل جسمك تفصيل
نهيل تكلمت بستعجال/روحي غيريه
ملاك بصدمه/وشو انا ماشريته عشان اغيره يايمه
حصه تكلم امها بقناع/يومه عند الحريم عادي واذا جو خواني ولا ابوي تلبس فوقه شال
نهيل باصرار/لا مابي تروح فيه حتى عند الحريم كذا الناس ماتعطي خير وحتى يدها وحده عاريه
ملاك بغيظ /خلاص اجل ابدل ورجع انام وش له اعيد اصلا
نهيل تجلس على الكنبه وتكلم بصرامه/لازم الفستان هذا ولا ما تعيدين
ملاك تبوز بزعل /انتي كنتي معي يو اخذته
نهيل بعتاب/كنت رافضه بس انتي ازعجتيني
امل تكلمت بتدخل /يومه الناس تعيد و تغدا وحنا جالسين نتكلم بالفستان
ملاك تصد بوجهها/روحم انتم انا برجع انام
حصه تحاول تصلح الامور/يومه الله يهداك الحريم عادي هاذا لبسهم وبعدين هي تقرا اذكارها ماراح يجيها شي باذن الله
نهيل تنهدت بقلة حيله /كيفكم بس اهم شي اقري اذكارك انتي وامل
امل وملاك /طيب
______________________________



زحمة الناس مغطيه المكان والكل كاشخات -

دخلت اميرة عليها فستان سماوي فاتح ماسك على الصدر ومن تحته كلوش ناعم فاتحه شعرها القصير الاشقر ناعم وحاطه مكياج ناعم وعدسات سماوي كشختها حلوه بس ملامحها وجسمها متوسطة الجمال-

ام صالح تطالع بالحريم وتاشر على اميرة بفخر/هاذي مرت ولدي صقر
الحريم يقومون يسلمون عليها/مشاءالله تبارك الله
سلمت وجلست قريبه من هدى وتكلمت بخفوت /زحمه حيل ماشاءالله
هدى تضحك وترد بذات الخفوت /توك ماجاء الباقي
اميره تطالع فيها بصدمه/احلفي باقي بعد
هدى مازالت تضحك /اي بيت عمي وبيت جيراننا للحين ماجو

وبمكان ثاني حريم يطالعون باميرة ويتكلمون بصوت خفيف -
ام سعود /يويلي يعزتي لها ماهي مثل ملاك
ام مخلد/والله ماحسن منها تهبل
ام سعود/هي حلوه بس ماهي والله مثل بنت نهيل هذيك كانها اجنبيه
ام مخلد/ي خيتي مخلد يقوله يامي يقولون طالب عنده بنت مزيونه كانها اجنبيه
ام سعود تضحك/لايكون بيخطبها
ام مخلد تنهدت /ود عينه مشغلني بس ماهي حاصله له ماسكها ولد عمها
ام سعود /ي بنت الحلال كلام بس ماهو مزوجينه وهو عنده مره
ام مخلد /انتي صادقه يعني لو نخطب مايرفضون
ام سعود /لا والله وعندي مايردون مخلد ماشاءالله رجال كلن يبيه لبنته
ام مخلد /والله ان خالاته يبنه والكل يبيه بس هو مزعجني يبي الزين يقول ابي بنت طالب اللي يمدحونها
ام سعود/اخطبي له وتكلي على الله

وبين حديثهم دخلت نهيل وبناتها ملاك وامل
وام ماجد وبناتها هند وهنادي وقف الكل وسلمو عليهم والعيون كل عادة على ملاك اللي يذكر الله عنها واللي يطالع فيها بغيره وحسد وبذات وفاء
نهيل بينها وبين نفسها(استودعتك ربي ي بنتي الله يكفيك شر عيونهم)
جلست عند جهة الحريم هي وام ماجد
وبناتهم راحو بجهة البنات-

ام ماجد/كل عام وانتم بخير عساكم من عواد العيد
الكل /وانتي بصحه وسلامه
ام شباب/شلونك يام ماجد شلون عيالك وبناتك
ام ماجد/طيبين طاب حالك انتي شلونك
ام شباب/بخير نحمدالله وشلونك يا ام مازن عساك بخير
نهيل /بخير الحمدلله انتم اخباركم واخبار عيالكم وبناتكم
الكل/طيبين طاب حالك

اميرة من دخلت ملاك وعيونها عليها بعجاب واضح اول مره تشوفها و اول مره يمر عليها ملامحه مرسومه بدقه مثل ملامحها العجيبه
هزت كتف هدى امير بتسال وعيونها مازالت معلقه بملاك /منو اللي جالسه عند شذى
هدى برتباك/اي وحده
اميرة تاشر على ملاك وهي تسولف مع شذى بتركيز /هاذي المزيونه
هدى تضحك مجامله/كل بناتنا مزايين
اميرة تطالع هدى بحده /ي بنت ذي اللي عليها بني على ابيض شعرها اسود طويل البيضاء مره
هدى طالعت بملاك وردت بتوتر/اها ذي بنت عمي
اميرة وعيونها معلقه فيها بتعمق /ماشاءالله امها اجنبيه
هدى ضحكت واشرت على نهيل /لا هذيك امها سعوديه اصليه
اميرة ترد باستغراب /ماشاءالله تبارك الله ولا كان فيها عرق سعودي ابد
هدى تطالع بملاك بعجاب من جمال بنت عمها المميز وتكلم بعفويه/اي والله ماشاءالله
اميرة تكلمت بجديه/الا وش اسمها بخطبها لخالي غازي يدور الزين وذي المواصفات المطلوبه
هدى قامت بتصريف/بروح اشوف الغدا
اميرة طالتها بستغراب ورجعت تطالع بملاك بصمت/….

_________________________________

بيت الشيخ فهد ماهو اقل من زحمة بيت ابو صالح
الا اكثر بكثير وقهوه رايحه وقهوه جايه
والحلويات والضيافه انيقه -

الجدة صيته تنادي بصوت متعب /ي شوق نوف
جت نوف تمشي/هلا جدتي امري
الجدة صيته تاشر على القهوه /عبو دلالنا قهوه
نوف تاخذ من الدلال /ابشري
حسنا تكلم بنتها برحمه /نادي شوق تساعدك
ام طلال بتسال/الا وين مهره ماشفتها
الجدة صيته ترد برتباك /راحت لامها تعيد عليها
ام يوسف بستغراب/تو جيت من ام ماهر ماشفتها
الجدة صيته ترشف من فنجالها وتحاول تخفي ارتباكها/يمكن كانت مشغوله
ام عبيد /كم باقي لامها وتخلص عدتها
ام طلال /شهرين تقريبا
ام عبيد/الله يعينها
ام ابراهيم / يام انوار ليش ماجبتي بناتك
ام انوار/والله راحن بيت عمهم يعيدون عليه
الجدة صيته توقف وتمد يدها تاخذ عصاها
حسنا توقف بحسن نيه /وين ي عمه تبين شي حنا نجيبه انتي ارتاحي
الجدة صيته تاشر لها تجلس/بروح اشوف اغراض واجي بس قهوي الضيوف و عطيهم من حلاو العيد
ام طلال /ي جعلها قهوة دايمه
الجدة صيته ترد وهي متجهه لباب /بجودكن ان شاءالله

ام يوسف طالعت بام طلال وتكلمت بهمس/تقول مهره عند امها انتي شفتيها
ام طلال بذات الهمس/لاوالله مريتها وعايدتها وسالت عن مهره قالت عندهم عيد وبعد الغدا تجي
ام يوسف بستغراب/وش السالفه ليش ماتبينا نشوفها
ام طلال بتوقع/ وكاد وحما ومايبون يقولون
ام يوسف بغيره/بتجيب ولد عشان تمسك الشيخ فهد فيه
ام طلال ترد بجديه /والله لو ما يبيها لو تجيب له عشره ماهو واحد ماهي ماسكته
ام يوسف بحسره /مانسيت قهرها لولدي اذا انتي نسيتي
ام طلال/كلن ياخذ نصيبه وانا اختك ولو ماخذها كان عيالنا الحين متاذبحين عليها
ام يوسف/عيال عمها اولى فيها
ام طلال/عاد راحت لرزقها
_____________________________

دخلت مقلط الرجال هي وشذى بعد ما تاكدت
ماحد منتبه لهم من زحمة الناس -

ملاك تكلم شذى بتردد/خلاص هونت مابي اكلمه
شذى تطالع فيها وترد عليها باصرار / ماهو بكيفك
قد ارسلت مهند ينادي له
ملاك انتفضت بصدمه/وش قلتي لمهند؟!
شذى تطمنها/قلت ناد للي لخالي صقر ابيه موضوع ضروري قال طيب مهند مايهتم بعض الامور
ملاك تطالع الباب وتكلم بتوتر/اخاف احد يدخل علينا ويشوفنا
شذى تمسك كفها تهديها / لاتخافين الكل مشغول من الزحمه وبعدين انتي علامك ماتبي تاخذين حقك من اخوك ومرته
ملاك لفت لها وردت بهمس/اللي يسمعك يقول مرته مو خالتك
شذى ترد بذات الهمس /خالتي اخطت ولازم احد يوقفها عند حدها هي وزوجها اللي حظرته اخوك
ملاك تبعد كفها من يد شذى وتشبك كفوفها بعض وتكلم بحرج/تتوقين صقر بيوقف معي و يصدقني
شذى تبتسم لها بخبث /اكيد تبينه يشوف كل هالزين
وما يصدق وربي راح يا ادبهم لك وتذكري كلامي

وبين حديثهم فتح الباب ودخل صقر باستعجال
رفع عينه وطاحت على اللي واقفه قدامه عجز لايتحرك من مكانه
حس كان الدم تجمد بعروق قلبه
مصدوم
مبهور
من المنظر اللي يشوفه اللي كان يدور باله
(هي هي ملاك هي )

لما رايت انوارها سطعت …
وضعت من خيفتي كفي على بصري..
خوفاً على بصري من حسن صورتها ..
فلست انظره الا على قدري …
روح من النور في جسد من القمر ….

هي نفس الملامح وهي صغيره ونفس الفتنه
ولاكن زادت جمال
وزادت انوثه
وبانت ملامحها
اجمل
واجمل
وقف دقايق يطالع فيها بتعمق …

ملاك مصدومه من نظراته الجريئه المتفحصه
وهي حاسه برجفه من شافته دخل بهيبته وطوله
وكشخته بثوب الابيض والشماغ وطقم الساعه
والقلم مرتب وانيق
وريحت عطره الرجولي الفاخر ملت المكان
تسمع بشخصيته انه متهور ومتسلط وكلمته تمشي على الجميع بس ماتوقعت شوفته اكبر من ماتخيلت وجوده ورجولته يفرض على الواحد يهابه ويخاف منه وكيف ملاك الانثى الصغيرة
اقتربت من شذى وعيونها متعلقه على صقر ومسكت بكتف شذى وكانها تقول لها اخفيني عن عينه

وصقر مازال على وضعه متنح فيها وما انتبه لوجود شذى اصلا
لف بحركه سريعه وقفل باب المقلط يخاف احد يدخل عليهم هاذي ملكه هو وبس مايبي احد يشوفها
ويشوف فتنتها الموجعه ..
اقترب لها وعيونه معلقه فيها بتفحص و قف قدامها مباشر
وصار يتحدث بينه وبين نفسه بشفافيه حاره
(معقولة كل هالحسن والجمال اللي مامر على جميع البشر يصير للي بروحي للي انا وبس انا وبس )
هالعيون الذباحه حلال علي استطلاعها ...
هالانف الصغيره حلال علي استنشاقها…
هالشفايف المزمومه حلال علي استذواقها…
هالبشره الشفافه الموحده حلال علي استشراقها…
كلها حلال علي حلال للي ….

ملاك شدت على كتف شذى بقوه من غير ماتحس
مر من الوقت دقايق وهم يتبادلون النظرات
هو نظرات عاشق معجب ولهان واضحه بعيونه-
وهي نظرات ارتباك وتردد وخوف واضحه بعيونها-

واخير شذى تكلمت بحرج من نظرات خالها /خالي صقر ملاك تبيك موضوع مهم
صقر تكلم وعيونه مازالت على ملاك/شذى خلينا بروحنا
ملاك لفة وجهها بحركه سريعه لشذى وتكلمت بارتباك /لا ماتروحين
صقر يرد عليها بفخامه /ماراح اكلك لاتخافين
ملاك ترد عليه بصوت مختنق من غير لاتنظر له /ادري ماراح تاكلني بس ابيها موجوده
صقر واخير شال عينه منها وجها لشذى وتكلم
بامر حازم/اطلعي وسكري الباب
شذى تطالع بملاك بنظرات تردد خايفه تطلع
وبعدين من يفكها من لسان ملاك انتفضت من صوت خالها صقر الصارم المنفعل /ماتفهمين انتي ؟!
ملاك ترد عليه بطولة لسان بذات صرامته بس بنعومه /انت اللي ماتفهم انا قلت ابيها موجوده ولا بطلع معها
صقر طالع فيها بحب و ابتسم نص ابتسامه ورد عليها بنغزى مقصوده خافته /ماتغير فيك شي ي بنت عمي حتى لسانك الطويل
ملاك نزلت عيونها بالارض بحراج من نفسها ماتعرف تمسك لسانها شوي وش بيقول الرجال الحين جايه تشكي من اخوها ومرته وهي ما احترمته هو اصلا
قطع افكارها شذى اللي هزتها بهدو وتكلم بهمس /ملاك يلا تكلمي!!
صقر ياشر على الباب ويوجه كلامه لشذى / روحي عند الباب لاحد يجي
شذى تفك يد ملاك من يدها وتكلم معها بذات الهمس الحاني /انا بوقف برا انتضرك طيب
ملاك ترفع عينها لشذى وترد برجا خافت /بس امانه لاتروحين بعيد
شذى تبعد منها متجهه لباب و تضحك/لاتخافين ماراح ابعد والله

وقت ما ملاك كانت تتكلم مع شذى صقر كان ينظر فيها من فوق لتحت بتفحص حتى بتفاصيل جسدتها وانوثتها-تكلم بينه وبين نفسه ب لعانه هايمه
(لعنبو هاذي خبله كيف ماخافت على نفسها وهي جايه للي كذا) تنهد بصوت مسموع من غير لايحس على نفسه
وملاك سمعت تنهيدته ورفعت راسها له لانه اطول منها وتطالع فيه بستغراب

صقر من شاف عيونها الساحره حس ب دغدغه عجيبه هزت رجولته هز اقترب لها من غير مايحس على نفسه
وهي رجعت على ورا بحركه سريعه نظراته الحاده لها خلتها ترجف رجف

صقر وقف وتكلم بثقه تخفي انفعاله المتدهور /لا تخافين يا ملاك والله مايجيك مني شي
ملاك تهمس له بريق ناشف /ابيك تعرف اللي جابني لك شي كبير ولا كان ماجيت!!
صقر توقع محتاجة مبلغ وتبي تطلبه ولا تبيه يتوسط لها بشي ماجاء باله ابد انها بتشكي له وهمس لها بصوت ثقيل غارق بحبها /انتي تامرين امر وش اللي تبينه بس؟
ملاك تكلم بصوت مهزوز حاولت انه مايطلع لاكن ماقدرت تحكم فيه /ابي احتمي فيك ياولد عمي
صقر انتفض بشده ملتهبه
راحت افكاره بعيد بعيد
و اقترب منها بدون شعور ومسك عضدها العاري
و تكلم بصرامه رجوليه/ احميك من مين وش صاير تكلمي
ملاك تحاول تبعد كفه الجبره من عضدها الصغير الناعم وتكلمت بذات صرامه بس ب انوثه /شيل يدك مني ماهو من حقك تمسكها
صقر اضلمت الدنياء بعينه من الغضب وشد على عضدها وتكلم بصرامه اعمق /قلت لك تكلمي احد اقترب لك ولا تحرش فيك تكلمي

ملاك فهمت قصده وتمنت انها ماجت له كيف تجي لواحد منفعل ومايشوف احد قدامه وتحس عضدها بينكسر من قوة يده القاسيه اللي مازالت شادتها
صرخت بوجهه بالم /ماراح اتكلم لين تشيل يدك!
صقر اقترب لها بوحشيه حتى حس انفاسه السريعه اختلطت مع انفاسها العطره ورد عليها من بين اسنانه بخفوت / بتقولين للي منو اللي اعترض لك ولا اخليك تكلمين بالقوه
ملاك خافت من قربه لها حيل وشافت صدره القريب لوجهها يرتفع وينزل من الغضب حاولت تخلص من هالموضوع وتطلع بسلامه ردت بهدو/مازن اخوي واختك وفاء !!
صقر يفك عضدها براحه وهو مازال قريب لها حيل ويتكلم بنبرة غامضه /ليش وش اللي صاير وخلاك تجين تحتمين فيني منهم؟!
ملاك ابتعدت شوي عنه وحطت يدها على عضدها اللي تالمها وضمت نفسها واخذت لها نفس وتكلمت
بحة حزن وعيونها بالارض /مد يده علي وطقني حيل حيل
صقر احمر وجهه من القهر وشعوره بتملك ناحيتها خلاها يتوقع كل شي كل شي وتكلم بصرامه ناريه /وليش يمد يده عليك وش مسويه انتي؟!

ملاك ودها تنحره وتنحر نفسها معه هاذا كيف يفكر كل افكاره مريضه ولاكن ارفعت راسها له وحطت عينها بعينه بتشوف ردت فعله /كلها منها غياره و حسوده هي اللي ظلمتني وقالت انا بشكي لك من مازن وانا ماكنت بقول لك ابد بس هم اللي حدوني
صقر يرفع حاجبه باستغراب/من قصدك؟!
ملاك ترد بثقه/اختك وفاء واذا مو مصدقني اسال شذى
صقر يقترب لها وهي ترجع على ورا لين صدم ظهرها بالحيط مد يدينه و ثبت كفوفه على الحيط
و هي صارت محوطه بين يديه وجهها واصل لا نص صدره وهو وجهه قريب من شعرها كان بخاطره يدفن انفه فيه ويستنشق ريحتها العذبه لاكن ماقدر يسويها ابد لانه خايف من ردت فعلها
تكلم بصوت خافت هادي /مازن اكسر له يده وهي اقص لها لسانها وحقك والله لاخذه لك انتي قبل لاتصيرين بذمتي انتي بنت عمي
ملاك ترفع راسها وصدمت ان وجهه صار قريب لوجهها وريحت عطره الفاخره اكتمت على انفاسها وعضت على شفايفها المزمومه بحرج/ انا مابي المشاكل بس مازن عمره مامد يده علي واذا سكت له راح يتمادا
صقر يذوب على الخفيف وكانه سكر على نار هاديه
من قرب وجهها ومن دقة ملامحها وذاب اكثر
من حركت العضه حس ريقه نشف ويبي
يبله من شفايفها الصغيره بس حاول يتماسك نفسه لايتهور ورد عليها بحزم خافت /متى صار كل هذا !؟
ملاك تنهدت/امس
صقر يطالع فيها بشك ويتكلم بعمق /وانتي زعلانه عشان مد يده عليك ولا من شي ثاني
ملاك تحاول ترجع راسها على ورا وتبعد من انفاسه الملتهبه الحاره وتكلم بتردد/اكيد عشان يده لانه مافي شي اكبر من كذا
صقر يشل كفه وحده من الحيط وينزلها على عضدها العاري اللي زرق من قبضت يده قبل شوي ويمسح عليه بهدو ويتكلم بنبرة تحكم /قولي للي الصدق ياملاك
ملاك حست بكهرباء من يده وبعدت عضدها منه بهدو وتكلمت بانفعال /و عشان امي بعد بسراحه اختك قليلة ادب وطولة لسانها عليها وفوق هذا كله تقول لها اعلى مابخيلك انتي وبنتك اركبوه
صقر يقبط حواجبه المرسومه بصدمه/وفاء قالت كذا؟!
ملاك تنزل راسها و تشبك يديها بعض وتكلم بنعومه/والله العظيم ماكذبت عليها وقالت اكثر من كذا
صقر كان رايح فيها وده ياكلها اكل وعيونه على يديها الناعمه الصغيره همس لها بحب عميق عميق /لا تحلفين يا ملاك انا مصدقك والله مصدقك

هنيه دخلت شذى وقطعت حديثهم/يلا شكلهم بيحطون الغدا بالم_ق
وقفت وحطت يديها على فمها وشهقت بصدمه من منظرهم صقر كان قريب لملاك حيل حيل شوي ويلزق فيها بس ملاك مانتبهت لقربه لها من التوتر
ويده وحده كانت على الحيط ويده الثانيه مريحها بجمبه
ملاك من سمعت شهقت شذى لفت لها بستغراب بس نظرات شذى لها و لصقر بينت لها ان في شي غير طبيعي ملاك رجعت نظرها عليها هي وصقر
و انحرجت من قرب صقر لها و حطت كفوفها
على صدره الثقيل اللي ماتحرك فيه شي ودفته بانفعال وغضب
كانت بتبعد منه بس صقر كان اسرع منها و امسكها
بيده وحده وسحبها له ويده الثانية حطها على موخرة راسها وثبته و انحنى لها وباس شفايفها بهدو
ملاك من قوة الصدمه حست كانها اصيبت بشلل الكامل عاجزه عن الدفاع وعاجزة عن الاستيعاب
صقر ماكان وده يسوي الحركه هاذي معها
ابد ابد بس حركتها المنفعله هي اللي وترته
اجبرته مايبيها تبعد من غير يرد نفسه فيها
مايدري انه كسرة له نفسه بزياده بزيادة

صقر ابتعد منها بذات الهدو
وهو يسحب نفسه بالقوه منها
بعد ماتذوقت شفايفها لعن نفسه
ولعنها على جيتها له وعذابها فيه

واشر لها بتعب واضح يبيها تروح خايف عليها وعلى سمعتها مايبي احد يشوفها عنده وماحد يدري انها بذمته وانها حلال عليه تكلم بثقه وكانه ماسوى شي /خلاص روحي لاحد يشوفك
ملاك هنيه صحت من الغيبوبه اللي كانت فيها
وتحس انفاسها بتطير وكان احد يلحقها
من كثر ماهي سريعه واحمر وجهها من الغضب والقهر من جرائته الوقحه ومن الحرج من شذى
.و كورت كفوفها الصغيرة وضربت صدره بقوا شي عندها وصرخت فيه / يا الحيوان يالحقير
صقر ماحركت ضربتها في شي ولم كفوفها بكفه واحده وتكلم بخبث عميق /والله لو ما انتي بنت عمي ماتطلعين مع الباب الا وانا محللك (و غمز لها بعينه)
ملاك حست حنجرتها تقطعت من وقاحته ولا هي قادره ترد عليه ابد ابد سحبت نفسها منه بعصبيه
و استعجال وطلعت

شذى طلعت وراها وهي مازالت مصدومه حيل
من تصرفات خالها الخبيثه الجريئه

صقر بعد ماطلعو انهارت كل قوته وفتح ازارير ثوبه العلويه حاس انه مكتوب من لبسه ومن حرارة جسده لو اندفن بثلج
متاكد انه راح يميع الثلج من شدت حرارته
جلس على اقرب كنب مو قادر يوقف رجوله ماهي قادره تشيله حط راسه بين يديه وتكلم بتعب /انا ناقص عشان تجي وتكمل علي
___________________________

دخلت عليها الجناح بهدو شافتها على حالتها منسدحه على سريرها وتبكي واضح عليها التعب اقتربت لها بخوف

الجدة صيته تكلم برعب /شفيك يامك ليش تبكين تحسين بشي
مهره تبكي و تشق بالم/يدي ي جدتي يدي توجعني
الجدة صيته تجلس قريبه منها/توجعك حيل
مهره تهز راسها وتعض على شفايفها/اي اي حيل
الجدة صيته بحزن على حالها/يويلي من ربي يوم القاه ماقدرت احافظ على الامانه
مهره ترد بذبول /لاتقولين كذا ي جدتي انتي مالك دخل باللي صار
الجدة صيته تشد على عصاتها بقوه و بقهر /ماقدرت احميك منه ي بنت ناصر ماقدرت
مهره برجاء متعب /تكفين ي جدة نادي لام شامان خلي تجي تعطيني شي يهدي الالم
الجدة صيته توقف /ابشري يامك بس ارتاحي انتي

طلعت الجدة صيته ونادت على الخدامه
الجدة صيته بهمس /ميري تعالي
ميري اقتربت لها وردت بذات الهمس/نعم جدة
الجدة صيته بحرص حازم /روحي نادي لام شامان
و اسمعي لاتقولين جدة يبغى لا قولي في حرمه عند الباب تبغى انتي ضروري
ميري بستغراب /يمكن يقول من حرمه
الجدة صيته بستعجال /قولي مايعرف بسرعه روحي

راحت ميري لمجلس الضيوف وثواني جت ومعها
ام شامان

ام شامان بستغراب/تقول حرمه تبيك
الجدة صيته تاشر لها تجي وتكلم /انا ابيك تعالي
قتربت ام شامان /امري يام عقاب
الجدة صيته بخفوت مولم /مهره يدها توجعها حيل
ام شامان بذات الخفوت /اي شي طبيعي لانها مكسوره لازم توجعها
الجدة صيته برجا عميق/تكفين عطيها شين يهدي وجعها المسكينه جالسه تبكي
ام شامان بحترام/ابشري الحين اجيب لها مسكن واجي
الجدة صيته تنبه عليها/لاتاخرين
ام شامان متجهه لباب وترد /طيب طيب

الجدة صيته رجعت للجناح بتعب وحمل ثقيل عليها
مهره من شافتها فزت جالسه /وين ام شامان يا جدتي
الجدة صيته تجلس على طرف السرير وترد عليها بحنان/ راحت تجيب لك مسكن
مهره تحط يدها على بطنها بالم /احس بغثيان
الجدة صيته بعتاب/ من الجوع ماكلتي شي
بس الحين اقول للخدامه تجيب لك مرقة لحم
مهره صدت بتكشيرة /مرق لحم لا مالي نفس على شي ابي مسكن بس
الجدة صيته تحط يدها على يد مهره وتكلم باصرار/تجيب لك الحين مسكن بس قبل لازم تشربين مرقه عشان يقوا عظمك
مهره تنهدت باستسلام /طيب بس المسكن اول
دخلت ام شامان /سلام عليكم
الكل /عليكم السلام
ام شامان تقترب لهم وتكلم مهره /شلونك الحين
مهره ترد بارهاق واضح/تعبانه حيل
ام شامان تطلع الابره/جبت معي مسكن يسكن الالم
الجدة صيته /كم ساعه مدته
ام شامان /من ست ساعات الا ثمان ساعات
مهره بستعجال /مو مشكله بس الحين عطيني الابره ابي الالم يهدا
ام شامان تقترب /يلا بسم الله اخذي نفس
مهره تاخذ نفس/بسم الله

عطتها الابره مع عضدها ومهره شدت على يد جدتها بالم والجدة تشد عليها تحاول تطمنها -
______________________________



رواية ريح المطر (للكاتبة شغف )

ادعو لوالدي برحمة والمغفرة..


-/البارت السابع والعشرون/-

وقت الغدا جهزو العمال والعيال الصحون ورتبو كل شي وقف بهيبه وسامه -

فهد بصوت الرجولي الفخم/حياكم على ماقابلة لحاكم
وعلى غداكم وعيدكم
الكل وقف ورد عليه بحترام /الله يبارك فيك ويكثر خيرك ي شيخ فهد
فهد ياشر على الغدا / اقلطو اقلطو
ابو ابراهيم يقترب له ويتكلم بهمس/ماتبي تغدا
فهد يطالعه ويجيب بذات الهمس/مالي نفس
ابو ابراهيم باصرار هادي /افا شفيك وانا عمك وش مضايقك
فهد يتنهد بضيقه/مافيني شي
ابو ابراهيم بذات الاصرار / لابالله انك متضايق لايكون من كلام امي الصباح
فهد يسكر عيونه يحاول يهدي من نفسه /ياعم رح تغد والله مالي خلق حتى على الكلام
ابو ابراهيم تنهد وهو متجهه للغدا /لاحول ولاقوة الا بالله

جا لفهد كذا واحد من كبار القبيله يطلبونه يتغدا بس
هو رفض و عتذر منهم
ماله نفس على شي جالس يجامل الناس اللي عنده وهو من داخل متضايق ومجروح حيل حيل بعد ماشاف يدها المكسوره وكلامها عن ابوها زاد الجرح فيه -

___________________________________

بمكان ثاني حطو الغدا عياله بالمقلط

قام ابو صالح بصوته الثقيل /حيا الله البعيد والقريب على عيدي وعيد عيالي
الكل وقف / الله يبارك فيك وعساكم من عواد العيد انت وعيالك
صالح وفالح/اقلطو اقلطو حياكم الله

دخلو الجميع للغدا وقف ابو صالح ونادا لفالح
ابو صالح بتسال خافت/صقر وين راح
فالح يرفع كتوفه /والله مادري يابوي نادا لمازن وطلع يمكن عندهم شغل
ابو صالح /كان تغذو اول وبعدين يروحون شغلهم
فالح /يجون ماعليك انت بس رح تغدا مع الرجال
______________________________

وقف السيارة بصحرا ونزل منها بغضب متفجر لابعد حد وراح لجهة الباب الثاني فتحه وسحب مازن مع جيبه اللي طول ماهو راكب معه السياره كان مرتبك وحاس
ان صقر غاضب وغاضب حيل بعد -

صقر سحبه مع صدره من السياره وتكلم بحدة/انت على بالك اختك ما وراها رجال عشان تمد يدك عليها
مازن بصدمه/من قالك ؟!
صقر يثبته على حافة السياره وتكلم بذات الحده /مو شغلك من قال للي تقوا على بزر يالهيس على بزر ؟
مازن بانفعال وتسرع/والله ماهي بزر يا صقر ان لسانها طويل وما تحترم احد ابد وماحد قادر يوقفها عن احدها
صقر يصرخ بوجهه /تقوم تمد يدك عليها ياللي ماتستحي انت بتوقفها عند حدها انت اسمع والله لاوقفك انا عند حدك وعلمك كيف تقوي على اختك ياقليل المروه
مازن انتفض من صرخت صقر ورد بتوتر/ماكنت بمد يدي عليها والله بس هي تهددني وتحداني
صقر يهزه بعنف و بغضب متفجر لابعد حد/ والله والبيت اللي بناه الله يا مازن ان سمعت انك مقرب لها لا ذبحك انت ومرتك ومايردني عنكم اطلق شنب
مازن يرجف بخوف يعرف تهور صقر و نفعالاته /انا ولد عمك ي صقر لاتخلي الشيطان يجي بيننا
صقر يشد على صدره بقوه ويخنقه ويتكلم بغضب جازع /لاجت عند ملاك ماعرف عمي من ولد عمي تسمع
مازن حاس انه اختنق ويحاول يفك يده بس قوته اضعف بكثير من قوة صقر وجبروته/ي صقر احلف لك ماعاد المسها بس فكني من شرك لاتذبحني
صقر يفكه ويتكلم معه بصرامه متحكمه /اسمعني عدل كلام يوصلك ويتعداك انا بعديها لك هالمره ولاكن قسم بالله لو اعرف انك مديت يدك عليها تراك حفرت قبرك بنفسك يامازن
مازن حاط يديه على خاصرتيه ومنزل راسه يتنفس بسرعه ورد بهدو /انت فاهم الموضوع غلط
صقر دفعه بعيد عن سيارته بقوه وقسوه وتكلم بصوته الثقيل /ماطلبت منك تفهمني والحين اذلف مابي اشوف وجهك وفاء انا اللي بكسر لها وجهها
مازن يقترب له برجا/لاتروح وتخليني لحالي بالخلا ياولد عمك

صقر يركب سيارته ويحرك و مازن طلع جواله من مخباته ودق على ماجد وصف له المكان وقال له كنت مع واحد من خوياي وتعب وراح للمستشفى ماجاب طاري صقر ابد-
مازن بعد ماسكر من ماجد يكلم نفسه بقهر / هذا وهو معديها للي بغى يذبحني لاكن هين ي ملاكووه من وصل لصقر اني ماديت يدي عليك انتي ولا امي والله ما خليكم يالي ماتستحون
_______________________________

دخل الجناح بعد ما غادرو كل الموجودين من ديوانه حاس ان طاقته انتهت ومو قادر يوقف من التعب شاف جدته جالسه على السرير قريبه من مهره اللي كانت متمدده بارهاق واضح عليها-

فهد تقدم لهم وسلم بهدو /سلام
مهره طالعت فيه هي وجدتها وردو عليه
بذات الهدو /عليكم السلام
اقترب وعيونه على جدته وتكلم بصوته الواثق /شلونك يام عقاب
الجدة صيته لفة بوجهها عنه وماردت عليه/…..
لف نظره لمهره اللي كانت تنقل نضرها بين جدتها وفهد برائه و من حط عينه بعينها نزلت عيونها بسرعه على يديها اللي مشبكه بحظنها وتفرك فيهم بتوتر

فهد اقترب وجلس على السرير قريب لهم
ويهتف بنبرة ميته /يا ام عقاب تراك ربيتيني وتعرفيني عدل انا ما ماعتذر لاحد حتى ولو حطو
على رقبتي السيف

الجدة صيته تطالع فيه هي ومهره بستغراب من نبرة صوته '

وفهد كمل كلامه بذات النبرة /لاكن اذا الاعتذار يرضيك علي بعتذر لك واذا مايرضيك ابشري باللي تبينه
لو تامرين على رقبتي (واشر بيده على رقبته)

الجدة صيته بحزم مقصود/وعتذارك بيرجع كسر يد المسكينه (وتاشر على مهره )
فهد تنهد ورد عليها بثقه /اللي بيني وبينها حنا نحله من غير تدخل احد بينا
الجدة صيته برفض حاد/لا ما تحلونه بينكم تبي تجبرها ترضى عليك غصبن عليها
فهد ينظر لمهره ويتكلم بجمود حاد/ هي زوجتي وانا اعرف ارضيها بطريقتي

مهره صدت بوجهها عنه وعضت شفايفها السفليه بقهر مولم هي حاسه انه مستهين فيها واخذها عشان يعذبها والحين تاكدت من تصرفاته وكلامه جاي يعتذر لجدته ولا كلف على نفسه يقول لها كلمه تجبر كسرها

الجدة صيته عينها على مهره وما يخفيها قهرها تكلمت بشده/والله ماخليك تكسر قلب بنت ناصر مثل ماكسرت يدها
فهد قفز واقف بغضب/انا ماجيت ارضي بنت ناصر انا جاي ارضيك انتي وبس (شد على كلمة انتي وبس)

الجدة صيته وقفت على عصاتها وردت عليه بذات الغضب/ورضاي من رضاها انت سمعت وصية ناصر قبل يموت وانت شاهد عليها قدامي وقدام رب العالمين
فهد ينتفض من الغضب/قولي للي من اللي قوا راسها وخلاها تطلع مع السواق و وتحوم بدون علمي!!
الجدة صيته ترد بثقه/انا اللي قويتها وانا اتحمل خطاها
مهره بتدخل مرهق لابعد حد /لا والله انها كانت رافضه اصلا انا اللي اجبرتها تروح معي
فهد طالع فيها بصدمه وصرخ عليها/ كيف تجرئين وتكسرين كلمتي كيف؟!
الجدة صيته لاحظت عصبيته وخافت على مهره منه ومن انفعالاته/هي مالها دخل افهم انا انا السبب
فهد مازال يصارخ بعصبيه فاجره /انتي وياها وش شايفيني كل وحده تبرر عن الثانيه وتلف وتدور معي بالكلام
الجدة صيته تطالع فيه و تكلم بتوتر مافيها حيل على المشاكل/حقك وخذيته وكسرت عظمها وش تبي اكثر
فهد اقترب لمهره كان ناوي على شر / وبكسر لها راسها بعد
الجدة صيته وقفت بوجهه بسرعه ومهره من شافته اتجه لها عرفت بنيته وحطت راسها بين ركبها ويديها على راسها حتى يدها المجبصه برعب
الجدة صيته توقفه بحلف/والله ماتمد يدك عليها وان كسرت حلفي ومديتها والله ما يخاطب لساني لسانك لين يدفنوني
فهد تراجع على ورا من قو كلام جدته الا ام عقاب عنده الا هي
وسكر عيونه دقايق مثل حركته كل عاده يحاول يمتص غضبه فتح عيونه وناظر لمهره
شافها مازالت على حالها لامه نفسها
تحرك ولف عنهم و تجهه لحمام يبي يوضى عشان يطفى غضبه
الجدة صيته تجلس قريبه لها وتكلمها بحنيه/لاتخافين والله ما يلمسك
مهره ترفع راسها وتطالع فيها برعب /طلع راح راح
الجدة صيته تلمها بين يديها/لا راح لحمام ماعليك منه انا بجلس عندك وماراح اخليه يقرب لك لاتحاتين

طلع من الحمام وراح يبدل ورجع لابس بجامه
وشاف جدته مازالت جالسه عند مهره
تكلم بحزم مقصود /انا تعبان وبنام
الجدة صيته ترد من غير لا تطالع فيه/نام ماحد ماسكك
فهد يطالعها بصدمه/بس انا جاي ابي ارتاح ومانام وفي اصوات عندي
الجدة صيته تكلمت برود/ماحدن متكلم نام وانا ماني اكلتك انا بجلس عند بنت ناصر
فهد بدا يعصب ورد عليها ب لعانه / وماحدن اكل بنت ناصر عشان تجلسين تحرسينها
الجدة صيته تطالعه وترد ب نغزى/والله ما اثق فيك ياولد عقاب اخاف تهجم عليها مثل الاسد على فريسته عشان كذا لازم اجلس احرسها

مهره جاها فضول تشوف وجهه فهد بعد كلام جدتها القوي له ورفعت عينها وشافت وجهه احمر
من الغضب والحرج
ابتسمت غصبن عليها بنصر وبانت غمازتها

فهد يكاد انه لمح ابتسامتها وحس كان احد عطاه مهديء وهدت اعصابه
الجدة صيته تكمل كلامها /ليش واقف نام ما انت رايح للعشاء اليله
فهد يرد عليها بهدو /الا بروح عيد عند ابو صياح وعيد عند ابو انوار
الجدة صيته تصد بوجهها وتكلم بذات الهدو/ نام اجل عشان تلحق تصحى وتروح لعيدهم
فهد تكلم بتعب عميق / يام عقاب خليني انام ترا مالي خلق لنقاش
الجدة صيته بخباثه/وانا قلت لك لاتنام بتناقش معك
مهره هنيه انفجرت من الضحك/ههههههه
فهد حس بدغدغه غريبه من صوت ضحكتها الناعمه بس حاول مايبين لهم شي ورفع حاجبه
وتكلم باستهزاء / كانها عاجبتك حركات جدتك
الجدة صيته تطالع بمهره وتحس بمتعه انها سمعت صوت ضحكتها العذبه وردت عليه بذات الخبث/ايه عاجبتها عندك مانع
فهد مارد عليها و دخل الفراش وتمدد وعطاهم ظهره ماقدر يتحمل يشوف ابتسامتها حس عيونه ونظراته لها راح تفضحه مايدري ان جدته تعرف نظراته عدل وتفهمها صح -
الجدة صيته تبتسم /انا وعدتك ماخليك وبجلس عندك
مهره تكلمها بحنيه و رجا/ روحي نامي تكفين ي جدتي روحي ارتاحي عشان العصر تروحين تطمنين امي علي ادري تحاتي اني ماجيتها
الجدة صيته تحط يدها على يد مهره وترد برفض/انا كذا مرتاحه و لاتحاتين امك بروح لها العصر بس الحين ماني مخليتك بروحك

فهد سمع كل اللي دار بينهم ولف لهم وتكلم بصوته الثقيل الرجولي /يا ام عقاب تؤمنين بالله
الجدة صيته طالعت فيه وردت /اي بالله اومن فيه
فهد اعتدل جالس ورجع ظهره لظهر السرير ويتكلم بهدو حازم /عليك الله مايجيها مني شي يضرها بس روحي ارتاحي وخليني انام ورتاح
الجدة صيته وجهت نظرها لمهره وتكلمت بخفوت/ ترا حلف وانتي تسمعين و ابيك الحين انتي اللي تحلفين للي لاقال لك شي تعلميني
فهد انتفض بعتب صارم /افا وانا ولد عقاب انا قد اخلفت لك بوعدي عشان تحلفينها
الجدة صيته بحرج/لابالله ماقد اخلفت فيه لا للي ولا لغيري
فهد صدع راسه وتكلم بنبره هاديه /اجل روحي ارتاحي
الجدة صيته توقف بثقل /بسم الله يلا وانتي نامي ورتاحي عشان تجي ام شامان شوي تعطيك مهدي
فهد طالع مهره بصدمه /مهدي ليش ؟!
مهره تاشر على يدها وترد بغصه/قصدها مسكن
الجدة صيته تكلم بحنيه عميقه/اي مسكن عشان يدها توجعها ما تخليها تنام

فهد صمت حاس انه اخطاء بحقها وبضربه القاسي لها
هاذي مهمها كان انثى ناعمه صغيره ماتحمل عنفه وجبروته كان بامكانه يعاقبها بطريقه ثانيه ماهو بضرب العنيف لاكن هو لافقد اعصابه مايشوف حتى اللي قدامه.

الجدة صيته تكمل بذات الحنيه /تبين شي قبل اروح
مهره ترد عليها بحه مرهقه / لا مابي الا راحتك
الجدة صيته تمشي متجهه لباب /الله يريح بالك مع السلامه
مهره من شافت جدتها طلعت وسكرت الباب شدت الغطا عليها ودخلت بالفراش باستعجال بعد ثواني
حست فيه اقترب لها ودخل يده من تحت ظهرها وسحبها لحضنه وحضنها بهدو مرت دقايق وهي بحضنه ماتسمع الا دقات قلبه وهو مايسمع الا شهقاتها
فهد بعد وجهها من صدره وتطالع فيه وهمس لها بخبث /ليش الدموع تعبانه تبيني اداويك
مهره تشهق وترد عليه بغيظ/ابعد عني ابعد عني
فهد تكلم بذات الهمس الصارم /ماسمعت عيدي ؟!
مهره بخوف وتوتر/ فهد تكفى ابي انام
فهد يطالع شفايفها الصغيره الورديه اللي كانها توت ويتكلم بنبره غامضه لابعد حد /بخليك تنامين بس ماهو قبل ما اعيد عليك
مهره سكرت عيونها ماهي قادره تحمله وتحمل لعانته معها
حست بشي دافئ على شفايفها فتحت عيونها وبكت بصدمه وقهر مالها كرامه عنده ابد حاولت تبعده بس ماهي قادره عليه
وفهد بعد ماحس انه ارتوى منها بعد شفايفه
وهمس بخفوت مقصود/كل عام وانتي بخير
مهره صرخت فيه بين دموعها وشهقاتها / كيف تقرب للي من غير رضاي شايف ان ماعندي كرامه
فهد يبوس خدها ويتكلم برود/وانا ماطلبت رضاك
وماحد جاب طاري الكرامه
مهره تصد بوجهها عن وجهه وتكلم بضعف /في اللي اقوى منك ي فهد اللي اقوا منك
فهد لف وجهها بيده وطالع بعيونها وتكلم بصرامه /وش قصدك؟!
مهره تطالع عيونه الحاده بنظراتها المكسوره
وترد بذات الضعف/الله اقوى منك ي فهد و راح ياخذ للي حقي
فهد انتفض بجزع واقترب منها وباس عيونها
ورد عليها بهدو عميق /اذا لك حق عندي الله ياخذه لك
ابتعد منها ولف لها ظهره وحاول ينام حاس كلامها ومنظرها الضعيف زاد التعب عليه
مهره حطيت اصابعها على شفايفها ومسحت عليهم بالم وقهر ونامت بعد تفكير وتقلب طويل
__________________________________

من بعد حركة صقر الصادمة لها وهي بغرفتها حتى استحت تحط عينها بعين شذى بعد منظرها المحرج مع خالها معن شذى حاولت تكلمها بس هي
ما اعطتها مجال ملاك ماتعرف الحركات هاذي ابد توها بسن البلوغ و اللي صار لها وترها حيل وكل شوي تلمس شفايفها بقرف هاذا متزوج وعند مره واكيد متعود على هالحركات الخايسه مسكت منديل ومسحت شفايفها بحده شوي و تقطعهم تحس جراثيم منه ومن مرته

قطع افكارها دخول نهيل وامل عليها اللي ما استغربن
من رجعت ملاك للبيت قبل الغدا توقعن انها
ماقدرت تحمل غرورهم وثقل دمهم على قولتها

نهيل تكلم بصوت حاني/ليش ما تغديتي يامك من عيد عمك
ملاك بتوتر و رتباك ومو قادره تحط عينها بعين امها حاسه انها اخطت حيل لما راحت لصقر وافكارها البريئه تقول لها لو امك شافت شفايفك بتعرف
الخطاء اللي سواه صقر معك ردت على امها وهي منزله راسها وعيونها على الرسوم الورديه اللي على فراشها اللي بحضنها/مالي نفس يومه تعبانه ودي انام

نهيل استغربت منها دايم ملاك لاتكلمت مع احد تحط عينها بعينه ليش منزل راسها الحين لايكون تبكي ولا متضايقه من شي تقدمت وحطت يدها على ذقنها ورفعت راسها وتكلم بتسال جازع/شفيك ليش منزل راسك احد ضايقك بشي قولي لا تخلبين علي !؟

ملاك حست بغثيان من التوتر وقامت بسرعه راحت لحمام تستفرغ و نهيل وقفت مصدومه وتطالع امل بتسال/شفيها!!
امل ترفع كتوفها بغرابه /مدري

رجعت ملاك وهي تمسح وجهها المبلول ب منديل اللي بيدها وتكلم من غير لاتنظر باحد متجاوزه نهيل ومتوجه لسريرها /انا تعبانه وابي انام ممكن تطلعون
نهيل تقترب لها وتكلم بتوجس حاد /بنت اوقفي وتكلمي معي عدل
ملاك وقفت وهي مازالت منزلها عينها بالارض /يومه ماهو وقت نقاش بنام ولا صحيت نتفاهم
نهيل بنبرة شك مقصوده /انتي من صغرك ماتنزلين عينك بالارض الا اذا صرتي مسويه مصيبه وش انتي مهببه هاه!!
ملاك انتفضت بعنف /يومه انتم شفيكم مو راضين تفهمون اني تعبانه ومحتاجة راحه وروحتي اليوم للغدا وشوفت وفاء زادتني خلاص ابي ارتاح افهمو ابي ارتاح

نهيل بمشاعر الامومه صدقت كلام بنتها الصغيرة وردت عليها بحنان عميق لابعد حد/خلاص ياحبيبتي لا تضايقين ولا تشيلين هم شي انا راح اتصرف مع مازن ومرته وشوف لهم حل يا يجلسون بالبيت معنا بحترام يا يذلفون باللي ما يحفظهم
امل بستغراب من كلام امها /من جدك يومه بتقولين لهم يطلعون من البيت وابوي راح يزعل
نهيل ترد بصرامه /يزعل ويرضى و

قطع كلامها صراخ مازن اللي رج البيت رج /ملاكوووه يومه يومه
نهيل صمتت وطالعت بناتها برعب اول مره تسمع مازن يصارخ كذا وش اللي صاير وخلا صوته يطلع

امل خافت من المشاكل تصير بينه وبين ملاك واللي اكد لها انها سمعته يقول ملاكوه عرفت انها بتشب النار بينهم ملاك حاره وعنيده وماتفهم ومازن صاير عصبي وما يتفاهم

ملاك هنيه هي اللي جمدت مكانها عرفت انها انفجرت القنبله وصقر اكيد كلمه ولا وفاء بلغته واضح من صراخ مازن انه مقهور شالت هم امها وابوها لو عرفو انها مقابله صقر وش راح تكون ردت فعلهم ولا مازن وفاء ماهتمت لهم ابد الا ودها تبرد قلبها فيهم

دخل مازن وينقل نظرات بين امه و ملاك وعيونه شابه نار /مين منكم اللي علم صقر اني ضارب ملاك منهي اللي ما استحت وراحت لرجال تشكى له هاه
نهيل طالعت بملاك بصدمه حاده عرفت الحين ليش بنتها منزله عيونها بالارض وتكلمت بدون شعور وبدون لاتحس بوجود مازن/ انتي رايحه رايحه لصقر شافك ؟!
ملاك حست لاول مره تختنق بالكلام وماهي قادره ترد عليهم وعاجزه تشرح لهم
و افزعتها صرخت مازن المتوحشه /طلعتي انتي اللي رايحه لصقر تشكين له من اخوك ياللي ماتستحين
يا لبايره رايحه تعرضين وجهك لرجال وتنزلين راسك وراسنا بالارض عشان تعلمينا انك ما تسكتين عن حقك

امل كانت تشاهدهم بصمت ورعب وصدمه من اللي تشوفه وتسمعه

و نهيل اللي حست بجرح عميق من بنتها صرخت بقهر/تكلمي انتي رايحه لصقر صحيح ؟
ملاك شافت غضبهم الشديد وتخيلت لو يعرفون باللي سواه بعد وش بتكون ردت فعلهم وعجزت عن الرد ومن رد مكانها هو مازن اللي مازال غاضب /وش تبينها تقول لك مالها وجه ترد عارفه بسواد وجهه بس والله واللي اسمه الله لادق على صقر الحين (طلع جواله من مخباه)وقول له مدامها جتك برجليها تعال خذها مانبيها العاهره
ملاك هنيه انفجرت عليهم بحده اقوا من حدتهم/اص ولا كلمه لاصرت انت ولي امري تعال وحذفني على اللي تبي بس مدام راس طالب حي مالك كلمه علي تفهم
مازن عجز لا يمسك نفسه وقترب لها وشدها
مع شعرها بقهر اللي خلا ملاك تصارخ بالم وهو صرخ عليها /والله لاذبحك ياملاكوه والله
نهيل تبعده منها وتصرخ فيها وفيه/بسكم لابارك الله فيكم من عيال بتموتوني ناقصة عمر انت وياها

دخل ابو ماجد باستعجال وخوف من صراخهم وتكلم بتوتر مخيف/شفيكم شصاير ؟!

__________________________________


رواية ريح المطر (للكاتبة شغف )

ادعو لوالدي برحمة والمغفرة..


البارت الثامن والعشرون/-


دخل البيت ونادا بصوته الخشن الغاضب/وفا يا وفا
جاه صوت هدى المنادي/تعال ي صقر مافي الا مرتك

دخل وخواته كلهم واميره موجودات وعيونه اللي شابه نار وشرار تدور على وفاء بينهم وشافها كانت جالسه وحاطه رجل على رجل وقدامها فنجال قهوه وسلة الحلا الفخمه
اتجه لها وسحبها من عضدها بوحشيه وهزها وصرخ فيها بصوت ملتهب حاد/انتي تحسبين ماوراك رجال يربونك ويعلمونك السنع ياللي ماتستحين

الكل وقف مصدوم من هجوم صقر المشتعل لوفا
الوحيده اللي ماصدمت هي شذى اللي فاهمه السالفه

وفاء ترجف بخوف /وش سويت والله ماسويت شي حتى بيت عمي ماطلعت منه
صقر تكلم وهو مازال ماسكها بقساوه /تروحين تفتنين بين الناس و تشبين النار بين الدلخ اللي عندك واخته وتقولين ماسويت شي يهوديه انتي (وينفضها مع يدها بعنف )

ام صالح بتدخل صارم /صقر بعد عن اختك واحترم وجودي عيب اللي تسويه
وفاء بصوت مقهور ماقدرت تخفيه/كلها من اللي مايستحون عبو راسك علي وعلى مازن هاذي وهي
ما تزوجتك للحين

سكتتها صفعه على وجهها خلتها ترتمي بالارض من قوها وخذ فنجالها اللي كان في باقي قهوتها الدافيه وكبه بوجه وفاء ورماها بالفنجال اللي جاء على رقبتها وانكسر بنص والكل حط يده على فمه بشهقه مخيفه وفاء انفجرت بالبكا المولم وهي تشوف جرح رقبتها ينزف دم من قزاز الفنجال اللي شلخها /وتضرب اختك ياصقر عشانها هي واهلها
ام صالح تقدمت ومسكت يده وتكلمت بصرامه عاليه /وش السبب اللي خلاك تضربها من غير حق
صقر فاقد اعصابه ومايشوف احد / الحق اني بربي لك بناتك من جديد وبذات هاذي
(و يرفس وفا برجله مع وجهها اللي كانت تسندها ام مهند وهدى عشان تجلس)
ام صالح بمقاطعه صارمه شدت يد صقر بقهر/ انت علامك ما ترتاح من المشاكل اشغلتنا وشغلت نفسك

ام منهد وقفت بتسال حازم/طيب علمنا ليش وش هي مسويه خل نفهم
صقر يرد عليها بنبره مرعبه/ مسببه فتنه بين زوجها واهله لاكن قسم باللي حل القسم ي وفا ان سمعت ولا عرفت انك متدخله بينهم ولا متسبب لملاك بشي ان لاقتلك قتل

صقر طلع ولا راعا مشاعر اميرة اللي تمزقت تمزق من الغضب كيف يدافع عنها كذا ويهدد ويحارب عشانها واللي مزقها اكثر انها قبل ساعه كانت تسولف مع وفا وصبا وتسالهم عن البنت اللي شافتها وسلبت عقلها
وقالن لها انها هي هي ملاك نفسها هي اللي يبي صقر انجرت جرح عميق عميق لابعد حد تعرف انها مافي مقارنه بينها وبين ملاك ابد جمال اميرة طافي عند جمال ملاك المشتعل الدقيق طلعت وراحت جناحها ماهي قادره تواجه احد ابد بعد ماشافت قساوة صقر .

ام صالح توجهه كلامها لوفاء بتسال/وش انتي مسويه بين الناس ؟!
وفا تبكي وجهها مدفون بكفوفها وجرح رقبتها ينزف وترد بغضب/ماسويت شي انا مالي دخل هي طويلة لسان وما تحترم احد ومازن هو اللي ضربها ماهو انا (ترفع راسها وتكمل كلامها بقهر عميق)بس هي وامها اكيد ارسلو لصقر يبونه يضربني عشان تبرد حرتهم واللي يبنه صار صار

هدى بشك من كلام وفا لانها تعرف اختها عدل فيها من الكذب وتبهير الكلام /يا وفا قولي لنا الصدق وش اللي صاير الناس ماهو مشتكين منك الا انك جارحه كبدهم
وفاء تقوم وتصرخ فيهم /اللي عندي وقلته بتصدقون صدقو ما انتم مصدقين لاتصدقون
ام منهد بكلام عاقل راكد /يا وفا يا حبيبتي حنا ماندري وش اللي صاير بضبط ولا حنا منبشين فيه بس وانا اختك ترا شب النار بين الاهل مايجوز حرام
وفاء قاطعتها بحده/وهم يوم شبوها بيننا وبين صقر حلال عليهم
ام صالح تكلمت بذات الحده/اقول اسكتي ولا كلمه والله لو درا ابوك باللي صار انه مايسكت لك ولا لخوك المتهور
________________________________

مازن اقترب لابوه وحاس انه بينفجر من القهر /تعال يابوي شف بنتك وش سوت (وياشر على ملاك)تبي تقهرني تبي تذبحني وتنزل راسي بالارض
ابو ماجد طالع ملاك بحده وصمت ثواني ثم تكلم بنبرة خاصه/وش انتي مسويه !
ملاك حست بخجل من نظرات ابوها لها وصدت بوجها عنهم بالم وحراج
مازن صرخ فيها بصوت مهزوز /خجلتي من الكلام
ولا خجلتي من التصرف تكلمي قولي له انك رايحه لصقر تعرضين طولك وزينك عنده
ابو ماجد انتفض ب وجيعه وتكلم بصوت مهزوز /انت وش تقول ياولد ؟!
مازن يمكل كلامه/اقول بنتك العاهره رايحه لصقر وتشكي له منا شكلها ماهي قادر تصبر لين تخلص الدراسه تبي العرس
ملاك ماقدرت تحمل كلام مازن واتهامه الجارح لها وصرخت بوجه مازن بغضب متزايد/استح على وجهك انا ماني بايره بيت ابوي عشان اروح ادور العرس الف واحد يبيني ويتمنى ياخذني وانت اكثر واحد تدري بكلام هذا

ولفت ملاك طالعت ابوها وجهته كلامها له
بنبرة مرتعشه /يا ابوي انا مارحت لصقر الا لين ماحسيت بذل والاهانه من مازن ومرته يابوي مازن ضربني وقهرني عشانها وماقدرت اتحمل اكثر ماقدرت
ابو ماجد بنبرة عتاب غاضبه/وانا وين رحت عشان تروحين تشكين لرجال وش تبينه يقول عنا الحين ماعرفو يربون بنتهم
نهيل تدخلت بعد ماكانت تسمع ب تبعثر جارح/لعنبو شكلك كيف جتك الجرائه تروحين له و تشكين من اخوك وانا وابوك وين رحنا ولا ماحنا مالين عينك
ما يملاها الا الدكتور صقر
ملاك وعيونها تلمع وتحاول تخفي عبرتها لاتطلع /محشومين انا ماقلت كذا بس انا مابيكم تضايقون كنت ابي احل الموضوع بعيد عنكم مادريت ان السالفه بتكبر كذا
نهيل تطالعها من فوق لاتحت وتكلم بنبرة مقصوده /اجل روحتك لصقر هي الحل بنظرك بتشوفين ياملاك اذا ما ندمتي على تصرفك تبينه يشوفك كذا ويسكت
ملاك تقبط حواجبها بستغراب بريئ /وش قصدك ؟!
مازن يرد عليها بحزم جاد/اللي تقصده انه بيقول بنتكم كبرت ويلا زوجوني وحنا بنقول له ابركها من ساعه خذها وفكنا من لسانها
ملاك انتفضت بخوف واضح/وشو تزوجوني !
وامل جالسه وحاطه يديها على فمها وتكتم صوت بكائها
ابو ماجد حاس ان راسه بيتفجر من كثر مامر
باله صقر واخوه وكيف النار بتشب بينهم لو درا
وكيف ردت فعله بعد ماشافها وش بيقول عليهم
و عتبان من بنته كيف تروح له كيف
حس بدوران و سند يده على الحيط

ملاك ومازن وامل فزو له و ساندوه يجلس على سرير امل اللي مقابل سرير ملاك
و نهيل بكت بجزع تعرف وش اللي يدور براس زوجها وتكلمت بين شهقاتها وتاشر على مازن وملاك بحرقه /اذلف انت واختك لاشوف وجيهكم ماحد جاب للي الضغط الا انتم الله يقلع الساعه اللي جيتو فيها
ملاك تجلس على ركبها بالارض عند رجول ابوها وتمسك يديها برجاء/تكفى يابوي لا تزوجي واحد اكبر مني ومتزوج انا بنتك لا ترخصني
ابو ماجد يصد بوجهه عنها ويتكلم من بين اسنانه/انتي اللي جنيتي على نفسك ورحتي لرجال برجولك وانا ماقدر اخلف بالوعد كان يبيك يجي ياخذك
مازن واقف ويده على كتف ابوه وتكلم بكراهيه /هذا اللي انتي تبينه اصلا لاتجلسين تمثلين علينا ولا من يحصل لها رجال غني ودكتور والف وحده تمناه وترفض. حنا ماحنا خبول تضحكين علينا
ملاك قامت واقفه وماقدرت تمسك دموها انفجرت باكيه /انتم هذا اللي همكم حلاله ومنصبه انا مابيه افهمو ولا ابيه فلوسه مخليتها لكم
نهيل تشد على كلامها /مدامك ماتبين العرس ليش تخلينه يشوفك الحين وش يسد فمه ماحد يقدر عليه حتى واليه
ابو ماجد كانه تذكر شي و يرفع نظره لملاك ويسالها بحده/هو انتي رايحه له بعباتك ولا بدون عباية
ملاك حست بغثيان من التوتر والحرج نزلت راسها وردت بخفوت /بدون عباية
مازن بستهزا متقصد/هي ماراحت الا وراها شي كيف تبونها تلبس عباتها
ابو ماجد طالع فيه بحده واشر له يسكت /اص ولا كلمه انت اخر من يتكلم ياللي ما تستحى لو ماسويت سواتك وضربتها كان ماصار اللي صار
مازن صمت وماتكلم ومن تكلم هي نهيل اللي وهجت كلامها لابو ماجد قبل تطلع /اسمعني عدل ترا مالي دخل بولد اخوك وبنتك تزوجهم تطلقهم لاحد يشاورني بشي هي اخطت وخل تحمل خطاها

طلعت نهيل وملاك جلست على سريرها تبكي بكاء طفولي رقيق وامل تقرب لها وتحضنها بخيه حانيه
مازن دق جواله اللي كانت وفاء المتصله وطلع يكلم

ابو ماجد حنون لبعد درجة وبذات على بناته ماقدر يشوفها تبكي كذا ويطلع ويخليها قام واقترب لها وتكلم بهمس حازم/قومي يابوك غسلي وجهك وعيني خير مايصير الا اللي ربك كاتبه
ملاك توقف وترتمي بحضه وتكلم بين شهقاتها /والله يابوي هو ومرته اللي حدوني جرحوني يابوي جرحوني
____________________________________


جالسه على الكنب وكانها جالسه على هشيم من النار عاجزه لا تطفي غضبها وغيرتها المحترقة
شوي ودخل عليها بهيبته المعتاده وثقته بنفسه
ولا كنه بدر منه شي

صقر سلم بهدو من غير لا يطالع فيها/سلام
وقفت اميرة و كتفت يديها على صدرها وتكلمت بحزم مندفع/مدام بنت عمك مزيونه كذا ليش تزوجت بدالها ولا كنت بحاجة مره موقته لين تكبر !!
صقر لف لها بحده وهتف بتسال قاسي/انتي شفتي ملاك ؟!
اميرة انفجرت من الغضب وتوجهت له /هذا اللي هامك شوفت ملاك وبس وعشانها حاربت حتى خواتك
صقر يجلس ويحط رجل على رجل ويتكلم بجمود/والله عشانها مستعد احارب قبيلة ولا وشو قبيلة الا احارب دوله كامله عندك مانع ؟!
اميرة بكت وصرخت فيه /انت ماتحس ماعندك قلب ماتخاف ربك ماتقول عندي مره براعي مشاعرها ولا
ما تهمك مشاعر اميرة اللي تهمك مشاعر ملاك لاتزعل وتضايق
صقر مازال جالس مروق بعد شوفت ملاك اليوم
ورد بذات جموده/الحين انتي وش اللي تبينه بفهم؟!
امير حست ودها تقطع ملابسها من القهر احر ماعندها ابرد ماعنده /اسمع يا صقر يا انا يا ملاك تختار بينا لاني مستحيل ارضى تكون شريكتي فيك !
صقر نزل رجله اللي كانت فوق رجله الثانيه وتقدم جسده العلوي وهو مازال جالس
ور عليها بهدو/ ترا الحركه هاذي ماهي من صالحك ياميرة لا تقارنين نفسك بغيرك
اميرة بين دموعها /تقصد انك ب ترخصني وتختارها صح!!
صقر وقف واقترب لها وتكلم بذات الهدو /اميرة انا احرمت نفسي من الزواج كم سنه لاني انتظرتها تكبر والحين تجين وتقولين للي اختار بيني وبينها !! انتي عارفه من راح اختار وعشان كذا انصحك تسكرين الموضوع هذا نهائي
اميره تكلم برجاء عميق/اذا انت خاطرك تزوج
انا ماعندي مانع انا موافقه بس غير ملاك يا صقر غيرها اختار اللي تبي والله ماراح اقول شي

صقر تنهد بالم وتكلم ب فضفضه مريحه له بس جارحه لها/ ماهو سالفة خاطري اتزوج ولا ماتزوج ياميرة انا باختصار الكلام انا رجال مغرور شايف نفسي على الناس وفيني كبر من وانا صغير وطول عمري
ما اقتنع الا بشي مميز ومن دخلت سن المراهقه وانا احلم اتزوج بنت مزيونه وماهي بس مزيونه ابيها ثقيلة الزين وكانت عيني زايغه على بنات جمعاتنا وخوات اصدقائي ابحث عن حلمي لاكن مالقيته !!

صقر رجع و جلس وحط رجل على رجل وكمل كلامه بدماج عميق/ لين شفتها تمشي وعمرها سنه حسيت ان ربي حقق حلمي وارسلها للي انا شلتها بين يدي دققت بملامحها البنت مزيونه و زينها ماهو طبيعي بس قلت اكيد تكبر وتغير ملامحها المهم اني حجزتها كنت ابيها احتياط بس عشان لاصارت بزينها اخذها وان تغيرت اتركها وكل سنه تكبر قدام عيني و يزيد زينها وحلاوتها
صقر رفع عينه وطالع باميرة اللي تشهق وجهها كله غارق بدموع وكمل كلامه بجمود قاسي/هي اللي تقدر على غروري وكبريائي هي اللي لاشفتها احس برجولتي الحاميه تضعف عندها عندها هي وبس ماقدر اخليها حتى لو ساوموني بحياتي ماخليتها
اميرة صرخت بوجهه /بس بس اسكت انت اناني اناني
صقر حس انه صحى من غيبوبه وانقهر من نفسه كيف يقول هالكلام الكبير لزوجته مهمها كان صقر قاسي وجامد بس في رحمه وخوف من الله
اميرة جلست على الكنب وتبكي بنحيب عالي /اهى اهى اهى
صقر توجه لها وحضنها بين يديه وتكلم بخفوت / انا ماهو قصدي اجرحك ولا اغثك بس اللي كنت ابيك تفهمينه اني مستحيل اتخلى عنها
اميرة ترفع راسه له بمقاطعه/بس انا عادي تقدر تخلى عني
صقر بحزم/انا قلت لك لا تقارنين نفسك باحد ياميرة
اميرة توقف وتمسح وجهها بكفوفها وتكلم بصرامه/اسمعني ياصقر انا ماراح ارضى بملاك ابد يا طلقني انا
يا طلقها هي والحين
صقر وقف بثقه /اذا انتي تبين اطلاق انا حظر وغير الكلام هاذ ماعندي !!
اميره بجرح عميق/طلقني
صقر يتجهه لسرير /فكري عدل اول وكان قررتي بالاختيار الصحيح بالغيني!!
_______________________________

مساء العيد وبعد ما انتهى العشا من بيت ابو انوار الكل اتجه لبيته وفهد ينزل من سيارته وبيده مفتاح البيت يبي يفتحه وقفه صوت راجو /شيخ فهد
فهد لف لجهته بحده وتكلم بقساوه/انت وش جايبك ماقلت لك لاشوف وجهك بعدين عند البيت
راجو بحركه سريعه طاح عند رجوله/تكفى ياشيخ انت خيرك علي وعلى عيلتي انا مايبغى انت تزعل وتضايق انا عبد مامور جده يقول امش ولا تكلم انا ماقدرت اقول لها لا هي مقام ماما والله غصبن علي والله
فهد تنهد وصد بوجهه /قوم قوم تكلم وانت واقف
راجو قام وحب راسه /ارجوك يا شيخ رجعني لشغل عندك وانا اوعدك واللهي اي احد يبي اجيب شي ولا اودي احد كلام انت اول واللهي
فهد طالع فيه ورفع حاجبه المرسوم بدقه/برجعك ياراجو بس ماهو عشانك عشان اطفالك بس والله العظيم ان تصرفت اي تصرف بدون شوري رقبتك هاذي لاقطعها تفهم
راجو يحب راسه بفرحه /ابشر ابشر والله مايسوي شي يزعلك ابد ابد
فهد ياشر على الملحق /خلاص الحين ارجع غرفتك وكمل شغلك بس كل حركه بالبيت هذا يكون عندي علم فيها قبل كل شي !!
راجو يهز راسه/ابشر ابشر

دخل فهد وكان وده يمر جدته مثل كل عاده ويطمن عليها بس ماله خلق على عتابها وصدها له وقف شوي بحديقة البيت متردد يروح لها ولا يخليها اليله ترتاح وهو يرتاح واخر شي قرر يروح لها
لانه بعادة فهد من كان صغير يحب المواجهه ولا يحب يتخبى عنها
فهد دخل البيت وتجه لجناحه نادا بصوته الثقيل /احم احم ام عقاب
…..مافي رد ….
رجع فهد ينادي بصوت اكثر /ام عقاب يام عقاب
…..مافي رد ….
حس برعشه مخيفه عليها وفتح الباب ودخل شاف الجناح مضلم شغل الاضائه ودور عليها بعيونه ماشافها وعرف وين تكون بجناحه اكيد عند مهره تنهد براحه ان تكون اهم شي بخير.

الجدة صيته كانت جالسه على الكنب وقدامها حافظه عشاء جايبته معها من المطبخ و تنتظر مهره اللي راحت لحمام تغسل وتبدل ملابسها شوي وانفتح الباب ودخل فهد رفعت عينها وناظرته بنظرت عتاب لمدة ثواني ثم لفه وجهها عنه
فهد اقترب لها وحب راسها /يمسيك بالخير
الجدة صيته ترد من غير لاتنظر له /يمسيك بالنور
فهد جلس مقابلها وطالع ب حافظه اللي قدامه وتكلم بتسال/وين مهره !؟
الجدة صيته ترفع عينها له وترد بصوتها الحازم/دخلت لحمام تغسل وتلبس عشان تجي تاكل من امس وهي على لحم بطنها

كثير على فهد الكلام اللي يسمعه كثير كل ماحاول ينسى الخطاء اللي اخطاه مع المسكينه يرجعون يذكرونه فيه حاول يرد بنبرة واثقه/وانتي تعشيتي؟!
الجدة صيته تنظر له نظره مباشرة/وش يهمك
اذا ام عقاب تعشت ولا ما تعشت المهم انها ربتك وكبرتك لين صرت رجال وش تبي فيها مانت بحاجتها الحين !
فهد قفز واقف من غير لايشعر من كلامها الجارح/افا يام عقاب افا انا تقولين للي هالكلام انا
الجدة صيته تحاول تمسك دمعتها لاتنزل /اي اقوله لك انت يا فهد بن عقاب بن فهد نسيت يومني وقفت بوجهه عمانك اللي هم عيالي فلذات كبدي عشان حقك عطيتك الجاه والمال اللي كنت احسبك تستحقه !!
فهد يرتعش بغضب جنوني / والحين بتقولين للي اني ما استحقه وانك ندمانه عشان ما سلمتيها لعيالك !!

مهره اللي كانت واقفه عند باب الحمام وماحد انتبه لوجودها بعد ماغسلت ولبست حاسها برجفه مرعبه وقلق من اللي بيصير الحين من فهد خايفه لايغضب ويذبحها

الجدة صيته وقفت وردت عليه بحزم بالغ/انا ماقلت اني متحسفه لانك كنت امانه عندي وحقك امانه عندي ولازم اسلمك الامانه وما ارضى احد يقترب لك ولا يجرحك وفيت معك وفيك بس وش جزاي عندك وطية على الامانه الثانية قدام عيني كسرتني كسرتني

فهد اقترب لها وحب على راسها وحضنه بين يديه وعلى صدره سمع شهقات اللي حس فيها كانها
حبل ناري على صدره وشد حضنه لها وهمس برجاء خافت/تكفين لاتبكين يا ام عقاب والله اللي نفخ روحي وروحك انك اغلا ماملك ب الدنياء هاذي كلها

الجدة صيته بعد راسها من صدره وتمسح عيونها
ب شالها اللي على راسها وترد عليه بذات الخفوت المولم /ترا مهره امانه عندي وعندك يا فهد كانه تحفظ الامانه
فهد اشر براسه من غير لايتكلم حاس انه غاص بالكلام من شاف انفجار جدته الضعيف

مهره اللي كانت حاسه بدوران من قلة الاكل وقلة النوم والارهاق ماهي قادره توقف اكثر من كذا فقدت الوعي وطاحت على الارض
سمعو صوت الطيحه القويه لفو لجهة الصوت وصدمو من منظرها الجده صيته صرخت برعب/الحقها شلها
فهد راح له بسرعه جنونيه وشالها بين يديه وجها للكنب سدحها على ظهرها ورفع رجولها فوق المخده وحط راسها بحضنه واشر لجدته تعطيه كاس الماء اللي كان على الطاوله
الجدة صيته مدت له الماء بيديها اللي ترعش بخوف وتوتر /يويلي وش صار بالبنت
فهد مسحه وجهها بيديه المبلوله بالماء ونادا لها بصوت خافت حشن/مهره مهره
مهره فتحت عيونها ونقلت نظرها بين فهد وجدتها اللي كان واضح عليهم الخوف وتكلمت بنبرة مرهقه/ ابي استفرغ
الجدة صيته بصوت حاني ونبرة مهزوزه/يامك انتي ماكلتي شي اصلا وش تبين تستفرغين بطنك فاضي
مهره قامت من حضن فهد اللي ماشال عينه منها ينظر لها بنظره غامضه ماحد قدر يفهمها وعتدلت جالسه
الجدة صيته. برجا/بحط لك عشا تاكلين تكفين
لا تموتين من الجوع
فهد انتفض من طاري الموت وتكلم باسلوبه الحازم /ماهو بكيفها لازم تاكل
مهره من غير لا تطالع فيه وردت عليه بغيظ/حتى بالاكل ب تحكمني !!
فهد قام من غير لايرد عليها وراح لغرفة الملابس
والجدة صيته تقدمت لها وتكلمت بخفوت/هذا طبعه و اسلوبه مايقدر يغيره بس اكلي عشاني انا
مهره اشرت براسها برضى/عشانك
__________________________________

بعد سبوع على اخر الاحداث

مهره تحسنت حالتها على خفيف و مابينها وبين فهد اي احتكاك ماتشوفه الا وقت النوم يجي ويحط راسه على المخده وينام والجدة صيته ماتفارق مهره ابد اذا راحت لام ماهر مرتين تسلم عليها وطمنها ان مهره بخير بس قالت انها طاحت بالمطبخ على يدها واذا تحسنت تجيك وهذا مهره تحسنت وكيف بتقدر تروح لامها!!

فهد مايرجع للبيت الا اخر اليل بعد مايشغل نفسه بامور القبيله وب مشاريعه يجي تعبان مايبي يجلس مع مهره لو قالت اي كلمه ولا اي حركه يخاف من نفسه يتهور ومايبي يزعل جدته بعد مابكت بدموعها الحاره بين يديه ويحاول يبتعد عن مهره فتره لين يطيب جرحها من نفسها لانه مستحيل انه يراضيها ولا يداويها بالكلام!!


ملاك ماتطلع من غرفتها كثير الا وقت تروح للحمام ولا للمطبخ و نهيل ما تكلمها ابد كل ماحاولت ملاك تقرب لها تصدها مجروحه حيل من نظرات ابوها وامها لها وما شافت مازن هو وفاء بعد اخر موقف
وامل وحصه هم اللي يخففون عليها ويجلسون معها وشذى جتها مرتين وملاك حكت كل شي صار لها وحاولت شذى تطمنها وتهديه لاكن ملاك خايفه متوتره مرتبكه من الايام الجاية وتحس اللي طمنها
ان صقر مافتح مع ابوها اي موضوع ماتدري ان سكوت صقر هو اللي مخوف نهيل وابو ماجد مايدرون وش اللي يدور براسه بضبط ينتضرون قنبلته !!


صقر عادته ما يتخذ اي قرار ولا يتقدم اي خطوه الا بعد تفكير وتدبير ذكي حيل والحين ساكت بمزاجه لانه ناوي على شي كبير مثل ما توقع عمه
و ماهتم ابد باميرة اللي طلعت بيت اهلها من ثاني يوم العيد ينتضر منها مكالمه اذا تبي الطلاق طلق واذا تبي ترجع رجعها !!


______________________________


رواية ريح المطر (للكاتبة شغف )

ادعو لوالدي برحمة والمغفرة..


-/التاسع والعشرون/-

يوم الجمعة كانت ام صالح وبناتها مجتمعات كل عادة

قامت شذى تصب الشاي وتكلم بتسال/من يبي شاي قبل اجلس ترا ماراح اوقف مره ثانيه وصب
صبا تضحك وترد بمرح/ليش ان شاءالله لايكون بتكسرين وماعاد توقفين !!
شذى تنفث على نفسها بتسميه/بسم الله علي الرحمان الرحيم عدويني ان شاءالله
هدى تاشر لها بطلب/جيبي للي كاسه معك قبل تجلسين
وفاء وهي حاطه رجل على رجل وتكلم بصوتها المغرور كل عاده/انا ابي قهوه جيبي للي فنجال وقصي للي من الحلا
شذى طالعتها بحده /قالو لك انا صبابه قومي انتي قصي لك حلا وصبي لك قهوه
وفاء بامر /اول شي انا خالتك ولازم تحترميني وثاني شي انتي قلتي من يبي وقلت لك انا قبل تجلسين وماتقدرين توقفين من الكسل اللي فيك
شذى اللي كانت تسمع لها وهي تعطي خالتها هدى كاس الشاي وترد/انا قلت اللي يبي شاي ماقلت من يبي قهوه وحلا
(وجلست)
ام صالح تطالع بام مهند وتكلم بخفوت/ما كلمتي اميرة !
ام مهند تنهدت /والله يومه استحيت وش تبيني اقول لها ارجعي لصقر اللي ما يحترمك ولا يحترمنا
ام صالح برجاء عميق/يامك انصحيها يمكن الله يهديها قولي لها ارجعي وصقر حنا نتفاهم معه والله
يا جلستها بيت اهلها ماهي زينه لا بحقها ولا بحقنا
ام منهد ترد بنبرة مجبره /ابشري شوي اكلمها
ام صالح بمقاطعه حانيه/الحين كلميها عشان خاطري
ام منهد كانت تبادل النظرات هي وهدى بتردد لاكن ردت على امها بحترام /الحين اكلمها بس جوالي بشاحن شذى قومي جيبيه
شذى قامت واقفه /طيب
وفاء بتدخل مثقل /حاولي فيها يا مها ترجع قولي لاتخلين صقر لعقرب هذيك وامها العقرب الثانية
ام صالح ردت عليها بصرامه/انتي مالك دخل فاهمه وعيب عليك تقولين على مرت عمك وام زوجك عقرب عيب
هدى ترد بمسانده خاوية /يومه وفاء متضايقه من تصرف عمتها وملاك اخر مره لا تلومينها
ام منهد تكلم بذات المسانده لاخواتها/اي والله تصرفهم غلط بغلط المفروض تجي تقول لنا لو
بنتنا اخطت عليهم وحنا نحاسبها ماتروح لصقر وتشكي له
وفاء بقهر جازع/مازن منفعل منها حيل بينفجر يقول كيف جتها الجرائه وراحت لصقر وما سالت حتى عن اهلها
ام صالح ترد بحزم خافت /لو ماهي شايفه الضيم من اخوها ماراحت تحتمي بصقر بس ما حدها الا شين كايد
وفاء ترد على امها بغيظ/يعني انتي معها وعاجبك تصرفها الوقح!؟
قاطع كلامهم دخول شذى وتمد لامها الجوال وترد على وفاء/ماهي وقحه ملاك قويه وماترضى بالاهانه
و ماراحت لاحد غريب ولا راحت لخوالي الباقين
صقر محرم لها وماهو عيب لو شكت له من عمايل اخوها
وفاء وقفت غاضبه وردت بصوت عالي/انتي ضاحكه عليك ملاك ومشيتك وراها مثل البقره ولا قولي لنا كيف وصلت لصقر وشبت الفتنه بينا الا من غبائك
شذى جلست وردت عليها برود/والله انا مشيت مع الحق اجل تبيني اشوف صديقة عمري مظلومه ومقهوره و ماوقف معها!!
ام مهند بتدخل صارم /و توقفين معها ضد خالتك ان شاءالله تذابحو بينهم حنا وش دخلنا فيهم
ام صالح تقفل الموضوع بامر /بس مابي اسمع
ولا كلمه وانتي (تاشر على ام مهند )تعالي اتصلي على مرت اخوك العاصي خلي ترجع بيتها وتسد افواه الناس

ام مهند تمسك جوالها وتدق على اميرة شوي وجاها صوتها الهادي/هلا وغلا حي الله ام مهند
ام مهند بذات الهدو/الله يحيك ويبقيك اخبارك واخبار الاهل
اميرة /كلنا بخير وعافيه انتم اخباركم واخبار عمتي والبنات
ام منهد تطالع بامها وخواتها اللي يسمعون بصمت/كلهم بخير وعافيه وانا داقه عليك ابي اكلمك بموضوع مهم اذا انتي فاضية!!
اميرة /امري يا ام مهند وش الموضوع؟
ام منهد بحرج/والله مدري كيف ادخل فيه لاكن ياميرة انتي والله عزيزة علي وعلى امي وخواتي ماودنا با الفرقى واذا صقر اخطا عليك تراه اخطا علينا اكثر منك وانتي كنتي موجوده وشفني بعينك صقر هذا طبعه حار وما يتفاهم لاكن والله العظيم انه رحوم وحنون ماهو لانه اخوي اقول لك هالكلام هذا ولا ابي ابريه

اميرة بمقاطعه/يا ام مهند والله انه لو ذابحني اهون علي من الكلام اللي قاله لو بغفر له ماقدر واذا هو ماقال لكم سبب طلعتي من البيت انا بقول لكم ومتاكده انكم راح تعذروني
ام مهند بستغراب /لا والله ماقال لنا السبب قال طالعه زعلانه وطالبه الطلاق بس ماقال لنا ليش بضبط؟!
اميرة تنهدت/انا اقول لك اسمعي
حكت اميرة لام مهند كل الكلام اللي قاله صقر لها بملاك ولا نقصة ولا كلمه
وقفت ام مهند بصدمه والكل وقف معها بستغراب/هو قال لك كذا
اميرة ماقدرت تخفي شهقاتها اللي سمعتها ام منهد بسماعة الجوال/اي والله حتى يوم قلت له كان تبي
العرس اعرس وخذ اللي تبي بس ملاك لا قال للي ماتخلى عنها وانا عادي يتخلى عني تراه ي ام منهد ينتضر بس مني اشاره عشان يطلقني ويفتك مني
ام مهند ارجعت جالسه وحاولت تحكم اعصابها/يا اميرة كانك ب تحسبيني مقام اختك الكبيرة وب تسمعين نصيحتي ارجعي له ولا تفرطين بزوجك
وملاك بقت بنفسه وهي صغيرة ولاخذها صدقيني راح يطيب خاطره منها ومرده لك انتي لاتخلين الشيطان يدخل بينكم
اميرة ردت بالم حاد حاد/ام مهند والله انك مثل اختي ونصيحتك على راسي لاكن لو غير ملاك انا معك بقول نزوه وتعدي لاكن ملاك ينخاف منها جمالها مايخلي الواحد يفرط فيه انا وانا بنت سلبت للي عقلي من يوم العيد وكيف بصقر اللي حلم فيها وكيف لاصارت بين يديه والله يا مها والله ماراح يلتفت للي
ام مهند تنهدت بالم /والله مادري وش اقول لك الكلام اللي قاله كبير وصادم
ام صالح تاشر لها بتسال موتر /وش قايل لها علميني
ام منهد تاشر لامها تسكت وتكمل كلامها لاميرة/بس انتي فكري عدل قبل تتخذين اي قرار عشا ما تندمين بعدين !!
اميرة بثقه/انا قررت وانتهيت ومابي الا الطلاق ماقدر اتحمل واعيش معه وهو متزوج ملكة جمال بعد ماقدر اتحمل ماقدر
ام منهد تنهى الاتصال /خلاص اجل اخليك الحين ترتاحين واللي تبيته وتشوفينه هو الصح سويه واحنا ترا معك باللي تبين !
اميرة /ماتقصرون انتم ماجا منكم الا كل خير وسلمي على عمتي والبنات
ام منهد /يوصل
من سكرت الجوال الكل تكلم مع بغض بتسال/وش تقول
ام منهد حكت لهم كل شي سمعته من اميرة

وفاء تكلمت بغيرة منهاره /كيف كيف صقر قال الكلام هذا كله عن ملاك اكيد ساحرته هي ولا امها اكيد
شذى وقفت بغضب/ حدك يا وفا ملاك اصلا ماتبيه وهي وش دراها انه حبها من وهي ورع
ام منهد بحزم /انتي وش دخلك فيها تدافعين عنها
شذى ترد على امها بصوت وافي/يومه صديقتي وما ارضى احد يتكلم فيها
ام منهد توقف بوجها /صديقتك ماهي صديقتك ماتوقفين معها ضد خالاتك وبعدين قسم بالله يا شذى لو طلع الكلام اللي دار بينا لملاك ماراح ارحمك فاهمه
شذى راحت غرفتها بزعل
وام صالح بعد الصدمه تكلمت بنبرة حانيه مهزوزه /ياويلي على وليدي عاشق له ورع ماهي حوله صقر اللي لادخل مكان هزه هز و كلن يحلف باسمه تهز رجولته ورع ورع
هدى تقنعها بكلام غير مقنع /يايمه صقر من يومه صغير لاحط الشي براسه لازم ياخذه وهو حاط ملاك براسه لين ياخذها وتطيب نفسه منها
_________________________________

من سبوع مارجع للبيت بدري الا اليوم حاس انه متعب وده يرتاح من المشاريع وغيرها دخل ونادا بصوته الخشن الثقيل/ام عقاب احم
جاه صوتها الكبير الجدة صيته /تعال يافهد ماعندي احد
دخل وحب على راسها /مسيك بالخير
الجدة صيته /يمسيك بالنور
فهد اللي مازال واقف تكلم بتسال /شلونك اليوم
الجدة صيته تاشر على المكان القريب لها/انا بخير بس تعال اجلس ابيك
فهد جلس والجدة صيته كملت كلامها /فهد يامك انا كنت عند ام ماهر وتسال عن بنتها حيل تقول ليش ماتجي واللي مزعلها اكثر تقول طيب ليش مامعها جوال عشان اتطمن عليها
فهد انتفض بعنف/جوال لا !
الجدة صيته بتسال/طيب ليش كيف بتكلم امها
فهد وقف/جوالي موجود ومتى مابغت تكلمها ماراح اردها غير هالكلام ماعندي ولا اسمع بهذا الطاري ابد ابد
الجدة صيته بحسن نيه /طيب بعطيها جوالي تستخدمه
فهد تغيرت ملامح وسامته بتسال غاضب حاد /هي عمرها خذت جوالك ؟!
الجدة صيته ردت باستعجال مخيف/والله ماعمرها لمسته كانك تعرف الله غير لا تبلش المسكينه بشرك
فهد تنهد بصوت مسموع وكمل كلامه/كانك تخافين عليها صحيح جوالك لا تلمسه حتى المس
الجدة صيته بجزع/انت علامك عليها محرمها من كل شي حتى من ابوها لين مات والحين من امها خاف ربك يا فهد فيها
فهد يتجهه لباب /لاحد يتدخل بحياتي وبس
الجدة صيته تنهدت بقلة صبر /لاحول ولاقوة الا بالله


مهره كانت بالحمام طلعت متجهه لسرير وقفت مستغربه من فهد اللي كان جالس على السرير وينتظرها ومازال عليه ثوبه وشماغه اللي معطيته وسامه فوق وسامته
فهد شافها طالعه من الحمام وعليها قميص طويل ساتان بلون السماوي البحري وعلى صدرها ريش ابيض ناعم وشعرها البني الحرير مفتوح على كتوفها مثيره مثيره لابعد حد
فهد اشر لها بامر /تعالي
مهره تقدمت له بتوتر/هلا
فهد ياشر على المكان القريب له /تعالي اجلسي
مهره تقدمت وجلست وخلت بينها وبينه مسافه بسيطه
فهد تكلم بصوته الرجولي / تبين تكلمين امك !؟
مهره لفت له وتكلمت بتوتر غامض/لا مابي اكلمها ابي اشوفها!
فهد يرفع حاجبه وتكلم بخشونة /اتوقع سوالي كان واضح قلت لك تبين تكلمينها ماقلت لك تشوفينها
مهره وقفت وتكلم بغيظ/واليش اكلمها وانا وهي بنفس الديره وش اللي يردني ماشوفها !
فهد ثار ثوره من تصرفها وقف وسحبها مع يدها السليمه وتكلم بصوت ناري غاضب /كيف تجرئين وتقومين من وجهي وانا جالس اتكلم معك
مهره ارتعشت برعب/ والله ماقصدت ماعاد اعيدها والله
فهد يبعد منها وهو يستعيذ بالله من الشيطان الرجيم ويحاول يتماسك نفسه لا يذبحها وراح ياخذ له شاور على السريع يطفي النار اللي شاعله بجسده
مهره جلست بتاثر عميق مرعب /يومه كان بيذبحني
______________________________

بمكان ثاني ملاك دخلت غرفة امها وهي مقرره تكسر الحاجز اللي امها حطته وتبي تحاول تكلم معها /سلام
نهيل اللي كانت جالسه تقرا قران رفعت راسها
باشتياق لا لصاحبة الصوت لانها عرفت من تكون بس تصنعت البرود /وش تبين!؟
ملاك تقترب/يومه للحين زعلانه علي !
نهيل تسكر القران وتحطه على الطاوله وترد بعتاب /ليش واللي سويتيه مايزعل
ملاك تجلس قريبه لها وتكلم برجا عميق/يومه انا اخطيت و خذيت جزاي ماني قادر اتحمل صدك وصد ابوي والله ياسبوع مر علي كانه سنه
نهيل بنبرة حازمه /اجل تبينا نحب على راسك ونقول زين ماسويتي انك رحتي لرجال الغريب و تشكين له وكان ابوك وامك ميتين
ملاك بنبرة مخنوقه/يومه خلاص والله ماني قادره اتحمل اكثر من كذا اذبحوني بس لا تصدوني
نهيل انتفضت بخوف امومي/ بسم الله عليك لاتقولين كذا
ملاك ترتمي بحضنها وتمسك نفسها لا تبكي كل عاده /يومه انا خايفه خايفه
نهيل تمسح على شعرها بحنان/وش منه خايفه
ملاك ترفع راسها اللي مازال بحضن امها وترد/خايفه ابوي يزوجني صقر و يرخصني
نهيل تكلم بجدية/ياملاك انتي ليش مانتي مستوعبه انك نصيب صقر و اذا ما خذتيه الحين بتاخذينه بعدين
ملاك برجا/بس انا مابيه مابيه يومه يخوف طويل عريض صوته خشن ماقدر مابيه
نهيل بتسال/وش قالك يوم شفتيه ؟!
ملاك توترت /ماذكر شي
نهيل بنغزى/تذكرتي شكله ولا تذكرتي كلامه
ملاك تعدل جالسه وتطالع امها /شكله هو اللي خلاني انسى كل الكلام اللي دار بينا
نهيل بذات النغزى/لهدرجه اعجبك !؟
ملاك تنتفض بخجل/يومه انا ماقلت اعجبني انا قلت خوفني
نهيل تبتسم/المشكله اني خابرته ما يخوف الا يهبل ولا انا غلطانه(وتغمز بعينها لملاك )
ملاك حمر وجهها وقامت لغرفتها بصمت
_______________________________

تو خلص استلامه بالمستشفى ودخل البيت وعليه البالطو الابيض نادا للخدامه /ميري
ميري تجي /نعم
صقر بتسال /وين ماما كبير
ميري /ماما نوم
صقر يحك ذقنه / طيب وشذى وين؟!
ميري تاشر على غرفة صبا/شذى عند صبا
صقر اتجه لهم طق الباب جاه صوت صبا /مين
صقر بصوته الواثق المغرور /انا صقر
صبا انتفضت وطالعت بشذى /وش يبي او مره بجي غرفتي
شذى ترفع كتوفها /مدري روحي افتحي له لايكسر الباب
صبا برعب /لا روحي انتي افتحي له
قاطعهم صوته القاسي /صبا وصمخ
تقدمت شذى وفتحت الباب/هلا خالي امر
صقر يدف الباب بعنف ويدخل وعيونه على صبا ويتكلم بعنف اعمق/ليش ماتفتحين الباب وش تخبين !
صبا توقف بتوتر /والله ما خبيت شي كنت اقول لشذى تفتح لك وهي قامت وفتحت
صقر ياشر لها تطلع /خلاص اذلفي
صبا ب فهاوه /هاه وين اذلف
صقر بحزم /اذلفي برا بكلم شذى
صبا طلعت بسرعه وشذى كتمت ضحتها وتكلمت بهدو/امر خالي صقر
صقر يجلس على السرير ويسال بنبرة غامضه /شلون ملاك ؟!
شذى تجلس وهي تضحك/اي قول انك جاي تسال على ملاك مو علي
صقر ابتسم /انتي شايف خشتك 24 ساعه مايحتاج اسال عنك
شذى تضحك /اقل شي اسال مجامله سو نفسك مهتم فيني
صقر تنهد بعمق/لاتضيعين علي وقتي جاي من الدوام تعبان
شذى ترد عليه بحترام/ملاك طيبه معن امها وابوها زعلانين عليها وما يكلمونها
صقر رفع حاجبه بستغراب /ليش زعلانين عليها؟!
شذى ترفع كتوفها /عشانها جتك تشكي من مازن
صقر بستغراب اعمق/عمي درا ومن اللي قال له؟!
شذى بالم /مازن قال له واتهمها انها جايه تنصب عندك وامها قالت لو يبي يتزوجها خلي ياخذها ويفكنا منها
صقر ابتسم بصدمه/يفتكون من ملاك والله ناس غريبه احد عنده كل هالحلاوه يصبح ويمسي عليها ويبون يفتكون منها
شذى تضحك/احم ترا انا موجوده
صقر لف لها وسال بتوجس /طيب وهي وش قالت فيني قولي للي الصدق ولا تكذبين على خالك
شذى تبتسم /اخاف اقول لك تقوم تكسر وجهي
صقر بستغراب/فيها تكسير وجهه ليش وش قايله
ام لسان ؟!
شذى تضحك/حرام عليكم كلن يناديها بام لسان
صقر يبتسم /ماحد ظلمها هذا الصدق المهم تكلمي وش قالت
شذى بخفوت/تقول من شافتك اخترعت
صقر بصدمه/اخترعت ليش؟!
شذى تبتسم/لانك طويل وعريض وجريئ بعد
صقر ابتسم بخبث/ اعجبتها ولالا !
شذى تبتسم بحرج/هي ماقالت بس واضح انها معجبه صديقتي وعرفها ولا شكلها خاقه بعد
صقر وقف وانفجر ضحك/ههههههه اجل خاقه هاه
شذى تبتسم/اي
صقر يتجاوز شذى متجهه لباب وقف فجئه وكانه تذكر شي لف لها وتكلم بنبرته الخاصه/قولي لها يقول لك صقر ياويلك لو عرف انك لابسه مثل لبسك هذاك اليوم عند احد حتى عند الحريم فاهمه
شذى تهز راسها بستغراب /فاهمه
________________________________

جالسه على الكنب بتردد تروح تنام عنده على السرير وخايفه لاراحت له يقترب لها ولا تنام على الكنب بعد خايفه تنام على الكنب ويصحى ويكسر يدها الثانيه واخير قررت تروح تنام على سريرها مشت على اصابع رجولها دخلت الفراش بهدو و تغطت تنهدت براحه انه ماحس فيها
شوي الا شافته يلف لجهتها ويقترب لها ويناديها بصوته الجامد /مهره تعالي بحضني
مهره طالعت فيه برعب /تعبانه وبنام
فهد يقترب لها و يحضنها ويتكلم بهمس رجولي/تبين بكرا اوديك لامك
مهره طالعت فيها بعيون لامعه /صدق بتوديني لها؟!
فهد حضنها اكثر ورفع راسه يطالع بوجهها /اي بوديك لها وش اللي تبينه بعد
مهره تبتسم بين دموعها/بس ابي اشوف امي بس
فهد يمسح خدها بحنيه /بخصص لك يوم بالاسبوع تروحين لها من العصر لين اليل واجي اخذك زين كذا
مهره باست خده بدون شعور /اي زين زين
فهد تصلب جسده حتى شعر انه عاجز عن التنفس
ومهره تكلم برئة /ومتى يكون اليوم اللي بروح لامي فيه
فهد ماقدر يرد ماقدر ثبتها بعنف وحط شفايفه على شفايفها
مهره اجمدت مصدومه من حركته و انقلاباته السريعه
شوي وفهد يبتعد منها وهمس لها من قريب حيل/انتي تختارين اليوم اللي تبينه
مهره تطالع فيه برعب حاد/عادي بكيفك
فهد يمسح على شفايفها بهدو وصمت لثواني ثم تكلم بصوت رجولي مثير /مهره من زمان ما جبرتك على شي مخليك لين ترتاحين والحين جاء دورك انتي تريحيني
مهره همست له بتوتر خافت/بس انا (وسكتت)
فهد يرفع حاجبه بستغراب/انتي وشو تكلمي لاتخافين
مهره بذات الهمس المتوتر/علي الدوره
فهد دفعها من حضنه بشده ورمى فراشه وقفز من السرير واقف بدون مايحس بنفسه وحاس انه بينفجر بينفجر من الغضب كيف يكذبون عليه ويقولون حامل كيف تكلم بصرامه حاده /عليك الدورة صدق ولا كذبه جديده عشان تبعديني
مهره لمت فراشها لصدرها وبكت /والله ماكذبت والله
فهد صرخ فيها/اجل كيف تقولون للي حامل كيف
مهره ترجف /انا ماقلت والله ماقلت جدتي صيته هي اللي قالت شافت الدوره تاخرت علي كم يقوم وشكت اني حامل
فهد حط يديه على خاصرتيه ورفع راسه لفوق ثواني ثم دخل بالفراش وعطى مهره ظهره اللي ماينسمع الا نحيبها العالي
مهره تبكي بشده وخوف كان بيذبحها ولا يكسر يدها الثانيه هاذي اللي صارت عقدتها بالحياه الذبح ولا كسر اليد
فهد ماتحمل صوت بكاها و ارتعاش الفراش من ارتعاشها لف لها ومهره انكمشت على نفسها بخوف /والله راح اسكت والله
فهد سحبها وحضنها بقووووو وهمس باذنها الصغيره/اذا بتبكين ابكي على صدري
مهره زاد بكاها وفهد زاد حضنها
_________________________

بالله كمليها مرة الرواية حلو وخسارة توقف