السلام عليكم ورحمة الله و بركاته

مرحبا الساع ابو عيون سود وساع
حيالله أهل دار الظبي

عدنا و العود أحمد
و يا زين الرمسه الإماراتيه




هزاع و مديه و سعاد

هيد هيد يا هزاع دخلت من جميع الجهات على مديه باعصار
و البنت بروحها ناضيه و ماسكه نفسها بالقوه
و انت فجرت الوضع و اتوقع هالشي بداية لوضع يديد لمديه بخريطة حياة هزاع،
بس متى هالحب ؟
اما سعاد فأنت أصلا داخله عليها و ماكو ضمان ان الوضع ما يتغير
قبلتي بهالزواج و انت تتحملين النتيجه و ان كان يحبج
فالريال دام تزوج فممكن جداً الاعدادات تتغير لقلبه
و حمدي ربج صار سنين و هي مخليتج بقلبه لو وحده غيرها جان خذت وضعها الطبيعي ،
اما مديه فهل كان حبج لهزاع من قبل بس عينه على غيرج؟ و يوم خذيتيه كبريائج منعج من تاخذين وضعج الطبيعي بما انج تدرين بحبه لغيرج؟

االله يستر من انفجار سعاد بتقبل ولا تهد الدنيا و الدين و تطلب الطلاق؟ و تحذف عيالها بما انها اصلا مو تعبانه فيهم؟



ربيع و روزه

ربيع وراه بلوى و احس يدري بموضوع سهيل يا انه يعرف شي يبرئ سهيل او عارف انه برئ، او متسبب على سهيل بشي ضره، هالولد مو مريح و شكله راح ينفصل لان روزه هالمره ماراح تسكت عن وضعها لانها شافت ان ما ورى هالربيع صلاح



محمد
منو بضر روزه و هل اهي المقصوده ولا غيرها المقصود و فيها يضرونه؟
و الظاهر ابوه وراه سر محد يعرفه
بس هل فعلاً صياح ما كان راح يسمح له يلعب مع عياله ولا هالشي من تأليف أبوه؟
اعتقد ممكن جداً تتخالف حياته مع حياة روزه



حرابه و غابش
و ما ادراك ما حرابه
كل شخصيتها الظاهريه واضح جداً من تأثير الي مرت عليه بفقد سهيل
و يمكن الي شافته ذيك الليله
و حتى اختيارها للوظيفه كان مقصود رغم اني ما أأيد هالنوع من الوظيفه للبنت
بس الوعد مع خبال غابش و تخطيطه العجيب الغريب و بصراحه ذكي
و فطين الي قدر بمقابله وحده يكتشف شلون يدخل عليها
فالله يستر من كشف الخديعه و من رد فعلها بس عاد وقتها هل بتكون عالحدود ولا ضاعت ببراري غابش ، خوش اسم عجبني غابش و متناسب مع حرابه

و أنا أقرى تذكرت الطيار مريم عساها عالقوة سببت رعب بعاصفة الحزم

حبيت قوة حرابه يوم غسلت شراع الحريم الي غلطوا بخوالها
شوتهم بهدوء و صلختهم و قطعتهم



بو غابش عبدالرحمن
مشكله لمى يكون تأثير التربيه سلبي و ينتقل حتى للأبناء
و هالشي يأثر عالنفسيه و بعضهم يكون تأثيره عليه سلبي و سيء جدا جدا
ان شالله استرجاعه لعلاقته لأخته تكون بدايه للتغيير
و تجميع لروابط الأخوة الي دمرها الأبو قبل لا تبدي
و طبعاً غلطة عائشه ما تبرر فعلته ببنته عفرا



منصور
شدخله بساره و ليش الظرف وصل له؟
الموضوع في انه مو خالي



جواهر و ديدريك
شالرابط الي بينهم غير الشغل؟
يحبها ممكن و ممكن في رابط نسب او رضاعه
واضح ان العلاقه قويه خاصه بحب عياله لها



سهيل

يا وجع فؤاد نورة
يا فقد حرابة
يا قاصمة الظهر
و موت الروح
لم يكتفوا بموتك
بل أشعلوا النار
بجثمانك
فأي شرع هذا؟
و من أي شيطان تلقنوا عنه؟

وسسسسسسسسعوا الملعب الشيخة باتمانه أتت لكم من حيث لا تعلمون ..
ادرييي والله أني تو أعلق ومتأخرة وااااااااااجد ..
لكن قريت البارتين وسكرت الصفحة رااااااااسي غدا وشهو كبره
محترتن حرتن ما يطفيها المحيط الأطلسي👀 >هواله !
الوكاد تبين يا لولوة تعليقن يبط تسبد الي في بالي ؟
طبعا انا بكتب على ترتيبي أنا مو ترتيبك انتي ..


بسسسسسسسم الله
ربيع .. يا جعل كل سنينه خريف ، صدق ظني يا لولو يوم قلت
إنه ما له يد في سالفة سهيل هو فعلًا يكرهه لكن كره طفولي فقط .
والي أكد لي حدسي تأثره الشديد والواضح من طاري نوره ربي يعوضها
لكن هذا ما يلغي شكي فيه إنه كان أداة من حيث لا يعلم في مشكلة
سهيل .. والي زاد ظني كلمة نورة يوم دخلت عليهم وأول ما وجهت
كلامها كان له هو " يا أخوه و عضيده " اتوقع والله العالم إنه
فسوا شيء بسيط زاد الطين بله .. يا إنه فتّن أو شهد زور ..
وهالأمرين يقدر عليهم طفل وهو ما يعرف شنو صاير ..
.
نجي لربيع و روزه ..
أم ربيع قالت لنفسها إنه باين عليه اشتياقه لروزه !!
هل فعلًا هو يكن شيء ما لزوجته ؟
أم هو شعور تملك فقط ؟
أتوقع والله والعالم إنه ربيع فعلًا يحب روزه
وهذا هو سبب كرهه لسهيل لأنه هو أيضا يحب روزه
والكل كان عارف إنه سهيل يحب روزه بما فيهم أميد ربيع
صح ولا لا؟
.
.
انزين روزه و محمد ؟؟؟
محمد وطلع تابع لسلك العسكري .. وعنده مهمة والمهمة هذي تبي تخرب
والسبه روزه >>كلام محمد في البارت)) هذا يدل إنه محمد
عارف روزه من زمان ومحد أمره يحمي روزه .. هو من نفسه قرر يحمها
اتوقع إذا محمد ماله علاقة ابدًا بروزه او ربيع وما فيه اعداء من الأساس
هو موظف وراح لمهمة غير تماما .. وشاف روزه وعرفها وقال خلني اصير البطل الهمام
والله يستر من هالبطولة بس ..
.
.
.
غابششش ..
معقوله رجل معتد بذلته وشخصيته قوية مثله ، يخلي نفسه معتوه
عشان ( زوااااج ) من بنت !
أممممممم ما تشوفون إنها واسعه شويه ؟
حدسي يقول لي إنه ورا موافقة غابش لعرض أبيه بزواجه من حرابه
أحد ما ومن يا ترررررى هالأحد ؟👀
يمكن صديق قريب أو بعيد 😉
.
.
منصور 🧐 (( صدقا للحين مو قادره اجمع حوله شيء ))
.
مديه .. هزاع .. مروان ..
مروان كان يضرب مديه طيب ليششش؟
هل كان مريض نفسي !
لكن مريض و دكتور جامعة احس ما تركب ولا لا؟
أممم مديه مسويه شيء ؟
لا بعد لأنها تربية ريسه ولا ؟
كان مروان يسكر و مدمن ؟
يمكن ليش لا
انزين ليش ما تطلقت منه على طول ؟
ليش طولت !
واحد كان يضربها ليش تسكت ؟
واتوقع انها كانت حامل مات عشان كذا مسميه نفسها ام المسك
بس سبب الطلاق .. مجهول للحين
.
هزاع كأي رجل شرقي يغار من طليق زوجته شيء طبيعي هذا
فما عندي عليه تعليق ..
.
.
سعاد 🤨 وجه بن فهرة كيفه يحلم ولا ما يحلم زوجته يا لله مناك بس


وبسسسس والله سامحيني لولوة على التأخير 💎✋🏻

السلام عليكم
يا مساء الخير بعد قراءتي لأجمل ثلاث فصول << تفاجئت لولوه منزله فصلين ☺ بس استانست واجد لأني طماعه ولو أحصل عشر فصول بقرئها في يوم واحد..

نبدأ مع غابش ، اوووه اوووه ناوي له على نيه الولد!
يبي يسوي مجنون هههههههههههه ياويلها حرابه غابش ناوي يجيب راسها وهو مجنون هالبنت مايمشي معها الطرق المستقيمه ههههههههه،
بس ليش عاد اختار الجنون ؟؟ يعني لو سوى نفسه معاق والا اعمى كان اهون ، بس مجنون عااد !!!!!
عاد حرابه غلبها قلبها الحنين ورحمت ولد خالتها المسكين اللي يضحكون عليه الناس، كيف عرف غابش انها ماراح تقبل هالشيء وبتلين ؟؟؟؟
أكيييد أكيييد الموضوع له علاقه بسهيل ، اكيد هو يعرف هالشيء عن حرابه ، يعرف انها بتدافع عن ولد خالتها وتساعده حتى يرجع له عقله وماترضى عليه كلام الناس ، يمكن هذا اتفاق بين غابش وسهيل .. طبعاً هذا التوقع جاء بعد إصراري ان غابش على علاقه بسهيل ..

بس فيه اشياء مو منطقيه ...
لو غابش على علاقه بسهيل كيف مايعرف حرابه؟؟؟ كيف مايعرف شيء عن شخصيتها ؟؟؟ مو معقول سهيل مايتكلم عنها وهي اخته الوحيده !!
وشي ثاني بعد ؟؟ وش السبب اللي بيخلي غابش حريص على برنامج منصور ويبي يشتغل معه !!

واضح يالولو اننا تايهين وننتظر تتوضح الامور اكثر ..

نجي اللحين للكناري الحلوين مديه وهزاع... ياقلبي عليك ياهزاع انت مستوي وخالص ، بس مديه ليه تكتم مشاعرها ليه هالخوف فيها ؟؟ وش مسوي فيها اللي اسمه مروان لدرجة يرعبها هالرعب كله ؟؟ وزياده على كذا بعد يبي يرجعها وكأنه ندمان ع اللي سواه فيها قبل ؟؟
بس اكيد هزاع ماراح يسكت له وبيأدبه احسن تأديب، والاهم من كذا مديه لازم تتخلص من خوفها منه والرعب اللي مسببه لها ، وبكذل بتقدر تتخلص من خوفها من كل الرجال اللي محيطين فيها ، مع اني لاحظت هالخوف ماصاحبها مع منصور !! مع انك ذكرتي يالولو انها حتى من لمسة ابوها تخاف ؟؟ طبعاً ردت فعل هزاع كانت صدمه لها والله يهديك يالولوه لو ماقفلتي المشهد وخليتينا نقرا ردت فعلها هي ☹ بس يالله البارت الجاي نطالب بتواجدهم في اول مشهد ..

ديدريك هالرجل الغامض ، وعلاقة جواهر الغريبه معاه وعنده عيال بعد !!!! وضحتي بالمشهد انه مافهم كلمتها العربيه ؟؟ هل هو فعلاً مايفهم عربي والا يمثل عليها ؟؟؟
وعلى الطاري ماننسى جواهر ولقائها بحرابه ؟؟؟ غريبه صراحه الا مصره تقابلها ؟؟ ومن لقاء بسيط بينهم الا تبي تتعرف عليها ؟؟؟؟ استفهامات كثيره وانتظر التفسير في البارتات الجايه ..

روزه ومحمد والبنيه اللي ساعدوها .. كل شيء يدل على انه بيطيحون في ورطه لها اول مالها تالي وحتى لو كان محمد عسكري وجاي في مهمه ماراح يبررر تصرفه اللي سواه وهو يخطف الطفله ..
امممم جاء في بالي تساؤل ؟؟؟ وش اهمية حماية روزه لدرجة يرسلون معاها عسكري يراقبها ويحميها ؟؟؟؟

نجي اللحين لربيع ، مثل ماتوقعت ربيع كان له علاقه بموت سهيل والدليل تخصيص نوره بالدعاء عليه وحقدها عليه بالذات ..


منصور وساره ؟؟ والصورة اللي وصلته ؟؟ مين ارسلها وليه؟؟ وش علاقة منصور بساره من الاساس ؟؟ والطفل اللي كان معاها هل هو ابن منصور ؟؟


كل شخصيه بالروايه يلفها غموض .. يمكن كلهم عندهم اسرار وخفايا ،، وماوضح لي الا شخصيه وحده وهي حرابه ... اما البقيه فتوه مابان لنا من خفاياهم شيء ... اتمنى لولو تبدين تكشفين لنا هالاسرار لأن تعب مخي وانا افكر واربط ومايطلع معي شيء للاسف😔


مشكوره على البارتين الجمعه الماضيه ، وحنا طماعين كثير ونبي بارتين بعد الجمعه الجايه ،، او ياليت يكون البارت اطول 😍😍

وسلامتكم 😘