السلام عليكم ورحمة الله وبركاته

مساء الخير على نبض ومتابعينها

وكل عام وأنتم بخير جعله الله عام خير على الجميع

حلا اللي قاهرني أنها حلا وهي وين والإسم وين الصراحه إني مقهوره من بروق

ليه ماتركت الخبله حتى يشوفها باسل حتى يربيها مغروره ومدلعه وماعندها من العقل

مايذكر والا بروق تحذرها وتعلمها بحقيقة يوسف وهي راميه نفسها عليه صدق انها

فارغه الغبيه تظن يوسف بيعبرها اللي مثلها يوسف يحتقرهن ولا يلفتن أنتباهه وإن

اعطاهن وجه للتسليه وحتى يأخذ منهن اللي يبيه ويتركهن

لكن ما أظن يوسف بيعاملها مثل غيرها من اللي مرن عليه أولا لأنه تغير ويحاول يصلح حاله

ثانيه ما أظن بيغدر بطارق وجاسر اللي وقفوا معه وساعدوه حتى إن في راسه شيء بيدور

غيرها من اللي مايعرفهم

وثالثا يوسف محتقرها وماهي عاجبته بدلعها الماصخ

مدري ليه عندي إحساس إن بروق بتكلم يوسف بخصوص علاقته بحلا لأن بروق ماتعرف

حقيقة علاقته بحلا والخوف إن يوسف يظن إن بروق تغار منها ويترتب على ظنه هذا أشياء

والله عاد نفسي حلا تتزوج سياف ويربيها عدل ويخليها تترك الدلع الماسخ

باسل موقفه ودفاعه عن بروق قدام يوسف زاد غيرت يوسف لكن هو مايلام وقف يدافع عن قريبته

ربي يحقق له أمنيته لأنه رضي في أمه ويتزوج رهف

يوسف ماسمع كلام طارق ونصيحته لو حب ترجع بروق وركب راسه بغرور وجاه اللي يصحيه

من أبو بروق

طارق هذا مافيه شيء زين غير صحبته لأبو بروق وتعامله الزين مع يوسف لكن فاشل أسريا

لا في العنايه والأهتمام بزوجته ولا في تعامله مع أبنه اللي مايلقى منه كلمه طيبه والمثل يقول

لاكبر ابنك خاويه وفاشل في تربيته لحلا دلعها زياده عن اللزوم وكل شيء لازاد عن حده ينقلب

ضده

زوجته بتعمل عمليه وهو مافكر يروح يطمن عليها ويشوف يمكن تحتاج شيء أصلا زوجته غاسله

يدها منه بدليل اتصلت على باسل وما اتصلت عليه لأنها عارفه بيقول لها روحي مع باسل والا

يرسل لها باسل فأخذتها من قصيرها واتصلت على باسل


خزام أظن اللي دخل عنده يوسف ولو كان يوسف بيتناشب معه خزام معقوله يكون جده

اللي دخل عنده مدري وش مخبيه لنا نبض


كلامك نبض عن خزام مايطمن وش اللي بيهببه خزام وممكن يطيحه من عيون محبيه

شوفي عاد نبض أن كان خزام بطلي المفضل لكن من الآن أقول لك مزيد طل وغلب على

الكل يازين مزيد عقل وثقل

تسلم يمينك نبض على البارت الراااائع ولا خلا ولا عدم منك يارب

منظرين بقية الأحداث بفارغ الصبر

حيالله نجلاء منوره الروايه من زمان مااجتمعنا في روايه مع بعض