لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

المنتدى العام للقصص والروايات القصص والروايات


إضافة رد
نسخ الرابط
نسخ للمنتديات
 
LinkBack (1) أدوات الموضوع انواع عرض الموضوع
قديم 07-10-17, 03:46 PM   المشاركة رقم: 31
المعلومات
الكاتب:
اللقب:

البيانات
التسجيل: Oct 2013
العضوية: 260387
المشاركات: 54
الجنس أنثى
معدل التقييم: الاسطوريه الهلاليه عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
الاسطوريه الهلاليه غير متواجد حالياً
وسائل الإتصال:

كاتب الموضوع : الاسطوريه الهلاليه المنتدى : المنتدى العام للقصص والروايات
افتراضي رد: انا بطبعي الوفاء بس في الحب خوان

 

لمياء وخالد ماتو ضحكك ع تشبيه في بالعجوز
في أنقهرت منه لانه حاط حرته فيها طنشته و قامت المطبخ من ازعاجهه : اوووف كلهم ضدي انا دم ضروسي احد يصحيني من النوم طلعت جوالها من جيبها علشان تكلم مي ( هلا مي صاحيه ولا نايمه والله ي ويلك مني ان كنتي نايمه
مي جاري كتابه : وش عندك من صباح الله خير وانتي تهديد جالس اكيد ورانا روحه المزرعه تبغين انام انا أول وحده جالسه في بيتنا
في بملل: وش عندك مبسوطه كانك بتسافرين برا كله حصى ورمل أي بعد وش عنده عمي من صباح الله خير يبغانه نمشي والله فيني النوم
مي تبتسم : والله شكله ي في مقومينك من نومك علشان كذا متنرفزه المهم وسعي صدرك دام انا معكك راح نفلها أي بعد ابوي حاب يطلعنا ويوسع صدورنا وش فيها طلعت الصباح ي زينها زينه أي بعدأستئجر ملعب صابوني رووقي
في ابتسمت : فديتك ي مي علشانك بروق مادام فيها ملعب صابوني راح اتزحلق لين أقول بس وراح أشكر عمي بعد
مي : تعالي الحين انتي راح تجين معي في سيارة زين تكفين ابغى أكون معك علشان تصحصي عدل
في : لالا ماحزرتي انتي بتجين معي ولاتخافين ماراح تركبين لا مع ياسر ولاخالد مع باباتي ان شاءالله انا وانتي ولمياء و جيسي الهوبه
مي: هههههههههههههه خلاص تمام بس هااا في الرجعه ترجعين معي
في : خلاص طيب حلو أتفقنا بروح أقول لابوي بعد مانفطر بقول له
==================================
بيت أبو نواف / غرفة طعام يفطرون
ام نواف منزعجه ومتضايقة ماتبغى تروح للمزراعه اول شي انها ماتحبهم ولاتواطنهم بعيشته الله
ابونواف : ها نواف كل شي جاهز
نواف يشرب عصير طازج : أي يبه كل شي جاهز وحطيت الأغراض بسياره
ابونواف : الله يعطيك العافيه اللحين اخوانك وينهم صقر وحمد
نواف يحط له جبن مع زيتون في سندويش : الحين ينزل صقر وحمد بعده نايم عجزت معه
أبو نواف : روح قول له ابوي بيجيك الحين الابتشوفه بيقوم من الخوف
نواف ابتسم وحط سندويشه في صحن الي قدامه ونفض يده: ان شاءالله يبه... يبه بطلب منك طلب
ابونواف : وش .. نواف يضحك : اسجل صوتك وانت تصرخ ع حمد ويطامر من الفراش ع طوول ... طلع من صاله
ابونواف : مومشكله بس بشويش عليه لايوقف قلبه ههه
ام نواف : انت وش فيكك من صباح الله خير تبغى تودينا المزراعه خلي عيالي نايمين مانامو عدل ولابعد تبغى تروعه ماانت بصاحي
ابونواف مطنشها ولانها راعية مشاكل ولا له خلق يتهاوش وياها مروق حده وعطاها ذيك النظره خلها تنطم ...
==================================== فوق / في غرفة حمد
نواف دخل غرفة اخوه شاف المكيف مشغل توه مطفيه
راح طفه مرة ثانيه نواف يسوي حاله انه ابوه وراه : حمد قوم بسرعه ابوي ترا جاء
حمد يتمغط : خليني انام شوي
نواف : كيفك ترى ابوي الحين بيصعد فوق
حمد يتلحف لانه نواف سحب البطانيه : أقول رح قص ع هندي اعرف حركاتك انا
نواف ميت ضحك فاتح تسجيل الصوت ركبه ع السماعه علشان يطلع صوت قوي
صوت ابوه: حمد وجع ان شاءالله قام قامت قيامتك .. والله الحين امردغكك بالعصاء
ماتشوفون االاغبار حمد ودخل الحمام
نواف طلع من الغرفه وهو ميت ضحك خلاص مايقدريمسك نفسه ..وقال ل ابوه وش سواء مع حمد
ابونواف يضحك : اهم شي قلبه ماطار من محله اسمعو جهزو أنفسكم وخلصو فطروكم
نواف وهو مبتسم : الحمدلله هو بخير .... بصوت متفرقه :ان شاءالله
==============================================
بعد ساعه مشو كلهم متوجهين المزارعه ابونواف مر ع امه بعدين خلى مي تنزل عند عمها علشان تجي معهم ماقدر يرفض طلب لبنته
ترتيب سيارات في المقدمه أبو نواف معه ام عبدالرحمن الجده وخدامتها رحيمه جالسه قدام وراء ام نواف وحمد وراهم الخدامتين
السياره ثاني ابوياسر لمياء قدام وفي و مي والخدامه وراء
السياره الثالث صقر ونواف لانه السياره فيها العزبه كلها
سيارة الربع ياسر وخالد وام ياسر قدام جنب خالد وياسر وراء
المزرعه
المزرعه اول شي البوابه كبيره اول ما ندخل نمشي بعدها نلف يمين مجلس الرجال حمامات وانتو بكرامه وبجنبها خيمه شعبيه فيها غرف لشباب اذا بيغون ينامون
بعدها الفلة في وسط المزرعه بجانبها جلسة الارضيه اذا بغوا يجلسون برا فيها أشجار كثيره الري يسقي الأشجار
المسبح بعيد عن الفله... البركه داخل يعني مبانى البركه علشان الحريم والبنات ياخذون راحتهم ...... فيه كراسي حوالين المسبح وحمامات علشان يغيرون ملابسهم يسبحون ....في اسطبل للاحصنه فيها صاله كبيره لشباب تضم6 غرفة ع بعضها (ملعب كرة سله طاولة تنس شاشة كبير وبلاستيش 4 نت وكل وسائل الترفيه موجوده في هالصاله 3 لابتوبات .كتب القراءه )
فيه مرجيحه والمزرعه جمييله الي يشوفها ينبهر فيها كبيره بالحييل

وصلو المزرعه بعد ساعتين في الطريق يعني الحين الساعه 9:00
في ومي نزلوا من السياره يتسابقون من يوصل اول للمعلب الصابوني
نزل خالد مع ياسر راحوا يسلمون ع عيال عمهم
نواف يحب خشوم ياسر وخالد: ي هلا وسهلا بعيال عمي شلونك عساكم تمام
خالد يحب خشم صقر وحمد : الحمدلله تمام دامك طيب والله من زمان عنكم
ياسر يسلم ع صقر وحمد : انتم وش اخباركم عساكم تمام ان شاءالله
صقر : الحمدلله تمام ..... حمد : انا بخير دامكم بخير
راحو يسلمون ع جدتهم وع اعمامهم سلموا عليهم وسألوا عن الحال ولاحوال
الحريم انزلوا دخلوا داخل ولمياء معهم والخدامة ..... الجده ام عبدالرحمن معصبه من هبال في بتخبل مي معها: ي ابوياسر عقل بنتك هالمرجوجه
خالد يبتسم ويحب يستفز جدته سلم عليها ع راسها : اول شي شلونك ي جدتي ..وش فيك ي جده معصبه من فيونتي خليها توسع صدرها ولامنقهره منها لانها شباب وانتي عجوزبهمس وإذ في وحده مجنونه فهي بنت ولدك سلطان
ام عبدالرحمن رفعت العصاء تبغى تشحطه الا نحاش
: انا بخير قبل ل اشوف وجههك.. ي قليل الحياء خلني بس امسكك واعلمك كيف الشباب بس وبنتي لاتطريها ع لسانك سامع
خالد خايف جدته تفضحه تخورها بالكلام : خلاص جدتي توبه ماراح اعيدها
ام عبدالرحمن بخبث : أي معليه لا تعيدها والله اني مجهزه لك خبر يحبه قلبك اصبر علي بس
خالد (الله يستر منك يجده وراك سالفه)
ياسر ونواف و صقر وحمد يضحكون ع خالد و هواشه مع جدتهم
ابوياسر يهاوش خالد : ي خالد تأدب وانت تكلم جدتك سامع ... انتم ي عيال يلا شيلوا الاغراض ونادوا الخدامات يدخلونهم المطبخ
خالد : ان شاءالله يبه انا امزح معها بس ... ابوياسر عطه نظره يعني اسكت لا تجادلني
العيال بصوات متفرقه : ان شاءالله يبه ان شاءالله ي عمي
ام عبدالرحمن تقهر خالد : ماينفع معك الابوك ي خويلد
الشباب يضحكون ع خالد انه منقهر ماقدر يرد ع جدته لانه ابوه هاوشه
=============================== مي وفي
ماتوا ضحكك مي : خلاص ماقدر بموت من الضحكك تلقينهم يقولون وش فيهم ذول انهبلوا لا بعد احراج ونحن نركض قدامهم ههههههههههه تقولين ام مساعد
في جلست ع الأرض تعبت من الركض : اه اه ههههههههههه خلاص تعبت من الركض وضحكت الاتقولين كاننا زورو وهو يطير خليهم يولون عنك يقولون اللي يقولونه بس المهم بعيد الملعب وين مكانه بظبط
مي تتنفس : جنب المسبح
في: اهم شي ناخذ راحتنا ..... مي : ازهليها بس ماراح احد يجي صوبنا لانه الملعب لنا
في بابتسامه : فديت عمي ي ناس .... المهم العصر نجي نلعب زين اما الحين خلينا ندخل داخل ننام لازم نجلس واحنا شبعانين نوم
مي: معك حق ننام ب ألاول بعدين نجي نلعب ... ذكرتيني ع طاري النوم ... فاتك اليوم اخوي نواف طير قلب حمد
في مستغربه: ليه وش سوى في حمد
مي ميته ضحكك : تخيلي مسجل صوت ابوي علشان يروع حمد ما تشوفين الا غباره حمد قام يركض وراح دخل الحمام
في :ههههههههه اتخيل شكله يالله خلينا نروح داخل تصدقين الطريق طويل ع مانوصل الفله الله يعين
مي تضحكك : انتي كسوله ليه كذا توك تركضين كأنك حصان الحين صرتي كسلانه
في تبق عيونها: انا تشبهيني بالحيوانات تعالي ارويك كيف تقولين عني حصان
مي حطت رجولها راحت تركض وهي تضحكك في تلاحقها
خالد بس اللي انتبه لهم وباقي الشباب ينزلون الاغراض (وش فيهم ذولا انهبلوا الحمدلله والشكر بس ودي اروح للي اسمها مي اعطيها ذاك الطراق مادري ليه وده يتهاوش وياها طيب هذا في منهبله حلال عليها وحررام ع مي والله مادري بس ودي اتهاوش معها...... انت وش فيك ع مي احب اشوفها تبكي احب اشوفها منذله كذا والله انك شريريا خالد ... الله يستر جدتي وش ناويه عليه يا خوفي انها خطبت لي وانا مدري والله تسويها جدتي اكيد لانها تعبتت من كثر ماتحن فوق راسي الله يستر ما يطلع ظني في محله)
================================================== ===============

 
 

 

عرض البوم صور الاسطوريه الهلاليه   رد مع اقتباس
قديم 07-10-17, 03:47 PM   المشاركة رقم: 32
المعلومات
الكاتب:
اللقب:

البيانات
التسجيل: Oct 2013
العضوية: 260387
المشاركات: 54
الجنس أنثى
معدل التقييم: الاسطوريه الهلاليه عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
الاسطوريه الهلاليه غير متواجد حالياً
وسائل الإتصال:

كاتب الموضوع : الاسطوريه الهلاليه المنتدى : المنتدى العام للقصص والروايات
افتراضي رد: انا بطبعي الوفاء بس في الحب خوان

 

فهد 55 /8صباح

جلس يشكيك ع الشقة علشان يسلمها لراعي رتب شنطته وأوراقه خلص كل اموره باقي بس يريح شوي قبل موعد الطياره الساعه 12:30 لبس البجامة يعني ان شاءالله اكون في السعوديه بعد 6 ساعات ي الله اشتقت لسعوديه واجواء الخبر الحر و الغبره هههههههه والله اني مشششششششششتاق لجدتي بالحييل فديت قلبها يالله الحين اليووم جمعتنا حلو اشوفهم كلهم مناسب الوقت في رجعيتي اهم شي بلغت خالد بوصولي علشان يجي ياخذني من المطار
قطع عليه سرحانه اتصال من خويه سيف استغرب فهد وش فيه سيف متصل الحين اكيد صاير شي خلني ارد
اشوف الواتس اب مزعجني بالرسايل وش صاير ( فهد رد علي ابغى اكلمك في موضوع ضروي مايتحمل تأجييل ) للملعوميه سيف خوي فهد بالحييل بس فهد مايقول اسراره لأحد .. وشي ثاني ماعلمه بوصوله
فهد ببرود : هلا سيف امر وش عندك حرقت الواتس اب من الرسايل وجوالي من الاتصالات
سيف منقهر من بروده: دامك تشوف الرسايل والاتصالات ليش ماترد علي
فهد بدون اهتمام : ياخي انا موفاضي للجوال علشان اكلمك مارديت تعرف اني مشغول مو رايح برا العلب كل وقتي في دراستي
سيف : المهم ماعلينا الحين انا بكلمك في موضوع ارجووك تمسك اعصابك ماابغاك تعصب ( كيف امهد له الموضوع انا من ذاك اليوم وانا بنت خاله شغلت لي عقلي وقلبي وحبيتها وابغاها اذا هو مابغاها)
فهد ببرود العالم كله : اشغلتني وش الموضوع الي تبغى تقوله لي .....ولي ساعه اناديك وش سرحت فيه
سيف فاق من سرحانه ...وتوكل ع الله برتباك: فهد انا الحمدلله توظفت وصرت أستاذ بالجامعه بس باقي اكمل نص ديني.... فهد لاحظ الارتباك في صوته
فهد بسخريه : طيب وش اسوي لك انا ... جاي تحكي قصة حياتك لي شايفني خطابه روح قول لأهلك يخطبون لك
سيف خليني اخطبها واملك عليها دامه مسافر هو قال مايبغاها يرمي القنبلة متجاهل سخريه فهد: انا ابغى اخطب من عندكك
فهد ستغراب : كيف ؟؟؟.. مافهمت عليك انا ماعندي اخوات
سيف بشكل سريع تكلم : انا ابغى بنت خالك عبدالرحمن
فهد بأعصاب بارده وبذكاء: أي وحده فيهم
سيف يرمي قنبلة : ألي انت خاطبها



كـــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــت

هم شي تعليقاتكم تشجعني اعطوني توقعاتكم
وش راح يكون ردت فعل فهد؟ تجهزوا لملكة سعاد وعامر ؟
أتقبل الرأي الناقد والحاقد ...الناقد يصحح مساري الحاقد يزيد إصراري
ما احلل ولا اسامح اللي ينقل الرواية بدون ذكر اسمي هايدي فتاة صحراء
سبحانك اللهم وبحمدك، أشهد أن لا إله إلا أنت، أستغفرك وأتوب إليك، لا إله إلا الله وحدهُ لا شريك له، لهُ الملك وله الحمد وهو على كل شيء قدير..



 
 

 

عرض البوم صور الاسطوريه الهلاليه   رد مع اقتباس
قديم 07-10-17, 03:49 PM   المشاركة رقم: 33
المعلومات
الكاتب:
اللقب:

البيانات
التسجيل: Oct 2013
العضوية: 260387
المشاركات: 54
الجنس أنثى
معدل التقييم: الاسطوريه الهلاليه عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
الاسطوريه الهلاليه غير متواجد حالياً
وسائل الإتصال:

كاتب الموضوع : الاسطوريه الهلاليه المنتدى : المنتدى العام للقصص والروايات
افتراضي رد: انا بطبعي الوفاء بس في الحب خوان

 

السلام عليكم كيفكم عساكم بخير ان شاءالله
فديتكم وكل الي قال استمري ردودكم حمستوني انزل لكم البارت ثاني حبايب قلبي انا من دونكم ماراح استمر الاا اذا شفت ردودكم أي الروايه لاتلهيكم عن الصلا و اشغالكم اللهم بلغت اللهم فشهد اللهم صل على محمد ال محمد لاتنسون دعاء اخر ساعه من يوم الجمعه
قراءه ممتعه لكم

*

*
*
البارت الثاني عشر



فهد حاول يمسك اعصابه : اسمعني ي سيف انا صح مرة تكلمت وقلت لك سالفتي مع بنت خالي مو معناته اني مرخصه لا والله هي غاليه بس حبيت افضفض فهد فاهم سيف عدل وحس انه حبها بس يسوي حاله غبي : أي ادري انه قلبك علي تبغى تخلصني من هالمعضله بس ماتقصر وصل حساسك وبنت خالي لي مو لغيري
سيف بضيقه: ادري انه لك بس مو من خطب من ملك لو انت مملك عليها يحق لك انك تقول هي لي بس هي مو لك
فهد بعصبيه : سيف لاتخلي مرة تفرق بينا واسمع حتى لو رحت تخطبها مارح يعطونك إياها ولاتخليني اتمنى تكون قدامي علشان اعطيك ذاك البوكس ع وجههك
سيف مابغى يخسر صديقه مع انه احب هالبنت : خلاص ي فهد معكك حق انا جالس اختبرك بس اذ فعلاً ماتبغاها قلت خليني اساعد خويي واخذها بداله مادام انه متوهق مع اهله
فهد ياخذ نفس طويل : مشكوور ماتقصر انا فعلا مابغاها قبل 4 سنوات هذا الكلام والحين تغيرت مشاعري ناحيتها المهم ادري فيك راعي فزعات لخويك
سيف (أي راعي فزاعات أي خربطه انا والله ابغاها بس خويي خطيبها مايصير اخسره علشانها) : حاظرين لطيبين انت بس تامر ....المهم اخليك ترتاح الحين
فهد بكسل وخمول : بحفظ الكريم
سيف سكر من فهد ...... فهد ادري ي سيف ودك فيها ماني بغبي بس هي خطيبتي انا والله حتى لو اكرهها تبقى من املاكي ... والله ي في خويي يبغاك خوش والله
مادرى عنك ان لسانك طويل يبغى لك تاديب على هالسان خليني بس اارجع وارويكك شغلك .... انا من ذاك اليوم وانا منقهر منها ..... بس خليني أوصل واعلمها كيف تكلمني قدام خويي
=============================
سعاد
مادري وش اسوي باقي اسبوع احس اني بموت بنقهر
تبكي حتى انه اخوي عمر جاء ولافرحت بجيته تحس حالها مخنوقه يالله ييسر اموري لا بعد حنان كل شوي متصله وراسله لي انا ماني فاضيه لها ياربي ..... أي ليش مكلم هالمهبول علشان يهون مافيه ملكة .......
سعاد مسكت جووالها بتتصل ع عامر
عامر جالس في غرفة يقراء سورة الكهف انتبه انه جواله يتصل وخذه و ناظر الشاشه وشاف يتصل بك سعاد رفع السماعه بسرعه ابتسم فرحان بتصالها مشتاق يسمع صوتها : وهلا وغلا وش الشي الي خلاك تفكيرين تتصلين علي هذا يوم سعدي
سعاد فيها البكيه : لا هلا ولا مسهلا اسمع ابغاك تسحب ع الملكه انا مابغاك فاهم ي اخي
عامر جرحت كرامته بحده: كم مرة قلت لك اذا ماتبغين انا بعد مابغاك اسمعي زين انا اذا بغيت شي اسويه سامعه يستفزها اكثر... أي جاهزي نفسك عدل يوم الملكه علشان تطلعين احلى واحده مع اني اشكك انك تكونين حلوه نمشي الحال فيك(يدري انها جميله بس يجرحها مثل ماتجرحه)
سعاد تبكي بحرقه انهارت بكلامه يعني زواج منها يتسلى فيني: انت وش نوعك أقول لك ما ابيك تقولي جهزي نفسك تخسى الا انت انا اكرهكك ماتفهم
هالمرة عامر ماقدر يستحمل كلامها كافي انها جالسه تهينه بكلامها سكر الجوال في وجهها
سعاد اخذت الجوال وحذفته على الجداروتكسر قطعه قطعه رمت حالها ع السرير و تبكي
===========================
في ومي
دخلو الفله شافو جدتهم قاعده قبالها الشاي والقهوه والرطب و الراديو حطته ع إذاعة القران
ام عبدالرحمن جالسه ع الارض انتبهت لهم :تعالو ي المهابيل وين ع الله تهجون صح لا بعد ماسلمتو علي .. انتي بذات ي في يبغى لك هالعصاء علشان تمردغين فيها
في بطفش راحت تسلم ع جدتها بس جدتها ارفعت العصاء الا هي منحاشه : وش فيك ي جده رحت اشوف الملعب الصابوني علشان اذا جلست العب فيه
مي باسف : اسفه جدتي سامحينى هالمره
ام عبدالرحمن : وش اسامحكم علي ها تركضون قدام عيال عمكم وش بيقولون عنكم كانكم حميرا
في حاطه يدها ع خصرها وتهز : لالالالا عاد كلش ليش تشبهيني بالحمير ترى كافي بنت ولدك تقول عني حصان مادري كسلان الحين انتي تقولين حمير خليهم يولون زين يقولون الي يقولونه
ام عبدالرحمن ترفع العصا في وجهه في : في بتنطمين ولا شلون؟ وانتِ ي مي لاتسمعين كلامها تراها بتضيعك معاها اذا احد نوى يخطبك بيهون ي مي
مي مستغربه من كلام جدتها: طز فيه مومهم اتزوج علشان اكون مثاليها انا شخصيتي كذا وفي ماتخربني ولاشي
في بضيقه : انا ي جدتي تقولين عني كذا الله يسامحك بس بدون اهتمام :بروح انام سلام
ام عبدالرحمن تهز راسها من هالبنت الله يعين فهد عليها : وش تنامين باقي ع صلاة الجمعه ساعه تعالي
في طنشت جدتها راح تصعد جناحهم في هالمزراعه
مي تقعد عند جدتها: تكفين جدتي خلاص لاتعصبين علينا
ام عبدالرحمن قامت وهي ماسكه عصاتها: بروح اصلي الضحى ابرك لي منكم انتي دواك عندي وانتي وفي.
مي قامت بضيقة ان جدتها زعلانه منهم صعدت فوق عند في
=============================
نادر
جالس سرحان وهو يمشي في غرفته ماسك كوب الشاي يشرب رشفه من هي الي كانت مع ناصر والله احسها اشغلت عقلي كلا افكر فيها ... ياربي عيونها عذاب يالبه عيونها لو حطت كحل كان صارت تجنن اكثر استغفرالله يارب مادري وش اسوي هي خذت قلبي وعقلي لازم اعرف وش تقرب لناصر ... اذا طلعت مو زوجته حلو وبخبث نبداء الانتقام ..... بسحب الكلام من اختي جواهر أي والله هي الي بتقول كلشي بدون ماتنتبه راح حط كوب الشاي فوق الطاوله طلع يركض لغرفة اخته نادر طق الباب : جواهر انتي في الغرفة
جواهر تسكر دولابها لانها جالسه تطلع لها ملابس علشان تأخذ شاور تلبس احسن الثياب لصلاة الجمعه

: تعال نادر انا هنا ... دخل نادرر: وش جالسه تسوين
جواهر تجلس ع كرسي المكتب تدور فيه : جالسه اجهز لصلاة الجمعه وانت ماجهزت
نادر جلس بكنبه الي جنب سريرها : لا جهزت الحين بروح اسبح بعيارة ..تصدقين اشتقت لك
جواهر: أي قص علي بهالحكي المهم وش عندك اخلص عندك كلام
نادر : تعجبيني الاماتفهمين ع الطاير ... تصدقين قبل يومين من كان عندي في المستشفى
جواهر بسخريه : من كان عندك وش دريني انا
نادر: ادري انك ماتدرين بس انا جاي اقولك كان عندي طليق اختي ناصر ومعه بنت صغيرة و معها زوجته يناديها اسمها رحييل
جواهربغباء : اول شي وش يسوي عندك في المستشفى ثاني شي ي الغبي هذي مو زوجته هذي اخته
نادر الحمدلله وصلت الي ابغاه طلعت اخته :أي وش دريني انا انه اخته المهم جاي يعالج البنت الصغيره بعدين نعم تقولين لي غبي مالغبيه الا انتي
جواهر تقوم : أقول برا والله انك فاضي جاء تقولي هالسالفه صدق ماعندك سالفة طس منك ي الله جواهر تدف اخوها بار الغرفه ... نادر : هين ي جواهر راح تجين بعدين سكرت الباب في وجهه اخوها
نادر بضحكة شرير واخيراا عرفتكك ي رحيل الحين بس باقي خطوه وحده و نلعبها صح... خليني اروح اخذ لي شاور
=============================
في المزراعه أي نسيت أقول انه في المزرعه مسجد بعد صلاة الجمعه جلسو الرجاجيل في المجلس يتقهوون والتلفزيون حاطينه ع القناة الأولى مكه مباشر و شريم يخطب عن " العمل التطوُّعيُّ وآثارُه في المُجتمع"
أبو نواف : صقر روح شوفهم جهزو الغداء ترى ميتن جوع
صقر يقوم : ان شاءالله يبه الحين اروح .... طلع من المجلس متوجه الى الفله ... ينادي برا الباب الخلفي للمطبخ : يمه مي خدامتهم : ميري
خدامه ميري جات تركض : يس بابا شنو يبغى ؟
صقر : من هو هنا موجود
ميري :هز ماما مال انت وهز مي اخو انت
صقر : بس مافي احد ثاني
ميري : لا بابا ...صقر دخل شاف امه تجهز الاكل : اها يمه كل شي جاهز ... مي شكله فيك النوم ليش مو نايمه ؟؟
ام نواف : أي تقريبا تعال خذ السفره و المالحه والشطه واليمون والرطب شوفهم ... هناك ميري عطيه إياه
مي : انا ماجاني النووم ... مع اني مرهقهه تتمغط وهي جالسه ع كرسي طاولة طعام
ام نوواف بسخريه : هذا من هبالك جالسه تطامرين انتي والي اسمها في تراني ماسكه اعصابي بس خليني ارجع البيت وارويك شغلك المفروض ماتماشينها تبغاك تصيرين مهبوله زيها أقول قومي اشتغلي بدال جلستك كذا
صقر تحسف انه سال مي (الله يهديك يمه وش فيها اذا استانسو ماسووا شي هم ) : يمه خلاص هدي حالك مالادعي تعصبين
مي فيها البكيه : زين يمه بقوم الحين ( والله لو تدري في انك تتكلمين عنها كذا ماراح تمشي معي ابدا)
ميري : طيب ماما ... تمد لصقر الصحن
صقر : بس يمه ولا باقي
ام نواف : لا باقي انت رح بخلي الخدامات يجونك هناك ي الله اطلع قبل لاتجي مرت عمك ووبناتها
صقر : ان شاءالله يمه بروح اوديهم خلي الخدامات يجيبون الباقي
=============================
في بيت أبو جاسر
في غرفة الطعام جالسين يتغدون جاسر معهم من زمان ماجلس معهم أبو جاسر بحده :اسمع ي جاسر ي انك تحترم هالبيت وسمعته ي انك تتطلع من البيت ماشوف رقعت وجههك
جاسر بضيقة : بس يبة انا ماسويت شي .....
ابوجاسر بحده: كافي انك مشوه سمعتنا الي يسوى والي مايسوى عارف انه سمعتك زفت.... اسمع كلامي يوصلك ويتعداك ماتجلس في بيتي دام انك ماشي هالشله وولاا بعد ترجع البيت الساعه خمس الفجر بيتي يتعذرك الحين اكل لقمتك وبعدها مع السلامه باللي مايحفظك
جاسر بضيقة من كلام ابوه بعد يدعي عليه يارب هم مايعرفون شي لو يعرفون ماسووا كذا ...قام من على السفره : ان شاءالله يبة الحمدلله شبعت الحين بطلع من البيت
ام جاسر تبي : ليه ي بوجاسر خلي ولدي لاتطرده من البيت حررام عليك وش سووه هو؟؟
جاسر يبوس راس أمها: يمه لاتبكين انا بطلع احسن لي ولكم ان شاءالله اجي ازوك كل يوم اذا سمحت لي ظروفي



 
 

 

عرض البوم صور الاسطوريه الهلاليه   رد مع اقتباس
قديم 07-10-17, 03:53 PM   المشاركة رقم: 34
المعلومات
الكاتب:
اللقب:

البيانات
التسجيل: Oct 2013
العضوية: 260387
المشاركات: 54
الجنس أنثى
معدل التقييم: الاسطوريه الهلاليه عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
الاسطوريه الهلاليه غير متواجد حالياً
وسائل الإتصال:

كاتب الموضوع : الاسطوريه الهلاليه المنتدى : المنتدى العام للقصص والروايات
افتراضي رد: انا بطبعي الوفاء بس في الحب خوان

 

ابووجاسر بحده : لا لاتجي تبغى تشوفها شوفها برا بيتي يتعذرك
وفاء وهند يبكوون بصمت مايقدرون يقولون شي
جاسر طلع من البيت مقهور والله لو تدري يبه انا وش جالس اسوي ماطردتني بس يمكن فيها خير لي
=============================
بعد الغداء شياب والشباب جلسوو يتقهوون
حمد قام خذ معه كوب شاي ...ابونواف :على وين ي حمد ؟؟
حمد بهدوء : أي يبه بروح العب بلاستيشن
ابونواف : حتى هنا تبغى تلعب بلاستيشن راح اقراء لك كتاب مفيد ولا اجلس معنا مو كل وقتك بلاستيشن
أبو ياسر : خله ي بونواف ع راحته ... هو جاي هنا يستانس
حمد راح باس راس عمه: فديتك ي عمي انت الي حاس فيني
ابونواف : خلني بس امسكك ي حمد اعلمك كيف احس فيك
حمد حط رجوله وانحاش يبغى يفتك من حنة ابوه هههه متجه لصاله الكبيره اللي فيها العاب
ههههههههههههههه كلهم يضحكون ع حمد
نواف : يبه عمي عن اذنكم ابونواف بسخريه : وانت بعد تبغى تلعب سوني
نواف يبتسم ع كلام ابوه: لا يبه تعرف تغدينا خلاص دخنا بروح اريح لي اشوي
ياسر: وانا بعد عن اذنكم
ابوياسر : اذنكم معكم خلهم عنك بس وهم صادقين اذا تغديت ودك تتمدد ... وانا بعد بروح اريح
ابونواف يضحكك : عادوك العيال ابوياسر يقوم : أي والله
خالد جالس معهم بس ماسك جواله( فهد رسل له هلا خالد احتمال كبير اجي اليوم يمكن ع الساعه 6 المغرب لازم تكون في المطار سامع بس لاحد يدري بوصولي)
ماباقي الا خالد وعمه
ابونواف صب له فنجان قهوة : الا اقول خالد
خالد رفع راسه توه ينتبه ان العيال واخوه وابوه موهينا : هلا عمي امرني.... الا بغيت اسالك عمي وين العيال وابوي
ابونواف يبتسم : الله يهديك انت مشغول بجوالك اكيد ماراح تنتبه لخروجهم
خالد انحرج من عمه : اسف ما انتبهت الا ي عمي وش بغيت مني
ابونواف يعدل جلسته : اسمع انت صحيح تبغى بنتي مي ليش ماجيت قلت لي وانا ماراح اردك وانت تبشر ي خالد
خالد كأنه انكب عليه مويه باردة(هذي المفاجاة الي جهزتها لي جدتي ) توهق وش يقوله ما ابغاها ياربي : من قال لك ي عمي أصلا لي الشرف اني اخطب بنتكك
ابونواف ابتسم : جدتك هي الي قالت لي وانا عمكك وبنتي اذ تبغاها هي لك انا ما بغيت أتكلم قدام ابوك واخوك واخوانها علشان ابغى اعرف رايك اذ ماتبغى قولي وانا معك ماحد راح يغصبك على شي
خالد (والله اني توهقت وش أقول؟؟ أقول بنتك أصلا من يبغاها انا ما اطيق هالمره.... اخطبها ياربي اكيد عمي بيزعل مني ): لا عمي أصلا لي الشرف اخذ بنتك بس انا كنت بخطبها بعد ما اخلص من دورتي ما دام جدتي فاتحتك بالموضوع ان شاءالله يصيرخير وانت وش رايك يا عمي (مادري ليه قلت كذا المفروض ارفض)
ابونواف : خذ راحتكك ....بنتي اذا هي لك بتاخذها انا قلت لك اشتري نسبك لو بفلوس
خالد قام باس راس عمه : ماعليك زود ي عمي بعد اعطيني وقت اضبط اموري
ابونواف قام : اخذ الوقت الي تبغاه... هي لك
خالد بضيقه : ان شاءالله ... عن اذنك بروح اتمشى شوي برا
ابونواف: اذنكك معك
=============================
عامر
جلس متضايق بعد ماكلمته سعاد الصباح ياربي انا مادري ويش اسوي مع هالبنت ماتفهم اني احبها تحسبني العب عليها والله انها جالسه تجرحني وتهيني وانا ساكت مو خايف منها انا احبها اموووت فيها بس هي موفاهمه والله اني متضايق اذا تضايقت معدتي تالمني حتى الغداء سدت نفسي عنه ياخوفي ي عامر انها تحب غيرك اذبحها واذبحه معها هي لي انا ادري انانيه مني بس ماابغى تحب غيري انا مرة سمعت انها يوم خطبتها خطبها قبلي مازن بس تقول اختي منيرة انها وافقت ع مازن ورفضتني والله اذبحها... انت جالس تقص ع نفسكك تذبحها انت تخاف عليها من ابره شلون تذبحها يارب سعاد تحبني مثل ما انا احبها
=============================
خالد
طلع يتمشى وهو مقهور من جدته شلون تسوي كذا انا مااحبها ام كشه مقهور اكثر انها حاطة في هالموقف الصعب قدام عمه وده يصارخ بااعلى صوته ماابغاها مااحبها مو ع كيفها جدتي الحين ودي اعطيها خبر اني ماابغاها مسك جوالها دق ع جدته ردت عليه بسرعه
ام عبدالرحمن لانه عارفها انه بيتصل عليها بس تسوي حالها مستغربه: هلا خالد وش عندك متصل؟؟
خالد بضيق يبغى يكلمها وجه لوجه: جدتي جنبك احد ابغى اجي عندك
ام عبدالرحمن بصدق : جنبي بنتي بس لابسه عبايتها تعال.... مي بققت عيونها وش عندها جدتها (مي ماجاها النوم كلش شافت في ولمياء وأمها ام ياسر كلهم نامو الا جدتها جالسه قلت اجلس معها انزلت عند جدتها )
خالد بفرح علشان يقهرها زي ماهو مقهور: زين الحين انا عند باب الصاله بدخل احم احم جدتي ادخل بخطوات واسعه
مي توها بتقوم بس جدتها قالت لها اجلسي انا ابغاك تجلسين (لالا جدتي عندها شي وش الله العالم) تعدل جلستها
ام عبدالرحمن : ادخل ي وليدي
خالد دخل حط عينه بعيونها توتر وشلون اكلم جدتي الحين مي هنا ....مي بعدت عيونها عن عيونه هي بعد توتر اكثر
خالد جلس مقابل جدته مي جنبها معصبه مسك سبحته من التوتر جلس يلعب فيها : جدتي ليه سويتي كذا من قال لك اني ابغى مي يلا طلعيني من هالمشكله وهقتيني مع عمي
مي مستغربه وش السالفه وش دخلني انا في الموضوع
ام عبدالرحمن جالسه ع الأرض:تكلم معي بادب ي ولد وش فيها مي ان شاءالله علشان ترفضها اها
مي فهمت يعني جدتي خطبتني ل خالد ليش ي جدتي كذا انتي مسحتي كرامتي في الأرض
خالد بضيقه يبغى يستفز مي : جدتي انتي خليتي فيني عقل انا تبغين اخذ هاذي يشار عليها بغرور روحي ي جدتي وقول ل عمي اني ماابغاها خير شر
مي من القهر انه جالس يهينها ويمسح في كرامتها بالأرض وجرحني اكثر انه رفضني قدام جدتي
: انا الي ميته عليك أصلا انا مابغاك وع وع وع من انت أصلا من يبغاك مغرور مادري وش عليه شايف نفسك
خالد ارتاح انها انقهرت وضح من صوتها انه من القهر حط رجله ع رجله الثانيه : أقول طسي عني ولا اقوم عليك الحين اعلمك كيف تتكلمين كذا
مي تقهره مثل مايقهرها: من انت ها حيا لله خالد لا بعد ولد عمي ماتقدر تمسك شعره مني فاهم ولا لك حق علي تسمع
خالد انقهر من اسلوبها تكلمه كانه حشره عندها
ام عبدرالرحمن تقوم تمد العصاء ل خالد : يلا اشوف قوم كوفنوا بعض صدق انكم قليلين الحياء انا جدتكم ماحترمتوني
مي بضيقه وبهمس جدتها : انا اسفه عن اذنك يمه طلعت مقهور وتبكي ع نفسها الي كل مايشوفها خالد يتهاوش وياها
خالد بطفش من مسرحية مي: جدتي انا اسف اني رفعت صوتي بس الحين طلعيني من هالمشكله
ام عبدالرحمن بضيقة من كلام خالد عن مي: زين سويت كذا عجبكك ضيقتها بكلامك
خالد بدون اهتمام فرحان انه قهرها: خليها تولي عنك يلا ي جدتي وش راح تسوين في مشكلتي الحين
ام عبدالرحمن: احترم بنت عمك وانا قول وش فيها البنت كارهتك ....بذكاء وحكمه: مومشكله راح اطلعك منها بس اها مو تقولي بعدين جدتي ابغاها
خالد تضايق يوم قالت انه كرهته ما شاء الله عليك انت في شي حلو لك معها علشان تحبكك استغرب بعد من كلام جدته كان جالس ع الكنب نزل جالس جنبها ع الأرض:ليش ي جدتي تقول كذا في شي
ام عبدالرحمن تصب له قهوة وبخبث: لا ولا شي بس نايف ولد خالها يبغاها علشان كذا انا كلمت عمك ... خلاص صح انت ماتبغاها خلاص بقول ل عمك ماتبغاها شكل يتهي لي انك تبغاها يلا خلاص ... طس عني
خالد حس بضيقه تخيلها مع نايف يمووت ولاتكون مع احد غيرها كيف بتهوش وياها يناقض نفسه: لالالا جدتي وش تأخذ ولد خالها ماعندنا بنات ياخذون برا عيال عمهم
ام عبدالرحمن : لا ع كيفك انت تحلل وتحرم ترى خالها كلم عمك وقال عمك اذا في احد من عيال عمها يبغاها راح اعطيك خبر اذا مافي حياكم الله
خالد يحس حاله مخنوق : وش حياكم الله خلاص ي جدتي انا ابغاها بس ها عطيني مهله افكر طلع من الصاله بسرعه مثل مادخل
ام عبدالرحمن : الحمدلله تمت المهمه هههههه (حركات ي جده) ...انا ادري انك تحبها الا ميت عليها مهبوول هالخالد هههه
=============================
لمياء
طلعت برا تتمشى بعد ماصلت العصر جلست ع المرجيحه الي فيها اربع تكلم جواهر : تصدقين ي لمياء اخوي نادر شاف ناصر في المستشفى
لمياء :يالله ي جواهر انا أحاول انساه وانتي تذكريني فيه
جواهر بقصد : انتي أصلا متى نسيتي شوفي نفسك لما تجلسين معنا تحاولين انك تجارين بس انتي دوم سرحانه من تقصين عليه اها علي انا فاهمتك عدل
لمياء دموع مقهوره : خلاص ي جواهر اسكتي
جوواهر : لا مو ساكته بتكلم بقول خلاص انسي نادر يقول انه جاي عنده المستشفى معه بنت صغيره بكذبه زوجته
لمياء طارت عيونها: كيف جاته بنت وهو طلقني من 3 شهور الحين له 3 شهور ماتزوج انتي جالس تكذبين علي
جواهر : انا ماقلت لك بنتها قلت لك معه بنت صغيره يمكن تقرب لزوجته
لمياء بضيقه لانه طرت لها زوجته: خلاص ي جواهر تكفين سكري ع الموضوع
جواهر : طيب راح اسكر ع هالموضوع بس انتي ليه تخاصمين أخوك ياسر علشان رجل لا راح ولاجاء
لمياء تتنهد : وش اسوي كم مرة حاولت ادخل غرفته واعتذر بس اتراجع
جواهر :لاتقولين حاولتي روحي له أستسمحي منه ترى ماينفعك الاأخوك سامعه لازواج ولاغيرها فاهمه
لمياء : طيب ان شاءالله راح اعتذر منه
جواهر: أي خليك كذا لمياء اللي ماتزعل من احد
=============================
ناصر
كان يتمشى بسياره وشاف نفسه قريب من بيت خالته
أشتقت لنور خليني انزل عند خالتي ومنها اشوف نور


 
 

 

عرض البوم صور الاسطوريه الهلاليه   رد مع اقتباس
قديم 07-10-17, 03:55 PM   المشاركة رقم: 35
المعلومات
الكاتب:
اللقب:

البيانات
التسجيل: Oct 2013
العضوية: 260387
المشاركات: 54
الجنس أنثى
معدل التقييم: الاسطوريه الهلاليه عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
الاسطوريه الهلاليه غير متواجد حالياً
وسائل الإتصال:

كاتب الموضوع : الاسطوريه الهلاليه المنتدى : المنتدى العام للقصص والروايات
افتراضي رد: انا بطبعي الوفاء بس في الحب خوان

 

نزل من السياره وراح لبقاله قريبه من بيت خالته وشراء لنور شوكلاته وشيبس وعصير واللعاب لها
ناصر يتصل ع خالته يتاكد كان في البيت ولالأ
ام فارس تبتسم وبمزحه : ي هلا وغلا وش عنده ناصر متصل علي ... وراك شي هاأعترف هههه
ناصر منحرج انه دايم قاطع ل خالته: هلا خالتي والله انتي دوم في البال ..والله مشتاق لك ول نور انتي في البيت ولا لا اذا في البيت بجيك الحين ماقال لها انه قريب منها يمكن تكون طالعه وترجع بسرعه علشانه
ام فارس : لا والله جالسه في البيت حياك الله
ناصر : الله يحييك يلاجايك الحين
ام فارس راحت المطبخ تطلب من الخدامه تجهز القهوة وشاي والعصير والماء البارد
الخدامه : زين ماما
ام فارس سمعت الجرس يضرب طلعت له تفتح الباب
فتحت له : ي هلا ياحيا الله من جانا توى ماتنور البيت
ناصر بابتسامه يبوس راس خالته ويدينها: الله يحييك ياخالتي انتي شلونك وشلون العيال عساهم تمام ان شاءالله
ام فارس : الحمدلله كلهم بخير تفضل ادخل المجلس بروح اجيب القهوة وأجي
ناصر يمد لها الكيس : هذا حق نور الا نور وينها نايمه
ام فارس: الله يخلي نور اللي جابتك لنا ....بعدين ليش تكلف ع نفسكك
ناصر : هههههههه لاوالله جاي اشوفك واشوفها بعد لاكلافه ولاشي .. تستاهل نور
ام فارس: زين .. انتظرني بجيك الحين
ناصر: طيب.... دخل المجلس وشغل الانوارو شغل التكييف
ام فارس رجعت بلقهوة وحطته ع طاوله : ي حيا الله ناصر تصدق فرحانه فيك بلحيل
مجلسهم جلسه ارضيه فيها طاوله خدمه بس الرجول متوسطه طول ناصر جالس مقابل خالته : الله يحيك ي خاله وانا بعد فرحان فيك
ام فارس تصب له القهوه وتمد الفنجان تقرب منه الحلا ورطب: تفضل أي نور طلعت مع خالها سامي
ناصر : زاد فضلك ... اها زين انه تطلع تستانس
الا خالتي وين ابوها وامها عنها
ام فارس بضيقه : أمها موجود بس ابوها طلق أمها
ناصر تضايق لانه ذكرته بسالفته مع لمياء : أي الله يعينها ان شاءالله بس ي خاله يعني معليه تقولين لي السبب ؟؟
ام فارس : أي عادي مومشكله بقولك سبب طلاقها لانه شاف وحده وعجبته قال لها بتزوجها وقالت له بنتي عادي تزوجها بس ابغى تطلقني واخذ بنتي
ناصر كانه الخالة تقوله سالفتة مع لمياء بس مع اختلاف بسيط..
=============================
ياسمين ام نور
جلست من النوم ماحصلت نورلانها نامت معها
خافت وينها بنتي قامت غسلت وجهها بعدها .. طلعت تدورها راحت الصاله ماحصلتها فوق لا في الغرف خوالها يمه وين بنتي ليكوون اخذها ابوها والله لاسوي له فضحيه لالالالا ان شاءالله ماأخذها .... أي صح يمكن في المجلس اللي برا راحت تركض أدخلت المجلس مانتبهت لناصر تكلم امها كانت في حالة نفسيه سيئه جدا لابس بجامة نوم اكمامها طويله وسيعه ضايعه في هالبجامة وخايفه ع بنتها: يمه وينها نور يمه تكفين ليكون يوسف اخذها يمه تكفين
ناصر جالس يسولف مع خالته ويضحك معها ينسى حزنها ع بنتها ..... الا تدخل وحده كانه جايه تركض ووراها احد ... سرح فيها كانه يشوف حبيبته لمياء تشبهه بس اختلاف بسيط بينها وبين لمياء هذي شعرها قصير الى اكتوفها لمياء شعرها طويل وهذي سمراء لمياء بيضاء هذي جمييله بلحييل يعني زوجه من سابع المستحيلات يفرط فيها لمياء جميله بس متوسطة الجمال
ام فارس تهدي : ي ياسمين بنتك عند خالها شوفي رجال اللي جالس هنا تاشر على ناصر
ياسمين توها تنتبه له طلعت بسرعه من الاحراج يالله المفروض مادخلت كذا وش يقول عني.... اوووف ماعلي منه الحين اهم شي بنتي بخير
ام فارس بأحراج من بنتها : معليه ي ولدي تعرف قلب الام
ناصر يبتسم لخالته يبعد عنها الاحراج: ماصارشي ي خالتي وتصير في احسن العائلات
=============================
خالد طلع من المزرعه
متوجهه الى المطار بيروح يجيب فهد لانه بيوصل بعد ساعتين لازم يمشي الحين طلع من المزرعه وهو شايل هموم دنيا ع راسه ليه قلت لجدتي هالكلام خليتها تولي في قلعة وادرين تأخذ اللي اسمه نايف ركب السياره ضرب الدركسون بيده بقوه غبي جدتي العبتها صح معي قدرت توقعني في شباكها شغل السياره علشان تسخن ورجوله برا السياره حاط راسه ع دركسون والله لوبيدي راح أخذت مي وعطيتها ذاك الكف ع وجهها وبكل وقاحه تقولي انت حيا الله ولد عمي اخ يالقهر الحين وش بتسوي ماأدري وموعارف وش اسووي احس اني بمووت من القهر وبعدين نشوف ي جدتي وش ناويه عليه دخل الرجوله سكر الباب حرك سيارة مبتعد من المزرعه
ي الله بس الله يسهل ان شاءالله معليه ماردها بتطيح في يدي ..... خليني اللحق ع فهيدان مشتاق له والله اني مبسوط وزعلان في نفس الوقت كيف تجي ذي ماادري هههههه
=============================
مي وفي ولمياء يتمشون في المزرعه بيروحون يلعبون ملعب صابوني
في :صدق مي راح تجي لمار وبدريه
مي : أي قالت لي ... بس مايندرى عن زوجها
لمياء تشوف مي حزينه حتى انه شوي وتبكي : مي ابغى اسالك انتي فيك شي احد ماضايقك
مي دموعها نزلت : لا ولاشي بس شوي متضايقة بعد ماجاني النوم
في شافت دمووع مي وقفت راحت تحضنها: حبيبتي من مضايقك انتي بس قوولي لي واوريك فيه
مي : لا ولاشي بس امي هاوشتني علشان احنا صباح كنا نركض
لمياء:ههههههه أي ماصدقتكم انكم بتسوونها خبلان انتو كانكم مجانين وانتم تركضون
في : عيشي حياتك سوي اللي تبغينه ولا عليك من احد زين
مي تضحكك : انتي مجنونه الله يعين خالتي توي اسمعها تتحلطم عليك
في تتنهد : وش اسوي اذا انا كذا جوي
لمياء : ي بنت اعقلي والله انها جدتي ناويه عليك
لمار عمرها 6 سنوات جات تركض وهي تضحك تصرخ : خالتو مي
مي انتبهت لصوت لمار شافتها جايه تركض جلست ع ركبتها لمار رمت نفسها في حضن خالتها : هلا وغلا بالاموره لمار كيفك ماما طيبه ... ماما جات ..في ولمياء واقفين علشان لمار
لمار ابتسمت : أي ماما جات
مي : حبيتي سلمي ع خالتي في ولمياء ... لمار تمشي بخجل وتسلم عليها
لمياء تحضنها: فديتك ي حياتي تدرين اني اموووت فيك
في تاخذها من حضن لمياء وتشيلها وتبوسها ع خدودها وتركض فيها : ي زينها ي ناس .......يالله اللي يوصل قبل خلكم قاعدين مكانكم صح حبيبتي لمار راح نفوز عليهم
لمار تضحككك :أي
مي ولمياء يركضون يبغون يفوزون ع في ههههه
في شافتهم جايين يركضون تحاول تسرع تمسك في لمار بقوه علشان ماتطيح
=============================
في مطار
خالد وصل يقعد يدور فهد من بوابات الوصلين
شاف فهد يدخل ومعه عربه شايل فيه أغراض لابس بنطلون اسود و بلوزه بيضاء مسوي لحيتة ديرتي
خالد ياشر بيده : هنا فهد
فهد شاف خالد وابتسم راح يسلم عليه بحب خشوم وحضنه مانزل السعوديه من سافر فهد : اشتقت لك بلحيل يالغلا شلونك وشلون الاهل وجدتي مابغيت اجي السعوديه يالله ي خالد
خالد يحضنه بقووه : حتى انا أشتقت لك بقوه يالغالي شلونك وشلون الشهاده معك عساك زين
فهد وهويمسك بيد خالد يضغط عليها بقوه: الحمدلله بشوفتك ي الغالي صرت زين
خالد : فهد كانك متغير بروح اشتكي ع فرنسا بدلت ولدنا صار يشتاق لي و ي الغالي وين البرود راح
فهد يضحك : اصبر انت بس خليني اتعود ع اجواء السعوديه ويرجع لي برودي
خالد وفهد يطلعون من المطار.. خالد هههه : أي كذا صدقت انك ولدنا ..غيرتك فرنسا
فهد :هههههههه
=============================
ام عبدالرحمن جالسه برا الفله تقول الجو زين
حوالينها عيالها ياسر ونواف وصقر اما حمد يلعب بلاستيشن أبو نواف وأبو ياسرو قبالهم القهوة وشاي
ام عبدالرحمن تتفقد حمد وخالد : الا وين حمد وخالد ماأشوفهم
نواف : حمد يلعب في بلاستيشن ام خالد ماادري عنه ماشفته
أبو ياسر انزعج من تصرفات ولده كله ينحاش مايجلس معهم : الا ياسر ماعطاك خبر خالد انه بيطلع
ياسر : أي يبه قالي بس ماقال وين بيروح بضبط قال بيرجع ماراح يتاخر ... الاجدتي ليكون فتحتي له بموضوع الزواج اذا كلمتيه بهالموضوع اكيد بينحاش
ام عبدالرحمن بدهاء: لا لاخلاص خلصنا من خالد باقي دورعليكم انتوا
ابونواف فهم عليها ويتكلم بالالغاز : وش قال لك بضبط
ام عبدالرحمن : قال عطيني وقت ارتب اموري
ابونواف فرح انه خالد يبغى بنتها : زين الحمدلله اجل اكلم خالها وأقول له خلاص
ام عبدالرحمن : أيه اكلمه وأقول له خلاص مافيه نصيب
الكل مستغرب؟؟ وش عنه تتكلم الجده و أبو نواف
أبو ياسر : يمه وش سالفه
ام عبدالرحمن : بعدين اعلمك انت اصبر علي لين اخلص من هالموضوع وأعلمك وش سالفه
أبو ياسر : ان شاءالله ع خير متى مابغيتيني انا عندك
ام عبدالرحمن : ان شاءالله قريب اقولك ....اسمعو ي عيال الحين باقي نواف و ياسر انا بدور لهم ع البنات لهم
ياسر توهق: تو ناس ي جدتي ... بهمس لنواف جالس جنبه .... حولت علينا لانه خالد موهينا
نواف :ههههههههه أي والله انها الوهقه تصدق احسده ع نحشه
ياسر يضحككككك ههههههه
صقرعارف انه اللي يحبها ماهي من نصيبه : جدتي خليهم يولون عنك زوجيني انا بس
ام عبدالرحمن : انت خلص من دراستك أول وبعدين فكر تتزوج صقر:ليش ياجده هالتحطيم... ام عبدالرحمن مطنشته
نواف : يالله لقط وجهك الحين هههههههه
ياسر : ي جدتي تكفين اجلي هالموضوع شوي
ام عبدالرحمن : ان شاءالله راح أأجله
===========================
عند بوابة العامل فتح بوابه الكراج سيارات خالد
المزراعه
العامل : هلا يابني ي خالد أزيك عامل ايه ..... انتبه انه معه احد أي اده معك سي فهد الحمدلله ع سلامه ي باشا ازيك وأزي الدراس معك واللهي وأحشنا اوي
فهد يبتسم له : الحمدلله حتى انت أشتقت لك ي باشا مهندس مصطفى
خالد : أقول بس لايكثر انت وياه ... المهم ابوي وعمي وجدتي والعيال وين
مصطفى : بص كلهم جلسين عند الحجه ام عبدالرحمن في جلسه اللي برا
خالد يقلد مصطفى: متشكر اوي ي مصطفي حرك بسيارة متجهه للجلسه اللي هم فيها... ها فهد مستعد
فهد بحنين لجدته ولخواله وعيال خواله : أي بقوه
خالد : اسمع انا بنزل اول زين ... بعدين لما اعطيكك رنه اطلع اوكي زين سياره مضلله
فهد : خلاص مومشكله ... وصل عند الجلسه ونزل
شاف ابوه بحده: وين كنت ي خالد وانا كم مرة اقولك اذا كنا طالعين في جمعه مع العائله ماتطلع
خالد يمشي بهدوء بخطوات واثقة يبوس راس ابوه : اسف اخر مره ... جدتي وش تتمنين هالحظة


 
 

 

عرض البوم صور الاسطوريه الهلاليه   رد مع اقتباس
إضافة رد

مواقع النشر (المفضلة)

الكلمات الدلالية (Tags)
انا بطبعي الوفاء بس في الحب خوان
facebook



جديد مواضيع قسم المنتدى العام للقصص والروايات
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


LinkBacks (?)
LinkBack to this Thread: https://www.liilas.com/vb3/t205179.html
أرسلت بواسطة For Type التاريخ
Untitled document This thread Refback 28-09-17 04:36 PM


الساعة الآن 01:19 AM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية